យោងទៅតាមអង្គការមូលនិធិសុខុមាលភាពសង្គមអេហ្វធី (Edhi Foundation) បាននិយាយកាលពីថ្ងៃអង្គារថា រលកកំដៅមួយ បានសម្លាប់មនុស្ស 65 នាក់នៅក្នុងទីក្រុង Karachi ភាគខាងត្បូងរបស់ប៉ាគីស្ថាន អស់រយៈពេល 3 ថ្ងៃមកហើយ។ រលកកម្តៅព្រះអាទិត្យបានកើតឡើងស្របពេលដែលការដាច់ចរន្តអគ្គិសនីនិងខែរ៉ាម៉ាឌនដ៏ពិសិដ្ឋ។ ប្រព័ន្ធផ្សព្វផ្សាយក្នុងស្រុកបានរាយការណ៍ថាសីតុណ្ហភាពបានឈានដល់ 44 អង្សាសេ (111 ហ្វារិនហៃ) កាលពីថ្ងៃចន្ទ។
លោក Faisal Edhi បានប្រាប់ប្រព័ន្ធផ្សព្វផ្សាយ ក្នុងស្រុក ដែលជាប្រធានមូលនិធិអេអេហ្វ ដែលដំណើរការកន្លែងដាក់សព និងរថយន្តសង្គ្រោះបន្ទាន់មួយគ្រឿង។

ក្មេងប្រុសម្នាក់មានប្រតិកម្មនៅពេលគាត់ទទួលទឹកត្រជាក់ដើម្បីជៀសវាងរលកកម្ដៅខ្លាំងនៅតូបមួយដែលរៀបចំដោយអង្គការសុខុមាលភាពសង្គមមួយនៅការ៉ាជីប្រទេសប៉ាគីស្ថាននៅថ្ងៃទី 22 ខែឧសភាឆ្នាំ 2018 ។
លោក Edhi បាននិយាយថាជនរងគ្រោះដោយកំដៅខ្លាំងបំផុតបានស្លាប់នៅផ្ទះដោយមិនចាំបាច់ទទួលបានជំនួយពីគ្រូពេទ្យទាន់ពេលទេដោយបន្ថែមថាជនរងគ្រោះក្មេងជាងគេមានអាយុ 6 ឆ្នាំហើយអាយុចាស់ជាងគេមានអាយុ 78 ឆ្នាំ។

ទោះយ៉ាងណាក៏ដោយអាជ្ញាធរសុខាភិបាលក្នុងតំបន់បានបដិសេធការអះអាងនេះ។ លេខាធិការសុខភាពខេត្ត Sindh លោក Fazlullah Pechuho បានប្រាប់សារព័ត៌មាន Dawn ភាសាអង់គ្លេសថាគ្មាននរណាម្នាក់ស្លាប់ដោយសារកម្តៅព្រះអាទិត្យទេ។
បុរសនិងកុមារត្រជាក់ចេញពីរលកកម្តៅនៅពេលដែលពួកគេត្រូវបានគេបាញ់ដោយទឹកហៀរចេញពីបំពង់បង្ហូរទឹកដែលបានលេចធ្លាយនៅការ៉ាជីប្រទេសប៉ាគីស្ថាននៅថ្ងៃទី 22 ខែឧសភាឆ្នាំ 2018 ។
មានតែវេជ្ជបណ្ឌិតនិងមន្ទីរពេទ្យតែប៉ុណ្ណោះដែលអាចសម្រេចថាតើមូលហេតុនៃការស្លាប់នេះគឺការឈឺចាប់ឬអត់។ ខ្ញុំបដិសេធដាច់ខាតថាមនុស្សទាំងនោះបានស្លាប់ដោយសារតែកម្តៅនៅក្នុងទីក្រុងការ៉ាជី “។

នាយកដ្ឋានឧតុនិយមប៉ាគីស្ថានបានចេញការព្រមានកម្តៅព្រះអាទិត្យមួយសម្រាប់ការ៉ាជីដោយនិយាយថាអាកាសធាតុក្តៅត្រូវបានគេរំពឹងថានឹងស្ថិតនៅចន្លោះពី 40 ទៅ 43 ដឺក្រេនៅពេលថ្ងៃពេញមួយសប្តាហ៍។សេចក្តីរាយការណ៍ក្នុងស្រុកបាននិយាយថាអភិបាលក្រុង Karachi លោក Waseem Akhtar ក៏បានជំរុញឱ្យប្រជាពលរដ្ឋឱ្យស្នាក់នៅក្នុងផ្ទះក្នុងពេលថ្ងៃដើម្បីចៀសវាងការកម្តៅព្រះអាទិត្យ។ រដ្ឋាភិបាលខេត្តបានធានាដល់ប្រជាពលរដ្ឋថានឹងមិនមានម្តងទៀតនៅឆ្នាំ 2015 ទេហើយកំពុងធ្វើការដើម្បីធានាដល់អ្នកដែលត្រូវការការថែទាំទទួលបានការព្យាបាលយ៉ាងរហ័ស។
រលកកំដៅខ្លាំងនៅឆ្នាំ 2015 បានសំលាប់យ៉ាងហោចណាស់មនុស្ស 1200 នាក់ដែលភាគច្រើនជាមនុស្សចាស់ជរាឈឺនិងគ្មានផ្ទះសម្បែងភាគច្រើននៅក្នុងខេត្ត Sindh ភាគខាងត្បូងប្រទេសប៉ាគីស្ថាន៕

កំពង់ស្ពឺ៖ សម្តេចតេជោ ហ៊ុន សែន ជួបសំណេះសំណាល ជាមួយកូនក្មួយកម្មករជិត២ម៉ឺននាក់ នៅខេត្តកំពង់ស្ពឺ គោលបំណងសំខាន់ នៃការអញ្ជើញចុះជួប សំណេះសំណាលប្រចាំសប្តាហ៍នេះ គឺដើម្បីស្វែងយល់ពីសុខទុក្ខ របស់បងប្អូនកូនក្មួយកម្មករ កម្មការិនី ដោយផ្ទាល់ និងដើម្បីដោះស្រាយបញ្ហាប្រឈមនានា។ ទន្ទឹមនឹងនេះដែរ គឺដើម្បីជំរុញ គោលនយោបាយអភិវឌ្ឍន៍វិស័យឧស្សាហកម្ម (២០១៥-២០២៥) ឲ្យកាន់តែមានប្រសិទ្ធភាពខ្ពស់ ដើម្បីពង្រឹងសេដ្ឋកិច្ចជាតិ និងលើកកម្ពស់ជីវភាព រស់នៅរបស់ពលរដ្ឋ ឲ្យកាន់តែល្អប្រសើរឡើង។

 សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានអញ្ជើញជួបសំណេះសំណាលជាមួយកូនក្មួយ កម្មករ កម្មការិនីសរុប ១៩៩៤៩នាក់ មកពីរោងចក្រសហគ្រាសចំនួន១៧នៅក្នុងខេត្តកំពង់ស្ពឺ។ ពិធីសំណេះសំណាលនេះនឹងធ្វើឡើងនៅ ភូមិបុរីកម្មករ សង្កាត់ច្បារមន ក្រុងច្បារមន ខេត្តកំពង់ស្ពឺ នៅព្រឹកថ្ងៃពុធទី២៣ ខែឧសភា ឆ្នាំ២០១៨នេះ ។

 សម្តេចតេជោអរគុណជាខ្លាំងចំពោះ ការទទួលរាក់ទាក់ស្វាគមន៍យ៉ាងកក់ក្តៅ និងស្និទ្ធស្នាលពីកូនក្មួយកម្មករកម្មការិនី។ ទន្ទឹមនឹង នេះដែរ សម្តេចតេជោបានអរគុណម្ចាស់រោងចក្រទាំងអស់ដែលបានអនុញ្ញាតឲ្យកូនក្មួយ កម្មករកម្មការិនីបានជួបជុំគ្នានិងឈប់សម្រាកនៅល្ងាចថ្ងៃនេះដោយទទួលបានប្រាក់ឈ្នួលពេញ។

 នៅក្នុងឱកាសនេះដែរ សម្តេចតេជោ ហ៊ុន សែន បានមានប្រសាសន៍ពីការវិវឌ្ឍរីកចម្រើននៃខេត្តកំពង់ស្ពឺ ដែលបានប្រែក្លាយពីខេត្តដែលធ្លាប់ទទួលរងនូវការខូចខាតខ្ទេចខ្ទាំដោយសង្គ្រាម ដូចជានៅតំបន់ឱរាល់ជាកន្លែងខ្មែរក្រហមដែលមានការប្រយុទ្ធគ្នាខ្លាំង។ តាមរយៈនយោបាយឈ្នះ-ឈ្នះ គឺបានធ្វើឲ្យតំបន់នេះទៅជាតំបន់សន្តិភាពស្ថិរភាពរហូតមកដល់បច្ចុប្បន្ន។

 សម្តេចតេជោនាយករដ្ឋមន្រ្តី មានមោទនភាពចំពោះខេត្តកំពង់ស្ពឺដែលបច្ចុប្បន្ននេះមានរោងចក្រ សហគ្រាសកើនឡើងចំនួន ២២៥ ដែលមានកម្មករនិយោជិត ប្រមាណ ៩៨២១៣នាក់ ដែលបានផ្តល់ប្រាក់ឈ្នួលប្រមាណ ២២០លានដុល្លារក្នុង១ឆ្នាំ។

 សម្តេចតេជោ ហ៊ុន សែន បានមានប្រសាសន៍ថាតាមរយៈគោលនយោបាយរបស់រាជរដ្ឋាភិបាល បន្ទាប់ពីមានការពង្រាយសាលារៀនឲ្យដល់កូនចៅប្រជាពលរដ្ឋបានសិក្សារៀនសូត្រហើយនោះ គឺពេលនេះត្រូវបែមកពង្រាយនិងពង្រីករោងចក្រឲ្យបានគ្រប់ទីកន្លែងដើម្បីផ្តល់ឱកាសការងារដល់កូនចៅប្រជាពលរដ្ឋមានការងារធ្វើគ្រប់ទីកន្លែង។

 សម្តេចតេជោនាយករដ្ឋមន្ត្រី តែងតែផ្សារភ្ជាប់សុខទុក្ខជាមួយបងប្អូនប្រជាពលរដ្ឋគ្រប់ទីកន្លែង គ្រប់កាលៈទេសៈ ហើយនឹងបានចូលរួមដោះស្រាយបញ្ហាប្រឈមនានារបស់ពួកគាត់ផងដែរ។ ទន្ទឹមនឹងនេះដែរ សម្តេចតេជោ ហ៊ុន សែន បានអំពាវនាវឲ្យកម្មករកម្មការិនី ក៏ដូចជាប្រជាពលរដ្ឋទាំងអស់ត្រូវរួមគ្នាថែរក្សា”សន្តិភាព”ឲ្យបានគង់វង្ស ដើម្បីបន្តការអភិវឌ្ឍប្រទេសជាតិឲ្យកាន់តែរីកចម្រើនតទៅមុខទៀត ។ សម្តេចតេជោ បានស្នើសុំកុំឲ្យមានគ្រឿងញៀន និងបងតូចបងធំ (ជើងកាង)នៅតាមរោងចក្រអោយសោះ ដែលបង្កបញ្ហាផ្សេងៗដល់កម្មករយើង។ កូនក្មួយកម្មករកម្មការិនីត្រូវរួមគ្នារក្សាការងាររបស់ខ្លួនឲ្យបានល្អ និងត្រូវគោរពគ្នាទៅវិញទៅមករវាងម្ចាស់រោងចក្រ និងកម្មករ។

 នៅថ្ងៃនេះផងដែរ សម្តេចតេជោនាយករដ្ឋមន្ត្រី បានមានប្រសាសន៍ថា តាមការឲ្យដឹងពីក្រសួងសុខាភិបាល បានឲ្យដឹងថា ស្ថានភាពជំអឺអេដស៍ ហាក់បីដូចជាមានសន្ទុះងើបឡើងវិញបន្តិច។ ទន្ទឹមនឹងនេះ សម្តេចតេជោ បានអំពាវនាវសូមឲ្យប្រជាពលរដ្ឋ ពិសេសយុវជនមានការប្រុងប្រយ័ត្នទាំងអស់គ្នា កុំមានការធ្វេប្រហែសឲ្យសោះ ជាពិសេសត្រូវមានដៃគូរស្នេហារមួយនិងមួយទើបមិនព្រួយឆ្លងជំងឺអេដស៍។

 សម្តេចតេជោនាយករដ្ឋមន្ត្រី បានអំពាវនាវ ដល់អ្នកដែលមានលទ្ធភាពយកកម្មករទៅបម្រើកាងារ តាមផ្ទះ សូមមេត្តាគិតគូរ និងយកចិត្តទុកដាក់ពីសុខទុក្ខកម្មករឲ្យបានត្រឹមត្រូវ ពីព្រោះកម្មករដែលបម្រើការងារតាមផ្ទះ ត្រូវទទួលបន្ទុកការងារច្រើនជាងកម្មករនៅតាមបណ្តារោងចក្រ។ ដូចនេះ សូមកុំត្រូវធ្វើអ្វីដែលប៉ះពាល់ដល់កិត្តិយស និងសេចក្តីថ្លៃថ្នូររបស់ពួកគាត់៕

(ភ្នំពេញ) សមាគមអតីតយុទ្ធជនកម្ពុជារាជធានីភ្នំពេញ នូវតែបង្ហាញការយកចិត្តទុកដាក់គិតគូរ ពីសុខទុក្ខ ដល់អតីតយុទ្ធជន ដែលបានធ្វើពលីកម្ម បូជាសាច់ស្រស់ ឈាមស្រស់ ដើម្បី បុព្វហេតុការពារជាតិមាតុភូមិក៏ដូចរំលឹកដល់គំរូវីរៈភាពវិញពីអតីតកាលដែលមានគុណបំណាច់ចំពោះជាតិមាតុភូមិនិងប្រជាជន។

ក្នុងពិធីអបអរសាទរ ខួបលើកទី១១ ទិវាអតីតយុទ្ធជនកម្ពុជា២១ មិថុនា និងពិធីបំពាក់មេដាយការពារជាតិជូនអតីតយុទ្ធជន នៅរាជធានីភ្នំពេញ កាលពីព្រឹកថ្ងៃទី២៣ ឧសភា នៅមជ្ឈមណ្ឌលកោះពេជ្រ

ឯកឧត្តម នាយឧត្តមសេនីយ៏ជួន សុវណ្ណអគ្គស្នងការរងនគរបាលជាតិ ស្នងការនគរបាលរាជធានីភ្នំពេញ និងជាប្រធានសមាគម អតីតយុទ្ធជនកក្ពុជា រាជធានីភ្នំពេញ បានលើកឡើងថា ការប្រារព្ធខួបលើកទី១១ ទិវាអតីតយុទ្ធជន កម្ពុជានាឱកាសនេះ គឺជាព្រឹត្តិការណ៍ជាតិមួយដ៍សំខាន់ ដើម្បីរំលឹកដល់ គំរូវីរៈភាពដ៏មោះមុតនិងគុណបំណាច់ដ៏ធំធេង របស់វីរយុទ្ធជន យុទ្ធនារី ដែលបានធ្វើពលីកម្ម យ៉ាងអង់អាចក្លាហាន ដើម្បីបុព្វហេតុជាតិមាតុភូមិ។ឯឧ.បន្តថាពលីកម្មប្រកបដោយស្មារតីស្នេហាជាតិ របស់វីរអតីតយុទ្ធជន គឺការរួមចំណែកយ៉ាងសំខាន់ ការពារបូរណភាពទឹកដី កសាងសន្តិភាពនិងស្ថេរភាពសម្រាប់ ប្រទេស សំដៅធានាឲ្យមានការអភិវឌ្ឍសេដ្ឋកិច្ច និងសង្គមកិច្ច ដើម្បីជាប្រយោជន៍សម្រាប់ជាតិមាតុភូមិទាំងមូល។

សមាគមអតីតយុទ្ធជនកក្ពុជារាជធានីភ្នំពេញ ដំណើរការបានរលូនរហូតសព្វថ្ងៃដោយមានការយកចិត្តទុកដាក់ពីប្រមុខរាជរដ្ឋាភិបាលកម្ពុជាដែលមានសម្តេចអគ្គសេនាបេតីតេជោហ៊ុនសែននាយករដ្ឋមន្ត្រីនៃព្រះរាជណាចក្រកម្ពុជានិងជាប្រធានសមគមអតីតយុទ្ធជនកម្ពុជា ព្រមទាំងឯកឧត្តមអស់លោក លោកស្រីគ្រប់លំដាប់ថ្នាក់ដែលបានខិតខំប្រឹងប្រែងចូលរួមសកម្មភាពរបស់សមាគមនិងគិតគូរយកចិត្តទុកដាក់ដល់អតីតយុទ្ធជនជាពិសេសក្រោមការដឹកនាំផ្ទាល់ពីសំណាក់ឯកឧត្តមនាយឧត្តមសេនីយ៏បណ្ឌិតគង់ គីមនិងឯកឧត្តមសមាគមអតីតយុទ្ធជនកម្ពុជារាជធានីភ្នំពេញ។

ឯកឧត្តម នាយឧត្តមសេនីយ៏គង់ គីម អគ្គមេបញ្ជាការរងកងយុទ្ធពលខេមរភូមិន្ទនាយសេនាធិការចំរុះនិងជាលេខាធិការ សមាគមអតីតយុទ្ធជន កម្ពុជាបានបញ្ជាក់ថា ខួបលើកទី១១ទិវាអតីតយុទ្ធជននេះ គឺជាព្រឹត្តិការណ៍ជាតិមួយដ៍សំខាន ដើម្បីរំលឹកដល់ គំរូវីរៈភាពដ៏ធំធេងរបស់អតីតយុទ្ធជន ដែលបានធ្វើពលីកម្ម សម្រាប់បុព្វហេតុការពារជាតិមាតុភូមិ ។ ឯកឧត្តម នាយឧត្តមសេនីយ៏ អគ្គមេបញ្ជាការ សូមគោរពកោតសរសើរ ដល់កងកម្លាំងប្រដាប់អាវុធគ្រប់ប្រភេទ ដែលបានបំពេញភារកិច្ចរក្សាការពារសន្តិសុខ សណ្ដាប់ធ្នាប់សាធារណៈគ្រប់ទីកន្លែង។ ដូច្នេះ ដើម្បីលើកកំពស់សុខមាភាពនិងជីវភាពរស់នៅរបស់បងប្អូន អតីតយុទ្ធជន និងគ្រួសារ ឲ្យបានល្អប្រសើរនៅតាមមូលដ្ឋាន អាជ្ញាធគ្រប់ជាន់ថ្នាក់ត្រូវបន្តយកចិត្ត ទុកដាក់គិតគូរឲ្យបានល្អ ដោយអនុវត្តតាមប្រមុខរាជរដ្ឋាភិបាល ក្នុងការផ្ដល់អាទិភាព ដល់ការអនុវត្តន៍គោល នយោបាយ ចំពោះអតីតយុទ្ធជន ដើម្បីឆ្លើយតបឲ្យបានសក្ក័សម ទៅនឹងគុណបំណាច់របស់អតីតយុទ្ធជន ដែលបានពលីកម្ម ដើម្បី បុព្វហេតុជាតិមាតុភូមិ។

សូមបញ្ជាក់ថា៖ ក្នុងពិធីអបអរសាទរខួបលើកទី១១ ទីវាអតីតយុទ្ធកម្ពុជា២១មិថុនា និងពិធីបំពាក់មេដាយការពារជាតិ ជូនអតីតយុទ្ធជនកម្ពុជានៅរាជធានីភ្នំពេញ ទាំង១២ខណ្ឌនេះមានសមាជិក ចូលរួមជិ៤០០០នាក់នៅមជ្ឈមណ្ឌល  កោះពេជ្រ ស្ថិតក្នុងសង្កាត់ទន្លេបាសាក់ខណ្ឌចំការមន។ ក្រោមអធិបតីភាពដ៏ខ្ពង់ខ្ពស់ ឯកឧត្តម នាយឧត្តមសេនីយ៏ បណ្ឌិត គង់ គីម អគ្គមេបញ្ជាការរងកងយុទ្ធពលខេមរភូមិន្ទ នាយសេនាធិការចំរុះនិងជាលេខាធិការ សមាគមអតីតយុទ្ធជន ឯកឧត្តម ឃួង ស្រេង អភិបាលរាជធានីភ្នំពេញ  និង ឯកឧត្តម នាយឧត្តមសេនីយ៏ជួន សុវណ្ណអគ្គស្នងការរងនគរបាលជាតិ ស្នងការនគរបាលរាជធានីភ្នំពេញ និងជាប្រធានសមាគម អតីតយុទ្ធជនកក្ពុជា រាជធានីភ្នំពេញ ៕

(ភ្នំពេញ) នៅព្រឹកថ្ងៃអង្គារ ៨កើត ខែជេស្ឋ ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី២២ ខែឧសភា ឆ្នាំ២០១៨នេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានអញ្ជើញប្រគល់សញ្ញាបត្រដល់និស្សិតសាកលវិទ្យាល័យភូមិន្ទនីតិសាស្ដ្រនិងវិទ្យាសាស្ដ្រសេដ្ឋកិច្ចប្រមាណ ៣,៣៤៩នាក់ នឹងមាននារី ១,៤៤៩នាក់ ដែលមានកម្រិតបរិញ្ញាបត្រ និងបរិញ្ញាបត្រ ជាន់ខ្ពស់ក្នុងនោះក៏មាននិស្សិតជ័យលាភីដែលទទួលអាហារូបករណ៍ដ៏ខ្ពង់ខ្ពស់ពីសម្តេចតេជោនាយករដ្ឋមន្ត្រីចំនួន ៣១នាក់ (នារី ១៤នាក់)ផងដែរ ដែលពិធីនេះធ្វើឡើងនៅមជ្ឈមណ្ឌលលកោះពេជ្រ រាជធានីភ្នំពេញ។

ថ្ងៃនេះ សម្តេចតេជោ ហ៊ុន សែន សប្បាយរីករាយក្រៃលែងដែលបានអញ្ជើញប្រគល់សញ្ញាបត្រ ដល់និសិ្សតសាកលវិទ្យាល័យភូមិន្ទនីតិសាស្ដ្រនិងវិទ្យាសាស្ដ្រសេដ្ឋកិច្ចនាពេលព្រឹកនេះ។ ចាប់តាំងពីឆ្នាំ១៩៩៦មក សម្តេចតេជោ បានអញ្ជើញប្រគល់សញ្ញាបត្រដល់និសិ្សតសាកលវិទ្យាល័យភូមិន្ទនីតិសាស្ដ្រនិងវិទ្យាសាស្ដ្រសេដ្ឋកិច្ចនេះចំនួន ១៨លើករួចមកហើយ។ សម្តេចតេជោនាយករដ្ឋមន្ត្រីក៏បានវាយតម្លៃខ្ពស់ចំពោះការវិវឌ្ឍន៍រីកចម្រើនរបស់សាកលវិទ្យាល័យនេះដែលបានរួមចំណែកក្នុងការបណ្តុះបណ្តាលធនធានមនុស្សរបស់កម្ពុជា។ សម្តេចតេជោ ក៏បានមានប្រសាសន៍ផងដែរថាថ្វីត្បិតតែលទ្ធផលបោះឆ្នោតមិនទាន់ដឹងយ៉ាងណា តែរាជរដ្ឋាភិបាលនៅតែចាត់ទុកវិស័យអប់រំជាវិស័យអាទិភាពមុខគេក្នុងការអភិវឌ្ឍប្រទេសជាតិឲ្យរីកចម្រើននៅក្នុងចំណោមវិស័យសំខាន់ៗ៤រួមមាន ១)ធនធានមនុស្ស ២)ទឹក ៣)ផ្លូវ និង ៤)ភ្លើង។ ដើម្បីជំរុញវិស័យអប់រំនេះឲ្យកាន់តែរីកចម្រើនប្រកបដោយគុណភាព គឺយ៉ាងហោចណាស់ឃុំ១ ត្រូវមានអនុវិទ្យាល័យ១ ស្រុក១អាចមានវិទ្យាល័យច្រើន ហើយខេត្ត១ត្រូវមាន សាលកវិទ្យាល័យ១ សម្រាប់បណ្តុះបណ្តាលធនធានមនុស្សរបស់យើង។

សម្តេចតេជោ ហ៊ុន សែន នាយរដ្ឋមន្ត្រី បានមានប្រសាសន៍រំលឹកពីការតស៊ូរំដោះប្រទេសជាតិ តាមរយៈ ជ័យជំនៈដែលរំដោះប្រទេសជាតិរួចផុតពីរបបប្រស័យពូជសាសន៍ប៉ុលពតនៅក្រោមនយោបាយឈ្នះ-ឈ្នះ ដែលបានបង្រួបបង្រួមជាតិ និងផ្តល់នូវសុខសន្តិភាពមកដល់សព្វថ្ងៃនេះ។ ជាថ្មីម្តងទៀត សម្តេចតេជោ ហ៊ុន សែន បានអំពាវនាវឲ្យប្រជាពលរដ្ឋរួមគ្នាថែរក្សាសន្តិភាពឲ្យបានគង់វង្ស។

សម្តេចតេជោនាយករដ្ឋមន្ត្រីក៏បានបញ្ជាក់ផងដែរថា មន្ត្រីនៃរាជរដ្ឋាភិបាលកម្ពុជាយើងមួយចំនួនក៏ជា អតីតនិស្សិតដែលបានសិក្សានៅសាកលវិទ្យាល័យនេះដែរហើយកំពុងកាន់មុខងារសំខាន់ៗមួយចំនួន។ សាលកវិទ្យាល័យនេះ មិនត្រឹមតែមាននិស្សិតខ្មែរ សិក្សានោះទេតែក៏មាននិស្សិតបរទេសបាននិងកំពុងសិក្សាផង ដែរដូចជា និស្សិតចិន អាមេរិក ជប៉ុន បារាំង អង់គ្លេស កូរ៉េ ឡាវ វៀតណាម ម៉ាលី ម៉ារ៉ុក ទុយនេស៊ី ហ្វីលីពីន ។ល។ ហើយថ្ងៃនេះគឺមាននិស្សិតជ័យលាភីបរទេសចំនួន២៣នាក់ដែលបានមកទទួលសញ្ញាបត្រ ក្នុងនោះមាន បារាំង១៨នាក់ ម៉ារ៉ុក០២នាក់ អង់គ្លេស០១នាក់ ម៉ាលី០១នាក់ និងទុយនេស៊ី០១នាក់។

មុននឹងបញ្ចប់ សម្តេចតេជោ ហ៊ុន សែន បានអញ្ជើញផ្តល់កិត្តិយសប្រគល់សញ្ញាបត្រដល់និស្សិត ដែលបានបញ្ចប់ការសិក្សានៅសាកលវិទ្យាល័យភូមិន្ទនីតិសាស្ដ្រនិងវិទ្យាសាស្ដ្រសេដ្ឋកិច្ច និងបានថតរូបអនុស្សាវរីយ៍ជាមួយនិស្សិតក្នុងបរិយាកាសសប្បាយរីករាយនិងស្និទ្ឋស្នាលក្រៃលែង៕

ប្រភពផេកសម្តេចតេជោ

ប្រសិនបើអ្នកមាននរណាម្នាក់ពិសេសនៅក្នុងជីវិតរបស់អ្នក ហើយអ្នកត្រៀមខ្លួនរួចរាល់ដើម្បីបង្ហាញពីអារម្មណ៍របស់អ្នកចំពោះនាងនោះ យើងសូមអបអរសាទរ ! ទាំងនេះ!
ប្រសិនបើអ្នកមាននរណាម្នាក់ពិសេសនៅក្នុងជីវិតរបស់អ្នក ហើយអ្នកត្រៀមខ្លួនរួចរាល់ដើម្បីបង្ហាញពីអារម្មណ៍របស់អ្នកចំពោះនាងនោះ យើងសូមផ្តល់កំលាំងចិត្តអោយអ្នកសារភាពចេញមកតែម្តង ទោះបីជាវាជាឃ្លាដ៏គួរឱ្យភ្ញាក់ផ្អើលមួយដែលនិយាយថាពាក្យបីម៉ាត់តូចៗក៏ដោយ វាជាមធ្យោបាយដ៏ល្អដើម្បីបង្ហាញពីអារម្មណ៍របស់អ្នកហើយបង្កើតទំនាក់ទំនងកាន់តែខ្លាំងថែមទៀត។
ខាងក្រោមនេះជាការរៀបចំខ្លួនសំរាប់ការសារភាពក្តីស្រលាញ់របស់អ្នក

១-ត្រៀមគ្រប់ពេលសំរាប់អនុវត្តន៍ពាក្យថាស្រលាញ់

ពាក្យថាស្រលាញ់បើអ្នកដើរចូលទៅនិយាយចំៗនោះវាហាក់គួរអោយខ្លាចណាស់ ហើយជាលទ្ធផលគឺបរាជ័យ១០០% ប៉ុន្តែអ្នកត្រូវត្រៀមគ្រប់ពេលសំរាប់ការស្រលាញ់ដោយកាយវិការ មើលថែ យកចិត្តទុកដាក់ ធ្វើខ្លួនអោយជាទីពឹងពាក់ និង ផ្តល់ភាពកក់ក្តៅដល់ដៃគូរគ្រប់ពេលដែលជាភាសាដ៏សាមញ្ញសំរាប់សារភាពក្តីស្រលាញ់ដល់ដៃគូរ។ គ្រប់ពេលដែលចង់បង្ហាញការស្រលាញ់តែមិននិយាយពាក្យថាស្រលាញ់ តែត្រូវនិយាយដោយភាសារអារម្មណ៍ជាអ្វីដែលមានភាពរ៉ូមែនទិច និង ស៊ីវីល័យយ៉ាងខ្លាំង ហើយចំណុចនេះទៀតសោតក្នុងរឿងភាគគេនិយមណាស់ ចំណុចល្អបំផុតនៃពាក្យនេះគឺអ្នកអាចទំលុះបេះដូងរបស់ដៃគូរអ្នកបាន ហើយជាជោគជ័យតំបូងក្នុងរឿងស្នេហារបស់អ្នកផងដែរ។

២-រកពេលវេលា និង ទីកន្លែងសមរម្យត្រឹមត្រូវ

ពិតណាស់បើចង់ប្រាប់នរណាម្នាក់ដែលអ្នកស្រឡាញ់គឺជាកិច្ចការពិសេសផ្ទាល់ខ្លួន គ្រប់គ្នាតែងតែអ្នកចង់ឱ្យពេលវេលាល្អឥតខ្ចោះ ហើយចង់អោយដៃគូរស្តាប់លឺគ្រប់សំដីដែលអ្នកវាចារចេញទៅ ដូចនេះបរិយាកាសពិតជាមានអត្ថន័យចំពោះទំនាក់ទំនងរបស់អ្នក ក្នុងចំណោមមិត្តៗ ឬ ទីកន្លែងដែលអ៊ូរអរ ភ្លេងកងរំពង ពិតជាមិនសាកសមសំរាប់ការសារភាពរបស់អ្នកនោះទេ វាអាចធ្វើអោយនាងអៀន ហើយរត់គេចពីអ្នកតែម្តង។

៣-កុំទាន់សប្បាយចិត្តឬ សន្មតថានាងស្រលាញ់អ្នកផងដែរ

 បើទោះជាអ្នកជាអ្នករៀបផែនការល្អឥតខ្ចោះ និង មានរូបរាងសង្ហាយ៉ាងណាក៏ដោយបរាជ័យអាចធ្លាក់មកដល់ភ្លាមៗបើសិនអ្នកមើលរំលងចំនុចនេះ ព្រោះការសារភាពរបស់អ្នកដែលទទួលបានការយល់ព្រមមិនមែនមានន័យថានាងឈប់ពិនិត្យមើលលក្ខណះសម្បតិ្តរបស់អ្នកនោះទេ ពោលគ្រប់ទង្វើរបស់អ្នកនៅតែជាផ្ទាំងស៊ីប នៅតែជាគោលដៅដដែល ព្រោះនាងពេញចិត្តនឹងទង្វើរបស់អ្នកនៅចំនុច (១) ហើយបើអ្នកទទួលបានភ្លើងខៀវហើយបោលមិនគិតនាងនោះ ពិតណាស់អ្នកប្រាកដជាទឹកភ្នែកមិនខាន៕

ស្រុកព្រៃនប់៖​ មានករណីគ្រោះថ្នាក់ចរាចរណ៍មួយកើតឡើង​ រវាង​ រថយន្ត​ ០១គ្រឿង​ម៉ាក​ TOYOTA បាឡែន​ ពណ៌​ ទឹកប្រាក់​ ពាក់ផ្លាកលេខ​ភ្នំពេញ​2T-2534 បើកបរ​ដោយ​ឈ្មោះ​ ឆេង​ សុខនី​ ភេទ​ ប្រុស​ អាយុ​ ៣៧ឆ្នាំ​ ជា​ មេ​បញ្ជាការ​រង​កងរាជ​អាវុធហត្ថ​ស្រុក​ព្រៃនប់​ មានអ្នក​រួម​ដំណើរ​ម្នាក់​ឈ្មោះ​ ញ៉ោម​ នៅ​ ភេទ​ ប្រុស​ អាយុ​ ៣៨ឆ្នាំ​ ជាមន្ត្រីគយ​នៅ កែវផុស​ ។

ហើយ​ មានទិសដៅពី​ខេត្ត​ព្រះសីហនុ​ ឆ្ពោះទៅ​ ភ្នំពេញ​ លុះដល់ចំណុចខាងលើ​ក៏​បាន​បុក​នឹង​រថយន្ត​ធុនធំ​ ០១គ្រឿង​ពណ៌​ បៃតង​ ពាក់ផ្លាកលេខ​ភ្នំពេញ​3D-2056 សណ្តោងរុឺម៉ក​ មានទិសដៅ​ផ្ទុយ​គ្នា ហេតុការណ៍នេះដែរកើតឡើងនៅថ្ងៃ​ទី​២២​ ខែ​ឧសភា​​ ឆ្នាំ​២០១៨​ វេលាម៉ោង​ ១១:២០នាទី​ លើផ្លូវ​ជាតិ​លេខ​៤​ ចន្លោះ​គីឡូម៉ែត្រ​ ១៧៣-១៧៤​ ស្ថិតនៅ​ក្នុង​ភូមិ​ត្រពាំងគា​ ឃុំ​ជើងគោ​ ស្រុក​ព្រៃនប់​ ខេត្ត​ព្រះសីហនុ ​។

គ្រោះថ្នាក់​នេះ​បណ្ដាល​ឲ្យ​ស្លាប់​មនុស្ស​ ម្នាក់​ និង​រងរបួស​ធ្ងន់​មនុស្ស​ម្នាក់ ហើយអ្នករងគ្រោះដែលរងរបួស និងស្លាប់ក្នុងហេតុការនេះមានឈ្មោះ ៖
១-ឈ្មោះ​ ឆេង​ សុខនី​ រងរបួស​ ធ្ងន់​ បានបញ្ជូនទៅ​សង្គ្រោះ​នៅ​គ្លីនិក​លិគឹមឌីវារេញ​ ។
២-ឈ្មោះ​ ញ៉ោម​ នៅ​ ស្លាប់​នៅ​នឹង​កន្លែង​កើត​ហេតុ​ ។

ចំណែក​អ្នកបើកបរ​រថយន្ត​ធុនធំ​រត់​គេច​ខ្លួន​បាត់​ក្រោយ​ពេល​កើតហេតុ​។

រីឯ​វត្ថុ​តាង​រថយន្ត​ចំនួន​ ០២គ្រឿង​ ខូចខាត​ធ្ងន់​ កម្លាំង​សមត្ថកិច្ច​ជំនាញ​កំពុង​ចាត់​ចែង​ស្ទូច​យក​ចេញ​ពី​កន្លែង​កើត​ហេតុ​ យក​មក​រក្សាទុក​នៅ​អធិការ​ដ្ឋាន​នគរបាល​ស្រុក​ព្រៃនប់​៕

ប្រភព៖ Huy Bunleng

សៀមរាប៖ យ៉ាងហោចណាស់ សត្វគោ ចំនួន ១១ក្បាល បានស្លាបដោយសា រន្ទះបាញ់ ខណៈដែលពេលមេឃកំពុងបង្អុរភ្លៀងរលឹមតិចៗ នៅវេលាម៉ោងប្រមាណ៤ល្ងាចថ្ងៃទី២១ ខែឧសភា ឆ្នាំ២០១៨នេះ ដែលហេតុការណ៍នេះ កើតឡើងនៅត្រង់ចំណុចខាងកើតភ្នំបង្គូវ ចម្ងាយពីភូមិគ្រៀលពង ប្រហែល ២គីឡូម៉ែត្រក្នុងឃុំពពេល ស្រុកសូទ្រនិគមន៍។ នគរបាលស្រុកសូទ្រនិគមន៍ ខេត្តសៀមរាប បានឲ្យដឹងថា  សត្វគោដែលងាប់នោះមានមេចំនួន ១០ក្បាល និងគោឈ្មោះចំនួន ១ក្បាល។ ម្ចាស់គោមានឈ្មោះ វី វីត ភេទប្រុស អាយុ ១៤ឆ្នាំ នៅភូមិព្រៃលាន ឃុំពពេលស្រុកសូទ្រនិគមន៍ ខេត្តសៀមរាប៕