សមត្ថកិច្ចនាំខ្លួនជនសង្ស័យ២នាក់ទៅធ្វើត្រាប់ពីសកម្មភាពសម្លាប់ថៅកែលក់គ្រឿងបន្លាស់នៅខេត្តសៀមរាប…

សៀមរាប៖ នៅព្រឹកថ្ងៃទី០៤ ខែឧសភា ឆ្នាំ២០១៨ កម្លាំងជំនាញស្នងការខេត្តសៀមរាប បានយកក្រុមជនសង្ស័យដែលសម្លាប់ជនសង្ស័យម្នាក់កាលពីថ្ងៃ២៣ ខែមេសា យកទៅធ្វើត្រាប់អំពីសកម្មភាពនិងការរៀបចំគម្រោងសម្លាប់ថៅកែលក់គ្រឿងបន្លាស់នៅក្រុងសៀមរាប។

បើតាមសម្តីលោកឧត្តមសេនីយ៍ត្រី ភឹង ចិន្តារ៉េត ស្នងការរង នៃស្នងការដ្ឋាននគរបាលខេត្តបានឲ្យដឹងថាជនសង្ស័យទាំង២នាក់មានរួមានទី១-ឈ្មោះ សយ ឡុន ហៅជ្រូក អាយុ២៤ឆ្នាំ ជាជនដៃដល់ មានមុខរបរជាងដែក មានស្រុកកំណើត នៅភូមិដូនឡី ឃុំគៀនសង្កែ ស្រុកសូទ្រនិគម ខេត្តសៀមរាប បច្ចុប្បន្នស្នាក់នៅផ្ទះជួល ភូមិសាលាកន្សែង សង្កាត់ ស្វាយដង្គំ ក្រុងសៀមរាប នឹងទី២-ឈ្មោះ អ៊ុន ប៉ូឡូញ ភេទប្រុស អាយុ៣៣ឆ្នាំ មុខរបរ រត់ម៉ូតូឌុប មានទីលំនៅភូមិដំដែកលើ ឃុំដំដែក សករុកសូទ្រនិគម ខេត្តសៀមរាប បច្ចុប្បន្នស្នាក់នៅបន្ទប់ជួលភូមិសាលាកន្សែង សង្កាត់ស្វាយដង្គំ ក្រុងសៀមរាប ជាអ្នករៀបចំគម្រោងសម្លាប់ជនរងគ្រោះ។

សូមរឭកថា បុរសម្ចាស់អាជីវកលក់គ្រឿងបន្លាស់រថយន្តម្នាក់ ត្រូវបានឃាតករចាក់សម្លាប់ដោយកាំបិតចុងស្រួចនាអំឡុងម៉ោង២១ ថ្ងៃទី២៣ ខែមេសា ឆ្នាំ២០១៨ ហើយទើបភ្ញាក់ផ្អើលនាម៉ោង៧ព្រឹក ថ្ងៃទី២៤ ខែមេសា ឆ្នាំ២០១៨ដដែល។ ជនរងគ្រោះឈ្មោះ ពិត បារាំង អាយុ៤៥ឆ្នាំ រស់នៅផ្ទះកើតហេតុភូមិគ្រួស សង្កាត់ស្វាយដង្គំ ក្រុងសៀមរាប ខេត្តសៀមរាប។

បច្ចុប្បន្នកម្លាំងជំនាញកំពុងសាកសួរយកចម្លើយនិងកសាងសំណុំរឿងបញ្ជូនទៅសាលាដំបូងខេត្តដើម្បីចាត់ការតាមនីតិវិធី៕

(សូមទស្សនាវិដេអូខាងក្រោម)

https://www.facebook.com/plugins/video.php?href=https%3A%2F%2Fwww.facebook.com%2Flay.tyty.7%2Fvideos%2F1037937219698463%2F&show_text=0&width=267

ប្រភព៖ FB

ប្តីនៅឆ្ងាយបបួលនាងចូលច្រៀងខារ៉ាអូខេ រួចចូលផ្ទះសំណាក់រំលោភបានសំរេចនិងគំរាមទុករំលោភបន្ត

ភ្នំពេញ ៖ បុរសល្មោភកាមម្នាក់ត្រូវបានសមត្ថកិច្ចឃាត់ខ្លួនកាលពីវេលាម៉ោង១២និង៣០នាទី ថ្ងៃទី៣ ខែឧសភា ឆ្នាំ២០១៨ ត្រង់ចំណុចផ្ទះជនសង្ស័យក្នុងភូមិខ្វិត សង្កាត់សាក់សំពៅ ខណ្ឌដង្កោ រាជធានីភ្នំពេញ តាមពាក្យបណ្តឹងរបស់នារីរងគ្រោះករណីរំលោភបានសម្រេចច្រើនដង។

តាមប្រភពពីសមត្ថកិច្ចបានអោយដឹងថា ៖ នារីរងគ្រោះមានឈ្មោះ ក.ស.អ អាយុ២៩ឆ្នាំ មុខរបរកម្មការិនីរោងចក្រ ។ ចំណែកជនសង្ស័យមានឈ្មោះ ហេង ហួត ហៅ ម៉ាំង ភេទប្រុស អាយុ២៩ឆ្នាំ មុខរបរបើករថយន្តដឹកអីវ៉ា់ន់រោងចក្រ មានទីលំនៅភូមិខ្វិត សង្កាត់សាក់សំពៅ ខណ្ឌដង្កោ។តាមប្រភពបានឲ្យដឹងថា មុនពេលកើតហេតុ អំឡុង ខែកក្កដា ឆ្នាំ២០១៧ វេលាម៉ោង៤ល្ងាច នារីរងគ្រោះ នៅផ្ទះម្តាយក្មេកស្ថិតនៅភូមិព្រៃសលិច សង្កាត់ព្រៃស ខណ្ឌដង្កោ។ ពេលនោះ ប្អូនស្រីបង្កើតរបស់ជនសង្ស័យ ដែលត្រូវជាមិត្តភក្តិរបស់ជនរងគ្រោះ បានទូរស័ព្ទហៅនារីរងគ្រោះឲ្យទៅផឹកស៊ីនៅផ្ទះ របស់ជនសង្ស័យ។ ដោយនារីរងគ្រោះបានជិះម៉ូតូទៅជាមួយនិងកូនប្រុសអាយុ ៩ឆ្នាំម្នាក់ ទៅជាមួយ រួចបានផឹកស៊ីមានគ្នាចំនួន៥នាក់ ក្នុងនោះក៏មានប្រពន្ធរបស់ជនសង្ស័យផងដែរ ។ រហូតដល់វេលាម៉ោង៧យប់ ស្ត្រីរងគ្រោះលាសុំទៅផ្ទះមុន តែជនសង្ស័យ និងអ្នកផឹកស៊ីជាមួយគ្នាឃាត់មិនឲ្យទៅ ថែមទាំងបានលួចដក ក្បាលប៊ូស៊ី ម៉ូតូរបស់ស្ត្រីរងគ្រោះលាក់ទុកបាត់។

លុះនៅវេលាម៉ោង៨យប់ ប្អូនស្រីជនសង្ស័យបាន បបួលស្ត្រីរងគ្រោះទៅច្រៀងខារ៉ាអូខេ យីហោរ៉ូមែនទិក ខេធីវី ហ្វាមីលី ស្ថិតនៅសង្កាត់បឹងសាឡាង ខណ្ឌទួលគោក រាជធានីភ្នំពេញ ។ រហូតដល់វេលាម៉ោង១និង៣០នាទី ក៏នាំគ្នាត្រលប់មកផ្ទះវិញដោយជនសង្ស័យបានជិះម៉ូតូឌុបស្ត្រីរងគ្រោះ មានសភាពស្រវឹងស្រាខ្លាំង ក៏ឌុបចូលផ្ទះសំណាក់ ម្តុំរង្វង់មូលចោមចៅ ។ មិនបង្អង់យូរគ្រាន់តែចូលដល់ភ្លាមជនសង្ស័យបានប្រើគ្រប់វិធី និងគំរាមនារីរងគ្រោះដើម្បីរំលោភរហូតបានសំរេចនៅពេលនោះទៅ ក្រោយៗមកទៀតគេតែងតែ លួងលោម គំរាមនារីរងគ្រោះបង្ខំរួមភេទជាបន្តបន្ទាប់ចំនួន ៣លើកថែមទៀត ចុងក្រោយជនសង្ស័យបាននិយាយលួងលោម និងគំរាម ស្ត្រីរងគ្រោះឌុបយកទៅដេកនៅផ្ទះសំណាក់នៅ ក្រុងតាខ្មៅ ខេត្តកណ្តាល រួមភេទបានសម្រេច មួយលើកទៀត។ តែដោយដឹងខ្លួនខុស និងពិបាកគេចផុតពីក្រញាំតណ្ហារបស់បុរសល្មោភកាមនេះបាន ម្យ៉ាងខ្លាចប្តីដឹងផងនោះ ក៏ដាច់ចិត្តប្រាប់ប្តីប្តឹងសមត្ថកិច្ចអោយចាប់ខ្លួនដើម្បីដោះស្រាយតាមផ្លូវច្បាប់តែម្តង៕

កាន់តែស៊ើប លោក ផែង វណ្ណះ ថាអោយចំៗលើមន្ត្រីដែលត្រូវបណ្តេញរឿងពិន័យលើសកំណត់

ភ្នំពេញ ៖ ថ្មីៗនេះក្រោយផ្ទុះករណីប៉ូលីសចរាចរ ពីរនាក់បានជំរិត ផាកពិន័យជនបរទេសក្នុងបទល្មើសចរាចរជាក់ស្តែង និង បានទាប្រាក់រហូតដល់ ៨០ ០០០៛ លើសពីការផាកធម្មតា ដែលនាំអោយផ្ទុះការរិះគន់និងតាមដានពត៍មានគ្រប់មជ្ឃដ្ធានផងដែរ រហូតដល់មានអន្តរាគមន៍ពី នាយឧត្តមសេនីយ៍ ជួន សុវណ្ណ អគ្គស្នងការនគរបាលជាតិ និង ជាស្នងការរាជធានីភ្នំពេញ បានបណ្តេញមន្ត្រី ២នាក់នោះចេញពីអង្គភាពទៀតផង។

ជុំវិញការបណ្តេញចេញនេះដែរមានសាធារណះមតិ ២ផ្ទុយគ្នាបានកើតឡើង ដែលមានអ្នកគាំទ្រ និង មិនគាំទ្រចំណាត់ការនេះ ខណះដែលម្ខាងៗមានហេតុផលរៀងៗខ្លួន។

ក្នុងនោះដែរយើងឃើញលោក ផែង វណ្ណះ ដែលជាអ្នកលេងបណ្តាញសង្គមហ្វេសប៊ុកដ៏ល្បីល្បាញ និង រិះគន់មិនសំចៃមាត់ទៅលើបុគ្គល អង្គភាព និង ជនអាងអំណាចមាសប្រាក់ បុណ្យស័ក្ក គៀបសង្កត់ប្រជារាស្រ្តស្លូតត្រង់បានចេញមុននិយាយចំៗថា ៖ មន្ត្រីចាប់ជំរឹតរាស្ត្រជាជនរងគ្រោះឬ ?

ខ្ញុំពិតជាហួសចិត្តនៅពេលអ្នកខ្លះប្រើមនោសញ្ចេតនាអាណិតមន្ត្រីចាប់ជំរឹតថាជាជនរងគ្រោះទៅវិញ ? តើមន្ត្រីចាប់ជំរឹតរាស្ត្រ ធ្វើអោយរាស្ត្រក្ដៅក្រហាយរហូតឈានទៅដល់ខឹងគោទៅវាយទេះ ជាមន្ត្រីរងគ្រោះឬ ? ខ្ញុំសួរថា តើពេលដែលមន្ត្រីទាំងនោះចាប់រាស្ត្រក្រីក្រមកពីខេត្តបើកបរមានកំហុសបន្តិចបន្តួចជំរឹតយកលុយ អ្នកមានអារម្មណ៍ឈឺចាប់អាណិតរាស្ត្រទេ ?
សូមមេត្តាឈប់យកមនោសញ្ចេតនាផ្ទាល់ខ្លួនមកឡូកឡំនឹងការអនុវត្តន៍ច្បាប់ទៅ វាដល់ពេលដែលត្រូវកាត់សាច់ស្អុយចោលហើយ ។ តើទុកអោយរាស្ត្រស្រែកជេរដល់ណាទើបធ្វើ ?
ម្យ៉ាងវិញទៀត ការដាក់កំហុសទៅលើមន្ត្រីថ្នាក់ក្រោមមិនគ្រប់គ្រាន់ទេ ប្រធានអង្គភាពក៏ត្រូវតែរួមចំណែកទទួលខុសដែរ ៕

នេះជាលើកទី១ហើយ ដែលឃើញរន្ទះបាញ់ ឆេះផ្ទះវីឡា យ៉ាងសន្ធោសន្ធៅដូចនេះ

សៀមរាប ៖ គ្រោះធម្មជាតិមួយ (រន្ទះបាញ់) បានធ្វើអោយផ្ទះវីឡាឈើរបស់ថៅកែតារាងវាយកូនគោលអង្គរហ្គោល រីសត ត្រូវបានអគ្គិភ័យលេបត្របាក់អស់ទាំងស្រុង នៅរសៀលថ្ងៃទី៣ ខែឧសភា ឆ្នាំ២០១៨ ស្ថិតនៅតារាងវាយកូនគោលអង្គរហ្គោល រីសតនៅក្នុងក្រុមទី៤ ភូមិរកាធំ សង្កាត់ស្រង៉ែ ក្រុងខេត្តសៀមរាប។

យោងតាមប្រភពនរគបាលខេត្តសៀមរាបបានអោយដឹងថា ៖ ម្ចាស់ផ្ទះដែលត្រូវភ្លើងឆេះមានឈ្មោះ ហូ ឡិច ភេទប្រុស អាយុ ៤២ឆ្នាំ ជនជាតិឥណ្ឌូណេស៊ី មុខរបរថៅកែ តារាងវាយកូនគោលអង្គរហ្គោល រីសត រស់នៅក្នុងក្រុមទី៤ ភូមិរកាធំ សង្កាត់ស្រង៉ែ ក្រុងខេត្តសៀមរាប។ ផ្ទះដែលត្រូវភ្លើងឆេះហើយមិនអាចស្រោចស្រង់បាននោះមានទំហំ៩ម៉ែត្រគុណ១០ម៉ែត្រ។ យើងតាមកម្លាំងជំនាញ បង្ការពន្លត់អគ្គិភ័យនៃស្នងការនគរបាលខេត្តនិងកងរាជអាវុធហត្ថខេត្តនិងរថយន្តអង្គភាពបេតិកភណ្ឌ បានចេញជួយអន្តរាគមន៍ ប៉ុន្តែមិនអាចជួយបានដោយសារជាផ្ទះឈើ ទើបភ្លើងឆេះលឿនអស់តែម្តង។

ចំណែកសម្ភារៈនៅក្នុងផ្ទះបណ្តាលឲ្យមានការខូចខាតទាំងស្រុង តែពុំបណ្តាលឲ្យមានគ្រោះថ្នាក់ដល់មនុស្សជីវិតឡើយ ហើយនេះក៏ជាមេរៀនមួយសំរាប់គ្រប់គ្នាត្រូវមានការប្រុងប្រយ័ត្ន និង រៀបប្រព័ន្ធសុវត្តិភាពការពារផ្ទះរបស់លោកអ្នកផង មិនថាបានផលប៉ុណ្ណានោះទេ តែជាការការពារ៕

ប្រភពពត៍មាន ៖ ស្នងការដ្ឋាននគរបាលខេត្តសៀមរាប

ព្រោះតែជីវភាពលោកយាយអាយុ៦២ឆ្នាំម្នាក់បានចេញពីផ្ទះទៅកាប់អុសរហូតខ្យល់គរស្លាប់

(ព្រៃវែង) ៖ ស្ដ្រីវ័យចំណាស់ជាអ្នកដើរ កាប់អុសម្នាក់ត្រូវបានគេប្រទះឃើញដេកស្លាប់នៅ ជាប់ទំនប់ទឹកប្រាំង ខណៈរូបគាត់កាប់អុសហេវហត់រួចសំរាកស្លាប់តែម្ដង។

ហេតុការណ៍នេះបានបង្កការភ្ញាក់ផ្អើលនៅចំណុចទំនប់ពោធិបូរី ស្ថិតក្នុងភូមិក្រាំងតាយ៉ង ឃុំក្រាំងតាយ៉ង ស្រុកពាមជរ ខេត្តព្រៃវែង កាលពីវេលាម៉ោង៣រសៀលថ្ងៃទី០៣ខែឧសភាឆ្នាំ២០១៨។
សមត្ថកិច្ចបានឲ្យដឹងថា ក្រោយទទួលព័ត៌មានពីឈ្មោះ យ៉ុង ហ៊ាប បានរាយការណ៍ថាមានមនុស្សស្លាប់ នៅចំណុចខាងលើ។
នគរបាលប៉ុស្តិ៍និងស្រុក បានចុះពិនិត្យភ្លាមៗឃើញថាជនរងគ្រោះដែលស្លាប់ ឈ្មោះ អ៊ួន ស៊ុត ភេទស្រី អាយុ ៦២ឆ្នាំ មានទីលំនៅភូមិក្រាំងតាយ៉ង ឃុំក្រាំងតាយ៉ង ស្រុកពាមជរ ខេត្តព្រៃវែង។

មូលហេតុ ជនរងគ្រោះបានចេញដំណើរពីផ្ទះនៅវេលាម៉ោង១១ និង ៤០នាទី ទៅកាប់អុសនៅចំណុចខាងលើពេលហេវហត់ បានខ្យល់គរស្លាប់តែម្ដង។
ហើយសមត្ថកិច្ចជំនាញបានធ្វើការពិនិត្យរួចរាល់សពបានប្រគល់អោយទៅក្រុមគ្រួសារយកធ្វើបុណ្យតាមប្រពៃណី៕

កក្រើករឿងជាថ្មី ! ចតលើផ្លូវសាធារណះត្រូវបង់ប្រាក់គ្មានទៀតទេ គឺលុបបំបាត់ទាំងស្រុងតែម្តង

ភ្នំពេញ ៖ ក្រោយផ្ទុះសាធារណះមតិយ៉ាងកក្រើករឿង ចតលើផ្លូវសាធារណះត្រូវបង់ប្រាក់ចូលក្រុមហ៊ុនកន្លងមក នៅតំបន់រមណីយដ្ឋានប្រវត្តិសាស្រ្ដ
វត្តភ្នំ សួនកុមារវត្តភ្នំ សួនគោព្រៃវត្តភ្នំ និង ក្រោយសណ្ឋាគារឡឺរ៉ូយាល់ ជាពិសេសនៅពេលដែលបងប្អូនប្រជាពលរដ្ឋដែលបានយកកូនមកពិនិត្យ និងព្យាបាលជំងឺនៅមន្ទីរពេទ្យគន្ធបុប្ផាទី៤នោះតែម្តង ពោលអោយតែឈប់ អោយតែចត មិនថាយូរឬឆាប់ទេគឺត្រូវតែបង់លុយ បើមិនអោយទេគឺដាក់ច្រវាក់ ហើយផាកពីន័យថ្លៃមួយគុណជាពីរ ឬ បីតាមចិត្តចង់។
ដើម្បីឆ្លើយតបទៅនឹងភាពអសកម្មទាំងនោះសាលារាជធានីភ្នំពេញ កាលពីព្រឹកថ្ងៃ អង្គារ៍ ២រោច ខែពិសាខ ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី០១ ខែឧសភា ឆ្នាំ២០១៨ ឯកឧត្តម ឃួង ស្រេង អភិបាល នៃគណៈអភិបាលរាជធានីភ្នំពេញ បានដាក់ចេញជាគោលការណ៍ដល់មន្រ្ដីជំនាញ និងអាជ្ញាធរពាក់ព័ន្ធ អនុវត្តដូចខាងក្រោម៖

១-អនុញ្ញាតិឲ្យធ្វើការលុបបំបាត់ទាំងស្រុងរាល់ការយកភាស៊ី លើសេវាទទួលផ្ញើរយានយន្ដគ្រប់ប្រភេទ របស់បងប្អូនប្រជាពលរដ្ឋ ដែលអញ្ជើញមកទស្សនាកម្សាន្ដនៅទីតាំងរមណីយដ្ឋានប្រវត្តិសាស្រ្ដវត្តភ្នំ សួនកុមារវត្តភ្នំ សួនគោព្រៃ និង ក្រោយសណ្ឋាគារឡឺរ៉ូយាល់ ចាប់ពីថ្ងៃនេះតទៅ ។
២-ចំពោះចំណតបង់ប្រាក់របស់ក្រុមហ៊ុនសូណាត្រាខាងលើ នៅចំណុចសួនគោព្រៃ ផ្លូវលេខ១០២ ផ្លូវលេខ១៩ ជុំវិញសួនកុមារវត្តភ្នំ និង ក្រោយសណ្ឋាគារឡឺរ៉ូយាល់ ត្រូវបានក្រុមហ៊ុនឯកភាពលុបបំបាត់ទាំងស្រុង ដោយពុំអនុញ្ញាតិឲ្យមានចំណតបង់ប្រាក់តទៅទៀតឡើយ ដើម្បីសម្រួលដល់ការឈប់ចតយានយន្ដរបស់បងប្អូនប្រជាពលរដ្ឋមកទស្សនាកម្សាន្ដនៅរមណីយដ្ឋានប្រវត្តិសាស្រ្ដវត្តភ្នំ និង ដើម្បីសោភ័ណ្ឌភាពនៅក្នុងទីក្រុង ។

ក្នុងនាមរដ្ឋបាលខណ្ឌដូនពេញ ក៏ដូចជាក្នុងនាមប្រជាពលរដ្ឋគ្រប់មជ្ឍដ្ឋាន សូមគោរពថ្លែងអំណរគុណយ៉ាងជ្រាលជ្រៅបំផុតចំពោះ ឯកឧត្តម ឃួង ស្រេង អភិបាល នៃគណៈអភិបាលរាជធានីភ្នំពេញ និងលោកជំទាវ ព្រមទាំងមន្រ្ដីជំនាញពាក់ព័ន្ធទាំងអស់ ដែលតែងតែយកចិត្តទុកដាក់ទទួលយក និងដោះស្រាយរាល់សំណើរ សំណូមពរ របស់ប្រជាពលរដ្ឋក្នុងខណ្ឌដូនពេញ ក៏ដូចជារាជធានីភ្នំពេញទាំងមូល បានទាន់ពេលវេលា និងឆាប់រហ័ស ។
សូម ឯកឧត្តម អភិបាល នៃគណៈអភិបាលរាជធានីភ្នំពេញ និងលោកជំទាវ ព្រមទាំងមន្រ្ដីរាជការក្រោមឱវាទទាំងអស់ ទទួលបាននូវសេចក្ដីសុខ សុភមង្គល និងបានសម្រេចគ្រប់ភារកិច្ច ក្នុងការដឹកនាំ និងអភិវឌ្ឍន៍រាជធានីភ្នំពេញ ឲ្យក្លាយជាទីក្រុងដែលប្រកបដោយសោភ័ណភាព ផាសុខភាព និងជាទីទាក់ទាញបំផុតវិនិយោគិន ភ្ញៀវទេសចរណ៍ជាតិ-អន្តរជាតិ បន្ថែមទៀត ៕

ប្រភព៖ រដ្ឋបាល ខណ្ឌដូនពេញ

នេះជាការព្រមានមួយ ! ដល់មន្ត្រីចរាចរផ្សេងៗដែលប្រើតួនាទីគៀបសង្កត់ ពុករលួយ បង្ករបាតុភាពអសកម្មក្នុងសង្គម

ភ្នំពេញ ៖ បន្ទាប់ពីមានមតិរិៈគនពីមហាជនក៏ដូចជាអ្នកលេងបណ្តាញសង្គម facebook ចែករំលែកតៗគ្នាកាលពីពេលកន្លងមកពាក់ព័ន្ធទៅលើមន្ត្រីនគរបាលចរាចរណ៍២រូបដែលបានទារប្រាក់ពីជនបរទេសដែលបើកបរមិនគោរពភ្លើងសញ្ញាចរាចរណ៍។ ដោយមន្ត្រីនគរបាលទាំង២នាក់ទារប្រាក់ចំនួន២០ដុល្លារជាថ្នូរនឹងការមិនចាប់បញ្ជូនទៅការិយាល័យ។

លោកវរសេនីយ៍ឯក សែម គន្ធា នាយការិ យាល័យនគរបាលចរាចរណ៍ផ្លូវគោករាជធានីភ្នំពេញបានឲ្យដឹងថានៅថ្ងៃទី០២ ខែ ឧសភា ឆ្នាំ២០១៨នេះ ថាមន្ត្រីនគរបាលចរាចរណ៍ទាំង២នាក់ដែលប្រព្រឹត្តខុសនឹងវិន័យកងកម្លាំងនោះត្រូវ ផ្អាកការងារបណ្តោះអាសន្ននៅការិយាល័យនគរបាលចរាចរណ៍ផ្លូវគោករាជធានីភ្នំពេញ។

ចំពោះចំណាត់ការយ៉ាងនោះលោកបានសុំគោលការណ៍ពីឯកឧត្តម នាយឧត្ដមសេនី យ៍ ជួន សុវណ្ណ អគ្គស្នងការរងនគរបាលជាតិ និងជាស្នងការនគរបាលរាជធានី ភ្នំពេញ ដើម្បីអនុវត្តវិន័យកងកម្លាំងនគរបាលជាតិផងដែរ។

លោកនាយការិយាល័យបានបន្ថែមថា មន្ត្រីនគរបាលចរាចរណ៍ទាំង២នាក់ខាងលើបានប្រព្រឹត្តខុសនូវវិន័យកម្លាំងលេខ ០០៦ របស់នគរបាលជាតិ ដោយផាកពិន័យលើសគោលការណ៍និងមិនបានចេញវិក័យបត្រ ដែលធ្វើឲ្យប៉ះពាល់ដល់កិត្តិយសមន្ត្រីនគរបាលផ្សេងទៀត។

បច្ចុប្បន្នការិយាល័យចរាចរណ៍ផ្លូវគោករាជធានីភ្នំពេញ នៃស្នងការដ្នាននគបាលរាជធានីភ្នំពេញ បានចាត់វិធានការយ៉ាងតឹងរឹងព្រមទាំងផ្អាកការងារជាបណ្តោះអាសន្ន ចំពោះមន្រ្តីទាំង២រូបនេះ ហើយបានកសាងសំណុំរឿងស្នើសុំគោលការណ៍ពី ឯកឧត្តម នាយឧត្តមសេនីយ៍ អគ្គស្នងការរងនគរបាលជាតិ និងជាស្នងការនគរបាល រាជធានីភ្នំពេញផងដែរ ។

ក្នុងនោះដែរ ឯកឧត្តមនាយ ឧត្តមសេនីយ៍ បានមានប្រសាសន៍បន្ថែម ថាមន្ត្រីនគរបាលចរាចរណ៍ទូទាំងរាជធានីភ្នំពេញត្រូវបានទទួលនូវការលើកទឹកចិត្ត និងឧបត្ថម្ភពី សម្តេចក្រឡាហោម ស ខេង ឧបកនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ឯកឧត្តមនាយឧត្តមសេនីយ៍សណ្តិបណ្ឌិត នេត សាវឿន អគ្គស្នងការនគបាលជាតិ និង ឯកឧត្តមអភិបាល នៃ គណៈភិបាល រាជធានីភ្នំពេញ ក៏ដូចជាសេចក្តីណែនាំក្រើនរំលឹកពី ឯកឧត្តមនាយ ឧត្តមសេនីយ៍ស្នងការផងដែរ ។

ជារួម ឯកឧត្តមនាយ ឧត្តមសេនីយ៍អគ្គស្នងការរង និងជាស្នងការនគបាលរាជធានីភ្នំពេញ មិនអនុញ្ញតអោយមានមន្ត្រីនគរបាលណាម្នាក់អនុវត្ត ឬប្រព្រឹត្តបទល្មើសផ្ទុយពីសេចក្តីថ្លៃថ្នូ សុជីវធម៌ ក្រមសីលធម៌ ជាមន្ត្រីកងកម្លាំងនគរបាលជាតិឡើយ ។

ចំពោះទង្វើរបស់មន្ត្រីនគបាលទាំងពីរនាក់ខាងលើ ឯកឧត្តម មិនអាចអប់រំណែនាំបន្តទៀតនោះទេ គឺ ឯកឧត្តម គោរពស្នើសុំគោលការណ៍ដឹកនាំដ៏ខ្ពង់ខ្ពស់ ពីសម្តេចក្រឡាហោម ស ខេង ឧបកនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និង ឯកឧត្តមនាយឧត្តមសេនីយ៍សណ្តិបណ្ឌិត នេត សាវឿន អគ្គស្នងការនគបាលជាតិ បណ្តេញចេញពីក្របខណ្ឌនគបាលជាតិតែម្តង ៕

ប្រភព៖ cambodiapolice.com

កុមារាម្នាក់ បានស្លាប់នៅកន្លែង ក្នុងហេតុការរន្ទះបាញ់ពេលមេឃភ្លៀង នៅព្រៃវែង

ព្រៃវែង ៖ គ្រោះថ្នាក់ធម្មជាតិ រន្ទះបាញ់ មួយបានកើតឡើង បណ្តាលអោយស្លាប់ កុមារាម្នាក់យ៉ាងអាណោចអាធ័ម។
ហេតុការណ៍នេះបានកើតឡើង នៅថ្ងៃទី០១ ខែ ឧសភា ឆ្នាំ ២០១៨ វេលាម៉ោង ០២ រសៀល នៅចំនុចភូមិតាអូក ឃុំរក្សជយ័ ស្រុកបាភ្នំ ខេត្តព្រៃវែង ។
ក្នុងរបាយការណ៍របស់នគរបាលខេត្ត បានអោយដឹងថា កុមារាដែលស្លាប់ឈ្មោះ ហុន ខុត អាយុ ១២ឆ្នាំ រស់នៅភូមិ ឃុំកើតហេតុខាងលើ ។

Image may contain: people sitting and text
តាសម្តីអ្នកភូមិបានប្រាប់ថា នៅវេលាខាងលើ គឺមេឃកំពុងភ្លៀង កុមាររងគ្រោះបានទៅប្រមូលចំបើងនៅវាលស្រែ ពេលនោះ ក៍មានរន្ទះបាញ់ ចំកុមារខាងលើ បណ្តាលអោយរងគ្រោះស្លាប់តែម្តង ។

ដូច្នេះ នៅពេលមេឃរកកលភ្លៀង និងចាប់ផ្តើមភ្លៀង សូមបងប្អូន ពិសេសអ្នកនៅស្រែចំការ សូមមានការប្រុងប្រយត្ន័ គួរគប្បី មិននៅកណ្តាលវាល មិនត្រូវនៅក្បែរ វត្ថុដែលមានចំណាំងផ្លាត មិនត្រូវជ្រកក្រោមដើមឈើរដែលធំពេក មិនត្រូវកាន់លោហះធាតុ មានចប ពូថៅ ។ល។
គឺបើមានផ្គរន្ទះ គួរគប្បីអង្គុុយស្ងៀម ក្នុងផ្ទះ នោះជាការប្រសើរ ៕

Highlander បើកដូចហោះ ផ្ទប់ជាមួយកុងទីន័រស្លាប់ពីរនាក់

ខេត្តព្រះសីហនុ ៖ គ្រោះថ្នាក់ចរាចរណ៍ ដ៏រន្ធត់មួយទៀតហើយ បានកើតឡើងវេលាម៉ោង ១១យប់ ថ្ងៃទី៣០ មេសា ២០១៨ នៅលើកំណាត់ផ្លូវជាតិលេខ៤ ចន្លោះបង្គោលគីឡូម៉ែត្រ លេខ១២៥-១២៦ ស្ថិតក្នុងភូមិក្រាំងអាត់ ឃុំកំពង់សីលា ស្រុកកំពង់សីលា ខេត្តព្រះសីហនុ ដោយបង្កអោយមានមនុស្សពីរនាក់បានស្លាប់ភ្លាមៗ ដោយសារ Highlander ១គ្រឿង បានបើកក្នុងល្បឿនយ៉ាងលឿន ហើយព្យាយាមវ៉ារថយន្ត១គ្រឿងទៀត ដែលជិះស្របទិសគ្នា តែអកុសលរថយន្តបានបែកកង់ ហើយរថយន្តកុងទីន័រ ២គ្រឿង ដែលបើកបញ្ច្រាស់ទិសគ្នា បានមកដល់ល្មម ក៏បានបុកផ្ទប់រថយន្ត Highlander យ៉ាងពេញទំហឹងលាន់ដូចរន្ទះតែម្តង។

តាមប្រភពរបស់សមត្ថកិច្ចបានឲ្យដឹងថា ៖ ជនរងគ្រោះដែលស្លាប់ នៅក្នុងហេតុការណ៍នេះ ទី១ឈ្មោះ កែវ ផល្លី ភេទប្រុស អាយុ៤២ឆ្នាំ មុខរបររត់តាក់ស៊ី (ជាអ្នកបើកបររថយន្ត ហាយលែនឌឺ) មានទីលំនៅក្នុងភូមិ១ សង្កាត់លេខ២ ក្រុងព្រះសីហនុ និងទី២ ឈ្មោះ AN YAN ភេទប្រុស ជនជាតិចិន មានទីលំនៅក្នុងខេត្ត Jiangxi ប្រទេសចិន។

សមត្ថកិច្ចបានបន្តទៀតថា ៖ ជនរងគ្រោះទាំង២នាក់ បានជិះរថយន្តម៉ាក ហាយលែនឌឺ ពណ៌ស ពាក់ស្លាកលេខ ភ្នំពេញ 2AQ-4503 ចំណែករថយន្តកុងទីន័រពីរគ្រឿងទៀតមានស្លាកលេខ ភ្នំពេញ 3A-0486 ភ្នំពេញ 3B-4172 អ្នកបើកបររត់គេចខ្លួនបាត់ដូចគ្នា និងបើកបរក្នុងទិសដៅខេត្តព្រះសីហនុ ឆ្ពោះទៅរាជធានីភ្នំពេញដូចគ្នា។

ករណីគ្រោះថ្នាក់នេះបណ្តាលមកពីកត្តាល្បឿនដែលស្រដៀងគ្នាទៅនិងគ្រោះថ្នាក់ដែលកើតមានឡើងនៅកោះកុងកាលពីកន្លងទៅនេះដែរ។ ក្រោយពីសមត្ថកិច្ចចុះទៅវាស់វែងនៅកន្លែងកើតហេតុរូចមក រថយន្តទាំង៣គ្រឿង បានអូនយកទៅរក្សាទុកនៅអធិការដ្ឋាន នគរបាលស្រុក កំពង់សីលា ដើម្បីរង់ចាំដោះស្រាយ នៅពេលក្រោយ។

ចំណែកសាកសពជនជាតិខ្មែរ ត្រូវបានប្រគល់ទៅក្រុមគ្រួសារ យកទៅធ្វើបុណ្យតាមប្រពៃណី។ ដោយឡែកសាកសព ជនជាតិចិន សមត្ថកិច្ចកំពុងទាក់ទង ស្ថានទូតសាម៉ី ដើម្បីទទួលយកសាកសពទៅចាត់ចែងបន្ត៕

អ្នកខ្លះនិយាយថា ខ្ញុំមិនប្រើគ្រឿងញៀនទេ ខ្ញុំលេងតែ K តើ? ចង់ដឹងថា K មានន័យយ៉ាងណា?

នេះជាឥទ្ធិពលនៃប្រភេទថ្នាំម្យ៉ាងដែលមានឈ្មោះថា K រឺ K56 ដែលក្នុងវេជ្ជសាស្ត្រមានឈ្មោះថា Oxycodone hydrochloride។ Oxycodone hydrochloride ចំនួន10mg គឺជាសារធាតុដែលត្រូវបានគេយកមកលាយជាមួយសារធាតុផ្សេងទៀត ដើម្បីបង្កើតបានជា ថ្នាំK នេះឡើង។ K56 ត្រូវបានគេចាត់ថ្នាក់ជាប្រភេទថ្នាំញៀន ដែលត្រូវបានយកមកប្រើប្រាស់ក្នុងវិស័យវេជ្ជសាស្ត្រ។ K56 ជាថ្នាំសណ្ដំដែល ត្រូវបានគេយកមកប្រើប្រាស់ទៅលើអ្នកជំងឺដែលមានការឈឺរាុំរៃ ឈឺចាប់ពិបាកទ្រាំ ដើម្បីសណ្ដំអ្នកជំងឺអោយភ្លេចខ្លួនថាកំពុងឈឺចាប់។

សព្វថ្ងៃK ត្រូវបានយុវវ័យមួយចំនួនយកមកប្រើប្រាស់ជាការសប្បាយ ដូចបានឃើញក្នុងរូបភាពនេះស្រាប់ នៅពេលដែលជាតិថ្នាំចូលជ្រាបពេញខ្លួន ធ្វើអោយប្រព័ន្ធប្រសាទ បាត់បង់ការគ្រប់គ្រង ដែលជាហេតុធ្វើអោយខ្លួនយើងមានអារម្មណ៌ថាចេះហោះ ស្រាលខ្លួន ហើយដឹងតែពីសប្បាយ រហូតដល់ការប្រព្រឹត្តអំពើអានាចារ ផ្សេងៗ។

ផលប៉ះពាល់របស់វាគឺអាចធ្វើអោយយើងមានបញ្ហា ដល់ប្រព័ន្ធប្រសាទរបស់យើងទៅថ្ងៃអនាគត ប្រសិនបើប្រើប្រាស់លើសកំរិត។

ពាក់ព័ន្ធនិងរឿងគ្រឿងញៀនប្រភេទ K នេះផងដែរ ត្រូវបានចរាចរយ៉ាងកុះករផងដែរ ដែលភាគច្រើននៃអ្នកយកមកប្រើប្រាស់តែងតែប្រើនៅតាមបណ្តាក្លឹបនានា ដែលស្ថិកក្រោមរូបភាពកំសាន្ត ឌីស្កូ ខារ៉ាអូខេ ជាដើម៕