ភ្នំពេញ៖ ករណីបែបនេះ កើតឡើងសឹងតែរាល់ថ្ងៃ ឡើងសាំុំទៅហើយ សមត្ថកិច្ចហាក់បីដូចជា គ្មានវិធានការទប់ស្កាត់សោះ បុរស២នាក់ បានជិះម៉ូតូឌុបគ្នាទៅកោសជប់ និងម៉ាស្សាក្រលាន ត្រូវថ្លៃគ្នា អស់ម្នាក់៦ម៉ឺនរៀល ពេលរួចរាល់ ទាញកាបូបគិតលុយ ស្រាប់តែ លុយដុល្លា ទៅជាលុយក្លែងក្លាយ បង្ករការភ្ញាក់ផ្អើលដល់សមត្ថកិច្ច ទាំងយប់ ករណីនេះកើតឡើង​កាលពីវេលាម៉ោង៣៖​៣០នាទីទៀបភ្លឺ ថ្ងៃទី២៦ ខែឧសភា ឆ្នាំ២០១៨ នៅក្នុងហាងកោសជប់យីហោ សុខសប្បាយ តាមបណ្ដោយផ្លូវ៣៧១ ស្ថិតក្នុងភូមិព្រែកតាគង់១ សង្កាត់ចាក់អង្រែលើ ខណ្ឌមានជ័យ រាជធានីភ្នំពេញ។
តាមប្រភពយុវជនពីរនាក់ ដែលចូលទៅទទួលសេវាពីកន្លែងម៉ាស្សាខាងលើ ប្រាប់ឲ្យ ដឹងថា មុនពេលកើតហេតុ ពួកគេជិះម៉ូតូមួយគ្រឿង បានចូលទៅកន្លែងម៉ាស្សាកោសជប់ខាងលើ និងមានលុយចំនួន៩០ដុល្លាផងដែរ ដោយពួកគេបានម៉ាស្សាខ្លួនផង និងម៉ាស្សាក្រលានផង (រួមភេទ) អស់មួយសន្ទុះ។

យុវជនបន្តថា ក្រោយពីពួកគេបានទទួលសេវាម៉ាស្សាចប់សព្វគ្រប់ហើយនោះ ពួកគេបម្រុងចេញមកវិញ ដោយយុវជនម្នាក់ បានដកលុយដើម្បីឲ្យថ្លៃសេវាឲ្យនារីម៉ាស្សាចំនួន៦ម៉ឺនរៀល ខណៈមិត្តភ័ក្តម្នាក់ទៀត មិនទាន់ឲ្យនោះទេ ស្រាប់តែបាត់លុយក្នុងកាបូបចំនួន៦ម៉ឺនរៀល ថែមទាំងត្រូវបានគេប្ដូរដាក់លុយដុល្លារក្លែងក្លាយឲ្យចំនួន៣០ដុល្លារថែមទៀតផង ទើបធ្វើឲ្យពួកគេកើតទុក្ខមិនសុខចិត្តចំពោះទង្វើបោកប្រាស់លុយកាក់នេះ ហើយក៏សុំការអន្តរាគមន៍ពីសមត្ថកិច្ចមូលដ្ឋានតែម្ដង។

ទោះជាបែបណា ក្រុមនារីៗម៉ាស្សាខាងលើវិញ ប្រកែក និងប្រាប់ថា គ្មានការបន្លំដូរលុយ និងលួចលុយភ្ញៀវនោះទេ។ ដោយសារភាគីទាំងពីរនៅតែជជែកវែកញែករកតែឈ្នះរៀងៗខ្លួន ចុងក្រោយសមត្ថកិច្ចនគរបាលប៉ុស្ដិ៍ចាក់អង្រែលើ បានចុះទៅនាំខ្លួនភាគីទាំងពីរ មកកាន់ប៉ុស្ដិ៍ ដើម្បីសួរនាំ។

ក្រោយការសួរនាំរបស់សមត្ថកិច្ចនគរបាលប៉ុស្ដិ៍ចាក់អង្រែលើ ហើយភាគីទាំងពីរ គ្មានភស្ដុតាងសម្រាប់ដាក់បន្ទុករៀងៗខ្លួន ទើបពួកគេមិនប្ដឹងផ្ដល់គ្នា​ និងសម្រេចចិត្តបញ្ចប់រឿងនៅក្នុងប៉ុស្ដិ៍សមត្ថកិច្ចតែម្ដង៕

ប្រភព៖ Heng Ly

ភ្នំពេញ៖ ពិធីចុះហត្ថលេខានេះធ្វើឡើង ឯកឧត្តម ឃួង ស្រេង អភិបាលរាជធានីភ្នំពេញនិងលោក Ito Mimpei ប្រធានដឹកនាំក្រុមការងារ ត្រៀមការសិក្សាស្រាវជ្រាវ របស់ទីភ្នាក់ងារសហប្រតិបត្តិការអន្តរជាតិជប៉ុន(JICA)បានចុះហត្ថលេខាលើកំណត់ហេតុពិភាក្សាការសិក្សាមូលដ្ឋានគំរោងអភិវឌ្ឍន៍ប្រពន្ធ័ប្រឡាយ លូទឹកកខ្វក់ក្នុងរាជធានីភ្នំពេញ នៅរសៀលថ្ងៃសុក្រ ១១កើត ខែជេស្ឋ ឆ្នាច ត្រូវនឹងថ្ងៃទី ២៥ ខែឧសភា ឆ្នាំ ២០១៨ នៅរដ្ឋបាលរាជធានីភ្នំពេញ។

ក្នុងពីធីចុះហត្ថលេខានោះ បានបញ្ជាក់ថាដើម្បីឆ្លើយតបទៅនឹងសំណូមពររបស់រាជរដ្ឋាភិបាលកម្ពុជា រដ្ឋាភិបាលជប៉ុនបានសំរេចដាក់ចេញនូវការសិក្សាមូលដ្ឋានសំរាប់គំរោងអភិវឌ្ឍន៏ប្រពន្ធ័ប្រឡាយលូទឹកកខ្វក់ក្នុងរាជធានីភ្នំពេញដោយបានប្រគល់ការសិក្សាគំរោងនេះទៅអោយJICAជាអ្នកអនុវត្តន៍។ អង្គការJICAបានបញ្ជូនក្រុមត្រៀមសិក្សាសំរាប់គំរោងមកកាន់ប្រទេសកម្ពុជាដែលដឹកនាំអនុវត្តដោយឯកឧត្តមបណ្ឌិត អិតូមិម ប៉េអិ ប្រធានក្រុមការងារគ្រប់គ្រងបរិស្ថានសាកល និងក្រុមការងារប្រចាំនៅកម្ពុជាដោយចាប់សិក្សាពីថ្ងៃទី២២ ដល់ ថ្ងៃទី២៥ ខែឧសភា ឆ្នាំ២០១៨នេះ ។

ក្រុមការងារបានរៀបចំកិច្ចពិភាក្សាជាបន្តបន្ទាប់ជាមួយមន្ត្រីពាក់ពន្ធ័របស់រដ្ឋាភិបាលកម្ពុជា និងបានដាក់ចេញជាការចុះស្រាវជ្រាវតាមទីតាំងរបស់គំរោង។ បន្ទាប់ពីបញ្ចប់ការសិក្សារដ្ឋាភិបាលជប៉ុនបានបញ្ជូនក្រុមបេសកកម្មចំនួន៣ក្រុមដើម្បីការប្រមូលរាល់ទិន្ន័យដែលពាក់ពន្ធ័ក្នុងនោះក្រុមបេសកកម្មរបស់JICAសហការជាមួយរដ្ឋបាលរាជធានីភ្នំពេញដើម្បីត្រៀមរៀបចំឯកសារសំរាប់ឈានទៅដល់ការអនុមត័ផ្តល់ជំនួយលើគំរោងនេះពីរាជរដ្ឋាភិបាលជប៉ុន។

គោលបំណងរបស់គំរោងនេះគឺដើម្បីកាត់បន្ថយជាអតិប្បរិមានូវបន្ទុកនៃការបំពុលទឹកក្នុងបឹងជើងឯកតាមរយះការសាងសង់រោងចក្រប្រត្តិកម្មទឹកសំអុយថ្មី ដែលនឹងរួមចំណែកការពារ កែលំអរទឹកអនាម័យនឹងបរិស្ថាននៅបឹងជើងឯកឲ្យកាន់តែមានភាពប្រសើរឡើង៕

ភ្នំពេញ៖ សម្ដេចតេជោស្តីព្រមានដករដ្ឋមន្ត្រី៣រូប រឿងឆ្លើយដាក់គ្នាជុំវិញករណីប្រជាពលរដ្ឋពុលនៅក្នុងឃុំកន្ទួត ស្រុកចិត្របុរី ខេត្តក្រចេះ។ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានស្តីបន្ទោសធ្ងន់ៗដល់រដ្ឋមន្ត្រី បីរូប មកពីបីក្រសួង ដែលបានឆ្លើយដាក់គ្នាជុំវិញករណីប្រជាពលរដ្ឋពុលនៅក្នុងឃុំកន្ទួត ស្រុកចិត្របុរី ខេត្តក្រចេះ កាលពីដើមខែឧសភា ឆ្នាំ២០១៨កន្លងទៅនេះនៅមុនចាប់ផ្តើមកិច្ចប្រជុំគណៈរដ្ឋមន្ត្រីនាព្រឹកថ្ងៃទី២៥ ខែឧសភា ឆ្នាំ២០១៨នេះ ។

ការបន្ទោស និងព្រមានយ៉ាងធ្ងន់ៗបែបនេះ នៅមុនពេលសម្ដេចចាប់ផ្ដើមកិច្ចប្រជុំគណៈរដ្ឋមន្ត្រី នាព្រឹកថ្ងៃសុក្រ ១១កើត ខែជេស្ឋ ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី២៥ ខែឧសភា ឆ្នាំ២០១៨ នៅទីស្ដីការគណៈរដ្ឋមន្ត្រី រាជធានីភ្នំពេញ។ សម្ដេចបញ្ជាក់ថា សម្ដេចមិនហាមឃាត់មិនឲ្យមានការស្រាវជ្រាវលើហេតុការណ៍ប្រជាពលរដ្ឋពុលនៅខេត្តក្រចេះនេះនោះទេ ប៉ុន្តែសម្ដេចស្នើឲ្យរដ្ឋមន្ត្រីក្រសួងទាំង៣ រួមមានក្រសួងសុខាភិបាល ក្រសួងឧស្សាហកម្ម និងសិប្បកម្ម និងក្រសួងរ៉ែ និងថាមពល បញ្ឈប់ការធ្វើការទាំងទទឹងទិស យកឈ្នះខ្លួនឯងដោយខ្វះការទទួលខុសត្រូវ ហើយសាចទឹកដាក់គ្នាបែបទៀត។

សម្តេចនាយករដ្ឋមន្ត្រីនៃកម្ពុជាបានចាត់ទុកថាការព្យាយាមសាចទឹកដាក់គ្នារបស់រដ្ឋមន្ត្រីទាំង៣រូបនេះគឺ រួមមានរដ្ឋមន្ត្រីក្រសួងសុខាភិបាល ឯកឧត្តម ម៉ម ប៊ុនហេង, រដ្ឋមន្ត្រីក្រសួងរ៉ែ និងថាមពល ឯកឧត្តម ស៊ុយ សែម និងរដ្ឋមន្ត្រីក្រសួងឧស្សាហកម្ម និងសិប្បកម្ម ឯកឧត្តមទេសរដ្ឋមន្ត្រី ចម ប្រសិទ្ធ គឺជាការខ្វះទំនួលខុសត្រូវរបស់ខ្លួនក្នុងហេតុការណ៍ខាងលើនេះ៕

ភ្នំពេញ:អ្នកប្រដាល់ថៃគ្រៀង ក្រៃ(Kreang Krai)ដែលទើបតែដណ្ដើមបានខ្សែក្រវាត់ទម្ងន់៦៥គីឡូក្រាមនោះ បានតម្លើងទម្ងន់ដល់៦៧គីឡូក្រាម ដើម្បីប្រកួតជាមួយពុទ្ធ ឆាយរិទ្ធីក្លិបពុទ្ធសេរីវង្ស ។​អ្នកប្រដាល់ទាំង២រូបនេះនឹងជួបប្រកួតគ្នាលើសង្វៀនហ្គេនស្ប៊ើករបស់អាស៊ីអាគ្នេយ៍យប់ថ្ងៃទី២៦ឧសភា ។

 នេះជាការប្រកួតដែលគេជឿថានឹងអូសទាញអ្នកទស្សនាបានច្រើនបំផុតជាមិនខាន ។រិទ្ធីទើបតែដណ្ដើមបានតំណែងជាជើងឯករងក្នុងការប្រកួតពានរង្វាន់នៅស្ថាននីយ៍ទូរទស្សន៍ក្នុងស្រុកមួយដែលការប្រកួតនោះរិទ្ធីចាញ់ឡៅ ចន្ទ្រាក្លិបទ័ពឆ័ត្រយោង៩១១ដោយពិន្ទុដាច់តែម្ដង ។

 ចំពោះគ្រៀង ក្រៃក្នុងមួយព្រឹត្តិការណ៍ប្រកួតដណ្ដើមខ្សែក្រវាត់ទម្ងន់៦៥គីឡូក្រាមគេឈ្នះគូប្រកួតរបស់គេដោយវាយឲ្យសន្លប់ទាំងអស់ ។ក្នុងការប្រកួតផ្ដាច់ព្រ័ត្រគេផ្លួលអ្នកប្រដាល់ជឹម ចិត្រាក្លិបខ្លារខិនមានរិទ្ធនៅទឹកទី៤តែកាលជួបគ្នាក្នុងពូលគ្រៀង ក្រៃផ្ដួលជឹម ចិត្រានៅទឹកទី១ ។

 សម្រាប់រិទ្ធីដែលជាខ្លាចំណាស់មួយរូបដែរនោះទំនងជាមិនស្រួលសម្រាប់គ្រៀង ក្រៃឡើយ ។គ្រៀង ក្រៃគេចាញ់កំពស់រិទ្ធីតែកម្លាំងរបស់គេអាចវ៉ៃបាន៥ទឹកដោយគ្មានបញ្ហាពិសេសគេជាអ្នកប្រដាល់ដែលរឹងទាំងជើងក្រោមមានផ្លែកែង ជង្គង់ល្អហើយវ៉ៃមិនឆេវឆាវទៀតផង ។

 អ្នកប្រដាល់ថៃរូបនេះមានប្រវត្តិប្រកួតចំនួន៩៥ដង ឈ្នះ៧៣ដង ចាញ់១៩ដង ស្មើពិន្ទុ៣ដង និង ធ្លាប់វាយគូប្រកួតឲ្យសន្លប់បានចំនួន១៤ដង ។ចំពោះអ្នកប្រដាល់កម្ពុជាពុទ្ធ ឆាយរិទ្ធីវិញមានប្រវត្តិប្រកួតចំនួន៩១ដង ឈ្នះ៦៣ដង ចាញ់២៥ដង ស្មើពិន្ទុ៣ដង និង វាយគូប្រកួតឲ្យសន្លប់បានចំនួន២១ ដង ។

 សូមបញ្ជាក់ថាសូមបញ្ជាក់ថាសូម្បីតែមិត្តរួមក្លិបរបស់ពុទ្ធ ឆាយរិទ្ធីឈ្មោះមឿន សុខហ៊ុចក៏ត្រូវគ្រឿង ក្រៃទាត់ឲ្យខូចជើងមុនស្នូរជួងបញ្ចប់ទឹកទី១ ដែរ ។រិទ្ធីអាចដណ្ដើមជ័យជំនះលើគ្រៀង ក្រៃបានឬទេ ?

 ​អ្នកប្រដាល់ចេង គាដែលមិនសូវមានឈ្មោះបោះសម្លេងនោះត្រូវបានដាក់ឲ្យប្រកួតជាមួយអ្នកប្រដាល់បារាំងដែលហ្វឹកហាត់នៅស្រុកថៃឈ្មោះឌូ ឃឺរលី(Dukerly)ដោយប្រកួតគ្នាក្នុងប្រភេទទម្ងន់៦៥គីឡូក្រាម ។​អ្នកប្រដាល់បារាំងរូបនេះពុំធ្លាប់មកប្រកួតនៅស្រុកខ្មែរឡើហើយសមត្ថភាពគេប៉ុណ្ណាៗនោះក៏គ្មាននរណាដឹងដែរតែទំនងជាមិនខ្លាំងទេទើបគេផ្គូរផ្គងឲ្យប្រកួតជាមួយចេង គាបែបនេះ ។សូមបញ្ជាក់ថានេះជាឱកាសដ៏កម្រមួយរបស់ចេង គាក្នុងការប្រកួតជាមួយអ្នកប្រដាល់បរទេសនោះ ។​ការប្រកួតមួយនេះប្រសិនបើចេង គាឈ្នះគេអាចនឹងមានឱកាសបន្ថែមទៀតដើម្បីប្រកួតជាមួយអ្នកប្រដាល់បរទេសតែបើចាញ់ឱកាសប្រកួតជាមួយបរទេសទំនងជាលំបាកហើយ ៕

មណ្ឌលគិរី  គណៈ​កម្ម​ការ​ចម្រុះ​ មាន​ក្រសួងរ៉ែ​​និង​ថាមពល ក្រសួងបរិស្ថាន ​​កម្លាំង​កងរាជ​អាវុធ​ហត្ថ​​លើ​ផ្ទៃ​ប្រទេស ​​អាជ្ញាធរ​ខេត្តមណ្ឌល​គិរី ​និង​ប្រជាសហគមន៍​ប្រមាណ​​៣០០​នាក់​ បាន​បើក​ប្រតិបត្តិ​​ការ​ទ្រង់ទ្រាយ​ធំ ចុះទៅ​ពិនិត្យ​និង​ស្រាវ​​ជ្រាវ​នៅ​កន្លែង​ក្រុម​ហ៊ុន​រុក​រក​​រ៉ែ​​មាស​ឈ្មោះ​​​​​ រ៉ុង ឆេង ​ដែល​ស្ថិតនៅជាប់តំបន់​អូរក្លរ ភូមិពូទុង​ ឃុំចុងផ្លាស់​ ស្រុក​កែវ​​​សីមា​ នៅ​ព្រឹកថ្ងៃ​ព្រហស្បតិ៍ ទី២៤ ខែ​ឧសភា ២០១៨​នេះ​។

​អ្នកនាំពាក្យក្រសួងបរិស្ថាន ឯកឧត្ដម សៅ សុភាពមានប្រសាសន៍កាលពីវេលាម៉ោង១១ព្រឹក នេះថា ៖ មន្ត្រីជំនាញរបស់ក្រសួងបរិស្ថាននិងគណៈកម្មការចម្រុះ ដែលកំពុងចុះទៅកន្លែងរ៉ែមាស រ៉ុង ឆេងនោះ ក្នុងគោលបំណងទៅពិនិត្យជាក់ស្ដែង ជុំវិញធនធានរ៉ែ និងការបង្ហូរចោលនូវសារធាតុគីមីបំណុលបរិស្ថាន។ លោកបញ្ជាក់ថា ប្រសិនបើគណៈកម្មការចម្រុះ ពិនិត្យឃើញថាក្រុមហ៊ុនរ៉ែមាស រ៉ុង ឆេង បានប្រើសារធាតុពុលបំផ្លាញបរិស្ថានមែន គឺក្រុមគណៈកម្មការចម្រុះនឹងចាត់វិធានការផ្លូវច្បាប់ទៅតាមភាពជាក់ស្ដែងតែម្ដង។

ឯកឧត្ដម ស្វាយ សំអ៊ាង អភិបាល​ខេត្ត​មណ្ឌល​គិរី​បាន​ឲ្យ​ដឹង​​​​​តាម​ទូរស័ព្ទ​​នៅ​ព្រឹក​​​នេះ​​ថា ​ការ​បិទ​អាជីវ​កម្ម​​​របស់​ក្រុមហ៊ុន និង​សហគមន៍​រុក​រក​រ៉ែ​នោះ​ ​គឺ​មិន​ទាន់​ដឹង​​លទ្ធផល​នៅ​ឡើយ​ទេ ដោយ​រង់​ចាំ​ការ​ត្រួត​ពិនិត្យ​ពី​មន្ត្រី​គណៈកម្មការ​ចម្រុះ​ ដែល​ចុះ​ពិនិត្យ​ដល់​ទីតាំង​នោះ​សិន។​ ឯកឧត្ដម​បន្ត​ថា បើ​ក្រុមហ៊ុន ឬ​សហគមន៍​ណា​គ្មាន​ច្បាប់​គឺ​ត្រូវ​បិទ​ជា​ស្ថាពរ តែ​បើ​ក្រុមហ៊ុន​​មាន​ច្បាប់​ធ្វើ​អាជីវកម្ម​ គឺ​​​មាន​ការ​​កំណត់​របស់​​ក្រុមហ៊ុន​។​

 ឯកឧត្ដម​បន្ត​ថា ​ចំពោះ​​ការ​រុក​រក​រ៉ែ​មាស​​នោះ​​ជា​លក្ខណៈ​បែប​អនាធិបតេយ្យ​ គឺ​យើង​​​មិន​បាន​ដឹង​​ទី​តាំង​ច្បាស់​លាស់​​​នោះ​ទេ​ ព្រោះ​​ពួក​គេ​លួច​លាក់​ធ្វើ​នៅ​តាម​ព្រៃ តាម​អូរ​ជា​លក្ខណៈ​តូច​ៗ​។​ ឯកឧត្ដម​ស្នើ​ឲ្យ​មាន​​​ការ​ចូល​រួម​ពី​គ្រប់​មជ្ឈដ្ឋាន​​ទាំង​អស់​ផ្ដល់​ជា​ព័ត៌មាន​ ទើប​​ការ​គ្រប់គ្រង​មាន​ប្រសិទ្ធ​ភាព​។

 ​​ប្រតិបត្តិការទ្រង់ទ្រាយធំចុះ​ស្រាវជ្រាវកន្លែងរ៉ែមាសនេះ​ធ្វើឡើងបន្ទាប់ពីមានការ​ចោទ​ប្រកាន់​​ថា​ក្រុម​ហ៊ុនរ៉ែ​មាស រ៉ុ​ង ឆេង ​បាន​បង្ហូរ​​សារធាតុ​គីមី ស្យានីដ(CYANIDE) បណ្ដាល​ឱ្យហូរចូល​ទឹក​ព្រែក​ទេរ ធ្វើ​​ឱ្យ​ពលរដ្ឋ​​នៅ​ខេត្ត​ក្រចេះ​និង​មណ្ឌលគីរី​​ចំនួន​១៣នាក់ពុល​​ស្លាប់​​ និង​ជាង​៣០០​នាក់​ផ្សេង​ទៀត​​សន្លប់​និង​កើត​ជម្ងឺ​​​​៕

ករណីលេងតុងទីនមានហានិភ័យយ៉ាងច្រើន មានខ្លះមេបោកកូន មានខ្លះកូនបោកមេ តែករណីដែលគ្រប់គ្នាបានដឹងនោះ គឺរឿងក្តីក្តាំងនៅពីក្រោយនៃការបោកប្រាស់ក្បត់ទំនុកចិត្តនេះតែម្តង។

យើងនៅចាំបានថាតាមបណ្តាញសារពត៍មាននានា ជារឿយៗតែងតែចុះផ្សាយអំពីការតាមចាប់និងដាក់ទោសទណ្ឌអំពីការបោកបញ្ឆោតនិងសំំណងរដ្ឋប្បវេណីផងដែរ ជាក់ស្តែងថ្មីៗនេះនៅលើបណ្តាញសង្គមហ្វេសប៊ុកគណនីមួយដែលមានឈ្មោះថា Re O LaLa បានបង្ហោះសារហួសចិត្ត និយាយលែងចេញនិងសោកស្តាយនៅទឹកចិត្តដែលខ្លួនអាណិតស្រលាញ់ ជួយយកអាសាដល់គេតែបែរជាត្រូវគេបោកលុយ ហើយផ្ញើរសារឡែបខាយ ឌឺដងអោយម្ចាស់លុយស្តាប់ហើយស្ទើរក្អួតឈាម។ គាត់បានសរសេរថា ៖ បងប្អូនជួយស្ដាប់មនុស្សដែលជំពាក់លុយគេហេីយ និយាយឡេីងលូយ តេីខួររបស់អ្នកសាងពីអី ? មុខមាត់ស្អាតបាន តែចារឹកថោកជាងអាចមន៏ទៀត៕ 
វាចង់ល្បី ថាវាចារឹកថោកប៉ុណ្ណា 👉សូមជួយShare Like អោយដល់វាផង 
ហេីយបេីបងប្អូនណាស្គាល់វាឬបានជួបវា ជួយទំនាក់ទំនងមកខ្ញុំផង 0966602223 
អរគុណសំរាប់like នឹងShare 🙏🙏🙏

ទន្ទឹមនឹងនោះផងដែរតាមសារជាសំលេងបានបង្ហាញថា -អូនគិតមើលទៅបងខំមានទឹកចិត្តណាស់ បងខំជួយអូន ហើយលុយប៉ុណ្ណឹងៗអូនផ្ញើរសងបងមួយខែ ១០០ដុល្លាក៏បាន អូនចង់ជាប់កម្មមែន?
តែការឆ្លើយតបរបស់ស្រ្តីសង្ស័យបោកប្រាស់ក្បត់ទំនុកចិត្តគេនោះបានថាម៉ាច់ៗមកវិញថា ៖ ចង់ធ្វើអីធ្វើទៅ បើសំដីជ្រុលតែនិយាយចេញមកចឹងហើយនោះ ហើយមុននិងលេងហ្នឹងតើមានយកប្លង់ដីប្លង់ផ្ទះ របស់ម៉ែឪជីដូនជីតា ទៅលេងអត់? ធ្វើចឹងអោយដឹង អោយរាងម្តងកុំចេះតែនាំគ្នាលេងទៀត មនុស្សខ្ញុំចឹងបើមិនដឹងចរឹកពិតទេ ខ្ញុំមិនចូលចិត្តអោយអ្នកណាមកនិយាយដាក់ខ្ញុំចឹងទេ នេះអោយលេងតា ខ្ញុំគ្មានទៅប្លន់យើងទេ​យល់ហ្អេ? យើងយកមកអោយខ្ញុំខ្លួនឯងទេយល់ហ្អេ?  ម្យ៉ាងគ្មានជាប់ប្លង់ដី គ្មានភស្តុតាងអ្វីផង ជ្រុលហើយចឹងម៉ងទៅ ខ្ជិលបង់ច្រើនរញ៉េរញ៉ៃ នេះសំណាងហើយស្គាល់គ្នាបោកតែ ២ក្បាល បើមិនយល់ មិនអាណិតទេបោក៥ក្បាលបាត់ហើយ
. . . ! យល់ហ្អេ យល់ហ្អេ?
ចំពោះករណីនេះដែរម្ចាស់គណនីផ្ទាល់បានអោយដឹងថា ស្រីដែលជាជនសង្ស័យបោកលុយតុងទីនរូបនោះបានទាក់ទងមកហើយ សូមពេល១អាទិត្យ យើងរងចាំមើលថាស្រី្តសំដីខ្លាំងដូចផ្ទររន្ទះ មុខខ្លាំងដូចដែកមានទំនួលខុសត្រូវចំពោះរឿងនេះឬទេ? Sing Ly

https://www.facebook.com/plugins/video.php?href=https%3A%2F%2Fwww.facebook.com%2F100007282716628%2Fvideos%2F2054936374759100%2F&show_text=0&width=267

នៅព្រឹកថ្ងៃព្រហស្បតិ៍ ១០កើត ខែជេស្ឋ ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី២៤ ខែឧសភា ឆ្នាំ២០១៨នេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន បានអញ្ជើញជាអធិបតីក្នុងពិធីប្រកាសតែងតាំង និងស្រោចស្រពព្រះសុគន្ធវារីប្រគេនសម្តេចព្រះកិត្តិយស ៣ព្រះអង្គ នៃគណៈមហានិកាយ នៃព្រះរាជាណាចក្រកម្ពុជា ដែលពិធីនេះធ្វើឡើងនៅវត្តបទុមវតី រាជធានីភ្នំពេញ។ សម្តេចព្រះកិត្តិយស ទាំង៣អង្គ ដែលនឹងប្រកាសតែងតាំង និងស្រោចស្រពព្រះសុគន្ធវារីនៅព្រឹកនេះរួមមាន៖ សម្តេចព្រះឧត្តមមុនី ជា សំអាង សម្តេចព្រះពុទ្ធជ័យមុនី ឃឹម សន និងសម្តេចព្រះសាក្យមុនី រ័ត្ន សារឿន។ ពិធីនេះ ក៏នឹងមានការយាងនិមន្ត និងអញ្ជើញចូលរួមពីសំណាក់សម្តេចព្រះសង្ឃនាយក សម្តេចព្រះសង្ឃនាយករង ព្រះអនុគណក្នុងរាជធានីភ្នំពេញ និងគ្រប់ខេត្ត ព្រមទាំងមន្ត្រីនៃរាជ រដ្ឋាភិបាល ជាច្រើនទៀរផងដែរ។

 ថ្ងៃនេះ សម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន មានក្តីសប្បាយរីករាយក្រៃលែង ដែលបានអញ្ជើញមកចូលរួមក្នុងពិធីប្រកាសតែងតាំង និងស្រោចស្រពព្រះសុគន្ធវារីប្រគេនសម្តេចព្រះកិត្តិយស ៣ព្រះអង្គ នាពេលនេះ។ សម្តេចតេជោនាយករដ្ឋមន្ត្រីពិតជាមានមោទនភាពចំពោះសមិទ្ធផលផ្នែកព្រះពុទ្ធសាសនាដែលមានការរីកចម្រើននាពេលនេះ។ សម្តេចតេជោ បានអរព្រះគុណចំពោះព្រះអង្គទាំង២គណៈដែលបានចូលរួម ចំណែកយ៉ាងសំខាន់ក្នុងការអភិវឌ្ឍ និងលើកស្ទួវិស័យព្រះពុទ្ធសាសនាដែលជាសាសនារបស់រដ្ឋ។

 សម្តេចតេជោនាយករដ្ឋមន្ត្រីបានមានប្រសាសន៍រំលឹកពីវិស័យព្រះពុទ្ធសាសនាដែលពីអតីតកាលបានទទួលរងនូវភាពខ្ទេចខ្ទាំដោយសង្គ្រាម ជាពិសេសក្នុងរបបប្រល័យពូជសាសន៍ប៉ុលពត ដែលពេលនោះ ទីអារាមជាច្រើនត្រូវបានបំផ្លាញចោលស្ទើគ្រប់ទីកន្លែង។ ប៉ុន្តែក្រោយឆ្នាំ១៩៧៩ វិស័យសាសនានេះ ត្រូវបានស្តារ និងងើបឡើងវិញបន្តិចម្តងៗរហូតមានការរីកចម្រើនដូចសព្វថ្ងៃនេះ។ បច្ចុប្បន្នកម្ពុជា មានវត្តអារាមប្រមាណជាង ៤,០០០វត្ត និងមានព្រះសង្ឃគង់នៅប្រមាណជាង ៦០,០០០អង្គ ផងដែរ។ វិស័យពុទ្ធចក្រ ពិតជាបានចូលរួមផ្សារភ្ជាប់ និងវិស័យអាណាចក្រដែលវិស័យនេះទាំងពីរ បានផ្តល់ប្រយោជន៍ឲ្យគ្នាទៅវិញទៅមក។ វត្តអារាមក៏ជាកន្លែង បណ្តុះបណ្តាលនូវចំណេះដឹង និងជាកន្លែងអប់រំទូន្មានប្រៀនប្រដៅ ដល់ព្រះសង្ឃ និងសិស្សផងដែរ។ ជាក់ស្តែងដូចជាវត្តបទុមវតី នេះផ្ទាល់ក៏មានសិស្សនិស្សិតស្នាក់នៅដើម្បីបន្តការរៀនសូត្រប្រមាណ ៣៧៤នាក់ផងដែរ។

 សម្តេចតេជោ ហ៊ុន សែន បានថ្លែងអំណរគុណ និងកោតសរសើរចំពោះព្រះសង្ឃទាំង៣ អង្គ ដែលត្រូវបានទទួលព្រះបរមងារជាសម្តេចសង្ឃនាពេលនេះដែលនេះពិតជាសក្តិសមទៅនឹងការខិតខំប្រឹងប្រែងរបស់ព្រះអង្គក្នុងសកម្មភាពព្រះពុទ្ធសាសនាកន្លងមក។ សម្តេចតេជោ នាយករដ្ឋមន្ត្រី បានមានប្រសាសន៍បញ្ជាក់ថាការដែលរៀបចំឲ្យមានទង់សាសនាតាមបាវចនានេះគឺជាការរួមចំណែករំលឹកដល់ប្រជាពលរដ្ឋកម្ពុជាឲ្យបានដឹងថា កម្ពុជារស់នៅក្រោមម្លប់ ព្រះពុទ្ធសាសនា។ តាមរយៈ ការរៀបចំអាសនៈសម្រាប់ព្រះសង្ឃគង់ក្នុងពិធីផ្សេងៗឲ្យខ្ពស់ជាងពុទ្ធបរិស័ទ ក៏ដូចជាការរៀបចំឲ្យ មានទង់សាសនានៅកន្លែងរៀបចំបាវចនាជាតិគឺ ជាការរួមចំណែកលើកតម្កើនវិស័យព្រះពុទ្ធសាសនា ឲ្យកាន់តែរីកចម្រើនផងដែរ។

 ឱកាសនេះ សម្តេចតេជោ ហ៊ុន សែន និងសម្តេចកិត្តិព្រឹត្តបណ្ឌិត ប៊ុន រ៉ានី ហ៊ុនសែន បានប្រគេន និងជូនអំណោយជាថវិកាមួយចំនួនដល់ ព្រះសង្ឃ និងយាយជីតាជីដែលបាននិមន្ត និងចូលរួមក្នុងពិធីផងដែរ។ បន្ទាប់មក សម្តេចតេជោ និងសម្តេចកិត្តិព្រឹត្តបណ្ឌិត បានប្រគល់ព្រះធម្មនសក្តិព្រះគេនដល់សង្ឃទាំង៣អង្គ។

សម្តេចតេជោ ហ៊ុន សែន និងសម្តេចកិត្តិព្រឹត្តបណ្ឌិត ប៊ុន រ៉ានី ហ៊ុនសែន បានព្រគេនពរ និងជូនពរដល់ ព្រះសង្ឃ យាយជីតាជី និងប្រជាពលរដ្ឋទាំងអស់សូមជួបតែសេចក្តីសុខសេចក្តីចម្រើន ។

 មុននឹងបញ្ចប់ក៏មានពិធីដង្ហែព្រះសង្ឃទាំង៣អង្គ ចំនួន៣ជុំធ្វើដំណើរមកកាន់បុស្បុក ដើម្បីទទួលស្រោចស្រពព្រះគន្ធាវារីពីសម្តេចសង្ឃនាយក និងសម្តេចអគ្គមហាសេនាបតីតេជោ ហ៊ុន សែន និង សម្តេចកិត្តិព្រឹត្តបណ្ឌិត ប៊ុន រ៉ានី ហ៊ុនសែន រួមជាមួយមន្ត្រីសង្ឃ​ មន្ត្រីជាន់ខ្ពស់របស់រាជរដ្ឋាភិបាលជាច្រើនរូបទៀត​ ដើម្បីទទួលបាននូវសេចក្តីសុខចម្រើន និងទទួលព្រះបរមងារជាសម្តេចសង្ឃ ចាប់ពីពេលនេះតទៅ៕
ប្រភពផេកសម្តេចតេជោ

នៅក្នុងកិច្ចប្រជុំជាមួយ ថ្នាក់ដឹកនាំ និងមន្រ្តីជំនាញមកពីគ្រប់អគ្គនាយកដ្ឋាននៃក្រសួងបរិស្ថាន និងដៃគូអភិវឌ្ឍន៍ នៅថ្ងៃទី២២ ខែឧសភា ឆ្នាំ២០១៨ ឯកឧត្តម សាយ សំអាល់ បានគាំទ្រចំពោះយុទ្ធនាការរួមគ្នាកាត់បន្ថយប្លាស្ទិក ដើម្បីជំរុញការអនុវត្តអនុក្រឹត្យលេខ១៦៨ របស់រាជរដ្ឋាភិបាលស្តីពីការគ្រប់គ្រងថង់ប្លាស្ទិក ឱ្យកាន់តែមានប្រសិទ្ធភាព តាមរយៈការលើកទឹកចិត្ត ឱ្យមានការចូលរួម ពិវិស័យឯកជន ក៏ដូចជាដើម្បីអបអរសាទរ ទិវាបរិស្ថានជាតិ និងបរិស្ថានពិភពលោកឆ្នាំ២០១៨ ដែលនឹងប្រព្រឹត្តទៅនៅថ្ងៃទី៥ ខែមិថុនា ឆ្នាំ២០១៨ ខាងមុខផងដែរ។

ដើម្បីអបអរសាទរទិវាបរិស្ថានជាតិ និងទិវាបរិស្ថានពិភពលោក ៥ មិថុនា ឆ្នាំ២០១៨ ឯកឧត្តម សាយ សំអាល់ រដ្ឋមន្រ្តីក្រសួងបរិស្ថាន និងជាប្រធានក្រុមប្រឹក្សាជាតិអភិវឌ្ឍន៍ដោយចីរភាព បានលើកទឹកចិត្តឱ្យមន្រ្តីជំនាញ ភាគីពាក់ព័ន្ឋ និងដៃគូ រួមគ្នាបង្កើតព្រឹត្តិការណ៍យុទ្ឋនាការកាត់បន្ថយប្លាស្ទិកនៅកម្ពុជា។

ឯកឧត្តម សៅ សុភាព នាយកខុន្ទកាល័យ និងជាអ្នកនាំពាក្យក្រសួងបរិស្ថាន បានបញ្ជាក់ថា ក្រសួងបរិស្ថានកំពុងពិនិត្យ ពិភាក្សាជាមួយមន្រ្តីជំនាញ ពាក់ព័ន្ឋ ដើម្បីត្រៀមរៀបចំសកម្មភាពឆ្លើយតបនឹងគំនិតផ្តួចផ្តើមរបស់ឯកឧត្តមរដ្ឋមន្រ្តីក្រសួងបរិស្ថាន ដូចមានសកម្មភាពលម្អិតដូចជា៖
១- ត្រៀមបង្កើតយុទ្ធនាការរួមគ្នាកាត់បន្ថយប្លាស្ទិក រួមទាំងការបង្កើតស្លាកសញ្ញាសាមញ្ញមួយ សម្រាប់សម្គាល់យុទ្ធនាការនេះ
២- សហការជាមួយសភាពាណិជ្ជកម្ម និងបណ្តាញសារព័ត៌មាន ព្រមទាំងនៅក្នុងគេហទំព័រ និងផេកហ្វេសបុករបស់ក្រសួងបរិស្ថាន ដើម្បីធ្វើការផ្សព្វផ្សាយជាសាធារណៈ ឲ្យបានទូលំទូលាយទៅលើព្រឹត្តិការណ៍នានា នៃយុទ្ឋនាការ
៣- បង្កលក្ខណៈ ឱ្យម្ចាស់អាជីវកម្មចុះឈ្មោះ ចូលរួមបញ្ឈប់ការផ្តល់ថង់ប្លាស្ទិកដោយឥតគិតថ្លៃ ទៅកាន់អតិថិជន
៤- ម្ចាស់អាជីវកម្ម ដែលបានចុះឈ្មោះ ទទួលបានការផ្សព្វផ្សាយតាមគេហទំព័រនៃយុទ្ធនាការជាផ្លូវការ និងមានសិទ្ធទទួលបានផ្លាកសញ្ញារង្វាន់លើកទឹកចិត្ត ពីក្រសួងបរិស្ថានផងដែរ។

ជាមួយគ្នានេះដែរ ឯកឧត្តម សៅ សុភាព បានបញ្ជាក់ដែរថា យុទ្ឋនាការរួមគ្នាកាត់បន្ថយប្លាស្ទិក ជាក់ស្តែងគឺចាប់ផ្តើមចាប់ពីការប្រារព្ឋទិវាបរិស្ថានជាតិ និងទិវាបរិស្ថានពិភពលោក ឆ្នាំ២០១៨ នៅវិទ្យាល័យ ប៊ុន រ៉ានី ហ៊ុនសែន ផ្សារដើមថ្កូវ រាជធានីភ្នំពេញ នាថ្ងៃទី០៥ ខែមិថុនា ឆ្នាំ២០១៨។ ក្នុងឱកាសនោះក្រសួងបរិស្ថានគ្រោងផ្តល់វិញ្ញាបនបត្រទទួលស្គាល់ការផ្តួចផ្តើមចូលរួមកាត់បន្ថយការប្រើប្រាសថង់ប្លាស្ទិក ជូនម្ចាស់ផ្សារទំនើបមួយចំនួន ដែលបានអនុវត្តន៍តាមអនុក្រឹត្យរបស់រាជរដ្ឋាភិបាល ស្តីពីការគ្រប់គ្រងថង់ប្លាស្ទិកផងដែរ៕