សូមជួយចែករំលែកផង!! យាយកន្តែរ៉ែ ប្រកាសឲ្យប្អូនៗសិស្សនិស្សិតចូលចិត្ត ល្ខោនខោល របាំបុរាណខ្មែរ មកចូលហាត់រៀនដោយឥតគិតថ្លៃ សូមចូលរួមអោយបានច្រើនដើម្បីចូលរួមចំណែកក្នុងការថែរក្សានូវទម្រង់សិល្បៈបុរាណមួយទុកឲ្យខ្មែរជំនាន់ក្រោយ

របាំខ្មែរគឺជាសិល្បៈនៃការរាំដែលបង្ហាញពីអត្តសញ្ជាណជាតិខ្មែរទាំងអស់ដែលមានច្រើនបែបសណ្ឋានទៅតាមដំបន់នៅក្នុងប្រទេសកម្ពុជា របាំខ្មែរមានទាំងអស់ចំនួន ៨២ របាំ និងរបាំខ្សែររឿងមានចំនួន ៣៥ របាំ ។ របាំបុរាណខ្មែរ ជារបាំថ្លៃថ្នូរដែលសម្តែងសម្រាប់តែខ្សែររាជវង្ស ឬ អ្នកមានឋានៈបុណ្យសក្ដិធំៗក្នុងជួរមន្ត្រីរាជការប៉ុណ្ណោះ របាំបុរាណខ្មែរគឺជាការសម្ដែងបង្ហាញក្បាច់រាំដែលមានស្ទីលបែបខ្ពស់ដែលមានប្រភពចេញពីរាជវង្ស។ ការសម្តែងរបាំបុរាណរួមមានអ្នករាំសំលៀកបំពាក់នៃការតុបតែងប្រដាប់ដោយគ្រឿងអលង្ការត្បូងនិងតន្រ្តីដែលលេងដោយក្រុមតន្រីប្រចាំព្រះមរមរាជវាំង ។ របាំបុរាណខ្មែរត្រូវគេយល់ថាជារបាំដែលបង្ហាញពីការសាសងគ្នារបស់ពពួកទេវ ដែលដ៏ស្រង់ចេញពីខ្សែររឿងទេវៈដ៏អស្ចារ្យក៏ដូចជាការគោរពចំពោះព្រះមហាក្សត្រនិងភ្ញៀវដែលមានឋានៈខ្ពង់ខ្ពស់ ។ នៅពាក់កណ្តាលសតវត្សរ៍ទី 20 វាត្រូវបានណែនាំដល់សាធារណជនទូទៅហើយត្រូវបានគេប្រារព្ធជាទូទៅថាជានិមិត្តរូបនៃវប្បធម៌ខ្មែរដែលជាទូទៅត្រូវបានគេអនុវត្តក្នុងអំឡុងពេលព្រឹត្តិការណ៍សាធារណៈថ្ងៃឈប់សម្រាកនិងសម្រាប់ភ្ញៀវទេសចរមកទស្សនាប្រទេសកម្ពុជា។ ហើយនៅដើមឆ្នាំ២០១៩នេះ លោក ហង់ ភូមិរ៉ា ហៅយាយកន្តែរ៉ែ ដែលជាប្រធានក្រុមសិល្បៈយុវជនល្ខោនខោល ជំនាន់ថ្មី បានចេញមុខប្រកាសហៅសិស្សានុសិស្ស ដែលចូលចិត្ដ របាំប្រពៃណីប្រជាប្រិយ របាំចំរុះ របាំបុរាណ ល្ខោនខោល មកចូលហាត់រៀនរបាំទាំងនោះដោយមិនចំណាយថវិកា ដោយចូលរួមធ្វើតេស្តនៅថ្ងៃទី២៧ ខែកុម្ភៈ វេលាម៉ោង ៧ព្រឹក នៅសហភាពសហព័ន្ធយុវជនកម្ពុជា រាជធានីភ្នំពេញ ។ គួរបញ្ជាក់ផងដែរថា ក្រុមសិល្បៈយុវជនល្ខោនខោល ជំនាន់ថ្មី បានបង្កើតក្នុងឆ្នាំ២០១៦ ក្រុមមួយនេះបានបង្រៀនជំនាញល្ខោនខោល ដោយមិនគិតថ្លៃ៦ជំនាន់មកហើយ ក្នុងមួយជំនាន់ៗមានសិស្សប្រុសស្រីចន្លោះ២០០ទៅ៣០០នាក់។ ជាទូទៅពី១វគ្គទៅ១វគ្គ ការរៀនធ្វើឡើងមានចំនួន៣ទៅ៤ខែ ការបង្រៀនមិនត្រូវបានគិតប្រាក់ឡើយ ហើយសិស្សច្បងដែលចេះអាចជួយបង្រៀនសិស្សប្អូនជំនាន់ក្រោយបានជាបន្តបន្ទាប់បាន។ ក្រុមសិល្បៈយុវជនល្ខោនខោលជំនាន់ថ្មី គឺជាក្រុមដែលបង្កើតឡើងក្នុងគោលបំណងបង្ហាត់បង្រៀនយុវជនឲ្យមានចំណេះដឹងផ្នែកសិល្បៈបុរាណ និងចូលរួមចំណែកក្នុងការថែរក្សានូវទម្រង់សិល្បៈបុរាណមួយទុកឲ្យខ្មែរជំនាន់ក្រោយ។ ការហាត់ល្ខោន និងរបាំបុរាណ ជាចំណែកមួយក្នុងការចូលរួមអភិរក្សនិងថែរក្សានូវសម្បត្តិវប្បធម៌បន្សល់ពីដូនតាយើង ដូចនេះសម្រាប់អ្នកដែលចង់រៀនទម្រង់ល្ខោនខោលនិងរបាំក្បាច់បុរាណផ្សេងទៀតអាចទាក់ទងមកក្រុមលោកបានគ្រប់ពេល៕

ទីបំផុត បំណងប្រាថ្នា លោក ឧកញ្ញា ដួង ឆាយ បានសំរេចហើយដោយលទ្ធផលពពោះពីពេទ្របញ្ចាក់ថាជា…(មានវីឌីអូ)

បើរំលឹកទៅដល់ឈ្មោះលោកឧកញ៉ាដួង ឆាយ ប្រិយមិត្តជាច្រើនប្រាកដជាបានស្គាល់ហើយថា ឧកញ៉ាគឺជាមនុស្សដែលមានសន្តានចិត្តល្អ តែងតែជួយដល់អ្នកក្រីក្រ ធ្វើអំពើមនុស្សធម៌នៅក្នុងសង្គមជាច្រើន រហូតធ្វើឲ្យអ្នកលេងបណ្តាញសង្គម ជាច្រើនពេញចិត្ត និងស្រលាញ់ឧកញ៉ាគ្រប់គ្នា។ យ៉ាងណាមិញ លោក ឧកញ្ញា បានទទួលការដូរពីភរិយាថ្មីៗនេះ លោក ឧកញ្ញា ដួង ឆាយ មាន បុត្រ បី នាក់ រួមទំាងនៅក្នុងពោះរបស់ភរិយាលោក លោក តែងតែប្រាថ្នាចង់បានកូនស្រី សូម្បីភរិយាលោក ក៌អញ្ចឹងដែល គឺទិញរូបកូនក្មេងស្រីបិតពេញក្នុងផ្ទះ ដោយឡែក លទ្ធផលបានបង្ហាញថ្ងៃនេះហើយ ចំពោះការរង់ចំារបស់លោកដល់យូរ ខាងគ្រូពេទ្រ បញ្ចាក់ថា ភរិយារបស់ លោក ពពោះជាកូនស្រី ។ លោក និងភរិយា រំភើបនិងរីករាយណាស់ជាមួយការដូរដ៏រសែនមានន័យនេះ លោក អគុណភរិយាខ្លំាងណាស់ ចង់ជ្រាបច្បាស់សូមទស្សនាវីឌីអូរ

https://www.facebook.com/plugins/video.php?href=https%3A%2F%2Fwww.facebook.com%2FDuongChayPage%2Fvideos%2F228350301439145%2F&show_text=0&width=267

រដ្ឋាភិបាល សម្រេចបណ្តេញជនជាតិចិន៦៩នាក់ ចេញពីប្រទេសកម្ពុជា…..(មានវិដេអូ)

ជនជាតិចិនចំនួន៦៩នាក់/ស្រី១៨នាក់ ត្រូវបានសមត្ថកិច្ចនគរបាលអន្តោប្រវេសន៍ ធ្វើការបណ្តេញចេញពីព្រះរាជាណាចក្រកម្ពុជា តាមសេចក្ដីប្រកាសរបស់ក្រសួងមហាផ្ទៃ។ការបណ្តេញជនជាតិចិនប្រុស/ស្រី ទាំង៦៩នាក់ ពីព្រះរាជាណាចក្រកម្ពុជា នាវេលាម៉ោង៩និង៣០នាទីព្រឹក ថ្ងៃទី២៨ ខែមករា ឆ្នាំ២០១៨ នេះ ប្រព្រឹត្តឡើង ក្រោមវត្តមាន លោកឧត្ដមសេនីយ៍ឯក អ៊ុក ហៃសីឡា ប្រធាននាយកដ្ឋានស៊ើបអង្កេត និងអនុវត្តន៍នីតិវិធី នៃអគ្គនាយកដ្ឋាន អន្តោប្រវេសន៍ ក្រសួងមហាផ្ទៃ។សមត្ថកិច្ចអន្តោប្រវេសន៍ប្រាប់ឲ្យដឹងថា ជនជាតិចិនប្រុស/ស្រីទាំងនេះ ត្រូវបានបង្ក្រាបដោយសមត្ថកិច្ចនាយកដ្ឋានប្រឆាំងភេរវកម្ម និងឧក្រិដ្ឋកម្មឆ្លងដែន នៃអគ្គស្នងការដ្ឋាននគរបាលជាតិ កាលពីថ្ងៃទី២១ ខែមករា ឆ្នាំ២០១៩ នៅក្រុងបាវិត ខេត្តស្វាយរៀង ពាក់ព័ន្ធករណីក្លែងបន្លំតាមប្រព័ន្ធទូរគមនាគមន៍ នៅប្រទេសចិន៕

https://www.facebook.com/plugins/video.php?href=https%3A%2F%2Fwww.facebook.com%2FKhmerTalking%2Fvideos%2F620478978390422%2F&show_text=0&width=560

ប្រពៃណាស់ អ្នកឧកញ៉ា ហុង ពីវ ឧបត្ថម្ភថវិកាជាង២លានដុល្លារដល់មន្ទីរពេទ្យគន្ធបុប្ផា នាព្រឹកនេះ

នៅព្រឹកថ្ងៃទី ២៨ ខែមករា ឆ្នាំ ២០១៩ នេះ អ្នកឧកញ៉ា ហុង ពីវ បាននាំយកនូវថវិកាចំនួន ២ ១៨៨ ៨៨៨ ដុល្លារអាមេរិក យកទៅប្រគល់ជូនមន្ទីរពេទ្យគន្ធបុប្ផា ។ ថវិកានេះ ជាការបន្តឧបត្ថម្ភរបស់ អ្នកឧកញ៉ា ហុង ពីវ អគ្គនាយកក្រុមហ៊ុនពិភពថ្មីគ្រុបដល់មន្ទីរពេទ្យគន្ធបុប្ផាសម្រាប់ ឆ្នាំ ២០១៩ ។នៅក្នុងឆ្នាំ ២០១៩ នេះ គឺជាលើកទី ៤ ហើយ ដែលអ្នកឧកញ៉ា ហុង ពីវ បានបរិច្ចាគថវិកាដល់មន្ទីរពេទ្យគន្ធបុប្ផា នេះបើគិតចាប់តាំងពីឆ្នាំ ២០១៦ មក ។ កន្លងមកអ្នកឧកញ៉ា ហុង ពីវ បានឧបត្ថម្ភថវិកាជូនមន្ទីរពេទ្យគន្ធបុប្ផាចំនួន ១ លានដុល្លារកាលពីឆ្នាំ ២០១៦ , ចំនួន ២ លានដុល្លារ កាលពីឆ្នាំ ២០១៧, ហើយសម្រាប់ឆ្នាំ ២០១៨ និង ឆ្នាំ ២០១៩ នេះ គឺអ្នកឧកញ៉ាបានផ្តល់ជូនថវិកាចំនួន ២ ១៦៨ ៨៨៨ ដុល្លារដូចគ្នា។

បើតាមការបញ្ជាក់របស់ឯកឧត្តម អូន ព័ន្ធមុនីរ័ត្ន ប្រធានក្រុមប្រឹក្សាភិបាលនៃមូលនិធិគន្ធបុប្ផាកម្ពុជា កាលពីថ្ងៃទី ២១ ខែមករា បានឱ្យដឹងថា នៅក្នុងអំឡុងខែមករា ឆ្នាំ ២០១៩ នេះ រាជរដ្ឋាភិបាលបាននឹងកំពុងរៀបចំនីតិវិធីផ្ទេរថវិកាចំនួនប្រមាណជា ១០២ ពាន់លានរៀល ជូនមូលនិធិគន្ធបុប្ផាថែមទៀត បន្ថែមលើវិភាគទានដំបូង របស់រាជរដ្ឋាភិបាលចំនួនជាង ៤០ ពាន់លានរៀល ដែលបានប្រគល់ជូនមូលនិធិគន្ធបុប្ផាកម្ពុជាកន្លងមក ៕

ខ្មែរស្រលាញ់ខ្មែរ ស៊ែរម្នាក់មួយបានទេ ស្នាដៃកូនខ្មែរច្នៃ«មីល្ពៅ» ដែលធ្វើអំពីល្ពៅ ប្លែកទាំងរសជាតិនិងក្លិន ថែមទាំងជួយទិញផ្លែល្ពៅពីកសិករទៀត

នាពេលថ្មីៗនេះមានបុរសម្នាក់បានចែករំលែកស្តីពីបទពិសោធន៍របស់ខ្លួនក្នុងការសិក្សាស្រាវជ្រាវ ធ្វើមីច្នៃចេញពីផ្លែល្ពៅ ដែលគ្រប់គ្នាមិននឹកស្មានដល់ ទាំងរសជាតិប្លែកពីគេ ទាំងគុណប្រយោជន៍សម្រាប់សុខភាព ថែមទាំងជួយលើកម្ពស់ដល់ប្រជាកសិករជាអ្នកដាំល្ពៅខ្មែរឲ្យមានទីផ្សារថែមទៀតផង។

ការសិក្សាស្រាវជ្រាវទម្រាំបានជាផលិតផលមីធ្វើពីផ្លែល្ពៅនេះ យុវជនខាងលើបានចំណាយពេលជិត ២ឆ្នាំទម្រាំបានចេញជាសមិទ្ធផលដូច្នេះ ទោះបីជាវាមិនទាន់មានរូបស្អាតតែវាជាស្នាដៃកូនខ្មែរពិតៗដែលគិតពីសុខភាពបងប្អូនជាចំបង ព្រមទាំងជួយបង្កើតទីផ្សារអ្នកដាំល្ពៅទៀតផង។ លោកបានសរសេររៀបរាប់លើបណ្ដាញសង្គមហ្វេសប៊ុកថា៖

«ខ្ញុំបាទឈ្មោះ គិមវ៉ាង បញ្ចប់ការសិក្សានៅឆ្នាំ ២០១៧ នៃសាកលវិទ្យាល័យបាត់ដំបង បរិញ្ញាបត្រជំនាញ វិទ្យាសាស្ត្រចំណីអាហារ។ ខ្ញុំបានសម្រេចចិត្តធ្វើមីល្ពៅនេះឡើងក្នុងគោលដៅជួយទិញល្ពៅពីកសិករខ្មែរ និងបង្កើតផលិតផលថ្មីប្លែក ហើយមានរសជាតិខុសគេ ពណ៌ល្ពៅ ក្លិនល្ពៅ រសជាតិល្ពៅ។ ខ្ញុំបានស្រាវជ្រាវនិងពិសោធន៍អស់រយៈពេលជិតពីរឆ្នាំ។ ខ្ញុំចង់ឲ្យខ្មែរយើង និងជនជាតិផ្សេងទៀតញាំអាហារដែលមានសុវត្ថិភាព និងមិនប៉ះពាល់ដល់សុខភាព ថែមទាំងជួយដល់សុខភាពទៀតផង។

ឯកសណ្ឋាន (ដូចរូប) ពេលចូលបន្ទប់ធ្វើមីល្ពៅខ្មែរទោះបីកន្លែងធ្វើខ្ញុំតូច មានសមាជិកតែម្នាក់ខ្ញុំ ក៏ខ្ញុំព្យាយាមធ្វើតាមស្តង់ដា ISO, 5S បានច្រើនដែរ។ ខ្ញុំសង្ឃឹមថាបងប្អូនពូមីងយាយតា ជួយគាំទ្រផងបាទ។ វាជាស្នាដៃកូនខ្មែរអង្គរពិតៗ។ ចាប់ពីថ្ងៃហ្នឹងទៅ បងប្អូនអាចទិញមីល្ពៅខ្មែរទៅញ៉ាំបានហើយ។ ពណ៌ល្ពៅ ក្លិនល្ពៅរសជាតិល្ពៅ ឈ្ងុយឆ្ងាញ់។ តម្លៃគឺ ៤៥០០៛ រៀលក្នុងមួយថង់ ហើយមានមីចំនួន ១០ដុំ។ បងប្អូនអាចយកទៅញ៉ាំជាមួយស៊ុបបានណាបាទ ទំនាក់ទំនង 096 95 68 467»។

មី គឺជាអាហារពេញនិយមនៅក្នុងចំណោមអាហារជាច្រើនផ្សេងទៀត។ វាត្រូវបានធ្វើពីម្សៅដែលត្រូវបានទាញយកចេញ extruded ឬរមៀលរាបស្មើ និងកាត់ចូលទៅក្នុងទម្រង់ផ្សេងៗគ្នា។ មីត្រូវបានចម្អិននៅក្នុងទឹករំពុះ ជួនកាលជាមួយប្រេងចម្អិន ឬអំបិលបន្ថែម។ មីជាញឹកញាប់គេញាំជាមួយទឹកជ្រលក់ ឬនៅក្នុងស៊ុប។ មីអាចត្រូវបានផ្ទុកក្នុងទូទឹកកកសម្រាប់ការរក្សាទុករយៈពេលខ្លី ឬស្ងួតនិងត្រូវបានរក្សាទុកសម្រាប់ការប្រើប្រាស់រយៈពេលយូរខាងមុខទៀត។

ល្ពៅជាបន្លែដែលគេនិយមបរិភោគជាទូទៅ ហើយមានដាំស្ទើរពាសពេញពិភពលោក។ ផ្លែល្ពៅមាន ២ ប្រភេទគឺល្ពៅ សាច់ស្អិត និងល្ពៅសាច់ផុស។ ផ្លែល្ពៅសាច់ស្អិតត្រូវបានគេនិយមបរិភោគច្រើនបំផុត ព្រោះទោះយកទៅធ្វើជាបង្អែម ឬ សម្លគឺ សុទ្ធតែឆ្ងាញ់ទាំងអស់ ។ ទោះបីយ៉ាងណាមិនថាល្ពៅសាច់ស្វិត ឬសាច់ផុសទេ សុទ្ធតែផ្តល់ផលប្រយោជន៍ដល់អ្នកបរិភោគដូចគ្នា។

ដូចនេះសូមបងប្អូខ្មែរជួយគាំទ្រផលិតផលជាដែលជាស្នាដៃកូនខ្មែរផង ព្រោះមិនប៉ះពាល់ដល់សុខភាពហើយថែមទាំងមានគុណប្រយោជន៍ច្រើនសម្រាប់សុខភាពទៀតផង ណាមួយជួយរកទីផ្សារឲ្យប្រជាកសិករករខ្មែរមានប្រាក់ចំណូលកាន់តែច្រើនថែមទៀត៕

មានតែអ្នកដែលធ្លាប់ជួបទើបដឹងថាវាពិបាកខ្លាំងយ៉ាងណា គ្មានអ្នកណាយល់ពីអារម្មណ៍មួយនេះទេ

គ្មានអ្នកណាយល់អារម្មណ៍មួយនេះទេ មានតែអ្នកដែលធ្លាប់ជួបទើបដឹងថាវាពិបាកខ្លាំងយ៉ាងណា ។ ហើយខាងក្រោមនេះគឺជាអារម្មណ៍ពិតរបស់ប្អូនស្រីម្នាក់ ដែលគាត់បានរៀបរាប់នៅលើបណ្ដាញសង្គមហ្វេសប៊ុករបស់នាងថា៖

“គ្មានអ្នកណាយល់អារម្មណ៍មួយនេះទេ មានតែអ្នកដែលធ្លាប់ជួបទើបដឹងថាវាពិបាកខ្លាំងយ៉ាងណា តែវាបានធ្វើអោយខ្ញុំដឹងថា អ្នកណាដែលមិនចង់នៅក្បែរខ្ញុំនឹងអ្នកណានៅក្បែរខ្ញុំ នៅពេលដែរមុខខ្ញុំទៅជាបែបនេះ

ហើយក៏មិនដែលខ្វះនឹងស្តីអ្នកនៅជិតខ្លួន គេនិយាយអីនោះទេ សំខាន់ខ្ញុំដឹងខ្លួនខ្ញុំថាត្រូវធ្វើយ៉ាងម៉េចហើយ ក្តីសង្យឹមការលើកទឹកចិត្តអោយខ្លួនវាមានតម្លៃធំធេងខ្លាំងណាស់ ព្រោះថាមានតែយើងខ្លួនឯងទេដែលយល់ពីខ្លួនឯងច្បាស់ជាអ្នកណាៗទាំងអស់ ពេលនេះមុខខ្ញុំឡើងមុនច្រើនក៏ពិតមែន តែក៏មិនប្រាកដថាមុននៅមុខខ្ញុំនឹងវានៅជាមួយខ្ញុំរហត់នោះទេ ថ្ងៃណាមួយវានឹងចេញពីមុខខ្ញុំអស់មិនខាន ថ្ងៃណាមួយអ្នកដែលថាអោយខ្ញុំ ហើយអ្នកសួរខ្ញុំនឹងយល់ដោយខ្លួនឯងហើយ អោយយល់អារម្មណ៍គ្នាផងគ្មានអ្នកណាចង់អោយមុខខ្លួនឯងទៅជាបែបនឹងនោះទេ #Feeling_Myself” ។

ក្តៅៗ លោកយន្ត មីន ចុះសួរសុខទុក្ខ និងចូលរួមសោកស្តាយដល់ជនរងគ្រោះ ដែលត្រូវជនទី៣បាញ់ធ្លុះស្មារ ក្នុងទំនាស់ដីធ្លីនៅព្រៃនប់(មានវិដេអូ)

នៅព្រឹកថ្ងៃទី ២៨មករា នេះលោក យន្ត មីន អភិបាលខេត្តព្រះសីហនុ និង លោក ចេវ គឹមហេង តំណាងរាស្រ្តខេត្តព្រះសីហនុ បាន អញ្ជើញ ចុះ សួរសុខទុក្ខប្រជាពលរដ្ឋដែលទទួលរងរបួស ដោយការផ្ទុះអាវុធ អំឡុងពេលការចុះអនុវត្តសាលដីកាលេខ ៣៤៨ ” ឈ ” កាលពីថ្ងៃទី ២៤.១.១៩ នៅឃុំបិតត្រាង ស្រុកព្រៃនប់ ខេត្តព្រះសីហនុ ប្រគល់ដី ឲ្យអ្នកមានលុយ ។

ការចុះ មកពិនិត្យ និងសួរសុខទុកនេះធ្វើឡើង បន្ទាប់ពី មាន ក្រុមអ្នកលេងបណញតាញសង្គមហ្វេកបុក មួយចំនួន បាន សសេរសារបង្ហោះពី ការស្លាប់ លោក ពៅ សារ័ត្ន ជាជនរងគ្រោះដោយសារការប៉ះទង្គិចគ្នារវាងសមត្ថកិច្ច និងប្រជាពលរដ្ឋ នៅពយម៉ាចូវ កាលពីថ្ងៃទី២៤កន្លងនេះ ។តាមសេចក្តីរាយាករណ៏ដដែលបានបន្តថា ក្រោយពីមាន ព័ត៌មាន អកុសល ពីការស្លាប់ បុរសរងគ្រោះដោយគ្រាប់កាំភ្លើង យន្ត មីន អភិបាលខេត្តព្រះសីហនុ និង លោក ចេវ គឹមហេង តំណាងរាស្រ្តខេត្តព្រះសីហនុ បានចូលសួរសុខទុក្ខប្រជាពលរដ្ឋដែលទទួលរងរបួស ដោយការផ្ទុះអាវុធ អំឡុងពេលការចុះអនុវត្តសាលដីកាលេខ ៣៤៨ ” ឈ ” កាលពីថ្ងៃទី ២៤.១.១៩ នៅឃុំបិតត្រាង ស្រុកព្រៃនប់ ខេត្តព្រះសីហនុ ។ មកដល់ពេលនេះ លោក ពៅ សារ័ត្ន មិនបានបាត់បង់ជីវិត ដូចការចុះផ្សាយតាមបណ្តាញសង្គម មួយចំនួននោះទេ ។

បច្ចុប្បន្ន លោក ពៅ សារ័ត្ន កំពុងសម្រាកព្យាបាលរបួសនៅមន្ទីរពេទ្យព្រះកុសមៈ ហៅមន្ទីពេទ្យព្រះសង្ឃ ក្នុងរាជធានីភ្នំពេញ ។ ដូច្នេះ សូមមហាជនទាំងអស់ បានជ្រាបជាព័ត៏មាន !។សូមបញ្ជាក់ថា កាលពីថ្ងៃទី២៤មករា កំលាំង សមត្ថកិច្ចចំរុះបាន ចុះអនុវត្តសាលដីកាលេខ ៣៤៨ ” ឈ ” កាលពីថ្ងៃទី ២៤.១.១៩ នៅឃុំបិតត្រាង ស្រុកព្រៃនប់ ខេត្តព្រះសីហនុ ដើម្បីប្រគល់ដី ឲ្យអ្នកមានលុយ គឺ លោកជំទាវ ហុង ស៊ួន និងលោកឧកញ៉ា ស៊ីវ គង់ទ្រីវ ប៉ុន្តែពេលអនុវត្តនោះ ក៏មានការប៉ះទង្គិចគ្នារវាង ប្រជាពលរដ្ឋ ជិត ៥០០គ្រួសារ ដែលអះអាងថាជាម្ចាស់ដីនិង កំលាំងមានសមត្ថកិច្ច បណ្តាលឲ្យមានអ្នករងរបួស់និង ចាប់ខ្លួនជាច្រើននាក់ ។ ក្នុងនោះបុរសម្នាក់បានរងរបួសដោយគ្រាប់កាំភ្លើង ។

ក្រោយពីមានហេតុការណ៏នោះ គណបក្ស នយោបាយនិងអ្គការសង្គមសីវិលខ្លះបាន ចេញសេចក្តីថ្លែងការណ៍ថ្កោលទោសចំពោះអាជ្ញាធរខេត្តព្រះសីហនុ ដែលបានចាប់ និងបាញ់ប្រហារលើប្រជាពលរដ្ឋ ក្នុងរឿងជម្លោះដីធ្លីជាមួយលោកជំទាវ ហុង ស៊ួន និងលោកឧកញ៉ា ស៊ីវ គង់ទ្រីវ។សូមបញ្ជាក់ថា បញ្ហា ទំនាស់ដីធ្លីចំនួន៧១ហិកតានៅភូមិគគីរ ឃុំបិតត្រាំង ស្រុកព្រៃនប់ ខេត្តព្រះសីហនុដែលបានអូសបន្លាយច្រើនឆ្នាំមកហើយនោះ បានឈានដល់ការប្រើអំពើហិង្សាដាក់គ្នា រវាងសមត្ថកិច្ចចម្រុះដែលចុះទៅអនុវត្ត សាលដីកាតុលាការកំពូល និងប្រជាពលរដ្ឋដែលពួកគាត់អះអាងថាជាអ្នកចាញ់ក្តីនិងជាជាជនរងគ្រោះ ដោយសារ ឧកញ៉ា ស៊ីវ គង់ទ្រីវ និងប្រពន្ធឈ្មោះ ហុង ហ៊ួន បានយកប័ណ្ណស្លាបមាន់ដែលគេនិរាករណ៍ចោល យកទៅប្តឹងប្រជាពលរដ្ឋដោយអំណាចទឹកប្រាក់ គឺឧកញ៉ា ស៊ីវ គង់ទ្រីវ និងប្រពន្ធឈ្មោះ ហុង ហ៊ួន ឈ្នះក្តីទាំង៣សាលាជម្រះក្តី ។

ប្រជាពលរដ្ឋបានអះអាងថា ពួកគាត់មករស់នៅលើដីនេះជាយូរឆ្នាំ ហើយក៏ជាដីរបស់ ឧទ្យានជាតិ ដែលសម្តេចតេជោ ហ៊ុន សែន កាត់ឲ្យប្រជាពលរដ្ឋ ប៉ុន្តែពួកគាត់ ចេះតែរស់នៅ ដោយមិនបានធ្វើប្លង់ឬប័ណ្ណកម្មសិទ្ធិ ដូចៗគ្នា និងមានការទទួលស្គាល់ពីអាជ្ញាធរ ភូមិ-ឃុំ ដឹងឮ ។ ផ្ទុយទៅវិញ ក្រោយពីសម្តេចតេជោហ៊ុន សែនកាត់ដីនោះឲ្យប្រជាពលរដ្ឋ ស្រាប់តែ ឧកញ៉ា ស៊ីវ គង់ទ្រីវ និងប្រពន្ធឈ្មោះ ហុង ហ៊ួន បានយកប័ណ្ណស្លាបមាន់ ដែលពួកគាត់រិះ គន់ថា ប័ណ្ណនោះត្រូវបាននិរាករណ៍ហើយ ហេតុអីយកទៅដាក់ប្តឹងនៅតុលាការទាំង៣ថ្នាក់ឈ្នះប្រជាពលរដ្ឋហើយ ពួកគាត់ក្លាយជាជនរងគ្រោះទៅវិញ?បើតាមរបាយការណ៍សមត្ថកិច្ចចម្រុះបានឲ្យដឹងថា នៅវេលាម៉ោង៨ព្រឹកថ្ងៃទី២៤ខែមករាឆ្នាំ២០១៩ សមត្ថកិច្ចចម្រុះដឹកនាំដោយលោក ផៃ ប៊ុនវណ្ណៈ អភិបាលរងខេត្តព្រះសីហនុដែលមានយកកម្លាំង នគរបាល យោធា និងមន្រ្តីជំនាញ សាលាខេត្តព្រះសីហនុ។ល។ រាប់រយនាក់ចុះអនុវត្តសាលដីកា លេខ ៣៤៨ «ឈ» ចុះថ្ងៃទី២១ ខែវិច្ឆិកាឆ្នាំ២០១៧ របស់តុលាការកំពូលចូលជាស្ថាពរ នៅភូមិគគីរ ឃុំបិតត្រាំង ស្រុកព្រៃនប់ គ្រាដែលភាគីប្រជាពលរដ្ឋរាប់រយនាក់ជាអ្នកចាញ់ក្តីកើតទុក្ខមិនសុខចិត្តនឹងសាលដីកាតុលាការកំពូលមួយនេះ។

ដោយពួកគាត់អះអាងថាបានមករស់នៅលើដីនេះយូរឆ្នាំមកហើយ។នៅគ្រាដែលសមត្ថកិច្ច ចម្រុះចុះទៅអនុវត្ត សាលដីកាតុលាការកំពូលនេះ បានធ្វើឲ្យភាគីប្រជាពលរដ្ឋក្តៅក្រហាយ នាំគ្នាដុតកង់រថយន្ត និងឈានដល់ប្រើហិង្សាដោយចោលព្រនង់ ដុំឥដ្ឋ ដុំថ្ម និងដបសាំងសំដៅដាក់សមត្ថកិច្ចរហូតបែកកញ្ចក់រថយន្ត៣គ្រឿង ។ ប៉ុន្តែ អាជ្ញាធរ និងសមត្ថកិច្ចបានគ្រប់គ្រងស្ថានភាពនេះដោយការផ្ទុះអាវុធជាច្រើនគ្រាប់។សេចក្តីរាយការណ៍បានឲ្យដឹងទៀតថា ដោយសារស្ថានភាពមិនអំណោយផល សមត្ថកិច្ចបានប្រើពេលជាច្រើនម៉ោង រហូតដល់ម៉ោង១០ព្រឹក ថ្ងៃដដែលទើបសមត្ថកិច្ចសម្រេចចិត្តសម្រុកចូលម្តងទៀតធ្វើឲ្យមានការប្រទូស្តរ៉ាយគ្នាទៅវិញទៅមក ហើយសមត្ថកិច្ចបានផ្ទុះអាវុធ(បាញ់ឡើងលើ)អស់ជាច្រើនគ្រាប់លាន់ដូចក្នុងសមរភូមិព្រមទាំងចាប់ប្រជាពលរដ្ឋជាច្រើននាក់ដើម្បីបញ្ចៀសអំពើហិង្សាកើតឡើងដោយវ៉ៃខ្នោះនិងចងស្លាបសេក ប៉ុន្តែគេ មិនដឹងថាអ្នកទាំងនោះត្រូវគេដោះលែងឬមួយយ៉ាងណាទេ។

សាក្សីបានឲ្យដឹងថា ក្រោយពីប្រជាពលរដ្ឋដកថយអស់ នៅរសៀលថ្ងៃដដែលកម្លាំងចម្រុះនិងសមត្ថកិច្ចជំនាញបានចាប់ ផ្តើមវាស់វែងកាយទំនប់ធ្វើជាព្រំដីលើដីទំនាស់នេះតាមប្លង់ដែលមានជូនទៅភាគីឈ្នះក្តី គឺលោក ឆាយ ណារិន មានទីលំនៅភូមិ១ សង្កាត់លេខ៤ ក្រុងព្រះសីហនុ បន្ទាប់តុលាការកំពូលសម្រេចតម្កល់សាលដីការដ្ឋប្បវេណីរបស់សាលាឧទ្ធរណ៍ចាត់ទុកជាបានការ ដែលគេដឹងថា ជាតំណាងឲ្យឧកញ៉ា ស៊ីវ គង់ទ្រីវ និងប្រពន្ធឈ្មោះ ហុង ហ៊ួនហើយ អ្នកមានទ្រព្យទាំងពីរនាក់ប្តីប្រពន្ធនេះមិនហ៊ានចេញមុខ ក្រែងថ្នាក់លើដឹង ពីព្រោះដីនេះ ប្រជាពលរដ្ឋអះអាងថា សម្តេចតេជោ បានកាត់ពីឧទ្យានជាតិឲ្យប្រជាពលរដ្ឋ ហេតុអីយកប័ណ្ណស្លាបមាន់ប្តឹងយកឈ្នះប្រជាពលរដ្ឋ ហើយជាប័ណ្ណត្រូវបាននិរាករណ៍ហើយនោះ។បញ្ហារឿងក្តីនេះ អាចជាចំណុចក្តៅមួយ ខណៈប្រជាពលរដ្ឋរងគ្រោះបាត់បង់ដីលំនៅឋាន ហើយអ្នកមានទ្រព្យឈ្នះក្តីទិញដីនេះមកពីណា ជំនាញផ្នែកណាចេញប័ណ្ណឲ្យ បើជាដីស្ថិតក្នុងដែនឧទ្យានជាតិ ពិសេសសម្តេចតេជោ ហ៊ុន សែន កាត់ឲ្យប្រជាពលរដ្ឋ មិនមែនប្រគល់ឲ្យបុគ្គលឧកញ៉ា ស៊ីវ គង់ទ្រីវ និងប្រពន្ធឈ្មោះ ហុង ហ៊ួន ជាកម្មសិទ្ធិផ្តាច់មុខនោះទេ។

https://www.facebook.com/plugins/video.php?href=https%3A%2F%2Fwww.facebook.com%2FApsaraNewsNetwork%2Fvideos%2F289030265142786%2F&show_text=0&width=560

https://www.facebook.com/plugins/video.php?href=https%3A%2F%2Fwww.facebook.com%2FApsaraNewsNetwork%2Fvideos%2F235036400737013%2F&show_text=0&width=560

https://www.facebook.com/plugins/video.php?href=https%3A%2F%2Fwww.facebook.com%2FApsaraNewsNetwork%2Fvideos%2F1296938880447321%2F&show_text=0&width=560

https://www.facebook.com/plugins/video.php?href=https%3A%2F%2Fwww.facebook.com%2FApsaraNewsNetwork%2Fvideos%2F391083274979552%2F&show_text=0&width=560

ញាក់សាច់មិនធម្មតា លើកនេះខ្មែរមួយជីវិត ចេញបទចម្រៀងដៀលឈ្មោះG Devith ចំៗ…(មានវីឌីអូ)

សិល្បៈ៖ ក្រោយពីមានជម្លោះជាមួយគ្នាម្ដងរួចមកហើយតាមរយៈធ្វើបទចម្រៀង ឌឺដង ឆ្លងឆ្លើយគ្នា ពេលនេះខ្មែរមួយជីវិត និង ជីដេវីដ ក៏បានមាវិមាទជាថ្មី ធ្វើឲ្យភ្ញាក់ផ្អើលក្នុងសង្គមសិល្បៈចម្រៀងរ៉េប ដូចជាការបង្ហោះសារលើហ្វេសប៊ុក និងធ្វើបទចម្រៀង ឌឺដងគ្នាជាដើម រហូតមកទល់ពេលនេះ ស្រាប់តែខ្មែរមួយជីវិតចេញបទចម្រៀងមួយបទ ដៀលត្មេះ ហៅឈ្មោះជីដេវីដចំៗ មិនបញ្ឆិចបញ្ឆៀងដូចមុនឡើយ ។សម្រាប់បទចម្រៀងរ៉េបថ្មី ដែលខ្មែរមួយជីវិត បង្ហោះមុននេះ ដើម្បីតបតទៅកាន់ជីដេវីដ មានចំណងជើងថា «ប៉ារូពិឃាត» ហើយនៅក្នុងអត្ថន័យនៃបទចម្រៀង គឺសំពងចំៗទៅលើជីដេវីដ គ្មានប្រណៃដៃទេ ហើយតាមរយៈបទចម្រៀងមួយបទនេះដែរ ក៏មានការពេញចិត្តពីសំណាក់អ្នកគាំទ្រខ្មែរជីវិត ក៏ដូចជាមិនពេញចិត្តសម្រាប់អ្នកដែលគាំទ្រជីដេវីដផងដែរ ។

សូមបញ្ជាក់ថា នេះលើកទី២ហើយ ដែលខ្មែរមួយជីវិត និងជីដេវីដ មានទំនាស់ពាក្យសម្ដីឆ្លើយឆ្លងតាមបណ្ដាញសង្គមហ្វេសប៊ុក ពោលគឺកាលពីលើកទី១ ពួកគេក៏បានឆ្លើយឆ្លង ទាំងពាក្យសម្ដី និងធ្វើបទចម្រៀងដៀមដាមគ្នាដែរ តែពុំមានបញ្ចេញឈ្មោះនរណាម្នាក់ចំៗឡើយ ហើយរឿងនេះក៏បានស្ងប់ស្ងាត់ទៅវិញ បន្ទាប់ពីមានការសម្របសម្រួលពីសំណាក់អ្នកគាំទ្រជាច្រើននាក់ នៅលើបណ្ដាញសង្គមហ្វេសប៊ុក ៕

https://www.facebook.com/plugins/video.php?href=https%3A%2F%2Fwww.facebook.com%2FTheRealKhmer1Jivit%2Fvideos%2F2349772218400707%2F&show_text=0&width=468

តោះស្តាប់លោក មាស ឬទ្ធីមានប្រសាសន៍ពាក់ព័ន្ធទៅនឹងការស្លាប់របស់កញ្ញា ខេមរៈ ស្រីពៅ…(មានវីឌីអូ)

សិល្បករ សិល្បការិនីទូទាំងប្រទេស និងបងប្អូនជាចច្រើន បានទៅចូលរួមបុណ្យ សពកញ្ញា ខេមរៈ ស្រីពៅ បានសម្តែងការសោកស្តាយ និងភ្ញាក់ផ្អើលយ៉ាងខ្លាំង ចំពោះដំណឹងនៃការបាត់បង់ជីវិតរបស់កញ្ញាខេមរៈ ស្រីពៅ។ទន្ទឹមនឹងការចុះផ្សាយយ៉ាងច្រើនកកុះករ ទាំងអ្នកការសែត និងតាមបណ្តាទូរទស្សន៍ជាច្រើនបានចុះផ្សាយពីដំណឹងក៏ក្រៀមក្រំមួយនេះ។ យ៉ាងណាមិញ នៅព្រឹកថ្ងៃច័ន្ទនេះ លោក មាស ឬទ្ធី អំពីដំណឹងមរណភាពរបស់ប្អូនស្រី លោក ខេមរៈ សិរីមន្ត មកធ្វើការជំរាបជូនបងប្អូនឲ្យាបនដឹងនេះព្រឹកនេះ។

លោក មាស ឬទ្ធី ក៏ប្រាប់ឲ្យដឹងថា លោកបានតេទៅលោក ខេមរៈ សិរីមន្ត ដើម្បីសូមធ្វើការបំភ្លឺពីជំងឺរបស់ប្អូនស្រីរបស់លោក ខេមរៈ សិរីមន្ត តែលោក ខេមរៈ សិរីមន្ត សូមមិនបញ្ជាក់ពីមូលហេតុទេ តែលោកនឹងធ្វើសន្និសីទកាសែត ដើម្បីជំរាបជូបបងប្អូនឲ្យបានដឹងថា ពីការស្លាប់របស់កញ្ញា ខេមរៈ ស្រីពៅ គ្រប់រឿងរ៉ាវទាំងអស់ដែលកញ្ញា បានស្លាប់បាត់បង់ជីវិតនោះ។

https://www.facebook.com/plugins/video.php?href=https%3A%2F%2Fwww.facebook.com%2FMeasRithyHangMeas%2Fvideos%2F231607257763320%2F&show_text=0&width=560

កាន់តែរំជួលចិត្តដល់ពេលហើយ ស្រីពៅ ត្រូវបានរៀបចំដង្ហែរចេញពីគេហដ្ធានទៅមេនហើយ…(មានវីឌីអូ)

ភ្នំពេញ ៖ គួររំលឹកឡើងវិញបន្តិចផងដែរថា កាលពីម្សិលមិញនេះ នាថ្ងៃទី២៧ ខែមករា ឆ្នាំ២០១៩ គេបានឃើញប្រជាពលរដ្ឋជាច្រើននាក់បានទៅរងចាំទទួល ខេមរៈ ស្រីពៅ ដល់ព្រលានយន្តហោះតែម្តង ជាមួយអារម្មណ៍ក្តុកក្តួលជាខ្លាំង ហើយក៏មានអ្នកខ្លះអួលដើម.ក ស្រក់ទឹកភ្នែកទៀតផង។ ក្រោយពេលបានដឹកមកដល់ផ្ទះមិនទាន់បានប៉ុន្មានផង បានលឺសម្លេងទ្រហោរយំពេញរោងបុណ្យតែម្តង នេះក៏ព្រោះក្តីអាលោះអាល័យស្រីពៅមិនទាន់បាត់៕យ៉ាងណាមិញថ្ងៃនេះជាថ្ងៃចុងក្រោយ របស់ ស្រីពៅ ដែលលា អ្នកទំាងអស់គ្នាជារៀងរហូតគ្មានថ្ងៃត្រលប់ ។ ប្រភពអំពីលោក ខេមរះ សេរីមន្ត បានបញ្ចាក់ថា ស្រីពៅ និងធ្វើការងដ្ហែរចេញពីផ្ទះនៅម៉ោង 12: 07 នាទីនោះហើយ ចង់ជ្រាបច្បាស់ទស្សនាវីឌីអូខាង

https://www.facebook.com/plugins/video.php?href=https%3A%2F%2Fwww.facebook.com%2F336540787188536%2Fvideos%2F399780607443705%2F&show_text=0&width=560