សកម្មភាពជនជាតិចិន ដែលបានទាត់សំរាមឲ្យហូទៅតាមទឹកដែលមេឃកំពុងតែភ្លៀង កំពុងរងការិះគន់នៅក្នុងបណ្តាញសង្គម Facebook..

ខេត្តព្រះសីហនុ៖ សកម្មភាពជនជាតិចិន បានទាត់សំរាមឲ្យហូទៅតាមទឹកដែលមេឃកំពុងតែភ្លៀង សកម្មភាពបែបនេះ បានធ្វើឲ្យប្រជានខ្មែរយើងមានកាមិនពេញចិត្តនោះឡើយនៅក្នុងបណ្តាញសង្គមហ្វេសប៊ុក ។

យ៉ាងណាមិញបើយោងតាមម្ចាស់ហ្វេសប៊ុកឈ្មោះ “Samnang Sochetra” បានបង្ហោះវិដេអូមួយនេះថែមទាំងសសេរថា ៖ (សកម្មភាព ជនជាតិចិនបង្ហូរសំរាមពេលភ្លៀងធ្លាក់ខ្លាំង កាលពីព្រឹកថ្ងៃទី ០២ ខែសីហា ឆ្នាំ២០១៨ កាសុីណូ New Golden wealth ក្រុមទី១៧ មណ្ឌល៣ សង្កាត់លេខ៤ ខេត្តព្រះសីហនុ ផ្លូវទៅ សកលវិទ្យាលយ័ UME ) ។

វិដេអូជាងមួយនាទីនេះ បានបង្ហាញនៅទង្វើរដ៍អាក្រក់មួយ ដែលមនុស្សគ្រប់គ្នាស្អប់ខ្ពើម កុំចង់ស្អាតកន្លែងខ្លួនឯងហើយប៉ះពាល់ដល់អ្នកដទៃនោះឡើយ ៕

ប្រភព៖ Samnang Sochetra

ខ្លាំងបាត់.! បុរសម្នាក់ស្រវឹងស្រា បើកបុកគេហើយ មិនឈប់ដោះស្រាយ ហៅមិត្តភក្តិជាទាហាន មកដកកាំភ្លើងវាយជនរងគ្រោះទៀត ផ្អើលដល់ទាំងយប់…

ភ្នំពេញៈ បុរសម្នាក់ ស្រវឹងស្រាជោកជាំ បើករថយន្តកាមរីបាឡែន ទៅបុករទេះលក់ប្រហិត ហើយមិនឈប់ទទួលខុសត្រូវ បែរជាបើករថយន្តរត់គេច តាំងពីមុខវត្តសំរោងអណ្តែត តាមផ្លូវបេតុង ភូមិរោងចក្រ១ សង្កាត់គោកឃ្លាង ខណ្ឌសែនសុខ កាលពីវេលាម៉ោង៧និង៣០នាទីយប់ថ្ងៃទី២ ខែសីហា ឆ្នាំ២០១៨ ហើយរថយន្តបង្កបើករត់ចេញទៅដល់ កែងផ្លូវហាណូយ ជនរងគ្រោះដេញតាមទាន់ ស្រែកឲ្យគេជួយឃាត់បាន តែត្រូវបានភាគីខាងរថយន្តបង្ក ហៅបក្ខពួកជាមន្រ្តីយោធា ពាក់ស័ក្តិ៤កន្លះ បើករថយន្តព្រូសមកដល់ កើតជាប្រទូស្តរ៉ាយគ្នា ឈានដល់មន្រ្តីយោធារូបនោះ យកកាំភ្លើងខ្លីមកវាយចំសៀតថ្កាជនរងគ្រោះ បណ្តាលឲ្យបែកហូរឈាម សមត្ថកិច្ចចុះទៅអន្តរាគមន៍ ឃាត់នាំខ្លួនទៅផ្នែកជំនាញអធិការដ្ឋានខណ្ឌ។

ជនរងគ្រោះឈ្មោះ យ៉ែម វណ្ណៈ ភេទប្រុស អាយុ២៧ឆ្នាំ មុខរបរលក់ប្រហិតតាមរទេះ ស្នាក់នៅផ្ទះជួល ភូមិគោកឃ្លាង សង្កាត់គោកឃ្លាង ខណ្ឌសែនសុខ មានស្រុកកំណើត ភូមិកំពង់លាវ ឃុំកំពង់លាវ ស្រុកកំពង់លាវ ខេត្តព្រៃវែង។

ចំណែកជនបង្កគ្រោះថ្នាក់ចរាចរណ៍ មិនស្គាល់ឈ្មោះ បើកបររថយន្តកាមរីបាឡែន ពណ៌ស្ករ ពាក់ស្លាកលេខភ្នំពេញ 2AB- 4119 ។ រីឯជនបង្កដកកាំភ្លើងវាយលើជនរងគ្រោះ ជាមន្រ្តីយោធា មានឋានន្តរសក្តិវរសេនីយ៍ទោ បើកបររថយន្តព្រូស ពណ៌ទឹកប្រាក់ ពាក់ស្លាកលេខ ភ្នំពេញ 2AM-6485។

តាមប្រភពនៅកន្លែងកើតហេតុ បានឲ្យដឹងថា មុនកើតហេតុ រថយន្តកាមរីបាឡែន អ្នកបើកបរស្រវឹងស្រាជោគ បើកពីលិចទៅកើត ដល់ចំណុចមុខវត្តសំរោងអណ្តែត ជ្រុលចង្កូតទៅបុករទេះប្រហិត ខ្ទាតខ្លាញ់រលាកអ្នកលក់ និងអ្នកទិញម្នាក់ ហើយរថយន្តបង្កមិនបានឈប់ និយាយគ្នា ទទួលខុសត្រូវឡើយ បែរជាព្យាយាមបើករត់ ចេញទៅដល់ក្លោងទ្វារវត្ត សំរោងអណ្តែត កែងផ្លូវហាណូយ ទើបជនរងគ្រោះដេញតាមទាន់ ស្រែកឲ្យគេឯងជួយគាត់ កើតជាជម្លោះសម្តី ដោះស្រាយគ្នាមិនចេញផង បែរជាបុរសខាងលើទូរស័ព្ទហៅ បក្ខពួកជាមន្រ្តីយោធាម្នាក់ ពាក់សក្តិ៤កន្លះ មកដល់ កើតជាប្រទូស្តរ៉ាយគ្នា ជាមួយប្រជាពលរដ្ឋ ជាមួយជនរងគ្រោះ ឈានដល់មន្រ្តីយោធារូបនោះដកកាំភ្លើងខ្លីមកវាយលើជនរងគ្រោះ បណ្តាលឲ្យបែកសៀតថ្កាឆ្វេងហូរឈាម ធ្វើឲ្យស្ថានភាពកាន់តែផ្អើលឡើង រហូតដល់កម្លាំងសមត្ថកិច្ចចុះទៅអន្តរាគមន៍ ឃាត់ជនបង្កទាំង២នាក់ នាំទៅសាកសួរនៅផ្នែកជំនាញខណ្ឌ។

បើតាមមន្រ្តីយោធារូបនោះ អះអាងថា ពេលដែលពលរដ្ឋប្រទូស្តរ៉ាយជាមួយគាត់ ពលរដ្ឋជនរងគ្រោះ បានវាយទាំងរថយន្តគាត់បណ្តាលឲ្យបែកកញ្ចក់ ទើបគាត់សម្រេចចិត្ត ទាញកាំភ្លើងមក កាន់ខាងចុងកាណុង វាយលើជនរងគ្រោះតែម្តង។

ទោះជាយ៉ាងណាក្តី ជនទាំង២នាក់ ត្រូវបានសមត្ថកិច្ចហៅនាំទៅសាកសួរនៅផ្នែកជំនាញអធិការដ្ឋានខណ្ឌសែនសុខ៕

ប្រភព៖ Heng Ly

ក្មេងស្រីរងគ្រោះថារំលោភបាន៣ដង រីឯជនសង្ស័យវិញថា ខ្លួនបានរួមភេទជាមួយនាងតែ២ដងទេ ដោយសារតែស្នេហាតាម Facebook …

ខេត្តកណ្តាល ៖ កាលពីល្ងាចថ្ងៃទី០១ សីហា ២០១៨ លោក ទី សំណាង ចៅក្រមសើុបសួរសាលាដំបូងខេត្តកណ្តាល បានសម្រេចចេញដីកាឃុំខ្លួនបុរសម្នាក់ ក្រោយពីបានទំនាក់ទំនងស្នេហាតាមឆាតជាមួយនារីម្នាក់លួងលោមរហូតបានរួមភេទគ្នាបីដង ដោយដាក់ពន្ធនាគារបណ្តោះអាសន្នពីបទ «រំលោភសេពសន្ថវៈមានស្ថានទម្ងន់ទោស» ប្រព្រឹត្តកាលពីថ្ងៃទី២៥ ឧសភា ២០១៨ កន្លងមក តាមមាត្រា២៤០ នៃក្រមព្រហ្មទណ្ឌ ដែលបទល្មើសនេះ ត្រូវផ្តន្ទាទោសពី៧ឆ្នាំ ទៅ១៥ឆ្នាំ ។

គួរបញ្ជាក់ថា ជនត្រូវចោទខាងលើ ឈ្មោះ សាក់ ចន្ថា ភេទប្រុស អាយុ៤៤ឆ្នាំ ជនជាតិខ្មែរ ជាយោធា រស់នៅភូមិក្តាន់រយ ឃំុដំណាក់អំពិល ស្រុកអង្គស្នួល ខេត្តកណ្តាល ។ ចំណែកនារីរងគ្រោះ អាយុ១៦ឆ្នាំ រស់នៅខេត្តកណ្តាល។

ប្រភពនគរបាលស្រុកអង្គស្នួលបានឱ្យដឹងថា មុនពេលកើតហេតុ ជនរងគ្រោះនិងជនសង្ស័យ បានទាក់ទងគ្នាតាមឆាតទៅវិញទៅមករហូតត្រូវគ្នា ដោយនារីរងគ្រោះបានយល់ព្រមមកផ្ទះជនសង្ស័យ ហើយរួមភេទក្នុងបន្ទប់របស់ជនសង្ស័យ ។

ប្រភពបន្តថា លុះមកដល់ថ្ងៃទី៣១ កក្កដា ទើបដឹងដល់អាណាព្យាបាល មកដាក់ពាក្យបណ្តឹង ។ តាមការឆ្លើយបំភ្លឺក្មេងស្រីរងគ្រោះបានប្រាប់ថា ខ្លួនបានឆាតជាមួយគ្នាទៅវិញទៅមក ហើយជននោះបានសុំស្រឡាញ់ខ្លួន ក៏ហៅខ្លួនមកផ្ទះ ដើម្បីយកលុយចាយ ។ រូបខ្លួនក៏ព្រមមកដល់ផ្ទះ ហើយគាត់ (ជនសង្ស័យ)បានហុចលុយឱ្យ១០ដុល្លារ រួចទាញដៃខ្លួនចូលបន្ទប់រួមភេទតែម្តង ។ នាងថា ខ្លួនបានរួមភេទជាមួយជនសង្ស័យចំនួន៣ដងហើយ ។ រីឯចម្លើយសារភាពជនសង្ស័យវិញថា ខ្លួនបានរួមភេទជាមួយនាង២ដងទេ ដោយការព្រមព្រៀងគ្នា ។

ប្រភព៖FB

សង្ស័យភ្លើងប្រចណ្ឌ បុរសម្នាក់គិតខ្លី ប្រលយ័ជីវិតខ្លួនឯងដោយធ្វើអត្តឃាតចងករ សម្លាប់ខ្លួន

ភ្នំពេញ៖ ករណីនេះបង្ករការភ្ញាក់ផ្អើលកាលពីព្រឹកថ្ងៃទី០២ ខែសីហា ឆ្នាំ២០១៨ នៅបន្ទប់ជួលលេខ៧ដេ ក្នុងភូមិអង្គតាកូវ សង្កាត់គោករកា ខណ្ឌព្រែកព្នៅ បុរសម្នាក់ អាយុ៣៤ឆ្នាំ មានប្រពន្ធ មានទាំងកូនរហូតដល់៤នាក់ទៅហើយ តែការរស់នៅក្នុងសង្គមគ្រួសារ ហាក់បីដូចជាពុំសូវចុះសម្រុងគ្នា ភាគីខាងប្រពន្ធចង់ផ្លាស់ប្តូរស្ថានភាពជីវភាពគ្រួសារ ខណ:ដែលកូនកាន់តែច្រើន សម្រួលដោះបន្ទុក ពីស្រែចំការ មករកការងាររោងចក្រធ្វើនឹងគេ ឯប្តីមិនសូវត្រូវ ជានាជាមួយប្រពន្ធ តែមិនហ៊ានឲ្យបែកខ្លាតឆ្ងាយ មកតាមជាមួយដែរ ស្នាក់ ទើបបាន៤ថ្ងៃ សង្ស័យកើតរោគប្រចណ្ឌ ប្តីចងកសម្លាប់ខ្លួនស្លាប់បាត់ ទុកឲ្យប្រពន្ធក្លាយជាស្ត្រីម៉េម៉ាយ កូន៤នាក់ ។

បុរសនេះឈ្មោះ វ៉េង សារ៉ាត់ ភេទប្រុស អាយុ៣៤ឆ្នាំ រកការងារមិនទាន់បានធ្វើ មានស្រុកកំណើត នៅភូមិកណ្ដាល ឃុំសែនជ័យ ស្រុកឧត្ដុង្គ ខេត្តកំពង់ស្ពឺ ។ ចំណែកប្រពន្ធមានឈ្មោះ ស៊ុ សុធា អាយុ២៩ឆ្នាំ សុំការងារបានធ្វើហើយ តែមិនទាន់ដល់ថ្ងៃចូល មានស្រុកកំណើត ភូមិច្រេស ឃុំជើងរាស់ ស្រុកឧត្ដុង្គ ខេត្តកំពង់ស្ពឺ ។ ប្រពន្ធបានឲ្យដឹងថា ពួកគាត់បានរៀបការតាំងពីឆ្នាំ២០០៧មកម្ល៉េះ មានកូន៤នាក់ ប្រុស២នាក់ ស្រី២នាក់ ក្នុងបន្ទុកគ្រួសារហើយនៅមុនពេលកើតហេតុ ប្តីបានរករឿងឈ្លោះជាមួយនាងប្រហែលជាប្រចណ្ឌពេលនោះនាងបានប្រាប់គាត់ថាបើនៅរករឿងខ្ញុំបែបនេះទៅផ្ទះហើយប្តីក៏ប្រាប់ថាបើអញ្ចឹងខ្ញុំឈប់រករឿងឈ្លោះឯងហើយកុំទៅអី។

នាងតបថាឯងនិយាយឲ្យរួចតែពីមាត់ទេ ភ្លាមនោះនាងដើរចេញទៅរកម៉ូតូឌុបនៅក្បែរនោះតែមិនមានម៉ូតូឌុបទេ នាងក៏ដើរមកបន្ទប់ជួលវិញស្រាប់តែឃើញទ្វារបន្ទប់ត្រូវបិទ នាងបានច្រានទ្វារតែមិនរួចក៏បើកបង្អួចបានឃើញខ្សែភ្លើងពណ៌ខ្មៅធ្លាក់ចេញពីក្នុងដំបូលផ្ទះប្រក់ស័ង្កសី។ បន្ទាប់មកនាងបានទៅហៅឈ្មោះថេត សុខឡេង ភេទប្រុស ដែលជួលបន្ទប់នៅជិតគ្នា ដើម្បីមកជួយមើលគាត់បានលូកដៃតាមបង្អួចឆ្កឹះមេសោដែលស្ពក់ចេញរួចគាត់បានចូលទៅក្នុងបន្ទប់ហើយប្រាប់នាងថា«ប្តីបងឯងចងកក្នុងបន្ទប់ទឹកស្លាប់បាត់ហើយ» ៕

ប្រភព៖ FB

ម្ចាស់មិនស្រវឹងតែរថយន្តអ្នកស្រវឹង.! រថយន្ដកូរ៉េមួយគ្រឿង បើកលឿនបែកកង់ផូង ក្រឡាប់ភីង ចាក់ស្រាបៀររាយពេញផ្លូវ…

ខេត្តឧត្ដរមានជ័យ៖ រថយន្ដដឹកជញ្ជូន និងចែកចាយស្រាបៀរកម្ពុជានៅខេត្តឧត្ដរមានជ័យ បានក្រឡាប់ដេកនៅកណ្ដាលផ្លូវ ខ្ចាយស្រាបៀរពាសពេញផ្លូវ ខណៈដែលដឹកស្រាបៀរចេញពីស្រុកអន្លង់វែង ទៅចែកចាយនៅតាមដេប៉ូក្នុងខេត្ដ ។

ហេតុការណ៍នេះបានកើតឡើងនៅវេម៉ោង២ និង២០នាទីរសៀល ថ្ងៃពុធ ៥រោច ខែទុតិយាសាឍ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី១ ខែសីហា ឆ្នាំ២០១៨ ស្ថិតនៅចំណុចគីឡូម៉ែតលេខ៨៧ នៅលើកំណាត់ផ្លូវជាតិលេខ៦៨ ក្នុងភូមិស្លែង សង្កាត់កូនគ្រាលក្រុងសំរោងខេត្តឧត្ដរមានជ័យ ។
អ្នកបើកបរឈ្មោះ ពើត ពាន់ ភេទប្រុសអាយុ ១៩ឆ្នាំ រស់នៅភូមិទួលគ្រួស ឃុំអន្លង់វែង ស្រុកអន្លង់វែងបើកបររថយន្ដដឹកស្រាបៀរកម្ពុជាម៉ាក ហ៊ីយ៉ាន់ដាយ ពណ៌ស ពាក់ស្លាកលេខ ភ្នំពេញ 3D-0103 ដោយរួមដំណើរមានគ្នាចំនួន៣នាក់ តែមិនគ្រោះថ្នាក់ដល់អាយុជីវិតឬរងរបួសទេ ។

សមត្ថកិច្ចបានឲ្យដឹងថា ករណីគ្រោះថ្នាក់ចរាចរណ៍ខាងលើ បណ្ដាលមកពីមូលហេតុបែកកង់ក្រោយខាងឆ្វេង ទើបបណ្ដាលឲ្យរថយន្ដដែលកំពុងតែផ្ទុកស្រាបៀរធ្ងន់ផងនោះទប់លំនឹងមិនបានក៏ក្រឡាប់ផ្ងារជើងកណ្ដាលផ្លូវតែម្ដង ដោយមិនមានបង្ករឲ្យមានគ្រោះថ្នាក់ដល់អ្នកដទៃ ធ្វើដំណើរនៅតាមដងផ្លូវ ឬអ្នកនៅក្នុងរថយន្ដនោះឡើយ ។

ក្រោយសមត្ថកិច្ចចុះមកត្រួតពិនិត្យរួច ក៏បានប្រគល់ឲ្យម្ចាស់រថយន្ដវិញ ដើម្បីយកទៅជួសជុល ៕

ប្រភព៖ FB

មនុស្សប្រុសស្រី១០នាក់ត្រូវបានឃាតខ្លួនពីបទ ជួញដូរនិងប្រើប្រាស់សារធាតុញៀន…

ភ្នំពេញ៖ កាលពីថ្ងៃទី០១ ខែសីហា ឆ្នាំ២០១៨ វេលាម៉ោង១៧ និង០០នាទី ក្រោយពីបើកការស្រាវជ្រាវកម្លាំងនគរបាលជំនាញប៉ុស្តិ៍រដ្ឋបាលទួលសង្កែ១ ខណ្ឌឫស្សីកែវ បានចុះធ្វើការបង្ក្រាបជាក់ស្តែងករណីជួញដូរនិងប្រើប្រាស់នូវសារធាតុញៀនដោយខុសច្បាប់ នៅ ក្រុម១៤ ភូមិផ្សារតូច សង្កាត់ទួលសង្កែ១ ជាលទ្ធផលក្នុងកិច្ចប្រតិបត្តិការណ៍នេះកម្លាំងនគរបាលបានធ្វើការឃាត់ខ្លួនជនសង្ស័យចំនួន១០នាក់ស្រី០៣នាក់រួមមាន៖

១/ឈ្មោះ ខន សុីណា ភេទប្រស អាយុ២២ឆ្នាំ ជនជាតិខ្មែរ ស្នាក់នៅផ្ទះគ្មានលេខ ផ្លូវលេខ៥ ក្រុម១៤ ភូមិផ្រារតូច សង្កាត់ទួលសង្កែ១(ជួញដូរ)។

២/ឈ្មោះ ខុន លុយ ភេទប្រុស អាយុ១៧ឆ្នាំ ជនជាតិខ្មែរ ស្នាក់នៅផ្ទះគ្មានលេខ ក្រុម១៤ ភូមិផ្សារតូច សង្កាត់ទួលសង្កែ១ មុខរបរនៅផ្ទះ (ប្រើប្រាស់)។

៣/ឈ្មោះ កែវ សុខុម ភេទប្រុស អាយុ២២ឆ្នាំ ស្នាក់នៅ ក្រុម១៤ ភូមិផ្សារតូច សង្កាត់ទួលសង្កែ១(ប្រើប្រាស់)។

៤/ឈ្មោះ ស្វាយ ម៉ៅ ភេទប្រុស អាយុ៣១ឆ្នាំ ស្នាក់នៅភូមិផ្សារតូច សង្កាត់ទួលសង្កែ១(ប្រើប្រាស់)។

៥/ឈ្មោះ ឃៀង គុយជីង ភេទប្រុស អាយុ១៧ឆ្នាំ ស្នាក់ទីតាំងខាងលើ(ប្រើប្រាស់)។

៦/ឈ្មោះ គឺម សីហា ភេទប្រុស អាយុ២៨ឆ្នាំ ស្នាក់នៅភូមិឃ្លាំងសាំង សង្កាត់ឬស្សីកែវ (ប្រើប្រាស់)។

៧/ឈ្មោះ ហុង មាស ភេទប្រុស អាយុ៣០ឆ្នាំ ស្នាក់ភូមិបឹងសាឡាង សង្កាត់ឬស្សីកែវ (ប្រើប្រាស់)។

៨/ឈ្មោះ យៀ ធីប ភេទស្រី អាយុ២១់ឆ្នាំ ស្នាក់ទីតាំខាងលើ(ប្រើប្រាស់)។

៩/ឈ្មោះ ជា ស្រីរត្ន័ ភេទស្រី អាយុ២១ឆ្នាំ ស្នាក់នៅទីតាំងខាងលើ(ប្រើប្រាស់)។

១០/ឈ្មោះ សា លីមអារីយ៉ា ភេទស្រី អាយុ១៧ឆ្នាំ ស្នាក់នៅផ្ទះគ្មានលេខ ភូមិជ្រោយចង្វា សង្កាត់ជ្រោយចង្វា (ប្រើប្រាស់)។

វត្ថុតាងដកហូតមាន：១.ក្រាមព៌ណសរថ្លាចំនួន ០៧កញ្ចប់ ។២.ឧបករណ៍ប្រើប្រាស់គ្រឿងញៀនមួយចំនួន។
ចំពោះមុខ កំលាំងជំនាញខណ្ឌ ប៉ុសិ៍្ត កំពុងបន្តការស្រាវជ្រាវរកបក្ខពួក និងកសាងសំណុំរឿងដើម្បីបញ្ជូនទៅសាលាដំបូងរាជធានីភ្នំពេញអនុវត្តតាមនីតិវិធី៕

ប្រភព៖ FB

អស្ចារ្យមែន Lexus UX សុីសាំងប្រហែល ៦-៧ លីត្រ បើជិះ ១០០ គីឡូដី 😍

រថយន្តប្រភេទ SUV ខ្នាតតូចដ៏ប្រណីតរបស់ក្រុមហ៊ុន Lexus ម៉ូដែល UX ស៊េរីឆ្នាំ ២០១៩ កំពុងរង់ចាំបង្ហាញខ្លួន នៅក្នុងកម្មវិធីតាំងពិព័រណ៍រថយន្ត 2018 New York International Auto Show ដែលធ្វើឡើងនៅថ្ងៃទី ៣០ ខែ មីនា ដល់ ថ្ងៃទី ០៨ ខែ មេសា ឆ្នាំ ២០១៨ ខាងមុខនេះ។

លោក Chica Kako អគ្គនាយកក្រុមហ៊ុន Lexus បានថ្លែងថា “រថយន្ត Lexus UX ត្រូវបានរចនាឡើងសម្រាប់អ្នករុករកទីក្រុងសម័យទំនើប ដែលស្វែងរកការបើកបរបែបទាន់សម័យ”។

UX ត្រូវបានផលិតឡើងនៅលើគ្រោងឆ្អឹងថ្មី ហៅថា GA-C (Global Architecture – Compact) ដែលមាននៅលើរថយន្ត Toyota Prius, C-HR, Auris, Corolla និង Avensis ផងដែរ។

Lexus UX នឹងមានជម្រើសម៉ាស៊ីនចំនួន ២ គឺ UX 200 បំពាក់ម៉ាស៊ីនសាំងចំណុះ ២,០ លីត្រ មានស៊ីឡាំងចំនួន ៤ ដែលអាចបង្កើតកម្លាំងបាន ១៦៨ សេះ និងរត់ដោយរង្វិលកង់ខាងមុខ (Front-Wheel Drive)។ ចំពោះប្រព័ន្ធបើកបរប៉ុង ២ (All-Wheel Drive) មានបំពាក់លើម៉ូដែល UX 250h (Hybrid) ដែលមានបំពាក់ម៉ាស៊ីនស៊ីឡាំង ៤ អមជាមួយនឹងម៉ូទ័រអគ្គិសនីមួយ ដែលបង្កើតកម្លាំងបានសរុប ១៧៦ សេះ។ ទាំង ២ ម៉ូដែលនេះសុទ្ធសឹងតែប្រើប្រាស់ប្រអប់លេខប្រភេទ CVT។

យោងតាមក្រុមហ៊ុនរថយន្តជប៉ុនខាងលើ បានឲ្យដឹងផងដែរថា ចំពោះម៉ូដែល UX 200 នឹងមានកម្រិតស៊ីសាំង ៧,១ លីត្រក្នុងចម្ងាយ ១០០ គីឡូម៉ែត្រ។ ចំណែកឯម៉ូដែល UX 250h ស៊ីសាំងត្រឹមតែ ៦,២ លីត្រប៉ុណ្ណោះក្នុងចម្ងាយ ១០០ គីឡូម៉ែត្រ។

សូមបញ្ជាក់ថា រថយន្ត Lexus UX ដ៏ថ្មីសន្លាងនេះ ក៏បំពាក់នូវលក្ខណៈពិសេស និងបច្ចេកវិទ្យាសុវត្ថិភាពជាច្រើនផងដែរ ដូចជា មុខងារ Apple CarPlay និង Amazon Alexaintegration ខណៈបច្ចេកវិទ្យា Lexus Safety System+ នាំមកនូវមុខងារ Lane Tracing Assist, Dynamic Radar Cruise Control, Automatic High Beams, Road Sign Assist និង Pre-Collision System ដែលអាចចាប់យកអ្នកដំណើរថ្មើរជើងនៅពេលយប់បានទៀតផង។

ទោះជាយ៉ាងណា Lexus នៅមិនទាន់បានប្រកាសពីតម្លៃរបស់វានៅឡើយទេ ខណៈ UX 200 និង UX 250h នឹងត្រូវផលិតនៅរដូវស្លឹកឈើជ្រុះ ហើយចាប់ផ្ដើមចេញលក់នៅខែធ្នូ៕

ប្រភព៖ អូតូបូឌៀ – Autobodia

បុរសម្នាក់បើកម៉ូតូលឿនពេក ទៅបុកជាមួយរថយន្ដពេញទំហឹងរងរបួសធ្ងន់ នៅខណ្ឌ..

ភ្នំពេញ៖ គ្រោះថ្នាក់ចរាចរណ៍រវាងរថយន្តនិងម៉ូតូបណ្ដាលឲ្យភាគីអ្នកបើកម៉ូតូរងរបួសធ្ងន់ កំពុងសង្គ្រោះនៅមន្ទីរពេទ្យកាលម៉ែត្រ ហេតុការនេះបានកើតឡើងនៅវេលាម៉ោង ១០និង១៥ នាទីយប់ថ្ងៃទី ០១ ខែសីហា ឆ្នាំ ២០១៨ ទៅតាមបណ្ដោយផ្លូវលេខ ១០៦ និងកែង ផ្លូវលេខ ៦១ ស្ថិតនៅក្នុងសង្កាត់វត្តភ្នំ ខណ្ឌដូនពេញ រាជធានីភ្នំពេញ។

តាមប្រភពព័ត៌មាននៅកន្លែងកើតហេតុបានឲ្យដឹងថា នៅមុនពេលកើតហេតុមាន រថយន្តមួយគ្រឿងម៉ាក FUSO ពណ៌ ក្រហមពាក់ស្លាកលេខ ស្វាយរៀង 3A-0707 បើកដោយបុរសម្នាក់ធ្វើដំណើរ៣នាក់ទៀតតាមបណ្ដោយផ្លូវលេខ ៦១ ក្នុងទិសដៅពីត្បូងទៅជើងខណៈពេលមកដល់ចំណុចកើតហេតុ ផ្លូវបំបែកជាបួន ក៏មានក៏ម៉ូតូ ១ គ្រឿងទៀតម៉ាក Nex ពណ៌ស ពាក់ស្លាកលេខ ភ្នំពេញ 1GK-8474 ជិៈដោយបុរសម្នាក់ធ្វើដំណើរតាមដងផ្លូវលេខ ១០៦ ទិសដៅពីកើតទៅលិចក្នុងល្បឿនលឿន ចាប់ហ្វ្រាំងមិនទាន់ក៏ជ្រុលបុក រថយន្ដយ៉ាងពេញទំហឹង បណ្ដាលឲ្យរងរបួសធ្ងន់បាក់ដៃបាក់ជើងខាងឆ្វេងត្រូវបានបញ្ជូនទៅមន្ទីពេទ្យកាល់មែត្រដឹកភ្លាមៗ រីឯម្ចាស់រថយន្តរត់បាត់ស្រមោលពីកន្លែងកើហេតុ។

ក្រោយពេលកើតហេតុសមត្ថដោកិច្ចមូលដ្ឋានបានអោយ ភាគីទាំងសងខាងដោះស្រាយគ្នា ប៉ុន្តែមិនត្រូវ ទើបកម្លាំងសមត្ថកិច្ចជំនាញនៃការិយាល័យរាជធានីភ្នំពេញ ចុះមកធ្វើការវាស់វែងនិងយកទៅរក្សាទុករងចាំការដោះស្រាយនៅពេលក្រោយ៕

ប្រភព៖ FB

មានអ្នកខលមកក៏ទាញទូរសព្ទមកទទួលតែធ្លាក់ទូរសព្ទទៅក្រោមជើងក៏អោនរើស ងើបមកវិញបួងចង្កូតមិនទាន់ក៏ជ្រុលទៅបុកក្បាលនាគចែកទ្រូងផ្លូវបណ្តាលឲ្យរងការខូចខាត…

ភ្នំពេញ៖ រថយន្តម៉ាកហាយឡែនឌ័រ បើកបុកក្បាលនាគចែកទ្រូងផ្លូវ រងការខូចខាត ហេតុការណ៍នេះកើតឡើងការពីវេលាម៉ោង ១១និង១០នាទីយប់ ថ្ងៃទី១ ខែសីហា ឆ្នាំ២០១៨ ស្ថិតនៅតាមបណ្តោយផ្លូវព្រះសីហនុ កែងផ្លូវលេខ១៤៣ សង្កាត់បឹងព្រលិត ខណ្ឌ៧មករា រាជធានីភ្នំពេញ។ ករណីគ្រោះថ្នាក់ចរាចរណ៍មួយបង្កឡើងដោយនារីម្នាក់ បើករថយន្តម៉ាកហាយឡែនឌ័រ ពណ៌សមួយគ្រឿងក្នុងល្បឿនលឿនពេក ទាញទូរសព្ទមកជ្រុះក៏អោនរើស ទើបបណ្តាលឲ្យរេចង្កូតទៅបុកក្បាលនាគចែកទ្រូងផ្លូវ រងការខូចខាតទ្រូងផ្លូវវៀចចេញពីជួរ១កង់ ។

មុនពេលកើតហេតុគេឃើញនារីម្នាក់បើករថយន្តម៉ាកហាយឡែនឌ័រ ពណ៌ស មួយគ្រឿង ពាក់ស្លាកលេខ ភ្នំពេញ 2AG-9283 បើកតាមបណ្តោយផ្លូវ ព្រះសីហនុទិសដៅពីកើតមកលិចក្នុងល្បឿនលឿន ហើយជិតដល់កន្លែងកើតហេតុផ្លូវបែកជាបួនក៏មានអ្នកខលមកក៏ទាញទូរសព្ទមកទទួលតែធ្លាក់ទូរសព្ទទៅក្រោមជើងក៏អោនរើស ងើបមកវិញបួងចង្កូតមិនទាន់ក៏ជ្រុលទៅបុកក្បាលនាគចែកទ្រូងផ្លូវបណ្តាលឲ្យទ្រូងផ្លូវវៀចចេញពីជួរមួយកង់។ រីឯរថយន្តរងការខូចខាតផ្នែកខាងមុខយ៉ាងដំណំ ផ្ទុះពោងសុវត្ថិភាពទាំង២ តែសំណាងល្អមិនបង្កឲ្យមានអ្នករងរបួសនោះទេ ។

ក្រោយពេលកើតហេតុម្ចាស់រថយន្តក៏ប្រមូលអីវ៉ាន់ចេញពីរថយន្តអស់រត់គេចខ្លួនបាត់ស្រមោល។ សមត្ថកិច្ចជំនាញបានចុះមកដល់ទីតាំងកន្លែងកើតហេតុ វាស់វែងស្ទូចរថយន្តយកទៅរក្សាទុកនៅការិយាល័យចរាចណ៍ផ្លូវគោកនៃស្នងការដ្ឋាននគរបាលរាជធានីភ្នំពេញដើម្បីរង់ចាំដោះស្រាយទៅតាមនិតិវិធីច្បាប់ ៕

ប្រភព៖ FB

នគរបាលស័ក្តិ៤ កន្លះម្នាក់ យកកាំភ្លើងខ្លីK54បាញ់សម្លាប់ខ្លួននៅសណ្ឋាគារ ស៊ីដនី…

ភ្នំពេញ ៖ ហេតុការណ៍នេះបង្កការភ្ញាក់ផ្អើលនៅរសៀល ថ្ងៃទី១ ខែសីហា ឆ្នាំ២០១៨ក្នុងបន្ទប់ខារ៉ាអូខេ កូឡូសូ ក្នុងសង្កាត់បឹងកេងកងទី៣ ខណ្ឌចំការមន ។

ជនរងគ្រោះ ឈ្មោះ ម៉ុន រតនៈឧត្តម អាយុ ២៦ឆ្នាំ មន្ត្រីនគរបាលក្រសួងមហាផ្ទៃ ឋានន្តរស័ក្តិ វរសេនីទោ បើតាមការបំភ្លឺ ពីបុគ្គលិកសណ្ឋាគារថា ម្សិលមិញជនរងគ្រោះ បានចូលសម្រាកនៅសណ្ឋាគារ មួយយប់ លុះម៉ោងប្រមាណ១២ និង៣០នាទីថ្ងៃត្រង់ ថ្ងៃទី១ សីហា បុគ្គលិកបានគោះទ្វារ បន្ទប់យ៉ាងយូរ ព្រោះមិនឃើញចេញមករកបាយទឹក តែមិនបើក ក៏សម្រេចចិត្តគាស់គន្លឹះទ្វារ ក៏បានឃើញជនរងគ្រោះដេកស្លាប់ មិនដឹងតាំងពីពេលណានោះទេ រួចក៏ប្តឹងសមត្ថកិច្ច ចុះមកពិនត្យកន្លែងកើតហេតុតែម្តង ។

យ៉ាងណាក៏ដោយសមត្ថកិច្ចជំនាញ នៅមិនទាន់បញ្ជាក់ច្បាស់ នៅឡើយទេ ប៉ុន្តែមជ្ឈដ្ឋានប្រជាពលរដ្ឋ បានទាញការចាប់អារម្មណ៍ថា ប្រសិនបើជនរងគ្រោះ ធ្វើអត្តឃាត គួរណាស់តែដឹងភ្លាមៗ និងមានការសង្ស័យ ក៏ព្រោះតែជនរងគ្រោះប្រើកាំភ្លើងបាញ់ សម្លាប់ខ្លួន ហើយសំឡេងកាំភ្លើង និងលាន់ឮ ប៉ុន្តែហេតុអ្វី ករណីនេះបែរជាស្ងាត់ឈឹង រហូតដល់ថ្ងៃត្រង់ មានការគាស់បន្ទប់ចូលមើលទើបដឹងទៅវិញ។ ករណីនេះយ៉ាងណានោះគឺមានតែរង់ចាំ ការស៊ើបអង្កេត ស្រាវជ្រាវរបស់សមត្ថកិច្ច ជំនាញដើម្បីបញ្ជាក់ប៉ុណ្ណោះ៕

ប្រភព៖ FB