បង្ក្រាបការនាំចូលនំកញ្ចប់ក្លែងក្លាយពីវៀតណាម ជាច្រើនកេស តាមច្រកព្រំដែន ក្នុងស្រុកកោះធំ…(មានវិដេអូ)

(កណ្តាល)៖ នំកញ្ចប់ក្លែងក្លាយជាច្រើន ដែលបង្ក្រាបបានពីក្រុមឈ្មួញនាំចូលពីប្រទេសវៀតណាម តាមច្រកព្រំដែន ក្នុងស្រុកកោះធំ ដែលធ្វើឲ្យប៉ះពាល់ដល់សុខភាពយ៉ាងធ្ងន់ធ្ងរ។

ជាពិសេសនំទាំងនេះ សម្រាប់ក្មេងៗបរិភោគ និងជាប្រភេទនំកញ្ចប់ មីកញ្ចប់ និងចាហួយទឹកជាដើម ការបង្ក្រាបនេះធ្វើឡើងនៅថ្ងៃទី៨ ខែកញ្ញា ឆ្នាំ២០១៨នេះ បានបង្ហាញ។

មុនដំបូងកម្លាំងនគរបាលការិយាល័យប្រឆាំងបទល្មើសសេដ្ឋកិច្ច សហការជាមួយនគរបាលតាមព្រំដែន បានចាប់ឃាត់រថយន្តមួយគ្រឿង ដឹកនំយ៉ាងពេញព្រៀបពីវៀតណាមមកស្តុកនៅស្រុកកោះធំ។

នគរបាលក្រោមការសម្របសម្រួលពីតំណាងអយ្យការ បានចុះទៅឆែកឆេរនៅតីតាំងស្តុកនំក្លែងក្លាយទាំងនេះ ដោយរកឃើញនំជាច្រើនផ្សេងទៀត និងបន្តចាប់រថយន្ត២គ្រឿងទៀត។

នំក្លែងក្លាយទាំងនេះពិតជាធ្វើឲ្យប៉ះពាល់ដល់សុខភាពយ៉ាងធ្ងន់ធ្ងរ ជាពិសេសក្មេងៗ រហូតអាចធ្វើឲ្យស្លាប់ទៀតផង។ ជាមួយគ្នានេះ នគរបាល សូមអំពាវនាវដល់ក្រុមឈ្មួញទាំងអស់ ត្រូវបញ្ឈប់ជាបន្ទាន់ការនាំចូលប្រភេទនំក្លែងក្លាយទាំងនេះ ដែលធ្វើឲ្យប៉ះពាល់ដល់សុខភាពរបស់បរិភោគយ៉ាងខ្លាំង និងព្រមានចាត់វិធានការតាមច្បាប់ចំពោះជនដែលនៅតែរឹងទទឹង៕

(មានវិដេអូ)

https://www.facebook.com/plugins/video.php?href=https%3A%2F%2Fwww.facebook.com%2F100023713415005%2Fvideos%2F297573491043096%2F&show_text=0&width=560

ប្រភព៖ FB

រន្ធត់ណាស់..! ក្មេងតូចក្នុងគ្រួសារក្រីក្រម្នាក់ ដែលបានលេបត្រីអណ្តាតឆ្កែចូលបំពង់ខ្យល់ កុំតែបានមន្ទីពេទ្យបង្អែកជ័យជំនះខេត្តកណ្តាលជួយសង្គ្រោះទាន់ កុំក្មេងប្រុសរូបនេះនឹងស្លាប់មិនខាន…(មានវិដេអូ)

កាលពីពេលថ្មីៗនេះ មន្ទីពេទ្យបង្អែកជ័យជំនះខេត្តកណ្តាល បានជួយសង្គ្រោះក្មេងតូចក្នុងគ្រួសារក្រីក្រម្នាក់ ដែលបានលេបត្រីអណ្តាតឆ្កែចូលបំពង់ខ្យល់ ហើយស្លាក់ប្រសិនបើមិនមានការជួយសង្គ្រោះពីគ្រូពេទ្យទេ ក្មេងប្រុសរូបនេះនឹងស្លាប់មិនខាន ។

យោងតាមគណនីហ្វេសប៊ុកឈ្មោះ Phany Sreng បានឱ្យដឹងថា ថ្ងៃនេះគ្រូពេទ្យនៅផ្នែក ORL នៃមន្ទីពេទ្យបង្អែកជ័យជំនះខេត្តកណ្តាល បានជួយសង្រ្គោះជីវិតក្មេងប្រុសអាយុ១០ខែម្នាក់ដែលក្រីក្រណាស់ លេបត្រីអណ្តាតឆ្កែចូលបំពង់ខ្យល់ ។ បើមកមិនទាន់ពេលទេក្មេងនឹងស្លាប់ហើយ ។ អ្នកម្តាយគ្រប់រូបគប្បីប្រយ័ត្នផងណា !!!» ។

ជាមួយគ្នានេះដែរ ក្រៅតែអំពីការយកចិត្តសង្គ្រោះដោយយកចិត្តទុកដាក់ហើយនោះ ក្រុមគ្រួពេទ្យមិនបានយកប្រាក់ពីម្ដាយក្មេងរងគ្រោះឡើយ ដោយសារតែជីវភាពគាត់ក្រីក្រី ហើយថែមទាំងផ្ដល់ជាថ្នាំសង្កូវបន្ថែមទៀតផងដែរ ដែលសកម្មភាពនេះ ត្រូវបានទទួលការកោតសរសើរយ៉ាងខ្លាំងពីសំណាក់មហាជន ជាពិសេសអ្នកដែលនិយមតាមដានបណ្ដាញទំនាក់ទំនងសង្គហ្វេសប៊ុក ៕

(មានវិដេអូ)

https://www.facebook.com/plugins/video.php?href=https%3A%2F%2Fwww.facebook.com%2Fncnkhnews%2Fvideos%2F2183155975268491%2F&show_text=0&width=560

ប្រភព៖ FB

អាណោចអាធមន៍ណាស់..! យុវតីវ័យក្មេង ម្នាក់ស្លាប់បាត់បង់ជីវិត ខណៈជិះម៉ូតូទាក់ដៃចង្កូតម៉ូតូមួយគ្រឿងទៀត រួចដួលក៏ត្រូវរ៉ឺម៉កកង់បី កិនចំក្បាលស្លាប់ភ្លាមមួយរំពេច…(ចុចអានបន្ត)

ភ្នំពេញ៖ មានគ្រោះថ្នាក់ចរាចរណ៍មួយ បណ្តាលអោយយុវតីវ័យក្មេង ម្នាក់ស្លាប់បាត់បង់ជីវិត យ៉ាងអាណោចអាធមន៍ ខណៈជិះម៉ូតូទាក់ដៃចង្កូតម៉ូតូមួយគ្រឿងទៀត រួចដួលក៏ត្រូវរ៉ឺម៉កកង់បី កិនចំក្បាលស្លាប់ភ្លាមមួយរំពេច ក្រោយមករ៉ឺម៉កបានព្យាយាមបើកគេចខ្លួនបាត់ ដោយគ្មានអ្នកបើកតាមជួយឃាត់។

ហេតុការណ៍ដ៏រន្ធត់នេះ នៅវេលាម៉ោង៨និង៤០នាទី ព្រឹកថ្ងៃទី ០៨ កញ្ញា ២០១៨ នៅតាមបណ្តោយផ្លូវ ព្រះមុនីវង្ស មុខក្រុមហ៊ុនហុងដា ស្ថិតក្នុងសង្កាត់ទន្លេ បាសាក់ ខណ្ឌចំការមន ។

យុវតីរងគ្រោះ ឈ្មោះ លី សៀវហ្វុង អាយុជាង២០ឆ្នាំ មុខរបរសិស្ស ស្នាក់នៅផ្ទះ សង្កាត់ច្បារអំពៅ ខណ្ឌច្បារអំពៅ ភ្នំពេញ ។

ជិះម៉ូតូម៉ាក ហុងដារស្កុបពី ពណ៍ស ពាក់ស្លាកលេខភ្នំពេញ 1FA-1335 ធ្វើដំណើរពីជើងទៅត្បូង ស្របគ្នាជាមួយរ៉ឺម៉កកងបី តាមបណ្តោយផ្លូវព្រះមុនីវង្ស លុះមកដល់ចំណុចកើតហេតុខាងលើ ស្រាប់តែប៉ះម៉ូតូដៃជាមួយម៉ូតូមួយគ្រឿងទៀត បណ្តាលអោយដួលស្របគ្នានោះ ក៏មានរ៉ឺម៉កកង់បីមកដល់ កិនចំក្បាលបែកឈាម ស្លាប់មួយរំពេចតែម្តង ក្រោយបង្កររួច ម៉ូតូរ៉ឺម៉កមិន បានឈប់នោះទេ បន្ថែមល្បឿនរត់បាត់ តែសោតស្តាយបំផុត គឺគ្មាន នរណាម្នាក់ហ៊ានដេញជួយឃាត់រ៉ឺម៉កកង់បី នោះ មកទទួលខុសត្រូវ ៕

សង្សយ័ស្រវឹង យុវតីរូបស្រស់ស្អាតម្នាក់បើករថយន្ត Mazda ល្បឿនលឿនរេចង្កូតទៅបុកក្បាលនាគកណ្ដាលទ្រូងផ្លូវ

ភ្នំពេញៈ គ្រោះថ្នាក់ចរាចរណ៍នេះ បានកើតឡើងនៅវេលាម៉ោង១២រំលងអធ្រាត្រឈានចូលថ្ងៃសៅរ៍ ទី៨ ខែកញ្ញា ឆ្នាំ២០១៨ ស្ថិតនៅតាមបណ្តោយផ្លូវជាតិ៥៩៨ សង្កាត់ទួលសង្កែ ខណ្ឌឫស្សីកែវ រាជធានីភ្នំពេញ។

រថយន្ត Mazda ស៊េរីទំនើបមួយគ្រឿង បើកបរដោយយុវតីរូបស្រស់ស្អាតម្នាក់ ទំនងស្រវឹងផង ក្នុងល្បឿនយ៉ាងលឿន បានរេចង្កូតទៅបុកក្បាលនាគកណ្ដាលទ្រូងផ្លូវយ៉ាងពេញទំហឹង។

ដោយរថយន្តមិនទាន់អស់ល្បឿន ក៏ជ្រុលទៅមុខប្រហែល២០ម៉ែត្រទៀត ទើបឈប់ទៅមុខលែងរួច បណ្តាលឲ្យរថយន្តរងការខូចខាតផ្នែកខាងមុខយ៉ាងដំណំ និងទ្រូងផ្លូវបានខ្ទាតបាក់អស់១កង់ តែសំណាងល្អមិនបណ្ដាលឲ្យមនុស្សរងរបួសឡើយ។

នៅមុនពេលកើតហេតុ គាត់បានឃើញរថយន្តមួយគ្រឿងម៉ាក Mazda ស៊េរីទំនើប ពណ៌ខ្មៅ ពាក់ស្លាកលេខ ភ្នំពេញ 2AQ-7173 បើកបរដោយយុវតីរូបស្រស់ស្អាតម្នាក់ មើលទៅទំនងស្រវឹងស្រាផង បានធ្វើដំណើរតាមបណ្តោយផ្លូវ៥៩៨ ទិសដៅពីត្បូងទៅជើងក្នុងល្បឿនលឿន។

លុះមកដល់ចំណុចកើតហេតុ មិនដឹងថា អ្នកបើកបររវល់ធ្វើអ្វីនោះទេ ស្រាប់តែរថយន្តរេចង្កូតជ្រុលទៅបុកក្បាលនាគថ្មកណ្ដាលទ្រូងផ្លូវពេញទំហឹងតែម្ដង បណ្តាលឲ្យរថយន្តរងការខូចខាតផ្នែកខាងមុខយ៉ាងដំណំ ហើយរថយន្តមិនទាន់អស់ល្បឿនបានបន្តដំណើរទៅមុខប្រហែល២០ម៉ែត្រទៀត ទើបឈប់ ព្រោះបើកទៅមុខលែងរួច។

ចំណែកទ្រូងផ្លូវបានខ្ទាតចេញពីផ្លូវបាក់អស់ចំនួន១កង់ តែសំណាងល្អមិនបណ្ដាលឲ្យនារីរូបស្រស់ខាងលើរងរបួសអ្វីឡើយ។ យុវតីរូបស្រស់ ដែលជាអ្នកបើករថយន្តបង្កបានប្រមូលសុម្ភារៈ និងរបស់មានតម្លៃទុកក្នុងកាបូប រួចប្រញាប់ប្រញាល់ចុះពីរថយន្ត រួចហៅរ៉ឺម៉កកង់បីជិះចេញពីកន្លែងកើតហេតុបាត់ទៅ៕

ប្រភព៖ FB

ចោរឆក់២នាក់ជួបស៊យ ត្រូវពលរដ្ឋដេញចាប់បានវាយប៉ោងមុខ ប៉ោងមាត់ របួសពេញខ្លួន រួចប្រគល់ឲ្យសមត្ថកិច្ច..(មានវិដេអូ)

ភ្នំពេញ៖ ហេតុនេះបានបង្កការភ្ញាក់ផ្អើលកាលពីវេលា ម៉ោង២រំលងអាធ្រាត្រ ឈានចូលថ្ងៃទី៨ខែកញ្ញាឆ្នាំ២០១៨នៅ តាមបណ្ដោយផ្លូវបេតុង ក្នុងសង្កាត់ស្រះចក ខណ្ឌដូនពេញ ។

ប្រភពព័ត៌មានពីជនរងគ្រោះបានអោយដឹងថា នៅមុនពេលកេីតហេតុ រូបគេបានជិៈម៉ូតូ ជាមួយសង្សារ តាមបណ្ដោយផ្លូវព្រះសីហានុ ចំណុចហាងលក់ផ្លែឈេីមួយកន្លែង ក្នុងខណ្ឌចំការមន។

ដោយបុរសជាសង្សាបានដកទូរស័ព្ទមកនិយាយ ភ្លាមនោះក៏ត្រូវជនសង្ស័យពីរនាក់ជិៈម៉ូតូឌ្រីមសង់មកឆាបជិត ហេីយបានឆក់ទូរស័ព្ទIpone 6 Plush ពីជនរងគ្រោះ រួចព្យាមបេីករត់គេចតែត្រូវបានពលរដ្ឋនិងសម្ថតកិច្ច ដេញតាមពីក្រោយហេីយធ្វេីការឃាត់ខ្លួនបានត្រង់ចំណុចវិហារ អ៊ីស្លាម ក្នុងសង្កាត់ស្រះចក ខណ្ឌដូនពេញ រាជធានីភ្នំពេញ រួចក៏មានការវាយតប់តិចតួច។

ជនសង្ស័យទាំងពីរនាក់ទី១មានឈ្មោះ ពេជ្រសាល កុម្ភៈ ភេទប្រុស អាយុ២៩ឆ្នាំ មុខរបរមិនច្បាស់លាស់ មានស្រុកកំណេីតនៅស្រុកកំពូល ខេត្តកណ្ដាល ។

ទី២ឈ្មោះ ឃៀងម៉េង លៀង ភេទប្រុស អាយុ២៤ឆ្នាំមុខរបរបេីករថយន្ត ជនសង្ស័យទាំងជិៈម៉ូតូម៉ាកហុងដា ឌ្រីមសង់ សេ១២៥ ពណ៌ខ្មៅ សេរីឆ្នាំ២០១៦ ពាក់ស្លាកលេខ ភ្នំពេញ1FZ.8433.ជាមធ្យោបាយប្រព្រឹត្តបទល្មើស។

បច្ចុប្បន្នជនសង្ស័យទាំងពីរនាក់ត្រូវបានសមត្ថកិច្ចកសាងសំណុំរឿងចាត់ការបន្តតាមនីតិវិធីច្បាប់៕

(មានវិដេអូ)

https://www.facebook.com/plugins/video.php?href=https%3A%2F%2Fwww.facebook.com%2Femergencysocailnews%2Fvideos%2F2179267472328960%2F&show_text=0&width=560

ប្រភព៖ ព័ត៍មានបន្ទាន់ៗជួយសង្គម

នគរបាលបានស្រាវជ្រាវឈានដល់ការចាប់ខ្លួនជនសង្សយ័ជាជនជាតិចិនចំនួន២នាក់ ដែលជាជនដៃដល់ធ្វើសកម្មភាពប្រើប្រាស់អាវុធបាញ់ជនជាតិចិនដូចគ្នា បណ្តាលឲ្យរងរបួសចំនួន៤នាក់…(មានវិដេអូ)

ខេត្តព្រះសីហនុ៖ នគរបាលបានស្រាវជ្រាវឈានដល់ការចាប់ខ្លួនជនសង្សយ័ជាជនជាតិចិនចំនួន២នាក់កាលពីម៉ោងជិត១១យប់ថ្ងៃទី៥ខែកញ្ញា២០១៨ នៅក្នុងក្រុងព្រះសីហនុ ដែលជាជនដៃដល់ធ្វើសកម្មភាពប្រើប្រាស់អាវុធបាញ់ជនជាតិចិនដូចគ្នា បណ្តាលឲ្យរងរបួសចំនួន៤នាក់ នៅក្រុងព្រះសីហនុ កាលពីយប់ថ្ងៃទី១៦ខែកក្កដា ឆ្នាំ២០១៨កន្លងទៅ ក្នុងនោះនគរបាលដកបានកាំភ្លើងចំនួន២ដើមផងដែរ។

ជនសង្ស័យ ទាំង០២នាក់៖
១-ឈ្មោះ REN HAI JUN ភេទប្រុស អាយុ ៤៦ ឆ្នាំ ជនជាតិចិន កាន់លិខិតឆ្លងដែនលេខ E០១១១៥៤៣៤ មុខរបរ មិនពិតប្រាកដ មានទីលំនៅ មិនពិតប្រាកដ ។

២-ឈ្មោះ WU HAI ZHU ភេទប្រុស អាយុ ៣០ ឆ្នាំ ជនជាតិចិន កាន់លិខិតឆ្លងដែនលេខ E៩២១១១៩៨៥ មុខរបរ មិនពិតប្រាកដ មានទីលំនៅ មិនពិតប្រាកដ។

ជនរងគ្រោះចំនួន ០៤នាក់ ៖
១-ឈ្មោះ ZHANG KUN ប្រុស អាយុ ៣៩ឆ្នាំ ជនជាតិចិន ត្រូវចំភ្លៅខាងស្តាំ ។
២-ឈ្មោះ YANG HUAIHUN ប្រុស អាយុ ៤១ឆ្នាំ ជនជាតិចិន ត្រូវចំក្បាលជង្គង់ខាងស្តាំ ។

៣-ឈ្មោះ YANG JUN GING ប្រុស ២៧ឆ្នាំ ជនជាតិចិន ត្រូវចំចុងភ្លៅស្តាំ , និងដើមកំភួនជើងខាងឆ្វេង ។
៤-ឈ្មោះ LIU WEIMIN ប្រុស អាយុ៣៣ឆ្នាំ ជនជាតិចិន ត្រូវចំភ្លៅខាងស្តាំ ។

ជនរងគ្រោះទាំង ០៤នាក់ ស្នាក់នៅវិមានខ្សាច់មាស ចូលមកទេសចរណ៍ កាលពីថ្ងៃទី១៤.០៧.២០១៨ បានបញ្ជូនទៅព្យាបាលនៅគ្លីនិកសេតេ បច្ចុប្បន្នបានត្រឡប់ទៅប្រទេសចិនវិញហើយ ។

សូមបញ្ជាក់ថា ជនដៃដល់បានបាញ់ប្រហារទៅលើជនរងគ្រោះ ពេលកំពុងផឹកស៊ីនៅក្នុងហាង «ស៊ី ហ៊ូ»ក្នុងសង្កាត់លេខ៣ក្រុងព្រះសីហនុ បណ្តាលឲ្យជនរងគ្រោះ៤នាក់ រងរបួសលើដងខ្លួន និងជើង រួចបានរត់គេចខ្លួន តែទីបំផុតត្រូវបានសមត្ថកិច្ចចាប់ខ្លួនយកមកផ្តន្ទាទោសតាមច្បាប់។

តាមចម្លើយសារភាពបឋម ក្រុមជនសង្សយ័អោយនគរបាលដឹងថា ពួកគេខឹងនឹងជនរងគ្រោះដែលបាននិយាយប្រមាថមើលងាយពួកគេ ថាពួកគេជាមនុស្សដើរមិនត្រង់ផ្លូវ ដើរវៀចៗបែបនេះមិនមែនជាមនុស្សល្អ ទើបពួកគេបាញ់ទៅលើជនរងគ្រោះតែម្តង ។

ចំពោះកាំភ្លើងរូបគេបានទិញពីជនមិនស្គាល់មុខ ក្នុង១ដើមតម្លៃ៣,៨០០ដុល្លា ហើយពេលធ្វើសកម្មភាពរួច ពួកគេបានយកទៅកប់នៅក្នុងដីស្ថិតនៅក្រុម២២ភូមិ៣សង្កាត់៣ក្រុងព្រះសីហនុ៕

(មានវិដេអូ)

https://www.facebook.com/plugins/video.php?href=https%3A%2F%2Fwww.facebook.com%2Fhuybunleng2017%2Fvideos%2F1768446069920241%2F&show_text=0&width=560

ប្រភពវិដេអូ៖ Huy Bunleng

សេះក្រហម Ferrari F12 តំលៃ រាប់សែនដុល្លារ ហោះទៅបុកដើមត្នោតរបងផ្ទះ ផ្អើលទាំងកណ្តាលថ្ងៃត្រង់…(ចុចអានបន្ត)

រថយន្ដស៊េរីទំនើបមួយគ្រឿងបើកបុកចិញ្ចើមផ្លូវ បណ្តាលឲ្យរថយន្តខូចខាតយ៉ាងដំណំ ហេតុការណ៍នេះកើតឡើងនៅតាមបណ្តោយផ្លូវ៥៩៨ ស្ថិតក្នុងសង្កាត់ទួលសង្កែទី២ ខណ្ឌឬស្សីកែវ រាជធានីភ្នំពេញ វេលាម៉ោង១២នឹង៤០នាទីថ្ងៃត្រង់ នៅថ្ងៃទី០៧ ខែកញ្ញា ឆ្នាំ២០១៨។

សេះក្រហម Ferrari F12 តំលៃ រាប់សែនដុល្លារ ហោះទៅបុកដើមត្នោតរបងផ្ទះឧបនាយករដ្ឋមន្ត្រី ទើបនឹងឡើងថ្មី ទាំងកណ្តាលថ្ងៃត្រង់
រថយន្តស៊េរីទំនើបមួយគ្រឿង ដែលមានតំលៃខ្ទង់សែនដុល្លារ គឺ Ferrari F12 ពណ៌ក្រហមឆ្អិនឆ្អៅ បានជ្រុលហោះទៅបុកដើមត្នោតរបងផ្ទះឯកឧត្តម ជា សុផារ៉ា ឧបនាយករដ្ឋមន្ត្រី រដ្ឋមន្ត្រីក្រសួងដែនដី នគរូបនីយកម្ម និងសំណង់ ដែលទើបនឹងឡើងដំណែងជាឧបនាយករដ្ឋមន្ត្រីថ្មីៗនេះ។

ហេតុការណ៍នេះបានបង្កអោយមានការភ្ញាក់ផ្អើលនៅវេលាម៉ោងប្រមាណ ជាង១២ថ្ងៃត្រង់ នៅចំនុចផ្លូវ 598 សង្កាត់ទួកសង្កែ២ខណ្ខឫស្សីកែវ រាជធានីភ្នំពេញ។
ទោះជាយ៉ាងណាក្តីគេមិនទាន់ដឹងពីទំហំខូចខាត រថយន្តនៅឡើយទេ ខណៈដែលគ្រោះថ្នាក់ចរាចរណ៍នេះមិនបង្ករបួសស្នាមដល់អ្នកណាឡើយ គ្រាន់តេបង្កការភ្ញាក់ផ្អើលខ្លាំង ជាមួយរថយន្តតំលៃថ្លៃកប់ពពកមួយគ្រឿងនេះ៕

ប្រភព៖ FB

ចោរលួចរថយន្ត តារាចម្រៀង Rap MC Bull បើកពីខណ្ឌដង្កោ យកទៅប្លុងចោល នៅកំពង់ស្ពឺ

ភ្នំពេញ ៖ កាលពីវេលាម៉ោង៣និង២០នាទី ទាបភ្លឺ ចូល ថ្ងៃទី៧ ខែកញ្ញា ឆ្នាំ២០១៨ ក្រុមជនសង្ស័យដែលបានលួចយករថយន្ត Camary បាឡែនរបស់តារាចំរៀង Rap MC Bull ជិះគេចខ្លួន។

តែម្ចាស់រថយន្តដេញតាមរហូត រកឃើញនៅម្ដុំដីឡូមួយកន្លែង នៅក្នុងភូមិចំបក់ ឃុំវល្លិ៍ស ស្រុកសំរោងទង ខេត្តកំពង់ស្ពឺ ។

នៅមុនពេលកើតហេតុ រូបគាត់បានបើករថយន្តមួយគ្រឿង ម៉ាកកាម៉ារី បាឡែន ពណ៌ ទឹកប្រាក់ ពាក់ស្លាកលេខភ្នំពេញ 2AB-3664 មកឈប់ចាំយកប្អូននៅមុខបុរីចំការដូងខណ្ឌដង្កោ។

តារាចម្រៀងបន្តថាគាត់បានចូលទៅអង្គុយញាំអីបានមួយសន្ទុះ ប្អូនស្រីរបស់គាត់ក៏បានមកដល់។ប្អូនសួរគាត់ថា បង ឡាននៅណា? ស្រាប់តែ ភ្ញាក់ព្រើត ទើបគាត់ប្រញាប់ដកទូរស័ព្ទមកមើលឃើញ លោតសញ្ញា GPS ប្រាប់មកពីសកម្មភាពរថយន្តរបស់គាត់ បានធ្វើដំណើរចេញទៅ។

រថយន្តដែលត្រូវគេលួចយកទៅនោះ ត្រូវបានម្ចាស់រថយន្ត គឺតារាចម្រៀងរ៉េប MC Bull សហការជាមួយសមត្ថកិច្ចនគរបាល បានស្វែងរកតាមប្រព័ន្ធGPS ឃើញវិញហើយ នៅស្រុកសំរោងទង ខេត្តកំពង់ស្ពឺ ដោយសមត្ថកិច្ចមិនទាន់អាចបញ្ជាក់ថា ជនសង្ស័យមានគ្នាប៉ុន្មាននាក់នៅឡើយទេ៕

ប្រភព៖ FB

ជនសង្ស័យ២នាក់ លួចឡានពីខេត្តព្រះសីហនុ ទៅជាប់ខ្នោះ នៅខេត្តត្បូងឃ្មុំ

ត្បូងឃ្មុំ៖ នៅរសៀល ថ្ងៃទី៦ ខែកញ្ញា ឆ្នាំ២០១៨ សមត្ថកិច្ចបានធ្វើការចាប់ឃាត់ខ្លួនសង្ស័យ២នាក់នៅហាងកាហ្វេយើង ស្ថិតនៅភូមិ ស្លាបក្តោង ឃុំជប់ ស្រុកត្បូងឃ្មុំ ពាក់ពន្ឋ័ករណីលួចរថយន្តមួយគ្រឿងម៉ាកកាមរីបាឡែនពីខេត្តព្រះសីហនុ រត់ចូលមកខេត្តត្បូងឃ្មុំ។

ជនសង្ស័យទី១ឈ្មោះ ធឿន ចាន់ថា ភេទប្រុស អាយុ២៥ឆ្នាំ

និងទី២ ឈ្មោះ ឈុន ភាល័យ ភេទប្រុស អាយុ២៨ឆ្នាំ ។

ដកហូតបាន រថយន្តម៉ាក កាមរីបាឡែនពណ៌ទឹកប្រាក់១គ្រឿង ពាក់ស្លាកលេខ ភ្នំពេញ 2N-2923 ដែលលួចចេញពីក្រុងព្រះសីហនុ កាលពីថ្ងៃទី២១ ខែសីហា ឆ្នាំ២០១៨។ សមត្ថកិច្ចខេត្តត្បូងឃ្មុំ បានទាក់ទងទៅខាងនគរបាលខេត្តព្រះសីហនុ ឲ្យមកទទួលជនសង្ស័យទាំង២នាក់ ដើម្បីចាត់ការតាមច្បាប់៕

ប្រភព៖ FB

ជនជាតិចិនបើករថយន្ត Range Rover បុករថយន្ត Pirus ដែលបើកដោយជនជាតិខ្មែរ របួសធ្ងន់ម្នាក់

ភ្នំពេញៈ គ្រោះថ្នាក់ចរាចរណ៍នេះ បានកើតឡើងកាលពីវេលាម៉ោង១២និង៣០នាទីយប់រំលងអធ្រាត្រ ឈានចូលថ្ងៃទី៧ ខែកញ្ញា ឆ្នាំ២០១៨ ត្រង់ចំណុចផ្លូវបំបែកជាបួន ផ្លូវ៥៩២ កែងនិងផ្លូវ៣១៣ សង្កាត់បឹងកក់២ ខណ្ឌទួលគោក រាជធានីភ្នំពេញ។

អ្នកឃើញហេតុការណ៍ផ្ទាល់ បានប្រាប់ឱ្យដឹងថា មុនពេលកើតហេតុ គេឃើញ រថយន្ត Pirus ពណ៌ស្ករ ពាក់ស្លាកលេខ ភ្នំពេញ 2AV-5792 បើកបរដោយបុរសម្នាក់ ធ្វើដំណើរតាមបណ្ដោយផ្លូវ៥៩២ ទិសដៅពីលិចទៅកើត លុះមកដល់ចំណុចកើតហេតុ

ស្រាប់តែមានរថយន្ត ម៉ាក Ranger Rover ពណ៌ស ពាក់ស្លាកលេខ ភ្នំពេញ 2AH-5188 បើកបរដោយបុរសជនជាតិចិនម្នាក់ ធ្វើដំណើរតាមបណ្ដោយផ្លូវ៥៩២ ទិសដៅពីកើតទៅលិច បត់ឆ្វេងដៃជ្រុលទៅបុករថយន្តព្រូស បញ្រ្ចាសទិសគ្នាពេញទំហឹង បណ្តាលឲ្យតៃកុងរថយន្តព្រូសរងរបួសធ្ងន់ បែកក្បាលដោយសារបុកជាមួយកញ្ចក់រថយន្តខាងមុខ ពីព្រោះមិនដាក់ខ្សែក្រវ៉ាត់ ។ ភ្លាមៗក៏មានរថយន្តសង្រ្គោះដឹកទៅមន្ទីរពេទ្យផងដែរ ។

ក្រោយកើតហេតុ សមត្ថកិច្ចមូលដ្ឋានចុះមកដល់រួចទំនាក់ទំនងទៅជំនាញចរាចរណ៍ មកវាស់វែងយករថយន្តទាំង២ ទៅរក្សាទុករង់ចាំដោះស្រាយគ្នាពេលក្រោយ៕

ប្រភព៖ FB