រថយន្តដឹកសត្វព្រៃបើកគេចបុកបារ៉ាស់ប៉េអឹមលឿនដូចហោះ ជ្រុលចង្កូតធ្លាក់ចូល…

បន្ទាយមានជ័យ៖ រថយន្តដឹកសត្វព្រៃបើកលឿនដូចហោះ ដើម្បីគេចពីការតាមប្រមាញ់ របស់អាវុធហត្ថ ជ្រុលចង្កូតធ្លាក់ចូលទឹកស្រះនៅស្រុកព្រះនេត្រព្រះ ហេតុការណ៍នេះបានកើតឡើង កាលពីថ្ងៃទី០៥ ខែសីហា ឆ្នាំ២០១៨ លើកំណាត់ផ្លូវជាតិលេខ៦ ស្ថិតក្នុងឃុំជប់វ៉ារី ស្រុកព្រះនេត្រព្រះ ខេត្តបន្ទាយមានជ័យ ។

បន្ទាប់ពីបើករត់គេចបុកបារ៉ាស់រថយន្តប៉េអឹម ពីឃុំអូរបីជាន់ ស្រុកអូរជ្រៅ រួចរត់តាមផ្លូវជាតិលេខ៥ រហូតដល់ផ្លូវជាតិលេខ៦ សំដៅទៅសៀមរាប ដល់ចំណុចខាងលើ រត់មិនរួចដោយ សមត្ថកិច្ចយករថយន្តធុនធំបិទផ្លូវ ទើបបង្កឲ្យរថយន្តដឹកសត្វព្រៃ បត់ស្តាំសំដៅចូលផ្ទះអ្នកស្រុកលោតទំលាក់ពីរថយន្ត បណ្តាលឲ្យរថយន្តហោះធ្លាក់ចូលស្រះ ។

កម្លាំងខេត្តកំពុងប្រដេញចាប់ ទើបលោកស្នើសុំរថយន្តយីឌុប ឲ្យឈប់ពាំងផ្លូវ មិនឲ្យរថយន្តទៅមុខរួច ទើបធ្វើឲ្យរថយន្តហាឡែនដឺ ពណ៌ទឹកប្រាក់ ដែលសមត្ថកិច្ចកាក់មិនឈប់ បើកគេចចូលផ្ទះពលរដ្ឋ ហើយធ្លាក់ចូលទឹកស្រះ បានឈានដល់ការឃាត់ខ្លួនជនសង្ស័យ២នាក់ ឈ្មោះ បាន ផារៈ ភេទប្រុស អាយុ២៨ឆ្នាំ និងឈ្មោះ យ៉ាន់ យេង ភេទប្រុស អាយុ៣៩ឆ្នាំ អ្នកទាំង២រស់នៅ ខេត្តសៀមរាប ។

ឃាត់ខ្លួនជនសង្ស័យ បានបញ្ជូនទៅអាវុធហត្ថខេត្តភា្លម ៗ ចំណែករថយន្តដែលធ្លាក់ចូលក្នុងស្រះ បានយករថយន្តសន្ទូចពីរគ្រឿងមកស្ទូចចេញពីក្នុងស្រះ ដោយក្នុងរថយន្តផ្ទុកទៅដោយសត្វព្រៃពេញមួយរថយន្ត រួមមាន សត្វអណ្តើក កន្ធាយ អន្សង ក្នុងនោះ មួយចំនួនត្រូវបានរួចហែលពេញស្រះ ។ រថយន្តមានពាក់ស្លាក់លេខ ភ្នំពេញ 2Y-9941 សេរីឆ្នាំ២០០៥ ហើយក្នុងរថយន្តមានស្លាកលេខផ្សេងទៀតដូចជា ភ្នំពេញ 2Z-9183 ។

ក្រោយស្ទូចឡើងមកលើសមត្ថកិច្ចបាន ប្រមូលទាំងសត្វ និងរថយន្តបញ្ជូនមករក្សាទុកនៅអាវុធហត្ថខេត្តបន្ទាយមានជ័យ ។ រថយន្តដឹកសត្វព្រៃនេះ គឺនាំចូលពីប្រទេសថៃ តាមច្រករបៀងក្នុងភូមិសាស្ត្រស្រុកស្វាយចេក សំដៅទៅខេត្តសៀមរាប ៕

ប្រភព៖ FB

ពុទ្ធោIdol.!! តារាសម្ដែង លោក ញ៉ែម សុគន្ធ បានរងរបួសធ្ងន់ ករណីគ្រោះថ្នាក់ចរាចរណ៍នៅឯ…(ចុចអានបន្ត)

ភ្នំពេញ៖ តារាសម្ដែង លោក ញ៉ែម សុគន្ធ បានរងរបួសធ្ងន់ ករណីគ្រោះថ្នាក់ចរាចរណ៍នៅភ្នំពេញ ហេតុការណ៍នេះដែរបានបង្ករឡើងកាលពីវេលាម៉ោង១១និង៥០នាទីយប់ ថ្ងៃអាទិត្យ ត្រូវនឹងថ្ងៃទី០៥ ខែសីហា ឆ្នាំ២០១៨ នៅចំណុចផ្លូវបំបែកជាបួនលើមហាវិថីម៉ៅសេទុង កែងផ្លូវ១៩៣ ស្ថិតក្នុងសង្កាត់ទួលស្វាយព្រៃទី២ ខណ្ឌចំការមន រាជធានីភ្នំពេញ។

ឯ

មុនពេលកើតហេតុ គាត់បានឃើញបុរសម្នាក់ ដែលស្គាល់ថា ជាតារាសិល្បៈឈ្មោះ ញ៉ែម សុគន្ធ បានបើករថយន្តម៉ាក Toyota Highlander មួយគ្រឿង ពណ៌ស្ករពាក់ស្លាកលេខ ភ្នំពេញ 2AK-5321 ធ្វើដំណើរតាមបណ្ដោយមហាវិថីម៉ៅសេទុង ទិសដៅពីកើតទៅលិចក្នុងល្បឿនយ៉ាងលឿន។ លុះធ្វើដំណើរមកដល់ចំណុចកើតហេតុ ដោយមិនដឹងមានមូលហេតុអ្វី ស្រាប់តែគេឃើញរថយន្តរបស់លោក ញ៉ែម សុគន្ធ បានរេចង្កូតទៅបុករះក្បាលនាគកណ្ដាលទ្រូងផ្លូវយ៉ាងពេញទំហឹងតែម្ដង បណ្ដាលឲ្យតារាសម្ដែងរូបនេះ រងរបួសធ្ងន់ ដោយបានហោះប្លោងទៅបុកផ្ទប់នឹងកញ្ចក់រថយន្ត ហើយត្រូវបានគេដឹកបញ្ជូនទៅសង្គ្រោះនៅមន្ទីរពេទ្យភ្លាម។

ចំណែករថយន្តវិញ បានផ្ទុះពោងសុវត្ថិភាពទាំងអស់ និងខូចខាតផ្នែកខាងមុខយ៉ាងដំណំតែម្ដង ខណៈរបាំងថ្មជាច្រើនកង់បានបាក់ខ្ទេច និងខ្ទាតចេញពីជួររបាត់រប៉ាយពេញផ្លូវ។

សមត្ថកិច្ចមូលដ្ឋាន បានទាក់ទងទៅកាន់សមត្ថកិច្ចជំនាញចរាចរណ៍ក្រុង ចុះមកធ្វើការវាស់វែង និងស្ទូចរថយន្តបង្កយកទៅរក្សាទុកនៅការិយាល័យចរាចរណ៍ជើងគោក នៃស្នងការដ្ឋាននគរបាលរាជធានីភ្នំពេញ ដើម្បីរង់ចាំភាគីម្ចាស់រថយន្តចូលខ្លួនដោះស្រាយសំណងខូចខាតទ្រព្យសម្បត្តិរដ្ឋតាមនីតិវិធី៕

ជម្លោះរវាងម្តាយនឹងកូនស្រីការពិតបានបើកបង្ហាញហើយ មិនគួរណាអ្នកមីងធ្វើជាម្តាយគេទៅហើយ ដោយសារតែប្រុសម្នាក់ ហ៊ាន…(សូមទស្សនាវិដេអូខាងក្រោម)

ជម្លោះរវាងម្តាយនឹងកូនស្រីការពិតបានបើកបង្ហាញហើយ មិនគួរណាអ្នកមីងធ្វើជាម្តាយគេទៅហើយ ដោយសារតែប្រុសម្នាក់ ហ៊ានចោទប្រកាន់កូនស្រីខ្លួនបែបនេះសោះ រឿងពិតរបស់ម្តាយចោទកូនស្រីថា យកប្រុសមកដេកក្នុងផ្ទះ និង យកពូថៅប្រុងកាប់..!

ភ្នំពេញ៖យោងតាម ការបញ្ជាក់ពីប្រជាជននៅភូមិនិងផ្ទះក្បែរស្រ្តីជាម្តាយ ក៏ដូចជាអាជ្ញាធរ មូលដ្ឋាន បានអោយដឹងថា រឿងម្តាយចោទកូនស្រីថា យកពូថៅប្រុងកាប់នោះជា រឿងមិនពិត វាជាការប្រឌិតឡើងដើម្បីបំបាក់មុខកូនស្រីរបស់ខ្លួនតែប៉ុណ្ណោះ ។

ពត៌មានទទួលបានពីប្រភពច្បាស់ការបានប្រាប់ថា ការពិត ស្រ្តីជាម្តាយវិញទេដែលយកប្រុសក្មេងមកធ្វើជាប្តីដេកនៅក្នុងផ្ទះ ហើយប្រុសក្មេងនោះត្រូវបាន កូនស្រី និង យាយតាពូមីងមា មិនពេញចិត្ត ព្រោះថាប្រុសក្មេងនោះតែងតែបំផ្លាញទ្រព្យសម្បត្តិក្នុងគ្រួសារ មិនតែប៉ុណ្ណោះ ម្តាយដើម្បីការពារប្រុសក្មេង សុខចិត្តធ្វើបាបកូនស្រី ដូចជាដកហូតយកលុយកូនដែលរកបាន យកម៉ូតូកូនស្រីដែលទិញបង់រំលស់ទៅបញ្ជំាយកលុយអោយប្រុសក្មេង និងបានប្រព្រឹត្តអំពើហឹង្សារលើកូនស្រី របស់ខ្លួនជាញឹកញាប់នៅពេលមិនមានលុយអោយខ្លួន ។

ដូចក្នុងវិឌីអូនេះស្រាប់ គឺនាងជាម្តាយបានការពារប្រុសក្មេង ចំពោះមុខបងប្អូនពូមីងមារ យាយតា និង សមត្ថកិច្ច ដោយមិនមានភាពអៀនខ្មាស់ ។
អ្វីដែលហូសចិត្តនោះ គឺកូនស្រីរងគ្រោះ បើទោះជានៅផ្ទះជាមួយម្តាយក៏ពិតមែន តែនាងត្រូវជួលបន្ទប់ បង់ថ្លៃទឹកភ្លើង ដូចអ្នកដទៃមកជួលបន្ទប់ស្នាក់នៅ ព្រមទំាងត្រូវមើលថែប្អូនស្រីម្នាក់ផងដែរ ចំណែកម្តាយវិញគិតតែសប្បាយយជាមួយប្រុសក្មេង តែប៉ុណ្ណោះ ។

(មានវិដេអូ)

https://www.facebook.com/plugins/video.php?href=https%3A%2F%2Fwww.facebook.com%2Ftep.solida.79%2Fvideos%2F288167695096341%2F&show_text=0&width=560
https://www.facebook.com/plugins/video.php?href=https%3A%2F%2Fwww.facebook.com%2Ftep.solida.79%2Fvideos%2F288164748429969%2F&show_text=0&width=476
https://www.facebook.com/plugins/video.php?href=https%3A%2F%2Fwww.facebook.com%2Ftep.solida.79%2Fvideos%2F288167728429671%2F&show_text=0&width=264
https://www.facebook.com/plugins/video.php?href=https%3A%2F%2Fwww.facebook.com%2Ftep.solida.79%2Fvideos%2F288167778429666%2F&show_text=0&width=264

ប្រភព៖ ពត៌មានអាជ្ញាធរ

ក្រុមហ៊ុន Toyota ទើបតែបានបញ្ចេញម៉ូដែល Crown ជំនាន់ថ្មី ដែលបានទទួលការផ្លាស់ប្តូរគួរឲ្យចាប់អារម្មណ៍

រថយន្ត Toyota Crown ជំនាន់ទី ១៥ នេះ គឺជារថយន្តជំនាន់ដំបូងបង្អស់របស់ក្រុមហ៊ុន ដែលទទួលបានមុខងារ “Data Communication Module” ដែលផ្តល់នូវទំនាក់ទំនង ២៤ ម៉ោងក្នុងមួយសប្តាហ៍ ផ្តោតលើសុវត្ថិភាព , សន្តិសុខ , ផាសុខភាព និង ភាពងាយស្រួល លើការបើកបរក្នុងពេលវេលាជាក់ស្តែងតែម្តង។

ឈរនៅលើគ្រោងឆ្អឹង TNGA រថយន្ត Toyota Crown ស៊េរីថ្មីនេះបានបំពាក់ប្រព័ន្ធប៊ូមមុខ-ក្រោយ Multi-Link Suspension និងផ្តល់នូវជម្រើសប៉ុង ១ ប្រភេទ Rear-Wheel Drive (កាឡេក្រោយ) និង ប៉ុង ២ ប្រភេទ All-Wheel Drive (កាឡេមុខ-ក្រោយ) ផងដែរ។

អតិថិជននៅក្នុងប្រទេសជប៉ុន នឹងទទួលបានម៉ាស៊ីនចំនួន ៣ ជម្រើស គឺ ម៉ាស៊ីនសាំងចំណុះ ២,០ លីត្រ Turbo ទំហំ ៤ ស៊ីឡាំង បង្កើតកម្លាំងបាន ២៤១ សេះ ប្រើប្រអប់លេខស្វ័យប្រវត្តិ ៨ វគ្គ និង ប៉ុង ១ ប្រភេទ Rear-Wheel Drive ខណៈម៉ាស៊ីន ២ ទៀតគឺជាប្រភេទ Hybrid។

ម៉ាស៊ីន Hybrid ទីមួយគឺ ចំណុះ ២,៥ លីត្រ ប្រភេទ Dynamic Force ទំហំ ៤ ស៊ីឡាំង និងម៉ូទ័រអគ្គិសនីមួយ ដែលបង្កើតកម្លាំងបានសរុប ២២២ សេះ ហើយមានជម្រើស ប៉ុង ១ ប្រភេទ Rear-Wheel Drive និង ប៉ុង ២ ប្រភេទ All-Wheel Drive ផងដែរ។ រីឯម៉ាស៊ីន Hybrid ទីពីរនោះគឺ ចំណុះ ៣,៥ លីត្រ ទំហំ ៦ ស៊ីឡាំង និងម៉ូទ័រអគ្គិសនីមួយ បង្កើតកម្លាំងបានសរុប ៣៥៤ សេះ និងមានតែជម្រើសប៉ុង ១ ប្រភេទ Rear-Wheel Drive ប៉ុណ្ណោះ។

ជាមួយគ្នានេះផងដែរ ប្រសិនបើអ្នកចង់បាន Toyota Crown ដែលមានភាពស្ព័រខ្លាំង នោះអ្នកអាចជ្រើសរើសប្រភេទ RS បាន ដែលវាមានបំពាក់ម៉ាស៊ីនចំណុះ ២,០ លីត្រ Turbo រួមទាំង កង់ Alloy ទំហំ ១៨ អ៊ីញ និង កន្ទុយត្រីខាងក្រោយទៀតផង។

No automatic alt text available.

Image may contain: car

បើនិយាយពីផ្នែកខាងក្នុងរបស់វាវិញ រថយន្តប្រភេទ Saloon នេះ បានបំពាក់អេក្រង់ភ្លោះថ្មី ទំហំ ៨ អ៊ីញ និង ៧ អ៊ីញ។ គ្រប់ម៉ូដែល Crown ទាំងអស់ បានបំពាក់មុខងារ Drive Mode Select ដែលអាចជ្រើសរើសប្រភេទនៃការបើកបរ រួមទាំង កញ្ចប់ Option “Toyota Safety Sense” ដែលរួមបញ្ចូលមុខងារ Pre-collision System with Pedestrian Detection, Dynamic Radar Cruise Control, Lane Tracing Assist, Road Sign Assist និងមុខងារជាច្រើនទៀតផងដែរ។

សូមបញ្ជាក់ថា រថយន្ត Toyota Crown ស៊េរីថ្មីចុងក្រោយបង្អស់នេះ បានដាក់នៅក្នុងប្រទេសជប៉ុន តម្លៃចាប់ពី ៤ ៦០៦ ២០០ យ៉េន ឬស្មើនឹង ៤១ ២០០ ដុល្លារ សម្រាប់ប្រភេទម៉ាស៊ីនចំណុះ ២,០ លីត្រ Turbo៕

ប្រភព៖ អូតូបូឌៀ – Autobodia

ជាងជួសជុលរថយន្តម្នាក់ ដេកស្លាប់ក្នុងបន្ទប់ជួល គេសង្ស័យថា…

កំពង់ឆ្នាំង៖ជាងជួសជុលរថយន្តម្នាក់ ដេកស្លាប់ក្នុងបន្ទប់ជួល នៅក្រុងកំពង់ឆ្នាំង ករណីនេះបង្កការភ្ញាក់ផ្អើលកើតឡើងនៅម៉ោងប្រមាណជា៨និង៥៩នាទីព្រឹកថ្ងៃទី៤ សីហា ២០១៨ ស្ថិតនៅក្នុងភូមិត្រពាំងចឹក្សា សង្កាត់កំពង់ឆ្នាំង ក្រុងកំពង់ឆ្នាំង ខេត្តកំពង់ឆ្នាំង។

សពឈ្មោះ ដាញ់ បុត្តា អាយុ៣៨ឆ្នាំ មុខរបរជាងឡានស្នាក់ នៅក្នុងភូមិសង្កាត់កើតហេតុ ខាងលើ មានប្រពន្ធឈ្មោះ ម៉ៅសុណ្ណារដ្ឋ អាយុ៣៦ឆ្នាំ មានកូន២នាក់ នៅក្នុងបន្ទុក ហើយមកជួលបន្ទុបជួលស្នាក់នៅបាន២ខែ។

ជនរងគ្រោះ(សព) ធ្លាប់មានជំងឺប្រចាំកាយខ្សោយក្រលៀន ហើយបានធ្លាប់ទៅព្យាបាលនៅប្រទេសឥណ្ឌា ក្រោយមកសុខភាពបានធ្លាក់ខ្សោយ ទៅ។

មុនថ្ងៃកើតហេតុ១ថ្ងៃ ប្រពន្ធជនរងគ្រោះបានទៅភ្នំពេញ ដោយទុកឲ្យជនរងគ្រោះដេកស្លាប់នៅក្នុងបន្ទប់ម្នាក់ឯង នៅពេលដែលគេយកឡានមកធ្វើ ហើយកូនជាងទូរស័ព្ទចូលមិនលើក ហើយបានតាមមកដល់បន្ទប់គោះទ្វារហៅមិនភ្ញាក់ រួចម្ចាស់ផ្ទះជួលឲ្យវាយកញ្ចក់បំបែក ទើបបានដឹងថា ជនរងគ្រោះដេកស្លាប់នៅលើពូកម្នាក់ឯង។ ភ្លាមៗនោះម្ចាស់ផ្ទះជួល និងគ្រួសារ បានរាយការណ៍ជូនសមត្ថកិច្ចមូលដ្ឋានចុះធ្វើការពិនិត្យភ្លាមៗផងដែរ៕

ប្រភព៖ FB

រន្ធត់! បុរសម្នាក់ជិះម៉ូតូលឿនពេក បានជ្រុលចង្កូតបុកគោយន្តដឹកឫស្សីពីក្រោយពេញទំហឹង បណ្តាលឲ្យជង់ធ្លាយបំពង់ក ស្លាប់ភ្លាមៗ…

ភ្នំពេញ៖ ហេតុការណ៍គ្រោះថ្នាក់នេះ បានកើតឡើងកាលពីល្ងាចថ្ងៃទី៣ ខែសីហា ឆ្នាំ២០១៨ ស្ថិតនៅតាមបណ្តោយផ្លូវជាតិលេខ៦A ខាងត្បូងប៉ុស្តិ៍បាក់ខែង ភូមិក្តីចាស់ សង្កាត់បាក់ខែង ខណ្ឌជ្រោយចង្វារ រាជធានីភ្នំពេញ ។

បុរសរងគ្រោះឈ្មោះ ផាត់ សុខលីន អាយុ២៨ឆ្នាំ ជនជាតិខ្មែរ ស្នាក់នៅភូមិថ្មី ឃុំក្រឡា ស្រុកកំពង់សៀម ខេត្តកំពង់ចាម បានជិះបើកម៉ូតូ១គ្រឿង ម៉ាកហុងដាឌ្រីម សេ១២៥ ពណ៌ខ្មៅ ពាក់ស្លាកលេខ កំពង់ចាម 1F-1857 ។

ប្រជាពលរដ្ឋបានឃើញគោយន្តដឹកឫស្សីពេញប្រៀប ជាមួយនឹងម៉ូតូរងគ្រោះ បានបើកស្របទិសគ្នាពីត្បូងទៅជើង គោយន្តបើកពីខាងមុខ ម៉ូតូបើកពីខាងក្រោយ ខណៈមកដល់ចំណុចកើតហេតុ សង្ស័យម្ចាស់ម៉ូតូរងគ្រោះងងឹតមុខ មើលមិនឃើញ ឬជាន់ហ្វ្រាំងមិនជាប់យ៉ាងណានោះទេ បានជាជ្រុលចង្កូតទៅបុកពេញទំហឹងចូលចំពីក្រោយប្រលូញឫស្សី បណ្តាលឲ្យមុតជង់ត្រង់បំពង់កធ្លាយទៅម្ខាងដួលប្រកាច់ស្លាប់យ៉ាងរន្ធត់ ៕

ប្រភព៖ FB

មណ្ឌលសុខភាពកំពង់រាបត្រូវបានប្តូរទីតាំងបន្ទាប់ពីច្រាំងទន្លេបាក់ជិតមកដល់..

កំពង់ចា៖ មណ្ឌលសុខភាពកំពង់រាប បានផ្លាស់ទីជាបណ្តោះអាសន្នហើយបន្ទាប់ពីច្រាំងទន្លេមេគង្គបានបាក់កាន់តែខិតជិតមកដល់ ដែលអាចនឹងទាញ ទម្លាក់អគាររបស់មណ្ឌលនេះនៅពេលទឹកស្រកទៅវិញ។

ឯកឧត្តម គួច ចំរើន អភិបាលខេត្តកំពង់ចាម ដែលបានទៅពិនិត្យមើលស្ថានភាពទឹកជំនន់ និងច្រាំងទន្លេមេគង្គបាក់ជាបន្តបន្ទាប់ នៅឃុំកំពង់រាបស្រុកកោះសូទិនកាលពីថ្ងៃទី០១ខែសីហាបានប្រាប់រស្មីកម្ពុជានៅព្រឹកថ្ងៃទី០២សីហាថា អគារមណ្ឌលសុខភាពកំពង់រាបអាចនឹងត្រូវធ្លាក់ចូលក្នុងទឹកទន្លេដោយសារច្រាំងបាក់ក្នុងពេលទឹកស្រកទៅវិញនៅពេលខាងមុខ។

ឯកឧត្តមអភិបាលបានបញ្ជាក់ថាយើងបានឯកភាពគ្នាជាមួយនឹងមន្ទីរជំនាញឲ្យរើសម្ភារៈ ដែលចាំបាច់ចេញពីមណ្ឌលនេះទៅដាក់នៅវត្តកំពង់រាបជាបណ្តោះអាសន្ន ដើម្បីកុំរាំងស្ទះដល់ការបម្រើសេវាជូនប្រជាពលរដ្ឋដែលកំពុងតែរងគ្រោះដោយទឹកជំនន់ទន្លេមេគង្គ។

ប្រភព៖ Pen Khon

ក្រោយពីមានការបង្ហោះនឹងមានការិះគន់ជាច្រេើន ពីសំណាក់ជនជាតិចិន ដែលចាក់សំរាមបង្ហូរតាមទឹកភ្លៀងលើផ្លូវថ្នល់នោះ ពេលនេះអាជ្ញាធរបានកោះហៅ មកព្រមាន នឹងពិនយ័តាមច្បាប់..(មានវិដេអូ)

ខេត្តព្រះសីហនុ៖បុរសជនជាតិចិនម្នាក់ដែលចាក់បង្ហូរសំរាមអោយហូរតាមទឹកភ្លៀងកាលពីម្សិលមិញនៅម្តុំសណ្ឋាគារ New Golden Wealth សង្កាត់លេខ៤ក្រុងព្រះសីហនុ ផ្លូវទៅសាលាUME ត្រូវបានអជ្ញាធរកោះហៅចូលខ្លួនទៅកាន់សាលាក្រុងព្រះសីហនុនាថ្ងៃទី៣សីហា២០១៨ ដើម្បីផាកពិនយ័ជាប្រាក់តាមច្បាប់ និងបានអោយសរសេរកិច្ចសន្យាជាលាយលក្ខ័អក្សរទាំងភាសារខ្មែរនិងភាសាចិន សុំទោសជាសាធារណៈ ដោយបញ្ឈប់មិនអោយមានករណីនេះលើកក្រោយទៀតឡើយ។ គួរបញ្ជាក់ថា កាលពីថ្ងៃទី២សីហា២០១៨ ជនជាតិចិនរូបនេះបានកាយសំរាមបង្ហូរតាមទឹកភ្លៀងនៅម្តុំសណ្ឋាគារ New Golden Wealth សង្កាត់លេខ៤ក្រុងព្រះសីហនុ ផ្លូវទៅសាលាUME ហើយត្រូវបានទទួលការរិះគន់ពីមជ្ឈដ្ឋាននានាក្នុងខេត្តព្រះសីហនុ ៕

(សូមទស្សនាវិដេអូខាងក្រោម)

https://www.facebook.com/plugins/video.php?href=https%3A%2F%2Fwww.facebook.com%2Fsochetra.samnang%2Fvideos%2F970963219741175%2F&show_text=0&width=264

ប្រភព៖ Heng Ly

លោកប្រធានាធិបតី ហ្វីលីពីន បានដឹកនាំកិនកំទេចចោលរថយន្តទំនើប ៦៨ គ្រឿង និង ម៉ូតូទំនើប៨ គ្រឿង ដែលដកហូតបានពីឧក្រិដ្ឋជនគ្រឿងញៀន បើនិយាយពីតម្លៃជាង ៥ លានដុល្លារ…

ប្រទេសហ្វីលីពីន៖ រថយន្តទំនើប ៦៨ គ្រឿង និង ម៉ូតូទំនើប៨ គ្រឿង ដែលដកហូតបានពីឧក្រិដ្ឋជនគ្រឿងញៀន មានតម្លៃជាង ៥ លានដុល្លារត្រូវបានលោកប្រធានាធិបតី ហ្វីលីពីន ដឹកនាំកិនកំទេចចោលទាំងអស់ នៅថ្ងៃទី ១ ខែ សីហា ឆ្នាំ ២០១៨ ។

វាប្រហែលជាលើកដំបូងបំផុតដែលយើងបានឃើញរថយន្តទំនើបៗច្រើនគ្រឿងតម្រៀបជួរគ្នារង់ចាំ អាប៊ុល (Bulldozer) កិនពីលើដើម្បីកំទេចចោល បើយើងមើលវីដេអូយើងឃើញថា កាកំទេចចោលនេះត្រូវបានថតឡើងនៅហ្វីលីពីនដែលមានប្រធានាធិបតីហ្វីលីពីននៅឈរចាំបញ្ជាផ្ទាល់ ដើម្បីអោយប្រាកដថាវាពិតជាខ្ទេចពិតប្រាកដមែន មិនអាចយកប្រើប្រាស់កើតក្រៅពីលក់អេតចាយនោះទេ៕

ប្រភព៖ Pheng Vannak News

ចោរដាវសាំម៉ូរ៉ៃ កាប់ប្លន់ម៉ូតូបានសំរេច តែត្រូវសមត្ថកិច្ចពួនស្ទាក់ចាប់បានម្នាក់ រីឯម្នាក់ទៀតរត់គេចខ្លួន..

ខេត្តតាកែវ ៖ នៅថ្ងៃសុក្រ ០៧រោច ខែទុតិយាសាឍ ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី០៣ ខែសីហា ឆ្នាំ២០១៨ កម្លាំងអធិការដ្ឋាននគរបាលស្រុកបាទី បានធ្វើការឃាត់ខ្លួនជនសង្ស័យ០១នាក់ ក្នុងចំណោមបក្សពួក០២នាក់ ពាក់ព័ន្ធករណីលួចមានស្ថានទម្ងន់ទោស ។

តាមរបាយការណ៍របស់អធិការដ្ឋាននគរបាលស្រុកបាទី បានឱ្យដឹងថា ជនសង្ស័យដែលឃាត់ខ្លួនមានឈ្មោះ សាន់ មុន្នីរក្សា ភេទប្រុស អាយុ១៨ឆ្នាំ មានទីលំនៅភូមិត្រាំខ្នា ឃុំសូភី ស្រុកបាទី ខេត្តតាកែវ ជិះម៉ូតូម៉ាកហុងដាC125 ពណ៌ខ្មៅ ឆ្នាំ២០១៧ ពាក់ផ្លាកលេខភ្នំពេញ 1GI-4975 បានធ្វើសកម្មភាពប្រដាប់ដោយដាវ កាប់ប្លន់យកម៉ូតូ០១គ្រឿងម៉ាកហុងដា C125 ពណ៌ខ្មៅ ឆ្នាំ២០១៨ ពាក់ផ្លាកលេខភ្នំពេញ 1GS-7276 នៅចំណុចភូមិផ្សារគុម្ភឫស្សី ឃុំតាំងដូង ស្រុកបាទី ។

ជនរងគ្រោះមានឈ្មោះ រ៉េត គឹមជៀម ភេទប្រុស អាយុ២៧ឆ្នាំ មានទីលំនៅភូមិ១៤ សង្កាត់បឹងកក់ទី១ ខណ្ឌទួលគោក រាជធានីភ្នំពេញ ហើយបានជិះម៉ូតូគេចខ្លួនបាត់ ក្រោយពីទទួលបានព័ត៌មានភ្លាម កម្លាំងជំនាញអធិការដ្ឋាននគរបាលស្រុកបាទី ដឹកនាំដោយលោកវរសេនីយ៍ឯក ង៉ាន់ សារី និងមានការចង្អុលបង្ហាញពីឯកឧត្តម ឧត្តមសេនីយ៍ទោ សុខ សំណាង ស្នងការនគរបាលខេត្ត ដោយបានសហការជាមួយគ្រប់ប៉ុស្តិ៍នគរបាលរដ្ឋបាលទូទាំងស្រុកបាទីធ្វើការចេញល្បាត និងពួនស្ទាក់គ្រប់ច្រកល្ហក លុះដល់ចំណុចភូមិព្រៃស្លែង ឃុំកុមារាជា ស្រុកបាទី ទើបជួបនឹងជនសង្ស័យខាងលើ ហើយជនសង្ស័យទាំង២នាក់ បានផ្តួលម៉ូតូរត់ តែត្រូវសមត្ថកិច្ចដេញចាប់ខ្លួនបានម្នាក់ រីឯជនសង្ស័យម្នាក់ទៀតមានឈ្មោះ ទឹម វីន ភេទប្រុស អាយុ១៨ឆ្នាំ រស់នៅភូមិធ្លក ឃុំជង្រុក ស្រុកបរសេដ្ឋ ខេត្តកំពង់ស្ពឺ បានរត់គេចខ្លួនបាត់ ។

បច្ចុប្បន្នជនសង្ស័យ និងវត្ថុតាងកម្លាំងជំនាញកំពុងធ្វើការសាកសួរដើម្បីកសាងសំណុំរឿងតាមនិតិវិធី និងស្វែងរកចាប់ខ្លួនជនសង្ស័យដែលរត់គេចខ្លួនមកផ្តន្ទាទោសតាមច្បាប់ រីឯម៉ូតូដែលជនង្ស័យប្លន់ កម្លាំងជំនាញបានប្រគល់ជូនជនរងគ្រោះវិញផងដែរ ។

ប្រភព៖ FB