សិល្បករ និងក្រុមការងារ ចំណាយថវិការផ្ទាល់ខ្លួន ទៅលើកទឹកចិត្តលោកបេន ជនជាតិអាមេរិក ដែលចំណាយពេល២៦ឆ្នាំ ការពារអភិរក្សព្រៃឈើកម្ពុជា

យោងតាមគណនីហ្វេសប៊ូក របស់លោក តាន់ គឹមសួរ បង្ហោះមុននេះបន្តិច បានសរសេរថា វត្តមានរបស់កំពូលតារាកំប្លែង ពែកមី និងតារាសម្តែងលោក ប៉ែន ចំរ៉ុង ប្អូនស្រី ស្រមោចខ្មៅ និងតារាចម្រៀងម្ចាស់បទ អតីត គឺលោក Pao Ploy បានរួមគ្នា ជាមួយក្រុមការងារ ដែលមាន អាចារ្យធំ នគររាជ លោក Sovanna Kem លោក ចាន់ទី សុធី កញ្ញា SieYa Gmm និងកញ្ញា Ping Ing ចូលរួមសំណេះសំណាល អំពីការអភិរក្សព្រៃឈើ របស់ Sharyn Davis ជាជនជាតិបរទេស ដែលចំណាយពេល26ឆ្នាំ រស់នៅលើទឹកដីកម្ពុជា និងសាងភាពសប្បាយរីករាយ ដល់ប្រជាជនក្នុងភូមិ នៅតំបន់ភ្នំត្នោត។

វត្តមានរបស់អ្នកទាំងអស់គ្នាខាងលើនេះ ជាពិសេសក្រុមការងារដែលមាន អាចារ្យធំ នគររាជ លោក Sovanna Kem លោក ចាន់ទី សុធី កញ្ញា SieYa Gmm និងកញ្ញា Ping Ing បានចំណាយពេលវេលា សំណេះសំណាលពីការអភិរក្សព្រៃឈើ របស់លោក Sharyn Davis (ហៅ បេន) ជាជនជាតិបរទេស ដែលបានចំណាយពេលអស់រយៈពេល២៦ឆ្នាំ រស់នៅលើទឹកដីនៃប្រទេសកម្ពុជា ហើយបានសាងភាពសប្បាយរីករាយ ជាពិសេសភាពកក់ក្តៅ ដល់ប្រជាជនក្នុងភូមិទាំងអស់ នៅតំបន់ភ្នំត្នោតនេះ ។

ទោះជាយ៉ាងណា វត្តមានរបស់អ្នកទាំងអស់គ្នា បានធ្វើឲ្យលោកបេន និងក្រុមគ្រួសាររបស់លោក មានភាពសប្បាយរីករាយឥតឧបមា ដោយពួកគាត់មានកម្លាំងចិត្ត និងគិតថា ពួកគាត់លែងឯការទៀតហើយ។ ចំណែកឯប្រជាជននៅក្នុងភូមិ មួយចំនួនដែលមិនពេញចិត្ត ជាមួយលោកបេននោះ ពួកគេមានការគិតសារជាថ្មីឡើងវិញ អំពីការអភិរក្ស របស់ក្រុមគ្រួសារលោកបេនផងដែរ ។

វត្តមានរបស់អ្នកទាំងអស់គ្នាខាងលើ បានធ្វើឲ្យប្រជាជនមានការគោរពកោតស្ញប់ស្ញែង និងកាត់បន្ថយការស្អប់លោកបេន និងគ្រួសាររបស់គាត់ និងបានចូលរួមចំណែកយ៉ាងខ្លាំង ដើម្បីផ្លាស់ប្តូរការគិតមិនល្អ របស់ប្រជាជនក្នុងភូមិចំពោះលោកបេន និងគ្រួសារ ។

ជាមួយគ្នានោះដែរ លោកតាន់ គឹមសួរ បាននិយាយថា “អ្នកទាំងអស់គ្នា នឹងអាចចូលរួមជាមួយការងារ ដែលមិនទទួលបានផលកម្រៃ ហើយថែមទាំងត្រូវចំណាយ ថវិកាផ្ទាល់ខ្លួននេះឡើយ ព្រោះថាអ្នកទាំងអស់គ្នា គឺរវល់ខ្លាំងណាស់។ នេះហើយជាអ្វីដែលល្អសម្រាប់ សិល្បករដទៃទៀតយកជាគំរូ។ ទឹកចិត្តរបស់អ្នកទាំងអស់គ្នា ចំពោះបេននិងក្រុមគ្រួសារ ពិតជាមានទំហំធំធេងណាស់។ សូមទទួលយកការគោរពពីពួកយើងផង” ៕

ធ្វេសប្រហេសមែន!! បុរសម្នាក់ ឡើងជួសជុលដំបូងពេលមេឃធ្លាក់ភ្លៀង ត្រូវខ្សែភ្លើងគងលើដំបូលឆ្លងចរន្ត ឆក់ស្លាប់ភ្លាមនៅនឹងកន្លែង..(ចុចអានបន្ត)

ខេត្តកោះកុង៖ កាលពីរសៀលថ្ងៃទី០៤ កក្កដា ម្សិលមិញស្ថិតក្នុងភូមិ បឹងព្រាវ ឃុំបឹងព្រាវ ស្រុកស្រែអំបិល ខេត្តកោះកុង មានហេតុការណ៏ភ្ញាក់ផ្អើលមួយ ដោយបុរសម្នាក់ ឡើងជួសជុលដំបូងពេលមេឃធ្លាក់ភ្លៀង ត្រូវខ្សែភ្លើងគងលើដំបូលឆ្លងចរន្ត ឆក់ស្លាប់នៅនឹងកន្លែង។

សមត្ថកិច្ចឲ្យដឹងថា ជនរងគ្រោះឈ្មោះ ដឹក ឌឹម ភេទប្រុស អាយុ៣១ឆ្នាំ ទីលំនៅភូមិសាលាម្នាង ឃុំបឹងព្រាវ ស្រុកស្រែអំបិល។ មុនកើតហេតុជនរងគ្រោះឡើងជួសជុលដំបូងផ្ទះពេលមេឃកំពុងភ្លៀង ទើបឆ្លងចរន្តពីខ្សែភ្លើងដែលគងលើដំបូលផ្ទះ ឆក់ស្លាប់ភ្លាមៗតែម្តង។ ក្រោយកើតហេតុ សមត្ថកិច្ចប៉ុស្តិ៍ បានពិនិត្យនឹងប្រគល់សពជនរងគ្រោះទៅឲ្យក្រុមគ្រួសារ យកទៅធ្វើបុណ្យតាមប្រពៃណី៕

នារីវ័យ១៥ឆ្នាំ ចងករសំលាប់ខ្លួនចោលស្វាមី ដោយមិនទាន់ដឹងពីមូលហេតុ..(ចុចអានបន្ត)

សៀមរាប ៖ កាលពីរសៀលថ្ងៃទី០៤ ខែកក្កដា ឆ្នាំ២០១៨ នារីវ័យក្មេងអាយុ១៥ឆ្នាំម្នាក់បានដាច់ចិត្តធ្វើអត្តឃាតដោយចងកសម្លាប់ខ្លួននៅបន្ទប់ជួល ចោលប្តីនិងក្រុមគ្រួសារបង្កឱ្យមានការភ្ញាក់ផ្អើលឡើង។ហេតុការណ៍ធ្វើអត្តឃាតនេះ បានកើតឡើងស្ថិតនៅចំណុចបន្ទប់ជួលលេខ២ ក្នុងភូមិជន្លង់ សង្កាត់សាលាកំរើក ក្រុងសៀមរាប ខេត្តសៀមរាប ។

សមត្ថកិច្ចបានចុះមកដល់កន្លែងកើតហេតុរួចធ្វើកោសល្យវិច្ច័យលើសពហើយសន្និដ្ឋានថាជននេះចងកសម្លាប់ខ្លួនពិតប្រាកដមែន ពុំពាក់ព័ន្ធនិងករណីឃាតកម្មឡើយ។សមត្ថកិច្ចបានបន្តថា នារីអត្តឃាតមានឈ្មោះ ជិត ម៉ាឡា អាយុ១៥ឆ្នាំ មុខរបរនៅផ្ទះ ស្នាក់នៅបន្ទប់ជួលភូមិជន្លង់ សង្កាត់សាលាកំរើក ក្រុងសៀមរាប ខេត្តសៀមរាប។ ប្តីឈ្មោះ សុខ ណាង អាយុ២៤ឆ្នាំ មុខរបរបើកបរដឹកដី ។

បើតាមការរៀបរាប់ពីប្តីរបស់សពនារីរងគ្រោះបាននិយាយថា នៅមុនពេលកើតហេតុរូបខ្លួន(ប្តី) មិនមានការឈ្លោះប្រកែកជាមួយប្រពន្ធ(សព)នោះទេ គឺធម្មតាៗ ។ដល់ម៉ោងទៅធ្វើការរូបខ្លួនក៏ចេញទៅធ្វើការដូចសព្វមួយដង។ លុះដល់ពេលចប់ពីការងារក៏ត្រលប់មកពីធ្វើការវិញ ស្រាប់តែឃើញប្រពន្ធរបស់ខ្លួនបានចងកសម្លាប់ខ្លួនបាត់ទៅហើយ ដោយមិនដឹងមូលហេតុអ្វីសោះដែលបណ្តាលឱ្យរូបនាងដាច់ចិត្តសម្លាប់ខ្លួន។សាកសពត្រូវបានសមត្ថកិច្ចប្រគល់ជូនក្រុមគ្រួសារយកទៅធ្វើបុណ្យតាមប្រពៃណី៕

ចាប់ខ្លួនបុរសល្មោភកាមម្នាក់ ករណីរំលោភសេពសន្ឋវៈក្មេងស្រីអាយុ៧ឆ្នាំ..(ចុចអានបន្ត)

ខេត្តស្ទឹងត្រែង ៖ កាលពីថ្ងៃទី៤ ខែកក្កដា ឆ្នាំ២០១៨ កម្លាំងគរបាលព្រហ្មទណ្ឌ័ក្រុងស្ទឹងត្រែង បានធ្វើការឃាត់ខ្លួនយុវជនម្នាក់ ពាក់ព័ន្ធលើបណ្តឹងរបស់អាណាព្យាបាលក្មេងស្រីជាអនីតិជនម្នាក់ ពីបទរំលោភសេពសន្ថវៈ ។

តាមប្រភពសមត្ថកិច្ចបានអោយដឹងថា ៖ ជនសង្ស័យខាងលើ ឈ្មោះ ឌៀប ផុង អាយុ២២ឆ្នាំ ជនជាតិខ្មែរកម្ពុជាក្រោមនិងជាកម្មករធ្វើឥដ្ឋ ស្នាក់នៅឡឥដ្ឋិ ក្នុងភូមិគីឡូរលេខ៨ សង្កាត់ស្ទឹងត្រែង ។ រីឯក្មេងស្រីរងគ្រោះមានអាយុ៧ឆ្នាំ ។

យោងពាក្យបណ្តឹងរបស់ឪពុកក្មេងរងគ្រោះបានប្តឹងថា កាលពីវេលាម៉ោង០២ និង១០នាទីរសៀលថ្ងៃទី២៩ មិថុនា កន្លងមក ជនសង្ស័យរូបនេះបានលួងលោមកូនស្រីគាត់ឱ្យចូលក្នុងរោងកម្មករស្នាក់នៅ (ទីតាំងឡឥដ្ឋ) ហើយក៏បានរំលោភលើកូនស្រីគាត់តែម្តង ។ ក្រោយឃាត់ខ្លួនសាកសួរ ជនសង្ស័យបានឆ្លើយសារភាពដែរថា «ខ្លួនពិតជាបានរួមភេទជាមួយក្មេងស្រីពិតប្រាកដមែន ប៉ុន្តែមិនបានសុីជម្រៅនោះទេ ។

ទោះជាយ៉ាងណាក្តី យោងទៅលើពាក្យបណ្តឹង និងចម្លើយជនសង្ស័យគ្រប់គ្រាន់ សមត្ថកិច្ចបានកសាងសំណុំរឿងបញ្ជូនជនសង្ស័យទៅកាន់សាលាដំបូងខេត្តហើយ ៕

នៅចាំស្ត្រីម្នាក់នេះបានទេ ករណីចាក់សម្លាប់ប្រុសស្នេហ៍ប្លន់ទ្រព្យសម្បត្តិ នៅខេត្តកណ្ដាល ដើម្បីយកបា្រក់លោះប្តីចេញពីគុក ត្រូវតុលាការ ផ្តន្ទាទោសដែលដាក់ពន្ធនាគារ…(ចុចអានបន្ត)

ខេត្តកណ្ដាល៖ នៅព្រឹកថ្ងៃទី៥ ខែកក្កដា ឆ្នាំ២០១៨នេះ លោកសាយ សម្ផស្សសេរី ប្រធានក្រុមប្រឹក្សាជំនុំជម្រះសាលាដំបូងខេត្តកណ្ដាល ប្រកាសសាលក្រមផ្តន្ទាទោសស្ត្រីម្នាក់ដាក់ពន្ធនាគារ៣០ឆ្នាំ ពីបទឃាតកម្ម ចាក់សម្លាប់ប្រុសស្នេហ៍ប្លន់ទ្រព្យសម្បត្តិដើម្បីលោះប្តីចេញពីពន្ធនាគារ ជនជាប់ចោទឈ្មោះ ផេង ណាន ហៅណា អាយុ៣៣ឆ្នាំ មុខរបរនារីម៉ាស្សា ស្នាក់នៅភូមិព្រៃបឹង សង្កាត់កន្ទោក ខណ្ឌពោធិ៍សែនជ័យ ។

ជនរងគ្រោះឈ្មោះនួន សុភាព អាយុ៥៨ឆ្នាំ ជាម្ចាស់ហាងកោសជប់ម៉ាស្សាមួយកន្លែងផង ជាមន្ត្រីយោធានៅអង្គភាពកងពលតូច ទ័ពពិសេសឆត្រយោង៩១១ផង និងក៏ជាអ្នកសារព័ត៌មានសំឡេងប្រជាជនផងដែរ មានលំនៅក្នុងភូមិស្រែអំពិល សង្កាត់ស្នោរ ខណ្ឌពោធិ៍សែនជ័យ រាជធានីភ្នំពេញ ។

ចំពោះមុខសមត្ថកិច្ច ស្ត្រីជនសង្ស័យឆ្លើយសារភាពថា នៅមុនពេលកើតហេតុ ជនរងគ្រោះបានទូរស័ព្ទមកបបួលនាងទៅរួមភេទ ស្របពេលនោះដោយសារតែនាងកំពុងត្រូវការលុយចំនួន២៥០០ដុល្លារ ដើម្បីរត់ការដោះលែងប្តីដែលកំពុងជាប់ពន្ធនាគារព្រៃសផង ណាមួយ ឃើញជនរងគ្រោះមានគ្រឿងអលង្ការជាប់ខ្លួនច្រើន ក៏មានគំនិតចង់សម្លាប់ជនរងគ្រោះ ដើម្បីប្លន់យកទ្រព្យសម្បត្តិនោះតែម្តង ។

ស្ត្រីសង្ស័យបានឆ្លើយសារភាពទៀតថា ពេលនោះនាងបានទារតម្លៃខ្លួនក្នុងការរួមភេទចំនួន១០ម៉ឺនរៀល តែជនរងគ្រោះឱ្យតែ២០ដុល្លារប៉ុណ្ណោះ ហើយនាងក៏យល់ព្រមទៅជាមួយ ដោយបានរៀបចំគម្រោងទុកជាមុន និងបានយកកូនកាំបិតចុងស្រួចលាក់ទុកក្នុងកាបូបរួចជាស្រេច ។

លុះមកដល់វេលាម៉ោងប្រមាណ១១ព្រឹក ថ្ងៃទី២១ ខែមករា ឆ្នាំ២០១៨ ជនសង្ស័យបានទូរស័ព្ទដើម្បីណាត់គ្នារកកន្លែងរួមភេទ រហូតដល់ម៉ោងប្រហែល១២ថ្ងៃត្រង់ ទើបជនរងគ្រោះបានជិះម៉ូតូមកទទួលនាងនៅចំណុចមុខច្រកចូលភូមិបូរីកម្មករ ឃុំបែកចាន ស្រុកអង្គស្នួល ដើម្បីទៅចូលដេកផ្ទះសំណាក់កើតហេតុ ដែលមានចម្ងាយប្រហែលកន្លះគីឡូម៉ែត្រប៉ុណ្ណេះពីកន្លែងដែលជនរងគ្រោះមកទទួលនាង ។

ស្ត្រីសង្ស័យជាឃាតករ បានសារភាពបន្ថែមថា ពេលចូលដល់ក្នុងបន្ទប់ផ្ទះសំណាក់ ជនរងគ្រោះបានផ្លាស់កន្សែងចូលងូតទឹកក្នុងបន្ទប់ទឹក ឆ្លៀតឱកាសនោះ នាងបានយកកូនកាំបិតពីក្នុងកាបូបលាក់ទុកក្រោមខ្នើយដេករួចជាស្រេច លុះពេលជនរងគ្រោះចេញមកវិញ នាងក៏ចាប់ផ្តើម រួមភេទជាមួយគ្នា ហើយនាងក៏ទាមទារនៅពីលើ លុះមានឱកាសនាងក៏ទាញកាំបិតចាក់ទៅលើជនរងគ្រោះ បណ្តាលឱ្យជនរងគ្រោះរមៀលធ្លាក់ពីលើគ្រែ ទើបនាងស្ទុះទៅចាក់បន្ថែមសរុបចំនួន១៧កាំបិត បណ្តាលឱ្យជនរងគ្រោះស្លាប់ភ្លាមៗតែម្តង។ ក្រោយសម្លាប់ជនរងគ្រោះហើយ នាងបានចូលទៅងូតទឹកសម្អាតខ្លួនរួច ទើបប្រមូលយកគ្រឿងអលង្ការ លុយ ទូរស័ព្ទ និងម៉ូតូរបស់ជនរងគ្រោះគេចខ្លួន ដោយបានយកម៉ូតូទៅលក់ នៅហាងបញ្ចាំមួយកន្លែងក្នុងខណ្ឌព្រែកព្នៅ រាជធានីភ្នំពេញ ក្នុងតម្លៃ១៤៥០ដុល្លារ ៕

វិដេអូឃ្លិបថ្មី ដែលថតសកម្មភាពរបស់ក្មេងប្រុស១២នាក់ ព្រមទាំងគ្រូបង្វឹកម្នាក់ ដែរជាប់នៅក្នុងរូងភ្នំថាំលួង..

ប្រទេសថៃ៖ នៅព្រឹកថ្ងៃពុធ ទី០៤ ខែកក្កដា ឆ្នាំ២០១៨ នេះ វីដេអូថ្មីមួយទៀត បានបង្ហាញឲ្យឃើញពីសភាពក្មេងប្រុសទាំង ១២នាក់ រួមទាំងគ្រូបង្វឹករបស់ពួកគេ នៅក្នុងរូងភ្នំថាំហ្លួង នៃខេត្តឈៀងរ៉ាយ ប្រទេសថៃ ។

បើតាមប្រភពពីថៃបាន បង្ហោះវិដេអូនៅលើទំព័រហ្វេសប៊ុក Thai Navy Seals នាវេលាម៉ោង០៧ព្រឹកខាងលើ បានបង្ហាញឲ្យឃើញថា ក្មេងប្រុសទាំងនោះត្រូវគេរុំខ្លួនជាមួយនឹង ភួយកម្ដៅខ្លួនម្យ៉ាង (Thermal Foil Blanket) ហើយពួកគេក៏បាននាំគ្នានិយាយស្វាគមន៍ទៅកាន់កាមេរ៉ាថា «សាវ៉ាត់ឌី» ប្រាប់ឈ្មោះរបស់ពួកគេ ហើយថាពួកគេមានសុខភាពល្អ។

បើតាមការបញ្ជាក់ពីទំព័រហ្វេសប៊ុកខាងលើ បានឲ្យដឹងថា វីដេអូនោះត្រូវបានថតកាលពីថ្ងៃអង្គារ បន្ទាប់ពីពួកគេទទួលទានអាហាររួច បន្ទាប់ពីបានទស្សនាវីដេអូមួយនេះ បានធ្វើឲ្យអ្នកលេងបណ្តាញសង្គម ជាច្រើនពិតជាក្តុកក្តួលក្នុងចិត្តខ្លាំង និងអាណិតពួកគេ ក្រោយឃើញសាភាពរបស់ពួកគេ។

គួរបញ្ជាក់ផងដែរ ថាខណៈពេលនេះក្រុមអ្នកសង្គ្រោះបានពិនិត្យសុខភាពយ៉ាងយកចិត្តទុកដាក់ និងបានឲ្យពួកគេហូបអាហារបានគ្រប់គ្រាន់ ដោយឃើញថាក្មេងមានភាពរឹងមាំ និងមានកម្លាំងជាងមុនហើយ។មិនត្រឹមតែប៉ុណ្ណោះ ក្រុមអ្នកសង្គ្រោះកំពុង ត.បណ្តាញទូរស័ព្ទ ដើម្បីឲ្យពួកគេទាក់ទងទៅគ្រួសារផងដែរ៕

ប្រភព៖ FB

ទីបំផតុត អង់គ្លេស ជាកូនពៅដែលបានឡើងទៅវគ្គ៨ក្រុម ត្រូវប៉ះស៊ុយអែត ក្រោយយកឈ្នះកូឡុំប៊ី ដោយបាល់ប៉េណាល់ទី ១១ម៉ែត្រ

(ម៉ូស្គូ) ទីបំផុតក្រុមបាល់ទាត់ជម្រើសជាតិ តោកំណាចអង់គ្លេស ជាកូនពៅដែលបានឡើងទៅវគ្គ៨ក្រុម ត្រូវប៉ះស៊ុយអែត ក្រោយយកឈ្នះកូឡុំប៊ី ដោយបាល់ប៉េណាល់ទី ១១ម៉ែត្រកាត់សេចក្តី ៤-៣ ក្រោយប្រកួតពេញម៉ោង ៩០នាទី និងថែម ១៥នាទី ២ដង ស្មើគ្នា ១-១ ដែលទើបបញ្ចប់មុននេះនៅ FIFA World Cup 2018 ដែលមានរុស្ស៊ី ធ្វើជាម្ចាស់ផ្ទះ។

១គ្រាប់បាល់ប៉េណាល់ទី ១១ម៉ែត្ររបស់កីឡាករខ្សែប្រយុទ្ធ Harry Kane នៅនាទីទី៥៧ តែត្រូវបាន Yerry រកគ្រាប់តាមស្មើវិញនៅនាទីទី៩០+៤ ក៏នៅតែធ្វើអោយអង់គ្លេស ឡើងទៅប៉ះក្រុមនៅអឺរ៉ុបដូចគ្នា ស៊ុយអែត នៅវគ្គ៨ក្រុមនៃ World Cup លើកទី២១នេះ។

១គ្រាប់ប៉េណាល់ទី ១១ម៉ែត្រ ក៏បានធ្វើអោយកីឡាករមកពីក្លឹប មានខ្នាយមាស Tottenham Hotspur, Harry Kane រកបាន ៦គ្រាប់ច្រើនជាងគេ ក្នុងឈ្នះស្បែកជើងមាសនៅ World Cup 2018 នេះ ខណៈ Cristiano Ronaldo របស់ព័រទុយហ្គាល់ និង Romelu Lukaku របស់ប៊ែលហ្ស៊ិក ទើបរកបាន ៤គ្រាប់ដូចគ្នា។

វគ្គ១៦ក្រុមត្រូវបានបញ្ចប់ជាផ្លូវការហើយ បន្ទាប់ពីឆ្លងកាត់ការប្រកួតអស់រយៈពេល៥ថ្ងៃមកនេះ ដោយមានក្រុមឈ្នះកៅអីវគ្គ ៨ក្រុមរួមមាន បារាំង ប៉ះអ៊ុយរ៉ាហ្គាយ, ក្រូអាត ជួបម្ចាស់ផ្ទះរុស្ស៊ី, ប្រេស៊ីល ប៉ះប៊ែលហ្ស៊ិក និងអង់គ្លេស ប៉ះស៊ុយអែត ចាប់ផ្តើមប្រកួតនៅថ្ងៃទី០៦ ខែកក្កដា ឆ្នាំ២០១៨ តទៅ៕

កាំភ្លើងធំ Arsenal បានសម្រេចប្ដូរលេខអាវឲ្យ Ozil ហើយ ចង់ដឹងថាលេខប៉ុន្មានអត់!!!

ខ្សែបម្រើ Mesut Ozil បានក្លាយជាកីឡាករពាក់លេខ ១០ ថ្មីឲ្យក្រុមកាំភ្លើងធំ Arsenal បន្ទាប់ពីការចាកចេញរបស់ខ្សែបម្រើនៃក្រុមជម្រើសជាតិអង់គ្លេស Jack Wilshere ដែលបាននិយាយថាខ្លួននឹងមិនមានអនាគតទេ បើនៅតែបន្តលេងនៅកីឡដ្ឋាន Emirates ។ Ozil បានផ្លាស់មក Arsenal ពីក្រុមយក្សអេស្ប៉ាញ Real Madrid កាលពីឆ្នាំ ២០១៣ និងចូលលេងបានជិត ២០០ ប្រកួតហើយឲ្យក្រុមនៃលីកកំពូលរបស់អង់គ្លេសមួយនេះ។

ហើយជាមួយចំនួននៃការបង្ហាញខ្លួនលើទីលានប្រកួតដ៏ច្រើននេះដែរ Ozil កីឡាករនៃក្រុមជម្រើសជាតិអាល្លឺម៉ង់រូបនេះរកគ្រាប់បាល់បញ្ចូលទីបាន ៣៧ គ្រាប់ និងបញ្ចូនឲ្យមិត្តរួមក្រុមស៊ុតបញ្ចូលទីបានសម្រេច ៧១ លើករហូតដល់គេឲ្យរហស្សនាមគាត់ថាជាស្ដេចបញ្ចូនបាល់។ Ozil ក៏បានឈ្នះពាន FA Cup ចំនួន ៣ ដង និង Community Shield មួយដងផងដែរជាមួយ Arsenal ។ ដោយឡែកទាក់ទងជាមួយការប្ដូរលេខអាវរបស់ Ozil នេះដែរគឺក្លិប Arsenal បានប្រកាសឲ្យដឹងថាអ្នកគាំទ្រណាដែលបានទិញអាវរដូវកាលថ្មី ២០១៨/១៩ របស់ Arsenal និងដែលមានបោះពុម្ពឈ្មោះ Ozil និងលេខ ១១ រួចហើយនោះនឹងទទួលបានការប្ដូរជូនអាវថ្មីជំនួសវិញ។

ប្រែសម្រួល ៖ ភក្ដី

Maradona បានស្នើសុំធ្វើជាគ្រូបង្វឹកជម្រើសជាតិអាហ្សង់ទីនដោយមិនយកកម្រៃ

លោក Diego Maradona បានស្នើសុំដឹកនាំក្រុមជម្រើសជាតិអាហ្សង់ទីនដោយមិនយកប្រាក់ខែ បន្ទាប់ពីក្រុមជម្រើសជាតិដែលមកពីទ្វីបអាមេរិកឡាទីនមួយនេះបានធ្លាក់ចេញពីព្រឹត្តិការណ៍ប្រកួតពានរង្វាន់បាល់ទាត់ពិភពលោកឆ្នាំ ២០១៨ ក្រោមថ្វីជើងរបស់ក្រុមខ្លាំងនៅអឺរ៉ុបគឺក្រុមជម្រើសជាតិបារាំង។ អាហ្សង់ទីនបានកក់កៅអីទៅកាន់វគ្គ ១៦ ក្រុមបានទាំងលំបាកវេទនាតាមរយៈការឈ្នះក្រុមជម្រើសជាតិនីហ្សេរីយ៉ា ប៉ុន្តែរឿងគួរឲ្យសោកស្ដាយនោះគឺថាពួកគេត្រូវបានបារាំងទម្លាក់ឲ្យត្រលប់ទៅផ្ទះវិញ ក្រោមលទ្ធផលបរាជ័យ ៤ គ្រាប់ទល់នឹង ៣ ។

ចំណែកអតីតវីរបុរសរបស់អាហ្សង់ទីន លោក Maradona ដែលក្នុងនាមគាត់ជាឯកអគ្គរដ្ឋទូតរបស់ FIFA គឺគាត់បានចូលរួមទស្សនាដោយផ្ទាល់គ្រប់ការប្រកួតទាំងអស់ដែលជម្រើសជាតិរបស់ខ្លួនលេង។ ហើយបន្ទាប់ពីអាហ្សង់ទីនបានធ្លាក់ចេញត្រឹមវគ្គ ១៦ ក្រុម គាត់ក៏បានស្នើសុំធ្វើជាគ្រូបង្វឹកដឹកនាំជម្រើសជាតិអាហ្សង់ទីនដោយមិនយកប្រាក់កម្រៃអ្វីទាំងអស់ ខណៈដែលកាលពី ៨ ឆ្នាំមុនគាត់ធ្លាប់ដឹកនាំអាហ្សង់ទីនឡើងដល់វគ្គ ៨ ក្រុមនៃការប្រកួតពាន World Cup មុនពេលធ្លាក់មកវិញដោយសារចាញ់អាល្លឺម៉ង់ ៤-០ ។

ហើយដោយមានមន្ទិលសង្ស័យជុំវិញអនាគតរបស់គ្រូបង្វឹកបច្ចុប្បន្នរបស់ក្រុមជម្រើសជាតិអាហ្សង់ទីនគឺលោក Jorge Sampaoli ដែលកុងត្រារបស់គាត់មានសុពលភាពរហូតដល់ឆ្នាំ ២០២២ នោះ Maradona ក៏ត្រូវបានគេសួរថាតើគាត់ចាប់អារម្មណ៍នឹងតំណែងជាគ្រូជម្រើសជាតិអាហ្សង់ទីនដែរឬយ៉ាងណា? ភ្លាមនោះគាត់តបទៅវិញយ៉ាងដូចច្នេះថា ៖ “បាទ! ពិតជាចាប់អារម្មណ៍ ហើយខ្ញុំនឹងធ្វើដោយមិនយកកម្រៃអ្វីទាំងអស់។ ខ្ញុំនឹងមិនទាមទារការតបស្នងឡើយ។”

ប្រែសម្រួល ៖ ភក្ដី

Real Madrid បានចេញសេចក្ដីថ្លែងការណ៍មួយឆ្លើយតបទៅកាន់ពាក្យចរចាមអារ៉ាមរវាងពួកគេ និង Neymar

ក្រុមយក្សអេស្ប៉ាញ Real Madrid បានច្រានចោលនូវការចុះផ្សាយរបស់ទូរទស្សន៍អេស្ប៉ាញដែលបានរាយការណ៍ថាពួកគេកំពុងព្យាយាមក្នុងការចុះហត្ថលេខាទិញខ្សែប្រយុទ្ធរបស់ក្រុម Paris St-Germain និងក្រុមជម្រើសជាតិប្រេស៊ីលគឺកីឡាករ Neymar ។ បច្ចុប្បន្នស្ថិតក្នុងវ័យ ២៦ ឆ្នាំ, Neymar ដែលត្រូវបានក្រុមនៃលីកកំពូលរបស់បារាំងចុះហត្ថលេខាទិញពីក្រុមអ្នកមានបុណ្យ Barcelona កាលពីរដូវក្ដៅឆ្នាំទៅជាមួយនឹងតម្លៃខ្លួនបំបែកកំណត់ត្រាពិភពលោក ២០០ លានផោនរូបនេះបានរកគ្រាប់បាល់បញ្ចូលទីបានចំនួន ២ គ្រាប់នៅឯព្រឹត្តិការណ៍នៃការប្រកួតពានរង្វាន់បាល់ទាត់ពិភពលោកឆ្នាំ ២០១៨ និងបានជួយឲ្យប្រេស៊ីលកក់កៅអីឡើងទៅកាន់វគ្គ ៨ ក្រុមចុងក្រោយដែលពួកគេត្រូវប៉ះគ្នាជាមួយក្រុមជម្រើសជាតិប៊ែលហ្ស៊ីក។

ដោយឡែកទាក់ទិននឹងពាក្យចរចាមអារ៉ាមផ្សាភ្ជាប់ការផ្ទេរ Neymar ទៅកាន់ទឹកដី Bernabeu ក្រុម Real Madrid បានចេញសេចក្ដីថ្លែងការណ៍មួយថា ៖ “ពត៌មានដែលចេញផ្សាយដោយបុស្ដិ៍ទូរទស្សន៍ TVE គឺខុសពីការពិតទាំងស្រុង។ ក្រុម Real Madrid មិនបានធ្វើការដាក់សំណើណាមួយទាល់តែសោះទៅកាន់ក្រុម PSG ឬកីឡាករដូចដែលពួកគេបានចុះផ្សាយ។” គួរបញ្ជាក់ផងដែរថាបុស្ដិ៍ទូរទស្សន៍ TVE ដែលជាបុស្ដិ៍ទូរទស្សន៍មួយស្ថិតក្រោមការគ្រប់គ្រងរបស់រដ្ឋាភិបាលអេស្ប៉ាញមួយនេះបានចុះផ្សាយថា Real Madrid បានដាក់សំណើរហូតដល់ទៅ ៣១០ លានអឺរ៉ូដើម្បីសុំដេញថ្លៃទិញយក Neymar ដែលតម្លៃនេះនឹងយកឈ្នះលើកំណត់ត្រាដែលត្រូវបានបំបែករួចកាលពីគាត់ចុះចូលជាមួយ PSG កាលពីមួយឆ្នាំមុន។ ចាប់តាំងពីការផ្ទេរចូលទីក្រុងប៉ារីស Neymar រកគ្រាប់បាល់បញ្ចូលទីបាន ២៨ គ្រាប់ពីការបង្ហាញខ្លួន ៣០ ប្រកួតឲ្យ PSG ។

ប្រែសម្រួល ៖ ភក្ដី