ចោរឆក់៥នាក់ទៀតហើយ ត្រូវតុលាការ បង្គាប់ឱ្យដាក់គុកព្រៃស…(មានវិដេអូ)

(ភ្នំពេញ)៖នៅព្រឹកថ្ងៃទី១២ ខែកញ្ញា ឆ្នាំ២០១៨ លោក ស្វាយ តុញ ចៅក្រមស៊ើបសួរសាលាដំបូងរាជធានីភ្នំពេញ បានចេញដីការបង្គាប់ឱ្យឃុំខ្លួន ជនសង្ស័យចំនួន០៥នាក់ ពាក់ព័ន្ធករណីឆក់ទូរស័ព្ទដៃ (លួចមានស្ថានទម្ងន់ទោស) ដាក់ពន្ធនាគារព្រៃស ដើម្បីរងចាំជំនុំជម្រះនៅពេលក្រោយ។

ការសម្រេចរបស់លោកចៅក្រម គឺធ្វើឡើងបន្ទាប់ពីលោក សឿន មុន្នីរត្ន័ ព្រះរាជអាជ្ញាររង បានចោទប្រកាន់ក្រុមជនសង្ស័យទាំង៥នាក់ ពីបទឆក់ទូរសព្ទ័ដៃ (លួចមានស្ថានទម្ងន់ទោស)។

យោងតាមរបាយការណ៍សមត្ថកិច្ចបានបង្ហាញថា កាលពីថ្ងៃទី៧ ខែកញ្ញាឆ្នាំ២០១៨ វេលាម៉ោង២០៖៣០នាទីមានករណីឆក់ទូរស័ព្ទដៃពីបុរសម្នាក់ជិះ Pass App ត្រង់ចំណុចផ្លូវគិរីរម្យហើយកម្លាំងល្បាតរបស់ការិយាល័យព្រហ្មទណ្ឌកំរិតស្រាល បានប្រដេញបង្ក្រាបឃាត់ខ្លួនជនសង្ស័យចំនួន០៥នាក់។

ជនសង្ស័យទី១៖ ឈ្មោះ យិន មយូរ៉ា ភេទប្រុស អាយុ១៦ឆ្នាំ, ទី២៖ ឈ្មោះ សំ ម៉ារ៉ាឌី ភេទប្រុសអាយុ១៥ឆ្នាំ,ទី៣៖ ឈ្មោះសុខ ហេង ភេទប្រុស អាយុ១៤ឆ្នាំ,ទី៤៖ ឈ្មោះ ទិត សុខជា ភេទប្រុស អាយុ១៧ឆ្នាំ និងទី៥៖ ឃាង វណ្ណះ ភេទប្រុស អាយុ២៥ឆ្នាំ៕

(មានវិដេអូ)

https://www.facebook.com/plugins/video.php?href=https%3A%2F%2Fwww.facebook.com%2Fchenda.pen.169%2Fvideos%2F2108268986156590%2F&show_text=0&width=560

ប្រភព៖ FB

ភ្ញាក់ផ្អើលទាំងព្រលឹម !!សពបុរសអត់ស្គាល់អត្តសញ្ញាណម្នាក់ ត្រូវជនមិនស្គាល់មុខ ដឹកយកមកទម្លាក់ចោលនៅក្បែរចិញ្ចើមផ្លូវ ជិតប៉ុស្ត៍រដ្ឋបាលសង្កាត់ច្រកម្ទេសក្រុងបាវិត

ស្វាយរៀង៖ មានករណីឃាតកម្ម ដឹកសពបុរសម្នាក់តាមរថយន្តយកមកផ្លុងចោល នៅតាមបណ្តោយផ្លូវជាតិលេខ១ ក្បែរប៉ុស្តិនគបាលរដ្ឋបាលសង្កាត់ច្រក ម្ទេសចម្ងាយ៥០ម៉ែត្រ ធ្វើឲ្យមានការភ្ញាក់ផ្អើលដល់អ្នកធ្វើដំណើរតាមដងផ្លូវទាំងព្រឹកនិងសមត្ថកិច្ច។

ករណីប្រទះឃើញសពគេយកមកទម្លាក់ផ្លុងចោលនេះប្រជាពលរដ្ឋដែលរស់នៅជិតកន្លែងកើតហេតុបានឲ្យដឹងថា ប្រទះឃើញនៅវេលាម៉ោង៦និង០០នាទីព្រឹកថ្ងៃទី១៣កញ្ញា២០១៨នៅភូមិ សាលាទាន សង្កាត់ ច្រកម្ទេស ក្រុងបាវិត ខេត្តស្វាយរៀង។

បើតាមសមត្ថកិច្ចបានបង្ហើបឲ្យដឹងថា តាមការសន្និដ្ឋានជំហ៊ានដំបូង សពជនរងគ្រោះមានសប្បុរស ពាក់អាវខ្មៅ ស្លៀកខោខ្ លីហើយសពត្រូវបានក្រុមជនល្មើសសម្លាប់នៅកន្លែងផ្សេងហើយបានច្រកសពក្នុងថង់ផ្លាស្ទិចពណ៌ខ្មៅដឹកសាកសពតាមរថយន្តមកពីទិសខាងកើតមកទម្លាក់ផ្លុងចោលនៅលើចិញ្ចើមថ្នល់ជាតិលេខ១ជិតប៉ុស្តិរដ្ឋបាលសង្កាត់ច្រកម្ទេសចម្ងាយ៥០ម៉ែត្រ។

បើតាមប្រជាពលរដ្ឋនៅជិតកន្លែងកើតហេតុបានឲ្យដឹងថា៖ នៅម៉ោងប្រមាណជា៤ទៀបភ្ លឺគេឃើញមានរថយន្តតូចមួយគ្រឿង បើកមកពីទិសខាងកើត លុះមកដល់ចំណុចខាងលើ បានឈប់មួយសន្ទុះក៏បានបត់រថយន្តត្រឡប់ទៅទីសខាងកើតវិញ ក៏ប៉ុន្តែមិនបានចាប់អារម្មណ៍អ្វីទេ លុះម៉ោង៦និង០០នាទីព្រឹក អ្នកលក់នំបានប្រទះឃើញសពទើបឆោឡោនិងប្តឹងសមត្ថកិច្ចតែម្តង។

ក្រោយពីសមត្ថកិច្ចជំនាញមកពិនិត្យមកដល់ធ្វើកោសលវិច្ច័យមិនទាន់ស្គាល់អត្តសញ្ញាណទេ ហើយសន្និដ្ឋានថាជាករណីឃាតកម្មដោយសភាពសពមាន បែកមាត់ បែកក្បាល និងស្នាមវ៉ៃចំំក្បាលពីក្រោយហើយសមត្ថកិច្ចបានបញ្ជាក់ថាពិតជាករណីឃាតកម្មពិតមែន។

ហើយសាកសពត្រូវសមត្ថកិច្ចយកសពមកតម្កល់ទុកនៅវត្តជិតកន្លែងកើតហេតុ បច្ចុប្បន្ន សមត្ថកិច្ចកំពុុងធ្វើការស្រាវជ្រាវ រកមុុខឃាត់ករដើម្បីយកមកផ្តន្ទាទោសតាមផ្លូវច្បាប់៕

រថយន្តសណ្ដោងម៉ាសុីនខួងអណ្ដូងបើកបុកបង្កាន់ដៃស្ពានបណ្ដាលឲ្យក្រឡាប់ស្លាប់អ្នករួមដំណើរម្នាក់ នៅលើស្ពានព្រែកក្ដាម

ខេត្តកណ្ដាល៖ ករណីគ្រោះថ្នាក់ចរាចរណ៍នេះបានកើតឡើងកាលពីវេលាម៉ោង០២ និង១៥នាទីរំលងអធ្រាត ឈានចូលថ្ងៃទី១៣ ខែកញ្ញា ឆ្នាំ២០១៨ ត្រង់ចំណុចលើស្ពានព្រែកក្ដាម(មិត្តភាពកម្ពុជា ចិន) ត្រើយខាងលិច ស្ថិតក្នុុងភូមិទួលងោក ឃុំកំពង់លួង ស្រុកពញាឮ ខេត្តកណ្ដាល។

មន្ត្រីនគរបាលចរាចរណ៍ស្រុកពញាឮបានឲ្យដឹងថា ជនរងគ្រោះស្លាប់មានឈ្មោះ ផឹង គៀប ភេទប្រុស អាយុ៤៩ឆ្នាំ មានទីលំនៅភូមិចំបក់ជ្រុំ ឃុំជ្រេស ស្រុកមេសាង ខេត្តព្រៃវែង (ជាអ្នករួមដំណើរ) ។

ចំណែករថយន្តម៉ាកHYUNDAI សណ្ដោងម៉ាសុីនខួងអណ្ដូង ពណ៍ស ពាក់ស្លាកលេខ ភ្នំពេញ 3D-3474 បើកបរដោយជនមិនស្គាល់អត្តសញ្ញាណ រត់គេចខ្លួនបាត់ស្រមោល ។

ប្រភពដដែលបន្តថា សាក្សីបាននិយាយប្រាប់សមត្ថកិច្ចថា នៅមុនពេលកើតហេតុ គេបានឃើញរថយន្តខាងលើធ្វើដំណើរក្នុងទិសដៅពីកើត ទៅលិច(កំពង់ចាម-ភ្នំពេញ) ដោយបន្ថែមល្បឿនបើកឡើងស្ពាន និងចុះស្ពានវិញមិនបន្ថយល្បឿន ខណៈមកដល់ចំណុចផ្លូវកោង ជាកន្លែងកើតហេតុ ក៏រេចង្កូតក្រឡាប់ដោយខ្លួនឯង បណ្ដាលឲ្យធ្លាក់កម្មករកំពុងជិះនៅលើរថយន្តបោកក្បាលនិងឃឿនស្ពាន ស្លាប់នៅនិងកន្លែងកើតហេតុតែម្ដង រីឯអ្នកបើកបររថយន្តបានរត់គេចខ្លួនបាត់ស្រមោល ។

ក្រោយពីមានហេតុការណ៍កើតឡើង សមត្ថកិច្ចចរាចរណ៍ស្រុក បានចុះមកវាស់វែងនិងពិនិត្យកន្លែងកើតហេតុ រួចក៏សាងសំណុំរឿងដកហូតយករថយន្ត ទៅរក្សាទុកនៅអធិការដ្ឋាននគរបាលស្រុក ដើម្បីចាត់ការតាមនីតិវិធីច្បាប់ ។

ដោយឡែកសាកសពជនរងគ្រោះ ត្រូវបានសមត្ថកិច្ចប្រគល់ឲ្យក្រុមគ្រួសារយកទៅចាត់ចែងធ្វើបុណ្យតាមប្រពៃណី ៕

ប្រភព៖ FB

ឪពុកនិងកូនស្រី នាំគ្នាទៅរាយសន្ទូច បាត់មួយយប់ ព្រលឹមឡើងប្រទះឃើញលង់ទឹកស្លាប់ទាំង២នាក់ នៅបឹងក្រោយភូមិ

ខេត្តព្រៃវែង៖ ឪពុកនិងកូនស្រី នាំគ្នាទៅរាយសន្ទូច បាត់មួយយប់ ព្រលឹមឡើងប្រទះឃើញលង់ទឹកស្លាប់ទាំង២នាក់ នៅបឹងក្រោយភូមិក្នុងស្រុកពោធិ៍រៀង ហេតុការណ៍នេះបានបង្ករអោយមានការភ្ញាក់ផ្អើលនៅព្រឹកថ្ងៃទី១៣ខែកញ្ញា ឆ្នាំ២០១៨នេះ ក្រោយពីប្រទះឃើញសាកសពឪពុកនិងកូនស្រី នៅចំណុចបឹងមួយកន្លែងក្រោយភូមិពោធិ៍រៀងត្បូង ឃុំពោធិ៍រៀងស្រុកពោធិ៍រៀងខេត្តព្រៃវែង។

ជនរងគ្រោះទាំង២នាក់រួមមាន៖ ឳពុកឈ្មោះរឿន រិត មានអាយុ៤៥ឆ្នាំ និងកូនឈ្មោះរិត ស្រីម៉ិច ភេទស្រីអាយុ១៤ឆ្នាំ អ្នកទាំង២ មានទីលំនៅកន្លែងកើតហេតុ។

តាមប្រភពប្រជាពលរដ្ឋបានអោយដឹងថា៖ នៅល្ងាចថ្ងៃទី១២ ខែកញ្ញា ឆ្នាំ២០១៨ ជនរងគ្រោះទាំង២នាក់ ឪនិងកូន បាននាំគ្នាមករាយសន្ទូចក្រោយភូមិកើតហេតុខាងលើ។

ហើយក៏បាត់ដំណឹងសូន្យមិនឃើញមកផ្ទះវិញ ទើបបងប្អូនក្រុមគ្រួសារមានការសង្ស័យឆ្ងល់ លុះព្រឹកឡើងថ្ងៃទី១៣ ខែដដែល ទើបគេប្រទះឃើញសពអ្នកទាំង២ នៅចំណុចខាងលើទើបក្រុមគ្រួសារនិងសមត្ថកិច្ចដឹកជញ្ជូនមកផ្ទះដើម្បីយកទៅធ្វើបុណ្យតាមប្រពៃណី។

តាមការពិនិត្យរបស់សមត្ថកិច្ច ជាក់ស្ដែង ជនរងគ្រោះពិតជាបានលង់ទឹកស្លាប់ដោយខ្លួនឯងមែន ខណៈពួកគេដើររាយសន្ទូច ឈានជើងចូលរណ្ដៅទឹកជ្រៅ រួចជួយគ្នាបណ្ដាលឲ្យលង់ស្លាប់ទាំង២នាក់តែម្ដង៕

ប្រភព៖ FB

នារីវ័យក្មេងស្រស់ស្អាតម្នាក់បានធ្លាក់ពីលើអាគារ The Litzស្លាប់យ៉ាងអាណោចអាធ័ម

(ភ្នំពេញ)៖នារីវ័យក្មេងម្នាក់បានធ្លាក់ពីលើអាគារ The Litz Hotel Suite បណ្ដាលឲ្យស្លាប់យ៉ាងអាណោចអាធ័មនៅនឹងកន្លែង ហេតុការណ៍នេះបានបង្កឲ្យមានការផ្ញាក់ផ្អើលឡើងកាលពីវេលាម៉ោង១០៖៣០យប់ថ្ងៃទី១២ខែកញ្ញាឆ្នាំ២០១៨ ដែលមានទីតាំងស្ថិតនៅសណ្ឋាគារ(The Litz Hotel Suite) តាមបណ្ដោយផ្លូវ១០៥ស្ថិតក្នុងសង្កាត់បឹងប្រលិត ខណ្ឌ៧មករាក្រុងភ្នំពេញ។

ប្រភពពីកន្លែងកើតហេតុបានឱ្យដឹងថានៅមុនពេលកើតហេតុគេបានលឺសំឡេងលាន់យ៉ាងខ្លាំង ស្រាប់តែក្រឡេកមើលទៅមុខសណ្ឋាគារ(The Litz Hotel Suite) ឃើញនារីវ័យក្មេងម្នាក់បានដេកស្លាប់ដោយគេឃើញធ្លាក់មកពីលើអាគារស្លាប់បាត់បង់ជីវិតយ៉ាងអាណោចអាធ័មនៅនិងកន្លែង។

ក្រោយកើតហេតុសពត្រូវបានសមត្ថកិច្ចជំនាញកោសល្យវិច័យកំពុងតែត្រួតពិនិត្យដើម្បីស្វែងរកការពិតដែលនៅពីក្រោយថាជាករណីអ្វីឲ្យប្រាកដ។

ប្រភព៖ FB

ក្មេងស្រីស្រស់ស្អាតម្នាក់ តូចចិត្តប្រលងបាក់ឌុបធ្លាក់ ហើយម៉ែ ឪ ស្ដីបន្ទោសបន្ថែមទៀត នាងបាន……

ភ្នំពេញ ៖ ក្មេងស្រីស្រស់ស្អាតម្នាក់ តូចចិត្តប្រលងបាក់ឌុបធ្លាក់ ហើយម៉ែ ឪ ស្ដីបន្ទោសបន្ថែមទៀត នាងបានគិតខ្លីបញ្ចប់ជីវិត ដោយចងក សម្លាប់ខ្លួន

ក្រោយពីដឹងលទ្ឋផលថា ប្រលងធ្លាក់យុវសិស្សវ័យ ១៨ឆ្នាំ ត្រូវបានម្តាយឪពុក ស្តីបន្ទោសថែម រត់ទៅសំងំយំក្នុងបន្ទប់ លុះព្រឹកថ្ងៃទី១២ ខែកញ្ញា ឆ្នាំ២០១៨ ត្រូវម្តាយប្រទះឃើញចងកសម្លាប់ខ្លួនក្នុងបន្ទប់ស្លាប់បាត់ទៅហើយ ។

អ្នកបាក់ទឹកចិត្ត បើគ្មានអ្នកលើកទឹកចិត្តទេ បា្រកដជាមាន ហេតុការណ៍នេះកើតឡើងមិនខាន៕ សូមបញ្ជាក់ថា មនុស្សយើងកើតមក គ្មាននរណាម្នាក់ជោគជយ័១០០%នោះទេ
ហេតុអីប្អូនស្រីគិតខ្លីម៉្លេះ ??

ខឹងចៅសង្កាត់មិនបញ្ជាក់លិខិតស្នាក់នៅអោយយកដុំថ្មគប់បំបែកកញ្ចក់រោងយាម

ភ្នំពេញ ៖ កាលវេលាម៉ោងជាង១១ថ្ងៃទី១២ខែកញ្ញាឆ្នាំ២០១៨ បុរសម្នាក់ត្រូវកម្លាំងនគរបាលចាប់វាយខ្នោះបន្ទាប់ពីវាយបំផ្លាញប៉ុស្តិ៍យាមរបស់តម្រូតបទបញ្ជាការពារក្រុងបណ្ដាលឱ្យបែកកញ្ចក់។

បង្កការភ្ញាក់ផ្អើលនៅចំណុចប៉ុស្តិ៍យាមតម្រូតបញ្ជាការពារតាមផ្លូវព្រះនរោត្ដមកែងផ្លូវ៤៦២ស្ថិតនៅភូមិ១៣សង្កាត់ទន្លេបាសាក់ខណ្ឌចំការមន យុវជនចាប់ខ្លួននេះ សារភាពបញ្ជាក់ថាដោយសារខឹងលោកចៅសង្កាត់ទន្លេបាសាក់ មិនបញ្ជាក់លិខិតស្នាក់នៅឱ្យខ្លួនដើម្បីយកលិខិតបញ្ជាក់នេះ ទៅកន្លែងធ្វើការ ។

យុវជននេះ ឈ្មោះស្រីសានីរ៉ាភេទប្រុសអាយុ២៥ឆ្នាំមុខរបរគ្មានស្នាក់នៅភូមិ១៦សង្កាត់ទន្លេបាសាក់ខណ្ឌចំការមន រាជធានីភ្នំពេញ ។

បច្ចុប្បន្នជនសង្ស័យឃាត់ខ្លួនជាបណ្ដោះអាសន្ននៅអធិការដ្ឋាននគរបាលខណ្ឌចំការមនរង់ចាំចាត់ការបន្តតាមនីតិវិធីច្បាប់បញ្ជូនទៅមណ្ឌលឱកាសខ្ញុំ ដើម្បីអប់រំបន្សាបគ្រឿងញៀន៕

ប្រភព៖ FB

សម្ដេច ស ខេង បានបដិសេធថា ឧត្តមសេនីយ៍ផ្កាយ៣ ស ថេត មិនមែន….

(ភ្នំពេញ) យោងតាមទំព័រហ្វេសប៊ុករបស់សម្ដេចក្រឡាហោម ស ខេង នៅថ្ងៃទី១២ ខែកញ្ញានេះ បានឲ្យដឹងថា មានអ្នកសារព័ត៌មានជាច្រើន បានចេញផ្សាយអំពីការផ្ទេរតំណែង និងការប្រគល់ភារកិច្ចជាស្នងការនគរបាលរាជធានីភ្នំពេញ ជូនលោកផ្កាយ៣ ស ថេត។

រយៈពេលប៉ុន្មានថ្ងៃនេះ មានអ្នកសារព័ត៌មានជាច្រើន បានផ្សព្វផ្សាយថា ស្នងការនគរបាលរាជធានីភ្នំពេញថ្មី ឧត្តមសេនីយ៍ឯក ស ថេត ជាប្អូនបង្កើតរបស់សម្ដេចក្រឡាហោម ស ខេង ឧបកនាយករដ្ឋមន្ដ្រី រដ្ឋមន្ដ្រីក្រសួងមហាផ្ទៃនោះ សម្ដេច ស ខេង បានបដិសេធថា ឧត្តមសេនីយ៍ផ្កាយ៣ ស ថេត មិនមែនជាប្អូនបង្កើតរបស់សម្ដេចឡើយ មិនដូចអ្នកសារព័ត៌មានមួយចំនួន បានផ្សព្វផ្សាយនោះទេ។

សម្ដេចថា “អ្វីដែលខ្ញុំកត់សម្គាល់ និងចង់បញ្ជាក់នៅពេលនេះ គឺសារព័ត៌មានមួយចំនួន បានផ្សព្វផ្សាយថា លោកឧត្តមសេនីយ៍ ស ថេត គឺជាប្អូនបង្កើតរបស់ខ្ញុំ។ ខ្ញុំមិនដឹងថា សារព័ត៌មានទាំងនោះ បានប្រភពមកពីណា ឬក៏សន្និដ្ឋានដោយគ្មានប្រភពនោះទេ ប៉ុន្តែខ្ញុំសូមគូសបញ្ជាក់ថា លោកឧត្តមសេនីយ៍ ស ថេត មិនមែនជាប្អូនបង្កើតរបស់ខ្ញុំ ដូចដែលសារព័ត៌មានមួយចំនួន បានផ្សព្វផ្សាយនោះទេ”។

សូមរំឭកថា លោកផ្កាយ៣ ស ថេត ត្រូវបានប្រកាសឲ្យចូលកាន់តំណែងជាស្នងការនគរបាលរាជធានីភ្នំពេញថ្មី កាលពីថ្ងៃទី១១ ខែកញ្ញា ឆ្នាំ២០១៨ម្សិលមិញ ជំនួសលោកផ្កាយ៤ ជួន សុវណ្ណ អតីតស្នងការនគរបាលរាជធានីភ្នំពេញ ដែលត្រូវបានព្រះមហាក្សត្រ ត្រាស់បង្គាប់តែងតាំងពីអនុរដ្ឋលេខាធិការក្រសួងមហាផ្ទៃ ទៅជាអនុប្រធានអាជ្ញាធរជាតិប្រយុទ្ធប្រឆាំងគ្រឿងញៀន ដែលមានឋានៈស្មើរដ្ឋមន្រ្តី ជំនួសលោក កៅ ខុនដារ៉ា ដែលត្រូវទទួលភារកិច្ចថ្មី៕

ថៃសម្រុកចូលមកទិញសត្វកណ្តូបពីពលរដ្ឋកម្ពុជាពី២ទៅ៣តោនក្នុងមួយថ្ងៃ ដែលមានតំលៃ មួយគីឡូ ៣០០បាត ស្មើនឹងជាង៣ម៉ឺនរៀល

ខេត្តព្រះវិហារ ៖ ច្រកទ្វារអានសេះជាច្រកដោះដូរទំនិញរវាងអាជីវករខ្មែរ និងថៃដ៏សំខាន់មួយ ដែលធ្វើឡើងតាមទម្លាប់យូរឆ្នាំមកហើយ ។ ទំនិញដែលអាជីវករនៃប្រទេសទាំងពីរតែងធ្វើការដោះដូរមានដូចជា ត្រីសាច់ មាន់ ទា កសិផល និងបន្លែព្រៃជាដើម ប៉ុន្តែអ្វីដែលគួរឲ្យកត់សម្គាល់នោះ នៅក្នុងរដូវវស្សានេះ ប្រជាជនកម្ពុជាកំពុងកាក់កបជាមួយនឹងការលក់សត្វកណ្តូបទៅឲ្យជនជាតិថៃ ដោយក្នុង១ថ្ងៃៗរាប់រយគីឡូក្រាមសម្រាប់យកទៅធ្វើជាអាហារដ៏ពេញនិយមរបស់ពួកគេ ។

ប្រជាពលរដ្ឋបា្រប់ថា សត្វកណ្តូបនេះក្នុងមួយថ្ងៃ អាជីវករទាំងអស់អាចលក់ទៅឲ្យថៃ ចន្លោះពី៥០០គីឡូក្រាមទៅ១តោន ហើយថ្ងៃខ្លះ អាចនាំចេញទៅថៃពី២ទៅ៣តោនក៏មាន ប៉ុន្តែក្នុងឆ្នាំនេះ ពុំសូវមានកណ្តូបដូចឆ្នាំមុននោះទេ ។

លោកបន្ដថា ៖« នៅពេលរដូវលំហើយមកដល់ សត្វកណ្តូបក៏ចាប់ផ្តើមអស់ដែរ ហើយសត្វកណ្តូបដែលពួកគាត់យកមកលក់នេះ ភាគច្រើនឈ្មួញនៅខេត្តកំពង់ធំ ជាអ្នកដឹកមកដល់លើភ្នំដងរែកតែម្តងដើម្បីលក់ឲ្យពួកគាត់ជាឈ្មួញកណ្ដាលសម្រាប់លក់ឲ្យថៃ»។

ស្រដៀងគ្នានេះដែរ អ្នកស្រី លី ដានីន ជាអាជីវករលក់ដូរនៅទីនោះ បាននិយាយថា អាជីវកររកស៊ីនៅទីនេះគឺលក់ដូរតាមរដូវកាលដូចជារដូវប្រាំង លក់ផ្សិតរងា ផ្សិតឈើ ចុងផ្តៅ និងកសិផលផ្សេងៗជាដើម ។ ចំណែកនៅរដូវវស្សានេះ មានសត្វកណ្តូប, កង្កែប, ដំឡូងទៀន និងចុងផ្តៅ សម្រាប់លក់ទៅឲ្យជនជាតិថៃ ដែលចូលមកលេងកម្សាន្តនៅច្រកទ្វារអានសេះ ។

អ្នកស្រីបញ្ជាក់ថា ៖« ក្នុងមួយថ្ងៃ អាជីវករម្នាក់ៗអាចលក់សត្វកណ្តូបទៅឲ្យថៃ ក្នុងចន្លោះពី២០ទៅ២៥គីឡូក្រាម ក្នុងតម្លៃ៣០០បាត ស្មើនឹងជាង៣ម៉ឺនរៀល ក្នុង១គីឡូក្រាម »។

អ្នកស្រីបន្ថែមថា ៖« ក្រោយពេលផុតរដូវសត្វកណ្តូប ពួកគាត់មានទំនិញដូចជា បន្លែ ផ្សេងៗទៀតទៅតាមរដូវរបស់បន្លែព្រៃ ដូចជា ចុងផ្តៅ ស្លឹកព្រិច ផ្សិត និងកសិផលកសិកម្មផ្សេងៗជាដើម ។

បើតាមការលើកឡើងរបស់ជនជាតិថៃម្នាក់ ដែលបាននាំគ្នាចូលមកទិញសត្វកណ្តូបនៅក្នុងផ្សារអានសេះទឹកដីកម្ពុជា បានប្រាប់ថា សត្វកណ្តូបពេញនិយមខ្លាំងសម្រាប់យកទៅធ្វើជាអាហាររបស់ជនជាតិថៃ ដែលមានរសជាតិឆ្ងាញ់ ពិសេសនោះ គេយកសត្វកណ្តូបទៅបំពង រួចហូបជាមួយបុកល្ហុងជាដើម ។

ជនជាតិថៃរូបនេះបញ្ជាក់ថា ៖« នៅប្រទេសថៃពុំមានសត្វកណ្តូបដូចកម្ពុជានោះទេ ហើយកណ្តូបនេះភាគច្រើនមាននៅតាមចម្ការ ពិសេសចម្ការពោត ប៉ុន្តែនៅថៃ កសិករប្រើប្រាស់ថ្នាំ សម្លាប់សត្វល្អិតច្រើន ទើបធ្វើឲ្យស្រុកពួកគេ ពុំមានសត្វកណ្តូបដូចកម្ពុជាឡើយ »៕

ជនជាតិថៃបើករថយន្តបុកម៉ូតូបណ្តាលអោយក្មេងប្រុស២នាក់ស្លាប់ភ្លាមៗ នៅផ្លូវជាតិលេខ៦A

ខេត្តកំពង់ធំ៖ ជនជាតិថៃបើករថយន្តបុកម៉ូតូបណ្តាលអោយក្មេងប្រុស២នាក់ស្លាប់ភ្លាមៗ នៅផ្លូវជាតិលេខ៦A ក្នុងស្រុកកំពង់ស្វាយ ហេតុការណ៍នេះបានកើតឡើងកាលពីវេលាម៉ោង៦និង២៦នាទីព្រឹក ថ្ងៃទី១២ ខែកញ្ញា ឆ្នាំ២០១៨ នេះនៅលើកំណាត់ផ្លូវជាតិលេខ០៦ ចន្លោះគីឡូម៉ែត្រលេខ១៨៨-១៨៩ នៅភូមិបាគង ឃុំត្បែង ស្រុកកំពង់ស្វាយ ខេត្តកំពង់ធំ។

ករណីគ្រោះថ្នាក់ចរាចរណ៍ រថយន្ត បុកម៉ូតូបើកបរបត់ឆ្វេង ក្នុងទិសដៅស្របគ្នា ពីកើតទៅលិច បណ្តាលឲ្យស្លាប់ក្មេងប្រុស២នាក់នៅនឹងកន្លែងកើតហេតុ ។

ម្ចាស់រថយន្ដ ឈ្មោះ ផន ថេប ភេទប្រុស អាយុ៤២ឆ្នាំ នៅភូមិបាងកក សង្កាត់បាងកក ក្រុងថេប ប្រទេសថៃ បានបើក រថយន្តម៉ាក ISUZU ពណ៌ស ស្លាកលេខ ភ្នំពេញ 2AV.7563 បើកបរផ្លូវត្រង់ទិសដៅពីកើតទៅលិច អ្នករួមដំណើរជាមួយចំនួន២នាក់ ឈ្មោះ ឆាន ណាកាន ភេទស្រី អាយុ២៨ឆ្នាំ នៅភូមិ សង្កាត់ ជាមួយអ្នកបើកបររថយន្ត និងឈ្មោះ ម៉ុន ឈន ភេទប្រុស អាយុ៣៥ឆ្នាំ នៅភូមិធ្នុង ឃុំដានរុន ស្រុកសូទ្រនិគម ខេត្តសៀមរាប ។

ចំណែកក្មេងបើកម៉ូតូ ឈ្មោះ ចាន់ យុត្តិការ ភេទប្រុស អាយុ០៩ឆ្នាំ នៅភូមិត្រាំខ្លា ឃុំត្បែង ស្រុកកំពង់ស្វាយ ខេត្តកំពង់ធំ ស្លាប់នៅកន្លែងកើតហេតុ មិនពាក់មួកសុវត្ថិភាព បានបើកបរម៉ូតូម៉ាកហុងដា C125 ពណ៌ខ្មៅ ស្លាកលេខ តាកែវ 1C.3009 បើកបរទិសដៅពីកើតទៅលិច ហើយបត់ឆ្វេង អ្នករួមដំណើរឈ្មោះ ធួក ឌុល ភេទប្រុស អាយុ៧ឆ្នាំ នៅភូមិ ឃុំជាអ្នកបើកបរម៉ូតូ ស្លាប់នៅកន្លែងកើតហេតុ មិនពាក់មួកសុវត្ថិភាព ។

មូលហេតុ បង្កឡើងដោយអ្នកបើកបរម៉ូតូបើកបត់ឆ្វេងខ្ជីខ្ជារខ្វះការប្រុងប្រយ័ត្ន រួមផ្សំនឹងអ្នកបើកបររថយន្តមានល្បឿនលឿនបង្កឲ្យគ្រោះថ្នាក់ចរាចរណ៍កើតឡើង ៕

ប្រភព៖ FB