ភ្នំពេញ៖ ពិតជាភ្ញាក់ផ្អើលណាស់កាលពីថ្មីៗនេះមានមហាជនសែលៗ តៗគ្នាពេញ បណ្តាញសង្គមហ្វេសប៊ុក ក្រោយបានឃើញពិធីមង្គលការមួយបានរៀបចំយ៉ាងស្រស់ស្អាត នៅក្នុងផ្ទះឈេីដ៏ប្រណីត កូនកម្លោះក្រមុំ តែងខ្លួនក្នុងសម្លៀកបំពាក់បុរាណ យ៉ាងល្អស្រស់សោភាសាកសមនឹងគ្នាបំផុត។ក្រោយកម្មវិធីដ៏អធិកអធមមួយនេះ ឃើញថាក៏

មានវត្តមានរបស់លោកជំទាវ ស្រីតូច ចំណាន និងស្វាមី បានចូលរួមអបអរដល់គូស្វាមីភរិយា មួយគូនេះផងដែរ។ ក៏ប៉ុន្តែអ្វីដែលគួរឲ្យចាប់អារម្មណ៍ខ្លាំងនោះគឺ នៅក្នុងកម្មវិធីពិធីចងដៃ ជូនដល់គូស្វាមីភរិយាមួយគូនេះ ឃើញថាគ្រួសារ ក៏ដូចជាភ្ញៀវចូលរួម មិនមែនចងដៃជាប្រាក់ ឬក៏លុយសុទ្ធដូចមង្គលការដទៃនោះទេ។ទន្ទឹមនឹងនេះដែរ ក៏មានបណ្តាមហាជនជាច្រើន បាននាំគ្នាចែករំលែក និងស៊ែរតៗគ្នាពេញបណ្តាញសង្គម ព្រោះថាកម្មវិធីមង្គលការនេះ

មិនត្រឹមតែរៀបចំស្អាតល្អឥខ្ចោះទេ ថែមទាំងមានការចងដៃយ៉ាងប្លែកបែបនេះទៀត៕តែនៅក្នុងនោះឃើញថា ភ្ញៀវចូលរួមបានចងដៃ ជាខ្សែ.កធំៗជាច្រើនខ្សែ បំពាក់លើកូនកម្លោះ និងកូនក្រមុំ ដើម្បីជ័យសិរីមង្គលយ៉ាងប្លែកភ្នែក គួរឲ្យភ្ញាក់ផ្អើលតែម្តង ព្រោះនេះជាលើកទី១នៅក្នុងស្រុកខ្មែរហើយ ដែលឃើញមង្គលការ បានរៀបចំចងដៃយ៉ាងដូច្នោះ។ចង់ជ្រាបច្បាស់សូមទស្សនារូបភាពខាងក្រោម

ខេត្តត្បូងឃ្មុំ ៖ បើតាមប្រភពពីសមត្ថកិច្ចបានអោយដឹងថា ៖ ហេតុការណ៍គ្រោះថ្នាក់ចរាចរណ៍ ដែលកើតនៅព្រឹកថ្ងៃទី ២០ ខែមករា ឆ្នាំ២០១៩នេះ នៅលើផ្លូវលេខ​៧៣ ភូមិថ្នល់ ឃុំតំបែរ ស្រុកតំបែរ ខេត្តត្បូងឃ្មុំ ក្នងហេតុការណ៍នោះដែរអ្វីដែលយើងចាប់អារម្មណ៍និងស្លុតចិត្តយ៉ាងខ្លាំងនោះជនរងគ្រោះដែលនៅក្នុងរថយន្តនោះមានតារាកំប្លែងដ៏ល្បីនៅកម្ពុជា នាយកុយ និងនាយក្រិន។

ប្រភពដដែលបានបន្តថា ៖ ហេតុការណ៍គ្រោះថ្នាក់ចរាចរណ៍ ដែលកើតនៅព្រឹកថ្ងៃទី ២០ ខែមករា ឆ្នាំ២០១៩នេះ បណ្ដាលមកពីរថយន្តបែកកង់រ៉េ ទៅបុកដើមឈើ។ ដោយរថយន្ដដែលតារាកំប្លែងទាំងពីរនាក់ធ្វើដំណើរនេះ ម៉ាកឡង់គ្រីស័រ ពណ៌ស ពាក់ផ្លាកលេខ​ភ្នំពេញ​2AR-9968 បើកបរដោយឈ្មោះ ជួង ជី (ហៅនាយកុយ) អាយុ​៦៤ឆ្នាំ រស់នៅរាជធានីភ្នំពេញ រងរបួសកែងដៃស្តាំ និងអ្នករួមដំណើរឈ្មោះ ទេស សុជន (នាយក្រិន) ​អាយុ៣៩ឆ្នាំ រស់នៅសង្កាត់កាកាប ខណ្ឌពោធិ៍សែនជ័យ រាជធានីភ្នំពេញ​ ដោយជនរងគ្រោះទាំងពីរធ្វើដំណើរ មកពី​ខេត្តរតនគរី ទៅរាជធានីភ្នំពេញ៕

 

 

 

ប្រិយមិត្តពិតជាបានស្គាល់ច្បាស់ហើយ តារាចម្រៀងដ៏មានប្រជាប្រិយភាព ពេជ្រ សោភា តាមរយៈចម្រៀងជាច្រើនដែលបងប្អូនបានស្តាប់កន្លងមក។ ដោយឡែកកាលពីពេលថ្មីៗនេះ តារាចម្រៀង ពេជ្រ សោភា បានបង្ហោះសារមួយដែលធ្វើអោយបងប្អូន ចូលទៅលេងខមិនយ៉ាងច្រើន តាមរយៈChallenge ដោយបានបង្ហោះថា៖

«Challenge ខមមិនពាក្យ ( ណយណយ ) អោយបាន100k ខ្ញុំនិងស្លៀកពាក់ អាវបុរាណនេះដើរនៅក្នុងផ្សារទំនើបរួចទិញរបស់អោយមើលសំខាន់ស្រីណយចូលទិញកាហ្វេទៀត #កំលោះស្រុកស្រែ៕»បើក្រឡេកមើលខមិនប្រហែលជាជិតគ្រប់ហើយ អញ្ចឹងតាមដានមើល តើ តារាចម្រៀង ពេជ្រ សោភានឹងធ្វើChallenge ដូចវិធីណា៖សូមទស្សនារូបភាពខាងក្រោម៖

ឈាន​ចូល​ឆ្នាំថ្មី​ ​២០១៩​ ​ភ្លាម​តារាចម្រៀង​ ​លាង​ ​សុ​ផា​ឡែន​ ​ត្រៀម​ចេញទៅ​សម្តែង​នៅ​សហរដ្ឋ​អា​មេ​រិក​រួម​ជាមួយ​តារា​សម្តែង​រូប​សង្ហា​ ​ធី​អូ​ ​។​ ​បើ​តាម​គម្រោង​ពួកគេ​នឹង​ចេញទៅ​នៅក្នុង​ពេល​ឆាប់​ៗ​ខាងមុខនេះ​ ​។​នេះ​ជាលើកដំបូង​ដែលតា​រា​សម្តែង​ ​លាង​ ​សុ​ផា​ឡែន​ ​ដឹកដៃ​លោក​ ​ធី​អូ​ ​ទៅ​សម្តែង​នៅ​ប្រទេស​ជឿន​លឿន​មួយ​នេះ​ ​។​

បើ​តាម​គម្រោង​ ​លាង​ ​សុ​ផា​ឡែន​ ​នឹង​ចេញទៅ​សម្តែង​នៅ​ទីនោះ​នៅដើម​ឆ្នាំនេះ​ ​រយៈពេល​ ​៣​ ​ខែ​ ​។​បើ​ទោះបី​មិនធ្លាប់​ចេញទៅ​សម្តែង​នៅ​សហរដ្ឋអាមេរិក​ក៏​ពិតមែនតែ​ ​លាង​ ​សុ​ផា​ ​ឡែន​ ​រំពឹង​ថា​ការ​សម្តែង​របស់​នាង​នឹង​ទទួល​បាន​ជោគជ័យ​ក៏​ដូច​ការ​គាំទ្រ​ពីសំណាក់​បងប្អូន​ខ្មែរ​ដែល​រស់នៅ​ទីនោះ​ ​។​

អ្វី​ដែល​ចាប់អារម្មណ៍​គេ​ធ្លាប់​ចាំ​ថា​ ​លាង​ ​សុ​ផា​ឡែន​ ​និង ​តារាចម្រៀង​រូប​សង្ហា​ ​ធី​អូ​ ​ធ្លាប់​មាន​ទំនាក់ទំនង​ស្នេហ៍​ជាមួយគ្នា​ដែល​កាលណោះ​ភរិយា​ ​ធី​អូ​ ​ក៏បាន​ចេញមុខ​រករឿង​ ​លាង​ ​សុ​ផា​ឡែន​ ​ផង​ដែរ​ ​​ប៉ុន្តែ​ក្រោយ​មក​ចំ​ណង​ស្នេហ៍​មួយ​នេះ​ក៏​ស្ងា​ត​បាត់​ទៅវិញ​ ​។​

ពេលនេះ​ដែរ​បទ​ចម្រៀង​ថ្មី​ៗ​របស់​ ​លាង​ ​សុ​ផា​ ​ឡែន​ ​បាន​ចេញ​ជាបន្តបន្ទាប់​នៅក្នុង​ផលិតកម្ម​ភ្លេង​រី​ខ​ត​ ​។​កាន់តែ​មាន​ប្រជាប្រិយ​ភាព​ ​លាង​ ​សុ​ផា​ឡែន​ ​កាន់តែ​មាន​រូប​សម្រស់​ស្រស់​ស្អាត​ជាង​មុន​ ហើយ​ជីវភាព​រស់នៅ​របស់​នាង​ក៏​ហ៊ឺហា​ផង​ដែរ​ ​។​ ​ក្រៅពី​សិល្បៈ​តារាចម្រៀង​រូប​នេះ​ក៏​មាន​ដី​រាប់​ហិច​តា​នៅ​តាម​ខេត្ត​ផង​ដែរ​ ​៕

នារីម្នាក់មានគណនីហ្វេបុកឈ្មោះ Mo Noch Ja បានផ្លាស់ប្ដូរខ្លួនឯង១៨០ដឺក្រេទៅជាតែងខ្លួនបែបសិចស៊ីហាយសូរឃើញហើយធ្វើអោយប្រុសៗដែលនៅកំលោះលង់ស្នេហ៍មេម៉ាយម្នាក់នេះមិនស្ទើរទេម់ើលទៅ។ដោយនារីម្នាក់នេះបានរៀបរាប់ថា

 មិត្តភក្ថិដែលធ្លាប់ស្គាល់ខ្ញុំពីមុនពេលឃើញខ្ញុំឥលូវគេសួរថាសុិចសុីជាងមុនមេសណុចឥលូវ សំនួរចាក់ដោតពីមុនមានគ្រួសារខ្ញុំធ្វើខ្លួនបែបធម្មជាតិជាប្រពន្ធជាម្ដាយរបស់កូនមិនសូវហ៊ានធ្វើអ្វីលើសទេតែឥលូវមិនដូចមុនទេល្អត្រឹមត្រូវនៅចុងក្រោយមានឈ្មោះមេម៉ាយដ៏ដែលចឹងលេងម៉ាសប្បាយតាមចិត្តដែលខ្លួនចូលចិត្តមិនខ្វល់ទៀតទេនៅម្នាក់ឯងស្រួលចិត្ត។

 

ភ្នំពេញ ៖ លោក នី រតនា ដែលជាតារាចម្រៀងដ៏ល្បីនៅក្នុងផលិតកម្មរស្មីហង្សមាស ក្រោ​ម​​ឈ្មោះជាម្ចាស់ពាន Cambodia idol រដូវកាលទី១​​មិនត្រឹមតែ​មានសំ​នៀងពិ​រោះ​នោះទេ ថែមទាំងមានរូបរាងសង្ហាដែរ ពិសេសនោះតារាចម្រៀងដើម​កំណើតពីខេត្ត​កំ​ពង់ធំរូបនេះក៏ត្រៀមដឹកដៃគូដណ្តឹងរូបស្រស់សម្រស់គាប់ចូលរោងការនៅប៉ុន្មានថ្ងៃខាងមុខនេះហើយ។

ទន្ទឹមនឹងកៀកកិតជិតដល់ថ្ងៃមង្គលនោះគេក៏សង្កេតឃើញថាម្ចាស់បទ «ប្រពន្ធអូន​លំ​បា​​កហើយ» និងអនាគតភរិយាតែងតែបង្ហោះរូបភាពជាច្រើនដែលបង្ហាញពីក្តីស្រលាញ់​របស់ពួកគេទាំងពីរនាក់ទាំងរូប Pre-wedding និងរូបដំណើរកំសាន្តរបស់ពួកគេទាំ​ងពីរ​នា​ក់ទៀតផង ជាក់ស្តែងនៅថ្ងៃនេះ លើគណនីលោក នី រតនា ក៏បានបន្ថែមនូវវីដេ​អូនា​ឱ​កាសទៅក្រៅប្រទេសរួមគូដណ្តឹងយ៉ាងផ្អែមល្ហែម ព្រមភ្ជាប់សារខ្លីថា «ពេលវេលា​ដែ​លកំពុងតែទន្ទឹងរង់ចាំកាន់តែឈានចូលមកដល់ប៉ុន្មានថ្ងៃនេះហើយ»។

ស្របពេលពាក្យពេចន៍ រួមនឹងសកម្មភាពគួរឲ្យ​​​​​ច្រណែននេះ​បានបណ្តែត​ឡើងលើ​ប​ណ្តា​​​​​​ញស​ង្គមដូចនេះបណ្តាអ្នកគាំ​ទ្រដ៏ច្រើនលើសលប់របស់តារាចម្រៀងសំនៀងបាន ញញឹម​ស្រស់រូបនេះ បានពោលឡើងនូវសម្តីសរសើរ មិនចេះអស់ ព្រមដោយពាក្យជូន​ពរយ៉ាងហូរហែប្រៀបបានអាចារ្យផងដែរ។

ភ្នំពេញ៖ ម្ចាស់ផលិតកម្ម Galaxy លោក ឡេង ណាវ៉ាត់ត្រា កាលពីព្រឹកថ្ងៃទី០២ ខែកុម្ភៈ ឆ្នាំ ២០១៨ នេះ ​បាននាំយកថវិកាចំនួន​៥០លានរៀល ទៅបរិច្ចាគដល់មន្ទីរពេទ្យ «គន្ធបុប្ផា» ដែលជាមន្ទីរពេទ្យមួយ ជួយព្យាបាលជំងឺក្មេងៗ ដោយឥតគិតថ្លៃ ប្រចាំប្រទេសកម្ពុជា ដោយក្រោមការទទួលស្វាគមន៍យ៉ាងកក់ក្ដៅ ពីសំណាក់ថ្នាក់ដឹកនាំមន្ទីរពេទ្យ គ្រប់ជាន់ថ្នាក់។

លោក ឡេង ណាវ៉ាត់ត្រា បានថ្លែងប្រាប់ឲ្យដឹងថា ថវិកាចំនួន ៥០លានរៀល ជូនមន្ទីរពេទ្យគន្ធបុប្ផានៅពេលនេះ គឺក្នុងគោលបំណងតែមួយគត់ គឺដើម្បីជួយ​សង្គម និងសង្គ្រោះជីវិតកុមារក្រីក្រកម្ពុជា។ ម្យ៉ាងវិញទៀតជីវិតរបស់លោក ក៏ធ្លាប់ហែលឆ្លងនូវការលំបាក កាលពីនៅកុមារភាព ហើយបងប្អូនរបស់លោកក៏ធ្លាប់ មានកូនចៅមកព្យាបាលនៅមន្ទីរនេះ ទើបសម្រេចចិត្តបរិច្ចាគថវិកាផ្ទាល់ខ្លួន ដល់ស្ថាប័នមនុស្សធម៌ តាមដែលអាចធ្វើទៅបាន។

លោក ឡេង ណាវ៉ាត់ត្រា បានបន្តឲ្យដឹងថា «បាទបង.! អ្វីដែលខ្ញុំចង់បាន គឺចង់ឃើញមន្ទីរពេទ្យគន្ធបុប្ផា នៅតែបន្តការជួយដល់ក្មេងៗ នៅប្រទេសខ្មែរ ព្រមទាំងព្យាបាល ដោយឥតគិតថ្លៃ ជាពិសេសគ្រួសារមួយចំនួន ដែលគ្មានលទ្ធភាពបង់ថ្លៃព្យាបាល ពួកគាត់ពិតជាត្រូវការជំនួយពីសប្បុរសជនណាស់។ខ្ញុំយល់ពីការលំបាក របស់ប្រជាពលរដ្ឋ ព្រោះកាលពីកន្លងទៅ ខ្ញុំធ្លាប់មានបងប្អូនទទួលបានសេវាកម្មព្យាបាល នៅមន្ទីរពេទ្យគន្ធបុប្ផាដោយឥតគិតថ្លៃនេះដែរ។ ដូច្នេះខ្ញុំរីករាយ ក្នុងការជួយកិច្ចការងារមនុស្សធម៌ និង ចូលរួមចំណែកជួយសង្គម។​

ខ្ញុំសម្រេចចិត្តផ្ដល់ទឹកប្រាក់បន្តិចបន្តួច តាមលទ្ធភាពដែលខ្ញុំអាចធ្វើទៅបាន ហើយទឹកប្រាកចំនួន ៥០ លានរៀលនេះ ទោះជាមិនសូវច្រើនក្ដី ប៉ុន្តែវាអាចជាចំណែកមួយ ដើម្បីឲ្យក្មេងៗ នៅកម្ពុជា គាត់​មានសុខភាពល្អ ក៏ដូចជាធ្វើជាត្រពាំងស្នងឫស្សី ជាធនធានមនុស្សសម្រាប់ខ្មែរ នាពេលអនាគត»។

លោក ឡេង ណាវ៉ាត់ត្រា ក៏បានអំពាវនាវដល់សប្បុរសជន ក៏ដូចជា អ្នកសិល្បៈ គ្រប់រូបថា «​ប្រសិនបើមានលទ្ធភាព សូមចូលរួមជួយការងារសង្គមឲ្យបានច្រើន ជាពិសេសសូមចូលរួម ជួយផ្ដល់កម្លាំងចិត្តដល់មន្ទីរពេទ្យគន្ធបុប្ផា ដើម្បីបន្តរក្សាជំហររឹងមាំ និង បន្តរក្សាការជួយដល់ក្មេងៗ នៅក្នុងប្រទេសកម្ពុជា ដែលកំពុងជួបប្រឈមមុខនឹងជំងឺ និង ត្រូវការជំនួយពីអ្នកទាំងអស់គ្នា»។បន្ថែមពីលើចំណុចខាងលើ ម្ចាស់ផលិតកម្ម Galaxy និងជាម្ចាស់បុរីវីឡាកូនកាត់ លោក ឡេង ណាវ៉ាត់ត្រា បានបន្តទៀតថា នៅពេលខាងមុខ លោកនឹងបន្តធ្វើការងារមនុស្សធម៌ ឲ្យបានច្រើន ដើម្បីជួយឲ្យប្រជាពលរដ្ឋ ដែលខ្វះលទ្ធភាព៕

 

សិល្បៈ៖ តារាសម្ដែងស្រីវ័យក្មេង កញ្ញា ដែលទើបតែប្រឡូកក្នុងវិថីសិល្បៈមិនទាន់បានប៉ុន្មានផង បានធ្វើឲ្យទស្សនិកជនជាច្រើននាក់ចាប់អារម្មណ៍តាមរយៈរូបសម្រស់ដ៏ស្រស់ស្អាត និងភាពសិចស៊ីរបស់នាង ហើយជាក់ស្ដែង កាលពីពេលថ្មីៗនេះ ស្រាប់តែតារាស្រីខាងលើបានធ្វើឲ្យអ្នកលេងហ្វេសប៊ុកជាច្រើននាក់ ចាប់អារម្មណ៍ និងភ្ញាក់ខ្លួនព្រឺត តាមរយៈរូបថតពីរសន្លឹក ដែលសិចស៊ីខ្លាំងមិនចាញ់តារាបរទេសប៉ុន្មានឡើយ ។

ចំពោះរូបថតពីរសន្លឹកខាងលើនេះ មានទាំងអ្នកចូលចិត្ត និងមិនចូលចិត្ត ប៉ុន្តែមានអ្នកមិនចូលចិត្តច្រើនជាងអ្នកដែលចូលចិត្ត ហើយមហាជនទាំងនោះក៏មានបញ្ចេញមតិរៀងៗខ្លួន រហូតដល់ប្រើពាក្យសម្ដីពុំសមរម្យទៀតផង ដែលធ្វើឲ្យ កញ្ញា ឆេះដុំ live វីដេអូតបត ទៅវិញភ្លាមៗផងដែរ ។ យ៉ាងណាមិញ ក្រោយពីមានការរិះគន់ រូបថតសិចស៊ីរបស់ កញ្ញា ក៏ត្រូវបាននាងលុបចេញពីគណនីហ្វេសប៊ុកហើយដែរ ៕

 

ថៃ៖ គ្រាន់តែបើកទំព័រឆ្នាំថ្មី ២០១៩ ភ្លាម តារាថៃល្បីៗ ជាច្រើនគូក៏ចាប់ផ្តើម បង្ហាញមុខគូស្នេហ៍របស់ខ្លួន ប្រាប់អ្នកគាំទ្រ ក៏ដូចជាមហាជនឲ្យបានដឹងពីទំនាក់ទំនងស្នេហ៍របស់ពួកគេជាផ្លូវការ។

មិនត្រឹមតែប៉ុណ្ណោះ តារាល្បីៗទាំងនោះ ពួកគេថែមទាំងបានធ្វើដំណើរកម្សាន្តជាមួយគ្នាយ៉ាងផ្អែមល្ហែម តែពីនាក់ទៅក្រៅប្រទេសថែមទៀតផង សម្រាប់ដើមឆ្នាំថ្មីនេះ។

ខាងក្រោមនេះ គឺជាតារាល្បីៗដែលបង្ហាញមុខគូស្នេហ៍របស់ខ្លួន ជាផ្លូវការនៅដើមឆ្នាំ ២០១៩។ ចង់ដឹងថាមានគូស្នេហ៍តារាល្បីៗណាខ្លះ តោះតាមដានខាងក្រោម៖

១. Aum Patchrapa និង Hi-So Pok Phornprapha

អ្នកទាំងពីរត្រូវបានអ្នកគាំទ្រដឹងថា បានទៅធ្វើដំណើរកម្សាន្តយ៉ាងស្ងាត់ៗ បែបគូស្នេហ៍សម្រាប់ឆ្នាំថ្មីនេះ ក៏ប៉ុន្តែពួកគេមិនបានបង្ហោះរូបជាមួយគ្នានោះទេ៕

២. Songkarn Taechanarong និង Matt Peranne

គូស្នេហ៍មួយគូនេះ ទើបតែបង្ហាញឲ្យមហាជនដឹង នៅពេលថ្មីៗនេះតែប៉ុណ្ណោះ។ ហើយចាប់ពីពេលនោះមក អ្នកទាំងពីរតែងតែបង្ហាញភាពផ្អែមល្ហែមជាមួយគ្នាជានិច្ច។

៣. Hunz The Star និង Gyoen

គ្រាន់តែឆ្នាំថ្មីមិនទាន់ គូស្នេហ៍ទើបតែបង្ហាញមុខនេះ បាននាំគ្នាដើរលេងយ៉ាងផ្អែមល្ហែម ដល់ទឹកដីប្រទេសកូរ៉េ។

៤. Toni Rakkaeh និង Kaew Jarinya

អ្នកគាំទ្រដឹងថា អ្នកទាំងពីរផ្តើមស្រលាញ់គ្នា នៅពេលដែលពួកគេដើរលេងជាមួយគ្នា នៅដើមឆ្នាំនេះ នៅប្រទេសជប៉ុន ដោយពួកគេបានបង្ហោះរូបប៉ុន្មានសន្លឹក ចូលក្នុងគណនី IG ។

ប៉ុន្មាន​ថ្ងៃមុន​ល្បី​ថា មាន​ស្រី​ស្អាត​សាច់​សខ្ចី​ម្នាក់​មានចិត្ត​ល្អ បាន​ជួយ​ដល់​ស្ត្រី​កម្សត់​ម្នាក់​ដែល​គ្មាន​ប្រាក់​សម្រាលកូន រហូត​ធ្វើឱ្យ​ល្បីល្បាញ​ពេញ​បណ្តាល​សង្គម​ថា នាង​មិន​ត្រឹមតែ​ស្រ់​ស្អាត ថែមទាំង​ចិត្តល្អ​ទៀត ។ តាមពិត​នារី​ដ៏​ស្រស់ស្អាត​ថែមទាំង​ក្លាហាន​នោះ គឺជា​តារា​ស្រី​ដែលមាន​ឈ្មោះថា លី​លី ដែល​ត្រៀម​នឹង​បង្ហាញមុខ​នៅក្នុង​រឿង «កាំបិត​មុខ ​២» ក្នុងពេល​ឆាប់ៗ​ខាងមុខ ។​

​បន្ទាប់ពី​ទទួលបាន​ការសរសើរ​ពី​សំណាក់​បងប្អូនខ្មែរនៅលើ​បណ្តាញ​សង្គម ដែល​បាន​ជូន​ស្ត្រី​អនាថា​ម្នាក់បង្កើតកូន​តាមផ្លូវ​កា​លពី​ថ្ងៃទី ១៣ ខែមករា ឆ្នាំ ២០១៩ នៅ​ម្តុំទួលគោក បានធ្វើឱ្យ​ស្រី​ស្អាត លី​លី សប្បាយចិត្ត​យ៉ាងខ្លាំង ហើយ​នាង​ថែមទាំង​បាន​ពោល​ពាក្យ​ថា នេះ​មិនមែនជា​លើកទីមួយ​នោះទេ​ដែល នាង​តែងតែ​ជួយ​អ្នកក្រខ្សត់ កន្លងមក​នាង​ធ្លាប់បាន​ជួយ​ការងារ​សង្គម​ច្រើន​មកហើយ ។

​ស្រី​ស្អាត លី​លី មិន​ត្រឹមតែ​ជួយសង្គ្រោះ​បឋម​ដល់ស្ត្រី​អនាថា​ម្នាក់​នោះ​ប៉ុណ្ណោះ​ទេ ថែមទាំង​បានចេញ​ថ្លៃ​ព្យា​បា​ល​ទាំងស្រុង​ផងដែរ សូម្បីតែ​ថៅកែ​ផលិតកម្ម មហាហង្ស លោក អ៊ិន សុ​ភិន ក៏បាន​ជួយ​ចេញថ្លៃ​ព្យាបាល និង ជួយឧបត្ថម្ភ​ជា​ថវិការ សម្ភារដល់​ស្ត្រី​កម្សត់ ​និង ​កូន​ផងដែរ ។

​ទង្វើរ​របស់​ស្រី​ស្អាត លី​លី និង ​លោក អ៊ិន សុ​ភិន ទទួលបាន​ការសរសើ​រ​យ៉ាងខ្លាំង​ពី​សំណាក់​បងប្អូនខ្មែរយើង ។ ស្រី​ស្អាត លី​លី បាន​បន្ថែមទៀតថា អ្វីដែល​នាង​ធ្វើ​គឺ​ធ្វើ​ចេញពី​ចិត្ត មិនមែនជា​ការសម្តែង​ឡើយ បើទោះបីជា​នាង​ជា​តារា​សម្តែង​ក្តី ថ្វីដ្បិតតែ​ហេតុការណ៍​នេះ​ធ្វើឱ្យ​នាង​មាន​អារម្មណ៍​ភ័យខ្លាច​យ៉ាងណាក្តី តែ​នាង​ព្យាយាម​ពង្រឹងស្មារតី និង ជួយ​ស្ត្រី​រូបនោះ​ព្រមទាំង​កូន​ប្រកបដោយ​សុវត្ថិភាព ។ នេះ​ជា​លើកទីមួយ​ហើយ​ក្នុង​ជីវិត​ដែល​នាង​ជួប​រឿង​បែបនេះ តែ​ក៏​សប្បាយចិត្ត​នៅពេលដែល​ឃើញ​ម្តាយ និង កូន​មាន​សុវត្ថិភាព ។ គួរបញ្ជាក់​ផងដែរ​ថា លី​លី ត្រៀម​នឹង​លេចមុខ​នៅក្នុង​រឿង «កាំបិត​មុខ ២» របស់​ផលិតកម្មមហាហង្ស ក្នុងពេល​ឆាប់ៗ​ខាងមុខ ៕