ចិនទៀតហើយ!!! សមត្ថកិច្ចលួចឆ្មក់ចូលបង្រ្កាប ហាងម៉ាស្សា បង្កប់សេវាផ្លូវភេទមួយកន្លែងព្រះសីហនុ

(ព្រះសីហនុ) កាលពីវេលាម៉ោងជិត១រំលងអាធ្រាត្រឆ្លងចូលថ្ងៃទី ថ្ងៃទី១៨ ខែសីហា ឆ្នាំ២០១៨ កម្លាំងមន្ទីរយុត្តិធម៌អាវុធហត្ថខេត្ត សហការជាមួយកម្លាំងអាវុធហត្ថក្រុង ដឹកនាំដោយលោកវរសេនីយ៍ទោ ឆេង វុទ្ធី ប្រធានមន្ទីរយុត្តិធម៌អាវុធហត្ថខេត្ត និងលោកវរសេនីយ៍ទោ ហ៊ត សីហា មេបញ្ជាការអាវុធហត្ថក្រុង ក្រោមការសម្របសម្រួលពីលោកព្រះរាជអាជ្ញារង រស់ សារាំ បានចុះបង្រ្កាបករណីសច្ចារកម្មមួយកន្លែងឈ្មោះ ម៉ាស្សាចិន ស្ថិតនៅភូមិ៣ សង្កាត់លេខ៤ ក្រុង ព្រះសីហនុ ឃាត់ខ្លួនជនសង្សយ័ចំនួន២១នាក់ ស្រី០៩នាក់ ក្នុងនោះមាន៖ ជនជាតិចិន ចំនួន១៦នាក់ ស្រី០៨នាក់ ជនជាតិខ្មែរ ចំនួន០៥នាក់ ស្រីម្នាក់ ។

វត្ថុតាងរួមមាន៖ ស្រោមអនាមយ័ប្រើប្រាស់រួចចំនួន២ ស្រោមអនាមយ័មិនទាន់ប្រើប្រាស់មួយចំនួនធំ រថយន្តម៉ាកហាយលិនឌរ័មួយគ្រឿង ។

បច្ចុប្បន្នជនសង្ស័យ ព្រមទាំងវត្ថុតាងកម្លាំងការិយាបទល្មើសជួញដូរមនុស្ស អ.ហខេត្ត កំពុងធ្វើការសាកសួរបន្តនៅបញ្ជាការដ្ឋានអាវុធហត្ថខេត្ត៕

ប្រភពFB

បាញ់ប្រហារទៀតហើយក្នុងរដ្ឋផ្លូរីដា សហរដ្ឋអាមេរិក ខណៈសិស្សសាលាកំពុងទស្សនាការប្រកួតកីឡាបាល់ទាត់

(ផ្លូរីដា)៖ ប៉ូលិសអាមេរិកបានឱ្យដឹងថា សិស្សសាលាពីរនាក់បានរងរបួសនៅក្នុងហេតុការណ៍បាញ់ប្រហារមួយ ដែលបានកើតឡើងនៅអំឡុងពេលការប្រកួតកីឡាបាល់ទាត់ នៅឯវិទ្យាល័យមួយកន្លែងនៅក្នុងរដ្ឋផ្លូរីដា នៅថ្ងៃសុក្រសប្ដាហ៍នេះ (ម៉ោងនៅភាគខាងត្បូងអាមេរិក)។ នេះបើតាមការចេញផ្សាយដោយសារព័ត៌មាន Sputnik នៅព្រឹកថ្ងៃសៅរ៍ ទី១៨ ខែសីហា ឆ្នាំ២០១៨។

យោងតាមប៉ូលិសអាមេរិក ហេតុការណ៍ផ្ទុះអាវុធខាងលើបានកើតឡើង នៅអំឡុងពេលការប្រកួតកីឡាបាល់ទាត់រវាងវិទ្យាល័យ ផាមប៊ីចសេនត្រា (Palm Beach Centra) និងវិទ្យាល័យឌីវ៉ាយឺ (Dwyer High School)។
គួរបញ្ជាក់តាមសម្តីមន្ត្រីប៉ូលិសក្នុងតំបន់ទៀតថា ការបាញ់ប្រហារនេះបានផ្ទុះឡើង ក្រោយក្មេងសិស្សសាលាមួយក្រុមវាយតប់គ្នា។ ប៉ុន្តែភ្លាមៗ គេមិនទាន់ដឹងពីស្ថានភាពរបស់សិស្សសាលា ដែលបានរងរបួសទាំងពីរនាក់នៅឡើយទេ ខណៈពួកគេកំពុងទទួលការព្យាបាលនៅមន្ទីរពេទ្យ៕

ចុមលោកព្រះ ប្តីតាមទាន់ប្រពន្ធមានសហាយ ជាមួយប្រុសក្មេង នៅតូបកាត់សក់

(បាត់ដំបង) តាមប្រភពគណនីហ្វេសហ្វេសប៊ុកមួយមានឈ្មោះ ថា Phalla Battambang (ផល្លា បាត់ដំបង) បានបង្ហោះវីដេអូមួយដែលបានរៀបរាប់ថា ប្តីតាមទាន់ប្រពន្ធមានសហាយជាមួយប្រុសក្មេង នៅតូបកាត់សក់ ភូមិក្ដោង ឃុំភ្នំសំពៅ ស្រុកបាណន់ ចាប់បានបញ្ជូនទៅប៉ុស្តិ៍ភ្នំសំពៅ ទាំងយប់វេលាម៉ោង 10 យប់30 នាទីថ្ងៃទី 16 ខែ 8 ឆ្នាំ2018។

ដោយការរស់នៅមិនចុះសម្រុងគា្នរវាងប្ដី-ប្រពន្ធ ក៏បានធ្វើឱ្យបុរសជាប្ដីមានការសង្ស័យទៅលើប្រពន្ធថា អាចលួចមានសាហាយស្មន់ជាមួយប្រុសថ្មី ហើយការព្យាយាមតាមដានពីសកម្មភាពប្រពន្ធ ប្ដីតាមទាន់ ធ្វើឱ្យមានការភ្ញាក់ផ្អើល។

លោកម៉ី ឆេងលី នាយប៉ុស្ដ៍នគរបាលឃុំភ្នំសំពៅបានឱ្យដឹងថា ស្ត្រីផិតក្បត់ប្តី ឈ្មោះសៀង ស៊ីណូ អាយុ៣០ឆ្នាំ រីឯស្វាមីឈ្មោះអាំ ផល្លា អាយុ៣៣ឆ្នាំ ទាំង២នាក់មានកូនប្រុស-ស្រី២នាក់ រស់នៅភូមិកំប៉ូវ ឃុំភ្នំសំពៅ ស្រុកបាណន់ ។ ដោយឡែក បុរសជាសហាយស្មន់ ឈ្មោះទូច ប្រុស អាយុ២៥ឆ្នាំ ជាជាងកាត់សក់ រស់នៅភូមិក្ដោង ឃុំភ្នំសំពៅ។

នៅចំពោះមុខសមត្ថកិច្ច បុរសជាប្ដីបាននិយាយនៅមុខប្រពន្ធនិងប្រុសក្មេងនោះថា ខ្ញុំមិនវាយដំបង្កឱ្យមានរបួសស្នាមអីទេ ព្រោះនាំឱ្យគេប្ដឹងវិញជាប់គុក គឺខ្ញុំគ្រាន់តែចាប់យកមកឱ្យសមត្ថកិច្ចជួយដោះស្រាយតាមផ្លូវច្បាប់ ហើយខ្ញុំក៏មិនប្ដឹងយកឈ្នះចាញ់អីដែរ គ្រាន់តែប្ដឹងលែងលះគ្នា ទុកឱ្យគេមានមុខមាត់ជាមួយប្រុសថ្មីគេចុះ ។ រីឯស្ត្រីជាប្រពន្ធ ក៏បាននិយាយដែរថា កន្លងមក បានសុំលែងលះប្តីស្រួលប្រួល តែខាងភូមិ-ឃុំមិនធ្វើការឱ្យនោះទេ ៕

ស្ត្រីជាប្រពន្ធដែលចាក់សម្លាប់ប្តីជាមន្ត្រីនគរបាលនៅសៀមរាប ត្រូវបាន………

(សៀមរាប) ស្ត្រីជាជនសង្ស័យ មានឈ្មោះសុខ លីនី អាយុ២៦ឆ្នាំ។ ស្ត្រីរូបនេះ ត្រូវបានកម្លាំងនគរបាលខេត្តសៀមរាបចាប់ខ្លួន កាលពីថ្ងៃទី15ខែសីហាឆ្នាំ2018។ ចំណែកជនរងគ្រោះជាប្តី ឈ្មោះ ហ៊ឹម វណ្ណារ៉ូ ភេទប្រុស អាយុ២៥ឆ្នាំ ជាមន្ត្រីនគរបាលប៉ុស្តិ៍រដ្ឋបាលសង្កាត់គោកចក នៃអធិការដ្ឋាននគរបាលក្រុងសៀមរាប ។

ករណីស្ត្រីជាប្រពន្ធ ដែលចាក់សម្លាប់ប្តីរបស់ខ្លួន ជាមន្ត្រីនគរបាលប៉ុស្តិ៍រដ្ឋបាលសង្កាត់គោកចក នៃអធិការដ្ឋាននគរបាលក្រុងសៀមរាប នៅល្ងាចថ្ងៃទី១៧ខែសីហានេះ ត្រូវបានចៅក្រមស៊ើបសួរតុលាការខេត្តសៀមរាប បានសម្រេចចេញដីកាឃុំខ្លួនដាក់ពន្ធនាគារជាបណ្តោះអាសន្ន ដោយចោទប្រកាន់ពីបទ ឃាតកម្ម។

នគរបាលព្រហ្មទណ្ឌក្រុងសៀមរាប បានឲ្យដឹងថា កាលពីចន្លោះវេលាម៉ោង៣-ទៅម៉ោង៤:០០នាទីព្រឹក ថ្ងៃទី១៥ ខែសីហា ឆ្នាំ២០១៨ នៅចំណុចក្រុមទី១១ ភូមិឆ្លកអណ្តូង សង្កាត់ស្លក្រាម ក្រុងសៀមរាប ខេត្តសៀមរាប មានករណីប្រទះឃើញ សព ជនរងគ្រោះឈ្មោះ ហ៊ឹម វណ្ណារ៉ូ ភេទប្រុស អាយុ២៥ឆ្នាំ ជាមន្ត្រីនគរបាលប៉ុស្តិ៍រដ្ឋបាលសង្កាត់គោកចកនៃអធិការដ្ឋាននគរបាលក្រុងសៀមរាប ។

បន្ទាប់ពីទទួលសេចក្តីរាយការណ៍ពីបងប្អូនប្រជាពលរដ្ឋ និង ដោយមានបទបញ្ជារយ៉ាងម៉ឺងម៉ាត់ពីលោក ឧត្តមសេនីយ៍ទោ ទិត្យ ណារ៉ុង ស្នងការនៃស្នងការដ្ឋាននគរបាលខេត្តសៀមរាប ក៏ដូចជាលោកឧត្តមសេនីយ៍ត្រី ភឹង ចិន្តារ៉េត ស្នងការរងទទួលផែនព្រហ្មទណ្ឌ នគរបាលក្រុងសៀមរាបដឹកនាំដោយលោកវរសេនីយ៍ឯកទេព ចាន់ណា អធិការនគរបាលក្រុងសៀមរាប បានធ្វើការរក្សានិងពិនិត្យកន្លែងកើតហេតុ ហើយបើកការស្រាវជ្រាវ ។

លទ្ធផលពិនិត្យកន្លែងកើតហេតុ និងនៅលើសាកសពជនរងគ្រោះ មានស្នាមចាក់ដោយកាំបិតចំនួន១០ចំណុច ដោយឡែកសម្ភារះទ្រព្យសម្បត្តិរបស់ជនរងគ្រោះមិនមានការបាត់បង់ឡើយ យើងបានសន្និដ្ឋានថាករណីនេះ ជាករណីគំនុំ។

លោក វរសេនីយ៍ត្រី នួន សក្តិ័ចំរើនរិទ្ធ អធិការរងទទួលផ្នែកព្រហ្មទណ្ឌ បានអោយដឹងថា បន្ទាប់ពីរូបលោក បានធ្វើការស្រាវជ្រាវ យ៉ាងយកចិត្តទុកដាក់ អស់រយះពេល៧ម៉ោង នៅវេលាម៉ោង១៣:០០នាទីថ្ងៃខែដដែល មន្ត្រីនគរបាលយុត្តិធម៍យើង បានធ្វើការកំណត់អត្តសញ្ញាណជនសង្ស័យ និងនាំខ្លួនយកមកធ្វើការសាកសួរ។

ជនសង្ស័យមានឈ្មោះ សុខ លីនី ភេទស្រី អាយុ ២៦ឆ្នាំ មានទីកន្លែងកំណើត នៅភូមិដើមចន្ទ សង្កាត់ច្បារអំពៅ២ ខណ្ឌមានជ័យ រាជធានីភ្នំពេញ ត្រូវជាភរិយា របស់ជនរងគ្រោះ ។

យោងតាមចម្លើយសារភាព ជនសង្ស័យ និងវត្ថុតាងដែលដកហូតបាន ត្រូវបាននគរបាលក្រុងសៀមរាប កសាងសំណុំរឿងបញ្ជូនទៅតុលាការចាត់ការតាមនីតិវិធីច្បាប់៕

នារីវ័យក្មេងម្នាក់ បានចូលក្លឹបផឹកស៊ីរាំលេងជាមួយមិត្តភក្តិ ប្រើថ្នាំគ្រវីលើសកម្រិត ក៏បណ្តាលឱ្យ…….

ខេត្តបន្ទាយមានជ័យ ៖ នារីវ័យក្មេងម្នាក់ បានចូលក្លឹបផឹកស៊ីរាំលេងជាមួយមិត្តភក្តិ ប្រើថ្នាំគ្រវីលើសកម្រិត ក៏បណ្តាលឱ្យកើតមានអាការៈគាំងបេះដូងស្លាប់នៅក្នុងក្លឹបយ៉ាងអាណោចអាធ័ម បើទោះជាមិត្តភក្តិមិនអស់ចិត្ត ព្យាយាមដឹកបញ្ជូនទៅមន្ទីរពេទ្យសង្គ្រោះ ក៏មិនអាចជួយបាន ពោលគឺហួសពេលទៅហើយ។

ហេតុការណ៍នារិវ័យក្មេងគាំងបេះដូងស្លាប់ក្នុងក្លឹបនេះ បានកើតមានការភ្ញាក់ផ្អើលឡើង កាលពីវេលាទៀបភ្លឺ ឈានចូលថ្ងៃទី១៦ ខែសីហា ឆ្នាំ២០១៨ នៅចំណុចក្លឹបកម្សាន្តមួយកន្លែង ក្នុងកាស៊ីណូក្រុងប៉ោយប៉ែត។នារីរងគ្រោះដែលគាំងបេះដូងស្លាប់ មានឈ្មោះធី ណារិន អាយុ១៧ឆ្នាំ មានលំនៅក្នុងភូមិបាលលេយ្យ១ សង្កាត់ប៉ោយប៉ែត ក្រុងប៉ោយប៉ែត។

តាមប្រភពពីក្រុមគ្រូពេទ្យនៃមន្ទីរពេទ្យបង្អែកក្រុងប៉ោយប៉ែត បានឱ្យដឹងថា នៅមុនពេលកើតហេតុ កាលពីយប់ថ្ងៃទី១៥ ខែសីហា ឆ្នាំ២០១៨ នារីរងគ្រោះ រួមជាមួយមិត្តភក្តិប៉ុន្មាននាក់ទៀត បាននាំគ្នាចូលក្លឹបរាត្រីមួយកន្លែងនៅក្នុងកាស៊ីណូ ដើម្បីផឹកស៊ី និងរាំលេងកម្សាន្ត សប្បាយ។ លុះក្រោយមក ទំនងជានារីរងគ្រោះ និងមិត្តភក្តិចង់បង្កើនការសប្បាយឱ្យខ្លាំងឡើងថែមទៀត ទើបនាំគ្នាប្រើថ្នាំគ្រវី (ខេ) ស្រាប់តែអកុសល នារីរងគ្រោះបានប្រើលើសកម្រិត ក៏បណ្តាលឱ្យកើតមានអាការៈគាំងបេះដូងស្លាប់នៅនឹងកន្លែង ក្នុងក្លឹបកំសាន្តនោះតែម្តង វេលាទៀបភ្លឺ ឈានចូលថ្ងៃទី១៦ ខែសីហា ឆ្នាំ២០១៨។

ប៉ុន្តែដោយសារតែមិត្តភក្តិនារីរងគ្រោះមិនអស់ចិត្ត ក៏ព្យាយាមដឹកសពនារីរងគ្រោះទៅសង្គ្រោះនៅមន្ទីរពេទ្យបង្អែកក្រុងប៉ោយប៉ែតទៀត តែអកុសលពេលដឹកមកដល់ក្រុមគ្រូពេទ្យជំនាញពិនិត្យរួច បានបញ្ជាក់ថា នារីរងគ្រោះបានស្លាប់ តាំងពីមុនបញ្ជូនមកដល់មន្ទីរពេទ្យម៉្លេះ៕

អ្នកទិញម៉ូតូចោរចំនួន៥នាក់ ត្រូវតុលាការខេត្តកណ្ដាល ផ្តន្ទាទោសដាក់ពន្ធនាគារចន្លោះពី៤ឆ្នាំទៅ៧ឆ្នា

កណ្ដាល: ប្រធានក្រុមប្រឹក្សាជំនុំជម្រះសាលាដំបូងខេត្តកណ្ដាល លោកគឹម ម៉េង នៅថ្ងៃទី១៧ ខែសីហា នេះ ប្រកាសសាលក្រមផ្តន្ទាទោសជនជាប់ចោទ៥នាក់ ចន្លោះពី៤ឆ្នាំទៅ៧ឆ្នាំ ពាក់ព័ន្ធការទទួលទិញម៉ូតូចោរយ៉ាងកក្រើក។

គួរបញ្ជាក់ថា ប្រតិបត្តិការបង្ក្រាបនេះ ក្រោយកម្លាំងនគរបាល ស្រុកកណ្តាលស្ទឹង ឃាត់ខ្លួនក្រុមចោរធាក់ផ្តួលម៉ូតូប្លន់បាន៦នាក់ ក្រោយពួកគេធ្វើសកម្មភាព វាយប្លន់ជនរងគ្រោះពីរនាក់ប្តី ប្រពន្ធកាលពីថ្ងៃទី១០ ខែកុម្ភៈ ឆ្នាំ២០១៨ នៅចំណុច ដីភូមិព្រែកអង្គុញ ឃុំសៀមរាប ស្រុកកណ្តាលស្ទឹង ខេត្តកណ្តាល។

សមត្ថកិច្ច បញ្ជាក់ថាក្រោយពីជនសង្ស័យមួយក្រុមធ្វើសកម្មភាពធាក់ផ្តួលវាយប្លន់ជនរងគ្រោះឈ្មោះ ឈៀង ប៉េងសៀន ភេទប្រុស អាយុ២៥ឆ្នាំ មានមុខរបរកសិករនិងឈ្មោះ សឿន សម្ភស្សភេទស្រីអាយុ២៥ឆ្នាំមានមុខរបរកសិករ បណ្តាលឱ្យបាត់បង់ម៉ូតូមួយគ្រឿង ម៉ាកហុងដាឌ្រីមសង់សេ១២៥ ពណ៌ខ្មៅស៊េរីឆ្នាំ២០១៨។

ក្រោយកើតហេតុកម្លាំងនគរបាលតាមបង្ក្រាបបានមុខសញ្ញា៦នាក់ ធ្វើការដកហូត បានផ្លាកលេខម៉ូតូបានចំនួន៣។

ក្រោយធ្វើការស្រាវជ្រាវ ឃាត់បានជនសង្ស័យទាំង៦នាក់ រួចនាំមកសាកសួរ ទើបថាមានបក្ខពួកមួយចំនួនទៀតនៅខេត្តកំពង់ឆ្នាំង និងខេត្តកំពង់ស្ពឺ ដោយមានការឯកភាព ពីអគ្គនគរបាលជាតិនិងមានដឹកនាំដោយផ្ទាល់ពីលោក ឯក ស៊ុនរស្មី ព្រះរាជអាជ្ញារងអមសាលាដំបូងខេត្តកណ្តាល នៅថ្ងៃទី១៣ ខែមីនា ឆ្នាំ២០១៨ បានចុះទៅសហការ ជាមួយកម្លាំងនគរបាលខេត្តទាំងពីរខេត្តធ្វើការស្រាវជ្រាវ ឆែកឆេរទីតាំងទទួលទិញ លក់ម៉ូតូ ទទួលផលចោរកម្មចំនួន៥គោលដៅរកឃើញម៉ូតូមិនប្រក្រតីជាច្រើនគ្រឿង៕

CR៖ FB

អាសូណាស់!!! រថយន្តខូច ចុះពិនិត្យមើលម៉ាស៊ីន ស្រាប់តែរថយន្តសាំងយ៉ុង បុកពីក្រោយពេញទំហឹង បណ្ដាលអោយបុរសម្នាក់ស្លាប់ភ្លាមៗ

(កំពង់ឆ្នាំង) កាលពីល្ងាចថ្ងៃទី១៦ ខែសីហា ឆ្នាំ២០១៨ មានករណីគ្រោះថ្នាក់ចរាចរណ៍មួយបានកើតឡើងរវាងរថយន្តសាំងយ៉ុង ពាក់ស្លាកលេខភ្នំពេញ2y 94 62បានបុកជាមួយនិងរថយន្តអាស៊ីបA2ខណ: ដែលម្ចាស់រថយន្តអាស៊ីបA2នោះខូចហើយអ្នកបើកបរបានឈប់អែបខាងស្តាំដៃរួចចុះមកពិនិត្យមើលរថយន្ត កំពុងតែឱនមើលរថយន្តនៅផ្នែកខាងមុខស្រាប់តែអ្នកបើកបររថយន្តសាំងយ៉ុងមកបុកពីក្រោយយ៉ាងពេញទំហឹងក្នុងទិសដៅស្របគ្នានៅចំណុចតាមបណ្តោយផ្លូវដែលឋិតនៅក្នុងភូមិគ្រាំងស្គារត្បូង ឃុំគ្រាំងស្គារ ស្រុកទឹកផុស ខេត្តកំពង់ឆ្នាំង ។

ករណីនេះបណ្ដាលអោយអ្នកបើកបររថយន្តអាស៊ីបA2បានរងរបួសយ៉ាងធ្ងន់ធ្ងរ ក្រោយពីកើតហេតុត្រូវបានបងប្អូនប្រជាពលរដ្ឌនិងអ្នកជិតខាងបានដឹកបញ្ជូនមកសង្គ្រោះបន្ទាន់នៅមណ្ឌលសុខភាពឃុំគ្រាំងស្គារហើយក៏បានស្លាប់បាត់បង់ជីវិតនៅតាមផ្លូវ អ្នកស្លាប់នោះឈ្មោះគួន ពៅ ជាអ្នកភ្នំពេញមកធ្វើចំការនៅក្នុងឃុំគ្រាំងស្គារ ស្រុកទឹកផុស ខេត្តកំពង់ឆ្នាំង។

សមត្ថកិច្ចនគរបាលស្រុកទឹកផុសបានអោយដឹងថា ក្រោយពីកើតហេតុអ្នកបើកបររថយន្តសាំងយ៉ុងបុកហើយបានឈប់រត់គេចខ្លួនបាត់ស្រមោល។ ចំណែករថយន្តទាំង២គ្រឿងខាងលើត្រូវបានសមត្តកិច្ចនគរបាលស្រុកទឹកផុសយកមករក្សាទុក្ខរងចាំដោះស្រាយតាមនិតិវិធីនៅពេលក្រោយ។ បច្ចុប្បន្នសាកសពត្រូវបានបងប្អូនយកទៅធ្វើបុណ្យតាមប្រពៃណី ៕ប្រភពFB

កំពូលតារាសម្តែងជើងចាស់អម្ពរទេវី មកដល់កម្ពុជាហើយ ដើម្បីបំពេញបំណងផលិតករ និង ទស្សនិកជន

(ភ្នំពេញ) គេឃើញវត្តមាន តារាសម្តែងចាស់វស្សាកម្ពុជា អ្នកស្រី អម្ពរ ទេវី ដោយមានក្រុមគ្រួសារ និងមិត្តភក្តិរង់ចាំទទួលដំណើរវិវត្តន៍ នៅថ្ងៃព្រហស្បតិ៍ ទី១៦ សីហានេះ នាព្រលានយន្តហោះអន្តរជាតិភ្នំពេញ ។

យោងតាមការបញ្ជាក់របស់លោក ជា ឌីណាង ហៅម៉ាប់ ម្ចាស់ផលិតកម្ម Red Picture co,ltd វត្តមានរបស់អ្នកស្រី អម្ពរ ទេវី មានរយៈពេល តែ ៥០ថ្ងៃ សម្រាប់ការថតប្លង់របស់គាត់ និងឈុតបំពេញមួយចំនួន ក្នុងរឿង ឆន្ទា និងម្ចាស់ក្រោលដំរី តែសាច់រឿង ម្ខាស់ក្រោលដំរី នឹងថតបញ្ចប់ដល់បំណាច់ឆ្នាំ២០១៨ ជាមួយនឹងការគ្រោង បញ្ចាំងនៅស្ថានីយ៍ទូរទស្សន៍ CTN នៅដើមឆ្នាំ ២០១៩។ តែទោះជារយៈពេលខ្លីមែនពិត តែផលិតកម្មរូបនេះ នៅតែពេញចិត្តចំពោះការជ្រើសរើស តារាជើងចាស់ ដែលខកខានសម្តែងរឿងជាយូរឆ្នាំ។

ចំពោះរឿង ម្ចាស់ក្រោលដំរីនេះ អ្នកនាងអម្ពរទេវី នឹងត្រូវសម្តែងជា តួអង្គម្តាយ ដែលបានបាត់កូនប្រុសជាទីស្រលាញ់ ហើយកូនប្រុសនោះត្រូវបាន ជនជាតិខ្មែរលើ មានលំនៅជិតព្រំដែនខ្មែរ ថៃ រើសចិញ្ចឹមជាកូន និងការរស់នៅជាមួយសត្វដំរីព្រៃតាំងពីតូច រហូតក្លាយជា ហ្មដំរីដ៍ជំនាញមួយរូប។

សិល្បះការនីទសវត្សទី៩០រូបនេះ ក៏នឹងត្រូវសម្តែងរួមគ្នាជាមួយនឹង ដៃគូសម្តែងឥតខ្ចោះ គឺ លោក ទេព រិនដារ៉ូ ផងដែរ។ ការប៉ះគ្នាលើកនេះ ធ្វើឲ្យទស្សនិកជន មិនតិចនោះទេ ដែលអន្ទះសារង់ចាំទស្សនា ការសម្ដែងរបស់ តារាជើងចាស់ទាំង២ដួងនេះ ព្រោះស្នាដៃអ្នកទាំង២ ត្រូវបានមហាជន ក្នុងនិងក្រៅប្រទេស ទទួលស្គាល់ពីសមត្ថភាពសម្ដែង យ៉ាងប៉ិនប្រសប់ តាមរយៈរឿងល្បីៗកន្លងមក ដែលធ្វើឲ្យគ្រប់គ្នា មិនអាចបំភ្លេចបាន៕ ប្រភពCNC

តុលាការសំរេច ឃុំខ្លួនស្ត្រីជនជាតិចិនម្នាក់ ក្នុងគុកព្រៃស ករណីបើករថយន្តបំបុកចោរឆក់ទូរស័ព្ទស្លាប់ម្នាក់និងរបួសធ្ងន់ម្នាក់

Update៖ ស្ត្រីជនជាតិចិនម្នាក់ ក្នុងគុកព្រៃសភ្នំពេញៈក្រោយពីការសាកសួរចប់សព្វគ្រប់ នៅរសៀលថ្ងៃទី១៦ខែសីហាឆ្នាំ២០១៨នេះ លោក ធាម ច័ន្ទពិសិដ្ឋ ចៅក្រមស៊ើបសួរសាលាដំបូងរាជធានីភ្នំពេញ បានសម្រេចឃុំខ្លួនស្ត្រីជនជាតិចិនបណ្តោះអាសន្នក្នុងពន្ធនាគារព្រៃស ។

ស្ត្រីជនជាតិចិន រូបនេះឈ្មោះ YUAN TANG ថាង យៀន ភេទស្រី អាយុ២៦ឆ្នាំ មុខរបរលក់ដូរ ស្នាក់នៅផ្ទះជួលគ្មានលេខ ផ្លូវលំ សង្កាត់ទឹកថ្លា ខណ្ឌសែនសុខបានត្រូវកញ្ញាវ៉ា សក្តា ព្រះរាជអាជ្ញារងអមសាលាដំបូងរាជធានីភ្នំពេញបានចោទប្រកាន់ពីបទហិង្សាដោយចេតនាមានស្ថានទម្ងន់ទោសបទហិង្សាដោយចេតនាមានស្ថានទម្ងន់ទោសដោយសារមរណភាពនៃជនរងគ្រោះនិងបទបើកបរគ្មានប័ណ្ណអនុញ្ញាត។

របាយការណ៍អគ្គស្នងការដ្ឋាននគរបាលជាតិ ចេញផ្សាយនៅព្រឹកថ្ងៃទី១៥ ខែសីហា នេះ ថានៅថ្ងៃ ទី១២ ខែសីហា ឆ្នាំ២០១៨ វេលាម៉ោង១២៖១០រំលងអធ្រាត្រ មានករណីមនុស្សឃាតដោយអចេតនា (បើករថយន្តដេញបុកជនសង្ស័យឆក់ទូរស័ព្ទដៃស្លាប់-របួស) នៅចំណុចផ្លូវលេខ១២៣ កែងផ្លូវលេខ៤៥៦ មុខផ្ទះលេខ៥៤ ក្រុម២២ ភូមិ៤ សង្កាត់ទួល ទំពូង១ ខណ្ឌចំការមន រាជធានីភ្នំពេញ អ្នករងរបួសធ្ងន់ ប្រុសម្នាក់ និងស្លាប់ប្រុសម្នាក់ ជាជនសង្ស័យឆក់ទូរស័ព្ទដៃ។

ជនសង្ស័យឈ្មោះ សារុន ពិសិដ្ឋ ភេទប្រុស អាយុ២៨ ឆ្នាំ មុខរបរនៅផ្ទះ ស្នាក់នៅផ្ទះលេខ ២៥០ ផ្លូវលេខ៤៦០ ក្រុម២២ ភូមិ៤ សង្កាត់ទួលទំពូង១ ខណ្ឌចំការមន រងរបួសធ្ងន់កំពុងព្យាបាលនៅមន្ទីរពេទ្យមិត្តភាពខ្មែរ-សូវៀត និង ឈ្មោះ បេ សុភាដេវីត ភេទ ប្រុស អាយុ២៤ មុខរបរ នៅផ្ទះ ស្នាក់នៅផ្ទះលេខ៣២A ផ្លូវលេខ២៨០ ក្រុម ៤៣ ភូមិ ៥ សង្កាត់បឹងកេងកង២ ខណ្ឌចំការមន រងរបួសធ្ងន់បានស្លាប់នៅមន្ទីរពេទ្យមិត្តភាពខ្មែរ-សូវៀត។

ស្ត្រីសង្ស័យឃាត់ខ្លួនឈ្មោះ YUAN TANG ថាង យៀន ភេទស្រី អាយុ២៦ឆ្នាំ ជនជាតិចិន មុខរបរលក់ដូរ ស្នាក់នៅផ្ទះជួលគ្មានលេខ ផ្លូវលំ សង្កាត់ទឹកថ្លា ខណ្ឌសែនសុខ មិនបានយកលិខិតឆ្លងដែន មិនបានយកមកតាមខ្លួន ជាអ្នក បើករថយន្ត ។

វត្ថុតាងដកហូត ម៉ូតូ ០១គ្រឿងម៉ាកSCOOPY ពណ៌ស ស្លាកលេខ ភ្នំពេញ1CL-7241 ( របស់អ្នកឆក់ទូរស័ព្ទដៃខូចខាតយ៉ាងដំណំ ) , រថយន្តម៉ាកLEXUS RX-300 ពណ៌ស ស្លាកលេខ 2AN-9745 ភ្នំពេញ ( ខូចខាតដូចគ្នា ) និងទូរស័ព្ទដៃ០១ គ្រឿង ម៉ាក Meitu ពណ៌ខ្មៅ-បៃតង លេខស៊ីម 096 696 7899 ( បែកអេក្រង់ របស់ជនសង្ស័យ បើកឡានបុក ) ។

សមត្ថកិច្ចបញ្ជាក់ថា មុនពេលកើតហេតុឈ្មោះ សារុន ពិសិដ្ឋ និងឈ្មោះ បេ សុភាដេវីត បានជិះម៉ូតូ ០១ គ្រឿងខាងលើ ឌុបគ្នា មកដល់ចំណុចមុខផ្ទះកើតហេតុខាងលើ ឃើញស្ត្រីជាតិចិន និងមិត្តភក្តិម្នាក់ទៀត ឈប់រថយន្តទូរស័ព្ទ ចំហរកញ្ចក់ ខាងមុខផ្នែកខាងឆ្វេង ហើយឈ្មោះ សារុន ពិសិដ្ឋ និងឈ្មោះ បេ សុភាដេវីត ក៏ធ្វើសកម្មភាពឆក់ យកទូរស័ព្ទដៃ ជន ជាតិ ចិនឈ្មោះ Yuan Tang បានសម្រេច រួច បើកម៉ូតូគេចខ្លួន។

ភ្លាមនោះស្ត្រីជាតិចិនឈ្មោះ Yuan Tang ដែលជា ម្ចាស់ ទូរស័ព្ទ បានបើករថយន្តដេញតាមបុកម៉ូតូ ពីក្រោយបណ្តាលឲ្យ ដួលខ្ទាតទៅក្បែរជញ្ជាំងរបងផ្ទះលេខ៣៩ ផ្លូវលេខ ១២៣ កែង ផ្លូវលេខ៤៥៦ បណ្តាលឲ្យរងរបួសធ្ងន់ធ្ងរ ត្រូវបានសមត្ថកិច្ចបញ្ជូនទៅសង្គ្រោះបន្ទាន់តាមរថយន្តសង្គ្រោះបន្ទាន់ ទៅមន្ទីរ ពេទ្យមិត្ត ភាពខ្មែរ-រុស្ស៊ី ។

លុះដល់ម៉ោង ២៖៥០ រំលងអាធ្រាត្រ ចូលដល់ថ្ងៃទី ១៣ ខែសីហា ឆ្នាំ២០១៨ អ្នកឆក់ទូរស័ព្ទឈ្មោះ បេ សុភាដេវីត បានស្លាប់បាត់បង់ជីវិតនៅមន្ទីពេទ្យរុស្ស៊ី សពតម្កល់រង់ចាំក្រុមគ្រួសារមកទទួល ។ចំណែកអ្នកឆក់ម្នាក់ទៀតឈ្មោះ សារុន ពិសិដ្ឋ សន្លប់មិនទាន់ដឹងខ្លួន កំពុងសង្គ្រោះបន្ទាន់នៅមន្ទីរពេទ្យមិត្តភាពខ្មែរ-រុស្ស៊ី ៕

គោយន្តកែច្នៃ(កង់បី) បុកគ្នាជាមួយរថយន្តសាំយ៉ុង ស្លាប់៣នាក់ ក្នុងនោះក្មេងស្រីតូចម្នាក់ផងដែរ

(កំពត) នៅថ្ងៃទី១៥ ខែសីហា ឆ្នាំ២០១៨ វេលាម៉ោង១៦/៥០នាទី មានករណីគ្រោះថ្នាក់ចរាចរណ៍បង្កឡើងដោយគោយន្តកែច្នៃ(កង់បី) បុកគ្នាជាមួយរថយន្តសាំយ៉ុង ក្នុងទិសដៅ បញ្ច្រាសទិសគ្នា លើផ្លូវជាតិលេខ៦២ ត្រង់ចំណុចផ្លូវកោងហួសមណ្ឌលសុខភាពតាកឹងចម្ងាយ២៥០ម៉ែត្រ ក្នុងភូមិសាស្ត្រភូមិថ្នល់បែក ឃុំថ្មី ស្រុកគូលែន ខេត្តព្រះវិហារ បណ្តាលអោយស្លាប់មនុស្សចំនួន០២នាក់ អ្នកបើកបរទី០១ ៖ ឈ្មោះសុង សីង ភេទប្រុស អាយុ៤៧ឆ្នាំ ជនជាតិខ្មែរ មុខរបរកសិករ (ស្លាប់) ។ អ្នករួមដំណើរចំនួន០៣នាក់ ស្រីចំនួន០២នាក់ (ស្លាប់ម្នាក់ ភេទស្រី និងរបួសធ្ងន់០២នាក់) ។

គោយន្តកែច្នៃ(កង់បី) អ្នកបើកបរទី០២៖ ឈ្មោះសិប ធី ភេទប្រុស អាយុ៤០ឆ្នាំ ជនជាតិខ្មែរ មុខរបររត់តាក់សុី មានស្រុកកំណើតភូមិត្រពាំង ឃុំឈើទាល ស្រុកជុំគិរី ខេត្តកំពត ទីលំនៅបច្ចុប្បន្នរស់នៅភូមិ ឃុំ ស្រុកអន្លង់វែង ខេត្តឧត្តមានជ័យ រងរបួសធ្ងន់ ។ បើតាមការបញ្ជាក់ពីសមត្ថកិច្ចរហូតមកដល់ពេលនេះអ្នកស្លាប់កើនឡើងរហូត៣នាក់ហើយ៕ ប្រភពFB