ខេត្តកំពង់ចាម៖ ឆក់ត្រីខុសបច្ចេកទេសបណ្តាលឱ្យឆក់ស្លាប់ខ្លួនឯង នៅថ្ងៃទី៧ សីហា ២០១៨ វេលាម៉ោង៨និង០០នាទីព្រឹក នៅចំណុចវាលខាងត្បូងភូមិកំប៉ាល ឃំុសណ្តែក ស្រុកបាធាយ ចំងាយ៥០០ម៉ែត្រ បានប្រទះឃើញសាកសពដេកស្លាប់នៅក្នុងស្រែមានទឹកដោយមានឧបករណ៍ឆក់ត្រីមួយសំរាប់នៅជាប់នឹងខ្លួន ។

សាកសពឈ្មោះ ចែម រិទ្ធ ភេទប្រុស អាយុ៣៨ឆ្នាំ ជនជាតិខ្មែរ មានទីលំនៅភូមិកំប៉ាល ឃំុសណ្តែក ស្រុកបាធាយ បានចេញទៅឆក់ត្រីកាលពីយប់ថ្ងៃទី៦-៨-ឋ២០១៨ នៅចំណុចកើតហេតុខាងលើហើយក៏ត្រូវឧបករណ៍ឆក់ត្រីឆក់ខ្លួនឯងស្លាប់តែម្តង។

ឆ្លងតាមការពិនិត្យសាកសព ផ្នែកក្បាល ក ដងខ្លួន និងអវយវៈ ពំុមានស្នាមបែកឬបាកឆ្អឹងឡើយ។ ហើយនៅបាតដៃខាងស្តាំមានស្នាមខ្លោច១កន្លែងមានទំហំ៤ស.ម×២ស.ម។

ការសន្និដ្ឋានរបស់សមត្ថកិច្ច ឈ្មោះ ចែម រិទ្ធ គឺពិតជាស្លាប់ ដោយសារឧបករណ៍ឆក់ត្រីរបស់ខ្លួនឯងពិតប្រាកដមែន។ សាកសពបានប្រគល់ជូនក្រុមគ្រួសារយកមកធ្វើបុណ្យតាមប្រពៃណី៕

ប្រភព៖ FB

ប្រទេសអ៊ីតាលី៖ ករណីគ្រោះថ្នាក់ចរាចរណ៍ ដ៍គួរឲ្យរន្ធត់មួយនៅប្រទេសអ៊ីតាលី បង្ករដោយរថយន្តដឹកសាំងបានបើកទៅបុកជាមួយរថយន្តសន្តោងឡាន បណ្តាលឲ្យផ្ទុះឆេះមានអណ្តាតភ្លើងយ៉ាងសន្ធោសន្ធៅ បង្ករឲ្យមានកាភ្ញាក់ផ្អើលកាលពីម្សិលមិញនេះ នៅវេលាម៉ោង១៦៖០១នាទី ត្រូវថ្ងៃទី០៦ ខែសីហា ឆ្នាំ២០១៨នេះ ។

បន្ទាប់ពីមានករណីគ្រោះថ្នាក់ចរាចរណ៍នេះ មានក្រុមមន្ត្រីសង្គ្រោះបន្ទាន់ និងក្រុមអ្នកពន្លត់អគ្គីភ័យបានទៅដល់ ហើយបាននិយាយថា កាផ្ទុះដ៍ធំមួយនេះស្ថិតនៅរដ្ឋធានីស្បៀង ប្រទេសអ៊ីតាលី បង្ករឲ្យមនុស្សពីរនាក់បានស្លាប់ និង៧០នាក់ទៀតរងរបួស និងបណ្តាលឲ្យស្ពានមួយបានដួលរលំភ្លាមៗខណះដែលក្រុមរុករក និងក្រុមជួយសង្គ្រោះបានស្វែងរកអ្នកដែលបានកប់ក្រោមកម្ទេចថ្មស្ពាននោះ ។ មានមនុស្សជាច្រើនបានជម្លៀសចេញពីតំបន់នោះ ដោយសារតែមានផ្សែងខ្មៅអាប់ក្រាស់ ៕

(មានវិដេអូ)

https://www.facebook.com/plugins/video.php?href=https%3A%2F%2Fwww.facebook.com%2FChannelNewsAsia%2Fvideos%2F10155783089727934%2F&show_text=0&width=560

ស្រុកអង្គស្នួល៖ ជនសង្ស័យចំនួន០៣នាក់ត្រូវបានសមត្ថកិច្ចឃាត់ខ្លួនពីបទជួញដូរដោយខុសច្បាប់នូវសារធាតុញៀន (ម៉ាទឹកកក) កាឃាតខ្លួននេះធ្វើឡើងកាលពីម្សិលមិញ នៅវេលាម៉ោង១៥និង និង៣០នាទី ត្រូវ ថ្ងៃទី០៦ខែសីហាឆ្នាំ២០១៨ ត្រង់ចំណុចក្នុងបន្ទប់ជនសង្សយ័ភូមិបែកចានឃុំ បែកចានស្រុកអង្គស្នួល ខេត្តកណ្តាល ។

ហើយជនសង្ស័យចំនួន០៣នាក់ (ឃាត់ខ្លួន)រួមមាន ៖

១-ឈ្មោះ សោម សុភា ភេទប្រុស អាយុ២២ឆ្នាំ ជនជាតិ ខ្មែរ មុខរបរ មិនពិត ទីលំនៅបច្ចុប្បន្ននៅភូមិបែកចាន ឃុំបែកចាន ស្រុកអង្គស្នួល ខេត្តកណ្តាល (ជួញដូរ) ។
២-ឈ្មោះ សុរះ ថាវន ខេមរិន្ទភេទប្រុស អាយុ១៨ ឆ្នាំ ជនជាតិខ្មែរ មុខរបរមិនពិត ទីលំនៅបច្ចុប្បន្ន :នៅភូមិបែកចានឃុំបែកចានស្រុកអង្គស្នួល ខេត្តកណ្តាល ។ (ជួញដូរ)
៣-ឈ្មោះផល ចាន់សុផាន់ណារី ភេទប្រុុស អាយុ១៦ឆ្នាំ ជនជាតិខ្មែរ មុខរបរ មិនពិតមានទីលំនៅភូមិបែកចានឃុំបែកចាន ស្រុកអង្គស្នួលខេត្តកណ្តាល ។

វត្ថុតាងចាប់យកមាន ៖
ម្សៅក្រាមពណ៌សថ្លាសង្ស័យថាជាសារធាតុញៀន ចំនួន០៣កញ្ចប់ មធ្យម។
ទូរសព្ឌ័ដៃ ចំនួួន០៣គ្រឿង ម៉ាកអិនចុចពិល ពណ៍ខ្មៅ។
អាវុធខ្លី០១ដើម ធន់ (PIETRO BERETTA)ប្រើហ្គាស់បាញ់គ្រាប់កង់ មានគ្រាប់ចំនួន០៨ គ្រាប់ និងបង់ចំនួន០២ម៉ូតូចំនួន០២ គ្រឿង ម៉ាកហុងដា
សេ១១០ពណ៍ខ្មៅ សេរី ០១២ ដូចគ្នា
ពាក់ផ្លាកលេខ បាត់ដំបង 1L3315និង០១គ្រឿងទៀត ផ្លាកលេខភ្នំពេញ1FA 7467។
ឧបករណ៏ប្រើប្រាស់ថ្នាំ ញៀននិងថង់វេចខ្ចប់មួយចំនួន។

សភាពនៃរឿងហេតុ ៖ កម្លាំងជំនាញបានទទួលព័ត៌មានពីមហាជនល្អថា មានជនសង្ស័យកំពុងជួញដូរថ្នាំញៀននៅចំណុចកើតហេតុខាងលើ ភ្លាមនោះកម្លាំង ជំនាញនគរបាលប្រឆាំងគ្រឿងញៀនបានសហការជាមួយកម្លាំងជំនាញ ផ្នែកនគរបាលយុត្តិធម៏បានចុះដល់កន្លែងកើតហេតុ ហើយបានឃើញជនសង្ស័យ០៣នាក់រត់ចូលទៅក្នុងបន្ទប់ដោយខ្ទាស់គន្លឹះបន្ទប់ជាប់។

ដោយមានបទបញ្ជាពីឯកឧត្ដមស្នងការ និងមានការដឹកនាំសម្រួបសម្រួលពីលោកឧត្តមសេនីយ៍ត្រី ស្នងការរងទទួលផែនប្រឆាំងបទល្មើស និងមានការឯកភាពពីលោកព្រះរាជអាជ្ញាអមសាលាដំបូងខេត្តកណ្ដាល មានការចូលរួមពីលោកមេភូមិ ក្រុមប្រឹក្សាឃុំ នគរបាលប៉ុស្តិ៍ និងនៅចំពោះមុខជនសង្ស័យចំពោះមុខសាក្សីចូលរួមនិងម្ចាស់ផ្ទះជួល កម្លាំងជំនាញបានធ្វើការ
ត្រួតពិនិត្យ ឆែកឆេ បន្ទប់ ឈ្មោះសោម សុភា រកឃើញ ថ្នាំញៀនចំនួន ០៣កញ្ចប់មធ្យម អាវុធខ្លីបាញ់គ្រាប់កង់ ០១ដើម បង់០២ មានគ្រាប់០៨ និងឧបករណ៏ប្រើប្រាស់ថ្នាំញៀននិងថង់វេចខ្ចប់មួយចំនួនទៀត។
ជនសង្ស័យ រួមនឹងវត្ថុតាង ត្រូវបានបញ្ជូនមកអធិការដ្ឋាននគរបាលស្រុកអង្គស្នួល ដើម្បីសាកសួរបន្ត និងកសាងសំណុំរឿង ចាត់ការតាមនីតិវិធីច្បាប់ ។

ប្រភព៖ FB

ខេត្តព្រះសីហនុ៖ នៅល្ងាចថ្ងៃ០៦ ខែ សីហា ឆ្នាំ២០១៨ ការិយាល័យគ្រប់គ្រង់អាវុធជាតិផ្ទុះនគរបាលខេត្តព្រះសីហនុ បានសហការជាមួយកម្លាំងជំនាញពាក់ព័ន្ធ បានចុះឆែកឆេរ​ អាវុធជាតិនៅគោលដៅ ចំណុចរង្វង់មូលតោ២ ស្ថិតក្នុងសង្កាត់លេខ៤​ ក្រុងព្រះសីហនុ ជាលទ្ធផល ៖
+ពិនិត្យលើរថយន្តចំនួន ៧៨គ្រឿង ក្នុងនោះ ៖
-ឃាត់រថយន្តចំនួន ៩គ្រឿង​ បើកបរដោយជនជាតិចិន ដែលគ្មានប័ណ្ណបើកបរ យកមកទុកនៅការិយាល័យចរាចរណ៍ផ្លូវគោក ដើម្បីបន្តតាមនីតិវិធី មានដូចខាង ក្រោម ៖
១-រថយន្ត​ម៉ាក​ HIGH LANDER ពណ៌ស ពាក់ផ្លាកលេខ​ភ្នំពេញ​2AH-4686 ។

២-រថយន្ត​ម៉ាក ALPHARD ពណ៌ស ពាក់ផ្លាកលេខ​ភ្នំពេញ​2AX-1099 ។៣-រថយន្ត​ម៉ាក​ HYUNDAI ពណ៌​ទឹកប្រាក់ ពាក់ផ្លាកលេខ​ព្រះសីហនុ2B-8098 ។

៤-រថយន្ត​ម៉ាក​ LEXUS RX300 ពណ៌​ខ្មៅ ពាក់ផ្លាកលេខ​ភ្នំពេញ2B-1926 ។

៥-រថយន្ត​ម៉ាក​ LEXUS RX300 ពណ៌ទឹកមាស ពាក់ផ្លាកលេខ​ព្រះសីហនុ2A-2303 ។

៦-រថយន្ត​ម៉ាក​ TRITON ពណ៌​ប្រផេះក្រម៉ៅ ពាក់ផ្លាកលេខ​ភ្នំពេញ2K- 3406 ។

៧-រថយន្ត​ម៉ាក​ HIGH LANDER ពណ៌ស ពាក់ផ្លាកលេខ​ភ្នំពេញ​2AH-1092 ។

៨-រថយន្ត​ម៉ាក​ NISSAN ពណ៌សទឹកប្រាក់ ពាក់ផ្លាកលេខ​ភ្នំពេញ​2X-3118 ។

៩-រថយន្ត​ម៉ាក​ LEXUS​ RX​300 ពណ៌​ទឹកមាស ពាក់ផ្លាកលេខ​ភ្នំពេញ​2Q-1021 ៕

ប្រភព៖ស្នងការនគរបាលខេត្ត

កាលពីយប់ ថ្ងៃទី៦ ខែសីហា ឆ្នាំ២០១៨ ម្ចាស់ពានរង្វាន់រដូវកាលទី១ ប្អូនប្រុស ពេជ្រ ថៃ បានជួបទុក្ខដ៏ធំមួួយ ខណៈដែលលោកយាយជាទីគោរពស្រលាញ់ បានទទួលមរណភាព។ ជាក់ស្ដែង ការចាកចេញរបស់លោកយាយលើកនេះ បានធ្វើឲ្យតារាចម្រៀងវ័យក្មេងរូបនេះ មានក្ដីរន្ធត់ចិត្តជាខ្លាំង ព្រោះតែមិននឹកស្មានថា ខ្លួនត្រូវបាត់បង់អ្នកមានគុណយ៉ាងឆាប់រហ័សបែបនេះឡើយ។

យ៉ាងណាមិញ ដោយក្នុងនោះ ប្អូនក៏បានបង្ហោះរូបភាព អមជាមួយនឹងសារខ្លីមួយ ដោយបានរាយរាប់ពីភាពទុក្ខសោករបស់ខ្លួនផងដែរ ដោយរូបនាងបានរៀបរាប់ទាំងក្ដុកក្ដួលក្នុងចិត្តថា៖ “ម៉ែចាស់ថៃបានទទួលមរណៈភាពហើយ”។
គ្រាន់តែទទួលបានដំណឹងនេះភ្លាម ក៏មានអ្នកលេងបណ្ដាញសង្គមជាច្រើន នាំគ្នា ចូលរួមសម្ដែងក្ដីសោកស្ដាយ និងបានផ្ញើសាររំលែកទុក្ខយ៉ាងក្រៀមក្រំផងដែរ៕

ប្រភព៖ FB

ខេត្តសៀមរាប ៖ពត៌មាន​បឋម​ពីកន្លែងកើតហេតុបានឱ្យ​ដឹង​ថា៖នៅ​វេលា​ម៉ោង​០៣​រសៀល​ថ្ងៃ​ទី​៦ សីហា ឆ្នាំ២០១៨នេះ ស្ថិត​នៅ​ចំណុច​ក្បែរ​បរិ​វេណ​
«​ប្រាសាទតាព្រហ្ម​» ក្នុង​ខេត្តសៀមរាប មានករណីគ្រោះថ្នាក់​ចរា​ចរណ៍​ដ៏រន្ធត់មួយកើតឡើងបង្ករដោយ​រថយន្ត​ម៉ាក​ឡិច​ស៊ី​ស ​បុក​ជាមួយ​ម៉ូតូ​កង់​បី​យ៉ាង​​ពេញទំហឹង បណ្តាល​ឱ្យ​ជនជាតិ​ចិន​៣​នាក់ (​ឪពុក ម្តាយ និង​កូន​) ដែលជិះម៉ូតូកង់៣នោះ ព្រម​ទាំង​អ្នក​បើកបាន​​រង​របួស​យ៉ាង​ធ្ងន់ធ្ងរ​ ហើយ​ភ្លាម​ៗ​​​បញ្ជូន​ទៅសង្គ្រោះ​​មន្ទីរ​ពេទ្យ​ ។

ហេតុការណ៍​​នេះ កើតឡើង​គេមិនដឹងពីអត្តសញ្ញាណជនរងគ្រោះ​ទាំងនោះទេ តែជនជាតិ​ចិន​គឺ​ជា​ភ្ញៀវ​ទេសចរ។ រីឯ​​រថយន្ត LexusRX300 គឺ​មាន​ពាក់​ស្លាក​លេខ​សៀមរាប 2C-9547 រងការខូចយ៉ាងដំណំ​ដែរ​ ។ បច្ចុប្បន្ន សមត្ថកិច្ច​ចម្រុះ​កំពុងធ្វើការ​អន្តរាគមន៍​ការពារ​កន្លែង​កើតហេតុ ដោយ​មិន​ទាន់​ដឹង​ពី​មូលហេតុ​នៅឡើយ ៕

ប្រភព៖ FB

ភ្នំពេញ ៖ នៅពីថ្ងៃទី៦ ខែសីហា ឆ្នាំ ២០១៨ នេះសមត្ថកិច្ចនគរបាល ព្រហ្មទណ្ឌ ខណ្ឌចំការមន សហការជាមួយ នគរបាល ប៉ុស្តិ៍សង្កាត់ ទំនប់ទឹក បានចាប់ខ្លួនចោរប្លន់២នាក់ ជាបន្តបន្ទាប់ ក្រោយធ្វើសកម្មភាពប្លន់ម៉ូតូ នៅចំណុចសង្កាត់ទំនប់ទឹក ខណ្ឌចំការមន ។

សូមបញ្ជាក់ថា កាលពីវេលាម៉ោង២និង៤០នាទី រំលងអាធ្រាត្រឈាន ចូលថ្ងៃទី៣ ខែសីហា ឆ្នាំ ២០១៨ មានករណី ជនប្រដាប់ អាវុធ៣នាក់ ធ្វើសកម្មភាពភ្ជង់ប្លន់ម៉ូតូ ពីជនរងគ្រោះ ឈ្មោះ រ៉ន ស្រីនីត ប្លន់យកម៉ូតូស៊ុយសូគីលេត ពណ៌ក្រហម~ស ពាក់ស្លាកលេខ កណ្តាល ១Z ២៤០៣ នៅចំណុចផ្លូវមុនីរ៉េតកែងផ្លូវម៉ៅសេទុងសង្កាត់ទំនប់ទឹក ខណ្ឌចំការមន ។ ភ្លាមៗជនរងគ្រោះបាន ទៅប៉ុស្តិ៍ដាក់ពាក្យបណ្ដឹងដើម្បីអោយសមត្ថកិច្ចស្រាវជ្រាវរកជនល្មើសចាត់ការតាមផ្លូវច្បាប់ ។

លោក ហ៊ាង ថារ៉េត អធិការ រងទទួលបន្ទុកផ្នែកព្រហ្មទណ្ឌ ខណ្ឌចំការមន បានអោយដឹងថា ក្រោយពីមានពាក្យបណ្តឹង របស់ស្រ្តីរង គ្រោះថា មានក្រុមចោរប្រដាប់អាវុធខ្លី រួចក៏បើការ ស៊ើបអង្កេតសហការជាមួយនគរបាលប៉ុស្តិ៍សង្កាត់ទំនប់ទឹក រហូតដល់ថ្ងៃទី៥ ខែសីហា ឆ្នាំ២០១៨ ក៏ឈានដល់ឃាត់ជនសង្ស័យមានឈ្មោះ រ៉ាត់ វណ្ណី អាយុ៣៦ឆ្នាំ មុខរបរ សន្តិសុខឯកជន ស្នាក់នៅសង្កាត់កាកាប១ ខណ្ឌពោធិ៍សែនជ័យ រាជធានីភ្នំពេញ នៅចំណុច ផ្លូវសប៊ិត សង្កាត់ទន្លេបាសាក់ ហើយសាកសួរនាំជនសង្ស័យ បានទទួលស្គាល់ បានប្រព្រឹត្ត ប្លន់ប្រដាប់អាវុធ ដកកាំភ្លើងម៉ាកកា៥៤ភ្ជង់ប្លន់យកម៉ូតូពីស្រ្តីរងគ្រោះ ។

លោកអធិការរងបន្តទៀតថា ក្រោយពីសួរនាំជនសង្ស័យ បានឆ្លើយសារភាពថា បានយក ម៉ូតូរងគ្រោះ ទៅលក់អោយគេ នៅស្រុកសំរោង ខេត្តតាកែវ បានតំលៃ៦៥០ដុល្លារ រួចក៏បាន សហការជាមួយនគរបាល ការិយាល័យព្រហ្មទណ្ឌកំរិតធ្ងន់ នៃស្នងការរាជធានីភ្នំពេញ និងសហការជាអធិការស្រុកសំរោង ខេត្តតាកែវ ឃាត់បុរសជនសង្ស័យឈ្មោះ សន សំអាត ភេទប្រុស អាយុ៤០ឆ្នាំ ជាកសិករស្នាក់នៅភូមិពេជ្រឥន្រ្ទា ឃុំ បឹងត្រាញ់ខាងជើង ស្រុកសំរោង ខេត្តតាកែវ ឃាត់ពីបទទទួលផលចោរកម្ម យកមកអធិការដ្ឋាន នគរបាលខណ្ឌចំការមន ហើយជនសង្ស័យទទួលស្គាល់បានទិញម៉ូតូម៉ាកម៉ូតូស៊ុយសូគីលេត ពណ៌ក្រហម~ស ពាក់ស្លាកលេខ កណ្តាល ១Z-២៤០៣ ក្នុងតំលៃ៦៨០ដុល្លារ ហើយខ្លួនយកទៅលក់ បន្តអោយទៅខេត្តកំពង់ស្ពឺ បានតំលៃ៧២០ដុល្លារ ក្រោយមកក៏លុយចាយវាយអស់ ទើបសមត្ថកិច្ចមកដល់ចាប់ខ្លួនតែម្ដង ។

សមត្ថកិច្ចបានឃាត់ខ្លួន ជនសង្ស័យ២នាក់ម្នាក់ ពីបទប្រើអាវុធខ្លីម៉ាកកា៥៤ភ្ជង់ ប្លន់ម៉ូតូស្រ្តី រងគ្រោះបានសំរេច និងជនសង្ស័យម្នាក់ ទៀតឃាត់ ពីបទទទួលលផលចោរកម្មទិញ ម៉ូតូដោយ គ្មានឯកសារនិងកសាងសំណុំរឿង បញ្ជូលទៅតុលាការ ដើម្បីចាត់ការបន្ត តាមនីតិវិធីតាម ផ្លូវច្បាប់ ៕

ប្រភព៖ FB

បាត់ដំបង៖ ពិតជាសាហាវមែន !!អ្នកជិះរថយន្តហាយឡិនឌរ័ ខឹងអ្នកបើករថយន្ត​ដឹក​ទឹកកក​ បើកគៀរហើយ មិនឈប់ ​បើករថយន្ត​តាម​ស្ទាក់​បាញ់​ចំក្បាល១គ្រាប់​ស្លាប់ម្នាក់ នៅ​បាត់ដំបង ហេតុការណ៍នេះបានកើតឡើងកាលពី​វេលា​ម៉ោង១០យប់​ថ្ងៃទី៥ ខែសីហា ឆ្នាំ២០១៨ ស្ថិតនៅ​លើផ្លូវ​ត្រង់ចំណុច​វាល​អន្ទង់.ស ក្នុងភូមិ​ក្រពើ​ជើង ឃុំ​ភ្នំ​សំពៅ ស្រុក​បាណន់។

ជនរងគ្រោះ​ខាងលើ ឈ្មោះ​ពេជ្រ ពិសា ហៅ​ពីរ អាយុ២៥ឆ្នាំ បាន​ស្លាប់​ពេល​បញ្ជូន​ដល់​មន្ទីរពេទ្យ
និង​អ្នករួមដំណើរ២នាក់​ទៀត គឺ​ឈ្មោះ​ហេង ចិ​ត្រា ហៅ​ឡិច អាយុ២០ឆ្នាំ និង​ឈ្មោះ​ប៊ូ ច​ន្ធី ហៅ​ប៉ោង អាយុ២៧ឆ្នាំ ពួកគេ​ទាំង៣នាក់ រស់នៅ​ភូមិ​តា​ង៉ែ​ន ឃុំ​តា​គ្រាម ស្រុក​បាណន់ បានជិះ​រថយន្ត​ដឹក​ទឹកកក ពាក់​ស្លាក​លេខ បាត់ដំបង​3A-3095 (មិនមានគ្រោះថ្នាក់ទេ)។

សមត្ថកិច្ច​បាន​ឲ្យ​ដឹងថា បើតាម​ព័ត៌មាន គឺ​ជនដៃដល់​មាន​បក្សពួក២នាក់ ជិះ​រថយន្ត​ម៉ាក​ហាយ​ឡិន​ឌ័​រ ដែល​ធ្វើដំណើរ​ស្រប​ទិស​គ្នា​ពី​បាត់ដំបង ទៅកាន់​កំពីងពួយ។

ក្រុម​ជនដៃដល់​បាន​បើករថយន្ត​ដេញតាមរ​ថ​យន្ត​ជនរងគ្រោះ ហើយ​ឈប់​ពាំង​ពីមុខ ពេលនោះ ជន​មិន​ស្គាល់មុខ២នាក់​បាន​ចុះ​ពី​រថយន្ត​សួរនាំ​ជនរងគ្រោះ​ថា «ហេតុអ្វី​បាន​បើករថយន្ត​ប៉ះ​រថយន្ត​អញ​ហើយ​មិន​ឈប់?»។

ពេលនោះ អ្នកបើករថយន្ត​ដឹក​ទឹកកក​ឆ្លើយតប​ថា «ខ្លួន​មិនបាន​ដឹង​ទេ…» ភ្លាមនោះ ជន​ម្នា​ក់បាន​ដក​កាំភ្លើងខ្លី​បាញ់១គ្រាប់​ចំក្បាល​អ្នកបើកបរ រួច​ខ្មាន់កាំភ្លើង​ទាំង២នាក់​ឡើង​រថយន្ត​បើក​ត្រឡប់មក​ក្រោយ​វិញ​បាត់ស្រមោល​ទាំងយប់ភ្លាមៗដែរ។ ជនរងគ្រោះ​ត្រូវបាន​បញ្ជូនភ្លាមៗ ទៅកាន់​មន្ទីរពេទ្យ​ក៏បាន​ស្លាប់​តែម្ដង។

សមត្ថកិច្ច​បាន​រកឃើញ​គ្រាប់​កាំភ្លើងខ្លី២គ្រាប់ ដែល​មិនទាន់​បាញ់ និង​សំបក​គ្រាប់១គ្រាប់ ដែល​មន្ត្រី​ជំនាញ​អះអាងថា ជា​គ្រាប់កាំភ្លើង​ខ្លីម៉ាក «ប៉េអា​ម៉ាប់»។ បើតាម​មន្ត្រី​ជំនាញ​បាន​បង្ហើប​ថា គេ​សង្ស័យ​ផ្ដើមចេញពី​គំនុំ​ច្រើនជាង​ករណី​បើករថយន្ត​ប៉ះពារ​គ្នា ព្រោះ​សមត្ថកិច្ច​ហាក់​មាន​តម្រុយខ្លះៗហើយ៕

ប្រភព៖ FB

ការ៉ាកាស់៖ មន្រ្តីរដ្ឋាភិបាលវេណេស៊ុយអេឡា បានឲ្យដឹងថា ប្រធានាធិបតីលោក នីកូឡាស់ ម៉ាឌូរ៉ូ បានទទួលរងការប៉ុនប៉ង​វាយ​ប្រហារ​ តាមរយៈឧបករណ៍ដ្រូន ដែលបំពាក់គ្រឿងផ្ទុះ នាអំឡុងពេលកំពុងថ្លែងសារ នៅក្នុងពិធីដង្ហែរក្បួនព្យុហយាត្រាមួយ នៅឯ​រដ្ឋ​ធានីការ៉ាកាស់។ នេះបើតាមការដកស្រង់ការផ្សាយចេញពីសារព័ត៌មានរុស្ស៊ី Sputnik នៅព្រឹកថ្ងៃអាទិត្យ ទី០៥ ខែសីហា ឆ្នាំ២០១៨។

យ៉ាងណាមិញ ប្រភពដដែលបានបញ្ជាក់ថា ការប៉ុនប៉ងលើអាយុជីវិត​របស់​លោក​ប្រធានាធិបតីវេណេស៊ុយអេឡា ពុំទទួលបានជោគ​ជ័យឡើយ ហើយ​លោក ម៉ាឌូរ៉ូ ផ្ទាល់មិនបានរងគ្រោះថ្នាក់នោះទេ និងត្រូវបាន​កងការពារជម្លៀសខ្លួនចេញពីវេទិកាថ្លែងសារ​ជា​បន្ទាន់​ខណៈ​​កងទ័ពមួយចំនួន​​ ត្រូវគេរាយការណ៍ថាបានរងរបួស។​

​មានការអះអាងមួយចំនួនបានអះអាងថា ផែនការខាងលើបានទទួលបរាជ័យ គឺដោយសារប៉ូលិស​ការពារក្នុងតំបន់ បាន​បាញ់​ទម្លាក់​​ឧបករណ៍ដ្រូន​មួយគ្រឿង ដែលបានព្យាយាមវាយប្រហារមកលើកន្លែងកើតហេតុ ជាទីដែល​​មន្រ្តីរដ្ឋាភិបាលវេណេស៊ុយអេឡា រួមមាន​ទាំង​លោក នីកូឡាស់ ម៉ាឌូរ៉ូ មានវត្តមាន។ ជុំវិញរឿងនេះ លោក ម៉ាឌូរ៉ូ បានទម្លាក់កំហុសទៅលើ​ក្រុមស្តាំនិយមថា ជាអ្នកនៅពីក្រោយ​ខ្នង​​​។

គួរជម្រាបថា បើតាមសកម្មភាពក្នុងវីដេអូនៃព្រឹត្តិការណ៍ព្យុហយាត្រាខាងលើ បានបង្ហាញឲ្យឃើញថា លោកប្រធានាធិបតីវេណេស៊ុយ​អេឡា កំពុងតែ​ថ្លែងសុន្ទរកថាសុខៗ ស្រាប់តែ​លោក​និង​មន្រ្តីឯទៀត​ដែលឈរនៅក្បែរនោះ បានងើយមើលទៅលើ ស្របពេល​ដែល​អ្នកចូលរួមក្នុងពិធីព្យុហយាត្រា បានរត់យ៉ាងប្រសាចចេញពីកន្លែងកើតហេតុ៕

(វិដេអូ)

https://www.facebook.com/plugins/video.php?href=https%3A%2F%2Fwww.facebook.com%2Fthadepo9%2Fvideos%2F700129967001106%2F&show_text=0&width=560

ប្រភព៖ FB