សូមជួយស៊ែរឲ្យម្ចាស់ឡានខាងលើបានដឹងផង ពេលសមត្ថកិច្ចបានចាប់បានចោរដែលលួចស្លាកលេខរថយន្តថ្ងៃមុនបានហើយ…(មានវិដេអូ)

កាលពីពេលកន្លងទៅថ្មីៗនេះ មានគណនេយ្យហ្វេសបុកមួយបង្ហោះវីដេអូស្តីពីអ្នករត់រឺម៉ក់កង៉បីឥណ្ឌា(PassApp)ម្នាក់ បានធ្វើសកម្មភាពលួចស្លាកលេខរថយន្តគាត់ ដែលទុកចោលនៅមុនផ្ទះ ហើយម្ចាស់ឡានខាងលើបានប្រកាសស្វែងរកចោរដែលលួចខាងលើ ប្រសិនបើមាននរណាស្គាល់ សុំមេត្តាផ្តល់ដំណឹងដល់គាត់។

កាលពីព្រឹកមិញនេះ ការិយាល័យនគរបាលព្រហ្មទណ្ឌកំរិតស្រាល រាជធានីភ្នំពេញ នៅតាមរយៈបណ្តាញសង្គមហ្វេសបុក បានបង្ហោះប្រកាសស្វែងរកម្ចាស់រថយន្តខាងលើ ដែលបាត់ស្លាកលេខរថយន្ត ដែលខាងកងម្លាំងសមត្ថកិច្ចទើបនឹងឃាត់ខ្លួន មុខសញ្ញាខាងលើបានដោយបានសសេរថាស្វែងរកម្ចាស់យ៉ាងដូច្នេះថា ៖(ករណីលួចស្លាកលេខរថយន្តសកម្មក្នុងរាជធានីភ្នំពេញត្រូវបានបង្រ្កាបបេីបងប្អូនណាមានបាត់ស្លាកលេខរយន្ត សូមទាក់ទង មក ០១២ ៧១ ៨១ ៧១ )

(មានវិដេអូ)

https://www.facebook.com/plugins/video.php?href=https%3A%2F%2Fwww.facebook.com%2Fncnkhnews%2Fvideos%2F749595792044545%2F&show_text=0&width=560

ប្រភព៖ FB

ចោរកំពុងធ្វើសកម្មភាពលួចកាច់សោក ម៉ូតូរបស់ខ្លួន ក៍ស្រែកចោរៗ ត្រូវប្រជាពលរដ្ឋចាប់វាយប៉ោងមុខ រួច…(ចុចអានបន្ត)

ភ្នំពេញ៖ ហេតុការណ៍នេះបានកើតឡើងកាលពីថ្ងៃទី១៦ ខែកញ្ញា ឆ្នាំ២០១៨ នៅចំណុចផ្ទះលេខគ្មាន ក្រុម២ ភូមិក សង្កាត់ច្រាំងចំរេះ២ ខណ្ឌឫស្សីកែវ រាជធានីភ្នំពេញ។

ជនរងគ្រោះជាម្ចាស់ម៉ូតូមានឈ្មោះ ចាន់ សុខ វុទ្ធី ភេទប្រុស អាយុ២១ឆ្នាំ ជនជាតិខ្មែរ មានទីលំនៅផ្ទះលេខគ្មាន ក្រុម២ ភូមិក សង្កាត់ច្រាំងចំរេះ២ ខណ្ឌឫស្សីកែវ មុខរបរ លក់ដូរ។ ចំណែកជនសង្ស័យឈ្មោះ ឌី ណារ៉ុង ភេទប្រុស អាយុ១៩ឆ្នាំ ជនជាតិខ្មែរ មុខរបរ មិនពិតប្រាកដ មានទីលំនៅផ្ទះលេខគ្មាន ភូមិបិងឈូក សង្កាត់គីទ្បូម៉ែត្រលេខ៦ ខណ្ឌឫស្សីកែវ (ឃាត់ខ្លួន) ជនសង្ស័យប្រើប្រាស់គ្រឿងញៀនអស់រយៈពេល៣ឆ្នាំមកហើយ។

វត្ថុតាងដកហូតវឲបានរួមមាន៖ ទី១-សោខ្សៀលេខ៨ មួយដើម, ទី២-ដែកសំប៉ែត ចំនួន១ដើម, ទី៣-ម៉ូតូស៊ុមមឺអិច ពណ៌សលាយទឹកក្រូច ពាក់ស្លាកលេខ ភ្នំពេញ 1GI-9125 មួយគ្រឿង។

មុនពេលកើតហេតុ ជនរងគ្រោះបានទុកម៉ូតូនៅក្រោមផ្ទះ ដោយបានចាក់សោកត្រឹមត្រូវ រួចក៏ទៅផ្ទះ លុះដល់ម៉ោង១៖០៦នាទី ជនរងគ្រោះក៏មកយកម៉ូតូ ស្រាប់តែឃើញជនសង្ស័យកំពុងលួច (ឆ្កិះសោម៉ូតូ) ភ្លាមនោះជនរងគ្រោះក៏ស្រែកផ្អើលដល់កម្លាំងសមត្ថកិច្ច ដែលកំពុងល្បាតនៅជិតកន្លែងកើតហេតុ ក៏ធ្វើអន្តរាគមន៍ឈានដល់ឃាត់ខ្លួនជនសង្ស័យ និងវត្ថុតាងយកមកសាកសួរនាំ ៕

ប្រភព៖ FB

ក្រសួងអប់រំ ៖ មកពីមន្ត្រីថ្នាក់ក្រោម លែងបានផលប្រយោជន៍ គេលេងមួយក្បាច់ ឲ្យរដ្ឋមន្ត្រីបះជើង

(ភ្នំពេញ) ឆ្នាំនេះមិនត្រឹមតែលទ្ធផលប្រលង២ដងទេគឺថាមានចេញលទ្ធផល «អាជ័យធ្លាក់ទឹកហៃអើៗ» តមក «តែៗស្កៗ» ជាជំងឺចាស់ «វប្បធម៌ក្តីត្រួយ» រឿងក្តាមក្នុងធុងវាឡើងមិនរួចដោយសារតែក្តាមដទៃទាញទម្លាក់ចុះវិញ។ រឿងធំជាងមេឃរដ្ឋមន្ត្រីលើដៃសំពះតែមិនឃើញមានកម្មការធិការកែវិញ្ញាសារប្រលង ប្រធានមណ្ឌលប្រលង លោកសាស្ត្រាចារ្យ មេប្រយោគ អនុរក្ស លោកគ្រូអ្នកគ្រូទទួលបន្ទុកនាំគ្នាឈូឆរ ស្វះស្វែង ថ្លែងការណ៍ មានមតិយោបល់ច្រេីនសោះឡើយ។ កុំថាឡើយរដ្ឋលេខាធិការ ឬអស់លោកតែទឹកកក (ice tea) គឺសំងំលាក់លាក់ខ្លួនពួនអាត្មា។ ចំណែកអ្នកចាំទទួលផលប្រហែលជាផឹកស៊ីជប់លៀងដាច់យប់បណ្តើៗហើយចុងក្រោយលទ្ធផលគឺ«អ្នកឡើងបានបេះ អ្នកប្រឡេះបានស៊ី»៕

ទោះបីក្រសួងខំលាក់បាំងរឿងអាស្រូវផ្ទៃក្នុង យ៉ាងណាក្ដី ហើយអ្នកនាំពាក្យក្រសួងអប់រំ បានសុំទោសចំពោះបេក្ខជន មាតាបិតា អាណាព្យាបាលសិស្ស និងអ្នកពាក់ព័ន្ធ ចំពោះកំហុស កើតឡើងដោយសារកម្មវិធីកុំព្យូទ័រ នៅក្នុងពេលដំណើរការបូកសរុបពិន្ទុបេក្ខជនប្រឡងបាក់ឌុប មិនបានបូកស្រង់ពិន្ទុមុខវិជ្ជាគណិតវិទ្យាក្ដី។

ប៉ុន្តែករណីត្រូវបានមជ្ឈដ្ឋាននានាបញ្ចេញមតិថា មិនមែនជាកំហុសបច្ចេសទេ គឺមកពីមន្ត្រីថ្នាក់ក្រោមមិនស្តាប់រដ្ឋមន្ត្រីក្រសួងអប់រំ លែងបានលាភសក្ការក្នុងពេលប្រឡង ទើបធ្វើឲ្យមានកំហុស ចោទដាក់កុំព្យូទ័រ ដើម្បីឲ្យរដ្ឋមន្ត្រីដួលបះជើង។

ពាក់ព័ន្ធនឹងករណីនេះដែរ មជ្ឈដ្ឋាននានា បានបញ្ចេញមតិថា ឯកឧត្តមរដ្ឋមន្ត្រីក្រសួងអប់រំ បានធ្វើកំណែទម្រង់លើវិស័យអប់រំនេះបានយ៉ាងល្អប្រសើរ ប៉ុន្តែការកែទម្រង់នោះ គឺកែតែខាងលើ ចំណែកឯខាងក្រោម មិនបានកែតាមទបញ្ជារបស់ឯកឧត្តមរដ្ឋមន្ត្រីនោះទេ។

ករណីនេះគេឃើញលោក ឌី ខាំបូលី អ្នកនាំពាក្យក្រសួងអប់រំ យុវជន និងកីឡា ចេញមកប្រាប់ថា កំហុសនេះ ក្នុងនាមថ្នាក់ដឹកនាំក្រសួងអប់រំ ឯកឧត្តមរដ្ឋមន្ត្រី ហង់ ជួនណារ៉ុន បានផ្ដាំសុំទោសបេក្ខជនប្រឡង មាតាបិតា អាណាព្យាបាល និងអ្នកពាក់ព័ន្ធទាំងអស់ ក្នុងករណីនេះ ។ យើងមិនចង់ឱ្យមានបញ្ហានេះទេ ។ វាកើតឡើងព្រោះបច្ចេកទេសកំព្យូទ័រ ហើយ យើងបានប្រជុំ ដើម្បីមិនឱ្យមានបញ្ហានេះកើតឡើងទៀតឡើយ ។

តែប្រភពខាងក្រៅបានបន្តថា ខាងលើបានខិតខំប្រឹងប្រែងធ្វើការ រីឯខាងក្រោមមិនបានធ្វើតាមទេ បានន័យថា នាឆ្នាំកន្លងមក មុនពេលធ្វើកំណែងទម្រង់វិស័យអប់រំ៥ឆ្នាំចុងក្រោយនេះ គឺពួកគេជាមន្ត្រីថ្នាក់ក្រោមបានលាបសក្ការះខ្លះៗក្នុងពេលប្រឡង ជាថ្នូរនឹងបេក្ខជនប្រឡងជាប់បាក់ឌុប។ ប៉ុន្តែក្នុងពេលកំណែទម្រង់ពួកមន្ត្រីថ្នាក់ក្រោមទាំងនោះ លែងបានផលប្រយោជន៌ពីការប្រឡងទើបពួកមន្ត្រីថ្នាក់ក្រោមទាំងនោះ មិនធ្វើតាមឯកឧត្តមរដ្ឋមន្ត្រី ទើបពួកគេធ្វើឲ្យមានកំហុស ។

ករណីនេះមិនមែនជាករណីកំហុសបច្ចេកទេសកុំព្យូទ័រទេ គឺជាកំហុសមន្ត្រីជាក់ស្តែងតែម្តង ដោយសារពួកគេបាត់ប្រយោជន៍ ដូចនេះហើយ ទើបមន្ត្រីទាំងអស់នោះ ធ្វើឲ្យរដ្ឋមន្ត្រីធ្លាក់ទឹក។ ប្រភពដដែល បានស្នើដល់មន្ត្រីក្រសួងអប់រំ និងរដ្ឋមន្ត្រីអប់រំ មេត្តាធ្វើកិច្ចការអ្វីឲ្យស៊ីសង្វាក់គ្នា ហើយម្យ៉ាងទៀត កុំធ្វើអ្វីគេសរសើរតែឯកឧត្តមរដ្ឋមន្ត្រី ហង់ ជួនណារ៉ុន ។ចំណែកមន្ត្រីខាងក្រោម មិនមានអ្នកសរសើរនោះទេ ដូច្នេះហើយទើបធ្វើឲ្យ លោករដ្ឋមន្ត្រីក្រសួងអប់រំ ដួល ផ្ងារជើងមួយក្បាច់នេះជាបទពិសោធន៍សម្រាប់ក្រសួងផ្សេងៗទៀតយកទុកជាគំរូ។

លោកផែង វណ្ណៈ ដែលជាអ្នកតាមដានលើបណ្តាញសង្គម បាននិយាយថា តើមានរដ្ឋមន្ត្រីប៉ុន្មាននាក់ ដែលហ៊ានទទួលយកកំហុសឆ្គងហើយសុំទោសប្រជាជន ដូច ឯកឧត្ដម រដ្ឋមន្ត្រីក្រសួងអប់រំ យុវជន និង កីឡា ? សូមគាំទ្រ ឯកឧត្ដម រដ្ឋមន្ត្រី ដែលទទួលយកចំណុចខ្វះខាតដើម្បីកែលម្អឲ្យប្រសើរឡើងនៅពេលក្រោយ ៕ ប្រភពFB

បុរសម្នាក់ស្រវឹងស្រា បើករថយន្ដទំនើប Lexus NX200t បុកក្បាលនាគ ពុះចែកទ្រូងផ្លូវចុះក្រោមដី ស្ពានស្ទឹងមានជ័យ ក្រឡាប់ផ្ងាជើង

(ភ្នំពេញ) បុរសម្នាក់ស្រវឹងស្រា បើករថយន្ដទំនើប Lexus NX200t បុកក្បាលនាគ ពុះចែកទ្រូងផ្លូវចុះក្រោមដី ស្ពានស្ទឹងមានជ័យ ក្រឡាប់ផ្ងាជើង គ្រោះថ្នាក់ចរាចរណ៍ខាងលើនេះបានកើតឡើងកាលពីវេលាម៉ោង០០:២០នាទីរំលងអាធ្រាត្រ ឈានចូលថ្ងៃទី១៦ ខែកញ្ញា ឆ្នាំ២០១៨ នៅតាមបណ្ដោយផ្លូវព្រះមុនីរ៉េត ត្រង់ចំណុចគល់ស្ពានក្រោមដីស្ទឹងមានជ័យ ស្ថិតក្នុងសង្កាត់ស្ទឹងមានជ័យ២ ខណ្ឌមានជ័យ រាជធានីភ្នំពេញ។

យោងតាមប្រភពព័ត៌មានពីប្រជាពលរដ្ឋដែលនៅកន្លែងកើតហេតុបានប្រាប់ឲ្យដឹងថា មុនពេលកើតហេតុគេឃើញបុរសម្នាក់ បើករថយន្តបង្កម៉ាកលុចសុីល NX200t ពាក់ស្លាកលេខភ្នំពេញ 2BB-0088បានធ្វើដំណើរតាមបណ្ដោយផ្លូវព្រះមុនីរ៉េតទិសដៅពីលិចទៅកើត ក្នុងល្បឿនលឿងព្រមទាំងអ្នកបើកបរស្ថិតក្នុងស្ថានភាពស្រវឹងផង ក៏បានរេង្កូចទៅបុកជាមួយក្បាលនាគពុះចែកទ្រូងផ្លូវ

បណ្ដាលឲ្យរថយន្ដក្រឡាប់ផ្ងាជើងច្រង៉ាងកណ្ដាលផ្លូវតែម្ដង និងរងការខូចខាតយ៉ាងដំណំ ចំណែកឯអ្នកបើករងរបួសស្រាលបានប្រមូល យកសំភារៈមានតម្លៃហើយចេញមកក្រៅទាក់ទងទៅសាច់ញាតិមកដឹកចេញពីកន្លែងកើតហេតុបាត់ស្រមោល ។

បច្ចុប្បន្នក្រោយពេលកើតហេតុ សមត្ថកិច្ចមូលដ្ឋានបានចុះទៅដល់កន្លែងហេតុ និងទាក់ទងទៅជំនាញចរាចរណ៍ឲ្យមកធ្វើការវាស់វែង រួចយករថយន្ដបង្កទៅរក្សាទុក នៅការិយាល័យចរាចរណ៍ជើងគោក នៃស្នងការនគរបាលរាជធានីភ្នំពេញ ដើម្បីរងចាំដោះស្រាយទៅតាមផ្លូវច្បាប់៕

ប្រភព៖ FB

ក្មេងស្ទាវមួយក្រុមជិះម៉ូតូដេញវាយកាប់ចាក់គ្នា ក្នុងល្បឿនលឿន ជ្រុលទៅបុករថយន្តដឹកដូង ស្លាប់២នាក់ នៅឯ…(ចុចអានបន្ត)

ភ្នំពេញ៖ក្មេងស្ទាវមួយក្រុមជិះម៉ូតូដេញវាយកាប់ចាក់គ្នា ក្នុងល្បឿនលឿន ជ្រុលទៅបុករថយន្តដឹកដូង ស្លាប់២នាក់ នៅខណ្ឌដង្កោ ហេតុការណ៍នេះបានកើតឡើងកាលពី ម៉ោង៣និង២០នាទីទៀបភ្លឺ ថ្ងៃទី១៦ ខែកញ្ញា ឆ្នាំ២០១៨ នៅតាមបណ្ដោយផ្លូវជាតិលេខ៣ ត្រង់ចំណុចម្ដុំធនាគារវឌ្ឍនៈ ស្ថិតក្នុងភូមិទួលស្លែ សង្កាត់ក្រាំងពង្រ ខណ្ឌដង្កោ។

ជនរងគ្រោះទាំង២នាក់ដែលជួបគ្រោះថ្នាក់ចរាចរណ៍ស្លាប់នោះ ទី១មានឈ្មោះ ហេង វិថី អាយុ១៦ឆ្នាំ មុខរបបជាសិស្សថ្នាក់១១ រស់នៅភូមិជ្រៃ ឃុំជង្រុក ស្រុកគងពិសី ខេត្តកំពុងស្ពឺ និងជាម្ចាស់ម៉ូតូ និង ឈ្មោះខាត់ ធារ៉ា អាយុ១៨ឆ្នាំ មុខរបបនៅផ្ទះ ភូមិផ្សារគុមឬស្សី ឃុំតាំងដូង ស្រុកបាទី ខេត្តតាកែវ។

នៅពេលកើតហេតុ រថយន្តម៉ាក KAI ពណ៌ខៀវ ពាក់ស្លាកលេខកំពត 1A-1803 បានដឹកដូង ធ្វើដំណើរតាមបណ្ដោយផ្លូវជាតិលេខ៣ ឡើងពីខេត្ត មកភ្នំពេញ លុះមកដល់ចំណុចកើតហេតុ ក៏ស្រាប់តែមានក្មេងស្ទាវមួយក្រុមជិះម៉ូតូដេញវាយគ្នា ក្នុងល្បឿនលឿន ដោយក្នុងនោះមាន យុវជន២នាក់ជិះម៉ូតូមួយគ្រឿង ម៉ាក Suzuki Let’s ពណ៌ស ពាក់ស្លាកលេខកណ្ដាល 1U-2619 ទិសដៅបញ្ច្រាសជាមួយរថយន្តក្នុងល្បឿនយ៉ាងលឿន ហើយក៏ចូលទៅខាងផ្លូវរថយន្ត រួចជ្រុលបុកផ្ទប់ជាមួយរថយន្តពេញទំហឹងតែម្ដង ទើបបណ្ដាលឲ្យយុវជន២នាក់នោះ បោកក្បាលជាមួយរថយន្តរួចធ្លាក់មកបោកក្បាលថ្នល់ ស្លាប់ក្នុងថ្លុកឈាមទាំង២នាក់ យ៉ាងអាណោចអធម៌ (ក្នុងនោះយុវជនម្នាក់ស្លាប់ទាំងដៃនៅកាន់ខ្សែក្រវ៉ាត់ជាប់ គួរឲ្យសង្វែកនិងខ្លោចចិត្តយ៉ាងខ្លាំង) ចំណែកឯម៉ូតូបានខ្ទេចផ្នែកខាងមុខទាំងស្រុង។

ភ្លាមៗម្ចាស់រថយន្តក៏បានបន្តដំណើរទៅដល់គោលដៅ២៤ម៉ោងរបស់សមត្ថកិច្ច ក៏ត្រូវសមត្ថកិច្ចឃាត់ខ្លួនយកទៅប៉ុស្ដិ៍តែម្ដង។ សាច់ញាតិសពជនរងគ្រោះជាច្រើននាក់បានចុះមកដល់កន្លែងកើតហេតុទាំងអារម្មណ៍តក់ស្លុត ទួញយំបោកខ្លួនសោកស្ដាយជនរងគ្រោះដែលស្លាប់។

បន្ទាប់មកសមត្ថកិច្ចជំនាញចរាចរណ៍បានធ្វើការវាស់វែង យកម៉ូតូ និងរថយន្តព្រមទាំងតៃកុង ប្រគល់ឲ្យការិយាល័យចរាចរណ៍ជើងគោក នៃស្នងការដ្ឋាននគរបាលរាជធានីភ្នំពេញ ចាត់ការតាមនីតិវិធី ៕

ប្រភព៖ FB

ឯកឧត្តមឧបនាយករដ្ឋមន្ត្រី ជា សុផារ៉ា បានចែកម៉ូតូដល់សិស្សនិទេស្ទA៩នាក់នៅខេត្តត្បូងឃ្មុំ

(ត្បូងឃ្មុំ) នារសៀលថ្ងៃសៅរ៍ ទី១៥ ខែខែកញ្ញា ឆ្នាំ ២០១៨នេះ នៅទីស្នាក់ការគណបក្សស្រុកត្បូងឃ្មុំ ឯកឧត្តមឧបនាយករដ្ឋមន្រ្តី ជា សុផារ៉ា ជាអនុប្រធានទី១ ក្រុមការងារថ្នាក់កណ្តាលចុះជួយខេត្តត្បូងឃ្មុំ អញ្ជើញជួបសំណេះសំណាលជាមួយសិស្សានុសិស្សប្រឡងជាប់មធ្យមសិក្សាទុតិយភូមិឆ្នាំ២០១៨ មកពីស្រុកក្រូចឆ្មារ ស្រុកមេមត់ ស្រុកត្បូងឃ្មុំ និងក្រុងសួង និទ្ទេសដែលទទួលបានរួមមាន៖ និទ្ទេស A ៩នាក់, និទ្ទេស B ៤៧នាក់, និទ្ទេស C ៨១នាក់, និទ្ទេស D ២៤៧នាក់ និងនិទ្ទេស E ៧៥៥នាក់ សរុបរួមចំនួន១១៣៩នាក់។

បញ្ជាក់ផងដែរថា ឯកឧត្តមឧបនាយករដ្ឋមន្រ្តី ជា សុផារ៉ា អនុប្រធានទី១ ក្រុមការងារថ្នាក់កណ្តាលចុះជួយខេត្តត្បូងឃ្មុំ បានផ្តល់ជូននាយកក នាយករង និងមន្ត្រីការិយាល័យអប់រំ មកពី៤ក្រុង ស្រុក ចំនួន៦៥នាក់ ក្នុងម្នាក់ ១៥០០០០រៀល សិស្សានុសិស្សនិទ្ទេស៩នាក់ ម្នាក់ម៉ូតូមួយគ្រឿង ថវិកា១០០០០០រៀល និងសិស្សានុសិស្សដែលបានចូលរួមទាំងអស់នូវថវិកា១០០០០០រៀលផងដែរ៕ ដោយ តារារ៉ាយ

ប្រជាពលរដ្ឋ និងអាជីវករ នៅផ្សារព្រៃទា បានទទួចសុំអង្វរអាជ្ញាធរឲ្យដោះលែង ជនរងគ្រោះដែលវ៉ៃចោរនៅផ្សាព្រៃទា…(មានវិដេអូ)

ក្តៅៗ ប្រជាពលរដ្ឋ និងអាជីវករ នៅផ្សារព្រៃទា បានទទួចសុំអង្វរអាជ្ញាធរឲ្យដោះលែង ជនរងគ្រោះដែលវ៉ៃចោរ កាលពីថ្ងៃវេលាម៉ោង១២ ថ្ងៃទី១៣ ខែកញ្ញា ឆ្នាំ២០១៨ ។

គួរំលឹកផងដែរថា កាលពី ថ្ងៃទី១៣ ខែកញ្ញា ឆ្នាំ២០១៨ មាននារីវ័យក្មេងម្នាក់ បានធ្វើសកម្មភាពចូលទៅបន្លំលួចទូរស័ព្ទអាជីវករនៅក្នុងផ្សារព្រៃទា សង្កាត់ចោមចៅ៣ ខណ្ឌពោធិ៍សែនជ័យ រាជធានីភ្នំពេញ តែមិនសម្រេចត្រូវបានប្រជាពលរដ្ឋចាប់វាយទ្រមខ្លួន និងកោសក់រួចដោះលែងវិញ ។

ក្រោយពីផ្ទុះហេតុការនេះ សមត្ថកិច្ចបានធ្វើកាស្រាវជ្រាវ នឹងឃាត់ខ្លួនជនដៃដល់ ៤ នាក់ ពាក់ព័ន្ធប្រើហឹង្សារលើជនសង្ស័យលួចបន្លំទូរស័ព្ទ កសាងសំណុំរឿងបញ្ជូនទៅតុលាការ ។

ដោយសាតែមូលហេតុនេះហើយ ទើបប្រជាពលរដ្ឋ និងអាជីវករ នៅផ្សារព្រៃទា បានទទួចសុំអង្វរអាជ្ញាធរឲ្យដោះលែង ជនរងគ្រោះដែលវ៉ៃចោរ អោយមានសេរីភាពវិញ ៕

(មានវិដេអូ)

https://www.facebook.com/plugins/video.php?href=https%3A%2F%2Fwww.facebook.com%2Ftaahcha.tu%2Fvideos%2F2169873349955055%2F&show_text=0&width=267

ប្រភព៖ Tey Tey

បេក្ខនារីនៅខេត្តព្រះវិហារម្នាក់ ប្រកាសលទ្ធផលប្រឡងបាក់ឌុបលើកទី១បាននិទ្ទេសD ពេលប្រកាសលើកទី២ ជាប់និទ្ទេសA ធ្វើអោយនាងរំភើបរហូតដល់…(ចុចអានបន្ត)

(ព្រះវិហារ)៖បន្ទាប់ពីការប្រកាសលទ្ធផលប្រឡងបាក់ឌុបជាលើកទី២ កាលពីថ្ងៃម្សិលមុិញនេះ បេក្ខនារីមួយរូបនៅខេត្តព្រះវិហារបានសម្រក់ទឹកភ្នែក ដោយមិនដឹងខ្លួនក្រោយពីទទួលបាននិទ្ទេសAវិញ។

បេក្ខនារីជួបណាម៉ានអាយុ១៨ឆ្នាំជាសិស្សរៀនថ្នាក់ទី១២Aមកពីវិទ្យាលយ័រវៀងបានប្រាប់អ្នកយកពត៍មានអោយដឹងនៅព្រឹកថ្ងៃទី១៥ខែកញ្ញាឆ្នាំ២០១៨នេះថា៖លទ្ធផលប្រឡងបាក់ឌុបដែលប្រកាសលើកទី១ នាងទទួលបាននិទ្ទេសD ប៉ុន្តែទោះជានាងបានប្រឡងជាប់និងទទួលបាននិទ្ទេសDក៍ដោយ តែនាងហាក់មិនសូវសប្បាយចិត្តនិងលទ្ធផលនិងទេ ព្រោះដោយសារមុខវិជ្ជាគណិតវិជ្ជានាងធ្វើបានល្អ ប៉ុន្តែបែជាធ្លាក់ទោវិញ។

គាប់ជួននិងមានការតវ៉ារបស់បេក្ខជន បេក្ខនារីដែលមិនអាចទទួលយកលទ្ធផលប្រកាសលើកទី១នោះ នៅថ្ងៃទី១៤ខែកញ្ញាឆ្នាំ២០១៨ម្សិលមុិញនេះក្រសួងអប់រំយុវជននិងកីឡាបានប្រកាសលទ្ធផលជាលើកទី២នោះ បានធ្វើអោយនិទ្ទេសរបស់នាងមានការប្រែប្រួលពីនិទ្ទេសDទៅនិទ្ទេសAវិញ ធ្វើអោយនាងមានក្តីរំភើបរីករាយរហូតស្រក់ទឹកភ្នែក។

បេក្ខនារីជួប ណាម៉ានបានអោយដឹងទៀតថា៖នាងមានគ្រួសារជាត្រកូលកសិករមានឪពុកឈ្មោះភិម ភីនអាយុ៤២ឆ្នាំនិងម្តាយឈ្មោះកែវ ឡៃហួយអាយុ៣៩មុខរបរធ្វើស្រែ រស់នៅភូមិថ្កែង ឃុំរហស័ ស្រុករវៀង ខេត្តព្រះវិហារ។នាងមានបងប្អូន២នាក់ នាងជាកូនពៅក្នុងគ្រួសារ ចំណែកបងរបស់នាងមានគ្រួសារហើយ។

ដោយឡែកលោកចេងលឹមហ៊ាន់ប្រធានមន្ទីរអប់រំយុវជននិងកីឡាខេត្តព្រះវិហារបានអោយដឹងថា៖ការប្រកាសលទ្ធផលប្រឡងបាក់ឌុបលើកទី២ម្សិលមុិញនេះ៖គឺធ្វើអោយចំនួនអ្នកប្រឡងជាប់មានការកើនឡើង៤នាក់ ពោលពី៨៧.១០%ទៅ៨៧.៤០%ក្នុងនោះក៍មានអ្នកទទួលបាននិទ្ទេសAម្នាក់ផងដែរ៕

ខឹងរឿងចេះអាបធ្មប់ បុរសម្នាក់ កាប់បុរសចំណាស់ម្នាក់ ស្លាប់

(កំពង់ស្ពឺ) អធិការដ្ឋាន នគរបាលស្រុកភ្នំស្រួច ខេត្តកំពង់ស្ពឺ បានឲ្យដឹងថា កាលពីថ្ងៃទី១៤ខែកញ្ញាឆ្នាំ២០១៨ វេលាម៉ោង៥និង៣០នាទី នៅភូមិព្រីង ឃុំត្រែងត្រយឹង ស្រុកភ្នំស្រួច ខេត្តកំពង់ស្ពឺ មានករណីឃាតកម្ម កាប់សម្លាប់បុរសម្នាក់ ដោយចោទថាចេះអំពើអាបធ្មប់។ ជនរងគ្រោះឈ្មោះ ហែម យឹម ភេទ អាយុ៦៦ឆ្នាំ មុខរបរកសិករ មានរបួសស្លាកស្នាមកាប់ដាច់ក្បាលខាងក្រោយ២កន្លែង ដល់គល់ក ស្លាប់នៅក្បែរពាងទឹក។ លទ្ធផលស្រាវជ្រាវបានឃាត់ខ្លួនជនល្មើស ឈ្មោះចិន ជុន ភេទប្រុសអាយុ៥៤ឆ្នាំ មុខរបរកសិករ នៅភូមិព្រីង ឃុំត្រែងត្រយឹង ក្នុងពេលឃាត់ខ្លួន សមត្ថកិច្ចបានដកហូតកាំបិតផ្គាក់១។ នគរបាលមូលដ្ឋាន បានបញ្ជាក់ថា ករណីកើតឡើងដោយមូលហេតុ ជនល្មើស ចោទប្រកាន់ថា ជនរងគ្រោះធ្វើអំពើអាបធ្មប់មកលើខ្លួន ។

ពេលកើតហេតុនោះ ប្រពន្ធជនរងគ្រោះ ឈ្មោះ សន សុត អាយុ ៥៦ឆ្នាំ បានឃើញផ្ទាល់ភ្នែក ក៏បានស្រែកឆោឡោ ជនសង្ស័យក៏បានរត់គេចទៅព្រៃខាងក្រោយផ្ទះ ហើយត្រូវបានក្រុមគ្រួសារជនរងគ្រោះ នាំគ្នាព័ទ្ធចាប់បាន ទុកប្រគល់ឲ្យនគរបាលប៉ុស្តិ៍ឃុំត្រែងត្រយឹង។

ជនសង្ស័យ ត្រូវបានចាប់បញ្ជូនខ្លួន ទៅកាន់អធិការរដ្ឋាននគបាលស្រុកភ្នំស្រួច ដើម្បីចាត់ការតាមនីតិវិធី៕ប្រភពFB

រថភ្លើងបុកម៉ូតូកង់បីឥណ្ឌា អូសជិត២០ម៉ែត្របណ្តាលឲ្យបុរសជាភ្ញៀវម្នាក់បាក់….(ចុចអានបន្ត)

ភ្នំពេញ៖ ហេតុការណ៍នេះបានកើើតឡើងកាលពីយប់ថ្ងៃទី១៤ ខែកញ្ញា ឆ្នាំ២០១៨ ត្រង់ចំណុចច្រកចូលវត្តនាគវ័ន្ត តាមបណ្ដោយ១៣២ កែងនិងផ្លូវរថភ្លើង ស្ថិតក្នុងសង្កាត់បឹងកក់ទី២ ខណ្ឌទួលគោក។

នៅមុនពេលគេឃើញបុរសម្នាក់បើកបរម៉ូតូកង់បីមួយគ្រឿងម៉ាកបាចា ពណ៌ស ពាក់ស្លាកលេខ ស្វាយរៀង 1M-4107 និងបុរសជាភ្ញៀវបួននាក់ទៀតរួមដំណើរពីក្រោយ។ ដោយធ្វើដំណើរតាមបណ្ដោយផ្លូវ១៣២ ក្នុងទិសដៅពីជើងទៅត្បូង។

លុះមកដល់ចំណុចកើតហេតុ ក៏បានបើកឆ្លងកាត់ផ្លូវរថភ្លើង ខណ:ពេលនោះស្រាប់តែមានរថភ្លើងដឹកអ្នកដំណើររបស់ស្ថានីយ៍រថភ្លើង ភ្នំពេញមួយខ្សែ ដោយបើកចេញពីអាកាសយានដ្ឋានអន្តរជាតិពោធិ៍ចិនតុង ឆ្ពោះចូលទៅស្ថានីយន៍រថភ្លើងភ្នំពេញ ក្នុងទិសដៅពីលិចទៅកើត

រួចក៏ជ្រុលទៅបុកម៉ូតូកង់បីឥណ្ឌាខាងលើពាក់កណ្តាលពេញទំហឹង បណ្តាលឲ្យម៉ូតូកង់បីឥណ្ឌាកៀបជាប់រថភ្លើងអូសជិត២០ម៉ែត្រ រងការខូចខាតយ៉ាងដំណំ និងបណ្តាលឲ្យបុរសជា ភ្ញៀវម្នាក់រងរបួសបាក់ជើងខាងស្តាំ ត្រូវបានមិត្តភក្តិដឹកយក ទៅសង្គ្រោះនៅឯមន្ទីរពេទ្យភ្លាមៗតែម្តង ៕

ប្រភព៖ FB