ជិះម៉ូតូធំម៉ាកឌូក បុករថយន្តឆ្លាម បណ្តាលអោយយុវជនម្នាក់រងរបួសធ្ងន់ធ្ងរ…

ខេត្តកំពត៖ ម៉ូតូម៉ាកឌូកបុករថយន្តឆ្លាម បណ្តាលអោយយុវជនម្នាក់រងរបួសធ្ងន់ធ្ងរ នៅផ្លូវជាតិលេខ៣៣ ករណីគ្រោះថ្នាក់ចរាចរណ៍នេះកើតឡើងកាលពីថ្ងៃទី២២ ខែកក្កដា ឆ្នាំ២០១៨ តាមបណ្ដោយផ្លូវជាតិលេខ៣៣ ស្ថិតក្នុងភូមិអូរច្រនៀង ឃុំកំពង់ត្រាចខាងលិច ស្រុកកំពង់ត្រាច ខេត្តកំពត។

មុនពេលកើតហេតុ ប្រជាពលរដ្ឋនៅតាមដងផ្លូវបានឃើញម៉ូតូមួយគ្រឿងម៉ាកឌូក ពណ៌ខ្មៅ ពាក់ស្លាកលេខ ភ្នំពេញ1FC-7660 បើកបរដោយយុវជនម្នាក់ ក្នុងល្បឿនលឿន ទិសដៅពីលិចទៅកើត លុះមកដល់ចំណុចកើតហេតុ បានបុករថយន្តមួយគ្រឿងម៉ាកកាមារីឆ្លាមពណ៌ស្ករ ពាក់ស្លាកលេខ ភ្នំពេញ 2K-2598 បណ្ដាលឲ្យអ្នកបើកបរម៉ូតូរងរបួសធ្ងន់ធ្ងរ។

យុវជនរងគ្រោះ ឈ្នោះ ម៉ី ចំរើន ភេទប្រុស អាយុ២៧ឆ្នាំ មានទីលំនៅៗភូមិកោះខ្លូត ឃុំកំពង់ត្រាចខាងកើត ស្រុកកំពង់ត្រាច ខេត្តកំពត។ ចំណែកម្ចាស់រថយន្តបានរត់គេចខ្លួនបាត់បន្សល់ទុករថយន្តនៅកន្លែងកើតហេតុ ៕

ប្រភព៖ FB

រថយន្តកូរ៉េបើកលឿនបែកកង់ រេចង្កូតទៅបុក រថយន្តហាយឡិនឌរ័ ពេញទំហឹងរួចដាច់កង់រមៀល ទៅបុករថយន្តបាឡែនមួយគ្រឿងទៀត បណ្តាលអោយមនុស្សប្រុសស្រីក្មេងចាស់ចំនួន៨នាក់ រងរបួសធ្ងន់និងស្រាល

សៀមរាប៖ រថយន្តកូរ៉េ (ឃ្លុប) បើកលឿនបែកកង់ រេចង្កូតទៅបុក រថយន្តហាយឡិនឌរ័ ពេញទំហឹងរួចដាច់កង់រមៀល ទៅបុករថយន្តបាឡែនមួយគ្រឿងទៀត បណ្តាលអោយមនុស្សប្រុសស្រីក្មេងចាស់ចំនួន៨នាក់ រងរបួសធ្ងន់និងស្រាល ហេតុការណ៍នេះបានកើតឡើងកាលពីថ្ងៃទី ២២ ខែ កក្កដា ឆ្នាំ២០១៨ម្សិលមិញនេះ នៅលើដងផ្លូវជាតិលេខ០៦ ចម្ងាយ១០០ ម៉ែត្រ ខាងលិចស្នាក់ការអាវុធហត្ថ ៦១០ ស្ថិតនៅភូមិរំដេង ឃុំស្រណាល ស្រុកក្រឡាញ់ ខេត្តសៀមរាប ។

តាមប្រភពសមត្ថកិច្ចបានអើយដឹងថា៖ រថយន្តមួយគ្រឿងម៉ាកហ៊ីយ៉ានដាយបានបែកកង់ខាងឆ្វេងរ៉េចង្កូតទៅឆ្វេង ក្នុងទិសដៅពីលិចទៅកើត បានបុករថយន្តម៉ាកហាយឡិនឌ័រ ពណ៍ទឹកប្រាក់ ពាក់ស្លាកលេខ បន្ទាយមានជ័យ 2A-6586 បើកបរដោយឈ្មោះបិន នាគ អាយុ៣២ ឆ្នាំជាប្ដី និងប្រពន្ធឈ្មោះ ឆែ រើន អាយុ ២៧ ឆ្នាំ ព្រមទាំង កូនប្រុសឈ្មោះ ឈុន តុលា អាយុ៧ ឆ្នាំ និង កូនស្រីឈ្មោះ ឈុន លីណា អាយុ ១៥ខែ ទីលំនៅភូមិ ២ឃុំកំពង់ស្វាយ ស្រុកសេរីសោភ័ណ្ឌ ខេត្តបន្ទាយមានជ័យ ក្នុងទិសដៅពីលិចទៅកើត។

បន្ទាប់មកកង់រថយន្តម៉ាក ហ៊ីយ៉ាន់ដាយ បានដាច់កង់រមៀលទៅបុកប៉ះរថយន្តមួយគ្រឿងទៀតម៉ាក TOYOTA CAMARY (បាឡែន) ពណ័ទឹកប្រាក់ ពាក់ស្លាកលេខ ភ្នំពេញ 2T-9761 បើកបរដោយឈ្មោះ ជួ ផល្លី ភេទ ប្រុស អាយុ ៣៧ ឆ្នាំ ទីលំនៅភូមិ ចំការចេក ឃុំ អូរស្មាច់ ស្រុកសំរោង ខេត្តឧត្តមានជ័យ ក្នុងទិសដៅពីកើតទៅលិច។បណ្តាលអោយរបួសធ្ងន់៤នាក់ស្រី២នាក់ ៕

ប្រភព៖ FB

ហួសចិត្ត!! នារីរូបស្រស់ម្នាក់ ស្រវឹងស្រាហួង ជិះម៉ូតូរេពេញផ្លូវដួលរបួសបែកមុខ បែកមាត់ ពេលក្រុមជួយសង្គ្រោះទៅជួយបែរជាបបួលក្រុមអ្នកសង្គ្រោះ ទិញស្រាផឹកសិន មុនយកគេទៅមន្ទីពេទ្យ…(មានវិដេអូ)

ភ្នំពេញ ៖ នារីស្រស់ ស្អាតម្នាក់ ស្រវឹងធុំក្លិនស្រាហួង ជិះម៉ូតូរេពេញផ្លូវដួលរបួសបែកមុខ បែកមាត់ នៅខណ្ឌពោធិសែនជ័យ ហេតុការណ៍នេះបានកើតឡើងកាលពីថ្ងៃទី២២ ខេកក្កដា ឆ្នាំ២០១៨ ស្ថិតនៅតាមផ្លូវក្នុងតំបន់សេដ្ឋកិច្ចភ្នំពេញ ភូមិព្រៃបឹង សង្កាត់កន្ទោក ខណ្ឌពោធិសែនជ័យ ។

នារីរងគ្រោះមិនត្រូវបានស្គាល់អត្តសញ្ញាណឡើយ មានអាយុប្រហែល២១ឆ្នាំ ក្នុងស្ថានភាពស្រវឹង ធំទាំងក្លិនសុរាទៀតផង ជិះម៉ូតូមួយគ្រឿង ម៉ាក ហុងដា សេ១២៥ សេរី២០១៨ ពណ៌ខ្មៅ ពាក់ស្លាកលេខ កណ្តាល 1Z-3186 ។

មុនកើតហេតុ គេឃើញនារីខាងលើជិះម៉ូតូម្នាក់ឯង ក្នុងស្ថានភាពស្រវឹង រេពេញផ្លូវ ពីកើតទៅលិច លុះដល់ចំណុចកើតហេតុ ទប់ចង្កូតលែងជាប់ ដួលភីងម្នាក់ឯង បណ្តាលឲ្យរងរបួសបែកមុខ មាត់ ហូរឈាមកក្លាក់ ខូចអស់រលីងសម្ភស្ស ។

នៅកន្លែងកើតហេតុ នារីខាងលើក្រោយពីផឹកស្រវឹង ដួលបានសម្រេច របួសប៉ុណ្ណឹងហើយ និយាយប៉ប៉ិចប៉ប៉ោច បបួលគេឯង រកស្រាផឹកទៀត ពិតជាចិត្តនារីក្លាហានមែន ដោយឃើញឈាមហូរច្រើនពេក ពលរដ្ឋ កម្មករ ក្បែរនោះជួយហៅ រករថយន្តសង្គ្រោះរបស់អង្គភាព៧១១ ទៅជួយដឹកយកទៅសង្គ្រោះ បែរជានារីរូបនេះ នៅតែបញ្ចេញចរឹកក្លាហាន បែរជាបបួលក្រុមអ្នកសង្គ្រោះ ទិញស្រាផឹកសិន មុនយកគេទៅពេទ្យ « អស់ទាស់ហ្មង» ។

តែទោះជាយ៉ាងណាក្តី វិជ្ជាជីវៈ ជាអ្នកសង្គ្រោះ ជនរងគ្រោះក្នុងសភាពបែបណាក្តី ផ្តោតសំខាន់លើក្រមសិលធម៌ ថ្លៃថ្នូរ អនុវត្តន៍ទៅតាមជំនាញរបស់ខ្លួន ដើម្បីសង្គ្រោះអាយុជីវិតមនុស្ស ពោលមិនគិតពីជនរងគ្រោះក្នុងសភាពបែបណាក៏ដោយ ហើយដឹកបញ្ជូនទៅសង្គ្រោះនៅមន្ទីរពេទ្យព្រះកុសុមៈ ។

ជនរងគ្រោះស្ថិតក្នុងសភាពវង្វេងបាត់ស្មារតី និយាយលែងដឹងខុសត្រូវ ប្រជាពលរដ្ឋ អាជ្ញាធរ ក្រុមគ្រូពេទ្យ សូមអំពាវនាវផងដែរ ដល់សាច់ញាតិ ក្រុមគ្រួសារ មេត្តាមកជួយមើលថែ ផ្តល់កម្លាំងចិត្ត ដល់ជនរងគ្រោះ នៅមន្ទីរពេទ្យព្រះកុសុមៈ ៕

(វិដេអូ)

https://www.facebook.com/plugins/video.php?href=https%3A%2F%2Fwww.facebook.com%2Fsroeuy.voeurm%2Fvideos%2F431647760673814%2F&show_text=0&width=560

ប្រភព៖ FB

ជិះម៉ូតូលឿនជ្រុលទៅបុកឃឿនពុះចែកទ្រូងផ្លូវបណ្ដាលឲ្យនារីម្នាក់បោកក្បាលស្លាប់នៅនឹងកន្លែងនិងម្នាក់ទៀត…

(ភ្នំពេញ) ៖ នារីម្នាក់ស្លាប់យ៉ាងអាណោចអាធម៍និងម្នាក់ទៀតរងរបួសធ្ងន់ខណៈដែរពួកគេបើកម៉ូតូលឿនលុះមកដល់ចំណុចផ្លូវកោង បែរជាបត់មិនទាន់ក៏ជ្រុលទៅបុកឃឿនពុះចែកទ្រូងផ្លូវបណ្ដាលឲ្យបោកក្បាលទៅនឹងបង្គោលផ្លាកផ្សាយពាណិជ្ជកម្មបណ្ដាលឲ្យធ្លាយខួរស្លាប់ភ្លាមៗនៅនិងកន្លែងឯម្នាក់ទៀតបោកក្បាលទៅនឹងថ្នល់បណ្ដាលឲ្យរងរបួសធ្ងន់។

ហេតុការណ៍នេះដែរបានកើតឡើងកាលពីវេលាម៉ោង១២យប់រំលងអធ្រាត្រឈានចូលថ្ងៃទី២៣ខែកក្កដាឆ្នាំ២០១៨ ដែលមានទីតាំងនៅតាមបណ្តោយផ្លូវវេងស្រេង សង្កាត់ស្ទឹងមានជ័យ១ ខណ្ឌមានជ័យរាជធានីភ្នំពេញ។

ប្រភពពីកន្លែងកើតហេតុបានឲ្យដឹងថាមុនពេលកើតហេតុពួកគេឃើញយុវជនមួយគូជិះម៉ូតូមួយគ្រឿងម៉ាកSuzuki Nex ពណ៍សពាក់ស្លាកលេខ ព្រៃវែង1M-8631 ធ្វើដំណើរតាមបណ្តោយផ្លូវវេងស្រេង ដោយក្នុងល្បឿនលឿនដោយសារផ្លូវមានស្ថានភាពកោង ហើយមិនបន្ថយល្បឿនទើបជ្រុលទៅបុកឃឿនពុះចែកទ្រូងផ្លូវបណ្ដាលឲ្យបោកក្បាលទៅនឹងបង្គោលផ្លាកផ្សាយពាណិជ្ជកម្មបណ្ដាលឲ្យធ្លាយខួរស្លាប់ភ្លាមៗនៅនិងកន្លែងឯ ម្នាក់ទៀតបោកក្បាលទៅនឹងថ្នល់បណ្ដាលឲ្យរងរបួសធ្ងន់ត្រូវបានរថយន្តសង្គ្រោះបន្ទាន់យកទៅសង្គ្រោះនៅមន្ទីរពេទ្យ។ បច្ចុប្បន្នសពនារីរងគ្រោះនិងអ្នករងរបួសនៅមិនទាន់ស្គាល់អត្តសញ្ញាណនោះទេ។

ក្រោយកើតហេតុ សមត្ថកិច្ចពិនិត្យរួច យកសពទៅតម្កល់ទុកនៅវត្តទឹកថ្លាដើម្បីរងចាំបងប្អូនមកទទួលសពយកទៅធ្វើបុណ្យតាមប្រពៃណី រីឯម៉ូតូវិញ សមត្ថកិច្ចជំនាញ យកទៅរក្សាទុកនៅការិយាល័យ ចរាចរណ៍ជើងគោកក្រុងដើម្បីរងចាំសាច់ញាត្តិយកឯកសារ មកទទួលយកទៅវិញ៕

ប្រភព៖ FB

រថយន្តដឹកទឹកកក បុកម៉ូតូ បណ្តាលអោយមន្ត្រីនគរបាលម្នាក់នឹងស្ត្រីម្នាក់ ស្លាប់ភ្លាមៗ..

ខេត្ដប៉ៃលិន៖ រថយន្តដឹកទឹកកក បុកម៉ូតូ បណ្តាលអោយមន្ត្រីនគរបាលម្នាក់នឹងស្ត្រីម្នាក់ ស្លាប់ភ្លាមៗ នៅនឹងកន្លែងកើតហេតុ ហេតុការណ៍នេះបានកើតឡើងកាលពីថ្ងៃសៅរ៍ ទី២១ ខែកក្កដា ឆ្នាំ២០១៨ នៅចំណុចភូមិឈើក្រំ ឃុំស្ទឹងកាច់ ស្រុកសាលាក្រៅ ខេត្តប៉ៃលិន។

មន្ត្រីនគរបាលនឹងអ្នករួមដំណើរជាស្ត្រីម្នាក់ដែលស្លាប់ មាន៖
ទី១ ឈ្មោះ ជួន ផាន់ណា ភេទប្រុស អាយុ ២៦ឆ្នាំ មុខរបរ មន្ត្រីនគរបាលការពារព្រំដែនគោកវរ:សេនាតូចលេខ៨២១ បើកម៉ូតូម៉ាក Duke ពណ៍ស លាយខ្មៅ ពាក់ស្លាកលេខ ភ្នំពេញ 1FK-4199 បានស្លាប់បាត់បង់ជីវិត។

ទី០២ ឈ្មោះ សាន វាសនា ភេទ ស្រី អាយុ ១៨ឆ្នាំ រស់នៅភូមិអូររអិល ឃុំស្ទឹងកាច់ ស្រុកសាលាក្រៅ ខេត្តប៉ៃលិន អ្នករួមដំណើរបានស្លាប់បាត់បង់ជីវិត។

ចំណែកជនបង្កមានគ្នា ០២នាក់៖
០១-ឈ្មោះ ណាន់ វិន ភេទប្រុស អាយុ ១៨ ឆ្នាំ មុខរបរ បើករថយន្តដឹកទឹកកក រស់នៅភូមិអូតាប្រាង សង្កាត់ប៉ៃលិន ក្រុងប៉ៃលិន ខេត្តប៉ៃលិន បើកបររថយន្តម៉ាក Hyundai ពណ៌ខៀវស ពាក់ស្លាកលេខ ភ្នំពេញ 3C-3096។
០២-ឈ្មោះ សាន សិទ្ធ ភេទ ប្រុស អាយុ ១៨ឆ្នាំ បុខរបបកម្មករលីទឹកកក រស់នៅភូមិឃុំជាមួយគ្នា។

ករណីខាងលើបណ្ដាលមកពីអ្នកបើកបររថយន្ត ខ្វះការប្រុងប្រយ័ត្ន បណ្ដាលឲ្យបុកជនរងគ្រោះកំពុងជិះម៉ូតូ រួមជ្រុលទៅបុកផ្ទះរបស់ប្រជាពលរដ្ឋខូចខាតអស់មួយខ្នងទៀត។
សាកសពជនរងគ្រោះត្រូវបានប្រគល់អោយក្រុមគ្រួសារដើម្បីយកទៅធ្វើបុណ្យតាមប្រពៃណី ចំណែករថយន្ត និងម៉ូតូត្រូវបានយកមករក្សាទុកនៅស្នងការដ្ឋាននគរបាលខេត្ដប៉ៃលិនដើម្បីរង់ចាំធ្វើការដោះស្រាយ៕

ប្រភព៖ FB

រថយន្តព្រូស បុករ៉ឺម៉កកង់បីបត់ឆ្លងផ្លូវ ដាច់ជាពីរកំណាត់ បណ្តាលអោយបុរសម្នាក់របួសធ្ងន់…

ភ្នំពេញ៖ រថយន្តព្រូសបុករ៉ឺម៉កកង់បីបត់ឆ្លងផ្លូវដាច់ជាពីរកំណាត់ បណ្តាលអោយបុរសម្នាក់របួសធ្ងន់ហេតុការណ៍នេះបានកើ់តឡើង ស្ថិតនៅតាមមហាវិថីសហព័ន្ធរ៉ុស្សីក្នុងភូមិព្រៃទាសង្កាត់ចោមចៅ៣នៅខណ្ឌពោធិ៍សែនជ័យកាលពីយប់ថ្ងៃទី២១ខែកក្កដាឆ្នាំ២០១៨ ។

បុរសរងគ្រោះឈ្មោះ ប៉េង ចាន់ណា អាយុ ៣៥ឆ្នាំ មុខរបររត់កង់បី រស់នៅភូមិជម្ពូវ័ន សង្កាត់ចោមចៅ៣ ខណ្ឌពោធិសែនជ័យ ។ ចំណែកអ្នកបើកបររថយន្តឈ្មោះ ប៊ី ចាន់រ៉ាឌី អាយុ៣០ មុខរបរតារាចម្រៀង រស់នៅភូមិប៉ប្រក់ជើង សង្កាត់កាកាប១ ខណ្ឌពោធិ៍សែនជ័យ ត្រូវសមត្ថកិច្ចឃាត់ខ្លួន ។

សាក្សីបានឲ្យដឹងថា មុនកើតហេតុ គេឃើញរ៉ឺម៉កកង់បីមួយគ្រឿង អូសដោយម៉ូតូវីវ៉ាពាក់ស្លាកលេខ ភ្នំពេញ 1AE-6582 ធ្វើដំណើរពីលិចទៅកើត។ លុះមកដល់ចំណុចកើតហេតុ រ៉ឺម៉ក់កង់បីបត់ឆ្លងមកខាងធ្វេងដៃមិនប្រយ័ត្ន ក៏ត្រូវរថយន្តមួយគ្រឿងម៉ាក ព្រូសពណ៌ផ្ទៃមេឃ ពាក់ស្លាកលេខ ភ្នំពេញ 2T-6522 បើកបរពីលិចទៅកើតស្របទិសគ្នា ។

ខណៈមកដល់ចំណុចកើតហេតុជាន់ហ្វាំងមិនទាន់ ក៏បុករ៉ឺម៉ក់កង់បីពេញទំហឹងចំពាក់កណ្ដាល បណ្ដាលឲ្យរ៉ឺម៉ក់កង់បីដាច់ជាពី ដោយកន្ទុយរ៉ឺម៉កខ្ទាតទៅខាងស្ដាំដៃ ។ចំណែកម៉ូតូគៀបជាប់ក្រោមរថយន្ត អ្នកបើករ៉ឺម៉ក់របួសបាក់ជើងខាងធ្វេងធ្ងន់ធ្ងរ ត្រូវបានរថយន្តដេកយកទៅសង្គ្រោះនៅមន្ទីរពេទ្យ។ចំណែកអ្នកបើកបររថយន្តត្រូវសមត្ថកិច្ចឃាត់ខ្លួនបាន ។

ក្រោយកើតហេតុ សមត្ថកិច្ច ទាំងប៉ុស្តិ៍សមត្ថកិច្ចជំនាញចរាចរណ៍ធ្វើការវាស់វែងយករថយន្តនិងរ៉ម៉ក់កង់បីសមត្ថកិច្ចយកទៅរក្សាទុកនៅការិយាល័យចរាចរណ៍ជើងគោក រាជធានីភ្នំពេញដើម្បីកសាងសុំរឿង តាមនីតិវិធី ៕

(មានវិដេអូ)

https://www.facebook.com/plugins/video.php?href=https%3A%2F%2Fwww.facebook.com%2Fchenda.pen.169%2Fvideos%2F2058406901142799%2F&show_text=0&width=560

ប្រភព៖ FB

លឺហើយព្រឺក្បាល!! ប្អូនប្រុស លឹម ហេង ដែលត្រូវឃាតកសម្លាប់នៅក្នុងព្រៃ បានមកពន្យល់សប្ដិប្រាប់ម្តាយថា…(មានវិដេអូ)

ម្ដាយប្អូនប្រុស លឹម ហេង និមន្តព្រះសង្ឃនិងលោកអាចារ្យ មកធ្វើពិធីហៅព្រលឹងប្អូនប្រុស លឹម ហេង យកទៅផ្ទះវិញ ព្រោះអីប្អូនប្រុស បានមកពន្យល់សប្ដិថា ប្អូនមិនទាន់បានទៅដល់ផ្ទះទេ ព្រោះព្រលឹងប្អូននៅវិលវល់ក្នុងព្រៃនេះទេ មិនអាចទៅណារួចទេ។

គួរបញ្ជាក់ផងដែរថា យោងតាមសម្តីរបស់គ្រួសារប្អូនប្រុសនេះធ្លាប់បានពោលពាក្យថា៖ ពេលដែលបាត់បង់កូនជាទីស្រលាញ់ គួរអោយសង្វែកចិត្តណាស់ពេលកូននៅរស់ កូនសន្យាថា “ពេលកូនធំឡើង កូននិងចិញ្ចឹមម៉ែ កូននិងរកលុយជូនម៉ែ កូនមិនអោយម៉ែពិបាកទេ” ឯណា..ទៅពាក្យសន្យាដែលកូនសន្យាជាមួយម៉ែ ពេលនេះកូនទៅចោលម៉ែ ទៅឆ្ងាយពីម៉ែហើយ គឺឆ្ងាយជារៀងរហូតហើយណាកូន។ ម៉ែសូមអោយវិញ្ញាណក្ខ័ន្ធកូន បានទៅកាន់សុគតិភពចុះ ណាកូនប្រុសមាសម្ដាយ។

សូមទស្សនាវិដេអូខាងក្រោមនេះ៖

https://www.facebook.com/plugins/video.php?href=https%3A%2F%2Fwww.facebook.com%2F308136649376855%2Fvideos%2F975904615933385%2F&show_text=0&width=267

ប្រភព វិដេអូ៖ ចំលែក

បុរសចំណាស់ជនជាតិអូស្ត្រាលីម្នាក់ដេកស្លាប់ដោយសារជំងឺគាំងបេះដូង…

ខេត្តកណ្តាល៖ ហេតុការណ៍នេះបង្ករអោយមានការភ្ញាក់ផ្អើលកាលពីវេលាម៉ោង៧:១៧នាទីព្រឹក ចំណុចផ្ទះជួលបន្ទប់លេខ១០៨ ភូមិដើមមៀន សង្កាត់ដើមមៀន ក្រុងតាខ្មៅ ខេត្តកណ្តាល ។
ជនរងគ្រោះមានឈ្មោះ STEWART RODNEY COLIN ភេទប្រុស អាយុ៧០ ឆ្នាំ មុខរបរ នៅផ្ទះ ជនជាតិ អូស្ត្រាលី ( Australian ) ។

តាមការបំភ្លឺរបស់ប្រពន្ធជនរងគ្រោះឈ្មោះយ៉ុន រ៉េត ភេទស្រី អាយុ ៣៩ឆ្នាំជនជាតិខ្មែរ មុខរបរ កម្មកររោងចក្រ មានស្រុកកំណើត នៅឃុំស្តៅកោង ស្រុកបាភ្នំ ខេត្តព្រៃវែង បានឲ្យដឹងថា៖
កាលពីឆ្នាំ២០១៥ដោយជនរងគ្រោះបានរួមរស់ជាមួយគ្នាដោយជនរងគ្រោះរស់នៅជាមួយប្រពន្ធបានរយៈពេល៦ខែជនរងគ្រោះចេះតែចុករោយដៃជើងហើមានបៅមើលមិនជាក៏នាំជនរងគ្រោះ ទៅមន្ទីរពេទ្យពេលនោះ លោកគ្រូពេទ្យប្រាប់ថាជនរងគ្រោះមានជំងឺ ទឹកនោមផ្អែម និងបេះដូង។

ក្រោយមកបានរយៈពេល៦ខែគាត់បានទៅលេងប្រទេសអូរស្រ្តាលី ម្តង ទៅលេងរយៈពេល កន្លះខែទៅ១ខែបានត្រឡប់មកស្រុកខ្មែរវិញ។ ដល់ថ្ងៃទី២០.០៧.២០១៨វេលាម៉ោង៦:៣០នាទី ជនរងគ្រោះបានក្តៅខ្លួនឃើញដូចនោះប្រពន្ធក៏បបួលទៅពេទ្យតែជនរងគ្រោះប្រាប់ថា អត់មានលុយទេ។

រហូតដល់ថ្ងៃទី២១.០៧.២០១៨ វេលាម៉ោង៦:៣០នាទីព្រឹក ប្រពន្ធបានទៅស្ថានទូតអូស្ត្រាលីដើម្បីទៅប្រាប់ស្ថានទូតថា ជនរងគ្រោះមានជំងឺធ្ងន់ធ្ងរណាស់ ពេលជិះម៉ូតូបានពាក់កណ្តាលផ្លូវដោយប្រពន្ធជនរងគ្រោះមិនស្គាល់ផ្លូវក៏ជិៈម៉ូតូត្រឡប់មកបន្ទប់ជួលវិញ វេលាម៉ោង ៧:១៧នាទីមកដល់ជនរងគ្រោះបានស្លាប់បាត់ទៅហើយ បានរាយការណ៍ជូនសមត្ថកិច្ចចុះធ្វើការពិនិត្យ។

ការសន្និដ្ឋាន៖ តាមការពិនិត្យរបស់សមត្ថកិច្ច ជំនាញបច្ចេកទេសខេត្តកណ្តាលនិងនគរបាលផ្នែកពិនិត្យវិភាគកន្លែងកើតហេតុក្រុងតាខ្មៅ ព្រមទាំង
អាជ្ញាធរ លោកគ្រូពេទ្យអនុមន្ទីរពេទ្យជ័យជំនៈ បានសន្និដ្ឋានថា៖ ជនរងគ្រោះពិតជាបានស្លាប់ដោយសារ ខ្យល់គរ(គាំងបេះដូង) ពិតប្រាកដមែនមានជំងឺប្រចាំកាយ ការពិនិត្យចប់សព្វគ្រប់ សាកសពបានប្រគល់ឲ្យប្រពន្ធ យកទៅតម្កល់នៅវត្តទឹកថ្លាក្រុមហ៊ុន អូសប៊ន៕

ប្រភព៖ FB

នោះមានរឿងអីចេះ!! ស្រ្តីស្រស់ស្អាតម្នាក់ បើកកកាយរឿង មន្ត្រីក្រសួងមហាផ្ទៃខ្ចីឡានយកទៅជិះបែជាយកទៅបញ្ចាំទៅវិញ…

ភ្នំពេញ ៖ ស្រ្តីរូបស្រស់ ដែលបង្ហាញ ឈ្មោះ ម៉ម ម៉ាលក្ខ័ណ៍ បានថ្លែងសារក្តៅក្រហាយផងក៏ហួសចិត្តផងដោយមន្រ្តីធ្វើការក្នុងក្រសួងមហាផ្ទៃម្នាក់ បានខ្ចីរថយន្ត ឡិចស៊ីសខ្លួនម៉ាក LEXUS ES300 ក្នុងហេតុផលឡានគាត់ខួច ហើយត្រូវចុះធ្វើការតាមខេត្តបន្ទាន់បីថ្ងៃ តែរយៈពេលនេះចូល៤ខែនៅមិនទាន់មានសំណងរថយន្តមកវិញ។

តាមរយៈបណ្តាញសង្គម ស្រ្តីរូបស្រស់ ដែលរងគ្រោះបង់ទ្រព្យ ព្រោះសន្តានប្រពៃ ក៏ស្ទើរនឹងដាច់ផ្ងាវិញផងដែរ ដោយនាងពោលថា «ពុទ្ធោ…… លោកម្ចាស់ក្រុមហ៊ុនដ៏ខ្ពង់ខ្ពស់ លោកទៅជួលឡាន Rang Rover ពីឃ្លាំងលក់រថយន្ដជិះ ហើយជិះ Rang Rover គេឡើងឡោកខូចឡានគេ អត់លុយធ្វើឡានសងគេក៏បែកគំនិតខ្ចីលុយគេ (ដោយយកឡាននាងខ្ញុំទៅបញ្ចាំ) ខ្ញុំនិយាយលែងចេញ…..ប្រឹងស្ដាប់បន្ដនៅសម្ដីគ្រួសារគាត់…. ដោយការអង្វរករ ពីឪពុករបស់គាត់ហើយភាសាទទួលខុសត្រូវរបស់គ្រួសារគាត់ថាថ្ងៃទី12ខែ06ឆ្នាំ2018គាត់នឹងដោះស្រាយលុះឡានរបស់នាងខ្ញុំមកអោយខ្ញុំវិញ»។

ដោយអត់ធ្មត់នឹងការរង់ចាំបានមកដល់ថ្ងៃទី13 ខែ07 នៅតែគ្មានដំណោះស្រាយជូន នាងក៏សម្រេចចិត្តបង្ហោះហ្វេសប៊ុក ដោយនាងបានតេទូរស័ព្ទទាក់ទងរកគាត់ គាត់បានអោយខ្ញុំទាក់ទងទៅក្រុមគ្រួសារគាត់ដូចមុនដដែល….. Okខ្ញុំក៏ទាក់ទងទៅបងស្រីគាត់តាមទូរស័ព្ទ ទីបំផុតដំណោះស្រាយរបស់គាត់គឺគ្មាន គាត់និយាយថាគាត់អស់ហើយគ្រួសារគាត់គ្មានលុយទេ ខ្ញុំនិយាយតបបងស្រីគាត់វិញថារឿងគ្រួសារគាត់អស់មិនអស់ខ្ញុំមិនដឹងទេចុងក្រោយគាត់បែរតបថាបើខ្ញុំនៅតែចង់និយាយរឿងឡាននឹងជាមួយគាត់ទៀតខ្ញុំនឹងខ្លាចជាមនុស្សរំខានពេលវេលាគាត់…..អូហូ….. សម្ដីឡូយទាំងគ្រួសារ ប្រែប្រួលលឿនម្ល៉េះសូមបញ្ជាក់ មនុស្សដែលមកខ្ចីឡានគេ តែបែរជាលួចរបស់គេយកទៅបញ្ចាំស្មើនឹងចោរ ពេលម្ចាស់គេតាមទាន់ចាប់បានចោរ ទោះចោរប្រគល់របស់អោយម្ចាស់គេវិញ ក៏មិនប្រាកដថារួចខ្លួនដែរបើគិតពីផ្លូវច្បាប់!។

ឆក់ទៀតហើយ!! កម្មករសំណង់ម្នាក់ឆក់ខ្សែភ្លើង បណ្តាលឲ្យ….

ខេត្តបន្ទាយមានជ័យ ៖ នៅវេលាម៉ោងប្រមាណ ១០ព្រឹកថ្ងៃទី២១ កក្កដា ឆ្នាំ២០១៨នេះ កម្មករសំណង់ម្នាក់ ត្រូវចរន្តអគ្គិសនីឆក់បណ្តាលឱ្យរងរបួសធ្ងន់ បង្កឱ្យភ្ញាក់ផ្អើលនៅចំណុចអគារ៨ជាន់របស់ក្រុមហ៊ុនមួយ ស្ថិតក្នុងភូមិសាមគ្គីមានជ័យ សង្កាត់ប៉ោយប៉ែត ក្រុងប៉ោយប៉ែត។

ជនរងគ្រោះខាងលើ មានឈ្មោះអ៊ុក ម៉ាប់ អាយុ២៦ឆ្នាំ ជាកម្មករសំណង់ ស្នាក់នៅភូមិទួលប្រាសាទ ក្នុងសង្កាត់កើតហេតុ និងមានទីលំនៅក្នុងភូមិប្ញស្សីក្រាំង ឃុំព្រែកត្រឡាច ស្រុករុក្ខគិរី ខេត្តបាត់ដំបង។

បើតាមប្រភពពីក្រុមកម្មករដូចគ្នាប្រាប់ថា ដំបូងជនរងគ្រោះបានឡើងទៅលាបថ្នាំនៅជញ្ជាំងអគារជាន់ទី6 ។ ស្រាប់តែជាន់ប៉ះចំដំណខ្សែភ្លើងឆក់ បណ្តាលរងរបួសធ្ងន់តែម្តង ។

ក្រោយកើតហេតុ ជនរងគ្រោះត្រូវបានគេយកទៅកប់ខ្សាច់ ដើម្បីជួយសង្គ្រោះបឋម និងគ្រោងបញ្ជូនបន្តទៅកាន់មន្ទីរពេទ្យ ៕

ប្រភេព៖ FB