ករណីគ្រោះថ្នាក់ចរាចរណ៍រវាងម៉ូតូ និងរ៉ឺម៉កសណ្តោង បណ្តាលឲ្យរបួសធ្ងន់ម្នាក់…

ស្រុកកោះធំ ៖ ករណីគ្រោះថ្នាក់ចរាចរណ៍រវាងម៉ូតូ និងរ៉ឺម៉កសណ្តោង បណ្តាលឲ្យរបួសធ្ងន់ម្នាក់ កើតហេតុនៅថ្ងៃ អាទិត្យ ៧ រោច ខែស្រាពណ៍ ឆ្នាំ ច សំរិទ្ធស័ក ព.ស២៥៦២ ត្រូវនិងថ្ងៃទី ២ ខែកញ្ញា គ.ស ២០១៨ ម៉ោង ១៦និង ២០ នាទីលើផ្លូវជាតិលេខ២១ ស្ថិតនៅក្នុងភូមិ ព្រែកមេស្រុក ឃុំព្រែកស្តី ស្រុកកោះធំ ខេត្តកណ្ដាល ។

ជនរងគ្រោះបើកម៉ូតូឈ្មោះជុះ.ស្លេម ម៉ាត់ ភេទប្រុស អាយុ ២១ឆ្នាំជនជាតិខ្មែរឥស្លាម មុខរបរនេសាទ មានទីលំនៅភូមិចាមលើ ឃុំព្រែកថ្មី ស្រុកកោះធំ ខេត្តកណ្ដាល ។

រីឯម្ចាស់រឺម៉កមានឈ្មោះ ណាន.ប៉េង ឈុន ភេទប្រុស អាយុ ៣៨ ឆ្នាំមុខរបរ កម្មករ មានទីលំនៅភូមិព្រែកថ្មី ឃុំព្រែកថ្មី ស្រុកកោះធំ ខេត្តកណ្ដាល ។

ករណីនេះ បង្កឡើងដោយអ្នកបើកបរម៉ូតូ សណ្ដោងរឺុម៉កឈប់ចតស្ងៀម នៅលើផ្លូវ មិនផ្ដល់សញ្ញា ឲ្យអ្នកធ្វើដំណើរស្របទិសបានដឹង ចំណែកអ្នកបើកបរម៉ូតូម៉ាកវ៉េវ បើកបរ មានល្បឿនលឿនមិនមើលមុខ រវល់និយាយ ទូរស័ព្ទ ទើបទៅបុកកន្ទុយរឺុម៉ក ៕

ប្រភព៖ FB

អភិបាលក្រុងព្រះសីហនុ បានក្រើនរំលឹកអោយពលរដ្ឋឬអ្នកពាក់ពន្ធ័បញ្ឈប់ការសាងសង់សំណង់ខុសច្បាប់ ប៉ះពាល់ដីចំណីផ្លូវឬដីចំណីអូរ ដើម្បីរួមគ្នា កាត់បន្ថយនិងសណ្តាប់ធ្នាប់ទូទៅ ដោយសារថាបញ្ហាជំនន់ទឹកភ្លៀង

ក្រុងព្រះសីហនុឮ៖ អភិបាលក្រុងព្រះសីហនុ បានក្រើនរំលឹកអោយពលរដ្ឋឬអ្នកពាក់ពន្ធ័បញ្ឈប់ការសាងសង់សំណង់ខុសច្បាប់ ប៉ះពាល់ដីចំណីផ្លូវឬដីចំណីអូរ ដើម្បីរួមគ្នា កាត់បន្ថយបញ្ហាជំនន់ទឹកភ្លៀងនិងសណ្តាប់ធ្នាប់ទូទៅ ដោយសារថាបញ្ហាជំនន់ទឹកភ្លៀងក្នុងក្រុងព្រះសីហនុ នៅតែបន្តកើតមាន

រាល់ពេលមានភ្លៀងខ្លាំងម្តងៗ ពិសេសការជន់លិចតាមតំបន់ទំនាប និងតាមផ្លូវមួយចំនួនក្នុងក្រុង បើទោះជាញឹកញាប់ អជ្ញាធរក្រុងព្រះសីហនុ និងអជ្ញាធរខេត្ត បានធ្វើយុទ្ធនាការ ចុះកាយ រំដោះបើកផ្លូវទឹកហូរ ដែលកន្លែងខ្លះកកស្ទះដោយសារសំរាមបិទមាត់លូបង្ហូរទឹក ឬការសាងសង់សំណង់ប៉ះពាល់ដីចំណីអូរជាដើម។

ជុំវិញបញ្ហានេះ លោកអុី សុខឡេងអភិបាលក្រុងព្រះសីហនុថ្លែងថា បច្ចុប្បន្ននេះ ក្រៅតែពីវិធានការអប់រំ រដ្ឋបាលក្រុងព្រះសីហនុ បានប្រើវិធានការរដ្ឋបាលបន្ថែមទៀត ដោយអោយកម្លាំងចម្រុះចុះរុះរើសំណង់ផ្សេងៗដែលអជ្ញាធរពិនិត្យឃើញថា ជាការសាងសង់ខុសច្បាប់រំលោភប៉ះពាល់លើដីចំណីផ្លូវឬដីចំណីអូររំដោះទឹក ដែលជាកត្តានាំអោយស្ទះចរន្តទឹកហូរ ពេលមានភ្លៀងខ្លាំងម្តងៗ។

ករណីនេះ លោកអភិបាលក្រុងព្រះសីហនុ បានអំពាវនាវបន្ថែមអោយពលរដ្ឋ ឬអ្នកពាក់ពន្ធ័ចូលរួមរុះរើសំណង់ផ្សេងៗ ដែលសង់ប៉ះពាល់ចំណីអូរដោយការស្មគ្រ័ចិត្ត មុនពេលអជ្ញាធរចុះរុះរើ ដែលនឹងមិនមានការទទួលខុសត្រូវលើការខូចខាតអ្វីឡើយ៕

ប្រភព៖ Huy Bunleng

ស្ត្រីជនជាតិអូស្ត្រាលីម្នាក់ ត្រូវចោរឆក់កាបូបបានសម្រេច បណ្តាលឱ្យដួលរងរបួសយ៉ាងធ្ងន់ធ្ងរ

ខេត្តបាត់ដំបង ៖ស្ត្រីជនជាតិអូស្ត្រាលីម្នាក់ ត្រូវចោរឆក់កាបូបបានសម្រេច បណ្តាលឱ្យដួលរងរបួសយ៉ាងធ្ងន់ធ្ងរ នៅក្រុងបាត់ដំបង ហេតុការណ៍នេះ បានកើតឡើងកាលពីវេលាម៉ោង៣រសៀលថ្ងៃទី០១ កញ្ញា ស្ថិតក្នុងសង្កាត់រតនៈ ក្រុងបាត់ដំបង ។

តាមប្រភពសមត្ថកិច្ចបានអោយដឹងថា៖ ស្ត្រីជាម្ចាស់កាបូប ឈ្មោះ ឡា ណាអាន់ អាយុ៣៥ឆ្នាំ ជាជនជាតិអូស្ត្រាលី ។
ដោយឡែក សម្ភារបាត់បង់មានកាបូបស្ពាយ ពណ៌ប្រផេះ១ និងទូរស័ព្ទដៃម៉ាកIPhone (៦plus) ពណ៌ខ្មៅ១គ្រឿង ប័ណ្ណសម្គាល់ខ្លួន១ច្បាប់ លុយ៧០ដុល្លាអាមេរិក និងកាតATM១ក្បាល ។

ប្រភពពីស្ត្រីរងគ្រោះប្រាប់សមត្ថកិច្ចថា កាលវេលាម៉ោងខាងលើ ខ្លួនបានជិះម៉ូតូឌុបចេញមកពីផ្សារ ក្នុងគោលបំណងទៅផ្ទះសំណាក់វិញ ។ លុះជិះដល់ចំណុចខាងលើ ស្រាប់តែលេចជនសង្ស័យចំនួន២នាក់ ជិះម៉ូតូមកអែបៗទន្ទឹមរួចក៏ឆក់កាបូបតែម្តង ប៉ុន្តែពេលនោះ ខ្លួនបានទាញទៅទាញមកជាមួយចោរ បណ្តាលដួលលើថ្នល់រលាត់ដៃជើងរងរបួស ហើយការបូបស្ពាយនោះត្រូចោរឆក់យកទៅបាត់ ។
បច្ចុប្បន្ន សមត្ថកិច្ចបាន និងកំពុងធ្វើការស្រាវជ្រាវ ដើម្បីចាប់ខ្លួនជនសង្ស័យហើយ ៕

ប្រភព៖ FB

កម្លាំងល្បាតរបស់ការិយាល័យព្រហ្មទណ្ឌកំរិតស្រាល ឃាត់ខ្លួនជនសង្ស័យចំនួន៤នាក់…

ភ្នំពេញ៖ នៅថ្ងៃទី២៩/០៨/១៨ វេលាម៉ោង២០:៥០នាទី កម្លាំងល្បាតរបស់ការិយាល័យព្រហ្មទណ្ឌកំរិតស្រាល បានប្រដេញបង្រ្កាបបានករណីឆក់កាបូបពីបុរសម្នាក់ ក្នុងភូមិសាស្រ្ត សង្កាត់វាលវង់ ខណ្ឌ៧មករា រាជធានីភ្នំពេញ បង្កឡេីងដោយជនសង្ស័យចំនួន០៨នាក់ ម៉ូតូ ០៥គ្រឿង ដោយឃាត់ខ្លួនជនសង្ស័យចំនួន០២នាក់៖ ឈ្មោះ ចែម ចាន់ថូ ភេទប្រុស អាយុ១៨ឆ្នាំ ជនជាតិខ្មែរ (ជាអ្នកជិះម៉ូតូបិទគូទ) ធ្លាប់ជាប់ពន្ធនាគារ មានសារធាតុញឿន ឈ្មោះ កង ម៉េងរ៉ុង ភេទប្រុស អាយុ១៧ឆ្នាំ ជនជាតិខ្មែរ(ជាអ្នកជិះម៉ូតូបិទគូទ) មានសារធាតុញឿន ។

ដោយមានការយកចិត្តទុកដាក់ និងចង្អុលបង្ហាញពី ឯកឧត្តម ប្រធាននាយកដ្ធាននគរបាលព្រហ្មទណ្ឌ និងមានការសម្របសម្រួលពីអយ្យការអមសាលាដំបូងរាជធានីភ្នំពេញ កម្លាំងជំនាញយេីងបានបន្តការឃាត់ខ្លួនជនសង្ស័យម្នាក់ទៀតឈ្មោះ លី ហាក់ ភេទប្រុស អាយុ១៦ឆ្នាំ ជនជាតិខ្មែរ (ជាអ្នកបេីកម៉ូតូធ្វេីសកម្មភាពឆក់) មានសារធាតុញៀន នៅថ្ងៃទី៣០/០៨/១៨ វេលាម៉ោង ១៥:៣០នាទី ។

លុះមកដល់ថ្ងៃទី៣១ ខែសីហា ឆ្នាំ២០១៨ វេលាម៉ោង១៥:១០កម្លាំងការិយាល័យបានធ្វេីការឃាត់ខ្លួនឈ្មោះ ស៊ុន លាងហាក់ ហៅសិដ្ធ ភេទប្រុស អាយុ១៧ឆ្នាំ (ជាអ្នកធ្វេីសកម្មភាពឆក់កាបូប) មានសារធាតុញឿន យកមកកាន់ការិយាល័យជំនាញ ។

បច្ចុប្បន្នជនសង្ស័យខាងលេី ការិយាល័យព្រហ្មទណ្ឌកម្រិតស្រាល បានក៏សាងសំណុំរឿងបញ្ជូនទៅអយ្យការអមសាលាដំបូងដេីម្បីចាត់ការតាមនីតិវិធី ។

ប្រភព៖ FB

រថយន្ត២គ្រឿងបុកគ្នានៅប្រទេសថៃ បណ្តាលអោយអនុប្រធានមន្ទីរសុខាភិបាលខេត្តប៉ៃលិនរងរបួសធ្ងន់ ចំណែកប្រពន្ធ…..

(ប៉ៃលិន) ហេតុការណ៍រថយន្តថៃបុកជាមួយរថយន្តខ្មែរបណ្តាលឱ្យប្រពន្ធអនុប្រធានមន្ទីរសុខាភិបាលស្លាប់ដ៏គួរឱ្យរន្ធត់នេះ បានកើតឡើងកាលពីវេលាម៉ោង៨និង២០នាទីយប់ ថ្ងៃទី៣១ ខែសីហា ឆ្នាំ២០១៨ ស្ថិតនៅលើបណ្តោយផ្លូវជាតិ ក្នុងស្រុកពោងណាំរ៉ន ខេត្តចាន់បូរី ប្រទេសថៃ ។

ស្ត្រីរងគ្រោះដែលស្លាប់មានឈ្មោះ ឃាង ធារ៉ាថន អាយុ៤១ឆ្នាំ ជានាយកស្តីទីចាត់ការហិរញ្ញវត្ថុសាលាខេត្តប៉ៃលិន ប្តីឈ្មោះ សៀក រតនៈ អាយុ៥០ឆ្នាំ រងរបួសធ្ងន់កំពុងសង្គ្រោះនៅមន្ទីរពេទ្យខេត្តចាន់បូរី ។ រីឯរថយន្តម៉ាក CRV ពណ៌ប្រាក់ មិនស្គាល់ផ្លាកលេខ ទទួលរងការខូចខាតទាំងស្រុង ។ ចំណែកអ្នកបើកបររថយន្តភាគីថៃមិនស្គាល់អត្តសញ្ញាណ ក្រោយកើតហេតុបើកទ្វាររថយន្តគេចខ្លួនបាត់ស្រមោល ។

មុនពេលកើតហេតុគេឃើញជនរងគ្រោះទាំងពីរនាក់ប្តីប្រពន្ធបានបើកបររថយន្តរបស់ខ្លួនម៉ាក CRV ពណ៌ប្រាក់ ក្នុងទិសដៅពីកើតទៅលិចដោយឆ្លងព្រំដែនខេត្តប៉ៃលិនឆ្ពោះទៅខេត្តចាន់បូរី ប្រទេសថៃ លុះកំពុងតែធ្វើដំណើរសុខៗតាមដងផ្លូវស្រាប់តែមានរថយន្តថៃ១គ្រឿងម៉ាក មីសុយមីស៊ី ពណ៌ស បើកបរវ៉ាជែងគ្នាក៏ជ្រុលទៅបុករថយន្តជនរងគ្រោះយ៉ាងពេញទំហឹងបណ្តាលឱ្យរងរបួសធ្ងន់ និងស្លាប់តែម្តង ។

ចំណែករថយន្តទាំងពីរគ្រឿងទទួលរងការខូចខាតយ៉ាងដំណំ ហើយក៏ត្រូវបានសមត្ថកិច្ចថៃស្ទូចយកចេញពីផ្លូវទៅរក្សាទុករង់ចាំធ្វើការដោះស្រាយ ។ សពស្ត្រីរងគ្រោះត្រូវបានសាច់ញាតិទាក់ទងទៅខាងភាគីថៃ ដើម្បីដឹកត្រឡប់យកមកខេត្តប៉ៃលិនរួចរៀបចំធ្វើបុណ្យតាមប្រពៃណី ។ រីឯលោក សៀក រតនៈ អនុប្រធានមន្ទីរសុខាភិបាលខេត្តកំពុងស្ថិតនៅក្នុងបន្ទប់សង្គ្រោះបន្ទាន់ប្រទេសថៃនៅឡើយ ៕ប្រភពFB

មានចឹងដែរលោកព្រះ! ស្រ្តីម្នាក់ខំទៅរកគ្រូមន្តអាគមន៍ឲ្យដាក់ស្នេហ៍ ដើម្បីអន្ទងចិត្តប្ដីកុំបែកចិត្ត ស្រាប់តែ…..

(ភ្នំពេញ) ស្រ្តីម្នាក់បានប្ដឹងឲ្យនគរបាលប៉ុស្តិ៍ចោមចៅ២ ខណ្ឌពោធិ៍សែនជ័យ ចាប់ខ្លួនគ្រូស្នេហ៍ម្នាក់ និងប្រពន្ធដោយចោទប្រកាន់ថា បានលួងលោមនាងចូលផ្ទះសំណាក់ រួចរំលោភបានសម្រេច នៅពេលដែលនាំខំទៅរកលោកគ្រូឲ្យដាក់ស្នេហ៍ដល់ប្តី អន្ទងចិត្តកុំឲ្យបែក និងទន់មកស្រឡាក់បីថ្មមនាងវិញ។

ហេតុការណ៍ដ៏គួរឲ្យហួសចិត្តខាងលើនេះ បានកើតឡើងកាលពីវេលាម៉ោង៦៖៣០នាទី យប់ថ្ងៃទី២៦ ខែសីហា ឆ្នាំ២០១៨ នៅក្នុងផ្ទះសំណាក់ ពេជ្រលាភ ក្នុងភូមិដំណាក់ធំ៣ សង្កាត់ស្ទឹងមានជ័យ ។ រហូតមកដល់ថ្ងៃទី៣១ ខែសីហា ឆ្នាំ២០១៨ ទើបស្ត្រីរងគ្រោះ ប្ដឹងសុំឲ្យនគរបាលប៉ុស្តិ៍ចោមចៅ២ ជួយអន្តរាគមន៍ចាប់ខ្លួនគ្រូបោកទាំងពីរនាក់ប្ដីប្រពន្ធ។

ជនសង្ស័យដែលត្រូវនគរបាលឃាត់ខ្លួននោះប្ដីឈ្មោះ ចាន់ ឈាន អាយុ៣៦ឆ្នាំ ក្រៅពីធ្វើជាគ្រូមន្តអាគមន៍ មានមុខរបរមួយទៀតគឺលាងម៉ូតូ និងប្រពន្ធឈ្មោះ ឈា ណូន អាយុ៣១ឆ្នាំ មុខរបរលាងម៉ូតូ ស្នាក់នៅផ្ទះជួលភូមិថ្មគោល២ សង្កាត់ចោមចៅ២ ខណ្ឌពោធិ៍សែនជ័យ។ ដោយឡែកស្រ្តីរងគ្រោះឈ្មោះ ម.ម អាយុ២៩ឆ្នាំ ជាកម្មការិនីរោងចក្រកាត់ដេរ ស្នាក់នៅផ្ទះជួលក្នុងភូមិអូរដឹម២ សង្កាត់ចោមចៅ៣ ខណ្ឌពោធិ៍សែនជ័យ។

ស្ត្រីរងគ្រោះបានប្រាប់នគរបាលថា នៅមុនពេលកើតហេតុ នាងបានពឹងពាក់ស្រ្តីម្នាក់ទៀតឈ្មោះ លូត ផល្លា ដែលជាមិត្តភក្តិឲ្យជួយរកគ្រូមន្តអាគមន៍ ដើម្បីឲ្យជួយបញ្ចុះស្នេហ៍ឲ្យប្ដីស្រឡាញ់ កុំឲ្យប្ដីទៅរកស្រីណាផ្សេងក្រៅពីនាង។ ខណៈនោះស្រ្តីឈ្មោះ លូត ផល្លា បាននាំនាងទៅកាន់ផ្ទះគ្រូស្នេហ៍ខាងលើ លុះពេលជូនទៅដល់ឈ្មោះ លូ ផល្លា បានត្រឡប់ទៅផ្ទះមុនបាត់ ហើយនាងបានស្ថិតនៅផ្ទះគ្រូនោះ។

ក្រោយមកគ្រូស្នេហ៍រូបនេះ និងប្រពន្ធបាននាំនាងជិះរថយន្តម៉ាកកូរ៉ូឡា១គ្រឿង ចេញពីផ្ទះទៅទិញសម្ភារនៅផ្សារត្រពាំងថ្លឹង សម្រាប់ធ្វើពិធីរួច ក៏បានបើករថយន្តទៅកាន់ផ្ទះសំណាក់ យីហោ ពេជ្រលាភ។ ពេលចូលទៅដល់ក្នុងបន្ទប់ផ្ទះសំណាក់ខាងលើ គ្រូមន្តអាគមន៍រូបនេះ បានឲ្យនាងស្រាតសម្លៀកបំពាក់ចេញឲ្យអស់ ហើយគ្រូនោះ និងប្រពន្ធក៏បានស្រាតអស់ដែរ។ បន្ទាប់គ្រូបានឲ្យនាងឡើងអង្គុយពីលើរួចរំលោភនាងរហូតបានសម្រេចតែម្ដង។

ស្ត្រីរងគ្រោះបានបន្តថា ចំណែកឯស្រ្តីជាប្រពន្ធរបស់គ្រូ បានយកដៃរុកចូលលេងប្រដាប់ភេទនាងរងគ្រោះតាមចិត្តបន្តទៀត ដោយគ្រូនោះប្រាប់ថា ធ្វើបែបនេះទើបស័ក្ដិសិទ្ធិ។ បន្ទាប់មកបាននាំចេញពីផ្ទះសំណាក់ រួចបើករថយន្តដឹកនាងត្រឡប់ទៅផ្ទះវិញ ហើយនាងមិនបានប្ដឹងភ្លាមៗនោះទេ រហូតដល់ថ្ងៃទី៣១ ខែសីហា ទើបភ្ញាក់ខ្លួនថា ចាញ់បោកគ្រូនេះហើយ ក៏បានប្ដឹងនគរបាលឲ្យចាប់ខ្លួនគ្រូបោកទាំងប្ដីទាំងប្រពន្ធចាត់ការតាមច្បាប់៕ប្រភពFB

ថៅកែចិនម្នាក់បានវាយកូនចៅនិងបានបណ្ដាញចេញពីកន្លែងធ្វើការមានទាំងក្មេងស្រីតូចនិងធំចំនួន១៤នាក់

(ភ្នំពេញ) ៖ ថៅកែចិនម្នាក់បានវាយកូនចៅនិងបានបណ្ដាញចេញពីកន្លែងធ្វើការមានទាំងក្មេងស្រីតូចនិងធំចំនួន១៤នាក់ហេតុការណ៍នេះបានបង្កឲ្យមានការផ្ញាក់ផ្អើលឡើងកាលពីវេលាម៉ោងជាង១១យប់ថ្ងៃទី៣១ខែសីហាឆ្នាំ២០១៨ដែលមានទីតាំងស្ថិតនៅក្នុងសង្កាត់ស្ទឹងមានជ័យ១ខណ្ឌមានជ័យក្រុងភ្នំពេញ។

តាមប្រភពពីក្មេងស្រីដែលរងគ្រោះបានប្រាប់ឲ្យដឹងថា នៅមុនពេលកើតហេតុពួកគេមានគ្នាបីទៅបួននាក់កំពុងតែហាលខោអាវផងនិងនិយាយគ្នាលេងផងពេលនោះស្រាប់តែម្ចាស់សិប្បកម្មហាងធ្វើនំដែលមានយីហោ ឡាយ គារហួរ បានដើរមកជិតហើយបានចោទទៅកាន់ក្មេងស្រីម្នាក់ដែលមានឈ្មោះថា យឿន នីតា អាយុ១៦ឆ្នាំ ថា” ម្ដេចក៏អាសម្ល៉េះដែលទៅទាក់ទងជាមួយនិងមនុស្សប្រុសដែលទើបនឹងមកធ្វើការជាមួយបានបួនទៅប្រាំថ្ងៃនឹង”បន្ទាប់ពីនិយាយរួចស្រាប់គាត់បានរត់ទៅចាប់ដៃក្មេងស្រីដែលរងគ្រោះនិងក្មេងប្រុសម្នាក់ទៀតហើយបានវាយទៅលើក្មេងស្រីដែលរងគ្រោះនោះចំថ្ពាល់មួយដៃបណ្ដាលឲ្យហើមជាំ។

ខណៈពេលដែលវាយហើយពួកគេទាំងអស់គ្នាបានរត់ចេញមកខាងក្រៅដើម្បីឲ្យគេជួយតែបែរជាថៅកែចិនម្នាក់នោះបានស្រែកខ្លាំងៗហើយចោទទៅកាន់ពួកគេថាជាចោរទៅវិញ។

បន្ទាប់ពីមានបញ្ហាខាងលើនេះហើយថៅកែចិនម្នាក់នោះបានដើរទៅក្នុងផ្ទះវិញរួចក៏ទៅជេរកម្មករដ៏ទៃទៀតដែលមិនដឹងខ្យល់អីរហូតដល់គាត់បានដេញពួកគេទាំងអស់សរុបចំនួន១៤នាក់អោយឈប់ធ្វើការនៅសិប្បកម្មនឹងទៀតហើយថែមទាំងបានដកហូតយកសម្ភារៈរបស់ពួកគេទាំងអស់មិនឲ្យយកចេញទេ ។

ក្រោយពេលកើតហេតុជនរងគ្រោះទាំង១៤នាក់បានទៅដាក់ពាក្យបណ្ដឹងនៅប៉ុស្តិ៍នគរបាលរដ្ឋបាលស្ទឹងមានជ័យទី១ដើម្បីឲ្យសមត្ថកិច្ចចាត់វិធានការណ៍ទៅលើថៅកែដែលបានបង្កហិង្សានិងបញ្ឈប់ពួកគេពីការងារទៅតាមនីតិវិធីនៃច្បាប់៕

(សូមទស្សនាវិដេអូ)

https://www.facebook.com/plugins/video.php?href=https%3A%2F%2Fwww.facebook.com%2Fchenda.pen.169%2Fvideos%2F2101526143497541%2F&show_text=0&width=560

ប្រភព៖ ឱផ្សែង បា រី

មានសង្ឃឹមហើយ រោងចក្រកែច្នៃដំឡូងមី តម្លៃជិត ៣0លានដុល្លារ នឹង……

(ក្រចេះ) រោងចក្រកែច្នៃកសិផលដំឡូងមី តម្លៃប្រមាណ ២៩,៥៣លានដុល្លារអាមេរិក ដែលជាការវិនិយោគរបស់ក្រុមហ៊ុន Green Leaders Starch Food First Factory Co., Ltd នឹងចេញជារូបរាងឡើងនៅក្នុងខេត្តក្រចេះ បន្ទាប់ពីក្រុមប្រឹក្សាអភិវឌ្ឍន៍កម្ពុជា ហៅកាត់ CDC សម្រេចចុះបញ្ជីជាស្ថាពរ។ វត្តមានរោងចក្រនេះ ក៏និងអាចជួយប្រជាកសិករដែលមានដំណាំដំឡូងមី មានឱកាសបង្កើនចំណូលពីតម្រូវការកសិផលដំឡូងមីនេះផងដែរ។

បើយោងតាមសេចក្តីប្រកាសរបស់ក្រុមប្រឹក្សាអភិវឌ្ឍន៍កម្ពុជា CDC បានបញ្ជាក់ថា គម្រោងបង្កើតរោងចក្រកែច្នៃកសិផលដំឡូងមីនេះ មានទីតាំងវិនិយោគស្ថិតនៅក្នុងតំបន់សេដ្ឋកិច្ចពិសេស យូ ប៊ី អ៊ី ស្នួល ខេត្តក្រចេះ ដែលអាចបង្កើតការងារបានចំនួន ៣៧កន្លែង។

កសិផលដំឡូងមី ជាផលិផលដែលមានតម្លៃបន្ថែមខ្ពស់ និងកំពុងមានតម្រូវការច្រើននៅលើទីផ្សារពិភពលោក ពីពព្រោះថា ដំឡូងមី អាចយកទៅផលិតជាអាហារសម្រាប់មនុស្សនិងសត្វ ជាពិសេសអាចផលិតជាអេតាណុល និងសម្ភារប្រើប្រាស់មួយចំនួន ដែលមិនបង្កផលប៉ះពាល់ដល់បរិស្ថាន លើសពីនេះផលិតនេះមិនងាយខូចដូចកសិផលដ៏ទៃទៀតនោះឡើយ។

សូមបញ្ជាក់ឡើងវិញថា ឆ្នាំ២០១៧កន្លងទៅ ផ្ទៃដីដាំដុះដំឡូងមីកម្ពុជាមានប្រមាណ៦០ម៉ឺនហិចតា។ ហើយចាប់តាំងពីឆ្នាំ២០១១ ផ្ទៃដីដាំដុះដំឡូងមី ត្រូវបានពង្រីកពី ៤០០ពាន់ហិកតា ដល់ ៥៧៤ពាន់ហិកតា នៅក្នុងឆ្នាំ២០១៥ ហើយបានផ្តល់ទិន្នផលសរុបជាង ១៣លានតោន។ លើសពីនេះ នៅឆ្នាំ២០១៧ កម្ពុជាបានក្លាយជាប្រទេសដែលឈរនៅលំដាប់លេខរៀងទី៨ ក្នុងចំណោមប្រទេសផលិតដំឡូងមីធំៗទាំង១០ នៅលើពិភពលោក៕ ដោយ សុខជា

មានបុរសម្នាក់ មកដេកប្រកាច់ននៀលដីពេញផ្លូវ បង្ករឲ្យមានការភ្ញាក់ផ្អើល..(មានវិដេអូ)

នេះហើយគឺជាលទ្ធផលចុងក្រោយដែលអ្នកខំព្យាយាមប្រើប្រាស់វា សុំមេត្តាភ្ញាក់ខ្លួនឡើងវិញទៅ វាសម្លាប់អ្នកទាំងរស់ ហ្នឹងបំផ្លាញអនាគតរបស់អ្នកទៀត មើលចុះមនុស្សមិនចំមនុស្ស ខ្មោចមិនចំខ្មោច ពិតជាអាក្រក់មើលណាស់ ។

យើងទាំងអស់គ្នាប្រាកដជាដឹងហើយថា ឥទ្ធិពលនៃគ្រឿងញៀន វាគ្មានបានជួយអីអ្នក ក្រៅពីបំផ្លាញជីវិតអ្នកនុះទេ ឈប់បានឈប់ទៅ សុំអាណិតដល់គ្រួសាអ្នកផង ។

មានបុរសម្នាក់ មកដេកប្រកាច់ននៀលដីពេញផ្លូវ បង្ករឲ្យមានការភ្ញាក់ផ្អើលពីសំណាក់អ្នកដែលរស់នៅក្បែរនោះ ព្រមទាំងសមត្ថកិច្ចផងដែរ ហើយបុរសម្នាក់នេះគេមិនទាន់ស្គាល់អត្តសញ្ញាណច្បាស់លាស់នៅឡើយទេ ហេតុការណ៍កើតឡើងនៅជិតក្រុមហ៊ុន BIC (ប៊ី អាយ ស៊ី ) ផ្លូវព្រះមនីវង្ស សង្កាត់បឹងត្របែក ខណ្ឌចំកាមន រាជធានីភ្នំពេញ ៕

(មានវិដេអូ)

https://www.facebook.com/plugins/video.php?href=https%3A%2F%2Fwww.facebook.com%2Ftep.solida.79%2Fvideos%2F309037059676071%2F&show_text=0&width=560

ប្រភព៖ កូន ខ្លាតូច

ខ្លាំងបាត់.! ជនជាតិចិនទំនើងមួយក្រុម បានវ៉ៃគ្នា បង្ករភាពអនាធិបតេយ្យនៅខេត្តព្រះសីហនុ…(មានវិដេអូ)

ក្រុងព្រះសីហនុ៖ កាលពីយប់ថ្ងៃទី២៩ ខែសីហា ឆ្នាំ២០១៨នេះនៅចំនុច ឆ្នេរអូរឈើទាល ក្បែរកំពងផែដឹកភ្ញៀវទេសចរណ៍ ក្រុមជនជាតិចិនមួយក្រុមបានបង្កភាពអនាធិបតេយ្យកាលពីយប់ថ្ងៃទី២៩ ខែសីហា ឆ្នាំ២០១៨។

បន្តិចក្រោយមក ទើបកំលាំងនគរបាលបានចុះមកអន្តរាគមន៍ តែជនជាតិចិនទំនើងទាំងនោះបានតដៃទៅលើសមត្ថកិច្ចវិញ ទើបសមត្ថកិច្ចសម្រេចចិត្តបាញ់ឡើងលើដើម្បីបង្រ្កាប ជនជាតិចិនទំនើងទាំងនោះ។

នេះបើតាមនគរបាលប្រាប់អោយដឹងថា កំលាំងនគរបាលបាញ់ឡើងលើ គឺដើម្បីបំបែកហ្វូងដែលជនជាតិចិន ដែលប្រហើនបំរុង ចង់ធ្វើការតដៃជាមួយសម្ថកិច្ចតែប៉ុននោះ។

(មានវិដេអូ)

https://www.facebook.com/plugins/video.php?href=https%3A%2F%2Fwww.facebook.com%2Fkhmerlerdigital%2Fvideos%2F296228401157217%2F&show_text=0&width=560

ប្រភព៖ ហ្ចេសបុក ឡេង ស៊