ព្រៃវែង: ថ្ងៃពុធ ១០រោច ខែពិសាខឆ្នាំច សំរឹទ្ធស័ក ព.ស២៥៦២ថ្ងៃទី09/05/2018វេលាម៉ោង18,30នាទីនៅចំណុចភូមិ
ពានី ឃុំល្វា ស្រុកព្រះស្តេចលើផ្លូវ៣១២មានម៉ូតូម៉ាកCiti C100 កូរ៉េពណ៍ខៀវពាក់ផ្លាកលេខព្រៃវែង1I 4981បើកដោយឈ្មោះ ឈឹម ភេន ភេទប្រុស អាយុ42ឆ្នាំរស់នៅភូមិសឹង ឃុំកំពង់សឹងស្រុកព្រះស្តេច ខេត្តព្រៃវែង។

បើកក្នុងទិសដៅពីត្បូងទៅជើងមកដល់ចំណុចខាងលើរេចង្កូតដួលខ្លួនឯងបណ្តាលអោយរងរបួស(មិនពាក់មួកសុវត្ថិភាព)៕បច្ចុប្បន្នជនរងគ្រោះបញ្ជូនទៅពេទ្យស្រុកព្រះស្តេចរីឯម៉ូតូយកមករក្សាទុកនៅប៉ុស្តិ៍ល្វា៕

នៅថ្ងៃទី០៩ ខែឧសភា ឆ្នាំ២០១៨នេះ ដឹកនាំដោយលោក ទេព ភារុន អភិបាលនៃគណៈអភិបាលស្រុកបាភ្នំអ្នកស្រី ឯម គឹមមន្ថា អភិបាលរងនិង សហការី មេឃុំ មេភូមិ និងការិយាល័យធម្មការស្រុក ព្រមទាំងលោកអធិការ លោកអធិការរង និងកម្លាំងជាច្រើនរូប ។

បាននាំយកអំណោយកាកបាទក្រហមកម្ពុជានិងថវិការរបស់ក្រុមការងារថ្នាក់ជាតិនិងថ្នាក់ស្រុក ចុះជួយឃុំបឹងព្រះចំនួន៧៥០,០០០៛ ទៅចែកជូនដល់គ្រួសារបងប្រុសឈ្មោះស៊ូ ធឿងភេទប្រុសអាយុ៣៩ឆ្នាំ នៅភូមិក្បាលដំរី ឃុំបឹងព្រះ ស្រុកបាភ្នំ រងគ្រោះថ្នាក់ធម្មជាតិដោយខ្យល់ព្យុះបាក់ផ្ទះ1ខ្នងទំហំ4m×5mម៉ែត បណ្តាលអោយខូចខាតទាំងស្រុង កាលពីថ្ងៃទី០៧ ខែឧសភា ឆ្នាំ២០១៨។

ភ្នំពេញៈករណីអគ្គិភ័យឆាបឆេះបំផ្លាញភោជនីយដ្ឋាន The BODLEIAN នេះ បានកើតឡើងនៅតាមបណ្ដោយផ្លូវលេខ២៨៨ ក្នុងសង្កាត់បឹងកេងកងទី១ ខណ្ឌចំការមនក្រុងភ្នំពេញ កាលពីម៉ោងជិត១២ថ្ងៃត្រង់នាថ្ងៃទី៩ខែឧសភាឆ្នាំ២០១៨នេះ។

ប៉ូលិសអោយដឹងថា ម្ចាស់ហាងឈ្មោះប៉ាត់ ត្រាប្រណី ភេទស្រីអាយុ៤២ឆ្នាំ។

ភោជនីយដ្ឋានដែលអគ្គិភ័យបំផ្លាញនោះជាប្រភេទសំណង់ថ្មប្រក់ដំបូលសង្ក័សីដែលមានទំហំ១១ម៉ែត្រគុណ១៦ម៉ែត្រ។អគ្គិភ័យបំផ្លាញនៅកន្លែងបន្ទប់ទទួលភ្ញៀវដែលមានទំហំ៤ម៉ែត្រគុណ៨ម៉ែត្រ។គ្មានមនុស្សរងរបួសអ្វីនោះទេ។

ស្ថិតនៅក្នុងហេតុការណ៍នោះក្រុមសមត្ថកិច្ចប៉ូលិសពន្លត់អគ្គិភ័យបានប្រើពេលជាងមួយម៉ោងក្នុងការចុះអន្តរាគមន៍បាញ់ទឹកពន្លត់អគ្គិភ័យនេះទើបថមថយរលត់អស់ទៅវិញផងដែរពោលគឺមិនបណ្ដាលឱ្យឆាបឆេះរាលដាលដល់ផ្ទះអ្នកជិតខាងឡើយ។

ចំពោះមូលហេតុនៃការឆាបឆេះភោជនីយដ្ឋានខាងលើនេះក្រុមសមត្ថកិច្ចប៉ូលិសជំនាញនៅមិនទាន់ដឹងពីមូលហេតុនៅឡើយទេពោលគឺកំពុងធ្វើការស្រាវជ្រាវនៅឡើយ។

គួររំលឹកផងដែរថានៅមូលដ្ឋានខណ្ឌចំការមនគ្រាន់តែរយៈ៣ថ្ងៃសោះមានករណីអគ្គិភ័យកើតឡើងចំនួន២លើកពោលគឺនៅលើកទី១បំផ្លាញផ្ទះប្រជាជននៅផ្លូវ៩៣សង្កាត់ទន្លេបាសាក់ទាំងកណ្ដាលយប់នាថ្ងៃទី៧ខែឧសភាឆ្នាំ២០១៨នេះនឹងនៅលើកទី២ករណីខាងលើនេះ៕

ក្លិប Pahang FA បានចែកផ្លូវជាមួយនឹង ចាន់ វឌ្ឍនាកា និងជំនួសរូបគេដោយខ្សែប្រយុទ្ធ Issey Nakajima ស្របពេលដែល Austin Amutu នឹងវិលទៅកាន់កន្លែងរបស់គេវិញដើម្បីជំនួសកន្លែងរបស់ខ្សែប្រយុទ្ធ Francis Forkey Doe ដែលមានបញ្ហារបួស។

តារាឆ្នើមអន្តរជាតិកម្ពុជា វឌ្ឍនាកា ត្រូវបានអនុញ្ញាតឲ្យចាកចេញកាលពីថ្ងៃអង្គារ ដោយក្លិប Pahang FA ដែលបាននាំយកខ្សែប្រយុទ្ធកាណាដា Issey Nakajima-Farran មកជំនួសវិញភ្លាមៗ ដើម្បីពង្រឹងក្រុមនេះ និងដើម្បីប្រជែងយកពានក្របខ័ណ្ឌម៉ាឡេស៊ី Super League។

លោក Dollah Salleh គ្រូបង្វឹករបស់ក្រុម Pahang បានឲ្យដឹងថា៖ «យើងសង្ឃឹមថា វត្តមានកីឡាករទាំង២នេះ នឹងបង្កើនគុណភាពក្នុងក្រុមរបស់យើង។ Amutu អាចនឹងមានបញ្ហាមួយចំនួនក្នុងការសម្របខ្លួនក្នុងក្រុមនេះ ប៉ុន្តែ ខ្ញុំប្រាកដចិត្តថា បទពិសោធរបស់គេនឹងជួយដល់យើង»។

ការចាកចេញរបស់វឌ្ឍនា ត្រូវបានរំពឹងទុកជាមុនទៅហើយ ក្រោយពីខ្សែបម្រើស្លាបរូបនេះ បានបង្ហាញពីទម្រង់លេងដ៏គួរឲ្យទាក់ទាញតិចតួចបំផុតក្នុងការចំណាយពេលដ៏ខ្លីរបស់គេជាមួយនឹង Pahang។

លោក Dollah បានប្រាប់បណ្តាញសារព័ត៌មាន FOX Sports Asia ថា លោកចង់ឲ្យមានការបង្ហាញពីទម្រង់លេងកាន់តែល្អប្រសើរជាងមុនពី វឌ្ឍនាកា ក្រោយពីការបញ្ចប់ក្នុងលទ្ធផលស្មើ ២-២ ជាមួយនឹងក្រុម Kuala Lumpur FA កាលពីថ្ងៃទី១៥ ខែមេសា។

ប៉ុន្តែ ទោះបីជាយ៉ាងណា វឌ្ឍនាកា មិនបានរកគ្រាប់បាល់បញ្ចូលទីឡើយ ក្នុងការបង្ហាញខ្លួន ១០លើករបស់គេ បើទោះបីបានជួយឲ្យមិត្តរួមក្រុមរកបានគ្រាប់បាល់ដ៏ច្រើនក៏ដោយ៕

ស្រុកព្រៃនប់៖​​ រថយន្តមួយគ្រឿង ម៉ាកTACOMAពណ៌ទឹកប្រាក់គ្មានផ្លាកលេខ បើកបរដោយឈ្មោះLIMING XIN ភេទប្រុស អាយុ២៩ឆ្នាំ មុខរបរ បើកសណ្ឋាគារ នៅខេត្តកោះកុង ជាជនជាតិចិន មកពីខេត្តYunnanប្រទេសចិន។

ហេតុកានេះបានកើតឡើងកាលពីវេលាម៉ោង០២៖១៥នាទីរសៀល ត្រូវនិងថ្ងៃទី០៩ខែឧសភា ឆ្នាំ២០១៨ នៅចំណុចចន្លោះបង្គោលគីឡូ១៥៧, ១៥៨ ស្ថិតនៅក្នុងភូមិមនោរម្យ ឃុំតានៃស្រុកព្រៃនប់ ខេត្តព្រះសីហនុ ។

រថយន្តនេះបើកបរទិសដៅពីភ្នំពេញទៅខេត្តព្រះសីហនុ ។

របាយការណ៍ពីសមត្ថកិច្ចបញ្ជាក់ថា ពេលមកដល់ចំណុចខាងលើរថយន្តមានល្បឿនលឿនរេចង្កូតក្រឡាប់មកខាងឆ្វេងដៃ តែពុំបណ្តាលអោយរងរបួសឬគ្រោះថ្នាក់ដល់អ្នកដ៍ទៃឡើយ ចំណែករថយន្តខូចខាតប្រហែល៥០% ៕

ប្រភព៖ Huy Bunleng

កាលពី​ថ្ងៃ​ទី០៨ ខែ​ឧសភា​ ឆ្នាំ២០១៨​នេះ ក្រសួង​សុខាភិបាល បាន​ចេញ​សេចក្ដី​ប្រកាស​ព័ត៌មាន​មួយ ដោយ​ជម្រាប​ជូន​សាធារណជន​ទាំង​អស់ ឲ្យ​ឈប់​ទទួល​ទាន​កាហ្វេ​ចង្អុល​មេឃ ព្រោះ​មាន​ផ្ទុក​សារធាតុ Sildenafil ដែល​ប្រើ​ប្រាស់​សម្រាប់​បង្កើន​តណ្ហា​ផ្លូវ​ភេទ​បុរស ប៉ុន្តែ​សារធាតុ​នេះ​អាច​គ្រោះ​ថ្នាក់​ដល់​អាយុជីវិត​ចំពោះ​អ្នក​ប្រើប្រាស់។

(ព្រៃវែង) ថ្ងៃទី០៨ ខែឧសភា ឆ្នាំ ២០១៨នេះ នៅវេលាម៉ោង 6,50នាទីយប់លើផ្លូលំក្រាលកៅស៊ូ ចំនុចភូមិ រកា ឃុំ រកាស្រុ ពារាំង ។ ម៉ូតូ 1គ្រឿង ម៉ាក C125 ពណ៌ខ្មៅ ពាក់ផ្លាកលេខ ភ្នំពេញ 1BM 8083 បើកបរដោយឈ្មោះ ឆាំ រ័ត្ន ភេទប្រុស អាយុ 15ឆ្នាំនៅភូមិកំពង់ឫស្សី ឃុំកំង់ឫស្សី ស្រុកពោធិរៀងរួមដំណើជាមួយ ចំនួន 1នាក់ ឈ្មោះ ខេន ប៊ុណ្ណា
ភេទប្រុស អាយុ 23ឆ្មាំ នៅភូមិ ឃុំជាមួយគ្នា( គ្មានពាក់មួកសុវត្ថិភាព ) ធ្វើតំណើពីត្បូង មក
ជើង ។

ស្រាប់តែមកដល់កន្លែងកើតហេតុ ម៉ូតូបានប្តូរគន្លងផ្លូវ ហើយជ្រុលទៅបុកជាមួយម៉ូតូ ១គ្រឿង
ទៀតម៉ាក ស្មាក់ ពណ៌ខ្មៅ ពាកផ្លាកលេខ នគរបាល 1.2165 បើកបរដោយឈ្មោះ ងៀន សៀន
ភេទប្រុស អាយុ 52ឆ្នាំ ជាមន្ត្រីនគរបាលប៉ុស្តិរដ្ឋបាលព្រៃស្នៀត ស្រុកពារាំង នៅភូមិ ស្នាយពល ឃុំ
រកា ស្រុកពារាំង ( គ្មានមួកសុវត្ថិភាព ) ដែលកំពុងធ្វើដំណើរបញ្ច្រាសទិសគ្នា ហើយបណ្តាលឲ្យឈ្មោះ ងៀន សៀន រងរបួសធ្ងន់ ហើយក្រោយមកបានស្លាប់ នៅពេលបញ្ជូនដល់មន្ទីពេទ្យស្រុក ។
ចំពោះអ្នកបើកបរម៉ូតូឈ្មោះ ឆាំ រ័ត្ន សមត្ថកិច្ចបានកពុងហៅមកសាកសួរ ដើម្បីបំពេញសំណុំ
រឿង ចាត់តាមនិតិវិធីច្បាប់ ។ វត្ថុតាងម៉ូតូទាំង 2គ្រឿង យកមករក្សាទុកនៅអធិការដ្ឋាននគរបាលស្រុក ។

(ភ្នំពេញ)៖លោក សាំ ពិសិដ្ឋប្រធានមន្ទីរសាធារណការនិងដឹកជញ្ជូនរាជធានីភ្នំពេញ អះអាងថាមិនមានករណីចោរលួចកាត់ដែកស្ពានបេឡេទេ។
លោក សាំ ពិសិដ្ឋ ថ្លែងបែបនេះ នៅព្រឹកថ្ងៃទី៩ឧសភា ថា ការពិតមិនមែនចោរលួចកាត់ស្ពានបេឡេទេ ក្រុម នេះបានមកមុជទឹកចូលទៅយកកំណាត់កម្ទេចដែកដែលសេសសល់ធ្លាក់ក្នុងទឹកហើយបានឆ្លៀតលួចកាត់ដែកប៉ារ៉ាស់ការពារជើងស្ពានទេ យ៉ាងណាបន្ថែមទៀតសមត្ថកិច្ចបាននឹងកំពុងធ្វើការងារនេះហើយ។
លោកបានសង្កត់ធ្ងន់ថា ចំពោះស្ថាភាពស្ពាន និងគុណភាពស្ពាននៅល្អដដែលទេ មិនប៉ះពាល់អ្វីឡើយគឺចរាចរណ៍ បានជាធម្មតា ។
គួររំលឹកថា កាលពីវេលាម៉ោង១ៗ២និង៣០នាទីរំលងអាធ្រាតឈានចូលថ្ងៃទី៩មានការណីភ្ញាក់ផ្អើល ដោយមានក្រុមជនសង្ស័យមួយក្រុម មានគ្នាប្រមាណជាង២០ទូក បានធ្វើសកម្មភាពលួចកាត់ដែកក្រោមស្ពាន ត្រូវបានកម្លាំងនគរបាលឃាត់ខ្លួនជនជាតិឥស្លាមបានចំនួន៤នាក់ ដកហូតទូកចំនួន៣គ្រឿងជាបន្តបន្ទាប់ តាមមាត់ច្រាំងទន្លេ រហូតមកដល់មុខវត្តចាស់ និងឆែកឆេររកឃើញម៉ាស៊ីនកាត់ដែក និងដែកមួយចំនួន ដែលជនសង្ស័យបោះទម្លាក់ចូលទៅក្នុងទឹកនៅក្បែរនោះផងដែរ យកមកកាន់អធិការដ្ឋាននគរបាលខណ្ឌជ្រោយចង្វារ ដើម្បីធ្វើការសាកសួរនិងចាត់ការតាមនីតិវិធី៕

សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា នឹងអញ្ជើញជួបសំណេះសំណាលជាមួយកម្មករ កម្មការិនីសរុបចំនួន ២៨.៥៨៤នាក់មកពីរោងចក្រ សហគ្រាសចំនួន២៦នៅក្នុងក្រុងបាវិត ខេត្តស្វាយរៀង នៅព្រឹកថ្ងៃទី៩ ខែឧសភា ឆ្នាំ២០១៨នេះ ។

គោលបំណងសំខាន់នៃការអញ្ជើញចុះជួបសំណេះសំណាលនេះ គឺដើម្បីស្វែងយល់ពីសុខទុក្ខរបស់បងប្អូនកូនក្មួយកម្មករ កម្មការនីដោយផ្ទាល់ និងដើម្បីដោះស្រាយបញ្ហាប្រឈមនានា។ ទន្ទឹមនឹងនេះដែរ គឺដើម្បីជំរុញគោលនយោបាយអភិវឌ្ឍន៍វិស័យឧស្សាហកម្ម (២០១៥-២០២៥) ឲ្យកាន់តែមានប្រសិទ្ធភាពខ្ពស់ ដើម្បីពង្រឹងសេដ្ឋកិច្ចជាតិ និងលើកកម្ពស់ជីវភាពរស់នៅរបស់ពលរដ្ឋអោយកាន់តែល្អប្រសើរឡើង។

ក្រៅពីជួបសំណេះសំណាលជាមួយកម្មករ និយោជិតហើយនោះ សម្តេចតេជោ ហ៊ុន សែន ក៏នឹងអញ្ជើញកាត់ខ្សែបូសម្ពោដាក់ឲ្យប្រើប្រាស់តំបន់សេដ្ឋកិច្ចពិសេសថ្មីមួយទៀត ឈ្មោះ អ៊ិនធើវៀ អូតូម៉ូបាល អ៊ិនដាសស្ទ្រី ខមផ្លេកស៍ ( Intervia Automobile Industry Complex) និងរោងចក្រដំឡើងរថយន្ត ដេហាន អូតូ (ខេមបូឌា) (Daehan Auto Cambodia) ស្ថិតនៅក្នុងក្រុងបាវិតនេះផងដែរ។

សម្តេចតេជោ នាយករដ្ឋមន្រ្តី បានមានប្រសាសន៍ថា នៅក្រោមការដឹកនាំរបស់ពូ គឺពូមានគោលនយោបាយយុទ្ធសាស្រ្តច្បាស់លាស់សំខាន់២ដើម្បីប្រែក្លាយជីវភាពរស់នៅរបស់បងប្អូនកូនក្មួយពីភាពក្រីក្រ អោយមានជីវភាពធូរធារប្រសើរឡើង ហើយបង្កើនទំនាក់ទំនងល្អជាមួយប្រទេសជិតខាង និងក្នុងតំបន់ អោយកាន់តែប្រសើរឡើង៖១)ប្រែក្លាយអតីតតំបន់សមរភូមិទាំងអស់នៅក្នុងប្រទេស អោយក្លាយទៅជាតំបន់ទីផ្សារ ដែលជួយជំរុញដល់ការងារ និងមុខរបរប្រជាពលរដ្ឋ និងក្មួយៗអោយកាន់តែប្រសើរឡើង។ ២)ប្រែក្លាយតំបន់ព្រំដែនជាមួយប្រទេសជិតខាងទាំងអស់ អោយក្លាយជាតំបន់សន្តិភាព សហប្រតិបត្តិការ មិត្តភាព និងអភិវឌ្ឍន៍។ នេះមិនត្រឹមតែជាមួយតែប្រទេសជិតខាងប៉ុណ្ណោះទេ គឺជាមួយប្រទេសក្នុងក្របខ័ណ្ឌតំបន់អាស៊ានទាំងអស់ និងជាមួយប្រទេសដទៃទៀតដូចជាប្រទេសចិនជាដើម ដែលយើងអាចភ្ជាប់ទំនាក់ទំនងលើវិស័យពាណិជ្ជកម្មលើផ្នែកដឹកជញ្ជូន និងកំពង់ផែជាដើម។ នេះជាផែនការរយៈពេលវែងដែលពូបានគិតគូច្បាស់លាស់ចំពោះការងារអភិវឌ្ឍប្រទេសជាតិយើង។ សម្តេចហ៊ុនសែនបានអរគុណកូនក្មួយកម្មករ និអរគុណពាណិជ្ជករ ព្រមទាំងជនរួមជាតិ ដែលបោះឆ្នោតអោយ គណបក្សប្រជាជន ដើម្បីពូមានឱកាសអភិវឌ្ឍន៍ប្រទេសជាតិយើងអោយកាន់តែរីកលូតលាស់ទៅមុខ។

សម្តេចតេជោសូមអរគុណកូនក្មួយកម្មករទាំងអស់ ដែលបានស្វាគមន៍ទទួលរាក់ពូយ៉ាង កក់ក្តៅនៅទីក្រុងបាវិតថ្ងៃនេះ។ តាមរយៈនៃការឱប ថើប និងថតសែលហ្វី (Selfie) ជាមួយគ្នា គឺបង្ហាញអោយឃើញពីការគោរពស្រឡាញ់រាប់អានដ៏ជ្រាលជ្រៅ និងគាំទ្ររបស់ក្មួយៗមកលើរូបពូ និងរាជរដ្ឋាភិបាលកម្ពុជា។ ពូពិតជារីករាយក្នុងការផ្តល់អោយក្មួយៗបានឱប ថើប ឱយសែលហ្វី ដោយសេរី ដើម្បីបង្ហាញពីការស្រឡាញ់ពីពូចំពោះក្មួយៗជាទីស្រឡាញ់ទាំងអស់។ សម្តេច បានជូនពរក្មួយៗមានការងារធ្វើជាប់លាប់ល្អៗ មានសុខភាពល្អ ជួបតែសេចក្តីសុខ និងសំណាងល្អគ្រប់ៗគ្នា។ អរគុណក្មួយៗដែលបន្តបោះឆ្នោតអោយតែ គណបក្សប្រជាជនកម្ពុជា៕