ចាប់ឃាតករម្នាក់ក្នុងចំនោម ដែលសម្លាប់ស្ដ្រី ញាត់ចូលក្នុងធុងទឹកកក

ភ្នំពេញ ៖ ជនសង្ស័យដែលជាឃាតកសម្លាប់ស្ដ្រីម្នាក់ ហើយញាត់ចូលក្នុងធុងទឹកកក ត្រូវកម្លាំងនគរបាលចាប់ខ្លួនបានហើយ នៅរសៀលថ្ងៃទី១៨ ខែមីនា ឆ្នាំ២០១៨នេះ នៅខណ្ឌសែនសុខ រាជធានីភ្នំពេញ។

ជនរងគ្រោះ ឃឿន ធានី

នគរបាលខេត្តកណ្តាល បានបញ្ជាក់ថា ក្រោយពេលចាប់ខ្លួនហើយ នៅពេលនេះ កម្លាំងសមត្ថកិច្ច បាននិងកំពុងនាំខ្លួនជនសង្ស័យ ទៅឆែកផ្ទះនៅភូមិបឹងឈូក សង្កាត់ទឹកថ្លា ខណ្ឌសែនសុខ។ សមត្ថកិច្ច មិនទាន់បង្ហាញសាវតារឃាតកររូបនេះទេ និងមូលហេតុដែលឈានដល់ការកាប់សម្លាប់នារីនៅឡើយទេ។

ជនសង្ស័យ

សូមបញ្ជាក់ថា នៅរសៀលថ្ងៃទី១៦ ខែមីនា ឆ្នាំ២០១៨ ស្ត្រីរងគ្រោះ ដែលត្រូវគេកាប់ជាច្រើនកាំបិត ស្រាតញាត់ចូលក្នុងធុងទឹកកក យកទៅទម្លាក់ចោលនៅក្បែរស្ពានព្រះគន្លង ក្នុងស្រុកខ្សាច់កណ្ដាល ខេត្តកណ្តាល។ នារីរងគ្រោះឈ្មោះ ឃឿន ធានី អាយុ២៩ឆ្នាំ ស្នាក់នៅ ភូមិក្រូចសើច ឃុំហានជ័យ ស្រុកកំពង់សៀម ខេត្តកំពង់ចាម៕

ប្រភព ៖ CEN

កុកអាចភ្លេចជង់ តែជង់មិនដែលភ្លេចកុកឡើយ!!!

ភ្នំពេញ៖ ជិត០៣ខែមកហើយ ដែលជនល្មើស០២នាក់ ជាឃាតករសម្លាប់មនុស្ស ក្នុងឆាកប្រយុទ្ធកាប់ចាក់ កាលពីវេលាយប់ម៉ោង ០១និង១០នាទី ថ្ងៃទី២៥ ឈានចូល២៦ ខែ១២ ឆ្នាំ២០១៧ នៅចំណុច ភូមិសែនសុខ៤ សង្កាត់ឃ្មួញ ខណ្ឌសែនសុខ បានរត់គេចពីសំណាញ់ច្បាប់។

នៅទីបំផុត ឃាតករទាំង០២នាក់ ត្រូវបានកម្លាំងជំនាញនៃកងរាជអាវុធហត្ថរាជធានីភ្នំពេញ សហការណ៍ជាមួយ មូលដ្ឋានអាវុធហត្ថ ខណ្ឌសែនសុខ, ខណ្ឌដូនពេញ និង ខណ្ឌឬស្សីកែវ ធ្វើការប្រម៉ាញ់ចាប់បាន តាមអំណាច ដីកាបញ្ជាឱ្យចូលខ្លួន របស់លោក សៀង សុខ ព្រះរាជអាជ្ញារង នៃអយ្យការអមសាលាដំបូងរាជធានីភ្នំពេញ ចុះថ្ងៃទី១៤ ខែមីនា ឆ្នាំ២០១៨ លេខ០៨៣/២០១៨ អ.យ.ឋ និង ០៨៤/២០១៨ អ.យ.ឋ ក្នុងករណី ប៉ុនប៉ងឃាតកម្ម (បច្ចុប្បន្នជនរងគ្រោះបានស្លាប់) ។

ជនសង្ស័យទី១. ឈ្មោះ ចាន់ វ៉ាន់ណូ ភេទប្រុស អាយុ២៥ឆ្នាំ មុខរបរសន្ដិសុខ ត្រូវបានអាវុធហត្ថ ឃាត់ខ្លួននៅចំណុចមុខ សាលាអន្តរជាតិផ្លេននីង ផ្លូវលេខ៧៥ សង្កាត់ស្រះចក ខណ្ឌដូនពេញ រាជធានីភ្នំពេញ ។ និងជនសង្ស័យទី២. ឈ្មោះ ចាន់ វ៉ាន់ណេត ហៅម៉ាប់ ភេទប្រុស អាយុ២៦ឆ្នាំ មុខរបរបើកបរ ត្រូវបានអាវុធហត្ថឃាត់ខ្លួន នៅចំណុច ផ្លូវបេតុង រោងចក្រសាំផាន់ សង្កាត់ទួលសង្កែ ខណ្ឌឬស្សីកែវ រាជធានីភ្នំពេញ។

គឺរំលឹកដែរថា កាលពីវេលាយប់ម៉ោង ០១និង១០នាថ្ងៃទី២៥ ឈានចូល២៦ ខែ១២ ឆ្នាំ២០១៧ នៅចំណុច ភូមិសែនសុខ៤ សង្កាត់ឃ្មួញ ខណ្ឌសែនសុខ មានករណីបើកការប្រយុទ្ធមួយកើតឡើង រវាងក្រុមក្មេងទំនើង០២ក្រុម ប្រដាប់ដោយ ដាវ ដំបង ដុំថ្ម បណ្តាលឲ្យជនរងគ្រោះ០២នាក់រងរបួសធ្ងន់ បញ្ជូនទៅមន្ទីរពេទ្យ និងស្លាប់បាត់បង់ជីវិតម្នាក់ព្រោះរបួសធ្ងន់ធ្ងរ មិនអាចសង្គ្រោះបាន។

ជនរងគ្រោះទាំង០២នាក់មានឈ្មោះ
១. ហេង ចិត្តា ភេទប្រុស អាយុ ២៥ឆ្នាំ មុខរបរ កម្មករសំណង់ ស្នាក់នៅផ្ទះលេខ៣១៩ ភូមិ សែនសុខ ៥ សង្កាត់ ឃ្មួញ (របួសធ្ងន់ធ្ងរមិនអាចសង្គ្រោះបាន ក៏បណ្តាលឲ្យស្លាប់)
២.ឈ្មោះ ប្រាក់ សុខុន ភេទ ប្រុស អាយុ ២៥ឆ្នាំ មុខរបរ រដ្ខាក រទឹកស្នាក់នៅ កន្លែងកើតហេតុខាងលើ (របួសមាត់ដេរ១០ថ្នេរ, ម្រាមដៃឆ្វេងដេរ១០ថ្នេ និង ម្រាមដៃស្តាំដេរ០៥ថ្នេរ)។

រីឯឃាតករដៃដល់ បានរត់គេចខ្លួនបាត់ស្រមោលតាំងពីថ្ងៃកើតហេតុ រហូតដល់ថ្ងៃទី១៧ ខែមីនា ឆ្នាំ២០១៨នេះ ក៏ត្រូវកម្លាំង អាវុធហត្ថរាជធានីភ្នំពេញ ស្រាវជ្រាវតាមប្រម៉ាញ់ចាប់បាន និងបញ្ជូនឲ្យអធិការខណ្ឌសែនសុខដែលជាម្ចាស់ករណី កសាង សុំណុំរឿងបញ្ជូនទៅតុលាការ។

ប្រភព៖ Phnom Penh Gendarmerie Vs #PhnomPenhGRK

ចុងក្រោយ ប៊ុត សីហា ត្រូវបានលាងខ្លួន និងត្រូវបានត្រូវបានខាងស្ថានទូតអាមេរិច ព្រមឲ្យ Visa ទៅអាមេរិចហើយ

សិល្បះខ្មែរ ៖ រឿងមិនល្អ និងបញ្ហាជីវិតចេះកើតឡើងផ្ទួនៗ បន្ទាប់ពី លោក ប៊ុត សីហា ផ្ទុះរឿងថាត្រូវបានសមត្ថកិច្ចចាប់ខ្លួនពីបទប្រើប្រាស់គ្រឿងញៀនរួចមក ប្រជាប្រិយភាពរបស់លោកត្រូវបានធ្លាក់ចុះ ហើយគំរោងចេញទៅសម្តែងនៅឯសហរដ្ឋអាមេរិចក៏ត្រូវបានខាងស្ថានទូរអាមេរិច សំរេចមិនចេញ Visa អោយទៀត។

ពាក់ព័ន្ធនឹងរឿងនេះផងដែរ ដើម្បីបញ្ជាក់ថាខ្លួនស្អាតស្អំ លោក ប៊ុតសីហា បានសម្រេចចិត្តទៅពិនិត្យទឹកនោម ហើយក៏យកលទ្ធផលពិនិត្យទឹកនោម បង្ហាញជូនដល់អ្នកគាំទ្រ និងមហាជន ថាជាលទ្ធផល គឺលោកមិនមានពាក់ព័ន្ធនឹងសារធាតុញៀនឡើយ៕

ករណីស្រី្តម្នាក់ត្រូវគេសំលាប់ ដាក់ក្នុងធុងទឹកកកសមត្ថកិច្ចកំណត់ថា . . .

ខេត្តកណ្តាល៖ ទីបំផុតករណីសំលាប់ស្រ្តីម្នាក់ហើយដាក់ក្នុងធុងទឹកកកនិងយកទៅប្លុងចោលនៅចំណុចគល់ស្ពានព្រែកតាអ៊ុងទី២ តាមបណ្តោយផ្លូវជាតិលេខ៨ ក្នុងភូមិអន្លុង ឃុំព្រែកតាម៉ាក់ ស្រុកខ្សាច់កណ្តាល ខេត្តកណ្តាល ត្រូវបានសមត្ថកិច្ចកំណត់ច្បាស់ហើយថាជាករណីឃាតកម្មនិងកំពុងស្រាវជ្រាវ វែកមុខ ឈានដល់ការឃាត់ខ្លួនជនបង្ករដើម្បីយកមកកាត់ទោសតាមច្បាប់តែម្តង។

តាមរបាយការណ៍សមត្ថកិច្ចបានបង្ហាញថា ៖ ក្រោយពីប្រជាពលរដ្ឋរាយការណ៍ សមត្ថកិច្ចក៏បានចុះពិនិត្យដល់កន្លែងកើតហេតុ ឃើញធុងទឹកកក ពណ៌ក្រហម មានចាក់សោ ពណ៌ខ្មៅ បន្ទាប់មក សមត្ថកិច្ចបានកាត់ត្រចៀកធុងទឹកកកនោះ ក៏បានប្រទះឃើញសាកសពមនុស្សស្រី ពុំមានសម្លៀកបំពាក់គួរឱ្យភ្ញាក់ផ្អើលបំផុត ។ នគរចរាចរណ៍ប្រចាំគោលដៅ ក៏បានរាយការណ៍ទៅសមត្ថកិច្ចនគរបាលស្រុក ដោយមានការសហការជាមួយកម្លាំងការិយាល័យជំនាញបច្ចេកទេសខេត្ត និងនាយកដ្ឋានបច្ចេកទេសកោសល្យវិច្ឆ័យ និងវិទ្យាសាស្ត្រ (អគ្គស្នងការដ្ឋាននគរបាលជាតិ) បានធ្វើការពិនិត្យសាកសពស្ត្រីរងគ្រោះ។

បើតាមការពិនិត្យជាក់ស្តែងបានឃើញមានដូចជា សាកសពមនុស្សស្រី អាយុចន្លោះពី២៨ ទៅ៣៥ ឆ្នាំ មានកម្ពស់១,៥០ ម៉ែត្រ ។ នៅក្នុងធុងទឹកកកដាក់សាកសពមានសម្ភារដូចជា មួកសុវត្ថិភាព១ កាបូបដៃ១ មានស៊ីមទូរស័ព្ទ១ កាំបិតចិត បន្លែចុងស្រួច ដងធ្វើពីឈើបាក់ផ្លែ១ អាវក្រៅពណ៌លឿង១ ខ្សែភ្លើងមានឌុយដាក់ក្នុងថង់ប្លាស្ទិក១ ខ្សែភ្លើងមានឌុយ១ អាវទ្រនាប់ពណ៌ផ្កាឈូក១ ដបទឹកបរិសុទ្ធ១ រ៉ូបពណ៌ផ្កាឈូក១ មានប្រឡាក់ឈាម កន្សែងពោះគោពណ៌.សឆ្នូត១ ម៉ាសពណ៌ខៀវ១ ស្បែកជើងស្រី១គូ ស្បៃដុសខ្លួន ១ ។

ដោយឡែក លើផ្ទៃមុខសាកសព ខាងស្តាំមានស្នាមបាញ់ស្ព្រាយ (ថ្នាំពណ៌ខ្មៅ ) មានស្នាមរបួស គុម្ពត្រចៀកខាងស្តាំមុតរយះដល់ថ្ពាល់ ដាច់រយះសៀតថ្កាខាងស្តាំ រលាត់ស្បែកដើមដៃទាំងសងខាង មានស្នាមមុតនៅលើទ្រូង និងលើពោះ២០កន្លែង ធ្លុះ៧កន្លែង ឈាមហូរចេញពីមាត់ បាក់ឆ្អឹងចង្ការ របូតធ្មេញដាក់ខាងក្រោម របួស បបូរមាត់ខាងស្តាំ១ កន្លែង របួសច្រមុះខាងស្តាំ១ កន្លែង ស្នាមរោលខ្លោចរលាត់ ស្បែកខាងក្រោយខ្នង ស្នាមរោលខ្លោចកំបះគូថ ទាំងសងខាង ស្នាមរោលខ្លោចរលាត់ស្បែកកំភួនជើងទាំងសងខាង ស្នាមជាំភ្លៅឆ្វេង១ កន្លែង រលាត់ស្បែកជង្គង់ខាងស្តាំ១ កន្លែង ៕

ចិត្តងាយម្លេះ? ស្គាល់គ្នាតាមហ្វេសប៊ុកណាត់ជួបគ្នា ខាងស្រីសន្លប់ ខាងប្រុសចាប់ខ្លួន

កំពត ៖ នេះជាករណីថ្មីតែសំណុំរឿងហាក់ដដែលៗ ស្នេហាវ័យក្មេងខាងប្រុសប្រកែកខាងស្រីប្រកាន់ចុងក្រោយជាប់ចោទពីបទរំលោភ។ បើយោងតាមប្រភពពីសមត្ថកិច្ចស្រុកទឹកឈូ បានចាប់ខ្លួនបុរសម្នាក់ ដែលលួងលោមធ្វើសកម្មភាពចាប់រំលោភលើនារីម្នាក់ បានសម្រេចពីរដង ហើយធ្វើឲ្យនារីនោះសន្លប់នៅលើអង្រឹង កាលពីយប់ថ្ងៃទី១៦ ខែមីនា ឆ្នាំ២០១៨ នៅចំណុចបរិវេណវត្តព្រៃទប់ ភូមិមាត់ពាម ឃុំម៉ាក់ប្រាង្គ ស្រុកទឹកឈូ ខេត្តកំពត។ ការចាប់ខ្លួនបុរសសង្ស័យរូបយោងតាមពាក្យប្តឹងរបស់ឪពុកម្តាយក្មេងស្រីរងគ្រោះ។

ប្រភពដដែលបានអោយដឹងទៀតថា ៖ ជនសង្ស័យឈ្មោះ ឌឿង ឡា អាយុ១៧ឆ្នាំ ជាកម្មករដាក់កន្ត្រកវិល មានទីលំនៅនៅភូមិបាក់ត្រាង ស្រុកព្រៃនប់ ខេត្តព្រះសីហនុ ចំណែកក្មេងស្រីរងគ្រោះឈ្មោះ អ.ស.អ អាយុ១៥ឆ្នាំ រស់នៅភូមិកើតហេតុ។ តាមការសារភាពពីជនសង្ស័យបាននិយាយថា ៖ ពួកគេទាំងពីរនាក់ បានស្គាល់គ្នាតាមរយៈការលេងហ្វេសប៊ុក និងឈានដល់មានទំនាក់ទំនងកាន់តែស៊ីជម្រៅ ហើយដល់ថ្ងៃទី១៤ ខែមីនា នៅវត្តព្រៃទប់ មានរៀបចំកម្មវិធីបុណ្យបញ្ចុះសីមា រយៈពេលបីថ្ងៃ ហើយនៅយប់ថ្ងៃទី១៤ ខែមីនានោះ ជនសង្ស័យបានយកកន្ត្រកវិលមកដាក់នៅវត្តនៅដើម្បីឲ្យបងប្អូនប្រជាពលរដ្ឋជួលជិះលេងកម្សាន្ត គាប់ជួនផ្ទះក្មេងស្រីរងគ្រោះក៏នៅក្បែរវត្តនោះដែរ ហើយពួកគេទាំងពីរនាក់ក៏បានណាត់មកជួបគ្នាដោយផ្ទាល់ដើម្បីបានសារសងស្នេហ៍ក្មេងខ្ចីនេះ តែជាអកុសលខាងស្រីសន្លប់ទើបមានការឆោឡោឡើង ហើយឪពុកម្តាយជនរងគ្រោះបានដាក់ពាក្យបណ្តឹង ឈានដល់ការចាប់ខ្លួនតែម្តង។ ជនសង្ស័យបានបញ្ជាក់ទៀតថា ពួកគេគ្មានការបង្ខិតបង្ខំអ្វីទេ ពោលគឺគេព្រមព្រៀងតាមសំរួលហើយឈានដល់ការរួមរ័ក្សបានសម្រេច ២ដងឯណោះ៕

ឈាមស្រែកស្បែកហៅ!!! ទីបំផុតឃាតករដែលអារ.ក សម្លាប់បុរសម្នាក់អោយដេកស្លាប់នោះត្រូវចាប់បានហើយ….( មានវិដេអូ )

ភ្នំពេញ៖ ឈាមស្រែក ទីបំផុតឃាតករដែលអារ.ក សម្លាប់បុរសម្នាក់អោយដេកស្លាប់ឱបគល់ឈើក្នុងថ្លុកឈាមនោះត្រូវចាប់បានហើយ ។

កាលពីពេលកន្លងទៅថ្មីៗនេះមានហេតុការណ៍បានកើតឡើងដោយជនដៃដល់បានបានសម្លាប់បុរសម្នាក់បានដេកស្លាប់ឱបគល់ឈើ នៅវេលាម៉ោង ៦ព្រឹក ថ្ងៃទី១៥ ខែមិនា ឆ្នាំ២០១៨ ស្ថិតនៅក្នុង សង្កាត់ត្រពាំងក្រសាំង ខ័ណ្ឌពោធ៍សែនជ័យ រាជធានីភ្នំពេញ ។

ហើយជនដៃដល់ជាឃាតករនោះឈ្មោះ អាន សុភាព អាយុ២៥ឆ្នាំ មានទីលំនៅភូមិជម្ពូវ័ន្ត សង្កាត់ចោមចៅ៣ រាជធានីភ្នំពេញ ។

សពជនរងគ្រោះត្រូវបានឃាតករអារ.កសម្លាប់ នៅក្នុងដីឡូដ៍មួយកន្លែង ជិតការដ្ឋានសង់ផ្ទះល្វែងក្នុងភូមិព្រៃស្វាយ សង្កាត់ត្រពាំងក្រសាំង ខ័ណ្ឌពោធ៍សែនជ័យ រាជធានីភ្នំពេញ ។

មូលហេតុដែលបង្កឲ្យមានករណីឃាតកម្មនេះ ជនសង្ស័យបានសារភាពថា៖ ខ្លូន និង ប្រពន្ធមិនទាន់បានលែងលះគ្នាដាច់ស្រាច់ផង ហើយក៍ខឹងជនរងគ្រោះដែលមកចូលស្តីដណ្តឹងប្រពន្ធខ្លួន ហើយក៍លួងជនរងគ្រោះយកទៅអារ.រសម្លាប់ចោលតែម្តងទៅ ៕

តោះបើចង់ជ្រាបច្បាស់សូមទស្សនាវិដេអូទាំងអស់គ្នា

https://www.facebook.com/plugins/video.php?href=https%3A%2F%2Fwww.facebook.com%2F100010373880394%2Fvideos%2F562260424129749%2F&show_text=0&width=560

https://www.facebook.com/plugins/video.php?href=https%3A%2F%2Fwww.facebook.com%2Fvuth.sok.35%2Fvideos%2F1647012288741439%2F&show_text=0&width=269

ដោយ៖ SVD

CR៖ អធិការដ្ឋាននគរបាលខណ្ឌពោធិ៍សែនជ័យ និង កញ្ចក់ ទិព្វ

ពុទ្ធោ ! សាហាវម្លេះ ស្រីម្នាក់ត្រូវបានគេកាប់ចិញ្ច្រាំឡើងសុះ ដាក់ក្នុងធុង

ដំណឹងបឋម ៖ នៅរសៀលថ្ងៃទី ១៦ ខែ មីនា ឆ្នាំ ២០១៨ នេះតាមប្រភពពីលោក Heang EamHuy បានបង្ហោះអោយដឹងថា ៖ ពុទ្ធោ!! ! ឃោឃៅណាស់! សពស្រ្តីម្នាក់ត្រូវឃាតកកាប់ចិញ្រ្ចាំឡើងសុះ រួចញាត់ចូលក្នុងធុងទឹកកក ទម្លាក់ចោលនៅក្បែរស្ពានព្រែកតាម៉ាក ខេត្តកណ្តាល នៅរសៀលថ្ងៃទី១៦ ខែមីនា ឆ្នាំ២០១៨នេះ ។

ពេលនេះសមត្ថកិច្ចមិនទាន់បានកំណត់មុខសញ្ញា និង អត្ថញ្ញាណជនរងគ្រោះនៅឡើងទេ ៕ សូមរងចាំការរាយការណ័បន្តទៀត

របាយការណ៍បឋម ៖ ករណីឆេះផ្សាច្បារអំពៅ និង ការខូចខាត

ភ្នំពេញ ៖ ភ្លើងដែលបានឆាបឆេះផ្សាច្បារអំពៅ ត្រូវបានគ្រប់គ្រងនិងពន្លត់បានហើយ ពត៍មានបឋមតាមការពិនិត្យនៅកន្លែងកើតហេតុផ្ទាល់មានការខូចខាតយ៉ាងច្រើន ដែលក្រុមសារពត៍មានយើងមិនទាន់ទទួលបានពត៍មានលំអិតនៅឡើង តាមរបាយការណ៍របាយការណ៍បឋមរបស់ អាជ្ញាធរ បង្ហាញថា តូប ចំនួន ៦៤៦ ក្នុងចំណោម តូប ១៤៤៧ ត្រូវបាន អគ្គិភ័យ ឆាបឆេះតែពុំបណ្តាលឱ្យមនុស្សស្លាប់ ទេ ។

ព្រឹក ថ្ងៃទី ១៦ ខែមីនានេះ អាជ្ញាធរ បាន គ្រប់គ្រង ស្ថានការណ៍ ទាំងស្រុង គ្រាន់តែ នៅសល់ គំនរ កម្ទេច ភ្លើង បន្តិចបន្តួច ប៉ុណ្ណោះ ។
ផ្សារ ច្បារអំពៅ ត្រូវបាន អគ្គិភ័យ លេប ត្របាក់ ជាង ៨ ម៉ោង ពោលគឺ ឆាបឆេះ ឡើង នៅវេលា ម៉ោង ១១ និង ៤០ នាទី ថ្ងៃទី ១៥ ខែមីនា នៅ ចំណុច តូប ខាងកើត មួយកន្លែង នៅតាម ផ្លូវ ៣៦៣ កែង និង ផ្លូវ ៦២២ ដែល ស្ថិតក្នុង សង្កាត់ ច្បារអំពៅ ទី ២ខណ្ឌ ច្បារអំពៅ ៕

តារត់ទៅចូលរោងការជាមួយស្រីក្មេង ខណះប្រពន្ធកូនបានត្រឹមមើលរូបថត

ភ្នំពេញ ៖ នេះចាត់ទុកជាករណីដ៏កម្រមួយផងដែរដែលបុរសវ័យចំណាស់ម្នាក់អាយុខ្ទង់ ៥០បានលួចទៅរៀបការប្រពន្ធក្មេងទើបតែអាយុ ២០ជាង តែអ្វីដែលគ្រប់គ្នាហួសចិត្តនោះ គឺបុរសនោះបាននិយាយប្រាប់ប្រពន្ធកូនថា ប៉ាទៅការគេ។

តាមប្រភពគណនីហ្វេសប៊ុក Ricky Bella Xz បានសរសេររៀបរាប់ទាំងអួលដើមករថា ៖ ឪកំពុងចូលរោងការជាមួយប្រពន្ធថ្មីលួចលាក់ប្រពន្ធកូនដើមប្រាប់ថាទៅសុីការគេនៅខេត្តតែការពិតទៅធ្វើកូនកំលោះខ្លួនឯងសោះ…!!ទុកកូនអោយចាំផ្ទះ យកលេសថាខ្លួនពោះម៉ាយកដើម្បីការប្រពន្ធថ្មី លុយខំសន្សំ មិនដែលអោយលុយកាកទំនប់បំរុងបែបជាយកលុយដែលប្រពន្ធកូនដើមជួយសន្សំទៅការស្រីថ្មីអាយុទើបតែ 28យកមកចិញ្ចឹមគេអោយសុទ្ធខ្លួងវិញអាយុជិត50លូវហើយប្រពន្ធកូននៅផ្ទះបានត្រឹមដេកមើលឪចូលរោងការទាំងហូរទឹកភ្នែក ម្ដាយចាស់នៅផ្ទះគ្មានអ្វិីរស់ដោយសារកូនចិញ្ចឹមបានត្រឹមទឹកភ្នែកនិយាយតែពាក្យ(ប្ដីខ្ញុំមិនដូចប្ដីគេ)ចៅយំរកតា…សួររកតាទៅណាធ្លាប់តែបីចៅដើរលេងអីលូវនេះតា រវល់ចូលរោងការប្រពន្ធថ្មីគ្មានអាលៃសម្បីរចៅស្រីអាយុមិនទាន់បាន2ខួបផងចេះនិយាយបិរបឹកសួររកតែតា (តានៅណាតាទៅណា)អីលូវបានត្រឹមមើលរូបថតការឪពុកខ្លួនឯងចូលរោងការ មានតែជូនពរប៉ារពីចំរាយអោយមានក្ដីសុខនឹងប្រពន្ធថ្មីដែលអាយុបងកូនឯង3 4ឆ្នាំសង្ឃឹមថាប្រពន្ធថ្មីប៉ាចិត្តបាននឹងប៉ាមិនដូចប្រពន្ធកូនដើមប៉ាដែលនៅមួយគ្នានជិត40ឆ្ត្នាំត្រូវប៉ាដោះបង់នេះចុះ…😊🙂🙏🏻

ទោះជាយ៉ាងណានេះគ្រាន់តែពត៍មានបឋមនៅមិនទាន់មានប្រតិកម្មពីសាមីភាគីនៅឡើយទេ៕

ប្រភព ៖ Ricky Bella Xz

រឿងដែលមិននឹកស្មានដល់នៅមានច្រើនណាស់ដែលយើងមិនដឹង

ប្លែកៗពីនេះពីនោះ ៖ កម្រងរូបភាពទាំងនេះហាក់មិនគួរអោយជឿ តែវាបានកើតឡើងរួចទៅហើយ ម្យ៉ាងទៀតវាគួរអោយអស់សំណើរ និង ប្លែកចិត្តប្លែកអារម្មណ៍ជាខ្លាំងនៅពេលទទួលបានរូបផាពទាំងអស់នេះ !

សូមចែករំលែករូបភាពដែលបង្កប់នូវភាពរីករាយនេះដល់មិត្តៗរបស់អ្នកផង៕