មានលុយតិចតួចចង់ចូលខារ៉ាអូខេ ! ស្រាបៀរ១កេះ២០ដូល្លាហ្វី្រម្ហូបបួនមុខ ដល់ពេលគិតលុយ ម៉ែអស់……..

ភ្នំពេញ៖ យុវជនបីនាក់បានជិៈម៉ូតូមួយគ្រឿងតាមបណ្តោយផ្លូវ២០០៤មកដល់KTVម៉ាន់នីក៏មានអ្នកហៅភ្ងៀវចេញមកស្ទះពីមុខហៅឲ្យចូលច្រៀងបានប្រាប់ថាមួយកេះ២០ដូល្លាហ្វី្រម្ហូបបួនមុខពួកគាត់ក៏យល់ព្រមចូលច្រៀង ដល់ពេលគិតលុយអស់៥៨ម៉ឺនរៀល។ បង្កឲ្យមានការភ្ញាក់ផ្អើលនៅវេលាម៉ោង១១និង ៤០នាទីយប់ថ្ងៃទី១៧ ខែឧសភា ឆ្នាំ២០១៨ស្ថិតនៅក្នុងសង្កាត់កាកាបទី១ ខណ្ឌពោធិ៏សែនជ័យ រាជធានីភ្នំពេញ។

យុវជនរងគ្រោះម្នាក់ដែល មានឈ្មោះ សុខ ជា ភេទប្រុស អាយុ២៣ឆ្នាំមុខរបរ ធ្វើសន្តិសុខ នៅពោធិ៏ចិនតុង មានស្រុកកំណើតនៅភូមិ គង់ជ័យ ស្រុកអូររាំងឪ ខេត្តត្បូងឃ្មុំ ចំណែក ។យុវជន២នាក់ទៀតមិនបានប្រាប់ឈ្មោះទេដោយគាន់សុំលាក់ឈ្មោះគ្រាន់ថាមានមុខរបជាសន្តិសុខដូចគ្នា។

តាមសម្តីយុវជនរងគ្រោះ២នាក់បាន ប្រាប់សារព័ត៌មាន ឲ្យដឹងថាមុនដំបូងពួកគាត់ ទាំងបីនាក់ចេញពីធ្វើការក៏នាំគ្នាជិៈម៉ូតូដើរលេង ជិះម៉ូតូម៉ាកស៊ុយសាក់គីវីវ៉ា១២៥ ពណ៌ខ្មៅមានស្លាកលេខភ្នំពេញ1AC.4424ជិៈតាមបណ្តោយផ្លូវ២០០៤ទឹសដៅពីកើតទៅលិច ខណះមកដល់ចំណុចកើតហេតុខាងលើក៏មានយុវជនម្នាក់ពាក់អាវស ចេញមកកាក់ ពួកគាត់ឲ្យចូលច្រៀង ហើយបានប្រាប់ថាមួយកេះតំលៃ តែ២០ដូល្លា ហ្រ្វីម្ហូបបួនមុខលឺដូច្នេះ ពួកគាត់ក៏យល់ព្រមចូលច្រៀង។

ពេលចូលច្រៀងមិនយកស្រីៗមកកំដរទេតែស្រីនោះចេះតែមកអង្គុយហើយហៅម្ហូបបន្តបន្តាប់ដោយពួកគាត់មិនបានហៅផង។ ដល់ពេលគិតលុយអស់ចំនួន៥៨ម៉ឺន រៀល ដោយពួកគាត់មិនមានលុយឲ្យ អ្នកគ្រប់គ្រង់KTVម៉ាន់នីបានគំរាមថាចាប់យកទៅខណ្ឌនិងឃាត់ម៉ូតូទុកឲ្យមនុស្សចេញទៅរកលុយមកឲ្យគាត់។យុវជនទាំងបីនាក់ក៏តេទូរស័ព្ឌទៅសមត្ថកិច្ចឲ្យមកជួយអន្តរគមន៏ហើយក៏មានការភ្ញាក់ផ្អើលដល់សារព័ត៌មាននិងប្រជាពលរដ្ឋយ៉ាងច្រើនកុះករចោមរោមសួនាំ។ ហើយអ្នកគ្រប់គ្រងKTVម៉ាន់នីបានចេញបុងលើក ទី២អស់ចំនួន២១ម៉ឺនរៀលកុំឲ្យគេថាថ្លៃ។ តែខាងជនរងគ្រោះមានតែ២០ដូល្លាតែប៉ុណ្ណុះ។

យក់ ឋិតរដ្ឋា និងស្វាមី ត្រៀមបង្ហាញស្នាដៃថ្មីរួមគ្នាចុងខែនេះ(វីដេអូ)

តារាចម្រៀងប្រចាំផលិតកម្ម ថោន អ្នកនាង យក់ ឋិតរដ្ឋា និងស្វាមីលោក ឃុំ ប៉ុណ្ណាដែត ត្រៀមនឹងបង្ហាញស្នាដៃរួមគ្នាថ្មីសន្លាងមួយក្នុងឆ្នាំ២០១៨នេះ គឺរឿង ”ចញ្ចៀនខ្មោច” របស់ផលិតកម្ម LD Picture ត្រៀមនឹងចាក់បញ្ចាំងជាផ្លូវការនាចុងខែ ឧសភានេះ។ ការបង្ហាញស្នាដៃភាពយន្តរួមគ្នាជាថ្មី បន្ទាប់ពីអ្នកទាំងពីរខកខានសម្ដែងភាពយន្តរួមគ្នាយូរឆ្នាំមកហើយ ពោលគឺចាប់តាំងពីផលិតកម្ម Spark Music ផ្អាកផលិតចម្រៀងមកម្ល៉េះ។

បើទោះជាខកខានសម្ដែងរួមគ្នាយូរឆ្នាំបន្តិចហើយក្ដី ក៏ប៉ុន្តែគូស្វាមីភរិយាល្បីឈ្មោះរូបនេះ បញ្ជាក់ថាគ្មានបញ្ហាអ្វីចោទនោះទេសម្រាប់ការសម្ដែង។ ក្នុងនោះអ្នកទាំងពីរបានបង្ហាញសុទិដ្ឋិនិយមថា ស្នាដៃថ្មីរួមនេះនឹងអាចជួយលើកប្រជាប្រិយភាពពួកគេឡើងវិញ។ទាំង យក់ ឋិតរដ្ឋា និង ឃុំ ប៉ុណ្ណាដែត សុទ្ធតែអះអាងព្រមគ្នាហើយថារឿង”ចិញ្ចៀនខ្មោច” គឺជាសាច់រឿងថ្មី ប្លែកគួរឱ្យចាប់អារម្មណ៍។ ក្នុងនោះទស្សនិកជនពិតជាមិនខកបំណងទេ សម្រាប់ការផលិតរបស់ផលិតកម្មល្បីឈ្មោះខាងលើ។

ភាពយន្តរឿង ”ចញ្ចៀនខ្មោច” នឹងចាក់បញ្ចាំងជាផ្លូវការនៅថ្ងៃទី ៣១ ខែឧសភា ឆ្នាំ២០១៨។ នេះភាពយន្តទី៤ហើយសម្រាប់អ្នកនាង យក់ ឋិតរដ្ឋា និងលោក ឃុំ ប៉ុណ្ណាដែត បានចាប់ដៃគូសម្ដែងរួមគ្នាតាំងពួកគេមិនទាន់រៀបអាហ៍ពិពាហ៍ រហូតមកទល់និងពេលបច្ចុប្បន្ន៕

« អស់ល្បិចពេលស្នេហ៍អូន» ខេម ចេញបទថ្មី លំនាំបទចម្រៀងចិន កំពុងល្បីខ្លាំង…

លោក ខេម ជាតារាចម្រៀងប្រចាំផលិតកម្ម ថោន ដែលកំពុងមានប្រជាប្រិយភាព នាបច្ចុប្បន្ននេះ។ ក្រោយពីស្ងាត់អស់មួយរយៈនោះ ពេលនេះបានមកវិញជាមួយបទថ្មីរបស់ខ្លួន ដែលមានចំណងជើងថា « អស់ល្បិចពេលស្នេហ៍អូន »។
យ៉ាងណាមិញ មានប្រិយមិត្តមួយចំនួន បាននិយាយថា បទនេះបានយកលំនាំពី បទកំពុងល្បីខ្លាំងរបស់ចិន ដោយមាន អ្នកពេញចិត្ត និង មិនពេញចិត្ត ផងដែរ។ ហើយក្នុងអត្ថន័យ បទនេះ ក៏បានរៀបរាប់ពីប្រុសម្នាក់ដែលធ្លាប់តែខូចខិល ក្រោយពេលបានជួប នារីដែលខ្លួនស្រលាញ់ ខ្លាំងនោះ បែបជាចេះកែប្រែចរិត ទៅវិញ៕

សូមទស្សនាវិដេអូខាក្រោម

ប៊ុត សីហា បានធ្វើរឿងមួយដែលជាក្តីសង្ឃឹមរបស់កុមារក្រីក្រដែលរស់នៅលើភ្នំគីរីរម្យ

សិល្បៈ ៖ លោក ប៊ុត សីហា អំពាវនាវសូមឲ្យមានការចូលរួមពីសំណាក់សិល្បះករសិល្បះការិនី មិត្តភ័ក្រ បងប្អូនទាំងអស់ឲ្យបានច្រើនដើម្បីជួយដល់កុមារក្រីក្រដែលរស់នៅលើភ្នំគីរីរម្យ តាមរយះការចូលរួមចំនែកក្នុងការផ្តល់ជាថវិការឬជាអាហារហូបចុកដល់កុមារទាំងអស់នោះ។
នៅលើទំព័រផ្លូវការបស់តារាចម្រៀងហើយជាម្ចាស់ពានរង្វាន់ The Voice Cambodia រដូវកាលទី១ គឺលោក ប៊ុត សីហា បានសសេរថា ”ខ្ញុំបាទប៊ុតសីហាសូមអំពាវនាវដល់ពុកម៉ែបងប្អូនទាំងអស់ថាបងប្អូនអាចធ្វើដំនើរទៅជាមួយខ្ញុំបាទបានរួមជាមួយក្រុមតារាចម្រៀងជាច្រើនក្រុម។
ហើយបើពុកម៉ែបងប្អូចង់ចូលរួមចំនែកក្នុងការផ្តល់ជាថវិការឬជាអាហារដល់ក្មេងៗបងប្អូនអាចទិញរបស់ដែលអាចទុកបានយូរដូចជាត្រីខឬជាមី បងប្អូនអាចជួយបានតាមអ្វីដែលបងប្អូនចង់ជួយ ថ្ងៃធ្វើដំនើរគឺថ្ងៃ19/05/2018ជើងទី២គឺ20/05/2018វិលវិញល្ងាចលើកភ្នំគិរីរម្យ អាចទាក់ទងបានតាមរយះលេខទូរសព្ទបាន ”។

សាលាដូងនៅលើភ្នំគីរម្យ ត្រូវការកំលាំងជំនួយ ក្នុងការសម្រេចការសាងសង់សាលាបង្រៀនកុំព្យូទ័រដល់កុមារក្រីក្រដែលរស់នៅលើភ្នំតាមរយះការប្រមូល និងឆ្នៃកាកសំណល់ផ្សេងៗឲ្យក្លាយជាសាលារៀនដ៌ស្រស់ស្អាតសម្រាប់កុមារ។ អាស្រ័យហេតុនេះ អង្គការIKARE សូមអំពាវនាវសូមឲ្យមានការចូលរួមពីសំណាក់សិល្បះករសិល្បះការិនី មិត្តភ័ក្រ បងប្អូនទាំងអស់ឲ្យបានច្រើន។

សម្រាប់បងប្អូនដែលមិនមានយាន្តជំនិះ អង្គការIKARE និងសម្របសម្រួលការធ្វើដំណើរទៅមក សម្រាប់ការចូលរួមថ្ងៃសៅរ៏ ទី១៩ រឺ ថ្ងៃអាទិត្យទី ២០ខាងមុខនេះ។សូមទំនាក់ទំនងទៅកាន់លោក រក្សា បុគ្គលិកសម្របសម្រួលរបស់អង្គការIKARE នៅកម្ពុជាដើម្បីចុះឈ្មោះតាមរយះទូរស័ព្ទលេខ 098700739/070800993/077800993. ៕

ដោយ៖ សុវណ្ណដេត
ប្រភព៖ ប៊ុត សីហា

ដើមគគីមួយដើមមានទំហំប៉ុនរថយន្ត និងមានប្រវែងជិត៣០ម៉ែត្រត្រូវបានប្រទះឃើញនៅ ឃុំវិហារសួគ៌

កណ្តាល)៖ ហេតុការណ៍គួរឱ្យភ្ញាក់ផ្អើលមួយ បានកើតឡើងនៅរណ្តៅដីមួយកន្លែង ក្នុងភូមិស្វាយមាស ឃុំវិហារសួគ៌ ស្រុកខ្សាច់កណ្តាល ខេត្តកណ្តាល ដោយពលរដ្ឋក្នុងភូមិ បានជីកដីត្រពាំងស្រាប់តែប៉ះចំដើមគគីមួយដើមមានទំហំប៉ុនរថយន្ត និងមានប្រវែង ជិត៣០ម៉ែត្រ។ Continue reading “ដើមគគីមួយដើមមានទំហំប៉ុនរថយន្ត និងមានប្រវែងជិត៣០ម៉ែត្រត្រូវបានប្រទះឃើញនៅ ឃុំវិហារសួគ៌” →

Neymar នៅតែព្រួយបារម្ភថាខ្លួន បាត់បង់កន្លែងប្រកួត World Cup

Neymar មានការព្រួយបារម្ភថាការរងរបួសនៅតែអាចធ្វើឱ្យគាត់បាត់បង់កន្លែងប្រកួត World Cup
នៅក្នុងបទសម្ភាសន៍មួយដែលត្រូវបានចេញផ្សាយកាលពីថ្ងៃសុក្រថាប្រេស៊ីលនិងខ្សែប្រយុទ្ធសញ្ជាតិប្រេស៊ីល Neymar JR. ដែលលេងឲ្យក្រុម Paris Saint-Germain បាននិយាយថាការព្យាបាលបានដំណើរការប៉ុន្តែវានៅតែមានការភ័យខ្លាចចំពោះការរងរបួសរបស់កីឡាកររូបនេះ។
នៅខណៈនោះផងដែរ Neymar បាននិយាយថាគាត់នៅតែភ័យខ្លាចចំពោះការបាត់បង់ការប្រកួត World Cup ដោយសារតែជើងស្ដាំដែលគាត់បានរងរបួសកាលពីខែមីនាកន្លងមកនេះ

Neymar ក៏បានផ្ដល់បទសម្ភាសន៍មួយនៅលើឆានែល YouTube របស់ Zico ថា “ខ្ញុំត្រូវបញ្ឈប់ការភ័យខ្លាចនេះឱ្យបានលឿនបំផុតតាមដែលអាចធ្វើទៅបានដើម្បីឈានទៅកាន់ការប្រកួត World Cup ” ។ “នៅពេលដំបូងយើងមានការស្ទាក់ស្ទើរអំពីការធ្វើចលនាពេញលេញ ប៉ុន្តែយើងនៅតែព្យាយាមឲ្យអស់ពីលទ្ធភាព” ។ កីឡាករវ័យ 26 ឆ្នាំរូបនេះត្រូវបានគេរំពឹងថានឹងមានវត្តមានចាប់ផ្តើមការហ្វឹកហាត់ និងអាចចូលរួមការប្រកួតក្នុងរដូវកាល World Cup ខាងមុខនេះ ។

អភិបាលស្រុកកែវសីមា បានជួយសង់ផ្ទះថ្មីដល់ស្ត្រីមេម៉ាយក្រខ្សត់ម្នាក់

មណ្ឌលគិរី ៖ ផ្ទះឈើប្រក់ស័ង្កសីទំហំ៥គុណ៧ម៉ែត្រ ត្រូវបានផ្តល់ជួនស្ត្រីមេម៉ាយក្រខ្សត់ម្នាក់ ពីសំណាក់សប្បុរសជនក្រោមការដឹកនាំពីអភិបាលស្រុកកែវសីមាលោកនួនសារ៉ន។
ផ្ទះឈើសង់ផុតដីកម្ពស់ជាង១ម៉ែត្រ ប្រក់ដំបូលស័ង្កសីនេះមិនទាន់ដឹងពីតម្លៃពិតប្រាកដនៅឡើយគ្រាដែលក្រុមជាងកំពុងសាងសង់មិនទាន់បញ្ចប់។ ហើយផ្ទះនេះធ្វើឡើងផ្តល់ជួនស្រ្តីមេម៉ាយទីទាល់ក្រម្នាក់ឈ្មោះនៅ ម៉ុន អាយុ៦៦ឆ្នាំ រស់នៅចំណុភូមិថ្មី ភូមិស្រែព្រះឃុំស្រែព្រះ ស្រុកកែវសីមាខេត្តមណ្ឌលគិរី។

ស្រ្តីវ័យចំណាស់ខាងលើបានសម្តែងក្តីរំភើបរកអ្វីប្រៀបផ្ទឹមមិនបាននូវទឹកចិត្ត អាណិតអាសូរពីសំណាក់អភិបាលស្រុកកែវសីមាទើបនិងចូលកាន់ដំណែងជិត១ឆ្នាំនេះ។
លោកអភិបាលស្រុក នួន សារ៉ន ថ្លែងថាដោយសម្លឹងឃើញពីការលំបាករបស់បងស្រីក្នុងជីវរស់នៅសព្វថ្ងៃ លោកបានរៃអង្គាសពីសប្បុរសជន និងមន្ត្រីរាជការក្នុងមូលដ្ឋាន ដើម្បីសង់ផ្ទះឱ្យគាត់តែម្តង។ ហើយការសាងសង់នេះ នៅមិនទាន់បញ្ចប់ដូចនេះនៅមិនទាន់ដឹងអំពីការចំណាយនោះទេ ៕

ទិដ្ឋភាពការដ្ឋានសាងសង់ឡើងវិញប្រព័ន្ធស្រោចស្រព អូរតោង សម្រេចការងារបានប្រមាណ ៦៥% ហើយ

កំពង់ស្ពឺ ៖ តាមការអោយថាពីផេចក្រសួងធនធានទឹក ការសាងសង់ឡើងវិញប្រព័ន្ធស្រោចស្រពទំនប់អាងទឹក អូរតោង គឺក្នុងគោលបំណងដើម្បីស្តុកទឹកទុកសម្រាប់ផ្គត់ផ្គង់ឱ្យការបង្កបង្កើនផលលើផ្ទៃដីជាង ១ពាន់ហិកតា និងការប្រើប្រាស់ប្រចាំថ្ងៃ នៅក្នុងឃុំត្រពាំងជោរ ស្រុកឱរ៉ាល់ និងឃុំអមលាំង ឃុំប្រាំបីមុំ ស្រុកថ្ពង ។

ក្រៅពីការផ្តល់ទឹកស្រោចស្រព ប្រព័ន្ធនេះ ក៏មានតួនាទីជួយកាត់បន្ថយជំនន់ស្ទឹងព្រែកត្នោតផងដែរ ។ ការងារដែលត្រូវអនុវត្តនៅក្នុងការសាងសង់ឡើងវិញនេះ រួមមាន ៖ សាងសង់ឡើងវិញទំនប់អាងទឹក ប្រវែង ១.៦០០ ម សាងសង់ និងជួសជុលសំណង់សិល្បការ សរុបចំនួន ០៤ កន្លែង ។

Lexus NX 300 ឆ្នាំ២០១៨ ដ៏ថ្មីស្រឡាង ចំណែកតំលៃវិញមិននឹកស្មានដល់

ប្រភេទរថយន្ត Luxus ជាម៉ាករថយន្តដែលមានការនិយមនិងប្រើប្រាស់ពាសពេញពិភពលោក ទន្ទឹមនិងនេះផងដែរប្រទេសកម្ពុជាយើងក៏និយមរថយន្តម៉ាកនេះផងដែរ។ ថ្ងៃនេះយើងមកស្គាល់រថយន្តកូនកាត់បែបថ្មីរបស់ Lexus ម្តងគឺម៉ាក Lexus NX 300 ឆ្នាំ ២០១៨ ដ៏ថ្មីស្រឡាងតែម្តង។

Lexus NX 300 2018 គឺជាឈ្មោះថ្មីដែលពីមុនគេហៅថា NX 200t វាមានភាពខុសប្លែកគ្នាតិចតួចប៉ុន្ដែ វាជាប្រភេទរថយន្តប្រណីតទំនើបមួយប្រភេទដែលមានរចនាបទ និងទម្រង់បែប mini-RX 350 ។
គួររំលឹកផងដែរថា ៖ កាលពីចុងឆ្នាំ ២០១៥ ក្រុមហ៊ុន Lexus បានបន្ថែមនូវត្រកូល RX ដែលមានប្រភេទម៉ាស៊ីនស៊ីឡាំង ៤ Turbocharged និងបានឲ្យឈ្មោះថា RX 200t។ ប៉ុន្តែនៅសម្រាប់ស៊េរីឆ្នាំ ២០១៨ ក្រុមហ៊ុន Lexus ក៏បានប្រែឈ្មោះ RX 200t នេះ ទៅជា RX 300 វិញ ពិសេសរថយន្តម៉ាក RX 300 ស៊េរីថ្មីនេះដែរមិនមានដាក់លក់នៅតំបន់អាមេរិកខាងជើងនោះទេ។

ម៉ាស៊ីនរបស់ RX 300 ស៊េរីថ្មី គឺជាប្រភេទ 8AR-FTS មានចំណុះ ២,០ លីត្រ អាចបង្កើតកម្លាំងបាន ២៣៨ សេះ និងចំណាយពេល ៩,២ វិនាទីដើម្បីបង្កើនសន្ទុះពី ០ ឡើងដល់ ១០០ គ.ម/ម៉។ ល្បឿនអតិបរមារបស់វាគឺ ២០០ គ.ម/ម៉ និងប្រេងឥន្ធនៈមួយលីត្រអាចជិះបានចម្ងាយ ១២,៣៥ គីឡូម៉ែត្រ។ ធៀបនឹង RX 350 ឆ្នាំ ២០១៨ មួយលីត្រអាចជិះបានចម្ងាយ ១០,២ គីឡូម៉ែត្រ។
ក្រៅពីមានលក្ខណៈសម្បត្តិម៉ាស៊ីនខុសគ្នា លក្ខណៈសម្បត្តិដទៃទៀតរបស់ RX 300ស៊េរីថ្មី មិនខុសគ្នាខ្លាំងពី RX 350 ប៉ុន្មាននោះទេ។
ដោយសារមានម៉ាស៊ីនទំហំតូច ហេតុនេះ RX 300 ស៊េរីថ្មី មានតម្លៃធូរថ្លៃជាង RX 350 ច្រើន ដោយលើទីផ្សារប្រទេសកម្ពុជា RX 300 មានតម្លៃប្រហាក់ប្រហែល ១០ ម៉ឺនដុល្លារ។
ចំនុចដែលគ្រប់គ្នាពេញចិត្តជាមួយ NX 300 2018 នោះគឺកន្លែងដ៏ទូលាយសំរាប់ដាក់សំភារៈ ដូចនេះអ្នកដែលនិយមធ្វើតំណើរទេសចរ បោះជុំរំ ចុះកម្មសិក្សា ពិតជាមិនខកបំណងឡើយ៕ Sing Ly

តាំងពីចូលសិល្បៈ តារាទាំងប្រាំនាក់នេះធ្វើរឿងដែលតារាផ្សេងៗមិនធ្លាប់ធ្វើ !

តារាចម្រៀងជាច្រើនបានផ្លាស់ប្ដូរផលិតកម្មជាបន្តបន្ទាប់ដើម្បីទីផ្សារចម្រៀងរបស់ខ្លួន តែតារាចម្រៀងមួយចំនួនតាំងពីប្រលូកក្នុងវិស័យចម្រៀងមក មិនដែលផ្លាស់ប្ដូរផលិតកម្មទាល់តែសោះ ដោយស្មោះស្ម័គ្រនឹងទ្រនំរបស់ខ្លួនខ្លាំងណាស់។ តារាចម្រៀងទាំងនោះ រួមមាន៖

១. ព្រាប សុវត្ថិ

តាំងពីចូលច្រៀងនៅផលិតកម្មហង្សមាសដំបូងក្នុងឆ្នាំ១៩៩៧ រហូតមកទល់ពេលនេះ តារាចម្រៀងកូន៣ មិនធ្លាប់ផ្លាស់ប្តូរផលិតកម្មម្ដងណានោះឡើយ។ កាលពីប្រមាណ៤ឆ្នាំមុន ធ្លាប់មានព័ត័មានរំជើបរំជួលថា តារាកំពូលរូបនេះគ្រោងដើរចេញពីហង្សាមាសទៅថោន។ តែទីបំផុត ម្ចាាស់បទ “ខ្លុយស្នេហ៍ត្នោតទេរ” សម្រេចមិនចាកចោលទ្រនំរបស់ខ្លួនដែលបានសាងកេរ្តិ៍ឈ្មោះអស់ជាច្រើនឆ្នាំឡើយ។

២. មាស សាលី

គិតមកទល់ពេលនេះ ម្ចាស់បទ “អង្គរក្សបេះដូង” បានជ្រកក្រោមផលិតកម្មសាន់ដេ ប្រមាណជាង១០ឆ្នាំមកហើយ។ បើទោះបទចម្រៀងរបស់លោកស្ងប់ស្ងាត់មួយរយៈធំ និងធ្លាប់លេចឮថា តារាវ័យ៣៦ឆ្នាំធ្លាប់អាក់អន់ចិត្តនឹងផលិតកម្មក៏ដោយ តែលោក មាស សាលី ប្រាប់ថា មិនចាកចោលពីផលិតកម្មសាន់ដេ នោះទេ។

៣. ពេជ្រ សោភា

ប្រលូកក្នុងវិស័យចម្រៀងដំបូងនៅចុងឆ្នាំ ២០០៤ ក្នុងផលិតកម្មហង្សមាសជាមួយបទល្បី Better Day។ បើទោះកន្លងមក តារាចម្រៀងមកពីខេត្តព្រៃវែងរូបនេះ ធ្លាប់ធ្វើឲ្យទស្សនិកជនជនភ្ញាក់ផ្អើលនឹងដំណឹងចង់ចាកចេញពីផលិតកម្មធំនេះ តែក្រោយមកអ្នកនាងបានបង្ហោះសារក្នុង Faceboook យ៉ាងច្បាស់លាស់ថា “កន្លែងចាស់មិនមែនជាស្ពាននោះទេ តែជាកន្លែងដែលខ្ញុំត្រូវនៅរហូត”។

៤. ខេម

តារាចម្រៀងសំឡេងស្អករូបនេះនៅទ្រនំ ថោន ប្រមាណ៧ឆ្នាំមកហើយតាំងពីចូលសិល្បៈមក។ តារារូបនេះត្រូវបានផលិតកម្មហង្សមាសចែចូវ តែម្ចាស់បទ «ទឹកភ្នែកជនពាល» ប្រាប់ថាមានអនុស្សាវរីយ៍ច្រើនជាមួយ ថោន ដូច្នេះហើយខ្លួនមិនទាន់គិតគូរចង់ផ្លាស់ប្ដូរផលិតកម្មនោះទេ។

៥. ណុប បាយ៉ារិទ្ធ

តារាចម្រៀងសាច់ស្អាតរូបនេះបានក្រាញននៀលនៅហង្សមាសអស់រយៈពេលច្រើនឆ្នាំមកហើយ។ កាលពីអំឡុងឆ្នាំ២០០៨ ពេលនោះតារាចម្រៀងកើតឆ្នាំ១៩៨១ មានភាពស្ងប់ស្ងាត់ក្នុងការចេញបទចម្រៀង និងថែមទាំងមានលេចឮថាចង់ចាកចេញពីហង្សមាសថែមទៀតផង។ តែរហូតមកដល់ពេលនេះ លោកនៅតែស្មោះស្ម័គ្រនឹងហង្សមាស និងថែមទាំងបានអូសទាញតារាចម្រៀង នីកូ ជាប្អូនប្រុសមករួមផលិតកម្មជាមួយគ្នាទៀតផង៕

ប្រភពវីដេអូ ៖ ៣០ដេលី