កូនមន្រ្តីកសិកម្មខេត្តកំពង់ស្ពឺ លួចយកអាវុធខ្លីឪពុក ធ្វើអត្តឃាត បាញ់សម្លាប់ខ្លួននៅក្នុងផ្ទះព្រោះតែ…….

កំពង់ស្ពឺ ៖ កូនមន្រ្តីកសិកម្មខេត្តកំពង់ស្ពឺ លួចយកអាវុធខ្លីឪពុក ធ្វើអត្តឃាត បាញ់សម្លាប់ខ្លួននៅក្នុងផ្ទះ ករណីនេះបង្ករអោយមានការភ្ញាក់ផ្អើល កើតឡើងកាលពីរសៀល ថ្ងៃទី២២ ខែសីហា ឆ្នាំ២០១៨ម្សិលមិញនេះ នៅចំណុចភូមិអង្គសិរី សង្កាត់រកាធំ ក្រុងច្បារមន។

តាមប្រភពសមត្ថកិច្ចបានអោយដឹងថាយុវជនម្នាក់នេះបានលួចយកកាំភ្លើងឪពុករបស់ខ្លួនបាញ់សម្លាប់ខ្លួនឯង ខណៈឪពុកកំពុងអង្គុយលេងក្រៅផ្ទះ តាមការពិនិត្យ សមត្ថកិចបានដាក់ការសន្និដា្ឋនថា ជនរងគ្រោះអាចជំងឺសរសៃប្រសាទធ្វើទុក្ខព្រោះកន្លងមកតាមសេចក្តីរាយការណ៍ពីឪពុកសពគឺជនរងគ្រោះធ្លាប់ប៉ុនប៉ងសម្លាប់ខ្លួនដោយចងកជាច្រើនលើកមកហើយ។

ជនរងគ្រោះឈ្មោះ ឆិល តុលា អាយុ២១ឆ្នាំ មានឪពុកឈ្មោះ ឯម សុខុម ជាមន្ត្រីមន្ទីរកសិកម្មខេត្ត រស់នៅកន្លែងកើតហេតុ។

សេចក្តីរាយការណ៍ពីក្រុមគ្រួសារសពគឺខណៈដែលឪពុកកំពុងអង្គុយលេងនៅក្រៅផ្ទះ ស្រាប់តែជនរងគ្រោះដែលបាត់ពីផ្ទះ១ថ្ងៃពេលមកដល់បានដើរសំដៅចូលទៅក្នុងផ្ទះបាត់ទៅ។ ការដែលជនរងគ្រោះចូលមកនេះឪពុកក៏មិនបានចាប់អារម្មណ៍ដែរ គិតស្មានថា កូនមកពីដើរលេងដូចសព្វដង តែមិននឹកស្មានថារូបគេចូលទៅក្នុងបន្ទប់ហើយយកកាំភ្លើងបាញ់សម្លាប់ខ្លួនបែបនេះសោះ។

ជនរងគ្រោះជាមនុស្សមានជំងឺសរសៃប្រសាទជាប់ខ្លួន។ កន្លងមកតាមសេចក្តីរាយការណ៍ពីឪពុកជនរងគ្រោះ គឺរូបគេធ្លាប់ប៉ុនប៉ងចងកសម្លាប់ខ្លួនច្រើនលើកមកហើយ តែមិនបានសម្រេចដោយឪពុកឃើញទាន់ លើកចុងក្រោយនេះក៏ធ្វើអត្តឃាតបានសម្រេចតែម្តង។

លោក ឯម សុខុម បានប្រាប់ផងដែរថា អាវុធរបស់លោកដែលកូនយកទៅបាញ់សម្លាប់ខ្លួននេះម៉ាក K៥៤ ជាអាវុធរបស់លោកកាន់កាប់ប្រើប្រាស់ ដោយមានការទទួលស្គាល់ពីប្រធានអង្គភាពត្រឹមត្រូវហើយចំពោះអាវុធនេះគឺលោកលាក់ទុកក្រោមពូកដេករបស់លោក តែមិនឹកស្មានថា កូនវារកឃើញហើយយកមកបាញ់សម្លាប់ខ្កួនបែបនេះសោះ។

កូននេះគឺលោកស្រលាញ់ជាងគេ ហើយរាល់ថ្ងៃនេះទៀតសោះកំពុងសង់រោង៣ខ្នងអស់លុយរាប់ម៉ឺនដុល្លារ ទុកឲ្យគេចិញ្ចឹមជ្រូក តែមិននឹកស្មានថាកូនគិតខ្លីដល់ថ្នាក់ហ្នឹងសោះ បើតាមសាច់ញាតិជិតខាងផ្ទះកើតហេតុ បង្ហើបប្រាប់គឺជនរងគ្រោះជាមនុស្សញៀនថ្នាំបើទោះជាឪពុកអប់រំប្រដៅ និងណែនាំយ៉ាងណាក៏ជនរងគ្រោះមិនស្តាប់តាមការណែនាំដែរ។ ក្រោយកើតហេតុសមត្ថកិច្ចបានចុះធ្វើការពិនិត្យ ឃើញថា ជនរងគ្រោះពិតបានជាបានយកកាំភ្លើងរបស់ឪពុកគេបាញ់សម្លាប់ខ្លួនប្រាកដមែន ៕

ប្រភព៖ FB

ចាប់បានចោរវ័យក្មេងទាំងយប់ (សង្ស័យបែកថ្នាំ)

ភ្នំពេញ៖ កាលពីយប់ថ្ងៃទី ២២ ខែសីហា ឆ្នាំ២០១៨ ម្សិលមិញនេះ ប្រជាពលរដ្ឋព្រួតគ្នាចាប់បានចោរវ័យក្មេង សង្ស័យបែកថ្នាំ រួមទាំងវត្ថុតាង ដែលប្រេីប្រាស់សំរាប់កាច់កម៉ូូតូ និងគាស់ទូមាស នៅផ្សារតូច ទួលសង្កែ។ មើលទៅកាយវិការ និងសំដីក្មេងម្នាក់នេះ ឈ្លើយមែនទែន ធ្វើឲ្យមហាជនទ្រាំសឹងមិនបានម្ដងៗ។

គ្រាន់តែគេសួរ និងចាប់កុំឲ្យវារត់វានិយាយឡើង សុទ្ធតែអញហា៎ អញទ្រាំមិនបានលូវហើយ មិនត្រឹមតែប៉ុននិង ប្រជាពលរដ្ឋ ឆែកឆេររកមាន ដែកកេះមួយ កាតATM និងខ្សែក ជញ្ជៀន ខ្សែដៃ សុទ្ធតែរបស់មានតម្លៃ។ បើចង់ដឹងកាន់តែច្បាស់ទស្សនាវីដេអូខាងក្រោមទាំងអស់គ្នា៕

ប្រភព៖ FB

ក្លិបអធិរាជស Real Madrid C.F. ធ្វើការប្រកួតបើករដូវកាលដោយបាត់អ្នកគាំទ្រពាក់កណ្ដាល

កីឡាដ្ឋាន Estadio Santiago Bernabéu របស់ក្លិបអធិរាជស Real Madrid C.F. ធ្វើការប្រកួតបើករដូវកាលដោយបាត់អ្នកគាំទ្រពាក់កណ្ដាល (កីឡាដ្ឋានផ្ទុកមនុស្ស 81,044នាក់ អ្នកចូលគាំទ្រ 48,466នាក់) ក្រោយការចាកចេញរបស់ Cristiano Ronaldo នេះជាតួរលេខទាបបំផុតមិនធ្លាប់មានរបស់ Real Madrid C.F. រយះពេល10ឆ្នាំចុងក្រោយនេះ៕

ប្រភព៖ MARCA

ថ្ងៃទី ២៣ ខែ សីហា ឆ្នាំ ២០១៨ សាលាដំបូងខេត្តស្វាយរៀង បាននឹងកំពុងបើកសវនាការ លើរឿងក្ដីរំលោភសម្លាប់នារីរងគ្រោះនៅក្រុងបាវិត បន្ទាប់ពីមានការស្នើសុំពន្យាពេលជាច្រើនលើកច្រើនសារ ពីសំណាក់មេធាវីការពារជនល្មើស

ស្វាយរៀង ៖ ថ្ងៃទី ២៣ ខែ សីហា ឆ្នាំ ២០១៨ សាលាដំបូងខេត្តស្វាយរៀង បាននឹងកំពុងបើកសវនាការ លើរឿងក្ដីរំលោភសម្លាប់នារីរងគ្រោះនៅក្រុងបាវិត បន្ទាប់ពីមានការស្នើសុំពន្យាពេលជាច្រើនលើកច្រើនសារ ពីសំណាក់មេធាវីការពារជនល្មើស ។

រឿងក្ដីនេះបើគិតមកដល់ពេលនេះមានរយៈពេល មួយឆ្នាំជាងហើយ។យើងសង្ឃឹមថាគ្រួសារនារីរងគ្រោះនឹងទទួលបានពន្លឺយុត្តិធម៌បន្ទាប់ពីការកាត់ក្ដីនេះ។

គួរំលឹកផងដែរថា កាលពីថ្ងៃទី 04 ខែសីហា ឆ្នាំ 2017 ប្រជាពលរដ្ឋបានប្រទះឃើញ សាកសពស្រ្ដីម្នាក់ស្លាប់អាក្រាតកាយនៅក្នុងវាលស្រែ ស្ថិតក្នុង ភូមិតាពៅ សង្កាត់បាទី ក្រុងបាវិត។ ហើយប្រជាពលរដ្ឋក៏បានជូលដំណឹងនេះទៅសមត្ថកិច្ច មកពិនិត្យនៅកន្លែងកើតហេតុ ទើបសមត្ថកិច្ចចាត់ទុកថា នេះជាករណីរំលោភសម្លាប់។

ចំណែកសពស្រ្ដីរងគ្រោះត្រូវបានគេស្គាល់មានឈ្មោះ សុខ ម៉ាលីន ដែលមានអាយុ១៨ឆ្នាំ ជាបុគ្គលិកបំរើការងារនៅ កាស៊ីណូ Good Luck ស្ថិតក្នុងក្រុងបាវិត។

ហើយនាងមានស្រុកកំណើតនៅក្នុងខេត្តព្រះវិហារ។នារីរងគ្រោះបានបាត់ខ្លួនតាំងពីថ្ងៃទី ០២ ខែសីហា ឆ្នាំ២០១៧មកម្លេះ ដោយមុនពេលកើតហេតុ ស្ដ្រីរងគ្រោះបានទៅលេងឪពុកម្ដាយនៅស្រុកកំណើតឯខេត្តព្រះវិហារ ហើយបានត្រឡប់មកវិញឈប់នៅបេនឡានផ្សារអូឡាំពិក រាជធានីភ្នំពេញ រួចឡើងឡានបន្ដមកក្រុងបាវិត ដែលជាទីកន្លែងធ្វើការ។

លោកឧត្តមសេនីយ៍ទោ កឹង ឃនបាននិយាយថា នៅពេលក្មេងស្រីរងគ្រោះជិះរថយន្តនៅតាមឡាន ឪពុកម្ដាយរបស់នាង បានCallសួរនាងថា ជិះរថយន្តដល់ណាហើយ ពេលនោះនារីរងគ្រោះបាននិយាយថា ខ្ញុំមកដល់ម្ដុំផ្សារជីភូ ក្រុងបាវិត ស្រាប់តែពេលនោះក៏បាត់ដំណឹងតែម្ដង។

បន្ទាប់ពីបាត់ដំណឹងភ្លាមៗក្រុមគ្រួសាររបស់នាងក៏មកប៉ុស្ដិ៍ប៉ូលីស ដើម្បីសូមអន្តរាគមន៍ជួយស្វែងរកនាងភ្លាម។

រហូតមកដល់ថ្ងៃទី 08 ខែសីហា ឆ្នាំ 2017 ជនសង្ស័យពីរនាក់ដែលជាអ្នកបើកបររថយន្តដឹកនារីរងគ្រោះត្រូវបានចាប់ខ្លួន។ជនសង្ស័យម្នាក់មានឈ្មោះ ឆើយ សុជាតិ អាយុ៣៦ឆ្នាំ និងម្នាក់ទៀតឈ្មោះ ផ្លៀក មុន្នី ត្រូវបានកម្លាំងប៉ូលីស ធ្វើការស្រាវជ្រាវហើយឈានទៅដល់ការឃាត់ខ្លូន នៅខេត្តស្វាយរៀង នាវេលាម៉ោង៨ព្រឹក។

និងតាមចាប់ម្នាក់ទៀតនៅមុខសណ្ឋាគារឡឺប្រេស៊ីដង់ ស្ថិតក្នុងខណ្ឌ៧មករា រាជធានីភ្នំពេញ ដោយសហការជាមួយកម្លាំងការិយាល័យនគរបាលព្រហ្មទណ្ឌកម្រិតធ្ងន់ នៃនាយកដ្ឋាននគរបាលព្រហ្មទណ្ឌ ក្រសួងមហាផ្ទៃ ដឹកនាំដោយលោកវរសេនីយ៍ឯក ជាវ វិបុល ប្រធានការិយាល័យ៕

ប្រភព៖ FB

កម្លាំងជំនាញរបស់ការិយាល័យ សហការជាមួយ ប៉ុស្តិនគរបាលព្រែកប្រា នៃអធិការដ្ធាននគរបាលខណ្ឌច្បាអំពៅ ធ្វេីការ ស្រាវជ្រាវ និងឃាត់ខ្លួនបានជនសង្ស័យ ចំនួន ០៣ នាក់ ជាបន្តបន្ទាប់ដែលពាក់ព័ន្ធប្រព្រឹត្តបទល្មើ

ភ្នំពេញ៖ ការិយាល័យនគរបាលព្រហ្មទណ្ឌកំរិតស្រាលរាជធានីភ្នំពេញ កាលពីថ្ងៃទី ២០ ខែ សីហា ឆ្នាំ ២០១៨ កម្លាំងជំនាញរបស់ការិយាល័យ សហការជាមួយ ប៉ុស្តិនគរបាលព្រែកប្រា នៃអធិការដ្ធាននគរបាលខណ្ឌច្បាអំពៅ ធ្វេីការ ស្រាវជ្រាវ និងឃាត់ខ្លួនបានជនសង្ស័យ ចំនួន ០៣ នាក់ ជាបន្តបន្ទាប់ដែលពាក់ព័ន្ធប្រព្រឹត្តបទល្មើស ។

អំពើលួចមានស្ថានទម្ងន់ទោស(ឆក់ទ្រព្យសម្បត្តិ) ចំនួន ០៤ ករណី មាន៖
ករណីទី១ អំពើលួចមានស្ថានទម្ងន់ទោស ( ឆក់កាបូបស្ពាយពណ៌ ផ្ទៃមេឃ ) ប្រព្រឹត្តនៅចំណុចមុខផ្ទះលេខ២២៩ ផ្លូវព្រះនរោត្តម ភូមិ ៨ សង្កាត់បឹងកេងកងទី១ ខណ្ឌចំការមន រាជធានីភ្នំពេញ ។

កាលពីថ្ងៃទី ១៩ ខែ ឧសភា ឆ្នាំ ២០១៨ វេលាម៉ោងប្រហែល ០៥,៣៥ នាទី ជនរងគ្រោះ ឈ្មោះ លីវ តៃហ័រ (LIU DAI HUA) ភេទ ប្រុស អាយុ ៣១ ឆ្នាំ ជនជាតិ ចិន កាន់លិខិតឆ្លងដែនលេខ EA ៤០៣២៩០៧ មានទីលំនៅបច្ចុប្បន្នផ្ទះលេខ៧ ផ្លូវលេខ៣២២ ភូមិ៨ សង្កាត់បឹងកេងកងទី១ ខណ្ឌចំការមន រាជធានីភ្នំពេញ មុខរបរ ពាណិជ្ជករ
សម្ភារៈបាត់បង់រួមមាន ៖ កាបូបស្ពាយ ពណ៌ ផ្ទៃមេឃ ចំនួន ០១កូនកាបូបលុយពណ៌ ខ្មៅ ចំនួន០១លិខិតឆ្លងដែនលេខ EA ៤០៣២៩០៧ ចំនួន ០១ ក្បាលប្រាក់ដុល្លារចំនួន ១០,០០០ ដុល្លារអាមេរិក កាតធនាគារចំនួន ០៧ សន្លឹកអាវយឺតកីឡាចំនួន ០២ ឈុត។

ករណីទី២ អំពើលួចមានស្ថានទម្ងន់ទោស ( ឆក់កាបូប ) ប្រព្រឹត្តនៅចំហៀងសណ្ឋាគារ TOKYO INN ផ្លូវសប៊ិត សង្កាត់ទន្លេបាសាក់ ខណ្ឌចំការមន រាជធានីភ្នំពេញ កាលពីថ្ងៃទី ០៨ ខែ មេសា ឆ្នាំ២០១៨ វេលាម៉ោងប្រហែល ១៧ និង ៣០ នាទី ។

ករណីទី៣ អំពើលួចមានស្ថានទម្ងន់ទោស ( ឆក់កាបូបយួរដៃពណ៌ខ្មៅ ) ប្រព្រឹត្តនៅចំណុចផ្លូវលេខ ៦៣ មុខសណ្ឋាគារ សង់អាលីហ្សេ សង្កាត់បឹងកេងកង១ ខណ្ឌចំការមន រាជធានីភ្នំពេញ កាលពីថ្ងៃទី ១៧ ខែ មិថុនា ឆ្នាំ២០១៨ វេលាម៉ោងប្រហែល ១៤ និង ២០នាទី ពីបុរសជនជាតិចិន កំពុងដើរម្នាក់ឯង ។

ករណីទី៤ អំពើលួច(ឆក់ទ្រព្រព្យសម្បត្តិ) និងប្រើប្រាស់ដោយខុសច្បាប់នូវសារធាតុញៀន ប្រព្រឹត្តនៅចំណុចមុខផ្ទះលេខ ៧ ផ្លូវសុធារស ភូមិទី ៣ សង្កាត់ទន្លេបាសាក់ ខណ្ឌចំការមន រាជធានីភ្នំពេញ កាលពីថ្ងៃទី ១៣ ខែ មេសា ឆ្នាំ ២០១៨ ។

ជនសង្ស័យដែលឃាត់ខ្លួនបានរួមមានឈ្មោះ ៖
១-ឈ្មោះ យឹម ភារុន ភេទ ប្រុស អាយុ ២៦ ឆ្នាំ ជនជាតិ ខ្មែរ មុខរបរ មិនពិតប្រាកដ ស្នាក់នៅផ្ទះមិនចាំលេខ ផ្លូវលំ ភូមិព្រែកតានូ សង្កាត់ចាក់អង្រែលើ ខណ្ឌមានជ័យ មានដីកាបង្គាប់ឲ្យចាប់ខ្លួនលេខ ៤០១ដ.ច.ន ចុះថ្ងៃទី ១៣ ខែ មិថុនា ឆ្នាំ ២០១៨ ចេញដោយលោក ថាន់ ឡេង ចៅក្រមស៊ើបសួរសាលាដំបូងរាជធានីភ្នំពេញ ឃាត់ខ្លួនថ្ងៃទី ២០ ខែ សីហា ឆ្នាំ ២០១៨ វេលាម៉ោង ១៧ និង ៣០ នាទី នៅចំណុចក្បែរប៉ុស្តិ៍នគរបាលរដ្ឋបាលព្រែកប្រា សង្កាត់ព្រែកប្រា ខណ្ឌច្បារអំពៅ រាជធានីភ្នំពេញ ។

២-ឈ្មោះ កៅ ក្វេងហុង ហៅ ភួង សុវណ្ណារ៉ូ ភេទ ប្រុស អាយុ ២២ ឆ្នាំ ជនជាតិ ខ្មែរ មុខរបរជាងថតរូប ស្នាក់នៅផ្ទះលេខ ៥A ផ្លូវលេខ ៣៣៤ សង្កាត់ បឹងសាឡាង ខណ្ឌ ទួលគោកឃាត់ខ្លួនថ្ងៃទី ២០ ខែ សីហា ឆ្នាំ ២០១៨វេលាម៉ោង ២២និង០០នាទី នៅចំណុច ក្រោយរោងភាពយន្តគីរីរម្យ សង្កាត់បឹងកេងកង២ ខណ្ឌចំការមន រាជធានីភ្នំពេញ ។

៣-ឈ្មោះ ម៉ន រតនៈ ហៅ ណាក់តូច ភេទ ប្រុស អាយុ ២០ ឆ្នាំ ជនជាតិ ខ្មែរ មុខរបរមិនពិតប្រាកដ ស្នាក់នៅផ្ទះលេខ៩៤E២ផ្លូវលេខ១៣០សង្កាត់ផ្សារកណ្តាល២ ខណ្ឌដូនពេញ រាជធានីភ្នំពេញឃាត់ខ្លួនថ្ងៃទី ២០ ខែ សីហា ឆ្នាំ២០១៨វេលាម៉ោង ២២ និង០០នាទី នៅចំណុចក្រោយរោងភាពយន្តគីរីរម្យ សង្កាត់បឹងកេងកង២ ខណ្ឌចំការមន រាជធានីភ្នំពេញ ។

បច្ចុប្បន្នជនសង្ស័យទាំង០៣នាក់ខាងលើ ការិយាល័យបានកសាងសំណុំរឿងបញ្ជូនទៅសាលាដំបូងរាជធានីភ្នំពេញ ចាត់ការតាមនីតិវិធី ។

ប្រភព៖ FB

ផ្ទុះហើយ សង្គ្រាមពាណិជ្ជកម្មចិន-អាមេរិក លើទំនិញចិន ក្នុងសប្តាហ៍នេះ

(អន្តរជាតិ) សហរដ្ឋអាមេរិក នឹងដំឡើងតម្លៃពន្ធ២៥ភាគរយ លើទំនិញចិន ក្នុងទំហំទឹកប្រាក់១៦ពាន់លានដុល្លារ នាថ្ងៃព្រហស្បត្តិ៍នេះ ហើយគេរំពឹងថា ចិន នឹងសងសឹកវិញភ្លាមៗ ជាមួយនឹងការដំឡើងតម្លៃពន្ធ២៥ភាគរយដូចគ្នា លើទំនិញអាមេរិក ក្នុងទំហំទឹកប្រាក់តែមួយ។

រដ្ឋបាលរបស់លោក ដូណាល់ ត្រាំ កំពុងតែបោះជំហានឆ្ពោះទៅរកការប្រកាសដំឡើងតម្លៃពន្ធ២០០ពាន់លានដុល្លារបន្ថែមទៀត លើទំនិញចិន ក្នុងសប្តាហ៍នេះ ស្របពេលដែលក្រុមមន្រ្តីមកពីប្រទេសទាំងពីរ កំពុងចរចាគ្នាលើបញ្ហាពាណិជ្ជកម្ម នៅទីក្រុងវ៉ាស៊ីងតោន។

វាគឺជាជុំទី២ហើយ នៃការប្រកាសដំឡើងតម្លៃពន្ធ ដោយប្រទេសទាំង២ ក្នុងឆ្នាំនេះ។ តម្លៃទំនិញសរុប៥០ពាន់លានដុល្លារ របស់ភាគីនិមួយៗ នឹងត្រូវដំឡើងពន្ធដូចៗគ្នា គិតត្រឹមថ្ងៃព្រហស្បត្តិ៍ស្អែកនេះ។

ការដំឡើងតម្លៃពន្ធថ្មីនេះ នឹងប៉ះពាល់ដល់ផលិតផលទំនិញចិន២៧៩មុខ ដែលរួមទាំងផលិតផលគីមី ទោចក្រយានយន្ត ឧបករណ៍ស្ទង់ល្បឿន និងអង់តែន។ ចិន នឹងសងសឹកវិញ មកលើទំនិញអាមេរិក ដែលរួមមានទាំងសារធាតុគីមី និងប្រេងម៉ាស៊ូត។

រដ្ឋបាលរបស់លោក ត្រាំ បានចាប់ផ្តើមដំណើរការដំឡើងតម្លៃពន្ធនេះ កាលពីខែមីនា ដោយមានគោលដៅឲ្យចិន ផ្លាស់ប្តូរទង្វើរបស់ខ្លួន ពាក់ព័ន្ធនឹងការចោទប្រកាន់ថា ពួកគេលួចទ្រព្យសម្បត្តិបញ្ញា។ ទោះបីជាយ៉ាងណាក៏ដោយ ចិន បានឆ្លើយតបភ្លាមៗ ជាមួយនឹងការដំឡើងតម្លៃពន្ធដូចគ្នា។

សូមបញ្ជាក់ថា ក្រុមហ៊ុន និងឧស្សាហកម្មជាង៨០ បានធ្វើសក្ខីកម្មកាលពីខែកក្កដា នៅមុខការិយាល័យតំណាងពាណិជ្ជកម្មសហរដ្ឋអាមេរិក លើការដំឡើងតម្លៃពន្ធ២៥ភាគរយ នៃតម្លៃទំនិញ១៦ពាន់លានដុល្លារ៕

ពិតជាចំលែក មុនជឿលើគ្រូខ្មែរសូមប្រយត្ន័ផង !! គ្រូខ្មែរចូលរូប២នាក់ប្តីប្រពន្ឋ ព្យាបាលជំងឺជនរងគ្រោះដោយការវាយ រួចអូសមកក្បែរបង្អួចវាយជាន់.ក ដោយយកលេសថា ដេញខ្មោចចេញ រហូតធ្វើជនរងគ្រោះដាច់ខ្យល់ស្លាប់ ភ្លាមៗ

ស្ទឹងត្រែង៖ ពិតជាចំលែក មុនជឿលើគ្រូខ្មែរសូមប្រយត្ន័ផង !! គ្រូខ្មែរចូលរូប២នាក់ប្តីប្រពន្ឋ ព្យាបាលជំងឺជនរងគ្រោះដោយការវាយ រួចអូសមកក្បែរបង្អួចវាយជាន់.ក ដោយយកលេសថា ដេញខ្មោចចេញ រហូតធ្វើជនរងគ្រោះដាច់ខ្យល់ស្លាប់ ភ្លាមៗ ហេតុការណ៍នេះបានកើតឡើងកាលពីថ្ងៃទី២១ ខែសីហា ឆ្នាំ២០១៨ម្សិលមិញនេះភូមិឆ្វាំង ឃុំសំអាង ស្រុកថាឡាបរិវ៉ាត់ ខេត្តស្ទឹងត្រែង ។

ជនរងគ្រោះឈ្មោះ ឡុង សែម ភេទស្រី អាយុ៦៤ឆ្នាំ មានទីលំនៅភូមិស្រម៉ ឃុំទឹកជ្រៅ ស្រុកតំបែ ខេត្តត្បូងឃ្មុំ។

ចំណែកជនសង្ស័យឈ្មោះ ឈន់ ភេទស្រី ប្តីឈ្មោះ ស៊ុ ស្រុង (ជាគ្រូចូលរូប) ស្ថិតនៅក្នុងភូមិឆ្វាំង ឃុំសំអាង ស្រុកថាឡាបរិវ៉ាត់ ខេត្តស្ទឹងត្រែង ។

តាមប្រភពកូនជនរងគ្រោះបានអោយដឹងថា៖ មុនពេលកើតហេតុរូបខ្លួនបានយកម្តាយមកព្យាបាលជំងឺ ជាមួយគ្រូចូលរូបម្នាក់នេះ ព្រោះតែម្តាយខ្លួនមានជំងឺក្តៅរោល និងឈឺសន្លាក់ជើង។ ស្រាប់តែគ្រូស្រីបានចូលរូប ហើយយកដំបងឬស្សី ប្រហែលប៉ុនកដៃប្រវែងប្រហែល១ម៉ែត្រ មកវាយជនរងគ្រោះដោយគ្រូសួរទៅជនរងគ្រោះថា (ឆ្លើយមកចេញហើយឬនៅ) ពេលនេះជនរងគ្រោះស្រែកថា អញឈឺណាស់មិនដឹងទេ។ គ្រូចូលរូបបន្តវាយ ដោយឲ្យប្តីឈ្មោះ ស៊ុ ស្រុង ជួយចាប់និងអូសមកខាងបង្អួចជាន់.ក ឲ្យប្រពន្ធដែលជាគ្រូវាយរហូតបាត់ម៉ាត់។

ឃើញសភាពជនរងគ្រោះបាត់ម៉ាត់ គ្រូនិងប្តីបានចុះមកដី ដោយប្រាប់ទៅឈ្មោះស៊ីម អូន ជាកូនជនរងគ្រោះថាខ្លួនទៅបត់ជើងសិន ម៉ោង៨គាត់ដឹងខ្លួនហើយ។ ដោយបាត់គ្រូយូរ កូនជនរងគ្រោះ បានមកមើលម្តាយទើបដឹងថាម្តាយខ្លួនបានស្លាប់បាត់ទៅហើយ៕

ប្រភព៖ FB

ស្ត្រីម្នាក់ ផឹកថ្នាំសម្លាប់សត្វកណ្តុរ ធ្វើអត្តឃាតសម្លាប់ខ្លួនដោយមិនដឹងពីមូលហេតុ ( Rip )

បន្ទាយមានជ័យ៖ ករណីនេះបានកើតឡើងកាលពីវេលាម៉ោង៧និង៣០នាទីយប់ ថ្ងៃទី២០ ខែសីហា ឆ្នាំ២០១៨ នៅក្នុងភូមិភ្នំជញ្ចាំង ឃុំជប់វារី ស្រុកព្រះនេត្រព្រះ ខេត្តបន្ទាយមានជ័យ ។

ជនរងគ្រោះមានឈ្មោះ ហ៊ន ស្រីល័ក្ខ ភេទស្រី អាយុ២៣ឆ្នាំ នៅភូមិភ្នំជញ្ចាំង ឃុំជប់វារី ស្រុកព្រះនេត្រព្រះ ខេត្តបន្ទាយមានជ័យ។

មុនពេលកើតហេតុ ជនរងគ្រោះបានដើរទៅតូបរបស់បងថ្លៃឈ្មោះ ឈុន មករា ភេទប្រុស អាយុ២៨ឆ្នាំ ដែលនៅក្បែផ្ទះរកទិញទឹកសុទ្ធផឹក ពេលផឹកស្រាប់តែក្អួត ឃើញដូចនោះបងថ្លៃក៏សួរថា ស្រីល័ក្ខស្រវឹងស្រាមែន? តែស្រីល័ក្ខបានប្រាប់ថា ខ្លួនផឹកថ្នាំពុល (ថ្នាំសម្លាប់សត្វកណ្ដុរ) លឺដូចនេះឈ្មោះ មករា ក៏រត់ទៅហៅឪពុកម្ដាយស្រីល័ក្ខ ហើយក៏នាំគ្នាបញ្ជូនទៅមន្ទីរពេទ្យបង្អែកស្រុកព្រះនេត្រព្រះ បន្ទាប់មកពេទ្យស្រុកព្រះនេត្រព្រះពិនិត្យរួចហើយបានឲ្យក្រុមគ្រួសារយកជនរងគ្រោះទៅមន្ទីរពេទ្យស្រុកមង្គលបូរី តែក្រុមគ្រួសារជនរងគ្រោះដឹកយកទៅមន្ទីរពេទ្យបង្អែកក្រុងសិរីសោភ័ណដើម្បីជួយសង្គ្រោះ។

នៅម៉ោង១២និង៣០នាទីយប់ថ្ងៃទី២១ ខែសីហា ឆ្នាំ២០១៨ ជនរងគ្រោះក៏បានស្លាប់នៅមន្ទីរពេទ្យបង្អែកក្រុងសិរីសោភ័ណ ៕

ប្រភព៖ FB

ពិតជារន្ឋត់ ញាក់សាច់ ! ២នាក់ប្ដីប្រពន្ធចុចបំផ្ទុះដុំរំសេវ TNT ផ្ទុះលាន់ កក្រើកដី បណ្តាល…….

(ខេត្តមណ្ឌលគិរី) ករណីធ្វើអត្តឃាតនេះបង្កអោយមានការភ្ញាក់ផ្អើលនារសៀលថ្ងៃទី២១ ខែសីហា ឆ្នាំ២០១៨នេះ ស្ថិតនៅផ្ទះរបស់ខ្លួន ក្នុងភូមិពូទុង ឃុំចុងផ្លាស ស្រុកកែវសីមា ខេត្តមណ្ឌលគិរី ។

បណ្តាញផ្សព្វផ្សាយក្នុងស្រុកដកស្រង់ប្រភពពីនគរបាលខេត្តមណ្ឌលគិរី បានឲ្យដឹងថា មានប្តីប្រពន្ធ ២នាក់ បានស្លាប់យ៉ាងអាណោចអាធម ក្រោយបុរសជាប្តីបានយកគ្រាប់ច្នៃបំផ្ទុះស្លាប់ទាំងប្តីប្រពន្ធ ដោយសារតែភ្លើងប្រច័ណ្ឌ។ ហេតុការណ៍នេះ បានកើតឡើងនៅវេលាម៉ោងជិត៣រសៀល ថ្ងៃទី២១ ខែសីហាឆ្នាំ២០១៨ នៅភូមិពូទុង ឃុំចុងផ្លាស់ ស្រុកកែវសីមា ខេត្តមណ្ឌលគិរី។សមត្ថកិច្ចបានអោយដឹងថា រឿងរ៉ាវខាងលើនេះ កើតឡើងដោយសារប្ដីប្រច័ណ្ឌប្រពន្ធ ព្រោះកន្លងមកគ្រួសារនេះតែងឈ្លោះប្រកែកគ្នា និងធ្លាប់ធ្វើអត្តឃាតពីរទៅបីដងរួចហើយតែមិនបានសំរេច។
មន្ត្រីនគរបាលឲ្យដឹងទៀតថា ការប៉ងធ្វើអត្តឃាតលើទី១ ដោយផឹកទឹកអាស៉ីត- លើកទី២ផឹកថ្នាំកណ្តៀ និងលើកទី៣ចងក។

ប៉ុន្តែលើកចុងក្រោយនេះ ការធ្វើអត្តឃាតដោយយកគ្រាប់កែច្នៃបំផ្ទុះស្លាប់តែម្តង។
ករណីខាងលើនេះ ជនរងគ្រោះទាំង២នាក់ប្តីប្រពន្ធ បានបន្សល់ទុកកូនប្រុសស្រីចំនួន ៤នាក់ ដោយកូនច្បងមានអាយុត្រឹម១៤ឆ្នាំតែប៉ុណ្ណោះ។ ជនរងគ្រោះជាប្តីមានឈ្មោះ ស៉ីម ធីប អាយុ ៣៧ឆ្នាំ ជនជាតិខ្មែរ មានស្រុកកំណើតភូមិព្រៃពន ឃុំរំលេច ស្រុកស៉ីធរកណ្តាល ខេត្តព្រៃវែង ចំណែកប្រពន្ធដែលស្លាប់បាត់បង់ជីវិតក្នុងហេតុការណ៍នេះដែរឈ្មោះ នឿន ឡែន អាយុ ៣២ឆ្នាំ ជាជនជាតិខ្មែរ ៕ប្រភពFB

ករណីឃាតកម្មសម្លាប់ប្តី ត្រូវ តុលាការសម្រេចផ្តន្ទាទោសស្រ្តីជាប្រពន្ធ និងកូនធម៌ម្នាក់ៗ ដាក់ពន្ធនាគារអស់មួយជីវិត

(ភ្នំពេញ)៖ នៅព្រឹកថ្ងៃទី២១ ខែសីហា ឆ្នាំ២០១៨នេះ លោក រស់ ពិសិដ្ឋ ប្រធានក្រុមប្រឹក្សាចៅក្រមជំនុំជម្រះ នៃសាលាដំបូងរាជធានីភ្នំពេញ បានប្រកាសសាលក្រមលើសំណុំរឿង ឃាតកម្មប្រពន្ធដើម ជួលកូនធម៌ឲ្យសម្លាប់ប្តី ព្រោះខឹងរឿងមានស្រីមិនចូលផ្ទះ។ តុលាការបានសម្រេចផ្តន្ទាទោសប្រពន្ធ និងគូកនដែលជាកូនធម៌ដាក់គុកម្នាក់ៗ អស់មួយជីវិតតាមមាត្រា២០០ នៃក្រមព្រហ្មទណ្ឌ។

លើសំណុំរឿងនេះ តំណាងអយ្យការ បានចោទប្រកាន់លើជនត្រូវចោទទី១៖ ឈ្មោះ សូ ផា ភេទប្រុស អាយុ២៩ឆ្នាំ ជាកូនធម៌របស់ជនរងគ្រោះ និងទី២៖ ឈ្មោះ សៅ សំអឿន ភេទស្រី អាយុ៤៦ឆ្នាំ ជាប្រពន្ធរបស់ជនរងគ្រោះពីបទ (ឃាតកម្មគិតទុកជាមុន) ដោយពួកគេបានរៀបចំផែនការ សម្លាប់ជនរងគ្រោះឈ្មោះ កៅ ផា ភេទប្រុស អាយុ៥០ឆ្នាំ កាលពីយប់ថ្ងៃទីថ្ងៃទី១១ ខែតុលា ឆ្នាំ២០១៦។

ក្នុងកឡុងពេលសវនាការ កាលពីថ្ងៃទី១៦ ខែកក្កដា ឆ្នាំ២០១៨កន្លងទៅ ជនជាប់ចោទឈ្មោះ សូ ផា បានសារភាពថា ជនជាប់ចោទឈ្មោះ សៅ សំអឿន ជាប្រពន្ធជនរងគ្រោះបានជួលខ្លួន ក្នុងតម្លៃ១ពាន់ដុល្លារ ឱ្យសម្លាប់ប្តី និងយកឡានយកឡានទៅផ្ទះវិញ ព្រោះខឹងជនរងគ្រោះ ឈ្មោះ កៅ ផា ជាប្តីយកឡានតូរីស ដែលឈ្មោះ សៅ សំអឿន ជាប្រពន្ធខំយកលុយ កូនធ្វើការនៅប្រទេសកូរ៉េ ចំនួន១២,០០០ដុល្លារទិញឱ្យរត់ បែរជាជនរងគ្រោះយកទៅរកស៊ីចិញ្ចឹមស្រី ចុះចោលប្រពន្ធកូន។

ដោយឡែកជនជាប់ចោទឈ្មោះ សៅ សំអឿន បានទទួលស្គាល់ថា ខ្លួនពិតជាបានធ្វើដូចការលើកឡើងរបស់ឈ្មោះ សូ ផា មែនព្រោះតែខឹងប្តីមានស្រី។

គួររំលឹកថា កម្លាំងកងរាជអាវុធហត្ថរាជធានីភ្នំពេញ បានស្រាវជ្រាវ និងឃាត់ខ្លួនជនជាប់ចោទខាងលើ កាលពីថ្ងៃទី២០ ខែតុលា ឆ្នាំ២០១៦ បន្ទាប់ពីពលរដ្ឋបានប្រទះឃើញសាកសព ជនរងគ្រោះ ចងផ្អោបនឹងដុំថ្ម នៅក្នុងប្រលាយទឹកស្អុយចំណុចតាមបណ្តោយផ្លូវលំ ខាងក្រោយសួនកាណាឌីយ៉ា ក្នុងភូមិត្រពាំងថ្លឹង សង្កាត់ចោមចៅ ខណ្ឌពោធិសែនជ័យ រាជធានីភ្នំពេញ កាលពីព្រឹកថ្ងៃទី១៤ ខែតុលា ឆ្នាំ២១០៦៕

ប្រភព៖ FB