(កណ្ដាល)៖ នារសៀលថ្ងៃទី២៦ ខែសីហា ឆ្នាំ២០១៨នេះ មានហេតុការណ៍រថយន្តកុងទីន័រមួយគ្រឿង បានក្រឡាប់នៅកណ្ដាលផ្លូវជាតិលេខ៥ ស្ថិតនៅភូមិពោធិ៍តូច ឃុំកំពង់ហ្លួង ស្រុកពញាឮ ខេត្តកណ្ដាល បង្កឱ្យមានការកកស្ទះចរាចរណ៍តាមបណ្ដោយផ្លូវជាតិលេខ៥។
ប៉ុន្តែទោះជាយ៉ាងណា កម្លាំងសមត្ថកិច្ចក៏កំពុងជួយសម្រួលចរាចរណ៍ជូនអ្នកធ្វើដំណើរ និងសហការជាមួយម្ចាស់រថយន្ត ដើម្បីស្ទួចយករថយន្តកុងទីន័រនោះចេញពីកន្លែងកើតហេតុផងដែរ។
ចំពោះអ្នកបើកបរមិនទាន់ស្គាល់អត្តសញ្ញាណនៅឡើយទេ ខណៈកំពុងរងរបួសស្រាល និងបានបញ្ជូនទៅមន្ទីរពេទ្យ៕
(មានវិដេអូ)
ប្រភព៖ ឱផ្សែង បា រី
(កណ្ដាល)៖ គិតមកដល់រសៀលថ្ងៃទី២៦ខែសីហាឆ្នាំ២០១៨នេះ សពបុរសម្នាក់ដែលបាន រអិលជើងធ្លាក់ទៅកន្លែងជ្រៅ លង់ស្លាប់ កាលពីល្ងាចថ្ងៃទី២៥ ខែសីហា នៅចំណុចពាមតាយូស លើផ្លូវ 7NG ភូមិព្រែកលួង ឃុំព្រែកលួង ស្រុកខ្សាច់កណ្តាល ខេត្តកណ្តាល នោះ រកឃើញហើយ ដោយចំណាយជួលគេរាវរកអស់ជាង៦០០$ទើបឃើញ។
ជនរងគ្រោះឈ្មោះ ណន នី ភេទប្រុស អាយុ២៨ឆ្នាំ ជនជាតិខ្មែរ មុខរបរកសិករ មានទីលំនៅភូមិសេដា ឃុំវិហារសួគ៌ ស្រុកខ្សាច់កណ្តាល ខេត្តកណ្តាល ។
សមត្ថកិច្ចបញ្ជាក់ថា នៅមុនពេលកើតហេតូ ជនរងគ្រោះនិងមិត្តភក្តិ ជាច្រើននាក់ទៀត បានទៅលេងទឹកដែលហូរកាត់ផ្លូវចំណុចពាមតាយួស ចំណុចខាងលិចក្រុមហ៊ុន 7NG ។
ពេលនោះជនរងគ្រោះ បានរអិលជើងធ្លាក់ទៅក្នុងទឹកជ្រៅ ហើយទឹកក៏ហូរគួចយកទៅបាត់ ដោយទឹកហូរខ្លាំង ពុំមានអ្នកហ៊ានចុះទៅជួយទេ រហូតដល់ពេលនេះសមត្ថកិច្ច និងក្រុមគ្រួសារ កំពុងរាវរកតែមិនទាន់ឃើញនៅឡើយទេ៕
ប្រភព៖ FB
សមត្ថកិច្ច ចាប់ផ្តើមរិតបណ្តឹងច្បាប់ ចំពោះជនជាតិចិនដែលប្រព្រិត្តខុសច្បាប់ក្នុងប្រទេសកម្ពុជា
ជាក់ស្តែងសមត្ថកិច្ចប៉ូលីសខេត្តព្រះសីហនុបានស្រាវជ្រាវ នឹង ឆ្មក់ចូលខារ៉ាអូខេចិន ទាំងកណ្តាលអធ្រាត ឃាត់ខ្លួនមនុស្ស ៦២នាក់ និងថ្នាំញៀនមួយចំនួន
ខេត្ត ព្រះសីហនុ៖ កាលពីវេលាម៉ោង ០០ៈ១៥នាទី យប់ រំលងអាធ្រាត្រឆ្លងចូលថ្ងៃទី ២៦ ខែ សីហា ឆ្នាំ ២០១៨ កម្លាំងជំនាញការិយាល័យនគរបាលប្រឆាំងគ្រឿងញៀន បានឆ្មក់ចូលក្លឹបកំសាន្ត ខារ៉ាអូខេស៊ីតុងហ្វាង ស្ថិតនៅក្រុម២៧ ភូមិ៣ សង្កាត់៣ ក្រុងព្រះសីហនុ ឃាត់ខ្លួនជនសង្ស័យសរុបទាំងអស់ចំនួន ៦២ នាក់ ស្រី ១៥ នាក់។
ក្នុងនោះរួមមានម្ចាស់អាជីវកម្ម ០១នាក់ មេការ ០១ នាក់ អ្នកជួញដូរចំនួន ០១នាក់ និងភ្ញៀវមកកំសាន្តប្រើប្រាស់គ្រឿងញៀននៅក្នុងក្លឹបនេះចំនួន ៥៩ នាក់។
ជាលទ្ធផលបឋម កម្លាំងសមត្ថិច្ចបានចាប់យកវត្ថុតាងមានដូចខាងក្រោម៖ ម្សៅក្រាមពណ៍សថា្លសង្ស័យជាសារធាតុញៀន ចំនួន ២២ កញ្ចប់តូច និង ០១ កញ្ចប់ ធំ បន្ទះឈើ (ជ្រួញ) សម្រាប់ហិត ១៥ បន្ទះ ថ្នាំញៀនកេតតាមីន ប្រភេទទឹក (ketamine) ចំនួន ០១ ដប ម្សៅក្រាមពណ៍សថ្លាសង្ស័យជាសារធាតុញៀន ចំនួន ០១ កំប៉ុងតូច ម្សៅក្រាមពណ៍សថ្លាសង្ស័យជាសារធាតុញៀន ចំនួន ០១ កំប៉ុងធំ ។
ករណីខាងលើនេះកម្លាំងជំនាញកំពុងសាកសួរ និង កសាងសំណុំរឿងបញ្ជូនទៅកាន់សាលាដំបូងខេត្តព្រះសីហនុ ដើម្បីចាត់ការតាមនិតិវីធតាមផ្លូវច្បាប់៕
ប្រភព៖ FB
ខេត្តពោធិ៍សាត់៖ រន្ធត់បុរសម្នាក់ផឹកស្រវឹង បើកឡានធ្លាក់ចូលទឹកស្ទឹង បណ្តាលឲ្យលង់ទឹកស្លាប់ ហេតុការណ៍នេះបង្ករឡើងកាលពីរសៀល ថ្ងៃទី២៥ ខែសីហា ឆ្នាំ២០១៨ម្សិលមិញនេះ ។
បើតាមសម្តីអ្នកដែលឃើញហេតកុការណ៍បាននិយាយថា ពីដំបូលគាត់បានឃើញរថយន្តម៉ាកកាមរី ពណ៌ប្រផេះ ពាក់ស្លាកលេខ ភ្នំពេញ2N8401 បើកបរតាមបណ្តោយផ្លូវក្រាលគ្រួសក្រហមក្នុងទិសដៅពីលិចមកកើតបានរេចង្កូតធ្លាក់ចូលទឹកស្ទឹងកណ្តៀង ស្ថិតនៅភូមិកណ្តៀង ស្រុកកណ្តៀង ខេត្តពោធិ៍សាត់ បណ្តាលឲ្យអ្នកបើកបរស្លាប់ ។
ជនរងគ្រោះឈ្មោះ ប៉ូច សោភា ភេទប្រុស អាយុ៣១ឆ្នាំ មុខរបរកសិករ មានទីលំនៅភូមិបឹងក្រាញ់ ឃុំស្វាយលួង ស្រុកកណ្តៀង ខេត្តពោធិ៍សាត់។
មូលហេតុ មកពីស្រវឹងស្រា ហើយសាកសពត្រូវបានប្រគល់ជូនក្រុមគ្រួសារដើម្បីយកទៅធ្វើបុណ្យតាមប្រពៃណីយ ៕
(មានវិដេអូ)
ប្រភព៖FB
ការបើកបរប្រកបដោយសុខសុវត្ថិភាព អ្នកត្រូវអនុវត្តដូចម្តេច?
ដើម្បីក្តីសុខសុវត្ថិភាពក្នុងការធ្វើដំណើរ អ្នកបើកបរគ្រប់រូបត្រូវបើកបរដោយការទទួលខុសត្រូវ និងអនុវត្តវិធានទាំងនេះ ៖
– យកចិត្តទុកដាក់មើលផ្លូវក្នុងការបើកបរ
– រក្សាដៃទាំងពីរលើការគ្រប់គ្រងចង្កូតយានយន្ត
– មិនត្រូវទទួលទានក្នុងពេលបើកបរ ការនិយាយទូរសព្ទពេលកំពុងបើកបរ ការបើកសម្លេងរំខាន
សូមបើកបរក្នុងស្មារតីទទួលខុសត្រូវ និងមានអធ្យាស្រ័យខ្ពស់
(មានវិដេអូ)
(ភ្នំពេញ) កាលពីព្រឹកថ្ងៃទី២៤ ខែសីហា ឆ្នាំ២០១៨នេះនគរបាលប៉ុស្តិ៍ចោមចៅ២ បានធ្វើការចាប់វាយខ្នោះឪពុកចុងចិត្តអប្រិយម្នាក់ដែលបានយកដំបងទីបជ័រ វាយធ្វើបាបកូនអាយុ៥ឆ្នាំបណ្ដាលឲ្យរងរបួសពេញខ្លួន យកមកប៉ុស្តិ៍ដើម្បីចាត់ការតាមផ្លូវច្បាប់ ការចាប់ឃាត់ខ្លួននេះធ្វើឡើង
នៅភូមិថ្មគោល២ សង្កាត់ចោមចៅ២ ខណ្ឌពោធិ៍សែនជ័យ រាជធានីភ្នំពេញ ។ ។
ឪពុកចុងនោះឈ្មោះ យឹម សំណាង អាយុ២៦ឆ្នាំ មុខរបរកម្មករសំណង់ ស្នាក់នៅភូមិថ្មគោល២ សង្កាត់ចោមចៅ២ ស្រុកកំណើតនៅស្រុកស្វាយប៉ោ ខេត្តបាត់ដំបង ។
អំពើហិង្សាដែលឪពុកចុងវាយទៅលើកុមាររងគ្រោះខាងលើនេះ គឺមិនមែនតែមួយលើកនេះទេគឺមានចំនួន ៣លើករួចមកហើយ រួមទាំងលើកនេះ ដែលប្ដីចុងរបស់នាងបានវាយដំទៅលើកូនរបស់ខ្លួន ដោយប្រើប្រាស់បំពង់ទីបជ័រ វាយម្ដងៗធ្វើឲ្យកូនរបស់ខ្លួនរបួសពេញខ្លួនសា្នកស្នាមរាប់ខែ ទើបធ្វើឲ្យនាងទប់អារម្មណ៍មិនបាននិង ដាច់ចិត្តប្ដឹងសមត្ថកិច្ចឲ្យជួយអន្តរាគមន៍ចាប់ខ្លួនតែម្តងដើម្បីឲ្យនគរបាលចាត់ការតាមផ្លូវច្បាប់ ៕ប្រភពFB
កាលពីថ្ងៃទី២៣ ខែសីហា ឆ្នាំ២០១៨ ម្សិលមិញនេះ មានក្រុមចោរប្លន់មួយក្រុមមានគ្នាចំនួន៤ទៅ៥នាក់ ប្រដាប់ដោយកាំភ្លើងខ្លី បាននាំគ្នាសម្រុកចូលធ្វើសកម្មភាពប្លន់ធនាគារ RHB Indochina Bank (អ អេច ឥណ្ឌូឆៃណា) ដែលស្ថិតនៅតាមបណ្តោយផ្លូវម៉ៅសេទុង ទាំងកណ្តាល ក្នុងសង្កាត់ទំនុបទឹក ខណ្ឌចំការមន រាជធានីភ្នំពេញ ហើយប្លន់យកប្រាក់អស់ប្រមាណ១០ម៉ឺនដុល្លារអាមេរិក គេចខ្លួនទៅបាត់ដោយសុវត្តិភាព។
យ៉ាងណាមិញនៅថ្ងៃនេះដែរបទសម្ភាសន៍ផ្ទាល់ ទៅកាន់លោកពូសន្តិសុខម្នាក់ ដែលយាមកាមនៅធនាគារកើតហេតុនេះបាននិយាយថា នៅមុនពេលកើតហេតុ គាត់បានឃើញមនុស្សមួយក្រុមស្រាប់តែសម្រុកចូលធនាគារដោយពេលនោះគាត់បាននិយាយថា ឲ្យដោះមួកចេញ ក៏ស្រាប់តែក្រុមចោរនោះ ដកកាំភ្លើងភ្ជង់គាត់ឲ្យដើរចូលក្នុងធនាគារកុំឲ្យស្រែក។
លោកពូសន្តិសុខបាននិយាយបន្តទៀតថា គាត់ពិតជាមានការភ័យខ្លាច ក៏ព្រោះតែពុំដែលឃើញមានក្រុមចោរប្លន់ និងភ្ជង់កាំភ្លើងបែបនេះពីមុនមក។
គួរបញ្ជាក់ផងដែលថា សាខានៅធនាគារកើតហេតុបានបិទទ្វារ ដើម្បីធ្វើការស៊ើបអង្កេត ស្វែងរកជនដៃដល់យកមកផ្តន្ទាទោស ខណៈដែលពុំទាន់រកអត្តសញ្ញាណក្រុមចោរនោះឃើញនៅឡើយទេ៕
តោះដើម្បីជ្រាបកាន់តែច្បាស់សូមទស្សនាវីដេអូនៅខាងក្រោម ៖
ប្រភពវិដេអូ៖ បក្សីចាំក្រុង
(ភ្នំពេញ) ឯកឧត្តមអភិបាលរាជធានីភ្នំពេញ និងជាប្រធានគណៈបញ្ជាការឯកភាពរាជធានីភ្នំពេញ ឯកឧត្តម ឃួង ស្រេង កាលពីព្រឹកថ្ងៃទី២៤ ខែសីហា ឆ្នាំ២០១៨នេះ បានកោះអញ្ជើញអាជ្ញាធរទាំង១២ខណ្ឌនិងសមត្ថកិច្ចទាំង២
ប្រភេទ ចំណុៈអោយគណៈបញ្ជាការឯកភាពរាជធានីភ្នំពេញមកប្រជុំជាបន្ទាន់ ដើម្បីរិះរកគ្រប់វិធីនិងយុទ្ធសាស្ត្រឈានទៅដល់ការបង្ក្រាបបទល្មើស ពិសេសអំពើប្លន់ប្រដាប់អាវុធទៅលើធនាគារមួយកន្លែងនៅក្នុងខណ្ឌចំកានទាំងកណ្ដាលថ្ងៃត្រង់ កាលពីថ្ងៃទី២៣ សីហានេះ។
ក្នុងកិច្ចប្រជុំបន្ទាន់នោះ មានការចូលរួមពី នាយឧត្តមសេនីយ៍ ជួន សុវណ្ណ អគ្គស្នងការរងនគរបាលជាតិ និងជាស្នងការនគរបាលរាជធានីភ្នំពេញ, មេបញ្ជាការរងកងរាជអាវុធហត្ថរាជធានី និងអភិបាលខណ្ឌទាំង១២។
ឯកឧត្តម ឃួង ស្រេង បានលើកឡើងថា តាមបណ្តាខណ្ឌត្រូវមានអ្នកប្រចាំបញ្ជា ក្នុងគោលដៅចេញអន្តរាគមន៍ភ្លាមៗ នៅពេលមានកើតហេតុការណ៍ណាមួយកើតឡើងជាយថាហេតុ ។ សមត្ថកិច្ចទាំងអស់មិនត្រូវបន្ទោសគ្នាទៅវិញមក ដាក់បន្ទុកលើកស្ថាប័នណាមួយនោះទេ គឺត្រូវរួមសហការគ្នា ការពារសន្តិសុខសុវត្ថិភាពជូនប្រជាពលរដ្ឋ អាជីវករ ដែលប្រកបអាជីវកម្ម ក្នុងរាជធានីភ្នំពេញ ព្រោះនេះជាកាតព្វកិច្ចរបស់យើងទាំងអស់គ្នាក្នុងនាមជាកងកម្លាំងមានសមត្ថកិច្ច។
ឯកឧត្តម ឃួង ស្រេង ក្នុងកិច្ចប្រជុំបន្ទាន់នោះក៏បានបញ្ជាទៅអាជ្ញាធរនិងសមត្ថកិច្ចទាំងអស់ត្រូវសហការគ្នាអោយបានល្អ ដាក់គោលដៅយាមប្រចាំការ២៤ម៉ោងលើ២៤ម៉ោង បង្ក្រាបបទល្មើសគ្រឿងញៀនពិសេសគឺការរួមគ្នាបំបែកសំណុំរឿងប្លន់ប្រដាប់អាវុធទៅលើធនាគារមួយកន្លែងនៅក្នុងខណ្ឌចំកានទាំងកណ្ដាលថ្ងៃត្រង់ កាលពីថ្ងៃទី២៣ សីហានេះ ដើម្បីចាប់បញ្ជូនជនសង្ស័យមកដាក់ទោសទៅតាមច្បាប់ បង្កើនជំជឿទុកចិត្តពីប្រជាពលរដ្ឋមកលើសមត្ថកិច្ចរបស់យើង។
គួររំលឹកថា កាលពីថ្ងៃទី២៣ ខែសីហាម្សិលមិញនេះ មានចោរប្រដាប់អាវុធមួយក្រុមមានគ្នាប្រមាណ៥នាក់ បានចូលប្លន់ធនាគារមួយទាំងកណ្ដាលថ្ងៃត្រង់ ស្ថិតនៅតាមបណ្ដោយផ្លូវម៉ៅសេទុង ខណ្ឌចំការមន ដោយយកអស់ទឹកប្រាក់ប្រមាណ១៨ម៉ឺនដុល្លារ។ ខណៈពេលនេះ កម្លាំងសមត្ថកិច្ចជំនាញ បាននិងកំពុងសហការគ្នាស្រាវជ្រាវយ៉ាងយកចិត្ដទុកដាក់បំផុត ដើម្បីតាមចាប់ខ្លួនជនសង្ស័យមកផ្ដន្ទាទោសតាមច្បាប់៕
ភ្នំពេញ៖ បន្ទាប់ពីផ្ទុះករណីប្លន់ធនាគារបង្កឡើងដោយក្រុមចោរប្រដាប់ដោយអាវុធ ចូលប្លន់ធនាគារ ឥណ្ឌូឆាយណា (RHG) ទាំងកណ្ដាលថ្ងៃត្រង់ ដែលមានទីតាំងនៅជាប់សាលាវណ្ណដា លើផ្លូវម៉ៅសេទុង ដោយក្រុមចោរមានគ្នា ៥ នាក់ ជិះម៉ូតូ២គ្រឿង មានកាំភ្លើងខ្លី ២ ដើម ប្លន់ប្រមូលយកលុយអស់ ១០ ម៉ឺន ដុល្លា ហើយក៏រត់គេងទៅដោយសុវត្តិភាព។
ជាក់ស្តែង ក្រោយកើតហេតុភ្លាមៗ សមត្តកិច្ចបានធ្វើការឃាត់ខ្លួនជនសង្ស័យម្នាក់ ភេទប្រុស ដែលអាចជាបក្សពួករបសក្រុមចោរខាងលើ ហើយបាននាំយកទៅសាកសួរអស់ជាច្រើនម៉ោង ទើបដឹងថាយុវជនរូបនេះមិនបានពាក់ព័ន្ធនិងករណីប្លន់នេះឡើយ ហើយក៏ដោះលែងឲ្យមកផ្ទះវិញ។
ក្រោយឃើញបែបនេះ មិត្តភក្តិ របស់ យុវជនដែលប៉ូលីសសង្ស័យច្រលំថាជាបក្សពួករបស់ក្រុមចោរ បានប្រតិកម្មជំនួសមិត្តភក្តិរបស់ខ្លួន ដោយក្នុងនោះ លោកបានបង្ហោះសារដោយរៀបរាប់ថា៖ ខ្ញុំជឿជាក់គាត់ គាត់មិនអាចធ្វើរឿងបែបនេះបានទេ គាត់ជាមិត្តល្អរបស់ខ្ញុំ រៀនចប់បរិញ្ញាត្រឹមត្រូវ មិនមែនជាមនុស្សបែកថ្នាំ ឬប៉ោឡែទេ មិនដឹងថាគាត់ខូចឈ្មោះប៉ុណ្ណាទេ បើដាក់ខ្នោះគាត់ចឹង គាត់ជាមនុស្សស្លូតបូត ពិតជាអាណិតគាត់ណាស់ ដោយមានការយល់ច្រលំ សូមបងប្អូនជួយស៊ែរអោយគេដឹងថាគេចាប់គាត់ច្រលំ គាត់មិនមែនបក្សពួកចោរទេ។
(មានវិដេអូ)
ប្រភព៖ FB
ខេត្តកំពង់ធំ៖ កាលពីថ្ងៃទី២៣ ខែសីហា ឆ្នាំ២០១៨ ស្ថិតនៅស្រុកកំពង់ស្វាយ ខេត្តកំពង់ធំ មានពីធីដង្ហែរសាសពដើម្បីយកទៅបញ្ចុះដែលមានចង្ងាយពីក្នុងភូមិជាង៨០០ម៉ែត្រ ហើយក្នុងកាដង្ហែរសពយកទៅបញ្ចុះនេះពិតជាពិបាកមែនទែន ដោយដើរឆ្លងកាត់ទឹកលិចយ៉ាងជ្រៅជម្រៅដល់ត្រឹមចង្កេះឯណោះ ។
វិដអូដង្ហែរសាកសពដើម្បីយកទៅបូជាមួយ ដែលកំពុងតែផ្ទុះខ្លាំងនៅក្នុងបណ្តាញសង្គមហ្វេសប៊ុក ដែលអ្នកគ្រប់គ្នាមានក្តីអាណិតអាសូដល់ក្រុមគ្រួសារសពពន់ពេក ខណះដែល គ្រួសារសពកំពុងតែមានទុក្ខហើយ បែរជាមកវេទនា ដោយសារត្រូវដង្ហែរសាកសពឆ្លងកាត់ទឹកលិចយ៉ាងជ្រៅជម្រៅដល់ត្រឹមចង្កេះឯណោះ ។
បើយោងតាមប្រភព ម្ចាស់Facebookឈ្មោះ”Chhoun Chhengmoun” ដែលត្រូវជាសាច់ញាតិ បងប្អូនកូនចៅក្រុមគ្រួសារនៃសព បានខមិនឆ្លើយតបបងប្អូនដែលប្រើប្រាស់ក្នុងបណ្តាញសង្គមហ្វេសប៊ុកឲ្យដឹងថា ( កាលពីគាត់នៅរស់ គាត់ផ្តាំមិនអោយយកគាត់ទៅបូជាទេ គឺយកគាត់ទៅទុក្ខនៅកន្លែងនឹង ) ៕
សូមទស្សនាវិដេអូខាងក្រោម ៖
ប្រភព៖ Chhoun Chhengmoun
Site Title 