ឃាត់ខ្លួនបានជនសង្ស័យចំនួន ០៣ នាក់ នៅចំណុចក្នុងមជ្ឈមណ្ឌលកោះពេជ្រ សង្កាត់ទន្លេបាសាក់ ខណ្ឌចំការមន រាជធានីភ្នំពេញ ពាក់ពន្ធ័ប្រព្រឹត្តបទល្មើស អំពើលួចមានស្ថានទម្ងន់ទោស(ឆក់ទ្រព្យសម្បត្តិ) ចំនួន ០៤ ករណី

ការិយាល័យនគរបាលព្រហ្មទណ្ឌកំរិតស្រាលរាជធានីភ្នំពេញ កាលពីថ្ងៃទី ១៧ ខែ សីហា ឆ្នាំ ២០១៨ វេលាម៉ោង ១៦ និង ៥០ នាទី កម្លាំងជំនាញរបស់ការិយាល័យនគរបាលព្រហ្មទណ្ឌកំរិតស្រាលរាជធានីភ្នំពេញ ស្រាវជ្រាវឃាត់ខ្លួនបានជនសង្ស័យចំនួន ០៣ នាក់ នៅចំណុចក្នុងមជ្ឈមណ្ឌលកោះពេជ្រ សង្កាត់ទន្លេបាសាក់ ខណ្ឌចំការមន រាជធានីភ្នំពេញ ពាក់ពន្ធ័ប្រព្រឹត្តបទល្មើស អំពើលួចមានស្ថានទម្ងន់ទោស(ឆក់ទ្រព្យសម្បត្តិ) ចំនួន ០៤ ករណី និងចាប់យកវត្ថុតាងជាមធ្យោបាយធ្វើសកម្មភាព បញ្ជូនមកកាន់ការិយាល័យមានដូចខាងក្រោម ៖

ករណីទី១ ៖ អំពើលួចមានស្ថានទម្ងន់ទោស ( ឆក់ទូរស័ព្ទដៃម៉ាក IPhone6Plus ពណ៌ ខ្មៅ ) ប្រព្រឹត្តនៅចំណុចមុខផ្ទះលេខ២១៩ ផ្លូវលេខ៥១ កែងផ្លូវលេខ៣០៦ ភូមិ៧ សង្កាត់បឹងកេងកងទី១ ខណ្ឌចំការមន រាជធានីភ្នំពេញ កាលពីថ្ងៃទី ២៣ ខែ កក្កដា ឆ្នាំ២០១៨ វេលាម៉ោងប្រហែល ១៩ និង០០ នាទី ពីមនុស្សប្រុសមិនស្គាល់អត្តសញ្ញាណ ជនជាតិបារាំង កំពុងដើរ ។

ករណីទី២ ៖ អំពើលួចមានស្ថានទម្ងន់ទោស (ឆក់ទូរស័ព្ទដៃម៉ាក IPhone6 Plus ពណ៌ ខ្មៅ) ប្រព្រឹត្តនៅចំណុចក្រោយព្រះបរមរាជវាំង ផ្លូវលេខ១៨៤កែងផ្លូវលេខ១៩ ភូមិ៩ សង្កាត់ជ័យជំនះ ខណ្ឌដូនពេញ រាជធានីភ្នំពេញ កាលថ្ងៃទី១៥ ខែមេសា ឆ្នាំ២០១៨ វេលាម៉ោងប្រហែល១៩ និង០០ នាទី ។

ជនរងគ្រោះឈ្មោះ KIM SEONG HUN ភេទ ប្រុស អាយុ ៤០ ឆ្នាំ ជនជាតិ កូរ៉េ កាន់លិខិតឆ្លងដែនលេខM ៥៦៥០៩៤៣៨ មុខរបរ ទេសចរណ៍ ស្នាក់នៅផ្ទះសំណាក់ RS (G០១) សង្កាត់ជ័យជំនះ ខណ្ឌដូនពេញ រាជធានីភ្នំពេញ សម្ភារៈបាត់បង់ទូរស័ព្ទដៃម៉ាក IPhone6 Plus ពណ៌ ខ្មៅ

ករណីទី៣ ៖ អំពើលួចមានស្ថានទម្ងន់ទោស (ឆក់ទូរស័ព្ទដៃ) ប្រព្រឹត្តនៅចំណុចខាងលិចផ្សារបឹងកេងកង សង្កាត់បឹងកេងកងទី១ ខណ្ឌចំការមន រាជធានីភ្នំពេញ កាលពីថ្ងៃទី ០៧ ខែ មិថុនា ឆ្នាំ ២០១៨ វេលាម៉ោងប្រហែល ១៩ និង ៣០ នាទី ពីមនុស្សប្រុសម្នាក់ជនជាតិចិន ។

ករណីទី៤ ៖ អំពើលួចមានស្ថានទម្ងន់ទោស (ឆក់ទូរស័ព្ទដៃម៉ាក IPhone៥ ពណ៌ ខ្មៅ) ប្រព្រឹត្តនៅចំណុចជិតរោងភាពយន្តលុច្ស ផ្លូវព្រះនរោត្តម សង្កាត់ជ័យជំនះ ខណ្ឌដូនពេញ រាជធានីភ្នំពេញ កាលពីថ្ងៃទី១៣ ខែ មេសា ឆ្នាំ ២០១៨ វេលាម៉ោងប្រហែល ២២ និង ០០ នាទី ពីមនុស្សប្រុសម្នាក់ជនជាតិបារាំង ។

ជនសង្ស័យមានឈ្មោះ ៖
១-ឈ្មោះ ណេត ដារិទ្ធ ភេទ ប្រុស អាយុ ១៧ ឆ្នាំ ជនជាតិ ខ្មែរ មុខរបរជាងផ្សារដែក ស្នាក់នៅផ្ទះមិនចាំលេខ ផ្លូវលំ ភូមិព្រែកតានូ សង្កាត់ចាក់អង្រែលើ ខណ្ឌមានជ័យ

២-ឈ្មោះ លី សក្ករ៉េត ហៅ ហ្សាន ភេទ ប្រុស អាយុ ១៧ ឆ្នាំ ជនជាតិ ខ្មែរ មុខរបរកម្មករសំណង់ ស្នាក់នៅផ្ទះលេខ១៩៩៥ ផ្លូវលំ ភូមិព្រែកតានូ សង្កាត់ចាក់អង្រែលើ ខណ្ឌមានជ័យ

៣-ឈ្មោះ ជិន កុសល ភេទ ប្រុស អាយុ ១៨ ឆ្នាំជនជាតិ ខ្មែរ សិស្សវិទ្យាល័យទួលទំពូង ស្នាក់នៅផ្ទះលេខ២៣៤ ផ្លូវលំ សង្កាត់ស្ទឹងមានជ័យ១ ខណ្ឌមានជ័យ

វត្ថុតាងជាមធ្យោបាយធ្វើសកម្មភាព៖ ម៉ូតូម៉ាក Suzuki Nex ពណ៌ ស សេរីឆ្នាំ ២០១៤ លេខតួ ៣១៣៣០១-លេខម៉ាស៊ីន ៣១៣៣៥៣ ពាក់ស្លាកលេខ ១FG-៧១៨១ ចាប់យកពីឈ្មោះ ណេត ដារិទ្ធ ម៉ូតូរបស់វាម៉ាកហុងដាសេ១២៥ ពណ៌ខ្មៅ ឆ្នាំផលិត ២០១២ ពាក់ស្លាកលេខ ក្រចេះ ១B ២៣៨៥ ចាប់យកពីឈ្មោះ ជិន កុសល

បច្ចុប្បន្នជនសង្ស័យ និងវត្ថុតាងខាងលើការិយាល័យកសាងសំណុំរឿងបញ្ជូនទៅសាលាដំបូងរាជធានីភ្នំពេញ ចាត់ការតាមនីតិវិធី ។

(មានវិដេអូ)

https://www.facebook.com/plugins/video.php?href=https%3A%2F%2Fwww.facebook.com%2Fsattya.bon%2Fvideos%2F2147446168660889%2F&show_text=0&width=560

ប្រភព៖ ការិយាល័យ នគរបាល ព្រហ្មទណ្ឌកំរិតស្រាល រាជធានីភ្នំពេញ

ជនជាតិចិន ស្រវឹងស្រា បើករថយន្តLEXUS RX300បុកទ្រូងផ្លូវ នៅមុខព្រលានយន្តហោះអ្នកបើកបរ រងរបួសជង្គង់ធ្ង

ភ្នំពេញៈគ្រោះថ្នាក់ចរាចរណ៍នេះ បានកើតឡើងកាលពីវេលាម៉ោង១យប់រំលងអធ្រាត្រ ឈានថ្ងៃចន្ទ ទី២០ ខែសីហា ឆ្នាំ២០១៨នេះ (ត្រង់ចំណុចមុខអាកាសយានដ្ឋានអន្តរជាតិភ្នំពេញ) តាមបណ្ដោយផ្លូវសហព័ន្ធរុស្ស៊ី ស្ថិតក្នុងសង្កាត់កាកាប២ ខណ្ឌពោធិ៍សែនជ័យ រាជធានីភ្នំពេញ។

តាមប្រភពសមត្ថកិច្ច បានប្រាប់ឲ្យដឹងថា មុនពេលកើតហេតុ គេបានឃើញ រថយន្តមួយគ្រឿង ម៉ាក LEXUS RX300 ពណ៌ស្លែ ពាក់ស្លាកលេខភ្នំពេញ AQ-0850 បើកបរដោយបុរសជនជាតិចិន មិនស្គាល់អត្តសញ្ញាណម្នាក់ ក្នុងស្ថានភាពស្រវឹងស្រាធ្លាក់ភ្នែក ធ្វើដំណើរតាមបណ្តោយផ្លូវសហព័ន្ធរុស្ស៊ី ទិសដៅពីលិចទៅលិច ក្នុងល្បឿនលឿន លុះមកដល់ចំណុចកើតហេតុ បានបើកវ៉ារថយន្តមួយគ្រឿងទៀត ក៏ជ្រុលចង្តូតទៅបុកក្បាលនាគពុះចែកទ្រូងផ្លូវពេញទំហឹងតែម្ដង

បណ្ដាលឲ្យរថយន្តរងការខូចខាតខ្ទេចផ្នែកខាងមុខយ៉ាងដំណំ និងហូរហៀរប្រេងពេញផ្លូវ និងបាក់របាំងថ្មអស់១កង់ ចំណែកឯបុរសជនជាតិចិនដែលជាអ្នកបើកបរ បានរងរបួសចំជង្គង់ធ្ងន់ បានបើកទ្វារចុះមកទាំងស្រវឹងស្រាផង និងរបួសផង ទើបអង្គុយរុញរានៅលើរថយន្តតែម្ដង។

ក្រោយកើតហេតុសមត្ថកិច្ចមូលដ្ឋានបានចុះមកកន្លែងកើតហេតុ រួចទាក់ទងទៅសមត្តកិច្ចជំនាញចុះមកធ្វើការវាស់វែង និងស្ទូចយករថយន្តបង្កទៅរក្សាទុក នៅការិយាល័យចរាចរណ៍ផ្លូវគោក នៃស្នងការដ្ឋាននគរបាលរាជធានីភ្នំពេញ ដើម្បីរង់ចាំធ្វើការដោះស្រាយសងការខូចខាតទ្រព្យសម្បត្តិរដ្ឋទៅតាមនីតិវិធីផ្លូវច្បាប់៕

ប្រភព៖ FB

សង្ស័យស្រវឹងស្រា! នារីស្រស់ស្អាត ពាក់វ៉ែនតាធំៗ២នាក់ នឹងមិត្តភក្តិប្រុសម្នាក់ ចេញពីជប់លៀងគេ បើករថយន្ត បុកក្បាលរបាំងថ្មខណ្ឌចែកទ្រូងផ្លូវរងការខូចខាត

ភ្នំពេញ៖ សង្ស័យស្រវឹងស្រា! នារីស្រស់ស្អាត ពាក់វ៉ែនតាធំៗ២នាក់ នឹងមិត្តភក្តិប្រុសម្នាក់ ចេញពីជប់លៀងគេ បើករថយន្ត បុកក្បាលរបាំងថ្មខណ្ឌចែកទ្រូងផ្លូវរងការខូចខាត ហើយអង្គុយរងចាំសមត្ថកិច្ចមកដល់ ហុចកូនសោររថយន្តអោយសមត្ថកិច្ចចាត់ការតាមច្បាប់ព្រោះពួកគេយល់ពីកំហុសរបស់ខ្លួន

ហេតុការណ៍នេះបានកើតឡើងកាលពីយប់ថ្ងៃទី១៩ ខែសីហា ឆ្នាំ២០១៨ ត្រង់ចំណុចខាងជើងស្តុបនាងគង្ហីង តាមបណ្ដោយផ្លូវ១៨២ ស្ថិតក្នុងសង្កាត់អូរឬស្សីទី២ ខណ្ឌ៧មករា រាជធានីភ្នំពេញ។

មុនពេលកើតហេតុ គេបានឃើញរថយន្តមួយគ្រឿងម៉ាកTOTOTA Pirus មួយគ្រឿង ពណ៌ស្ករ បើកបរដោយយុវតីរូបស្រស់ស្អាតម្នាក់ (មិនស្គាល់អត្តសញ្ញាណ) រួមនឹងមានមិត្តភក្តិប្រុសស្រី២នាក់ទៀត បានធ្វើដំណើរតាមបណ្ដោយផ្លូវ១៨២ ត្រឡប់មកពីកម្មវិធីជប់លៀងមួយ បំណងត្រឡប់ទៅផ្ទះវិញ ដោយបើកបរក្នុងល្បឿនលឿនពេក ទើបពេលមកដល់ចំណុចកើតហេតុខាងលើ ក៏ជ្រុលចង្តូតទៅបុកទ្រូងផ្លូវពេញទំហឹង លាន់ដូចរន្ទះ បណ្ដាលឲ្យរថយន្តខូចខាតចំហៀងខាងមុខផ្នែកខាងឆ្វេងបន្តិចប៉ុណ្ណោះ តែខ្ទាតរបាំងថ្មផ្ងារជើងបាក់អស់១កង់ តែមិនបណ្ដាលឲ្យរងរបួសនោះទេ ដោយសារមានភាពទទួលខុសត្រូវខ្ពស់ យុវតីជាអ្នកបើករថយន្តបង្ក ព្រមទាំងមិត្តភក្តិប្រុសស្រី២នាក់ទៀត សុខចិត្តអង្គុយក្នុងរថយន្ត រង់ចាំសមត្ថកិច្ចមកដល់។

សមត្ថកិច្ចមូលដ្ឋានបានចុះមកកន្លែងកើតហេតុ គ្រាន់តែយុវតីរូបស្រស់ឃើញភ្លាម រត់ទៅប្រគល់កូនសោរថយន្តឲ្យសមត្ថកិច្ច និងព្រមឲ្យដោះស្រាយតាមច្បាប់ រួចប្រញាប់ប្រញាល់ហៅ Pass App ឡើងជិះចេញពីកន្លែងកើតហេតុបាត់ទៅ។ សមត្ថកិច្ចជំនាញចុះមកធ្វើការវាស់វែង និងស្ទូចយករថយន្តបង្កទៅរក្សាទុក នៅការិយាល័យចរាចរណ៍ផ្លូវគោក នៃស្នងការដ្ឋាននគរបាលរាជធានីភ្នំពេញ ដើម្បីរង់ចាំធ្វើការដោះស្រាយសងការខូចខាតទ្រព្យសម្បត្តិរដ្ឋទៅតាមនិតិវិធីផ្លូវច្បាប់៕

ភ្លើងប្រចណ្ឌ! បុរសម្នាក់ ប្រចណ្ឌប្រពន្ធ ទាញពូថៅកាប់ចិញ្ច្រាំប្រពន្ធសុះសាច់ រួចរត់ទៅធ្វើអត្តឃាតចងក សំលាប់ខ្លួន..

ពោធិ៍សាត់៖ ហេតុការណ៍នេះបង្ករអោយមានការភ្ញាក់ឡើងកាលពីព្រឹកថ្ងៃទី១៩ ខែសីហា ឆ្នាំ២០១៨ នេះ នៅត្រង់ចំណុចអំពួច ស្ថិតក្នុងភូមិជ្រៃក្រឹម ឃុំផ្ទះរុង ស្រុកភ្នំក្រវាញ ខេត្តពោធិ៍សាត់ ។ ក្រោយកើតហេតុសមត្ថកិច្ចចំរុះបានចុះពិនិត្យធ្វើកោសល្យវិច្ឆ័យដល់កន្លែងកើតហេតុ ។

បុរសជាប្តីមានឈ្មោះ ពុំ មុត ភេទប្រុស អាយុ ៦២ឆ្នាំ ជនជាតិខ្មែរ បច្ចុប្បន្ន រស់នៅភូមិ.ឃុំកើតហេតុខាងលើ ដោយទំនាស់ពាក្យសម្ដីគ្នាជាមួយប្រពន្ធឈ្មោះ សែម ផាត អាយុ ៤២ឆ្នាំ ជនជាតិខ្មែរ រស់នៅភូមិ.ឃុំជាមួយគ្នា រួចក៏បានយកពូថៅដៃកាប់លើជនរងគ្រោះជាប្រពន្ធត្រូវជាច្រើនកន្លែងបណ្ដាលឲ្យស្លាប់ភ្លាមៗ ក្រោយពីកាប់សម្លាប់ប្រពន្ធរួចរាល់ ជនសង្ស័យដៃដល់ជាប្តីបានយកខ្សែគោទៅចងកសម្លាប់ខ្លួនឯងនឹងដើមក្រូចក្បែរផ្ទះ។

ក្រោយពីសមត្ថកិច្ចជំនាញសហធ្វើការពិនិត្យ និងស្រាវជ្រាវយ៉ាងយកចិត្តទុកដាក់រួចរាលហើយនោះ អាចសន្និដ្ឋានបានថា ករណីនេះមូលហេតុបណ្ដាលមកពីប្ដីប្រច័ណ្ឌប្រពន្ធ ហើយកម្លាំងជំនាញយើងក៏ធ្វើកំណត់ហេតុប្រគល់សាកសពជូនក្រុមគ្រួសារសាច់ញាតិជនរងគ្រោះយកទៅធ្វើបុណ្យតាមប្រពៃណី៕

តោះមកស្តាប់ ចែ គាត់និយាយអំពីក្លឹប ហើយបានក្មេងស្រីម្នាក់បានស្លាប់កាលពីម្សិលមិញ…(សូមទស្សនាវិដេអូ)

តោះមកស្តាប់ ចែ គាត់និយាយអំពីក្មេងស្រីដែលចូលក្លឹបហើយទៅលេងថ្នាំ ហើយបានស្លាប់កាលពីម្សិលមិញនេះ គួរំលឹកផងដែរថា ៖ កាលពីម្សិលមិញនេះ មាននារីវ័យក្មេងម្នាក់ បានចូលក្លឹបផឹកស៊ីរាំលេងជាមួយមិត្តភក្តិ ប្រើថ្នាំគ្រវីលើសកម្រិត ក៏បណ្តាលឱ្យកើតមានអាការៈគាំងបេះដូងស្លាប់នៅក្នុងក្លឹបយ៉ាងអាណោចអាធ័ម បើទោះជាមិត្តភក្តិមិនអស់ចិត្ត ព្យាយាមដឹកបញ្ជូនទៅមន្ទីរពេទ្យសង្គ្រោះ ក៏មិនអាចជួយបាន ពោលគឺហួសពេលទៅហើយ។

ហេតុការណ៍នារិវ័យក្មេងគាំងបេះដូងស្លាប់ក្នុងក្លឹបនេះ បានកើតមានការភ្ញាក់ផ្អើលឡើង កាលពីវេលាទៀបភ្លឺ ឈានចូលថ្ងៃទី១៦ ខែសីហា ឆ្នាំ២០១៨ នៅចំណុចក្លឹបកម្សាន្តមួយកន្លែង ក្នុងកាស៊ីណូក្រុងប៉ោយប៉ែត។នារីរងគ្រោះដែលគាំងបេះដូងស្លាប់ មានឈ្មោះធី ណារិន អាយុ១៧ឆ្នាំ មានលំនៅក្នុងភូមិបាលលេយ្យ១ សង្កាត់ប៉ោយប៉ែត ក្រុងប៉ោយប៉ែត។

តាមប្រភពពីក្រុមគ្រូពេទ្យនៃមន្ទីរពេទ្យបង្អែកក្រុងប៉ោយប៉ែត បានឱ្យដឹងថា នៅមុនពេលកើតហេតុ កាលពីយប់ថ្ងៃទី១៥ ខែសីហា ឆ្នាំ២០១៨ នារីរងគ្រោះ រួមជាមួយមិត្តភក្តិប៉ុន្មាននាក់ទៀត បាននាំគ្នាចូលក្លឹបរាត្រីមួយកន្លែងនៅក្នុងកាស៊ីណូ ដើម្បីផឹកស៊ី និងរាំលេងកម្សាន្ត សប្បាយ។ លុះក្រោយមក ទំនងជានារីរងគ្រោះ និងមិត្តភក្តិចង់បង្កើនការសប្បាយឱ្យខ្លាំងឡើងថែមទៀត ទើបនាំគ្នាប្រើថ្នាំគ្រវី (ខេ) ស្រាប់តែអកុសល នារីរងគ្រោះបានប្រើលើសកម្រិត ក៏បណ្តាលឱ្យកើតមានអាការៈគាំងបេះដូងស្លាប់នៅនឹងកន្លែង ក្នុងក្លឹបកំសាន្តនោះតែម្តង វេលាទៀបភ្លឺ ឈានចូលថ្ងៃទី១៦ ខែសីហា ឆ្នាំ២០១៨។

ប៉ុន្តែដោយសារតែមិត្តភក្តិនារីរងគ្រោះមិនអស់ចិត្ត ក៏ព្យាយាមដឹកសពនារីរងគ្រោះទៅសង្គ្រោះនៅមន្ទីរពេទ្យបង្អែកក្រុងប៉ោយប៉ែតទៀត តែអកុសលពេលដឹកមកដល់ក្រុមគ្រូពេទ្យជំនាញពិនិត្យរួច បានបញ្ជាក់ថា នារីរងគ្រោះបានស្លាប់ តាំងពីមុនបញ្ជូនមកដល់មន្ទីរពេទ្យម៉្លេះ៕

(មានវិដេអូ)

https://www.facebook.com/plugins/video.php?href=https%3A%2F%2Fwww.facebook.com%2F100005027326808%2Fvideos%2F1066407616870139%2F&show_text=0&width=269

ប្រភព៖ FB สำอร ชะไม

សមត្ថកិច្ច ឃាត់ខ្លួនជនសង្ស័យជិត២០នាក់ ករណី……

(ក្រចេះ) ប្រតិបត្តិការធ្វើឡើងកាលពីថ្ងៃទី១៨ ខែសីហា ឆ្នាំ២០១៨ ដែលដឹកនាំដោយលោក ទុត វីនីត ព្រះរាជអាជ្ញារងអមសាលាដំបូងខេត្ត នៅចំណុចផ្ទះសំណាក់សុភមង្គល ស្ថិតក្នុងភូមិជ្រោយថ្មក្រោម ឃុំឆ្លូង ស្រុកឆ្លូង ខេត្តក្រចេះ។

ជាក់ស្តែងសមត្ថកិច្ចឃាត់ខ្លួនបានជនសង្ស័យចំនួន ១៩នាក់ (ស្រី១២នាក់) :១.ឈ្មោះ យ៉ាន គឹមហុង ភេទប្រុស អាយុ ៣២ឆ្នាំ ជាតិខ្មែរ មុខរបរកសិករ ទីលំនៅភូមិព្រែកសំរោង ឃុំខ្សាច់អណ្តែត ស្រុកឆ្លូង ខេត្តក្រចេះ។

២.ឈ្មោះ សុខក្រី ណាសិទ្ធ ភេទប្រុស អាយុ២១ឆ្នាំ មុខរបរមិនពិតប្រាកដ ទីលំនៅភូមិឈើទាលភ្លោះ ឃុំព្រែកសាម៉ាន់ ស្រុកឆ្លូង។៣.ឈ្មោះ ផៃ ចាន់ធានិត ភេទប្រុស អាយុ២៤ឆ្នាំ មុខរបរកម្មករ ទីលំនៅភូមិឆ្លូង ឃុំឆ្លូង ស្រុកឆ្លូង៤.ឈ្មោះ រូន សលីហ៊ីន ភេទប្រុស អាយុ ២៣ឆ្នាំ មុខរបរកសិករ ទីលំនៅភូមិទ្រា ឃុំទ្រា ស្រុកក្រូចឆ្មារ ខេត្តត្បូងឃ្មុំ។៥.ឈ្មោះ សារី សហ៊ាត ភេទប្រុស អាយុ២៥ឆ្នាំ មុខរបរកសិករ ទីលំនៅភូមិសយ ឃុំប៉ុស្ត៍១ ស្រុកក្រូចឆ្មារ ខេត្តត្បូងឃ្មុំ។៦.ឈ្មោះ ទិន កី ភេទប្រុស អាយុ ៣៥ឆ្នាំ មុខរបរកសិករ ទីលំនៅភូមិអំពិល ឃុំប៉ុស្ត៍១ ស្រុកក្រូចឆ្មារ ខេត្តត្បូងឃ្មុំ។៧.ឈ្មោះ តាំង បញ្ញា ភេទស្រី អាយុ៣១ឆ្នាំ មុខរបរអ្នកទទួលភ្ញៀវផ្ទះសំណាក់ ទីលំនៅភូមិកំពង់គ ឃុំកំពង់គ ស្រុកព្រែកប្រសព្វ ខេត្តក្រចេះ។

៨.ឈ្មោះ សូ ហឿន ភេទស្រី អាយុ ៥៣ឆ្នាំ មុខរបរបោសសំអាតផ្ទះសំណាក់ ទីលំនៅភូមិតាប៉ ឃុំតាសួស ស្រុកស្វាយជ្រុំ ខេត្តស្វាយរៀង។៩.ឈ្មោះ សូ វណ្ណា ភេទស្រី អាយុ៣៤ឆ្នាំ មុខរបរបោសសំអាតផ្ទះសំណាក់ ទីលំនៅភូមិតាប៉ ឃុំតាសួស ស្រុកស្វាយជ្រុំ ខេត្តស្វាយរៀង។១០.ឈ្មោះ ហេង សារ៉ានី ភេទស្រី អាយុ៣២ឆ្នាំ មុខរបរកម្មករ ទីលំនៅភូមិ៤៤ ឃុំព្រះធាតុ ស្រុកអូរាំងឪ ខេត្តត្បូងឃ្មុំ។១១.ឈ្មោះ ឆេង គីម ភេទស្រី អាយុ២០ឆ្នាំ មុខរបរខារ៉ាអូខេ ទីលំនៅភូមិប្រម៉ា ឃុំដំរីផុង ស្រុកឆ្លូង ខេត្តក្រចេះ។

១២.ឈ្មោះ ជា ស្រីអូន ភេទស្រី អាយុ១៨ឆ្នាំ មុខរបរខារ៉ាអូខេ ទីលំនៅភូមិប្រម៉ា ឃុំដំរីផុង ស្រុកឆ្លូង ខេត្តក្រចេះ។១៣.ឈ្មោះ យួង ពិសី ភេទស្រី អាយុ២២ឆ្នាំ មុខរបរខារ៉អូខេ ទីលំនៅភូមិស្លា ឃុំតាលុង ស្រុកមេមត់ ខេត្តត្បូងឃ្មុំ។១៤.ឈ្មោះ រឿន ស្រីរ៉ា ភេទស្រី អាយុ១៧ឆ្នាំ មុខបរខារ៉ាអូខេ ទីលំនៅភូមិទី១ សង្កាត់វាលវង់ ក្រុកំពង់ចាម ខេត្តកំពង់ចាម។១៥.ឈ្មោះ អ៊ុន ចាន់ណែត ភេទស្រី អាយុ៣០ឆ្នាំ មុខរបរខារ៉ាអូខេ ទីលំនៅភូមិតាកែវ ឃុំគ ស្រុកព្រៃឈរ ខេត្តកំពង់ចាម។១៦.ឈ្មោះ ហួត ស្រីជីង ភេទស្រី អាយុ៣០ឆ្នាំ មុខរបរខរ៉ាអូខេ ទីលំនៅភូមិឬស្សីធ្លក ឃុំកទ្រេត ស្រុកស្វាយអន្ទរ ខេត្តព្រៃវែង។

១៧.ឈ្មោះ សៅ សុថារី ភេទស្រី អាយុ១៩ឆ្នាំ មុខរបរខារ៉ាអូខេ ទីលំនៅភូមិក្សេមក្សាន្ត ឃុំក្សេមក្សាន្ត ស្រុកឧត្តុង ខេត្តកំពង់ស្ពី។១៨.ឈ្មោះ វេល ប៉ាទ្រីយាស់ ភេទស្រី អាយុ២៣ឆ្នាំ ជាតិខ្មែរអ៊ីស្លាម មុខរបរកសិករ ទីលំនៅភូមិឈើទាលភ្លោះ ឃុំព្រែកសាម៉ាន់ ស្រុកឆ្លូង ខេត្តក្រចេះ។១៩.ឈ្មោះ ព្រុំ វិចិត្រ ភេទប្រុស អាយុ ៤៨ឆ្នាំ មុខរបរម្ចាស់ផ្ទះសំណាក់ មានទីលំនៅភូមិជ្រោយថ្មក្រោម ឃុំឆ្លូង ស្រុកឆ្លូង ខេត្តក្រចេះ ៕ ប្រភពFB

អ្វីៗហួសពេល ស្តាយក្រោយអស់មួយជិវិត ដោយសារខឹងឪពុកក្រីក្រ ហើយពិការទៀត ចុងក្រោយទើបដឹងថា………..

សាច់រឿងនេះនិយាយពីទឹកចិត្តរបស់ឪពុកក្រីក្រ និងកូនស្រីម្នាក់ដែលតែងតែចង់បានសម្ភារៈនិយម ឫទាន់សម័យនឹងគេ ក្នុងប្រើប្រាស់ ដូចមិត្តភ័ក្ររបស់គេ ដោយភ្លេចថាឪពុកខ្លួនមិនអាចមានលទ្ធផលឡើយ។

ដំបូងឡើយកាលនៅតូចកូនស្រីម្នាក់នេះត្រូវបានមិត្តភ័ក្ររួមថ្នាក់បង្អាប់ និងសើចចំអកឌឺដងដាក់នាងគ្រប់ពេល រហូតធ្វើអោយនាងមិនអាចទប់អារម្មណ៍បាន ធ្វើឲ្យខ្លួនរបស់នាង ស្អប់ឪពុកខ្លួនពីមួយថ្ងៃទៅមួយថ្ងៃរហូតដល់នាងមានពេញជំទង់ក៏នៅតែមានអារម្មណ៍មិនសប្បាយព្រោះដែលមានឪពុកអ្នកក្រមិនអាចផ្តល់អ្វីដែលនាងចង់បាន។

វីដេអូអប់រំមួយដែលត្រូវបានផេកឈ្មោះ Meme & Rage Comic Indonesia ដែលបានបង្ហោះចូលក្នុងបណ្តាញសង្គម Facebook ជាង ២ឆ្នាំមកហើយ ប៉ុន្តែនៅតែទទួលបានការគាំទ្រយ៉ាងខ្លាំងដដែល ដែលមានអ្នកទស្សនាជាង ៣សែនដង។

ចុងក្រោយដោយសារតែចង់អោយកូនស្រីសប្បាយចិត្ត ឪពុកបានលក់សម្ភារៈជាច្រើនដែលខ្លួនមាន ដើម្បីយកលុយទៅទិញសម្ភារៈដែលកូនស្រីចង់បាន ប៉ុន្តែមិនបានប្រាប់កូនស្រីទេ ព្រោះចង់អោយកូនស្រីមានការភ្ញាក់ផ្អើល។

តែជាអកុសលឪពុកត្រូវបានជួបគ្រោះថ្នាក់ចរាចរណ៍បណ្តាលអោយស្លាប់នៅនឹងកន្លែងកើតហេតុ ខណៈកូនស្រីក៏បានធ្វើដំណើរតាមផ្លូវនឹងដែរ ក៏បានឃើញឪពុករបស់ខ្លួនបានជួបគ្រោះថ្នាក់បែបនេះ ធ្វើអោយនាងស្រែកយំស្ទើរគាំង៕ ប្រភពCAMBO

ខាតមិនស្ទើរទេ !!! ផ្សាររុងក្លឿ ប្រទេសថៃ ឆាបឆេះអស់៨តូប ធ្វើអាជីវករខ្មែរ ខាតបង់ថវិការាប់លានបាត

(ថៃ) ៖ អគ្គិភ័យដែលឆាបឆេះតូបអគារ B និងC ក្នុងផ្សាររុងក្លឿឆេះអស់៨តូប ដែលភាគច្រើន អាជីវករខ្មែរ លក់ដូរ ត្រូវបានសមត្ថកិច្ចអង្គភាពពន្លត់អគ្គិភ័យអន្តរាគមន៍ បាត់ពន្លត់ទាំងស្រុង នៅម៉ោង៧និង៤០នាទីយប់ ថ្ងៃទី១៨ ខែសីហា ឆ្នាំ២០១៨ ស្ថិតស្រុកអារញ្ញប្រាថេត ខេត្តស្រះកែវ ប្រទេសថៃ ជាប់ព្រំដែនប៉ោយប៉ែត ខេត្តបន្ទាយមានជ័យ។

មន្ត្រីនគរបាលអន្តោប្រវេសន៍ច្រកទ្វារអន្តរជាតិប៉ោយប៉ែត បានឲ្យដឹងថា អគ្គិភ័យបានឆាបឆេះតូបអគារ(BនិងC)ផ្សាររុងក្លឿ នៅប្រទេសថៃ នៅម៉ោង៦ល្ងាចថ្ងៃទី១៨ ខែសីហា ឆ្នាំ២០១៨ នៅពេលដែលអគ្គិភ័យឆាបឆេះតូប គេឃើញមានរថយន្តពន្លត់អគ្គិភ័យរបស់សមត្ថកិច្ចថៃប្រមាណជាង១០គ្រឿង បានជួយអន្តរាគមន៍បាញ់ពន្លត់ រហូតដល់ម៉ោង៧និង៤០នាទី ទើបរលត់ទាំងស្រុង ហើយតូបដែលអស់ខូចខាត់ទាំងស្រុងអស់៨តូប។

ប្រភពដដែលបន្តថា អគ្គីភ័យដែលឆាបឆេះ មិនទាន់ទទួលព័ត៌មានច្បាស់ការនៅឡើយ តែព័ត៌មានក្រៅផ្លូវការថា ឆេះដោយឆ្លងចរន្តអគ្គីសនី ខ្លះទៀតថាថ្ងៃសីល ថៃអុជធូបបណ្តាលឆេះរាលបណ្តាលឆេះតូប តែព័ត៌មានទាំងនេះ មិនទាន់ជាផ្លូវការនៅឡើយទេ ហើយតូបដែលឆេះខូចខាតក៏មិនទាន់ច្បាស់ដែរ តែដឹងថាឆេះអស់ជាង១០តូប។

ហើយតូបដែលត្រូវអគ្គីភ័យឆាបឆេះអស់៨តូប មានតូបកែងអក្ស(B) អស់ចំនួន៤តូប និងតូបអក្ស(C) កែងអស់៤តូប ហើយតូបដែលឆេះជាតូបភាគច្រើន ជាតូបដែលអាជីវករខ្មែរ ដែលលក់មាន ពូក កម្រាលពូក ផាហ៊ុម និង ម៉ុង ភួយ ហើយតូបដែលជួយក្នុង១ខែ មានតម្លៃពី១ម៉ឺនទៅ២ម៉ឺនបាត។

គួររំលឹកថា៖នៅផ្សារុងក្លឿងប្រទេសថៃ រយៈពេលកន្លងមកអាជីវករខ្មែរ ធ្លាប់រងគ្រោះដោយអគ្គិភ័យ ជាច្រើនមកហើយបណ្តាលអាជីវករខ្មែរខ្លះ ធ្លាក់ខ្លួនរហូតឈប់លក់នៅផ្សារុងក្លឿប្រទេសថៃ ដោយមានការព្រួយបារម្ភ ទើបពេលនេះកើតមានអគ្គិភ័យឆាបឆេះម្តងទៀត ដែលខូចខាតសម្ភារលក់ដូរអស់ជាច្រើនលានបាត ៕ប្រភពFB

រន្ឋត់ចិត្ត យ៉ាងខ្លាំង ខណៈបុរសម្នាក់ កំពុងជិះម៉ូតូឌុបប្រពន្ធទៅផ្ទះ ស្រាប់តែរថយន្តកុងតឺន័រ បុកឆក់យកជីវិតប្រពន្ធ ស្លាប់ភ្លាមៗ នឹងកន្លែងកើតហេតុ (មានវីដេអូ)

(ភ្នំពេញ) គួរអោយសង្វេគ នឹងរន្ឋត់ចិត្ត យ៉ាងខ្លាំង ខណៈបុរសម្នាក់ កំពុងជិះម៉ូតូឌុបប្រពន្ធទៅផ្ទះ ស្រាប់តែរថយន្តកុងតឺន័រ បុកឆក់យកជីវិតប្រពន្ធ ស្លាប់ភ្លាមៗ នឹងកន្លែងកើតហេតុ

កាលពីវេលាម៉ោង៩និង១៥នាទី យប់ថ្ងៃសៅរ៍ ទី១៨ ខែសីហា ឆ្នាំ២០១៨ គ្រោះថ្នាក់ចរាចរណ៍បង្កឡើងដោយរថយន្តធុនធំ ហើយបើករត់បាត់ស្រមោលនេះ ត្រង់ចំណុចខាងលិចក្បែរផ្សារសុភមង្គល នៅលើកំណាត់ផ្លូវ៣០ម៉ែត្រ ស្ថិតក្នុងភូមិត្រាំដោក សង្កាត់ពងទឹក ខណ្ឌដង្កោ រាជធានីភ្នំពេញ។ ក្រោយបង្កគ្រោះថ្នាក់ រថយន្តបង្កបានព្យាយាមបើករត់គេចពីការទទួលខុសត្រូវទៅបាត់ស្រមោលតែម្ដង។

ស្ត្រីជាប្រពន្ធ ដែលស្លាប់នៅកន្លែងកើតហេតុ មានឈ្មោះ ចាន់ ណារី អាយុ២៨ឆ្នាំ មុខរបរកម្មការិនីកាត់ដេរ មានស្រុកកំណើតនៅស្រុកសន្ទុក ខេត្តកំពង់ធំ។ ចំណែកប្តីរងរបួសស្រាលឈ្មោះ យា អាយុ២៩ឆ្នាំ មុខរបរជាងជួសជុលរថយន្ត មានស្រុកកំណើតខេត្តស្វាយរៀង។ ជនរងគ្រោះទាំង២នាក់ប្តីប្រពន្ធ ស្នាក់នៅភូមិតំណាក់ត្រយឹង សង្កាត់ចោមចៅ២ ខណ្ឌពោធិ៍សែនជ័យ ដោយជិះម៉ូតូមួយគ្រឿងម៉ាក ហុងដាឌ្រីម ធុនសេ១០០ (Honda Dream 110Cc) ស៊េរីចាស់។

នៅមុនពេលកើតហេតុ គេឃើញជនរងគ្រោះទាំង២នាក់ ជិះម៉ូតូឌុបគ្នាធ្វើដំណើរតាមបណ្តោយផ្លូវ៣០ម៉ែត្រ ពីលិចទៅកើត លុះដល់ចំណុចកើតហេតុ ស្រាប់តែមានរថយន្តកុងតឺន័រ បើកស្របទិសកៀរពីក្រោយ បណ្ដាលឲ្យ២នាក់ប្ដីប្រពន្ធនោះ ដួល ហើយត្រូវរថយន្តកិនស្លាប់ប្រពន្ធ និងបុរសជាប្តី របួសបែកក្បាលផងដែរ។ ភ្លាមៗនោះ ដោយឃើញសភាពមិនស្រួល ទើបរថយន្តបង្កបានបន្ថែមល្បឿន បើករត់គេចបាត់ពីកន្លែងកើតហេតុ ៕ប្រភពFB

សូមទស្សនាវីដេអូខាងក្រោម ៖

https://www.facebook.com/plugins/video.php?href=https%3A%2F%2Fwww.facebook.com%2Ftep.solida.79%2Fvideos%2F300977383815372%2F&show_text=0&width=560

សូមមានការប្រុងប្រយ័ត្ន!!! បុរសម្នាក់ឆក់ខ្សែភ្លើងធ្លាក់ពីលើដំបូលសំណង់ បណ្ដាលឲ្យរងរបួសធ្ងន់

(ភ្នំពេញ) ហេតុការណ៍នេះបានកើតឡើងកាលពីថ្ងៃទី១៧ ខែសីហា ឆ្នាំ២០១៨ ស្ថិតសំណង់ផ្ទះល្វែងមួយកន្លែងក្នុងភូមិសំបួរ សង្កាត់ដង្កោ ខណ្ឌដង្កោ រាជធានីភ្នំពេញ ។ ជនរងគ្រោះដែលរងរបួសធ្ងន់ដោយសារឆក់ខ្សែភ្លើង នៅមិនស្គាល់អត្តសញ្ញាណនោះទេ គ្រាន់តែដឹងថា ជាកម្មករផ្សាដែក នៅទីតាំងខាងលើ ។

មុនពេលកើតហេតុគេឃើញជនរងគ្រោះ បានឡើងនៅដំបូលផ្ទះទើបតែសាងសង់ ដើម្បីផ្សាដំបូល តែដោយសារមានខ្សែភ្លើងរញ៉ែរញ៉ៃ និងកៀកជាមួយដែកផងនោះ រួមទាំងជនរងគ្រោះមិនប្រយ័ត្ន ក៏បានឆ្លងចរន្តអគ្គិសនី ឆក់ជនរងគ្រោះធ្លាក់ចុះក្រោម បណ្ដាលឲ្យរងរបួសយ៉ាងធ្ងន់ធ្ងរ ។

បន្ទាប់ពីមានករណីកម្មករផ្សាដែក ឆក់ចរន្តអគ្គិសនីបណ្តាលឲ្យរបួសធ្ងន់រួចមក សមត្ថកិច្ចនិងអាជ្ញាធរមូលដ្ឋាន បានចុះមកធ្វើការពិនិត្យដល់កន្លែងកើតហេតុ បានឃើញថា ទីតាំងសំណង់នេះ មិនមានការអនុញ្ញាតឲ្យសាងសង់ពីសំណាក់អាជ្ញាធរនោះទេ មិនតែប៉ុណ្ណោះគឺបានសាងសង់រំលោភចូលចំណីផ្លូវសាធារណៈចំនួន៥០ភាគរយនៃស្ថានភាពសំណង់ ដូច្នេះត្រូវតម្រូវឲ្យរុះរើចេញជាបន្ទាន់ ។ ដោយឡែកម្ចាស់ទីតាំង ភ្លាមៗបានគេចចេញបាត់ពីកន្លែងកើតហេតុតែម្តង ៕ ប្រភពFB