ថ្ងៃទិវាសិទ្ធនារី៨មិនា បងប្អូនប្រជាពលរដ្អនាំគ្នាដំណើរកំសាន្តមើលទៅសប្បាយម្យ៉ាង….(ចុចមើលទាំងអស់គ្នា)

ប្រវត្តិថ្ងៃ៨មិនា៖ នៅឆ្នាំ ១៩១០ សន្និបាតអន្តរជាតិនារីដែលមានប្រទេស ១៧ ចូលរួមបានធ្វើឡើងនៅទីក្រុងកូប៉ែនហាក រដ្ឋធានីនៃប្រទេសដាណឺម៉ាក បានសម្រេចយកថ្ងៃ ៨ មីនា “ទិវានារីអន្តរជាតិ” ថ្ងៃមហាសាមគ្គីតស៊ូរបស់នារីពលករទូទាំងសាកលលោក ដើម្បីសិទ្ធិសេរីភាពប្រជាធិបតេយ្យដោយភ្ជាប់ជាមួយនឹងពាក្យស្លោកថា «មួយថ្ងៃធ្វើការប្រាំបីម៉ោង», «ធ្វើការស្មើគ្នា បៀវត្សស្មើគ្នា», «ការពារសុខភាពមាតា និងទារក» ។

ដូចនេះថ្ងៃ ០៨ មីនាជាថ្ងៃបុណ្យអន្តរជាតិនារី ដែលរំឮកអំពីការតស៊ូរបស់នារីពលករទូទាំងសកលលោក ដែលប្រឹងប្រែងដើម្បីរំដោះនារី ដោយទាមទារឱ្យអនុវត្តសិទ្ធិស្មើភាពរវាងបុរស និងនារី។

បើយើងក្រឡេកមកមើលបច្ចុប្បន្នឯណេះវិញរាល់ពេលដល់ថ្ងៃបុណ្យសិទ្ធនារីម្តងៗយើងបានឃើញបងប្អូនបានឈប់សំរាកពីកាងារហើយបងប្អូនដែលរស់នៅក្នុងស្រុក រឺ ក្រៅស្រុកបាននាំគ្នាទិញវត្ថុអនុស្សាវរីយ៍ជូន បងប្អូន ឳពុកម្តាយ មិត្តភក្កិ រឺក៍អ្នកពិសេស.ល.៕

តែមានប្អូនមួយចំនួនទៀតបាននាំក្រុមគ្រួសារ មិត្តភក្កិ រឺ អ្នកពិសេស ទៅដំណើរកំសាន្តទៅទីជិតទីឆ្ងាយទៅតាមចំណង់ចំណូលរបស់ពួកគេ បើមើលតាមវិដេអូនឹងរូបភាពទាំងនេះហាក់បីដូចជាមានការសប្បាយរីករាយក្នុងការបានទៅដំណើរកំសាន្តក្នុងថ្ងៃឈប់សំរាក

ដោយ៖ វ៉ាន់ ដេត

តើអ្នកដឹកនាំរឿងកំប្លែងខ្លីយាយសំ យាយសយ ដែលកំពុងតែល្បីលើបណ្តាញសង្គមសព្វថ្ងៃជាអ្នកណា?

ខេត្តកែបៈ រឿងយាយសំយាយសយ ត្រូវបានយុវវ័យកម្ពុជា ទាំងក្នុងនិងក្រៅប្រទេស ភាគច្រើនស្គាល់ ហើយមានការគាំទ្រយ៉ាងខ្លាំងរហូតដល់ពេលសព្វថ្ងៃនេះមានអ្នកតាមដានលើបណ្តាញសង្គមច្រើនជាង ៥០០០០នាក់។ ដែលវីដេអូតំបូងមានអ្នកចុចមើលរហូតដល់ ១៨ លានដង និងចែករំលែករហូតដល់ជិត ៥០០០០ ដង។

https://www.facebook.com/plugins/post.php?href=https%3A%2F%2Fwww.facebook.com%2Fngongs1%2Fposts%2F1748572275193042&width=500

ហេតុអ្វីទើបរឿងនេះមានការចាប់អារម្មណ៍? តើអ្នកដឹកនាំរឿងនេះជាអ្នកណា? គាត់មានឥទ្ធិលអ្វីដល់រឿងនេះ?
រឿងកំប្លែងដែលមានតួអង្គវ័យចំណាស់នេះ មានអ្នកដឹកនាំឈ្មោះ ង៉ុង សាន់ អាយុ ២៣ ឆ្នាំជាអនុប្រធានផ្នែកទំនាក់ទំនងសង្គម និងប្រពន្ធ័ផ្សព្វផ្សាយ នៅសាលាបច្ចេកទេស ដុន បូស្កូខេត្តកែប។ គាត់ជាកូនទី ៧ ក្នុងចំណោមបងប្អូន ៩ នាក់ ឪពុកជាកសិករ ហើយម្តាយទទួលមរណៈភាពក្នុងឆ្នាំ ២០១៧ ដោយសារជំងឺប្រចាំកាយ។ សាន់ បានបញ្ចប់ការសិក្សានៅចុងឆ្នាំ ២០១៥ ហើយចូលបំរើការងារជាអ្នកផលិតវីដេអូបង្រៀនជំនាញជាងឡាននៅយាន្តដ្ឋានមួយកន្លែងក្នុងរាជធានីភ្នំពេញ។ បញ្ចប់ការងារបីខែក្នុងយាន្តដ្ឋាន ង៉ុង សាន់បានប្តូរការងារទៅជាអ្នកយកពត៌មានអោយស្ថានីយ៍ទូរទស្សន៍ NTV និង សរសេរពត៌មានអោយគេហៈទំព័រ Kqupe។
ចំណាយអស់រយៈពេលជិត ២ ឆ្នាំនៅភ្នំពេញបានធ្វើអោយគាត់ស្គាល់រស់ជាតិជីវិតយ៉ាងច្រើនរវាងការរស់នៅបែបជនបទ និងការរស់នៅបែបអ្នកចំណូលក្រុង។ ដោយសារក្តីស្រមៃចង់ក្លាយជាអ្នកផលិតភាពយន្តនិងដោយកត្តាបញ្ហាក្នុងគ្រួសារ បន្ទាប់ពីម្តាយបានលាចាកលោកនេះ ទើបជំរុញអោយគាត់ផ្លាស់ប្តូរចិត្តត្រលប់ទៅធ្វើការ នៅសាលា ដុន បូស្កូកែប វិញ ដែលជាកន្លែងដែលអាចអោយគេចាប់ធ្វើអ្វីដែលគេចង់ធ្វើ និងនៅមិនឆ្ងាយពីផ្ទះកំណើតរបស់ខ្លួន។

តំបូងឡើយ សាន់ គ្រាន់តែជាគ្រូបង្រៀនជំនាញសរសេរពត៌មានតែប៉ុណ្ណោះ តែដោយសារទេពកោសល្យ និងភាពឈ្លាសវៃរបស់ខ្លួនទើបលោក ពុក លី សំណាង អធិការសាលា ដុន បូស្កូកែប បានលើកអោយធ្វើជាអនុប្រធានផ្នែក ទំនាក់ទំនង និងប្រពន្ធ័ផ្សព្វផ្សាយនៅ ២ ខែបន្ទាប់។
ដោយសារនិស្ស័យពីកំណើតធ្វើអោយយុវជនម្នាក់នេះ ទៅណាមិនឆ្ងាយពីការងារជាអ្នកផលិតវីដេអូ គេបានដឹកនាំក្រុមនិស្សិតផលិតវីដេអូជាច្រើនប្រភេទ មានទាំង រឿងអប់រំខ្លីៗ វីដេអូបែបកម្សាន្ត វីដេអូបង្ហាញពីតំបន់ទេសចរណ៍ជាដើម។ មិនតែប៉ុណ្ណោះអោយតែមានការប្រកាសផលិតវីដេអូ ប្រកួតប្រជែង គឺមិនដែលបាត់មុខក្រុមរបស់គេឡើយ! លើកទី១ គេបានចូលរួមប្រកួតជាមួយ គ.ជ.ប ក្រោមការរៀបចំរបស់ JICA ក្នុងនោះក្រុមរបស់គេទទួលបានជ័យលាភីលេខ២ លើកទី២ ជាមួយក្រុមប្រឹក្សាអាជ្ញាកណ្តាល គេទទួលបានជ័យលាភីលេខ២ លើកទី៣ ជាមួយក្រសួងទេសចរណ៍វីដេអូរបស់គេជាប់ក្នុងជម្រើស១០ក្រុមចុងក្រោយ និងលើកទី៤ ជាមួយក្រុមហ៊ុនអាស៊ីវេរលុយ គេទទួលបានជ័យលាភីលេខ១ ហើយក៏ជាការចាប់ផ្តើមធ្វើមានក្រុមសម្តែង យាយសំ យាយសយ កើតឡើងទល់សព្វថ្ងៃ។
វីដេអូរបស់ក្រុមសម្តែង យាយសំ យាយសយ បានចាក់ចំបេះដូងរបស់អ្នកទស្សនាអោយសើច លាយយំ! ធ្វើអោយអ្នកមើលមានអារម្មណ៍នឹកស្រុកស្រែ នឹកពុក នឹកម៉ែ នឹកតា នឹកយាយ! ធ្វើអោយចាស់ៗគាត់ចង់បន្តជីវិតរបស់ពួកគាត់ លើផែនដីនេះបន្តទៀត។
សព្វថ្ងៃនេះក្រុមសម្តែងយាយសំ យាយសយ ត្រូវបានចុះកុងត្រាផលិតជាមួយក្រុមហ៊ុនឆ្នោត មហាសំណាង។ នេះជាជោគជ័យមួយផ្នែករបស់ ង៉ុង សាន់ ហើយវាជាមោទនៈភាពមួយរបស់ ដុន បូស្កូ ដែលបណ្តុះគ្រាប់ពូជបានលទ្ធផលល្អដល់សាលាគ្រប់ជំនាន់។

អត្ថបទទាំងស្រុង km.donboscokhmer.org

https://www.facebook.com/plugins/video.php?href=https%3A%2F%2Fwww.facebook.com%2Fasiaweiluy098666678%2Fvideos%2F1057604181040633%2F&show_text=0&width=560

អ្នកនាង គង់ ចាន់ស្រីមុំ ត្បិតតែពពោះកូនដំបូងមែនតែសម្រស់វិញស្អាតកប់មិនបាច់និយាយ…. (មានវិដេអូ)

រាជធានីភ្នំពេញ៖ ប្រិយមិត្តទាំងប្រាកដជាបានដឹងហើយថា បច្ចុប្បន្ននេះតារាសម្តែង ដែលមានរូបសម្រស់ស្រស់ស្អាត សាច់សខ្ចី គឺ អ្នកនាង គង់ ចាន់ស្រីមុំ ជាតារាសម្តែងវ័យក្មេង ហើយកំពុងមានកាចាប់អារម្មណ៍យ៉ាងខ្លាំងពីសំណាក់មហាជន ហើយពេលនេះអ្នកនាងក៍បានពពោះកូនស្រីដំបូងជាចំណងដៃអាពាហ៍ពិពាហ៍ជាមួយស្វាមីអ្នកនាងគឺ លោក គឹម សីហា។

ហើយពេលថ្មីៗនេះ អ្នកនាងក៍បានទៅថតរូបទុកជាអនុស្សាវរីយ៍ ដើម្បីអោយកូនស្រីអ្នកនាងបានឃើញរូបសម្រស់ម្តាយគេពេលពពោះរូបគេមានសម្រស់ស្អាតយ៉ាងណានោះ។

ហើយយ៉ាងណាមិញ ទោះបីជាបច្ចុប្បន្នអ្នក់នាងបានកំពុងនិងបពោះកូនដំបូងក្តីក៍អ្នកនាងមិនភ្លេចពីកាតុបតែងខ្លួន ថែមទាំងយកចិត្តទុកដាក់យ៉ាងខ្លាំងទៅលើរូបសម្រស់រប់អ្នកនាង ដោយមិនទុកចាស់ទ្រុឌទ្រោមដូចជាអ្នកម្តាយដទៃនិងភរិយាផ្សេងៗឡើយ។

ហើយបើចង់ជ្រាបកាន់តែច្បាស់សូមទស្សនាវិដេអូទាំងអស់គ្នា

វិដេអូពេលពួកគាត់រៀបអាពាហ៍ពិពាហ៍

https://www.facebook.com/plugins/video.php?href=https%3A%2F%2Fwww.facebook.com%2FKitchenElectronicSupply%2Fvideos%2F1459494560805118%2F&show_text=0&width=560

វិដេអូពេលអ្នកនាង គង់ ចាន់ស្រីមុំ ថតកង្រងអនុស្សាវរីយ៍

https://www.facebook.com/plugins/post.php?href=https%3A%2F%2Fwww.facebook.com%2FKemSeyhaOfficial%2Fposts%2F2450896991801104&width=500

បាញ់មុខផ្ទះស្រីស្នេហ៍ 5គ្រាប់ទុកជាការព្រមាន

បាត់ដំបង ៖ មានករណីប្រើប្រាស់អាវុធបាញ់រះ អស់៥គ្រាប់បានកើតឡើងនៅត្រង់ចំណុចក្រុមទី២ ភូមិបេង ឃុំអន្លង់វិល ស្រុកសង្កែខេត្តបាត់ដំបង ខាងមុខផ្ទះនារីម្នាក់ដែលជាមេការខារ៉ាអូខេក្នុងក្រុងបាត់ដំបង កាលពីម៉ោង១រំលងអធ្រាត្រឈានចូលថ្ងៃទី៥ ខែមីនា ឆ្នាំ២០១៨។

តាមប្រភពពិសមត្ថកិច្ចបានអោយដឹងថា ៖ ការបាញ់នេះ នៅខាងមុខផ្ទះឈ្មោះ ព្រឿន ចរិយ៉ា ហៅយ៉ា អាយុ៣២ឆ្នាំ ស្ថិននៅភូមិឃុំខាងលើ។ តាមការត្រួតពិនិត្យព្រមទាំងបានប្រមូលសំបកកាទុស្សចំនួន៥គ្រាប់ និងត្រូវបានគេស្គាល់ច្បាស់ថា ជាសំបកគ្រាប់កាំភ្លើងឡុក ដែលជនមិនស្គាល់មុខបានធ្វើសកម្មភាពបាញ់នៅទីនោះ រួចហើយក៏បានគេចខ្លួនបាត់ ។

បើតាមប្រភពលោកលោកឧត្តមសេនីយ៍ កុយ ហៀង ស្នងការរងទទួលផែនប្រឆាំងបទល្មើស បាននិងកំពុងកោះហៅបុគ្គលដែលមានការសង្ស័យម្នាក់ ដែលជាមន្ត្រីនគរបាលក្នុងកងអន្តរាគមន៍ប្រឆាំងបទល្មើស នៃស្នងការដ្ឋាននគរបាលខេត្តដែលមានស្នេហាត្រីកោណជាមួយនារីមេកាខារ៉ាអូខេនោះ មកសាកសួរដោយបានធ្វើការដកហូតនូវអាវុធម៉ាកឡុក ចំនួន១ដើមទុកជាបណ្តោះអាសន្ន ប៉ុន្តែចម្លើយសារភាពថាយ៉ាងណានោះយើងនៅមិនទាន់ទទួលបាននៅឡើយទេ ដោយគ្រាន់តែលោកបានសន្យាថា បើពិតប្រាកដលោកនឹងដកបញ្ឈរជើងមួយរយៈទៅតាមវិន័យជាកងកម្លាំង៕

ខ្លួនជាមនុស្សចិត្តតិរច្ឆាន ហ៊ានលើកដៃសំលាប់ប្រពន្ធទើបសំរាលកូន

ខេត្តតាកែវ ៖ តាមប្រភពពិសម្ថកិច្ចបានអោយដឹងថា មានអំពើរឃាតកម្មដ៏រន្ធត់មួយបានកើតឡើងនៅស្រុកត្រាំកក់ ខេត្តតាកែវ ក្នុងប្រតិបត្តិការនេះដែរត្រូវបាន បញ្ជារ និង ដឹកនាំដោយលោកឧត្តមសេនីយ៍ទោ សុខ សំណាង ស្នងការនគរបាលខេត្ត បានបញ្ជាកម្លាំងជំនាញការិយាល័យបច្ចេកទេស នៃស្នងការដ្ឋាន ចុះសហការជាមួយកម្លាំងអធិការដ្ឋាននគរបាលស្រុកត្រាំកក់ដើម្បីពិនិត្យស្រាវជ្រាវ ស៊ើបអង្កេតជាបន្ទាន់ ។

ប្រភពដដែលបានអោយដឹងទៀតថា ៖ នៅ ថ្ងៃអាទិត្យ ទី៤ ខែមីនា ឆ្នាំ២០១៨ វេលាម៉ោង២៣ នៅចំណុចបន្ទប់ ស្ថិតនៅភូមិ អង្គតាសោម ឃុំ អង្គតាសោម ស្រុកត្រាំកក់ ដែលផ្តើមចេញករណីហិង្សាក្នុងគ្រួសារ បង្កឡើងដោយជនសង្ស័យឈ្មោះ នួន សុផល ភេទ ប្រុស អាយុ ៣១ឆ្នាំ ជាប្តី មានស្រុកកំណើត នៅភូមិ ព្រៃស្រោង ឃុំ អង្គតាសោម បានផឹកស្រាស្រវឹង ធ្វើសកម្មភាពវាយដោយដៃទៅលើ ជនរងគ្រោះជាប្រពន្ធ (ពុំបានរៀបការ) ឈ្មោះ បួរ សួន ភេទ ស្រី អាយុ ៣២ឆ្នាំ ស្រុកកំណើត នៅខេត្តបន្ទាយ មានជ័យ បណ្តាលឱ្យស្លាប់ភ្លាមៗ ។

បច្ចុប្បន្ន ជនសង្ស័យ ជាប្តីត្រូវបានកម្លាំងជំនាញ ធ្វើការឃាត់ខ្លួន ដើម្បីសាកសួរ និងកសាង សុំណុំរឿង តាមនិតិវិធី រីឯសាកសពបានប្រគល់ជូនសាច់ញាតិយកទៅធ្វើបុណ្យតាមប្រពៃណី ៕

កុំមើលរំលងត្រឹមសំបកបាវស៊ីម៉ង់ត៍សោះមានតំលៃរហូតដល់ 264$

ប្រភព Elephbo ៖ នៃជាគំនិតឆ្នៃប្រឌិតមួយដែលមិនអាចមើលរំលង និងគួរអោយកោតសរសើរ ពិសេសជាងនេះទៅទៀតគំនិតកែរឆ្នៃនិងការធ្វើអោយបរិស្ថានមានភាពល្អប្រសើរឡើងនេះត្រូវបានគេផ្តល់តំលៃអោយយ៉ាងផុសផុលនៅ អ៊ឺរ៉ុប។

ក្រុមហ៊ុនដែលបានច្នៃបាវស៊ីម៉ង់ត៍ទៅជាសំភារៈប្រើប្រាស់នេះមានឈ្មោះថា Elephbo ដែលមានលោក Nicolas Huxley គឺជាស្ថាបនិក ។ Elephbo គឺជាក្រុមហ៊ុនដែលមានមូលដ្ឋាននៅក្នុងប្រទេសស្វីស ហើយមានទីតាំងផលិតនៅក្នុងប្រទេសកម្ពុជា ។ តាមរយះការបង្ហាញរបស់លោក Nicolas Huxley បានទទួលការសរសើរនិងចាប់អារម្មណ៍ជាខ្លាំង រហូតអាចធ្វើឲ្យគាត់អាចប្រមូលទុនគ្រប់គ្រាន់ក្នុងការបង្កើតក្រុមហ៊ុនមួយដែលមានឈ្មោះថា Elephbo មួយនេះ ។

ជាងនេះទៅទៀតគម្រោងមួយនេះបានធ្វើឲ្យលោក Nicolas Huxley បានទទួលពានរង្វាន់ SML Alumni Award 2016 ពីសកលវិទ្យាល័យ Zurich University of Applied Sciences (ZHAW) ទៀតផង ។ តាមប្រភពដដែលបានអោយដឹងថា ក្រុមហ៊ុន Elephbo ដែលមានទីតាំងនៅក្នុងទីក្រុង Zurich ប្រទេសស្វីសនេះ បានតាំងបង្ហាញ ផលិតផល និង សំភារៈប្រើប្រាស់ដែលធ្វើពីបាវស៊ីម៉ង ជាច្រើនប្រភេទ ដែលមានដូចជា កាបូបយួរដៃ កាបូបដាក់លុយ កាបូបស្ពាយក្រោយ និង ស្បែកជើងជាដើមនៅក្នុងប្រទេស្វីស ក៏ដូចជាប្រទេសមួយចំនួននៅតំបន់អ៉ឺរ៉ុប ហើយក្រុមហ៊ុនក៏មានគម្រោងក្នុងការបញ្ចេញវាលក់ទៅកាន់ទីផ្សារប្រទេសជាច្រើនទៀតទាំងនៅអ៉ឺរ៉ុប អាមេរិក ក៏ដូចជាមកកាន់តំបន់អាស៉ី ផងដែរ ។ ចំពោះតំលៃវិញគឺមានតម្លៃចន្លោះពី ៥០ដុល្លារ ទៅ ២៦៤ដុល្លារ ទៅតាមប្រភេទនីមួយៗ៕

ដោយ ៖ Sing Ly

កាលព្រឹកមិញនេះលោក មាស រិទ្ធី ឆ្លើយតបទៅនឹងការបកស្រាយរបស់ ប៊ុត សីហា ដែលថាខ្លួនជាភ្នាក់ងារសម្ងាត់របស់ស្នងការបង្រ្កាបគ្រឿងញៀន (មានវីដេអូ

ភ្នំពេញ៖ កាលពីពេលកន្លងទៅថ្មីៗនេះ ក្រោយពីលោក ប៊ុត សីហា បានធ្វើការ ឡាយ(Live) វិដេអូនៅលើ ហ្វេសប៊ុស(Facebook) ផ្ទាល់ខ្លួនរបស់លោក

ដោយការខឹងសម្បារយ៉ាងខ្លាំងជុំវិញពត័មានមិនច្បាស់ថាលោកត្រូវសមត្ថកិច្ចចាប់ខ្លួនដោយសារករណីគ្រឿងញៀន ហើយអ្វីដែលធ្វើឲ្យកាន់តែខឹងខ្លាំងជាងនេះទៀតនោះគឺលោកត្រូវបានខាងស្ថានទូតអាមេរិចមិនព្រមចេញវីសាឲ្យលោកបានទៅច្រៀងនៅសហរដ្ឋអាមេរិច នេះហើយជាបញ្ហាដែលធ្វើឲ្យលោកចឹងខ្លាំង៕

ហើយអ្វីដែលគួរឲ្យចាប់អារម្មណ៍ថែមទៀតនោះ គឺនៅវេលាព្រឹកមិញនេះ ក្នុងកម្មវិធីផ្សាយផ្ទាល់របស់ស្ថានីយទូរទស្សន៍ ហង្សមាស លោក មាស រិទ្ធី ដែលជាលោកអគ្គនាយករងបានធ្វើសេចកី្ត អធិប្បាយថា ខ្ញុំឃើញវីដេអូ របស់ ប៊ុត សីហា តបចំពោះរឿងរ៉ាវរបស់គាត់ តែខ្ញុំគិតថាចប់ទៅហើយ មិនចង់អីបន្តទៀតដែរ ប៉ុន្តែដោយគាត់ ត្រូវទៅអាម៉េរិក ប៉ុន្តែគាត់ខកចិត្ត ដោយសារតែ ខាងស្ថានទូតអាម៉េរិកមិនបានផ្តល់វីសា អោយលោកបានទៅសហរដ្ឋអាមេរិច។

បើចង់ជ្រាបច្បាស់សូមទស្សនាវិដេអូទាំងអស់គ្នា

https://www.facebook.com/plugins/video.php?href=https%3A%2F%2Fwww.facebook.com%2FMeasRithyHangMeas%2Fvideos%2F1859242144099888%2F&show_text=0&width=560

https://www.facebook.com/plugins/video.php?href=https%3A%2F%2Fwww.facebook.com%2Fsing.softsound%2Fvideos%2F2015329882070314%2F&show_text=0&width=267

ពិទ្ធោហេតុអ្វីគិតខ្លីម្លេះ!!! នារីម្នាក់បានចងកសម្លាប់ខ្លួន ព្រោះក្រោយពេលរៀបការហើយគ្មានសល់ចំណងដៃ

ខេត្តសៀមរាប៖ កាលពីវេលាម៉ោង ៩:៣០ នាទីព្រឹក ថ្ងៃទី២៦ ខែកុម្ភៈ ឆ្នាំ២០១៨ មានករណីធ្វើអត្តឃាតចងកសម្លាប់ខ្លួនដោយខ្លួនឯងនៅក្នុងបន្ទប់ដេកនៅភូមិថ្នល់ចែក ឃុំសំរេាង ស្រុកសូទ្រនិគមន៍ ៕

ស្ត្រីដែលបានធ្វើអត្តឃាតចងកសម្លាប់ខ្លួនឈ្មោះ ចាន់ ស្រីទៀន ភេទស្រី អាយុ១៨ឆ្នាំ

បើតាមសម្តីរាយការណ៍ពីក្រុមគ្រួសារបានឲ្យដឹងថា៖ នៅវេលាម៉ោងជាង០៨:៣៥នាទីជនរងគ្រោះបានឡើងទៅលើផ្ទះ ចំណែកឪពុកម្តាយនឹងប្តីអង្គុយលេងនៅក្រោមផ្ទះលុះដល់ម៉ោង៩:៣០នាទីឪពុកម្តាយជនរងគ្រោះបានស្រែកហៅជនរងគ្រោះអោយចុះទៅដាំបាយមិនលឺឆ្លើយក៏ឡើងមកហៅនៅលើផ្ទះព្រមទាំងច្រានទ្វាបន្ទប់បើកមិនបានព្រោះជាប់សោខាងក្នុងពេលនោះឪពុកជនរងគ្រោះបានចុះទៅយកប្រដាប់គាស់ដែកមកគាស់បន្ទប់ស្រាប់តែឃើញជនរងគ្រោះបានចងកទៅលើបង្អួចនឹងខ្សែភ្លើងស្លាប់បាត់ទៅហើយក៏ឆោឡោរាយការណ៍ប្រាប់សមត្ថកិច្ចក្នុងពេលនោះតែម្តង៕

នេះពិតជាករណីធ្វេីអត្តឃាតសម្លាប់ខ្លួនដេាយខ្លួនឯងពិតប្រាកដមែន។ សពជនរងគ្រេាះបានប្រគល់ឲ្យក្រុមគ្រួសារធ្វេីបុណ្យទៅតាមប្រពៃណីនៅក្នុងភូមិឃុំខាងលេី៕

ដោយ៖ SVD

លោក ប៊ុត សីហា បានទម្លាយតាមរយៈវិដេអូឃ្លីបថាខ្លួនជាភ្នាក់ងារសំងាត់របស់ប៉ូលិសបង្ក្រាបគ្រឿងញៀន

កាលពីពេលថ្មីៗកន្លងមកនេះមានកាភ្ញាក់ផ្អើលយ៉ាងខ្លាំងបន្ទាប់ពី លោក ប៊ុត សីហា អតីតជ័យលាភី The Voice Cambodia រដូវកាលទី១ ត្រូវបានប៉ូលិសឃាត់ខ្លួនពីបទប្រើប្រាស់គ្រឿងញៀន៕

នៅមុននេះបន្តិច លោក ប៊ុត សីហា ក៏បានធ្វើការ Live វិដេអូលើហ្វេសប៊ុកផ្ទាល់ខ្លួនជាមួយនឹងការខឹងសម្បារយ៉ាងខ្លាំង ក្នុងវីដេអូនោះ លោក ប៊ុត សីហា បានឲ្យដឹងថា លោកបានខកខានមិនបានទទួលវីសាទៅសហរដ្ឋអាមេរិក ដោយសារតែព័ត៌មាន ដែលបានចុះផ្សាយនោះខុសមិនច្បាស់លាស់។ លោកក៏បានបញ្ជាក់ទៀតថា ការត្រូវចាប់ខ្លួននេះ គឺលោកមិនបានប្រព្រឹត្តបទល្មើស រឺប្រើគ្រឿងញៀនដូចអ្វី ដែលពាក្យគេចុះផ្សាយនោះឡើយ ផ្ទុយទៅវិញ លោកគឺជាភ្នាក់ងារសម្ងាត់របស់ស្នងការក្នុងការចុះបង្ក្រាបពួកញៀនថ្នាំនោះទេ សម្តីរបស់លោក បានបង្ករការភ្ញាក់ផ្អើលយ៉ាងខ្លាំងដល់មហាជន។

បើចង់ជ្រាបច្បាស់សូមទស្សនាវីដេអូដូចតទៅ៖

https://www.facebook.com/plugins/video.php?href=https%3A%2F%2Fwww.facebook.com%2Fsing.softsound%2Fvideos%2F2015329882070314%2F&show_text=0&width=267

ដោយ៖ SVD

គួរឲ្យអាណិតណាស់!!! មានប្រុស២នាក់និងស្រីម្នាក់បានបបួលគ្នាមកលេងទឹក តែអកុសលត្រូវលង់ស្លាប់

ខេត្តព្រៃវែង៖ នៅថ្ងៃអាទិត្យ ថ្ងៃទី២៥ ខែកុម្ភៈ ឆ្នាំ ២០១៨ វេលាម៉ោង ១២ និង ១៥ នាទី នៅភូមិសាមគ្គី ឃុំស្វាយភ្លោះ ស្រុកពាមជរ ខេត្តព្រៃវែង មានករណីមនុស្ស២នាក់ស្លាប់និងម្នាក់កំពុងជួយសង្រ្គោះ នៅមន្ទីពេទ្យបង្អែកពាមជរ ៕

បើតាមសម្តីសមត្ថកិច្ចបានអោយដឹងថា៖ មានប្រុស២នាក់និងស្រីម្នាក់បានបបួលគ្នាមកលេងទឹកនៅដីដុះ ស្រុកពាមជរ ត្រូវលង់ទឹកស្លាប់នៅចំណុចដីដុះ អ្នកទាំងបីនាក់ រស់នៅភូមិតាអុក ឃុំវាលស្បូវ ខ័ណ្ឌ ច្បាអំពៅ អ្នកទាំងបីនាំគ្នាមកលេងទឹកទន្លេនៅពេលទឹកនាច នៅចំណុចដីដុះ ដែលជាកន្លែងទេសចរណ៍ មួយនៅក្នុងស្រុកពាមជរ ។ នៅពេលដែលលង់ទឹកភ្លាមៗនោះ ជនរងគ្រោះទាំងពីនាក់បានស្រែកអោយគេជួយ ស្រាប់តែពេលមានបុរសម្នាក់ដែលមុជទឹកលេងម្នាក់ឯងក្បែរនោះ ក៍បានទៅជួយ ហើយក៏លង់ថែមម្នាក់ទៀត ប៉ុន្តែសំណាងល្អត្រូវបានអ្នកស្រុកនៅក្បែរនោះ រត់ទៅជួយស្រង់បានម្នាក់ ចំណែក២នាក់ដែលលង់មុននោះបានលិចបាត់ក្នុងទឹក ហើយទម្រាំអ្នកស្រុកមុជទឹករាវរកឃើញស្រង់ឡើងមកដល់លើគោក ពួកគេទាំង២នាក់បានដាច់ខ្យល់ស្លាប់បាត់ទៅហើយ ។

ជនរងគ្រោះទាំងបីនាក់នេះមានឈ្មោះ

ទី១. ឈ្មោះ និល សុផានុត ភេទ ប្រុស អាយុ ១៨ឆ្នាំ(ស្លាប់)
ទី២.ឈ្មោះ យស់ ចាន់រស្មី ភេទស្រី អាយុ ១៨ឆ្នាំ (ស្លាប់)
នឹងទី៣.ឈ្មោះ លន់ វិចិត្ត ភេទប្រុស អាយុ ១៨ ឆ្នាំ (កំពុងសង្រ្គោះ)

បច្ចុប្ន្បន្នសាកសពជនរងគ្រោះទាំងពីត្រូវបានគ្រួសារយកទៅធ្វើបុណ្យតាមប្រពៃណី ចំណែកជនរងគ្រោះម្នាក់ទៀតកំពុងតែសង្គ្រោះនៅមន្ទីពេទ្យបង្អែកពាមជរ ៕

ដោយ៖ SVD