រថយន្តធុនធំ ២គ្រឿង បុកគ្នាលាន់ដូចរន្ទះលើផ្លូវជាតិលេខ៣ បណ្តាលអោយមានរងរបួសធ្ងន់…(មានវិដេអូ)

ខេត្តកំពត៖ គ្រោះថ្នាក់ចរាចរណ៍ដ៍រន្ធត់មួយបានកើតឡើងកាលពីវេលាម៉ោង៨និង៥០នាទីព្រឹកថ្ងៃទី០៣ ខែមិថុនា ឆ្នាំ២០១៨នេះ លើកំណាត់ផ្លូវជាតិលេខ៣ កំពត-ព្រះសីហនុ ចំណុចខាងលិច ផ្លូវចូលកំពុងផែថ្មីវិញហួរ ចម្ងាយ ១០០ម៉ែត្រ ស្ថិតក្នុង ភូមិគីឡូ១២ ឃុំកោះតូច ស្រុកទឹកឈូ ខេត្តកំពត។

បើតាមសម្តីអ្មកនៅក្បែរនោះបានប្រាប់ថា មុនពេលកើតហេតុ គេឃើញរថយន្តដឹកជញ្ជូន ធន់ធំ ម៉ាក ហ៊ីយិនដាយ ពណ៌ស ពាក់ស្លាក លេខ សៀមរាប 3A-1505 បើកបរក្រោមមេឃ កំពុងធ្លាក់ភ្លៀង ក្នុងល្បឿនលឿន ទិសដៅពីលិចទៅកើត លុះជិតដល់ចំណុចកើតហេតុ បានបើកវ៉ាម៉ូតូ មួយគ្រឿង ហើយក៏រអិល ជ្រុលទៅបុករថយន្តធន់ធំ មួយគ្រឿងទៀត ម៉ាកហ្វុយសូ ពណ៌ស ដែលខ្ទាតស្លាកលេខធ្លាក់បាត់ ក្នុងទិសដៅបញ្ជ្រាស់គ្នា លាន់ដូចរន្ទះបាញ់ក៏បណ្តាលឲ្យ តៃកុងនិងព្រូរថយន្ត ពីរនាក់ ដែលមិនទាន់ស្គាល់ឈ្មោះ រងរបួសធ្ងន់។

រីឯអ្នកបើកបររថយន្តហ៊ីយិនដាយ សំណាងល្អមិនមានគ្រោះថ្នាក់ ហើយក្រោយហេតុការណ៍ភ្លាម បានចុះរត់គេចខ្លួនបាត់ ៕

(មានវិដេអូ)

https://www.facebook.com/plugins/video.php?href=https%3A%2F%2Fwww.facebook.com%2Fcampost.news%2Fvideos%2F1948377275214779%2F&show_text=0&width=560
https://www.facebook.com/plugins/video.php?href=https%3A%2F%2Fwww.facebook.com%2Fcampost.news%2Fvideos%2F1948377398548100%2F&show_text=0&width=560

ដោយ៖ សុវណ្ណ ដេត
ប្រភព៖ FB

ចោរបិទមុខ១ក្រុម បានផ្លោះរបងចូលទៅក្នុងរោងចក្រយកបា្រក់អស់រលីង…(ចុចអានបន្ត)

ភ្នំពេញ ៖ ចោរមួយក្រុម ហែករបង ចូលគាស់ទូរដែកក្នុងរោងចក្រដេរស្បែកជើង យីហោ«ម៉ារូ ឈុន »យកបា្រក់អស់រលីង ហេតុការណ៍ខាងលើនោះបានបង្កឲ្យមានការភ្ញាក់ផ្អើលកាលពីវេលាម៉ោង៨និង២០នាទីព្រឹកថ្ងៃទី៣ ខែមិថុនា ឆ្នាំ២០១៨ នៅក្នុងរោងចក្រយីហោ«ម៉ារូ ឈុន» ដែលមានទីតាំងស្ថិតនៅក្នុងជិតផ្សារទួលពង្រ ស្ថិតនៅក្នុងភូមិទួលពង្រ សង្កាត់ចោមចៅ១ ខណ្ឌពោធិ៍សែនជ័យ រាជធានីភ្នំពេញ។

តាមប្រភពព័ត៌មានបានឲ្យដឹងថា តាមការត្រួតពិនិត្យកាមេរ៉ាសុវត្ថិភាពក្រុមចោរមានគ្នាច្រើននាក់ពាក់ម៉ាស់បិទមុខ ហើយបានធ្វើសកម្មភាពគាស់ទូដែកទាំង២នោះរយៈពេលយូរដែរទំរាំតែរួច។ មិនតែប៉ុណ្ណោះពួកចោរបានកាត់លួសបន្លារបងពីចំហៀងដែលជាកន្លែងស្ងាត់ចូលទៅក្នុងរោងចក្រ ហើយពេលធ្វើសកម្មភាពបានសម្រេចក៏បានចេញទៅវិញតាមច្រកដដែលនោះវិញដែរ។

ចំណែកប្រាក់ដែលត្រូវបាត់បង់នោះមិនទាន់ដឹងថាមានចំនួនប៉ុន្មាននៅឡើយទេ ប៉ុន្តែលុយសម្រាប់បើកឲ្យកម្មករនៅមិនទាន់បានយកទៅទុកនៅទីនោះនៅឡើយទេ។

ប្រភពដដែលបានបន្តទៀតថា ក្រុមចោរបានចូលទៅធ្វើសកម្មភាពនៅវេលាម៉ោងជិត៣ទៀបភ្លឺឈានចូលថ្ងៃទី៣ ខែមិថុនា ហើយសន្តិសុខដែលយាមនៅទីនោះមិនបានដឹងឡើយ ។ រហូតដល់វេលាម៉ោង៨និង២០នាទីព្រឹកថ្ងៃដដែលទើបមានការភ្ញាក់ផ្អើលបន្ទាប់ពីថៅកែចូលទៅដល់ក្នុងរោងចក្រ ហើយចូលទៅពិនិត្យឯកសារនៅក្នុងបន្ទប់នោះ ស្រាប់តែឃើញមានស្នាមគាស់បន្ទប់ និងគាស់ទូដែក ចំណែកអីវ៉ាន់មានស្ថានភាពរប៉ាត់រប៉ាយ ។ បន្ទាប់មកក៏បានទៅប្ដឹងនគរបាលឲ្យចុះទៅពិនិត្យមើលដើម្បីកសាងសំណុំរឿងស្រាវជ្រាវរកក្រុមចោរទាំងនោះនិងចាប់ខ្លួនចាត់ការតាមច្បាប់៕
ប្រភព៖ FB

ចេញពីផឹកស៊ីផ្ទះមិត្តភក្កិ បែកគំនិតឆក់ ត្រូវជាប់អន្ទាក់ប៉ូលីស..(ចុចអានបន្ត)

បន្ទាយមានជ័យ ៖ ចោរវយ័ក្មេង២នាក់ ជាប់អន្ទាក់ប៉ូលីស បន្ទាប់ពីឆក់កាបូប ពីស្ត្រីម្នាក់បណ្តាលអោយដួលម៉ូតូរងរបួសធ្ងន់ ហេតុការណ៍នេះបានកើតឡើងកាលពី ថ្ងៃទី០២ខែ មិថុនា ឆ្នាំ២០១៨ នៅចំណុចបេនឡានចាស់ ស្ថិតក្នុងភូមិ៣ សង្កាត់ព្រះពន្លា ក្រុងសិរីសោភ័ណ ខេត្តបន្ទាយមានជ័យ។

ជនសង្ស័យទាំង២នាក់រួមមាន៖
១-ឈ្មោះទិត្យ រ៉ាពី ភេទប្រុសអាយុ១៧ឆ្នាំ
២- ឈ្មោះ ហែម រតនាភេទប្រុសអាយុ១៥ឆ្នាំ

លោកវរសេនីយ៍បន្តថានៅមុនពេលកើតហេតុនោះជនរងគ្រោះឈ្មោះ វ៉ា ដារិន ភេទស្រី អាយុ៤៩ឆ្នាំ រស់នៅភូមិកន្ទួត សង្កាត់កំពង់ស្វាយ ក្រុងសិរីសោភ័ណ ខេត្តបន្ទាយមានជ័យ បានជិះម៉ូតូចេញពីផ្សារថ្មីសំដៅមកបេនឡាន។

ក្មេងស្ទាវ២នាក់ជិះម៉ូតូទៅផឹកស្រានៅផ្ទះមិត្តភក្តិហើយបានចេញមកធ្វើសកម្មភាពនៅបេនឡានចាស់ក៏ឆក់យកកាបូបបណ្តាលឲ្យដួលទៅលើថ្នល់ជាតិបណ្តាលឲ្យរបួសធ្ងន់។
ជនរងគ្រោះត្រូវបានប្រជាពលរដ្ឋដឹកយកទៅសង្គ្រោះនៅមន្ទីពេទ្យភ្លាមៗ ចំណែកជនល្មើសគេចខ្លួនបន្ទាប់ពីធ្វើសកម្មភាពរួច។
ហើយមិនបានប៉ុន្មានផងនោះជនសង្ស័យត្រូវបានសមត្ថកិច្ចចាប់បានផងដែរ ជនសង្ស័យបានឆ្លើយសារភាពថាខ្លួនពិតជាបានឆក់កាបូបរបស់ជនរងគ្រោះនោះមែន ព្រោះឃើញគាត់តែម្នាក់ឯង ហើយទំនងជាមានលុយកាក់ច្រើនហើយមើលទៅ ។
បច្ចុប្បន្នជនសង្ស័យត្រូវបានកម្លាំងជំនាញកសាងសំណុំរឿងបញ្ជូនទៅតុលាការហើយ៕

ដោយ៖ សុវណ្ណ ដេត

ជនជាតិខ្មែរម្នាក់ជាប់ចោទពីបទបង្ហោះព័ត៌មានខ្លែងក្លាយ ឥឡូវនេះប៉ូលិសថៃនាំខ្លួនទៅដល់ប្រទេសថៃហើយ

អាជ្ញាធរអាកាសយានដ្ឋានសុវណ្ណភូមិ សាមុតព្រាកាន ឧត្តមសេនីយ៍នាយករដ្ឋមន្ត្រីរងលោក អនុប្រធានប៉ូលីសប៉ុល។ 2. លោក Kittipong Kittikachorn នាយកនាយកដ្ឋានសន្តិសុខព្រលានយន្តហោះសុវណ្ណភូមិ និងបាននាំខ្លួន លោក ហេង រតនៈ មកពីកម្ពុជា ក្រោយមានដីកាចាប់ខ្លួនចេញដោយតុលាការតាមឧក្រិដ្ឋកម្មលេខ 1154/2561 ចុះថ្ងៃទី30 ខែឧសភាឆ្នាំ2011 ស្តីពីបទល្មើសបច្ចេកវិទ្យ ដោយបង្កឲ្យមានភាពចលាចលយ៉ាងខ្លាំងនៅក្នុងប្រទេសថៃ។

លោក Surachet Khunpaban អនុប្រធានអគ្គមេបញ្ជាការកងទ័ពអាកាសថៃ បានអមដំណើរក្រុមនេះទៅធ្វើទស្សនកិច្ចនៅការិយាល័យកណ្ដាលរក្សាសន្តិភាពកម្ពុជាដើម្បីជួបជាមួយឧត្តមសេនីយ៍សឺចចាម។ អគ្គមេបញ្ជាការ និងមេបញ្ជាការនៃបញ្ជាការសន្តិសុខស៊ីវិលកម្ពុជា។ ដើម្បីពិភាក្សាវិធីសាស្រ្តស៊ើបអង្កេតក្នុងការសម្របសម្រួលការចាប់ខ្លួន លោក ហេង រតនៈ ជាជាតិកម្ពុជា។ ដោយត្រូវបានចោទប្រកាន់ដោយចៅក្រមតុលាការលេខ 1154/2561ចុះថ្ងៃទី30 ខែឧសភាឆ្នាំ 2018ក្នុងការបង្កើតព័ត៌មានខ្លែងក្លាយ។

ដោយលោក ហេង រតនៈត្រូវបានចាប់ខ្លួន នៅក្នុងហាងលោកអីវ៉ានមួយកន្លែងនៅក្នុងទីក្រុងភ្នំពេញ ខណៈលោកកំពុងតែទិញអីវ៉ាន ហើយ លោក ហេង រតនៈនឹងអាចត្រូវ ជាប់ពន្ធនាគាររហូតដល់រយៈពេល ៥ឆ្នាំ និង ពិន័យជាទឹកប្រាក់ប្រមាណជា ១០០០០០បាទ រឺ ក៏អាចពិន័យទាំងពីរក៏ថាបាន៕

ដោយ៖ សុខ ជា

ពិតជាមានជំនាញមែន ! មានដងខ្លួនមួយ តែក្បាលពីរ អាចធ្វើជាគ្រូបង្រៀនបានទៀត (មានវីដេអូ)

(កំសាន្ត) នៅលើពិភពលោកយើងនេះ កាកើតមកវាមិនល្អទាំងអស់ ជួនកាល ខ្វះដៃ ខ្វះជើង ប៉ុន្តែចំឡែកតែកូភ្លោះនេះ កើតមកមានដងខ្លួនតែមួយចំនួនក្បាល់ពី ដែលធ្វើមានការពិបាកក្នុងការធ្វើអ្វីៗ ។កូនភ្លោះស្រីមួយគូឈ្មោះ Abby និង Brittany ប្រហែលជាមនុស្សដែលត្រូវបានគេស្គាល់ច្រើន និងចាប់អារម្មណ៍បំផុតក្នុងពិភពលោក ដោយសារអ្នកទាំងពីរមានដងខ្លួនជាប់គ្នាជាមនុស្សតែមួយប៉ុន្តែមានក្បាល សួត ពោះ និងឆ្អឹងខ្នងផ្សេងគ្នា។ កូនភ្លោះមួយចំនួន មានចំណង់ចូលចិត្ត និងអត្ថចរឹតប្រហាក់ប្រហែលគ្នា ប៉ុន្តែកូនភ្លោះមួយគូ ដែលមានដងខ្លួនជាប់គ្នានេះ មានភាពដូចគ្នាលើសពីកូនភ្លោះផ្សេងៗទៀត។

ពួកគេជាមនុស្សពីរនាក់ ប៉ុន្តែខ្លួនតែមួយ ហើយដោយសាររាងកាយបែបនេះហើយ ទើបធ្វើឲ្យពួកគេជួបបញ្ហាប្រឈមជាច្រើនក្នុងជីវិត ប៉ុន្តែស្ត្រីពីរនាក់នេះ មានក្តីសុបិន្តដូចគ្នាសំរាប់ថ្ងៃអនាគត់ នោះគឺពួកគេទាំងពីរនាក់ ចង់ក្លាយជាគ្រូបង្រៀនដូចគ្នា។ សូមបញ្ជាក់ថា កាលពីឆ្នាំ ២០០៨ Abby និង Brittany បានសិក្សាមុខជំនាញផ្នែកអប់រំ នៅមហាវិទ្យាល័យ Bethel University ក្នុងសហរដ្ឋអាមេរិច។ ក្រោយពេលបញ្ចក់ការសិក្សាពួកគេបានធ្វើជាគ្រូបង្រៀនបឋមក្រៅម៉ោងភ្លាមៗតែម្តង៕

ប្រភពCEN

សម្តេចតេជោ ហ៊ុន សែន អញ្ជើញសម្ពោធអគារស្នាក់ការគណបក្សប្រជាជនកម្ពុជា នៅខេត្តត្បូងឃ្មុំ

(ត្បូងឃ្មុំ) នៅព្រឹកថ្ងៃសៅរ៍ ទី២ ខែមិថុនាឆ្នាំ២០១៨នេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា អញ្ជើញជាអធិបតីភាពដ៏ខ្ពង់ខ្ពស់ក្នុងពិធីសម្ពោធ អគារស្នាក់ការគណបក្សប្រជាជនកម្ពុជា ស្ថិតក្នុងឃុំជីរោទិ៍ទី២ ស្រុកត្បូងឃ្មុំ ខេត្តត្បូងឃ្មុំ។ អគារទីស្នាក់ការគណបក្សប្រជាជនកម្ពុជានេះ ជាអំណោយដ៍ថ្លៃថ្លា របស់សម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ដែលដឹកនាំកសាងដោយលោក ទេសរដ្ឋមន្ត្រី ជា សុផារ៉ា។ អគារនេះ មានបណ្តោយ៨០ម៉ែត្រ ទទឹង៥៤ម៉ែត្រ មានកម្ពស់២ជាន់ រួមទាំងជាន់ផ្ទាល់ដី លើផ្ទៃក្រឡា៥០២៣ម៉ែត្រការ៉េ និងលើផ្ទៃដីសរុប១៥,២០២ម៉ែត្រការ៉េ៕

សម្តេចក្រឡាហោម ស ខេង លទ្ធិប្រជាធិបតេយ្យកើតឡើងមិនមែនយកអាវុធទល់នឹងអាវុធ ! មានតែការសាមគ្គីខ្មែរនិងខ្មែរប៉ុណ្ណោះ

ខេត្តបាត់ដំបង ៖ សម្តេចក្រឡាហោម ស ខេង បានបញ្ជាក់ច្បាស់ថា លទ្ធិប្រជាធិបតេយ្យនៅកម្ពុជា កើតឡើង មិនមែនយកអាវុធទល់នឹងអាវុធ សម្លាប់គ្នាទៅវិញទៅមកនោះឡើយ មានតែការសាមគ្គីខ្មែរនិងខ្មែរប៉ុណ្ណោះ ធ្វើឲ្យប្រទេសជាតិ បានសេចក្ដីសុខ ប្រជាពលរដ្ឋរស់នៅមានជីវភាពធូរធារ ដែលយើងបានឃើញច្បាស់ចាប់តាំងពីឆ្នាំ១៩៩៨មក ទល់បច្ចុប្បន្ន ប្រជាពលរដ្ឋខ្មែរជ្រកក្រោមដំបូលឆត្រតែមួយ ឯកភាពជាតិតែមួយ ជាតិដំណើរការលទ្ធិប្រជាធិបតេយ្យ សេរីពហុបក្ស អាស្រ័យរដ្ឋធម្មនុញ្ញ។

សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ នាសាលមហោស្រពស្ទឹងសង្កែ នាព្រឹកថ្ងៃទី២ ខែមិថុនា ឆ្នាំ២០១៨ ក្នុងពិធីជួបសំណេះសំណាលជាមួយយុវជនស្តីពីលទ្ធិប្រជាធិបតេយ្យនៅមូលដ្ឋាន បានរំលឹកឡើងវិញអំពីប្រវត្តិសាស្ត្រកន្លងផុតទៅ ពីដំណាក់កាលមួយទៅដំណាក់កាលមួយ ទៅកាន់យុវជនខេត្តបាត់ដំបងពីលទ្ធិប្រជាធិបតេយ្យនៅមូលដ្ឋាន។ ក្នុងនោះសម្តេចបានរំលឹកអនុស្សាវរីយដែលប្រជាពលរដ្ឋខ្មែរ ដែលបានជួបប្រទះនូវរបបមហាប្រល័យពូជសាសន៍កាប់សម្លាប់ប្រជាជនជាតិខ្លួនឯងជាង៣លាននាក់ បង្ខំឲ្យប្រជាជនធ្វើការជាទម្ងន់ ការហូបចុកប្រចាំថ្ងៃមិនគ្រប់គ្រាន់។ប៉ុន្តែចាប់ផ្ដើមពីព្រឹត្តិការណ៍ទីក្រុងប៉ារីស ២៣ តុលា ឆ្នាំ១៩៩១មកប្រទេសកម្ពុជា បានបញ្ចប់ការបែកបាក់ខ្មែរនិងខ្មែរចូលមករួមរស់ក្នុងសង្គមជាតិតែមួយ។

យើងបានឃើញច្បាស់ចាប់តាំងពីឆ្នាំ១៩៩៨មក ទល់បច្ចុប្បន្នក្រោមការដឹកនាំរបស់ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ប្រជាពលរដ្ឋខ្មែរជ្រកក្រោមដំបូលឆ័ត្រតែមួយ ឯកភាពជាតិតែមួយ ជាតិដំណើរការលទ្ធិប្រជាធិបតេយ្យ សេរីពហុបក្ស អាស្រ័យរដ្ឋធម្មនុញ្ញ។ សម្តេចក្រឡាហោម ស ខេង បានស្នើឲ្យថ្នាក់ដឹកនាំខេត្ត ប្រធានយុវជនសភាពសហព័ន្ធយុវជនកម្ពុជាខេត្ត និងក្រុមការងារថ្នាក់ក្រោមជាតិទាំងអស់ បម្រើប្រជាពលរដ្ឋ ប្រកបដោយចីរភាព និងបានសំណូមពរដល់បងប្អូនប្រជាពលរដ្ឋយុវជនយុវនារីសិស្សានុសិស្សទាំងអស់ មេត្តាអញ្ជើញចូលរួម បំពេញកាតព្វកិច្ចរបស់ខ្លួន ក្នុងការបោះឆ្នោតជ្រើសរើសបក្សនយោបាយមួយដែលខ្លួនស្រឡាញ់៕

ជំលោះរវាងប្រធានគណនេយ្យ និង បុគ្គលិក នៅកាស៊ីណូ Queenco ត្រូវបានបញ្ចប់

ខេត្តព្រះសីហនុ ៖ បន្ទាប់ពីមានការយកចិត្តទុកដាក់ពី លោកឧត្ដមសេនីយ៍ទោ ជួន ណារិន ស្នងការនគរបាលខេត្តព្រះសីហនុ ដើម្បីរកយុត្តិធម៌អោយភាគីជំលោះរវាងលោក ថាន ដារិន ប្រធានគណនេយ្យ និង លោក អ៊ុង កែវសុវណ្ណ បុគ្គលិក គណនេយ្យ កាស៊ីណូ Queenco នៅថ្ងៃទី ០២ ខែ មិថុនា ឆ្នាំ ២០១៨ សមត្ថកិច្ចផែនព្រហ្មទណ្ឌរបស់ស្នងការដ្ឋាននគរបាលខេត្តព្រះសីហនុ បានកោះហៅ លោក ថាន ដារិន និង លោក អ៊ុង កែវសុវណ្ណ មកសម្របសម្រួលគ្នា ដោយអោយលោក អ៊ុង កែវសុវណ្ណ សុំទោសលោក ថាន ដារិន អំពីកំហុសឆ្គងរបស់ខ្លួន និង បានអោយលោក ថាន ដារិនប្រធានគណនេយ្យកាស៊ីណូ ធ្វើការសុំទោសលោកស្រីម្ដាយរបស់ អ៊ុង កែវសុវណ្ណ ដែលលោក ថាន ដារិន បានជេរប្រមាថ។បន្ទាប់មកភាគីទាំងពីរបានធ្វើកិច្ចសន្យាចំពោះមុខសមត្ថកិច្ចទុកជាភស្តុតាងហើយបានសន្យាឈប់ប្ដឹងផ្ដល់គ្នាចាប់ពីថ្ងៃនេះតទៅ ។

ខ្ញុំសូមកោតសរសើរលោក ថាន ដារិន និង លោក កែវ អ៊ុង កែវសុវណ្ណ ដែលបានទទួលស្គាល់កំហុសរៀងៗខ្លួនហើយសន្យាឈប់បង្ករបញ្ហាទៀត ។ ឆ្លៀតក្នុងឱកាសនេះ ខ្ញុំបាទសូមគោរពថ្លែងអំណរគុណចំពោះ លោកឧត្ដមសេនីយ៍ទោ ជួន ណារិន ស្នងការខេត្តព្រះសីហនុ និង សមត្ថកិច្ចផែនព្រហ្មួទណ្ឌរបស់ស្នងការដ្ឋាននគរបាលខេត្តព្រះសីហនុ ដែលបានជួយដោះស្រាយសម្របសម្រួលដោះស្រាយបញ្ចប់បញ្ហាជូនប្រជាពលរដ្ឋ ៕

https://www.facebook.com/plugins/video.php?href=https%3A%2F%2Fwww.facebook.com%2Fvannak.pheng.3%2Fvideos%2F1666685730094899%2F&show_text=0&width=560

ប្រភព៖Vannak Pheng

ផ្ទុះទៀតហើយ! នារីស្រស់ស្អាតម្នាក់ស្លៀកសារ៉ុងចងពុងដ៏សិចស៊ី ឲ្យព្រះសង្ឃ១អង្គធ្វើកិច្ចបញ្ចុះមន្តអាគមដ៏ចម្លែក …(មានវីដេអូ)

បើតាមការយល់ដឹងនៅក្នុងធម៌វិន័យផ្នែកព្រះពុទ្ធសាសនាខ្លះៗ គឺពុំអនុញ្ញាតឲ្យព្រះសង្ឃអង្គណា ប្រព្រឹត្តនូវទង្វើបែបនេះឡើយ គឺវាខុសវិន័យ ឬ អាបត្តិ ជាដើម ព្រោះថា ព្រះសង្ឃពុំត្រឹមតែយកដៃទៅប៉ះជាមួយនឹងខ្លួនប្រាណនារីភេទទេ សូម្បីតែនិមន្តតាមដងផ្លូវសាធារណៈ ក៏ត្រូវបានហាមមិនឲ្យសម្លឹងមើលឆ្វេចឆ្វាចដែរ ពោលគឺត្រូវសម្របខ្លួនត្រឹមត្រូវ ឲ្យសមជាអ្នកបួស និងជាអ្នកគោរពធម៌វិន័យក្នុងផ្លូវព្រះពុទ្ធសាសនា ។

វីដេអូថ្មីមួយទៀតហើយ បានកំពុងផ្ទុះការរិះគន់យ៉ាងខ្លាំងនៅលើបណ្តាញសង្គម ដែលបង្ហាញឲ្យឃើញព្រះសង្ឃជាគ្រូមន្តអាគម១អង្គ ធ្វើកិច្ចសូត្រធម៌បញ្ចុះមន្តអាគមអូមអាម… ដល់នារីស្រស់ស្អាតម្នាក់ ដោយតម្រូវឲ្យនាងស្លៀកសារ៉ុងចងពង់ បញ្ចេញភាពសិចស៊ី និងយកដៃពាក់ស្រោមទៅស្ទាប បបោសអង្អែលផ្នែកខ្នងរបស់នាងគួរឲ្យស្រើបស្រាល ។

ទាក់ទងនឹងករណីនេះផងដែរ អ្នកប្រើប្រាស់បណ្តាញសង្គមជាច្រើន ដែលមានការពុំពេញចិត្តនឹងទង្វើដ៏ចម្លែករបស់សង្ឃអង្គនេះ បាននាំគ្នាសូមណូមពរដល់ស្ថាប័នពាក់ព័ន្ធ ជាពិសេសខាងក្រសួងធម៌ការ និងសាសនា មេត្តាស៊ើបអង្កេតចំពោះករណីនេះផង ។

ទោះយ៉ាងណា ទាក់ទងនឹងករណីដ៏ភ្ញាក់ផ្អើលនេះ គេក៏ពុំទាន់ដឹងច្បាស់នៅឡើយថា ព្រះសង្ឃអង្គនេះ គង់នៅក្នុងវត្តណាមួយនៅឡើយទេ ៕ សូមទស្សនាវីដេអូខាងក្រោម

ប្រភពFB

ក្តៅៗ ឯកឧត្តមឧត្ដមសេនីយ៍ទោ ជួន ណារិន បញ្ជារអោយហៅ ប្រធានគណនីកាស៊ីណូ Queenco មកសុំទោសម្ដាយបុគ្គលិកកាសីណូ

ព្រះសីហនុ ៖ លោកឧត្ដមសេនីយ៍ទោ ជួន ណារិន ស្នងការនគរបាលខេត្តព្រះសីហនុ ដែលមានប្រជាប្រិយភាពនោះ នៅព្រឹកថ្ងៃទី ២ ខែ មិថុនា ឆ្នាំ ២០១៨ នេះបានអោយដឹងថា បន្ទាប់ពីលោកបានមើលឃើញវីដេអូ ប្រធានគណនី កាស៊ីណូ នៅកំពង់សោម ជេរម្ដាយបុគ្គលិកដោយពាក្យអសុរស លោកឧត្ដមសេនីយ៍ទោស្នងការបានបញ្ជាអោយស្នងការរងទទួលបន្ទុកព្រហ្មទណ្ឌកោះហៅប្រធានគណនី ឈ្មោះ ខេន ដារិន និង បុគ្គលិក សណ្ឋាគារ និង កាស៊ីណូ Queenco នៅខេត្តព្រះសីហុន មកដោះស្រាយ នៅស្នងការដ្ឋាននគរបាលខេត្តព្រះសីហនុ ។

លោកឧត្ដមសេនីយ៍ទោ ជួន ណារិន បានអោយដឹងទៀតថា ករណីនេះត្រូវតែអោយលោក ខេន ដារិន ប្រធានគណនីកាស៊ីណូ Queenco ធ្វើការសុំទោសម្ដាយរបស់យុវជនម្នាក់ដែលជាបុគ្គលិកនៅកាស៊ីណូ ។ ចំណែកយុវជនជាបុគ្គលិកដែលធ្វើការខុសឆ្គងនៅក្នុងក្រុមហ៊ុន ឬ មានកំហុសឆ្គងចំពោះលោក ខេន ដារិន ត្រូវសុំទោសលោក ខេន ដារិន វិញដែរ ។

ការរិះគន់យ៉ាងកក្រើក Facebook បានកើតឡើងបន្ទាប់ពីលោក ខេន ដារិន ប្រធានគណនី កាស៊ីណូ Queenco នៅខេត្តព្រះសីហនុ បានជេរប្រមាថបុគ្គលិកក្រោមបង្គាប់របស់ខ្លួនហើយរាលដាលដល់ ម្ដាយរបស់បុគ្គលិករូបនោះទៀតផង ។ អ្វីដែលកាន់តែហួសចិត្តថែមទៀតនោះ គឺ លោក ខេន ដារិន ដែលជេរម្ដាយគេហើយ អោយគេសុំទោសខ្លួនថែមទៀត ចំពោះទង្វើរបស់លោក ខេន ដារិន ជេរម្ដាយបុគ្គលិក លោក ខេន ដារិន មិនបានសុំទោសនោះទេ ។

ហេតុនេះហើយទើបនៅព្រឹកថ្ងៃទី ២ ខែ មិថុនា ឆ្នាំ ២០១៨ នេះ លោកឧត្ដមសេនីយ៍ទោ ជូន ណារិន បានបញ្ជាអោយស្នងការរងទទួលបន្ទុកព្រហ្មទណ្ឌកោះហៅ ភាគីពាក់ព័ន្ធទាំងអស់មកដោះស្រាយឡើងវិញ ។ ជាពិសេសត្រូវតែអោយលោក ខេន ដារិន សុំទោសម្ដាយបុគ្គលិកនោះតាមរយះវីដេអូ មួយផ្សាយជាសាធារណៈដើម្បីផ្ដល់កិត្តិយសជូនលោកស្រីជាម្ដាយរបស់បុគ្គលិករូបនោះវិញ ។

សូមគាំទ្រនូវចំណាត់ការរបស់លោកឧត្ដមសេនីយ៍ទោ ជួន ណារិន ស្នងការនគរបាលខេត្តព្រះសីហនុដែលបានរកយុត្តិធម៌អោយម្ដាយបុគ្គលិកដែលរងការជេរប្រមាថពីឈ្មោះ ខេន ដារិន ប្រធានគណនីកាស៊ីណូ Queenco នៅកំពុងសោម ៕ ប្រភព ផេង វណ្ណះ