ខឹងម្តាយមិនឲ្យប្លង់ដីយកទៅបញ្ចាំ យកលុយទិញម៉ូតូជិះ ដុតផ្ទះឆេះខ្ទេច…(ចុចអានបន្ត)

កំពង់ឆ្នាំង៖ កាលពីរសៀលថ្ងៃទី ១១ខែ កញ្ញា ឆ្នាំ២០១៨ យុវជនប្រមឹកនេះ ឈ្មោះ លឹង ឆើត អាយុ២៩ឆ្នាំ រស់នៅភូមិសិរី ឃុំខុនរ៉ង ស្រុកបរិបូណ៍ ខេត្តកំពង់ឆ្នាំង មានឪពុកឈ្មោះ ព្រុំ សំណាង អាយុ៥៦ឆ្នាំ ម្តាយឈ្មោះ លឹង ហាន អាយុ៦៤ឆ្នាំ រស់នៅក្នុងភូមិឃុំស្រុកកើតហេតុ។

មុនពេលកើតហេតុ ជនសង្ស័យជាកូនបានសុំប្លង់ដីម្តាយយកទៅបញ្ចាំគេ ដើម្បីយកលុយទៅទិញម៉ូតូជិះ តែម្តាយនិងឪពុកមិនព្រមឲ្យ ពេលនោះរូបគេក៏ខឹងហើយក៏យកស្លឹកត្នោតចំនួន៣ធាងដុតផ្ទះ បណ្តាលឲ្យឆេះខ្ទេចគ្មានសល់ ខណៈដែលរូបគេកំពុងស្រវឹងស្រាជោកជាំ។

ផ្ទះដែលកូនប្រមឹកដុតឆេះអស់នោះមានទំហំ៥ × ៤ម៉ែត្រ ប្រក់ស្លឹកត្នោត ជញ្ជាំស្លឹក រនាបឫស្សី។ កូនប្រមឹកនេះ ត្រូវបានកម្លាំងប្រជាការពារឃាត់ខ្លួនប្រគល់ឲ្យសមត្ថកិច្ចដើម្បីចាត់ការតាមនីតិវិធីច្បាប់៕

ប្រភព៖ FB

ឃើញគេ ចតម៉ូតូភ្លេចដកកូនសោរ ឡើងជិះចេញបាន២គីឡូម៉ែត្រ រលត់ម៉ាស៊ីន ត្រូវម្ចាស់តាមទាន់ចាប់វាយរួចប្រគល់សមត្ថកិច្ច

ខេត្តស្វាយរៀង៖ ហេតុការណ៍នេះ បានកើតឡើងកាលពីវេលាព្រឹកថ្ងៃទី១១ ខែកញ្ញា ឆ្នាំ២០១៨ ស្ថិតនៅផ្សារបាវិត ភូមិបាវិតកណ្ដាល សង្កាត់បាវិត ក្រុងបាវិត ខេត្តស្វាយរៀង ។

បើតាមសមត្ថកិច្ចនគរបាលក្រុងបាវិតបានឲ្យដឹងថា យុវជនសង្ស័យដែលសមត្ថកិច្ចឃាត់ខ្លួនមានឈ្មោះ យិន ជីវ័ន្ត អាយុ១៥ឆ្នាំ មុខរបរមិនពិតប្រាកដ មានទីលំនៅភូមិ១ សង្កាត់ព្រៃនប់ ក្រុងព្រះសីហនុ ខេត្តព្រះសីហនុ ។

ចំណែកម៉ូតូដែលជនសង្ស័យលួចមិនបានសម្រេច ម៉ាកហុងដាសេ ១២៥ ស៊េរី ឆ្នាំ២០១៦ ពណ៌ខ្មៅ ពាក់ស្លាកលេខ ស្វាយរៀង ១H៩០០៤ ។

តាមម្ចាស់ម៉ូតូបានឲ្យដឹងថា មុនកើតហេតុ គាត់បានជិះម៉ូតូមួយគ្រឿង ម៉ាកហុងដាបានឈប់នៅផ្សាបាវិតរួចក៏បានចុះពីលើម៉ូតូភ្លេចដកសោចេញប្រមាណជិត១០នាទី ក៏បានក្រឡេកមើលម៉ូតូ ស្រាប់តែបាត់ម៉ូតូដែលចតនោះ បង្កការភ្ញាក់ផ្អើល និងនាំគ្នាដើររកម៉ូតូប្រមាណ២គីឡូម៉ែត្រប្រទះឃើញជនសង្ស័យកំពុងបណ្ដើរម៉ូតូតាមផ្លូវ សំណាងគាត់ដាក់លេខសម្ងាត់ក៏ឃាត់ខ្លួនជនសង្ស័យឲ្យសមត្ថកិច្ចមូលដ្ឋានតែម្ដង ។

បច្ចប្បន្នជនសង្ស័យត្រូវបានសមត្ថកិច្ច ឃាត់ខ្លួនបញ្ជូនបន្តទៅអធិការដ្ឋាននគរបាលក្រុងបាវិត ដើម្បីចាត់ការបន្តតាមច្បាប់ ៕

ប្រភព៖ FB

បុរសម្នាក់ជិះម៉ូតូម៉ាកNex ល្បឿនលឿនរអិលដួលអូសប្រហែលជាង១០ម៉ែត្រ បែកផ្កាភ្លើង ផ្ទុះឆេះម៉ូតូខ្ទេច ចំណែកមនុស្សរងរបួសសន្លប់

ភ្នំពេញ៖ ករណីនេះភ្ញាក់ផ្អើល កាលពីវេលាម៉ោង១២និង០១នាទីរំលងអធ្រាត្រឈានចូលថ្ងៃទី១២ ខែកញ្ញា ឆ្នាំ២០១៨ ត្រង់ចំណុចមុខសាលារៀនចាក់អង្រែក្រោម តាមផ្លូវជាតិលេខ២ សង្កាត់ចាក់អង្រែក្រោម ខណ្ឌមានជ័យ រាជធានីភ្នំពេញ។

តាមប្រភពសមត្ថកិច្ចបានអោយដឹងថា៖
មុនពេលកើតហេតុ មានម៉ូតូម៉ាក Nex មួយគ្រឿង ពណ៌ស (មិនចាំស្លាកលេខ) បើកបរដោយយុវជនម្នាក់ ទិសដៅពីជើងទៅត្បូង លុះមកដល់ចំណុចកើតហេតុ ដែលជាផ្លូវកោង ខណៈដែលធ្វើដំណើរក្នុងល្បឿនលឿនពេក ស្រាប់តែរអិលដួលដោយខ្លួនឯង អូសជាង១០ម៉ែត្រ បែកផ្កាភ្លើងឆាបឆេះឡើងតែម្ដង ចំណែកឯយុវជនដែលជាអ្នកបើកបម៉ូតូ បានសន្លប់ស្ដូកស្ដឹងផងដែរ ។

ក្រោយកើតហេតុកម្លាំងប៉ូលិសដែលកំពុងល្បាតបានមកដល់នាំគ្នាចុះមកបាច់ទឹកភ្លៀងដែលដក់នៅក្បែរនោះ ដើម្បីជួយពន្លត់ ចំណែកឯយុវជនដែលជាអ្នកបើកបម៉ូតូ ដែលសន្លប់នោះ បានងើបដឹងខ្លួនហើយ ដោយគ្រាន់តែរងរបួសរលោតដៃរលោតជើងប៉ុណ្ណោះ។

យុវជនរងគ្រោះបានទាក់ទងទៅមិត្តភក្តិឲ្យមកដឹកយកទៅគ្លីនិកឯកជន ដើម្បីលាងរបួស និងម៉ូតូយកទៅជាមួយគ្នាផងដែរ៕

ប្រភព៖ FB

សមត្ថកិច្ចឃាត់ខ្លួន យុវជនប្រុសស្រីចំនួន ១៤នាក់ ពាក់ព័ន្ធករណីចាត់ចែង និងសំរួលអោយប្រើប្រាស់ដោយខុសច្បាប់ នូវសារធាតុញៀន

ខេត្តសៀមរាប៖ នៅវេលាម៉ោង ០១៖៣០នាទីយប់រំលងអាធ្រាត ឈានចូលថ្ងៃទី១១ ខែកញ្ញា ឆ្នាំ២០១៨ កំលាំងការិយាល័យប្រឆាំងគ្រឿងញៀន ដោយមានការចូលរួមសហការពីសមត្ថកិច្ចចំណុះនៃស្នងការដ្ឋាននគរបាលខេត្តសៀមរាប ដឹកនាំផ្ទាល់ពីសំណាក់លេាកឧត្តមសេនីយ៏ទេា ទិត្យ ណារ៉ុង

ស្នងការនគរបាលខេត្ត និងលេាកឧត្តមសេនីយ៍ត្រី អ៊ុំ អមរា ស្នងការរងទទួលផែនការងារប្រឆាំងបទល្មើស បានចុះបង្ក្រាបករណីចាត់ចែង និងសំរួលអោយប្រើប្រាស់ដោយខុសច្បាប់ នូវសារធាតុញៀននៅទីតាំងខារ៉ាអូខេ វី (ខារ៉ាអូខេពីរ៉ាមីតចាស់) ស្ថិតនៅភូមិធ្លកអណ្តូង សង្កាត់ស្លក្រាម ក្រុង សៀមរាប ខេត្តសៀមរាប។

ក្នុងកិច្ចប្រតិបត្តិការនេះ ដោយមានការចូលរួមសម្របសំរួលពីលោក កើត វណ្ណារ៉េត ព្រះរាជអាជ្ញា ខេត្តសៀមរាប និងលោក សំរឹទ្ធ សុខុន ព្រះរាជអាជ្ញារង កំលាំងសមត្ថកិច្ចនគរបាល បានធ្វេីការឃាត់ខ្លួនជនសង្ស័យចំនួន ១៤នាក់ ស្រី០៥នាក់ និងឆែកឆេររកឃើញម្សៅ ខេពណ៌ស(ketamine) ចំនួន ១៦កញ្ចប់ និងឧបករណ៍ប្រើប្រាស់គ្រឿងញៀនមួយចំនួន ហើយបាននាំខ្លួនមកធ្វើការសាកសួរបន្តទៅតាមនីតិវិធី ។

(មានវិដេអូ)

https://www.facebook.com/plugins/video.php?href=https%3A%2F%2Fwww.facebook.com%2Fsrpostnews%2Fvideos%2F2244627559090694%2F&show_text=0&width=261

ប្រភព៖ FB

កម្លាំងជំនាញរបស់ការិយាល័យនគរបាលព្រហ្មទណ្ឌកំរិតស្រាលរាជធានីភ្នំពេញ ធ្វើការស្រាវជ្រាវឃាត់ខ្លួនបានជនសង្ស័យម្នាក់ នៅចំណុចមុខផ្សារTK ដែលប្រព្រឹត្តបទល្មើស អំពើលួចមានស្ថានទម្ងន់ទោស (ឆក់កាបូបស្ពាយ ម៉ាកMK ពណ៌ ស សរុប លុយ និងគ្រឿងអលង្កា ជិត ១ម៉ឺន ដុល្លារ)…(មានវិដេអូ)

ភ្នំពេញ៖ កាលពីថ្ងៃទី ០៧ ខែ កញ្ញា ឆ្នាំ ២០១៨ វេលាម៉ោង ១២ និង ០០ នាទី កម្លាំងជំនាញរបស់ការិយាល័យនគរបាលព្រហ្មទណ្ឌកំរិតស្រាលរាជធានីភ្នំពេញ ធ្វើការស្រាវជ្រាវឃាត់ខ្លួនបានជនសង្ស័យម្នាក់ នៅចំណុចមុខផ្សារTK ផ្លូវលេខ៣១៥ សង្កាត់បឹងកក់១ ខណ្ឌទួលគោក រាជធានីភ្នំពេញ ដែលបានប្រព្រឹត្តបទល្មើស អំពើលួចមានស្ថានទម្ងន់ទោស (ឆក់កាបូបស្ពាយ ម៉ាកMK ពណ៌ ស សរុប លុយ និងគ្រឿងអលង្កា ជិត ១ម៉ឺន ដុល្លារ) ប្រព្រឹត្តនៅចំណុចមុខផ្ទះលេខ ១៤ ផ្លូវលេខ១១០ ក្រុមទី១ ភូមិ១ សង្កាត់ផ្សារដេប៉ូទី៣ ខណ្ឌទួលគោក រាជធានីភ្នំពេញ ។

ជនសង្ស័យឈ្មោះ ស្រេង ហេងពី ហៅ ពី ភេទ ប្រុស អាយុ ១៩ ឆ្នាំ ជនជាតិ ខ្មែរមុខរបរ សិស្សវិទ្យាល័យឥន្ទ្រទេវីស្នាក់នៅផ្ទះគ្មានលេខ ផ្លូវលំ សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ ។

វត្ថុតាងជាមធ្យោបាយធ្វើសកម្មភាពដែលចាប់យកបាន៖ ម៉ូតូម៉ាកហុងដាស្កុបពី ពណ៌ ខ្មៅ ឆ្នាំផលិត២០១៩លេខតួ-លេខម៉ាស៊ីន ៨១២៥០៨០ ពាក់ស្លាកលេខ ភ្នំពេញ១HA-១៩៣៩ និងមួកសុវត្ថិភាព ពណ៌ ខ្មៅ ម៉ាក C&N ចាប់យកពី ឈ្មោះ ស្រេង ហេងពី ហៅ ពី ។

ភស្តុតាងជារបស់ជនរងគ្រោះដែលចាប់យកបាន៖ ទូរសព្ទ័ដៃម៉ាក NOKIA ចំនួន ០១ និងខ្សែកាសទូរសព្ទ័ ចំនួន ០១ បន្តោងរូបព្រះ រាងស្លឹកពោធិ ធ្វើពីលោហធាតុ ពណ៌លឿងស្លេក ចំនួន ០១ ,កូនកាបូបដៃតូចមានរូបកូនដំរី ពណ៌ ឈាមជ្រូក ចំនួន ០១ ប្រាក់ដុល្លារ ចំនួន៣,០០០ ដុល្លារអាមេរិកខ្សែកធ្វើពីលោហធាតុ ពណ៌លឿងស្លេក មួយខ្សែមានបន្តោងចំនួន ០២ គឺ ១ បន្តោងតូចរាងបេះដូងធ្វើពីលោហធាតុ ពណ៌លឿងស្លេក និង ២បន្តោងដាំត្បូង ពណ៌សធំចំកណ្តាលនិងមានត្បូងតូចៗជុំវិញចំនួន ១២គ្រាប់ ចិញ្ជៀនផ្លាកទីន មានដាំត្បូងពណ៌ស ចំនួន ០៣គ្រាប់ ខ្សែដៃធ្វើពីលោហធាតុ ពណ៌ ស មានដាំត្បូង ពណ៌ស ចំនួន ៣១គ្រាប់ ។

ជនរងគ្រោះឈ្មោះ ចាង គឹមណៃ ភេទ ស្រី អាយុ ២៣ ឆ្នាំ ជនជាតិ ខ្មែរស្នាក់នៅផ្ទះគ្មានលេខ ផ្លូវលេខ៥៩៨ ភូមិទួលគោក សង្កាត់ទួលសង្កែ២ ខណ្ឌឬស្សីកែវ រាជធានីភ្នំពេញមុខរបរ លក់គ្រឿងសំអាង ។

បច្ចុប្បន្នជនសង្ស័យ និងវត្ថុតាងខាងលើការិយាល័យកសាងសំណុំរឿងបញ្ជូនទៅសាលាដំបូងរាជធានីភ្នំពេញ ចាត់ការតាមច្បាប់ ។

(មានវិដេអូ)

https://www.facebook.com/plugins/video.php?href=https%3A%2F%2Fwww.facebook.com%2Fsattya.bon%2Fvideos%2F2186028534802652%2F&show_text=0&width=560

ប្រភព៖ FB

សប្បាយក្លាយទុក្ខ បុរស២នាក់ហែល ទឹកកម្សាន្តលេង បណ្តាល…..

ខេត្តកំពង់ចាម៖ បុរស២នាក់ បាននាំគ្នាទៅហែលទឹកលេង ក៏ជួបរឿងអកុសល បណ្តាលឲ្យមិត្តម្នាក់ លង់ទឹកស្លាប់ បង្កការភ្ញាក់ផ្អើលកើតឡើងកាលពីវេលាម៉ោងប្រហែល១៥និង១៥នាទី នៅថ្ងៃទី១០ ខែកញ្ញា ឆ្នាំ២០១៨ នៅចំណុចស្ពានដែក ស្ថិតនៅភូមិកោះប្រាក់លើ ឃុំកោះទន្ទឹម ស្រុកកំពង់សៀម ខេត្តកំពង់ចាម ។

សមត្ថកិច្ចបានឲ្យដឹងថា សពជនរងគ្រោះមានឈ្មោះ យ៉ាវ គង់អ៊ី ភេទប្រុស អាយុ១៩ឆ្នាំ រស់នៅភូមិអូរឈ្លើង ឃុំកោះរកា ស្រុកកំពង់សៀម ខេត្តកំពង់ចាម បានលង់ទឹកបាត់ នៅចំណុចខាងលើ។ មូលហេតុគឺបាននាំគ្នាទៅហែលទឹកលេងនៅទីនោះ។

បន្ទាប់មកសមត្ថកិច្ចបានសហការកម្លាំងពាក់ព័ន្ធធ្វើការចុះរាវរកសព ហើយបានឃើញសាក សព ជនរងគ្រោះនៅក្បែរនោះចម្ងាយប្រមាណជា៥០ម៉ែត្រ ។

សពជនរងគ្រោះសមត្ថកិច្ច បានប្រគល់ជូនក្រុមគ្រួសារយកទៅធ្វើបុណ្យ តាមប្រពៃណី៕

Mazda ពន្លះឡានRange Roverមួយគ្រឿង បណ្តាលឲ្យរងការខូចខាតខ្ទេចស្ទើរតែ…(ចុចអានបន្ត)

ភ្នំពេញ៖ នារីរូបស្រស់ជនជាតិចិនម្នាក់ បើកឡាន Mazda ពន្លះឡានRange Roverមួយគ្រឿង បណ្តាលឲ្យរងការខូចខាតខ្ទេចស្ទើរទាំងស្រុង ហេតុការណ៍នេះបានកើតឡើង កាលពីវេលាម៉ោង១០និង៣០នាទី យប់ថ្ងៃទី១០ ខែកញ្ញា ឆ្នាំ២០១៨នេះ នៅត្រង់ចំណុចផ្លូវបែកជាបួន ផ្លូវ៣៣៧ កែងផ្លូវ៥២៨ ស្ថិតក្នុងសង្កាត់បឹងកក់ទី១ ខណ្ឌទួលគោក រាជធានីភ្នំពេញ។

តាមប្រភពពីកន្លែងកើតហេតុបានអោយដឹងថា៖ នារីជនជាតិចិនរូបស្រស់ម្នាក់នេះបើករថយន្តស៊េរីទំនើបម៉ាក Mazda ក្នុងល្បឿនយ៉ាងលឿន ជ្រុលចង្កូតទៅបុកជាមួយរថយន្តស៊េរីទំនើប Range Rover ចំពេញទំហឹង ហើយរថយន្តវិលទៅបោកផ្ទប់នឹងគល់ឈើ បណ្តាលឲ្យរងការខូចខាតខ្ទេចស្ទើទាំងស្រុង និងរថយន្ត Mazda ខូចខាតផ្នែកខាងមុខយ៉ាងដំណំ ។

នៅមុនពេលកើតហេតុ គេឃើញរថយន្តស៊េរីទំនើបមួយគ្រឿងម៉ាក Range Rover ពណ៌ស ពាក់ស្លាកលេខ ភ្នំពេញ 2AP-7736 បើកបរដោយបុរសម្នាក់ ធ្វើដំណើរតាមបណ្ដយផ្លូវ៣៣៧ ទិសដៅពីជើងទៅត្បូងក្នុងល្បឿនយ៉ាងលឿន។

លុះធ្វើដំណើរមកដល់វេលាកើតហេតុ ដែលជាផ្លូវបែកជាបួនផងនោះ ស្រាប់តែមានរថយន្តស៊េរីទំនើបមួយគ្រឿងម៉ាក Mazda ពណ៌ក្រហម ពាក់ស្លាកលេខ ភ្នំពេញ 2AM-1118 បើកបរដោយនារីរូបស្រស់ជនជាតិចិនម្នាក់ ធ្វើដំណើរពីកើតទៅលិច តាមបណ្ដោយ៥២៨ ក្នុងល្បឿនលឿនដោយខ្វះការប្រុងប្រយ័ត្ន បានទៅបុកចំពាក់កណ្ដាលរថយន្ត Range Rover លាន់ដូចរន្ទះ ហើយរថយន្តវិលទៅបោកផ្ទប់នឹងគល់ឈើចំផ្នែកខាងក្រោយពេញទំហឹងទៀត បណ្តាលឲ្យរថយន្ត Range Rover រងការខូចខាតខ្ទេចយ៉ាងដំណំ និងផ្ទុះពោងសុវត្ថិភាពក្នុងរថយន្តទាំងអស់។

ចំណែកឯរថយន្ត Mazda បានរងការខូចខាតផ្នែកខាងមុខយ៉ាងដំណំ តែពិតជាសំណាងល្អ មិនបណ្ដាលឲ្យមនុស្សរងរបួសនោះទេ ៕

ប្រភព៖ Heng Ly

ចាប់ឃាត់ខ្លួនជនជាតិចិន៤នាក់ ករណីបង្ខាំងមនុស្សខុសច្បាប់និងធ្វើទារុណកម្ម ជនរងគ្រោះជាជនជាតិចិនដូចគ្នា នៅក្រុងព្រះសីហនុ

ខេត្តព្រះសីហនុ ៖ កាលពីថ្ងៃទី១០ កញ្ញា ឆ្នាំ២០១៨ កសមត្ថកិច្ចនគរបាលខេត្តព្រះសីហនុបានបង្ក្រាប និងចាប់ឃាត់ខ្លួនជនជាតិ៤នាក់ ពាក់ពន្ធករណីបង្ខាំងមនុស្សខុសច្បាប់ និងធ្វើទារុណកម្ម បង្កឡើងដោយជនជាតិចិនដូចគ្នា ដែលហេតុការណ៍បានកើតឡើងនៅបន្ទាប់លេខ៤០៦ ជាន់ទី៤ នៃកាស៊ីណូខ្សាច់មាស ស្ថិតនៅក្រុមទី១៥ ភូមិ៤ សង្កាត់៤ ខេត្តព្រះសីហនុ ។

ជនសង្ស័យ ១-ឈ្មោះ WU TAOTAO ភេទប្រុស អាយុ៣០ឆ្នាំ មុខរបរមិនពិតប្រាកដ កាន់លិខិតឆ្លងដែនលេខៈ E៤៧១១០៧៨៣ ស្នាក់នៅជាន់ទី៤ នៃកាស៊ីណូខ្សាច់មាស បន្ទប់លេខ ៤០៩ ស្ថិតនៅភូមិ៤ សង្កាត់៤ ក្រុង.ខេត្តព្រះសីហនុ ។

២-ឈ្មោះ WU XIONG BO ភេទប្រុស អាយុ៣៣ឆ្នាំ មុខរបរ មិនពិតប្រាកដ កាន់លិខិតឆ្លងដែនលេខៈ E១៨៤៨៥៥៨៨ ស្នាក់នៅជាន់ទី៤ នៃកាស៊ីណូខ្សាច់មាស បន្ទប់លេខ៤០៩ ស្ថិតនៅភូមិ៤ សង្កាត់៤ ខេត្តព្រះសី ហនុ ។

៣-ឈ្មោះ WU XUXIANG ភេទប្រុស អាយុ ២៧ឆ្នាំ មុខរបរ មិនពិតប្រាកដ កាន់លិខិតឆ្លងដែនលេខ E៨៩៦៨៤៣២៧ ស្នាក់នៅជាន់ទី៤ នៃកាស៊ីណូខ្សាច់មាស បន្ទប់លេខ ៤០៩ ស្ថិតនៅភូមិ៤ សង្កាត់៤ ក្រុង.ខេត្តព្រះសីហនុ ។

៤-ឈ្មោះ REN JIHU ភេទប្រុស អាយុ ២៩ឆ្នាំ មុខរបរ មិនពិតប្រាកដ កាន់លិខិតឆ្លងដែនលេខៈ E៤៥៣៧០៣៤៨ ស្នាក់នៅជាន់ទី៤ នៃកាស៊ីណូខ្សាច់មាស បន្ទប់លេខ ៤០៩ ស្ថិតនៅ ភូមិ៤ សង្កាត់៤ ខេត្តព្រះសីហនុ ។

វត្ថុតាងចាប់យកមានពិលឆក់ចំនួន ២គ្រឿង រថយន្ត១គ្រឿង ម៉ាក LEXUS RX៣០០ ពណ៌ស ស្លាកលេខ ភ្នំពេញ 2A.៥០១០ ។

ចំណែកជនរង គ្រោះមានគ្នា២ នាក់ ម្នាក់ឈ្មោះ CHEN TI ភេទប្រុស អាយុ៣៦ឆ្នាំ មុខរបរភ្ញៀវទេសចរណ៍ កាន់លិខិតឆ្លងដែនលេខៈ ED៦៦៨០៨៤២ ស្នាក់នៅសណ្គារដើមត្នោត ភូមិ៤ សង្កាត់៤ ក្រុង.ខេត្តព្រះសីហនុ រងរបួសបែកមាត់ ស្នាមដាច់រលាត់ខ្នង និង គ្រិចឆ្អឹងខ្នង ( រងរបួសមធ្យម ) ។

និងម្នាក់ឈ្មោះ DAI YANYING ភេទស្រី អាយុ ៤៤ឆ្នាំ មុខរបរភ្ញៀវទេសចរណ៍ កាន់លិខិតឆ្លងដែនលេខៈ ED៦៦៨៩៣៨២ ស្នាក់នៅសណ្ឋាគារដើមត្នោត ភូមិ៤ សង្កាត់៤ ក្រុង.ខេត្តព្រះសីហនុ។

ករណីនេះកើតឡើងដោយសារ ជនរងគ្រោះបានធានាលុយចំនួន១០០,០០០យាន់ ( ដប់ម៉ឺនយាន់ ) ពីក្រុមជនសង្ស័យ ដើម្បីឲ្យមិត្តភក្តិយកទៅលេងល្បែងស៊ីសងនៅកាស៊ីណូ ឆាងយូ ។

ពេលលេងចាញ់អស់មិត្តភក្តិរបស់ជនរងគ្រោះ គ្មានលុយសងឲ្យក្រុមជនសង្ស័យវិញ ពេលនោះជនសង្ស័យបានចាប់ជនរងគ្រោះ ឃុំឃាំងក្នុងបន្ទប់ហើយធ្វើទារុណកម្ម វាយធ្វើបាប និង ប្រើពិលឆក់ ដើម្បីបង្ខំឲ្យជនរងគ្រោះសរសេរលិខិតជំពាក់ប្រាក់ ។ ជនសង្ស័យត្រូវបានកម្លាំងសមត្តកិច្ចនគរបាលការិយាល័យព្រហ្មទណ្ឌកម្រិតស្រាលខេត្ត កំពុងសាកសួរយកចម្លើយ ដើម្បីបន្តនីតិវិធី ៕

ប្រភព៖ FB

ពតជារំភើបជំនួស..! កូនភ្លោះមួយគូរ ប្រលងជាប់និទ្ទេសAទាំងពីរនាក់ ចំថ្ងៃកំណើតរបស់ខ្លួន…(ចុចអានបន្ត

ភ្នំពេញ៖ លទ្ធផលនៃការប្រលងមធ្យមសិក្សាទុតិយភូមិឆ្នាំ២០១៨នេះ នឹងត្រូវប្រកាសនៅក្នុងថ្ងៃនេះហើយ ដែលក្នុងនោះមានសិស្សរាប់ម៉ឺននាក់បានចូលរួមធ្វើការប្រលង ស្របពេលជាមួយនឹងថ្ងៃនេះដែល សិស្សជាច្រើនក៏កំពុងតែភ័យបុកពោះមិនស្ទើរនោះទេ ខណៈពេលដែលសិស្សដែលជាប់និទ្ទេសA មាន២៩០នាក់ប៉ុណ្ណោះ ដែលអត្រាតិចជាងឆ្នាំមុន។

ជាក់ស្តែងប្រិយមិត្តជាច្រើនប្រាកដជាបានដឹងហើយថា នៅក្នុងការប្រលងមួយនេះក៏មានការអន្ទះសាររង់ចាំមើលលទ្ធផលដែលខ្លួនទទួលបាន ក្រោមការខិតខំប្រឹងប្រែងអស់ពេលជាច្រើនឆ្នាំ។

នៅក្នុងនោះ មហាជនជាច្រើនបាននាំគ្នាចាប់អារម្មណ៍ទៅលើកូនភ្លោះមួយគូ ដែលទទួលបានលំដាប់ពិន្ទុខ្ពស់ ដែលមានឈ្មោះថានី លាងអ៊ី(៩៩.៩៦០) និងម្នាក់ទៀតឈ្មោះ នី លាងអ៊ីម(៩៩.៩៣១)។

តែអ្វីដែលគួរឲ្យចាប់អារម្មណ៍ជាងនេះនោះគឺ ស្របពេលដែលជាថ្ងៃទទួលបានលទ្ធផលល្អនេះ គឺចំថ្ងៃកំណើតដែលពួកគេកើត ថ្ងៃទី៩ ខែកញ្ញា ឆ្នាំ២០១៨ (ជាថ្ងៃប្រកាសលទ្ធផល) ដោយវាពិតជាចៃដន្យតែម្តង។ ដូច្នោះហើយគ្រាន់តែឃើញបែបនេះ ក៏មានការស៊ែរតៗគ្នាពេញបណ្តាញសង្គមគ្រប់គ្នា។

ក្រោយពីទទួលដំណឹងដ៏សែនត្រេកអរនេះ បានធ្វើឲ្យមហាជនជាច្រើនរំភើបចិត្តជំនួសអ្នកទាំងពីរគ្រប់គ្នា ដែលទទួលបានភាពជោគជ័យបែបនេះ៕

ប្រភព៖ FB

នេះហើយជើងខ្លាំង ប្រចាំបាក់ឌុប ២០១៨! និទ្ទេស A លំដាប់ពិន្ទុ ១០០ ពេញ ហើយបាន A គ្រប់មុខទៀត គឺប្អូនប្រុស…(ចុចអានបន្ត)

ភ្នំពេញ៖លទ្ធផលនៃការប្រលងមធ្យមសិក្សាទុតិយភូមិឆ្នាំ២០១៨នេះ នឹងត្រូវប្រកាសនៅក្នុងថ្ងៃនេះហើយ ដែលក្នុងនោះមានសិស្សរាប់ម៉ឺននាក់បានចូលរួមធ្វើការប្រលង ស្របពេលជាមួយនឹងថ្ងៃនេះដែល សិស្សជាច្រើនក៏កំពុងតែភ័យបុកពោះមិនស្ទើរនោះទេ ខណៈពេលដែលសិស្សដែលជាប់និទ្ទេសA មាន២៩០នាក់ប៉ុណ្ណោះ ដែលអត្រាតិចជាងឆ្នាំមុន។

នៅក្នុងនោះ មហាជនជាច្រើនបាននាំគ្នាចាប់អារម្មណ៍ទៅលើជើងខ្លាំង ប្រចាំបាក់ឌុប ២០១៨! និទ្ទេស A លំដាប់ពិន្ទុ ១០០ ពេញ ហើយបាន A គ្រប់មុខទៀត គឺប្អូនប្រុស ប៉េង គឹមហេង មកពីសាលាប៊ែលធី!។

ក្រោយពីទទួលដំណឹងដ៏សែនត្រេកអរនេះ បានធ្វើឲ្យមហាជនជាច្រើនរំភើបចិត្តជំនួសគ្រប់គ្នា ដែលទទួលបានភាពជោគជ័យបែបនេះ៕