ចាប់ខ្លួនស្ត្រីម្នាក់ ដកហូតបានវត្ថុតាងថ្នាំញៀនជាច្រើន..(មានវិដេអូ)

(ឧត្តរមានជ័យ)៖ នៅរសៀលថ្ងៃនេះ ទី២៥ ខែមិថុនា ឆ្នាំ ២០១៨ កំលាំជំនាញខេត្តបានចុះសហការណ៍ជាមួយកំលាំងប៉ុស្តិ៍ រដ្ឋបាលសង្កាត់អូរស្មាច់ បង្ក្រាបករណីជួញដូរនិងចែកចាយគ្រឿងញៀនបាន ១ ករណី នៅចំណុចភូមិអូខ្លាឃ្មុំ សង្កាត់អូរស្មាច់ ក្រុងសំរោង ខេត្តឧត្តរមានជ័យ ។

លោកឧត្ដមសេនីយ៍ទោ មែន លី ស្នងការនគរបាលខេត្តបានឲ្យដឹងថា កម្លាំងជំនាញយើងបានធ្វើការស្រាវជ្រាវជាច្រើនថ្ងៃរហូតឈានមកដល់ការបង្ក្រាបករណីខាងលើនេះបានសម្រេច និងឃាត់ខ្លួនស្ត្រីសង្ស័យឈ្មោះ លឿង សុភាព ភេទស្រី អាយុ ២៨ ឆ្នាំ រស់នៅភូមិអូខ្លាឃ្មុំ សង្កាត់អូរស្មាច់ ក្រុងសំរោង ខេត្តឧត្តរមានជ័យ ដកហូតវត្ថុតាងរួមមាន ថ្នាំញៀនប្រភេទមេតំហ្វេតាមីនwy ចំនួន ១១២ គ្រាប់ ខៀវ ១គ្រាប់ និង មេតំហ្វេតាមីន ice ចំនួន ៦២ កព្ចាប់ស្មើរនិង ៦.៨៥ ក្រាម ថ្លឹងទាំងសំបកថង់ ទូរស័ព្ទដៃចំនួន ១ គ្រឿង និងថង់សំរាប់វេចខ្ចប់មួយចំនួនទៀត ។

បច្ចុប្បន្ននេះសមត្ថកិច្ចជំនាញបានបញ្ជូនខ្លួនជនសង្ស័យ រួមទាំងភស្តុតាងទាំងអស់ខាងលើនេះទៅកាន់សាលាដំបូងខេត្តចាត់ការតាមនីតិវិធីច្បាប់៕

(មានវិដេអូ)

https://www.facebook.com/plugins/video.php?href=https%3A%2F%2Fwww.facebook.com%2Fnewsagency18%2Fvideos%2F409326976236839%2F&show_text=0&width=560

ដោយ៖ សុវណ្ណ ដេត

យល់ស្របអត់!! Lampard ជឿថាអង់គ្លេសអាចលើកពាន World Cup ឆ្នាំ ២០១៨ នេះ

អតីតវីរបុរសបាល់ទាត់របស់ក្រុមតោខៀវ Chelsea, Frank Lampard ដែលបច្ចុប្បន្នកំពុងកាន់ការងារជាអ្នកចាត់ការនៅក្លិប Derby County រូបនេះបានបង្ហាញនូវជំនឿចិត្តរបស់ខ្លួនចំពោះក្រុមជម្រើសជាតិអង់គ្លេសថានឹងអាចលើកពាន World Cup ឆ្នាំ ២០១៨ នេះបាន។ ការរំពឹងទុករបស់ Lampard ទំនងជាបានកើតឡើងបន្ទាប់ពីក្រុមដែលមានរហស្សនាមតោកំណាចមួយនេះបានលត់ក្រុមប៉ាណាម៉ាក្នុងលទ្ធផល ៦ ទល់នឹង ១ នៃការប្រកួតវគ្គជម្រុះក្នុងពូលនៅ World Cup និងកំពុងស្ថិតនៅលើផ្លូវទៅកាន់វគ្គ ១៦ ក្រុម។

“ខ្ញុំគិតថាអង់គ្លេសអាចធ្វើដំណើរទៅបានវែងឆ្ងាយនៅក្នុងការប្រកួតពានរង្វាន់ World Cup លើកនេះ។” Lampard បានថ្លែងប្រាប់ BBC ។ “ហើយយើងត្រូវតែឡើងដល់វគ្គ ៨ ក្រុមចុងក្រោយ។ ខ្ញុំគិតថាក្រុមបានបង្ហាញឲ្យឃើញនៅក្នុងការប្រកួតកន្លងមករបស់ពួកគេ ហើយខ្ញុំមិនមែនចេះតែនិយាយនោះទេ។ បើមិនជឿសូមក្រឡេកមើលនូវទេព្យកោសល្យនៃកីឡាកររបស់យើង(អង់គ្លេស) និងរបៀបដែលពួកគេលេង។” អង់គ្លេសធ្លាប់បានឈ្នះ World Cup តែម្ដងឲ្យគត់ គឺនៅក្នុងឆ្នាំ ១៩៦៦ ដែលកាលនោះពួកគេធ្វើជាម្ចាស់ផ្ទះសម្រាប់ការប្រកួតពានរង្វាន់ដ៏ធំមួយនេះដោយការផ្ដួលក្រុមឥន្ទ្រីដែកអាល្លឺម៉ង់ក្នុងលទ្ធផល ៤-២ ។

ប្រែសម្រួល ៖ ភក្ដី

ស្រវឹងស្រាធ្លាក់ភ្នែក បើករថយន្តហោះពីលើស្ពានច្បារអំពៅ ទៅបុកផ្ទប់និងដើមពោធិ៍ ទៅមុខលែងរួច…(ចុចអានបន្ត)

ភ្នំពេញ៖ បុរសម្នាក់សង្ស័យស្រវឹងស្រា បើករថយន្តLAND ROVERបើកហោះពីលើស្ពានច្បារអំពៅទៅបុកផ្ទប់និងដើមពោធិ៍ទៅមុខលែងរួចហេតុការណ៍នេះកើតឡើយនៅវេលាម៉ោង១និង៣០នាទី យប់រំលងអធ្រាត្រ ឈានចូលថ្ងៃទី២៥ ខែមិថុនា ឆ្នាំ២០១៨
ស្ថិតតាមបណ្ដោយផ្លូវជាតិលេខ១ចំនុចគុលស្ពានច្បារអំពៅ ចាស់ ក្នងភូមិ ដើមចាន់ សង្កាត់ច្បារអំពៅទី២ ខណ្ឌ ច្បារអំពៅ រាជធានីភ្នំពេញ។

តាមប្រភពពីកន្លែងកើតហេតុបានអោយដឹងថា មុនពេលកើតហេតុគេឃើញបុរសម្នាក់រួមដំណើរនិងប្រុស២នាក់ទៀតបើករថយន្តម៉ាកLAND ROVER ពាក់ស្លាកលេខ ភ្នំពេញ.2AL-0016 ទិសដៅពីកើតទៅលិចបោះពួយយ៉ាងលឿន ខណះមកដល់ចំនុចកើតហេតុខាងលើបួងចង្កូតមិនទាន់បានហោះពីលើស្ពានប្រហែល២០ម៉ែត្រជ្រុលទៅបុកខ្ទមអ្នកតានិងដើមពោធិ៍កល់ជាប់ទៅមុខលែងរួច រថយន្តរងការខូចខាតផ្នែកខាងមុខស្ទើតែទាំងស្រុង។តែសំណាងល្អមិនមានអ្នករងរបួស។ចំណែកអ្នកបើកបររថន្តត្រូវបានសមត្ថកិច្ចនាំខ្លួនទៅប៉ុស្តិ៍ច្បារអំពៅ២។
ក្រោយកើតហេតុសមត្ថកិច្ចមូលដ្ឋានទំនាក់ទំនងជំនាញចុះវាស់វែងយករថយន្តបង្ករទៅការិយាល័យចរាចរណ៍ផ្លូវគោក រងចាំដោះស្រាយនៅពេលក្រោយ៕

ដោយ៖ សុវណ្ណ ដេត
ប្រភព៖ FB

សប្បាយក្លាយជាទុក្ខ!! ត្រឹមតែមួយវិនាទីប៉ុណ្ណោះ ទឹកធ្លាក់យ៉ាងខ្លាំងពីលើភ្នំបានគួចយកជីវិតមនុស្ស២នាក់..

កំពង់ស្ពឺ៖ ហេតុការណ៍ដ៏គួរអោយរន្ធត់មួយបានកើតឡើងនៅទឹកធ្លាក់ជ្រាវ ចម្ការក្រូច(ឱរ៉ាល់-កំពង់ស្ពឺ) បានគួចយកជីវិតមនុស្ស២នាក់ទាំងអាឡោះអាល័យជាទីបំផុត ហេតុការណ៍នេះដែរបានកើតឡើងកាលពីវេលាម៉ោង ៣៖៣០នាទី ត្រូវនឹងថ្ងៃទី ២៤ ខែមិថុនា ឆ្នាំ២០១៨ នេះ ។

តាមប្រភពនៅកន្លែងកើតហេតុបានឲ្យដឹងថា ពីដំបូងនោះ ទឹកមានសភាពធម្មតាទេ ដែរធ្វើឲ្យអ្នកដែលទៅលេងទីនោះងូតលេងយ៉ាងសប្បាយ តែមិនបានត្រឹមមួយនាទីស្រួលបួលផង ស្រាប់តែទឹកមានកាហូរមកពីលើភ្នំច្រើនឡើងៗ ធ្វើឲ្យអ្នកកំពុងតែងូតទឹកនោះមិនដឹងខ្លួនថាទឹកបានហូពីលើភ្នំមកយ៉ាងធំបែបនេះ ហើយកំលាំងទឹកហូរដ៏ខ្លាំងនោះ បានហូរកួចយកមនុស្ស២នាក់ទៅជាមួយបាត់ស្រមោល ដែលបើតាមប្រភពដែលបង្ហោះវីដេអូនេះប្រាប់ថា ស្លាប់បាត់ទៅហើយ ៕

(វិដេអូ)
https://www.facebook.com/plugins/video.php?href=https%3A%2F%2Fwww.facebook.com%2Fsroeuy.voeurm%2Fvideos%2F405431723295418%2F&show_text=0&width=266

ដោយ៖ សុវណ្ណ ដេត
ប្រភព៖ FB

ហុងដាទម្លុះសំណាញ់ទីសេណេហ្គាល់ឲ្យជប៉ុនហក់ទៅទំលើកំពូលតារាងនៃពូល H

ក្រុមជម្រើសជាតិជប៉ុន និងសេណេហ្គាល់នៅតែរក្សាបានល្អនូវក្ដីសង្ឃឹមដើម្បីឈានទៅកាន់វគ្គ ១៦ ក្រុមចុងក្រោយនៃការប្រកួតពានរង្វាន់បាល់ទាត់ពិភពលោកឆ្នាំ ២០១៨ នេះ បន្ទាប់ពីក្រុមទាំង ២ បានបញ្ចប់សមរភូមិប្រយុទ្ធគ្នាជាមួយលទ្ធផល ២ ស្មើ ខណៈដែលជប៉ុនបានហក់ទៅឈរលើកំពូលតារាងនៃពូល H របស់ពួកគេ។ ខ្សែប្រយុទ្ធ Sadio Mane គឺជាអ្នកស៊ុតគ្រាប់នាំមុខបានសម្រេចឲ្យសេណេហ្គាល់ មុនពេលការតាមស្មើមកវិញពីសំណាក់កីឡាករ Takashi Inui របស់ជប៉ុន។ បន្ទាប់មកខ្សែការពារវ័យ ១៩ ឆ្នាំ Moussa Wague បានទម្លុះសំណាញ់ទីគ្រាប់ទី ២ ឲ្យសេណេហ្គាល់ ដោយពួកគេគិតថានេះនឹងជាគ្រាប់ជ័យជម្នះ ប៉ុន្តែគួរឲ្យសោកស្ដាយ ក្រោយពីការស៊ុតតាមបាន ២ ស្មើពីសំណាក់កីឡាករបម្រុង Keisuke Honda ដែលបានប្ដូរចូលជំនួសកីឡាករលេខ ១០ Shinji Kagawa ។ ជប៉ុន និងសេណេហ្គាល់ពេលនេះមាន ៤ ពិន្ទុនៅក្នុងដៃដូចគ្នា បន្ទាប់ពីបញ្ចប់ការប្រកួតបាន ២ ប្រកួតរួចមក ខណៈដែលប្រកួតចុងក្រោយគឺជប៉ុនត្រូវជួបប៉ូឡូញ ចំណែកសេណេហ្គាល់នឹងប៉ះគ្នាជាមួយក្រុមមកពីអាមេរិកឡាទីន កូឡុំប៊ី។

ប្រែសម្រួល ៖ ភក្ដី

Pogba ថា World Cup ឆ្នាំ ២០១៨ នេះអាចនឹងជាឱកាសចុងក្រោយសម្រាប់គាត់

ខ្សែបម្រើ Paul Pogba ចង់ជួយឲ្យក្រុមជម្រើសជាតិបារាំងរបស់គាត់ឈ្នះពាន World Cup ឆ្នាំ ២០១៨ ខណៈដែលគាត់ទំនងជានឹងមិនចូលរួមជាមួយជម្រើសរបស់ខ្លួនសម្រាប់ការប្រកួតពានរង្វាន់បាល់ទាត់ពិភពលោកនាពេលអនាគតទៀតទេ។ ខ្សែបម្រើរបស់ក្រុមបិសាចក្រហម Manchester United រូបនេះបានជួយបារាំងទទួលជ័យជម្នះលើអូស្ដ្រាលី និងប៉េរ៉ូសម្រាប់ការប្រកួតវគ្គជម្រុះក្នុងពូល C នៃការប្រកួតពាន World Cup និងបានកក់កៅអីឡើងវគ្គ ១៦ ក្រុមទាំងនៅសល់មួយប្រកួតទៀតក្នុងដៃ។

ហើយនៅថ្ងៃអង្គារខាងមុខនេះបារាំងនឹងត្រូវប៉ះគ្នាជាមួយក្រុមលេខ ២ ក្នុងពូលរបស់ពួកគេ គឺក្រុមជម្រើសជាតិដាណឺម៉ាក ខណៈដែលទម្រង់លេងរបស់ Pogba ជាថ្មីម្ដងទៀតកំពុងត្រូវបានស្ថិតក្រោមការរិះគន់។ តែទោះជាយ៉ាងណា Pogba ថាគាត់មិនខ្វល់ជាមួយអ្វីដែលអ្នករិះគន់របស់ខ្លួននិយាយនោះទេ ប៉ុន្តែជំនួសមកវិញគឺគាត់បានផ្ដោតសំខាន់ទៅលើការជួយឲ្យបារាំងលើកពាន World Cup ។ “ប្រហែលជានេះគឺជាឱកាសចុងក្រោយហើយដែលខ្ញុំមានវត្តមាននៅ World Cup ។” កីឡាករវ័យ ២៥ ឆ្នាំរូបនេះបានប្រាប់អ្នកយកពត៌មាន។ “ហើយយើងសុទ្ធតែមិនដឹងដូចគ្នា។ ខ្ញុំពិតជាពេញចិត្តចំពោះខ្លួនឯង។ ខ្ញុំនឹងបំភ្លេចចោលនូវពាក្យរិះគន់ និងលះបង់គ្រប់យ៉ាងដើម្បីក្រុមជម្រើសជាតិបារាំងរបស់ខ្ញុំ។ ខ្ញុំពិតជាចង់ឈ្នះពាន World Cup នេះណាស់។”

នៅពេលត្រូវបានគេសួរថាហេតុអ្វីគាត់និយាយថា World Cup ឆ្នាំ ២០១៨ នេះអាចនឹងជាឱកាសចុងក្រោយសម្រាប់គាត់ Pogba បានឆ្លើយតបទៅវិញថា ៖ “ខ្ញុំមានភាពប្រាកដនិយមចំពោះការពិតមួយដែលថាវាអាចនឹងក្លាយជាព្រឹត្តិការណ៍ប្រកួត World Cup ចុងក្រោយសម្រាប់ខ្ញុំ។ យើងមិនអាចដឹងឡើយថានឹងមានអីកើតឡើងនៅថ្ងៃស្អែក។ ប្រហែលជាខ្ញុំអាចនឹងរបួស ឬមួយក៏មានកីឡាករណាផ្សេងទៀតនៅក្នុងក្រុមជម្រើសជាតិជាមួយគ្នានេះគាត់មានភាពលេចធ្លោជាងខ្ញុំ។ ប៉ុន្តែខ្ញុំសង្ឃឹមថាខ្លួនខ្ញុំអាចបង្ហាញខ្លួននៅ World Cup បានច្រើនជាងមួយដង ខណៈដែលកីឡាករខ្លះមិនបានបង្ហាញខ្លួនសូម្បីតែមួយដងផងនៅ World Cup ក្នុងអាជីពរបស់ពួកគេ។”

ប្រែសម្រួល ៖ ភក្ដី

ទាំងព្រឹកព្រលឹម ផ្ទះឈើរបស់ប្រជាពលរដ្ឋជាច្រើនខ្នង កំពុងរងការឆេះបំផ្លាញ ដោយគ្រោះអគ្គិភ័យខណ្ឌមានជ័យ…(ចុចអានបន្ត)

ភ្នំពេញ) ផ្ទះឈើរបស់ប្រជាពលរដ្ឋជាច្រើនខ្នង កំពុងរងការឆេះបំផ្លាញជាបន្តបន្ទាប់ ដោយគ្រោះអគ្គិភ័យដ៏កំណាចទាំងព្រឹកព្រលឹមអុល នៅខាងក្រោយវត្តសន្សំកុសល។

បើតាមសេចក្ដីរាយការណ៍ គ្រោះអគ្គិភ័យដ៏កំណាចនេះ បានកើតឡើងនាវេលាម៉ោង៥៖១០នាទីព្រឹកព្រលឹម ថ្ងៃអាទិត្យ ១២កើត ខែបឋមាសាឍ ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី២៤ ខែមិថុនា ឆ្នាំ២០១៨នេះ ចំណុចខាងក្រោយវត្តសន្សំកុសល ស្ថិតក្នុងសង្កាត់បឹងទំពុន២ ខណ្ឌមានជ័យ រាជធានីភ្នំពេញ បណ្តាលឲ្យផ្ទះប្រជាពលរដ្ឋជាច្រើនខ្នង ត្រូវឆេះបំផ្លាញភ្លាមៗផងដែរ។

សេចក្ដីការណ៍បន្តថា កម្លាំងអន្តរាគមន៍ពន្លត់អគ្គិភ័យ ក៏បានចុះអន្តរាគម៍ភ្លាមៗផងដែរ ប៉ុន្តែដោយទីតាំងកើតហេតុមិនអំណោយផល គឺផ្លូវចូលតូចចង្អៀត ទើបរថយន្តពន្លត់អគ្គិភ័យចូលបានតែម្ដងមួយរថយន្តតែប៉ុណ្ណោះ ជាហេតុធ្វើឲ្យភ្លើងឆេះបន្តបន្ទាប់ពីផ្ទះមួយទៅផ្ទះមួយទៀតយ៉ាងសន្ធោសន្ធៅ។

សូមបញ្ជាក់ថា ផ្ទះដែលរងការឆេះនេះ គឺធ្វើពីឈើប្រក់ស័ង្កសី ជាផ្ទះបងប្អូនប្រជាពលរដ្ឋក្រីក្រ៕

ចម្លែចមែន!! ហេតុអ្វីអ្នកភូមិធ្វើរឿងបែបនេះ ចំពោះសត្វក្រពើយក្សមួយក្បាលនោះទៅវិញ…(មានវិដេអូ)

ប្រទេសឥណ្ឌា៖ ពិតជាចម្លែកខ្លាំងណាស់ ធ្លាប់តែឃើញគេចាប់ក្រពើព្រោះសត្វប្រភេទនេះវាពិតជាមានគ្រោះថ្នាក់ខ្លាំងណាស់ វាជាប្រភេទសត្វល្មូន ហើយវាស៊ីសាច់ស្រស់ៗធ្វជាអាហារ ដូច្នេះហើយនណាៗក៍ខ្លាចញញើតចំពោះសត្វប្រភេទនេះដែរ ។

តែផ្ទុយទៅវិញ នៅប្រទេសឥណ្ឌាពួកអ្នកស្រុកព្រមទាំងសមត្ថកិច្ចបាននាំគ្នាប្រលែងសត្វក្រពើយក្សដ៍ធំមួយក្បាល ទៅក្នុងស្ទឹងមួយដើម្បីដោះលែងវាឲ្យមានសេរីភាព យ៉ាងណាមិញ យើងមិនអាចបញ្ជាក់បានថាពួកគេប្រលែងសត្វក្រពើមួយក្បាលនេះក្នុងគោលបំណងធអ្វីនោះទេ ។

សត្វក្រពើមួយក្បាលនេះពិតជាធំខ្លាំងណាស់ នេះក៍ជាលើកទីមួយដែរ ដែលខ្ញុំបានឃើញគេប្រលែងសត្វក្រពើ ព្រោះពីមុនៗមក ខ្ញុំធ្លាប់តែឃើគេចាប់សត្វក្រពើ ពីព្រោះអីខ្លាចវាវាយប្រហាមនុស្សដើម្បីក្លាយទៅជាចំណីរបស់វា ៕

(តោះសូមទៅទស្សនាវិដេអូទាំងអស់គ្នា)

https://www.facebook.com/plugins/video.php?href=https%3A%2F%2Fwww.facebook.com%2FUpnews4u%2Fvideos%2F204394023413616%2F&show_text=0&width=560

ដោយ៖ សុវណ្ណ ដេត
ប្រភព៖ FB

Kovacic បាននិយាយពេញៗមាត់ថាចង់ចាកចេញពី Real Madrid ព្រោះមូលហេតុមួយនេះ

កីឡាករ Mateo Kovacic បានអស់ភាពអំណត់អត់ធ្មត់តទៅទៀតហើយជាមួយក្រុម Real Madrid ខណៈដែលខ្សែបម្រើរូបនេះបានសារភាពពេញៗមាត់ថាខ្លួនចង់ចាកចេញពី Real ដើម្បីផ្លាស់ទៅកន្លែងថ្មីមួយដែលអាចអនុញ្ញាតឲ្យរូបគាត់បង្ហាញខ្លួនលើទីលានប្រកួតបានញឹកញាប់ជាងនេះ។ កីឡាករនៃក្រុមជម្រើសជាតិក្រូអាតរូបនេះបានផ្លាស់មកកីឡដ្ឋាន Bernabeu របស់ Real Madrid កាលពីឆ្នាំ ២០១៥ ដោយការផ្ទេរចេញពីក្រុម Inter Milan របស់អ៊ីតាលីក្នុងតម្លៃខ្លួនផ្ទេរដែលត្រូវបានគេរាយការណ៍ឲ្យដឹងថាប្រមាណជា ៣៥ លានអឺរ៉ូ។ ប៉ុន្តែគាត់បានជួបការលំបាកដោយការប្រឈមមុខជាមួយខ្សែបម្រើរួមសញ្ជាតិរបស់គាត់ គឺកីឡាករ Luka Modric, ខ្សែបម្រើអាល្លឺម៉ង់ Toni Kroos និង Casemiro ខ្សែបម្រើប្រេស៊ីល ក្នុងការដណ្ដើមយកកៅអី ១១ នាក់ដំបូង។

ហើយបន្ទាប់ពីការចាកចេញរបស់អតីតគ្រូបង្វឹក លោក Zinedine Zidane ដែលបានជួយឲ្យ Real ឈ្នះពាន Champions League បីរដូវកាលជាប់ៗគ្នានោះ Kovacic ក៏ត្រូវបានក្លិបល្បីៗជាច្រើនសម្លឹងឃើញ ស្របពេលដែលពេលនេះគាត់បានបើកភ្លើងខៀវក្នុងការចាកចេញពី Madrid ជាកន្លែងដែលគាត់ចូលលេងបានតែ ៣៧ ប្រកួតក្នុងលីក ក្នុងរយៈពេល ៣ ឆ្នាំកន្លងមកនេះ។ “ខ្ញុំចង់បង្ហាញខ្លួនឲ្យបានច្រើនប្រកួត ហើយរឿងដែលសំខាន់នោះគឺខ្ញុំចង់ចាកចេញពី Real Madrid ។” Kovacic បានប្រាប់កាសែត Marca ។ “ខ្ញុំចូលចិត្តបាល់ទាត់ និងចង់បង្ហាញខ្លួនឲ្យច្រើននៅលើទីលានប្រកួត។ ខ្ញុំចង់មានឱកាសចូលលេងជម្រើសដំបូងឲ្យក្រុមផ្សេង ព្រោះបើមិនបានចូលលេង គឺខ្ញុំសប្បាយចិត្តមិនចេញទេ។” Tottenham ដែលជាក្រុមនៃលីកកំពូលរបស់អង់គ្លេសមួយនេះត្រូវបានគេផ្សាភ្ជាប់ជាមួយការផ្ទេរ Kovacic កាលពីកន្លងទៅ។

ប្រែសម្រួល ៖ ភក្ដី

ប៊ែលហ្ស៊ីកមានភាគរយខ្ពស់ក្នុងការឡើងទៅវគ្គ ១៦ ក្រុមនៅ World Cup បន្ទាប់ពី Lukaku និង Hazard ស៊ុតបញ្ចូលទីម្នាក់ពីរគ្រាប់ផ្ដួលទុយណេហ្ស៊ី ៥-២

ខ្សែប្រយុទ្ធ Romelu Lukaku និង Eden Hazard បានជួយបង្ហើនឱកាសឲ្យក្រុមជម្រើសជាតិប៊ែលហ្ស៊ីករបស់ពួកគេក្នុងការកក់កៅអីឡើងទៅកាន់វគ្គ ១៦ ក្រុមនៃការប្រកួតពានរង្វាន់បាល់ទាត់ពិភពលោកឆ្នាំ ២០១៨ នេះ បន្ទាប់ពីពួកគេទាំង ២ បំប៉ើងសំណាញ់ទីបានសម្រេចម្នាក់ ២ គ្រាប់ ខណៈដែលប៊ែលហ្ស៊ីកលត់ក្រុមជម្រើសជាតិទុយណេហ្ស៊ីក្នុងលទ្ធផល ៥ គ្រាប់ទល់នឹង ២ ។ ជ័យជម្នះដែរបានធ្វើឲ្យប៊ែលហ្ស៊ីកនៅពីលើក្រុមជម្រើសជាតិអង់គ្លេសដែលឈរលើចំណាត់លេខ ២ ក្នុងពូល G ។

រីឯទុយណេហ្ស៊ីដែលបានបរាជ័យអស់ ២ ប្រកួតនៃ ៣ ប្រកួតរបស់ពួកគេនៅក្នុងពូលនោះលែងមានឱកាសឡើងទៅវគ្គបន្តហើយ បើទោះបីជាប៉ាណាម៉ា ស៊ីអង់គ្លេសមួយលានគ្រាប់ទល់នឹងសូន្យក៏ដោយ ខណៈដែលពួកគេនឹងក្លាយជាក្រុមជម្រើសជាតិនៃទ្វីបអាហ្វ្រិកទី ៣ ដែលនឹងត្រូវបានជម្រុះចេញពីការប្រកួតពាន World Cup ឆ្នាំនេះ បន្ទាប់ពីអេហ្ស៊ីប និងម៉ារ៉ុក។ ហើយក្រុមដែលមកពីអាហ្វ្រិកដែលនៅមានឱកាសឡើងទៅវគ្គ ១៦ ក្រុមនៅ World Cup គឺមានតែនីហ្សេរីយ៉ា និងសេណេហ្គាល់ប៉ុណ្ណោះ។

ប្រែសម្រួល ៖ ភក្ដី