វឌ្ឍនាកា បានសម្រេចចិត្តវិលត្រលប់មករកទ្រនំចាស់ បឹងកេត របស់ខ្លួនវិញ

ក្លិបបឹងកេតបានប្រកាសជាផ្លូវការអំពីការវិលត្រលប់មកចុះចូលជាថ្មីជាមួយក្លិបរបស់ពួកគេពីសំណាក់ខ្សែប្រយុទ្ធ ចាន់ វឌ្ឍនាកា ខណៈដែលគេជឿថាការវិលមករកទ្រនំចាស់របស់ខ្លួននេះគឺព្រោះតែខ្សែប្រយុទ្ធឆ្នើមនៃក្រុមជម្រើសជាតិកម្ពុជារូបនេះចរចារជាមួយក្លិបនៅបរទេសមិនបានសម្រេច។ វឌ្ឍនាកា កាលពីមួយរយៈមុនត្រូវបានគេផ្សាភ្ជាប់គាត់ជាមួយនឹងការផ្ទេរទៅលេងឲ្យក្លិបសិង្ហបុរី Home United ប៉ុន្តែគាត់បានបដិសេធ និងថាពាក្យចរចាមអារ៉ាមទាំងនោះមិនមែនជាពិតទេ។ អំឡុងពេលបដិសេធចំពោះពាក្យចរចាមអារ៉ាមនោះ កីឡាករវ័យ ២៤ រូបនេះក៏បានបង្ហើបផងដែរថាខ្លួនកំពុងចរចារជាមួយក្លិបបរទេសមួយ ប៉ុន្តែទំនងជាចរចារគ្នាមិនត្រូវហើយមើលទៅ ទើបបានគាត់សម្រេចចិត្តត្រលប់មកចុះចូលជាមួយក្លិបចាស់ បឹងកេត របស់ខ្លួនវិញ។

បុកសាហាវណាស់!! នេះហើយលទ្ធផល ជិះម៉ូតូបណ្តើរ និយាយទូរស័ព្ទបណ្តើរ ជួយស៊ែរវិដេអូមួយនេះ ដើម្បីឲ្យគ្រប់គ្នាមានកាប្រុងប្រយ័ត្ន..

ប្រទេសថៃ៖ ការបើកបរនៅតាមដងផ្លូវសាធារណះ ទាមទារឲ្យយើងមានកាប្រុងប្រយ័ត្នខ្ពស់ មិនថាបើកម៉ូតូក្តី រថយន្តក្តីយើងត្រូវតែមានកាប្រុងប្រយ័ត្នទាំងអស់គ្នា មិនត្រូវបើកបរបណ្តើតេទូរស័ព្ទបណ្តើរទេ ព្រោះវាអាចបង្កឲ្យយើងមានគ្រោះថ្នាក់ដោយប្រកាណាមួយក៍អាចថាបាន ដូចនៅក្នុងវិដេអូខាងលើនេះស្រាប់ ។

បើយើងមើលឃ្លីបវីដេអូមួយនេះ ដែលត្រូវថតបានពីកាមេរ៉ាផ្ទះបែរមកផ្លូវ បន្ទាប់ពីមាននារីម្នាក់ ដែរឈប់មូតូបណ្តើរនិយាយទូរស័ព្ទបណ្តើរ ហើយបង្រុងតែបត់ម៉ូតូត្រលប់ក្រោយ តែមិនទាន់នឹងបានបត់ម៉ូតូស្រួលបួលផង ស្រាប់តែមានម៉ូតូមួយគ្រឿងទៀតបើកបរស្របទិសគ្នាបានបុកពីក្រោយពេញទំហឹងបណ្តាលឲ្យខ្ទាតនារីនោះ តែមិនបណ្តោយឲ្យមានគ្រោះថ្នាក់ធ្ងន់ធ្ងរ និងដល់អាយុជីវិតឡើយ ។

យ៉ាងណាមិញយើងមិនអាចបញ្ជាក់បានថា ភាគគីម៉ូតូមួយគ្រឿងទៀតមានការងរបួសស្រាល ធ្ងន់ ឫក៍រងគ្រោះថ្នាក់ដល់អាយុជីវិតនោះទេ ពីព្រោះកាមេរ់ាផ្ទះនោះមិនអាចចាប់ពីសកម្មភាពម៉ូតូមួយគ្រឿងនោះបាន ៕

(មានវិដេអូ)

https://www.facebook.com/plugins/video.php?href=https%3A%2F%2Fwww.facebook.com%2Fkhmerloadnews%2Fvideos%2F216537785633731%2F&show_text=0&width=560

ដោយ៖ សុវណ្ណ ដេត

ជនជាតិវៀតណាមម្នាក់ ត្រូវបានកម្លាំកងរាជអាវុធហត្ថខេត្តស្វាយរៀងធ្វើការឃាត់ខ្លួន បន្ទាប់ពី…(ចុចអានបន្ត)

(ស្វាយរៀង)៖ ជនជាតិវៀតណាមម្នាក់ ត្រូវបានកម្លាំកងរាជអាវុធហត្ថខេត្តស្វាយរៀងធ្វើការឃាត់ខ្លួន ករណីកាន់កាប់និងដឹកជញ្ជួនអាវុធដោយគ្មានច្បាប់អនុញ្ញត្ត ករណីចុះបង្ក្រាបកាលពីវេលាម៉ោង១៤:១០នាទីីថ្ងៃទី២១ខែមិថុនាឆ្នាំ២០១៨ស្ថិិត ត្រង់ចំណុចភូមិ បាវិតកណ្តាល សង្កាត់់ បាវិត ក្រុង បាវិត ខេត្តស្វាយរៀង។

បើតាមមន្ត្រីកងរាជអាវុធហត្ថខេត្តស្វាយរៀងបានឲ្យដឹងថា ដោយទទួលបានព័ត៌មានរាយការណ៍មកថា នៅចំណុចខាងលើមានករណីរក្សាទុកអាវុធខុសច្បាប់នោះ ស្រាប់តែទទួលបានពត៍មានភ្លាមនោះ មេបញ្ញាការរងទទួលផែនយុត្តិធម៌ ដឹកនាំកម្លាំងចុះបង្ក្រាបនិងឃាត់់់់ខ្លួនជនសង្ស័យនិងមានការសម្របសម្រួលពីលោក គង់់ ច័ន្ទខេមរទ្ធ ព្រះរាជអាជ្ញានៃអយក្យការអមសាលាដំបូងខេត្តស្វាយរៀងឃាត់ខ្លួនបានជនសង្ស័យម្នាក់់ជាជនជាតិវៀតណាមដែលមានឈ្មោះ ទ្រឿង មិញថុង ភេទប្រុស អាយុ ២១ឆ្នាំ មុុខរបរកម្មករសំណង់ មានទីលំនៅភូមិ ៥ សង្កាត់ តឹងហៀប ក្រុង ធូូូយូូវ ខេត្តប៊ិនយឿង ប្រទេសវៀតណាម។

ជនសង្ស័យបានសារភាពថា កាំភ្លើងនេះគេទិញពីបុរសម្នាក់មិនស្គាល់ឈ្មោះនៅក្រុងបាវិត។
វត្ថុតាងដែលសមត្ថកិច្ចយើងដកហូតបានរួម៖

ទី១.កាំភ្លើងAK47មួយដើម
ទី២.បង់ចំនួន២បង់

ទី៣.គ្រាប់៥៦គ្រាប់

ទី៤.សឺមែល១

ទី៥.សាងសម្រាប់ដាក់គ្រាប់១ខ្សែទី

៦.ពិល១

ទី៧.ឡាស៊ែរដាក់ជាប់កាំភ្លើង១

បច្ចុប្បន្ន ជនសង្ស័យត្រូវបានសមត្ថកិច្ចកងរាជអាវុធហត្ថខេត្តស្វាយរៀង ឃាត់ខ្លួនរួមនិងវត្ថុតាងដើម្បីកសាងសំណុំរឿងបញ្ជួនបន្តទៅតុលាការដើម្បីដោះស្រាយតាមផ្លូវច្បាប់៕

សាហាវណាស់! ជនជាតិចិន កាប់ជនជាតិចិនដូចគ្នា ដោយសារដណ្តើមស្រីស្នេហ៍ បង្ករឲ្យមានកាភ្ញាក់ផ្អើលក្នុងក្រុងព្រះសីហនុ…(ចុចអាបន្ត)

(ព្រះសីហនុ) – កាលពីវេលាម៉ោង៣និង៣០នាទីរំលងអធ្រាត្រឆ្លងចូលថ្ងៃទី២៣ មិថុនា ឆ្នាំ២០១៨ កម្លាំងជំនាញស្នងការដ្ឋាននគរបាលខេត្តព្រះសីហនុ បានទទួលពត៌មានថា មានករណីជនជាតិចិន និងជនជាតិចិន២ក្រុមប្រើអំពើហិង្សាកាប់ចាក់គ្នានៅក្នុងក្លឹបឌីស្កូមួយកន្លែង បន្ទប់លេខ០២ ស្ថិតក្នុងក្រុមទី៨ ភូមិ៤ សង្កាត់៤ ក្រុងព្រះសីហនុ ។

ក្រោយពីទទួលបានព័ត៌មានភ្លាម លោកឧត្តមសេនីយ៍ទោ ជួន ណារិន្ទ ស្នងការនគរបាលខេត្ត បានបញ្ជាទៅកម្លាំងជំនាញការិយាល័យកម្រិតធ្ងន់ និងស្រាល នៃអធិការដ្ឋាននគរបាលក្រុង-ប៉ុស្តិ៍ និងកំលាំងអន្តរាគមន៍ពិសេសបានចុះអន្តរាគមន៍ដល់កន្លែងកើតហេតុជាបន្ទាន់ ពេលនោះសមត្ថកិច្ចឃាត់ខ្លួនបានជនសង្ស័យម្នាក់ និងម្នាក់ទៀតរត់គេចខ្លួន ហើយក៏មានជនជាតិចិន២នាក់រងរបួសហូរឈាមស្រោចពេញខ្លួន ដេកដួលនៅក្នុងក្លឹបឌីស្កូនោះ ដោយសាររងនូវការប្រើកាំបិតកាប់ពីសំណាក់ភាគីម្ខាងទៀត តែត្រូវបានសមត្ថកិច្ចនាំទៅមន្ទីរពេទ្យ ដើម្បីសង្គ្រោះបន្ទាន់ ។

ក្នុងករណីអំពើហិង្សាខាងលើ តាមចម្លើយពីជនរងគ្រោះបានឲ្យសមត្ថកិច្ចដឹងថា មូលហេតុបណ្តាលមកពីផឹកស៊ីស្រវឹងទំនាស់ពាក្យសម្តីដណ្តើមស្រីគ្នា ទើបបណ្តាលឱ្យឈានទៅដល់ការប្រើអំពើហិង្សាកាប់ចាក់គ្នាតែម្តង ។ ជនរងគ្រោះ២នាក់ ម្នាក់ឈ្មោះ Jian Lu ភេទប្រុស អាយុ៣០ឆ្នាំ ជាជនជាតិចិន បានរងរបួសធ្ងន់ និងម្នាក់ទៀតឈ្មោះ Zhang Tian ភេទប្រុស អាយុ៣៨ឆ្នាំ ជាជនជាតិចិន បានរងរបួសស្រាល ហើយជនរងគ្រោះទាំង២នាក់នេះត្រូវបានបញ្ជូនទៅកាន់មន្ទីរពេទ្យរាជធានីភ្នំពេញ ចំណែកជនសង្ស័យម្នាក់បានរត់គេចខ្លួនបាត់ រីឯជនសង្ស័យម្នាក់ទៀតឈ្មោះ Huang Bing ភេទប្រុស អាយុ៣៨ឆ្នាំ ព្រមទាំងវត្ថុតាងរួមមាន ដាវ និងកាំបិតចំនួន៧ដើម ត្រូវបានសមត្ថកិច្ចកំពុងកសាងសំណុំរឿងចាត់ការតាមនីតិវិធី ៕

ក្រុមចោរអ្នកមាន ជិះសុទ្ធតែរថយន្ត រ៉ូរ៉យ (Roll Royce )តម្លៃថ្លៃកប់ពពក បែរជាប្រើអាវុធខ្លីភ្ជង់ប្លន់ អ្នករត់តាក់សុី ធ្វើឲ្យផ្អើលក្នុងក្រុងព្រះសីហនុ…(អានបន្ត)

(ព្រះសីហនុ) នៅម៉ោង២៣ យប់ ថ្ងៃទី២២ខែមិថុនាឆ្នាំ២០១៨ នៅក្លឹបកំសាន្ត CASA ស្ថិតក្នុងភូមិ៤ សង្កាត់៤ ក្រុង/ខេត្តព្រះសីហនុ ជនសង្ស័យមានគ្នា៤នាក់ ជនជាតិចិន ដែលជិះឡានរ៉ូល រ៉យ ធ្វើសកម្មភាពប្លន់ផ្អើលក្រុងព្រះសីហនុ ត្រូវកងកម្លាំងនគរបាលខេត្តព្រះសីហនុ ធ្វើការស្រាវជ្រាវ ឃាត់ខ្លួនបានម្នាក់ និង៣នាក់ទៀតកំពុងគេចខ្លួន ព្រមទាំងដកហូតវត្ថុតាង និងអាវុធខ្លី ។

នគរបាលមូលដ្ឋាន បានឱ្យដឹងថា នៅ ថ្ងៃទី២២ ខែមិថុនា ឆ្នាំ២០១៨ វេលាម៉ោង២២ ការិយាល័យជំនាញ បានទទួលពាក្យបណ្តឹងពីប្រជាពលរដ្ឋឈ្មោះ គង់ ទីប៉ោ ភេទប្រុស អាយុ៣១ឆ្នាំ មុខរបររត់រថយន្តឈ្នួល មានទីលំនៅសង្កាត់ដង្កោ រាជធានីភ្នំពេញ ពីបទប្លន់ប្រដាប់អាវុធដោយអាវុធខ្លីម៉ាករ៉ូឡូ នៅវេលាម៉ោង២០និង៤០នាទី នៅភូមិ១ សង្កាត់៣ ក្រុង/ខេត្តព្រះសីហនុ ជនសង្ស័យមានគ្នា៤នាក់ ជនជាតិចិន ដោយប្រើវិធី វីឆាត ” Wechat ” ហៅជនរងគ្រោះមកយកលិខិតឆ្លងដែនទៅបន្តទិដ្ឋាកា ” ។

ក្រោយពេលទទួលបានពាក្យបណ្តឹងរួច ក្រោមការបញ្ជាចង្អុលដឹកនាំពីលោកឧត្តមសេនីយ៍ ជួន ណារិន្ទ ស្នងការនគរបាលខេត្ត និងមានការសម្របសម្រួលនិតិវិធីដោយលោក គៀងសុន្ធារោ ព្រះរាជ្ញារងអមសាលាដំបូងខេត្ត កម្លាំងជំនាញផែនគរបាលព្រហ្មទណ្ឌ សហការជាមួយកម្លាំងអធិការដ្ឋានក្រុង ប៉ុស្តិ៍ និងកងអន្តរាគមន៍ពិសេស ធ្វើការស្រាវជ្រាវ រហូតដល់ម៉ោង២៣ កម្លាំងជំនាញ កំណត់មុខសញ្ញាបានម្នាក់ ដែលកំពុងផឹកស៊ីនៅក្លឹបកំសាន្ត CASA ស្ថិតក្នុងភូមិ៤ សង្កាត់៤ ក្រុង/ខេត្តព្រះសីហនុ។

កម្លាំងជំនាញបានធ្វើការហ៊ុមព័ទ្ធចាប់ខ្លួនជនសង្ស័យឈ្មោះ Ly Ker Xing ភេទប្រុស អាយុ២៤ឆ្នាំ ជនជាតិចិន មុខរបរបើកបររថយន្តកាស៊ីណូ កាន់លិខិតឆ្លងដែនលេខ E88340722 ចុះថ្ងៃទី១៨ ខែតុលា ឆ្នាំ២០១៦ ផុតកំណត់ថ្ងៃទី១៧ ខែតុលា ឆ្នាំ២០២៦ ទិដ្ឋាការលេខ E1-01359781 ចុះថ្ងៃទី១ ខែមករា ឆ្នាំ២០១៨ ផុតកំណត់ថ្ងៃទី១ ខែមករា ឆ្នាំ២០១៩ ។ ចោរប្លន់ ជនជាតិចិន មួយក្រុម ជិះឡានទំនើប រ៉ូល រ៉យ ពាក់ផ្លាកលេខ ភ្នំពេញ 2PB 6666៕

ទូរសព្ទបែក

ស្ថិតក្នុងសភាពស្តាយក្រោយនៃទង្វើរបស់ខ្លួន បុរសដែលជាអ្នកជោគជ័យគ្រប់ការងារតែបរាជ័យរឿងជីវិត បានរំលឹកអនុស្សាវរីយ៍របស់ខ្លួនទាំងសោកស្តាយនៅចំពោះកូនប្រុស ហើយបានចងក្រងនូវសំណេរទុកជាបទពិសោធន៍ជីវិតសំរាប់ប្រិយមិតអ្នកអានគ្រប់ៗគ្នា. . .

នាមជាម្ចាស់ក្រុមហ៊ុនដ៏ធំមួយដែលឈរជើងយ៉ាងរឹងមាំក្នុងបណ្តារក្រុមហ៊ុនល្បីៗនានា ភាពជាម្ចាស់របស់គាត់បានធ្វើអោយគាត់មានមុខមាត់ និងកិត្តិយសយ៉ាងសុះសាយ តែអ្វីៗមិនគាប់ចិត្តទាំងអស់នោះទេក្រោយពេលបាត់បង់ប្រពន្ធជាទីស្រលាញ់ គ្រួសារដែលធ្លាប់តែអ៊ូរអរត្រូវស្ថិតក្នុងភាពស្ងប់ស្ងាត់ វីឡាដែលមានតំលៃរាប់លានដុល្លារបស់គាត់បានត្រឹមធ្វើអោយបំរើនៅតែប៉ុណ្ណោះ
មរតកនៃស្នេហារបស់គាត់ដែលខំរាប់ឆ្នាំសល់ត្រឹមកូនប្រុសម្នាក់វ័យ៦ឆ្នាំដែលត្រូវកំដរគាត់ក្នុងភាពឯកាលើគំនរទ្រពសម្បតិ្តតែខ្វះសុភមង្គល។ ពិសេសរឿងដែលគ្រប់គ្នាមានចំងល់បំផុតថា << តើហេតុអ្វីបានជាភរិយារបស់គាត់ត្រូវចុះចោលគាត់ដែលជាសេដ្ឋី ហើយទៅផ្តើមស្នេហាជាមួយបុរសសាមញ្ញក្រីក្រម្នាក់ទៅវិញ? ថ្ងៃមួយពេលគាត់ចូលងូតទឹក កូនប្រុសរបស់គាត់បានចូលក្នុងបន្ទប់ធ្វើការរបស់គាត់ ហើយបានកាន់ទូរស័ព្ទរបស់គាត់លេង នឹងបានស៊ករបស់តូចមួយទៅក្នុងស្រោមទូរស័ព្ទនោះតែភ្លាមៗគាត់ក៏មកទាន់ គាត់បានស្រែកយ៉ាងខ្លាំងដាក់កូនរបស់គាត់ ដោយសភាពភ្ញាក់ផងភ័យផង ទូរស័ព្ទក៏របូតចេញពីដៃធ្លាក់ទៅលើកំរាល ដោយសេចក្តីក្រោធនិងកំហឹង គាត់បានទះកំផ្លៀងកូនគាត់មួយដៃដោយមិនបានតាំងចិត្តនោះទេ តែជាអកុសលទង្វើរនេះបានធ្វើអោយប៉ះពាល់ដល់ត្រចៀកនិងភ្នែកជាខ្លាំងនាំអោយកូនតូចត្រូវងងឹតភ្នែកមួយរំពេច។

ក្រោយពេលបញ្ជូនដល់មន្ទីពេទ្យអូនតូចត្រូវទទួលបានការព្យាបាលយ៉ាងយកចិត្តទុកដាក់ តែអ្វីដែលគាត់ក្តុកក្តួលក្នុងចិត្តបំផុតនៅពេលគាត់លឺសំនួរមួយឃ្លាររបស់កូនគាត់ដែលសួរថា << ប៉ាហេតុអ្វីបិទភ្លើងចឹង? ហើយប៉ានៅណាម៉េចអត់និយាយរកកូន? >> គាត់បានត្រឹមលុតជង្គង់សំរក់ទឹកភ្នែកនៅក្បែរកូនគាត់ ដោយមិននិយាយអ្វីទាំងអស់។ ការធ្វេសប្រហែសធ្វើទង្វើរណាមួយដោយកំហឹងធ្វើអោយបុរសម្នាក់នេះសោកស្តាយអស់មួយជីវិត ហើយកូនគាត់ត្រូវពិការទាំងវ័យក្មេងថែមទៀត . .
អ្នកបំរើបានយកទូរស័ព្ទដែលធ្វើហើយអោយគាត់វិញហើយភ្ជាប់ជាមួយសំបុត្រតូចមួយដែលជាងបានឃើញដែលបានសរសេរថា ៖ កូននឹកម៉ាក់ណាស់ថ្ងៃនេៈជាថ្ងៃខួបកំណើតកូន កូនចង់អោបប៉ា ចង់បានទិញពេលវេលាពីប៉ា កូនចង់អោយប៉ាស្រលាញ់កូនដូចកូនស្រលាញ់ប៉ា ចង់លឺប៉ានិយាយថាស្រលាញ់កូន កូនចង់លេងសួនសត្វនៅព្រឹកស្អែកនេៈ កូនចង់ឃើញសត្វខ្លា សង្ឃឹមថាប៉ាជូនកូនទៅ កូនស្រលាញ់ប៉ា។ . . .

ដោយការខិតខំប្រឹងប្រែងរបស់ក្រុមគ្រូពេទ្យធ្វើអោយអូនតូចអាចស្តាប់លឺ នឹងមើលឃើញដូចមុនជាពិសេសគាត់បានចំនាយទឹកប្រាក់យ៉ាងច្រើនធ្វើខូបកំណើតអោយកូនគាត់នៅមន្ទីពេទ្យតែម្តង ហើយបាននិយាយទៅកាន់កូនប្រុសជាសាធារណៈ ប៉ាសូមទោសកូននិងម្តាយកូនផង តាមពិតប៉ាស្រលាញ់អ្នកទាំងអស់គ្នាណាស់ តែប៉ាខុសមួយពេលព្រោះប៉ាគិតថាលុយអាចធ្វើអោយគ្រួសារយើងសុខដុមទើបប្រឹងតែរឿងការងារមិនគិតដល់សុខទុក្ខអ្នកទាំងអស់គ្នា ពេលនេះប៉ាយល់ហើយ។ និយាយមិនទាន់ចប់ផងប្រពន្ធគាត់នៅក្បែរនោះបានរត់ចេញមកហើយយំអោបប្តីនឹងកូនភ្លាមផងដែរ តាមពិតប្រពន្ធគាត់មិនបានរត់តាមប្រុសឬមានចិត្តបែកបែរពីគាត់នោះទេតែគាត់ចង់អោយប្តីគាត់យល់ពីជីវិតគ្រួសារតែប៉ុណ្ណោះ. . . !
កុំរវល់ពេកភ្លេចគ្រួសារអ្នក កុំយកសម្ភារៈនិយមមានតម្លៃជាងមនុស្សនៅជុំវិញខ្លួនអ្នក ត្រូវចេះបង្កើតភាពរីករាយនឹងផ្តល់ក្តីស្រលាញ់សម្រាប់មនុស្សជុំវិញខ្លួន កុំធ្វើអោយជីវិតមានវិប្បដិសារី៕

រក្សាសិទ្ធដោយ ៖ ncndaily
អត្ថបទដោយ ៖ Madam ស្នេហា

មិនមែន ១ ប៉ុន្តែ ២ ប្រេស៊ីលបានធ្វើស៊ីកូស្ដារីកា និងឡើងឈរលើកំពូលតារាងនៃពូល E

ខ្សែបម្រើ Philippe Coutinho និងខ្សែប្រយុទ្ធ Neymar បានចែកគ្នាបំប៉ើងសំណាញ់ទីម្នាក់មួយគ្រាប់ចុងម៉ោងជួយឲ្យក្រុមជម្រើសជាតិប្រេស៊ីលផ្ដួលកូស្ដារីកាជាមួយលទ្ធផល ២ គ្រាប់ទល់នឹង ០ នៅក្នុងការប្រកួតពានរង្វាន់បាល់ទាត់ពិភពលោកឆ្នាំ ២០១៨ វគ្គជម្រុះនៃពូល E ។ ជាមួយនឹងលទ្ធផលជ័យជម្នះនេះដែរបានធ្វើឲ្យប្រេស៊ីលដែលបានប្រកួតស្មើជាមួយស្វីសកាលពីប្រកួតបើកឆាកនោះឡើងទៅឈរលើកំពូលតារាងនៃពូល E យ៉ាងរំភើយ ហើយពួកគេត្រូវការត្រឹមតែលទ្ធផលស្មើប៉ុណ្ណោះសម្រាប់ប្រកួតចុងក្រោយ ដើម្បីឲ្យពួកគេអាចឡើងទៅកាន់វគ្គ ១៦ ក្រុមនៃការប្រកួតពាន World Cup ខណៈដែលប្រកួតចុងក្រោយគឺពួកគេនឹងត្រូវប៉ះគ្នាជាមួយស៊ែប៊ី។ ចំណែកកូស្ដារីកាដែលមិនមានសូម្បីតែមួយពិន្ទុនៅក្នុងដៃនោះទំនងជាមិនមានឱកាសឡើងទៅវគ្គបន្តទៀតទេ បើទោះបីពួកគេនៅសល់មួយប្រកួតទៀតក្នុងដៃដែលពួកគេត្រូវប៉ះគ្នាជាមួយស្វីសក៏ដោយ។

ប្រែសម្រួល ៖ ភក្ដី

Yura សមាជិកក្រុម Girl’s Day ត្រូវបានជ្រើសជាពិធីការនីសម្រាប់កម្មវិធីបវរកញ្ញាឯកកូរ៉េឆ្នាំ ២០១៨

ផលិតកម្ម Dream T Entertainment បានបង្ហើបថា Yura ត្រូវបានជ្រើសរើសជាពិធីការនីក្នុងកម្មវិធី បវរកញ្ញាឯកកូរ៉េឆ្នាំ ២០១៨ នេះ។ Hankook Ilbo E & B ដែលជាម្ចាស់ឧបត្ថម្ភធំនៃព្រឹត្តិការណ៍នេះក៏បានសម្តែងនូវការរីករាយចំពោះការចូលរួមរបស់ Yura ផងដែរ។ អ្នកតំណាងប្រព័ន្ធផ្សព្វផ្សាយនេះបានបញ្ជាក់ថា ៖ “យើងជឿជាក់លើសម្រស់ ភាពឈ្លាសវៃ និងសមត្ថភាពរបស់ Yura នាងនឹងធ្វើបានល្អក្នុងកំឡុងពេលកម្មវិធីដំណើរការ ។ ក្នុងពេលសម្ភាសន៍ជាមួយអ្នកកាសែត Yura បាននិយាយថា ៖ “ខ្ញុំធ្លាប់មានក្ដីស្រម៉ៃចង់ធ្វើជាពិធីការនីក្នុងកម្មវិធីបវរកញ្ញាឯកកូរ៉េ តាំងពីខ្ញុំនៅក្មេងម្ល៉េះ។ ពេលនេះក្ដីស្រម៉ៃរបស់ខ្ញុំបានក្លាយជាការពិតហើយ ខ្ញុំពិតជាមានមោទនភាព និងកិត្តិយសខ្លាំងណាស់ ដែលបានបង្ហាញមុខក្នុងកម្មវិធីដ៍ល្បីល្បាញ ដែលពោរពេញទៅដោយបេក្ខជនមានរូបសម្រស់ស្រស់ស្អាត និងមានសមត្ថភាពខ្ពស់”។ កម្មវិធីបវរកញ្ញាឯកកូរ៉េ ២០១៨ នឹងចាក់ផ្សាយនៅថ្ងៃទី ០៤ ខែកក្កដា វេលាម៉ោង ៧ យប់តាមកញ្ចក់ទូរទស្សន៍ប៉ុស្ត៍ KST និងតាមវេបសាយ MBC Every1 និង MBC Music។

Minho របស់ SHINee បានបង្ហើបឲ្យដឹងនូវអាយុដែលខ្លួនចង់បង្កើតគ្រួសារ

នៅថ្ងៃទី ២១ ខែមិថុនាកន្លងទៅថ្មីៗនេះ សមាជិក ២ រូបរបស់ក្រុម SHINee គឺលោក Minho និង Taemin ត្រូវបានអញ្ជើញអោយចូលរួមជាភ្ញៀវកិត្តិយសក្នុងកម្មវិធី KBS CoolMusic Show ។ ក្នុងអំឡុងពេលកម្មវិធីដំណើរការ អ្នកគាំទ្រម្នាក់បានសួរសំណួរមួយថា “តើអ្វីទៅជារបស់ថ្មីបំផុតដែលអ្នកបានទិញ?” Taemin បានឆ្លើយថា ៖ “ខ្ញុំបានទិញក្រែមសំរាប់លាបរាងកាយ ព្រោះស្បែករបស់ខ្ញុំបានស្ងួតយ៉ាងខ្លាំងនៅពេលខ្ញុំហាត់រាំជាច្រើនម៉ោងក្នុងបន្ទប់ម៉ាស៊ីនត្រជាក់។ បន្ទាប់មកជាវេនរបស់ Minho ហើយគាត់បានឆ្លើយថា ៖ “ខ្ញុំបានទិញក្លឹបវាយកូនហ្គោលមួយ។ ខ្ញុំទើបតែចាប់ផ្តើមរៀនលេងកីឡានេះទេ ប៉ុន្តែខ្ញុំមានទម្លាប់អាក្រក់មួយគឺ ខ្ញុំចូលចិត្តបោះដងកូនហ្គោលចោលនៅពេលដែលខ្ញុំវាយមិនចូល។ នៅពេលសួរអំពីផែនការរបស់ពួកគេនៅអាយុ ៣០ ឆ្នាំ Minho បាននិយាយថា ៖ “ខ្ញុំចង់ចាប់ផ្តើមគ្រួសារនៅពេលដែលខ្ញុំមានអាយុ ៣០ ឆ្នាំ”។ គួរបញ្ជាក់ផងដែរថា បច្ចុប្បន្ននេះ តារាចម្រៀងម្ចាស់បទ Ring Ding Dong រូបនេះ មានអាយុ ២៧ ឆ្នាំហើយ។

អតីតខែលការពាររបស់ Real Madrid មួយរូបសរសើរ Modric ថាជាកីឡាករលេខ ១០ ល្អបំផុតលើពិភពលោក

អតីតខ្សែការពាររបស់ក្រុម Real Madrid កីឡាករ Alvaro Arbeloa ជឿជាក់ថាខ្សែបម្រើ Luka Modric គឺជាកីឡាករដែលពាក់លេខ ១០ ល្អបំផុតនៅលើពិភពលោក។ Modric បានបង្ហាញខ្លួន និងជួយឲ្យក្រុមជម្រើសជាតិក្រូអាតលត់ក្រុមជម្រើសជាតិអាហ្សង់ទីនដោយលទ្ធផល ៣-០ នៃការប្រកួតពាន World Cup នាវគ្គជម្រុះក្នុងពូល D កាលពីថ្ងៃព្រហស្បតិ៍ ខណៈដែលគាត់ក៏រកបានគ្រាប់បាល់បញ្ចូលទីមួយគ្រាប់ផងដែរ ខណៈដែលខ្សែប្រយុទ្ធឆ្នើមអាហ្សង់ទីន Lionel Messi ដែលក៏ពាក់អាវលេខ ១០ ដូច Modric ដែរនោះកំពុងតែត្រដរខ្យល់ បន្ទាប់ពី ២ ប្រកួតរបស់ពួកគេរកជ័យជម្នះមិនទាន់ឃើញ(ស្មើពេលប៉ះអ៊ីស្លង់ និងចាញ់ពេលប៉ះជាមួយក្រូអាត)។

Alvaro Arbeloa អតីតខ្សែការពាររបស់ក្រុម Real Madrid

ទន្ទឹមនឹងការបង្ហាញទម្រង់លេងល្អពីសំណាក់ Modric បានធ្វើឲ្យ Arbeloa ដែលបានចំណាយពេលអស់ ៧ រដូវកាលលេងនៅក្លិបអេស្ប៉ាញ Real Madrid រូបនេះជឿថា Modric ពិតជាសមជាកីឡាករពាក់លេខ ១០ ដែលល្អជាងគេបំផុតនៅលើពិភពលោក។ “កីឡាករពាក់លេខ ១០ ដែលល្អបំផុតនៅក្នុងពិភពលោកគឺ Luka Modric ។” Arbeloa បានសរសេរយ៉ាងដូច្នេះនៅលើទំព័របណ្ដាញសង្គម Twitter របស់គាត់ដោយបានអមមកជាមួយនូវរូបរបស់ Modric ផងដែរ។ Modric រកគ្រាប់បាល់បញ្ចូលទីបាន ២ គ្រាប់ហើយនៅក្នុងព្រឹត្តិការណ៍នៃការប្រកួតពានបាល់ទាត់ពិភពលោកឆ្នាំ ២០១៨ នេះ ខណៈដែលជម្រើសជាតិរបស់គាត់កំពុងបោះជំហានទៅកាន់វគ្គ ១៦ ក្រុមជាលើកដំបូងចាប់តាំងពីឆ្នាំ ១៩៩៨ ។

ប្រែសម្រួល ៖ ភក្ដី