អីយ៉ា!! ទៅដល់ប្រទេសអូស្ត្រាលីភ្លាម កញ្ញា មាស សុខសោភា ចេញវិដេអូភ្លាម…

(តារា)៖ ប្អូនប្រកដជាបានស្គាល់ហើយថា តារាចម្រៀងសំនៀងស្រទន់ គឺកញ្ញា មាស សុខសោភា មានការគាំទ្រយ៉ាងខ្លាំងពីយុវវ័យ នៅពេលនេះដែល កញ្ញាបានទៅដល់ប្រទេសអូស្រា្តលីដោយសុវត្ថិភាព ហើយក៏បានចេញខ្លីបវិដេអូ ការនឹករលឹក ដល់អ្នកគាំទ្រ និងបាននិយាយរៀបរាប់ពីស្ថានភាពនៅទីនោះ គឺមានភាពត្រជាក់យ៉ាងខ្លាំង ។ បន្ទាប់ពីនេះទៀតនោះ កញ្ញាបានផ្ញើក្តីនឹករលឹកដល់អ្នកគាំទ្រ និងអ្នករស់នៅប្រទេសកម្ពុជាទៀតផង៕

តោះកុំឲ្យខាតពេលយូសូមទស្សនាវិដេអូទាំងអស់គ្នា៖
https://www.facebook.com/plugins/video.php?href=https%3A%2F%2Fwww.facebook.com%2FMeasSoksopheaOfficial%2Fvideos%2F10160359538150231%2F&show_text=0&width=267

ដោយ៖ សុវណ្ណ ដេត

នារីដ៏ស្រស់ស្អាត់ ទើបតែអាយុ១៦ឆ្នាំសោះ ធ្វើឲ្យមានការចាប់អារម្មណជាខ្លាំង នៅក្នុងបណ្តាញសង្គម

ហ្វីលីពីន៖ ចំពោះនារីម្នាក់នេះ គឺមានឈ្មោះថា Romica Lyan ជនជាតិហ្វីលីពីន អាយុទើបតែ១៦ឆ្នាំតែប៉ុណ្ណោះ សព្វថ្ងៃនេះ នាងជាតារាចំណូលថ្មី ដោយភាគច្រើន នាង តែងថតស្ពត និង វីដេអូចម្រៀងផ្សេងៗ បែបយុវវ័យផងដែរ។

ជាពិសេស បើងាកទៅចាប់អារម្មណ៍ លើរូបសម្រស់របស់នាង គឺគួរឲ្យស្រលាញ់មិនធម្មតា ជាមួយនឹងទម្រង់មុខ និងច្រមុះស្រួច ដូចកូនកាត់។
នៅក្នុងសង្គមហ្វេសប៊ុក កំពុងតែមានការចាប់អារម្មណ៍យ៉ាងខ្លាំង និងនាំគ្នាស៊ែរ រូបថតនារីវ័យក្មេងម្នាក់ ដែលមានរូបសម្រស់ស្រស់ស្អាត គួរជាទីបេតី បើទោះបីជា នាងមានរូបរាងមានសាច់បន្តិចក៏ដោយ។

ប៉ុន្តែក្នុងនោះ ក៏មានមនុស្សភាគច្រើន បាននិយាយថា នាងទើបតែអាយុ១៦ឆ្នាំ តែនាង ធ្វើខ្លួនស៊ិចស៊ីជ្រុល លើសពីអាយុរបស់នាង ព្រោះមើលទៅ មិនសូវសមនឹងនាង ប៉ុន្មានទេ រហូតមានការរិះគន់ លើការតែងខ្លួនរបស់នាងទៀតផង។ ប៉ុន្តែទោះបីជាយ៉ាងណា Romica Lyan នៅតែបន្តបង្ហោះរូបថតស៊ីអារម្មណ៍ ជាមួយនឹងឈុតប៊ីគីនី នៅក្នុងគណនីអ៊ីនស្តារក្រាម ជាបន្តបន្ទាប់ ដោយមិនខ្វល់ ពីការថាស្តី ពីអ្នកគាំទ្រ ទាក់ទងនឹង ការធ្វើខ្លួនជ្រុលរបស់នាង៕

អុញនោះ!! តេទៅទាលុយកូនបំណុលមិនបាន បបួលគ្នាស្បថនៅប៉ុស្តិប៉ូលិស…

ភ្នំពេញ៖ នៅព្រឹកថ្ងៃទី០៩ខែមិថុនា ឆ្នាំ២០១៨ នៅប៉ុស្តិនគរបាលស្ទឹងមានជយ័ទី១ មានម្ចាស់បណុលនិងកូនបំណុលបាននាំគ្នាមកប្តឹងផ្តល់សមត្ថកិច្ច រឿងជំពាក់លុយជំពាក់គ្នា រវាងអ្នករាប់លុយនិងអ្នកខ្ចីលុយ ដែលសរុបទាំងដើមទាំងចុង១១០០ដុល្លាអាមេរិក ។

ក្រោយពេលខ្ចីលុយបានហើយ ម្ចាស់បំណុលបានតេទូរសព្ទ័ទៅកាន់បុរសជាកូនបំណុល ខណះពេលនោះកូនបំណុលឆ្លើយថា ខ្ញុំមិនសងចង់ទៅប្តឹងសមត្ថកិច្ចណាប្តឹងទៅដោយម្ចាស់លុយក្តៅក្រហាយនិងសម្តីរកូនបំណុលក៏នាំគ្នាមកប្តឹងប៉ូលិសអោយជួយដឹងឮលុះមកដល់ប៉ុស្តិប៉ូលិសស្ទឹងមានជយ័ទី១ ភាគីទាំងសងខាងបានប្រកែកគ្នាបែកអូហូរស្ទឹង ដោយបុរសជាកូនបំណុលបានប្រកែកថា គាត់អត់បាននិយាយពាក្យនេះទេតែស្ត្រីម្ចាស់លុយ ក៏តបថាកូនបំណុលគាត់និយាយពាក្យឈ្លើយបែបនេះដាក់គាត់ដោយមិនអស់ចិត្តដោយមានការសម្របសម្រួលពីសមត្ថកិច្ចផងដែរ ។

ភាគីទាំងសងខាងបានទិញធូបម្នាក់មួយបាច់មកស្បថក្នុងប៉ុស្តិប៉ូលិស ហើយអោយសមត្ថកិច្ចធ្វើកិច្ចសន្យាបញ្ចប់រឿងហើយនាំគ្នាទៅផ្ទះវិញរៀងៗខ្លួន។

ប្រភព៖ FB

លង់ខ្លួនជាមួយមិត្តវិទ្យាល័យ ក្លាយជាអ្នកដឹកជញ្ជូននិងស្តុកទុក គ្រឿងញៀនតំលៃ ១០០លានបាត

ថៃ ៖ ក្មេងប្រុសអាយុ ១៧ ឆ្នាំម្នាក់ត្រូវបានចាប់ខ្លួនរួមជាមួយនិងថ្នាំញៀនជាច្រើនប្រភេទដូចជា Methamphetamine , Crystal meth , Ecstasy និង Ketamine ដែលមានតម្លៃរហូតដល់ប្រហែលជា ១០០ លានបាត ( ៣ ១១២ ០០០ ដុល្លារ ) ដែលបានរឹបអូសយកពីក្នុងអគារផ្ទះល្វែងមួយកន្លែងស្ថិតក្នុងសង្គាត់ Lat Phrao ក្រុងបាងកកកាលពីថ្ងៃពុធ ។ ជនសង្ស័យវ័យក្មេងរូបនេះត្រូវបានគេចាប់ខ្លួននៅខាងក្រៅអគារ Ban Nepphakhun ជាផ្ទះល្វែងមួយនៅលើផ្លូវ Lat Pla Khao ក្នុងតំបន់ Chorakhe Bua ប្រហែលម៉ោង ១០ យប់ថ្ងៃពុធ នេះបើតាមសំដីលោកស្នងការរង Ruechakorn Jorajewut ដែលបានថ្លែងប្រាប់សន្និសីទព័ត៌មានមួយនៅថ្ងៃសុក្រនេះ។

លោកបានមានប្រសាសន៍បន្ថែមទៀតថាមុននិងឈានដល់ការចាប់ខ្លួនយុវជនខាងលើរូបនេះបានធ្វើឡើង បន្ទាប់ពីមានការសើុបអង្គេតមួយបានរកឃើញថាមានក្រុមជួញដូរគ្រឿងញៀនដ៏ធំមួយកំពុងប្រតិបត្តិការនៅទីក្រុងបាងកកដែលបានចែកចាយថ្នាំញៀនដល់អតិថិជនរបស់ពួកគេនៅសង្កាត់ Chatuchak ,Lat Phrao ,Kannayao ,Min Buri និងតំបន់ក្បែរនោះ ។ យុវជនម្នាក់នេះត្រូវបានគេតាមដានអស់ពេលជាយូរមកហើយនៅទីបំផុតគាត់ត្រូវបានឃាត់ខ្លួននៅមុខកន្លែងស្នាក់នៅរបស់គាត់រួមជាមួយកាបូបស្ពាយដែលមានផ្ទុកថ្នាំញៀនផងដែរ ក្រោយពីបានធ្វើការឆែកឆេក្នុងបន្ទប់គេងរបស់គាត់រួចគេបានរកឃើញថាមានថ្នាំញៀនជាច្រើន ។

ប៉ូលីសបាននិយាយថាគ្រឿងញៀនទាំងអស់ត្រូវបានគេរត់ពន្ធមកពីភាគខាងជើងទៅបាងកក ពួកគេជឿថាបន្ទប់នេះត្រូវបានគេប្រើដើម្បីរក្សាទុកថ្នាំយ៉ាងហោចណាស់មួយឆ្នាំ ។ បន្ទាប់ពីបានធ្វើការសាកសួរជនសង្ស័យរួចគាត់បានសារភាពថាគាត់បានធ្វើការជាអ្នកដឹកជញ្ជូនឥវ៉ាន់ដោយបានផ្ដល់ថ្នាំញៀនដល់អតិថិជនរបស់ពួកគេអស់រយះពេលពីរខែមកហើយ ដោយគេទទួលបានប្រាក់ ១០,០០០ ទៅ ២០,០០០ បាតសម្រប់ការដឹកជញ្ជូនរបស់គាត់ក្នុងមួយជើង ។ គាត់បន្តទៀតថាមិត្តភ័ក្តវិទ្យាល័យម្នាក់របស់គាត់ជាអ្នកនាំអោយធ្វើនោះទេ តែគាត់មិនបានជាប់ពាក់ព័ន្ធក្នុងការទិញដូរ និងប្រើប្រាស់គ្រឿងញៀនទេ ៕

ប្រភព ៖ BANGKOK POST
ប្រែសម្រួល ៖ RathDy

Kane បានសម្រេចផ្ញើវាសនានៅ Tottenham ៦ ឆ្នាំទៀតជាមួយនឹងកុងត្រាដល់ ២០២៤

ខ្សែប្រយុទ្ធ Harry Kane និងក៏ជាប្រធានក្រុមជម្រើសជាតិអង់គ្លេសបានបញ្ចប់ការចុះហត្ថលេខាបន្តកុងត្រាថ្មីរបស់ខ្លួនចំនួន ៦ ឆ្នាំបន្ថែមទៀតជាមួយក្រុមមាន់ខ្នាយមាស Tottenham Hotspur ដែលមានន័យថា Kane ត្រូវជាប់កុងត្រាជាមួយក្រុមនៃលីកកំពូលរបស់អង់គ្លេសមួយនេះរហូតដល់ឆ្នាំ ២០២៤ ។ កីឡាករវ័យ ២៤ ឆ្នាំរូបនេះស៊ុតបញ្ចូលទីបាន ៣០ គ្រាប់ពីការប្រកួតនៅក្នុងលីកឲ្យ Tottenham ឈរនៅលើចំណាត់ថ្នាក់លេខ ៣ ក្នុងតារាង Premier League របស់អង់គ្លេសកាលពីរដូវកាលមុន និងបានធានាកៅអីទៅប្រកួតពានរង្វាន់នៃលីកកំពូលរបស់អឺរ៉ុប UEFA Champions League រដូវកាលក្រោយ។ ហើយថ្មីៗនេះដែរគាត់បានក្លាយជាកីឡាកររកគ្រាប់បញ្ចូលទីបានច្រើនជាងគេរបស់ Spurs ក្នុងប្រវត្តិសាស្ដ្រលីកកំពូលរបស់អង់គ្លេស។

កុងត្រាចាស់របស់ Kane ដែលបានបន្តម្ដងរួចមកហើយកាលពីចុងឆ្នាំ ២០១៦ និងដែលត្រូវបានគេរាយការណ៍ឲ្យដឹងថាកុងត្រារបស់គាត់នាពេលនោះគឺមានតម្លៃរហូតដល់ ១០ ម៉ឺនផោនក្នុងមួយអាទិត្យនោះគឺត្រៀមនឹងផុតនាឆ្នាំ ២០២២ ខណៈដែលនៅក្នុងកុងត្រាថ្មីនាពេលនេះគឺ Kane នឹងទទួលបានប្រាក់ឈ្នួលទ្វេរជាពីរធៀបនឹងកុងត្រាចាស់។ ហើយបើតាមខ្សែវីដេអូដែលត្រូវបានផុសទៅក្នុងទំព័របណ្ដាញសង្គម Twitter របស់ Spurs, Kane បាននិយាយថា ៖ “ខ្ញុំទើបតែបានចុះហត្ថលេខាលើកុងត្រាថ្មីមួយ និងរីករាយនឹងធ្វើវា ហើយខ្ញុំអន្ទះសារចង់ឃើញអ្នកគាំទ្រទាំងអស់នៅក្នុងកីឡដ្ឋានរដូវកាល។”

កាលពីឆ្នាំ ២០១៧ Kane បានបញ្ចប់រដូវកាលជាមួយនឹងការឈរលើកំពូលចំណាត់ថ្នាក់កីឡាករដែលរកគ្រាប់បាល់បញ្ចូលទីច្រើនដាច់គេនៅអឺរ៉ុប គឺរកបានដល់ ៥៧ គ្រាប់សម្រាប់ក្លិប និងជម្រើសជាតិ។ ហើយលើសពីនោះគាត់បានបំបែកកំណត់ត្រារបស់អតីតប្រធានក្រុមជម្រើសជាតិអង់គ្លេស Alan Shearer ក្នុងនាមជាកីឡាករស៊ុតបញ្ចូលទីបានច្រើនបំផុតនៅលីកកំពូលរបស់អង់គ្លេសក្នុងរយៈពេល ១ ឆ្នាំ ដោយពេលនោះគឺគាត់ស៊ុតបាន ៣៩ គ្រាប់។

ប្រែសម្រួល ៖ ភក្ដី

ហេតុតែចង់បាន Neymar ប្រធានក្លិប Real Madrid ហ៊ានធ្វើដល់ម្លឹង!!!

ប្រធានក្លិបអធិរាជស Real Madrid លោក Florentino Perez ត្រូវបានគេរាយការណ៍ឲ្យដឹងថាលោកមានការធុញទ្រាន់នឹងស្ថានភាពរបស់ខ្សែប្រយុទ្ធ Cristiano Ronaldo និងការបង្ហាញនូវចេតនាចង់ចាកចេញពីក្លិប ខណៈដែលលោក Perez ត្រៀមរួចជាស្រេចក្នុងការយកតារាបាល់ទាត់ឆ្នើមសញ្ជាតិព័រទុយហ្គាល់រូបនេះទៅប្ដូរយកខ្សែប្រយុទ្ធ Neymar ពីក្រុមយក្សរបស់បារាំង Paris Saint Germain ។ នេះបើតាមសេចក្ដីរាយការណ៍របស់កាសែតអេស្ប៉ាញ Don Balon ។

ប្រភពដដែលបានឲ្យដឹងបន្ថែមទៀតថាលោក Perez មិនត្រឹមតែចង់យក Ronaldo ទៅដូរយក Neymar អតីតខ្សែប្រយុទ្ធរបស់ក្រុមអ្នកមានបុណ្យ Barcelona ប៉ុណ្ណោះទេ ប៉ុន្តែគាត់នឹងផ្ដល់ឲ្យ PSG នូវទឹកប្រាក់មួយចំនួនបន្ថែមទៀត ខណៈដែល Real Madrid ដែលជាក្រុមនៃលីកកំពូលរបស់អេស្ប៉ាញមួយនេះយល់ថា Neymar គឺជាគ្រឹះសម្រាប់គម្រោងថ្មីរបស់ពួកគេ។ ចំណែក Ronaldo ត្រូវគេជឿថាគាត់ទំនងជានឹងពេញចិត្តជាមួយការផ្ទេរទៅលេងនៅ PSG បើទោះបីជាមានពាក្យចរចាមអារ៉ាមខ្លះថាគាត់ចង់ត្រលប់ទៅកាន់ក្រុមបិសាចក្រហម Manchester United វិញក៏ដោយ។

Neymar ខ្សែប្រយុទ្ធនៃក្រុមជម្រើសជាតិប្រេស៊ីលបានចាកចេញពីទឹកដីអេស្ប៉ាញទៅលេងនៅទឹកដីបារាំងកាលពីឆ្នាំទៅ ក្រោយពីបញ្ចប់ការផ្ទេររបស់ខ្លួនចេញកីឡដ្ឋាន Camp Nou របស់ Barcelona ទៅកាន់កីឡដ្ឋាន Parc des Princes របស់ PSG ក្នុងតម្លៃខ្លួនបំបែកកំណត់ត្រាពិភពលោក ២២២ លានអឺរ៉ូ។ ហើយចាប់តាំងពីពេលនោះមក Neymar ជារឿយៗត្រូវបានគេផ្សាភ្ជាប់គាត់ជាមួយនឹងការផ្លាស់មក Real Madrid ។

ប្រែសម្រួល ៖ ភក្ដី

ចាងហ្វាងសំដីធ្ងន់ សាន ប៊ុនធឿន ត្រូវបានរងការប្តឹងទាសំណង ៣0,000 ដុល្លា ?

លោកសាន ប៊ុនធឿន ដែលមហាជនបានស្គាល់ថាជាចាងវ៉ាងកាសែត សម្លេងសារព័ត៍មានស្នេហាជាតិ បេលមួយនោះគាត់បានចុះទៅយកពត៍មានមួយកន្លែង ហើយបានធ្វើការឡាយវីដេអូទៅលើបណ្តាញសង្គមហ្វេសប៊ុក ស្រាប់តែមានគរណីហ្វេសបុកឈ្មោះ Khan Sovan ចូលមក Comment ក្នុងផេករបស់គាត់ ដែលគាត់កំពុងតែឡាយនោះ ធ្វើអោយលោកសាន ប៊ុន ខឹង ទៅលើអាខោនហ្វេសប៊ុក ឈ្មោះ Khan Sovan ហើយក៍បានជេរទៅ លើអាខោនហ្វេសប៊ុកសុទ្ធតែ ប៉ាភ្លឿ…។

ដោយឡែក លោក Khan Sovan ក៍បានប្តឹងទៅលោក សាន ប៊ុនធឿន ដោយទាសំណង ៣មឺុនដុល្លា ដោយគាត់បានបង្ហោះសារនៅលើ គរណីគាត់ថា “ថ្ងៃនេះយើងបានសម្រេចចិត្តប្តឹងលោកសាន ប៑ុនធឿននេះជាផ្លូវការហើយ… ៣មុឺនដុល្លា… សូមប្រកាសថាយើងបិទច្រកសុំទោស១០០%!
អាស្រ័យហេតុនេះ សូមអស់លោកបក្សអារលាយរង្សីមេត្តាជ្រាបជាដំណឹងនិងសូមត្រៀមលុយជួយលោកចុងបណ្តឹងរូបនេះផងណាទាន!!!” ៕

តោះបើចង់ជ្រាបកាន់តែច្បាស់សូមទស្សនាវិដេអូ៖

https://www.facebook.com/plugins/video.php?href=https%3A%2F%2Fwww.facebook.com%2Fpu.kour%2Fvideos%2F590434584674371%2F&show_text=0&width=560

ប្រភព៖ Khan Sovan

បន្ទាប់ពីបានមើលវិដេអូនេះហើយ តើអ្នកណាខ្លះយល់អារម្មណ៍មួយនេះ..?

គ្រប់មនុស្ស សត្វ ដែលកើតមករស់នៅលើផែនដីយើងនេះ តែងតែកើតចាស់ ឈឺស្លាប់ វាជារឿងធម្មជាតិ ដែលយើងមិនអាចជៀសផុត ឬគេចវេសវាបានឡើយ ។

បើយើងក្រឡេកមកមើលវូងស្វាមួយក្រុម ដែលវាកំពុងតែជួបរឿងដែលគួឲ្យសោកស្តាយមួយ កូនរបស់សមាជិកក្នុងវូងវានៅបាន ធ្លាក់ពីលើដើមឈើស្លាប់ បើយើងទៅតាមវិដេអូគួឲ្យសង្វេកខ្លាំងមែនទែន ។

បើយើងមើលទៅមេរបស់កូនស្វាមួយក្បាលនោះ ហាក់បីដូចជាដាស់កូនវា ឲ្យភ្ញាក់ និងចង់ធ្វើអ្វីម្យ៉ាងដើម្បីឲ្យកូនរបស់វារស់ឡើងវិញ ដោយខំហិតកូន ស្ដាប់សំលេងបេះដូងកូនវា ដោយនឹកក្នុងគិតថាកូនរបស់វាមិនទាន់ស្លាប់អញ្ចឹង នេះហើយទឹកចិត្តម្តាយ មិនថាមនុស្ស សត្វរមែងតែស្រឡាញកូនរបស់វាជានិច្ច៕

សូមទស្សនាវិដេអូខាងក្រោម៖

https://www.facebook.com/plugins/video.php?href=https%3A%2F%2Fwww.facebook.com%2FMundosPerdidosOFC%2Fvideos%2F1942684212456729%2F&show_text=0&width=560

ដោយ៖ សុវណ្ណ ដេត

កម្ពុជាអំពាវនាវរកជំនួយកាគាំទ្រ ការប្រែប្រួលអាកាសធាតុ…

រាជរដ្ឋាភិបាលកម្ពុជា បានអំពាវនាវដល់ប្រទេសអភិវឌ្ឍន៍ខ្លាំងឱ្យចូលរួមផ្តល់ថវិកាគាំទ្រសកម្មភាពឆ្លើយតបការប្រែប្រួលអាកាសធាតុ ។

ថ្លែងក្នុងសន្និសីទស្តីពី«ការធ្វើសមាហរណកម្មផែនការនៃការចូលរួមចំណែករបស់រដ្ឋភាគី ក្នុងការអនុវត្តអនុញ្ញាតក្របខណ្ឌសហប្រជាជាតិ ស្តីពីការប្រែប្រួលអាកាសធាតុទៅក្នុងផែនការអភិវឌ្ឍន៍ជាតិ» ក្នុងរាជធានីភ្នំពេញ នៅថ្ងៃទី៧ ខែមិថុនានេះ ឯកឧត្តម អ៊ាង សុផល្លែត អនុរដ្ឋលេខាធិការក្រសួងបរិស្ថាន បានបញ្ជាក់ថា កម្ពុជាត្រូវការទាំងជំនួយហិរញ្ញវត្ថុ និងបច្ចេកទេស សម្រាប់អនុវត្តនៅក្នុងគម្រោងបន្ស៊ាំការប្រែប្រួលអាកាសធាតុ កម្មវិធីអប់រំ បណ្តុះបណ្តាល លើកកម្ពស់ការយល់ដឹងដែលឈានទៅកាត់បន្ថយការប្រែប្រួលអាកាសធាតុ។ ឯកឧត្តម បន្តថា រាជរដ្ឋាភិបាលនៅតែត្រូវការដៃគូដើម្បីបង្កើនការគាំទ្រដល់ផ្នែកហិរញ្ញប្បទាន សម្រាប់គម្រោងបន្ស៊ាំនឹងការប្រែប្រួលអាកាសធាតុ។

លោក និក បេរិសហ្វត(Nick Beresford) នាយកប្រចាំប្រទេសកម្ពុជានៃកម្មវិធីអភិវឌ្ឍន៍របស់អង្គការសហប្រជាជាតិ បានបង្ហាញពីជំហរចូលរួមផ្តល់នូវដំណោះស្រាយផ្នែកហិរញ្ញប្បទាន ដែលមានលក្ខណៈច្នៃប្រឌិត ដើម្បីជួយដល់រាជរដ្ឋាភិបាលកម្ពុជាសម្រេចបានក្នុងការប្តេជ្ញាចិត្តដោះស្រាយបញ្ហាប្រែប្រួលអាកាសធាតុ និងពន្លឿនវឌ្ឍនភាពនៃការអនុវត្តគោលដៅអភិវឌ្ឍន៍ប្រកបដោយ ចីរភាព។

យោងតាមរបាយការណ៍ស្តីពីលទ្ធផលសិក្សាស្រាវជ្រាវ អំពីម៉ូដែលផលប៉ះពាល់នៃការប្រែប្រួលអាកាសធាតុលើកំណើនសេដ្ឋកិច្ចកម្ពុជាសម្រាប់ឆ្នាំ២០១៨នេះ បានបង្ហាញថា ការប្រែប្រួលអាកាសធាតុអាចធ្វើឱ្យផលិតផលក្នុងស្រុកសរុបរបស់កម្ពុជា ធ្លាក់ចុះបើសិនជាគ្មានការទប់ស្កាត់ទាន់ពេលវេលា៕

ប្រជាលពរដ្ឋជាអ្នកចោលសំរាមបោះចូលប្រឡាយ លូ,នៅពេលមានភ្លៀងម្ដងៗធ្វើឱ្យទឹកលិចផ្លូវ តើបន្ទោសអ្នកណា?

ភ្នំពេញ៖ តើអ្នកណាជាចោលសំរាមបោះចូលប្រឡាយ,នៅពេលមានភ្លៀងម្ដងៗធ្វើឱ្យទឹកលិចផ្លូវ តើបន្ទោសអ្នកណា?
កន្លងគេតែងឃើញប្រជាពលរដ្ឋរស់នៅជិតៗប្រឡាយ និងលូ បានបោះសំរាមនិងកាកសំណល់ចូល ហើយអ្នកនៅឆ្ងាយពីប្រឡាយ និងលូក៏ជិះកង់និងម៉ូតូយកសំរាមមកចោលដូចគ្នាហើយបើទាំងអស់គ្នានាំគ្នាយកសំរាមបោះចូលប្រឡាយ,លូបែបនេះរាល់ថ្ងៃលុះដល់ពេលមានភ្លៀងម្ដងៗធ្វើឱ្យទឹកលិចផ្លូវ លិចផ្ទះបែរជានាំគ្នាបន្ទោសអាជ្ញាធរមិនមើលទៅវិញ។

គេសង្កេតឃើញថា៖កន្លងមកមានពលរដ្ឋមួយចំនួននៅតែចោលសំរាមចូលប្រឡាយនិងលូ ចុះបើម្នាក់ៗធ្វើបែបនេះតើឱ្យទឹកហូរទៅតាមណា បើសំរាមពេញក្នុងលូ និងប្រឡាយអញ្ចឹង ? សូមគិតទៅមើលតើអ្នកណាខ្លះជាអ្នកធ្វើឱ្យមានសម្រាមពេញក្នុងលូ និងប្រឡាយ ? នៅពេលមានភ្លៀងម្ដងៗធ្វើឱ្យទឹកលិចផ្លូវ នាំគ្នាស្ដីបន្ទោសអាជ្ញាធរ?។ អ្នករិះគន់និយាយថា៖ក្នុងនោះក៏មានបងប្អូនយើងមួយចំនួនមានលុយមានកាក់និងមានបុណ្យស័ក្តបានទៅលេងស្រុកគេឬនៅបរទេសមកស្រុកវិញតែងតែសរសើរប្រទេសគេស្អាតជាងប្រទេសយើងនៅពេលទៅស្រុកគេវិញមានសំរាមក្នុងដៃគឺមិនហ៊ានបោះចោលផ្ដេសផ្ដាស់ទេខ្លាចគេផាកពិន័យគឺប្រឹងដើររកធុងសម្រាមតែបើចូលដល់ដីខ្មែរភ្លាមមើលតែកន្លែងស្ងាត់ល្អបោះចោលភ្លែត។ដូច្នេះពីពេលនេះទៅមុខសូមបងប្អូនប្រជាពលរដ្ឋ ផ្លាស់ប្តូរទម្លាប់ពីការបោះសំរាមពាសវាលតាមទីសាធារណៈ មកជាការទុកដាក់សំរាមឲ្យបានត្រឹមត្រូវ ចេះវេចខ្ចប់ ទុកដាក់សំរាមក្នុងធុង និងបញ្ចេញសំរាមតាមពេលកំណត់ដើម្បីសោភ័ណ្ឌភាពរាជធានីភ្នំពេញយើងទាំងអស់គ្នា។
កន្លងមកសាលារាជធានីភ្នំពេញបានធ្វើការអំពាវនាវដល់បងប្អូនប្រជាពលរដ្ឋទូទៅឈប់បោះចោលសំរាមពាសវាលតាមទីសាធារណៈ មកជាការទុកដាក់សំរាមឲ្យបានត្រឹមត្រូវ ចេះវេចខ្ចប់ ទុកដាក់សំរាមក្នុងធុង និងបញ្ចេញសំរាមតាមពេលកំណត់៕