(ភ្នំពេញ)៖ នៅរសៀលថ្ងៃទី២៤ ខែមេសា ឆ្នាំ២០១៨នេះ ឧត្តមសេនីយ៍ឯក រ័ត្ន ស្រ៊ាង មេបញ្ជាការរង កងរាជអាវុធហត្ថលើផ្ទៃប្រទេស និងជាមេបញ្ជាការ កងរាជអាវុធហត្ថរាជធានីភ្នំពេញ បានចេញមុខ អំពាវនាវដល់មហាជន សូមឲ្យមានការប្រុងប្រយ័ត្នខ្ពស់ ចំពោះល្បិចកល់ជនខិលខូច ក្នុងសម័យទំនើប បន្ទាប់ពីអាវុធហត្ថរាជធានីភ្នំពេញ ធ្វើការបង្ក្រាបករណីឆបោក ០២ករណី ផ្ទួនៗគ្នា ដែលធ្វើឲ្យជនរងគ្រោះបានខាតបង់ប្រាក់ជាង១លានដុល្លារ។

សូមពិនិត្យករណី ដែលអាវុធហត្ថរាជធានីភ្នំពេញ បង្ក្រាបបាន @នៅថ្ងៃទី១៨ ខែមេសា ឆ្នាំ២០១៨ អាវុធហត្ថរាជធានីភ្នំពេញ បានទទួលពាក្យបណ្តឹងពី ជនរងគ្រោះម្នាក់ សុំមិនបញ្ចេញអត្តសញ្ញាណ បានប្តឹងពីជនសង្ស័យ០៨នាក់ ដែលបានរៀបគម្រោងឆបោកជាប្រព័ន្ធ មកលើរូបគាត់ រហូតធ្វើឲ្យខាតបង់ប្រាក់អស់ចំនួន ៨៣ម៉ឺនដុល្លារ ដោយជនរងគ្រោះបានរៀបរាប់ថា៖ ក្នុងអំឡុងខែធ្នូ ឆ្នាំ២០១៧ មានបុរសម្នាក់ឈ្មោះ ប្រុស ម៉ៅ បានទំនាក់ទំនងគាត់ ឲ្យជួយលក់ដីមួយកន្លែងទំហំ ៥៨០ម៉ែត្រការ៉េ ដែលមានវិញ្ញាបនបត្រ សម្គាល់ម្ចាស់អចលនវត្ថុលេខ 12040808-0033 ចុះថ្ងៃទី០៧ ខែកញ្ញា ឆ្នាំ២០១៧ ចេញដោយមន្ទីរសុរិយោដីត្រឹមត្រូវ មានទីតាំងនៅភូមិ៨ សង្កាត់បឹងកក់២ ខណ្ឌទួលគោក រាជធានី ភ្នំពេញ លក់ក្នុងតម្លៃទាបជាងទីផ្សារ។

ក្រោយពេលទទួលបានព័ត៌មាន ជនរងគ្រោះ បានឲ្យក្រុមការងារចុះទៅ ជួបជាមួយម្ចាស់ដីឈ្មោះផាន ដើម្បីពិនិត្យប្លង់ដី និងផ្ទៀងផ្ទាត់អត្តសញ្ញាណម្ចាស់កម្មសិទ្ធិករ អត្តសញ្ញាណប័ណ្ណ និង សៀវភៅគ្រួសារ ឃើញថាមានភាពត្រឹមត្រូវទាំងអស់ ទើបជនរងគ្រោះ បានសម្រេចចិត្តទិញដីនោះ ដោយ ខ្លួនឯង និងបានកក់ប្រាក់លើកទី១ចំនួន១៥ម៉ឺនដុល្លារ, លើកទី២ ចំនួន១០ម៉ឺនដុល្លារ និងលើកទី៣ ចំនួន១៥ម៉ឺនដុល្លារ សរុបចំនួន៤០ម៉ឺនដុល្លារ។ ក្នុងអំឡុងពេលដំណើរការផ្ទេរកម្មសិទ្ធិ ក្រុមជនសង្ស័យខាងលើបានណែនាំម្ចាស់ដី០៣ក្រុម ផ្សេងទៀត មកជួបជាមួយជនរងគ្រោះ ដើម្បីឲ្យជួយទិញដី ក្នុងនោះរួមមាន៖

– នៅថ្ងៃទី២២ ខែធ្នូ ឆ្នាំ២០១៧ ជនរងគ្រោះបានកក់ប្រាក់ចំនួន១៥ម៉ឺនដុល្លារ ដើម្បីទិញដីមួយប្លង់ ទំហំ២៨៤៩ ម៉ែត្រការ៉េ មានឯកសារគ្រប់គ្រាន់ និងមានវិញ្ញាបនបត្រសម្គាល់អចលនវត្ថុលេខ 12051008-0071 ចុះថ្ងៃទី២២ ខែធ្នូ ឆ្នាំ២០១១ ចេញដោយមន្ទីរសុរិយោដីត្រឹមត្រូវ មានទីតាំងនៅភូមិធម្មត្រ័យ សង្កាត់ព្រៃស ខណ្ឌដង្កោ រាជធានីភ្នំពេញ។
– នៅថ្ងៃទី១១ ខែមករា ឆ្នាំ២០១៧ ជនរងគ្រោះបានកក់ប្រាក់ចំនួន១៨ម៉ឺនដុល្លារ ដើម្បីទិញដីមួយប្លង់ ទំហំ៤០៩ ម៉ែត្រការ៉េ មានឯកសារគ្រប់គ្រាន់ និងមានវិញ្ញាបនបត្រសម្គាល់អចលនវត្ថុលេខ 12080102-0474 ចុះថ្ងៃទី០៦ ខែកក្កដា ឆ្នាំ២០១២ ចេញដោយមន្ទីរសុរិយោដីត្រឹមត្រូវ មានទីតាំងនៅភូមិពោងពាយ សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ។
– នៅថ្ងៃទី០៩ ខែកុម្ភៈ ឆ្នាំ២០១៨ ជនរងគ្រោះបានកក់ប្រាក់ចំនួន១០ម៉ឺនដុល្លារ ដើម្បីទិញដីមួយប្លង់ ទំហំ៦១៥៥ ម៉ែត្រការ៉េ មានឯកសារគ្រប់គ្រាន់ និងមានវិញ្ញាបនបត្រសម្គាល់អចលនវត្ថុលេខ 12050605-0285 ចុះថ្ងៃទី១៦ ខែមិថុនា ឆ្នាំ២០១០ ចេញដោយមន្ទីរសុរិយោដីត្រឹមត្រូវ មានទីតាំងនៅភូមិចំការឪឡឹក សង្កាត់កាកាប ខណ្ឌពោធិសែនជ័យ រាជធានីភ្នំពេញ។

លុះក្រោយមក ឯកសារផ្ទេរកម្មសិទ្ធិដីទី១ ដែលជនរងគ្រោះកំពុងដំណើរការ ត្រូវបានភូមិបាលខណ្ឌទួលគោក រកឃើញថា ជាប្លង់ដីក្លែងក្លាយ ជនរងគ្រោះក៏ទំនាក់ទំនងទៅម្ចាស់ដីនោះវិញ តែមិនអាចទំនាក់ទំនងបាន ទើបជនរងគ្រោះដឹងថារូបគាត់ត្រូវបានជនសង្ស័យខាងលើបោកប្រាស់។ ខណៈនោះ ជនរងគ្រោះ នឹកឃើញថា គាត់នៅមានដី០៣ប្លង់ផ្សេងទៀត ដែលគាត់កំពុងរត់ឯកសារទិញជាបន្តបន្ទាប់ តាមរយៈការចង្អុលបង្ហាញ ពីក្រុមជនសង្ស័យខាងលើ គាត់ក៏សើរើយកមកពិនិត្យឡើងវិញ ទើបដឹងថាសុទ្ធតែជាឯកសារ ក្លែងក្លាយទាំងអស់ ហើយម្ចាស់ដីទាំងនោះ ក៏មិនអាចទំនាក់ទំនងបានទៀតដែរ ។ នៅទីបំផុតជនរងគ្រោះ ត្រូវខាតបង់ប្រាក់អស់ចំនួន៨៣ម៉ឺនដុល្លារ ក្នុងការទិញដី ក្រោមឯកសារផ្លូវច្បាប់ក្លែងបន្លំ ដែលជនរងគ្រោះនឹកស្មានមិនដល់ ទើបជនរងគ្រោះមកដាក់ពាក្យបណ្តឹងនៅបញ្ជាការដ្ឋាន កងរាជអាវុធហត្ថរាជធានីភ្នំពេញ ។

ក្នុងករណីនេះ អាវុធហត្ថរាជធានីភ្នំពេញ បានស្រាវជ្រាវឃាត់ខ្លួនជនសង្ស័យចំនួន០៤នាក់ កសាងសំណុំរឿងបញ្ជូន ទៅតុលាការ ក្នុងថ្ងៃទី២៤ ខែមេសា ឆ្នាំ២០១៨ និង បានរកឃើញថាក្រុមនេះ ក៏ជាប់ពាក់ព័ន្ធជាមួយ ជនសង្ស័យ០៣នាក់ ដែលបានឆបោកដោយប្រើរូបមន្តតែមួយ ធ្វើឲ្យជនរងគ្រោះផ្សេងទៀតខាតបង់ប្រាក់អស់៣០ម៉ឺនដុល្លារ ហើយត្រូវបានអាវុធហត្ថរាជធានីភ្នំពេញទើបតែបង្ក្រាបបានកាលពីថ្ងៃទី០៧ ខែមីនា ឆ្នាំ២០១៨ ។ ក្រៅពីនេះនៅមាន ជនជាប់ពាក់ព័ន្ធចំនួន ០៦នាក់ផ្សេងទៀត ដែលអាវុធហត្ថរាជធានីភ្នំពេញ កំពុងស្នើសុំដីកាស្វែងរកចាប់ខ្លួនពីតុលាការ។ តាមព័ត៌មានរបស់អាវុធហត្ថរាជធានីភ្នំពេញទទួលបាន ចំពោះករណីឆបោកដូចគ្នានេះ គឺកំពុងកើតមានជាច្រើនផ្សេងទៀត ដូច្នេះសូមមហាជនទាំងអស់ មុននឹងទទួលទិញអចលនៈទ្រព្យ ចូរបង្កើនការប្រុងប្រយ័ត្នឲ្យបានខ្ពស់បំផុតចៀសវាងខាតបង់ទ្រព្យសម្បត្តិ៕

ភ្នំពេញ ៖ សមត្ថកិច្ចនគបាលព្រហ្មទណ្ឌខណ្ឌច្បារអំពៅ បានបញ្ជូនជនសង្ស័យម្នាក់ឈ្មោះ សៀង សុជាតិ អាយុ៣៨ឆ្នាំ ទៅកា​ន់តុលាការ ដើម្បីចាត់ការតាមនីតិវិធីច្បាប់ ពាក់ព័ន្ធករណីចាប់រំលោភក្មេងស្រីអាយុ១៤ឆ្នាំ នៅក្នុងសាលាបឋមសិក្សាច្បារអំពៅ ភូមិដើមស្លែង សង្កាត់ច្បារអំពៅ២ ខណ្ឌច្បារអំពៅ រាជធានីភ្នំពេញបានសំរេចជាបន្តបន្ទាប់។

ប្រភពពីសមត្ថកិច្ចបានអោយដឹងថា ៖ ឈ្មោះ សៀង សុជាតិ អាយុ៣៨ឆ្នាំ មុខរបរលក់ការ៉េម ស្នាក់នៅភូមិអូរអណ្តូង សង្កាត់ព្រែកប្រា ខណ្ឌច្បារអំពៅ រាជធានីភ្នំពេញ។ តំបូងឡើយកាលពីថ្ងៃទី១៣ ខែមេសា ឆ្នាំ២០១៨ នៅពេលដែលកុមារីរងគ្រោះ បានមកលេងនៅក្នុងសាលាបឋមសិក្សាច្បារអំពៅ ភូមិដើមស្លែង សង្កាត់ច្បារអំពៅ២ ខណ្ឌច្បារអំពៅ ហើយពេលនោះក៏បានជួបជនសង្ស័យ។

បន្ទាប់មកជនសង្ស័យបានឲ្យការ៉េមកី០១កែវ ទៅកុមារីរងគ្រោះហូប ហើយបើកទូរស័ព្ទឲ្យកុមាររីរងគ្រោះមើលរឿងអាសអាភាស បន្ទាប់មកជនសង្ស័យ ក៏បាននាំកុមារីរងគ្រោះចូលទៅក្នុងបន្ទប់ទឹក សាលា (ចំណុចកើតេហតុ) រួចចាប់រំលោភកុមារីរងគ្រោះ បានសម្រេចម្តង និងគម្រាមថា បើហ៊ាននិយាយរឿងប្រាប់គេ នឹងអាកសម្លាប់ចោល។

លុះដល់ថ្ងៃទី២៤ ខែមេសា ឆ្នាំ២០១៨ ម៉ោង១២និង០០នាទី កុមារីរងគ្រោះមានសភាពស្លេកស្លាំង មិនសូវហូបបាយ ម្តាយក៏បានសួរ រួចកុមារីរងគ្រោះក៏និយាយរឿងហេតុ ទាំងអស់ប្រាប់ម្តាយ ពេលនោះម្តាយក៏នាំទៅពិនិត្យសុខភាពនៅមន្ទីរពេទ្យបង្អែកខេត្តកណ្តាល ហើយគ្រូពេទ្យប្រាប់ថា កុមារីរងគ្រោះមានស្នាមដាច់រលាត់ប្រដាប់ភេទ។

បន្ទាប់មកម្តាយកុមារីរងគ្រោះក៏ទៅឃាត់ខ្លួនជនសង្ស័យ នៅភូមិដើមអំពិល សង្កាត់ច្បារអំពៅ១ ខណ្ឌច្បារអំពៅ ប្រគល់ឲ្យសមត្ថកិច្ច ចាត់ការតាមច្បាប់។

សៀមរាប៖ ទីបំផុតឃាតកដែលចាក់សម្លាប់បុរសដែលជាម្ចាស់​អាជីវកម្ម​លក់​គ្រឿងបន្លាស់​រថយន្តនៅសៀមរាប ពេលត្រូវកម្លាំងប៉ូលិសខេត្តសៀមរាបចាប់បានហើយ កាលពី​ល្ងាច​ថ្ងៃទី ២៥ ខែមេសា ឆ្នាំ២០១៨ នៅ​ចំណុច​ក្បែរ​រង្វង់​មូល​ភូមិ​ព្រៃ​គុយ ឃុំ​អំពិល ស្រុក​ប្រាសាទបាគងខេត្តសៀមរាប។

ជន​សង្ស័យដែលឃាត់ខ្លួននោះឈ្មោះ​ ព្រហ្ម សុ​ព្រឹក្ស ហៅថា​ន ភេទ​ប្រុស​ អាយុ២៨ឆ្នាំ មាន​ទីលំនៅ​ភូមិ​ចា​ន់ស ឃុំ​ចា​ន់ស ស្រុក​សូទ្រនិគម ខេត្តសៀមរាប មានមុខ​របរ គួ​ជេរ​ដី(ជំនួញ​ដីធ្លី)។

ចំណែកជនរងគ្រោះ​មាន ឈ្មោះ​ ពិត បារាំង អាយុ៤៥ឆ្នាំ រស់នៅ​ផ្ទះកើតហេតុ ស្ថិតក្នុង​ភូមិ​គ្រួស​សង្កាត់​ស្វាយដង្គុំ ក្រុង​សៀមរាប ត្រង់ចំណុច​ខាងត្បូង​ស្តុ​ប​សណ្ឋាគារ​ស៊ី​ធី​អង្គរ ត្រូវ​បានឃាតករ​ចាក់​សម្លាប់​ដោយ​កាំបិត​ចុង​ស្រួច នា​អំឡុង​ម៉ោងជាង ៩ យប់​ថ្ងៃទី២៣ ខែមេសា ឆ្នាំ២០១៨ ហើយ​ទើប​ភ្ញាក់ផ្អើល​នា​ម៉ោងជាង៧ព្រឹក ថ្ងៃទី២៤ខែ មេសា ឆ្នាំ២០១៨។

ក្រោយ​ធ្វើ​សកម្មភាព ឃាតករ​បាន​ដោះកាមម៉េរ៉ាសុវត្តិភាព រត់គេច​ខ្លួន​បាត់ ករណីនេះ​សមត្ថកិច្ច​អះអាងថា ជា​អំពើ​ឃាតកម្ម ប្លន់​សម្លាប់។

ទន្ទឹមនិងនោះសមត្ថកិច្ច​ក៏បាន​នាំខ្លួន បុរស​ម្នាក់​ដែលជា​កម្មករ​បំរើការ​នៅផ្ទះ​ខាងលើ យកទៅ​សាកសួរ​ផងដែរ ដែលមាន​ឈ្មោះ​លឿ ភិ​រ៉ូ ឆ្នាំ​កំណើត១៩៨៣ មាន​ទីលំនៅ​ភូមិ​ធិបតី ឃុំ​ត្រី​ញ័រ ស្រុក​ពួក​ខេត្តសៀមរាប។
ករណីឃាតកម្ម​ខាងលើ ហាក់បីដូចជា​មានការ​រៀប​គំរោង​ទុក ពីព្រោះ​កាមេរ៉ា​សុវត្ថិភាព​ត្រូវបាន​ដោះចេញ​ជាមុន ឯ​ទូរ​សព្ទ័​ដៃ​របស់​ជនរងគ្រោះ ក៏ត្រូវ​ឃាតករ​យកទៅ​បាត់​ផងដែរ ៕

ប្រភព៖ ដើមរាំង-Dermrang

ភ្នំពេញ៖ នារីពីនាក់បានរងនូវអំពើហឹង្សាពីបុរសជនជាតិចិន​ម្នាក់ ជាថៅកែហាងខារ៉ាអូខេដែលបង្ខំឲ្យនារី២នាក់នោះ ទៅអង្គុយជាមួយមិត្តភក្រ្ត័ខ្លួន តែនាងមិនព្រម ហេតុការណ៍បានកើតឡើងនៅវេលាម៉ោង១០៖៥០នាទីយប់ ត្រូវថ្ងៃទី២៣ ខែមេសា ឆ្នាំ២០១៨ នៅចំណុចមុខ KTV QI HAO GONG GOAN ជាប់ផ្សារបឹងត្របែកផ្លាហ្សា ស្ថិតក្នុងសង្កាត់បឹងត្របែក ខណ្ឌចំការមន រាជធានីភ្នំពេញ។

បើតាមសម្តីនារីរងគ្រោះទាំងពីអ្នកនោះបានប្រាប់ថា៖ នៅមុនពេលកើតហេតុ មានមិត្តភក្រ្ត័ ម្នាក់ដែលជាបុគ្គលិក(នារីកំដរភ្ញៀវ) បានខលហៅនាង មកជួយកំដរភ្ញៀវ ដែលជាមិត្តភក្រ្តថៅកែ ពេលនោះនាងក៏បានមកមានគ្នាចំនួន៣នាក់​ ខណៈមកដល់ក្នុងបន្ទប់ ពួកនាងក៏ដើរចេញមកក្រៅវិញ ព្រោះភ្ញៀវទាំងនោះតែងតែបង្ខំនារីៗ ដែលជាដៃគូរទៅដេកជាមួយ បន្ទាប់មកស្រាប់តែថៅកែមកសួនាំ ហើយបានធាក់នាងពីក្រោយបណ្តាលឱ្យដួល ហើយចាប់ទះកំភ្លៀងចំនួន២ដៃ ទើបបង្កការភ្ញាក់ផ្អើលតែម្តង ។

          សាក្សីបានបន្តទៀតថា ក្រោយពីកើតហេតុភ្លាមៗថៅកែហាងខារ៉ាអូខេខាងលើ បានសងថ្លៃជំងឺចិត្តចំនួន៥០០ដុល្លារ តែនារីរងគ្រោះមិនព្រម ទើប នាងទំនាក់ទំនងទៅសមត្ថកិច្ចមូលដ្ឋាន ចុះមកជួយអន្តរាគមន៍ ហៅជនរងគ្រោះទៅដាក់ពាក្យបណ្តឹង នៅប៉ុស្តិ៍នគរបាល បឹងត្របែក ដើម្បីហៅជនបង្កទៅដោះស្រាយតាមច្បាប់ ៕

(សូមទស្សនាវិដេអូខាងក្រោម)

https://www.facebook.com/plugins/video.php?href=https%3A%2F%2Fwww.facebook.com%2Fkhmernews.net%2Fvideos%2F769303923265835%2F&show_text=0&width=560

ប្រភព៖ TVFB

ខេត្តកណ្ដាល៖  ( ដំណឹងបឋម ) នៅរសៀលម៉ោង២ និង៣០នាទីរសៀលថ្ងៃទី១៩ មេសា ២០១៨នេះ មានករណីហិង្សារមួយបានកើតឡើងដោយបុរសជាប្ដីម្នាក់បានកាប់សម្លាប់ប្រពន្ធខ្លួនឯងស្លាប់ក្នុងថ្លុកឈាមយ៉ាងអានោចអាធ័ម ដែលស្ថិតនៅចំនុចអនុវិទ្យាល័យកំពង់ចម្លង ភូមិកំពង់ចម្លង ឃុំព្រែកទន្លាប់ ស្រុកលើកដែក ខេត្តកណ្តាល ។

បើតាមសេចក្តីរាយការណ៍ជាជំហានដំបូង របស់សមត្ថកិច្ចមូលដ្ឋាន បានឲ្យដឹងថា ជនរងគ្រោះក្នុងករណីនេះមានឈ្មោះ ទន់ ស្រីណយ (ត្រូវជាប្រពន្ធ) អាយុ២០ឆ្នាំ ចំណែកជនសង្ស័យជាប្តីមានឈ្មោះ រ៉ា ឆៃរ៉ាត់ អាយុ២១ឆ្នាំ។

បន្ទាប់ពីសម្លាប់ប្រពន្ធរបស់ខ្លួនរួចមក បុរសជាប្តីចិត្តឆៅរូបនេះ បានបើកម៉ូតូរួចទៅលោតទឹកពីលើស្ពានអ្នកលឿនដើម្បីបញ្ចប់ជីវិតរបស់ខ្លួន។ រហូតមកដល់ពេលនេះ កម្លាំងសមត្ថកិច្ចកំពុងជួយអន្តរាគមន៍ស្វែងរកបុរសជាប្តីដែលលោតទឹកសម្លាប់ខ្លួននោះ និងថាភ្លាមៗគេមិនទាន់ដឹងពីមូលហេតុដែលនាំអោយមានសោកនាដកម្មនេះនៅឡើយ៕

ប្រភព៖ FB

គ្រោះថ្នាក់ដ៏រន្ធត់មួយកើតឡើងនៅខាងត្បូងផ្សារពន្លៃតាមបណ្ដោយជាតិលេខ៥ស្រុកបរិបូរណ៌ខេត្តកំពង់ឆ្នាំងបណ្តាលអោយមនុស្សរងរបួសពីរនាក់និងស្លាប់មួយនាក់

ខេត្តកំពង់ឆ្នាំង៖ នៅវេលាម៉ោង០៨៖៣០នាទីពេលព្រឹក ថ្ងៃទី១៩ ខែមេសា ឆ្នាំ២០១៨ ស្ថិតនៅតាមបណ្តោយផ្លូវជាតិលេខ៥ ភូមិពន្លៃ ឃុំពន្លៃ ស្រុកបរិបូណ៍ ខេត្តកំពង់ឆ្នាំង មានរថយន្តម៉ាកហ៊ីយ៉ាន់ដាយកង់ដប់ដឹកជ្រូកមួយគ្រឿងបានបើកបុករះម៉ូតូ៥គ្រឿងនិងបន្តទៅបុករថយន្តម៉ាកហាយលែនឌ័រមួយគ្រឿងទៀតបណ្តាលអោយមនុស្សរងរបួសពីរនាក់និងស្លាប់មួយនាក់ ។

បើយោងប្រភពពីក្រុមសមត្ថកិច្ចនិងប្រជាពលរដ្ឋដែលបានឃើញហេតុការណ៍នោះបានប្រាប់ថា៖ មានរថយន្តម៉ាកហ៊ីយ៉ាន់ដាយកង់ដប់ពាក់ស្លាកលេខតាកែវ.3A.0844 បើកដឹកជ្រូកចេញពីសាលាលេខប្រាំឆ្ពោះទៅស្រុកមោងឬស្សីមកដល់ចំណុចកើតហេតុក៍ជួបគ្រោះថ្នាក់តែម្តង ហើយភ្លាមៗនោះតៃកុងឡានកង់ដប់នោះព្យាយាមបើកធ្វារឡានបំរុងរត់គេចខ្លួនតែសំណាងអាក្រក់ត្រូវកម្លាំងសមត្ថកិច្ច និងកងរាជអាវុធហត្ថស្រុកបរិបូណ៌ចាប់បានភ្លាមៗនោះតែម្តង ។

តៃកុងឡានដែរបង្ករគ្រោះថ្នាក់នោះមានឈ្មោះ ប៊ុន លីន អាយុ៣១ឆ្នាំ រស់នៅស្រុកមោងឬស្សី ខេត្តបាត់ដំបង រីឯជនសង្ស័យដែរស្លាប់ និងរងរបួយសនោះមិនទាន់បានស្កាល់អត្តសញ្ញាណនោះទេ ។

បច្ចុប្បន្នតៃកុងឡានដែរបង្ករនោះត្រូវបានកម្លាំងសមត្ថកិច្ច និងកងរាជអាវុធហត្ថស្រុកបរិបូណ៌ចាប់បញ្ជូនខ្លួនទៅសាកសួរនឹងចាត់ការតាមនិតិវិតិនិធី ៕

ភ្នំពេញ ៖​ កាលពី​វេលា​ម៉ោងជាង​១១​ព្រឹក​ថ្ងៃ​ទី​១៩ ខែមេ​សា ​ឆ្នាំ២០១៨ ក្មេង​ស្រី​ម្នាក់​ត្រូវ​រថយន្ត​កាម​រី​ឆ្លាម​កិន​ក្បាល​ស្លាប់​ភ្លាម​ៗ​​ ខណៈ​នាង​បាន​រត់​ចេញ​ក្រៅ​ផ្ទះទៅ​​តាម​បងប្រុស​ពីក្រោយ ស្រប​ពេល​នោះរថយន្ត​បាន​បើក​រ៉ឺ​យែ​ថយ​ក្រោយ​កិន​តែ​ម្តង ​ហេតុការណ៍​ដ៏​រន្ធត់​មួយនេះបានកើតឡើង​ ស្ថិត​ត្រង់​ចំណុច​ផ្លូវលំ​មួយ​​ក្បែរ​អាង​ទឹក​ ក្នុង​សង្កាត់​ច្រាំង​ចំរេះ​ទី​២ ខណ្ឌ​ប្ញ​ស្សី​កែវ ដោយ​អ្នកបើកបរ​បង្កត្រូវ​បាន​ឃាត់ខ្លួន​ភ្លាម​ៗ​ដែរ ។

មុនពេល​ហេតុ​ម្តាយ​ក្មេង​ស្រី​រងគ្រោះ​​ឱ្យ​ដឹង​ថា៖ គាត់​បាន​ប្រើ​ឱ្យ​កូនប្រុស​ច្បង​ម្នាក់ចេញ​ទៅ​ទិញ​ម្រេចនិង​ដូរ​ហ្គេ​ស ដើម្បី​​ធ្វើ​ម្ហូប ពេល​នោះ កូនស្រី​តូច​នេះ (​ក្មេង​ស្រី​រង​គ្រោះ​) បាន​រត់​ចេញ​ទៅ​តាម​បងប្រុសនាង​ ភ្លាម​ៗ​នោះ រថយន្ត​ខាងលើ​​ក៏​​កំពុង​​បើក​រ៉ឺ​យែ​ថយក្រោយដែរ​ ព្រោះ​តែ​​មាន​រោង​ការ​គេ​នៅ​ខាង​មុខ​ទៅ​អត់​រួច តែ​មិនដឹង​អ្នកបើកបរ​ មើល​មិនឃើញ​កូន​ស្រី​តូចគាត់​យ៉ាង​ណា​ទេ បែរមក​​កិន​កូន​​​ស្លាប់​នៅ​លើ​ផ្លូវ​តែ​​ម្តង ។

ក្មេង​ស្រី​ដែល​ស្លាប់នោះមាន ​ឈ្មោះ​អ៊ុត ល​ក្ខិ​ណា អាយុ​ជាង​១​ឆ្នាំ មាន​ម្តាយ​ឈ្មោះ ​គង់ ស៊ី​ចាន់ អាយុ​២៦​ឆ្នាំ និង​ឪពុក​ឈ្មោះ​ប៊ុត ប៊ុ​ន​ថន អាយុ​២៨​ឆ្នាំជា​អ្នកបើកបរ​រថយន្ត​ដឹក​ដី មាន​ទីលំនៅក្នុង​កន្លែង​​កើតហេតុ​ ។

ចំណែងឯអ្នកបើកបរ​បង្ក​ឈ្មោះ​សាន់​នី អាយុ​២៣​ឆ្នាំ ជា​ជនជាតិ​ខ្មែរ​-​អ៊ិ​ស្លា​ម មាន​ទីលំនៅ​កន្លែង​កើតហេតុ​ដែរ មានស្រុក​កំណើត​នៅ​ខេត្តកំពត បើក​រថយន្ត​មានពាក់ស្លាកលេខភ្នំពេញ 2Q-4513  ។

មានវិដេអូ

https://www.facebook.com/plugins/video.php?href=https%3A%2F%2Fwww.facebook.com%2FTVOfficialChannel%2Fvideos%2F826781467526879%2F&show_text=0&width=560

ប្រភព៖ FB