(ព្រៃវែង) ប៉ុស្ដិ៍នគរបាលរដ្ឋបាលព្រែកតាសរ នៅថ្ងៃទី២៨ខែកញ្ញានេះ បានសរសេរលើផេកហ្វេសប៊ុកថា កម្សត់ណាស់! បុណ្យភ្ជុំបិណ្ឌមកដល់ ស្រាប់តែវត្តមួយស្ថិតក្នុងខេត្តព្រៃវែង ស្រុកពោធិ៍រៀង ឃុំព្រែកតាសរ ស្ងាត់ដូចចោរលួចសេះ គ្មានអ្នកមកធ្វើបុណ្យសោះ វត្តសាមគ្គីរតនៈព្រែកផ្ទោលដែរ មានលោកគង់នៅតែមួយអង្គគត់ កម្សត់ណាស់៕ ប្រភពFB
(ព្រះសីហនុ) តាមការឲ្យដឹងថា ឲ្យថាជនជាតិចិនជាច្រើននាក់មានជម្លោះដោយហិង្សារវាងជនជាតិចិននិងជនជាតិចិនដូចគ្នា ដោយប្រើប្រាស់កាំបិត ដំបងដែកនិង ពូថៅជាអាវុធ បំរុងវាយប្រយុទ្ធគ្នានៅ ត្រង់ចំណុចក្បែរផ្ទះពស់ ស្ថិតក្នុងភូមិ03សង្កាត់លេខ03ក្រុងព្រះសីហនុនា កាលពីម៉ោងជិត12យប់ថ្ងៃព្រហស្បតិ៍ ខែកញ្ញា ឆ្នាំ ២០១៨ ប៉ុន្តែភ្លាមៗត្រូវបានប៉ូលីសនិងសមត្ថកិច្ចពាក់ពន្ធ័ចុះទៅអន្តរាគមន៍ ទប់ស្កាត់បង្ក្រាបទាន់ពេល ជាមួយនឹងការអនុវត្តន៍នូវវិធានការផ្លូវច្បាប់មួយចំនួនផងដែរ ។ករណីនេះ គណបញ្ជាការឯកភាពរដ្ឋបាលខេត្តព្រះសីហនុ ធ្លាប់បានចេញសារព្រមានរួចមកហើយថា ជនបរទេសដែលរស់នៅក្នុងខេត្តព្រះសីហនុ ដែលប្រព្រឹត្តអំពើល្មើសច្បាប់របស់ព្រះរាជាណាចក្រកម្ពុជា សមត្ថកិច្ចនឹងបង្ក្រាបមិនលើកលែងឡើយ ទោះជាជាតិសាសន៍ណាក៍ដោយ៕ ប្រភពFB
ភ្នំពេញ៖ នៅថ្ងៃទី២៨ខែកញ្ញាឆ្នាំ២០១៨ វេលាម៉ោង០៩ និង៣០នាទី ប៉ុស្តិ៍រដ្ឋបាលអូរបែកក្អម បានធ្វើការឃាត់ខ្លួនជនសង្ស័យចំនួន០៣នាក់ ករណីរក្សាទុកដោយខុសច្បាប់នូវសារធាតុញៀន នៅចំណុចផ្លូវណតប្រឹត ភូមិទ្រុងមាន់ សង្កាត់អូរបែកក្អម ខណ្ឌសែនសុខ ។
ជនសង្ស័យចំនួន០៣នាក់រួមមាន ៖
១-ឈ្មោះ សំអាត សុភី ភេទប្រុស អាយុ២៣ឆ្នាំ ជនជាតិខែ្មរ មុខរបរជាងបាញ់ថ្នាំឡាន ស្នាក់នៅក្នុងការ៉ាសាំង ខណ្ឌទួលគោក ។
២-ឈ្មោះ ភៀង សុភណ្ឌ ភេទប្រុស អាយុ២០ឆ្នាំ ជនជាតិខែ្មរ មុខរបរជាងបាញ់ថ្នាំឡាន ស្នាក់នៅក្នុងការ៉ាសាំង ខណ្ឌទួលគោក ។
៣-ឈ្មោះ ម៉ោង កំសាន្ត ភេទប្រុស អាយុ១៩ឆ្នាំ ជនជាតិខែ្មរ មុខរបរជាងបាញ់ថ្នាំឡាន ស្នាក់នៅក្នុងការ៉ាសាំង ខណ្ឌទួលគោក ។
សម្ភារៈដកហូត ៖ក្រាមពណ៌សថ្លាចំនួន០១កូនថង់តូច និងម៉ូតូចំនួនគ្រឿងម៉ាកសេ១២៥ ពណ៌ខ្មៅ ផលិតឆ្នាំ២០១៤ ពាក់ស្លាកលេខភ្នំពេញ1CN-6076 និងទូរសព្ទ័ដៃចំនួន០១គ្រឿង ម៉ាក អាយហ្វូន ។
ដំណើររឿង ៖ មុនពេលកើតហេតុ កម្លាំងល្បាតប៉ុស្តិ៍អូរបែកក្អម បានធ្វើការល្បាតក្នុងភូមិសាស្ត្រដល់ចំណុចកើតហេតុខាងលើ ឃើញជនសង្ស័យចំនួន៣នាក់ កំពុងជិះម៉ូតូ០១គ្រឿងឌុបគ្នាតាមផ្លូវ ដោយមានការសង្ស័យកម្លាំងល្បាតយើងហៅជនសង្ស័យឲ្យឈប់ ធ្វើការត្រួតពិនិត្យលើដងខ្លួន រកឃើញវត្ថុតាងខាងលើ រួចកម្លាំងយើងបាននាំខ្លួនជនសង្ស័យ យកមកធ្វើការសាកសួរ នៅអធិការដ្ឋាននគរបាលខណ្ឌសែនសុខតែម្តង ។
បច្ចុប្បន្ន ជនសង្ស័យកំពុងឃាត់ខ្លួននៅអធិការដ្ឋាននគរបាលខណ្ឌសែនសុខ ដើម្បីអនុវត្តតាមនិតិវិធី ៕
(មានវិដេអូ)
ប្រភព៖ FB
តាមរយៈហ្វេសបុកព្រះតេជគុណ ព្រះនាម Choothmuny Huy បានសរសេរឲ្យដឹងថា ស្ត្រីដែលនៅក្នុងរូបថត និងរូបចម្លាក់ កំពុងបីកូនរត់ភៀសខ្លួនទៅស្រុកថៃនាសម័យខ្មែរក្រហម ពេលនេះគាត់បានបានទទួលរមណៈភាពហើយ
នេះបើតាមព្រះព្រះតេជគុណបានសរសេររៀបរាប់ប្រវត្តិរបស់គាត់យ៉ាងដូច្នេះថា៖
” រូបថតស្ត្រីបីកូនក្នុងទសវត្សរ៍ ១៩៧៩ ក្នុងឈុតសំលៀកបំពាក់ពណ៌ខ្មៅ បីកូនក្នុងដៃ ឈរអមដោយកូនប្រុសស្រីនៅសង្ខាង ក្នុងទឹកមុខស្លេកស្លាំងស្គមស្គាំង គួរអោយសង្វេគ។
រូបថតនេះ ធ្វើអោយពិភពលោកចាប់អារម្មណ៍ និងស្គាល់រូបគាត់ ជាពិសេសបានធ្វើអោយប្រជាពលរដ្ឋខ្មែរ គ្រប់មជ្ឈដ្ឋានចាប់អារម្មណ៍ និងចង់ដឹងអំពីរឿងរ៉ាវរបស់គាត់។
លោកយាយ តោង អូន (ថោង អូន) កើតក្នុងឆ្នាំ ១៩៣២ (01/07/1932) ក្នុងរាជធានីភ្នំពេញ។
លោកយាយបានរៀបអាពាហ៍ពិពាហ៍ ជាមួយលោក ថោង សំ មានកូនចំនួន ៥ នាក់ ប្រុស៤ ស្រី១។
ក្នុងរបបគុកឥតជញ្ជាំង ប្រល័យពូជសាសន៍ ពុល ពត លោកយាយបានទទួលរងទុក្ខវេទនា ដូចជាប្រជាពលរដ្ឋខ្មែរទូទៅក្នុងសម័យនោះដែរ។
លុះដល់ឆ្នាំដាច់ ៧៩ លោកយាយ បានភៀសខ្លួនជាមួយស្វាមី និងកូនៗ ៥នាក់ទៀត មករស់នៅប្រទេសទីបី (បារាំងសេស) ដូចមាននៅក្នុងរូបថតស្រាប់ (ស្លាប់ម្នាក់ក្នុងសម័យនោះ កូនស្រី) ។
ក្មេងប្រុសដែលពបីក្នុងដៃ ឈ្មោះ តោង សំណាង មានអាយុ ៣៩ ឆ្នាំ (រស់នៅប្រទេសបារាំង)
ក្មេងស្រីដែលឈរនៅខាងឆ្វេងដៃ ឈ្មោះ តោង សុភាព មានអាយុ ៤២ ឆ្នាំ (រស់នៅប្រទេសបារាំង)
ក្មេងប្រុសឈរនៅខាងស្ដាំដៃ ឈ្មោះ តោង សារឿន មានអាយុ ៤៧ ឆ្នាំ (រស់នៅប្រទេសបារាំង)
(មានស្វាមីនិងកូនឈរនៅក្បែរនោះដែរ)។
ឧបាសិកា តោង អូន បានទទួលអនិច្ចកម្មនៅថ្ងៃ ១រោច ខែភទ្របទ ឆ្នាំច សំរិទ្ធិស័ក ព.ស.២៥៦២ ត្រូវនិងថ្ងៃអង្គារ៍ ទី២៥ ខែកញ្ញា ឆ្នាំ២០១៨ ដោយរោគាពាធ ក្នុងជន្មានយុ ៨៦ ឆ្នាំ នៅពែរីញើ ប្រទេសបារាំង” ៕
(សូមទស្សនាវិដេអូ)
ប្រភព៖ FB
ខេត្តតាកែវ៖សមត្ថកិច្ចចាប់ខ្លួនជនសង្ស័មម្នាក់ ពីបទរំលេាភសំលាប់សត្វគោមួយក្បាល ដែលហេតុការនេះកើតឡើងកាលពីថ្ងៃទី ២៦ខែកញ្ញាឆ្នាំ ២០១៨ ។
នៅមុខសមត្ថកិច្ចជនល្មើសបានសារភារថា យប់កើតហេតុ រូបគេស្រវឹងស្រាជេាគជាំ ពេលដើរត្រឡប់មកផ្ទះវិញ ឃើញគេាកូនខ្ជីកំពង់សុីស្មៅតាមផ្លូវ ពេលនេាះគេកើតមានចំណង់ផ្លូវភេទជាខ្លាំង ក៏បានចូលទៅចាប់គូថគេាពីក្រេាយបំរ៉ុងរំលេាភ តែត្រូវគេាធាក់មួយជើងចំប្រដាប់ភេទរបស់គាត ធ្វើអេាយរូបគេឈឺចុកចាប់ពន់ពេក គេក៏បានទាញកាំបិតមកកាប់គេាយ៉ាងកំរេាលបណ្តាលអេាយគេានេាះងាប់បាត់ទៅ ។
ជនសង្ស័យមានឈ្មោះ ណុប តុល មុខរបរជាគ្រូបង្រៀនក្នុងខេត្តតាកែវ ។
ក្រេាយពីជនល្មើសសារភាពរួចមក សមត្ថកិច្ចបានកសាងសំណុំរឿងបញ្ជួនខ្លួនជនល្មើសទៅតុលាការនៅព្រឹកនេះដើម្បីផ្តន្ទាទេាសទៅតាមច្បាប់។
ប្រភព៖ FB
(ពោធិ៍សាត់)៖ អភិបាលស្រុកវាលវែងរួមនិងមន្ត្រីអភិរក្សសត្វព្រៃជួរភ្នំក្រវាញ កាលពីថ្ងៃទី២៦ខែកញ្ញាឆ្នាំ២០១៨បាននាំយកសត្វក្រពើភ្នំដែលអ្នកនេសាទចាប់បាននៅក្នងស្ទឹងមេទឹកឃំុថ្មដាបានយកទៅលែងនៅកន្លែងដើមវិញ។
លោកអភិបាលស្រុកនិងមន្រ្តីការពារព្រៃឈើនិងសត្វព្រៃបានផ្តាំផ្ញើដល់ប្រជាពលរដ្ឋអោយមានការប្រុងប្រយត្ន័ចំពោះតំបន់ដែលលែងសត្វក្រពើនេះ។ម្យ៉ាងទៀតសូមបងប្អូនទំាងអស់គ្នាចូលរួមថែរក្សាសត្វព្រៃអោយបានគង់វង្សល្អមិនត្រូវបរបាញ់ឫដាក់អន្ទាក់ចាប់សត្វឡើយ។
នៅក្នុងឱកាសនោះបុរសដាក់មងចាប់បានក្រពើនោះក្រុមចំរុះក៍មានកាផ្តល់ជួនថវិការលើកទឹកចិត្តចំនួន៦០០ដុល្លារផងដែរ។
សូមបញ្ចាក់ថាប្រជាពលរដ្ឋឈ្មោះ មឿន មីន ភេទប្រុស រូបគាត់បានទៅរាយមងរកត្រី នៅចំណុចស្ទឹងមេទឹកកើតហេតុខាងលើ រួចក៏ទៅសម្រាកនៅផ្ទះបាត់។
ពេលព្រឹកឡើងថ្ងែទី២៥ខែកញ្ញាឆ្នាំ២០១៨ រូបគាត់ក៏ភ្ញាក់ពីដំណេក ទៅដោះមង ភ្លាមនោះ ក៏ប្រទះឃើញមងជាប់សត្វម៉្យាងដែលមានសភាពរើបម្រាស់ខ្លាំង ក៏លើកទាញឡើងប្រទះឃើញជាប់សត្វក្រពើដ៏ធំមួយក្បាល ទម្ងន់ប្រហែលជិត២០០គីឡូតែម្តង។
និងបានរាយការណ៍មកសមត្ថកិច្ច ឲ្យជួយអន្តរាគមន៍ លើកក្រពើរមួយក្បាលនោះមកទុកនៅវរៈប៉ូលីការពារព្រំដែនគោក៨២៥។
បុរសរូបនោះបានឲ្យដឹងទៀតថា តាំងពីលោកប្រកបរបរដាក់មងរកត្រី នៅចំណុចស្ទឹងខាងលើ មិនដែលបានប្រទះឃើញសត្វក្រពើនោះឡើយ តែធ្លាប់តែលឺតៗគ្នាថា ស្ទឹងមេទឹកមានធនធានជីវចម្រុះជាច្រើន រាប់ទាំងសត្វក្រពើរ ត្រី កន្ទាយ…ផងដែរ។
មន្ត្រីអភិរក្សសត្វព្រៃជួរភ្នំក្រវាញ ភាគកណ្តាលស្រុកវាលវែងខេត្តពោធិ៍សាត់ ថ្លែងថា បច្ចុប្បន្ននេះ មានសត្វជីវៈចម្រុះនៅសល់ច្រើនហើយដែលកំពង់ធ្វើការអភិរក្សយ៉ាងយកចិត្តទុកដាក់៕
ឯកឧត្តម ទេសរដ្ឋមន្រ្តី ស៊ុន ចាន់ថុល រដ្ឋមន្រ្តីក្រសួងសាធារណៈការ និង ដឹកជញ្ជូន រួមជាមួថ្នាក់ដឹកនាំ ក្រសួង មន្រ្តីរាជការ នៅព្រឹកថ្ងៃទី២៦ ខែ កញ្ញានេះ បាននាំប្រជាពលរដ្ឋ ប្រមាណជា៦៦០នាក់ មកពី បណ្តាឃុំ ក្នុងស្រុកកោះធំ ខេត្ត កណ្តាល ដើម្បីធ្វើដំណើរកំសាន្ត តាមរថភ្លើង ផ្តើមចេញដំណើរពីស្ថានីយ៍រថភ្លើង រាជធានីភ្នំពេញ ឆ្ពោះទៅកាន់ រ៉ា រមាស ស្ថិតក្នុងស្រុក ទឹកផុស ខេត្តកំពង់ឆ្នាំ។
ប្រជាពលរដ្ឋ ដែលបានធ្វើដំណើរ ជិះរថភ្លើង កំសាន្ត នៅថ្ងៃនេះ ភាគច្រើនពួកគាត់ពុំធ្លាប់បានធ្វើដំណើរ តាមរថភ្លើងនោះទេ គឺធ្លាប់តែធ្វើដំណើរតាមរថយន្ត ទូក កាណូត និងមធ្យោបាយផ្សេងៗតែប៉ុណ្ណោះ។ ប្រជាពលរដ្ឋទាំងនោះ បានសម្តែងនូវក្តីរីករាយ ថ្លែងអំណរគុណចំពោះ ឯកឧត្តម ទេសរដ្ឋមន្រ្តី ស៊ុន ចាន់ថុល ដែលបានផ្តល់ឱកាស នាំប្រជាពលរដ្ឋក្នុងស្រុកកោះធំ បានជិះរថភ្លើងកំសាន្ត បានមើលទេសភាព ដ៏ស្រស់បំព្រង នៅអមសងខាងផ្លូវ ឆ្លងកាត់ដំបន់ជាច្រើនក្នុងខេត្ត កណ្តាល កំពង់ស្ពឺ និងខេត្តកំពង់ឆ្នាំង ពិសេសគឺបានស្គាល់ និង ដឹងពីការធ្វើដំណើរតាមផ្លូវដែកជាលើកដំបូងក្នុងមួយជីវិតរបស់ខ្លួន។
ពួកគាត់បានលើកឡើងថា ការធ្វើដំណើរ តាមរថភ្លើង ពិតជាសប្បាយរីករាយ ស្រួសធ្វើដំណើរ មានសុវត្ថិភាព មានផាសុកភាព និងបានគយគន់ទេសភាពនានា នៅតាមតំបន់ជាច្រើន នៃប្រទេសកម្ពុជា លើសពីនេះ គឺមិនមាន ការភ័យខ្លាច ដូចការធ្វើដំណើរតាមផ្លូវទឹក ផ្លូវគោគ និងផ្លូវអាកាសនោះឡើយ។
សូមបញ្ជាក់ថា បន្ទាប់ពីចាប់ផ្តើមដំណើរការជាថ្មីឡើងវិញ នូវការដឹកជញ្ជូនអ្នកដំណើរតាមរថភ្លើងនេះ តាមគោលនយោបាយរបស់រាជរដ្ឋាភិបាល ក្នុងការកាត់បន្ថយការកកស្ទះចរាចរ និងគ្រោះថ្នាក់ផ្សេងៗដែលអាចកើតមានជាយថាហេតុនោះ។ ការដឹកជញ្ជូនតាមរថភ្លើងគឺជាមធ្យោបាយដ៏សំខាន់មួយ ដែល បណ្តាប្រទេសជឿនលឿននៅលើពិភពលោកគេបានប្រើប្រាស់ជាប្រចាំ ។
សម្រាប់ក្រសួង សាធារណៈ និងដឹកជញ្ជូន ក្រោមការដឹកនាំរបស់ ឯកឧត្តម ទេសរដ្ឋមន្រ្តី ស៊ុន ចាន់ថុល ជារដ្ឋមន្រ្តី បានខិតខំបង្កើតឱ្យមានការដឹកជញ្ជូននេះឡើងវិញ ។ នេះជាលើកទី៣ ហើយសម្រាប់ដំណើរកំសាន្តបែបនេះ ដែលកាលពីពេលកន្លងទៅថ្មីៗនេះ បានបង្កើតឱ្យមានដំណើរ ជិះរថភ្លើង កំសាន្ត សម្រាប់យុវជន និងប្រជាជន មកពីស្រុកកោះធំ នេះម្តងរួចមកហើយ៕ ដោយ វុន សុខជា
សូមទស្សនាវីដេអូខាងក្រោម៖
ខេត្តត្បូងឃ្មុំ ៖ ហេតុការណ៍អគ្គិភ័យឆាបឆេះបល្ល័ង្កព្រះ ក្នុងវត្តសុវណ្ណបទុមវតី ហៅវត្តរកាឃ្នួច នេះបានកើតឡើងនៅវេលាម៉ោង០៣:៣០នាទីល្ងាច ថ្ងៃទី២៦ ខែកញ្ញា ឆ្នាំ២០១៨ ស្ថិតនៅភូមិរកាឃ្នួចជេីង ឃុំជីគរ ស្រុកត្បូងឃ្មុំ ខេត្តត្បូងឃ្មុំ ។ បានរលត់ទាំងស្រុងបន្ទាប់ពីបាន រថយន្តពន្លត់អគ្គិភ័យរបស់អធិការដ្ឋាននគរបាលស្រុកត្បូងឃ្មុំ សហការរថយន្តពន្លត់អគីភ័យក្រសួងមហាផ្ទៃអន្តរាគមន៍ពន្លត់ ដោយប្រេីប្រាស់ទឹកអស់៣រថយន្ត ដែលបណ្ដាលឲ្យខូចខាត ៖ ព្រះពុទ្ធបដិមាករ(ថ្ម) ៤អង្គ(ធំ៣អង្គ តូច១អង្គ) ឆេះរោលសសរព្រះវិហារ ១ដេីម ឆេះកង្ហា Hatari ភ្ជួរជញ្ជាំង ៦គ្រឿង ឆេះរោលផ្ទាំងគំនូរ ដំបូលព្រះវិហារ ខូចខាត២០%។
មូលហេតុ ៖ ទៀនវស្សាដែលដាក់នៅមុខបល្ល័ង្កព្រះ សម្រាប់ពុទ្ធបរិស័ទអុចអូប បានរលំលើគំនរទៀនវស្សាដែលទុកនៅក្បែរនោះជិត២០គូរ បណ្ដាលឲ្យឆេះរាលដាលឡើងតែម្ដង។
ក្រោយពេលកើតហេតុ ព្រះចៅអធិការវត្ត និងព្រះថេរានុថេរៈគ្រប់ព្រះអង្ញ ព្រមទាំងតាជីយាយជី និងពុទ្ធបរិស័ទចំណុះជើងវត្តរការឃ្នួច ឃុំជីគរ ស្រុកត្បូងឃ្មុំ ខេត្តត្បូងឃ្មុំ បានកោតសរសើរ និងថ្លែងអំណរគុណដល់បងប្អូនកងកម្លាំងសមត្ថកិច្ច និងរថយន្តពន្លត់អគ្គីភ័យ ចំណុះស្នងការដ្ឋាននគរបាលខេត្តត្បូងឃ្មុំ បានចេញមកអន្តរាគមន៍លឿន រហ័ស ដើម្បីជួយពន្លត់បានទាន់ពេលវេលា៕ ប្រភពFB
សូមទស្សនាវីដេអូខាងក្រោម ៖
ឯកឧត្តមឧបនាយករដ្ឋមន្ត្រី ជា សុផារ៉ា រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ ក៏ធ្លាប់ជាអភិបាលរាជធានីភ្នំពេញ ដែលបច្ចុប្បន្ននេះជាឧបនាយករដ្ឋមន្ត្រី រដ្ឋមន្ត្រីក្រសួងរៀបចំដែនដី នគររូបនីយកម្ម និងសំណង់ ឯកឧត្ដម ជា សុផារ៉ា បានលើកឡើងថា ការរៀបចំទីក្រុងមួយឱ្យបាន និរន្តរភាព និងអាចរក្សាអត្តសញ្ញាណជាតិចាំបាច់ត្រូវផ្ដោតលើការងារសំខាន់ និងអាទិភាពចំនួន ៥ ចំណុចដូចខាងក្រោមនេះ ។
ឯកឧត្ដម ជា សុផារ៉ា ឧបនាយករដ្ឋមន្ត្រី រដ្ឋមន្ត្រីក្រសួងរៀបចំដែនដី នគររូបនីយកម្ម និងសំណង់
១) រៀបចំផែនការប្រើប្រាស់ដី
ថ្លែងក្នុងឱកាស សំណេះសំណាលជាមួយប្រតិភូយុវជនកម្ពុជា នៃកម្មវិធីនាវាយុវជនអាស៊ីអាគ្នេយ៍ និងជប៉ុន (SSEAYP) លើកទី៤៥ កាលពីថ្ងៃទី២០ ខែកញ្ញា ឆ្នាំ២០១៨ នៅទីស្ដីការក្រសួង ឯកឧត្ដម លើកឡើងថា ការកសាងហេដ្ឋារចនាសម្ព័ន្ធគ្រប់បែបយ៉ាងនៅក្នុងទីក្រុងមានជាអាទិ៍ តំបន់រដ្ឋបាល តំបន់សាធារណៈ ឧស្សាហ៍កម្ម តំបន់ពាណិជ្ជកម្ម តំបន់ទេសចរ និងលំនៅឋានជាដើមចាំបាច់ត្រូវមានផែនការរៀបចំផែនការប្រើប្រាស់ដីជាមុនសិន។ ការរៀបចំខ្សែក្រវ៉ាត់បៃតង ដែលគួរធ្វើនៅខាងក្រៅក្រុង ការរៀបចំផ្សារ ដែលមិនគួររុញមកកន្លែងតែមួយ ជាហេតុបង្កឱ្យមានការកកស្ទះចរាចរណ៍។ ឧទាហរណ៍ដូចការរៀបចំផ្សារដើមគរពីដំបូង គឺគេអាចដឹកជញ្ជូនបន្លែពីច្បារអំពៅ តាខ្មៅ និងស្ទឹងមានជ័យ ដើម្បីចែកចាយទៅក្នុងរាជធានីភ្នំពេញ និងទៅក្រៅក្រុង លើកលែងតែផ្សារថ្មីមួយប៉ុណ្ណោះ ដែលត្រូវបានបង្កើតតាំងពីសម័យអាណានិគមនិយមបារាំងតែមួយប៉ុណ្ណោះ។
២) ការប្រព័ន្ធលូ និងបង្ហូរទឹកកខ្វក់
ការរៀបនូវហេដ្ឋារចនាសម្ព័ន្ធប្រព័ន្ធលូ និងបង្ហូរទឹកកខ្វក់នេះ គឺជាគោលដៅចម្បង ក្នុងការធានាឱ្យបាននូវការអភិវឌ្ឍប្រកបដោយនិរន្តរភាព។ ករណីកង្វះខាតអនាម័យប្រព័ន្ធគ្រប់គ្រង ទឹកកខ្វក់ អាចប៉ះពាល់សុខភាព ដែល ជាឧបសគ្គដល់ការអភិវឌ្ឍ ហើយយើងមិនអាចនឹងមើលរំលងបានទេ។ ឯកឧត្ដមបានរំលឹកឡើងវិញកាលឯកឧត្ដមកាន់តំណែងជាអភិបាលរាជធានីភ្នំពេញ ទឹកកខ្វក់ត្រូវបានបង្ហូរតាមប្រឡាយស្ទឹងមានជ័យ ធ្លាក់ទៅបឹងទំពុន ការរៀបចំប្រព័ន្ធទំនប់កប់ស្រូវ ដើម្បីបូមទឹកកខ្វក់ចេញពីក្រុងភ្នំពេញ។
៣) ការមើលទិសខ្យល់
ការរៀបចំទីក្រុងមួយក៏ចាំបាច់ត្រូវសិក្សាលើទិសខ្យល់ ខណៈរបបខ្យល់បក់ក្នុងប្រទេសកម្ពុជាមានខ្យល់មូសុង បក់ពីទិសនិរតី ខ្យល់បក់មកទិសខាងជើង និងទិសឧត្តរជាដើម។ បុព្វបុរសខ្មែរ កសាងរាជធានីអង្គរ មិនត្រឹមសិក្សាទិសខ្យល់បក់មកទេ ប៉ុន្តែក៏បានសិក្សាដល់ប្រព័ន្ធពន្លឺ និងទិសដៅរបស់ព្រះអាទិត្យផងដែរ។ ទីក្រុងពិតណាស់ជាកន្លែង មានមនុស្សរស់នៅច្រើន ដូច្នេះការសាងសង់រោងចក្រ និងឧស្សាហ៍កម្មធំៗ ដែលមានបង្ហុយផ្សែងពុលត្រូវសិក្សាពីរបបខ្យល់បក់ តើអាចហ៊ុយចូលមកទីក្រុងដែរឫទេ?
៤)ប្រភពទឹកស្អាត
ប្រភពទឹកស្អាត គឺជាតម្រូវការចាំបាច់បំផុតសម្រាប់ប្រជាពលរដ្ឋទូទៅប្រើប្រាស់ប្រចាំថ្ងៃ។ បច្ចុប្បន្ននេះទឹកស្អាតដែលផ្គត់ផ្គង់នៅរាជធានីភ្នំពេញមានប្រភពពីទឹកទន្លេ។ ទឹកទន្លេប្រែប្រួលទៅតាមរដូវទឹកឡើង និងទឹកស្រក។ តួយ៉ាងដូចជាប្រភពទឹកទន្លេបាសាក់នៅរដូវវស្សានឹងហូរចូលទន្លេសាប ប៉ុន្តែពេលទឹកស្រកវិញ នឹងធ្វើឱ្យទឹកទន្លេសាបឡើងល្អក់។ ពេលទឹកល្អក់ខ្លាំងអ្នកជំនាញត្រូវប្រើប្រាស់ក្លរច្រើន ដើម្បីសម្លាប់មេរោគ។ ដូច្នេះយើងត្រូវលើកផែនការបូមទឹកទន្លេមេគង្គវិញ ដោយសារទឹកហូរមិនសូវល្អក់ខ្លាំង។
៥) សំណង់ស្ថាបត្យកម្មមានលក្ខណៈជាខ្មែរ
រចនាបថសំណង់អាគារខ្ពស់ៗក្នុងទីក្រុង ត្រូវបញ្ចូលគំនិតស្ថាបត្យកម្ម ខ្មែរ ដើម្បីរក្សាបានអត្តសញ្ញាណជាតិ និងការទាក់ទាញភ្ញៀវទេសចរ។ ឯកឧត្ដមថា ខណៈវិស័យសំណង់នៅក្នុងប្រទេសកម្ពុជាកំពុងមានការរីកចម្រើន ក្រសួងរៀបចំដែនដីកន្លងមកក៏បានលើកទឹកចិត្តឱ្យជួយចូលរួមលើកកម្ពស់តម្លៃស្ថាបត្យកម្មខ្មែរនាសម័យមុន តាមរយៈការរចនាប្លង់សំណង់ទាំងខាងក្នុងអគារ និងក្រៅ អគារឱ្យមានលក្ខណៈជាស្ថាបត្យកម្មខ្មែរផងដែរ។
បច្ចុប្បន្នក្រសួងរៀបចំដែនដី នគររូបនីយកម្ម និងសំណង់ កំពុងរៀបចំធ្វើផែនការគោលរៀបចំទីក្រុង និងទីប្រជុំជន ខណៈបច្ចុប្បន្នធ្វើបាននៅខេត្តព្រះសីហនុ ខេត្តសៀមរាប និងក្រុងភ្នំពេញ។ នេះបើតាមឯកឧត្ដម ជា សុផារ៉ា៕ ប្រភពសប្បាយ
(ភ្នំពេញ) អភិបាលរាជធានីភ្នំពេញ ឯកឧត្តម ឃួង ស្រេង បានជម្រុញអោយអាជ្ញាធរនិងសមត្ថកិច្ចទាំងអស់បង្ការទប់ស្កាត់បទល្មើស លួច ឆក់ ប្លន់ បញ្ហាគ្រឿងញៀននិង បង្ការទប់ស្កាត់គ្រោះអគ្គីភ័យ ជូនប្រជាពលរដ្ឋក្នុងមូលដ្ឋាន ក្នុងនាមជាអាណាព្យាបាលរបស់ប្រជាពលរដ្ឋ។
ការថ្លែងបែបនេះ ក្នុងពិធីសំណេះសំណាលជាមួយមន្ត្រីរាជការចំណុះរដ្ឋបាលខណ្ឌដូនពេញ នៅសាលាខណ្ឌដូនពេញ នៅរសៀលថ្ងៃពុធ ។
ឯកឧត្តម ឃួង ស្រេង បានមានប្រសាសន៍ថា មន្ត្រីរបស់យើងជាអាណាព្យាបាលរបស់បងប្អូនប្រជាពលរដ្ឋ ដូច្នេះត្រូវមើលពួកគាត់អោយបានគ្រប់ជ្រុងជ្រោយ ។ ជាក់ស្តែងដូចជាផ្ទះសំបែងជាដើម នៅខណ្ឌដូនពេញនេះមានសំណង់ចាស់ ៗ ច្រើន ដូច្នេះ ក្នុងនាមយើងជាអាណាព្យាបាលត្រូវតែយកចិត្តទុកដាក់ចំពោះការរស់នៅរបស់ពួកគាត់ ដោយត្រូវរកមន្ត្រីជំនាញមកវាយតំលៃថាតើពួកគាត់អាចរស់នៅបន្តទៀតបានឬទេ។
ឯកឧត្តម ឃួង ស្រេង បានបន្តថា គោលបំណងដែលឯកឧត្តម មកជួបបងប្អូនមន្ត្រីរបស់ខណ្ឌដូនពេញនៅពេលនេះ គឺដើម្បីសួរសុខទុក្ខមន្ត្រីរបស់យើងធ្វើការងារបានអ្វីខ្លះ ហើយនៅខ្វះចំណុចណាខ្លះដើម្បីបំពេញបន្ថែមធ្វើយ៉ាងណាបំរើប្រជាពលរដ្ឋអោយរឹងរិតតែល្អប្រសើរឡើងថែមទៀត។
ឯកឧត្តម ឃួង ស្រេង ក៏បានសម្តែងការកោតសរសើរចំពោះរដ្ឋបាលខណ្ឌដូនពេញ រួមទាំងកម្លាំងមានសមត្ថកិច្ចទាំងអស់ដែល បានយកអស់កម្លាំងកាយចិត្តក្នុងកិច្ចការពារសន្តិសុខ សណ្តាប់ធ្នាប់ រួមនិងការផ្តល់សេវាជូនប្រជាពលរដ្ឋបាលល្អប្រសើរ រហូតទទួលបានស្នាដៃជាច្រើន។
ឯកឧត្តមបញ្ជាក់ថា នៅលើពិភពលោកមិនមានប្រទេសណាធ្លាក់ដល់ចំណុចសូន្យដូច ប្រទេសកម្ពុជាយើងនោះទេ។ តែដោយការខិតខំប្រឹងប្រែងរបស់ថ្នាក់ដឹកនាំរបស់យើងបានធ្វើអោយប្រទសដ៏សែនអាក្រក់មួយនេះ បានងើបខ្លួនជាបណ្តើរៗ រហូតមានការអភិវឌ្ឍរីកចំរើនដូចសព្វថ្ងៃ ។យុវជនត្រូវសិក្សារៀនសូត្រពីមនុស្សចាស់ រកចំណុចល្អៗពីមនុស្សចាស់ ដើម្បីយកមកអនុវត្តការងារអោយបានល្អប្រសើរ ។
តាមគំនិតរបស់ឯកឧត្តម គឺបណ្តុះបណ្តាលយុវជន និងមើលថែមនុស្សចាស់ ។ យុវជន និងមនុស្សចាស់ ត្រូវតែដើរទន្ទឹមគ្នា មានន័យថា បើអត់មនុស្សចាស់ ក្មេងក៏គ្មានឱកាសដែរ។មនុស្សចាស់ជាអ្នកតំរង់ទិសអោយក្មេង ទើបក្មេងអាចដើរខ្លួនឯង។
ទន្ទឹមនឹងភាពល្អប្រសើរហើយនោះ ខណ្ឌដូនពេញក៏មានបញ្ហាប្រឈម ដែលត្រូវអនុវត្តបន្តដែរ ក្នុងនោះមានបញ្ហាសណ្តាប់ធា្នប់មិនទាន់រៀបចំបានល្អប្រសើរនូវឡើយប្រជាពលរដ្ឋមិនទាន់គោរពច្បាប់ចរាចរ បញ្ហាគ្រឿងញៀននៅតែកើតមាន ការចុះកិច្ចសន្យាជាមួយក្លឹបកំសាន្តនានាក៏នៅមិនទាន់បានគ្រប់ជ្រុងជ្រោយជាដើម៕
Site Title 