អតីតថៅកែសណ្ឋាគារ ឆាយ ហុង ដែលបើកម៉ូតូទឹកធ្លាក់លិចបាត់នោះ ឥឡូវរកសាកសពឃើញហើយ

ភ្នំពេញ៖ ករណីបុរសម្នាក់ជិះម៉ូតូទឹកហើយបានធ្លាក់ទឹកបាត់ខ្លួន តាំងពីល្ងាចអាទិត្យ ថ្ងៃទី២៦ ខែសីហា ឆ្នាំ២០១៨នៅចំណុច ដងទន្លេមេគង្គ ក្នុងភូមិល្វា
សង្កាត់កោះដាច់ ខណ្ឌជ្រោយចង្វារ រហូតមកដល់វេលាម៉ោង៦ព្រឹក ថ្ងៃទី៣០ ខែសីហា ឆ្នាំ២០១៨នេះទើបប្រទះឃើញ។

សាកសពត្រូវបានសាច់ញាតិយកមកតម្កល់ទុកនៅវត្តបាក់ខែង ខណ្ឌជ្រោយចង្វារ រាជធានីភ្នំពេញ ធ្វើបុណ្យតាមប្រពៃណី។

ជនរងគ្រោះដែលធ្លាក់ទឹកបាត់ខ្លួននោះឈ្មោះ ហុក ប៊ុន ហ៊ុយ ហៅតាហ៊ុយ ភេទប្រុសអាយុ ប្រមាណជាង៤០ឆ្នាំ ជាអតីតថៅកែសណ្ឋាគារឆាយហុង និងបច្ចុប្បន្ន ជាថៅកែហាងគុយទាវមួយកន្លែង នៅក្នុងភូមិព្រែកលៀប សង្កាត់ព្រែកលៀប ខណ្ឌជ្រោយចង្វារ ។

គួររំលឹកផងដែរថាកាលពីល្ងាចថ្ងៃអាទិត្យអតីតថៅកែសណ្ឋាគាររូបនោះបានបើកម៉ូតូទឹកខ្លះហៅថា អូប៊័រដែលទើបតែទិញក្នុងតម្លៃជិត២ម៉ឺនដុល្លារ លំហែរកាយតាមដងទន្លេ ។

មិនដឹងជាមូលហេតុអ្វីនោះទេនៅពេលបើកបរក៏បានធ្លាក់ទឹកលិចបាត់ហើយម៉ូតូទឹកក៏បានអណ្តែតតាមទឹកចូលខាងហើយនគរបាលក៏បានរក្សាទុក ៕

(មានវិដេអូ)

https://www.facebook.com/plugins/video.php?href=https%3A%2F%2Fwww.facebook.com%2FSamnangburry%2Fvideos%2F1353790371424196%2F&show_text=0&width=267

ប្រភព៖ Sam Nang

ចោរម្នាក់ជិះម៉ូតូSmash កញ្ចាស់មួយគ្រឿង ទៅឆក់ទូរស័ព្ទIphoneពីយុវតីម្នាក់ បានសំរេច ពេលជិះគេច មូលហ្គែរ ហុយតែផ្សែងមិនលឿនទៅមុខ ត្រូវប្រជាពលរដ្ឋស្ទាក់ចាប់បាន នាំគ្នាព្រួតវាយ រួចប្រគល់អោយសមត្ថកិច្ច

ភ្នំពេញ៖ ជនសង្ស័យម្នាក់ បានធ្វើសកម្មភាពឆក់ទូរស័ព្ទ Iphone ពីនារីម្នាក់ ខណៈកំពុងជិះម៉ូតូតាមផ្លូវ តែមិនបានសម្រេច ត្រូវនារីរងគ្រោះស្រែក រួចជិះគេចខ្លួនរហូតដល់ម្ដុំសាលាកូលាប ត្រូវបានប្រជាពលរដ្ឋសហការជាមួយសមត្ថកិច្ចដេញតាមឃាត់បាន រួចវាយខ្នោះនាំខ្លួនមកសាកសួរនៅអធិការដ្ឋាននរបាលខណ្ឌដូនពេញភ្លាមៗតែម្ដង។

ករណីឆក់ទូរស័ព្ទនេះ បានកើតឡើងកាលបីវេលាម៉ោង៩ និង៣០នាទីយប់ថ្ងៃពុធ ទី២៩ ខែសីហា ឆ្នាំ២០១៨ នៅចំណុចម្ដុំកន្លែងលក់ស៊ុប ជិតផ្សាររាត្រី ហើយត្រូវឃាត់បាននៅជាប់របងសាលាកូលាប គល់ស្ពានជ្រោយចង្វារ សង្កាត់ស្រះចក ខណ្ឌដូនពេញ រាជធានីភ្នំពេញ។

ជនសង្ស័យឈ្មោះ រិទ្ធី អាយុ១៨ឆ្នាំ ស្នាក់នៅម្ដុំគៀនស្វាយ ខេត្តកណ្តាល ជិះម៉ូតូ Smash ស៊េរីចាស់ បានធ្វើសកម្មភាពឆក់ទូរស័ព្ទ Iphone 6Plus ពីនារីរងគ្រោះមិនស្គាល់ឈ្មោះជិះម៉ូតូ Icon ពណ៌បៃតងលាយស (មិនចាំស្លាកលេខ) មានទីលំនៅក្នុងរាជធានីភ្នំពេញ៕

ប្រភព៖ FB

ជនជាតិអាមេរិកកាំងម្នាក់ រំលោភកុមារជាច្រើននាក់ រួចរត់មកលាក់ខ្លួននៅខេត្តព្រះសីហនុ ត្រូវប៉ូលីសចាប់ខ្លួន

ព្រះសីហនុ ៖ កាលពីយប់ថ្ងៃទី២៩ ខែសីហា ឆ្នាំ២០១៨ ប៉ូលិសអន្តោប្រវេសន៍បានចាប់ខ្លួនជនជាតិអាមេរិកកាំង ដែលបានរំលោភផ្លូវលើកុមារជាច្រើននៅសហរដ្ឋអាមេរិករួចរត់មកពួនសម្ងំលាក់ខ្លួននៅខេត្តព្រះសីហនុ។

ជនជាតិអាមេរិកដែលចាប់ខ្លួននោះមានឈ្មោះ (William David BRENNER) ការចាប់ខ្លួននេះ គឺបន្ទាប់ពីមានការស្នើសុំរបស់ការិយាល័យសន្តិសុខភូមិភាគ (RSO) របស់ស្ថានទូតសហរដ្ឋអាមេរិកប្រចាំកម្ពុជា រួចបញ្ជូនមកភ្នំពេញ។

យោងតាមលិខិតរបស់ការិយាល័យសន្តិសុខភូមិភាគ (RSO) របស់ស្ថានទូតសហរដ្ឋអាមេរិកប្រចាំកម្ពុជា ផ្ញើជូនសម្តេច ស ខេង កាលពីថ្ងៃទី២៣ ខែសីហា បានឲ្យដឹងថា ការិយាល័យសន្តិសុខភូមិភាគ បានទទួលព័ត៌មានថា ពលរដ្ឋអាមេរិកាំងឈ្មោះ William David BRENNER មានដីកាចាប់ខ្លួនដែលមានសុពលភាព ពាក់ព័ន្ធបទរំលោភបំពានផ្លូវភេទជាបន្តបន្ទាប់ទៅលើកុមារ។

ក្រសួងការបរទេសសហរដ្ឋអាមេរិក បានលុបចោលសុពលភាពលិខិតឆ្លងដែនរបស់ជនល្មើស។ ហើយជនល្មើសកំពុងតែរស់នៅក្រុងព្រះសីហនុ ខេត្តព្រះសីហនុ។ ដោយសារជនល្មើស គ្មានឯកសារធ្វើដំណើរដែលមានសុពលភាព វាស្តែងឲ្យឃើញថា ឈ្មោះ William David BRENNER កំពុងតែរំលោភទៅលើច្បាប់អន្តោប្រវេសន៍របស់ប្រទេសកម្ពុជា។

ការិយាល័យសន្តិសុខភូមិភាគស្នើសុំឲ្យអគ្គនាយកដ្ឋានអន្តោប្រវេសន៍ជួយស្វែងរក និងឃាត់ខ្លួនជនល្មើស ដោយផ្អែកលើច្បាប់របស់ប្រទេសកម្ពុជា។ ប្រសិនបើជនល្មើសបង្ហាញមុខនៅស្ថានទូត ការិយាល័យសន្តិសុខភូមិភាគនឹងជូនដំណឹងទៅអគ្គនាយកដ្ឋានអន្តោប្រវេសន៍អំពីវត្តមានជនល្មើសឈ្មោះ William David BRENNER។

ការិយាល័យសន្តិសុខភូមិភាគ បាននឹងកំពុងធ្វើការជាមួយនឹងស្ថាប័នពាក់ព័ន្ធរបស់សហរដ្ឋអាមេរិក ដើម្បីបញ្ជូនខ្លួនជនល្មើសត្រឡប់ទៅសហរដ្ឋអាមេរិកវិញ ដើម្បីធ្វើការកាត់ទោស៕

ប្រភព៖ FB

ប្រពន្ធអូនលំបាកហើយ.! នគរបាលស្រុកចំការលើ ចុះបង្ក្រាបទីតាំងលួចលេងល្បែងសុីសងខុសច្បាប់ចំនួន១១នាក់

កំពង់ចាម៖ នៅថ្ងៃទី២៨ សីហា ២០១៨ វេលាម៉ោង១៥ និង០០នាទី បន្ទាប់ពីទទួលបានពត៌មានពីប្រជាពលរដ្ឋ ឧត្ដមសេនីយ៍ទោ ឯម កុសល ស្នងការនគរបាលខេត្តកំពង់ចាម បានបញ្ជាដល់កំលាំងជំនាញផែនការងារនគរបាលព្រហ្មទណ្ឌ ដឹកនាំដោយលោក វរសេនីយ៍ឯក ថាញ់ សុខវុន នាយការិយា ល័យនគរបាលព្រហ្មទណ្ឌកំរិតស្រាល សហការជាមួយកំលាំងរបស់អធិការដ្ឋាននគរបាលស្រុកចំការលើ ចុះបង្ក្រាបទីតាំងលួចលេងល្បែងសុីសងខុសច្បាប់( ចាក់ បៀប៉ក់ ក្ដាមឃ្លោក ដាក់លុយ និងកត់កន្ទុយឆ្នោតវៀតណាម) នៅចំណុចភូមិតាប៉ាងថ្មី ឃុំតាប្រុក ស្រុកចំការលើ ខេត្តកំពង់ចាម ។

១-ឈ្មោះ សូស វ៉ាន់ ភេទស្រី អាយុ៤៦ឆ្នាំ ជាតិខ្មែរ ជាម្ចាស់ផ្ទះ បើកឲ្យលេងយកតុង នៅភូមិតាប៉ាងថ្មី ឃុំតាប្រុក ស្រុកចំការលើខេត្តកំពង់ចាម ។
២-ឈ្មោះ ខាន់ សុភាព ភេទស្រី អាយុ៤៩ឆ្នាំ ជាតិខ្មែរ ជាអ្នកបោះបៀរ នឹងលក់ឆ្នោត នៅភូមិតាប៉ាង ឃុំតាប្រុកស្រុកចំការលើ ខេត្តកំពង់ចាម ។
៣-ឈ្មោះ ឈុន ស្រីនីត ភេទស្រីអាយុ៣៥ឆ្នាំ ជាតិខ្មែរ ជាអ្នកលេងល្បែង ។
៤-ឈ្មោះ កក់ សុភាព ភេទស្រី អាយុ៤៨ឆ្នាំ ជាតិខ្មែរ ជាអ្នកលេងល្បែង ។
៥-ឈ្មោះ ហ៊ុត រី ភេទស្រី អាយុ៤៧ឆ្នាំជាតិខ្មែរ ជាអ្នកលេងល្បែង ។
៦-ឈ្មោះ ង៉ែត ថេន ភេទស្រី អាយុ៣៥ឆ្នាំ ជាតិខ្មែរ ជាអ្នកអង្គុយមើល
៧-ឈ្មោះ សំ ភីម ភេទស្រី អាយុ៥៥ឆ្នាំ ជាតិខ្មែរ ជាអ្នកលេងល្បែង ។

៨-ឈ្មោះ ស៊យ សុភា ភេទប្រុសអាយុ៣៥ឆ្នាំ ជាតិខ្មែរ ជាអ្នកលេងល្បែង ។
៩-ឈ្មោះ អន ភាព ភេទស្រី អាយុ៣៧ឆ្នាំ ជាតិខ្មែរ ជាអ្នកអង្គុយមើល
១០-ឈ្មោះ កប់ សុភី ភេទស្រី អាយុ៣២ឆ្នាំ ជាតិខ្មែរ ជាអ្នកលេងល្បែង
១១-ឈ្មោះ លី សុីហេង ភេទស្រីអាយុ៣៤ឆ្នាំ ជាតិខ្មែរ ជានាក់អង្គុយមើល ។

និងដកហូតវត្ថុតាងរួមមាន ៖ម៉ូតូ ចំនួន០២គ្រឿងហាន់តោ ក្ដាមឃ្លូោក ០១សៀវភៅកត់លេខឆ្នោត ០១ក្បាលបៀរ ចំនួន០២ហ៊ូប្រាក់ចំនួន២២៨៥០០រៀល ។

បច្ចុប្បន្នជនសង្ស័យ និងវត្ថុតាងខាងលើ ត្រូវបាននាំមកកាន់ស្នងការដ្ឋាននគរបាលខេត្តកំពង់ចាម ដើម្បីសាកសួរ និងចងក្រងសំណុំរឿងតាមនិតិវិធី៕

ប្រភព៖ FB

កិច្ចប្រជុំពិភាក្សាការរៀបចំយន្តការសម្រាប់ការផ្ដល់សេវារដ្ឋបាល នៃវិស័យរៀបចំដែនដីនគរូបនីយកម្មសំណង់ និងសុរិយោដី តាមរយៈអង្គភាពច្រកចេញ-ចូលតែមួយរបស់រដ្ឋបាលខេត្ត

(ព្រះសីហនុ )-នារសៀលថ្ងៃអង្គារ ២រោច ខែស្រាពណ៍ ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី២៨ ខែសីហា ឆ្នាំ២០១៨ ឯកឧត្តម យន្ត មីន អភិបាលនៃគណៈអភិបាលខេត្តព្រះសីហនុ បានអញ្ជើញបើកកិច្ចប្រជុំពិភាក្សាការរៀបចំយន្តការសម្រាប់ការផ្ដល់សេវារដ្ឋបាល នៃវិស័យរៀបចំដែនដីនគរូបនីយកម្ម សំណង់ និងសុរិយោដី តាមរយៈអង្គភាពច្រកចេញ-ចូលតែមួយរបស់រដ្ឋបាលខេត្តព្រះសីហនុ ដោយមានចូលរួមពីមន្ទីរ ការិយាល័យដែនដីនគរូបនីយកម្ម សំណង់ និងសុរិយោដីខេត្ត ក្រុង ស្រុក អភិបាល អភិបាលរងក្រុង ស្រុក និងចៅសង្កាត់ទាំង២៩ ក្នុងខេត្តព្រះសីហនុ ។

របៀបវារៈនៃកិច្ចប្រជុំមាន៨ ទី១-ការចុះបញ្ជីបំពេញបន្ថែម ឬដាច់ដោយដុំ ទី២-ទុតិយតា និងតកិយតា, ទី៣-បង្រួមក្បាលដី , ទី៤-ការប្ដូរប្រភេទដី, ទី៥-ឯកសារស្នើសុំលិខិតអនុញ្ញាតសាងសង់កម្រិតក្រោម ៣.០០០ម៉ែត្រក្រឡា , ទី៦-ឯកសារស្នើសុំលិខិតបើកការដ្ឋាន (សមត្ថកិច្ចរាជធានី ខេត្ត) , ទី៧-ឯកសារស្នើសុំលិខិតបិទការដ្ឋាន (សមត្ថកិច្ចរាជធានី ខេត្ត) និងទី៨ -ឯកសារស្នើសុំលិខិតអនុញ្ញាតជួសជុល (សមត្ថកិច្ចរាជធានី ខេត្ត) ។

ឯកឧត្តម យន្ត មីន អភិបាលខេត្តព្រះសីហនុ មានប្រសាសន៍ថា ដើម្បីឱ្យដំណើរការអង្គភាពច្រកចេញ-ចូលតែមួយរបស់សាលាខេត្តព្រះសីហនុ បានប្រព្រឹត្តទៅដោយរលូន ដើម្បីជួយសម្រួលសេវាសាធារណ:ជូនប្រជាពលរដ្ឋប្រកបដោយគុណភាព តម្លាភាព និងភាពជឿជាក់ បានសម្រេចប្រគល់ការងារបញ្ជូនឯកសារនៅអង្គភាពច្រកចេញ-ចូលតែមួយរបស់សាលាខេត្ត ទៅការិយាល័យភូមិបាលក្រុង ស្រុក ដើម្បីកសាងឯកសារពីថ្នាក់ភូមិ ឃុំ សង្កាត់ប្រកបដោយតម្លាភាពបម្រើសេវាជូនប្រជាពលរដ្ឋ ចូលរូមកាត់បន្ថយពេលវេលា និងថវិកា ។

ឯកឧត្តមក៏បានសំណូមពរឱ្យអាជ្ញាធរភូមិ ឃុំ សង្កាត់ ក្រុង ស្រុក ខិតខំបំពេញការងារបម្រើប្រជាពលរដ្ឋឱ្យបានទ្វេដង ព្រោះមន្ត្រីភូមិ ឃុំ សង្កាត់ ជាមន្ត្រីស្នូលនៅតាមមូលដ្ឋាន ធ្វើការបែងចែកការងារចុះនៅជិតនឹងប្រជាពលរដ្ឋ ផ្ដល់សេវាជូនប្រជាពលរដ្ឋដោយប្រើយន្តការកែប្រែឥរិយាបថ ធ្វើការងារបម្រើសេវាសាធារណៈជូនប្រជាពលរដ្ឋ ឱ្យស្របតាមសភាពការណ៍ នៃការអភិវឌ្ឍរបស់ខេត្តព្រះសីហនុ ។ ការដឹកនាំរបស់រដ្ឋបាលមូលដ្ឋានត្រូវអនុវត្តន៍តាមច្បាប់ជាគោល ការពារផលប្រយោជន៍រួម ភាពទន់ភ្លន់នាំឱ្យប៉ះពាល់ដល់ការងារក្នុងមូលដ្ឋាន ។ អាជ្ញាធរមូលដ្ឋានមានតួនាទីការពារទ្រព្យសម្បត្តិជាតិមានដូចជាព្រៃឈើ អូរ បឹងបួរ ប្រឡាយ ឆ្នេរសមុទ្រ និងទ្រព្យសម្បត្តិសាធារណៈ ដើម្បីឆ្លើយតបទៅនឹងសេចក្ដីត្រូវការក្នុងការពង្រឹងធានាសន្តិសុខ សុវត្ថិភាពប្រជាពលរដ្ឋ ស្របតាមគោលនយោបាយភូមិ ឃុំមានសុវត្ថិភាព ៩ចំណុច របស់រាជរដ្ឋាភិបាលកម្ពុជា ៕

ឆេះអាគារពិភពកំសាន្តជីងសុីងផ្អេីលទាំងកណ្តាលថ្ងៃត្រង់

(ព្រះសុីហនុ)អាគារពិភពកំសាន្តជីងសុីងមួយកន្លែងនៅខេត្តព្រះសុីហនុត្រូវអគ្គិភ័យឆាប់ឆេះផ្អេីលដល់សមត្ថកិច្ចចេញមកធ្វេីការពន្លត់

សមត្ថកិច្ច បានប្រើរថយន្តទឹក អន្តរាគមន៍ជួយពន្លត់អគ្គីភយ័ដែលឆេះនៅក្នុងអាគារពិភពកំសាន្តជីងសុីង ដែលមានម្ចាស់ជាជនជាតិចិន ស្ថិតនៅតាមផ្លូវឯករាជ្យក្នុងសង្កាត់លេខ៤ ជិតរង្វង់មូលតោ២ វេលាម៉ោងជិត១រសៀលថ្ងៃ២៩សីហា២០១៨នេះ។

ភ្លាមៗគេនៅមិនទាន់ដឹងពីមូលហេតុជាក់លាក់នៅឡើយ ប៉ុន្តែបើយោងតាមរបាយការណ៍បឋមពីសមត្ថកិច្ចបានសន្និដ្ឋានថា អគ្គីភយ័នេះទំនងជាកើតឡើងដោយសារឆ្លងប្រពន្ធ័ភ្លើងពីម៉ាសុីនត្រជាក់ និងថាស្ថានភាពនេះអាចគ្រប់គ្រងបាន មិនរាលដាលធ្ងន់ធ្ងរឬប៉ះពាល់ដល់មនុស្សរងគ្រោះថ្នាក់អ្វីឡើយ៕

មន្ទីររៀបចំដែនដី នគរូបនីយកម្ម សំណង់ និងសុរិយោដី ចុះប្រគល់វិញ្ញបនបត្រសម្គាល់ម្ចាស់អចលនវត្ថុ ជូនប្រជាពលរដ្ឋចំនួន៧០ប័ណ្ណ នៅខេត្តព្រះសីហនុ

នាព្រឹកថ្ងៃពុធ ៣រោច ខែស្រាពណ៌ ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី ២៩ ខែសីហា ឆ្នាំ ២០១៨ មន្ទីររៀបចំដែនដី នគរូបនីយកម្ម សំណង់ និងសុរិយោដី និងអាជ្ញាធរដែនដី ភូមិ ឃុំ ស្រុក បានប្រគល់វិញ្ញបនបត្រសម្គាល់ម្ចាស់អចលនវត្ថុ បងជូនប្រជាពលរដ្ឋ៧០គ្រួសារ រស់នៅភូមគិរីវ័ន្ត ឃុំស្ទឹងឆាយ ស្រុកកំពង់សីលា ខេត្តព្រះសីហនុ ដើម្បី ផ្តល់ភាពងាយស្រួលដល់ប្រជាពលរដ្ឋ ក្នុងការយកប័ណ្ណកម្មសិទ្ធិនេះទៅប្រើប្រាស់ តាមតម្រូវការក្នុងជីវភាពរស់នៅប្រចាំថ្ងៃ។

ក្នុងពិធីប្រគល់វិញ្ញបនបត្រសម្គាល់ម្ចាស់អចលនវត្ថុ ជូនប្រជាពលរដ្ឋ ភូមគិរីវ័ន្ត ឃុំស្ទឹងឆាយ ស្រុកកំពង់សីលា ខេត្តព្រះសីហនុលោក សោម សុមនោ អនុប្រធានមន្ទីរៀបចំដែនដី នគរូបនីយកម្ម សំណង់ និងសុរិយោដីខេត្ត បានមានប្រសាសន៍ថា មន្ទីររៀបចំដែនដី នគរូបនីយកម្ម សំណង់ និងសុរិយោដី បានប្រគល់ប័ណ្ណកម្មសិទ្ធិ និងវិញ្ញបនបត្រសម្គាល់ម្ចាស់អចលនវត្ថុជាច្រើនប័ណ្ណរួចហើយ ជូនប្រជាពលរដ្ឋនៅតាមបណ្តាភូមិឃុំស្រុកមួយចំនួន ហើយនឹងកំពុងធ្វើបន្តរហូត ។

លោកបានបញ្ជាក់ថា ប័ណ្ណកម្មសិទ្ធិ ឫវិញ្ញបនបត្រសម្គាល់ម្ចាស់អចលនវត្ថុមួយសន្លឹកប្រគល់ជូនបងប្អូននាពេលនេះ គឺមានតម្លៃណាស់សម្រាប់បងប្អូនយកទៅប្រើប្រាស់តាមតម្រូវការប្រចាំថ្ងៃ។ ដូចនេះ សូមបងប្អូនត្រូវចេះថែរក្សា ការពារប័ណ្ណដ៍មានតម្លៃនេះឲ្យបានល្អ និងមានសុវត្ថិភាព។ លោកក៍បានបញ្ជាក់បន្ថែមថា ការផ្តល់ប័ណ្ណឫវិញ្ញាបនបត្រសម្គាល់ម្ចាស់អចលនវត្ថុនេះ គឺស្ថិតក្នុងយុទ្ធសាស្រ្តចតុកោណរបស់រាជរដ្ឋាភិបាល លើវិស័យដីធ្លី គឺធ្វើយ៉ាងឲ្យប្រជាពលរដ្ឋគ្រប់ៗគ្នាទទួលបាននូវប័ណ្ណកម្មសិទ្ធដីធ្លី ។

លោកអនុប្រធានមន្ទីរ រៀបចំដែនដី នគរូបនីយកម្មសំណង់ និងសូយោដី ខេត្តព្រះសីហនុ បានឲ្យដឹងទៀតថា ការចុះបញ្ជីដីធ្លីមានលក្ខណៈជាប្រព័ន្ឋ គឺជាវិធីសាស្រ្តមួយ ដែលធ្វើការចុះបញ្ជី ដីធ្លីបានយ៉ាងច្បាស់ មានប្រសិទ្ឋិភាព មានតម្លាភាព និងធានាបាននូវភាពកក់ក្តៅជូនប្រជាពលរដ្ឋ ដើម្បីកាន់កាប់ដីធ្លី និងធានាសុវត្ថិភាពដីធ្លី។ លោកបន្តថា ការគ្រប់គ្រងដីធ្លីបានល្អ គឺជាមូលដ្ឋានឲ្យរដ្ឋគិតគូរប្រមូលចំណូលចូលថវិកាជាតិបានកាន់តែប្រសើរឡើង។ ម្យ៉ាងទៀត គឺជាការរួមចំណែកយ៉ាងពិតប្រាកដ ក្នុងការអនុវត្តនយោបាយរបស់រាជរដ្ឋាភិបាល ក្នុងការកាត់បន្ថយភាពក្រីក្រ ការអភិវឌ្ឍសង្គមប្រកបដោយចីរភាព។ លោកថា គ្រប់សកម្មភាព មុននឹងចេញប័ណ្ណកម្មសិទ្ធសម្គាល់អចលនវត្ថុ ជូនប្រជាពលរដ្ឋ គឺក្រុមមន្រ្តីជំនាញសុយោដីបានចុះ វាស់វែងក្បាលដីជាច្រើនខែមកហើយ រហូតមកដល់ថ្ងៃនេះ គឺបានប្រគល់ទទួលជាផ្លូវការតែម្តង។

សូមបញ្ជាក់ថា តាំងពីឆ្នាំ២០១២ ប្រជាពលរដ្ឋ មិនទាន់បានទទួលប័ណ្ណកាន់កាប់អចលនវត្ថុ ឫវិញ្ញបនបត្រសម្គាល់ម្ចាស់អចលនវត្ថុ ដែលបានចុះវាស់វែងក្នុងយុទ្ធនាការបទបញ្ជា ០១ របស់សម្តេចតេជោ ហើយកន្លងមកមិនបានចែកប័ណ្ណជូនពួកគាត់ អស់ពេល៦ឆ្នាំ ហើយឥឡូវលោកប្រធានមន្ទីរបានរៀបចំ និងយកប័ណ្ណទាំងអស់ចែកជូនពួកគាត់ ពីព្រោះពួកគាត់ទន្ទឹងរង់ចាំ ៦ឆ្នាំហើយ ៕ ដោយ វុន សុខជា

កម្លាំងជំនាញរបស់ការិយាល័យបានស្រាវជ្រាវឃាត់ខ្លួនជនសង្ស័យចំនួន ០៣ នាក់ នៅចំណុចផ្ទះសំណាក់លេខ៦៩ ផ្លូវឧកញ៉ាម៉ុងរិទ្ធី សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ ដែលពាក់ពន្ធ័ប្រព្រឹត្តបទល្មើស អំពើលួចមានស្ថានទម្ងន់ទោស(ឆក់ទ្រព្យសម្បត្តិ)

ការិយាល័យនគរបាលព្រហ្មទណ្ឌកំរិតស្រាលរាជធានីភ្នំពេញ កាលពីថ្ងៃទី ២៤ ខែ សីហា ឆ្នាំ២០១៨ វេលាម៉ោង ១៧ និង ៣០ នាទី កម្លាំងជំនាញរបស់ការិយាល័យបានស្រាវជ្រាវឃាត់ខ្លួនជនសង្ស័យចំនួន ០៣ នាក់ នៅចំណុចផ្ទះសំណាក់លេខ៦៩ ផ្លូវឧកញ៉ាម៉ុងរិទ្ធី សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ ។

ដែលពាក់ពន្ធ័ប្រព្រឹត្តបទល្មើស អំពើលួចមានស្ថានទម្ងន់ទោស(ឆក់ទ្រព្យសម្បត្តិ) ចំនួន ០២ ករណីនិងចាប់យកវត្ថុតាងជាមធ្យោបាយជិះធ្វើសកម្មភាព បញ្ជូនមកកាន់ការិយាល័យ មាន ៖

ករណីទី១ អំពើ លួចមានស្ថានទម្ងន់ទោស ( ឆក់កាបូប យួរដៃ ពណ៌ប្រផេះ ) ប្រព្រឹត្តនៅចំណុច មុខផ្ទះលេខ៧ ផ្លូវសុធារស ភូមិទី៣ សង្កាត់ទន្លេបាសាក់ ខណ្ឌចំការមន រាជធានីភ្នំពេញ កាលពីថ្ងៃទី ១៣ ខែ មេសា ឆ្នាំ ២០១៨ វេលាម៉ោង ១៦ និង ៤៥ នាទី ។

ជនរងគ្រោះមាន ឈ្មោះ CHAO ZHANG ភេទ ប្រុស អាយុ ៣២ ឆ្នាំ ជនជាតិ ចិន កាន់លិខិតឆ្លងដែនលេខ E ២៤០៣៩០៥៨ ចុះថ្ងៃទី ២៦ ខែ កក្កដា ឆ្នាំ ២០១៣មុខរបរ ទេសចរណ៍ ស្នាក់នៅសណ្ឋាគារ AQUARIUS ផ្លូវលេខ២៤០ សង្កាត់ចតុមុខ ខណ្ឌដូនពេញ ។

សម្ភារៈបាត់បង់មាន៖ កាបូបយួរដៃ ពណ៌ ប្រផេះ ចំនួន ០១ លិខិតឆ្លងដែនលេខ E២៤០៣៩០៥៨ ចំនួន ០១ អត្តសញ្ញាណបណ្ណ័សញ្ជាតិចិនលេខ ៣៣០៦៨២១៩៨៦១០០៣០០៥៦ ចំនួន ០១ ប្រាក់ហុងកុង ចំនួន ៣៦,០០០ ប្រាកចិនចំនួន ១០,០០០ប្រាក់តៃវ៉ាន់ ចំនួន ៤,០០០កាតATM ចំនួន ១៥ប្រាក់ដុល្លារអាមេរិក មួយចំនួនទូរសព្ទ័ដៃម៉ាក IPhoneX ពណ៌ ខ្មៅ ចំនួន ០១

ករណីទី២ អំពើ លួចមានស្ថានទម្ងន់ទោស ( ឆក់វាលីដាក់សំលៀកបំពាក់ ពណ៌ស្ករ មិនបានសម្រេច ) ប្រព្រឹត្តនៅចំណុច មុខយានដ្ឋានហេងវណ្ណៈ ផ្លូវលេខ ២៧៣ សង្កាត់ ទួលសង្កែ១ ខណ្ឌ ឫស្សីកែវ រាជធានីភ្នំពេញ កាលពីថ្ងៃទី ២២ ខែ សីហា ឆ្នាំ ២០១៨ វេលាម៉ោង ២២ និង ៣០ នាទី ។

ជនសង្ស័យ ឃាត់ខ្លួនបាន
១-ឈ្មោះ តឺយ ពៅ ភេទ ប្រុស អាយុ ២៨ ឆ្នាំ ជនជាតិ ខ្មែរ ទីលំនៅបច្ចុប្បន្នផ្ទះលេខ ៣៧២ ផ្លូវ ម៉ុងរិទ្ធី សង្កាត់ ភ្នំពេញថ្មី ខណ្ឌ សែនសុខ រាជធានីភ្នំពេញ មុខរបរ មិនពិតប្រាកដ តាមដីកាបង្គាប់ឲ្យចាប់ខ្លួនលេខ ៤០០ដ.ច.ន ចុះថ្ងៃទី ១៣ ខែ មិថុនា ឆ្នាំ ២០១៨ ចេញដោយលោក ថាន់ ឡេង ចៅក្រមស៊ើបសួរសាលាដំបូងរាជធានីភ្នំពេញ ។

២-ឈ្មោះ ហេង កុសល ហៅ តឿ ភេទ ប្រុស អាយុ ២៦ ឆ្នាំ ជនជាតិ ខ្មែរ មុខរបរ ជាងជួសជុលទូរស័ព្ទ ស្នាក់នៅផ្ទះលេខ ២៤ ផ្លូវលេខ ២៨៩ សង្កាត់ បឹងកក់ទី២ ខណ្ឌ ទួលគោក រាជធានីភ្នំពេញ ។

៣-ឈ្មោះ ទៀវ បញ្ញា ហៅ បញ្ញា ភេទ ប្រុស អាយុ ២០ ឆ្នាំ មុខរបរ ជាងបាញ់ថ្នាំរថយន្ត ស្នាក់នៅផ្ទះលេខ មិនចាំ ផ្លូវលេខ ៥៩៨ សង្កាត់ ភ្នំពេញថ្មី ខណ្ឌ សែនសុខ

វត្ថុតាងជាមមធ្យោបាយជិះធ្វើសកម្មភាពដែលចាប់យកបាន ៖ ម៉ូតូម៉ាក ហុងដា សេ ១២៥ ពណ៌ ខ្មៅ ឆ្នាំផលិត ២០១៨ លេខតួ-លេខម៉ាស៊ីន ៥៣០៨០៣០ ពាក់ស្លាកលេខ ភ្នំពេញ ១GZ ២៥០៦ ចាប់យកពីជនសង្ស័យឈ្មោះ ទៀវ បញ្ញា ហៅ ច្រមុះ សម្ភារៈដែលចាប់យកបាន ម៉ូតូម៉ាក ហុងដា សេ ១២៥ ពណ៌ ខ្មៅ ឆ្នាំផលិត ២០១៨ លេខតួ-លេខម៉ាស៊ីន ៥២៨១៤៧៨ ពាក់ស្លាកលេខ ភ្នំពេញ ១HB ២៥២៨ ទូរសព្ទ័ដៃ ចំនួន ០២ គ្រឿង ម៉ាក អាយហ្វូន ៥S ពណ៌ ទឹកមាស មួយគ្រឿង និងទូរស័ព្ទដៃម៉ាក អាយហ្វូន ៥ ពណ៌ ទឹកប្រាក់ ចាប់យកពីជនសង្ស័យឈ្មោះ ហេង កុសល ហៅ តឿ ។

បច្ចុប្បន្នជនសង្ស័យទាំង០៣នាក់ខាងលើ និងវត្ថុតាង ការិយាល័យបានកសាងសំណុំរឿងបញ្ជូនទៅសាលាដំបូងរាជធានីភ្នំពេញ ចាត់ការតាមនីតិវិធី ៕

(មានវិដេអូ)

https://www.facebook.com/plugins/video.php?href=https%3A%2F%2Fwww.facebook.com%2Fsattya.bon%2Fvideos%2F2164485126956993%2F&show_text=0&width=560

ប្រភព៖ ស្នងការដ្ឋាននគរបាលរាជធានីភ្នំពេញ

រន្ធត់ណាស់.! កំពុងតែនាំគ្នាធ្វើកាសុខៗស្រាប់តែបាក់អន្ទាធ្លាក់ចុះមកក្រោមគួរឲ្យរន្ធត់..(មានវិដេអូ)

បរទេស៖ គ្រោះថ្នាក់វាស្ថិតនៅជុំវិញខ្លួនយើងគ្រប់ពេលវេលា បើយើងពុំមានការប្រុងប្រយ័ត្ននោះទេ វាអាចបង្ករឲ្យយើងមានគ្រោះថ្នាក់ រឺអាចឈានដល់អាយុជីវិតយើងទៀតក៍ថាបាន ។

ជាក់ស្តែណាស់ បើយើងមើលនៅក្នុងវិដេអូនេះយើងឃើញថា មានកម្មករសំណង់មួយក្រុមមានគ្នាពី១០ទៅ២០នាក់ បានកំពុងតែនាំគ្នាធ្វើការយ៉ាងញ៉ាប់ដៃញ៉ាប់ជើង ស្រាប់តែរំពេចនោះក៍បានបាក់អន្ទាធ្លាក់ចុះមកក្រោមគួឲ្យរន្ធត់ខ្លាំងមែនទែន នេះបើយើងមើលនៅក្នុងវិដេអូ ។

យ៉ាងណាមិញ យើងមិនអាចបញ្ជាក់បានទេថា តើមានមនុស្សស្លាប់នឹងរបួសប៉ុន្មាននាក់នោះទេ នៅហេតុការណ៍បាក់អន្ទាដ៍គួរឲ្យរន្ធត់មួយនេះ ៕

(សូមទស្សនាវិដេអូខាងក្រោម)

https://www.facebook.com/plugins/video.php?href=https%3A%2F%2Fwww.facebook.com%2FTheNewsAsia%2Fvideos%2F256951911617254%2F&show_text=0&width=560

ប្រភព៖ FB

ក្រសួងរៀបចំដែនដី នគរូនីយកម្ម សំណង់ បើកកិច្ចប្រជុំផ្សព្វផ្សាយគោលការណ៍ អំពីការពង្រឹងការគ្រប់គ្រងសំណង់ រាជធានី-ខេត្ត

(ភ្នំពេញ) នាព្រឹកថ្ងៃទី ២៨ ខែសីហា ឆ្នាំ ២០១៨ ក្រសួងដែនដី នគរូបនីយកម្ម សំណង់ បានបើកកិច្ចប្រជុំស្តីការ ផ្សព្វផ្សាយគោលការណ៍ណែនាំ របស់ក្រសួងរៀបចំដែនដី នគរូនីយកម្ម សំណង់ អំពីការពង្រឹងការគ្រប់គ្រងសំណង់ នៅសាលាប្រជុំលេខ ១១៣ ជាន់ទី១ នៃទីស្តីការក្រសួង ក្រោមអធិតីភាព របស់ឯកឧត្តម ប៉ែន សុផល រដ្ឋលេខាធិការក្រសួងរៀបចំដែនដី នគរូបនីយកម្ម និងសំណង់ ព្រមទាំងប្រធានមន្ទីររៀបចំដែនដី នគរូបនីយកម្ម សំណង់ និងសុរិយោដី រាជធានីខេត្តទាំងអស់ និងលោកប្រធានមន្ទីរ និងលោក លោកស្រីប្រធានការិយាល័យ ដ.ន.ស.ភ ខណ្ឌទាំង១២។

ឯកឧត្តម ប៉ែន សុផល បានលើកឡើងថា ដើម្បីពង្រឹងប្រសិទ្ធភាពការសាងសង់សំណង់ខុសបច្បាប់ បទល្មើស តាមផ្លូវសាធារណៈ និងឲ្យប្រជាពលរដ្ឋមានទុកចិត្ត និងចូលរួមសហការជាមួយមន្ទីរ ក៏ដូចជាអាជ្ញាធរនៅតាមតំបន់ សុំពលរដ្ឋរាយការណ៍ជូនដល់មន្ត្រីដែនដី នគរូនីយកម្ម សំណង់ និងសុរិយោដី ដើម្បីចុះពិនិត្យ នឹងដោះស្រាយភ្លាម។

ឯកឧត្តម បានជំរុញឲ្រប្រធានមន្ទីរទាំងអស់ ត្រូវយកចិត្តទុកដាក់ ប្រឹងប្រែងដោះស្រាយបញ្ហាជូនប្រជាពលរដ្ឋនៅតាមមូលដ្ឋានបានល្អ ដើម្បីឲ្យពួកគាត់មានទំនុកចិត្តលើរាជរដ្ឋាភិបាល៕