ការប្រកួតវគ្គពាក់កណ្តាលផ្តាច់ព្រ័ត្រនៃក្របខ័ណ្ឌ Champions League បានចូលមកដល់ហើយ ដូច្នេះយើងទៅតាមដានមើលថាតើក្រុមណាដែលអាចរកគ្រាប់បាល់ដើម្បីឡើងទៅដល់វគ្គផ្តាច់ព្រ័ត្របាន ។

កាលពីយប់មិញនេះនៅវេលាម៉ោង ១៖៤៥នាទី ( ម៉ោងក្នុងស្រុក ) ជំនួបរវាងជើងខ្លាំងទាំងពីនៅជើងទី១គឺក្រុម liverpool vs Manchester city  អ្នកដែលស្នេហាវិស័យកីឡាបាល់ទាត់និងអ្នកគាំទ្ររវាងក្រុមទាំងពីទន្ទឹងរងចាំមើលថាតើក្រុមណាអាចស៊ុតបញ្ចូលទី​​និងអាចរកគ្រាប់បាល់បានមុននោះ ។

យើងឃើញថាការប្រកួតដ៍ស្វាត់ស្វាញយប់មិញនោះធ្វើអ្នកគាំទ្រទាំងសងខាងមានការភ័យផង អផង ដែលការប្រកួតនេះមានការសម្រុកគ្នាទៅវិញទៅមក លុះមកដល់ត្រឹមនាទី ទី១២ គឺកីឡាករ​ Mohamed Salah រកគ្រាប់បាល់ឲ្យក្រុម liverpool របស់ខ្លួននាំមុខក្រុម Manchester city  ១-០ ។

លុះមិនទាន់បាន៨នាទី ស្រួលបួលផងកីឡាករខ្សែកាពារ Alex Oxlade-Chamberlain បានស៊ុតបញ្ចូលទី នៅនាទី​ ទី២០ដែលធ្វើឲ្យក្រុម liverpool នាំមុខក្រុម Manchester city ២-០ ។

ហើយការប្រកួតនេះបានអូសបន្លាយមកដល់នាទី ទី៣១ ធ្វើឲ្យក្រុម liverpool អាចរកគ្រាប់បាល់បន្ថែមជាគ្រាប់ទី៣ ឲ្យក្រុមរបស់ខ្លួនគឺដោយកីឡាករ Sadio Mané ។

លុះមកដល់នាទី ទី៩០​ អាជ្ញាកណ្តាលបានផ្លុំកញ្ចែបញ្ចប់ការប្រកួតនៅជើងទី១ ដែលលទ្ធផលយើងបានឃើយហើយថាក្រុម liverpool ៣ vs Manchester city ០ ៕

បើចង់ជ្រាបច្បាស់សូមទស្សនាវិដេអូ

ដោយ៖​SVD

ការប្រកួតវគ្គពាក់កណ្តាលផ្តាច់ព្រ័ត្រនៃក្របខ័ណ្ឌ Champions League បានចូលមកដល់ហើយ ដូច្នេះយើងទៅតាមដានមើលថាតើក្រុមណាដែលអាចរកគ្រាប់បាល់ដើម្បីឡើងទៅដល់វគ្គផ្តាច់ព្រ័ត្របាន ។

កាលពីយប់មិញនេះ ជំនួបរវាងជើងខ្លាំងទាំងពីនៅជើងទី១គឺក្រុម Barcelona vs Roma ដែលអ្នកស្នេហាវិស័យកីឡាបាល់ទាត់និងអ្នកគាំទ្ររវាងក្រុមទាំងពីទន្ទឹងរងចាំមើលថាតើក្រុមណាអាចស៊ុតបញ្ចូលទីនិងអាចរកគ្រាប់បាល់បានមុននោះ ។

យើងឃើញថាការប្រកួតដ៍ស្វាត់ស្វាញយប់មិញនោះធ្វើអ្នកគាំទ្រទាំងសងខាងមានការភ័យផង អផង ដែលការប្រកួតនេះមានការសម្រុកគ្នាទៅវិញទៅមក លុះមកដល់ត្រឹមនាទី ទី៣៨ គឺកីឡាករ Daniele De Rossi របស់ក្រុម Roma មានភ្លាត់ធ្វើចូលទីខ្លួនឯង ដែលធ្វើឲ្យក្រុមអ្នកមានបុណ្យ Barcelona អាចរកគ្រាប់បាល់នាំមុខក្រុម Roma ១-០ ។

លុះមកដល់នាទី ទី៥៥ កីឡាករ Kostas Manolas របស់ក្រុម Roma ដដែលបានធ្វើឲ្យភ្លាត់ម្តងទៀត ដែលធ្វើឲ្យក្រុម Barcelona អាចរកគ្រាប់បាល់ ទី២ ដើម្បីនាំមុខក្រុម Roma ២-០ ។

លុះមិនទាន់បាន៤នាទី ស្រួលបួលផងកីឡាករខ្សែកាពារ Gerard Pique បានស៊ុតបញ្ចូលទី នៅនាទី​ ទី៥៩ ដែលធ្វើឲ្យក្រុម Barcelona នាំមុខក្រុម Roma ៣-០ ។

ហើយការប្រកួតនេះបានអូសបន្លាយមកដល់នាទី ទី៨០ ក្រុម Roma ក៍អាចរកគ្រាប់ទី១ ជូនក្រុមរបស់ខ្លួនដោយកីឡាករ Edin Dzeko ដែលធ្វើឲ្យក្រុម Roma រៀងសប្បាយចិត្តបន្តិចដោយ Barcelon ៣ Roma ១។

ប៉ុន្តែការសប្បាយរបស់ក្រុម Roma មិនទាន់បានប៉ុន្មានផងកីឡាករខ្សែរប្រយុទ្ធដ៍ឆ្នើមរបស់ក្រុម Barcelona គឺកីឡាករ Luis Suarez បានរកគ្រាប់បាល់បន្ថែមក៍អាចថាជាគ្រាប់បាល់ជ័យជំនះផងដែរ ។

លុះមកដល់នាទី ទី៩០​ អាជ្ញាកណ្តាលបានផ្លុំកញ្ចែបញ្ចប់ការប្រកួតនៅជើងទី១ ដែលលទ្ធផលយើងបានឃើយហើយថាក្រុម Barcelon៤-Roma១ ៕

បើចង់ជ្រាបច្បាស់សូមទស្សនាវិដេអូ

ដោយ៖ SVD

គួរឲ្យសង្វេគ!!! កុមារអាយុ១០ខែ ធ្លាក់ចូលលូបង្គន់លង់ស្លាប់ ខណៈម្តាយធ្វេសប្រហែសរវល់ធ្វើការងារ បង្កឲ្យមានការភ្ញាក់ផ្អើលកាលពីវេលាម៉ោង ២ និង១៥នាទីរសៀល ថ្ងៃទី០៣ ខែមេសា ឆ្នាំ២០១៨ នៅត្រង់ចំណុចលូបង្គន់ក្រោយផ្ទះ ស្ថិតក្នុងភូមិកញ្ជើបាយដាច ឃុំអន្លង់វិល ស្រុកកណ្តៀង ខេត្តពោធិ៍សាត់។

(ពោធិ៍សាត់)៖ មានហេតុការណ៍គួរឲ្យរន្ធត់មួយបានកើតឡើង ក្រោយកុមារា១០ខែម្នាក់ បានធ្លាក់ចូលក្នុងលូបង្គន់ដែលគ្មានគម្រប បណ្តាលឲ្យលង់ស្លាប់យ៉ាងអាណោចអាធ័ម ខណៈម្តាយធ្វេសប្រហែស រវល់ធ្វើការងារនៅខាងមុខផ្ទះ។

ករណីក្មេងលង់ទឹកស្លាប់ខាងលើនេះ បង្កឲ្យមានការភ្ញាក់ផ្អើលកាលពីវេលាម៉ោង ២ និង១៥នាទីរសៀល ថ្ងៃទី០៣ ខែមេសា ឆ្នាំ២០១៨ នៅត្រង់ចំណុចលូបង្គន់ក្រោយផ្ទះ ស្ថិតក្នុងភូមិកញ្ជើបាយដាច ឃុំអន្លង់វិល ស្រុកកណ្តៀង ខេត្តពោធិ៍សាត់។

កាលយប់មិញកាប្រកួតរវាង Juventus vs Real Madrid នៅវេលាម៉ោង ១៖៤៥ នាទីដែលកាប្រកួតនេះធ្វើឲ្យមានកាជក់ចិត្តយ៉ាងខ្លាំងរវាងអ្នកគាំទ្រទាំងសងខាងផងដែរ ។

ជាកាពិតណាស់យើងឃើញថា ការប្រកួតយប់មិញនេះកីឡាកររបស់ក្លិប Real Madrid បានរកគ្រាប់បាល់ឲ្យក្លឹបរបស់ខ្លូនជាគ្រាប់ដំបូងនៅនាទី ទី០៣ គឺកីឡាករ Cristiano Ronaldo   ហើយអ្វីដែលអស្ចារ្យជាងនេះទៀតនោះគឺមកដល់តង់ទី ២ នៅនាទី ទី៦៣ កីឡាករូបនេះដដែលបានស៊ុតបាល់បញ្ចូលទីដ៍អស្ចារ្យ គឺដោយបាល់ (​ Bicycle Kick ) ដែលធ្វើឲ្យអ្នកគាំទ្រមានការភ្ញាក់ផ្អើល ព្រមទាំងគ្រូបង្វឹកផ្ទាល់របស់ក្លឹប Real Madrid គឺ​ លោក Zinedine Zizou Zidane មានស្រៀវជាខ្លាំងនឹកស្មានមិនដល់ចំពោះគ្រាប់បាល់ដ៍អស្ចារ្យមួយនេះ ។

ហើយកាប្រកួតដ៍ជក់ចិត្តនេះបានបន្តមកដល់ត្រឹមនាទី ៧១ ក៍បានបើកការស៊ុតរកគ្រាប់ទី៣​ ដោយខ្សែរបំរើរបស់​ Real Madrid គឺកីឡាករ Marcelo ដែលជួយឲ្យក្លឹបរបស់ខ្លូន នាំមុខក្លឹប Juventus 3-0 ។

ការប្រគួតនេះអូសបន្លាយរហូតដល់ចប់តង់ ៩០នាទី ហើយលទ្ធផលសំរេចជាផ្លូវការ​ Real Madrid ៣ – Juventus ០​ ៕

បើចង់ជ្រាបច្បាស់សូមទស្សនាវិដេអូ

ដោយ ៖ SVD

Cr៖ You Tube

កាលពីពេលកន្លងទៅថ្មីៗនេះ មនាការផ្សព្វផ្សាយពេញបណ្តាញសង្គមហ្វេសប៊ុក ដោយមានយុវជនមួយក្រុមជាមុខសញ្ញាឆក់យ៉ាងសកម្មត្រូវបានការិយាល័យព្រហ្មទណ្ឌកំរិតស្រាលបង្ក្រាបបានចំនួន០៣នាក់ ក្រោយពេលក្រុមពួកលោកចោរឆក់វ័យក្មេងទាំងនោះធ្វើសកម្មភាពឆក់ទូរស័ព្ទដៃពីជនរងគ្រោះបានសម្រេចហើយថែមទាំងថតរូបបង្ហោះអួតគេឯងពេញបណ្តាញសង្គមហ្វេសប៊ុក ។

ឥលូវយើងងាកមកមើលរឿងរាវស្រដៀងគ្នានេះដែរ​ ដោយកាលពីពេលថ្មីៗនេះ មានករណីថតរូបង្ហោះអួតតាមហ្វេសប៊ុកមួយទៀត ដែលករណីលើកនេះជាករណីលក់ថ្នាំញៀនវិញម្តង ។ យោងតាមម្ចាស់គណនីមួយបានបង្ហោះថា ”ខ្ងុំមានលក់ទឹកកករនៅច្បារអំពៅទីតាំងនៅផ្ទះបងរុំ” ។

ក្រោយពីសសេរសារបង្ហោះមិនទាន់បានប៉ុន្មានផង សមត្ថកិច្ចជំនាញបានធ្វើការស្រាវជ្រាវ ហើយកំណត់មុខសញ្ញាឈានដល់ការឃាត់ខ្លួនជននោះបានតែម្តង ៕

ដោយ៖ SVD

ប្រភព៖ FB

បើតាមសម្តីរបស់លោក ប្រាក់ សុវណ្ណារ៉ា ដែលជាអគ្គនាយកបេតិភណ្ឌ នៃក្រសួងវប្បធម៍ និងវិចិត្រសិល្បះ លោកបានឲ្យដឹងថា ៖ មានប្រាសាទ និងរមណីយដ្ឋានប្រវត្តិសាស្ត្រកម្ពុជាចំនួន ០៨ កន្លែងថែមទៀតបានត្រៀមក្នុងបញ្ជី ដើម្បីដាក់បញ្ចូលក្នុងសម្បត្តិបេតិភ័ណ្ឌពិភពលោក ។

ហើយតំបន់ប្រវត្តិសាស្រ្តទាំង ០៨ ដែលត្រៀមដាក់ចូលក្នុងបញ្ជីសម្បត្តិបេតិភណ្ឌពិភពលោកនេះមានដូចជា ៖

ទី១ រមណីយដ្ឋានអង្គបុរី

រមណីយដ្ឋានអង្គបុរី ស្ថិតនៅក្នុងខេត្ត តាកែវ រមណីយដ្ឋាននេះមាន ប្រាសាទភ្នំដា អាស្រមតាឥសី និងមានកំពែងក្រុងជាដើម តំបន់នេះត្រូវបានចាត់ទុកជាសម័យកាលតំបូង នៃប្រវត្តិសាស្ត្រខ្មែរក្នុងសម័យ ហ្វូណន ។

ទី២ តំបន់ប្រាសាទបន្ទាយឆ្មារ

តំបន់ប្រាសាទបន្ទាយឆ្មារ ស្ថិតនៅក្នុងខេត្តបន្ទាយមានជ័យ ប្រាសាទបន្ទាយឆ្មារនេះ ត្រូវបានឧទ្ទិសថ្វាយដល់បុត្រព្រះមហាក្សត្រ ព្រះបាទជ័យវរ្ម័នទី៧ ដែលបានសោយទីវង្គត ក្នុងការច្បាំងជាមួយនគរចម្ប៉ា។​ សមរភូមិរវាងខ្មែរ និងចាមត្រូវបានពណ៍នាដោយចម្លាក់លាន ។

ទី៣ តំបន់ប្រាសាទបាកាន

តំបន់ប្រាសាទបាកាន អតីតព្រះខ័នកំពង់ស្វាយ ស្ថិតនៅខេត្តព្រះវិហារ​ ប្រាសាទបាកានមានក្បូរក្បាច់រចនា ប្រហាក់ប្រហែលនិងប្រាសាទអង្គរវត្តដែរ​ ដែលបានកសាងមុនពេលលើករាជធានីទៅអង្គរវត្ត ប្រាសាទបាកាននេះមានឈ្មោះដើមហៅថា ប្រាសាទជ័យស្រីកសាង ដោយព្រះបាទសុរិយោវរ្ម័នទី១ ( គស១០០២-១០៥០ )។

ទី៤​ តំបន់ប្រាសាទបេងមាលា ឬបឹងមាលា

ប្រាសាទបេងមាលាឬបឹងមាលា បានកសាងឡើងនៅសតវត្សរ៍ទី១២ តាមរចនាប័ទ្មអង្គរវត្ត សង់លើផៃ្ទដីរាបស្មើទំហំ១៤ហិកតា (១៨១ម៉ែត្រx១៥២ម៉ែត្រ) មានកំពែង៣ជាន់ ដើម្បីឧទ្ទិសថ្វាយដល់ព្រះអាទិទេពក្នុងព្រហ្មញ្ញសាសនា និកាយវិស្ណុនិយម។ ប្រាសាទនេះមានទីតាំងស្ថិតនៅភូមិបេងមាលា ឃុំបេងមាលា ស្រុកស្វាយលើ ខេត្តសៀមរាប នាទិសអាគ្នេយ៍នៃភ្នំគូលេន មានចម្ងាយ៧៧គីឡូម៉ែត្រពីក្រុងសៀមរាប។

ទី៥ រមណីយដ្ឋានប្រវត្តិសាស្ត្រឧដុង្គ

ភ្នំឧដុង្ត​ជា​អតីត​រាជធានី​នា​សតវត្សរ៍​ទី ១៧ (ពី​ឆ្នាំ​១៦១៨ ដល់​ឆ្នាំ ១៨៦៦) ហើយ​ត្រូវ​បាន​បោះ​បង់​ចោល​ដោយ​ព្រហបាទ នរោត្តម នៅ​​ឆ្នាំ​១៩៦៦ ដោយ​​ផ្លាស់​រាជធានី​​ទៅ​​​កាន់​​​រាជធានី ​ភ្នំពេញ​​ រហូត​​ដល់​​សព្វថ្ងៃ​​។ ភ្នំ​ឧដុង្ត​​មាន​​ចំងាយ​ប្រមាណ​​៤០​គីឡូម៉ែត្រ​​ពី​​ភាគ​ពាយព្យ​នៃរាជធានីភ្នំពេញ​​។ ទី​កន្លែង​នេះ​មាន​ការ​ទាក់ទាញ​ជា​ថ្មី បន្ទាប់​ពី​ការ​កសាង ព្រះ​សក្យមុនី​ចេតិយ​​ដ៏​​ធំ​​នៅ​​លើ​​កំពូល​​ភ្នំ​ឧដុង្គ​​ជ្រុង​ខាង​ជើង ដែល​មើល​ទៅ​ឃើញ​ធំ​ខ្ពស់ និង​មាន​ភាពស្រស់​បំព្រង។ ភ្នំ​ឧដុង្ត​ស្ថិត​នៅ​ក្នុង​ឃុំ​ផ្សារដែក និង​​ឃុំភ្នំ​បាត ស្រុកពញាឭ ខេត្តកណ្តាល ភ្នំ​នេះ​មាន​ឈ្មោះ​បី​គឺ ភ្នំឧដុង្គ ភ្នំ​ព្រះរាជទ្រព្យ និង​ភ្នំ​អដ្ឋរស្ស។

ទី៦ រមណីយដ្ឋានបន្ទាយព្រៃនគរ

រមណីយដ្ឋាន ហ្លួងព្រះស្ដេចកន ឬបន្ទាយព្រៃនគរ មានទីតាំងស្ថិតនៅ ភូមិបន្ទាយព្រៃនគរ ឬ ភូមិអង្គរក្នុង ឃុំដូនតី ស្រុកពញាក្រែក ខេត្ដកំពង់ចាម មានចម្ងាយ ៤៩ គ.ម ពីទីក្រុងកំពង់ចាម តាមផ្លូវជាតិលេខ ៧ ។ រមណីយដ្ឋាន ប្រាសាទបន្ទាយព្រៃនគរ មានកំពែងព័ទ្ធជុំវិញ រាងការ៉េ ប្រវែង ២.៥០០ម. ក្នុងមួយជ្រុងៗ ។ កំពែងនេះសង់ឡើង ដោយ ដីល្បាប់ខ្សាច់់ មានកំពស់ ៥ម.ទៅ ៧ម.ទទឹង ២០ម.ទៅ២៥ម. តែត្រូវ បាក់ស្រុតមួយ ភាគធំ ។ នៅលើខ្នងទំនប់ និង សងខាងទំនប់ មាន ដាំឬស្សី យ៉ាងក្រាស់ ។

៧​ រមណីយដ្ឋានភ្នំគូលេន

ភ្នំគូលេនស្ថិតនៅក្នុងស្រកស្វាយលើ និងស្រុកវ៉ារិន ចំងាយ ៦០គីឡូម៉ែត្រពីក្រុងសៀមរា និងប្រហែល ២៥គីឡូម៉ែត្រពី​ប្រាសាទបន្ទាយស្រី ។ ភ្នំគូលេនមានឈ្មោះដើមថា មហិន្រ្ទព៌ត ជាកន្លែងដែលព្រះបាទជ័យវរ្ម័នទី២ ប្រារព្ធធ្វើពិធីទេវរាជ និងប្រកាសឯករាជ្យពីប្រទេសជ្វាក្នុងឆ្នាំ​៨០២ ដែលជាពេលដែលសម័យអង្គរកើតឡើង។ ភ្នំនេះជាទីក្រុងរបស់ចក្រខ្មែរ (អាណាចក្រខ្មែរ)ដំបូងគេជិតកន្លះសតវត្សមុនពេលប្តូរទៅហិហរាល័យ ដែលឥឡូង​នេះហៅថារលួស។ មានប្រាសាទប្រហែល ២០​ ត្រូវបានរកឃើញនៅលើភ្នំនេះ។

ទី៨តំបន់ប្រាសាទកោះកេរ្តិ៍ សៀមរាប​:

ក្រុម​ប្រាសាទកោះកេរ្តិ៍ ( ​កោះ​កេរ​ ) ដែល​មាន​ទីតាំង​ស្ថិត​នៅ ក្នុងភូមិ​ស្រ​យ៉ង់​ជើង ឃុំ​ស្រ​យ៉ង់ ស្រុក​គូលែន ខេត្តព្រះវិហារ មាន​ចំងាយ ៧២​គីឡូម៉ែត្រ ពី​ទីរួមខេត្ត​សៀមរាប បើ​ធ្វើ​ដំណើរ​តាម​ផ្លូវ​លេខ​២១១ និង​ផ្លូវលំ​ចំងាយ ៤៩​គីឡូម៉ែត្រ ពី​ទី​រួម​ខេត្តព្រះវិហារ​។ ប្រសិនបើ​ធ្វើ​ដំណើរ​តាម​ដងផ្លូវ​លេខ​៦៤ ដែល​បែក​ចេញពី​ផ្លូវជាតិ​លេខ​៦ ត្រង់​ចំណុច​ផ្សារ​ដំ​ដែក ស្រុក​សូទ្រនិគម ខេត្តសៀមរាប ឆ្ពោះទៅ​ទិស​ខាងជើង​សំដៅ​ទៅ​រក​ស្រុក​ស្វាយ​លើ ខេត្តសៀមរាប រួច​បន្ត​ទៅ​ស្រុក​គូលែន ខេត្តព្រះវិហារ គឺ​មាន​ចំងាយ​ប្រមាណ ១២០​គីឡូម៉ែត្រ បើ​គិត​ពី​ការ​គ្រប់គ្រង​រដ្ឋបាល​សព្វថ្ងៃ មណ្ឌល​នៃ​អតីត​រាជធានី​នេះ ស្ថិត​នៅ​ក្នុងភូមិ​កោះ​កេរ្តិ៍ ឃុំ​ស្រ​យ៉ង់ ស្រុក​គូលែន ខេត្តព្រះវិហារ​។ ប្រាសាទកោះកេរ្តិ៍ គឺជា​រាជធានី​ចាស់​បុរាណ មាន​អាយុប្រមាណ​ជាង ១០០០​ឆ្នាំ មក​ហើយ​។

កាលពីយប់នៅថ្ងៃទី ០២ ខែ មេសា ឆ្នាំ ២០១៨ វេលាម៉ោងប្រហែល ២០:០០នាទីយប់ មានយុវជនម្នាក់ឈ្មោះ នៅ សុផាននី បានជិះម៉ូតូចេញពីផ្ទះម្ដុំស្ទឹងមានជ័យ ក្នុងគោលបំណងទៅទទួលបងប្រុសចេញពីធ្វើការត្រឡប់ទៅផ្ទះវិញ លុះពេលជិះមកដល់ចំណុចមុខផ្ទះលេខ ៤៧៤ ផ្លូវម៉ៅសេទុង សង្កាត់ទឹកល្អក់ទី២ ខណ្ឌទួលគោក ជនរងគ្រោះក៏ឈប់ម៉ូតូរួចយកទូរស័ព្ទដៃមកនិយាយទៅកាន់បងស្រីរបស់ខ្លួន ស្រាប់តែមានជនសង្ស័យ០២នាក់ជិះម៉ូតូមួយគ្រឿងម៉ាក Honda C110 (សង់ប៊ិច ) ពណ៌ខ្មៅ ពាក់ស្លាកលេខ ភ្នំពេញ 1BG-0293 មកអែបជិតជនរងគ្រោះ រួចអ្នកជិះខាងក្រោយបានធ្វើសកម្មភាពឆក់ ទូរស័ព្ទពីដៃជនរងគ្រោះបានសម្រេច ហើយព្យាយាមជិះបត់ក្រោយគេចខ្លួន ភ្លាមនោះជនរងគ្រោះក៏ជិះម៉ូតូដេញតាមពីក្រោយ ស្របពេលដែលកំលាំងនគរបាលខណ្ឌទួលគោក កំពុងដាក់គោលដៅត្រួតពិនិត្យអាវុធជាតិផ្ទុះពេលយប់នៅក្បែរនោះក៏បានជួយអន្តរាគមន៍ឃាត់ខ្លួនជនសង្ស័យបានទាំង០២នាក់ភ្លាមៗតែម្តង និងបានដកហូតយកទូរស័ព្ទដៃរបស់ជនរងគ្រោះមកវិញផងដែរ ។

ហើយជនសង្ស័យដែលត្រូវសមត្ថកិច្ចឃាត់ខ្លួននោះរូមមានឈ្មោះ៖
ទី១ ឈ្មោះ ឯក សុវណ្ណដន ហៅ ស ភេទប្រុស អាយុ១៨ឆ្នាំ ជនជាតិខ្មែរ មុខរបរ ពុំពិតប្រាកដ ស្នាក់នៅផ្ទះជួល ផ្លូវលំ ភូមិទ្រា៣ សង្កាត់ស្ទឹងមានជ័យ ខណ្ឌមានជ័យ រាជធានីភ្នំពេញ ។
ទី២ ឈ្មោះ ឌុល សុខាលីដេន ហៅដេន ភេទប្រុស អាយុ១៨ឆ្នាំ ជនជាតិខ្មែរ មុខរបរ ពុំពិតប្រាកដ ស្នាក់នៅផ្ទះលេខ៤៣៧ ផ្លូវលំ ភូមិទ្រា សង្កាត់ ស្ទឹងមានជ័យ ខណ្ឌមានជ័យ រាជធានីភ្នំពេញ ។

ហើយវត្ថុតាងចាប់យករួមមាន៖
១.ម៉ូតូមួយគ្រឿងម៉ាក Honda C110 (សង់ប៊ិច ) ពណ៌ខ្មៅ ពាក់ស្លាកលេខ ភ្នំពេញ 1BG-0293 ដែលមានលេខតួនិងលេខម៉ាស៊ីន: 8011237 , ទូរស័ព្ទមួយគ្រឿងម៉ាក I phone 6S plus ពណ៌ខ្មៅ (ចាប់យកពីឈ្មោះ ឯក សុវណ្ណដន ជាម៉ូតូរបស់ជនសង្ស័យជិះធ្វើសកម្មភាព ) ។
២.ទូរស័ព្ទដៃមួយគ្រឿងម៉ាក I phone 7 Plus ពណ៌ខ្មៅ បែកអេក្រង់ ( ជារបស់ជនរងគ្រោះដែលជនសង្ស័យធ្វើសកម្មភាពឆក់ ចាប់យកពីឈ្មោះ ឌុល សុខាលីដេន ) សមត្ថកិច្ចយើងបានធ្វើការប្រគល់ឲ្យជនរងគ្រោះវិញតាមការស្នើសុំ ដោយមានការឯកភាពពីអយ្យការអមសាលាដំបូងរាជធានីភ្នំពេញ ។
បច្ចុប្បន្នជនសង្ស័យទាំង០២នាក់ខាងលើកំពុងឃាត់ខ្លួនបណ្ដោះអាសន្ន នៅអធិការដ្ឋាន នគរបាលខណ្ឌទួលគោក ដើម្បីធ្វើការ សាកសួរ ដើម្បីកសាងសំណុំរឿងបញ្ជូនទៅសាលាដំបូងរាជធានីភ្នំពេញ ចាត់ការតាមនីតិវិធីច្បាប់ ។

ពិតជាក្តុលក្តួលចិត្តពេលឃើញសារកូនស្រី របស់អ្នកស្រី ចេវ​ សុវឌ្ឍនា ដែលបានសសេរបង្ហោះនៅក្នុងគណនីយហ្វេសប៊ុកផ្ទាល់របស់នាង​ថែមទាំងរៀបរាប់យ៉ាងកំសត់ថា៖

“HBD mummy…🌹
ជារៀងរាល់ឆ្នាំ ពួកកូនតែងតែ surprise BD ម៉ាក់ ប៉ុន្តែឆ្នាំនេះគឺមិនដូចឆ្នាំមុនៗទៀតឡេីយ អ្វីៗមេីលទៅហាក់ដូចជាស្រឡះ ប៉ុន្តែនៅក្នុងចិត្តកូនពេលនេះគឺពិតជាងងឹតណាស់ និងបាត់បង់ភាពកក់ក្តៅដែលកូនធ្លាប់មានកន្លងមក។ កូននឹកម៉ាក់ខ្លាំងណាស់ សូម្បីតែយល់សប្តិក៏ឃេីញម៉ាក់ដែរ អាចថាមកពីកូននឹកម៉ាក់ពេកឫស្រមៃតែខ្លួនឯងពេកក៏ថាបាន ប៉ុន្តែការស្រមៃទាំងនោះមេីលទៅហាក់ដូចជាការពិតណាស់ ព្រោះកូនអាចនូវជាមួយម៉ាក់។ បេីអាចកូនចង់ឲពេលវេលាថយក្រោយណាស់ តែមិនអាចទេព្រោះពេលនេះអ្វីៗមិនដូចមុនឡើយ។ ទោះបីពេលខ្លះ កូនមិនដែរលេងដើចជាមួយម៉ាក់ច្រើន ប៉ុន្តែនៅពេលនិយាយជាមួយម៉ាក់ គឺកូនមានអារម្មណ៍ជិតស្និតណាស់ ហើយម៉ាក់ម្នាក់គត់ដែលដឹងពីកូន និងយល់ពីកូនបំផុត ទោះបីជាមិន និយាយមកក្រៅ ឫប្រាប់ម៉ាក់ ក៍ម៉ាក់ដឹងដែរ។

ម៉ាក់តែងតែនិយាយមក កូនថា »ម៉ាក់ជាម៉ាក់ឯង មិនបាច់លាក់ទេ« ពាក្យម៉ាក់ទាំងប៉ុន្មាន គឺកូនចាំជានិច្ច ហើយក៍ស្រក់ទឹកភ្នែកពេលនឹកម៉ាក់ម្តងៗ។ នឹកឃើញពេលដែរម៉ាក់សួរកូនថា» មិចឆ្នាំនឹងអត់ឃើញកូនឲកាដូម៉ាក់ចឹង?« កូនក៍និយាយលេងថា»អត់លុយផងម៉ាក់« ម៉ាក់ក៍សើច ប៉ុន្តែគឺកូនចង់ surprise នៅថ្ងៃ BD ម៉ាក់ តែពេលនេះគឺសល់ត្រឹមតែរូបថតប៉ុណ្ណោះ ម៉ាក់សួរកូនថា »ស្រឡាញ់ម៉ាក់ឫអត់« កូនក៍មិនបានឆ្លើយដែរនៅពេលនឹង គឺកូនគ្មានភាពក្លាហាននឹងប្រាប់ម៉ាក់ តែកូនពិតជាស្រឡាញ់ម៉ាក់ជាងនរណាទាំងអស់ កូនចង់ឱបម៉ាក់ នឹកម៉ាក់ នឹកស្នាមញញឹម នឹកអី្វៗ ដែរម៉ាក់និយាយមកកូន នឹងចង់ប្រាប់ពាក្យក្នុងចិត្តទៅម៉ាក់ ព្រោះម៉ាក់ជាមនុស្សដែរដឹងនិង យល់ពីកូនតែម្នាក់គត់ តែឥឡូវបានត្រឹមតែរូបថតប៉ុណ្ណោះ។ I love u mum…may ur soul Rest In Peace #260218″៕

ដោយ៖​ SVD

ប្រភព៖ FB

Super Cub ឬ ( អាគុប ) សេរីឆ្នាំ ២០១៨ របស់ក្រុមហ៊ុន Honda ( ហុងដា ) ដែលមានម៉ាសុីនចំណុះ ១២៥ សេសេ បានបង្ហាញចេញម៉ូតក្នុងកម្មវិធីតាំងបង្ហាញយាន្តយន្ត Bangkok Motor Show ក្នុងឆ្នាំ២០១៨ ម៉ូតូម៉ាសុីន ១២៥ សេសេ នេះផលិតសម្រាប់ប្រទេសថៃផ្តាច់មុខ ។

ម៉ូតូធ្លាប់បានបង្ហាញរូបរាងជាប្រភេទ Concept  នៅជប៉ុនកាលពីឆ្នាំទៅ បុន្តែពេលនេះបានផលិតផលសម្រាប់លក់ហើយ ទោះបីជាសេរីថ្មីមែន បុន្តែរចនាបថរូបរាងរបស់មិនបានចាកឆ្ងាយពីអាគុបជំនាន់មុននោះទេ គឺនៅរក្សារូបរាងនៅបុរាណដដែល ។

អំពូលខាងមុខមានរូបរាងមូលបែបបុរាណ និងប្រើអំពូលប្រភេទ LED ទាន់សម័យហើយគ្រោងអំពូលនេះមាន ក្រូមេដោយដែកដែលសភាពរលោងស្អាត រីឯអំពូលសុីញ៉ូក៍ជាប្រភេព LED ដែលមានរាងទាក់ទាញបំផុត ។

ចំណែកឯកុងទ័របង្ហាញព័ត៍មានជាប្រភេទ Digital នៅចំកណ្តាលលាយជាមួយនិង Analog ដែលស្ថិតនៅជុំវិញ អាចបង្ហាញទិន្នន័យបានច្រើន ដូចជា ល្បឿន កំរិតសាំង និង លេខផងដែរ ។

បើកែបវិញវានៅរក្សារូបរាងដដែល បន្តែពេលនេះគេបានប្រើវាជាប្រភេទស្បែក និងមានក្រូមេភ្លឺរលោងផងដែរ ។

កង់លើម៉ូតូ ១២៥ សេសេ នេះលែងជាកង់បែបបុរាណទៀតហើយ ដោយប្តូរមកកង់អាលុយមីញ៉ូម ដែលមានទំហំ ១៧អុីញ ។

ភ្លើងសុីញ៉ូខាងក្រោយនៅមានរូបរាងជ្រុងៗដូចពីមុន ប៉ុន្តែបានប្តូរមកប្រើអំពូលប្រភេទ LED វិញដែលធ្វើឲ្យរូបរាងរបស់វាតូចជាងមុន ។

ជាពិសេសពីលើនេះថែមទៀតនោះ ម៉ូតូសេរីថ្មីនេះក៍មានប្រើប្រព័ន្ធសោរដូចជាម៉ូតូ អូតូ Honda ដទៃទៀតមានដូចជា៖ PCX,Lead និង Honda SH ជាដើម ម៉ូតូនេះនិងមានលក់នៅទីផ្សារប្រទេសថៃក្នុងឆ្នាំ ២០១៨ នេះ ដោយមានតំលៃប្រមាណ ២៩០០ ដុល្លារ សហរដ្ឋអាមេរិច ឯនោះ ៕

សូមទស្សនាវិដេអូ

ប្រភព៖ You Tube

រាជធានីភ្នំពេញ៖ ​ប្រភព​បាន​បញ្ជាក់ថា​រហូតមក​ដល់​ម៉ោង​១១​ព្រឹក នា​ព្រឹក​ថ្ងៃ​សៅរ៍ ថ្ងៃទី​៣១ ខែ​មីនា ឆ្នាំ​២០១៨​នេះ ស្នងការរង​ខេត្តតាកែវ លោក ឡាយ ណា​រិទ្ធ និង​ជនសង្ស័យ​៥​នាក់ ជា​មន្ត្រី​នគរបាល​ខេត្តតាកែវ ក្នុងចំណោម​៨​នាក់ ពាក់ព័ន្ធ​ករណី​ឃាតកម្ម​សម្លាប់​ស្ត្រី​រូបស្រស់​ម្នាក់ នៅ​ក្រុង​ដូន​កែវ ខេត្តតាកែវ បាន​បញ្ជូន​ទៅ​កាន់​សាលាដំបូង​រាជធានី​ភ្នំពេញ ដើម្បី​បន្ត​នីតិវិធី​បន្ទាប់​ពី​បញ្ចប់​ការសួរនាំ​។​

មន្ត្រីនគរបាល​ជាន់ខ្ពស់​ក្រសួង​មហាផ្ទៃ បាន​បញ្ជាក់​ប្រាប់​នៅ​ព្រឹក​ថ្ងៃ​ទី​៣១ ខែ​មីនា ឆ្នាំ​២០១៨​នេះ​ថា នៅ​ព្រឹក​នេះ​កម្លាំង​នគរបាល​ព្រហ្មទណ្ឌ​ក្រសួង​មហាផ្ទៃ​បាន​បញ្ជូន​ជនសង្ស័យ​៥​នាក់​ទៅ​កាន់​សាលាដំបូង​រាជធានី​ភ្នំពេញ​។​

ជនសង្ស័យ​ទាំង​៥​នាក់​នេះ គឺ​ស្ថិត​ក្នុង​ចំណោម​៨​នាក់ ដែល​ត្រូវបាន​នគរបាល​នាយកដ្ឋាន​ព្រហ្មទណ្ឌ ក្រសួង​មហាផ្ទៃ​ឃាត់ខ្លួន កាលពី​ថ្ងៃ​ទី​២៩ ខែ​មីនា ឆ្នាំ​២០១៨ ដើម្បី​សួរនាំ​ករណី​ស្ត្រី​រូបស្រស់​ម្នាក់​ស្លាប់ នៅ​ក្រុង​ដូន​កែវ ខេត្តតាកែវ កាលពី​ចុង​ខែ​មករា ឆ្នាំ​២០១៨ បន្ទាប់​ពី​ករណី​ស្លាប់​នេះ មាន​ហេតុផល​មិន​សមរម្យ​មួយចំនួន​។​

​ករណី​ស្ដ្រី​រូបស្រស់ វ័យ​៣៦​ឆ្នាំ ចែវ សុ​វឌ្ឍនា ត្រូវបាន​គេ​ប្រទះឃើញ ចង​ក​សម្លាប់​ខ្លួន​នៅ​ក្រុង​ដូន​កែវ​នោះ មិនមែន​ជា​អំពើ​អត្តឃាត គឺ​វា​ជា​អំពើ​ឃាតកម្ម​។ មន្ដ្រីនគរបាល​ជាន់ខ្ពស់​ក្រសួង​មហាផ្ទៃ បាន​ប្រាប់ថា ករណីនេះ មន្ត្រីនគរបាលចំនួន​៨​នាក់​ បាន​សារភាព​។​

​សូមបញ្ជាក់​ថា អ្នកស្រី ចែវ សុ​វឌ្ឍនា មានកូន​៣​នាក់ ត្រូវបាន​គេ​ប្រទះ​ឃើញ​ចង​ក​ក្នុង​បន្ទប់ដេក នៃ​ផ្ទះជួល​ដ៏​ធំ​របស់​ខ្លួន ក្នុងភូមិ​ផ្សារ​តា​កោរ សង្កាត់រ​ការ​ក្នុង ក្រុង​ដូន​កែវ ខេត្តតាកែវ កាលពី​ថ្ងៃ​ទី​២៦ ខែ​មករា ឆ្នាំ​២០១៨៕

ប្រភព៖ FB