ភ្នំពេញ ៖ ក្រុមគ្រួសារយុវជនរងគ្រោះបានស្នើដល់សម្ដេចឧបនាយករដ្ឋមន្រ្តី ស ខេង ដែលត្រូវមន្រ្តីប៉ូលិសម្នាក់នេះ ចាប់វាយខ្នោះ នឹងវាយធ្វើបាប ជនរងគ្រោះ ដោយពុំដឹងមូលហេតុច្បាស់លាស់ រួចហើយចាប់ដាក់ខ្នោះអូសឡើងលើម៉ូតូកង់បីឥណ្ឌា និងបានយកទៅទម្លាក់ចោល នៅក្នុងក្រសួងមហាផ្ទៃហើយ ។
ជនដៃដល់នោះ ត្រូវបានសាច់ញាតិយុវជនរងគ្រោះបញ្ជាក់អះអាងថា ឈ្មោះសុន ពិសាល មានឋានន្តរស័ក្កិព្រិន្ទបាល ពីមុនជាមន្រ្តីនគរបាលនៅការិយាល័យពន្លត់អគ្គីភ័យ ស្នងការដ្ឋាននគរបាលរាជធានីភ្នំពេញ តែនៅថ្ងៃកើតហេតុនោះ បានអះអាងប្រាប់គេឯងថាខ្លួនជាមន្រ្តីប៉ូលិសនៅក្រសួងមហាផ្ទៃ ។

ខណៈនេះដែរ ក្រុមគ្រួសារយុវជនរងគ្រោះបានស្នើដល់សម្ដេចឧបនាយករដ្ឋមន្រ្តី ស ខេង រដ្ឋមន្រ្តីក្រសួងមហាផ្ទៃ សុំជួយចាត់ការចំពោះមន្រ្តីនគរបាលឈ្មោះសុន ពិសាល និងបក្ខពួកមួយចំនួន ទៀតតាមផ្លូវច្បាប់ ដោយអនុគ្រោះផង ព្រោះក្រុមប៉ូលិសទាំងនេះ វាយជនរងគ្រោះរួច យកទៅដាក់ចោលក្នុងក្រសួងមហាផ្ទៃ តែម្ដង ។
គួររម្លឹកថា កាលពីវេលាម៉ោង៧ និង៣០នាទី យប់ថ្ងៃទី២៤ ខែឧសភា ឆ្នាំ២០១៨ ស្ថិតនៅតាមបណ្តោយផ្លូវលេខ៣៦០ កែងផ្លូវ១០៥ ស្ថិតក្នុងសង្កាត់បឹងកេងកងទី៣ ខណ្ឌចំការមន មានសមត្ថកិច្ចមួយក្រុមធ្វើសកម្មភាពចាប់ និងវាយយុវជនម្នាក់ដោយមិនដឹងមូលហេតុអ្វីច្បាស់លាស់ រួចហើយចាប់អូសឡើងលើម៉ូតូកង់បីឥណ្ឌា និងបានយកទៅទម្លាក់ចោល នៅក្នុងក្រសួងមហាផ្ទៃ បង្កឲ្យភ្ញាក់ផ្អើល ។

ជនរងគ្រោះដែលត្រូវសមត្ថកិច្ច

សាក្សីដែលឃើញហេតុការណ៍បានឲ្យដឹងថា មុនពេលកើតហេតុ គេឃើញយុវជនម្នាក ត្រូវបានសមត្ថកិច្ចមានគ្នាប្រមាណ៤ទៅ៥នាក់ស្លៀកពាក់ស៊ីវិល និងមានម្នាក់ពាក់ឯកសណ្ឋានប៉ូលិស សុទ្ធតែមានកាន់វិទ្យុទាក់ទង និងអាវុធ។
សាក្សីបន្តថា ពេលនោះសមត្ថកិច្ចទាំងនោះបានធ្វើសកម្មភាព ចាប់ និងវាយយុវជនរូបនោះ រួចហើយចាប់ដាក់ខ្នោះអូសឡើងលើម៉ូតូកង់បី និងបានយកទៅទំលាក់ចោល នៅក្នុងក្រសួងមហាផ្ទៃ ដោយមិនមានហេតុផលអ្វីច្បាស់លាស់បន្តិចសោះ ហើយត្រូវបានសាច់ញាតិនាំគ្នាមកដឹកយកទៅសង្រ្គោះនៅមន្ទីរពេទ្យ ៕

នៅល្ងាចថ្ងៃសុក្រ ១១កើត ខែជេស្ឋ សំរឹទ្ធិស័ក ព.ស២៥៦២ ត្រូវនឹងថ្ងៃទី២៥ ខែឧសភា ឆ្នាំ២០១៨នេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន បានអញ្ជើញជាអធិបតីភាពដ៏ខ្ពង់ខ្ពស់ក្នុងពិធីបើកការប្រកួតកីឡាជាតិលើកទី២ នៅពហុកីឡដ្ឋានជាតិអូឡាំពិក។

ការ​ប្រកួត​កីឡា​ជាតិ​លើក​ទី២ ក្រោម​ប្រធាន​បទ «កីឡា​នាំ​មក​នូវ​សន្តិភាព និង​ការអភិវឌ្ឍ» ដែល​មាន​រយៈ​ពេល​​មួយ​សប្តាហ៍​នៅ​ពហុកីឡដ្ឋាន​ជាតិ​អូឡាំពិកដែល​នឹងប្រ​ព្រឹត្ត​ទៅ​ចាប់​ពី​ថ្ងៃ​ទី២៥ ខែ​ឧសភា ដល់​ថ្ងៃ​ទី០៤ ខែមិថុនា ឆ្នាំ ២០១៨ ដែលមានកីឡាករ កីឡាករិនី​ និង​គ្រូ​បង្វឹក​ចូល​រួម សរុប ៤.១៦៣ នាក់ លើ​ប្រភេទ​កីឡា​ចំនួន​២៧ រួម​មាន​​វិញ្ញាសា​រចំនួន​២៧៤ មកពី​ក្រសួង រាជធានី​-​ខេត្ត​ចំនួន​២៥។

កម្មវិធីបើកព្រឹត្តិការណ៍កីឡានេះ ក៏មានការរៀបចំកម្មវិធីប្លែកៗ និងអស្ចារ្យជាច្រើនទៀត ដើម្បីអបអរពិធីបើកកីឡាជាតិ រួមមានដូចជាការដង្ហែ​ក្បួន​ព្យុះហយាត្រាប្រតិភូកីឡាតាមបណ្តាខេត្តនានា ការ​សម្តែងបែបសិល្បវប្បធម៌បុរាណ ក្បាច់គុនល្បុក្កតោ ការ​សម្តែង​​ចលនាកាយសមស្របពីគរុ​សិស្ស​កីឡា ក្រុម​កីឡាតេក្វាន់ដូ ការ​សម្តែង​​ចលនា​កាយកម្សាន្ត​ចម្រៀង ដោយ​មាន​ការ​ចូល​រួម​ពីសិល្បករ សិល្បការិនីល្បីៗជា​ច្រើន​រូប​ និងការបាញ់កាំជ្រួចអបអរសាទរផដែរ។

ក្រៅពីការអញ្ជើញជាអធិបតីភាពដោយផ្ទាល់ពីសម្ដេចតេជោ និងសម្ដេចកិត្តិព្រឹទ្ធបណ្ឌិតហើយនោះ ព្រឹត្តិការណ៍កីឡាជាតិលើកទី២នេះ ក៏មានកម្មវិធីកាន់តែអស្ចារ្យជាងលើកទី១ផងដែរ ដោយព្រះមហាក្សត្រកម្ពុជា​ ព្រះករុណា ព្រះបាទសម្តេច ព្រះបរមនាថ នរោត្តម សីហមុនី នឹងព្រះបរមរាជានុញ្ញាតដ៏ខ្ពង់ខ្ពស់បំផុត សព្វព្រះរាជហឫទ័យប្រោសព្រះរាជទានភ្លើងគប់ ដល់តំណាងកីឡាករជាតិ ហើយនាំយកភ្លើងគប់ពីព្រះបរមរាជវាំង មកប្រគល់ជូនសម្ដេចតេជោនាយករដ្ឋមន្ដ្រី ដើម្បីដុតបំភ្លឺគប់ ប្រារព្ធពិធីបើកការប្រកួតផ្លូវការនៅពហុកីឡដ្ឋានជាតិផងដែរ។

ចំពោះភ្លើងគប់ខាងលើតំណាងអត្តពលិកជាតិ ដែលត្រូវចូលក្រាបបង្គំទទួលការព្រះរាជទានពីព្រះមហាក្សត្រនោះ រួមមាន៖ កីឡាករ ឃុន ឌីម៉ា ម្ចាស់មេដាយមាសកីឡាស៊ីហ្គេមឆ្នាំ២០១៧ លើប្រភេទកីឡាគុនខ្មែរ ដែលជាកីឡាអត្តសញ្ញាណជាតិ។ បន្ទាប់មក ឌីម៉ា នឹងរត់កាន់ភ្លើងគប់អមដោយតារាបាល់ទាត់ឆ្នើមៗ ២រូប គឺកីឡាករ ចាន់ វឌ្ឍនាកា និងកីឡាករ ប្រាក់ មុន្នីឧត្តម រួមជាមួយកីឡាករក្បាច់គុណល្បុក្កតោចំនួន១០រូប​ ពីព្រះបរមរាជវាំង ជាមួយនឹងក្បួនម៉ូតូធំ ១២គ្រឿង តាមផ្លូវសំខាន់ៗមួយចំនួន ឆ្ពោះមកពហុកីឡដ្ឋានជាតិ។

ការ​ប្រកួត​កីឡា​ជាតិ​នេះ រៀបចំ​ឡើង​ក្នុង​គោល​បំណង វាស់​ស្ទង់គុណផលកីឡា តាម​ប្រភេទ​កីឡានី​មួយៗ ក៏​ដូចជា​ហ្វឹកហ្វឺន​មន្រ្តីរៀបចំ​ការ​ប្រកួត មន្រ្តី​អាជ្ញា​កណ្តាល និង​ចៅក្រម​ក្នុង​ការ​ត្រៀម​លក្ខណៈ​​ឈាន​ឆ្ពោះ​ទៅ​ធ្វើ​ជា​ម្ចាស់​​ផ្ទះ នៃ​ការ​ប្រកួត​កីឡា ស៊ី​ហ្គេម លើក​ទី៣២ ឆ្នាំ​២០២៣ នា​ពេល​ខាង​មុខ។

បន្ទាប់ពីសម្តេចតេជោ ហ៊ុន សែន អញ្ជើញប្រកាសបើកការកួតកីឡាជាតិលើកទី២រួចហើយនោះ ក៏មានពិធីដង្ហែ និងទទួលភ្លើងគុប ដែលដង្ហែពីព្រះបរមរាជវាំងមកកាន់ពហុកីឡដ្ឋានជាតិដោយកីឡាករ​ កីឡាការិនីល្បីៗជាច្រើនផងដែរ មុននឹងអញ្ជើញប្រគល់ជូនសម្តេចតេជោនាយករដ្ឋមន្ត្រី និងសម្តេចកិត្តិព្រឹទ្ធបណ្ឌិត ដើម្បីអុចបំភ្លឺ បើកព្រឹត្តិការណ៍ការកប្រកួតកីឡាជាតិឆ្នាំ២០១៨នេះ ចាប់ពីពេលនេះតទៅ។

គួរបញ្ជាក់ថា៖ព្រឹត្តិការណ៍កីឡាជាតិលើកទី២នេះក៏មានកម្មវិធីកាន់តែអស្ចារ្យជាងលើកទី១ផងដែរដោយព្រះ មហាក្សត្រនៃព្រះរាជាណាចក្រកម្ពុជា ព្រះករុណា ព្រះបាទសម្តេចព្រះបរមនាថ នរោត្តម សីហមុនី ព្រះបរមរាជានុញ្ញាតដ៏ខ្ពង់ខ្ពស់បំផុតសព្វព្រះរាជហឫទ័យប្រោសព្រះរាជទានភ្លើងគប់ ដល់តំណាងកីឡា ករជាតិ នាំយកភ្លើងគប់ពីព្រះបរមរាជវាំង មកប្រគល់ជូនសម្ដេចតេជោនាយករដ្ឋមន្ដ្រី ដើម្បីដុតបំភ្លឺគប់ប្រារព្ធពិធីបើកការប្រកួតផ្លូវការនៅពហុកីឡដ្ឋានជាតិ ។

គណៈកម្មការរៀបចំព្រឹត្តិការណ៍កីឡាជាតិក៏បានត្រៀមរៀបចំនូវកម្មវិធីប្លែកៗ និង អស្ចារ្យជាច្រើនទៀត ដើម្បីអបអរពិធីបើក-បិទកីឡាជាតិ រួមមាន៖ ការសម្ដែងចលនកាយសមស្របរបស់ក្រុមយុវជន និង ក្រុមអ្នកជំនាញកីឡា ការសម្ដែងសិល្បៈបាញ់កាំជ្រួចដ៏កម្រ រួមទាំងវត្តមានរបស់កំពូលតារាងចម្រៀងល្បីៗប្រចាំកម្ពុជា៣រូប ដូចជាលោក ព្រាប សុវត្ថិ, កញ្ញា មាស សុខសោភា និងកញ្ញា ឱក សុគន្ធកញ្ញា ដែលលើកយកបទចម្រៀង ពាក់ព័ន្ធកីឡាជាតិ ដើម្បីច្រៀងអបអរសាទរ៕

រាជធានីភ្នពេញ៖ អ្នកទាំងអស់គ្នាដឹងហើយថាអតីតតារាស្រីអ្នកនាង ស្រីតូច ចំណាន ពេលនេះមានងារជាលោកជំទាវ ម៉ៅ ចំណាន ព្រោះជាភរិយាពេញច្បាប់របស់លោកឧកញ៉ា គិត ម៉េង អគ្គនាយកក្រុមហ៊ុន Royal Group និងបានកាន់កាប់ក្រុមហ៊ុនជាច្រើនទៀតនៅក្នុងដៃ។

ហើយគិតមកដល់បច្ចុប្បន្ននេះ ជំទាវស្រីតូច ចំណាន ក៏បានក្លាយទៅជាស្រ្តីក្នុងត្រកូលអភិជនម្នាក់ ដែលមានអ្នកស្រលាញ់រាប់អានច្រើន ដោយសារតែចិត្តភាពល្អរបស់ខ្លួន ចេះជួយដល់អ្នកក្រខ្សត់។

ហើយមិនតែប៉ុណ្ណោះក្រៅពីមានទឹកចិត្តល្អហើយ ជំទាវស្រីតូច ចំណាន ក៏ជានារីម្នាក់ដែលមានរូបសម្បត្តិដ៏ស្រស់ស្អាតយ៉ាងខ្លាំង គួរជាទីពេញចិត្តពីសំណាក់មហាជនទូទៅ។

បើក្រឡេកទៅមើលពីការតុបតែងខ្លួនរបស់លោកជំទាវវិញ ក៏មានភាពស្រស់ស្អាត និងមានភាពលេចធ្លោជាងគេទោះបីជាពេលធ្វើខ្លួននៅក្នុងសម្លៀកបំពាក់ធម្មតាៗក៏ដោយ។ 

ដូចដែលឃើញ ពេលចេញទៅខាងក្រៅដើរមើលមុខជំនួញនៅលើកោះរ៉ុងលោកជំទាវ ស្រីតូច ចំណាន បានតុបតែងខ្លួនយ៉ាងសមជាមួយនឹងអាវបញ្ចេញដើមទ្រូងតិចៗ មិនស៊ិចស៊ីជ្រុលហួសហេតុពេកនោះទេ ទោះបីជាអាវនេះមានម៉ូតរាងស៊ិចស៊ីបន្តិចមែនក៏ដោយ។

ហើយព្រមជាមួយនឹងចរិយាសម្បតិ្ត សូមសរសើរជំទាវ ចំណាន ជានារីម្នាក់ដែលពូកែស្ទើរតែគ្រប់រឿង តាំងពីរឿងតុបតែងខ្លួនពេលចេញមកខាងក្រៅ រឿងជួយសម្រាលបន្ទុកការងាររបស់ស្វាមី និងរឿងសប្បុរសធម៌ជួយជនក្រីក្រជាដើមផងដែរ។

ភ្នំពេញ៖ ពិធីចុះហត្ថលេខានេះធ្វើឡើង ឯកឧត្តម ឃួង ស្រេង អភិបាលរាជធានីភ្នំពេញនិងលោក Ito Mimpei ប្រធានដឹកនាំក្រុមការងារ ត្រៀមការសិក្សាស្រាវជ្រាវ របស់ទីភ្នាក់ងារសហប្រតិបត្តិការអន្តរជាតិជប៉ុន(JICA)បានចុះហត្ថលេខាលើកំណត់ហេតុពិភាក្សាការសិក្សាមូលដ្ឋានគំរោងអភិវឌ្ឍន៍ប្រពន្ធ័ប្រឡាយ លូទឹកកខ្វក់ក្នុងរាជធានីភ្នំពេញ នៅរសៀលថ្ងៃសុក្រ ១១កើត ខែជេស្ឋ ឆ្នាច ត្រូវនឹងថ្ងៃទី ២៥ ខែឧសភា ឆ្នាំ ២០១៨ នៅរដ្ឋបាលរាជធានីភ្នំពេញ។

ក្នុងពីធីចុះហត្ថលេខានោះ បានបញ្ជាក់ថាដើម្បីឆ្លើយតបទៅនឹងសំណូមពររបស់រាជរដ្ឋាភិបាលកម្ពុជា រដ្ឋាភិបាលជប៉ុនបានសំរេចដាក់ចេញនូវការសិក្សាមូលដ្ឋានសំរាប់គំរោងអភិវឌ្ឍន៏ប្រពន្ធ័ប្រឡាយលូទឹកកខ្វក់ក្នុងរាជធានីភ្នំពេញដោយបានប្រគល់ការសិក្សាគំរោងនេះទៅអោយJICAជាអ្នកអនុវត្តន៍។ អង្គការJICAបានបញ្ជូនក្រុមត្រៀមសិក្សាសំរាប់គំរោងមកកាន់ប្រទេសកម្ពុជាដែលដឹកនាំអនុវត្តដោយឯកឧត្តមបណ្ឌិត អិតូមិម ប៉េអិ ប្រធានក្រុមការងារគ្រប់គ្រងបរិស្ថានសាកល និងក្រុមការងារប្រចាំនៅកម្ពុជាដោយចាប់សិក្សាពីថ្ងៃទី២២ ដល់ ថ្ងៃទី២៥ ខែឧសភា ឆ្នាំ២០១៨នេះ ។

ក្រុមការងារបានរៀបចំកិច្ចពិភាក្សាជាបន្តបន្ទាប់ជាមួយមន្ត្រីពាក់ពន្ធ័របស់រដ្ឋាភិបាលកម្ពុជា និងបានដាក់ចេញជាការចុះស្រាវជ្រាវតាមទីតាំងរបស់គំរោង។ បន្ទាប់ពីបញ្ចប់ការសិក្សារដ្ឋាភិបាលជប៉ុនបានបញ្ជូនក្រុមបេសកកម្មចំនួន៣ក្រុមដើម្បីការប្រមូលរាល់ទិន្ន័យដែលពាក់ពន្ធ័ក្នុងនោះក្រុមបេសកកម្មរបស់JICAសហការជាមួយរដ្ឋបាលរាជធានីភ្នំពេញដើម្បីត្រៀមរៀបចំឯកសារសំរាប់ឈានទៅដល់ការអនុមត័ផ្តល់ជំនួយលើគំរោងនេះពីរាជរដ្ឋាភិបាលជប៉ុន។

គោលបំណងរបស់គំរោងនេះគឺដើម្បីកាត់បន្ថយជាអតិប្បរិមានូវបន្ទុកនៃការបំពុលទឹកក្នុងបឹងជើងឯកតាមរយះការសាងសង់រោងចក្រប្រត្តិកម្មទឹកសំអុយថ្មី ដែលនឹងរួមចំណែកការពារ កែលំអរទឹកអនាម័យនឹងបរិស្ថាននៅបឹងជើងឯកឲ្យកាន់តែមានភាពប្រសើរឡើង៕

កោះម៉ាឌីវ ៖ បើទោះបីជា ពេលនេះ តារាសម្តែងស្រី ម៉ូនិច ឈប់ប្រឡូកក្នុងសិល្បៈក៏ដោយ ក៏រូបនាង នៅតែមានប្រជាប្រិយភាព នៅក្នុងបណ្តាញសង្គម។

កាលពីថ្មីនេះ តារាដ៏ស្រស់សោភានេះ ក៏បានទៅលេងកោះម៉ាឌីវបាត់ ដែលធ្វើឲ្យអ្នកគាំទ្រ មានការភ្ញាក់ផ្អើល ដោយសារតែ ការចំណាយលើថ្លៃដើរលេងនេះ អស់ច្រើនបំផុត។

ប៉ុន្តែសម្រាប់ការចំណាយ វ៉ាន់ ម៉ូនិច មិនបានខ្វល់ខ្វាយនោះទេ សំខាន់ នាងបានទៅដើរលេង ស្គាល់កន្លែងស្អាតៗ ដូចជាតារាបរទេសផ្សេងៗដែរ។ អ្វីដែលជាពិសេសជាងនេះទៅទៀតនោះ គឺនាងក៏មិនភ្លេចបង្ហោះរូបថតស៊ិចស៊ី ជាមួយនឹង ឈុតប៊ីគីនី ផងដែរ ដោយនាងបានអង្គុយថត នៅលើអាងទឹក យ៉ាងស៊ីអារម្មណ៍បំផុត៕

ដោយ វុន សុខជា

ប្រភពខ្មែរឡោដ

ភ្នំពេញ៖ សម្ដេចតេជោស្តីព្រមានដករដ្ឋមន្ត្រី៣រូប រឿងឆ្លើយដាក់គ្នាជុំវិញករណីប្រជាពលរដ្ឋពុលនៅក្នុងឃុំកន្ទួត ស្រុកចិត្របុរី ខេត្តក្រចេះ។ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានស្តីបន្ទោសធ្ងន់ៗដល់រដ្ឋមន្ត្រី បីរូប មកពីបីក្រសួង ដែលបានឆ្លើយដាក់គ្នាជុំវិញករណីប្រជាពលរដ្ឋពុលនៅក្នុងឃុំកន្ទួត ស្រុកចិត្របុរី ខេត្តក្រចេះ កាលពីដើមខែឧសភា ឆ្នាំ២០១៨កន្លងទៅនេះនៅមុនចាប់ផ្តើមកិច្ចប្រជុំគណៈរដ្ឋមន្ត្រីនាព្រឹកថ្ងៃទី២៥ ខែឧសភា ឆ្នាំ២០១៨នេះ ។

ការបន្ទោស និងព្រមានយ៉ាងធ្ងន់ៗបែបនេះ នៅមុនពេលសម្ដេចចាប់ផ្ដើមកិច្ចប្រជុំគណៈរដ្ឋមន្ត្រី នាព្រឹកថ្ងៃសុក្រ ១១កើត ខែជេស្ឋ ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី២៥ ខែឧសភា ឆ្នាំ២០១៨ នៅទីស្ដីការគណៈរដ្ឋមន្ត្រី រាជធានីភ្នំពេញ។ សម្ដេចបញ្ជាក់ថា សម្ដេចមិនហាមឃាត់មិនឲ្យមានការស្រាវជ្រាវលើហេតុការណ៍ប្រជាពលរដ្ឋពុលនៅខេត្តក្រចេះនេះនោះទេ ប៉ុន្តែសម្ដេចស្នើឲ្យរដ្ឋមន្ត្រីក្រសួងទាំង៣ រួមមានក្រសួងសុខាភិបាល ក្រសួងឧស្សាហកម្ម និងសិប្បកម្ម និងក្រសួងរ៉ែ និងថាមពល បញ្ឈប់ការធ្វើការទាំងទទឹងទិស យកឈ្នះខ្លួនឯងដោយខ្វះការទទួលខុសត្រូវ ហើយសាចទឹកដាក់គ្នាបែបទៀត។

សម្តេចនាយករដ្ឋមន្ត្រីនៃកម្ពុជាបានចាត់ទុកថាការព្យាយាមសាចទឹកដាក់គ្នារបស់រដ្ឋមន្ត្រីទាំង៣រូបនេះគឺ រួមមានរដ្ឋមន្ត្រីក្រសួងសុខាភិបាល ឯកឧត្តម ម៉ម ប៊ុនហេង, រដ្ឋមន្ត្រីក្រសួងរ៉ែ និងថាមពល ឯកឧត្តម ស៊ុយ សែម និងរដ្ឋមន្ត្រីក្រសួងឧស្សាហកម្ម និងសិប្បកម្ម ឯកឧត្តមទេសរដ្ឋមន្ត្រី ចម ប្រសិទ្ធ គឺជាការខ្វះទំនួលខុសត្រូវរបស់ខ្លួនក្នុងហេតុការណ៍ខាងលើនេះ៕

ភ្នំពេញ:អ្នកប្រដាល់ថៃគ្រៀង ក្រៃ(Kreang Krai)ដែលទើបតែដណ្ដើមបានខ្សែក្រវាត់ទម្ងន់៦៥គីឡូក្រាមនោះ បានតម្លើងទម្ងន់ដល់៦៧គីឡូក្រាម ដើម្បីប្រកួតជាមួយពុទ្ធ ឆាយរិទ្ធីក្លិបពុទ្ធសេរីវង្ស ។​អ្នកប្រដាល់ទាំង២រូបនេះនឹងជួបប្រកួតគ្នាលើសង្វៀនហ្គេនស្ប៊ើករបស់អាស៊ីអាគ្នេយ៍យប់ថ្ងៃទី២៦ឧសភា ។

 នេះជាការប្រកួតដែលគេជឿថានឹងអូសទាញអ្នកទស្សនាបានច្រើនបំផុតជាមិនខាន ។រិទ្ធីទើបតែដណ្ដើមបានតំណែងជាជើងឯករងក្នុងការប្រកួតពានរង្វាន់នៅស្ថាននីយ៍ទូរទស្សន៍ក្នុងស្រុកមួយដែលការប្រកួតនោះរិទ្ធីចាញ់ឡៅ ចន្ទ្រាក្លិបទ័ពឆ័ត្រយោង៩១១ដោយពិន្ទុដាច់តែម្ដង ។

 ចំពោះគ្រៀង ក្រៃក្នុងមួយព្រឹត្តិការណ៍ប្រកួតដណ្ដើមខ្សែក្រវាត់ទម្ងន់៦៥គីឡូក្រាមគេឈ្នះគូប្រកួតរបស់គេដោយវាយឲ្យសន្លប់ទាំងអស់ ។ក្នុងការប្រកួតផ្ដាច់ព្រ័ត្រគេផ្លួលអ្នកប្រដាល់ជឹម ចិត្រាក្លិបខ្លារខិនមានរិទ្ធនៅទឹកទី៤តែកាលជួបគ្នាក្នុងពូលគ្រៀង ក្រៃផ្ដួលជឹម ចិត្រានៅទឹកទី១ ។

 សម្រាប់រិទ្ធីដែលជាខ្លាចំណាស់មួយរូបដែរនោះទំនងជាមិនស្រួលសម្រាប់គ្រៀង ក្រៃឡើយ ។គ្រៀង ក្រៃគេចាញ់កំពស់រិទ្ធីតែកម្លាំងរបស់គេអាចវ៉ៃបាន៥ទឹកដោយគ្មានបញ្ហាពិសេសគេជាអ្នកប្រដាល់ដែលរឹងទាំងជើងក្រោមមានផ្លែកែង ជង្គង់ល្អហើយវ៉ៃមិនឆេវឆាវទៀតផង ។

 អ្នកប្រដាល់ថៃរូបនេះមានប្រវត្តិប្រកួតចំនួន៩៥ដង ឈ្នះ៧៣ដង ចាញ់១៩ដង ស្មើពិន្ទុ៣ដង និង ធ្លាប់វាយគូប្រកួតឲ្យសន្លប់បានចំនួន១៤ដង ។ចំពោះអ្នកប្រដាល់កម្ពុជាពុទ្ធ ឆាយរិទ្ធីវិញមានប្រវត្តិប្រកួតចំនួន៩១ដង ឈ្នះ៦៣ដង ចាញ់២៥ដង ស្មើពិន្ទុ៣ដង និង វាយគូប្រកួតឲ្យសន្លប់បានចំនួន២១ ដង ។

 សូមបញ្ជាក់ថាសូមបញ្ជាក់ថាសូម្បីតែមិត្តរួមក្លិបរបស់ពុទ្ធ ឆាយរិទ្ធីឈ្មោះមឿន សុខហ៊ុចក៏ត្រូវគ្រឿង ក្រៃទាត់ឲ្យខូចជើងមុនស្នូរជួងបញ្ចប់ទឹកទី១ ដែរ ។រិទ្ធីអាចដណ្ដើមជ័យជំនះលើគ្រៀង ក្រៃបានឬទេ ?

 ​អ្នកប្រដាល់ចេង គាដែលមិនសូវមានឈ្មោះបោះសម្លេងនោះត្រូវបានដាក់ឲ្យប្រកួតជាមួយអ្នកប្រដាល់បារាំងដែលហ្វឹកហាត់នៅស្រុកថៃឈ្មោះឌូ ឃឺរលី(Dukerly)ដោយប្រកួតគ្នាក្នុងប្រភេទទម្ងន់៦៥គីឡូក្រាម ។​អ្នកប្រដាល់បារាំងរូបនេះពុំធ្លាប់មកប្រកួតនៅស្រុកខ្មែរឡើហើយសមត្ថភាពគេប៉ុណ្ណាៗនោះក៏គ្មាននរណាដឹងដែរតែទំនងជាមិនខ្លាំងទេទើបគេផ្គូរផ្គងឲ្យប្រកួតជាមួយចេង គាបែបនេះ ។សូមបញ្ជាក់ថានេះជាឱកាសដ៏កម្រមួយរបស់ចេង គាក្នុងការប្រកួតជាមួយអ្នកប្រដាល់បរទេសនោះ ។​ការប្រកួតមួយនេះប្រសិនបើចេង គាឈ្នះគេអាចនឹងមានឱកាសបន្ថែមទៀតដើម្បីប្រកួតជាមួយអ្នកប្រដាល់បរទេសតែបើចាញ់ឱកាសប្រកួតជាមួយបរទេសទំនងជាលំបាកហើយ ៕

ភ្នំពេញៈ គ្រូបង្វឹកក្បាច់គុណខ្មែរ នៅសហរដ្ឋអាមេរិក បានបង្ហាញវត្តមាននៅលើទឹកដីកម្ពុជាជាលើកដំបូង ក្រោយពីចាកចេញពីទឹកដីកំណើតអស់រយៈពេល៤០ឆ្នាំ លោក ខាន់យ៉ា ប្រាជ្ញ អតីកីឡាករ និងជាគ្រូបង្វឹកក្បាច់គុណ។ បង្ហាញវត្តមានលើកនេះ លោកនឹងជួបពិភាក្សាជាមួយមន្ត្រីគណៈកម្មាធិការជាតិអូឡាំពិកកម្ពុជា ដើម្បីពិក្សាស្វែងរកគន្លឹះសំខាន់ៗមួយចំនួន ដើម្បីជួយឲ្យកីឡាករកម្ពុជា មានមុខលើព្រឹត្តិការណ៍ប្រកួតកីឡាអូឡាំពិកពិភពលោក ។

ការបញ្ជាក់នេះ ធ្វើឡើងក្រោយពីលោក ខាន់យ៉ា ប្រាជ្ញ បានបង្ហាញមុខនៅក្នុងព្រលានអន្តរជាតិភ្នំពេញ កាលពីរាត្រីថ្ងៃទី២១ ខែឧសភានេះ។ មកដល់ព្រលានយន្តហោះអន្តរជាតិភ្នំពេញភ្លាម លោកបានលុតជង្គង់ឱនក្រាបសំណះទឹកដីកំណើតរបស់ខ្លួន ដោយក្តីនឹករលឹក។ ថ្លែងដោយក្តីរំភើប លោក ខាន់យ៉ា ប្រាជ្ញ បានលើកឡើងថា លោកពិតជាត្រេកអររកអ្វីប្រៀបផ្ទឹមពុំបាន គ្រាដែលបានមកដល់ទឹកដីកំណើត ដែលលោកស្រលាញ់ពេញបេះដូង បើទោះបីជាចេញទៅរស់នៅសហរដ្ឋអាមេរិក ចាប់តាំងពីឆ្នាំ១៩៧៩មក ។

លោកបញ្ជាក់ថា នៅសហរដ្ឋអាមេរិកលោកជាកីឡាករប្រដាល់ មានក្លឹបហាត់ប្រាណ និងហាត់គុណខ្មែរ ហើយលោកក៏ធ្លាប់ចូលរួមសកម្មភាពកីឡាអន្តរជាតិជាច្រើននៅសហរដ្ឋអាមេរិក ទើបលោកបានដឹងច្រើនអំពីវិស័យកីឡាលើឆាកអន្តរជាតិ។ លោកថា មកកម្ពុជាលើកនេះលោកនឹងជួបពិភាក្សាការងារ ជាមួយអគ្គលេខាធិការ នៃគណៈកម្មាធិការជាតិអូឡាំពិកកម្ពុជា លោក វ៉ាត់ ចំរើន អំពីការជំរុញ និងគោលបំណងចង់ជួយលើផ្នែកកីឡាមួយចំនួន តាមតែអាចធ្វើទៅបាន។ លោកបន្តថា លោកចង់ឃើញវត្តមានកីឡាករខ្មែរមួយចំនួន កាន់ទង់ជាតិចេញទៅបង្ហាញមុខក្នុងព្រឹត្តិការណ៍ប្រកួតកីឡាអូឡាំពិចអន្តរជាតិ។ ក្នុងរយៈពេល១៥ថ្ងៃ នៃការស្នាក់នៅកម្ពុជា លោកក៏នឹងចុះទៅជួបផ្ទាល់ជាមួយបណ្តាម្ចាស់ក្លឹបក្បាច់គុណខ្មែរនានា ដើម្បីស្វែងរកឱកាសជួយជំរុញឲ្យមានភាពកាន់តែប្រសើរឡើងលើវិស័យកីឡា ពិសេសកីឡាប្រដាល់។ លោកថា ទោះចាកចេញពីកម្ពុជា៤០ឆ្នាំមែន ប៉ុន្តែទឹកចិត្តបេះដូងអារម្មណ៍ សាច់ឈាមនៅតែជាខ្មែរ ដែលចង់ជួយខ្មែរតាមតែអាចជួយទៅបាន ។

គួរបញ្ជាក់ដែរថា លោក ខាន់យ៉ា ប្រាជ្ញ មានអាយុ៥៨ឆ្នាំ មានទឹកដីកំណើតនៅខេត្តបាត់ដំបង។ ក្នុងសម័យសង្គ្រាមលោកបានចេញទៅរស់នៅជំរុំខាវអីដា និងបន្តចេញទៅរស់នៅលើទឹកដី នៃសហរដ្ឋអាមេរិក កាលពីឆ្នាំ១៩៧៩ គ្រាដែលលោកទើបមានវ័យ ១៤ឆ្នាំប៉ុណ្ណោះ។ លោកធ្លាប់ហ្វឹកហាត់ជំនាញក្បាច់គុណល្បុក្កតោ នៅលើទឹកដីនៃខេត្តសៀមរាប គ្រាដែលលោកនៅវ័យ៥ឆ្នាំមកម្ល៉េះ។ នៅសហរដ្ឋអាមេរិក លោកគឺជាវិស្វករសំណង់ និងជាគ្រូបង្វឹកផ្នែកក្បាច់គុណខ្មែរម្នាក់ផងដែរ៕

(ភ្នំពេញ ) ក្រសួងឧស្សាហ៍កម្ម និងសិប្បកម្ម ក្រសួងរ៉ែ និងថាមពល និងក្រសួងសុខាភិបាល សូមជូនដំណឹងចំពោះ មូលហេតុដែលបណ្តាលអោយពលរដ្ឋ១៣នាក់ស្លាប់ និងច្រើននាក់រងគ្រោះ អោយបានជ្រាបថា ៖

• ការពុលនៅភូមិស្រែនន និង ភូមិអាលច ឃុំកន្ទួត ស្រុកចិត្របុរី ​ខេត្តក្រចេះ បណ្តាលមកពីផឹកស្រា ស ដែលមានលក់ ឬផលិតនៅក្នុងមូលដ្ធាន ហើយដែលមានសារធាតុមេតាណុល កម្រិតខ្ពស់ និងទឹកព្រែកទេ និងអូរគគី មានសារធាតុគីមីមានកំហាប់ខ្ពស់ ដែលបណ្តាលមកពីថ្នាំសម្លាប់ស្មៅ និងថ្នាំសំលាប់សត្វល្អិត។
• ក្រសួងឧហ្សាហកម្ម និង សិប្បកម្ម ក្រសួងរ៉ែ និង ថាមពល និង ក្រសួងសុខាភិបាលបន្តសហការគ្នាដើម្បីបង្ការ ទប់ស្កាត់ និងជៀសវាងនូវបញ្ហាដែលកើតឡើងជាយថាហេតុ ។