សៀមរាប៖ ស្រ្តីមា្នក់បានស្លាប់ ដោយសាតែស្រវឹងស្រា ខណះខ្លួនយកមងទៅដាក់ក្នុងស្រះមួយកន្លែង បណ្តាលឲ្យលង់ទឹកស្លាប់ នៅថ្ងៃទី៣ ខែមិថុនា ឆ្នាំ២០១៨ វេលាម៉ោង៩និង៣០នាទី នៅចំណុចត្រពាំងដកពោធិ៍ស្ថិតក្នុងភូមិតាហុក ឃុំត្រីញ័រ ស្រុកពួក ខេត្តសៀមរាប ចម្ងាយពីផ្ទះប្រហែល២០ម៉ែត្រ ។

តាមការឲ្យដឹងពីកម្លាំងសមត្ថកិច្ចនគរបាលបានឲ្យដឹងថា ជនរងគ្រោះឈ្មោះ រ៉យ សារ៉ម ភេទស្រី អាយុ៤៧ឆ្នាំ រស់នៅភូមិតាហុក ឃុំត្រីញ័រ ស្រុកពួក ខេត្តសៀមរាប។
ក្រោយពីការពិនិត្យសមត្ថកិច្ចជំនាញបញ្ជាក់បន្ថែមទៀតថា មូលហេតុដែលណ្តាលឲ្យជនរងគ្រោះស្លាប់គឺជនរងគ្រោះមានស្ថានភាពស្រវឹងស្រាខ្លាំងហើយបានយកមងទៅដាក់ត្រីក្នុងស្រះទើបបណ្តាលឲ្យដួលទៅក្នុងទឹកស្រះដែលមានជម្រៅ២,៥០ម៉ែត្រ បណ្តាលឲ្យឈ្លក់ទឹកស្លាប់តែម្តង។ ហើយករណីនេះពុំពាក់ព័ន្ធទៅនិងបទល្មើសព្រហ្មទណ្ឌទេ ៕

ដោយ៖​ វុន សុខជា

 

ភ្នំពេញ៖ លោក ថាន់ ឡេង ចៅក្រមស៊ើបសួរសាលាដំបូងរាជធានីភ្នំពេញ នៅល្ងាចថ្ងៃទី៣ ខែមិថុនា ឆ្នាំ២០១៨នេះ បានចេញដីកាឃុំខ្លួនបុរសជនជាតិវៀតណាម ដែលរំលោភសម្លាប់កុមារីអាយុ៤ឆ្នាំ ដាក់ពន្ធនាគារព្រៃស ដើម្បីរង់ចាំការជុំនុំជម្រះតាមនីតិវិធី។

ជនដៃដល់ ឈ្មោះ ង្វៀង យ៉ាំងយី អាយុ៣២ឆ្នាំ ជនជាតិវៀតណាម មុខរបរពីមុនលក់ដំឡូងជៀន ជាអ្នកប្រើប្រាស់គ្រឿងញៀន ស្នាក់នៅក្រុម៥ ភូមិក១ សង្កាត់ច្រាំងចំរេះទី២ ខណ្ឌឫស្សីកែវ ត្រូវបានលោកស្រី កែវ សុគន្ធា ព្រះរាជអាជ្ញារង នៃអយ្យការអមសាលាដំបូងរាជធានីភ្នំពេញ ចោទប្រកាន់ពីបទ ឃាតកម្មដោយមានទារុណកម្ម អំពើឃោរឃៅ ឬ អំពើរំលោភសេពសន្ថវៈ តាមមាត្រា២០៥ នៃក្រមព្រហ្មទណ្ឌ។ បើតាមមាត្រា២០៥ ចែងថា ឃាតកម្មដែលកើត ក្នុងពេលឬក្រោយ ពេលប្រព្រឹត្តអំពើទារុណកម្ម អំពើឃោរឃៅ ឬ អំពើរំលោភសេពសន្ថវៈ ត្រូវផ្តន្ទាទោសដាក់ពន្ធនាគារ អស់មួយជីវិត។

គួររំលឹកថា ករណីខាងលើនេះ បានកើតឡើងនៅម៉ោងជាង១០យប់ ថ្ងៃទី២៩ ខែឧសភា ឆ្នាំ២០១៨ នៅចំណុចជួរមាត់ទន្លេ ក្នុងភូមិក១ សង្កាត់ច្រាំងចំរេះទី២ ខណ្ឌឫស្សីកែវ។ ជនជាតិវៀតណាមរូបនេះ ដោយសារឥទ្ធិពល នៃគ្រឿងញៀន បានចាប់ក្មេងស្រីអនីតិជន ជាជនជាតិវៀតណាមដូចគ្នា មានវ័យទើបតែ៤ឆ្នាំ ដើម្បីបង្ខាំង បង្ខំរំលោភ រួចមួលកបំបាក់សម្លាប់ចោល ហើយយកសាកសពទៅញាត់ចូលក្នុងកូនពាងទឹក យ៉ាងសាហាវព្រៃផ្សៃជាទីបំផុត ដើម្បីបំបាត់ភស្តុតាង តែឈាមស្រែកស្បែកហៅ ត្រូវជាប់ខ្នោះនគរបាល ខណៈពេលកំពុងព្យាយាមរត់គេចខ្លួន៕

ដោយ៖ វុន សុខជា

បន្ទាយមានជ័យ៖ កម្លាំងនគរបាលប្រឆាំងបទល្មើសសេដ្ឋកិច្ចខេត្តបន្ទាយមានជ័យ បានឃាត់រថយន្ត២គ្រឿង ដឹកគ្រឿងក្នុងជ្រូកមានបេះដូង អណ្តាត ក្រពះ គ្រលៀន ជើង ត្រចៀក ពោះវៀន ដែលឈ្មួញលួចនាំចូលពីប្រទេសថៃ ២៤កេស ស្មើនឹង១០៨៥គីឡូក្រាម កាលពីវេលាម៉ោង៣និង៤០នាទីឈានចូលថ្ងៃទី៣ ខែមិថុនា ឆ្នាំ២០១៨ នៅតាមបណ្តោយផ្លូវជាតិលេខ៥ ស្ថិតភូមិ/សង្កាត់អូរអំបិល ក្រុងសិរីសោភ័ណ ហើយដុតកម្ចេចចោលនៅទីលានចាក់សំរាមក្រុងសិរីសោភ័ណ។

លោកឧត្តមសេនីយ៍ត្រី ចាប សុផារិទ្ធ ស្នងការរងទទួលផែនប្រឆាំងបទល្មើសសេដ្ឋកិច្ចខេត្តបន្ទាយមានជ័យបានឲ្យដឹងថា ម្ចាស់រថយន្តដែលជាអ្នកបើកបរទី១មានឈ្មោះ យួរ រដ្ឋា ភេទប្រុស អាយុ៣៨ឆ្នាំ រស់នៅភូមិដូង ឃុំ/ស្រុកម៉ាឡៃ ជាម្ចាស់រថយន្តធុនតូយូតាស៊ីណា ពាក់ស្លាកលេខ ភ្នំពេញ 2AJ-3407 ដឹកគ្រឿងក្នុងជ្រូក២០កេស ទី២.ឈ្មោះ សៀម ណេង ភេទប្រុស អាយុ៣៦ឆ្នាំ រស់នៅភូមិកញ្ចាង ឃុំកុមារាជា ស្រុកបាទី ខេត្តតាកែវ ម្ចាស់រថយន្តតូយោតាហាយឡែនឌ័រ ពាក់ស្លាកលេខ ភ្នំពេញ 2AI.2801ដែលដឹកគ្រឿងក្នុងជ្រូក៤កេស។

លោកស្នងការរងបន្តថាដោយមានការណែនាំពីអគ្គស្នងការនគបាលជាតិនិងមានការណែនាំពីលោកឧត្តមសេនីយ៍ទោ អាត់ ខែម ស្នងការនគរបាលខេត្តបន្ទាយមានជ័យដើម្បីទប់ស្កាត់ទំនិញគេចពន្ធនិងខូចគុណភាពលួចដែលឈ្មួញលួចនាំចូលពីប្រទេសថៃ ហើយកម្លាំងនគរបាលប្រឆាំងបទល្មើសសេដ្ឋកិច្ចខេត្តបន្ទាយមានជ័យដែលដឹកនាំដោយលោក សុខ កែវបណ្ឌិត ព្រះរាជអាជ្ញារងអមសាលាដំបូងខេត្ត លោកវរសេនីយ៍ទោ រស់ អៀម នាយរងការិយាល័យប្រឆាំងបទល្មើសសេដ្ឋកិច្ចខេត្តនិងលោកវរសេនីយ៍ត្រី ម៉ៃ បូរ៉ាន់ នាយផ្នែកប្រឆាំងបទល្មើសសេដ្ឋកិច្ចខេត្តបាន ស្រាវជ្រាវឃាត់រថយន្ត២គ្រឿងនិងម្ចាស់រថយន្ត២នាក់។
គ្រឿងក្នុងជ្រូកដែលឈ្មួញលួចនាំចូលពីថៃមាន២៤កេសទំងន់ស្មើ១.០៨៥គីឡូក្រាមរួមមានៈ បេះដូងជ្រូក១៥០គីឡូក្រាម, អណ្តាតជ្រូក១៩៧គីឡូក្រាម ក្រពះជ្រូក១៣០គីឡូក្រាម ក្រលៀនជ្រូក៥០គីឡូក្រាម ជើងជ្រូក១១៨គីឡូក្រាម ត្រចៀកជ្រូក២៨០គីឡូក្រាម ពោះវៀនជ្រូក១៦០គីឡូក្រាម។

លោកឧត្តមសេនីយ៍ទោ អាត់ ខែម ស្នងការនគរបាលខេត្តបន្ទាយមានជ័យបានឲ្យដឹងថា តាមចម្លើយម្ចាស់រថយន្តជាអ្នកបើកបរគឺឈ្មួញលួចនាំចូលពីប្រទេសថៃមានបំណងនាំទៅភ្នំពេញ។ ដោយស៊ីឈ្នួលដឹកឲ្យឈ្មួញពីក្រុងប៉ោយប៉ែតទៅភ្នំពេញឈ្នួលដឹក១កេសតម្លៃ២៥.០០០រៀល។
លោកស្នងការបន្តថាបច្ចុប្បន្នកម្លាំងនគរបាលជំនាញកំពុងស្រាវជ្រាវរកចាប់ខ្លួនឈ្មួញដែលនាំចូលគ្រឿងក្នុងសត្វជ្រូកនាំចូលពីប្រទសថៃចូលមកកម្ពុជាដើម្បីចាត់ការតាមច្បាប់។ ចំណែកម្ចាស់រថយន្តជាបើកបរស៊ីឈ្នួលដឹកគ្រឿងក្នុងសត្វជ្រូកល្មើសច្បាប់ត្រូវបានកសាងសំណុំរឿងបញ្ជូនទៅសាលាដំបូងខេត្តបន្ទាយមានជ័យចាត់ការតាមច្បាប់ ។

លោកឧត្តមសេនីយ៍ត្រី ចាប សុផាប្ញទ្ធិ ស្នងការរង ទទួលផែនប្រឆាំងបទល្មើស បានបញ្ជាក់ឲ្យដឹងថា៖ ឆ្លងតាមការសាកសួរចម្លើយ ពីអ្នកបើកបររថយន្តទាំង២នាក់ គេបានសារភាពថាការដឹកជញ្ជូនចំណីអាហារគ្រឿងក្នុងជ្រូកនេះ គឺអស់រយៈពេលជាង២ឆ្នាំមកហើយក្នុង១ខែ គឺគេដឹកបាន១ជើងទៅ២ជើង ដោយដឹកចេញពីក្នុងបូរី១ ដែលគេមិនស្គាល់ឈ្មោះ នៅជិតហាងអង្គរជាយដែន ក្រុងប៉ោយប៉ែតត ឆ្ពោះទៅក្រុងភ្នំពេញ យកទៅឲ្យឈ្មោះអៀម និងឈ្មោះទូ នៅម្តុំបឹងកក់ រាជធានីភ្នំពេញ។
លោកស្នងការរង បានបញ្ជាក់ទៀតថា៖ គ្រឿងក្នុងជ្រូកទាំងអស់នេះ បានធ្វើការត្រួតពិនិត្យដោយ មានការចូលរួមពីលោក សុខ កែវបណ្ឌិត ព្រះរាជអាជ្ញារង អមសាលាដំបូងខេត្តរួចមក ត្រូវបានកម្លាំងជំនាញ យកទៅធ្វើការដុតកំទេចចោល នៅវេលាម៉ោង១០ព្រឹកថ្ងៃដដែលនេះផងដែរ៕

ដោយ៖ វុន សុខជា

ភ្នំពេញ៖ ឯកឧត្តម ឃួង ស្រេង អនុប្រធានគណបក្សប្រជាជនកម្ពុជារាជធានីភ្នំពេញ  បានបញ្ជាក់បែបនេះនៅព្រឹកថ្ងៃទី៣ ខែមិថុនា ឆ្នាំ២០១៨នេះ ក្នុងពេលឯកឧត្តម រួមជាមួយអាជ្ញាធរដែនដី និងក្រុមការងារមួយចំនួនទៀត បានអញ្ជើញទៅជួបសំណេះសំណាល សួរសុខទុក្ខនិងស្តាប់សំណូមពរប្រជាពលរដ្ឋក្នុងបុរីសន្តិភាព២ក្នុងសង្កាត់ចោមចៅទី២ ខណ្ឌពោធិសែនជ័យដើម្បីផ្សារភ្ជាប់ទៅនឹងសុខទុក្ខរបស់ប្រជាពលរដ្ឋ ក៏ដូចជាបង្កើននូវភាពស្និតស្នាលជាមួយប្រជាពលរដ្ឋ ។

លោកហែម ដារិទ្ធិ អនុប្រធានគណបក្សប្រជាជនកម្ពុជា ខណ្ឌពោធិសែនជ័យបានឱ្យដឹងដែរថា ៖ការដែលឯកឧត្តម ឃួង ស្រេង ចុះផ្ទាល់នៅសហគមន៏បុរីសន្តិភាព២ នឹងបានពិនិត្យស្ថានភាពរស់នៅជាក់ស្តែងរបស់បងប្អូននៅសហគមនេះដែលកំពុងមានការរីកចំរើនគួ ឱ្យកត់សំគាល់ទាំងសំណង់លំនៅដ្ឋាន,ហេដ្ឋារចនាសម្ពន្ធ័ក៏ដូចជាការរីកចំរើនលើផ្នែកជីវភាពរស់នៅរបស់បងប្អូនផងដែរ។

អនុប្រធានគណបក្សប្រជាជនកម្ពុជារាជធានីភ្នំពេញបានប្រាប់ប្រជាពលរដ្ឋក្នុងបុរីសន្តិភាព២ក្នុងសង្កាត់ចោមចៅទី២ខណ្ឌពោធិសែនជ័យថា៖ គណបក្សប្រជាជនកម្ពុជាជាគណបក្សសន្យាធ្វើមិនមែនសន្យាខ្យល់ទេសូមជឿទុកចិត្តចុះ
ក្នុងឱកាសជួបជាមួយប្រជាពលរដ្ឋសហគមន៍បុរីសន្តិភាព២ នៅសង្កាត់ចោមចៅទី២ ឯកឧត្តម ឃួងស្រេង បានជំរាបទៅបងប្អូនប្រជាពលរដ្ឋដែលមកស្វាគមន៏លោកដោយភាពជឿជាក់ថា៖គណបក្សប្រជាជនកម្ពុជា គឺជាគណបក្សសន្យាធ្វើ មិនមែនសន្យាខ្យល់នោះទេជាក់ស្តែងយើងបានកសាងសមិទ្ធិផលជាច្រើនបំពេញតាមតំរូវការជាមូលដ្ឋានរបស់ប្រជាពលរដ្ឋនៅទីនេះដែលពីមុនតំបន់នេះគ្មានអ្វីទាំងអស់។

រហូតមកដល់ឥឡូវបងប្អូនមានផ្ទះសំបែងរស់នៅសមរម្យ,មានទីផ្សារ,មានប្រពន្ធ័ទឹក,ភ្លើងរដ្ឋប្រើប្រាស់ មានសេវារថយន្តក្រុង និងសេវាសុខភាពជាដើម។ឯកឧត្តម អនុប្រធានបានជំរុញឲ្យមន្ត្រីជំនាញខិតខំធ្វើយ៉ាងណាបង្កើតប៉ុស្ត៏សុខភាពមួយឲ្យបាននៅទីនេះដោយឲ្យសហគមផ្តល់ផ្ទះ២ល្វែងសំរាប់បង្កើតប៉ុស្ត៏សុខភាពនេះនៅចំកណ្តាលសហគមដើម្បីងាយស្រួលដល់ប្រជាពលរដ្ឋយើងមកទទួលសេវាសុខភាព។លោកក៏បានណែនាំឲ្យមានការចាក់សាប និងដាក់ប្រពន្ធ័លូនៅចំណុចចំណតរថយន្តក្រុងឲ្យបានល្អប្រសើរផងដែរ។
ជាមួយគ្នានេះ រដ្ឋបាលរាជធានីភ្នំពេញ ក៏ដូចអាជ្ញាធរដែនដីនឹង បន្តរៀបចំកែលំអរផ្លូវបេតុង និងដាក់ប្រពន្ធ័លូក្នុងសហគមន៍បន្តទៀតនៅក្រោយការបោះឆ្នោត និងក្រោយពីទទួលបានទំនុកចិត្តពីប្រជាពលរដ្ឋ ដែលនេះគឺជាការសន្យាធ្វើមិនមែនសន្យាខ្យល់នោះទេ។សហគមសន្តិភាព២ មានការអភិវឌ្ឍន៏មិនចាញ់សហគមដទៃទៀតក្នុងរាជធានីភ្នំពេញនោះឡើយក្រោមការយកចិត្តទុកដាក់ពីអាជ្ញាធរដែនដីគ្រប់លំដាប់ថ្នាក់,ការយកចិត្តទុកដាក់ពីរដ្ឋបាលរាជធានីភ្នំពេញដែលតែងតែចុះជាប់ដើម្បីបានដឹងពីសុខទុក្ខរបស់បងប្អូន ជាពិសេសទទួលបានការណែនាំ និងការគិតគូរដ៏ខ្ពង់ខ្ពស់ពីសម្តេចអគ្គមហាសេនាបតីតេជោហ៊ុនសែន នាយករដ្ឋមន្ត្រីនៃព្រះរាជាណាចក្រកម្ពុជា និងជាប្រធានគណបក្សប្រជាជនកម្ពុជាដែលតែងផ្សារភ្ជាប់សុខទុក្ខជាមួយប្រជាពលរដ្ឋជាប់ជានិច្ច។
ឆ្លៀតក្នុងឱកាសនោះដែរឯកឧត្តម ឃួង ស្រេង ក៏បានអំពាវនាវដល់បងប្អូនប្រជាពលរដ្ឋដែលមានសិទ្ធបោះឆ្នោតសូមទៅបោះឆ្នោតឲ្យបានគ្រប់ៗគ្នាដើម្បីជ្រើសតាំងតំណាងរាស្រ្តអាណត្តិទី៦នៅថ្ងៃទី២៩កក្កដា ឆ្នាំ២០១៨ខាងមុខដើម្បីផ្តល់ឧិកាសជូនសម្តេចតេជោបន្តដឹកនាំរាជរដ្ឋាភិបាលឆ្ពោះទៅរកការអភិវឌ្ឍន៏រីកចំរើនខ្លាំងក្លាបន្តទៀត។

គួរបញ្ជាក់ដែរថា៖ សហគមន៏សន្តិភាព២ មានសហគមប្រជាពលរដ្ឋចំនួន៨សហគមស្មើនឹង២៥៥០គ្រួសារដែលភាគច្រើនបងប្អូនប្រកបរបរលក់ដូរ,សេវាកម្ម និងកម្មកររោងចក្រ។បងប្អូនទាំងជាង២ពាន់គ្រួសារនេះភាគច្រើនត្រូវផ្លាស់ប្តូរទីលំនៅបែបមិនរៀបរយចេញពីសហគមដីក្រហម,សហគមបឹងកក់ និង១ផ្នែកទៀតមកពីប្រភពផ្សេងៗតាំងពីឆ្នាំ២០០៦,២០០៩ និងឆ្នាំ២០១០៕

ដោយ វុន សុខជា

ស្រីកាកី ប្តីមិននៅលួច​រួមរក្សជាមួយប្អូនថ្លែ ពេលប្តីមក​ទាន់ចាប់វាយរបួសពេញខ្លួន សមត្ថកិច្ចចាប់ខ្លួនប្តី ដាក់ខ្នោះចោទពីបទហឹង្សាក្នុងគ្រួសារ

ខេត្តកោះកុង ៖ កាលពី​វេលា​ម៉ោង​៥​និង​២០​នាទី​ល្ងាចថ្ងៃ​ទី​០២ មិថុនា ២០១៨ មាន​ករណី​អំពើ​ហិង្សា​ក្នុង​គ្រូ​សារ​មួយ​បាន​កើតឡើង​នៅ​ចំណុច​ភូមិ​កោះ​ប៉ោ ឃុំ​ប៉ាក់​ខ្ល​ង ស្រុក​មណ្ឌល​សីមា ខេត្តកោះកុង គឺ​ប្តី​វាយ​ប្រពន្ធ​ព្រោះ តែ​ប្រពន្ធ​លួច​មាន​សហាយស្មន់ ដេក​រួមរក្ស​ជាមួយ​ប្អូនបង្កើត​នៅ​លើ​ផ្ទះ ខណៈ​ប្តី​ទៅ​ទាន់ ។

ជនសង្ស័យ​ជា​ប្តី​ឈ្មោះ ម្បេ​ត សំ​ឡឺ​ង អាយុ​២១​ឆ្នាំ មុខរបរ​ជា​អ្នកនេសាទ (​ឃាត់ខ្លួន​) រីឯ​ជន​រង​គ្រោះជា​ប្រពន្ធ​មាន​អាយុ​១៩​ឆ្នាំ មាន​ទីលំនៅ​ភូមិ ខេត្តកោះកុង ។

ដើមចម​បណ្តាល​ឲ្យ​ប្តី​ប្រើ​អំពើ​ហិង្សា​លើ​ប្រពន្ធ​ត្រូវ​បាន​បុរស​ជា​ប្តី​សារភាព​ប្រាប់​សមត្ថកិច្ច​ឲ្យ​ដឹង​ថា ថ្ងៃ​កើតហេតុ​ខ្លួន​បាន​ទៅ​នេសាទ​ត្រី​នៅ​កណ្តាល​សមុទ្រ​ដូច​សព្វមួយដង លុះ​វេលា​ល្ងាច​ខ្លួន​បាន​មក​ដល់​ផ្ទះ ស្រាប់តែ​ឃើញ​ប្រពន្ធ​កំពុង​ផិតក្បត់​ដេក​រួមរក្ស​ជាមួយ​ប្អូនប្រុស​ខ្លួន​បង្កើត​ដែល​ពេល​នោះ​ខ្លួន​ខឹង​ពេក​ទ្រាំ​មិន បាន​ក៏​ចាប់​វាយ​ប្រពន្ធ​ហើម​មុខ​ហើម​មាត់ ។

ភ្លាម​នោះ​ដែរ​ប្អូនប្រុស​បាន​ស្ទុះ​លោត​ចេញ​តាម​បង្អួច​រត់គេច​ខ្លួន​បាត់ ។ ករណី​អំពើ​ហិង្សា​នោះ​ត្រូវ​បាន​សមត្ថកិច្ច​ចាប់ខ្លួន​បុរស​ជា​ប្តី ហើយ​ក៏​សាង​សំណុំរឿង​តាម​ផ្លូវច្បាប់ ពី​បទ​ប្រើ​អំពើ​ហិង្សា ៕

ខេត្តកំពត៖ គ្រោះថ្នាក់ចរាចរណ៍ដ៍រន្ធត់មួយបានកើតឡើងកាលពីវេលាម៉ោង៨និង៥០នាទីព្រឹក​ថ្ងៃទី០៣ ខែមិថុនា ឆ្នាំ២០១៨នេះ លើ​កំណាត់​ផ្លូវជាតិ​លេខ៣ កំពត-ព្រះសីហនុ ចំណុច​ខាងលិច ផ្លូវ​ចូល​កំពុងផែ​ថ្មី​វិញ​ហួរ ចម្ងាយ ១០០ម៉ែត្រ ស្ថិតក្នុង ភូមិ​គីឡូ១២ ឃុំ​កោះ​តូច ស្រុក​ទឹកឈូ ខេត្តកំពត។

បើតាមសម្តីអ្មកនៅក្បែរនោះបានប្រាប់ថា មុនពេល​កើតហេតុ គេ​ឃើញ​រថយន្ត​ដឹកជញ្ជូន ធន់​ធំ ម៉ាក ហ៊ី​យិន​ដាយ ពណ៌​ស ពាក់​ស្លាក លេខ សៀមរាប 3A-1505 បើកបរ​ក្រោម​មេឃ កំពុង​ធ្លាក់ភ្លៀង ក្នុង​ល្បឿន​លឿន ទិសដៅ​ពី​លិចទៅ​កើត លុះ​ជិត​ដល់​ចំណុចកើតហេតុ បាន​បើក​វ៉ា​ម៉ូតូ មួយគ្រឿង ហើយក៏​រអិល ជ្រុល​ទៅបុក​រថយន្ត​ធន់​ធំ មួយគ្រឿង​ទៀត ម៉ាក​ហ្វុ​យ​សូ ពណ៌​ស ដែល​ខ្ទាត​ស្លាក​លេខ​ធ្លាក់​បាត់ ក្នុងទិសដៅ​ប​ញ្ជ្រា​ស់​គ្នា លាន់​ដូច​រន្ទះបាញ់​ក៏​បណ្តាល​ឲ្យ តៃកុង​និង​ព្រូ​រថយន្ត ពីរ​នាក់ ដែល​មិនទាន់​ស្គាល់ឈ្មោះ រងរបួស​ធ្ងន់។

រីឯ​អ្នកបើកបរ​រថយន្ត​ហ៊ី​យិន​ដាយ សំណាងល្អមិនមានគ្រោះថ្នាក់ ហើយក្រោយ​ហេតុការណ៍​ភ្លាម បាន​ចុះ​រត់​គេចខ្លួនបាត់ ៕

(មានវិដេអូ)

https://www.facebook.com/plugins/video.php?href=https%3A%2F%2Fwww.facebook.com%2Fcampost.news%2Fvideos%2F1948377275214779%2F&show_text=0&width=560
https://www.facebook.com/plugins/video.php?href=https%3A%2F%2Fwww.facebook.com%2Fcampost.news%2Fvideos%2F1948377398548100%2F&show_text=0&width=560

ដោយ៖ សុវណ្ណ ដេត
ប្រភព៖ FB

ភ្នំពេញ ៖ ចោរមួយក្រុម ហែករបង ចូលគាស់ទូរដែកក្នុងរោងចក្រ​ដេរស្បែកជើង យីហោ«​ម៉ា​រូ ឈុ​ន »យកបា្រក់អស់រលីង ហេតុការណ៍​ខាងលើ​នោះ​បាន​បង្ក​ឲ្យ​មានការ​ភ្ញាក់ផ្អើល​កាលពី​វេលា​ម៉ោង​៨​និង​២០​នាទី​ព្រឹក​ថ្ងៃ​ទី​៣ ខែមិថុនា ឆ្នាំ​២០១៨ នៅ​ក្នុង​រោងចក្រ​យីហោ​«​ម៉ា​រូ ឈុ​ន​» ដែល​មាន​ទីតាំង​ស្ថិត​នៅ​ក្នុង​ជិត​ផ្សារ​ទួល​ពង្រ ស្ថិត​នៅ​ក្នុងភូមិ​ទួល​ពង្រ សង្កាត់​ចោម​ចៅ​១ ខណ្ឌ​ពោធិ៍​សែន​ជ័យ រាជធានី​ភ្នំពេញ​។

តាម​ប្រភព​ព័ត៌មាន​បាន​ឲ្យ​ដឹង​ថា តាម​ការ​ត្រួតពិនិត្យ​កាមេរ៉ា​សុវត្ថិភាព​ក្រុម​ចោរ​មាន​គ្នា​ច្រើន​នាក់​ពាក់​ម៉ាស់​បិទមុខ ហើយ​បាន​ធ្វើ​សកម្មភាព​គាស់​ទូដែក​ទាំង​២​នោះ​រយៈពេល​យូរ​ដែរ​ទំ​រាំ​តែ​រួច​។ មិនតែប៉ុណ្ណោះ​ពួក​ចោរ​បាន​កាត់​លួស​បន្លា​របង​ពី​ចំហៀង​ដែល​ជា​កន្លែង​ស្ងាត់​ចូល​ទៅ​ក្នុង​រោងចក្រ ហើយ​ពេល​ធ្វើ​សកម្មភាព​បាន​សម្រេច​ក៏​បាន​ចេញ​ទៅ​វិញ​តាម​ច្រក​ដដែល​នោះ​វិញ​ដែរ​។

ចំណែក​ប្រាក់​ដែល​ត្រូវ​បាត់បង់​នោះ​មិន​ទាន់​ដឹង​ថា​មាន​ចំនួន​ប៉ុន្មាន​នៅឡើយ​ទេ ប៉ុន្តែ​លុយ​សម្រាប់​បើក​ឲ្យ​កម្មករ​នៅ​មិន​ទាន់​បាន​យក​ទៅ​ទុក​នៅ​ទីនោះ​នៅឡើយ​ទេ​។

ប្រភព​ដដែល​បាន​បន្ត​ទៀត​ថា ក្រុម​ចោរ​បាន​ចូល​ទៅ​ធ្វើ​សកម្មភាព​នៅ​វេលា​ម៉ោង​ជិត​៣​ទៀប​ភ្លឺ​ឈាន​ចូល​ថ្ងៃ​ទី​៣ ខែមិថុនា ហើយ​សន្តិសុខ​ដែល​យាម​នៅ​ទីនោះ​មិន​បានដឹង​ឡើយ ។ រហូត​ដល់​វេលា​ម៉ោង​៨​និង​២០​នាទី​ព្រឹក​ថ្ងៃ​ដដែល​ទើប​មានការ​ភ្ញាក់ផ្អើល​បន្ទាប់​ពី​ថៅកែ​ចូល​ទៅ​ដល់​ក្នុង​រោងចក្រ ហើយ​ចូល​ទៅ​ពិនិត្យ​ឯកសារ​នៅ​ក្នុង​បន្ទប់​នោះ ស្រាប់តែ​ឃើញ​មាន​ស្នាម​គាស់​បន្ទប់ និង​គាស់​ទូដែក ចំណែក​អី​វ៉ាន់​មាន​ស្ថានភាព​រប៉ាត់រប៉ាយ ។ បន្ទាប់​មក​ក៏​បាន​ទៅ​ប្ដឹង​នគរបាល​ឲ្យ​ចុះ​ទៅ​ពិនិត្យ​មើល​ដើម្បី​កសាង​សំណុំរឿង​ស្រាវជ្រាវ​រក​ក្រុម​ចោរ​ទាំងនោះ​និង​ចាប់ខ្លួន​ចាត់ការ​តាម​ច្បាប់​៕
ប្រភព៖ FB

បន្ទាយមានជ័យ ៖ ចោរវយ័ក្មេង២នាក់ ជាប់អន្ទាក់ប៉ូលីស បន្ទាប់ពី​ឆក់​កាបូប ពីស្ត្រី​ម្នាក់​បណ្តាលអោយដួល​ម៉ូតូរងរបួស​ធ្ងន់   ហេតុការណ៍​នេះបានកើត​ឡើង​កាលពី ថ្ងៃទី០២ខែ មិថុនា ឆ្នាំ២០១៨ នៅ​ចំណុច​បេនឡាន​ចាស់ ស្ថិត​ក្នុងភូមិ៣ សង្កាត់​ព្រះ​ពន្លា ក្រុង​សិរីសោភ័ណ ខេត្តបន្ទាយមានជ័យ​។

ជនសង្ស័យ​ទាំង២នាក់រួមមាន៖
១-ឈ្មោះ​ទិ​ត្យ រ៉ា​ពី ភេទ​ប្រុស​អាយុ១៧ឆ្នាំ
២- ឈ្មោះ ហែម រតនា​ភេទ​ប្រុស​អាយុ១៥ឆ្នាំ

លោក​វរសេនីយ៍​បន្តថា​នៅមុន​ពេល​កើតហេតុ​នោះ​ជនរងគ្រោះ​ឈ្មោះ​ វ៉ា​ ដា​រិ​ន​ ភេទស្រី ​អាយុ៤៩ឆ្នាំ​ រស់នៅ​ភូមិ​កន្ទួត ​សង្កាត់​កំពង់ស្វាយ ​ក្រុង​សិរីសោភ័ណ​ ខេត្តបន្ទាយមានជ័យ ​បាន​ជិះ​ម៉ូតូ​ចេញពី​ផ្សារ​ថ្មី​សំដៅ​មក​បេនឡាន។

ក្មេងស្ទាវ២នាក់​ជិះ​ម៉ូតូ​ទៅ​ផឹកស្រា​នៅផ្ទះ​មិត្តភក្តិ​ហើយ​បាន​ចេញមក​ធ្វើ​សកម្មភាព​នៅ​បេនឡាន​ចាស់​ក៏​ឆក់យក​កាបូប​បណ្តាល​ឲ្យ​ដួល​ទៅលើ​ថ្នល់ជាតិ​បណ្តាល​ឲ្យ​របួសធ្ងន់។
ជនរងគ្រោះ​ត្រូវបាន​ប្រជាពលរដ្ឋ​ដឹកយក​ទៅ​សង្គ្រោះ​នៅ​មន្ទី​ពេទ្យភ្លាមៗ ចំណែក​ជនល្មើស​គេចខ្លួនបន្ទាប់ពីធ្វើសកម្មភាពរួច។
ហើយមិនបានប៉ុន្មានផងនោះជនសង្ស័យត្រូវបានសមត្ថកិច្ចចាប់បានផងដែរ ជនសង្ស័យ​បាន​ឆ្លើយ​សារភាពថា​ខ្លួន​ពិតជា​បាន​ឆក់​កាបូប​របស់​ជនរងគ្រោះ​នោះ​មែន ព្រោះ​ឃើញ​គាត់​តែម្នាក់ឯង ហើយ​ទំនង​ជាមាន​លុយកាក់​ច្រើន​ហើយ​មើលទៅ ។
បច្ចុប្បន្នជនសង្ស័យត្រូវបានកម្លាំង​ជំនាញ​កសាង​សំណុំរឿង​បញ្ជូនទៅ​តុលាការ​ហើយ៕

ដោយ៖ សុវណ្ណ ដេត

(ត្បូងឃ្មុំ) នៅព្រឹកថ្ងៃសៅរ៍ ទី២ ខែមិថុនាឆ្នាំ២០១៨នេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា អញ្ជើញជាអធិបតីភាពដ៏ខ្ពង់ខ្ពស់ក្នុងពិធីសម្ពោធ អគារស្នាក់ការ​គណបក្សប្រជាជនកម្ពុជា​ ស្ថិតក្នុងឃុំជីរោទិ៍ទី២ ស្រុកត្បូងឃ្មុំ ខេត្តត្បូងឃ្មុំ។ អគារទីស្នាក់ការគណបក្សប្រជាជនកម្ពុជានេះ ជាអំណោយដ៍ថ្លៃថ្លា របស់សម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ដែលដឹកនាំកសាងដោយលោក ទេសរដ្ឋមន្ត្រី ជា សុផារ៉ា។ អគារនេះ មានបណ្តោយ៨០ម៉ែត្រ ទទឹង៥៤ម៉ែត្រ មានកម្ពស់២ជាន់ រួមទាំងជាន់ផ្ទាល់ដី លើផ្ទៃក្រឡា៥០២៣ម៉ែត្រការ៉េ និងលើផ្ទៃដីសរុប១៥,២០២ម៉ែត្រការ៉េ៕

  

ខេត្ត​ព្រះសីហនុ​ ៖ បន្ទាប់ពី​មានការយកចិត្តទុកដាក់ពី​ លោកឧត្ដមសេនីយ៍ទោ​ ជួន​ ណារិន​ ស្នងការនគរបាលខេត្តព្រះសីហនុ​ ដើម្បីរកយុត្តិធម៌អោយភាគីជំលោះរវាង​លោក​ ថាន​ ដារិន​ ប្រធានគណនេយ្យ​ និង​ លោក​ អ៊ុង​ កែវសុវណ្ណ​ បុគ្គលិក​ គណនេយ្យ​ កាស៊ីណូ​ Queenco នៅថ្ងៃទី​ ០២​ ខែ​ មិថុនា​ ឆ្នាំ​ ២០១៨​ សមត្ថកិច្ច​ផែនព្រហ្មទណ្ឌរបស់ស្នងការដ្ឋាននគរបាលខេត្តព្រះសីហនុ​ បានកោះហៅ​ លោក​ ថាន​ ដារិន​ និង​ លោក​ អ៊ុង​ កែវសុវណ្ណ​ មកសម្របសម្រួលគ្នា​ ដោយអោយលោក​ អ៊ុង​ កែវសុវណ្ណ​ សុំទោសលោក​ ថាន​ ដារិន​ អំពីកំហុសឆ្គងរបស់ខ្លួន​ និង​ បានអោយលោក​ ថាន​ ដារិន​ប្រធានគណនេយ្យ​កាស៊ីណូ​ ធ្វើការសុំទោស​លោកស្រី​ម្ដាយរបស់​ អ៊ុង​ កែវសុវណ្ណ​ ដែលលោក​ ថាន​ ដារិន​ បានជេរប្រមាថ​។បន្ទាប់មកភាគីទាំងពីរបានធ្វើកិច្ចសន្យាចំពោះមុខសមត្ថកិច្ចទុកជាភស្តុតាងហើយបានសន្យាឈប់ប្ដឹងផ្ដល់គ្នា​ចាប់ពីថ្ងៃនេះតទៅ​ ។​

ខ្ញុំសូ​មកោតសរសើរលោក​ ថាន​ ដារិន​ និង​ លោក​ កែវ​ អ៊ុង​ កែវសុវណ្ណ​ ដែលបានទទួលស្គាល់កំហុសរៀងៗខ្លួនហើយសន្យាឈប់បង្ករបញ្ហាទៀត​ ។​ ឆ្លៀតក្នុងឱកាសនេះ​ ខ្ញុំបាទសូមគោរពថ្លែងអំណរគុណចំពោះ​ លោក​ឧត្ដមសេនីយ៍​ទោ​ ជួន​ ណារិន​ ស្នងការខេត្តព្រះសីហនុ​ និង​ សមត្ថកិច្ច​ផែនព្រហ្មួទណ្ឌរបស់ស្នងការដ្ឋាននគរបាលខេត្តព្រះសីហនុ​ ដែលបានជួយដោះស្រាយសម្របសម្រួលដោះស្រាយបញ្ចប់បញ្ហាជូនប្រជាពលរដ្ឋ​ ៕

https://www.facebook.com/plugins/video.php?href=https%3A%2F%2Fwww.facebook.com%2Fvannak.pheng.3%2Fvideos%2F1666685730094899%2F&show_text=0&width=560

ប្រភព៖Vannak Pheng