នៅរាជធានីភ្នំពេញ គ្រោងសាងសង់ផ្លូវក្រវ៉ាត់ក្រុងទី៣ បត់បែនបែកខ្នែង ដូចអន្ទង់អាំង នឹងមានប្រវែងសរុប៤៧,៦គីឡូម៉ែត្រ សាងសង់នៅពេលឆាប់ៗខាងមុខ

(ភ្នំពេញ) គម្រោងសាងសង់ផ្លូវក្រវាត់ក្រុងទី៣នេះ មានស្ថានភាពបត់បែន បែកខ្នែងដូចអន្ទង់អាំង នឹងមានប្រវែងសរុប៤៧,៦គីឡូម៉ែត្រ ជាប្រភេទផ្លូវ៤គន្លង មានទទឹងតួផ្លូវសរុប២៥ម៉ែត្រ តម្លៃសរុប ២៥៩លានដុល្លារអាមេរិក គ្រោងនឹងសាងសង់នៅពេលឆាប់ៗខាងមុខនេះ។ ផ្លូវក្រវាត់ទីក្រុងទី៣នេះ រត់កាត់ក្នុងភូមិសាស្ត្ររាជធានីភ្នំពេញ ពីផ្លូវជាតិលេខ៤ មកផ្លូវជាតិលេខ៣ ផ្លូវជាតិលេខ២ និងបញ្ចប់នៅផ្លូវជាតិលេខ១។

មន្ត្រីជំនាញបានឱ្យដឹងថា៖ យោងតាមសេចក្តីប្រកាសព័ត៌មាន របស់ក្រសួងសេដ្ឋកិច្ច និងហិរញ្ញវត្ថុបានឲ្យដឹងថា ធនាគារ នីហរ័ណ អាហរ័ណចិន បានយល់ព្រមផ្តល់ឥណទានសម្បទាន ក្នុងរង្វង់ទឹកទឹកប្រាក់ប្រមាណ ២៥៩លានដុល្លារអាមេរិក ដើម្បីសាងសង់ផ្លូវក្រវ៉ាត់ក្រុងទី៣ នឹងសាងសង់ឆាប់ៗនេះហើយ។ កិច្ចព្រមព្រៀងនេះ ត្រូវបានចុះហត្ថលេខា កាលពីថ្ងៃទី១០ ខែកក្កដា ឆ្នាំ២០១៨ កន្លងមក។ ក្នុងសេចក្តីប្រកាសបានបញ្ជាក់ថា ក្រុមហ៊ុនសំណង់សៀងហៃចិន ជាអ្នកទទួលខុសត្រូវក្នុងការងារសាងសង់ ផ្លូវក្រវ៉ាត់ក្រុងទី៣នេះ និងដោយមានការត្រួតពិនិត្យបច្ចកទេស ពីក្រុមហ៊ុនក្វាងចូវវ៉ាន់អាន មកពីប្រទេសចិន។ គម្រោងសាងសង់ផ្លូវក្រវាត់ក្រុងទី៣នេះ នឹងមានប្រវែងសរុប៤៧,៦គីឡូម៉ែត្រ ជាប្រភេទផ្លូវ៤គន្លង មានទទឹងតួផ្លូវសរុប២៥ម៉ែត្រ។

ផ្លូវក្រវាត់ទីក្រុងទី៣នេះ ផ្លូវរថយន្តមាន៤គន្លង ដែលមួយគន្លង មានទទឹង៣,៥០ម៉ែត្រ ចំណែកផ្លូវទោចក្រយានយន្ត២គន្លង មួយគន្លងមានទទឹង២,២៥ម៉ែត្រ។ ផ្លូវនេះនឹងត្រូវសាងសង់ ចាប់ពីផ្លូវជាតិលេខ៤ ម្តុំអូរដឹម ត្រង់គីឡូម៉ែត្រលេខ ១៤+១០៥ ទៅចំណុចបញ្ចប់ភ្ជាប់នឹងផ្លូវជាតិលេខ១ ត្រង់គីឡូម៉ែត្រលេខ ២៤+៨៤០ ដោយត្រូវកាត់ផ្លូវជាតិលេខ៣ ត្រង់ចំណុចគីឡូម៉ែត្រលេខ២១+២០០ កាត់ផ្លូវជាតិលេខ២ ត្រង់ចំណុចគីឡូម៉ែត្រ លេខ២២+៨០០ និងកាត់ផ្លូវជាតិលេខ២១ ត្រង់ចំណុចគីឡូម៉ែត្រលេខ ១៨+៤០០ និង ផ្លូវខ្នែងប្រវែង ៥.៣៧៥ម៉ែត្រ។

តាមរយៈគម្រោងសាងសង់ផ្លូវក្រវាត់ទីក្រុងទី៣នេះ សម្រាប់វិស័យអចលនទ្រព្យ ការពង្រីកផ្លូវក្រវ៉ាត់ក្រុងថ្មីនេះ គឺបានបញ្ជាក់ថា វិស័យអចលនទ្រព្យ កំពុងតែមានកំណើនខ្លាំងក្លា ដែលទាមទារឲ្យពង្រីកទំហំក្រុងបន្ថែមទៀត ដើម្បពង្រីកទំហំវិនិយោគឲ្យកាន់តែច្រើន។ គេក៏រំពឹងផ្លូវក្រវ៉ាត់ក្រុងដ៏ធំមួយនេះ នឹងជម្រុញទាំងចំនួន និងតម្លៃអចលនទ្រព្យ នៅក្នុងតំបន់នោះ ឲ្យកើនឡើងផងដែរ៕

មានគំនិតឆ្នៃប្រឌិតមែន!!! ធ្លាប់តែឃើញដាំនៅនឹងដី ឥឡូវដំឡូងដាំនៅលើអាកាសវិញម្តង

ដំឡូងជាដំនាំ ដ៏ល្អ សំរាប់ប្រជាពលរដ្ឋនៅតំបន់ស្រែចំការ ធ្វើការដាំដុះ ដើម្បីប្រមូលផល ឫអាចយកមកធ្វើអ្វីៗបានជាច្រើនមុខ តែធ្លាប់តែដាំនៅនឹងដី ប៉ុន្តែសម័យនេះ គេដាំនៅនឹងអាកាសវិញ (ឲ្យវាឡើងទ្រើង) ។

គំនិតផ្តួចផ្តើម តែផ្តល់ផលខ្ពស់នេះ ចាប់ផ្តើមពីក្រុមកសិករ “ទីក្រុង” ព្រោះវាពុំតម្រូវឲ្យមានទីធ្លាល្វឹងល្វើយនោះទេ ។

អាចធ្វើបែបនេះបាន មូលហេតុបឋម ព្រោះដំឡូងជ្វាពិតជាងាយ “សម្រប” ខ្លួនមិនរើសកន្លែង ។ ម្យ៉ាងទៀតវាពិតជាសមស្របចំពោះទីតាំងដែលតូចចង្អៀត ។

ការដាំបែបនេះនៅធ្វើឲ្យ “កសិករ” ងាយប្រមូលបានផល ស្លឹក ទង វាយកមកធ្វើជាបន្លែដ៏ឆ្ងាញ់ពិសារ ហើយបង្កើតជាម្លប់ត្រជាក់ពិសេសលើដំបូលអគារ ផ្ទះ…តែម្តង ។

ឫសមេរបស់ដើមដំឡូងជ្វា ត្រូវបានដាំក្នុងពាង ឬអាងធំមួយ ហើយបង្កប់ (បន្ថែម)ជីវជាតិ ។ នៅពេលដែលដំឡូងវាពេញទ្រើង ក៏ជាពេលដែលវាចាប់ផ្តើមចេញឫស នៅតាមទង ខ្នែង ។ ពេលនោះឯងដែលអ្នកយកកូនធុងតូច ដែលផ្ទុកសារធាតុចិញ្ចឹមរាវ (EM) មកផ្ទុះកញ្ចុំឫសទាំងនោះ ហើយវានឹងលូតលាស់ពុំចាំបាច់មានដីទេ ។ មើមរបស់វានឹងមានទំហំធំៗមូលល្អទៀត ។

ពេលប្រមូលផល អ្នកគ្រាន់តែទម្លាក់កូនធុងចុះមក រួចកាត់យកមើមជាការស្រេច ។ ឫសគល់នៃដើមមេ មានអាយុពី ៣-៥ឆ្នាំ ហើយ១គល់បែបនេះវាអាចផ្តល់ផលដល់ទៅ ១តោនឯណោះ ។

ការដាំដុះតាមបែបខាងលើត្រូវបានអនុវត្តសាកល្បងជោគជ័យនៅខេត្តសានស៊ី ប្រទេសចិនរួចហើយ ។ វាផ្តល់ផលលើសពីរបៀបដាំប្រពៃណីលើដីពី ៤០%-៥០% ឯណោះ ។ សំខាន់គឺការផ្តល់ទឹក ជីឲ្យបានគ្រប់គ្រាន់ ។

ការសំខាន់មួយទៀតគឺគប្បីធ្វើទ្រើងពីដើមទីឲ្យបានរឹងមាំ អាចទ្រាំទ្រនឹងធាតុអាកាសបានពី ៣ឆ្នាំ-៥ឆ្នាំ ចៀសវាងការពុកបាក់ ៕

វិស័យកសិកម្ម ជោគជ័យ ដំណាំស្រូវ ក្លាយតំបន់សេដ្ឋកិច្ចដ៏ធំ របស់កម្ពុជា ផលិតស្រូវ ,អង្ករ លេខ១ នាំទៅទីផ្សារអន្ដរជាតិ ឲ្យបាន១លានតោនក្នុង១ឆ្នាំ

នៅជាប់មាតទន្លេងមេគង្គ ស្ថិតក្នុងឃុំ កំពង់អុស ស្រុកពញាឮ ខេត្ដ កណ្ដាល ( មានន័យថា ទន្លេម្ដាយ) ក្លាយតំបន់សេដ្ឋកិច្ចដ៏ធំ របស់កម្ពុជា ផលិតស្រូវ ,អង្ករ លេខ១ នាំទៅទីផ្សារអន្ដរជាតិ ឲ្យបាន១លានតោនក្នុង១ឆ្នាំ ស្របតាមគោលនយោបាយរបស់រាជរដ្ឋាភិបាល ។

ទន្លេឡាឆាង មានប្រភពមកពីភ្នំថាគូឡា និងហូកាត់តំបន់ឥណ្ឌូចិន ទន្លេមួយនេះ នៅមានឈ្មោះមួយទៀតគឺ ទន្លេមេគង្គ ទន្លេមេគង្គក្នុងភាសាខ្មែរមានន័យថា ទន្លេម្តាយ ។ ទឹកទន្លេ បានផ្តល់នូវជីជាតិស្រោចស្រពដី ហើយក៏ជួយបណ្តុះនូវក្តីស្រមៃរបស់មនុស្សម្នាផងដែរ ។ ដូចជាប្រជាជនចិនជាដើម និងប្រជាជនខ្មែរជឿថា ទេវតានឹងផ្តល់រង្វាន់ដល់អ្នកឧស្សាហ៍ព្យាយាម ។

ភ្នំពេញដែលនៅត្រើយម្ខាង ទល់មុខនឹងកោះនេះ មានទេសភាព មួយបែបផ្សេងទៀត កំនើនសេដ្ឋកិច្ចប្រទេសកម្ពុជា ឈរនៅលំដាប់លេខ២ នោគ្នុងប្រទេសកំពុងអភិវឌ្ឍ ក្នុងតំបន់អាស៊ីអាគ្នេយ៍ ក្នុងនាមជាបេះដូងកម្ពុជា ភាពទាន់សម័យនៃរាជធានីភ្នំពេញ បានផ្លាស់ប្តូរគួរឲ្យកត់សំគាល់ ក៏ប៉ុន្តែនៅតំបន់ជ្រាយក្រុង ផ្ទះរបស់លោកឌីបូ នៅតែមានលក្ខណៈប្រពៃដដែល ។

ទន្លេមេគង្គ និងទន្លេសាបដែលជាទន្លេដ៏សំខាន់បំផុតក្នុងព្រះរាជាណាចក្រកម្ពុជា ហូរមកប្រសព្វគ្នា នៅរាជធានីភ្នំពេញ នៅរដូវទឹកឡើងទឹកទន្លេមេគង្គ ច្រាល់ឡើងមកតាមទន្លេសាប ចាក់បំពេញបឹងទន្លេសាប ទឹកបឹងទន្លេនេះ ក៏ហូរបន្តទៅស្រោចស្រពដី ដែលនៅជុំតំបន់នោះ ។

តំបន់ត្រូពិក មានអាកាសធាតុក្តៅហើយសើម បង្កលក្ខណខណ្ឌអនុគ្រោះ ដល់ការលូតលាស់នៃដំណាំស្រូវ ដែលជាកសិផលសំខាន់បំផុតរបស់កម្ពុជា។ ទឹកនឹងដីជាឫសគល់នៃកសិសកម្មដ៏សំខាន់សំរាប់ប្រទេសកម្ពុជា និងលើពិភពលោកនេះ ៕ ដោយ វុន សុខជា

មានតែមួយទេនៅកម្ពុជា!!! ព្រីនស៍ ធាន ស៊ី វ៉ាន គម្រោងរីស៊តដ៏ធំ និងដំបូងគេនៅប្រទេសកម្ពុជា និងអាស៊ីអាគ្នេយ៍

គ្រាន់តែឃើញពិតគួរចាប់អារម្មណ៍មែន ព្រីនស៍ ធាន ស៊ី វ៉ាន គម្រោងរីស៊តដ៏ធំ និងដំបូងគេនៅប្រទេសកម្ពុជា និងអាស៊ីអាគ្នេយ៍ នៅខេត្តព្រះសីហនុ ។

កាលពីថ្មីនេះ ក្នុងផ្តើមខែសីហានេះ ព្រីនស៍ ធាន ស៊ី វ៉ាន ដែលជាគម្រោងអភិវឌ្ឍន៍របស់ ក្រុមហ៊ុន ព្រីនស៍ រៀល អ៊ីស្ទេត (ខេមបូឌា) គ្រុប ចាប់ផ្តើមបើកដំណើរការសាងសង់ជាផ្លូវការ។ គម្រោងថ្មីនេះមានទីតាំងស្ថិតនៅសង្កាត់លេខ៣ ក្រុងព្រះសីហនុ ខេត្តព្រះសីហនុ។

ព្រីនស៍ ធាន ស៊ី វ៉ាន នឹងមានទំហំអភិវឌ្ឍន៍សរុបជាង ៣០០,០០០ ម៉ែត្រការ៉េ រួមមាន៖សណ្ឋាគារផ្កាយ៥-៦ សណ្ឋាគារប៊ូទិក អាផាតមេន និងមជ្ឈមណ្ឌលពាណិជ្ជកម្មជាដើម។

ព្រីនស៍ ធាន ស៊ី វ៉ាន ផ្តល់ជូននូវសេវាកម្មលំនៅដ្ឋាន និងពាណិជ្ជកម្មលំដាប់អន្តរជាតិ៕ប្រភពFB

ថាអត់ស្រឡាញ់មួយម៉ាត់ទៅ 😍😍 ឡាន Lexus RX 350 L កៅអីអង្គុយ ៧..

កាលពីចុងខែវិច្ឆិកា ឆ្នាំ ២០១៧ កន្លងទៅ Lexus បានបង្ហាញចេញជាផ្លូវការរថយន្ត Lexus RX ស៊េរីថ្មី ឈ្មោះថា Lexus RX L ដែលមានកៅអីបីជួរ និងបានបញ្ចេញលក់នៅសហរដ្ឋអាមេរិកនាចុងឆ្នាំ។ ខណៈនេះរថយន្ត RX L បានបង្ហាញវត្តមានលើទីផ្សារប្រទេសកម្ពុជា តាមរយៈការនាំចូលរបស់ហាងលក់រថយន្តកាលីបៗ Kimsrun Premium Auto។

ជាកម្រិតស្តង់ដារ Lexus RX L មានកៅអីអង្គុយចំនួន ៧ ហើយមានមុខងារដូចជាប្រព័ន្ធបើក/បត់កៅអីជួរទីបីដោយស្វ័យប្រវត្តិ, គូថក្រោយបើក/បិទដោយស្វ័យប្រវត្តិ និងមានកៅអីស្បែកមានរន្ធ សម្រាប់កៅអីជួរទី ១ និង ទី ២។ កៅអីជួរក្រោយគេថែមទាំងមានប្រព័ន្ធម៉ាស៊ីនត្រជាក់ដាច់ដោយឡែកពីគេទៀតផង។

Lexus RX L មានជាប្រភេទម៉ាស៊ីនប្រើប្រេងសាំង RX 350L ចំណុះម៉ាស៊ីន ៣,៥ លីត្រ ស៊ីឡាំង V6 កម្លាំង ២៩០ សេះ និងមានប្រអប់លេខស្វ័យប្រវត្តិ ៨ វគ្គ។ ចំពោះប្រភេទម៉ាស៊ីន Hybrid RX 450h L មានប្រើម៉ាស៊ីនចំណុះ ៣,៥ លីត្រ អមនឹងម៉ូទ័រអគ្គិសនីចំនួនពីរ ដែលមានកម្លាំងសរុប ៣០៨ សេះ។ ប្រភេទម៉ាស៊ីនសាំងមានទាំងជាប្រភេទប៉ុងមួយ (Front-Wheel Drive) និងប៉ុងពីរ (All-Wheel Drive)។

តាមការឲ្យដឹងពីភ្នាក់ងារលក់រថយន្តប្រចាំហាងខាងលើបានឲ្យដឹងថា Lexus RX L ដែលកំពុងដាក់លក់នៅកម្ពុជា ជាប្រភេទម៉ាស៊ីន Hybrid (RX 450hL) ប្រើប្រព័ន្ធបើកបរប៉ុងពីរ និងមានតម្លៃលក់ប្រហាក់ប្រហែល ១៤ ម៉ឺនដុល្លារ៕

ប្រភព៖ អូតូបូឌៀ – Autobodia

ទិដ្ឋភាពឡានម៉ាស៊ូតជាង ៣០ ម៉ឺនគ្រឿងចតចោលហាលថ្ងៃនៅអាមេរិក…(មានវិដេអូ)

ក្រុមហ៊ុន Volkswagen បានចំណាយជាង ៧,៤ ពាន់លានដុល្លារ ដើម្បីទិញយកមកវិញនូវរថយន្តម៉ាស៊ូតប្រហែល ៣៥០ ០០០ គ្រឿងនៅសហរដ្ឋអាមេរិក។ នេះបើតាមការបង្ហាញតាមរយៈឯកសារតុលាការកាលពីថ្មីៗនេះ។

ក្រុមហ៊ុនអាល្លឺម៉ង់មួយនេះមានឃ្លាំងចំណត ៣៧ កន្លែងនៅជុំវិញសហរដ្ឋអាមេរិក ដែលប្រើសម្រាប់រក្សាទុករថយន្តរាប់សែនគ្រឿងទាំងនេះ។

អ្នកនាំពាក្យ Volkswagen ឈ្មោះ Jeannine Ginivan បានឲ្យដឹងថា រថយន្តទាំងនេះត្រូវបានរក្សាទុកជាបណ្ដោះអាសន្ន និងត្រូវបានគេមើលថែទាំងជាទៀតទាត់ ដើម្បីធានាពីអាយុ និងគុណភាព។ ដូចនេះរថយន្តនឹងអាចយកត្រឡប់ចូលទីផ្សារ ឬ នាំចេញ នៅពេលដែលនិយតករសហរដ្ឋអាមេរិកយល់ព្រមនឹងការកែសម្រួលលើកម្រិតបញ្ចេញឧស្ម័នពុលរបស់រថយន្តទាំងនេះ។

សរុបជារួម ក្រុមហ៊ុន Volkswagen បានយល់ព្រមចំណាយជាង ២៥ ពាន់លានដុល្លារនៅក្នុងសហរដ្ឋអាមេរិក សម្រាប់ប៉ះប៉ូវដល់ម្ចាស់រថយន្ត, និយតករបរិស្ថាន រួមទាំងអ្នកលក់បន្ត និងយល់ព្រមទិញយកមកវិញនូវរថយន្តម៉ាស៊ូតចំនួន ៥០០ ០០០ គ្រឿងនៅអាមេរិក។ ការទិញយកមកវិញនេះនឹងបន្តដល់ចុងឆ្នាំ ២០១៩។

តាមឯកសារតុលាការបានបង្ហាញថានៅត្រឹមថ្ងៃទី ៣១ ខែធ្នូ ក្រុមហ៊ុនអាល្លឺម៉ង់នេះ បានទិញយករថយន្តម៉ាស៊ូតបាន ៣៣៥ ០០០ គ្រឿង, លក់ចេញវិញ ១៣ ០០០ គ្រឿង និងកម្ទេចចោលប្រហែល ៨២ ០០០ គ្រឿង។ គិតត្រឹមចុងឆ្នាំ ២០១៧ ក្រុមហ៊ុននេះបានរក្សាទុករថយន្ត ២៩៤ ០០០ គ្រឿង នៅជុំវិញអាមេរិក។

គួរដឹងថាកាលពីខែមេសា ឆ្នាំ ២០១៧ ក្រុមហ៊ុន Volkswagen ត្រូវបានតុលាការអាមេរិកសម្រេចព្យួរទោសរយៈពេល ៣ ឆ្នាំ ក្រោយពីបានទទួលកំហុសពាក់ព័ន្ធការចោទប្រកាន់ចំនួន៣ ទាក់ទិននឹងការដំឡើងកូដលើរថយន្តម៉ាស៊ូតដែលចេញលក់នៅឆ្នាំ ២០០៩ ដល់ ២០១៥ ដើម្បីអាចឆ្លងផុតការតេស្តលើកម្រិតបញ្ចេញឧស្ម័នពុលរបស់រដ្ឋាភិបាលសហរដ្ឋអាមេរិក៕

ប្រភព ៖អូតូបូឌៀ – Autobodia

ក្រុមហ៊ុន Toyota ទើបតែបានបញ្ចេញម៉ូដែល Crown ជំនាន់ថ្មី ដែលបានទទួលការផ្លាស់ប្តូរគួរឲ្យចាប់អារម្មណ៍

រថយន្ត Toyota Crown ជំនាន់ទី ១៥ នេះ គឺជារថយន្តជំនាន់ដំបូងបង្អស់របស់ក្រុមហ៊ុន ដែលទទួលបានមុខងារ “Data Communication Module” ដែលផ្តល់នូវទំនាក់ទំនង ២៤ ម៉ោងក្នុងមួយសប្តាហ៍ ផ្តោតលើសុវត្ថិភាព , សន្តិសុខ , ផាសុខភាព និង ភាពងាយស្រួល លើការបើកបរក្នុងពេលវេលាជាក់ស្តែងតែម្តង។

ឈរនៅលើគ្រោងឆ្អឹង TNGA រថយន្ត Toyota Crown ស៊េរីថ្មីនេះបានបំពាក់ប្រព័ន្ធប៊ូមមុខ-ក្រោយ Multi-Link Suspension និងផ្តល់នូវជម្រើសប៉ុង ១ ប្រភេទ Rear-Wheel Drive (កាឡេក្រោយ) និង ប៉ុង ២ ប្រភេទ All-Wheel Drive (កាឡេមុខ-ក្រោយ) ផងដែរ។

អតិថិជននៅក្នុងប្រទេសជប៉ុន នឹងទទួលបានម៉ាស៊ីនចំនួន ៣ ជម្រើស គឺ ម៉ាស៊ីនសាំងចំណុះ ២,០ លីត្រ Turbo ទំហំ ៤ ស៊ីឡាំង បង្កើតកម្លាំងបាន ២៤១ សេះ ប្រើប្រអប់លេខស្វ័យប្រវត្តិ ៨ វគ្គ និង ប៉ុង ១ ប្រភេទ Rear-Wheel Drive ខណៈម៉ាស៊ីន ២ ទៀតគឺជាប្រភេទ Hybrid។

ម៉ាស៊ីន Hybrid ទីមួយគឺ ចំណុះ ២,៥ លីត្រ ប្រភេទ Dynamic Force ទំហំ ៤ ស៊ីឡាំង និងម៉ូទ័រអគ្គិសនីមួយ ដែលបង្កើតកម្លាំងបានសរុប ២២២ សេះ ហើយមានជម្រើស ប៉ុង ១ ប្រភេទ Rear-Wheel Drive និង ប៉ុង ២ ប្រភេទ All-Wheel Drive ផងដែរ។ រីឯម៉ាស៊ីន Hybrid ទីពីរនោះគឺ ចំណុះ ៣,៥ លីត្រ ទំហំ ៦ ស៊ីឡាំង និងម៉ូទ័រអគ្គិសនីមួយ បង្កើតកម្លាំងបានសរុប ៣៥៤ សេះ និងមានតែជម្រើសប៉ុង ១ ប្រភេទ Rear-Wheel Drive ប៉ុណ្ណោះ។

ជាមួយគ្នានេះផងដែរ ប្រសិនបើអ្នកចង់បាន Toyota Crown ដែលមានភាពស្ព័រខ្លាំង នោះអ្នកអាចជ្រើសរើសប្រភេទ RS បាន ដែលវាមានបំពាក់ម៉ាស៊ីនចំណុះ ២,០ លីត្រ Turbo រួមទាំង កង់ Alloy ទំហំ ១៨ អ៊ីញ និង កន្ទុយត្រីខាងក្រោយទៀតផង។

No automatic alt text available.

Image may contain: car

បើនិយាយពីផ្នែកខាងក្នុងរបស់វាវិញ រថយន្តប្រភេទ Saloon នេះ បានបំពាក់អេក្រង់ភ្លោះថ្មី ទំហំ ៨ អ៊ីញ និង ៧ អ៊ីញ។ គ្រប់ម៉ូដែល Crown ទាំងអស់ បានបំពាក់មុខងារ Drive Mode Select ដែលអាចជ្រើសរើសប្រភេទនៃការបើកបរ រួមទាំង កញ្ចប់ Option “Toyota Safety Sense” ដែលរួមបញ្ចូលមុខងារ Pre-collision System with Pedestrian Detection, Dynamic Radar Cruise Control, Lane Tracing Assist, Road Sign Assist និងមុខងារជាច្រើនទៀតផងដែរ។

សូមបញ្ជាក់ថា រថយន្ត Toyota Crown ស៊េរីថ្មីចុងក្រោយបង្អស់នេះ បានដាក់នៅក្នុងប្រទេសជប៉ុន តម្លៃចាប់ពី ៤ ៦០៦ ២០០ យ៉េន ឬស្មើនឹង ៤១ ២០០ ដុល្លារ សម្រាប់ប្រភេទម៉ាស៊ីនចំណុះ ២,០ លីត្រ Turbo៕

ប្រភព៖ អូតូបូឌៀ – Autobodia

អស្ចារ្យមែន Lexus UX សុីសាំងប្រហែល ៦-៧ លីត្រ បើជិះ ១០០ គីឡូដី 😍

រថយន្តប្រភេទ SUV ខ្នាតតូចដ៏ប្រណីតរបស់ក្រុមហ៊ុន Lexus ម៉ូដែល UX ស៊េរីឆ្នាំ ២០១៩ កំពុងរង់ចាំបង្ហាញខ្លួន នៅក្នុងកម្មវិធីតាំងពិព័រណ៍រថយន្ត 2018 New York International Auto Show ដែលធ្វើឡើងនៅថ្ងៃទី ៣០ ខែ មីនា ដល់ ថ្ងៃទី ០៨ ខែ មេសា ឆ្នាំ ២០១៨ ខាងមុខនេះ។

លោក Chica Kako អគ្គនាយកក្រុមហ៊ុន Lexus បានថ្លែងថា “រថយន្ត Lexus UX ត្រូវបានរចនាឡើងសម្រាប់អ្នករុករកទីក្រុងសម័យទំនើប ដែលស្វែងរកការបើកបរបែបទាន់សម័យ”។

UX ត្រូវបានផលិតឡើងនៅលើគ្រោងឆ្អឹងថ្មី ហៅថា GA-C (Global Architecture – Compact) ដែលមាននៅលើរថយន្ត Toyota Prius, C-HR, Auris, Corolla និង Avensis ផងដែរ។

Lexus UX នឹងមានជម្រើសម៉ាស៊ីនចំនួន ២ គឺ UX 200 បំពាក់ម៉ាស៊ីនសាំងចំណុះ ២,០ លីត្រ មានស៊ីឡាំងចំនួន ៤ ដែលអាចបង្កើតកម្លាំងបាន ១៦៨ សេះ និងរត់ដោយរង្វិលកង់ខាងមុខ (Front-Wheel Drive)។ ចំពោះប្រព័ន្ធបើកបរប៉ុង ២ (All-Wheel Drive) មានបំពាក់លើម៉ូដែល UX 250h (Hybrid) ដែលមានបំពាក់ម៉ាស៊ីនស៊ីឡាំង ៤ អមជាមួយនឹងម៉ូទ័រអគ្គិសនីមួយ ដែលបង្កើតកម្លាំងបានសរុប ១៧៦ សេះ។ ទាំង ២ ម៉ូដែលនេះសុទ្ធសឹងតែប្រើប្រាស់ប្រអប់លេខប្រភេទ CVT។

យោងតាមក្រុមហ៊ុនរថយន្តជប៉ុនខាងលើ បានឲ្យដឹងផងដែរថា ចំពោះម៉ូដែល UX 200 នឹងមានកម្រិតស៊ីសាំង ៧,១ លីត្រក្នុងចម្ងាយ ១០០ គីឡូម៉ែត្រ។ ចំណែកឯម៉ូដែល UX 250h ស៊ីសាំងត្រឹមតែ ៦,២ លីត្រប៉ុណ្ណោះក្នុងចម្ងាយ ១០០ គីឡូម៉ែត្រ។

សូមបញ្ជាក់ថា រថយន្ត Lexus UX ដ៏ថ្មីសន្លាងនេះ ក៏បំពាក់នូវលក្ខណៈពិសេស និងបច្ចេកវិទ្យាសុវត្ថិភាពជាច្រើនផងដែរ ដូចជា មុខងារ Apple CarPlay និង Amazon Alexaintegration ខណៈបច្ចេកវិទ្យា Lexus Safety System+ នាំមកនូវមុខងារ Lane Tracing Assist, Dynamic Radar Cruise Control, Automatic High Beams, Road Sign Assist និង Pre-Collision System ដែលអាចចាប់យកអ្នកដំណើរថ្មើរជើងនៅពេលយប់បានទៀតផង។

ទោះជាយ៉ាងណា Lexus នៅមិនទាន់បានប្រកាសពីតម្លៃរបស់វានៅឡើយទេ ខណៈ UX 200 និង UX 250h នឹងត្រូវផលិតនៅរដូវស្លឹកឈើជ្រុះ ហើយចាប់ផ្ដើមចេញលក់នៅខែធ្នូ៕

ប្រភព៖ អូតូបូឌៀ – Autobodia

ឡាន Mercedes-Maybach G 650 ត្រៀមហោះមកកម្ពុជា តម្លៃគួរឲ្យញញើត!

តាមការបង្ហាញរបស់ក្រុមហ៊ុននាំចូលរថយន្តលំដាប់កំពូលៗប្រចាំប្រទេសកម្ពុជាឈ្មោះ Sincere Limited Edition បានឲ្យដឹងថា ឆាប់ៗនេះរថយន្តផលិតមានកំណត់ Mercedes-Maybach G 650 Landaulet នឹងធ្វើមកដល់ប្រទេសកម្ពុជា ដោយហោះចេញពីប្រទេសអាល្លឺម៉ង់។

នេះជាដំណឹងដ៏ភ្ញាក់ផ្អើលមួយ ដោយសារតែរថយន្ត G 650 Landaulet ផលិតត្រឹមតែ ៩៩ គ្រឿងប៉ុណ្ណោះនៅក្នុងលោក ហើយមួយគ្រឿងៗមានលក្ខណៈពិសេសៗជាច្រើន និងមានតម្លៃថ្លៃកប់ពពកទៀតផង។ រថយន្ត G 650 Landualet នេះបានបង្ហាញខ្លួនដំបូងក្នុងកម្មវិធី Geneva Motor Show ឆ្នាំ ២០១៧ ផលិតឡើងដោយផ្អែកតាមរថយន្ត Mercesdes-Benz G-Class។

នៅលើរថយន្តនេះ អ្នកបើកបរ និងអ្នករួមដំណើរខាងមុខត្រូវស្ថិតនៅក្រោមដំបូលដែលមានបិតជិត ចំណែកនៅជួរកៅអីខាងក្រោយវិញ មានបំពាក់នូវដំបូលស្បែកទន់ដែលអាចបិទ ឬ បើកដោយការចុចប៊ូតុង។ បន្ថែមពីនេះ ក៏មានប៊ូតុងចុចដើម្បីខណ្ឌចែកព្រំដែនរវាងអ្នកបើកបរ និងអ្នកដំណើរខាងក្រោយខាងផង ដូចគ្នាទៅនឹងត្រកូល Maybach ដទៃទៀត។

ចំណុចពិសេសៗដទៃទៀតរួមមានកៅអីម៉ាស្សាសម្រាប់អ្នកដំណើរខាងក្រោយ, ប្រហោងសម្រាប់ដាក់កែវដែលអាចកំណត់សីតុណ្ហភាពបាន, កៅអីក្រោយអាចទម្រេតឲ្យទាបដើម្បីសម្រាក, តុដែលអាចបត់បាន និង អេក្រង់សម្រាប់កម្សាន្តទំហំ ១០ អ៊ីញចំនួនពីរ។

G 650 Landaulet ដំណើរការដោយម៉ាស៊ីន Twin-Turbocharged ស៊ីឡាំង ១២ ចំណុះ ៦,០ លីត្រ អាចផលិតកម្លាំងបាន ៦៣០ សេះ ប្រើប្រអប់លេខស្វ័យប្រវត្តិ ៧ វគ្គ លាយជាមួយប្រអប់លេខដៃ។

រដឹងថារថយន្តនេះបានដាក់លក់លើទីផ្សារប្រទេសអាល្លឺម៉ង់ក្នុងតម្លៃ ៦៣០ ០០០ អឺរ៉ូ (ប្រមាណ ៧៥៤ ៥០០ ដុល្លារ) គិតរួមទាំងពន្ធ។ ត្បិតថារថយន្តនេះមានផលិត ៩៩ គ្រឿង ប៉ុន្តែ ១ គ្រឿងចុងក្រោយត្រូវបានក្រុមហ៊ុនយកដាក់ដេញថ្លៃ ដែលអាចដេញថ្លៃបានក្នុងតម្លៃដល់ ១,២ លានអឺរ៉ូ (ប្រហែល ១,៤ លានដុល្លារ)៕

(សូមទស្សនាវិដេអូ)

https://www.facebook.com/plugins/video.php?href=https%3A%2F%2Fwww.facebook.com%2Fsuped.tv%2Fvideos%2F1345787428819974%2F&show_text=0&width=560

ប្រភព ៖ Autoblog, Motor Authority

កក្រើកជាថ្មី Super Cub បង្ហាញភាពភ្ញាក់ផ្អើលដល់មហាជនដែលចូលរួមពិពណ៍ ( មានវិដេអូ )

Super Cub ឬ ( អាគុប ) សេរីឆ្នាំ ២០១៨ របស់ក្រុមហ៊ុន Honda ( ហុងដា ) ដែលមានម៉ាសុីនចំណុះ ១២៥ សេសេ បានបង្ហាញចេញម៉ូតក្នុងកម្មវិធីតាំងបង្ហាញយាន្តយន្ត Bangkok Motor Show ក្នុងឆ្នាំ២០១៨ ម៉ូតូម៉ាសុីន ១២៥ សេសេ នេះផលិតសម្រាប់ប្រទេសថៃផ្តាច់មុខ ។

ម៉ូតូធ្លាប់បានបង្ហាញរូបរាងជាប្រភេទ Concept នៅជប៉ុនកាលពីឆ្នាំទៅ បុន្តែពេលនេះបានផលិតផលសម្រាប់លក់ហើយ ទោះបីជាសេរីថ្មីមែន បុន្តែរចនាបថរូបរាងរបស់មិនបានចាកឆ្ងាយពីអាគុបជំនាន់មុននោះទេ គឺនៅរក្សារូបរាងនៅបុរាណដដែល ។

អំពូលខាងមុខមានរូបរាងមូលបែបបុរាណ និងប្រើអំពូលប្រភេទ LED ទាន់សម័យហើយគ្រោងអំពូលនេះមាន ក្រូមេដោយដែកដែលសភាពរលោងស្អាត រីឯអំពូលសុីញ៉ូក៍ជាប្រភេព LED ដែលមានរាងទាក់ទាញបំផុត ។

ចំណែកឯកុងទ័របង្ហាញព័ត៍មានជាប្រភេទ Digital នៅចំកណ្តាលលាយជាមួយនិង Analog ដែលស្ថិតនៅជុំវិញ អាចបង្ហាញទិន្នន័យបានច្រើន ដូចជា ល្បឿន កំរិតសាំង និង លេខផងដែរ ។

បើកែបវិញវានៅរក្សារូបរាងដដែល បន្តែពេលនេះគេបានប្រើវាជាប្រភេទស្បែក និងមានក្រូមេភ្លឺរលោងផងដែរ ។

កង់លើម៉ូតូ ១២៥ សេសេ នេះលែងជាកង់បែបបុរាណទៀតហើយ ដោយប្តូរមកកង់អាលុយមីញ៉ូម ដែលមានទំហំ ១៧អុីញ ។

ភ្លើងសុីញ៉ូខាងក្រោយនៅមានរូបរាងជ្រុងៗដូចពីមុន ប៉ុន្តែបានប្តូរមកប្រើអំពូលប្រភេទ LED វិញដែលធ្វើឲ្យរូបរាងរបស់វាតូចជាងមុន ។

ជាពិសេសពីលើនេះថែមទៀតនោះ ម៉ូតូសេរីថ្មីនេះក៍មានប្រើប្រព័ន្ធសោរដូចជាម៉ូតូ អូតូ Honda ដទៃទៀតមានដូចជា៖ PCX,Lead និង Honda SH ជាដើម ម៉ូតូនេះនិងមានលក់នៅទីផ្សារប្រទេសថៃក្នុងឆ្នាំ ២០១៨ នេះ ដោយមានតំលៃប្រមាណ ២៩០០ ដុល្លារ សហរដ្ឋអាមេរិច ឯនោះ ៕

(សូមទស្សនាវិដេអូខាងក្រោម)