សិស្សវិទ្យាល័យរៀនថ្នាក់ទី១១ម្នាក់ ជាមុខសញ្ញាឆក់យ៉ាងសកម្ម ត្រូវសមត្ថកិច្ចបង្ក្រាបបានហើយ

ភ្នំពេញ ៖ លោកវរសេនីយ៍ឯក ប៊ុន សត្យា នាយការិយាល័យនគរបាលព្រហ្មទណ្ឌកម្រិតស្រាលនៃស្នងការដ្ឋាននគរបាលរាជធានីភ្នំពេញបានដឹកនាំកម្លាំងជំនាញស្រាវជ្រាវឃាត់ខ្លួនជនសង្ស័យម្នាក់ពាក់ព័ន្ធករណីលួចមានស្ថានទម្ងន់ទោស(ឆក់សម្ភារៈប្រជាពលរដ្ឋតាមផ្លូវសាធារណៈ) ចំនួន៣ករណី។
ខ្លួនជនសង្ស័យបានឃាតខ្លូនកាលពីព្រឹកថ្ងៃទី០៥ ខែឧសភា ឆ្នាំ២០១៨ នៅចំណុចផ្លូវលេខ៣១៧ កែងផ្លូវ៥៧៤ សង្កាត់បឹងកក់២ ខណ្ឌទួលគោក រាជធានីភ្នំពេញ។

ជនរងគ្រោះឈ្មោះ សុង ម៉ៅ ភេទស្រី អាយុ ៤៧ឆ្នាំ ជនជាតិខ្មែរ មុខរបរ នៅផ្ទះ ស្នាក់នៅផ្ទះលេខ៦១០ ផ្លូវបេតុង ក្រុម១០ ភូមិមានជ័យ សង្កាត់ស្ទឹងមានជ័យ ខណ្ឌមានជ័យ រាជធានីភ្នំពេញ។សម្ភារៈបាត់បង់ៈ កាបូបស្ពាយ ពណ៌ខ្មៅ មួយ, ប្រាក់រៀល ចំនួន ៣០០,០០០ រៀល, ប្រាក់ដុល្លារ ចំនួន ៧៣៣ដុល្លារអាមេរិក, កងដៃផ្លាកទីន មួយ, ចិញ្ចៀនផ្លាកទីន មួយ។
ជនសង្ស័យឈ្មោះ ឡាយ ធីឡាង ភេទប្រុស អាយុ១៧ឆ្នាំ ជនជាតិខ្មែរ មុខរបរ សិស្សវិទ្យាល័យឥន្ទ្រទេវីថ្នាក់ទី ១១C១ ស្នាក់នៅផ្ទះមិនចាំលេខ ផ្លូវ១០០៧ សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ។
សម្ភារៈចាប់យកៈទូរស័ព្ទដៃម៉ាក IPhone7 Plus ពណ៌ខ្មៅ មួយគ្រឿង។ បច្ចុប្បន្នជនសង្ស័យខាងលើកម្លាំងជំនាញការិយាល័យកសាងសំណុំរឿងបញ្ជូនទៅសាលាដំបូងរាជធានីភ្នំពេញ ៕

ស្រី្តម្នាក់ បន្លំលួចកាបូបលុយគេ ត្រូវប្រជាពលរដ្ឋចាប់ប្រគល់អោយសមត្ថកិច្ច..

ស្រី្តម្នាក់ បន្លំលួចកាបូបលុយគេ ត្រូវប្រជាពលរដ្ឋព្រួតគ្នា ចាប់វាយមួយដៃមួយជើងរងរបួស រួចប្រគល់អោយសមត្ថកិច្ច

ភ្នំពេញ៖ ហេតុការណ៍នេះបង្ករអោយមានការភ្ញាក់កាលពីវេលាម៉ោង ០៨និង៤០នាទីព្រឹក ថ្ងៃទី០៧ ខែឧសភា ឆ្នាំ២០១៨នេះ ខណៈជនសង្ស័យជាស្ត្រីម្នាក់បានបន្លំលួចកាបូបលុយត្រូវម្ចាស់និងមិត្តភក្តិតាមទាន់ នាំគ្នាដេញព្រួតវាយម្នាក់មួយដៃមួយជើងឡើងទ្រោមខ្លួនទើបប្រគល់អោយសមត្ថកិច្ចខណ្ឌ៧មករា នៅចំណុចនៅម្តុំស្តុបអូឡាំពិក តាមបណ្តោយផ្លូវលេខ ២៣៦ សង្កាត់វាលវង់ ខណ្ឌ៧មករា រាជធានីភ្នំពេញ។

ជនសង្ស័យនេះមានឈ្មោះ សែម ចន្ទី ភេទស្រី អាយុ ៣១ឆ្នាំ ទីលំនៅមិនពិតប្រាកដ មុខរបរមិនពិតប្រាកដ។

មុនពេលកើតគេបានឃើញស្រី ខាងលើ បានដើរបន្លំចូលលួចកាបូបលុយដល់ក្នុងផ្ទះត្រូវម្ចាស់គេទាន់ហើយបាននាំគ្នាស្រែកថា ជួយចាប់ចោរលួចកាបូបលុយ ខណៈពេលដែលប្រជាពលរដ្ឋនៅក្បែរនោះបានលឺ ក៏បាននាំគ្នារត់ទៅជួយចាប់ជនសង្ស័យខាងលើ ពេលដែលប្រជាពលរដ្ឋរកចាប់ជនសង្ស័យនោះ ក៏បាននាំគ្នាត្រួយវាយលើជនសង្ស័យ ម្នាក់មួយដៃមួយជើង ផងដែរ ក្រោយពីម្ចាស់កាបូប ក៏បានយកកាបូបវិញ ៕

ប្រភព៖ Heng Ly

ស្ពានដែកបាឡេឆ្លងទន្លេសាបដំបូងគេបំផុតនៅរាជធានីភ្នំពេញ នឹងបើកឲ្យឆ្លងជាផ្លូវការនៅសប្ដាហ៍ក្រោយនេះហើយ

ស្ពានដែកបាឡេឆ្លងទន្លេសាបដំបូងគេបំផុតនៅរាជធានីភ្នំពេញ បានបញ្ចប់ការសាងសង់ទាំងស្រុងហើយ។ បច្ចុប្បន្នក្រុមការងារបច្ចេកទេស កំពុងរៀបចំដំឡើងស្លាកសញ្ញា និងភ្លើងសញ្ញាចរាចរណ៍ ព្រមទាំងលាបគំនូសចរាចរណ៍នៅចំណុចប្រសព្វរវាងផ្លូវជាតិលេខ ៥ និងស្ពានដែកបេឡេឫស្សីកែវ។ ស្ពាននេះនឹងបើកឲ្យឆ្លងជាផ្លូវការនៅសប្ដាហ៍ក្រោយនេះហើយ។ នេះបើតាមសាលារាជធានីភ្នំពេញបានជូនដំណឹងកាលពីថ្ងៃទី៥ ខែឧសភា ឆ្នាំ២០១៨។

ការដាក់ដំណើរការស្ពានដែកបាឡេនេះ គឺដើម្បីសម្រួលដល់ប្រជាពលរដ្ឋដែលត្រូវធ្វើដំណើរឆ្លងទៅមកកាត់តាមទន្លេសាប ពីផ្លូវជាតិលេខ៥ ក្នុងខណ្ឌប្ញស្សីកែវ និងផ្លូវជាតិលេខ៦ ក្នុងខណ្ឌជ្រោយចង្វារ និងជួយសម្រួលចរាចរណ៍នៅស្ពានជ្រោយចង្វារចាស់ ដែលកំពុងដំណើរការជួសជុល។

ស្ពានដែកបាឡេនេះមានប្រវែងប្រមាណជាង៥០០ម៉ែត្រ ទទឹង១២ម៉ែត្រ តភ្ជាប់ពីខណ្ឌឫស្សីកែវ មកខណ្ឌជ្រោយចង្វារ។ ការសាងសង់ ស្ពានដែកនេះ ត្រូវចំណាយថវិកា ចំនួន៩លានដុល្លារ ប្រើពេលសាងសង់៦ខែ៕

ប្រភពវីដេអូ ៖ ៣០ដេលី

ប្រុងប្រយ័ត្ន!! អគ្គីភ័យបានឆាបឆេះផ្ទះបងប្អូនប្រជាពលរដ្ឋនៅខណ្ឌចំការមន..

អគ្គីភ័យបានឆាបឆេះផ្ទះបងប្អូនប្រជាពលរដ្ឋមួយល្វែងនៅខណ្ឌចំការមនទាំងកណ្តាលអាធ្រាត្រ

ភ្នំពេញ៖ ហេតុការណ៍នេះបានកើតឡើងនៅម៉ោងជាង១រំលងអាធ្រាត្រឈានចូលថ្ងៃទី៧ខែឧសភា នៅសង្កាត់ទន្លេបាសាក់ខណ្ឌចំការមន រាជធានីភ្នំពេញដោយបានឆាបឆេះផ្ទះមួយល្វែងស្ទើរទាំងស្រុងតែម្តង។

បើតាមសម្តីអ្នករស់នៅក្បែរនោះបានប្រាប់ឲ្យដឹងថានៅមុនពេលកើតហេតុគេបានឃើញផ្សែងលាយជាជមួយអណ្តាតភ្លើងចេញពីផ្ទះខាងលើភ្លាមនោះបានរាយការណ៍ដល់អាជ្ញាធរមូលដ្ឋានអោយជួយអន្តរាគមហើយកម្លាំងបង្កាពន្លត់អគ្គិភ័យនៃស្នងការដ្ឋាននគរបាលក្រុងភ្នំពេញ បានចេញជួយអន្តរាគមន៍ភ្លាមផងដែរ។

ទោះបីយ៉ាងអគ្គិភ័យបានឆាបឆេះផ្ទះខាងលើស្ទើរតែស្រុងទៅហើយ ដោយបានបំផ្លាញទ្រព្យសម្បត្តិជាច្រើនផងដែរ តែមិនបណ្តាលអោយមានមនុស្សរងរបួសនោះទេ។
ប្រតិបត្តិការជួយពន្លត់ខាងលើកម្លាំងអគ្គិភ័យបានប្រើប្រាស់រថយន្តចំនួន១៣គ្រឿងក្នុងការជួយបាញ់ពន្លត់៕

ប្រភព៖ FB

ប្រុងប្រយ័ត្ន!! ពស់វែកដាច់ក្បាលក៍អាចសម្លាប់មនុស្សបាន…

ជាការពិតណាស់សត្វពស់គឺជាសត្វមានពិសមួយប្រភេទខុសពីសត្វមានពិសដទៃទៀតដូច្នេះហើយត្រូវមានកាប្រុងប្រយ័ត្តទាំងអស់គ្នាបើទោះបីជាវាដាច់ក្បាលចេញពីខ្លួនហើយក្តីនៅក្នុងរយះពេលមួួយម៉ោងវាក៍អាចសំលាប់មនុស្សបានដូចនេះអ្នកពិសោធជនជាតិចិនម្នាក់បានកាត់ក្បាលពស់វែកចេញពីខ្លូនទោះបីវាដាច់ក្បាលចេញពីខ្លូនពិតមែនក៍វានៅមានចលនាអាចហាមាត់ខាំរបស់ផ្សេងៗដែលយើងយកទៅប៉ះវាឬយកទៅរុកមាត់វា។

ជាទូទៅអ្នកដឹងហើយថាសត្វពស់វែកគឺជាសត្វអសិរពិសដែលប្រជាជនទូទាំងពិភពបានស្គាល់ហើយបានដឹងពីសត្វនេះកាលណាមនុស្សដែលត្រូវវាចឹកឬខាំហើយបើមិនបានបញ្ជូនជនរងគ្រោះទៅកាន់មន្ទីពេទ្យទាន់ពេលវេលាទេនោះនឹងត្រូវបាត់បង់អាយុជីវិតជាក់ជាពុំខានដូច្នេះគួរយើងត្រូវប្រុងប្រយ័ត្តទាំងអស់គ្នាកាលណាឃើញវាហើយយើងគួរតែគេចចេញឲ្យឆ្ងាយជៀសវាងមានគ្រោះថ្នាក់ដល់អាយុជីវិត។

ចំណាំ៖ នៅពេលណាដែលមានពស់ចឹកយើងត្រូវយកក្រណាត់ទៅរុំលើមុខរបួសដើម្បីឃាត់ពិសតាមឈាម និងត្រូវនាំជនរងគ្រោះទៅកាន់មន្ទីពេទ្យឲ្យបានលឿនបំផុតដែលយើងអាចធ្វើទៅបាន។

https://www.facebook.com/plugins/video.php?href=https%3A%2F%2Fwww.facebook.com%2Fphumkhmergroup%2Fvideos%2F1268187153282068%2F&show_text=0&width=560

ដោយ៖ សុវណ្ណ ដេត

បុកឥតល្ហែដោយសារចិន សមត្ថកិច្ច រកឃើញជនជាតិចិនភាគច្រើននៅខេត្តព្រះសីហនុបើកបរ គ្មានឯកសារត្រឹមត្រូវ

ខេត្តព្រះសីហនុ ៖ លោកឧត្ដមសេនីយ៍ទោ ជូន ណារិន ស្នងការនគរបាលខេត្តព្រះសីហនុបានអោយដឹងថា នៅថ្ងៃសៅរ៍ ៦រោចខែពិសាខ ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី០៥ ខែឧសភា ឆ្នាំ២០១៨ វេលាម៉ោង ២:៣០នាទីយប់ កម្លាំងជំនាញផែនសណ្តាប់ធ្នាប់ នៃស្នងការដ្ឋាននគរបាលខេត្តព្រះសីហនុ បានចុះត្រួតពិនិត្យរឹតបន្តឹងការអនុវត្តន៍ច្បាប់ស្តីពីចរាចរណ៍ផ្លូវគោក ជាពិសេស អ្នកបើកបររថយន្តគ្មានបណ្ណបើកបរ នៅគោលដៅចំនួន២ ៖
១-គោលដៅលើផ្លូវវិថី២ធ្នូ ត្រង់ណុច ច្រមុះជ្រូកគុជអាស៊ី ស្ថិតនៅសង្កាត់លេខ៤ ក្រុងព្រះសីហនុ ។
២-គោលដៅលើផ្លូវវិថីឯករាជ្យ ត្រង់ចំណុច P6 រង្វង់មូលតោ ស្ថិតនៅសង្កាត់លេខ៤ ក្រុងព្រះសីហនុ ។

ជាលទ្ធផល ឃាត់រថយន្តបានចំនួន ០៧គ្រឿង មានដូចខាងក្រោម ៖
១-រថយន្តម៉ាក HYUNDAI ពណ៌ ស ពាក់ផ្លាកលេខព្រះសីហនុ2A-7593។
២-រថយន្តម៉ាក HIGHLANDER ពណ៌ ស ពាក់ផ្លាកលេខភ្នំពេញ2S-0691 ។
៣-រថយន្តម៉ាក HIGHLANDER ពណ៌ ស ពាក់ផ្លាកលេខភ្នំពេញ2L-1456 ។
៤-រថយន្តម៉ាក HYUNDAI ពណ៌ ស ពាក់ផ្លាកលេខភ្នំពេញ2AQ-2076 ។
៥-រថយន្តម៉ាក HYUNDAI ពណ៌ ស ពាក់ផ្លាកលេខព្រះសីហនុ2A-9673 ។
៦-រថយន្តម៉ាក HYUNDAI H1 ពណ៌ ប្រផេះ គ្មានផ្លាកលេខ ។
៧-រថយន្តម៉ាក LEXUS RX300 ពណ៌ ស ពាក់ផ្លាកលេខភ្នំពេញ2AF-9312 ។
រថយន្តទាំងអស់ បើកបរដោយជនជាតិ ចិន គ្មានបណ្ណបើកបរ និងមានប័ណ្ណបើកបរ មិនត្រឹមត្រូវតាមច្បាប់កំណត់ បានយកមករក្សាទុកនៅការិយាល័យនគរបាលចរាចរណ៍ផ្លូវគោក ជាបណ្ដោះអាសន្នដើម្បីអនុវត្តបន្ត ៕

គួរឲ្យរន្ធត់!! ឈូសឆាយដីប៉ះចំគ្រាប់ផ្ទុះបណ្តាលឲ្យបើុងតៃកុងខ្ទាតចេញក្រៅរងរបួសធ្ងន់…

ភ្នំពេញ៖ (ដំណឹងបឋម) នៅព្រឹកថ្ងៃទី០៦ ខែឧសភា ឆ្នាំ២០១៨ មានករណីផ្ទុះគ្រាប់ដោយបង្ករឲ្យមានកាភ្ញាក់ផ្អើលមួយបានកើតឡើងនៅម្តុំក្រោយវត្តទួលសុភាឃួន ដែលស្ថិតក្នុងសង្កាត់ចោមចៅ៣ ខណ្ឌពោធិ៍សែនជ័យ រាជធានីភ្នំពេញ ។

បើតាមសម្តីដែលអ្នករស់នៅក្បែរនោះបានប្រាប់ឲ្យដឹងថា នៅមុនពេលកើតហេតុគេឃើញមានបុរសម្នាក់កំពុងតែបើកអាប៊ុលឈូសឆាយដី ហើយក៍ឈូសចំគ្រាប់មិនទាន់ផ្ទុះបណ្តាលឲ្យ ផ្ទុះប៉ើងតៃកុងចេញអាប៊ុលនោះបណ្តាលឲ្យរងរបួសធ្ងន់ ។

ហើយភ្លាមៗនោះក៍មានរថយន្តសង្រ្គោះបន្ទាន់៧១១ក៍មកដឹកជនរងគ្រោះទៅសង្រ្គោះនៅមន្ទីពេទ្យ កុសមះ ហើយមកដល់ពេលនេះជនរងគ្រោះមានសភាពធ្ងន់ធ្ងរយ៉ាងណានោះយើងពុំអាចដឹងច្បាស់ឡើយ ៕

(មានវិដេអូ)

https://www.facebook.com/plugins/video.php?href=https%3A%2F%2Fwww.facebook.com%2FTVOfficialChannel%2Fvideos%2F835122476692778%2F&show_text=0&width=560

ប្រភព៖ FB

លោក ជួន សុវណ្ណ : បញ្ឈប់ជាបន្ទាន់ចំពោះការអនុញ្ញាតឲ្យអ្នកសារព័ត៌មានចូលសម្ភាសន៍ជនល្មើស និងផ្សាយផ្ទាល់វីដេអូ (បង្ហោះក្នុងបណ្តាញសង្គម)

ភ្នំពេញ៖ ចាប់ពីពេលនេះតទៅ គ្រប់បណ្តាអធិការនគរបាលខណ្ឌទាំង១២ក្នុងរាជធានីភ្នំពេញបញ្ឈប់ជាបន្ទាន់ចំពោះការអនុញ្ញាតឲ្យអ្នកសារព័ត៌មានចូលសម្ភាសន៍ជនល្មើស និងផ្សាយផ្ទាល់វីដេអូ (បង្ហោះក្នុងបណ្តាញសង្គម) នេះបើយោងតាមខ្លឹមសារនៃការណែនាំមួយត្រូវបានផ្សព្វផ្សាយដល់អធិការខណ្ឌទាំង១២ កាលពីថ្ងៃទី៥ខែឧសភា ឆ្នាំ២០១៨នេះ។ នាយឧត្តមសេនីយ៍បានសង្កត់ធ្ងន់ថា ការចូលសម្ភាសន៍ជនល្មើសដែលសមត្ថកិច្ចចាប់ខ្លួនបាន គឺជាការមិនត្រឹមត្រូវទេ គួរអធិការនគរបាលខណ្ឌទាំង១២ ពិនិត្យលើការងារនេះឡើងវិញ។ ជាពិសេសជនសង្ស័យដែលទើបតែឃាត់ខ្លួនបាន មិនទាន់ក្លាយទៅជាទណ្ឌិតទេ។ដូច្នេះកិត្តិយសនិងសេចក្តីថ្លៃថ្នូររបស់គេមាន។បើសិនជាអនុញ្ញាតឲ្យបណ្តាញព័ត៌មានសង្គមធ្វើការឡាញវីដេអូឬក៏ចូលទៅសម្ភាសន៍ជាមួយជនល្មើសនោះគឺយើងមិនគោរពសេចក្តីថ្លៃថ្នូរនិងកិត្តិយសរបស់គេទេ ។សូមអធិការនគរបាលខណ្ឌទាំង១២ ពិនិត្យពិចារណាហើយធ្វើការកែប្រែបញ្ឈប់ជាបន្ទាន់នៅករណីនេះ។

នាយឧត្តមសេនីយ៍ ជួន សុវណ្ណ អគ្គស្នងការរងនគរបាលជាតិនិងជាស្នងការនគរបាលរាជធានី ភ្នំពេញបានបញ្ជាឲ្យអធិការនគរបាលខណ្ឌទាំង១២ក្នុងរាជធានីភ្នំពេញបញ្ឈប់ជាបន្ទាន់ចំពោះការអនុញ្ញាតឲ្យអ្នកសារព័ត៌មានចូលសម្ភាសន៍ជនល្មើស និងផ្សាយផ្ទាល់វីដេអូ (បង្ហោះក្នុងបណ្តាញសង្គម)នៅក្នុងកន្លែងសមត្ថកិច្ច (ប៉ុស្តិ៍នគរបាលឬអធិការខណ្ឌ)។លោកថាសកម្មភាពនេះ ជាការមិនត្រឹមត្រូវ និងប៉ះពាល់ដល់សេចក្តីថ្លៃថ្នូរ។

លោកបានន្ថែមទៀតថា “…ខ្ញុំបានតាមដានព័ត៌មានតាមបណ្តាញព័ត៍មានសង្គមហ្វេសប៊ុក ខ្ញុំជូនយោបល់មួយ ដូចករណីជាក់ស្តែងនៅខណ្ឌច្បារអំពៅ ខ្ញុំបានពិនិត្យឃើញថា មានការអនុញ្ញាតឲ្យក្រុមឡាញវីដេអូចូលសួរព័ត៌មាន ហើយនិងឡាញវីដេអូក្នុងបណ្តាព័ត៌មានសង្គមជាមួយជនល្មើសដែលអធិការខណ្ឌបានចាប់ខ្លួនបាន។ ខ្ញុំគិតថា នេះគឺជាប្រការមិនត្រឹមត្រូវទេគួរលោកអធិការខណ្ឌទាំង១២ពិនិត្យលើការងារជំនាញឡើងវិញ…បើសិនជាអនុញ្ញាតឲ្យបណ្តាញព័ត៌មានសង្គមធ្វើការឡាញវីដេអូ ឬក៏ចូលទៅសម្ភាសន៍ជាមួយជនល្មើសដែលយើងឃាត់ខ្លួនបាននោះ គឺយើងមិនគោរពនៅសេចក្តីថ្លៃថ្នូរ និងកិត្តិយសរបស់គេទេ សូមអស់លោកអធិការខណ្ឌទាំង១២ ពិនិត្យពិចារណា ហើយធ្វើការកែប្រែបញ្ឈប់ជាបន្ទាន់នៅករណីនេះ”៕

រថយន្តដឹកកុងតឺន័រ២គ្រឿងបុកបន្តកន្ទុយគ្នា នៅចំណោតរាមយប់មិញ និងមានរថយន្តមួយទៀត បានបុកមនុស្សស្លាប់ នៅទឹកសាប ហេីយបេីករត់បាត់

ខេត្តព្រះសីហនុ ៖ នៅថ្ងៃទី៥ ខែឧសភា ឆ្នាំ២០១៨ វេលាម៉ោង២១នឹង៣០នាទី លើផ្លូវជាតិលេខ៤ (ចន្លោះពីចំណោតរាមទៅស្មាច់ដែង) គីឡូម៉ែត្រ ២១០-២១១ ស្ថិតនៅក្នុងភូមិចំណោតរាម ឃុំបិតត្រាំង ស្រុកព្រៃនប់ ខេត្តព្រះសីហនុ មានគ្រោះថ្នាក់ចរាចរណ៍មួយកើតឡើង រវាង រថយន្តម៉ាក Hyundai ពណ៌ក្រហម លេខភ្នំពេញ 3C-5657 (របស់ក្រុមហ៊ុនT.M) មានទិសដៅចេញពីខេត្តព្រះសីហនុ ទៅភ្នំពេញ លុះដល់ចំណុចខាងលើ ក៏ប៉ះនឹងម៉ូតូមួយគ្រឿងម៉ាក HONDA Click ពណ៌ទឹកប្រាក់ លេខព្រះសីហនុ 1C-7718 បើកបរដោយឈ្មោះ ស្រឿ គឹមស្រេច ភេទ ប្រុស អាយុ ៤០ ឆ្នាំ មុខរបរ បើកបរ ទីលំនៅខេត្តត្បូងឃ្មុំ ដែលមានទិសដៅស្របគ្នា។ ភ្លាមៗនោះ ក៏មានរថយន្តមួយគ្រឿងទៀត ម៉ាក Hyundai ពណ៌ស លេខភ្នំពេញ 3C-6345 (របស់ក្រុមហ៊ុន ហុង ឡេងហ៊ួរ) បានបុកពីខាងក្រោយរថយន្ត មុនបន្ថែមទៀត។ គ្រោះថ្នាក់នេះ ខាងភាគី រថយន្តដឹកកុងតឺន័រ មិនមានរងរបួសនោះទេ ព្រមទាំងបានគេចចេញ ពីកន្លែងកើតហេតុ ផងដែរ។ រីឯ អ្នកបើកបរម៉ូតូ រងរបួសស្រាលម្នាក់។ ដូចគ្នានេះដែរកាលពីយប់មិញនេះ ក៏មានគ្រោះថ្នាក់ ដាច់ដោយឡែកមួយទៀតនៅតំបន់ទឹកសាប ឃុំរាមផងដែរ មានរថយន្ដមិនស្គាល់អត្តសញ្ញាណ បានបុកមនុស្សម្នាក់ស្លាប់ ហេីយបេីករត់គេចបាត់ តែម្តង៕

ប្រភព ៖ អគ្គស្នងការដ្ឋាននគរបាលជាតិ

មិនត្រឹមតែកាហ្វេថ្មពិត សូម្បីប៊ីចេង អំបិល សុទ្ធតែម៉ាកល្បីៗក៏មានក្លែងក្លាយដែរ សូមប្រយ័ត្ន

វៀតណាម ៖ ថ្មីៗកន្លងទៅនេះមានករណីកាហ្វេផលិតពីថ្មពិល ដែលធ្វើអោយមហាជនគ្រប់ស្រទាប់ និងបណ្តាញសារពត៍មាននានាមានការចាប់អារម្មណ៍
យ៉ាងខ្លាំង មិនតែប៉ុណ្ណោះប៉ូលីសវៀតណាមបានកាត់ទោសស្រី្តជាមេខ្លោងនិងអ្នកដែលពាក់ព័ន្ធជាគុកជិត ២០ឆ្នាំ។
មិនទាន់ផុតកន្លងទៅប៉ុន្មានផង ស្រាប់តែមានផ្ទុះករណី អំបិល ប៊ីចេង និង គ្រឿងទេសនានាសុទ្ធតែម៉ាកល្បីដែលឈ្មួញទុច្ចរិតផលិតក្លែងក្លាយទៅវិញ

ជាពិសេសផលិតផលខ្វះស្តង់ដា គ្មានគុណភាព ព្រមទាំងលាយនូវសារធាតុគីមីច្រើនប្រភេទដែលប៉ះពាល់យ៉ាងធ្ងន់ធ្ងរដល់សុខភាព ពិសេសស្រ្តីមានផ្ទៃពោះ កុមារ និង មនុស្សចាស់ជាដើម។ ហេតុដូចនេះហើយសូមមានការប្រុងប្រយ័ត្នក្នុងការទិញយកមកបរិភោគ គួរណាស់តែទិញផលិតផលដែលមានការទទួលស្គាល់និងវេចខ្ចប់ត្រឹមត្រូវ និងត្រូវបាននាំចូលនិងផលិតដោយក្រុមហ៊ុនដែលមានច្បាប់ត្រឹមត្រូវទើបអាចធានារក្សាបាននូវអនាម័យនិងគុណភាព។

តាមរយះរូបភាពឯកសារពីប៉ូលីសវៀតណាម ដែលត្រូវបានអ្នកលេងបណ្តាញសង្គមចុះផ្សាយនាពេលកន្លងមក យើងឃើញថាសកម្មភាពបង្រាបរបស់ប៉ូលីស ហាក់យឺតពេលបន្តិចទៅហើយព្រោះថាផលិតផលក្លែងក្លាយទាំងនោះបានចែករំលែកទៅលើទីផ្សាររួចទៅហើយ៕