បុរសម្នាក់ បើករថយន្ត BMW បោះពួយយ៉ាងលឿន ជ្រុលចង្កូតទៅបុកបង្គោលភ្លើងថ្មមួយដើម បង្កការភ្ញាក់ផ្អើល នៅភ្នំពេញ

ភ្នំពេញ៖ ហេតុការណ៍នេះបានកើតឡើងកាលពីថ្ងៃទី២១ ខែសីហា ឆ្នាំ២០១៨ ស្ថិតនៅចំណុចមុខក្រុមហ៊ុន KANSIA PAINT តាមបណ្តោយផ្លូវសហព័ន្ធរុស្ស៊ី កែងនិងផ្លូវ១០៩ ក្នុងសង្កាត់មនោរម្យ ខណ្ឌ៧មករា រាជធានីភ្នំពេញ។

មុនពេលកើតហេតុ គេឃើញបុរសម្នាក់បើករថយន្តស៊េរីទំនើបមួយគ្រឿងម៉ាក BMW 528 I ពណ៌ស គ្នានស្លាកលេខ តាមបណ្តោយផ្លូវសហព័ន្ធរុស្ស៊ីទិសដៅពីលិចទៅកើតបោះពួយយ៉ាងលឿន លុះមកដល់ចំណុចកើតហេតុខាងលើ បានរេចង្កូតមកស្តាំជ្រុលទៅបុកបង្គោលភ្លើងថ្មមួយដើមពេញទំហឹង បណ្តាលឲ្យបង្គោលភ្លើងរងការខូចខាតតិចតួច ចំណែករថយន្តខ្ទេចមួយកំណាត់មុខ បន្តដំណើរលែងរួច សំណាងមិនបង្កឲ្យមានអ្នករងរបួស។ ម្ចាស់រថយន្តបង្កបានឡើងជិះរថយន្តមិត្តភក្តិមួយគ្រឿងទៀតចេញពីកន្លែងកើតហេតុបាត់។

ចំណែករថយន្តបង្ក សមត្ថកិច្ចជំនាញធ្វើការវាស់វែងយករថយន្តទៅរក្សាទុកនៅការិយាល័យចរាចរណ៍ផ្លូវគោករាជធានីភ្នំពេញ រង់ចាំម្ចាស់ចូលខ្លួនមកដោះស្រាយ៕

ប្រភព៖ FB

ផ្អើលទាំងព្រឹក នៅខណ្ឌឫស្សីកែវ ប៉ូលីសអន្តោប្រវេសន៍ ចាប់ឃាត់ខ្លួនវៀតណាមស្នាក់នៅខុសច្បាប់

(ភ្នំពេញ) នៅវេលាម៉ោង៦និង៣០នាទីព្រឹក ថ្ងៃទី២១ ខែសីហា ឆ្នាំ២០១៨នេះ នគរបាលការិយាល័យស៊ើបអង្កេតនិងអនុវត្តនីតិវិធី នៃស្នងការដ្ឋាននគរបាលរាជធានីភ្នំពេញ ឃាត់ខ្លួនជនជាតិវៀតណាម៧នាក់ ដែលរស់នៅនិងប្រកបមុខរបរដោយខុសច្បាប់នៅកម្ពុជា។

ការឃាត់ខ្លួននេះ ធ្វើឡើងដោយលោកវរសេនីយ៍ទោ ជា ចិត្រា ជានាយការិយាល័យ និងកម្លាំងសមត្ថកិច្ចមូលដ្ឋានខណ្ឌឫស្សីកែវ ដឹកនាំដោយលោក សៀង សុខ ព្រះរាជអាជ្ញារងនៃអយ្យការអមសាលាដំបូងរាជធានីភ្នំពេញ។

ការចុះត្រួតពិនិត្យ ជនជាតិវៀតណាម ដែលឆ្លងដែន និងធ្វើការខុសច្បាប់ស្ថិតនៅ តាមបណ្ដោយផ្លូវជាតិលេខ៥ សង្កាត់ច្រាំងចំរេះ និងសង្កាត់ស្វាយប៉ាក ខណ្ឌឬស្សីកែវ ជាលទ្ធផល ពិនិត្យឃើញមាន ជនជាតិវៀតណាមសរុបចំនួន០៧នាក់ ស្រីពីរនាក់ប្រើប្រាស់ឯកសារមិនត្រឹមត្រូវ ត្រូវបានឃាត់ខ្លួនបញ្ជូនទៅអគ្គនាយកដ្ឋានអន្តោប្រវេសន៍ដើម្បីអនុវត្តនីតិវិធីបន្តនៃច្បាប់៕ប្រភពFB

រថយន្តកុងតឺន័រមួយគ្រឿងរេចង្កូតបុកបង្កាន់ដៃស្ពាននិងម៉ូតូក្មេងស្ទូចត្រីធ្លាក់ចូលទន្លេវ៉ៃគោ តៃកុងឡានមិនមានរបួស ប៉ូលីសចាប់វ៉ៃខ្នោះ

ខេត្តស្វាយរៀង៖ករណីនេះបានកើតឡើងកាលវេលាម៉ោង៤:២៥នាទីថ្ងៃទី២០ខែសីហាឆ្នាំ២០១៨នៅលើផ្លូវជាតិលេខ១ត្រង់ចំណុចក្បាលស្ពានហាយវ៉េខាងកើតស្ថិតក្នុងភូមិ បាក់រនាស់ សង្កាត់ សង្ឃ័រ ក្រុង ស្វាយរៀង ខេត្តស្វាយរៀង។

តាមក្មេងប្រុសជាម្ចាស់ម៉ូតូូដែលអង្គុយស្ទួចត្រីនៅក្បែរកន្លែងកើតហេតុបានអោយដឹងថារូបគេមានឈ្មោះ សំ មន្ថារចនា អាយុ ១៥ឆ្នាំ មានទីលំនៅភូមិ វាលយន្ត សង្កាត់/ក្រុង ខេត្ត ស្វាយរៀង ដោយបានបញ្ជាក់ថា នៅមុនពេលកើតហេតុរូបគេនិងមិត្តភ័ក្តបានមកស្ទូចត្រីនៅក្រោមស្ពានហាយវ៉េ ចំណែកម៉ូតូបញ្ឈរទុកអែបចិញ្ចើមថ្នល់ ស្រាប់តែមានរថយន្តកុងទីន័រមួយគ្រឿងបើកបរយ៉ាងលឿនពីទិសខាងកើតមកលិច។

លុះមកដល់ចំណុចភូមិឃុំកើតហេតុខាងលើស្រាប់តែរេចង្កូតមកខាងឆ្វេងដៃបុករះបង្កាន់ដៃស្ពានជាង២០ម៉ែត្ររាបដល់ដីនិងោបន្តបុកម៉ូតូដែលបញ្ឈរទុកអូសធ្លាក់ចូលក្នុងទឹកទន្លេវ៉ៃគោជាមួយតែម្តង។

ក្រោយពីបង្កហេតុរួចមក គេឃើញបុរសម្នាក់បានវាចេញតាមកញ្ចក់រថយន្តហែលទឹកឡើងលើគោក និងជិះម៉ូតូឌុបចេញទៅទិសខាងលិចបំរុងហៅរថយន្តតាក់សុីជិះគេចខ្លួន តែត្រូវបានសមត្ថកិច្ចតាមទាន់ឃាត់ខ្លួនមកកាន់ការិយាល័យចរាចរណ៍ផ្លូវគោកនៃស្នងការដ្ឋានគនរបាលខេត្តស្វាយរៀង៕

ប្រភព៖ FB

ម៉ូតូ ៣គ្រឿងបុកបន្តកន្ទុយគ្នាបណ្ដាលឲ្យ….

(កណ្តាល) គ្រោះថ្នាក់ចរាចរណ៍ម៉ូតូ៣គ្រឿងបុកបន្តគ្នាបណ្តាលឲ្យរងរបួសធ្ងន់ស្រ្តីចំនួន២នាក់ និងរបួសស្រាលបុរស១នាក់ កើតហេតុនៅថ្ងៃចន្ទ ៩កើត ខែស្រាពណ៌ ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី២០ ខែសីហា ឆ្នាំ២០១៨ វេលាម៉ោង ០៦និង៣០នាទី នៅចំណុចខាងមុខដេប៉ូលក់គ្រឿងសំណង់ យីហោ នាង ស្រីមុំ លើផ្លូវជាតិលេខ២១ ភូមិព្រែកសំរោង៣ សង្កាត់តាខ្មៅ ក្រុងតាខ្មៅ ខេត្តកណ្តាល។

នគរបាលក្រុងតាខ្មៅបានឲ្យដឹងថា គ្រោះថ្នាក់ចរាចរណ៍ខាងលើបង្កឡើងដោយម៉ូតូមួយគ្រឿងម៉ាក HONDA DREAM C125 ពណ៌ខ្មៅ ពាក់ផ្លាកលេខ កណ្តាល1N.6687(មិនពាក់មួកសុវត្ថិភាព) អ្នកបើកបរដោយបុរស១នាក់ មិនទាន់ស្គាល់អត្តសញ្ញាណ រងរបួសស្រាល ទៅមន្ទីរពេទ្យដោយខ្លួនឯង បើកបរក្នុងទិសដៅពីជើងទៅត្បូងរួចបើកឆ្លងផ្លូវទៅលិច ក៏បានបុកជាមួយម៉ូតូមួយគ្រឿងម៉ាក HONDA DREAM C125 ពណ៌ខ្មៅ ពាក់ផ្លាកលេខ កណ្តាល1K.0275(មិនពាក់មួកសុវត្ថិភាព) បើកបរក្នុងទិសដៅពីត្បូងមកជើង ។

អ្នកបើកបរឈ្មោះ សាត ស្រីទូច ភេទស្រី អាយុ២៩ឆ្នាំ នៅភូមិព្រែកសំរោង២ សង្កាត់-ក្រុងតាខ្មៅ បណ្តាលឲ្យរងរបួសធ្ងន់ត្រូវបានរថយន្តសង្គ្រោះស្នងការដ្ឋាននគរបាលខេត្តកណ្តាល ដឹកទៅសង្រ្គោះនៅមន្ទីរពេទ្យជ័យជំនះ ។

បន្ទាប់មកម៉ូតូបង្កហេតុខាងលើ បានខ្ទាតទៅបុកម៉ូតូមួយគ្រឿងផ្សេងទៀតម៉ាកCHALY ពណ៌ស ពាក់ផ្លាកលេខ ប.4060ភ.ព1 (មិនពាក់មួកសុវត្ថិភាព) បើកបរក្នុងទិសដៅពីត្បូងមកជើង អ្នកបើកបរឈ្មោះ ជឹម ស្រីមុំ ភេទស្រី អាយុ៣៤ឆ្នាំ រស់នៅភូមិស្វាយរលំ ឃុំស្វាយរលំ ស្រុកស្អាង ខេត្តកណ្តាល បណ្តាលឲ្យរងរបួសធ្ងន់ត្រូវបានក្រុមគ្រួសារដឹកទៅព្យាបាលគ្លីនិកសុខលាភមេត្រី។ ក្រោយពីកើតហេតុកម្លាំងជំនាញបានធ្វើកំណត់វាស់វែងទីកន្លែងកើតហេតុ និងដកហូតយកមធ្យោបាយដែលពាក់ព័ន្ធ ទៅរក្សាទុកបណ្ដោះអាសន្ននៅអធិការដ្ឋាននគរបាលក្រុងតាខ្មៅដើម្បីចាត់ការតាមនីតិវិធី។

តាមការសន្និដ្ឋានពីសមត្ថកិច្ចជំនាញ ករណីនេះបង្កឡើងដោយអ្នកបើកបរម៉ូតូ HONDA DREAM125 ពាក់ផ្លាកលេខ កណ្តាល1N.6687 បើកម៉ូតូមិនគោរពសិទ្ធិអាទិភាព និងខ្វះការប្រុងប្រយ័ត្ន៕ប្រភពFB

ឃាត់ខ្លួនបានជនសង្ស័យចំនួន ០៣ នាក់ នៅចំណុចក្នុងមជ្ឈមណ្ឌលកោះពេជ្រ សង្កាត់ទន្លេបាសាក់ ខណ្ឌចំការមន រាជធានីភ្នំពេញ ពាក់ពន្ធ័ប្រព្រឹត្តបទល្មើស អំពើលួចមានស្ថានទម្ងន់ទោស(ឆក់ទ្រព្យសម្បត្តិ) ចំនួន ០៤ ករណី

ការិយាល័យនគរបាលព្រហ្មទណ្ឌកំរិតស្រាលរាជធានីភ្នំពេញ កាលពីថ្ងៃទី ១៧ ខែ សីហា ឆ្នាំ ២០១៨ វេលាម៉ោង ១៦ និង ៥០ នាទី កម្លាំងជំនាញរបស់ការិយាល័យនគរបាលព្រហ្មទណ្ឌកំរិតស្រាលរាជធានីភ្នំពេញ ស្រាវជ្រាវឃាត់ខ្លួនបានជនសង្ស័យចំនួន ០៣ នាក់ នៅចំណុចក្នុងមជ្ឈមណ្ឌលកោះពេជ្រ សង្កាត់ទន្លេបាសាក់ ខណ្ឌចំការមន រាជធានីភ្នំពេញ ពាក់ពន្ធ័ប្រព្រឹត្តបទល្មើស អំពើលួចមានស្ថានទម្ងន់ទោស(ឆក់ទ្រព្យសម្បត្តិ) ចំនួន ០៤ ករណី និងចាប់យកវត្ថុតាងជាមធ្យោបាយធ្វើសកម្មភាព បញ្ជូនមកកាន់ការិយាល័យមានដូចខាងក្រោម ៖

ករណីទី១ ៖ អំពើលួចមានស្ថានទម្ងន់ទោស ( ឆក់ទូរស័ព្ទដៃម៉ាក IPhone6Plus ពណ៌ ខ្មៅ ) ប្រព្រឹត្តនៅចំណុចមុខផ្ទះលេខ២១៩ ផ្លូវលេខ៥១ កែងផ្លូវលេខ៣០៦ ភូមិ៧ សង្កាត់បឹងកេងកងទី១ ខណ្ឌចំការមន រាជធានីភ្នំពេញ កាលពីថ្ងៃទី ២៣ ខែ កក្កដា ឆ្នាំ២០១៨ វេលាម៉ោងប្រហែល ១៩ និង០០ នាទី ពីមនុស្សប្រុសមិនស្គាល់អត្តសញ្ញាណ ជនជាតិបារាំង កំពុងដើរ ។

ករណីទី២ ៖ អំពើលួចមានស្ថានទម្ងន់ទោស (ឆក់ទូរស័ព្ទដៃម៉ាក IPhone6 Plus ពណ៌ ខ្មៅ) ប្រព្រឹត្តនៅចំណុចក្រោយព្រះបរមរាជវាំង ផ្លូវលេខ១៨៤កែងផ្លូវលេខ១៩ ភូមិ៩ សង្កាត់ជ័យជំនះ ខណ្ឌដូនពេញ រាជធានីភ្នំពេញ កាលថ្ងៃទី១៥ ខែមេសា ឆ្នាំ២០១៨ វេលាម៉ោងប្រហែល១៩ និង០០ នាទី ។

ជនរងគ្រោះឈ្មោះ KIM SEONG HUN ភេទ ប្រុស អាយុ ៤០ ឆ្នាំ ជនជាតិ កូរ៉េ កាន់លិខិតឆ្លងដែនលេខM ៥៦៥០៩៤៣៨ មុខរបរ ទេសចរណ៍ ស្នាក់នៅផ្ទះសំណាក់ RS (G០១) សង្កាត់ជ័យជំនះ ខណ្ឌដូនពេញ រាជធានីភ្នំពេញ សម្ភារៈបាត់បង់ទូរស័ព្ទដៃម៉ាក IPhone6 Plus ពណ៌ ខ្មៅ

ករណីទី៣ ៖ អំពើលួចមានស្ថានទម្ងន់ទោស (ឆក់ទូរស័ព្ទដៃ) ប្រព្រឹត្តនៅចំណុចខាងលិចផ្សារបឹងកេងកង សង្កាត់បឹងកេងកងទី១ ខណ្ឌចំការមន រាជធានីភ្នំពេញ កាលពីថ្ងៃទី ០៧ ខែ មិថុនា ឆ្នាំ ២០១៨ វេលាម៉ោងប្រហែល ១៩ និង ៣០ នាទី ពីមនុស្សប្រុសម្នាក់ជនជាតិចិន ។

ករណីទី៤ ៖ អំពើលួចមានស្ថានទម្ងន់ទោស (ឆក់ទូរស័ព្ទដៃម៉ាក IPhone៥ ពណ៌ ខ្មៅ) ប្រព្រឹត្តនៅចំណុចជិតរោងភាពយន្តលុច្ស ផ្លូវព្រះនរោត្តម សង្កាត់ជ័យជំនះ ខណ្ឌដូនពេញ រាជធានីភ្នំពេញ កាលពីថ្ងៃទី១៣ ខែ មេសា ឆ្នាំ ២០១៨ វេលាម៉ោងប្រហែល ២២ និង ០០ នាទី ពីមនុស្សប្រុសម្នាក់ជនជាតិបារាំង ។

ជនសង្ស័យមានឈ្មោះ ៖
១-ឈ្មោះ ណេត ដារិទ្ធ ភេទ ប្រុស អាយុ ១៧ ឆ្នាំ ជនជាតិ ខ្មែរ មុខរបរជាងផ្សារដែក ស្នាក់នៅផ្ទះមិនចាំលេខ ផ្លូវលំ ភូមិព្រែកតានូ សង្កាត់ចាក់អង្រែលើ ខណ្ឌមានជ័យ

២-ឈ្មោះ លី សក្ករ៉េត ហៅ ហ្សាន ភេទ ប្រុស អាយុ ១៧ ឆ្នាំ ជនជាតិ ខ្មែរ មុខរបរកម្មករសំណង់ ស្នាក់នៅផ្ទះលេខ១៩៩៥ ផ្លូវលំ ភូមិព្រែកតានូ សង្កាត់ចាក់អង្រែលើ ខណ្ឌមានជ័យ

៣-ឈ្មោះ ជិន កុសល ភេទ ប្រុស អាយុ ១៨ ឆ្នាំជនជាតិ ខ្មែរ សិស្សវិទ្យាល័យទួលទំពូង ស្នាក់នៅផ្ទះលេខ២៣៤ ផ្លូវលំ សង្កាត់ស្ទឹងមានជ័យ១ ខណ្ឌមានជ័យ

វត្ថុតាងជាមធ្យោបាយធ្វើសកម្មភាព៖ ម៉ូតូម៉ាក Suzuki Nex ពណ៌ ស សេរីឆ្នាំ ២០១៤ លេខតួ ៣១៣៣០១-លេខម៉ាស៊ីន ៣១៣៣៥៣ ពាក់ស្លាកលេខ ១FG-៧១៨១ ចាប់យកពីឈ្មោះ ណេត ដារិទ្ធ ម៉ូតូរបស់វាម៉ាកហុងដាសេ១២៥ ពណ៌ខ្មៅ ឆ្នាំផលិត ២០១២ ពាក់ស្លាកលេខ ក្រចេះ ១B ២៣៨៥ ចាប់យកពីឈ្មោះ ជិន កុសល

បច្ចុប្បន្នជនសង្ស័យ និងវត្ថុតាងខាងលើការិយាល័យកសាងសំណុំរឿងបញ្ជូនទៅសាលាដំបូងរាជធានីភ្នំពេញ ចាត់ការតាមនីតិវិធី ។

(មានវិដេអូ)

https://www.facebook.com/plugins/video.php?href=https%3A%2F%2Fwww.facebook.com%2Fsattya.bon%2Fvideos%2F2147446168660889%2F&show_text=0&width=560

ប្រភព៖ ការិយាល័យ នគរបាល ព្រហ្មទណ្ឌកំរិតស្រាល រាជធានីភ្នំពេញ

ជនជាតិចិន ស្រវឹងស្រា បើករថយន្តLEXUS RX300បុកទ្រូងផ្លូវ នៅមុខព្រលានយន្តហោះអ្នកបើកបរ រងរបួសជង្គង់ធ្ង

ភ្នំពេញៈគ្រោះថ្នាក់ចរាចរណ៍នេះ បានកើតឡើងកាលពីវេលាម៉ោង១យប់រំលងអធ្រាត្រ ឈានថ្ងៃចន្ទ ទី២០ ខែសីហា ឆ្នាំ២០១៨នេះ (ត្រង់ចំណុចមុខអាកាសយានដ្ឋានអន្តរជាតិភ្នំពេញ) តាមបណ្ដោយផ្លូវសហព័ន្ធរុស្ស៊ី ស្ថិតក្នុងសង្កាត់កាកាប២ ខណ្ឌពោធិ៍សែនជ័យ រាជធានីភ្នំពេញ។

តាមប្រភពសមត្ថកិច្ច បានប្រាប់ឲ្យដឹងថា មុនពេលកើតហេតុ គេបានឃើញ រថយន្តមួយគ្រឿង ម៉ាក LEXUS RX300 ពណ៌ស្លែ ពាក់ស្លាកលេខភ្នំពេញ AQ-0850 បើកបរដោយបុរសជនជាតិចិន មិនស្គាល់អត្តសញ្ញាណម្នាក់ ក្នុងស្ថានភាពស្រវឹងស្រាធ្លាក់ភ្នែក ធ្វើដំណើរតាមបណ្តោយផ្លូវសហព័ន្ធរុស្ស៊ី ទិសដៅពីលិចទៅលិច ក្នុងល្បឿនលឿន លុះមកដល់ចំណុចកើតហេតុ បានបើកវ៉ារថយន្តមួយគ្រឿងទៀត ក៏ជ្រុលចង្តូតទៅបុកក្បាលនាគពុះចែកទ្រូងផ្លូវពេញទំហឹងតែម្ដង

បណ្ដាលឲ្យរថយន្តរងការខូចខាតខ្ទេចផ្នែកខាងមុខយ៉ាងដំណំ និងហូរហៀរប្រេងពេញផ្លូវ និងបាក់របាំងថ្មអស់១កង់ ចំណែកឯបុរសជនជាតិចិនដែលជាអ្នកបើកបរ បានរងរបួសចំជង្គង់ធ្ងន់ បានបើកទ្វារចុះមកទាំងស្រវឹងស្រាផង និងរបួសផង ទើបអង្គុយរុញរានៅលើរថយន្តតែម្ដង។

ក្រោយកើតហេតុសមត្ថកិច្ចមូលដ្ឋានបានចុះមកកន្លែងកើតហេតុ រួចទាក់ទងទៅសមត្តកិច្ចជំនាញចុះមកធ្វើការវាស់វែង និងស្ទូចយករថយន្តបង្កទៅរក្សាទុក នៅការិយាល័យចរាចរណ៍ផ្លូវគោក នៃស្នងការដ្ឋាននគរបាលរាជធានីភ្នំពេញ ដើម្បីរង់ចាំធ្វើការដោះស្រាយសងការខូចខាតទ្រព្យសម្បត្តិរដ្ឋទៅតាមនីតិវិធីផ្លូវច្បាប់៕

ប្រភព៖ FB

សង្ស័យស្រវឹងស្រា! នារីស្រស់ស្អាត ពាក់វ៉ែនតាធំៗ២នាក់ នឹងមិត្តភក្តិប្រុសម្នាក់ ចេញពីជប់លៀងគេ បើករថយន្ត បុកក្បាលរបាំងថ្មខណ្ឌចែកទ្រូងផ្លូវរងការខូចខាត

ភ្នំពេញ៖ សង្ស័យស្រវឹងស្រា! នារីស្រស់ស្អាត ពាក់វ៉ែនតាធំៗ២នាក់ នឹងមិត្តភក្តិប្រុសម្នាក់ ចេញពីជប់លៀងគេ បើករថយន្ត បុកក្បាលរបាំងថ្មខណ្ឌចែកទ្រូងផ្លូវរងការខូចខាត ហើយអង្គុយរងចាំសមត្ថកិច្ចមកដល់ ហុចកូនសោររថយន្តអោយសមត្ថកិច្ចចាត់ការតាមច្បាប់ព្រោះពួកគេយល់ពីកំហុសរបស់ខ្លួន

ហេតុការណ៍នេះបានកើតឡើងកាលពីយប់ថ្ងៃទី១៩ ខែសីហា ឆ្នាំ២០១៨ ត្រង់ចំណុចខាងជើងស្តុបនាងគង្ហីង តាមបណ្ដោយផ្លូវ១៨២ ស្ថិតក្នុងសង្កាត់អូរឬស្សីទី២ ខណ្ឌ៧មករា រាជធានីភ្នំពេញ។

មុនពេលកើតហេតុ គេបានឃើញរថយន្តមួយគ្រឿងម៉ាកTOTOTA Pirus មួយគ្រឿង ពណ៌ស្ករ បើកបរដោយយុវតីរូបស្រស់ស្អាតម្នាក់ (មិនស្គាល់អត្តសញ្ញាណ) រួមនឹងមានមិត្តភក្តិប្រុសស្រី២នាក់ទៀត បានធ្វើដំណើរតាមបណ្ដោយផ្លូវ១៨២ ត្រឡប់មកពីកម្មវិធីជប់លៀងមួយ បំណងត្រឡប់ទៅផ្ទះវិញ ដោយបើកបរក្នុងល្បឿនលឿនពេក ទើបពេលមកដល់ចំណុចកើតហេតុខាងលើ ក៏ជ្រុលចង្តូតទៅបុកទ្រូងផ្លូវពេញទំហឹង លាន់ដូចរន្ទះ បណ្ដាលឲ្យរថយន្តខូចខាតចំហៀងខាងមុខផ្នែកខាងឆ្វេងបន្តិចប៉ុណ្ណោះ តែខ្ទាតរបាំងថ្មផ្ងារជើងបាក់អស់១កង់ តែមិនបណ្ដាលឲ្យរងរបួសនោះទេ ដោយសារមានភាពទទួលខុសត្រូវខ្ពស់ យុវតីជាអ្នកបើករថយន្តបង្ក ព្រមទាំងមិត្តភក្តិប្រុសស្រី២នាក់ទៀត សុខចិត្តអង្គុយក្នុងរថយន្ត រង់ចាំសមត្ថកិច្ចមកដល់។

សមត្ថកិច្ចមូលដ្ឋានបានចុះមកកន្លែងកើតហេតុ គ្រាន់តែយុវតីរូបស្រស់ឃើញភ្លាម រត់ទៅប្រគល់កូនសោរថយន្តឲ្យសមត្ថកិច្ច និងព្រមឲ្យដោះស្រាយតាមច្បាប់ រួចប្រញាប់ប្រញាល់ហៅ Pass App ឡើងជិះចេញពីកន្លែងកើតហេតុបាត់ទៅ។ សមត្ថកិច្ចជំនាញចុះមកធ្វើការវាស់វែង និងស្ទូចយករថយន្តបង្កទៅរក្សាទុក នៅការិយាល័យចរាចរណ៍ផ្លូវគោក នៃស្នងការដ្ឋាននគរបាលរាជធានីភ្នំពេញ ដើម្បីរង់ចាំធ្វើការដោះស្រាយសងការខូចខាតទ្រព្យសម្បត្តិរដ្ឋទៅតាមនិតិវិធីផ្លូវច្បាប់៕

ភ្លើងប្រចណ្ឌ! បុរសម្នាក់ ប្រចណ្ឌប្រពន្ធ ទាញពូថៅកាប់ចិញ្ច្រាំប្រពន្ធសុះសាច់ រួចរត់ទៅធ្វើអត្តឃាតចងក សំលាប់ខ្លួន..

ពោធិ៍សាត់៖ ហេតុការណ៍នេះបង្ករអោយមានការភ្ញាក់ឡើងកាលពីព្រឹកថ្ងៃទី១៩ ខែសីហា ឆ្នាំ២០១៨ នេះ នៅត្រង់ចំណុចអំពួច ស្ថិតក្នុងភូមិជ្រៃក្រឹម ឃុំផ្ទះរុង ស្រុកភ្នំក្រវាញ ខេត្តពោធិ៍សាត់ ។ ក្រោយកើតហេតុសមត្ថកិច្ចចំរុះបានចុះពិនិត្យធ្វើកោសល្យវិច្ឆ័យដល់កន្លែងកើតហេតុ ។

បុរសជាប្តីមានឈ្មោះ ពុំ មុត ភេទប្រុស អាយុ ៦២ឆ្នាំ ជនជាតិខ្មែរ បច្ចុប្បន្ន រស់នៅភូមិ.ឃុំកើតហេតុខាងលើ ដោយទំនាស់ពាក្យសម្ដីគ្នាជាមួយប្រពន្ធឈ្មោះ សែម ផាត អាយុ ៤២ឆ្នាំ ជនជាតិខ្មែរ រស់នៅភូមិ.ឃុំជាមួយគ្នា រួចក៏បានយកពូថៅដៃកាប់លើជនរងគ្រោះជាប្រពន្ធត្រូវជាច្រើនកន្លែងបណ្ដាលឲ្យស្លាប់ភ្លាមៗ ក្រោយពីកាប់សម្លាប់ប្រពន្ធរួចរាល់ ជនសង្ស័យដៃដល់ជាប្តីបានយកខ្សែគោទៅចងកសម្លាប់ខ្លួនឯងនឹងដើមក្រូចក្បែរផ្ទះ។

ក្រោយពីសមត្ថកិច្ចជំនាញសហធ្វើការពិនិត្យ និងស្រាវជ្រាវយ៉ាងយកចិត្តទុកដាក់រួចរាលហើយនោះ អាចសន្និដ្ឋានបានថា ករណីនេះមូលហេតុបណ្ដាលមកពីប្ដីប្រច័ណ្ឌប្រពន្ធ ហើយកម្លាំងជំនាញយើងក៏ធ្វើកំណត់ហេតុប្រគល់សាកសពជូនក្រុមគ្រួសារសាច់ញាតិជនរងគ្រោះយកទៅធ្វើបុណ្យតាមប្រពៃណី៕

សមត្ថកិច្ច ឃាត់ខ្លួនជនសង្ស័យជិត២០នាក់ ករណី……

(ក្រចេះ) ប្រតិបត្តិការធ្វើឡើងកាលពីថ្ងៃទី១៨ ខែសីហា ឆ្នាំ២០១៨ ដែលដឹកនាំដោយលោក ទុត វីនីត ព្រះរាជអាជ្ញារងអមសាលាដំបូងខេត្ត នៅចំណុចផ្ទះសំណាក់សុភមង្គល ស្ថិតក្នុងភូមិជ្រោយថ្មក្រោម ឃុំឆ្លូង ស្រុកឆ្លូង ខេត្តក្រចេះ។

ជាក់ស្តែងសមត្ថកិច្ចឃាត់ខ្លួនបានជនសង្ស័យចំនួន ១៩នាក់ (ស្រី១២នាក់) :១.ឈ្មោះ យ៉ាន គឹមហុង ភេទប្រុស អាយុ ៣២ឆ្នាំ ជាតិខ្មែរ មុខរបរកសិករ ទីលំនៅភូមិព្រែកសំរោង ឃុំខ្សាច់អណ្តែត ស្រុកឆ្លូង ខេត្តក្រចេះ។

២.ឈ្មោះ សុខក្រី ណាសិទ្ធ ភេទប្រុស អាយុ២១ឆ្នាំ មុខរបរមិនពិតប្រាកដ ទីលំនៅភូមិឈើទាលភ្លោះ ឃុំព្រែកសាម៉ាន់ ស្រុកឆ្លូង។៣.ឈ្មោះ ផៃ ចាន់ធានិត ភេទប្រុស អាយុ២៤ឆ្នាំ មុខរបរកម្មករ ទីលំនៅភូមិឆ្លូង ឃុំឆ្លូង ស្រុកឆ្លូង៤.ឈ្មោះ រូន សលីហ៊ីន ភេទប្រុស អាយុ ២៣ឆ្នាំ មុខរបរកសិករ ទីលំនៅភូមិទ្រា ឃុំទ្រា ស្រុកក្រូចឆ្មារ ខេត្តត្បូងឃ្មុំ។៥.ឈ្មោះ សារី សហ៊ាត ភេទប្រុស អាយុ២៥ឆ្នាំ មុខរបរកសិករ ទីលំនៅភូមិសយ ឃុំប៉ុស្ត៍១ ស្រុកក្រូចឆ្មារ ខេត្តត្បូងឃ្មុំ។៦.ឈ្មោះ ទិន កី ភេទប្រុស អាយុ ៣៥ឆ្នាំ មុខរបរកសិករ ទីលំនៅភូមិអំពិល ឃុំប៉ុស្ត៍១ ស្រុកក្រូចឆ្មារ ខេត្តត្បូងឃ្មុំ។៧.ឈ្មោះ តាំង បញ្ញា ភេទស្រី អាយុ៣១ឆ្នាំ មុខរបរអ្នកទទួលភ្ញៀវផ្ទះសំណាក់ ទីលំនៅភូមិកំពង់គ ឃុំកំពង់គ ស្រុកព្រែកប្រសព្វ ខេត្តក្រចេះ។

៨.ឈ្មោះ សូ ហឿន ភេទស្រី អាយុ ៥៣ឆ្នាំ មុខរបរបោសសំអាតផ្ទះសំណាក់ ទីលំនៅភូមិតាប៉ ឃុំតាសួស ស្រុកស្វាយជ្រុំ ខេត្តស្វាយរៀង។៩.ឈ្មោះ សូ វណ្ណា ភេទស្រី អាយុ៣៤ឆ្នាំ មុខរបរបោសសំអាតផ្ទះសំណាក់ ទីលំនៅភូមិតាប៉ ឃុំតាសួស ស្រុកស្វាយជ្រុំ ខេត្តស្វាយរៀង។១០.ឈ្មោះ ហេង សារ៉ានី ភេទស្រី អាយុ៣២ឆ្នាំ មុខរបរកម្មករ ទីលំនៅភូមិ៤៤ ឃុំព្រះធាតុ ស្រុកអូរាំងឪ ខេត្តត្បូងឃ្មុំ។១១.ឈ្មោះ ឆេង គីម ភេទស្រី អាយុ២០ឆ្នាំ មុខរបរខារ៉ាអូខេ ទីលំនៅភូមិប្រម៉ា ឃុំដំរីផុង ស្រុកឆ្លូង ខេត្តក្រចេះ។

១២.ឈ្មោះ ជា ស្រីអូន ភេទស្រី អាយុ១៨ឆ្នាំ មុខរបរខារ៉ាអូខេ ទីលំនៅភូមិប្រម៉ា ឃុំដំរីផុង ស្រុកឆ្លូង ខេត្តក្រចេះ។១៣.ឈ្មោះ យួង ពិសី ភេទស្រី អាយុ២២ឆ្នាំ មុខរបរខារ៉អូខេ ទីលំនៅភូមិស្លា ឃុំតាលុង ស្រុកមេមត់ ខេត្តត្បូងឃ្មុំ។១៤.ឈ្មោះ រឿន ស្រីរ៉ា ភេទស្រី អាយុ១៧ឆ្នាំ មុខបរខារ៉ាអូខេ ទីលំនៅភូមិទី១ សង្កាត់វាលវង់ ក្រុកំពង់ចាម ខេត្តកំពង់ចាម។១៥.ឈ្មោះ អ៊ុន ចាន់ណែត ភេទស្រី អាយុ៣០ឆ្នាំ មុខរបរខារ៉ាអូខេ ទីលំនៅភូមិតាកែវ ឃុំគ ស្រុកព្រៃឈរ ខេត្តកំពង់ចាម។១៦.ឈ្មោះ ហួត ស្រីជីង ភេទស្រី អាយុ៣០ឆ្នាំ មុខរបរខរ៉ាអូខេ ទីលំនៅភូមិឬស្សីធ្លក ឃុំកទ្រេត ស្រុកស្វាយអន្ទរ ខេត្តព្រៃវែង។

១៧.ឈ្មោះ សៅ សុថារី ភេទស្រី អាយុ១៩ឆ្នាំ មុខរបរខារ៉ាអូខេ ទីលំនៅភូមិក្សេមក្សាន្ត ឃុំក្សេមក្សាន្ត ស្រុកឧត្តុង ខេត្តកំពង់ស្ពី។១៨.ឈ្មោះ វេល ប៉ាទ្រីយាស់ ភេទស្រី អាយុ២៣ឆ្នាំ ជាតិខ្មែរអ៊ីស្លាម មុខរបរកសិករ ទីលំនៅភូមិឈើទាលភ្លោះ ឃុំព្រែកសាម៉ាន់ ស្រុកឆ្លូង ខេត្តក្រចេះ។១៩.ឈ្មោះ ព្រុំ វិចិត្រ ភេទប្រុស អាយុ ៤៨ឆ្នាំ មុខរបរម្ចាស់ផ្ទះសំណាក់ មានទីលំនៅភូមិជ្រោយថ្មក្រោម ឃុំឆ្លូង ស្រុកឆ្លូង ខេត្តក្រចេះ ៕ ប្រភពFB

ខាតមិនស្ទើរទេ !!! ផ្សាររុងក្លឿ ប្រទេសថៃ ឆាបឆេះអស់៨តូប ធ្វើអាជីវករខ្មែរ ខាតបង់ថវិការាប់លានបាត

(ថៃ) ៖ អគ្គិភ័យដែលឆាបឆេះតូបអគារ B និងC ក្នុងផ្សាររុងក្លឿឆេះអស់៨តូប ដែលភាគច្រើន អាជីវករខ្មែរ លក់ដូរ ត្រូវបានសមត្ថកិច្ចអង្គភាពពន្លត់អគ្គិភ័យអន្តរាគមន៍ បាត់ពន្លត់ទាំងស្រុង នៅម៉ោង៧និង៤០នាទីយប់ ថ្ងៃទី១៨ ខែសីហា ឆ្នាំ២០១៨ ស្ថិតស្រុកអារញ្ញប្រាថេត ខេត្តស្រះកែវ ប្រទេសថៃ ជាប់ព្រំដែនប៉ោយប៉ែត ខេត្តបន្ទាយមានជ័យ។

មន្ត្រីនគរបាលអន្តោប្រវេសន៍ច្រកទ្វារអន្តរជាតិប៉ោយប៉ែត បានឲ្យដឹងថា អគ្គិភ័យបានឆាបឆេះតូបអគារ(BនិងC)ផ្សាររុងក្លឿ នៅប្រទេសថៃ នៅម៉ោង៦ល្ងាចថ្ងៃទី១៨ ខែសីហា ឆ្នាំ២០១៨ នៅពេលដែលអគ្គិភ័យឆាបឆេះតូប គេឃើញមានរថយន្តពន្លត់អគ្គិភ័យរបស់សមត្ថកិច្ចថៃប្រមាណជាង១០គ្រឿង បានជួយអន្តរាគមន៍បាញ់ពន្លត់ រហូតដល់ម៉ោង៧និង៤០នាទី ទើបរលត់ទាំងស្រុង ហើយតូបដែលអស់ខូចខាត់ទាំងស្រុងអស់៨តូប។

ប្រភពដដែលបន្តថា អគ្គីភ័យដែលឆាបឆេះ មិនទាន់ទទួលព័ត៌មានច្បាស់ការនៅឡើយ តែព័ត៌មានក្រៅផ្លូវការថា ឆេះដោយឆ្លងចរន្តអគ្គីសនី ខ្លះទៀតថាថ្ងៃសីល ថៃអុជធូបបណ្តាលឆេះរាលបណ្តាលឆេះតូប តែព័ត៌មានទាំងនេះ មិនទាន់ជាផ្លូវការនៅឡើយទេ ហើយតូបដែលឆេះខូចខាតក៏មិនទាន់ច្បាស់ដែរ តែដឹងថាឆេះអស់ជាង១០តូប។

ហើយតូបដែលត្រូវអគ្គីភ័យឆាបឆេះអស់៨តូប មានតូបកែងអក្ស(B) អស់ចំនួន៤តូប និងតូបអក្ស(C) កែងអស់៤តូប ហើយតូបដែលឆេះជាតូបភាគច្រើន ជាតូបដែលអាជីវករខ្មែរ ដែលលក់មាន ពូក កម្រាលពូក ផាហ៊ុម និង ម៉ុង ភួយ ហើយតូបដែលជួយក្នុង១ខែ មានតម្លៃពី១ម៉ឺនទៅ២ម៉ឺនបាត។

គួររំលឹកថា៖នៅផ្សារុងក្លឿងប្រទេសថៃ រយៈពេលកន្លងមកអាជីវករខ្មែរ ធ្លាប់រងគ្រោះដោយអគ្គិភ័យ ជាច្រើនមកហើយបណ្តាលអាជីវករខ្មែរខ្លះ ធ្លាក់ខ្លួនរហូតឈប់លក់នៅផ្សារុងក្លឿប្រទេសថៃ ដោយមានការព្រួយបារម្ភ ទើបពេលនេះកើតមានអគ្គិភ័យឆាបឆេះម្តងទៀត ដែលខូចខាតសម្ភារលក់ដូរអស់ជាច្រើនលានបាត ៕ប្រភពFB