ភ្នំពេញ៖ លោក សាំ ពិសិដ្ឋ ប្រធានមន្ទីរសាធារណការ និងដឹកជញ្ជូនរាជធានីភ្នំពេញបានប្រាប់អោយដឹងនៅមុននេះបន្តិចថា ព័ត៌មានដែលថាក្រុមចោររាប់សិបនាក់ជិះទូកទៅកាត់ដែកស្ពានបេឡេឬស្សីកែវនោះ ការពិតមិនមែនចោរលួចកាត់ស្ពានបេឡេឬស្សីកែវទេទេក្រុមនេះបានមកមុជទឹកចូលទៅយកកំណាត់កម្ទេចដែកដែលសេសសល់ធ្លាក់ក្នុងទឹក និងបានឆ្លៀតលួចកាត់ដែកប៉ារ៉ាស់ការពារជើងស្ពានពីកាណូត កប៉ាល់ទេ យ៉ាងណាបន្ថែមទៀតសមត្ថកិច្ចបាននឹងកំពុងធ្វើការងារនេះហើយ។លោកបានសង្កត់ធ្ងន់ថា ចំពោះស្ថាភាពស្ពាន និងគុណភាពស្ពាននៅល្អដដែលទេ មិនប៉ះពាល់អ្វីឡើយ ការចរាចរណ៍បានជាធម្មតាទេ។ចំណែកលោកឃ្លាំង ហួត អភិបាលខណ្ឌជ្រោយចង្វាវិញក៏បានបញ្ជាក់មិនខុសប៉ុន្មានពីលោកសាំ ពិសិដ្ឋដែរ ដោយលោកបញ្ជាក់ថា តាមពិតវាជារឿងមិនធំតែ តែមានព័ត៌មានបំប៉ោង ធាតុពិតក្រុមនេះមិនមែនមកកាត់ដែកស្ពានទេ គឺពួកគេលើកគ្នាមកដណ្តើមយកបំណែកដែលសេសសល់នៅច្រាំងទន្លេនិងនៅក្នុងទឹក។

ប្រដាប់ដោយម៉ាស៊ីនកាត់ដែក និងជណ្ដើរឡើងផង បានធ្វើដកម្មភាព លួចកាត់ដែកស្ពានបេឡេឬស្សីកែវ ដែលទើបសម្ភោធដាក់ឲ្យប្រើមិនបានប៉ុន្មានម៉ោងផងនោះ។ តែសកម្មភាពនេះត្រូវសន្តិសុខដែលយាមជិតនោះឃើញទាន់​ ររាយការណ៍ឲ្យសមត្ថកិច្ចចុះអន្តរាគមន៍ចេញកាណូត ម៉ារីន តាមឃាត់បាន៣ទូក និងឃាត់ខ្លួន៤នាក់ រកឃើញវត្ថុតាងមួយចំនួន បញ្ជូនទៅអធិការដ្ឋានខណ្ឌជ្រោយចង្វារ។

ហេតុការណ៍នេះបានកើតឡើងកាលពីវេលា ម៉ោង១០និង៣០នាទី យប់  ស្ពានបេឡេឬស្សីកែវ ទល់មុខឃ្លាំងសាំង ខណ្ឌឬស្សីកែវ និងខណ្ឌជ្រោយចង្វា។ជនសង្ស័យទី១មានឈ្មោះ មោះ ម៉ូត ភេទប្រុស  អាយុ៣០ឆ្នាំ  ជនជាតិឥស្លាម មុខរបរនេសាទត្រី ស្នាក់នៅលើទូក។ជនសង្ស័យទី២មានឈ្មោះ ម៉ាត់ គ្រីយ៉ា  ភេទប្រុស ជនជាតិឥស្លាម  អាយុ៥៦ឆ្នាំ មុខរបរនេសាទត្រី ស្នាក់នៅលើទូក ស្រុកកំណើតនៅស្រុកកំពង់ត្របែក ខេត្តព្រៃវែង។ ជនសង្ស័យទី៣មានឈ្មោះ ទី ស្មាន់កោះ  ភេទប្រុស អាយុ១៧ឆ្នាំ ជនជាតិឥស្លាម  មុខរបរនេសាទត្រី ស្នាក់នៅលើទូក ។ និងជនសង្ស័យទី៤មានឈ្មោះ ទៀត  អាតុ  ភេទប្រុស ជនជាតិឥស្លាម មុខរបរនេសាទត្រី អាយុ១៧ឆ្នាំ ស្នាក់នៅសង្កាត់ជ្រោយចង្វារខណ្ឌជ្រោយចង្វារ។

បើតាមការឱ្យដឹងពីក្រុមសន្តិសុខដែលយាមនៅគល់ស្ពានបានឱ្យដឹងថា ទូកដែលមកធ្វើសកម្មភាពលួចកាត់ដែកក្រោមស្ពាន គឺមានរហូត២០ទៅ៣០ទូកឯណោះ តែសមត្ថកិច្ចឃាត់បានភ្លាមៗតែមួយទូកប៉ុណ្ណោះ និងមានដែកដែលកាត់រួចនៅក្នុងទូកមួយចំនួន ចំណែកទូកផ្សេងទៀតហើយគេចខ្លួនបាត់ ។ ក្រោយពីកើតហេតុ សមត្ថកិច្ចនៅតែបន្តតាមរកនៅតាមមាត់ច្រាំងទន្លេរហូតមកដល់មុខវត្តចាស់ ទើបឃើញទូកពីរគ្រឿង ដែលមានជនសង្ស័យបួននាក់ ដោយមានសង្ស័យទើបឃាត់សួរនាំនិងឆែកឆេរក៏ឃើញម៉ាសុីនកាត់ដែកនិងដែកមួយចំនួន ដែលជនសង្ស័យបោះទំលាក់ចូលក្នុងទឹក នៅក្បែរនោះ រួចនាំខ្លួនជនសង្ស័យទាំងនោះយកទៅសួរ នាំនៅអធិការដ្ឋាននគរបាលខណ្ឌជ្រោយចង្វា រដើម្បីចាត់តាមនិតិវិធីច្បាប់៕

ភ្នំពេញ ៖ នៅក្នុងសង្កាត់ឬស្សីកែវ រាជធានីភ្នំពេញ លោក ឃួង ស្រេង អភិបាលរាជធានី ភ្នំពេញ និងមន្ដ្រីរាជជាច្រើនរូប បានចូលរួមសម្ពោធដាក់ឲ្យប្រើប្រាស់ ស្ពានដែកបេឡេឆ្លងទន្លេសាប ដែលមានប្រវែង៦៥៥ម៉ែត្រទទឹង១២ម៉ែត្រចំណាយថវិកាសរុបចំនួន៩លានដុល្លារ ជាថវិការបស់ក្រុមហ៊ុនOCIC និង រដ្ឋបាលរាជធានីភ្នំពេញ ។ស្ពានដែកបេឡេឆ្លងទន្លេសាបនេះ និងអាចជួយរំដោះការកកស្ទះចរាចរនៅស្ពានជ្រោយចង្វារ ។ ធ្វើឡើងនៅរសៀលថ្ងៃអង្គារ៏៩រោច ខែពិសាខ ឆ្នាំចសំរិទ្ធិស័កព.ស២៥៦២ ត្រូវនិងថ្ងៃទី០៨ ខែឧសភា ឆ្នាំ។

លោកពុង ឃែវសែ ប្រធានក្រុមហ៊ុនOCIC បានបញ្ជាក់ថា៖ ស្ពានដែកបេឡេ ឫស្សីកែវឆ្លងកាត់ទន្លេសាប បានសាងសង់ រួចរាល់កាលពីថ្ងៃទី៥ ឧសភា ទើបថ្ងៃនេះយើងសម្ពោធដាក់ឲ្យប្រើប្រាស់ ជូនប្រជាពលរដ្ឋទូទៅបានឆ្លងកាត់ ដើម្បីជួយរំដោះចរាចរមួយផ្នែក នៅតំបន់ជ្រោយចង្វារ ។ ស្ពានដែកបេឡេនេះចំណាយ ពេល សាងសង់រយៈពេល១២ខែ ទើបរួចរាល់ ដោយចំណាយថវិកាអស់៩លានដុល្លារ គឺជាថវិកា របស់ក្រុមហ៊ុនOCIC រួមជាមួយថវិកា ជាមួយរដ្ឋបាលរាជធានីភ្នំពេញ ។

លោក ឃួង ស្រេង បានបញ្ជាក់ថា៖ មូលហេតុដែលនាំឲ្យអាជ្ញាធររាជធានីភ្នំពេញ សាងសង់ស្ពានដែកបេឡេនេះឡើង ដោយសារកំណើន ចរាចរនិងប្រជាពលរដ្ឋនៅរាជធានីពីមួយថ្ងៃទៅមួយថ្ងៃចេះតែកើនឡើងជារៀងរាល់ថ្ងៃ ដូច្នេះហើយទើបរដ្ឋបាលរាជធានីសម្រេចធ្វើការសាងសង់ស្ពានដែកបេឡេនេះឡើង ដើម្បីជួយរំដោះចរាចរពីស្ពានជ្រោយចង្វារ បានមួយផ្នែកធំ ។ លោកបន្ថែមទៀតថា៖ ក្រោយពី សម្ពោធដាក់ឲ្យប្រើប្រាស់ជាផ្លូវការស្ពាន ដែក បេឡេ ឫស្សីកែវឆ្លងកាត់ទន្លេសាបអាជ្ញាធរ មិន អនុញ្ញាត ឲ្យរថយន្តក្រុងរថយន្តដឹកលើសពី៥ តោន និងអ្នកថ្មើជើងឆ្លងកាត់ស្ពាននោះទេ ។ ស្ពានដែកបេឡេនេះ និងដាក់ឲ្យប្រើប្រាស់រហូតទាល់តែចាស់ ទ្រុឌទ្រោមប្រើលែងកើតទើបដក់ចេញ ពេលនោះ ស្របពេលនេះ ស្ពានបេតុង ដែលសាងសង់ស្របនោះ និងសាងសង់រួច ផងដែរ ។
សូមបញ្ជាក់ផងដែរថា ស្ពាននេះ ធ្វើចរាចរបង្វែទិសសម្រាប់រថយន្ត ១គន្លង ទៅ ១ គន្លងមកនិង ម៉ូតូ ១គន្លងទៅ១ គន្លងមក ជម្រាល ស្ពាន៤.៥% ឯលើកណ្តាលទន្លេជម្រាល០% ល្បឿនកំណត់២៥ គីឡូម៉ែត្រ ក្នុង១ម៉ោង កំពស់ យានយន្ត អនុញ្ញាត្តមិនឲ្យលើស២.៨ម៉ែត្រ ហាម រថយន្តក្រុង ឆ្លងកាត់ទម្ងន់យានយន្តអនុញ្ញាតមិន លើសពី៥តោន មិនអនុញ្ញាតឲ្យឆ្លងតាក់ឡើយ កាហាមឃាត់ មួយទៀត មិនអនុញ្ញាត ឱ្យអ្នកថ្មើរជើងដើរឆ្លងកាត់ស្ពាន ៕

ខេត្តកំពតៈ គ្រោះថ្នាក់ចរាចរណ៍ខាងលើ​នេះ កើតឡើងកាលពីវេលាម៉ោង១និង២០នាទីរសៀល ថ្ងៃទី៨ ខែឧសភា ឆ្នាំ២០១៨នេះ លើកំណាត់ផ្លូវជាតិលេខ៣៣ (កែប-កំពត) ត្រង់ចំណុចភូមិកំពង់កែស ឃុំត្រពាំងសង្កែ ស្រុកទឹកឈូ ខេត្តកំពត។

តាមប្រភពព័ត៌មាននៅកន្លែងកើតហេតុ បាននិយាយថា មុនពេលកើត គេឃើញរថយន្តឡិចស៊ីស RX-340 ពណ៌ស ពាក់ស្លាកលេខ ភ្នំពេញ ​2AA-8767 បើកបរដោយស្ត្រីម្នាក់មិនស្គាល់អត្តសញ្ញាណ បើក​បោះពួយយ៉ាងលឿន ពីកើតទៅលិច លុះមកដល់ចំណុចកើតហេតុ ស្រាប់តែរថយន្តនេះរេចង្កូតសំដៅទៅខាងស្តាំដៃ ហើយក៏ធ្លាក់ចុះទឹកប្រឡាយទាំងកំរោលតែម្តង។

ព្រះវិហារ ៖ សមត្ថកិច្ចបានឃាត់ខ្លួន បុរសវ័យចំណាស់ម្នាក់បន្ទាប់ពីរំលោភសេពសន្ធវៈទៅលើក្មេងស្រីអនិតិជនបានសម្រេចចំនួន២នាក់។
ហេតុការណ៍នេះបានកើតឡើងកាលពីថ្ងៃទី៥ ខែឧសាភា ឆ្នាំ២០១៨ នៅភូមិអភិវឌ្ឍន៍ សង្កាត់ប៉ាលហាល ក្រុងព្រះវិហារ ខេត្តព្រះវិហារ។
ជនសង្ស័យ ឈ្មោះ ចេង ជន ភេទប្រុសអាយុ៦៧ឆ្នាំ នៅភូមិអភិវឌ្ឍន៍ សង្កាត់ប៉ាលហាល ក្រុងព្រះវិហារ ខេត្តព្រះវិហារ
ឯក្មេងស្រីរងគ្រោះម្នាក់អាយុ១២ឆ្នាំ និងម្នាក់ទៀតអាយុ០៩ឆ្នាំ អ្នកទាំង២រស់នៅភូមិឃុំជាមួយ។

ប្រភពពីបងស្រីរបស់ជនរងគ្រោះបានឲ្យដឹងថា ៖ នៅថ្ងៃកើត ហេតុប្អូនស្រីរបស់ ខ្លួនឈ្មោះ ស ស ព អាយុ១២ឆ្នាំ បានទៅចាំបងប្រុស ដែលទៅរកត្រីនៅកំពង់ទឹកនៅភូមិកើតហេតុ ពេលនោះជនសង្ស័យបានដើរទៅឃើញក៏បានធ្វើសកម្មភាពចាប់ រំលោភនាងរហូតបានសម្រេចបើទោះបីជានាងស្រែកយំនិងរើបំរ៉ាស់យ៉ាងណាក៍ដោយ។
មិនតែប៉ុណ្ណោះជនសង្ស័យខាងលើក៏បានចាប់រំលោភកុមារី ម្នាក់ទៀតឈ្មោះ ប ល ដ អាយុ៩ឆ្នាំ នៅលើផ្ទះរបស់នាងរហូតដល់បានសម្រេចម្តងទៀត។
បច្ចុប្បន្នជនសង្ស័យត្រូវបានសមត្ថកិច្ចសាកសួរនិងកសាងសំណុំរឿងបញ្ជួនទៅកាន់តុលាការ ៕

ភ្នំពេញ ៖ ស្របពេលដែលតំបន់រដ្ឋបាលពិសេសម៉ាកាវ នៃសាធារណរដ្ឋប្រជាមានិតចិនបានចុះ អនុស្សារណៈជម្រុញការផ្លាស់ប្តូរ និងកិច្ចសហប្រតិបត្តិការលើវិស័យទេសចរណ៍ វប្បធម៌ ការ សិក្សា និងបណ្តុះបណ្តាល ពាណិជ្ជកម្ម ការផ្លាស់ប្តូររវាងយុវជន និស្សិត និងធុរកិច្ច ជាមួយ ក្រសួងការបរទេស និងសហប្រតិបត្តិការអន្តរជាតិរបស់ប្រទេសកម្ពុជា កាលពីថ្ងៃទី៧ ខែឧសភា ឆ្នាំ២០១៨ ម្សិលម៉ិញនេះ។

ជាថ្មីម្តងទៀត នាជំនួបជាមួយសម្តេចអគ្គមហាពញាចក្រី ហេង សំរិន ប្រធានរដ្ឋសភាកម្ពុជា នាព្រឹកថ្ងៃទី៨ ខែឧសភានេះ នាយកប្រតិបត្តិតំបន់ រដ្ឋបាលពិសេសម៉ាកាវ ឯកឧត្តម Chui Sai On ថា ម៉ាកាវនឹងជួយធ្វើការបណ្តុះបណ្តាល ធនធានមនុស្សកម្ពុជាក្នុងវិស័យទេសចរណ៍នៅទឹកដីម៉ាកាវ ដែលជាតំបន់នៃការបណ្តុះ បណ្តាលដ៏ធំមួយរបស់ពិភពលោកលើជំនាញវិជ្ជាជីវៈក្នុងវិស័យទេសចរណ៍។
ដំណឹងនេះនាំអោយមានការសាទរពីសម្តេចប្រធានរដ្ឋសភាកម្ពុជា ដោយសម្តេចបាន គូសបញ្ជាក់ថា ព្រះរាជាណាចក្រកម្ពុជា និងទឹកដីនៃតំបន់រដ្ឋបាលពិសេសម៉ាកាវ គឺជាប៉ូលនៃ តំបន់ទេសចរណ៍ល្បីល្បាញរបស់ពិភពលោកដូចគ្នា ហើយអ្វីដែលរឹតតែពិសេសទៅទៀត នោះត្រង់ថា ម៉ាកាវ និងខេត្តសៀមរាប បានចុះកិច្ចព្រមព្រៀងនៃការចងសម្ព័ន្ធមេត្រីភាពជា មួយគ្នា ដែលនេះនឹងជួយជម្រុញអោយមានទំនាក់ទំនងកាន់តែធំឡើងក្នុងវិស័យទេសចរណ៍ រវាងម៉ាកាវ និងខេត្តសៀមរាប ក៏ដូចជារវាងម៉ាកាវ និងព្រះរាជាណាចក្រកម្ពុជាទាំងមូលផង ដែរ។

ឯកឧត្តម Chui Sai On បានជម្រាបជូនសម្តេចប្រធានសភាកម្ពុជាថា ឯកឧត្តមនឹងខិតខំ ក្នុងការជម្រុញអោយមានជើងហោះហើរត្រង់ពីម៉ាកាវមកកាន់កម្ពុជា ដើម្បីនាំមកនូវអ្នកទេស ចរ អ្នកវិនិយោគិនម៉ាកាវមកកាន់កម្ពុជាផងដែរ។ ជាមួយគ្នានេះនាយកប្រតិបត្តិតំបន់រដ្ឋបាល ពិសេសម៉ាកាវ នៃសាធារណរដ្ឋប្រជាមានិតចិនរូបនេះក៏បានបង្ហាញពីការពេញចិត្តពេញថ្លើម ចំពោះទំនាក់ទំនងការទូតរវាងកម្ពុជា ចិន ដែលបានឈានចូលដល់ខួបលើកទី៦០ឆ្នាំនាពេល នេះ ដោយទំនាក់ទំនងនេះបានឆ្លងកាត់នូវភាពល្អុកល្អឺន និងកិច្ចសហប្រតិបត្តិការយ៉ាងស្អិត ល្មួតជាមួយគ្នារវាងប្រទេសទាំងពីរកម្ពុជា ចិន។ សម្តេចអគ្គមហាពញាចក្រី ហេង សំរិន ប្រធានរដ្ឋសភាកម្ពុជាបានថ្លែងអំណរគុណ យ៉ាងជ្រាលជ្រៅបំផុតចំពោះរាល់ជំនួយឥតសំណងរបស់ប្រទេសចិនមកកាន់កម្ពុជា ដោយ សម្តេចបានគូសបញ្ជាក់ថា ការផ្តល់ជំនួយទាំងអម្បាលមាណរបស់ចិនបានជួយរុញច្រាន អោយកម្ពុជាមានការអភិវឌ្ឍន៍ដូចសព្វថ្ងៃនេះ។ ជាមួយគ្នានេះសម្តេចបានគូសបញ្ជាក់ជាថ្មីម្តង ទៀតថា កម្ពុជានៅតែប្រកាន់យកគោលជំហរដោយឥតងាករេចំពោះនយោបាយប្រទេសចិន តែមួយ៕

មណ្ឌលគិរី ៖ ករណីប៉ុនប៉ងមនុស្សឃាតដែលជនសង្ស័យដែលបានយកខ្សែកាបូបរឹតកសង្សារឲ្យស្លាប់ តែបានត្រឹមសន្លប់ ហើយស្មានថាស្លាប់ដឹកនាងមកចោលនៅគំនរសំរាម ដោយខឹងថាសុំបែកពីនាង នាងមិនព្រមបែកដូចបំណង! ត្រូវបានសមត្ថកិច្ចនគរបាល!នាំខ្លួនមកធ្វើត្រាប់អំពីសកកម្មភាពឡើងវិញកាលពីរសៀលថ្ងៃទី០៧ខែឧសភាឆ្នាំ២០១៨។

នារីរងគ្រោះ​ឈ្មោះ​ ញ៉ា​រ៉ា ស្រី​នាង អាយុ​២៣​ឆ្នាំជា​ជនជាតិ​ព្នង មាន​ទីលំនៅ​ក្នុង​ក្រុង​សែន​មនោ​រម្យខេត្តមណ្ឌលគិរី ត្រូវជាសង្សាររបស់ជនដៃដល់ដែលមានឈ្មោះ ឆុំ ដា​វីត អាយុ​២៦​ឆ្នាំ ​ជាជាង​កែ​ច្នៃ​គ្រឿង​សង្ហា​រឹម​នៅ​ស្រុក​កោះ​ញែក និងមានទីលំនៅ​ភូមិ​ដូង ឃុំ​តា​រ៉ុ​ង ស្រុក​ព្រៃឈរ​ខេត្តកំពង់ចាម ស្នាក់​នៅផ្ទះ​បងប្អូន​នៅ​ក្នុងភូមិ​ចំការ​តែ សង្កាត់​ស្ពាន​មាន​ជ័យ។

អាប្រុុស ចិត្តធ្យូង !! ល្បួងស៊ីចុក​ឆ្អែត​ឆ្អន់ សុំបែក សង្សារមិនព្រម រឹត​ក សម្លាប់​រួច​យក​បោះចោល​លើ​គំនរ​សំរាម តែ​នាង​មិន​ស្លាប់ រត់ទៅប្តឹង​ប៉ូលីស​ចាប់ដាក់ខ្នោះ

មណ្ឌលគិរី ៖ ហេតុការណ៍​ប៉ុនប៉ង​មនុស្សឃាត​នេះ​បានកើត​ឡើងកាលពីម៉ោង​ប្រមាណ១និង៣០នាទី​រំលងអធ្រាត្រ​ឈានចូល​ថ្ងៃទី០៧ខែឧសភា​ឆ្នាំ២០១៨ លើ​កំពូលភ្នំ​ដោះ​ក្រមុំ ស្ថិត​ក្នង​ភូមិ​ឡៅ​ការ សង្កាត់​សុខដុម ក្រុង​សែន​មនោ​រម្យ ខេត្តមណ្ឌលគិរី​។

ស្ត្រី​ជនជាតិ​ព្នង​ម្នាក់​បាន​រួច​ផុតពី​សេចក្តីស្លាប់ បន្ទាប់ពី​ត្រូវ​បុរស​ជា​សង្សារ​ប្រើ​ខ្សែរ​កាបូប​ប្រវែង​ជាង​កន្លះ​ម៉ែត្រ​រឹត​ករ ដើម្បី​ផ្តាច់ជីវិត​នោះ តែមិនស្លាប់គ្រាន់តែសន្លប់ ​ក្រោយ​ភ្ញាក់​ពី​សន្លប់​លើ​គំនរ​សំរាម​ហើយ​នោះ បើ​ដើរ​ទាំង​ញញីរ​ញញ័រ​សំដៅ​មក​ប៉ុស្តិ​សុខដុម​ដើម្បី​ប្តឹង​នគរបាល​ឱ្យជួយ​អន្តរាគមន៍។

​ជនសង្ស័យ​ជា​ឈ្មោះ ឆុំ ដា​វីត អាយុ26ឆ្នាំ ជនជាតិខ្មែរ ទីលំនៅ​ភូមិ​ដូង ឃុំ​តា​រ៉ុង ស្រុក​ព្រៃឈរ​ខេត្តកំពង់ចាម មុខរបរ​ជាង​កែច្នៃ​គ្រឿង​សង្ហា​រឹម​នៅ​កោះ​ញែក ។
ចំណែកជនរងគ្រោះមាន ឈ្មោះ​ ​ញ៉ា​រ៉ា ស្រី​នាង អាយុ២៣ឆ្នាំ​ជា​ជនជាតិ​ព្នង​មាន​ទីលំនៅ​ក្នុង​ក្រុង​សែន​មនោ​រម្យ​ ខេត្ត មណ្ឌលគីរី ។
លោក​អធិការ​ក្រុង​បានបញ្ជាក់ថា សង្ស័យ​​ពិតជា​បាន​យក​ខ្សែ​កាតា​ប​រឹត​ករ ជនរងគ្រោះ ពេល​នាង​សន្លប់​និង​បន្ត​ដឹក​ទៅ​ចោល​នៅ​គំនរ​សំរាម​ប្រាកដ​មែន ។

បច្ចុប្បន្ន​ជនសង្ស័យ​កំពុង​ឃាត់ខ្លួន​ដើម្បី​កសាង​សំណុំរឿង​ទៅ​តុលាការ តាម​នីតិវិធី ៕
ប្រភព៖ Heng Ly