បុរសម្នាក់ កំពុងបើកបររថយន្ត គ្រាន់តែឈប់រថយន្តភ្លាម ដាច់ខ្យល់ស្លាប់ភ្លាម បង្ករការភ្ញាក់ផ្អើលទាំងព្រឹក…(មានវិដេអូ)

ភ្នំពេញ ៖ បុរសម្នាក់ត្រូវបានរាយការណ៍មកថា បានស្លាប់ក្នុង រថយន្តខណៈកំពុង បើកបរតាមផ្លូវ នៅព្រឹកថ្ងៃទី២៩ ខែឧសភា ឆ្នាំ២០១៨នេះ ស្ថិតនៅក្នុងខណ្ឌសែនសុខ។

បើតាមសេចក្តីរាយការណ៍បាន ឲ្យដឹងថា ជនរងគ្រោះមានអាយុប្រមាណ៤០ឆ្នាំ ហើយករណីស្លាប់នេះសង្ស័យខ្យល់គ ខណៈដែលជនរងគ្រោះជិះរថយន្ត យកទៅលាងលុះខណះពេលដែលលាងរថយន្តហើយ ក៍បានជិះមកតាមផ្លូវ លុះដល់ចំណុចកើតហេតុ ក៏ឈប់រថយន្តដេកស្លាប់លើដៃចង្កូតរថយន្តតែម្តង រថយន្តដែលគាត់បើកបរនោះម៉ាក Hyundai ពណ៍ស ពាក់ស្លាកលេខ ភ្នំពេញ 2AS-2766 គាត់ជាតៃកុងបើកបរឲ្យក្រុមហ៊ុនមួយតែមិនអាចបញ្ជាក់បានថាជាក្រុមហ៊ុនណានោះទេ ។

ក្រោយពេលកើតហេតុ អ្នកដែលនៅកន្លែងកើេតហេតុ មានការអាណិតអាសូរ ដល់រូបគាត់យ៉ាងខ្លាំង ហើយប្អូនស្រីបង្កើតរបស់គាត់មកដល់ ពេលឃើញបងប្រុសរបស់ខ្លួន ស្លាប់នៅនិងមុខ គាត់មានសេចក្តីតក់ស្លុតយ៉ាងខ្លាំង ។

យ៉ាងណាក៏ដោយជនរងគ្រោះនៅមិនទាន់ដឹងអត្តសញ្ញាណនៅឡើយទេ ហើយពេល នេះកម្លាំងសមត្ថកិច្ចបានទាក់ទង ដើម្បីឲ្យសាច់ញាតិមកទទួលយកទៅធ្វើបុណ្យ តាមប្រពៃ ៕

(មានវិដេអូ)

https://www.facebook.com/plugins/video.php?href=https%3A%2F%2Fwww.facebook.com%2Fpostnews.m%2Fvideos%2F1727794347340123%2F&show_text=0&width=560

ដោយ៖ សុវណ្ណ ដេត

ប្រភព៖ Heng ly

សម្តេចតេជោ ហ៊ុន សែន នាយករដ្ឋមន្រ្តីកម្ពុជា បានប្រកាសអបអរសាទរ ចំពោះគណបក្សប្រជាជនកម្ពុជា លេខរៀងទី២០

ភ្នំពេញ៖ សម្តេចតេជោ ហ៊ុន សែន នាយករដ្ឋមន្រ្តីកម្ពុជា បានប្រកាសអបអរសាទរ ចំពោះគណបក្សប្រជាជនកម្ពុជា លេខរៀងទី២០ សម្រាប់ការបោះឆ្នោតជ្រើសតាំង តំណាងរាស្រ្តនីតិកាលទី៦។

សម្តេចតេជោ បានថ្លែងអរគុណបងប្អូនជនរួមជាតិ និងក្មួយៗយុវជន ព្រមទាំងកូនក្មួយកម្មករកម្មការិនី ដែលមានជំនឿជឿជាក់ គាំទ្រ និងបោះឆ្នោតជូន គណបក្សប្រជាជនកម្ពុជា ទាំងក្នុអាណត្តិមុនៗ និងនៅក្នុងអាណត្តិនេះ ដែលមានលេខរៀងទី២០។

នៅព្រឹកថ្ងៃទី២៩ខែឧសភានេះ គណៈកម្មាធិការជាតិ រៀបចំការបោះឆ្នោត (គ.ជ.ប) បានធ្វើការចាប់លេខរៀង គណបក្សនយោបាយទាំង២០ សម្រាប់ការចូលរួមបោះឆ្នោតជ្រើសតាំងតំណាងរាស្ត្រនីតិកាលទី៦ នៅថ្ងៃទី២៩ ខែកក្កដា ឆ្នាំ ២០១៨ ខាងមុខ។

សម្តេចនាយករដ្ឋមន្រ្តី បានបញ្ជាក់ថា “គណបក្សប្រជនកម្ពុជា ត្រូវចាប់លេខរៀងបានលេខទី២០ ដែលជាលេខងាយស្រួល ចំណាំដល់ពលរដ្ឋទូទាំងប្រទេស។ គ.ជ.ប នឹងដាក់បង្ហាញ ការបោះពុម្ព ទម្រង់សន្លឹកឆ្នោត នៅពេលឆាប់ៗនេះ”។

ខាងក្រោមនេះជាលេខរៀងរបស់ គណៈបក្សនយោបាយនានា ដែល(គ.ជ.ប) បានធ្វើការចាប់លេខរៀងនៅព្រឹកថ្ងៃទី ២៩ ខែ ឧសភា ឆ្នាំ ២០១៨៖

លេខ១ បានទៅលើគណបក្ស គណបក្សខ្មែររួបរួមជាតិ

–លេខ២ បានទៅលើគណបក្ស គណបក្សមាតុភូមិយើង

–លេខ៣ បានទៅលើគណបក្ស គណបក្សពន្លឺថ្មី

–លេខ៤ បានទៅលើគណបក្ស សញ្ជាតិកម្ពុជា

–លេខ៥ បានទៅលើគណបក្ស ខ្មែរក្រោក

–លេខ៦ បានទៅលើគណបក្ស សំបុកឃ្មុំ

–លេខ៧ បានទៅលើគណបក្ស ប្រជាធិបតេយ្យមូលដ្ឋាន

–លេខ៨ បានទៅលើគណបក្ស ខ្មែរសាធារណរដ្ឋប្រជាធិបតេយ្យ

–លេខ៩ បានទៅលើគណបក្ស រស្មីខេមរា

–លេខ១០ បានទៅលើគណបក្ស សម្ព័ន្ធដើម្បីប្រជាធិបតេយ្យ

–លេខ១១ បានទៅលើគណបក្ស ខ្មែរសាធារណរដ្ឋ

–លេខ១២ បានទៅលើគណបក្ស ខ្មែរឈប់ក្រ

–លេខ១៣ បានទៅលើគណបក្ស ហ្វ៊ុនស៊ិនប៉ិច

–លេខ១៤ បានទៅលើគណបក្ស ខ្មែរអភិវឌ្ឍន៍សេដ្ឋកិច្ច

–លេខ១៥ បានទៅលើគណបក្ស យុវជនកម្ពុជា

–លេខ១៦ បានទៅលើគណបក្ស ធម្មាធិបតេយ្យ

–លេខ១៧ បានទៅលើគណបក្ស ឆន្ទះខ្មែរ

–លេខ១៨ បានទៅលើគណបក្ស ជនជាតិដើមប្រជាធិបតេយ្យកម្ពុជា

–លេខ១៩ បានទៅលើគណបក្ស ខ្មែរតែមួយ

–លេខ២០ បានទៅលើគណបក្ស ប្រជាជនកម្ពុជា៕

ចាប់បញ្ជូនមន្ត្រីនគបាលខណ្ឌព្រែកព្នៅម្នាក់ទៅតុលាការករណី បាញ់បោះសេរី…

(ភ្នំពេញ)៖ នៅព្រឹកថ្ងៃទី២៩ ខែឧសភា ឆ្នាំ២០១៨នេះ សមត្ថកិច្ចព្រហ្មទណ្ឌ នៃស្នងការដ្ឋាននគរបាលរាជធានីភ្នំពេញ បានបញ្ជូនខ្លួនជនសង្ស័យ ជានគរបាលខណ្ឌព្រែកព្នៅម្នាក់ទៀត មកកាន់សាលាដំបូងរាជធានីភ្នំពេញ ដើម្បីចាត់ការតាមនីតិវិធីច្បាប់ ដោយសាររឿងបាញ់បោះសេរី។

លោក ប៊ុន សត្យា ប្រធានការិយាល័យនគរបាល ព្រហ្មទណ្ឌកំរិតស្រាលបានបញ្ជាកថា ជនសង្ស័យមានឈ្មោះ ផន សុផល ភេទប្រុស អាយុ៣៣ឆ្នាំ មុខរបរនគរបាលខណ្ឌព្រែកព្នៅ ស្នាក់នៅផ្ទះលេខ ១៤៤ AE1 ផ្លូវ៥៩៨ ភូមិទួលគោក សង្កាត់ទួលសង្កែ ខណ្ឌឬស្សីកែវ រាជធានីភ្នំពេញ។

សូមជម្រាបជូនថា សមត្ថកិច្ចបានឃាត់ខ្លួនជនសង្ស័យខាងលើ កាលពីព្រឹកថ្ងៃទី២៧ ខែឧសភា ឆ្នាំ២០១៨ បន្ទាប់ពីទទួលបានពាក្យបណ្តឹងរបស់ជនរងគ្រោះឈ្មោះ អន សារី ភេទប្រុស អាយុ៣០ឆ្នាំ មុខរបរសន្តិសុខផ្សារផ្លាហ្សា។

យោងតាមពាក្យបណ្តឹងរបស់ជនរងគ្រោះបានរៀបរាប់ថា នៅល្ងាចថ្ងៃទី២៦ ខែឧសភា ឆ្នាំ២០១៨ ជនសង្ស័យឈ្មោះ ផន សុផល បានជិះម៉ូតូ ម៉ាក ZOOMER X ពណ៍លឿង ក្នុងស្ថានភាពស្រវឹង បានដកកាំភ្លើងម៉ាក K54 បាញ់ឡើងលើ២គ្រាប់ (ផ្ទុះមួយគ្រាប់) នៅចំណុចមុខតូបលេខ ៧១៩០ ក្នុងផ្សារផ្លាហ្សា ផ្លូវលេខ៤៥ ភូមិទី១៧ សង្កាត់ស្រះចក ខណ្ឌដូនពេញ រាជធានីភ្នំពេញ៕

ប្រភព៖ Heng Ly

ឃោឃៅណាស់ ថៅកែស្រីយួនកាត់ចិននេះ ផ្តល់ត្រឹម៦០$ក្នុង១ខែ ហើយវាយធ្វើបាបរាល់ថ្ងៃ

ភ្នំពេញ ៖ ថៅកែស្រីយួនកាត់ចិននេះ ផ្តល់ត្រឹម៦០$ក្នុង១ខែ ហើយវាយធ្វើបាបរាល់ថ្ងៃ ។រឿងរ៉ាវខាងលើនេះ គឺជាការភ្ញាក់ផ្អើលថ្មីមួយទៀតជុំវិញការធ្វើទារុណលើអ្នកបម្រើប្រៀបដូចសត្វធាតុ ។ មិនដឹងថា រយៈពេល៤ឆ្នាំដែលក្មេងស្រីរូបនេះរស់នៅស៊ីឈ្នួលបម្រើនៅផ្ទះខាងលើ ទទួលភាពខ្លាចផ្សាមានទម្ងន់កម្រិតណានោះឡើយ ទំនងស្ទើរតែគ្មានវាចានឹងថ្លែងឱ្យអស់នូវទង្វើអមនុស្សធម៌នេះបានឡើយ។

ក្មេងស្រីជំទង់ម្នាក់ ដែលបានស្នាក់នៅស៊ីឈ្នួលបម្រើនៅក្នុងផ្ទះអ្នកលក់សម្លៀកបំពាក់មួយកន្លែង បានរងនូវទារុណកម្មពីសំណាក់ថៅកែស្រីរបស់ខ្លួនអស់រយៈពេល៤ឆ្នាំមកហើយ គួរឱ្យសង្វេគណាស់ ។ តាមប្រភពព័ត៌មានស្តីពីរឿងរ៉ាវខ្លោចផ្សារនេះ ត្រូវបានលាតត្រដាងឱ្យដឹងថា ពេលខ្លះនាងត្រូវថៅកែស្រីធ្វើទារុណកម្ម ដោយការឱ្យហូបអាហារមិនគ្រប់គ្រាន់ ក្នុងមួយថ្ងៃឱ្យហូបតែ២ពេលទេ គឺនៅ
ពេលព្រឹកម្ដង និងពេលល្ងាច ឬយប់ម្ដង ឯពេលថ្ងៃត្រង់គឺអត់ឱ្យហូបអ្វីឡើយ ។ ជាងនេះទៀត ថៅកែស្រី សាច់.សចិត្តខ្មៅនេះ បានវាយដំ ឬក៏យកម្ជុលដេរចាក់ពេលឆេះដុំម្តងៗ និងពេលខ្លះ ឈានដល់ការបង្អត់អាហារ ឬចាក់សោបង្ខាំងនាងទុកនៅក្នុងផ្ទះថែមទៀតផង ចង់ល្ងីល្ងើទៅហើយ ។

ភាពសាហាវព្រៃផ្សៃដែលជនទូទៅចាត់ទុកថា ជាភាពអមនុស្សធម៌នេះ បានអូសបន្លាយរយៈពេល៤ឆ្នាំកន្លងមកហើយ តាំងពីនាងទើបមានអាយុ១២ឆ្នាំម្លេះ តែមិនត្រូវបានគេដឹងទេ ព្រោះថៅកែស្រីមុខមិនញញឹមរូបនេះ គំរាមមិនឲ្យនាងប្រាប់អ្នកជិតខាង ឬប្រាប់ម្ដាយឡើយ ។ ប៉ុន្តែក្នុងពេលថ្មីៗនេះ ត្រូវបានអ្នកជិតខាងដឹង ក៏បានរាយការណ៍ជូននគរបាលឱ្យទៅរំដោះនាងចេញ និងបង្កឲ្យមានការភ្ញាក់ផ្អើលយ៉ាងខ្លាំង ។
ហេតុការណ៍នេះ បានកើតឡើងកាលពីវេលាម៉ោង០៥ និង៣០នាទីល្ងាចថ្ងៃទី២៧ ឧសភា នៅផ្សារបុរីសន្តិភាព២ ស្ថិតក្នុងភូមិដំណាក់ត្រយឹង សង្កាត់ចោមចៅ២ ខណ្ឌពោធិ៍សែនជ័យ ។

មន្ត្រីនគរបាលឱ្យដឹងថា ក្មេងស្រីជំទង់ខាងលើ ឈ្មោះ ជា ស្រីនូ ហៅស្រីពៅ អាយុ១៦ឆ្នាំ មានស្រុកកំណើតនៅភូមិទំនប់ថ្មី ឃុំត្រពាំងតាវ ស្រុកអន្លង់វែង ខេត្តឧត្តរមានជ័យ ។ នាងមានបងប្អូនរហូតដល់៩នាក់ (ប្រុស៤នាក់ និងស្រី៥នាក់) ហើយនាងគឺជាកូនទី៨ ។ ឪពុកនាងឈ្មោះ ជា សួ អាយុ៦៨ឆ្នាំ កំពុងមានជំងឺធ្ងន់នៅនឹងកន្ទេលក្រោកមិនរួច ម្តាយឈ្មោះ ឡេ ឡាយ អាយុ៦៥ឆ្នាំ ជាលក់បន្លែបន្តិចបន្តួច ហើយជីវភាពគ្រួសារយ៉ាប់យ៉ឺនបំផុត ។ តាមធម្មតាទៅហើយ ឱ្យតែឮថាមានកូនច្រើនប្រាកដណាស់ជាគ្រួសារក្រីក្រដូចពាក្យចាស់ពោលថា អ្នកមានកូនតិច អ្នកក្រកូនច្រើន ស្រួលមិនស្រួលមួយឆ្នាំមួយផង ។នាងបានមកស៊ីឈ្នួលធ្វើការងារនៅផ្ទះលក់សម្លៀកបំពាក់ខាងលើ៤ឆ្នាំមកហើយ គឺតាំងពីនាងទើបមានអាយុ១២ឆ្នាំកម្លេះ ។ ការរសាត់អណ្តែតមករស់នៅក្នុងផ្ទះខាងលើ ដែលថៅកែស្រីជាជនជាតិវៀតណាម កាត់ចិន មិនដែលបានសេចក្ដីសុខម្តងណាឡើយ គឺស្គាល់តែទុក្ខនិងរងទារុណកម្ម រហូតមានស្លាកស្នាមជាំពេញខ្លួនប្រាណ អត់មានអ្នកជួយ ។ ប្រភពដដែលបន្តថា ចំណែកថៅកែស្រីចិត្តអប្រិយ គ្មានធម៌មេត្តានេះឈ្មោះ ម៉េង រ័ត្នពិសី ហៅសុភា អាយុ៣៣ឆ្នាំ ជាជនជាតិវៀតណាមកាត់ចិន បន្លំប្រើឈ្មោះខ្មែរមានប្តីឈ្មោះ សុខ ទី អាយុ៣៣ឆ្នាំ ។ ប្តីប្រពន្ធនេះ មានកូនស្រីម្នាក់ក្នុងបន្ទុក និងមានមុខរបរលក់សម្លៀកបំពាក់នៅនឹងផ្ទះរបស់ខ្លួន ។ ស្ត្រីជាថៅកែជាប់ចោទ ត្រូវបានឃាត់ខ្លួននាំទៅសាកសួរនិងកសាងសំណុំរឿងចាត់ការតាមច្បាប់ ចំណែកបុរសជាប្ដីមិនត្រូវបានឃាត់ខ្លួនទេ ។

ក្មេងស្រីខាងលើបានរៀបរាប់ប្រាប់នគរបាលថា ដោយសារជីវភាពគ្រួសារទីទ័លក្រខ្លាំងពេក នាងមិនបានរៀនសូត្រដូចក្មេងៗ ដទៃទៀតឡើយ។ នៅអាយុ១២ឆ្នាំ គឺនៅឆ្នាំ២០១៤ នាងបានឃ្លាតឆ្ងាយពីឪពុកម្ដាយនិងបងប្អូនជាទីស្រឡាញ់ ព្រមទាំងផ្ទះសម្បែង មករស់នៅស៊ីឈ្នួលបម្រើថៅកែស្រីរូបនេះ ។ នាងទទួលបានប្រាក់ឈ្នួលក្នុង១ខែ ចំនួន៦០ដុល្លារជារៀងរាល់ខែ ដើម្បីយកទៅទិញថ្នាំព្យាបាលជំងឺឪពុក ។ ជារៀងរាល់ថ្ងៃ នាងត្រូវធ្វើការងារគ្មានពេលឈប់ សម្រាកឡើយ តាំងពីព្រលឹមរហូតដល់យប់ ។ មិនតែប៉ុណ្ណោះ ធ្វើមិនដែលត្រូវចិត្តថៅកែស្រីនេះម្ដងណាឡើយ គឺតែងតែទាស់ចិត្តរហូត ហើយមិនដែលទទួលបានការនិយាយផ្អែមល្ហែមម្ដងណាសោះ ថ្ងៃណាក៏ត្រូវថៅកែពាក់មុខយក្សដាក់នាងដែរ ។

ក្មេងស្រីរូបនេះរៀបរាប់ទៀតថា នាងត្រូវបានថៅកែស្រីម្នាក់នេះ វាយធ្វើបាបស្ទើររាល់ថ្ងៃ ជួនកាលយកម្ជុលដេរខោអាវចាក់ ឬចាក់សោបង្ខាំង ហើយ១ថ្ងៃឲ្យនាងហូបបាយតែ២ពេលប៉ុណ្ណោះ គឺនៅពេលព្រឹកម្ដង និងពេលល្ងាចម្ដង ឯនៅពេលថ្ងៃត្រង់អត់ឲ្យហូបទេ ។ ជាងនេះទៀត មានពេលខ្លះបង្អត់ពេញ១ថ្ងៃតែម្ដង ឲ្យតែហ៊ានធ្វើអ្វីខុសចិត្តបន្តិចនោះ ។ ថៅកែស្រីនេះ តែងតែគំរាមកំហែងមិនឲ្យនាងនិយាយទូរស័ព្ទឆ្លើយឆ្លងជាមួយម្ដាយនាងទេ ហើយក៏មិនឲ្យនិយាយរឿងធ្វើទារុណកម្មមកលើរូបនាងប្រាប់ដល់អ្នកជិតខាងដែរ គឺការរស់នៅក្នុងផ្ទះនោះមិនខុសពីជាប់គុកឡើយ ។

ក្មេងស្រីរងគ្រោះបានរៀបរាប់ប្រាប់នគរបាលទៀតថា នាងទទួលបានប្រាក់ឈ្នួល៦០ដុល្លារពីថៅកែនេះរយៈពេល៣ឆ្នាំ លុះមកដល់ឆ្នាំទី៤នេះ ត្រូវបានថៅកែដំឡើងឲ្យបានដល់១០០ដុល្លារ ។ ចំណែកឪពុកម្ដាយនាងមិនបានដឹងថា នាងទទួលរងទុក្ខវេទនាបែបនេះទេ ពួកគាត់នឹកស្មានថា នាងបានសេចក្ដីសុខ ។ ថ្មីៗនេះពួកគាត់បានខ្ចីលុយពីថៅកែនេះ១០០ដុល្លារមុនថែមទៀតផង ដោយឲ្យនាងធ្វើការសងរំលស់ឲ្យថៅកែ ។

មន្ត្រីនគរបាលនិយាយថា អំពើហិង្សាដោយការប្រើទារុណកម្មលើក្មេងស្រីនេះ មានរយៈពេល៤ឆ្នាំមកហើយ ប៉ុន្តែមិនមាននរណាម្នាក់បានដឹងឡើយ សូម្បីតែក្រុមគ្រួសារក្មេងស្រីក៏ដោយនិងទើបតែពេលថ្មីៗនេះ ត្រូវអ្នកជិតខាងដឹងហើយលួចរាយការណ៍ជូននគរបាលប៉ុស្តិ៍ចោមចៅ២ ទៅរំដោះក្មេងស្រីរងគ្រោះចេញពីផ្ទះនោះ ។

អ្វីដែលគួរឲ្យកត់សម្គាល់ គឺខណៈមន្ត្រីសមត្ថកិច្ចទៅដល់ស្ត្រីជាថៅកែរូបនេះ បានឈរជ្រែងស្រែកឡូឡាប្រឆាំងនឹងនគរបាលថែមទៀតផង ។ ប៉ុន្តែយ៉ាងណាក៏ដោយ នគរបាលបានឃាត់ខ្លួនស្ត្រីខាងលើនាំទៅសាកសួរនៅប៉ុស្តិ៍ និងកសាងសំណុំរឿងចាត់ការតាមច្បាប់ ។ ចំណែកក្មេងស្រីប្រគល់ជូនក្រុមគ្រួសារនាងវិញ៕

ដោយ វុន សុខជា

ប្រទះឃើញសពបុរសម្នាក់ដេកស្លាប់អាក្រាតកាយ… ( មិនទាន់ដឹងថាជាករណីប្លន់ ឫរំលោភទេ)😁

បន្ទាយមានជ័យ៖ កាលពីរសៀលថ្ងៃទី២៨ ខែឧសភា ឆ្នាំ២០១៨នេះ ពលរដ្ឋនិងកម្មករសំណង់បានប្រទះឃើញសពបុរសម្នាក់បានដេកអាក្រាតកាយនៅជើងភ្នំខ្លាកូនខាងក្រោយវិទ្យាល័យនេះនាភូមិខ្លាកូនសង្កាត់កំពង់ស្វាយក្រុងសិរីសោភ័ណ្ឌ ។

សពនោះមានសភាពហើមស្អុយរលួយនៅជើងភ្នំខ្លាកូនថ្មី ក្នុងរូបរាងអាក្រាតកាយ ខាងត្បូងវិទ្យាល័យហ៊ុនសែន ខ្លាកូន ប្រមាណ ៧០០ម៉ែត្រ។
សាភាពនៃសាកសព ៖
សពជើងកន្ធែកដៃលាតអត់ខោមានតែអាវយឺតដៃខ្លីក្រហម។ ឯខោខូវប៊យដែលស្រាតប្រឡាក់ឈាមនៅឆ្ងាយពីសព១៥ម។ យោងការធ្វើកោសល្យវិច្ច័យសពបានរងរបួសបែកក្បាលពីក្រោយ៤ស.ម ដាច់ចង្ការ៥ស.ម សៀតផ្កាឆ្វេងស្នាមដាច់៣ស.ម បបូរមាត់លើដាច់៣ស.ម អាចស្លាប់ពី៥ទៅ៧ថ្ងៃមកហើយ ។

សមត្ថកិច្ចសន្និដ្ឋានឱ្យដឹងថា សពមានឈ្មោះ ភឿន ស៊ីមឿន ភេទប្រុសអាយុ៣៧ឆ្នាំ (ក្នុងគណនីហ្វេសប៊ុក ដាក់ថា កូវីត ) លំនៅដ្ឋានភូមិគោរដ្ឋានសង្កាត់អូរអំបិលក្រុងសិរីសោភ័ណ ខេត្តបន្ទាយមានជ័យ ជនរងគ្រោះស្លាប់ដោយឃាតកម្មវាយនឹងដុំថ្ម។

គ្រួសារថា ជនរងគ្រោះបានបាត់ម៉ូតូ១គ្រឿងផងដែរមុនរកឃើញសពនេះ ហើយសាកសពត្រូវបានគ្រួសារយកទៅធ្វើបុណ្យតាមប្រពៃណីយ ៕

ដោយ៖ សុវណ្ណ ដេត
ប្រភព៖ Heng Ly

បន្ទាប់ពីផ្ទុះរឿងម្ចាស់ផ្ទះធ្វើបាបក្មេងស្រីជាប្អូន ពេលម្តាយក្មេងស្រីរងគ្រោះ កំពុងតាមរកបងក្មេងស្រីរងគ្រោះម្នាក់ទៀត…(មានវិដេអូ)

ភ្នំពេញ៖ ករណីក្មេងស្រីម្នាក់ ដែលត្រូវថៅកែវាយធ្វើបាបនៅបុរីសន្តិភាព២នោះ ឥលូវម្តាយក្មេងស្រីរងគ្រោះ កំពុងតាមរកបងស្រីរបស់គេម្នាក់ទៀតដែលមកធ្វើកានៅផ្ទះគេមួយកន្លែងទៀតនៅខ័ណ្ឌដូនពេញ ។

កាលពីម៉ោង១១៖២០នាទីយប់ ត្រូវថ្ងៃទី២៨ ខែឧសភា ឆ្នាំ២០១៨ នៅសង្កាត់ផ្សារ កណ្តាល១ ខ័ណ្ឌដូនពេញ បងស្រីនាងមានអាយុ១៧ឆ្នាំ ធ្វើការបំរើតាមផ្ទះអស់រយៈពេល៣ឆ្នាំហើយ ម្តាយក្មេងស្រីនោះ បារម្ភខ្លាចគេធ្វើបាប ក៏ចង់យកកូនមកនៅជាមួយវិញ អោយម្ចាស់ផ្ទះនោះ ដឹកយកកូនស្រីគាត់មកដាក់ នៅនឹងប៉ុស្តិ៍ផ្សារកណ្តាល១ ផ្អើលទៅដល់ប្រជាពលរដ្ឋ ស្មានថាមានគេវាយ ធ្វើបាបក្មេងស្រីនោះ ដូចជាប្អូនរបស់នាង ប៉ន្តែតាមសម្តីក្មេងស្រីនោះបាននិយាយថា មិនមានកាវាយធ្វើបាបពីសំណាក់ម្ចាស់ផ្ទះនោះឡើយ ៕

(មានវិដេអូ)
https://www.facebook.com/plugins/video.php?href=https%3A%2F%2Fwww.facebook.com%2F1714638362120148%2Fvideos%2F2053344088249572%2F&show_text=0&width=560

ដោយ៖ សុវណ្ណ ដេត
ប្រភព៖ FB

ក្មេងស្រីម្នាក់ ត្រូវបានស្ត្រីជាម្ចាស់ផ្ទះធ្វើទារុណកម្មប្រើអំពើហឹង្សា យ៉ាងព្រៃផ្សៃបំផុតជាងរយះពេល៤ឆ្នាំ…(មានវិដេអូ)

ភ្នំពេញ៖ ហេតុការនេះបានកើតឡើងកាលពីថ្ងៃទី ២៧ ខែឧសភា ឆ្នាំ២០១៨ម្សិលមិញ ស្ថិតនៅជាប់ផ្សារបុរីសន្តិភាព២ ភូមិតំណាក់ត្រយឹង សង្កាត់ចោមចៅ២ ខណ្ឌពោធិសែនជ័យ រាជធានីភ្នំពេញ។

បើតាមសម្តីអ្នករស់នៅក្បែរនោះបាននិយាយថា ក្មេងស្រីម្នាក់ជាកូនឈ្នួល បម្រើការងារនៅផ្ទះអ្នកលក់សម្លៀកបំពាក់មួយកន្លែង នៅជាប់ផ្សារបុរីសន្តិភាព២ ភូមិតំណាក់ត្រយឹង សង្កាត់ចោមចៅ២ ខណ្ឌពោធិសែនជ័យ ត្រូវបានស្រ្តីម្ចាស់ផ្ទះ ប្រើអំពើហឹង្សា ធ្វើទារុណកម្ម អស់រយៈពេល៤ឆ្នាំហើយ ដោយវាយ ដំ ពេលខ្លះឈានដល់បង្អត់បាយក៏មាន ដោយទង្វើរសាហាវពេក ទើបបែកធ្លាយរឿងពីអ្នកជិតខាងទាក់ទងរាយការណ៍ប្រាប់វិទ្យុABC នៅរសៀលថ្ងៃទី២៧ ខែឧសភា ឆ្នាំ២០១៨នេះ ទើបក្រុមការងារវិទ្យុABC សហការជាមួយសមត្ថកិច្ចចុះទៅអន្តរាគមន៍ រំដោះក្មេងស្រី ចេញពីផ្ទះកើតហេតុ ។

ក្មេងស្រីរងគ្រោះមានឈ្មោះ ជា ស្រីនូ ហៅស្រីពៅ មានអាយុ១៦ រស់នៅភូមិទំនុកថ្មី ឃុំទំនុកថ្មី ស្រុកអន្លង់វែង ខេត្តឧត្តមានជ័យ ។

ហើយស្រ្តីដែលបានធ្វើទារុណកម្មប្រើអំពើហឹង្សាទៅលើក្មេងស្រីនោះ មានឈ្មោះ ភា រស់នៅ ភូមិឃុំ កើតហេតុខាងលើផងដែរ ។

ស្ត្រីម្ចាស់ផ្ទះខាងលើត្រូវឃាត់យកមកសាកសួរតាមនីតិវីធីច្បាប់ ។ ចំណែកក្មេងស្រីម្នាក់ជាកូនឈ្នួលត្រូវបានក្រុមការងារវិទ្យុABC នាំយកមកស្នាក់នៅជាមួយវិទ្យុABC បណ្ដោះអាសន្នសិន៕

សូមទស្សនាវិដេអូ

https://www.facebook.com/plugins/video.php?href=https%3A%2F%2Fwww.facebook.com%2Fmeng.emmaboyz%2Fvideos%2F1842252986074661%2F&show_text=0&width=560
https://www.facebook.com/plugins/video.php?href=https%3A%2F%2Fwww.facebook.com%2Fmeng.emmaboyz%2Fvideos%2F1842252976074662%2F&show_text=0&width=560

ដោយ៖ សុវណ្ណ ដេត

យុវជនកម្ពុជាជាង ៩០%គាំទ្ររាជរដ្ឋាភិបាល ក្នុងការដំឡើងពន្ធបារី

តាមរយៈលទ្ធផលស្ទង់មតិរបស់យុវជនកម្ពុជាជាង៩០% គាំទ្ររាជរដ្ឋាភិបាលកម្ពុជា ក្នុងការតំឡើងពន្ធលើផលិតផលថ្នាំជក់ ដើម្បី កាត់បន្ថយហានិភ័យបណ្ដាលមកពីការជក់បារី។

ក្នុងសិក្ខាសាលាបង្កាញពីលទ្ធផល ស្រាវជ្រាវទស្សនៈយុវជនទៅលើការតំឡើងពន្ធនៅប្រទេសកម្ពុជា កាលពីព្រឹកថ្ងៃទី ២២ ឧសភា នៅមជ្ឈមណ្ឌលកិច្ចសហប្រតិបត្ដិការកម្ពុជា-កូរ៉េ លោក ប៉ែន ចាន់ សុវណ្ណដារ៉ា ប្រធានយុវជនផ្នែកចិត្ដសាស្ដ្រ នៃសាកលវិទ្យាល័យភូមិភ្នំពេញ បានឲ្យដឹងថា នៅពេលនេះ មានយុវជនកម្ពុជាជាង៩០% បានគាំទ្ររាជរដ្ឋាភិបាលកម្ពុជា ក្នុងការតំឡើងពន្ធលើផលិតផលថ្នាំជក់ ដើម្បី កាត់បន្ថយហានិភ័យបណ្ដាលមកពីការជក់បារី។ លោកបន្តថាយុវជន៩៨% សុំឲ្យរាជរដ្ឋាភិបាល ធ្វើយ៉ាណា ទុកពន្ធមួយចំណែក ដែលបានមកពីការជក់បារី ទុកសម្រាប់គាំទ្រដល់វិស័យសុខាភិបាល និងវិស័យផ្សេងៗទៀត ដូចនៅបណ្ដាលប្រទេសអាស៊ានជាដើម។

clip:សិក្ខាសាលានេះបង្ហាញពីលទ្ធផលស្រាវជ្រាវទស្សនៈយុវជនទៅលើតំលៃបារីនៅកម្ពុជ ហើយគោល បំ ណងយើងចង់បានទស្សនៈរបស់គេ ថាត់គាំទ្រដល់រដ្ឋាភិបាលក្នុងការតំឡើងពន្ធបារីឬអត់។ព្រោះ គាត់ចង់ឲ្យ បារី កើនឡើង តាមលទ្ធផលមានជាង៩០%បានគាំទ្ររដ្ឋភិបាលឲ្យតំឡើងពន្ធ កាលណាពន្ធកើនឡើងតំលៃបារីថយ ចុះ ។តាមរយៈលទ្ធផលនេះ សុំសំណូមពរដល់យុវជន ការប្រើប្រាស់បារីសុំជៀសវាង ព្រោះបារីប៉ះពាល់អវិជ្មានដល់ សុខ ភាពទាំងមូលតែម្តង។

លោក មុំ គង់ នាយកប្រតិបត្ដិ អង្គការ ដើម្បី ចលនាសុខភាពកម្ពុជាបានបញ្ជាក់ថា ថ្នាំជក់គឺជាផលិតតែមួយគត់ ដែលធ្វើឲ្យអ្នកប្រើប្រាស់ពាក់កណ្ដាលស្លាប់មុនអាយុកំណត់។ក្នុង១ឆ្នាំៗថ្នាំជក់បណ្ដាលឲ្យប្រជាពលរដ្ឋ ៨លាននាក់ស្លាប់នៅលើពិភពលោកនិងជិត១ម៉ឺននាក់នៅកម្ពុជា។លោកបន្តថាតាមលទ្ធផល នៃការស្ទង់មតិយុវជនពាក់ព័ន្ធទៅនឹងតម្លៃបារី នៅឆ្នាំ២០១៧បានបង្ហាញថា យុវជនកម្ពុជា៥០% ចង់ឲ្យបារីមានតម្លៃទាប ចាប់ពី៦០០០រៀលទៅ១ម៉ឺនរៀល និង៥០%ទៀតចង់ឲ្យបារីមានតម្លៃ១ម៉ឺនរៀលឡើងទៅ ដើម្បី ជួយកាត់បន្ថយគ្រោះថ្នាក់ បណ្ដាលមកពីការជក់បារីនេះ។ ប៉ុន្តែទោះជាមានការតំឡើងពន្ធ លើផលលិតផលថ្នាំជក់កន្លងមកក៏ដោយ ក៏កម្ពុជាស្ថិតក្នុងចំណោមប្រទេសដែលមានអត្រាពន្ធ លើផលិតផលថ្នាំជក់ទាបបំផុតនៅក្នុងបណ្ដាប្រទេសអាស៊ានដែរ។

ចឹងការផលិតបារីឲ្យមានតំលៃទាបគឺអាចឲ្យក្រុមទាំង២នេះគាត់ចាប់ផ្តើមនៅពេលគាត់ញៀនប្រើប្រាស់ដំបូងហើយគាត់អាចក្លាយជាអ្នកញៀនបាន ចឹងនៅពេលប្អូនៗសាកល្បងម៉ាដើមពីរដើមដំបូង អាចធ្វើឲ្យប្អូនញៀនក្លាយជាអ្នកប្រើប្រាស់ទាំងអស់ហើយ ។ ធ្វើមេចក្រុមហ៊ុនបារីរក្សាតំលៃឲ្យនៅទាប។

យោងតាមទល្ហីករណ៍របស់អង្គការសុខភាពពិភពលោក និងធនាគារពិភពលោក ការតំឡើងពន្ធលើផលិតផលថ្នាំជក់ និងធ្វើឲ្យវិធានការដ៏មានប្រសិទ្ធភាពមួយ ក្នុងការរួមចំណែកកាត់បន្ថយហានីភ័យបណ្ដាលមកពីការប្រើប្រាស់ថ្នាំជក់ និងធ្វើឲ្យកើនចំណូលពន្ធជាតិបានយ៉ាងក្រាសក្រែល៕

លោកជំទាវកិត្តិសង្គហបណ្ឌិត ម៉ែន សំអន បានចូលរួមវេរប្រគេនទេយ្យវត្ថុ និងទៀនព្រះវស្សា ដល់វត្តចំនួន ៣៣វត្ត រាជធានី ខេត្ត

ភ្នំពេញ៖ ព្រះពុទ្ធសាសនា គឺមានសំខាន់ណាស់ ក្នុងលើកស្ទួយប្រទេសជាតិ និងជាសាសនារបស់រដ្ឋ ។ លោកជំទាវកិត្តិសង្គហបណ្ឌិត ម៉ែន សំអន ឧបនាយករដ្ឋមន្ត្រី រដ្ឋមន្ត្រីក្រសួងទំនាក់ទំនងជាមួយរដ្ឋសភា ព្រឹទ្ធសភា និងអធិការកិច្ច រួមជាមួយ លោកឧកញ៉ា ផែ ហ៊ុកឈួន និងលោកជំទាវឧកញ៉ា អ៊ឹង ស៊ីស្រ៊ន ក៏ដូចជាពុទ្ធសាសនិកដទៃទៀត បានចូលរួមវេរប្រគេនទេយ្យវត្ថុ និងទៀនព្រះវស្សា ដល់វត្តចំនួន ៣៣វត្ត ក្នុងនោះវត្តនៅរាជធានីភ្នំពេញចំនួន ៧ និងវត្តនៅស្រុកស្ទោង ខេត្តកំពង់ធំចំនួន២៦វត្ត ។

ពិធីនេះបានប្រារព្ធឡើងនារសៀលថ្ងៃព្រហស្បត្តិ៍ ១០កើត ខែជេស្ឋ ឆ្នាំច ត្រូវនឹងថ្ងៃទី២៤ ខែឧសភា ឆ្នាំ២០១៨ នៅភោជនីយដ្ឋានសូរិយា ស្ថិតក្នុងសង្កាត់ ផ្សារថ្មី២ ខណ្ឌដូនពេញ រាជធានីភ្នំពេញ ។ លោកជំទាវកិត្តិសង្គហបណ្ឌិត ម៉ែន សំអន ក៍បានឧទ្ទិសកុសល្យផលបុណ្យនេះដល់វិញ្ញាណក្ខន្ទបុព្វការីជន យុទ្ធជនដែលបានពលីដោយបុព្វហេតុ តស៊ូរំដោះជាតិមាតុភូមិក្នុងសម័យសង្គ្រាមផ្ដួលរំលំរបបបនប្រល័យពូជសាសន៍ប៉ុលពត៣ឆ្នាំ៨ខែ២០ថ្ងៃ។

ទន្ទឹងនេះដែរ លោកជំទាវកិត្តិសង្គហបណ្ឌិតបានបួងសួងដល់វត្ថុសក្តិសិទ្ធិក្នុងលោកតាមបីបាច់ថែរក្សាថ្នាក់ដឹកនាំប្រទេសកម្ពុជាពិសេសសម្ដេចតេជោហ៊ុន សែន និង សម្តេចកិត្តិព្រឹទ្ធបណ្ឌិតប៊ុនរ៉ានីហ៊ុនសែនមានសុខភាពល្អអាយុវែងដើម្បីបន្តដឹកនាំ និងជានាវាកម្ពុជាឆ្ពោះទៅការអភិវឌ្ឍកាន់តែរីកចម្រើនថែមទៀតពិសេសរក្សាសន្តិភាព ស្ថេរភាព ដូចបច្ចុប្បន្ននេះ។
សូមបញ្ចាក់ថា ៖ ក្រៅពីប្រគេននូវទានព្រះវស្សា និងទេយ្យទានដល់ព្រះសង្ឍទាំង៣៣វត្តហើយក៏បានប្រគេនថវិកាក្នុងមួយវត្តៗជាង២លានរៀល ទៀតផងដែរ ៕

ពុលទៀតហើតនៅខេត្តក្រចេះ! មនុស្សក្មេងចាស់ជិត១០០នាក់ បានរងការពុលចំណីអាហារ

ក្រចេះ ៖ បន្ទាប់ពីការពុលស្រាស នៅខេត្តក្រចេះ ហើយឥឡូវនេះ មនុស្សក្មេងចាស់ប្រុសស្រីប្រមាណជិត១០០នាក់ បានរងការពុលចំណីអាហារ ដែលពួកគេបានបរិភោគពីក្នុងពិធីជួបជុំមួយកាលពីល្ងាចថ្ងៃសុក្រម្សិលមិញ។ យ៉ាងណា ប្រធានមន្ទីរសុខាភិបាលខេត្ត បញ្ជាក់ថា អ្នកជំងឺទាំងអស់បានធូរស្រាលអស់ហើយ ហើយក្រុមការងារជំនាញក៏កំពុងបន្តស្រាវជ្រាវរកមូលហេតុពិតផងដែរ។

ប្រធានមន្ទីរសុខាភិបាលខេត្តក្រចេះ លោក ឈ្នាង សុវុត្ថា ប្រាប់អង្គភាពសារព័ត៌មានថា នៅព្រឹកថ្ងៃសៅរ៍នេះថា មានផ្ទុះករណីពុលជាថ្មីទៅលើប្រជាពលរដ្ឋរស់នៅក្នុងភូមិត្រពាំងទ្រាំង ឃុំចង្ក្រង ស្រុកចិត្របុរី ខេត្តក្រចេះ កាលពីវេលាម៉ោង៤៖៣០នាទីរសៀល ថ្ងៃសុក្រ ទី២៥ ខែឧសភា ឆ្នាំ២០១៨ ដោយប្រជាពលរដ្ឋជាច្រើន មានអាការៈដូចៗគ្នា គឺ ឈឺពោះ ក្អួតចង្អោ អស់កម្លាំង ចំពោះកុមារមានរាគបន្ថែម។

ចំពោះការផ្ទុះករណីពុលជាថ្មី នៅក្នុងស្រុកចិត្របុរីនេះ លោក ឈ្នាង សុវុត្ថា បានបញ្ជាក់ថា អ្នកជំងឺទាំងអស់ បានហូបនំប៉័ងនៅក្នុងពិធីប្រជុំផ្សព្វផ្សាយពិគ្រោះយោបល់ ស្ដីពីការជំរុញទីផ្សារខ្នាតតូចផលិតផលដំឡូងមី។ បែបណា លោកថា ក្រុមការងារឆ្លើយតបបន្ទាន់ កំពុងបន្តចុះធ្វើការស្រាវជ្រាវរកមូលហេតុពិតប្រាកដហើយ។

បើតាមប្រធានមន្ទីរ គិតត្រឹមម៉ោង៥៖០០នាទីទៀបភ្លឺ ថ្ងៃសៅរ៍ ទី២៦ ខែឧសភា ឆ្នាំ២០១៨នេះ ប្រជាពលរដ្ឋ ដែលរងការពុលសរុបមានចំនួន៧៥នាក់ ស្រី៣៩នាក់ ក្នុងនោះមានកុមារ៥៣នាក់។ លោកបន្តថា អ្នកជំងឺចំនួន៤០នាក់ ក្នុងនោះ មានស្រី២១នាក់ និងកុមារ២១នាក់ ត្រូវបានបញ្ជូនមកសង្គ្រោះបន្ទាន់នៅមន្ទីរពេទ្យបង្អែកខេត្ត ខណៈអ្នកជំងឺ៣៥នាក់ មានស្រី១៨នាក់ និងកុមារ២១នាក់ បានសម្រាកព្យាបាលនៅមណ្ឌលសុខភាពក្នុងមូលដ្ឋាន។

គួរបញ្ជាក់ថា ចាប់តាំងពីដើមខែ រហូតមកទល់នឹងចុងខែឧសភានេះ ប្រជាពលរដ្ឋជាច្រើនរយនាក់ នៅក្នុងស្រុកចិត្របុរី ខេត្តក្រចេះ បានរងការពុលជាបន្តបន្ទាប់ ដោយបានសម្លាប់មនុស្សផងដែរ។

កាលពីដើមខែឧសភាកន្លងទៅ មានករណីពុលពលរដ្ឋនៅក្នុងភូមិចំនួន៤ ក្នុងឃុំកន្ទួត ស្រុកចិត្របុរី ខេត្តក្រចេះ ដោយបានសម្លាប់ប្រជាពលរដ្ឋចំនួន១៣នាក់ និងជាង២០០នាក់ទៀត ត្រូវបានបញ្ជូនទៅសង្គ្រោះបន្ទាន់នៅមន្ទីរពេទ្យ។ អ្នកភូមិជាច្រើន មានរោគសញ្ញាដូចៗគ្នា ដូចជា ឈឺពោះ ក្អួតចង្អោរ ឈឺក អស់កម្លាំង ទន់ដៃទន់ជើង វិលមុខ និងថប់ដង្ហើមជាដើម។