តោះចង់ដឹងអត់ថា ប៉ូលីសដាក់កាម៉ារ៉ាវាស់ល្បឿនរថយន្ត ដើម្បីអ្វី…(ចុចអានបន្ត)

ខេត្តព្រះសីហនុ៖កាលពីវេលាម៉ោង ១២:៣០នាទីថ្ងៃទី០៣ ខែកក្កដា ឆ្នាំ២០១៨នេះ លើផ្លូវជាតិលេខ៤ ចន្លោះគីឡូម៉ែត្រ ១៩៥-១៩៦ ស្ថិតនៅក្នុងឃុំអូរឧកញ៉្ញាហេង ស្រុកព្រៃនប់ ខេត្តព្រះសីហនុ កម្លាំងនគរបាលចរាចរណ៍ផ្លូវគោក ចុះត្រួតពិនិត្យរថយន្តលើសល្បឿនកំណត់ចេញពីទីប្រជុំជន កំណត់ ៤០គីឡូម៉ែត្រក្នុងមួយម៉ោង រកឃើញរថយន្តល្មើសចំនួន ១១គ្រឿង ក្នុងនោះមាន រថយន្តផ្លាកលេខភ្នំពេញ ០៨គ្រឿង កំពត ០១គ្រឿង កណ្ដាល ០១គ្រឿង និង ក្នុងមូលដ្ឋាន ០១គ្រឿង ។សកម្មភាពនេះធ្វើឡើងដើម្បីកាត់បន្ថយការបើកបរលើសល្បឿនកំណត់ ការពារកុំអោយមានគ្រោះថ្នាក់ចរាចរណ៍៕

ជនជាតិចិន៥នាក់ ក្នុងចំណោម៨នាក់ សង្ស័យករណីចាប់បង្ខាំងជនជាតិចិនដូចគ្នា ដើម្បីជំរិតទារប្រាក់ ត្រូវសមត្ថកិច្ចឃាត់ខ្លួន..(ចុចអានបន្ត)

ខេត្តព្រះសីហនុ ៖ កម្លាំងនគរបាលក្រុងព្រះសីហនុ បានបង្ក្រាបបទល្មើសជនជាតិចិនចាប់បង្ខាំងជនជាតិចិនដូចគ្នា ដើម្បីជំរិតទារប្រាក់ ដោយបានធ្វើការឃាត់ខ្លួនជនសង្ស័យចំនួន៥នាក់ និង៣នាក់ទៀត រត់គេចខ្លួនបាត់ កាលពីថ្ងៃទី២ កក្កដា ២០១៨ ម្សិលមិញនេះ។

ជនសង្ស័យទាំង៥នាក់នោះមាន៖

១.ឈ្មោះ Yang Jun ភេទប្រុស អាយុ៣៤ឆ្នាំ មុខរបរអ្នកទេសចរណ៍។

២.ឈ្មោះ Hou Jian ភេទប្រុស អាយុ២៩ឆ្នាំ មុខរបរបុគ្គលិកកាស៊ីណូ Golden City។

៣.ឈ្មោះ Jiu Fei Bin ភេទប្រុស អាយុ៣៣ឆ្នាំ មុខរបរបុគ្គលិកកាស៊ីណូ New Macau។

៤.ឈ្មោះ Wo Luo Yang ភេទប្រុស អាយុ២៤ឆ្នាំ មុខរបរបុគ្គលិកកាស៊ីណូ ជីនប៉ី។

៥. ឈ្មោះ Huang Wan Ying ភេទប្រុស អាយុ២៥ឆ្នាំ មុខរបរអ្នកទេសចរណ៍ (ជនសង្ស័យ៨នាក់ តែរត់គេចខ្លួន៣នាក់)។

ករណីបង្ក្រាបក្រុមជនបង្ខាំងមនុស្សជំរិតទារប្រាក់នេះ ត្រូវបានលោកឧត្តមសេនីយ៍ទោ ជួន ណារិន្ទ ស្នងការនគរបាលខេត្តព្រះសីហនុថ្លែងឲ្យដឹងថា ៖ ក្រោយពីសមត្ថកិច្ចមូលដ្នានទទួលបានព័ត៌មានថា មានជនជនចិន១ក្រុមពពាក់ពពួនគ្នាចេញចូលផ្ទះជួលមួយកន្លែងស្ថិតនៅក្រុម៣៣ ភូមិ៥ សង្កាត់លេខ៤ ក្រុងព្រះសីហនុ អាចកំណត់បានជាក្រុមមានសមាសភាពមិនល្អ។

ក្រោយពេលទទួលបានព័ត៌មាននោះ ក្នុងនាមរូបលោកជាស្នងការ និងមានជំនាញព្រហ្មទណ្ឌច្រើនឆ្នាំផង បានប្រើប្រាស់កម្លាំងការិយាល័យជំនាញ ចុះទៅសហការជាមួយអធិការដ្ឋាននគរបាលក្រុងព្រះសីហនុ និងកម្លាំងប៉ុស្តិ៍រដ្ឋបាលសង្កាត់លេខ៤ ក្រោមការសម្របសម្រួលពីលោកស្រីព្រះរាជអាជ្ញា នៃអយ្យការអមសាលាដំបូងខេត្ត បានចូលទៅធ្វើការឆែកឆេរផ្ទះជួល១កន្លែងនោះ និងបានឃាត់ខ្លួនជនសង្ស័យចំនួន៥នាក់ ដូចមានឈ្មោះខាងលើ ព្រមទាំងបានធ្វើការរំដោះជនរងគ្រោះជាជនជាតិចិន៥នាក់ ដែលជនសង្ស័យបានចាប់យកទៅបង្ខាំងទុកដើម្បីជំរិតទារប្រាក់ផងដែរ។

បន្ទាប់ពីសមត្ថកិច្ចបានធ្វើការឃាត់ខ្លួនសង្ស័យទាំ៥នាក់នោះមក ពួកគេបានសារភាពប្រហាក់ប្រហែលគ្នាថា កាលពីថ្ងៃទី៣០ មិថុនា ២០១៨ ពួកគេជនសង្ស័យ និង ជនរងគ្រោះបានស្រុះស្រួលគ្នាចូលលេងល្បែងស៊ីសងនៅកាស៊ីណូមួយ ហើយជនរងគ្រោះ៥នាក់

១.ឈ្មោះ Chen Dong Qin ភេទប្រុស អាយុ២៣ឆ្នាំ មុខរបរអ្នកទេសចរណ៍

២.ឈ្មោះ Jian Liang ភេទប្រុស អាយុ២៩ឆ្នាំ មុខរបរអ្នកទេសចរណ៍

៣.ឈ្មោះ Zeng Zhi Quo ភេទប្រុស អាយុ២៧ឆ្នាំ មុខរបរបុគ្គលិកកាស៊ីណូ New Macau

៤.ឈ្មោះ Ling Yong Yong ភេទប្រុស អាយុ២៩ឆ្នាំ មុខរបរអ្នកទេសចរណ៍

និង ៥.ឈ្មោះ Shi Hao Bo ភេទប្រុស អាយុ៤៦ឆ្នាំ មុខរបរអ្នកទេសចរណ៍ បានចាញ់ល្បែងអស់ប្រាក់ពីខ្លួន ហើយក៏បាននាំគ្នាខ្ចីបុលពីជនសង្ស័យ ដើម្បីបានលេងបន្តទៀត ។

ខណៈក្រុមជនសង្ស័យក៏បានចាញ់អស់ប្រាក់ពីខ្លួនដែរ ពួកគេបានទាមទារប្រាក់ពីជនរងគ្រោះវិញ ប៉ុន្តែពេលនោះជនរងគ្រោះ គ្មានប្រាក់សងទៅជនសង្ស័យទេ ព្រោះចាញ់អស់ដូចគ្នា ទើបបានក្រុមជនសង្ស័យបង្កើតគំនិតចាប់បង្ខាំងជនរងគ្រោះ ទុកជំរិតទាប្រាក់ពីឪពុកម្តាយនៅឯប្រទេសចិន ដើម្បីឲ្យផ្ញើលុយមកសងពួកគេវិញ និងដែលជាថ្នូរក្នុងការដោះលែងជនរងគ្រោះទាំង៥នាក់នោះ៕

នាយករដ្ឋមន្ត្រីថៃ លោក ប្រាយុទ្ធ ចាន់អូចា បានអរគុណក្រុមអ្នកសង្គ្រោះ ជាតិ អន្តរជាតិ និងអ្នកស្ម័គ្រចិត្ត ដែលខិតខំជួយសង្គ្រោះអ្នកដែលបាត់ខ្លួន រយៈពេល១០ថ្ងៃនេះ

ប្រទេសថៃ៖ ប្រភពពី Bangkok Post បានឱ្យដឹងទៀតថា លោកនាយករដ្ឋមន្ត្រីថៃ ប្រាយុទ្ធ ចាន់អូចា បានចេញសារខ្លីមួយ កាលពីម្សិលមិញ អំពីការរកឃើញក្មេងៗដែលបានខ្លួន ។ លោកបានជូនពរពួកគេឱ្យ «មានសុវត្ថិភាព និងឆាប់ធូរស្រាលមកវិញ» ។

នាយឧត្តមសេនីយ៍ Weerachon Sukhonthapatipak បានមានប្រសាសន៍ដែរថា លោកនាយករដ្ឋមន្ត្រីចេញសារតបឆ្លើយភ្លាមៗថា «ពួកយើងជូនពរឱ្យក្រុមបាល់ទាត់មានសុវត្ថិភាព និងឆាប់ធូរស្រាលដូចដើម» ។

ជាមួយគ្នានេះដែរ លោកប្រមុខដឹកនាំ ក៏បានសម្តែងអំណរគុណដល់ក្រុមអ្នកសង្គ្រោះអន្តរជាតិ និងអ្នកស្ម័គ្រចិត្តទាំងអស់ ដែលបានចួលរួមជួយស្វែងរកអស់រយៈពេល១០ថ្ងៃមកនេះ ។

នាយឧត្តមសេនីយ៍បានបន្តថា៖ “នាយករដ្ឋមន្ត្រី ប្រាយុទ្ធ ចាន់អូចា បានកិច្ចអំណរគុណដល់ការប្រឹងប្រែងជួយស្វែងរកពីសំណាក់ក្រុមការងារអន្តរជាតិ ដែលបានមកជួយចូលរួមជាមួយនឹងក្រុមអាជ្ញាធរថៃ ដើម្បីរកក្មេងៗបាត់ខ្លួន នៅក្នុងរូងភ្នំមួយនៅខេត្ត Chiang Rai» ។

គួរបញ្ជាក់ផងដែរថា ក្មេងៗកីឡាករបាល់ទាត់ និងគ្រូបង្វឹករបស់ពួកគេ ត្រូវបានរកឃើញកាលពីពេលយប់ថ្ងៃចន្ទ នៅចម្ងាយជាង៤០០ម៉ែត្រពីឆ្នេរប៉ាតាយ៉ា ៕

ប្រភព៖ Heng Ly

Real Madrid បានចេញសេចក្ដីថ្លែងការណ៍មួយឆ្លើយតបទៅកាន់ពាក្យចរចាមអារ៉ាមរវាងពួកគេ និង Neymar

ក្រុមយក្សអេស្ប៉ាញ Real Madrid បានច្រានចោលនូវការចុះផ្សាយរបស់ទូរទស្សន៍អេស្ប៉ាញដែលបានរាយការណ៍ថាពួកគេកំពុងព្យាយាមក្នុងការចុះហត្ថលេខាទិញខ្សែប្រយុទ្ធរបស់ក្រុម Paris St-Germain និងក្រុមជម្រើសជាតិប្រេស៊ីលគឺកីឡាករ Neymar ។ បច្ចុប្បន្នស្ថិតក្នុងវ័យ ២៦ ឆ្នាំ, Neymar ដែលត្រូវបានក្រុមនៃលីកកំពូលរបស់បារាំងចុះហត្ថលេខាទិញពីក្រុមអ្នកមានបុណ្យ Barcelona កាលពីរដូវក្ដៅឆ្នាំទៅជាមួយនឹងតម្លៃខ្លួនបំបែកកំណត់ត្រាពិភពលោក ២០០ លានផោនរូបនេះបានរកគ្រាប់បាល់បញ្ចូលទីបានចំនួន ២ គ្រាប់នៅឯព្រឹត្តិការណ៍នៃការប្រកួតពានរង្វាន់បាល់ទាត់ពិភពលោកឆ្នាំ ២០១៨ និងបានជួយឲ្យប្រេស៊ីលកក់កៅអីឡើងទៅកាន់វគ្គ ៨ ក្រុមចុងក្រោយដែលពួកគេត្រូវប៉ះគ្នាជាមួយក្រុមជម្រើសជាតិប៊ែលហ្ស៊ីក។

ដោយឡែកទាក់ទិននឹងពាក្យចរចាមអារ៉ាមផ្សាភ្ជាប់ការផ្ទេរ Neymar ទៅកាន់ទឹកដី Bernabeu ក្រុម Real Madrid បានចេញសេចក្ដីថ្លែងការណ៍មួយថា ៖ “ពត៌មានដែលចេញផ្សាយដោយបុស្ដិ៍ទូរទស្សន៍ TVE គឺខុសពីការពិតទាំងស្រុង។ ក្រុម Real Madrid មិនបានធ្វើការដាក់សំណើណាមួយទាល់តែសោះទៅកាន់ក្រុម PSG ឬកីឡាករដូចដែលពួកគេបានចុះផ្សាយ។” គួរបញ្ជាក់ផងដែរថាបុស្ដិ៍ទូរទស្សន៍ TVE ដែលជាបុស្ដិ៍ទូរទស្សន៍មួយស្ថិតក្រោមការគ្រប់គ្រងរបស់រដ្ឋាភិបាលអេស្ប៉ាញមួយនេះបានចុះផ្សាយថា Real Madrid បានដាក់សំណើរហូតដល់ទៅ ៣១០ លានអឺរ៉ូដើម្បីសុំដេញថ្លៃទិញយក Neymar ដែលតម្លៃនេះនឹងយកឈ្នះលើកំណត់ត្រាដែលត្រូវបានបំបែករួចកាលពីគាត់ចុះចូលជាមួយ PSG កាលពីមួយឆ្នាំមុន។ ចាប់តាំងពីការផ្ទេរចូលទីក្រុងប៉ារីស Neymar រកគ្រាប់បាល់បញ្ចូលទីបាន ២៨ គ្រាប់ពីការបង្ហាញខ្លួន ៣០ ប្រកួតឲ្យ PSG ។

ប្រែសម្រួល ៖ ភក្ដី

ពេលនេះ ក្មេងទាំង១២ និងគ្រូម្នាក់ ក្រុមជួយសង្រ្គោះបានរកឃើញ ដែលជាប់ក្នុងរូងភ្នំថាំលួង..(មានវិដេអូ)

(បាងកក) នៅពេលនេះរូបភាពមនុស្សទាំង១៣នាក់ ដែលជាប់ក្នុងរូងភ្នំថាំលួង ត្រូវបានបង្ហាញតាមបណ្តាញសង្គម និងប្រព័ន្ធផ្សព្វផ្សាយ ដោយទទួលបានពីក្រុមអ្នកជួយសង្រ្គោះ ដែលបានប្រទះឃើញដំបូងគេ។

សារព័ត៌មានផ្លូវការរបស់រដ្ឋថៃបានចេញផ្សាយហើយ ដោយក្នុងនោះក្មេងៗទាំង១២នាក់ និងគ្រូបង្វឹកបាល់ទាត់ពួកគេម្នាក់ ត្រូវបានក្រុមសង្គ្រោះរកឃើញហើយនៅម៉ោងប្រមាណ១០៖២៥នាទីយប់ ដោយពួកគេនៅមានជីវិតទាំងអស់ ប៉ុន្តែស្ថិតនៅក្នុងស្ថានភាពហេវហត់បំផុត ស្ទើរតែបើកភ្នែកមិនរួចទៅឡើយ។ នេះបើតាម BBC ដកស្រង់ពីសារព័ត៌មានផ្លូវការថៃ នៅយប់ថ្ងៃចន្ទ ទី០២ ខែកក្កដា ឆ្នាំ២០១៨។

ពេលនេះក្រុមសង្គ្រោះកំពុងតែស្វែងរកកន្លែងមួយ ដែលមានសុវត្ថិភាពពីទឹកជំនន់ក្នុងរូងភ្នំ ដើម្បីរៀបចំជាកន្លែងស្នាក់បណ្តោះអាសន្នរបស់ ជនរងគ្រោះទាំង១៣នាក់ខាងលើនេះ។ ក្រុមសង្គ្រោះថៃ ក្រុមគ្រួសារជនរងគ្រោះ និងមន្ត្រីរដ្ឋាភិបាលព្រមទាំងប្រជាជនថៃទាំងអស់ ដែលស្ថិតនៅតំបន់រូងភ្នំបានចែកចាយព័ត៌មានដ៏រីករាយនេះ និងបាន Live ជាវីដេអូទាំងយប់ជ្រៅ ទៅដល់មហាជនទូទៅផងដែរ។

ទោះបីជាបែបនេះក្តី ដំណាក់កាលសំខាន់បន្ទាប់ គឺការយកពួកគេចាកចេញពីរូងភ្នំមកវិញ ព្រោះតែស្ថានភាពក្នុងនោះមានភាពលំបាកខ្លាំងណាស់ ដោយសារចម្ងាយដ៏ឆ្ងាយ ហើយចំណុចខ្លះ គឺក្រុមជំនាញសង្គ្រោះបានអះអាងថា ពួកគេត្រូវមុជកាត់ភក់ថែមទៀតផង ទើបអាចត្បុលទៅដល់កន្លែងដែលមនុស្សទាំង ១៣នាក់ ជាប់ខ្លួនអស់រយៈពេល ០៩ថ្ងៃមកហើយនេះ៕

(វិដេអូ)

https://www.facebook.com/plugins/video.php?href=https%3A%2F%2Fwww.facebook.com%2Founvansak.smartboy666%2Fvideos%2F1373127556154226%2F&show_text=0&width=560

ជនសង្ស័យមួយក្រុម ដែលពូកែខាងដើរគាស់ផ្ទះចូលលួចទ្រព្យសម្បត្តិប្រជាពលរដ្ឋនោះ ពេលនេះត្រូវបាននគរបាលក្រុងសៀមរាបធ្វើការបង្ក្រាបបានហើយ..(ចុចអានបន្ត)

ខេត្តសៀមរាប:នៅថ្ងៃទី៣០ខែមិថុនាឆ្នាំ២០១៨ វេលាម៉ោង ១៨:០០នាទី នៅភូមិខ្នារ សង្កាត់ជ្រាវ ក្រុងសៀមរាប មានជនសង្ស័យមួយក្រុម បានធ្វើសកម្មភាពគាស់ផ្ទះជនរងគ្រោះឈ្មោះ ស.ផ.យភេទស្រី អាយុ៤៣ឆ្នាំ រស់នៅភូមិកើតហេតុខាងលើ ត្រូវបានអ្នកជិតខាងសង្ស័យនិង សហការណ៍ជាមួយបងប្អូនប្រជាការពារភូមិ រាយការណ៍ មកកំលាំងនគរបាលប៉ុស្តិ៍រដ្ឋបាលសង្កាត់ជ្រាវ នៃអធិការដ្ឋាននគរបាលក្រុងសៀមរាបចុះទៅធ្វើការឃាត់ខ្លួនជនសង្ស័យជាបន្តបន្ទាប់ភ្លាមៗយកមកសាកសួរបានចំនួន០៣នាក់រួមមាន
ទី១-ឈ្មោះ ហឿន សរ ភេទ ប្រុស
អាយុ ១៧ឆ្មាំ ជនជាតិ ខ្មែរ សញ្ជាតិ ខ្មែរ
បច្ចុប្បន្នរស់នៅភូមិ ធ្លកអណ្ដូង សង្កាត់
ស្លរក្រាម ក្រុងសៀមរាប ខេត្តសៀមរាប។
ទី២-ឈ្មោះឆាយ វ៉ាន់ណែត ភេទប្រុស អាយុ៣៣ឆ្នាំ ជនជាតិខ្មែរ សញ្ជាតិខ្មែរ
រស់នៅភូមិខ្នារ សង្កាត់ជ្រាវ ក្រុង.ខេត្តសៀមរាប(ជនសមគំនិត)។
ទី៣-ឈ្មោះ កែវ បញ្ញា ភេទប្រុស អាយុ២៦ ឆ្នាំរស់នៅភូមិ ខ្នារ សង្កាត់ជ្រាវ (ពាក់ព័ន្ធនិងករណីអំពើលួចមានស្ថានទម្ងន់ទោស គាស់ទម្លុះទម្លាយ)

យោងតាមពាក្យបណ្តឹងរបស់ជនរងគ្រោះ និងក្រោយស្តាប់ចម្លើយរបស់ជនសង្ស័យខាងលើរួចមក ពួកគេបាន សារភាពថាខ្លួនពិតជាបានប្រព្រឹត្តសកម្មភាព លួចដូចការប្តឹងចោទប្រកាន់មែន។ ហើយរាល់ទ្រព្យសម្បត្តិដែលលួចបាន ជនសង្ស័យខាងលើបាន យកលក់អោយឈ្មោះឆាយ វ៉ាន់ណែត ។

យោងតាមការរៀបរាប់របស់ជនសង្ស័យឈ្មោះឆាយ វ៉ាន់ណែត និងដោយមានការចង្អុលបង្ហាញពីលោកវរសេនីយ៍ឯក ទេព ចាន់ណា អធិការនៃអធិការដ្ឋាននគបាលក្រុងសៀមរាប កំលាំងនគរបាលផ្នែកព្រហ្មទណ្ឌ ដឹកនាំដោយលោកវរសេនីយ៍ត្រី នួន សក្តិ័ចំរើនរិទ្ធ អធិការងទទួលផ្នែក មន្ត្រីនគរបាលយុត្តិធម៍ បានធ្វើការបន្តឆែកឆេរ កន្លែងដែលជនសង្ស័យយកវត្ថុតាងទៅលាក់ទុក។ បន្ទាប់ធ្វើការឆែកឆេរ នគរបាលក្រុងសៀមរាប បានសហការណ៍ជាមួយ នគរបាលការិយាល័យប្រឆាំងគ្រឿងញៀន បន្តនាំខ្លួនជនសង្ស័យ ដែលស្នាក់នៅក្នុងបន្ទប់ដែលក្រុមជនសង្ស័យខាងលើយកវត្ថុតាងទៅលាក់ទុក ហើយមានពាក់ពន្ធ័នឹង ករណីប្រើប្រាស់នូវសារធាតុញៀនដោយខុសច្បាប់បានចំនួន០២នាក់បន្ថែមទៀត
ទី០១-ឈ្មោះងិន មាសរិទ្ធី ភេទប្រុស អាយុ៣៦ឆ្នាំរស់នៅភូមិគ្រួស សង្កាត់ស្វាយដង្កំ
ទី០២-ឈ្មោះកែវ ឡោះ ភេទប្រុស អាយុ១៩ឆ្នាំ រស់នៅភូមិដូនស្វា ឃុំសំរោងយា ស្រុកពួក។
+ដកហូតបានវត្ថុតាង៖ ម៉ូតូ០១គ្រឿងម៉ាកMSXពណ៌ខៀវ គ្មានផ្លាកលេខ លេខតួលេខម៉ាស៊ីន ៤០០៥២៩ ផ្លាកលេខចំនួន០២សន្លឹក មាន សៀមរាប 1Y-1361 និងកណ្តាល 1S-6480 ម្ស៉ៅគ្រើមពណ៏ស(ម៉ាទឹកកចំនួន១៥កញ្ចប់តូច ទូរសព្ទចំនួន០៣គ្រឿង(ខូច) ជារបស់ជនសង្ស័យ។
វត្ថុតាងរបស់ជនរងគ្រោះដកហូតពីជនសង្ស័យមាន៖ ទូរទស្សន៍ទំហំ ២១អ៉ិញ ០១គ្រឿង ម៉ាញ៉េរ០១គ្រឿង សាឡុងឈើ០១ តុតូច ០១ នាឡិកាឈើ០១គ្រឿង កៅអីផ្អែក ០១ ទូទឹកកក០១គ្រឿង ខោអាវមួយចំនួន។

បច្ចុប្បន្នជនសង្ស័យនិងវត្ថុតាង ត្រូវបាននគរបាលក្រុងសៀមរាប កសាងសំណុំរឿងបញ្ជូនទៅតុលាការដើម្បីចាត់ការតាមនិតិវិធីច្បាប់៕

ប្រភព៖ នគរបាលព្រហ្មទណ្ឌ នៃអធិការដ្ឋានគរបាលក្រុងសៀមរាប

ឃាត់ខ្លួនបុរសម្នាក់ ដកកាំភ្លើងកែច្នែ២ដើម នឹងថ្នាំញៀនមួយចំនួន

ព្រះវិហារ៖ កាលពីថ្ងៃទី១ ខែកក្កដា ឆ្នាំ២០១៨ នៅចំណុចភូមិអន្លង់វែង ឃុំកន្ទួត ស្រុកជាំក្សាន្ត ខេត្តព្រះវិហារ កម្លាំងកងរាជអាវុធហត្ថស្រុកជាំក្សាន្ត សហការជាមួយកម្លាំងអាវុធហត្ថស្នាក់ការសន្តិសុខធម្មជាតិសម្តេចតេជោ បានចុះបង្ក្រាប និងឃាត់ខ្លួនបុរសម្នាក់ ដែលជាជនសង្ស័យប្រើប្រាស់ រក្សាទុក និងចែកចាយថ្នាំញៀន។ ជនសង្ស័យដែលឃាត់ខ្លួនឈ្មោះ ទន់ ឈាន ភេទប្រុស អាយុ៣៥ឆ្នាំ មុខរបរមិនពិតប្រាកដ បច្ចុប្បន្នស្នាក់នៅភូមិឃុំកើតហេតុខាងលើ។

កម្លាំងកងរាជអាវុធហត្ថស្រុកបានដកហូតថ្នាំញៀនប្រភេទម្សៅក្រាមពណ៌សថ្លា (ម៉ាទឹកកក) ចំនួន១០កញ្ជប់តូច, កាំភ្លើងច្នៃ២ដើម គ្រាប់ AK៤៧ ចំនួន៣២គ្រាប់, សាក់កាដូរដាក់កាំភ្លើងមួយ, ថវិការមួយចំនួន, ម៉ូតូ១គ្រឿង ព្រមទាំងសម្ភារសម្រាប់វេចខ្ចប់ថ្នាំញៀនមួយចំនួនទៀត ៕

កំពូលមេចោរប្លន់ ដែលល្បីឈ្មោះខ្លាំងនៅប្រទេសបារាំង ពេលនេះកំពុងរត់គេចចេញពីពន្ធនាគារជិតក្រុងប៉ារីស តាម ឧទ្ធម្ភាគចក្រ នគរបាល ៣០០០ នាក់ កំពុងតាមប្រម៉ាញ់..(មានវិដេអូ)

ប៉ារីស បារាំង ៖ អ្នកទោសជាចោរប្លន់ប្រដាប់អាវុធដ៏ល្បីល្បាញម្នាក់ឈ្មោះ Redoine Faid ភេទប្រុស អាយុ ៤៦ ឆ្នាំ បានរត់គេចខ្លួនចេញពីពន្ធនាគារជិតទីក្រុងប៉ារីស ប្រទេសបារាំង នៅថ្ងៃអាទិត្យម្សិលម៉ិញ ដោយប្រើ ឧទ្ធម្ភាគចក្រ ។

មានជនប្រដាប់អាវុធ ៣ នាក់ បានប្រើគ្រាប់បែកផ្សែង និងកាំភ្លើងស្វ័យប្រវត្តិដើម្បីទៅរំដោះឧក្រិដ្ឋជន Redoine Faid ពីបន្ទប់ជួបគ្នាមួយនៅក្នុងបរិវេណពន្ធនាគារ ។ បន្ទាប់ឧក្រិដ្ឋជនក៏ឡើងលើឧទ្ធម្ភាគចក្រហើយជិះគេចខ្លួនទៅចុះចតនៅកន្លែងមួយរួចឡើងឡានជិះគេចខ្លួនបន្ត ។

ឧក្រិដ្ឋជន Redoine Faid ធ្លាប់រត់គេចចេញពីពន្ធនាគារម្ដងរួចមកហើយនៅឆ្នាំ ២០១៣ ។

តុលាការបានកាត់ទោស Redoine Faid ដាក់ពន្ធនាគារ ២៥ ឆ្នាំ ពីបទប្លន់ប្រដាប់អាវុធដែលបានបាញ់សម្លាប់នាយនគរបាលម្នាក់ក្នុងពេលធ្វើសកម្មភាព ។

ពេលនេះនគរបាលប្រមាណ ៣០០០ នាក់ កំពុងតាមប្រម៉ាញ់កំពូលមេចោរប្លន់ដ៏ល្បីល្បាញរូបនេះ ។

(មានវិដេអូ)

https://www.facebook.com/plugins/video.php?href=https%3A%2F%2Fwww.facebook.com%2Fvannak.pheng.3%2Fvideos%2F1705898449506960%2F&show_text=0&width=560

ប្រភព៖ Vannak Pheng

មិនបានចឹងទៀតហើយ ទើបតែកើតបាន ៦ខែ បែជាស្លាប់ទៅវិញ ដោយសារការធ្វេសប្រហែ របស់គ្រូពេទ្យនៅខេត្តស្វាយ

(ស្វាយរៀង) ពិតជាមានការសោយស្តាយយ៉ាងខ្លាំងចំពោះទារក ដែលទើបនឹងកើតបានអាយុ៦ខែ បានស្លាប់កាលពីចុងខែមិថុនា ឆ្នាំ ២០១៨នេះ មួយម៉ោងក្រោយ បន្ទាប់ពីបុគ្គលិកមួយរូប ក្នុងគន្លីកឯកជនឈ្មោះ សុវណ្ណចំរើន សុខ ស្ថិតក្នុងខេត្តស្វាយរៀ ង បានចាក់ថ្នាំក្មេង ទាំងមិនបានទទួលការវិនិច្ឆ័យជម្ងឺច្បាស់នៅឡើយ។ បើតាមការឲ្យដឹងរបស់ក្រុមគ្រួសាររងគ្រោះបានរៀបរាប់ថា កូនរបស់ខ្លួនមានជំ ងឺក្អក និង ក្ដៅខ្លួន និងបានបញ្ជូនទៅគ្លីនិ កខាងលើ និងបើកថ្នាំខ្លះមកលេបបន្ថែម។ តែពេលទៅដល់ក៏គ្មានពេទ្យប្រចាំការ មានតែបុ គ្គលិកពីរ បីនាក់ គ្មានពាក់ស្លាកឈ្មោះត្រឹមត្រូវចេញមុខធានាព្យាបាលទៅវិញ។

បន្ទាប់ពីនោះ បុគ្គលិកពេទ្យរូបនេះបានចាក់ថ្នាំឲ្យកូនគាត់ច្រើនស៊ឺរ៉ាំង រួចព្យួរសឺរ៉ូមមួយប្លោកទៀត ដោយពុំបានដឹងថាជាថ្នាំអ្វីខ្លះឡើយ ស្រាប់តែប៉ុន្មាននាទីក្រោយមក កូនគាត់បែរជាក្លាយទៅ ជាស្វាយសាច់ទាំងមូល ត្រជាក់ចុង ដៃចុងជើង និងបែក ញើសពេញចិញ្ចើម បាត់ស្មារតីលែងយំ រហូតបាត់បង់ជីវិតតែម្ដង។ បន្ថែមលើសពីនេះទៅទៀត អ្នកជាម្ដាយបានធ្វើការដាក់ពាក្យបណ្ដឹងទៅខាងអធិការដ្ឋាន នគរបាលក្រុ ងស្វាយរៀង ប៉ុន្តែបែរជាគ្មានអ្នកអើពើ ថែមទាំងជួយលាក់បាំងទៀត ធ្វើឲ្យរូបគាត់ឈឺចាប់ជាខ្លាំង អង្វរសមត្ថកិច្ច និងថ្នាក់លើទាំងអស់ជួយដោះស្រាយផងដែរ៕ ប្រភពនគរបាលជាតិ

គួឲ្យរន្ធត់!! អគារខុនដូ Mekong View Tower 6 បានបាក់ប្លង់សេសំណង់ ឆក់យកជីវិតកម្មករ២នាក់ និង៥នាក់រងរបួស នៅខណ្ឌជ្រោយចង្វារ..(ចុចអានបន្ត)

ភ្នំពេញ៖ សំណង់អគារខុនដូ Mekong View Tower 6 ដែលកំពុងដំណើរការសាងសង់នៅក្នុងខណ្ឌជ្រោយចង្វារ បានឆក់យកជីវិតកម្មក២នាក់ភ្លាមៗ និងបង្កឲ្យកម្មករ៥នាក់ផ្សេងទៀត រងរបួសធ្ងន់ស្រាល ករណីបាក់បេតុងប្លង់សេនេះនៅជាន់ទី២៣ សង្កត់លើកម្មករ ខណៈកំពុងធ្វើការ ហេតុការណ៍នេះកើតឡើងកាលថ្ងៃអាទិត្យ ទី១ ខែកក្កដា ឆ្នាំ២០១៨ នៅចំណុចការដ្ឋានសំណង់អគារខុនដូ Mekong View Tower 6 ស្ថិតក្នុងភូមិ២ សង្កាត់ជ្រោយចង្វារ ខណ្ឌជ្រោយចង្វារ រាជធានីភ្នំពេញ។

ជនរងគ្រោះចំនួន៥នាក់ ត្រូវបានបញ្ជូនទៅសង្គ្រោះបន្ទាន់ភ្លាមៗ ក្រោយកើតហេតុបាក់ប្លង់សេខាងលើនេះ ខណៈមនុស្ស២នាក់ បានស្លាប់ក្រោមបេតុងនោះ។
ជនរងគ្រោះ ដែលរងរបួសទាំង៥ រួមមាន ទី១.ជាង នឿន របួសជើង, ទី២.ជាង ផាត របួសជើង, ទី៣.ជាង រិទ្ធ របួសស្មា, ទី៤.ស្រី លន ភេទស្រី របួសស្មា និងទី៥.ស្រី របួសកែងដៃ។

ដោយឡែក ជនរងគ្រោះ២នាក់ដែលស្លាប់ក្រោមបេតុងនៅនោះ សមត្ថកិច្ច បានប្រើពេលអស់ប្រហែលជិត១០ម៉ោងទើបយកសាកសពបាន រួមមាន៖
ទី១ឈ្មោះ បាន លាស់ ភេទប្រុស អាយុ៤៨ឆ្នាំ រស់នៅភូមិតាពុំ ឃុំល្វេ ស្រុកកោះសូទិន ខេត្តកំពង់ចាម និងទី២ឈ្មោះ នាម ហ៊ីង ភេទប្រុស អាយុ៣៨ឆ្នាំ រស់នៅភូមិគោករុន ឃុំប៉ុបប៉ែន ខេត្តសៀមរាប។

ថ្ងៃកើតហេតុខាងលើ ក្រុមជាងប្រមាណជាង១០នាក់ បាននាំគ្នាចាក់ប្លង់សេនៅជាន់ទី២៣ ប៉ុន្តែមិនទាន់បញ្ចប់នោះទេ។ លុះវេលារសៀល ក៏បន្តបាញ់បេតុងចាក់ប្លង់សេបន្តទៀត ស្រាប់តែបាក់រន្ទារធ្លាក់ប្លង់សេសង្កត់ក្រុមកម្មករ និងជាង បណ្ដាលឲ្យរងរបួស៥នាក់ និងបាត់ខ្លួន២នាក់ ដោយជាប់នៅក្រោមប្លង់សេនោះតែម្ដង។

អាជ្ញាធរមានសមត្ថកិច្ច មានទាំងអភិបាលក្រុងភ្នំពេញ លោក ឃួង ស្រេង និងចៅហ្វាយខណ្ឌជ្រោយចង្វារ លោក ឃ្លាំង ហួត រួមនឹងមន្ត្រីតុលាការ បានចុះទៅពិនិត្យកន្លែងកើតហេតុផងដែរ ហើយក្រុមជាងបាននាំគ្នាដាប់គាស់បេតុង ដើម្បីរុករកជាងដែលបាត់ខ្លួននោះអស់ជាច្រើនម៉ោង រហូតដល់ម៉ោងប្រមាណ១០យប់ថ្ងៃដដែល ទើបរកឃើញសាកសពជនរងគ្រោះ។

ក្រោយពេលរកឃើញសាកសព និងធ្វើកោសល្យវិច័យលើសាកសពរួចរាល់ សមកិច្ចជំនាញឲ្យដឹងថា ជនរងគ្រោះទាំង២នាក់ ពិតជាស្លាប់ដោយសារប្លង់សេបាក់សង្កត់លើប្រាកដមែន។ សាកសពក៏ត្រូវបានប្រគល់ឲ្យសាច់ញាតិ ដឹកយកទៅធ្វើបុណ្យតាមប្រពៃណី នៅស្រុកកំណើតរៀងៗខ្លួន៕