ប៊ែលហ្ស៊ិក ទម្លាក់ប្រេស៊ីល ដោយលទ្ធផល ២-១ នៅ World Cup 2018 រួចឡើងទៅប៉ះបារាំង វគ្គពាក់កណ្តាលផ្តាច់ព្រ័ត្រ

ម៉ូស្គូ៖ ក្រុមបាល់ទាត់ជម្រើសជាតិប៊ែលហ្ស៊ិក បានឡើងទៅ ប៉ះជើងខ្លាំង មាន់គក បារាំង ក្នុងវគ្គពាក់កណ្តាលផ្តាច់ព្រ័ត្រ ក្រោយទម្លាក់ ប្រេស៊ីល ចេញពី World Cup 2018 ដែលទើបបញ្ចប់មុននេះបន្តិចក្នុងវគ្គ៨ក្រុម ដោយលទ្ធផល ២-១។

កីឡាករ Fernandinho របស់ប្រេស៊ីល បានធ្វេសប្រហែស ចូលទីខ្លួនឯងនៅនាទី ទី១៣ មុនពេល Kevin De Bruyne រកបានគ្រាប់ទី២ អោយប៊ែលហ្ស៊ក នៅនាទីទី៣១ កាន់តែកក់ក្តៅ បើទោះបីជារបូត១គ្រាប់វិញនៅវគ្គទី២ ក្នុងនាទីទី៧៦ក៏ដោយ។

តាមរយ:លទ្ធផលឈ្នះផ្លូវការ ២-១ ធ្វើអោយប៊ែលហ្ស៊ិក រកបានជ័យជន្នះជាលើកទី២ ក្នុងប្រវត្តិជួបប្រេស៊ីល ៥ដង មិនដែលស្មើ និងចាញ់៣ដងនោះ ដោយបានកក់កៅអីវគ្គ ៤ក្រុមចុងក្រោយផងដែរ ដោយត្រូវប៉ះមាន់គកបារាំង ដែលបាន ទម្លាក់អ៊ុយរ៉ាហ្គាយ ដោយលទ្ធផល ២-០ ក្នុងវគ្គ៨ក្រុមដែរនោះ៕

ដោយ៖ សុវណ្ណ ដេត

បារាំងបានកក់កៅអីឡើងទៅកាន់វគ្គពាក់កណ្ដាលផ្ដាច់ព្រ័ត្រពាន World Cup ជាលើកទី ៦

រុមជម្រើសជាតិបារាំងបានកក់កៅអីឡើងទៅកាន់វគ្គពាក់កណ្ដាលផ្ដាច់ព្រ័ត្រមុនគេសម្រាប់ការប្រកួតពានរង្វាន់បាល់ទាត់ពិភពលោកឆ្នាំ ២០១៨ នេះ បន្ទាប់ពីការផ្ដួលក្រុមជម្រើសជាតិអ៊ុយរ៉ូហ្គាយក្នុងលទ្ធផល ២ គ្រាប់ទល់និង ០ ។ គ្រាប់បាល់បញ្ចូលទីទាំង ២ គ្រាប់សម្រាប់បារាំងគឺធ្វើបានសម្រេចដោយខ្សែការពាររបស់ក្រុម Real Madrid កីឡាករ Raphael Varane ខណៈដែលមួយគ្រាប់ទៀតស៊ុតបានសម្រេចដោយខ្សែប្រយុទ្ធរបស់ក្រុម Atletico Madrid គឺកីឡាករ Antoine Griezmann ។

ចំណែកក្រុមមកពីអាមេរិកឡាទីន អ៊ុយរ៉ូហ្គាយឯណោះវិញស្ទើរតែមានឱកាសបំប៉ើងសំណាញ់ទីរបស់បារាំងបានទៅហើយនៅពេលកីឡាករ Martin Caceres ស៊ុតបាល់ហ្វ្រីឃីក ប៉ុន្តែត្រូវបានជួយសង្គ្រោះដោយអ្នកចាំទី Hugo Lloris ។ ជ័យជម្នះនេះមានន័យថាបារាំងបានឡើងទៅកាន់វគ្គពាក់កណ្ដាលផ្ដាច់ព្រ័ត្រនៃការប្រកួតពាន World Cup ជាលើកទី ៦ ។

ប្រែសម្រួល ៖ ភក្ដី

បារាំងបានកក់កៅអីឡើងទៅកាន់វគ្គពាក់កណ្ដាលផ្ដាច់ព្រ័ត្រពាន World Cup ជាលើកទី ៦

ក្រុមជម្រើសជាតិបារាំងបានកក់កៅអីឡើងទៅកាន់វគ្គពាក់កណ្ដាលផ្ដាច់ព្រ័ត្រមុនគេសម្រាប់ការប្រកួតពានរង្វាន់បាល់ទាត់ពិភពលោកឆ្នាំ ២០១៨ នេះ បន្ទាប់ពីការផ្ដួលក្រុមជម្រើសជាតិអ៊ុយរ៉ូហ្គាយក្នុងលទ្ធផល ២ គ្រាប់ទល់និង ០ ។ គ្រាប់បាល់បញ្ចូលទីទាំង ២ គ្រាប់សម្រាប់បារាំងគឺធ្វើបានសម្រេចដោយខ្សែការពាររបស់ក្រុម Real Madrid កីឡាករ Raphael Varane ខណៈដែលមួយគ្រាប់ទៀតស៊ុតបានសម្រេចដោយខ្សែប្រយុទ្ធរបស់ក្រុម Atletico Madrid គឺកីឡាករ Antoine Griezmann ។ ចំណែកក្រុមមកពីអាមេរិកឡាទីន អ៊ុយរ៉ូហ្គាយឯណោះវិញស្ទើរតែមានឱកាសបំប៉ើងសំណាញ់ទីរបស់បារាំងបានទៅហើយនៅពេលកីឡាករ Martin Caceres ស៊ុតបាល់ហ្វ្រីឃីក ប៉ុន្តែត្រូវបានជួយសង្គ្រោះដោយអ្នកចាំទី Hugo Lloris ។ ជ័យជម្នះនេះមានន័យថាបារាំងបានឡើងទៅកាន់វគ្គពាក់កណ្ដាលផ្ដាច់ព្រ័ត្រនៃការប្រកួតពាន World Cup ជាលើកទី ៦ ។

ប្រែសម្រួល ៖ ភក្ដី

តើ Liam Payne របស់ក្រុម One Direction និយាយអ្វីខ្លះពី BTS?

កាលពីបពេលថ្មីៗនេះ Liam Payne សមាជិករបស់ក្រុមចម្រៀងអាមេរិក One Direction បានចូលរួមកម្មវិធី Ask Anything Chat របស់ប៉ុស្តន៍វិទ្យុ iHeartRadio ហើយត្រូវបានគេសួរពីសំណួរដែលពាក់ព័ន្ធជាមួយក្រុមចម្រៀងកូរ៉េ BTS ដែលធ្វើអោយលោកនឹកដល់ពេលវេលារបស់លោកជាមួយ One Direction ដែលបានរំសាយក្រុមក្នុងឆ្នាំ 2016 ។ លោក Liam Payne បាននិយាយថា “ខ្ញុំមិនអាចប្រៀបធៀបរវាង BTS និង One Direction បានទេ ព្រោះក្រុមទាំងពីរមានភាពខុសគ្នា និងមានលក្ខណៈពិសេសរៀងៗខ្លួន ប៉ុន្តែពេលដែលនិយាយដល់ពួកគេ(BTS) វាពិតជាធ្វើអោយខ្ញុំនឹកដល់អតីតកាលខ្លាំងណាស់”។ លោកបានថ្លែងថា “ជាការពិតណាស់ BTS គឺជាក្រុមចម្រៀងដ៏ល្បីល្បាញមួយនាពេលបច្ចុប្បន្ន។ ពួកគេមានបទចម្រៀងពិរោះៗ ស្តាយ៍ប្លែកៗ ជាពិសេសក្បាច់រាំដ៏រស់រវើក និងស្វិតស្វាញ”។ បន្ទាប់មកលោកបានបង្ហើបថា លោកពិតជាចង់សហការជាមួយពួកគេ ប៉ុន្ដែលោកប្រហែលគ្មានឪកាសទេ។ “ខ្ញុំគិតថាពួកគេពិតជាអស្ចារ្យណាស់។ ខ្ញុំពិតជាចង់ធ្វើអ្វីមួយជាមួយនឹងពួកគេ ប៉ុន្តែខ្ញុំប្រហែលជាគ្មានឪកាសនោះទេ ទោះយ៉ាងណាក៏ខ្ញុំនៅតែជាអ្នកគាំទ្រម្នាក់របស់ពួកគេដែរ” លោក Liam Payne បន្ថែម៕

Yugyeom ក្រុម GOT7 ភ្លាត់ស្នៀតដួលបោកក្បាលយ៉ាងដំណំពេលសម្ដែងលើឆាក

កាលពីពេលថ្មីៗនេះ ក្រុមតារាចម្រៀងកូរ៉េ GOT7 បានប្រារព្ធធ្វើកម្មវិធី Tour Concert ដែលមានឈ្មោះថា Eyes On You នៅក្នុងប្រទេសរបស់ខ្លួន។ ក្នុងខណៈពេលដែលកម្មវិធីកំពុងដំណើរការ ស្រាប់តែមានសមាជិកម្នាក់ឈ្មោះ Yugyeom បានធ្វើឲ្យអ្នកគាំទ្រព្រួយបារម្ភយ៉ាងខ្លាំង នៅពេលដែលតារាចម្រៀងរូបនេះ រាំភ្លាត់ស្នៀត ដួលបោកក្បាលមួយទំហឹង នៅលើឆាកខណៈពេលកំពុងរាំម្នាក់ឯង។ គេសន្និដ្ឋានថាអំឡុងពេលដួលនោះ អាចនឹងធ្វើឲ្យ Yugyeom ប៉ះទង្គិចក្បាលយ៉ាងខ្លាំង ព្រោះថាលោកបានចំណាយពេល ៥ ទៅ ១០វិនាទី ទម្រាំអាចងើបក្រោកឈររាំម្តងទៀតបាន។ ទោះជាយ៉ាងណាក្តី បន្ទាប់ពីធ្វើការសម្តែងលើឆាករួចមក Yugyeom ដែលជាសមាជិកក្មេងជាងគេនៅក្នុងក្រុម GOT7រូបនេះ ក៏បានផ្ញើសារសុំទោសដល់អ្នកគាំទ្ររបស់ខ្លូន ផងដែរថា៖ “ខ្ញុំពិតជាមានអារម្មណ៍មិនល្អនោះទេ នៅពេលដែលខ្ញុំធ្វើឲ្យមានកំហុសលើឆាកបែបនេះ។ ខ្ញុំគ្រាន់តែចង់សម្តែងឲ្យល្អខ្លាំងតែប៉ុណ្ណោះ។ សុំទោសដែលខ្ញុំធ្វើវាមិនបានល្អ”។ មិនត្រឹមតែប៉ុណ្ណោះ ខាងផលិតកម្ម JYP ក៏បានចេញមុខបញ្ជាក់បន្ថែម ដើម្បីឲ្យអ្នកគាំទ្រអស់ក្តីបារម្ភថា នៅពេលនេះ Yugyeom មិនមានបញ្ហាអ្វីនោះទេ គឺគេអាចសម្ដែង និងអាចចូលរួមដំណើរ Tour Concert បន្តទៀតបាន៕

បារាំង អ៊ុយរុយហ្គាយ នឹងប៉ះគ្នាក្នុងវគ្គ ៨ក្រុមចុងក្រោយ FIFA World Cup 2018 នាម៉ោង ៩យប់នេះ

បារាំង អ៊ុយរុយហ្គាយ នឹងប៉ះគ្នាក្នុងវគ្គ ៨ក្រុមចុងក្រោយ FIFA World Cup 2018 នាម៉ោង ៩យប់នេះ។បារាំង ក្រុមលោក Didier Deschamps នឹងអវត្តមានខ្សែបម្រើ Blaise Matuidi ដោយសារជាប់បម្រាម។ កីឡាករដែលទំនងជាអាចជំនួស Matuidi បាន គឺ Corentin Tolisso។

អ៊ុយរុយហ្គាយ ខ្សែប្រយុទ្ធ Edinson Cavani ដែលស៊ុត២គ្រាប់ទម្លាក់ក្រុមព័រទុយហ្គាល់ កាលពីវគ្គ ១៦ក្រុមចុងក្រោយ ទំនងជាមិនអាចចូលលេងបាននោះទេ ដោយសាររបួសសាច់ដុំកំភួនជើង។ Cristhian Stuani ទំនងជាចាប់ដៃជាមួយ Luis Suarez ក្នុងតំបន់ប្រយុទ្ធ ជំនួសកន្លែង Cavini។

ក្រុមទាំង២ ធ្លាប់ជួបគ្នា ៦ដង ដែលជាលទ្ធផលគឺអ៊ុយរុយហ្គាយ ឈ្នះ ២ដង និងស្មើគ្នា ៤ដង។ ជួបគ្នាចុងក្រោយ ក្នុងជំនួបមិត្តភាពឆ្នាំ ២០១៣ គឺអ៊ុយរុយហ្គាយ ឈ្នះ បារាំង ១-០ ស៊ុតបញ្ចូលទីដោយ Luis Suarez។ បើគិតតែនៅ World Cup គឺក្រុមទាំង២ ធ្លាប់ជួបគ្នា ៣ដងរួចមកហើយ (World Cup 1966, 2002, 2010) ជាលទ្ធផលគឺ អ៊ុយរុយហ្គាយ ឈ្នះ១ដង និងស្មើ២ដង (ប្រកួតក្នុងពូលទាំង ៣ប្រកួត)។

អ៊ុយរុយហ្គាយ ឡើងវគ្គ ៨ក្រុម ២ដងចុងក្រោយ គឺឈ្នះទាំង២ដង ((១៩៧០ និង ២០១០)។ លើកចុងក្រោយដែលក្រុមនេះ ចាញ់វគ្គ ៨ក្រុមចុងក្រោយ គឺកាលពីឆ្នាំ ១៩៦៦។

បារាំង ខកខានឡើងវគ្គពាក់កណ្ដាលផ្ដាច់ព្រ័ត្រ ចាប់តាំងពីឆ្នាំ ២០០៦ មក។

បារាំង មិនធ្លាប់ចាញ់ក្រុមមកពីអាមេរិកខាងត្បូងនោះទេ ក្នុង ៩ប្រកួតចុងក្រោយ (ឈ្នះ៥ ស្មើ៤) ដែលក្នុងនោះ មាន ៧ប្រកួតដែលបារាំង អាចទប់មិនឲ្យគេស៊ុតបញ្ចូលទី (clean sheet)៕

នាវិកថៃបានរកឃើញសាកពមនុស្ស១៧នាក់បន្ថែមទៀត នៅលើផ្ទៃសមុទ្រភូកេត ក្នុងករណីលិចទូកទេសចរណ៍នៅខេត្តភូកេត ខណៈ៣៩នាក់ កំពុងបន្តបាត់ខ្លួន

(បាងកក) នាវិកថៃបានរកឃើញសាកពមនុស្ស១៧នាក់បន្ថែមទៀត នៅលើផ្ទៃសមុទ្រភូកេត ក្នុងករណីលិចទូកទេសចរណ៍នៅខេត្តភូកេត ខណៈ៣៩នាក់ កំពុងបន្តបាត់ខ្លួន។

ខណះមកទល់ពេលនេះក្រុមនាវិកថៃបានរកឃើញសាកពមនុស្ស១៧នាក់បន្ថែមទៀត នៅលើផ្ទៃសមុទ្រភូកេត ដែលប្រការនេះធ្វើឲ្យចំនួនមនុស្សបាត់បង់ជីវិតសរុបកើនដល់១៨នាក់ នៅក្នុងគ្រោះថ្នាក់លិចទូកទេសចរណ៍ ដោយសារព្យុះ កាលពីថ្ងៃព្រហស្បតិ៍ម្សិលមិញ។ នេះបើតាមការដកស្រង់ការផ្សាយចេញពីសារព័ត៌មានថៃ The Nation នៅរសៀលថ្ងៃសុក្រ ទី០៦ ខែកក្កដា ឆ្នាំ២០១៨។

បើតាមប្រភពព័ត៌មានខាងលើ ក្រុមនាវិកនៅលើនាវាចម្បាំងថៃ HTMS Long Lom បានរកឃើញសាកសពមនុស្ស១២នាក់ នៅក្បែរទីតាំងដែលទូកទេសចរណ៍ឈ្មោះថា ហ្វីនិច (Phoenix) បានក្រឡាប់លិច ក្រោយពីត្រូវរលកធំៗបោកបក់ នៅតាមផ្លូវធ្វើដំណើរត្រឡប់ពីកោះរ៉ាឆា (Racha) មកកាន់ Phuket វិញ កាលពីរសៀលថ្ងៃព្រហស្បតិ៍។ សម្រាប់សាកសព០៥នាក់ទៀត ត្រូវបានស្រង់យកចេញពីក្នុងសមុទ្រមកវិញនៅក្បែរកោះម៉ៃថន (Mai Thon) ដែលនៅចម្ងាយប្រហែលពីរគីឡូម៉ែត្រភាគខាងកើតកន្លែងទូក Phoenix លិច។

គួរជម្រាបថា ទូកទេសចរណ៍ Phoenix មានដឹកមនុស្សសរុប១០៥នាក់ ក្នុងនោះមានភ្ញៀវទេសចរណ៍ចិន៩៣នាក់ ព្រមទាំង១២នាក់ទៀតជាក្រុមអ្នកធ្វើការនៅលើទូក និងមគ្គុទេសក៍ទេសចរណ៍ម្នាក់។ នៅក្រោយពេលលិច សាកសពរបស់បុរសជនជាតិចិនម្នាក់ត្រូវបានគេរកឃើញកាលពីយប់ថ្ងៃព្រហស្បតិ៍។ មកទល់ពេលនេះ មនុស្ស៤៨នាក់ ក្នុងនោះមានភ្ញៀវទេសចរ៣៦នាក់ និងមគ្គុទេសក៏ទេសចរណ៍ព្រមទាំងក្រុមការងារទូកទាំង១២នាក់ ត្រូវបានជួយសង្រ្គោះ ខណៈដែលមនុស្ស៣៩នាក់ទៀត កំពុងបន្តបាត់ខ្លួន៕

សំណាង លើសំណាងមែន!!! FIFA បានបង្ហាញក្តីអាណិតអាសូរ ដល់ក្មេងៗទាំង១២នាក់ និងអញ្ជើញឱ្យចូលទស្សនាការប្រកួតវគ្គផ្តាច់ព្រ័ត្រ World Cup

នេះបើតាមលិខិតរបស់លោក Gianni Infantino ផ្ញើទៅកាន់សមាគមបាល់ទាត់ថៃ កាលពីថ្ងៃទី៥ ខែកក្កដា ឆ្នាំ២០១៨។ក្នុងលិខិតនោះ លោកប្រធាន FIFA បានបង្ហាញក្តីអាណិតអាសូរ ដល់ក្មេងៗទាំង១២នាក់ និងគ្រូបង្វឹករបស់ពួកគេ ដែលបានជាប់ខ្លួនក្នុងល្អាងភ្នំនោះ តាំងពីថ្ងៃទី២៣មិថុនាមក។

លោក Gianni Infantino ប្រធានសហព័ន្ធបាល់ទាត់ពិភពលោក FIFA បានអញ្ជើញក្មេងៗកីឡាករ ១២នាក់ និងគ្រូបង្វឹកពួកគេ ដែលកំពុងជាប់ខ្លួនក្នុងល្អាងភ្នំថាមហ្លួង ឱ្យចូលទស្សនាការប្រកួតបាល់ទាត់វគ្គផ្តាច់ព្រ័ត្រនៃ World Cup 2018 នៅប្រទេសរុស្ស៊ី ប្រសិនបើពួកគេអាចចេញពីល្អាងភ្នំនោះទាន់ពេល។

លោកសង្ឃឹមថា ក្មេងៗនិងគ្រូបង្វឹកទាំងនោះ នឹងអាចវិលមកជួបជុំគ្រួសាររបស់ពួកគេ ក្នុងពេលឆាប់ៗខាងមុខនេះ ហើយថែមទាំងនៅមានសុខភាពល្អ ដែលអាចធ្វើដំណើរទៅទស្សនាការប្រកួតវគ្គផ្តាច់ព្រ័ត្រ World Cup ក្នុងនាមជាភ្ញៀវកិត្តិយសរបស់ FIFA ទៀតផង៕

សង្វែកណាស់!ចំពោះលោក ចាស់ សំ តារារឹទ្ធី ដែលជាតារាសម្តែងជើងចាស់ ធ្លាប់ធ្វើជាស្តេច ឥឡូវបែមកធ្វើសន្តិសុខវិញ (សូមទស្សនាវីដេអូ)

(តារា) លោក សំ តារារឹទ្ធី ធ្លាប់ជាតួសម្តែងក្នុងរឿង “បក្សីចាំក្រុង”, រឿង “ព្រះបាទត្រសក់ផ្អែម” រឿង “មាយើង និងរឿងផ្សេងទៀតដែលភាគច្រើនដើរជាតួអង្គស្តេច ។ រូបលោកបានបាត់មុខពីវិស័យសិល្បៈជាង១០ឆ្នាំហើយ ក៏ធ្លាប់មានពាក្យចចាមរ៉ាមថា លោក សំ តារារឹទ្ធី បានទៅរស់នៅក្រៅប្រទេស ឬមានដំណឹងថាលោកទទួលមរណភាព។ នេះគឺជាពាក្យចចាមរ៉ាមដែលមិនពិត ដោយសព្វថ្ងៃលោកនៅមានជីវិត និងរស់នៅតែលើទឹកដីស្រុកខ្មែរ ហើយរាល់ថ្ងៃនេះមានជីវភាពលំបាកខ្វះខាត និងកំពុងបម្រើការងារជាសន្តិសុខ ។ ប្រសិនបើសប្បុរសជន មានបំណងចង់ជួយសុំទាក់ទងតាមរយៈលេខទូរស័ព្ទរបស់លោកផ្ទាល់គឺ 088 5700169″។

មួយរយៈចុងក្រោយនេះ យើងសង្កេតឃើញថាសិល្បករខ្មែរជើងចាស់ជាច្រើន បានលាចាកម្តងម្នាក់ៗ ដោយបន្សល់នូវស្នាដៃដល់កូនខ្មែរជំនាន់ក្រោយ។ ដោយឡែក ក្រៅពីលាចាកហើយ ក៏មានសិល្បករជំនាន់ដើមជាច្រើនមានជីវិតរស់នៅដល់ពេលបច្ចុប្បន្ន តែបែរជាជួបប្រទះនឹងភាពខ្វះខាតគួរឲ្យអាសូរ។ ជាក់ស្ដែងដូចជាលោក សំ តារារឹទ្ធី ដែលជាតួកុនជើងចាស់មានឈ្មោះល្បីមួយរូប ក៏បានធ្លាក់ខ្លួនគួរឲ្យស្រណោះផងដែរ៕

(វិដេអូ)

https://www.facebook.com/plugins/video.php?href=https%3A%2F%2Fwww.facebook.com%2Fchanna.davy%2Fvideos%2F2076041659299426%2F&show_text=0&width=560

https://www.facebook.com/plugins/video.php?href=https%3A%2F%2Fwww.facebook.com%2Fchanna.davy%2Fvideos%2F2075876095982649%2F&show_text=0&width=267

ប្រភព៖ ច័ន្ទណា ដាវី

មិនគួសោះ!!! អតីតកងកុម្ម៉ងដូទាហានជើងទឹកថៃម្នាក់ បានស្លាប់បាត់បង់ជីវិតក្នុងបេសកកម្មជួយសង្គ្រោះជរងគ្រោះជាប់ក្នុងល្អាងភ្នំ ទាំង ១៣ នាក់

ប្រទេសថៃ៖ កងកុម្ម៉ងដូទាហានជើងទឹកថៃម្នាក់ដែលមានជំនាញខាងមុជទឹក បានស្លាប់បាត់បង់ជីវិតនៅយប់ថ្ងៃ សុក្រ ទី៦ កក្កដា ឆ្នាំ២០១៨ វេលា ២:០០ នាទី ព្រឹក ដោយសារខ្វះខ្យល់អុកស៊ីហ្ស៊ែន នៅពេលលោកវិលត្រលប់មកពីទីតាំងក្មេង ១២ នាក់ និង គ្រូបង្វឹកម្នាក់ បានពាក់កណ្ដាលផ្លូវ ។

អតីតនាយទាហានជើងទឹកថៃម្នាក់ ដែលបំពេញការងារក្នុងការជួយសង្គ្រោះមនុស្សទាំង១៣នាក់ នៅក្នុងរូងភ្នំថាំលួង នៃខេត្តឈៀងរ៉ាយ ភាគខាងជើងប្រទេសនោះ បានស្លាប់បាត់បង់ជីវិតហើយ ដោយសារតែការខ្វះអុកស៊ីសែន។

លោកជានាយទាហានជើងទឹកថៃ និងជាអ្នកជំនាញមុជទឹកដែរនោះមានឈ្មោះថា សាម៉ាណ គូណាន (Samarn Kunan) បានទទួលមរណភាពអំឡុងពេលលោកកំពុងតែរៀបចំធុងឧស្ម័នអុកស៊ីសែន នៅក្នុងរូងភ្នំថាំលួង ទីដែលប្រតិបត្តិការជួយសង្គ្រោះមនុស្សទាំង ១៣នាក់ កំពុងបន្តនៅឡើយ៕ លោកគឺជាជនរងគ្រោះទី ១ ដែលបានស្លាប់បាត់បង់ជីវិតក្នុងបេសកកម្មជួយសង្គ្រោះជរងគ្រោះជាប់ក្នុងល្អាងភ្នំ ទាំង ១៣ នាក់ ។

ដោយ៖ សុខ ជា