បុរសជាសន្តិសុខក្លឹបហ្គោលឡាញម្នាក់ សមត្ថកិច្ចចាប់ឃាត់ខ្លួន បន្ទាប់ពីរស្រវឹងស្រាជោកជាំ ហើយដើរស្រែកតាមផ្លូវនិងវាយកញ្ចក់កង់បីឥណ្ឌមួយគ្រឿង នៅភ្នំពេញ

ភ្នំពេញ៖ កាលពីថ្ងៃទី២៨ ខែសីហា ឆ្នាំ២០១៨ ត្រង់ចំណុចខាងមុនមន្ទីរពេទ្យសែនសុខ តាមបណ្ដោយផ្លូវ១៩៨៦កែងនិងផ្លូវ១០១១ ស្ថិតក្នុងសង្កាត់ភ្នំពេញថ្មី ខណ្ឌសែនសុខ។

ជនបង្កមានឈ្មោះ ពេជ្រ ប៊ុន្ថា ភេទប្រុសអាយុ៣៣ឆ្នាំ ជាសន្តិសុខយាមក្លឹបហ្គោលឡាញ ស្នាក់នៅបន្ទប់ជួលក្បែរកន្លែងកើតហេតុ។

ចំណែកឯជនរងគ្រោះមានឈ្មោះ វ៉ា រី ភេទប្រុស អាយុ៣៣ឆ្នាំ ជាអ្នកបើកម៉ូតូកង់បី ស្នាក់នៅម្តុំពោធិ៍ចិនតុង ស្ថិតក្នុងសង្កាត់កាកាបទី១ ខណ្ឌពោធិ៍សែនជ័យ។

នៅមុនពេលកើតហេតុគេឃើញជនបង្កខាងលើរួមទាំងបុរស២នាក់ផ្សេងទៀតបានធ្វើដំណើរថ្មើរជើង តាមបណ្ដោយផ្លូវ១៩៨៦ ក្នុងទិសដៅពីកើតទៅលិច និងក្នុងស្ថានភាពស្រវឹង ដោយបណ្តើរជនបង្កខាងលើស្រែករកអ្នកណាខ្លាំងបណ្តើរ។ បើកបរដោយបុរសម្នាក់ ហើយដឹងនារីម្នាក់ពីក្រោយ តាមបណ្តោយផ្លូវ១៩៨៦ ក្នុងទិសដៅពីកើតទៅលិច។ ពេលនោះស្រាប់ជនបង្កខាងលើបានឈប់នៅកណ្តាលផ្លូវ ហើយចង្អុលមុខជនរងគ្រោះស្រែកឲ្យឈប់កង់បី។

មុនពេលកើតហេតុគាត់បានបើកម៉ូតូកង់បីរបស់គាត់ដឹកភ្ញៀវម្នាក់ចេញមកពីខាងមុខក្លឹបហ្គោលឡាញ បំណងដឹកទៅដាក់នៅម្តុំពោធិ៍ចិនតុង។ លុះមកដល់ចំណុចកើតហេតុ ស្រាប់តែជនបង្កខាងលើឈប់នៅកណ្តាលផ្លូវ ហើយស្រែកឲ្យគាត់ឈប់ម៉ូតូកង់បី ហើយដោយគាត់ខ្លាចមានបញ្ហាក៏ព្រមឈប់ម៉ូតូកង់បីរបស់គាត់។ បន្ទាន់មកក៏ស្រាប់តែជនបង្កខាងលើស្ទុះមកវាយកញ្ចក់ម៉ូតូកង់បីរបស់បណ្តាលឲ្យបែក ដោយចោទគាត់ថាបំរុងបើកកង់បីបំបុករូបគេ ៕

ប្រភព៖ FB

មន្ទីររៀបចំដែនដី ខេត្តព្រះសីហនុ សូមស្នើសុំឲ្យប្រជាពលរដ្ឋ ចូលរួមសហការ និងជួយផ្តល់ព័ត៌មានឲ្យបានច្រើន នៃការសាងសង់សំណង់ល្មើស

លិខិតសេចក្តីជូនដំណឹង របស់រដ្ឋមន្ត្រីក្រសួងរៀបចំដែនដី នរគរូបនីយកម្ម សំណង់ កាលពីថ្ងៃទី២១ ខែសីហា ឆ្នាំ២០១៨ ជូនដល់ប្រធានមន្ទីររៀបចំដែនដី នរគរូបយីយកម្ម សំណង់ និងសុរិយោដី ដល់ថ្នាក់២៥រាជធានី ខេត្ត ដើម្បីបន្តពង្រឹង បង្កើនប្រសិទ្ធភាពការងារគ្រប់គ្រងសំណង់ឲ្យកាន់តែប្រសើរ សូមអានខ្លឹមសារទាំងស្រុងដូចខាងក្រោម៖

ដោយឡែកមន្ទីររៀបចំដែនដី នរគរូបនីយកម្ម សំណង់ និងសុរិយោដី ខេត្តព្រះសីហនុ សូមស្នើសុំឲ្យប្រជាពលរដ្ឋដែលរស់នៅខេត្តព្រះសីហនុទាំងអស់ចូលរួមសហការ និងជួយផ្តល់ព័ត៌មានឲ្យបាន នៃការសាងសង់សំណង់ល្មើស និងករណីសំណង់ផ្សេងៗ ដែលមានភាពមិនប្រក្រតី សូមបងប្អូនជួយផ្តល់ព័ត៌មានតាមរយះ Tel: 034933864 / 098866886 អាស័យដ្ឋាន: ផ្លូវ២៨ មិថុនា ភូមិ១ សង្កាត់លេខ៣ ក្រុងព្រះសីហនុ ខេត្តព្រះសីហនុ ។

ហើយបងប្អូនអាចថតជារូបថត ព័ត៌មានច្បាស់លាស់ នៅទីតាំងកន្លែងណាជាក់លក្ខណ៍ ដែលបងប្អូនបានឃើញនឹង សូមចូលទៅក្នុងផេកមន្ទីរដែនដី ដើម្បីឲ្យក្រុមជំនាញចុះពិនិត្យមើលទាន់ពេលវេលា ៕ សូមចូលរួមទាំងអស់គ្នា អរគុណ!!!

២នាក់ស្លាប់ ១ម្នាក់រងរបួសធ្ងន់ ដោយសាតែ…..

នៅយប់ថ្ងៃទី ២៥ ខែ សីហា ឆ្នាំ ២០១៨ វេលាម៉ោង ១០.១៥ នាទីយប់ មានករណីគ្រោះថ្នាក់ចរាចរណ៍កើតឡើង ១ លើក បង្កដោយរថយន្ត បុកនឹងម៉ូតូ នៅចំណុច រង្វង់មូលអេស៊ីលីដា ស្ថិតក្នុងភូមិ១ សង្កាត់ស្មាច់មានជ័យ ក្រុងខេមរភូមិន្ទ បណ្តាលឲ្យរងរបួសធ្ងន់ចំនួន ៣ នាក់ស្រី ។

១/ ឈ្មោះ ស៊ិន ពៅ ភេទស្រី អាយុ ២៨ឆ្នាំ ទីលំនៅបច្ចុប្បន្ន ភូមិ-សង្កាត់ កើតហេតុ ស្លាប់ពេលបញ្ជូនមកព្យាបាល នៅមន្ទីពេទ្យ ។២/ ឈ្មោះ ស៊ិន ពេជ្យ ភេទស្រី អាយុ១៩ឆ្នាំ
ទីលំនៅបច្ចុប្បន្ន ភូមិ-សង្កាត់ កើតហេតុ ស្លាប់ពេលបញ្ជូនមកព្យាបាល នៅមន្ទីពេទ្យ ។ ៣/ ឈ្មោះ ស៊ីន ពុំ ភេទស្រី អាយុ ២៤ឆ្នាំ ទីលំនៅបច្ចុប្បន្ន ភូមិ-សង្កាត់ កើតហេតុ របួសធ្ងន់ ។

សពរងគ្រោះ ទាំងពីរត្រូវបានសាច់ញាតិដាក់ដំកល់នៅមន្ទីពេទ្យខេត្ត រីឯអ្នករងរបួសធ្ងន់ កំពុងសំរាកព្យាបាលនៅមន្ទីពេទ្យខេត្តចំណែក រថយន្តបង្កបេីករត់បាត់ ករណីនេះ កម្លាំងយើងកំពុងស្រាវជ្រាវ ៕ ប្រភពFB

សមត្ថកិច្ចឆ្មក់ ចូលបង្ក្រាបទីតាំងវេចខ្ចប់ប៊ីចេងក្លែងក្លាយ ប្រមាណ១៧តោន នៅខណ្ឌឫស្សីកែវ

ភ្នំពេញ៖នៅថ្ងៃទី២៧ ខែសីហា ឆ្នាំ២០១៨នេះ កម្លាំងជំនាញនាយកដ្ឋាននគរបាលប្រឆាំងបទល្មើសសេដ្ឋកិច្ច បានសហការជាមួយមន្ត្រីកាំកុងត្រូល និងអាជ្ញាធរមូលដ្ឋាន បានចុះបង្ក្រាបទីតាំងវេចខ្ចប់ប៊ីចេងក្លែងក្លាយ សរុបទំងន់ទាំងអស់ប្រមាណ ១៧តោន ក្នុងផ្ទះ លេខAB4-5 ផ្លូវ56R សង្កាត់ទួលសង្កែទី២ ខណ្ឌឫស្សីកែវ ។

បង្ក្រាបទីតាំងវេចខ្ចប់ប៊ីចេងក្លែងក្លាយខាងលើ ក្រោមការដឹកនាំផ្ទាល់របស់លោក ចាន់ វ៉ាន់ធឿន ប្រធាននាយកដ្ឋាននគរបាលប្រឆាំងបទល្មើសសេដ្ឋកិច្ច និងបានសហការជាមួយមន្ត្រីកាំកុងត្រូល និងអាជ្ញាធរមូលដ្ឋាន ក្រោមការសម្របសម្រួលនីតិវិធីពីលោក ខាំ សុផារី ព្រះរាជអាជ្ញារង នៃអយ្យការអមសាលាដំបូងរាជធានីភ្នំពេញ បានចុះបង្ក្រាបទីតាំងវេចខ្ចប់ប៊ីចេងក្លែងក្លាយមួយកន្លែងផ្ទះ ដែលមានម្ចាស់ទីតាំងផលិតលោកស្រី សុខ វួចលីន អាយុ ៤១ឆ្នាំ ជនជាតិខ្មែរ។

សមត្ថកិច្ចរកឃើញទីតាំងនេះ បានវេចខ្ចប់ប៊ីចេងក្លែងក្លាយ និងភ័ស្តុតាងរួមមាន: ប៊ីចេងបាវសចំនួន ៣៥២បាវ ប៊ីចេងបាវគគីរចំនួន ១២៥បាវ ប៊ីចេងរាយម៉ាកWin winចំនួន ១៤០បាវ ប៊ីចេងច្រករួច(500g)ចំនួន ៣២បាវ ប៊ីចេងច្រករួចម៉ាកGold Cupចំនួន ៤៧កេស ប៊ីចេងរូបវែក(250g) ម៉ាស៊ីនដេរម៉ាត់បាវ២គ្រឿង ម៉ាស៊ីនអ៊ុតម៉ាត់ថង់ ០១គ្រឿង ម៉ាស៊ីនរុំខ្សែ និងកាត់ខ្សែចំនួន ២គ្រឿង ជញ្ជីងថ្លឹង ២គ្រឿង បាវរូបវែក ៩៣បាវ និងប៊ីចេងរាយមិនទាន់វេចខ្ចប់មួយចំនួនទៀតសរុបទំងន់ទាំងអស់ប្រមាណ ១៧តោន ៕

ប្រភព៖ FB

អភិបាលរាជធានី ជំរុញឲ្យសង្កាត់ ពង្រឹងយន្តការច្បាស់លាស់ លើសេវាសាធារណៈ ជូនប្រជាពលរដ្ឋឲ្យបានលឿន

អភិបាលរាជធានីភ្នំពេញ ជំរុញឲ្យចៅសង្កាត់ អភិបាលខណ្ឌ ស្មៀនក៏ដូចកម្លាំងមានសម្ថតកិច្ច ត្រូវពង្រឹក ការអនុវត្តតួនាទី ភារកិច្ចស្នូលលរបស់ខ្លួន លើសេវាសាធារណៈ បំពេញឯកស្នារលិខិតស្នាម ធ្វើយ៉ាងណា បំរើប្រជាពលរដ្ឋឲ្យបានទាន់ពេល ជៀសវាងបងប្អូនទៅពឹងពរ រកចៅសង្កាត់មិនឃើញ។

ក្នុងសន្និបាតបូលសរុប ការងារបោះឆ្នោតជ្រើសរើសតំណាងរាស្រ្ត និតិកាលទី៦ ឆ្នាំ២០១៨ របស់ គណៈកម្មការរៀបចំ ការបោះឆ្នោតរាជធានីភ្នំពេញ កាលពីព្រឹក ថ្ងៃទី ២៧ សីហា នៅសាលារាជធានី ឯកឧត្តម ឃួង ស្រេង អភិបាលរាជធានីភ្នំពេញ បានមានប្រសាស៏ថា ដោយកន្លងមកមាន ភាពអសកម្ម ចំពោះការមកបំពេញសេវាសាធារណៈរបស់ប្រជាពលរដ្ឋ បានលេចឮពាក្យលើឡើងថា រកចៅសង្កាត់ ពិបាកជួបជាងរដ្ឋមន្ត្រីនោះ នៅពេលនេះ ឯកឧត្តមអភិបាលរាជធានី សុំឲ្យចៅសង្កាត់ អភិបាលខណ្ឌនិងកងកម្លាំងមានសមត្ថកិច្ច ត្រូវពង្រឹងការងារនេះឡើងវិញ។

គ្រប់មន្ត្រីដែលមានតួរនាទីបំរើសេវាសាធារណៈជូនប្រជាពលរដ្ឋ ត្រូវបំរើប្រជាពលរដ្ឋដោយយកចិត្តទុកដាក់ លើការងារតម្រូវការ ប្រជាជនឲ្យបានល្អ។ឯកឧត្តមបញ្ជាក់ថា ការងារបំពេញសេវាសាធារណៈនេះ រាជរដ្ឋាភិបាលបានរៀបចំយន្តការច្រកចេញ ចូលតែមួយរាជធានី ខេត្ត ស្រុក ខណ្ឌ ក្រុង ប៉ុន្តែនៅខ្វះចន្លោះត្រង់សង្កាត់នេះ ដូច្នេះ ទើបរដ្ឋបាលរាជធានីសុំឲ្យសង្កាត់រៀបចំយន្តការជាក្រុមចាំទទួល បដិសណ្ឋាកិច្ចទទួលសេវាជូនប្រជាពលរដ្ឋជាប់ជាប្រចាំ។

កិច្ចការងារនេះ យើងបានអនុវត្តហើយ ថ្ងៃនេះការងារនិងផែនការរបស់រដ្ឋបាលរាជធានីភ្នំពេញក៏ដូចការងារដ្ឋបាលខណ្ឌត្រូវអនុវត្ត ធ្វើឲ្យកិច្ចការងារនេះ ប្រជាពលរដ្ឋក្នុងរាជធានីភ្នំពេញទទួលយកបានហើយ សម្លេងដែលឮឡើងថារកចោសង្កាត់ពិបាករកពិបាកជួបជាងរដ្ឋមន្រ្តីនេះត្រូវបានសាបរលាប។ចឹងកិច្ចការងារនេះសុំឲ្យលោក លោកស្រីជាចៅសង្កាត់ទាំងអស់អនុវត្តផែនការនេះបន្ត ហើយរៀបចមផែនការនេះ ឲ្យទៅជាយន្តការ១ជាប់ជាប្រចាំ ដើម្បី ធ្វយ៉ាងណាបំរើសេវា បំរើសន្តិសុខជុនប្រជាពលរដ្ឋ។

ឯកឧត្តម អភិបាលរាជធានី បានបញ្ជាក់ថា រដ្ឋបាលរាជធានី រដ្ឋបាលខណ្ឌ រដ្ឋបាលសង្កាត់ សុទ្ធសឹង ជាអ្នកបំរើប្រជាពលរដ្ឋ ដែលគេហៅថា រដ្ឋបាលថ្នាក់ក្រោមជាតិ។ដូច្នេះ កិច្ចការបំរើប្រជាពលរដ្ឋនេះ ត្រូវធ្វើចាប់ពីភូមិ សង្កាត់ ខណ្ឌ រាជធានីភ្នំពេញ ព្រោះថា គ្រប់ការងារ បើសិនជាមិនមានការទទួលស្គាល់ និងការចូលរួម ពីប្រជាពលរដ្ឋនោះ កិច្ចការរបស់យើង ក៏មិនទទួលបានលទ្ធផលល្អប្រសើរដែរ។
សូមបញ្ជាក់ថា៖ បច្ចុប្បន្ន រាជធានីភ្នំពេញមានខណ្ឌចំនួន១២ សង្កាត់ចំនួន១០៥ ភូមិចំនួន៩៥៣ និងមន្ទីរជំនាញចំនួន២៦មន្ទីរ ដែលសុទ្ធសឹងជាអ្នកបំរើប្រជាពលរដ្ឋ៕

ក្មេងប្រុសអាយុ១៥ឆ្នាំ បានចាប់រំលោភកុមារីអាយុ៤ឆ្នាំ បានសម្រេច តែត្រូវ…..

(បាត់ដំបង) ហេតុការណ៍នេះបានកើតឡើងកាលពីវេលាម៉ោង១២ថ្ងៃទី២៥ខែសីហាឆ្នាំ២០១៨នៅចំណុចអណ្តូងពីរ ក្រុមទី១៧ភូមិភ្នំប្រាំពីរ ឃុំបួរ ស្រុកភ្នំព្រឹក ។

តាមប្រភពសមត្ថកិច្ចបានឲ្យដឹងថា៖ជនសង្ស័យ ឈ្មោះ ធឿន ធឿត ហៅឆ្លូញ ភេទប្រុស អាយុ១៥ឆ្នាំ មានទីលំនៅភូមិចកតូច ឃុំកកោះ ស្រុកម៉ោងឬស្សី មកស្នាក់នៅធ្វើកម្មករ ភូមិ-ឃុំខាងលើ។

ក្មេងស្រីរងគ្រោះ ឈ្មោះ (វ) អាយុ៤ឆ្នាំ មានទីលំនៅភូមិចកតូច ឃុំកកោះ ស្រុកម៉ោងឬស្សី
ស្នាក់នៅភូមិ-ឃុំខាងលើ ជាមួយឪពុកម្តាយធ្វើកម្មករ។

នៅមុនពេលកើតហេតុ ជនសង្ស័យ និងជនរងគ្រោះ លេងលើផ្ទះ តែៗនាក់ និងមើលទូរស័ព្ទដៃរឿងស៊ិចតុកត្តា ពេលនោះជនសង្ស័យ កើតអារម្មណ៍ផ្លូវភេទ ក៏ចាច់រំលោភក្មេងស្រីរងគ្រោះតែម្តង ។

ក្រោយចាប់រំលោភរួចក្មេងស្រីរងគ្រោះបានចុះពីលើផ្ទះមកប្រាប់ឳពុកម្តាយ និងបានមកដាក់ពាក្យបណ្តឹងនៅប៉ុស្តិ៍នគរបាលរដ្ឋបាលបួរ។
ទើបសមត្ថកិច្ចឃាត់ខ្លួនជនសង្ស័យ បញ្ជូនមកអធិការនគរបាលស្រុកភ្នំព្រឹក ដើម្បីកសាងសំណុំរឿងបញ្ជូនទៅសាលាដំបូងខេត្តបាត់ដំបង ដើម្បីផ្តន្ទាទោសតាមច្បាប់៕ប្រភពFB

ផឹកសុីនៅហាងតែគុជ7NGទាស់សម្ដីទាញពូថៅដេញកាប់ប្រាវ និងវ៉ៃសមត្ថកិច្ចឲ្យរបួសទៀត

(កណ្ដាល)៖ ជនសង្ស័យម្នាក់ក្នុងចំណោមបក្ខពួក៧នាក់ ត្រូវបាននគរបាល ឃាត់ខ្លួន បន្ទាប់ពីឈ្លោះប្រកែកគ្នា និងវាយសមត្ថកិច្ចឲ្យរបួស ហេតុការណ៍នេះបានកើតឡើងនៅចំណុចក្រុមហ៊ុន 7NG ភូមិព្រៃចាស់ ឃុំវិហាសួគ៌ ស្រុកខ្សាច់កណ្តាល ខេត្តកណ្តាល កាលពីវេលាម៉ោង៨យប់ ថ្ងៃទី២៤ ខែ សីហា ឆ្នាំ ២០១៨ ។

លោក អ៊ុន យ៉ុង អធិការរងស្រុកខ្សាច់កណ្ដាលបានថ្លែងថា ករណីនេះ ជនរងគ្រោះ១នាក់ ឈ្មោះ នូ វណ្ណៈ ភេទ ប្រុស អាយុ ៤៥ ឆ្នាំ ជនជាតិខ្មែរ មុខរបរយោធាឆ័ត្រយោង ៩១១ មានទីលំនៅភូមិព្រៃនប់ សង្កាត់ព្រៃនប់ ខណ្ឌព្រៃនប់ ក្រុងព្រះសីហនុ។

បច្ចុប្បន្នស្នាក់នៅក្នុងក្រុមហ៊ុន 7NG (របួសមុតថ្ពាល់ស្តាំ០១កន្លែង ខូចខាតម៉ូតូ០៣គ្រឿង) រីឯជនសង្ស័យមានគ្នា០៧នាក់ ឃាត់ខ្លួន០១នាក់ឈ្មោះ ជាង ហេង អាយុ ៣៤ឆ្នាំ ជនជាតិខ្មែរ មុខរបរបើកបររថយន្ត មានទីលំនៅភូមិថ្នល់បត់ ឃុំបានកាម ស្រុកព្រៃកប្បាស ខេត្តតាកែវ( ឃាត់ខ្លួន) ដកហូតវត្ថុតាងមាន
រថយន្ត ០១គ្រឿងម៉ាក HINO ក្បាលរថយន្តពាក់ផ្លាកលេខ ព្រះសីហនុ3A.6531 កន្ទុយសណ្តោងពាក់ផ្លាកលេខភ្នំពេញ 4A-4608 ពណ៌ខៀវ ម៉ូតូចំនួន ០៣ គ្រឿង ។

ប្រភពដដែលបន្តថា មុនពេលកើតហេតុក្រុមជនសង្ស័យបានបើករថយន្ត មានស្លាកលេខខាងលើ ទៅផឹកសុីនៅហាងតែគុជ ក្នុងក្រុមហ៊ុន7NG ហើយពេលបំរុងបើករថយន្តចេញ ក៍មានទំនាស់ពាក្យសំដីជាមួយឈ្មោះ ធី បន្ទាប់មកក្រុមជនសង្ស័យ បានយកពូថៅពីក្នុងរថយន្តរបស់ខ្លួនដេញកាប់ឈ្មោះ ធី ស្របពេលនោះកម្លាំងប៉ុស្តិ៍នគរបាលវិហារសួគ៌។

និងកម្លាំងឆ័ត្រយោងចុះល្បាត បានមកដល់ ស្រាប់តែក្រុមជនសង្ស័យប្រដាប់ដោយពូថៅ ដែកបំពង់ទីប គ្រប់ដៃស្ទុះរត់មកកាប់ទៅលើកម្លាំងប៉ុស្តិ៍ និងកម្លាំងឆ័ត្រយោង៩១១បណ្តាលឲ្យត្រូវជនរងគ្រោះឈ្មោះ នូ វណ្ណៈ ចំថ្ពាល់ខាងស្តាំ មួយកន្លែង ត្រូវដើមដៃស្តាំមួយកន្លែងរងរបួស ហូរឈាម។

កម្លាំងយើងក៍ដកថយ បន្ទាប់មកក្រុមជនសង្ស័យ បាននាំគ្នាឡើងលើរថយន្ត បើកចេញហើយបានធ្លាក់ជនសង្ស័យម្នាក់ពីលើរថយន្ត និងបើកកិនម៉ូតូបណ្តាលឲ្យខូចខាតបីគ្រឿង ពេលនោះកម្លាំងឆ័ត្រយោង៩១១ បានបាញ់ទៅលើរថយន្តជនសង្ស័យ តែរថយន្តរបស់ជនសង្ស័យមិនបានឈប់នៅតែបើកបន្តទៅមុខទៀត។

លោកនាយប៉ុស្តិ៍វិហារសួគ៌បានរាយការណ៍ជូនលោកអធិការជួយអន្តរាគមន៍ ភ្លាមនោះកម្លាំងអធិការដ្ឋាននគរបាលស្រុកបានចេញអន្តរាគមន៍ ដោយយករថយន្តសឺរ៉ែន ដាក់ពាំងផ្លូវចំណុចរង្វង់មូលគល់ស្ពានព្រែកតាមាក់។

ស្រាប់តែរថយន្តជនសង្ស័យបានបើកបំបុករថយន្តសឺរ៉ែនរបស់សមត្ថកិច្ចបណ្តាលឲ្យខូចខាត ពេលកម្លាំងបានផ្ទុះអាវុធបាញ់ឡើងលើចំនួនបីគ្រាប់ បន្ទាប់មកកម្លាំងនគរបាលស្រុកខ្សាច់កណ្ដាល បានសហការជាមួយកម្លាំងនគរបាលស្រុកមុខកំពូល ដេញតាមរថយន្តជនសង្ស័យពីក្រោយពេលជនសង្ស័យបើករថយន្តដល់ចំណុចវត្តរកាកោង ក្រុមជនសង្ស័យបានរត់គេចខ្លួនបន្សល់ទុកតែរថយន្ត។

ទន្ទឹមនិងនោះកម្លាំងសមត្ថកិច្ចនគរបាលបានយករថយន្តនេះ មករក្សាទុកនៅអធិការដ្ឋាននគរបាលស្រុកខ្សាច់កណ្តាល បន្តចាត់ការតាមនីតិវិធី៕ ចាន់ ថន

ប្រភព៖ FB

ក្មេងគង្វាលគោ រើសគ្រាប់អឹម៧៩មកដំលេងបណ្តាលឲ្យផ្ទុះស្លាប់ម្នាក់និងរបួសធ្ងន់បីនាក់នៅស្រុកភ្នំស្រួច

កំពង់ស្ពឺ៖ ហេតុការណ៍នេះកើតឡើងនៅវេលាម៉ោង៣ៈ៣០នាទីរសៀលថ្ងៃទី២៦ខែសីហាឆ្នាំ២០១៨នេះចំណុចបរិវេណបន្ទាយកងទ័ព(ACO)ស្ថិតក្នុងភូមិក្អែកពងឃុំតាំងស្យាស្រុកភ្នំស្រួច ។

តាមប្រភពមន្ត្រីអាវុធហត្ថស្រុកភ្នំស្រួចបានឲ្យដឹងថា ក្មេងរងគ្រោះទាំងបួននាក់មានឈ្មោះ៖ ១.ឈ្មោះងោល តាំងហេង អាយុ១០ឆ្នាំ(ស្លាប់)។ ២,ឈ្មោះ សូន រ័ត្ន អាយុ១២ឆ្នាំ( របួសធ្ងន់) ៣.ឈ្មោះយ៉ែម ស្វិត អាយុ៩ឆ្នាំ( របួសធ្ងន់) ៤.ឈ្មោះ យ៉ែម ខ្មៅ អាយុ៦ឆ្នាំ( របួសធ្ងន់)។ ក្មេងទាំងបួននាក់រស់នៅភូមិក្អែកពងឃុំតាំងស្យាស្រុកភ្នំស្រួច ។

មុនពេលកើតហេតុក្មេងឃ្វាលគោទាំងបួននាក់បានរើសបានគ្រាប់បែកប្រភេទM៧៩យកទៅដំលេងរួចក៏ផ្ទះឡើងបណ្តាលឲ្យស្លាប់នៅនឹងកន្លែងនិងរងរបួសធ្ងន់។

ក្រោយពីកើតហេតុក្មេងរងរបួសទាំងបីនាក់ត្រូវបានក្រុមគ្រួសារដឹកបញ្ជូនទៅសង្គ្រោះនៅមន្ទីរពេទ្យបង្អែកខេត្តកំពង់ស្ពឺ។សពក្មេងរងគ្រោះត្រូវបានជំនាញប្រគល់ជូនក្រុមគ្រួសារយកទៅធ្វើបុណ្យតាមប្រពៃណី៕

ប្រភព៖ FB

ជនចិន១៨នាក់ ឆ្លងដែនខុសច្បាប់មកដល់កម្ពុជា ពេលនេះត្រូវបានសមត្ថកិច្ចឃាត់ខ្លួននៅព្រះសីហនុ

(ព្រះសីហនុ)៖ ប្រតិបត្តិការនេះធ្វើឡើងនាថ្ងៃទី២៤ ខែសីហា ឆ្នាំ២០១៨ ហើយក្រោយពីឃាត់ខ្លួនរួច ជនសង្ស័យទាំង១៨នាក់នោះ ត្រូវបានបញ្ជូនមកអគ្គនាយកដ្ឋានអន្តោប្រវេសន៍ ដើម្បីអនុវត្តតាមនីតិវិធីច្បាប់បន្ត។

កម្លាំងនគរបាលនាយកដ្ឋានស៊ើបអង្កេត និងអនុវត្តនីតិវិធីនៃអគ្គនាយកដ្ឋានអន្តោប្រវេសន៍ បានបើកប្រតិបត្តិការព័ទ្ធឃាត់ខ្លួនជនជាតិចិនចំនួន១៨នាក់ នៅចំណុចផ្ទះវីឡាគ្មានលេខ ផ្លូវលេខ៨១០ ក្រុម៤៦ ភូមិ៥ សង្កាត់៤ ក្រុងព្រះសីហនុ ក្រោយពីស៊ើបអង្កេតដឹងថា ពួកគេបានឆ្លងដែនខុសច្បាប់មកដល់កម្ពុជា ហើយសម្ងំលាក់ខ្លួននៅខេត្តព្រះសីហនុ។

ប្រតិបត្តិការនេះប្រព្រឹត្តទៅក្រោមការសម្របសម្រួលពីព្រះរាអាជ្ញារង នៃអយ្យការអមសាលាដំបូងខេត្តព្រះសីហនុ ដោយមានការសហកាជាមួយកម្លាំងនគរបាល នៃស្នងការដ្ឋាននគរបាលខេត្តព្រះសីហនុ៕

ប្រភព៖ FB

រថយន្ត Lexus 470 មួយគ្រឿង បែកកង់មុខផ្នែកខាងឆ្វេង រ៉េចង្កូតទៅបុកក្បាលនាគពុះចែកទ្រូងផ្លូវ បណ្តាលឲ្យ…

(ភ្នំពេញ)៖ ហេតុការគ្រោះថ្នាក់ចរាចរណ៍ខាងលើនេះ បានកើតឡើងកាលពីវេលាម៉ោង ៣និង១៥នាទីរសៀល ថ្ងៃទី២៦ ខែសីហា ឆ្នាំ២០១៨ នៅតាមបណ្តាលផ្លូវជាតិលេខ២ សង្កាត់ចាក់អង្រែលើ ខណ្ឌមានជ័យ រាជធានីភ្នំពេញ។

មុុនពេលកើតហេតុ គេបានឃើញរថយន្ត មួយគ្រឿង ម៉ាក Lexus 470 ពណ៌ខ្មៅ ពាក់ស្លាកលេខ ភ្នំពេញ 2G-5128 ដោយបានធ្វើដំណើរក្នុងទិសដៅពីត្បូងទៅជើង ខណៈពេលជិះមកដល់ចំណុចកើតហេតុខាងលើ ស្រាប់តែរថយន្តនោះ បានបែកកង់ផ្នែកខាងមុខ

រ៉េចង្កូតទៅបុកនឹងក្បាលនាគពុះចែកទ្រូងផ្លូវ បណ្តាលឲ្យក្រឡាប់ផ្ងារជើងច្រងាងនៅនឹងថ្នល់ តែមិនបានបង្កគ្រោះថ្នាក់ដល់អ្នកធ្វើដំណើរតាមបណ្តាលផ្លូវនេះទេ។ ក្រោយពីកើតហេតុ ម្ចាស់រថយន្តខាងលើ បានឡើងជិះម៉ូតូឌុបគេចខ្លួនចេញពីកន្លែងកើតហេតុ ដោយបន្សល់ទុកតែរថយន្តបង្កនៅនឹងកន្លែង។

ក្រោយមក សមត្ថកិច្ចមូលដ្ឋានបានចុះមកដល់ និងទាក់ទងទៅសមត្ថកិច្ចជំនាញចរាចរណ៍ ចុះមកធ្វើការវាស់វែងយករថយន្តបង្កទៅរក្សាទុកនៅការិយាល័យជំនាញចរាចរណ៍ជើងគោក នៃស្នងការដ្ឋាននគរបាលរាជធានីភ្នំពេញ ដើម្បីរង់ចាំដោះស្រាយគ្នាតាមផ្លូវច្បាប់៕

(មានវិដេអូ)

https://www.facebook.com/plugins/video.php?href=https%3A%2F%2Fwww.facebook.com%2Ffreshnewstvonline%2Fvideos%2F676388266074320%2F&show_text=0&width=560