នុងរង្វង់១ ឬ ២ថ្ងៃ ក្មេងទាំង១២នាក់ និងគ្រូម្នាក់ នឹងបានត្រឡប់ទៅផ្ទះ និងជួបឪពុកម្តាយហើយ ខណះ…

ប្រទាសថៃ៖ ដែកខួងជាង១០០កំពុង «បុកទម្លុះ» ភ្នំ ខ្លះចូលដល់ជម្រៅជាង ៤០០ ម៉ែត្រហើយ ដោយទំនង«ទៅដល់»ក្មេងទាំង១២ និងគ្រូម្នាក់ដែលជាប់នៅក្នុងរូងភ្នំ។ ប្រធានក្រុមបេសកកម្មសង្គ្រោះ និយាយនៅថ្ងៃសៅរ៍នេះថា ដែកខួងជាង ១០០ កំពុងត្រូវបានខួងចូលទៅក្នុងផ្នែកភ្នំហើយ នៅក្នុងកិច្ចខិតខំប្រឹងប្រែង ដើម្បីឈានទៅដល់ក្រុមក្មេងៗបាល់ទាត់ថៃទាំងគ្រូនិងសិស្ស១៣នាក់ ដែលកំពុងជាប់គាំងនៅរូងដ៏ស្មុគ្រស្មាញខាងក្រោម ។ គាត់ក៏បានបញ្ជាក់ថា «ការទាញយក» ពួកគេ ប្រហែលអាចធ្វើទៅបានក្នុងរង្វង់ «១ថ្ងៃ ឬ ២ថ្ងៃ» ។

កិច្ចខំប្រឹងប្រែសង្គ្រោះដែលពុំធ្លាប់មានពីមុនមកនេះ កំពុងព្យាយាមបង្កើតនូវវិធីថ្មីៗ ដើម្បីទាញយកក្មេងៗរងគ្រោះទាំងនោះចេញតាមផ្នែកខាងលើ ប្រសិនបើនៅតាមបន្ទប់ៗក្រោមដីនៅតែជន់លិច ហើយវាត្រូវបានចាត់ទុកថាជាការប្រឈមគ្រោះថ្នាក់បំផុត ក្នុងការជម្លៀសពួកគេតាមរយៈផ្លូវឆ្លងកាត់លិចទឹក ។

លោក Narongsak Osottanakorn បានប្រាប់អ្នកសារព័ត៌មានថា៖ «ដែកខួងខ្លះ គឺមានជម្រៅរហូតដល់ ៤០០ ម៉ែត្រ… ប៉ុន្តែ ពួកគេនៅតែពុំអាចស្វែងរកទីតាំងរបស់ក្មេងៗទាំងនោះនៅឡើយ» ។ លោកបន្ថែមថា៖ «បេសកកម្មនេះខ្វះបច្ចេកវិទ្យា ក្នុងការកំណត់ទីកន្លែងដែលពួកគេកំពុងស្នាក់នៅ ។ យើងបានប៉ាន់ស្មានថា (ពួក) គឺស្ថិតនៅក្រោមនេះ ៦០០ ម៉ែត្រ ប៉ុន្តែ យើងមិនដឹងគោលដៅច្បាស់ទេ» ។

ឆ្លើយទៅនឹងសំណួរថា ទាក់ទងនឹងការធ្លាក់ចុះកម្រិតអុកស៊ីហ្សែនក្នុងរូង គាត់និយាយថា ក្រុមសង្គ្រោះបានគ្រប់គ្រងបង្កើតខ្សែមួយ ដើម្បីបូមយកខ្យល់អាកាស ហើយក៏បានដកកម្មករដែលមិនសំខាន់ ចេញពីក្នុងរូង ៣ -ទីកន្លែងមូលដ្ឋានសង្រោះ ដើម្បីរក្សាកម្រិតអុកស៊ីហ្សែននៅក្នុងរូង ៕

ចំនួនអ្នកស្លាប់នៅក្នុងហេតុការណ៍លិចទូកនៅថៃបានកើនឡើងដល់ ៤២ នាក់ និង ១៤ នាក់ផ្សេងទៀតនៅបន្តបាត់ខ្លួន

យ៉ាងហោចណាស់មានមនុស្សចំនួន ៤២ នាក់ត្រូវបានគេអះអាងថាបានស្លាប់ និង ១៤ នាក់ទៀតនៅបន្តបាត់ខ្លួនមិនទាន់រកឃើញ បន្ទាប់ពីទូកពីរបានលិចនៅក្នុងព្យុះមួយនៅភាគខាងត្បូងកោះភូកេតប្រទេសថៃ។ នេះបើតាមសម្ដីលើកឡើងរបស់មន្ត្រីថៃដែលបានឲ្យដឹងកាលពីថ្ងៃសៅរ៍។ អភិបាលខេត្តភូកេតលោក Norraphat Plodthong បានប្រាប់ភ្នាក់ងារពត៌មានស៊ីនហួរ(Xinhua)របស់ចិនថាអាជ្ញាធរថៃបានរកឃើញសាកសពចំនួន ៥ នាក់នៅក្នុងទូកដែលមានឈ្មោះ “Phoenix” ដែលបានលិចទៅក្នុងទឹកនៅរយៈកម្ពស់ ៣០ ទៅ ៤០ ម៉ែត្រ ហើយពួកគេរួមជាមួយក្រុមអ្នកជួយសង្គ្រោះរបស់ចិនពីរនាក់បានរកឃើញសាកសពបីនាក់បន្ថែមទៀតនៅក្នុងទូកដដែលកាលពីរសៀលថ្ងៃសៅរ៍។

ហើយក្រោយមកអភិបាលខេត្តភូកេតបានបញ្ជាក់ថាតាមពិតអ្នកមុជទឹកបានរកឃើញសាកសពដល់ទៅ ៩ នាក់ឯណោះ ប៉ុន្តែវាមានការពិបាកក្នុងការយកសាកសពទី ៩ ចេញមកក្រៅ។ ចំណែកលោកឧត្តមសេនិយ៍ Charoenphol Koomrasee មេបញ្ជាការរងនៃកងនាវាចរទី ៣ នៃកងនាវាចរភូមិន្ទថៃបាននិយាយថាអ្នកមុជទឹកអាជីពចំនួន ១៧ នាក់មកពីក្រុមជួយសង្គ្រោះរបស់ចិនបានជីកកកាយបំណែកនៃទូក “Phoenix” និងបានប្រាប់ឲ្យដឹងថា ៖ “បន្ទាប់ពីសម្អាតកម្ទេចកម្ទីបាក់បែកដើម្បីធានាឲ្យបានថាគ្មាននរណាម្នាក់ជាប់នៅខាងក្នុង… យើងនឹងយកចិត្តទុកដាក់បន្ថែមទៀតជាមួយនឹងការរុករកនៅក្រោមផ្ទៃទឹកវិញម្ដង។” មេបញ្ជាការរងរូបនេះបានបន្ថែមថាពួកគេកំពុងធ្វើការទាំងយប់ទាំងថ្ងៃក្នុងដំណើរស្វែងរកអ្នកដែលបាត់ខ្លួន ខណៈដែលពួកគេបានប្រើប្រាស់ឧទ្ធម្ភាគចក្រចំនួន ៣ គ្រឿង នាវា ៨ គ្រឿង និងអ្នកសង្គ្រោះប្រមាណជា ៨០០ នាក់រួមទាំងអ្នកមុជទឹកសម្រាប់យុទ្ធនាការស្វែងរក ២៤ ម៉ោង។

គួរបញ្ជាក់ផងដែរថាទូកចំនួន ២ គ្រឿងដែលដឹកអ្នកទេសចរជាង ១៣០ នាក់ និងដែលភាគច្រើនជាជនជាតិចិននោះត្រូវបានព្យុះវាយពន្លិចនៅតំបន់រមណីយដ្ឋានមួយនៃភាគខាងត្បូងកោះភូកេតប្រទេសថៃកាលពីរសៀលថ្ងៃព្រហស្បតិ៍។ ជនរងគ្រោះទាំងអស់គឺសុទ្ធតែជិះនៅលើទូកដែលមានឈ្មោះ “Phoenix” ខណៈពេលដែលមនុស្ស ៤២ នាក់ផ្សេងទៀតនៅលើទូក “Serenata” ត្រូវបានជួយសង្គ្រោះឲ្យមានសុវត្ថិភាព។ អភិបាលខេត្តភូកេត លោក Norraphat បាននិយាយថារដ្ឋាភិបាលថៃបានបង្កើតកន្លែងផ្តល់សេវាកម្មនៅព្រលានយន្តហោះភូកេតដើម្បីជួយសាច់ញាតិរបស់ជនរងគ្រោះដែលមកកាន់ភូកេត ហើយសម្រាប់ភ្ញៀវទេសចរដែលរងរបួសរដ្ឋាភិបាលថៃនឹងទទួលរ៉ាប់រងរាល់ការចំណាយលើផ្នែកវេជ្ជសាស្ត្រទាំងអស់របស់ពួកគេ។ ចំណែកសាច់ញាតិរបស់ភ្ញៀវទេសចរដែលបានស្លាប់នឹងទទួលបានប្រាក់ចំនួន ១.៤ លានបាត ដែលស្មើនឹង ៤២,២០០ ដុល្លា ខណៈដែលសំណងគឺអាស្រ័យតាមការធានារ៉ាប់រងរបស់ទូក និងច្បាប់នៃប្រទេសថៃ។

ប្រែសម្រួល ៖ ភក្ដី

អង់គ្លេសបានកែប្រែប្រវត្តិសាស្ដ្រជាមួយនឹងការកក់កៅអីឡើងវគ្គ ៤ ក្រុមនៅ World Cup បន្ទាប់ពីលត់ស៊ុយអែត ២-០

ក្រុមជម្រើសជាតិអង់គ្លេសបានកក់កៅអីឡើងទៅកាន់វគ្គពាក់កណ្ដាលផ្ដាច់ព្រ័ត្រនៃការប្រកួតពានរង្វាន់បាល់ទាត់ពិភពលោកឆ្នាំ ២០១៨ បន្ទាប់ពីក្រុមរហស្សនាមតោកំណាចមួយនេះបានលត់ក្រុមជម្រើសជាតិស៊ុយអែតជាមួយនឹងលទ្ធផល ២ គ្រាប់ទល់នឹង ០ ដែលធ្វើបានសម្រេចដោយខ្សែការពារ Harry Maguire មួយគ្រាប់ និងមួយគ្រាប់ចុងក្រោយធ្វើបានដោយខ្សែបម្រើប្រយុទ្ធ Dele Alli ។ នេះគឺជាលើកដំបូងចាប់តាំងពីឆ្នាំ ១៩៩០ ដែលអង់គ្លេសបានឈានដល់វគ្គពាក់កណ្ដាលផ្ដាច់ព្រ័ត្រនៃការប្រកួតពានបាល់ទាត់ពិភពលោក ឬ World Cup ។

ពួកគេនឹងត្រូវប៉ះគ្នាជាមួយក្រុមម្ចាស់ផ្ទះរុស្ស៊ី ឬក្រុមជម្រើសជាតិក្រូអាតនាថ្ងៃពុធសប្ដាហ៍ក្រោយនេះសម្រាប់ការប្រកួតវគ្គបួនក្រុមចុងក្រោយ(ពាក់កណ្ដាលផ្ដាច់ព្រ័ត្រ)។ មានន័យថារុស្ស៊ី ឬក្រូអាត ក្រុមណាដែលប្រកួតឈ្នះនឹងត្រូវឡើងទៅជួបអង់គ្លេសនៅវគ្គ ៤ ក្រុម។ ក្នុងប្រវត្តិសាស្ដ្រនៃការប្រកួតពាន World Cup អង់គ្លេសបានឈានមកដល់វគ្គ ៤ ក្រុមបានចំនួន ៣ ដងឲ្យគត់ និងធ្លាប់បានលើកពានដ៏ធំមួយនេះចំនួនមួយដងនៅក្នុងឆ្នាំ ១៩៦៦ គឺនៅពេលពួកគេធ្វើជាម្ចាស់ផ្ទះ ប៉ុន្តែនៅក្នុងឆ្នាំ ១៩៩០ អង់គ្លេសបានធ្លាក់ពីការប្រកួតត្រឹមវគ្គ ៤ ក្រុមក្រោមថ្វីជើងអាល្លឺម៉ង់។

ប្រែសម្រួល ៖ ភក្ដី

Jaehyun របស់ក្រុម Golden Child និយាយថា V គឺជាតារាគំរូក្នុងចិត្តខ្លួន

កាលពីពេលថ្មីៗនេះតារាចម្រៀងវ័យក្មេង Jaehyun សមាជិកក្រុម GoldenChild បានសម្តែងការកោតសរសើរចំពោះតារារៀមច្បងVរបស់ក្រុម BTS ។ Jaehyun និង Bomin ដែលជាសមាជិករួមក្រុមចម្រៀងបុរសវ័យក្មេង GoldenChild ស្ថិតក្រោមការគ្រប់គ្រងរបស់ផលិតកម្ម Woollim Entertainment បានបង្ហាញពីភាពទាក់ទាញដ៏គួរឱ្យស្រលាញ់របស់ពួកគេនៅក្នុងរូបភាពផ្ទាំងពាណិជ្ជកម្ម Ceci ។ នៅក្នុង កិច្ចសម្ភាសន៍សមាជិកទាំងពីរត្រូវបានគេសួរអំពីក្ដីស្រម៉ៃ ដែលពួកគេចងបានបំផុតតាំងពីក្មេងមកទល់ពេលនេះ។ Bomin បានឆ្លើយតបថា “ក្ដីស្រម៉ៃរបស់ខ្ញុំគឺឺចង់ក្លាយជា Maknae (សមាជិកក្មេងជាងគេក្នុងក្រុម) ហើយថ្ងៃនេះផងដែរវាបានក្លាយជាការពិតហើយ។ បន្ទាប់មក Jaehyun បាននិយាយពីក្ដីស្រម៉ៃរបស់ខ្លួនគឺចង់ក្លាយជាអ្នកលេងច្នៃម៉ូតសម្លៀកបំពាក់ដ៏ជំនាញម្នាក់។ Jaehyun បានថ្លែងថា V គឺជាតារាមួយរូបដែលជាគំរូនៅក្នុងចិត្តខ្ញុំ។ “ពេលដែលខ្ញុំឃើញការតុបតែងខ្លួនរបស់គាត់(V) នៅអាកាសយានដ្ឋាន គាត់មើលទៅទាន់សម័យខ្លាំងណាស់ ប្រៀបដូចជាអ្នកជំនាញខាងច្នៃម៉ូតអញ្ចឹង។ ខ្ញុំបានសម្លឹងមើល និងថតរូបគាត់ទុក ហើយខ្ញុំគិតថាថ្ងៃណាមួយខ្ញុំនឹងតុបតែងខ្លួនដូចគាត់ដែរ”៕

មុខសញ្ញាចោរកម្ម (លួចម៉ូតូនៅក្នុងវត្ដ) ម្នាក់ ត្រូវអស់លាក់នៅក្នុងវត្តដោយសាក្មេងស្រី..(ចុចអានបន្ត)

កំពង់ស្ពឺ ៖ នគរបាលស្រុកភ្នំស្រួច បង្ក្រាបបានមុខសញ្ញាចោរកម្ម (លួចម៉ូតូនៅក្នុងវត្ដ) ម្នាក់ ហេតុកានេះបានចាប់ខ្លួននេះ កាលពីថៃ្ងទី០៧ ខែកក្តដា ឆ្នាំ២០១៨ វេលាម៉ោង ១៣ និង៥៥នាទី នគរបាលស្រុកភ្នំស្រួច ខេត្តកំពង់ស្ពឺ។

បើតាមសម្តីក្មេងស្រីរងគ្រោះបានឲ្យដឹងថា នាងបានចូលបន្ទប់ទឹក ទុកម៉ូតូនៅខាងមុខ ដោយឃើញនាងចូលបន្ទប់ទឹក ក៍ជនសង្ស័យបានធ្វើសកម្មភាពលួចម៉ូតូ មិនបានសំរេច ត្រូវបានជនរងគ្រោះ ទាន់ហើយស្រែកឲ្យគេជួយហើយក័ចាប់បានជនសង្ស័យភ្លាមៗតែម្តង ។

ជនសង្ស័យដែលឃាត់ខ្លួនមានឈ្មោះស៊ឹម ពុទ្ធា ភេទប្រុស អាយុ ៣២ឆ្នាំទីលំនៅបច្ចុប្បន្នរស់នៅភូមិសាលា ឃុំជាំសង្កែ ស្រុកភ្នំស្រួច ពាក់ពន្ធ ករណីចោរកម្ម( លួចយកម៉ូតូ ) ០១ គ្រឿងម៉ាក Honda C125 ឆ្នាំផលិត 2011 ពណ៍ខ្មៅ ស្លាកលេខ កំពង់ស្ពឺ 1D-8302
ចំណែកជនរងគ្រោះឈ្មោះ សេរី សុខា ភេទស្រី អាយុ ១៧ឆ្នាំ សិស្សវិទ្យាល័យហ៊ុន សែនភ្នំស្រួច ទីលំនៅភូមិក្រាំង ឃុំគីរីវន្ត ស្រុកភ្នំស្រួច។

ជនសង្ស័យបានឆ្លើយសារភាពថាខ្លួនពិតជា បានធ្វើសកម្មភាពលួចយក ម៉ូតូមែន តែដោយសារមានគេឃើញហើយស្រែកទើប ខ្លួនរត់តែម្ដង។

វត្ថុតាងម៉ូតូសមត្ថកិច្ច បានសំរេចប្រគល់ជូនជនរងគ្រោះ ចំណែកជនសង្ស័យត្រូវបាននគរបាលជំនាញបានកសាងសំណុំរឿងបញ្ជូនទៅការិ.ជំនាញខេត្ត ចាត់ការតាមនីតិវិធី៕

ព្រះសង្ឃមួយអង្គបានធ្វើអត្តឃាតយកក្រមា ចង ក សុគត នៅក្នុងវត្តសីលវន្តារាមភ្នំក្អោង ដោយពុំដឹងមូលហេតុ…(ចុចអានបន្ត)

ស្រុកកំពង់សីលា៖ ព្រះសង្ឃមួយអង្គបានធ្វើអត្តឃាតយកក្រមា ចង ក សុគត នៅក្នុងវត្តសីលវន្តារាមភ្នំក្អោង ស្ថិតនៅភូមិបឹងត្រាច ឃុំចំការហ្លួង ស្រុកកំពង់សីលា ខេត្តព្រះសីហនុកាលពីម៉ោង១១កន្លះថ្ងៃទី០៧ ខែកក្កដា ឆ្នាំ២០១៨ ។

សមត្ថកិច្ចបញ្ជាក់ថា ព្រះសង្ឃដែលធ្វើអត្តឃាតនេះ ព្រះនាម សូ សំណាង ហៅ សេង ព្រះជន្ម ២២វស្សា មានទីកន្លែងកំណើតនៅភូមិត្រពាំង ឃុំស្រែអំបិល ស្រុកស្រែអំបិល ខេត្តកោះកុង បច្ចុប្បន្នបួសគង់នៅវត្តខាងលើ ។
ក្រោយពិនិត្យធ្វើកោសល្យវិច្ច័យព្រមទាំងសាកសួរសាក្សុីនៅកន្លែងកើតហេតុ សមត្ថកិច្ចអះអាងថា ព្រះសង្ឃអង្គនេះ ពិតជាបានធ្វើអត្តឃាតដោយចងកនឹងក្រមាពិតប្រាកដមែន ប៉ុន្តែពុំមានប្រភពអះអាងថា ករណីអត្តឃាតនេះ កើតឡើងដោយសារមានវិបត្តិអ្វីឡើយ៕

ទំនាស់ពាក្យសំដីក្នុងវង់ផឹកស៊ី កូនប្រសារទាញកាំបិតផ្គាក់ កាប់ឪពុកក្មេក រងរបួសធ្ងន់ ទុកជាកាប្រមាន..(ចុចអានបន្ត)

ពោធិសាត់៖កាលពីថ្ងៃទី៦ ខែកក្កដា ឆ្នាំ២០១៨ ស្ថិតនៅភូមិថ្មី ឃុំបឹងកន្ទួត ស្រុកក្រគរ ខេត្តពោធិសាត់ មានហឹង្សាមួយកើតឡើង ព្រោះតែទំនាស់ពាក្យសំដីក្នុងវង់ផឹកស៊ី កូនប្រសារទាញកាំបិតផ្គាក់ កាប់លើឪពុកក្មេកចំឆ្អឹងជំនីបោះដៃផុតខាងឆ្វេង បណ្ដាលឲ្យរងរបួសធ្ងន់ ។

ប្រភពពីកន្លែងកើតហេតុ បានឲ្យដឹងថា មុនពេលកើតហេតុ ឪពុកក្មេក បានឡូឡាស្តីបន្ទោសទៅលើកូនប្រសារ ពីរឿងយកពិលទៅចុច ឲ្យអស់ថ្មភ្លាមនោះ កូនប្រសារក៏បានតមាត់ខ្លាំងៗ ទៅលើឳពុកក្មេកវិញ ក៏កើតរឿងក្តៅក្រហាយ ឳពុកក្មេកក៏ទាញពូថៅវាយសំពងក្បាល កូនប្រសារ១ពូថៅមុន កូនប្រសារក៏ស្ទុះទៅយកកាំបិតផ្គាក់ កាប់សងសឹកទៅលើឳពុកក្មេកវិញ ១កាំបិតវិញ បណ្ដាលឲ្យរងរបួងធ្ងន់ កូប្រសាររូបនោះ បានរត់គេចខ្លួនបាត់។

ជនរងគ្រោះជាឳពុកក្មេកមានឈ្មោះលឹម ឈុន ភេទប្រុសអាយុ ៦០ឆ្នាំ ជនជាតិខ្មែររស់នៅក្នុងភូមិកើតហេតុ ចំណែកឯលោកកូនប្រសារ ចិត្តខ្លាំងមានឈ្មោះហោ ហានហៅងុយភេទប្រុសអាយុ ៣៨ ឆ្នាំជនជាតិខ្មែររស់នៅក្រោមដំបូលផ្ទះតែមួយ។

ក្រោយកើតហេតុភ្លាមៗកូនប្រសារចិត្តក្លាហាននោះ បានរត់គេចខ្លួនពីមូលដ្ឋាន ចំណែកលោកឪពុកចិត្តខ្លាំងដែរនោះកំពុង សម្រាកព្យាបាលមុខរបួសនៅមន្ទីរពេទ្យ៕

កុំចេះតែហ៊ានលោកចោរ!! ឆក់ទូរស័ព្ទ ប៉ះចំនារីក្លាហាន ជិះម៉ូតូដេញបុកផ្តួល ដួលក្រកាច់ប្រកិន ត្រូវសមត្ថកិច្ចដែលនៅក្បែរនោះរត់ដេញចាប់បានភ្លាមៗ…(ចុចអានបន្ត)

ភ្នំពេញ៖ កុំចេះតែហ៊ានចោរឆក់ទូរស័ព្ទ ប៉ះចំនារីក្លាហាន ជិះម៉ូតូដេញបុកផ្តួលក្របួចជាប់ ហេតុកានេះបានកើតឡើងកាលពីម៉ោងប្រមាណ៨យប់ ថ្ងៃទី៦ខែកក្តដា ឆ្នាំ២០១៨ នៅចំណុចមុខធនាគារកាណាឌីយ៉ា ផ្លូវមុនីវង្ស ក្នុងសង្កាត់វត្តភ្នំ ខណ្ឌដូនពេញ។

ចោរឆក់ម្នាក់ត្រូវបានកម្លាំងសមត្ថកិច្ចប៉ុស្តិ៍ស្រះចក ដែលនៅក្បែរនោះរត់ចេញពីប៉ុស្តិ៍ មកឃាត់ខ្លួនភ្លាមៗ ក្រោយពីរូបគេបានឆក់ទូរស័ព្ទ នារីក្លាហានម្នាក់ បានសម្រេច ត្រូវនារីរូបនោះ បើកម៉ូតូដេញបុកឲ្យដួលមន្ត្រីនគរបាលប៉ុស្តិ៍ស្រះចកបានឲ្យដឹងថាជនសង្ស័យដែលឃាត់ខ្លួននេះឈ្មោះប្រាក់ កុសល អាយុ២៩ឆ្នាំ មុខរបររត់ម៉ូតូឌុប ស្នាក់នៅភូមិកៀនឃ្លាំង សង្កាត់ព្រែកលៀប ខណ្ឌជ្រោយចង្វារ។ ដកហូតវត្ថុតាងទូរស័ព្ទម៉ាកសាំស៊ុង១គ្រឿង ជារបស់ជនរងគ្រោះមកវិញ រួមទាំងម៉ូតូ១គ្រឿង ម៉ាកហុងដា C១២៥ ពណ៌ខ្មៅ ពាក់ស្លាកលេខ ភ្នំពេញ 1BA-0539។ ចំណែកជនរងគ្រោះឈ្មោះវន វឌ្ឍនាវត្តី អាយុ២១ឆ្នាំ មុខរបរនិស្សិត ស្នាក់នៅសង្កាត់ដេប៉ូ២ ខណ្ឌទួលគោក។

ប្រភពព័ត៌មានពីអ្នកដែលឃើញហេតុការណ៍នោះបានឲ្យដឹងថា នៅមុនពេលកើតហេតុ គេឃើញនារីរងគ្រោះគាត់ជិះម៉ូតូចេញពីសាលាន័រតុនត្រើយម្ខាង ពេលមកដល់ចំណុចខាងនុខស្ថានទូតបារាំង ផ្លូវមុនីរង្សក៏ស្រាប់តែជនសង្ស័យរូបនោះ បានតាមឆក់ទូរស័ព្ទរបស់នារីរងគ្រោះដែលដាក់នៅហោប៉ៅខោរខាងស្តាំ ដាក់កាសត្រចៀកបានសម្រេច ហើយខំព្យាយាមបើកគេចខ្លួនឆ្ពោះមកទិសខាងត្បូង ក៏ត្រូវនារីរងគ្រោះរូបនោះគាត់បើកម៉ូតូដេញតាមទាន់ ហើយបុកម៉ូតូជនសង្ស័យរូបនោះ ឲ្យដួលនៅខាងមុខធនាគារកាណាឌីយ៉ា ព្រមទាំងស្រែកឆោរឡោថាចោរៗផងនោះ ក៏ត្រូវបានកម្លាំងនគរបាលប៉ុស្តិ៍ស្រះចកដែលនៅក្បែរនោះរត់ចេញមកឃាត់ខ្លួនបានភ្លាមៗផងដែរ។

បច្ចុប្បន្នជនសង្ស័យត្រូវឃាត់ខ្លួនកសាងសំណុំរឿងបញ្ជូនទៅអធិការនគរបាលខណ្ឌដូនពេញចាត់ការតាមនិតិវិធី៕

Zlatan ជឿជាក់លើស៊ុយអែតថាអាចទម្លាក់ក្រុមតោកំណាចអង់គ្លេស និងលើកពាន World Cup

ខ្សែប្រយុទ្ធមហាឌឺ Zlatan Ibrahimovic ជឿជាក់លើក្រុមជម្រើសជាតិស៊ុយអែតថាអាចផ្ដួលក្រុមតោកំណាចអង់គ្លេសបាន និងជឿទៀតថាជម្រើសជាតិរបស់ខ្លួនអាចត្រួសត្រាយផ្លូវដើម្បីឈានទៅកាន់ការលើកពានរង្វាន់បាល់ទាត់ពិភពលោកឆ្នាំ ២០១៨ នេះ។ ស៊ុតអែតត្រៀមជាស្រេចសម្រាប់ការប្រកួតរបស់ពួកគេជាមួយជម្រើសជាតិអង់គ្លេសដែលជាជំនួបនៃពាន World Cup វគ្គ ៨ ក្រុមនាថ្ងៃសៅរ៍នេះ។

ទន្ទឹមគ្នានេះ Ibrahimovic ដែលជាកីឡាកររកគ្រាប់បញ្ចូលទីបានច្រើនជាងគេបំផុតរបស់ស៊ុយអែត ដោយរកបាន ៦២ គ្រាប់ពីការបង្ហាញខ្លួន ១១៦ ប្រកួតរូបនេះមានទំនុកចិត្តលើក្រុមកីឡាករស៊ុយអែតថាអាចទម្លាក់អង់គ្លេសចេញពី World Cup បាន។ “ខ្ញុំគិតថាស៊ុយអែតអាចក្លាយជាម្ចាស់ជើងឯកពាន World Cup ដូចដែលខ្ញុំបាននិយាយតាំងពីមុនពេលការប្រកួតចាប់ផ្ដើម។” អតីតខ្សែប្រយុទ្ធរបស់ក្រុមបិសាចក្រហម Manchester United រូបនេះបាននិយាយ។ “ពួកគេបានផ្ដួលម៉ិកស៊ិកដែលជាក្រុមខ្លាំងមួយ បន្ទាប់មកពួកគេបន្តទៅលត់ស្វីសថែមទៀត។ ដូច្នេះពួកគេបានទទួលនូវភាពជោគជ័យដែលគ្មាននរណាបាននឹកស្មានដល់។”

ប្រែសម្រួល ៖ ភក្ដី

អតីតអ្នកចាំទីអ៊ីតាលី Gianluigi Buffon បានដាច់ចិត្តចាកចេញពីប្រទេសកំណើតផ្លាស់ទៅលេងនៅប៉ារីស

ក្រុមយក្សបារាំង Paris St-Germain បានចុះហត្ថលេខានាំយកអតីតអ្នកចាំទីរបស់ក្រុម Juventus ក៏ដូចជាអតីតអ្នកចាំទី និងប្រធានក្រុមជម្រើសជាតិអ៊ីតាលី កីឡាករ Gianluigi Buffon ទៅកាន់ក្លិបរបស់ខ្លួនដោយមិនចំណាយលុយសូម្បីតែមួយរៀលទៅលើការផ្ទេរ។ Buffon បុរសវ័យ ៤០ ឆ្នាំរូបនេះបានចាកចេញពី Juventus កាលពីចុងរដូវកាលមុន និងបានបញ្ចប់ការស្នាក់នៅរយៈពេល ១៧ ឆ្នាំរបស់គាត់ជាមួយក្រុមនៃលីកកំពូលរបស់អ៊ីតាលីមួយនេះដែលជាកន្លែងគាត់ចូលលេងបាន ៦៥៦ ប្រកួត។

Buffon ត្រូវពាក្យចរចាមអារ៉ាមផ្សាភ្ជាប់គាត់ទៅជាមួយនឹងការងារនៅក្រៅទីលាននៅ Juventus ប៉ុន្តែពេលនេះមិនដូចអ្វីដែលពាក្យចរចាមអារ៉ាមបានចុះផ្សាយទេ ខណៈដែលគាត់បានចុះកុងត្រាមួយឆ្នាំជាមួយកីឡដ្ឋាន Parc des Princes របស់ PSG ។ “ខ្ញុំដឹងថាក្ដីសុបិនរបស់ PSG ជាអ្វី និងក្ដីសុបិនរបស់អ្នកគាំទ្រពួកគេមាននៅក្នុងចិត្ត។” Buffon បាននិយាយ។ “ខ្ញុំនឹងនាំមកទាំងអស់នូវកម្លាំង បទពិសោធន៍ និងភាពស្រេកឃ្លានរបស់ខ្ញុំដើម្បីជួយក្លិបថ្មីរបស់ខ្ញុំមួយនេះ។”

ប្រែសម្រួល ៖ ភក្ដី