ចាប់ឃាត់មន្ត្រីព័ត៌មានខេត្តកំពង់ឆ្នាំងម្នាក់ ពីបទបង្កររបួសស្នាម ដល់យុវជនម្នាក់…

ខេត្តកំពង់ឆ្នាំង ៖ អនុប្រធានការិយាល័យរដ្ឋបាលនៃមន្ទីរព័ត៌មានខេត្តកំពង់ឆ្នាំងម្នាក់ត្រូវបានសមត្ថកិច្ចនគរបាលចាប់ឃាត់ខ្លួនដោយចោទប្រកាន់រួមគំនិតជាមួយបក្សពួកម្នាក់ទៀតដែលប្រើហិង្សា ដោយចេតនាបង្ករបួសស្នាមវាយយុវជនម្នាក់ជាបុគ្គលិករោងចក្រអឹមវ៉េ បណ្តាលឲ្យរងរបួសជាទម្ងន់ ។

ហេតុការនេះបានកើតឡើងនៅវេលាម៉ោង៨និង៣០នាទីយប់ ថ្ងៃទី០៥ ខែកញ្ញា ឆ្នាំ២០១៨ នៅក្នុងលំនៅដ្ឋានជនសង្ស័យម្នាក់ទៀតជាម្ចាស់តាបប៊ីយ៉ា ស្ថិតនៅក្នុងភូមិដំណាក់ពពូល សង្កាត់កំពង់ឆ្នាំង ក្រុងកំពង់ឆ្នាំង ។ យ៉ាងនេះក្តីជនបង្កម្នាក់ទៀតបានរត់គេចខ្លួនបាត់ ។

សមត្ថកិច្ចនគរបាលព្រហ្មទណ្ឌក្រុងកំពង់ឆ្នាំងបានឲ្យដឹងថា ជនសង្ស័យជាអ្នកបង្ករបួសស្នា មដោយចេតនាមានឈ្មោះ ទី សារៈ អាយុ២៨ឆ្នាំ មានឋានៈជាអនុប្រធានការិយាល័យរដ្ឋបាល នៃមន្ទីរព័ត៌មានខេត្តកំពង់ឆ្នាំង និងទី២ មិនទាន់ស្គាល់ឈ្មោះ តែដឹងថា ជាប្អូនបង្កើតរបស់ឈ្មោះ ទី សារៈ និងជាម្ចាស់តាបប៊ីយ៉ា នៅក្នុងភូមិដំណាក់ពពូល សង្កាត់កំពង់ឆ្នាំង ក្រុងកំពង់ឆ្នាំង ។

ចំណែកជងរងគ្រោះមានឈ្មោះ ប្រាក់ ណារិន អាយុ២៩ឆ្នាំ ជាបុគ្គលិករោងចក្រអឹមវ៉េ មានទីលំនៅក្នុងភូមិថ្មី ឃុំជ្រៃបាក់ ស្រុករលាប្អៀរ ។ ប្រភពដដែលបានបន្តថា តាមចម្លើយរបស់សាក្សីឈ្មោះ ប្រាក់ សុភាព អាយុ៣២ឆ្នាំ ជាអ្នកទៅលេងបុកប៊ីយ៉ាជាមួយជនរងគ្រោះបានឲ្យដឹងថា ក្នុងពេលលេងបុកប៊ីយ៉ា ជនរងគ្រោះក៏មានជម្លោះជាមួយអ្នកតុងជាម្ចាស់តាបប៊ីយ៉ា ពេលឈ្លោះប្រកែកគ្នាទៅវិញទៅមក ស្រាប់តែឈ្មោះ ទី សារៈ បានទាញយកដងកឺបុកប៊ីយ៉ា មកវាយចំក្បាលជនរងគ្រោះពីមុខ ខណៈនោះជនដៃដល់ជាប្អូនបង្កើតឈ្មោះ ទីសារៈ ក៏បានយកដងកឺបុកប៊ីយ៉ា១ទៀត មកវាយចំក្បាលជនរងគ្រោះពីក្រោយបណ្តាលឲ្យបែកក្បាលហូរឈាមរងរបួសជាទម្ងន់ ។

បន្ទាប់មកជនរងគ្រោះត្រូវបានបញ្ជូនទៅកាន់មន្ទីរពេទ្យខេត្ត ។ ក្រោយពេលកើតហេតុសមត្ថកិច្ចចាប់ខ្លួនជនសង្ស័យម្នាក់ឈ្មោះ ទី សារៈចំណែកជនសង្ស័យម្នាក់ទៀតបានរត់គេចខ្លួនបាត់ ៕

ប្រភព៖ FB

កម្លាំងប៉ូលីសប៉ុស្តិ៍ដង្កោបង្ក្រាបជនសង្ស័យប្រុស ស្រី៤នាក់ខណៈកំពុងធ្វើសកម្មភាពកាច់កម៉ូតូប្រជាពលរដ្ឋ

រាជធានីភ្នំពេញ ៖ ជនសង្ស័យប្រុសស្រី៤នាក់ ត្រូវបានកម្លាំង នគរបាលព្រហ្មទណ្ឌប៉ុស្តិ៍រដ្ឋបាលដង្កោធ្វើការឃាត់ខ្លួនជាក់ស្តែង ខណៈពួកគេធ្វើសកម្ម ភាពកាច់កម៉ូតូរបស់ប្រជាពលរដ្ឋ នៅចំណុចចំណុចមុខផ្ទះលេខ៦E0 ផ្លូវបេតុងលេខ០១បុរីពិភពថ្មី ស្ថិតនៅភូមិសំបួរ សង្កាត់ដង្កោ ខណ្ឌដង្កោ រាជធានីភ្នំពេញ កាលពីយប់ថ្ងៃទី០៥ ខែកញ្ញា ឆ្នាំ២០១៨ ។

លោក តុន តូនី នាយប៉ុស្តិ៍រដ្ឋបាលដង្កោបានអោយដឹងថាដោយមានការណែនាំពីលោកអធិការខណ្ឌ រូបលោក បានដឹកនាំកម្លាំងល្បាតនៅក្នុងមូលដ្ឋាន ដើម្បីការពារសុវត្ថិភាពរបស់បងប្អូនប្រជាពលរដ្ឋអោយស្របតាមគោលនយោបាយ ភូមិសង្កាត់មានសុវត្ថិភាព ។

លោក តុន តូនី បានបន្ដថា ខណៈកំពុងល្បាត ស្រាប់តែ ប្រទះឃើញជនសង្ស័យប្រុសស្រី៤នាក់ ជិះម៉ូតូពីរគ្រឿងឌុបគ្នាមកធ្វើសកម្មភាពកាច់កម៉ូតូរបស់ប្រជាពលរដ្ឋ ដែលចតទុកនៅមុខផ្ទះ ភ្លាមៗនោះ កម្លាំងក៏ឡោព័ទ្ធត្រង់ទីតាំងកើតហេតុ ឃាត់ក្រុមជនសង្ស័យបាន យកមកស្នាក់ការប៉ុស្តិដង្កោដើម្បីធ្វើការសាកសួរ ។

ក្រោយពីធ្វើការសាកសួរជនសង្ស័យទាំង៤នាក់ត្រូវបាន បញ្ជូនមកឃុំខ្លួនបណ្តោះ អាសន្ននៅអធិការដ្ឋាននគរបាលខណ្ឌដង្កោរង់ចាំកសាងសំណុំរឿងបញ្ជូនបន្តទៅតុលាការផ្តន្ទាទោសតាមនីតិវិធីច្បាប់ ៕

ប្រភព៖ FB

ជំលោះផឹកសុី ទាញដុំថ្មវាយដៃគូរស្លាប់ អូសទម្លាក់ទឹកស្ទឹងសង្កែ ឃាតករត្រូវសមត្ថកិច្ច ចាប់ខ្លួន

បាត់ដំបង៖ ជនដៃដល់ក្នុងអំពើហិង្សាប្រើប្រាស់ដុំថ្មវាយទៅលើជនរងគ្រោះនិងបណ្តាលឲ្យស្លាប់បាត់បង់ជីវិតម្នាក់ ត្រូវបានឃាត់ខ្លួននោះ គឺឈ្មោះ ចាន់ សុហេង ភេទប្រុស អាយុ២៤ឆ្នាំ មានស្រុកកំណើតនៅខេត្តកោះកុង មកស្នាក់នៅបណ្តោះអាសន្ន ភូមិស្លាកែត សង្កាត់ស្លាកែត ក្រុងបាត់ដំបង ខេត្តបាត់ដំបង នៅថ្ងៃទី៥ ខែ កញ្ញា ឆ្នាំ២០១៨នេះ ។

ជនរងគ្រោះដែលស្លាប់បាត់បង់ជីវិតឈ្មោះ ធឿន មករា ហៅស៊ុយ ភេទប្រុស អាយុ៣៣ឆ្នាំ រស់នៅភូមិស្លាកែត សង្កាត់ស្លាកែត ក្រុងបាត់ដំបង ត្រូវបានបាត់ខ្លួន
ចាប់តាំងពីរាត្រីថ្ងៃទី០៣ ខែកញ្ញាឆ្នាំ២០១៨ ដោយមិនមានក្រុមគ្រួសារបានដឹងពីដំណឹងអ្វីទាំងអស់ រហូតដល់ថ្ងៃទី៥ ខែ កញ្ញា ឆ្នាំ២០១៨ ប្រជាពលរដ្ឋនៅស្រុកឯកភ្នំបានប្រទះឃើញសាកសពបុរសម្នាក់អណ្តែតក្នុងទឹកស្ទឹងសង្កែ ឃើញដូច្នេះទើបប្រជាពលរដ្ឋរាយការណ៍ព័ត៌មាននេះជូននគរបាលស្រុកឯកភ្នំ ក្រោយធ្វើការស្រង់សាកសពចេញពីក្នុងទឹកស្ទឹងមក ពិនិត្យលើរាងកាយសាកសពឃើញមានស្លាកស្នាមរបួសដែលនាំទៅដល់ការវាយតម្លៃអំពីស្ថានភាពដែលមានអំពើហិង្សាណាមួយដែលបង្កឡើងចំពោះសាកសពបុរសរូបនេះ។

ផ្តើមចេញពីរូបភាពសាកសពនេះទើបក្រុមគ្រួសាររបស់សពបានដឹង ហើយបានបង្ហាញប្រាប់សមត្ថកិច្ចថាសាកសពមានឈ្មោះធឿន មករា ហៅ ស៊ុយ ភេទប្រុសអាយុ៣៣ឆ្នាំរស់នៅភូមិស្លាកែត សង្កាត់ស្លាកែត ក្រុងបាត់ដំបង ត្រូវបានបាត់ខ្លួនចាប់តាំងពីរាត្រីថ្ងៃទី០៣ខែកញ្ញាឆ្នាំ២០១៨ រហូតមកដោយមិនដឹងមូលហេតុ ។

រសៀលថ្ងៃទី៥ ខែ កញ្ញ ឆ្នាំ២០១៨ដដែលនេះពោលគឺត្រឹមតែរយ:ពេល៤ម៉ោងប៉ុណ្ណោះ ក្រោយពេលសាកសពស្រង់ចេញពីទឹកនគរបាលបានវែកមុខជនដៃដល់ ក្នុងការប្រើហិង្សាបណ្តាលឲ្យជនរងគ្រោះឈ្មោះ ធឿន មករាហៅស៊ុយបាត់បង់ជីវិត មកទទួលខុសត្រូវចំពោះមុខច្បាប់។

ជនដៃដល់ឈ្មោះចាន់ សុហេង បានឆ្លើយសារភាពថានៅរាត្រីថ្ងៃទី០៣ ខែ កញ្ញាឆ្នាំ២០១៨ក្នុងអំឡុងយប់ជ្រៅរំលងអធ្រាត្រខ្លួននិងជនរងគ្រោះមានជម្លោះជាមួយគ្នាក្នុងពេលផឹកស៊ី រហូតខ្លនប្រើប្រាស់ដុំថ្មវាយទៅលើជនរងគ្រោះបណ្តាលឲ្យធ្លាក់ចូលក្នុងទឹកស្ទឹងសង្កែហើយបន្ទាប់មកក៏លិចចូលក្នុងទឹកស្ទឹងបាត់ទៅ ក្រោយពីធ្វើសកម្មភាពហើយខ្លួនក៏សំងំធ្វើហាក់មិនបានដឹងរឿងអ្វីទាំងអស់រហូតដល់ពេលដែលសមត្ថកិច្ចនគរបាលធ្វើការឃាត់ខ្លួន ៕

ប្រភព៖ FB

អាងតែក្នុងបូរី មិនសូវប្រយត្ន័ ចោរលួចរថយន្តសាំយ៉ុងមួយគ្រឿងយកទៅបាត់ នៅក្នុងបុរី «ប៊ុន ជេស្ឋ ព្រែកព្នៅ» ក្នុងខណ្ឌព្រែកព្នៅ

(ភ្នំពេញ)៖ លោក សួន គឺមសេង អាយុ៥៥ឆ្នាំ មានអាសយដ្ឋាននៅភូមិសាមគ្គី សង្កាត់កណ្តាលដុំ ក្រុងច្បារមន ខេត្តកំពង់ស្ពឺ បានបាត់រថយន្តម៉ាក SSANG YONG ១៥កៅអី ពណ៌ស១គ្រឿង នាយប់ នាថ្ងៃទី០៤ ឈានចូលថ្ងៃទី០៥ ខែកញ្ញា ឆ្នាំ២០១៨ នៅក្នុងលំនៅដ្ឋាន «ប៊ុន ជេស្ឋ ព្រែកព្នៅ» ដែលមានទីតាំងនៅខាងលិចផ្សារព្រែកព្នៅ ចម្ងាយ៦០០ម៉ែត្រ តាមបណ្តោយផ្លូវហាណូយ កាត់នៅផ្លូវភ្នំប្រសិទ្ធិ ក្នុងខណ្ឌព្រែកពនៅ។

ម្ចាស់រថយន្តម៉ាក SSANG YONG បានទទូចឲ្យស្នងការនគរបាលរាជធានីភ្នំពេញ នាយឧត្តមសេនីយ៍ ជួន សវុណ្ណ និងសមត្ថកិច្ចមូលដ្ឋានជួយអន្តរាគមន៍ និងជួយតាមរករថយន្តមួយគ្រឿងនេះឲ្យផង ពីព្រោះទើបតែទិញសោះ និងសូមឲ្យបងប្អូនដែលបានឃើញសូមជូនដំណឹងមកលោក តាមរយៈទូរស័ព្ទលេខ ០១២ ២៤៥ ៨៨៧ លោកនឹងមានជូនជាសារគុណផងដែរ។

សូមបញ្ជាក់ថា បើតាមប្រជាពលរដ្ឋរូបនេះ លំនៅដ្ឋាន «ប៊ុន ជេស្ឋ ព្រែកព្នៅ» ពុំមានការយាមល្បាតដោយសន្ដិសុខយាមនោះទេ ហើយក៏មិនទទួលខុសត្រូវទៅលើការបាត់បង់ឡើយ ដូច្នេះសូមប្រជាពលរដ្ឋទាំងឡាយ ដែលរស់នៅក្នុងលំនៅដ្ឋានមួយ មេត្តាប្រុងប្រយ័ត្នឲ្យបានខ្លាំងផងខ្លាចជួបគ្រោះដូចលោក៕

ប្រភព៖ FB

ប្រុងប្រយ័ត្នទាំងអស់គ្នា.! ធ្វើល្បិចជាចូលទិញទូរស័ព្ទ ដល់ម្ចាស់ភ្លឹេចខ្លួនដាក់មេប្រូតយកទូរស័ព្ទទៅបាត់…(មានវិដេអូ)

ធ្លាប់តែឃើញស្តាយលួចបែបនេះនៅស្រុកគេ ឥលូវនៅស្រុកខ្មែរយើងមានដែរហើយសូមបងប្អូនប្រុងប្រយ័ត្នទាំងអស់គ្នា បងប្អូនដែលប្រកបរបរលក់ទូរស័ព្ទដៃទាំងអស់ជ្រាបជាដំណឹងផង ។

កាលពីពេលថ្មីៗនេះ មានការចែកចាយតៗគ្នាជាច្រើននៅក្នុងបណ្តាញសង្គមហ្វេសប៊ុក ទាក់ទងនឹងខ្សែវីដេអូមួយ ដែលថតបានដោយកាមេរ៉ាសុវត្ថិភាព នៅក្នុងហាងទូរស័ព្ទមួយកន្លែងដែលបង្ហាញពីសកម្មភាពរបស់បុរសម្នាក់ បានបន្លំធ្វើជាចូលមករកមើលទិញទូរស័ព្ទនៅក្នុងហាង បន្ទាប់មកខណៈពេលដែលអ្នកលក់កំពុងតែភ្លេចខ្លួន ក៏បុរសជាចោរនោះកាន់ទូរស័ព្ទស្ទុះរត់ចេញពីហាងគេចខ្លួនបាត់តែម្តង។

តាមសំដីម្ចាស់ហាងបានឲ្យដឹងថា “ចោរចូលលួចយកទូសព្ទ័ក្នុងហាង apple gold 2 ជិតស្តុបកោសដូង IPhone X បេីមានមនុស្សដួចរូបខាងលេីយកទៅលក់ call មកខ្ញុំជូន 1000$ ជាសាគុណ កុំទិញទូសព្ទ័ពីគាត់ព្រោះគាត់ជាចោរ កុំអោយមានបញ្ហា បេីប្រាប់ខ្ញុំនឹងជូនសាគុញវិញ Tell 012242241-010242241″ ៕

(មានវិដេអូ)

https://www.facebook.com/plugins/video.php?href=https%3A%2F%2Fwww.facebook.com%2Fbon.tan.31%2Fvideos%2F2240580306170536%2F&show_text=0&width=560

ប្រភព៖ FB

អាសូរពន់ពេក យុវជនម្នាក់ប្រកបរបររត់រ៉ឺម៉ក់កង់៣រកលុយចិញ្ចើមម្ដាយចាស់ជរា ជួបគ្រោះថ្នាក់ចរាចរស្លាប់បាត់បង់ជីវិត ម្ដាយលើកដៃសំពះសប្បុរសជនព្រោះគ្មានថវិកាធ្វើបុណ្យ

ភ្នំពេញ ៖ យុវជនម្នាក់បានជួបគ្រោះថ្នាក់ចរាចរបណ្ដាលអោយស្លាប់បាត់បង់ជីវិតយ៉ាងអណោចអាធ័ម អ្វីដែលគួរអោយសង្វេគនោះក្រុមគ្រួសារជនរងគ្រោះមានជីវភាពខ្វះខាត សូម្បីតែថវិកាទិញមឈូសដាក់សពក៏ពុំមានលទ្ធភាពផង។

ហេតុការណ៍នេះបានកើតឡើងកាលពីវេលាម៉ោង១១យប់ថ្ងៃទី៣ខែកញ្ញាឆ្នាំ២០១៨ តាមបណ្ដោយផ្លូវលេខ៥៩៨ ស្ថិតក្នុងសង្កាត់គីឡូម៉ែត្រលេខ៦ ខណ្ឌឬស្សីកែវ។

ប្រភពព័ត៌មាន ពីកន្លែងកើតហេតុបានអោយដឹងថា ជនរងគ្រោះបានជិះម៉ូតូមួយគ្រឿងម៉ាក PCX ពណ៌ស ពាក់ស្លាកលេខ ភ្នំពេញ 1GI-0423 បានធ្វើដំណើរតាមបណ្ដោយផ្លូវលេខ៥៩៨ ខណៈមកដល់ចំណុចកើតហេតុក៏បានរេចង្កូតបុកបង្គោលភ្លើងបំភ្លឺផ្លូវ បណ្ដាលអោយដួលបោកនិងថ្នល់ស្លាប់តែម្ដង។

ជនរងគ្រោះដែលស្លាប់បាត់បង់ជីវិតមានឈ្មោះ សេង ខេមរិន ភេទប្រុស អាយុ៣០ឆ្នាំ ជាអតីតអ្នកកាត់តវីដេអូនៅផលិតកម្មមហាហង្ស បច្ចុប្បន្នប្រកបរបរ រត់ម៉ូតូរ៉ឺម៉ក់កង់៣ដើម្បីចិញ្ចឹមម្ដាយចាស់ជរា។

អ្វីដែលគួរឲ្យសង្វេគ ក្រុមគ្រួសារសព កំពុងជួបការលំបាកខ្វះខាតលុយកាក់ច្រើនដើម្បីធ្វើបុណ្យ ដោយសារជនរងគ្រោះ មានតែម្ដាយ ហើយជីវភាពខ្សត់ខ្សោយខ្លាំង សូម្បីតែថវិកាទិញក្ដារមឈូសដាក់សពក៏គ្មានផង។

បច្ចុប្បន្នសពជនរងគ្រោះ បានតម្កល់ធ្វើបុណ្យនៅវត្តទឹកថ្លា សង្កាត់ទឹកថ្លា ខណ្ឌសែនសុខ។ អាស្រ័យហេតុនេះ បងប្អូនមិត្តភ័ក្ដិរបស់សព អាចចូលរួមរំលែកទុក្ខ ទៅតាមកម្លាំងសទ្ធាជ្រះថ្លារៀងៗខ្លួន៕

(មានវិដេអូ)

https://www.facebook.com/plugins/video.php?href=https%3A%2F%2Fwww.facebook.com%2Frithy.sovann.5%2Fvideos%2F2235880006623392%2F&show_text=0&width=560

ប្រភព៖ FB

មិនចាញ់បរទេសទេ! ប៉ូលិសខេត្តរតនគិរី ឆ្មក់បង្ក្រាបគ្រឿងញៀន ក្នុងបន្ទប់ខារ៉ាអូខេ “រ៉ូម” នៅក្រុងបានលុង ឃាត់ខ្លួនប្រុសស្រី៨នាក់..

ការិយាល័យប្រឆាំងគ្រឿងញៀនខេត្តរតនគិរី៖ នៅថ្ងៃទី០៣ ខែកញ្ញា ឆ្នាំ២០១៨ វេលាម៉ោង ១៨ និង០០នាទី កំលាំងជំនាញបានចុះបង្រ្កាបករណី ជួញដូរនិងប្រើប្រាស់ដោយខុសច្បាប់នូវសារធាតុញៀន ចំណុចបន្ទប់ខារ៉ាអូខេរ៉ូម ស្ថិតនៅភូមិជ័យជំនះ សង្កាត់ឡាបានសៀក ក្រុងបានលុង ខេត្តរតនគិរី ។

ដោយឃាត់ខ្លួនជនសង្ស័យចំនួន០៨នាក់ ហើយជនសង្ស័យទាំងនោះមានឈ្មោះ ៖

១.ឈ្មោៈ អ៉ិត ស្រីគីម ភេទស្រី អាយុ ១៦ឆ្នាំជនជាតិខ្មែរ

២.ឈ្មោៈ យិន ស្រីនិច្ច ភេទស្រី អាយុ ១៦ឆ្នាំជនជាតិខ្មែរ

៣.ឈ្មោះ ជា ដាវ៉ៃ ភេទប្រុស អាយុ១៨ឆ្នាំ ជនជាតិខ្មែរ

៤.ឈ្មោះស៊ីម ពិសិដ្ឋ ភេទប្រុស អាយុ១៨ឆ្នាំ ជនជាតិខ្មែរ

៥.ឈ្មោះឆាត ពៅ ភេទប្រុស អាយុ១៧ឆ្នាំ ជនជាតិខ្មែរ

៦.ឈ្មោះជឿន មុនីរ័ត្ថ ភេទប្រុស អាយុ១៨ឆ្នាំ ជនជាតិខ្មែរ

៧.ឈ្មោះសុខា ចាន់ ភេទប្រុស អាយុ២៣ឆ្នាំ ជនជាតិខ្មែរ

៨.ឈ្មោះឆាន ចាន់ដារិទ្ធ ភេទប្រុស អាយុ១៧ឆ្នាំ ជនជាតិខ្មែរ

ក្រោយពីបានឃាត់ខ្លួន បានធ្វើតេស្តទឹកនោមលទ្ធផលវិជ្ជមាន(+)ទាំង៨នាក់។

វត្ថុតាងដកហូតរួមមាន៖ ម្សៅក្រាមសថ្លាសង្ស័យសារធាតុញៀនចំនួន០៤កញ្ចប់ទម្ងន់ ៥,៧៦g ទាំងសំបកថង់ទូរសព័្ទ៤គ្រឿងថង់សម្រាប់ច្រកថ្នាំ និងសម្ភារៈមួយចំនួន ៕

បច្ចុប្បន្ន ជនសង្ស័យរួមទាំងវត្ថុតាង ត្រូវកម្លាំងជំនាញបានកសាងសំណុំរឿងបញ្ជូនទៅអយ្យកាអមសាលាដំបូងខេត្តអនុវត្តនិតិវិធីបន្ត៕

(មានវិដេអូ)

https://www.facebook.com/plugins/video.php?href=https%3A%2F%2Fwww.facebook.com%2Femergencysocailnews%2Fvideos%2F479661612500553%2F&show_text=0&width=560

ប្រភព៖ FB

រថយន្តរ៉េងរ៉ូវើ មួយគ្រឿង ឆ្លងប្រព័ន្ធភ្លើង ឆេះបង្កការភ្ញាក់ផ្អើលដល់ នៅខ្លោងទ្វារចូលណាហ្គាវើល

ភ្នំពេញ៖ ហេតុការណ៍នេះបានកើតពីយប់ថ្ងៃទី ៤ ខែកញ្ញា ឆ្នាំ២០១៨ ស្ថិតនៅតាមបណ្តោយផ្លូវព្រះសីហនុ សង្កាត់ទន្លេបាសាក់ ខណ្ឌចំការមន (មុខខ្លោទ្វារចូលណាហ្គាវើល(1)។

មុនពេលកើតហេតុ គេឃើញរថយន្តរ៉េងរ៉ូវើ ពណ៌ស មិនស្គាល់ស្លាកលេខ បានបើកមកដល់មុខខ្លោងទ្វារណាហ្គាវើល ហើយឈប់មួយសន្ទុះ ស្រាប់តែមានផ្សែងហ៊ុយចេញពីខាងមុខរថយន្ត បណ្តាលឲ្យមានអណ្តាតភ្លើងឆេះទ្បើង ផ្អើលដល់សន្តិសុខណាហ្គា និងប្រជាពលរដ្ឋចោមរោមមើល។

ប្រើប្រាស់យកបំពុងបាញ់ពន្លត់អគ្គិភ័យអស់ប្រហែល ២០បំពុងជាង តែនៅមិនរលត់ រួចខាងពន្លត់អគ្គិភ័យរបស់ណាហ្គាវើល បានទាញទុយយោទឹកបាញ់មួយសន្ទុះធំ ទើបរលត់ ៕

ប្រភព៖ FB

ស្រវឹងស្រា ដាល់ប្រពន្ធមួយដៃដាច់ផ្ងារសន្លប់ស្ដូកស្តឹង អ្នកជិតខាងទៅជួយឃាត់ ត្រូវបុរសប្រមឹកនេះទាញកាំបិតប៉័ងតោ កាប់ឲ្យរបួសធ្ងន់២នាក់ទៀត…

ភ្នំពេញ៖ បុរសម្នាក់ ត្រូវប៉ូលីសចាប់ដាក់ខ្នោះក្នុងហេតុការណ៍ហិង្សាក្នុងគ្រួសារ នឹងបង្កររបួសស្នាមដល់អ្នកជិតខាង ដែលកើតឡើងនៅវេលាម៉ោង៩យប់ថ្ងៃទី៤ ខែកញ្ញា ឆ្នាំ២០១៨ នៅចំណុចបន្ទប់ផ្ទះជួលមួយកន្លែង ផ្លូវលំ ក្រុមទី៣៣ ភូមិទួលរកា៣ សង្កាត់ចាក់អង្រែក្រោម ខណ្ឌមានជ័យ រាជធានីភ្នំពេញ។

ជនបង្កហេតុ ឈ្មោះ ខៃ ពិសិទ្ធ ហៅក្រៅ (ចាន់ថា) ភេទប្រុស អាយុ៣០ឆ្នាំជាង មានស្រុកកំណើតនៅភូមិខ្លា ឃុំរកាកោង ស្រុកមុខកំពូល ខេត្តកណ្តាល (ជាប្ដី) ។

រីឯស្ត្រីជាប្រពន្ធឈ្មោះ ផល សារី អាយុ២២ឆ្នាំ មានកូនប្រុសម្នាក់ តែឲ្យទៅនៅជាមួយជីដូន នៅឯស្រុកកំណើត ភូមិឬស្សីជ្រោយ ស្រុកឬស្សីជ្រោយ ខេត្តកណ្តាល និងបច្ចុប្បន្នស្នាក់នៅបន្ទប់ជួលជាមួយគ្នាក្បែរកន្លែងកើតហេតុ។

ចំណែកអ្នកជិតខាងដែលរងរបួសធ្ងន់ទី១ ឈ្មោះ រស្មី អាយុជាង៣០ឆ្នាំ ស្នាក់នៅបន្ទប់ជួលក្បែរកន្លែងកើតហេតុ និងម្នាក់ទៀតជាសាច់ថ្លៃ សុំមិនបញ្ចេញឈ្មោះ ត្រូវមួយកាំបិតចំថ្ងាស។

តាមការបំភ្លឺរបស់ស្ត្រីជនរងគ្រោះ បានឲ្យដឹងថា មុនពេលកើតហេតុ រូបនាងបានត្រលប់មកពីធ្វើការរោងចក្រវិញ ពេលមកដល់បន្ទប់ក៏បើកទ្វារចូលទៅឃើញមានចានឆ្នាំងប្រលាក់រួចក៏ប្រមូលលាង ប្រហែលជាមួយសន្ទុះក្រោយមក ប្តីរបស់នាងបានមកពីផឹកស៊ី ទាំងមានសភាពស្រវឹងស្រាទន់ខ្លួន រួចបានមកសួរនាំរករឿងរូបនាង តែដោយសារខ្លាចមានរឿង ទើបមិនសូវឆ្លើយជាមួយនិងប្តី ហើយភ្លាមនោះប្តីរបស់នាងក៏ខឹងនិងឈ្លោះទាស់សម្ដីគ្នាពេញក្នុងបន្ទប់ ផ្អើលដល់អ្នកស្នាក់នៅបន្ទប់ជួលជិតនោះចេញមកមើលតែម្តង ។

ជនរងគ្រោះបន្តទៀតថា ភ្លាមនោះប្ដីរបស់ខ្លួនក៏ស្រែកដាក់អ្នកជិតខាងទាំងនោះថា “រឿងប្ដីប្រពន្ធខ្ញុំទេ ខ្ញុំឈ្លោះយប់ហ្នឹង ស្អែកឡើងត្រូវគ្នាវិញហើយ” ដោយសារតែមិនចង់ឲ្យមានរឿងទើបនាងអូសដៃប្ដីឲ្យចូលក្នុងបន្ទប់ ស្រាប់តែកើតជម្លោះម្តងទៀតរហូតក្លាយជាអំពើហិង្សា ដោយប្ដីរបស់នាងបានដាល់នាងមួយដៃដាច់ផ្ងារ បែកអំពិលអំពែកតែម្ដង ឃើញដូច្នេះទើបអ្នកជិតខាង និងបងៗសាច់ថ្លៃ នាំគ្នាចូលមកជួយឃាត់ប្តីរបស់នាង នឹងបានប្រទាញប្រទង់រុញគ្នាទៅមក ហើយក៏នាំរូបនាងចេញទៅបន្ទប់របស់សាច់ថ្លៃនាងនៅជិតនោះវិញ រួចលាបប្រេងកូឡា ។

ស្រ្តីរងគ្រោះបន្តថា បន្តិចក្រោយមកប្ដីរបស់នាង ក៏បានដើរមកសួររកនាង ចង់នាំទៅបន្ទប់វិញ តែត្រូវបុរសរងគ្រោះខាងលើម្នាក់ដែលមិនបញ្ចេញឈ្មោះ (ត្រូវជាប្តីរបស់សាច់ថ្លៃនាង) ហាមឃាត់មិនឲ្យទៅទេព្រោះខ្លាចបុរសជាប្តីវាយធ្វើបាបទៀត ទើបប្ដីរបស់នាងខឹងក៏ទៅយកកាំបិតប៉័ងតោ លាក់ក្រោយខ្នងមកកាប់ទៅលើបុរសរងគ្រោះចំក្បាលផ្នែកខាងមុខ និងកាប់ចំបុរសម្នាក់ទៀតឈ្មោះរស្មី ដែលជាអ្នកជិតខាង របួសធ្ងន់ដាច់សាច់ស្មាខាងឆ្វេង ឈាមហូរជោគខ្លួនតែម្តង ។ ភ្លាមនោះអ្នកជិតខាងទ្រាំមិនបានក៏ព្រួតវាយម្នាក់មួយដៃមួយជើង បណ្ដាលឲ្យរបួសបែកមុខបែកមាត់ និងពកក្បាលជាច្រើនកន្លែងដែរ និងដកយកកាំបិតចេញមកទុក រួចរាយការណ៍ប្រាប់កម្លាំងសមត្ថកិច្ចប៉ុស្តិ៍ចាក់អង្រែក្រោម ចុះមកឃាត់ខ្លួនបុរសជាប្តីតែម្តង ។

ក្រោយកើតហេតុ បុរសរងគ្រោះទាំង២នាក់ និងស្ត្រីជាប្រពន្ធដែលជាជនរងគ្រោះផងនោះ ត្រូវអ្នកជិតខាងនាំគ្នាជួយដឹកតាមម៉ូតូបញ្ជូនទៅគ្លីនិកឯកជន ដើម្បីសង្គ្រោះនិងព្យាបាលផងដែរ ។ លុះនៅព្រឹកថ្ងៃទី៥ ខែកញ្ញា ឆ្នាំ២០១៨ ភាគីបុរសរងគ្រោះទាំង២នាក់ និងស្ត្រីរងគ្រោះជាប្រពន្ធ បាននាំគ្នាមកប៉ុស្តិ៍ ដើម្បីសុំសម្របសម្រួលគ្នាចេញថ្លៃព្យាបាលរបួស រួចឲ្យសមត្ថកិច្ចធ្វើកិច្ចសន្យាអប់រំនិងផ្ដិតមេដៃ នៅចំពោះមុខសមត្ថកិច្ច ដើម្បីបញ្ចប់រឿងតែម្តង ៕

ប្រភព៖ FB

ព្រះមហាក្សត្រនៃព្រះរាជាណាចក្រកម្ពុជា ជំរុញរដ្ឋសភា និងរាជរដ្ឋាភិបាលអាណត្តិថ្មីខិតខំបំពេញភារកិច្ចបម្រើប្រជាពលរដ្ឋ

ព្រះករុណាព្រះបាទ សម្តេច ព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា បានជំរុញដល់រដ្ឋសភា និងរាជរដ្ឋាភិបាលអាណត្តិថ្មីត្រូវខិតខំបំពេញភារកិច្ចបម្រើប្រជាពលរដ្ឋ ស្របតាមឆន្ទៈ និងការទុកចិត្តរបស់ប្រជាជននៅក្នុងការបោះឆ្នោតកាលពីថ្ងៃទី២៩ ខែកក្កដា។

ព្រះអង្គបានមានព្រះបន្ទូលយ៉ាងដូច្នេះថា៖ ជាឪកាសដ៏មហាវិសេសវិសាល ដែលរដ្ឋសភា នីតិកាលទី៦ ប្រារព្វបើកសម័យប្រជុំដំបូងរបស់ខ្លួន ស្របទៅតាម កាលកំណត់របស់ធម្មនុញ្ញនៃព្រះរាជធាណចក្រកម្ពុជា បន្ទាប់ពីតំណាងរាស្ត្រទាំងអស់ ត្រូវបានជ្រើសរើសតាំងដោយការបោះឆ្នោត កាលពីថ្ងៃទី ២៩ ខែកក្តដា ឆ្នាំ ២០១៨ កន្លងទៅនេះ ។

ក្នុងឪកាសដ៏ឧត្តុងឧត្តម នេះ ខ្ញុំសូមសម្តែងនូវក្តីសោមនស្សរីករាយ ចូលរួមអបសាទរពិធីបើកសម័យប្រជុំដំបូងនៃរដ្ឋសភា នីតិកាលទី៦ និងសូមសម្តែងនូវអំណរសាទរដ៏កក់ក្តៅជូនចំពោះ សមាជិក សមាជិការរដ្ឋសភា ទាំងអស់ ដែលប្រជាពលរដ្ឋបានសម្តែង នូវឆន្ទះ និងជំនឿទុកចិត្តតាមរយៈការបោះឆ្នោតកន្លងទៅនេះ ។

ចាប់ពីពេលដែលរដ្ឋសភាបានចាប់បដិសន្និជាថ្មីនាឆ្នាម ១៩៩៣ រហូតមកដល់ពេលនេះ មានរយៈពេល ២៥ឆ្នាំកន្លងមកហើយ កម្ពុជាបានក្លាយពីការបែកបាក់ជាតិ និងការបែងចែកទឹកដី ទៅជាប្រទេសដែលមានសន្តិភាព ស្ថិរភាព និងអភិវឌ្ឍគ្រប់វិស័យ ដែលធ្វើឲ្យប្រជាពលរដ្ឋបានរស់នៅប្រកបដោយក្តីសង្ឃឹម និងសុខក្សេមក្សាន្ត។

រដ្ឋសភាដែលជាអង្គការមានអំណាចនីតិប្បញ្ញតិ្ត និងបន្តបំពេញភារកិច្ចរបស់ខ្លួនដូចមានកំណត់ក្នុងរដ្ឋធម្មនុញ្ញ និងច្បាប់ជាធរមាន ដើម្បីបន្តនិរន្តភាពនយោបាយ សេដ្ឋកិច្ច សង្គមកិច្ច វប្បធម៌ កសាង ព្រះរាជាណាចក្រកម្ពុជា ជារដ្ឋដ៏រឹងមាំ និងជឿនលឿន ដោយផ្អែកលើច្បាប់ ធានាការអនុត្តន៍ច្បាប់ ដោយស្មើភាពសម្រាប់ប្រជាពលរដ្ឋគ្រប់រូប និងធានាការពារលើកស្ទួយសិទ្ធិសេរីភាពគ្រប់បែបយ៉ាងរបស់ប្រជាពលរដ្ឋ ។

តំណាងរាស្រ្តក្នុងរដ្ឋសភា ជាតំណាងប្រជាជាតិខ្មែរទំាងមូល ធ្វើយ៉ាងណាខិតខំប្រឹងប្រែងបន្ថែមទៀត ជួយប្រជាពលរដ្ឋឲ្យរស់នៅបានស្មើភាពគ្នាក្នុងជំនឿសាសនា ការសិក្សារៀនសូត្រ និងការមានការងារធ្វើសមរម្យទៅតាមកម្លាំងសមត្ថភាព និងកំរិតវិជ្ជារបស់ខ្លួន ។

ច្បាប់ទាំងឡាយដែលរដ្ឋសភាបនាអនុម័ត គឺជាឧបករណ័គតិយុត្តិសម្រាប់រាជរដ្ឋាភិបាលអនុវត្ត និងលើកកម្ពស់នីតីរដ្ឋ សំដៅឲ្យប្រទេសយើងមានក្របខ័ណ្ឌច្បាប់គ្រប់គាន់ និងល្អ ស្របតាមការវិវឌ្ឍន៍រីកចំរើនរបស់សង្គមជាតិ ។

ខ្ញុំមានជំនឿយ៉ាងមុតមាំថា រាជរដ្ឋាភិបាលកម្ពុជាអាណត្តិថ្មី ដែលនឹងទទួលការទុកចិត្តពីរដ្ឋសភា និងបំពេញភារកិច្ចតាមគោលនយោបាយ បន្តជំរុញកំណើនសេដ្ឋកិច្ច លើកម្ពស់កំរិតជីវភាពរបស់ប្រជាពលរដ្ឋបន្តអភិវឌ្ឍ និងពង្រឹងប្រព័ន្ធការពារសង្គម ដែលមានវិសាលភាពគ្របដណ្តប់ប្រជាពលរដ្ឋគ្រប់រូប និងករអភរិក្ស និងអភិវឌ្ឍន៍វប្បធម៌ដោយចីរភាព ដើម្បីធានាអត្ថិភាពដ៏រឹងមាំនៃអត្តសញ្ញាណជាតិ ។

ដើម្បីសម្រេចភារកិច្ចដ៏ឧត្តុងឧត្តមនេះ ប្រជាជាតិកម្ពុជាមានឯកភាព និងសាមគ្គីភាពជាតិខ្អស់ដោយឈរលើស្មារតីបង្រួបបង្រួមជាតិ និងប្រកាន់ខ្ជាប់នូវព្រហ្មវិហារធម៌៤ គឺមេត្តា ករុណា មុទិតា និងឧបេក្ខា ។

យោងតាមសេចក្តីជូនដំណឹងរបស់រដ្ឋសភា បានឲ្យដឹងថា ការប្រារព្ធពិធីបើកសម័យប្រជុំលើកដំបូងថ្ងៃនេះ ចាប់ផ្តើមឡើងនៅវេលាម៉ោង៨ព្រឹក។ បន្ទាប់ពីពិធីបើកសម័យប្រជុំដំបូងរួចរាល់ ពិធីបើកសម័យប្រជុំលើកទី១ នឹងចាប់ផ្តើមការងាររបស់ខ្លួនក្រោមអធិបតីភាពសម្តេចអគ្គពញាចក្រី ហេង សំរិន ប្រធានរដ្ឋសភា ដើម្បីសម្រេចអំពីសុពលភាពនៃអាណត្តិរបស់សមាជិកនីមួយៗ និងការអនុម័តបទបញ្ជាផ្ទៃក្នុងរបស់រដ្ឋសភានីតិកាលទី៦។

លុះនៅពេលរសៀលតំណាងរាស្ត្រទាំង១២៥រូប នឹងចូលទៅកាន់ព្រះបរមរាជវាំង ដើម្បីធ្វើពិធីសច្ចាប្រណិធាននៅចំពោះព្រះភក្ត្រមហាក្សត្រខ្មែរមុននឹងចាប់ផ្តើមបំពេញការងាររបស់ខ្លួន។

ដោយឡែកសម្រាប់ថ្ងៃបន្ទាប់វិញ ពោលគឺថ្ងៃទី០៦ ខែកញ្ញា រដ្ឋសភានឹងធ្វើការបោះឆ្នោតជ្រើសតាំងក្បាលម៉ាស៊ីនរដ្ឋសភារួមមាន៖ ប្រធាន អនុប្រធានរដ្ឋសភា ប្រធាន អនុប្រធានគណៈកម្មាធិការជំនាញនៃរដ្ឋសភា និងផ្តល់សេចក្តីទុកចិត្តចំពោះក្បាលម៉ាស៊ីនរាជរដ្ឋាភិបាលអាណត្តិថ្មីផងដែរ៕