មិនមែន ១ ប៉ុន្តែ ២ ប្រេស៊ីលបានធ្វើស៊ីកូស្ដារីកា និងឡើងឈរលើកំពូលតារាងនៃពូល E

ខ្សែបម្រើ Philippe Coutinho និងខ្សែប្រយុទ្ធ Neymar បានចែកគ្នាបំប៉ើងសំណាញ់ទីម្នាក់មួយគ្រាប់ចុងម៉ោងជួយឲ្យក្រុមជម្រើសជាតិប្រេស៊ីលផ្ដួលកូស្ដារីកាជាមួយលទ្ធផល ២ គ្រាប់ទល់នឹង ០ នៅក្នុងការប្រកួតពានរង្វាន់បាល់ទាត់ពិភពលោកឆ្នាំ ២០១៨ វគ្គជម្រុះនៃពូល E ។ ជាមួយនឹងលទ្ធផលជ័យជម្នះនេះដែរបានធ្វើឲ្យប្រេស៊ីលដែលបានប្រកួតស្មើជាមួយស្វីសកាលពីប្រកួតបើកឆាកនោះឡើងទៅឈរលើកំពូលតារាងនៃពូល E យ៉ាងរំភើយ ហើយពួកគេត្រូវការត្រឹមតែលទ្ធផលស្មើប៉ុណ្ណោះសម្រាប់ប្រកួតចុងក្រោយ ដើម្បីឲ្យពួកគេអាចឡើងទៅកាន់វគ្គ ១៦ ក្រុមនៃការប្រកួតពាន World Cup ខណៈដែលប្រកួតចុងក្រោយគឺពួកគេនឹងត្រូវប៉ះគ្នាជាមួយស៊ែប៊ី។ ចំណែកកូស្ដារីកាដែលមិនមានសូម្បីតែមួយពិន្ទុនៅក្នុងដៃនោះទំនងជាមិនមានឱកាសឡើងទៅវគ្គបន្តទៀតទេ បើទោះបីពួកគេនៅសល់មួយប្រកួតទៀតក្នុងដៃដែលពួកគេត្រូវប៉ះគ្នាជាមួយស្វីសក៏ដោយ។

ប្រែសម្រួល ៖ ភក្ដី

ចង់ដឹងអត់ថា មនុស្សរស់នៅក្នុងព្រៃ អាម៉ាសូន(Amazon) ពួកគាត់ចាប់ពស់ថ្លាន់យក្សលេងយ៉ាងមេច…(មានវិដេអូ)

បុរសម្នាក់ រួមជាមួយក្រុមមនុស្សដែលរស់នៅក្នុងព្រៃ អាម៉ាសូន (Amazon) បាននាំគ្នាចាប់ពស់ថ្លាន់យក្សដ៍ធំមួយដើម្បីយកមកមើល និងពិសោធ៍ ហើយពួកគេថែនទាំងបានយករបស់មួយមកលាបកន្ទុយរបស់ពស់នោះថែមទៀតផង ។

បើយើងមើលនៅក្នុងវិដេអូយើងឃើញថា ក្រុមមនុស្សដែររស់នៅក្នុងព្រៃ អាម៉ាសូន (Amazon) ពួកគេពិតជាហ៊ានមែនទែនដោយលួកដៃទៅចាប់នៅពេលពស់នោះកំពង់តែសង្ងំ ហើយយើងមើលទៅហាក់បីដូចពួកគាត់មិនខ្លាចញញើតសត្វពស់នៅសូម្បីតែបន្តិចសោះឡើយ បន្តែសត្វពោះដែលពួកគេបានចាប់នោះ ពួកគេមិនបានយកទៅណាទេគឺពួកគេប្រលែងវាទៅកន្លែងរបស់វាវិញផងដែរ។

នេះគ្រាន់តែមតិខ្ញុំ បើសិនជាពួកគាត់មានកាធ្វេសប្រហែស និងភ្លាត់ស្នៀតតែបន្តិច នោះពួកគេនឹងអាចក្លាយជាចំណីរបស់សត្វពស់យក្សដ៍ធំនេះជាក់ជាពុំខាន ដូច្នេះហើយកុំឲ្យរងចាំយូសូមទៅទស្សនាវិដេអូទាំងអស់គ្នា ៕

ដោយ៖ សុវណ្ណ ដេត

ចាំមើលកូនខ្មែរប៉ុន្មាននាក់ ដែលស៊ែរវិដេអូនេះ ខ្មែរនាសម័យ១៩៦៥ពិតជាអស្ចារ្យខ្លាំងណាស់…(មានវិដេអូ)

ប្រទេសកម្ពុជា គឺជាប្រទេសមួយនៅលើទឹកដីនៃទ្វីបអាស៊ី ហើយត្រូវបានគេស្គាល់នៅទូទាំងពិភពលោកដោយសារតែប្រទេសយើងមានប្រាសាទអង្គរវត្ត ជាប្រាសាទដែលដូនតានាសម័យអង្គរបានបន្សល់ទុកឲ្យ ដែលប្រទេសដ៏ទៃពុំអាចធ្វើបាន។

បុព្វបុរសខ្មែរពិតជាអស្ចារ្យខ្លាំងណាស់ ដែលពួកគាត់អាចកសាងប្រាសាទជាច្រើនដើម្បីបន្សល់ទុកឲ្យកូនខ្មែរជំនាន់ក្រោយបានស្គាល់ និងឲ្យយល់ពីសម័យនោះ ដោយចម្លាក់ក្បូរក្បាច់រចនានៅក្នុងសម័យនោះទុកជាកេដំណែល។

ឥលូវយើងងាកមកកាន់សម័យ១៩៦៥ ប្រទេសយើងក៏មានការរីកចម្រើនយ៉ាងខ្លាំងផងដែរ ដោយមានរោងចក្រផលិតស្រាបៀរ .រោងចក្រផលិតកង់ឡាន. ថ្នាំពេទ្យ .សម្ភារៈប្លាស្ទិច ហើយនិងរបស់របរជាច្រើនទៀត បើនិយាយដល់វិស័យកសិកម្មវិញក៏មិនអន់ដែរ។

នៅពេលដែលបានទស្សនាខ្សែរវីដេអូឯកសារទាំងនេះចប់ហើយនោះ គ្រប់គ្នាប្រាកដជានឹកស្តាយជាក់ជាពុំខាន នូវសមិទ្ធផលទាំងនោះក៏ព្រោះតែវាត្រូវបានបំផ្លាញដោយភ្លើងសង្គ្រាម។

តោះកុំឲ្យរងចាំយូសូមទៅទស្សនាវិដអូនាសម័យឆ្នាំ ១៩៦៥ ទាំងអស់គ្នាថា តើសម័យនោះអស្ចារ្យយ៉ាងណា ៕

(វិដេអូ)

សត្វឆ្កែមួយក្បាលនេះ ពិតជាសំណាងណាស់ ដោយសាតែ…

ប្រទេសថៃ៖ បងប្រកដជាបានដឹងហើយថា ពស់ថ្លាន់គឺជាពស់មិនមានពិសដូចជាពស់ផ្សេងៗទៀតឡើយ តែវាមានគ្រោះថ្នាក់ជាងពស់មានពិសផ្សេងៗទៀត ដោយសារតែវាមានរូបរាងធំ កាលណាចង់វាយប្រហារសត្រូវដើម្បីយកមកធ្វើជាចំណីរបស់វាហើយ វាតែងតែសម្ងំលបចាំសត្រូវដែរភ្លេចខ្លួនរួចក៍ហក់ទៅខាំ ហើយរឹតរួចក៍លេបសត្រូវនោះធ្វើជាអាហាររបស់វា ។

ជាក់ស្តែង បើយើងមើលក្នុងវិដេអូនេះយើងឃើញថា មានសត្វពស់ថ្លាន់ធំមួយ កំពុងតែរឹតសត្វឆ្កែដើម្បីធ្វើជាចំណីរបស់វា តែពិតជាសំណាងល្អដែលមានមនុស្សប្រុសមួយក្រុម បានមកជួយសត្វឆ្កែនោះទាន់ពេលវេលាកុំអីសត្វឆ្កែនោះនឹងក្លាយជាចំណីដ៍ពិសេសរបស់ពស់ថ្លាន់នោះបាត់ទៅហើយ ។

ដោយ៖ សុវណ្ណ ដេត

មានចឹងដែរ! ជិះម៉ូតូធំឌុបសង្សារ រវល់តែសាសង ក៍ជ្រុលកគូទរថយន្ត គេទារ100$ តែឲ្យ60$ ដោះស្រាយមិនចេញ បែរជាជិះម៉ូតូរត់បាត់ បន្សល់ទុកឲ្យ…(មានវិដេអូ)

រាជធានីភ្នំពេញ ៖ គូរស្នេហ៍ស្រស់សោភាមួយគូ ជិះម៉ូតូមួយគឿងក្នុងល្បឿនយ៉ាងលឿនជ្រុលទៅបុកគូទរថយន្តមួយគ្រឿងទៀត បណ្តាលអោយរងការខូចខាតបន្តិចបន្តួចប៉ុណ្ណោះ តែដោយសារដោះស្រាយមិនត្រូវគ្នា ភាគីខាងបុរសបានឡើងជិះម៉ូតូរត់គេចខ្លួនបាត់ បន្សល់ទុកនារីជាសង្សារអោយសង់ជំនួស។ ហេតុការណ៍នេះកើតឡើងកាលពីវេលាម៉ោង១០និង១០នាទីយប់ ថ្ងៃទី២០ ខែមិថុនា ឆ្នាំ២០១៨ត្រង់ចំណុចស្តុបផ្សារដីហុយ តាមបណ្តោយផ្លូវ១៩៨៦ កែងផ្លូវហាណូយ ស្ថិតក្នុងសង្កាត់ភ្នំពេញថ្មី ខណ្ឌសែនសុខ។

នៅមុនពេលកើតហេតុ គេឃើញបុរសម្នាក់ បើករថយន្តមួយគ្រឿង ម៉ាក Highlander ពណ៍ស្ករ ពាក់ស្លាកលេខភ្នំពេញ 2V-6084 ធ្វើដំណើរតាមបណ្តោយផ្លូវ១៩៨៦ ក្នុងទិសដៅពីកើតទៅលិច លុះមកដល់ចំណុចកើតហេតុរថយន្តខាងលើក៏បានបម្រុងបត់ឆ្វេងទៅផ្លូវហាណូយ ពេលនោះស្រាប់តែមានម៉ូតូមួយគ្រឿងទៀតម៉ាក Ducati ពណ៌ក្រហម គ្មានស្លាកលេខ បើកបរដោយបុរសម្នាក់ ឌុបនារីម្នាក់ទៀតដែលជាសង្សារនឹងគ្នា បានជិះមកពីក្រោយក្នុងល្បឿនយ៉ាងលឿន រួចក៏ជ្រុលទៅបុកគូទរថយន្តខាងលើ ចំពីក្រោយចំហៀងខាងឆ្វេងពេញទំហឹង បណ្តាលឲ្យផុងកាងនិងបែកស្តុប បន្តិចបន្តួចប៉ុណ្ណោះ តែមិនបង្កឲ្យមានអ្នករងរបួសនោះទេ។

បន្ទាប់មកភាគីទាំងសងខាងក៏បានដោះស្រាយគ្នា ដោយភាគីខាងរថយន្តបានទាមទារសំណងចំនួន១០០ដុល្លារប៉ុណ្ណោះ ពីភាគីខាងម៉ូតូ តែបុរសម្ចាស់ម៉ូតូព្រមសងតែ៥០ដុល្លារទេ ធ្វើអោយការដោះស្រាយមិនត្រូវគ្នា ទើបមួយសន្ទុះក្រោយមក បុរសដែលជាអ្នកបើកបរម៉ូតូបានសុំសងសំណង ទៅភាគីខាងរថយន្តចំនួន៦០ដុល្លារ ដើម្បីបញ្ចប់រឿង តែភាគីខាងរថយន្តមិនព្រមទទួលទេ។ ភ្លាមនោះបុរសជាអ្នកបើកម៉ូតូបានឡើងម៉ូតូរបស់ខ្លួន ជិះរត់គេចខ្លួនបាត់ស្រមោល បន្សល់ទុកនារីម្នាក់ដែលជាសង្សារនៅនិងកន្លែងកើតហេតុ។

ក្រោយពេលកើតហេតុនារីរូបស្រស់ដែលជាសង្សារបុរសម្ចាស់ម៉ូតូ បានហៅម៉ូតូឌុបមក បម្រុងជិះចេញពីកន្លែងកើតហេតុដែរ តែត្រូវអ្នកបើកបររថយន្តឃាត់មិនអោយទៅ ក៏បង្កអោយមានការឈ្លោះប្រកែក យ៉ាងទឹងសរសៃកដាក់គ្នា ទើបមួយសន្ទុះក្រោយមកនារីរូបស្រស់រងគ្រោះ ក៏ព្រមជួយចេញសំណងជំនួសសង្សាររបស់ខ្លួន ចំនួន៥០ដុល្លារ ឲ្យទៅភាគីខាងរថយន្ត ដោយភាគីខាងរថយន្តមិនចង់មានរឿងវែងឆ្ងាយក៏ព្រមទទួលយកដើម្បីបញ្ចប់រឿងនៅនិងកន្លែងកើតហេតុ៕

(វិដេអូ)
https://www.facebook.com/plugins/video.php?href=https%3A%2F%2Fwww.facebook.com%2Femergencysocailnews%2Fvideos%2F1971085286295536%2F&show_text=0&width=560

ប្រភព៖ ព័ត៌មានបន្ទាន់ៗក្នុងសង្គម

សាហាវបាត់!! សម្លាប់ប្រពន្ធ រូចយកសពទៅកប់ចោល តែត្រូវបែកការសមត្ថកិច្ចចាប់វៃខ្នោះ…(ចុចអានបន្ត)

ជំលោះក្នុងគ្រួសារ យកខ្សែអង្រឹង រិតកប្រហារ សម្លាប់ប្រពន្ធចុង រួចយកទៅកប់ចោលដូចខ្មោចឆ្កែ ពេលបែកការណ៍ សមត្ថកិច្ចអោយគាស់ខ្មោចឡើង ដើម្បីធ្វើកោសល្យវិច្ឆយ័

ខេត្តកំពង់ធំ ៖ កាលពីថ្ងៃថ្ងៃទី២០ មិថុនា ២០១៨ម្សិលមិញនេះ កម្លាំងសមត្ថកិច្ចនគរបាល ស្រុកសណ្តាន់ បានធ្វើការឃាត់ខ្លួនបុរសជាប្តី ជាប់សង្សយ័ករណីឃាតកម្ម សម្លាប់ប្រពន្ធយកសពទៅកប់ចោលនៅខាងក្រោយ ចម្ការស្វាយចន្ទី នៅតំបន់អូកូត ឃុំទំរីង ស្រុកសណ្តាន់ ខេត្តកំពង់ធំ។

តាមប្រភពសមត្ថកិច្ចនគរបាលស្រុសណ្តាន់បានឲ្យដឹងថា៖ កាលពីវេលាម៉ោង៤ និង ៣០នាទីល្ងាច ថ្ងៃទី១៨ មិថុនា ២០១៨ សមត្ថកិច្ចបានទទួលព័ត៌មានពីប្រជាពលរដ្ឋនៅតំបន់អូកូត ឃុំទំរីង ស្រុកសណ្តាន់ ខេត្តកំពង់ធំ ដោយមានការឆោរឡោបាត់មនុស្សស្រីម្នាក់ឈ្មោះ ធា អាយុ៣៨ឆ្នាំ ដែលត្រូវជាប្រពន្ធចុងរបស់ឈ្មោះ អន លឹក ភេទប្រុស អាយុ៥៣ឆ្នាំ បានទៅរស់នៅក្នុងចម្ការស្វាយចន្ទី នៅតំបន់អូកូត ភូមិឃុំខាងលើ។ក្រោយពេលសមត្ថកិច្ចទទួលបានព័ត៌មាននេះ ក៏មានការចាប់ផ្តើមធ្វើការ ស្រាវជ្រាវ និងស៊ើបអង្កេតជាបន្ទាន់ រហូតមកដល់ព្រឹកថ្ងៃទី២០ មិថុនា ២០១៨នេះ សមត្ថកិច្ចបានទៅ ដល់កន្លែងកើតហេតុ ក៏ពិនិត្យរកឃើញសាកសពឈ្មោះ ធា ត្រូវឃាតកសម្លាប់កប់ចោលនៅខាងក្រោយ ចំការស្វាយចន្ទីនោះ។

ក្រោយពីបានរកឃើញកន្លែងកប់សាកសពស្ត្រីម្នាក់នោះហើយ សមត្ថកិច្ចបានបន្ត ការឃាត់ខ្លួនឈ្មោះ អន លឹក ជាប្តីនាំទៅសាកសួរ ទើបបានចម្លើយថា រូបគេពិតជាបានសម្លាប់ប្រពន្ធចុង នោះមែន។ ប្តីជាឃាតបានសារភាពទៀតថា ការសម្លាប់ប្រពន្ធចុងដោយរឹតកនឹង ខ្សែអង្រឹងរហូត ដល់ស្លាប់ រួចយកសពទៅកប់នៅក្រោយចំការស្វាយចន្ទី។ ការសម្លាប់ប្រពន្ធចុងនេះ មូលហេតុ ដោយមានការឈ្លោះប្រកែកគ្នាទាក់ទិនរឿងរ៉ាវជាច្រើននៅក្នុងគ្រួសារ។ បន្ទាប់ពីសួរយកចម្លើយរួចរាល់ ហើយ សមត្ថកិច្ចបានកសាងសំណុំរឿងជនសសង្ស័យ ទៅកាន់ស្នងការដ្ឋាននគរបាលខេត្ត ដើម្បីបញ្ជូនទៅសាលាដំបូងតាមនីតិវិធី៕

លទ្ធផល៣គូយប់មិញនេះ ៖ ព័រទុយហ្គាល់ ជាមួយ ម៉ារ៉ុក ,អ៊ុយរ៉ាហ្គាយ និង អារ៉ាប៊ីសាអូឌីត,អេស្បាញ និង អ៉ីរ៉ង់

(ម៉ូស្គូ) ការប្រកួត World Cup 2018 នៅរុស្ស៊ី នាយប់ថ្ងៃទី២០ ខែមិថុនា ឆ្នាំ២០១៨ មាន៣គូក្នុងនោះមាន៖ ព័រទុយហ្គាល់ ឈ្នះម៉ារ៉ុក ១-០ ឡើងឈរកំពូលតារាងនៃពូល B ចំណែកអ៊ុយរ៉ាហ្គាយ កក់កៅអីទៅវគ្គក្រុម ខណៈអេស្បាញ បំបាក់ អ៉ីរ៉ង់។

ទី១៖ ព័រទុយហ្គាល់ ជាមួយ ម៉ារ៉ុក

អតីតក្រុមជើងឯកអឺរ៉ុប ព័រទុយហ្គាល់ បានយកឈ្នះក្រុមមកពីទ្វីបអាហ្រ្វិក ម៉ារ៉ុក ១-០។ ជោគជ័យនេះ ធ្វើឲ្យព័រទុយហ្គាល់ ទទួលបាន ៣ពិន្ទុលើកទី១ បន្ថែមពីលើប្រកួតលើកទី១ ដែលទទួលបានមួយពិន្ទុ ឡើងទៅឈរកំពូលតារាងនៃពូល B បណ្តោះអាសន្ននៅ World Cup 2018 ដែលមានរុស្ស៊ីធ្វើម្ចាស់ផ្ទះ។

នេះជាការសឹកម៉ារ៉ុកបានសម្រេចវិញ ក្រោយពេលព័រទុយហ្គាល់ចាញ់ម៉ារ៉ុក ៣-១ កាលពី World Cup 1986 នៅប្រទេសមិចស៊ិក ហើយម៉ារ៉ុកបានក្លាយជាក្រុមទី២ បន្ទាប់ពីអេហ្ស៊ីប ដែលជ្រុះចេញពី World Cup 2018 មុនគេ ក្រោយចាញ់២ប្រកួតដូចគ្នា។ កីឡាករខ្សែប្រយុទ្ធ Cristiano Ronaldo ជាអ្នកតែតគ្រាប់ជ័យជម្នះឲ្យព័រទុយហ្គាល់តាំងពីនាទីទី៤ ក្រោយទទួលបានបាល់ពីមិត្តរួមក្រុម Joao Moutinho។ គ្រាប់ពីការតែតនេះជាគ្រាប់ទី៤ របស់កីឡាករវ័យ ៣៣ឆ្នាំ Ronaldo ។

ទី២៖ អ៊ុយរ៉ាហ្គាយ និង អារ៉ាប៊ីសាអូឌីត

ក្រុមបាល់ទាត់ជម្រើសជាតិអ៊ុយរ៉ាហ្គាយ បានក្លាយជាក្រុមទី២ ដែលបានកក់កៅអីឡើងទៅវគ្គ ១៦ក្រុមចុងក្រោយ។ ១គ្រាប់ជ័យជម្នះរបស់ក្រុមមកពីតំបន់អាមេរិកឡាទីន អ៊ុយរ៉ាហ្គាយ កើតឡើងនៅនាទីទី២៣ ពីការធ្វើបានសម្រេចដោយកីឡាករខ្សែប្រយុទ្ធ Luis Suarez ៣ពិន្ទុបន្ថែមនេះដែរបានធ្វើឲ្យអ៊ុយរ៉ាហ្គាយ បន្តឈរនៅលេខ២ ក្នុងពូល A មាន៦ពិន្ទុស្មើនឹងក្រុមកំពូលតារាងរុស្ស៊ី ក្នុងនាមជាក្រុមឈ្នះ២ប្រកួតដូចគ្នា អ៊ុយរ៉ាហ្គាយត្រូវជួបម្ចាស់ផ្ទះរុស្ស៊ី ខណៈក្រុមហាលអាវដូចគ្នាអារ៉ាប៊ីសាអូឌីត ប៉ះអេហ្ស៊ីបនៅថ្ងៃទី២៥ ខែមិថុនា ឆ្នាំ២០១៨ បញ្ចប់វគ្គជម្រុះនៃពូល A។

ទី៣៖ អេស្បាញ និង អ៉ីរ៉ង់

ក្រុមបាល់ទាត់ជម្រើសជាតិអេស្ប៉ាញ រកបាន៣ពិន្ទុលើកទី១ ក្រោយយកឈ្នះក្រុមអាស៊ី អ៉ីរ៉ង់ ១-០ បញ្ចប់ជុំទី២ ប្រចាំពូល B នៃ FIFA World Cup 2018 នៅប្រទេសរុស្ស៊ី។ ការស៊ុតបញ្ចូលទីតែ១គ្រាប់ពីសំណាក់ខ្សែប្រយុទ្ធ Diego Costa នៅនាទីទី៥៤ ដើមវគ្គទី២ បានជួយឲ្យអតីតក្រុមជើងឯក World Cup ឆ្នាំ២០១០មួយនេះឡើងទៅឈរលេខ២ ប្រចាំពូល B បណ្តោះអាសន្នតាមពីក្រោយព័រទុយហ្គាល់ដែលរកបាន ៤ពិន្ទុដូចគ្នា ១ប្រកួតចុងក្រោយ ដើម្បីបញ្ចប់វគ្គសន្សំពិន្ទុនៃពូល B គឺអេស្ប៉ាញត្រូវជួប ម៉ារ៉ុក ស្របពេលព័រទុយហ្គាល់ ប៉ះអ៉ីរ៉ង់ នៅចុងសប្តាហ៍នេះ៕

ពុទ្ធោច្រើនម្ល៉េះ!! មេក្លោងដឹកជញ្ជូនគ្រឿងញៀនដ៏ធំ ២នាក់ ត្រូវជាប់ជង់កងរាជអាវុធហត្ថខេត្ត…(ចុចអានបន្ត)

មេក្លោងគ្រឿងញៀនដ៏ធំ ២នាក់ត្រូវកងរាជអាវុធហត្ថខេត្តបន្ទាយមានជ័យ ព័ទ្ធចាប់បាន
ដកហូតគ្រឿងញៀនប្រភេទកេតាមីន (ខេហិត) ចំនួន២៥០ដប

បន្ទាយមានជ័យ៖ ការស្ទាក់ចាប់នេះ សមត្ថកិច្ចធ្វើឡើងនៅម៉ោងប្រមាណ៣ និង៤៥នាទីរសៀល ថ្ងៃទី២០ ខែមិថុនា ឆ្នាំ២០១៨ ចំណុចស្ពានតាផាន់ ស្ថិតក្នុងភូមិសែសិន សង្កាត់ព្រះពន្លា ក្រុងសិរីសោភ័ណ ខេត្តបន្ទាយមានជ័យ។

បើតាមសម្តីកម្លាំងអាវុធហត្ថខេត្តបន្ទាយមានជ័យបានឲ្យដឹងថា មានរថយន្ត១គ្រឿងប្រភេទបាឡែន ដែលសង្ស័យថា រថយន្តនេះបានដឹកជញ្ជូនគ្រឿងញៀន ពីខេត្តបាត់ដំបងឆ្លងកាត់ទៅប្រគល់ឲ្យឈ្មួញធំនៅក្រុងប៉ោយប៉ែត។

លោកវរសេនីយ៍ឯក ស ប៊ុនសឿង មេបញ្ជាការរងកងរាជអាវុធហត្ថខេត្តបន្ទាយមានជ័យបានឲ្យដឹងថា ក្រោយពីទទួលបានព័ត៌មាន ពីករណីដឹកជញ្ជូនគ្រឿងញៀនចេញពីខេត្តបាត់ដំបង លោកក៏បានរៀបកម្លាំងចុះប្រតិបត្តិការពួនស្ទាក់នៅចំណុចខាងលើ។ លុះដល់វេលាកើតហេតុ មុខសញ្ញាក៏ចេញមុខមក ហើយកម្លាំងបានចេញរថយន្តបិទជាប់នៅលើស្ពាន។ បន្ទាប់មកក៏បានបង្ខំឲ្យមុខសញ្ញា២នាក់ចេញពីក្នុងរថយន្ត។

ក្នុងប្រតិបត្តិការពួនស្ទាក់នោះ កម្លាំងអាវុធហត្ថបានឆែកឆេររកឃើញវត្ថុតាងគ្រឿងញៀនមួយកាបូបស្ពាយជាប្រភេទកេតាមីន (ខេហិត) ចំនួន២៥០ដប។

វរសេនីយ៍ឯក ស ប៊ុនសឿង បានឲ្យដឹងទៀតថា ចំពោះជនសង្ស័យទាំង២នាក់ដែលសមត្ថកិច្ចឃាត់ខ្លួន ទី១-ឈ្មោះ ឡាយ ទិត្យសីហា ភេទប្រុស អាយុ២៨ឆ្នាំ រស់នៅភូមិជ្រៃកោង សង្កាត់ស្លាកែត ក្រុងបាត់ដំបង ខេត្តបាត់ដំបង ជាមុខសញ្ញាដឹកជញ្ជូនគ្រឿងញៀន ទី២-ឈ្មោះ ឌឿម មិនា ភេទប្រុស អាយុ២២ឆ្នាំ រស់នៅភូមិគីឡូម៉ែត្រលេខ៤សង្កាត់ផ្សារកណ្តាល ក្រុងប៉ោយប៉ែត ខេត្តបន្ទាយមានជ័យ ជាអ្នករត់តាក់ស៊ី។

នៅចំពោះមុខសមត្ថកិច្ចឈ្មោះ ឡាយ ទិត្យសីហា បានសារភាពថា គ្រឿងញៀនទាំងអស់នេះគឺ ឈ្មោះ ចែ ដា រស់នៅក្នុងភូមិជាមួយគ្នា ជាអ្នកឲ្យរូបគេយកទៅឲ្យឈ្មោះ ចែ យ៉ា នៅក្រុងប៉ោយប៉ែត អត់ពាក់ព័ន្ធជាមួយអ្នករត់តាក់ស៊ីនោះទេ។

ជនសង្ស័យទាំងពីរនាក់បច្ចុប្បន្ន សមត្ថកិច្ចកំពុងសួរនាំ និងកសាងសំណុំរឿងចាត់ការតាមច្បាប់៕

កូនស្រីតារាកំប្លែងរបស់នាយកុយ មានសម្រស់ស្រស់ស្អាតមិនចាញ់តារាទេ (សូមទស្សនារូប)

តារាកំប្លែងជើចាស់ គឺនាយកុយ ដែលជាតារាកំប្លែងដ៏ល្អ និងមានភាពប៉ិនប្រសព្វក្នុងអាជិបជាអ្នកកំប្លែងដ៏ល្បីមួយរូប។ ហើយកាលពីពេលថ្មីៗនេះ ក្នុងបុណ្យទិវាឪពុកអន្តរជាតិ ដោយនៅក្នុងនោះមានមនុស្សជាច្រើនបានធ្វើការបង្ហាញសេចក្តីស្រឡាញ់ចំពោះឪពុក តាមរយៈការបង្ហោះរូបភាព ញុំអាហារជួបជុំគ្រួសារ ក៏ដូចជាផ្តល់កាដូជូនលោកឪពុកផងដែរ។

ទន្ទឹងនឹងនោះដែរ តារាកំប្លែងដ៏ល្បីឈ្មោះ លោក នាយកុយ ក៏ទទួលបានការជូនពរ និងការបង្ហោះរូបភាពបង្ហាញពីក្តីស្រឡាញ់ ពីកូនស្រីជាទីស្រលាញ់នៅក្នុងបណ្តាញសង្គមផងដែរ។ កូនក៏បានការបង្ហោះរូបភាពបង្ហាញពីក្តីស្រឡាញ់ របស់ខ្លួន ទៅលោកឪពុក អ្នកគាំទ្រគ្រប់គ្នាបានចាប់អារម្មណ៍ឃើញថា សម្រស់របស់កូនស្រី នាយកុយ ពិតជាស្រស់ស្អាតខ្លាំងណាស់ មិនចាញ់តារាផ្សេងៗនោះទេ ជាមួយនឹងកាតុបតែខ្លួនរបស់នាង ៕

អុញនោះ!! ក្រសួងវប្បធម៏ នឹងហៅតារាសម្តែងកញ្ញា វ៉ាន់ វលក្ខណ៍ និងអ្នកដឹកនាំបទចម្រៀង ”ស្រីមុខលុយ”ទៅ……

ភ្នំពេញ ៖ ឈុតក្រៅឆាករបស់បទចម្រៀង “ស្រីមុខលុយ” ដែល បង្ហាញពីរូបភាពស្រើបស្រាលខ្លាំងទទួលបានការរិះគន់មិនសំច្ចៃមាត់ពីសំណាក់ មហាជនជាច្រើនកន្លងមក។ ដំណឹងចុងក្រោយបានលើកឡើងថា ៖ ក្រសួងវប្បធម៏ ត្រៀមកោះហៅសិល្បករ និងផលិតករ នៃបទចម្រៀងមួយនេះមកធ្វើការអប់រំណែនាំឲ្យបញ្ចប់ការ សម្តែងបទចម្រៀងបែបស្រើបស្រាយនោះ។

រូបភាពនៃឈុតឆាកស្រើបស្រាលពីបទចម្រៀង”ស្រីមុខលុយ” សម្តែងដោយកញ្ញា វ៉ាន់ វលក្ខណ៍ និងដឹកនាំសម្តែងដោយក្រុមផលិតករផលិតកម្ម សាស្ដា បានធ្វើឲ្យលេចចេញការរិះគន់ ខ្លាំងរហូតមហាជនខ្លះប្រដូចទៅនឹងការថតកុនសិច ព្រោះតែ ឈុតឆាកជាច្រើនបង្ហាពីការឱបថើប លូកស្ទាប ស្ទើគ្មានសល់លើរូបរាងកាយ។ កន្លងមកផលិតករប្រចាំផលិតកម្មថោន លោក រិទ្ធ អូមេហ្គា ក៏ធ្លាប់បានរិះគន់ខ្លាំងលើបទចម្រៀងមួយនេះថាជាបទចម្រៀងដែលមានតែឱប ថើបគ្នាលើគ្រែ ក្នុងបន្ទប់ទឹក បែបនេះ ? ។

ធ្វើអ៊ីចឹងទៅទើបល្បី ? ការក្បត់ឧត្ដមកិតិ្ដ វាអាច មានច្រើន រូបភាពមិនចាំបាច់តែមានលុយច្រើន បានគេហៅក្បត់ឧត្ដមកិត្ដិ ទេ ? ចង់ឃើញមុខអ្នកដឹកនាំសម្តែងហ្នឹងមុខម៉េចបានខួរក្បាលគិតចេញតែរឿងអ៊ីចឹង ? ខ្ញុំនិយាយព្រោះខ្ញុំទើស ហើយក្នុងនាមខ្ញុំជាអ្នកផលិតមួយរូបដែរខ្ញុំខ្មាសគេជំនួស ។ គ្មានអ្វីថ្មីបែរជានាំរឿងថោកដល់វិស័យសិល្បៈ មិនបានលើកស្ទួយមកជាន់ពន្លិច យកសិល្បៈជាឈ្នាន់ធ្វើរឿងថោកទាប ។ សុំទោសបើខ្ញុំនិយាយខុស តែខ្ញុំវាទើសភ្នែកពេក ក្រសួង វប្បធម៌គួរចាត់វិធានការលើអ្នកដឹកនាំសម្តែង ឬផលិតកម្មនេះ »។

តាមការបញ្ជាក់ឲ្យដឹងពីមន្ត្រីក្រុមប្រឹក្សាភិបាលវិន័យនៃក្រសួងវប្បធម៌ និងវិចិត្រសិល្បៈបានលើកឡើងថាសំណើរនៃការក្រុមការងារបានធ្វើរួចរាល់ហើយគឺនៅតែការសម្រេចចុងក្រោយរបស់លោកស្រី រដ្ឋមន្ត្រីប៉ុណ្ណោះ។ មន្រ្ដីវប្បធម៏ បាន បញ្ជាក់ថា៖ ប្រសិនបើសំណើរនេះទទួល បានការឯកភាព នោះទាំងសិល្បករ ទាំងផលិតករ នឹងត្រូវអញ្ជើញឲ្យមកទទួលការប្រមាន ពីមន្ត្រីក្រសួងវប្បធម៏ ដើម្បីបញ្ចប់ការផលិតវីដេអូបែបស្រើបស្រាលបន្ត ដែលនាំឲ្យប៉ះពាល់ធ្ងន់ធ្ងរដល់សេចក្តីថ្លៃថ្នូរ និងវប្បធម៌ប្រពៃណី និងប្រាសចាកអំពីការផលិតបែបសិល្បៈនោះ។

ការព្រមាននេះក៏ជាគំរូ ដើម្បីអប់រំដល់សិល្បករ និងផលិតករដទៃ ទៀត ប៉ុន្តែមិនមានការដាក់បម្រាមផ្អាកដល់សកម្មភាពផលិត ឬការសម្តែងរបស់តារាសម្តែងដូចករណីកញ្ញា ដេនី ក្វាន់កន្លងមកនោះទេ ៕