ស្រុកកំពង់សីលា៖មកដល់ម៉ោងជិត៤ល្ងាច ថ្ងៃ​ទី​១៨​ ខែ​កក្កដា​ ឆ្នាំ​២០១៨​ ស្ថានភាព​កំពស់​ទឹក​លើស្ពានស្ទឹងសំរោង​ បានស្រកចុះជិតមួយម៉ែត្រហើយ ក្នុងនោះ កំពស់​ទឹកនៅ​លើស្ពានប្រហែល​ជាង​២តឹកប៉ុណ្ណោះ ។ ដោយឡែកទឹកនៅលើផ្លូវជាតិ មានកំពស់​ប្រមាណជាងកន្លះម៉ែត្រ​ ​និងហូរ​កាត់​បណ្តោយផ្លូវជាតិ​ប្រវែង​​ប្រហែល៥០០ម៉ែត្រ​ ។

ចំណែក​ចរាចរណ៍​កម្លាំងកងពល​លេខ​ ៣១​ យកអូប័រមកជួយចម្លង​សិស្សានុសិស្ស​ ប្រជាពលរដ្ឋក្នុងតំបន់​ និងអ្នកធ្វើដំណើរឆ្លងទៅមក​ ដោយសហការជាមួយ​កងរាជអាវុធហត្ថនិងនគរបាលស្រុកកំពង់សីលា កងរាជអាវុធហត្ថស្នាក់ការ​សន្តិសុខ​ ៤០២​ កងរាជអាវុធហត្ថមូលដ្ឋាន​​ ស្រុកស្ទឹងហាវ​ ព្រមទាំងកម្លាំងគណបញ្ជាការឯកភាពរដ្ឋបាល​ស្រុកកំពង់សីលា​ នៅការពារ សន្តិសុខ​ សុវត្ថិភាព​ សណ្តាប់​ធ្នាប់ជួយសំរួល​ចរាចរណ៍​នៅកន្លែងកើតហតុនិងថាបច្ចុប្បន្ន​ពុំមានផលប៉ះពាល់​ ឫគ្រោះ​ថ្នាក់​អ្វី​ឡើយ​ដល់ប្រជាពរដ្ឋក្នុងតំបន់​ឡើយ ។

ទោះជាយ៉ាងនេះក្តី ការធ្វើចរាចរណ៍លើដងដងផ្លូវជាតិលេខ​ ៤ ត្រង់ចំណុចនេះនៅតែ​ផ្អាក​ដំណើរ​ការ​ជាបណ្តោះអាសន្ន​ ដ៍ដែល៕

(វិដេអូ)

https://www.facebook.com/plugins/video.php?href=https%3A%2F%2Fwww.facebook.com%2Fhuybunleng2017%2Fvideos%2F2193072024262046%2F&show_text=0&width=560

https://www.facebook.com/plugins/video.php?href=https%3A%2F%2Fwww.facebook.com%2Fhuybunleng2017%2Fvideos%2F2193024030933512%2F&show_text=0&width=560

ប្រភព៖ Huy Bunleng

(ភ្នំពេញ)៖ ករណីម្ចាស់ Facebook «យមរាជ លោកីយ៍» លោក សន សំនៀង អតីតមេបញ្ជាការរងអាវុធហត្ថស្រុកបារាយណ៍​ ខេត្តកំពង់ធំ ត្រូវបានកម្លាំងអាវុធហត្ថចាប់ខ្លួនពាក់ព័ន្ធការធ្វើឲ្យប៉ះពាល់ ដល់កិត្តិយសកងកម្លាំងអាវុធហត្ថ ដោយសារចេញនិយាយតាម Facebook នោះ នៅតែជាប្រធានបទមួយមានការចាប់អារម្មណ៍យ៉ាងខ្លាំង​ពីមហាជន និងនៅលើបណ្ដាញសង្គម។

មជ្ឈដ្ឋានជាច្រើននៅតែគាំទ្រលោក សន សំនៀង អតីតមេបញ្ជាការរងអាវុធហត្ថស្រុកបារាយណ៍ ខេត្តកំពង់ធំ និងមានការចោទប្រកាន់មកលើចំណាត់ការរបស់ អាវុធហត្ថដែលបានចាប់ខ្លួនរូបលោក ទាំងអយុត្តិធម៌ បើទោះបីអាវុធហត្ថបានចេញសេចក្ដីប្រកាសព័ត៌មាន និងរហូតដល់ធ្វើសន្និសីទសារព័​ត៌មានបញ្ជាក់លម្អិត ពីករណីនេះក៏ដោយ។

លោក សន សំនៀង ត្រូវបានតុលាការខេត្តកំពង់ធំ កាលពីល្ងាចម្សិលមិញ បានចេញដីកាបង្គាប់ឲ្យឃុំខ្លួនដាក់ពន្ធនាគារ​ជាបណ្ដោះអាសន្ន ដោយចោទប្រកាន់ពីបទ «បរិហាកេរ្ដិ៍ជាសាធារណៈ និងញុះញង់ឲ្យប្រព្រឹត្ដបទឧក្រិដ្ឋជាអាទិ៍»។

ពាក់ព័ន្ធនឹងករណីនេះដែរ អតីតភរិយាលោក សន សំនៀង គឺអ្នកស្រី ហោ សុធារ៉ូ អាយុ២៧ឆ្នាំ កាលពីពេលកន្លងទៅ ពោលមិនទាន់បានលែងលះ ជាមួយគ្នាដាច់ស្រេច នៅដើមឆ្នាំ២០១៨ ក៏ធ្លាប់បានបញ្ចេញវីដេអូតាមបណ្ដាញសង្គម ទម្លាយពីការធ្វើទុកបុកម្មេញ ការប្រើហិង្សាពីសំណាក់ប្ដីរបស់ខ្លួន ដែលនាងស្ទើរទ្រាំមិនបានក្នុងការរស់នៅជាមួយគ្នា រយៈពេល៧ឆ្នាំ ហើយមានកូនប្រុសម្នាក់ជាចំណងដៃ។

យោងតាមវីដេអូឃ្លឹប របស់អ្នកស្រី ហោ សុធារ៉ូ ដែលអង្គភាពព័ត៌មាន Fresh News ទទួលបាននៅថ្ងៃទី១៨ ខែកក្កដា ឆ្នាំ២០១៨នេះ អ្នកស្រី បានរិះគន់ និងវាយប្រហារអតីតស្វាមីរបស់ខ្លួនយ៉ាងច្រើន ពាក់ព័ន្ធទៅនឹងការប្រើហិង្សាគំរាមសម្លាប់ ការប្រមាថ និងចោទប្រកាន់មានសាហាយស្មន់ជាមួយបងប្អូនទៀតផង។

សូមស្ដាប់ការរៀបរាប់របស់អ្នកស្រី ហោ សុធារ៉ូ ដែលមានខ្លឹមសារទាំងស្រុង ក្នុងវីដេអូខាងក្រោមនេះ៖

https://www.facebook.com/plugins/video.php?href=https%3A%2F%2Fwww.facebook.com%2Fchenda.pen.169%2Fvideos%2F2054055624911260%2F&show_text=0&width=273

ប្រភព៖ FB

កំពត៖ ស្ត្រីវ័យចំណាស់ម្នាក់ ត្រូវាបានប្រជាពលរដ្ឋក្នុងភូមិប្រទះឃើញដេកស្លាប់នៅលើផ្លូវជាតិ ដែលមានទឹកលិច បង្កឱ្យមានការភ្ញាក់ផ្អើល ដល់សមត្ថកិច្ចមូលដ្ឋាន ដែលករណីនេះបានកើតឡើងកាលវេលាម៉ោង ៤ទៀបភ្លឺ ថ្ងៃទី ១៨ ខែកក្កដា ឆ្នាំ ២០១៨ ស្ថិតនៅភូមិ១ឧសភា សង្កាត់កំពង់កណ្ដាល ខេត្តកំពត ។

សាកសពមានឈ្មោះ ម៉ែន សន អាយុ ៥៩ឆ្នាំ មានទីលំនៅស្ថិតនៅភូមិត្រពាំងស្វាយ ឃុំតាខេម ស្រុកត្រាំកក់ ខេត្តតាកែវ មុខរបរសុំទាននៅផ្សារកំពត ។
ក្រោយពីមានការភ្ញាក់ផ្អើល សមត្ថកិច្ចជំនាញកោសល្យវិច័យ បានមកដល់កន្លែងកើតហេតុ ព្រមទាំងបានបញ្ជាក់ថា ស្ត្រីរងគ្រោះអាចនឹងអស់កម្លាំង ហើយខ្យល់គដួលទៅលើផ្លូវដែលមានទឹកលិច បណ្ដាលឱ្យឈ្លក់ទឹកស្លាប់តែម្ដង ៕

ប្រភព៖ FB

ខេត្ត​កោះកុង​៖ នៅស្រុកស្រែអំបិលខេត្តកោះកុង នាថ្ងៃទី១៧កក្កដា២០១៨នេះ ក៍មានជំនន់ទឹកភ្លៀងលិចភូមិដ្ឋានប្រជាពលរដ្ឋមួយចំនួនដែរ សេចក្តីរាយការណ៍ពីមន្ត្រីអោយដឹងថា ចាប់តាំងពីម៉ោង១០ព្រឹក កម្លាំងអធិការដ្ឋាន ន គរបាលស្រុកសហការជាមួយកម្លាំង​អន្តរាគមន៍​នគរបាលមកពីស្នងការដ្ឋាននគរបាលខេត្ត​ និងកម្លាំង​អាវុធហ​ត្ថស្រុក​ សរុប​ជាង៣០រូប បានចុះជួយ​សង្គ្រោះ ជម្លៀស និង​ ជញ្ជូនសម្ភារៈ របស់ប្រជា​ពលរដ្ឋ ក្នុងភូមិព្រះអង្គកែវ ឃុំដងពែង​ ស្រុកស្រែអំបិលទៅកាន់ទីទួលមានសុវត្តិភាព​ ដោយបានសង់រោងប្រក់តង់កៅស៊ូអោយពលរដ្ឋស្នាក់នៅជាបណ្តោះអាសន្នផងដែរ ដើម្បីបញ្ចៀសគ្រោះថ្នាក់ផ្សេងៗ។

បើតាមសមត្ថកិច្ចដែលចុះជួយពលរដ្ឋផ្ទាល់ថ្លែងថា ក្នុងរយៈ​ពេល​ប៉ុន្មាន​ថ្ងៃ​ កន្លងមកនេះភ្លៀងបានធ្លាក់ជាប្រចាំទាំងថ្ងៃទាំងយប់ នៅក្នុងស្រុកស្រែអំបិល ធ្វើឲ្យទឹកជន់លិច នៅចំណុចត្រពាំងរាំង ក្នុងភូមិព្រះអង្គកែវ ឃុំដងពែង​ ស្រុកស្រែអំបិល។ទោះជាយ៉ាងនេះក្តី ហេតុការណ៍នេះមិនបណ្តាលឲ្យមានរងគ្រោះថ្នាក់ដល់មនុស្ស ឫសត្វឡើយ​។

ជាមួយគ្នានេះ ក្នុងស្ថានភាពទឹកកំពុងឡើងខ្លាំង អជ្ញាធរខេត្តកោះកុងបានអំពាវនាវអោយបងប្អូនប្រជាពលរដ្ឋដែលមានលំនៅដ្ឋានតាមដងព្រែក ក្នុងស្រុកស្រែអំបិល មេត្តាប្រុងប្រយ័ត្នឲ្យបានខ្ពស់ ព្រោះ​ស្ថានភាពទឹកតាមដងព្រែកកំពុងមានការកើនឡើង មិនទាន់ស្បើយឡើយ៕

ប្រភព៖ FB

ខេត្តព្រះសីហនុ៖កាលពីវេលាម៉ោងជាង៨យប់ថ្ងៃទី១៦ ខែកក្កដា ឆ្នាំ២០១៨ មានករណីផ្ទុះអាវុធបាញ់ប្រហារគ្នាកើតឡើង ក្នុងហាងលក់អាហារចិនមួយកន្លែងត្រង់ចំណុចភូមិ៣. សង្កាត់៣.ក្រុងព្រះសីហនុបណ្តាលអោយជនរងគ្រោះជាជនជាតិចិនចំនួន០៤នាក់រងរបួស បច្ចុប្បន្នកំពុងសង្គ្រោះនៅគ្លីនិកសេតេ៖
1-ឈ្មោះ Zhang kun ភេទប្រុស អាយុ៣៩ឆ្នាំ មុខរបរទេសចរណ៍ត្រូវ២គ្រាប់ត្រង់ភ្លៅខាងស្តាំ។
២-ឈ្មោះ Yang huaihua ភេទប្រុស អាយុ៤១ឆ្នាំ មុខរបរទេសចរណ៍ត្រូវ១គ្រាប់ ត្រង់ជង្គង់ខាងស្តាំ និងបែកចុងម្រាមខាងស្តាំ។
៣-ឈ្មោះ Yang junqing ភេទប្រុស អាយុ២៧ឆ្នាំមុខរបរទេសចរណ៍ ត្រូវ៣គ្រាប់ត្រង់ភ្លៅធ្វេង១គ្រាប់និងកំភួនជើងខាងធ្វេង១គ្រាប់និង ភ្លៅស្តាំ១គ្រាប់។
៤-ឈ្មោះ Liu Wei min ភេទប្រុស អាយុ៣៣ឆ្នាំមុខរបរទេសចរណ៍ ត្រូវ២គ្រាប់ ត្រង់ភ្លៅស្តាំទាំង២។

ជនរងគ្រោះទាំងអស់ស្នាក់នៅ សណ្ឋាគាខ្សាច់មាស។

ចំណែកជនបង្កដែលគេសង្សយ័ថាជាជនជាតិចិនដូចគ្នា សមត្ថកិច្ចនៅមិនទាន់ស្គាល់អត្តសញ្ញាណនៅឡើយ ដោយក្រោយពីការបាញ់ប្រហារទៅលើជនរងគ្រោះរួចមក បានជិះម៉ូតូគេចខ្លួនបាត់។
ករណីនេះកម្លាំងសមត្ថកិច្ចជំនាញកំពុងធ្វើការស្រាវជ្រាវរកចាប់ខ្លួនយកមកផ្តន្ទាទោសតាមច្បាប់៕

ប្រភព៖ FB

ព្រះសីហនុ៖ អាជ្ញាធរខេត្តព្រះសីហនុ នៅព្រឹកថ្ងៃទី១៧ ខែកក្កដា ឆ្នាំ២០១៨នេះ បានសម្រេចផ្អាកជាបណ្តោះអាសន្ន ការធ្វើចរាចរលើផ្លូវជាតិលេខ៤ ព្រោះតែស្ថានភាពទឹកជំនន់ បានហូរកាត់ផ្លូវស្ពានគួរឲ្យបារម្ភ។

របាយការណ៍របស់សមត្ថកិច្ចខេត្តព្រះសីហនុ បានបញ្ជាក់ថា «នៅព្រឹកនេះនៅចំណុចស្ពានអូរគគីរ ព្រំប្រទល់ខេត្តកំពង់ស្ពឺ ស្ថិតនៅភូមិស្ទឹងច្រាល ឃុំអូបាក់រទេះ មានករណីជំនន់ទឹកភ្លៀងហូរកាត់ផ្លូវជាតិលេខ៤ ចន្លោះគីឡូម៉ែត១០៦-១០៧ ពេលនេះទឹកបានហូរកាត់ស្ពានប្រហែល១០០ម៉ែត្រ នឹងកំពស់លើស្ពានប្រហែល១ម៉ែត្រ។

នៅពេលនេះ នៅចំណុចទឹកហូរកាត់ខាងលើ កម្លាំងសមត្ថកិច្ចកំពុងរៀបចំសណ្តាប់ធ្នាប់មកដល់ម៉ោងជិត៨ព្រឹកនេះ ចរាចរណ៍ សមត្ថកិច្ចបានបិទផ្អាកជាបណ្តោះអាសន្នសិន ពេលទឹកស្រកទើបបើកដំណើរវិញ។

(វិដេអូ)

https://www.facebook.com/plugins/video.php?href=https%3A%2F%2Fwww.facebook.com%2Fchenda.pen.169%2Fvideos%2F2052775808372575%2F&show_text=0&width=560

ប្រភព៖ FB

(ភ្នំពេញ)៖ម៉ូតូសណ្តោងរ៉ឺម៉ក់ ត្រូវដើមឈើមួយដើមសង្កត់ពីលើរងរបួសធ្ងន់ ដោយសារភ្លៀងលាយលំនឹងខ្យល់កន្ត្រាក់។ ករណីនេះបានកើតឡើងកាលពីម៉ោងជាង២រសៀល ថ្ងៃទី១៦ ខែកក្កដា ឆ្នាំ២០១៨ នៅតាមបណ្តោយផ្លូវព្រះសីហនុកែងនឹងផ្លូវលេខ១២៥ ខាងមុខហាងលក់ម៉ូតូស៊ីណា ក្បែរនឹងអតីតរោងកុនគីរីរម្យ ស្ថិតនៅក្នុងសង្កាត់បឹងកេងកង២ ខណ្ឌចំការមន។

ប្រភពព័ត៌មានពីម្ចាស់ទីតាំងលក់ម៉ូតូបានឲ្យដឹងថា ខណៈដែលគាត់កំពុងតែអង្គុលលក់ដូរ ស្រាប់តែមេឃងងឹងហើយក៍ធ្លាក់ខ្យល់លាយឡំនឹងខ្យល់កន្ត្រាក់ បណ្តាលឲ្យដើមត្រសេកមួយដើម ដែលពុកផុយនៅផ្នែកបណ្តាលឲ្យបាក់សង្កត់លើម៉ូតូសណ្តោងរ៉ឺម៉ក់កំពុងធ្វើដំណើរតាមផ្លូវ បណ្តាលឲ្យបុរសម្នាក់ជាម្ចាស់ម៉ូតូរងរបួសធ្ងន់ ហើយដើមឈើនេះក៏បានសង្កត់លើម៉ូតូដែលដាក់តាំងលក់នៅលើចិញ្ចើមផ្លូវជាច្រើនគ្រឿងទៀតផងដែរ។

បន្ទាប់ពីកើតហេតុជនរងគ្រោះត្រូវបានប្រជាពលរដ្ឋដឹងទៅសង្គ្រោះនៅមន្ទីរពេទ្យអូរ ហើយក៏មានប្រជាការពារខណ្ឌចំការមនចុះមកសម្រួល ចរាចរនៅកន្លែងកើតហេតុផងដែរ និងមានប្រជាពលរដ្ឋបានយកកាំបិទមកកាប់មែកឈើដែលនៅលើផ្លូវចេញ ដើម្បីកុំឲ្យមានការកកស្ទះចរាចរ និងបានទំនាក់ទំនងទៅខាងមន្ទីរសាធារណៈការចុះមកកាត់ដើមឈើនេះផងដែរ៕

(វិដេអូ)

https://www.facebook.com/plugins/video.php?href=https%3A%2F%2Fwww.facebook.com%2FCHNChannelNews%2Fvideos%2F645441435829339%2F&show_text=0&width=560

ដោយ៖ សុខ ជា
ប្រភព៖ FB

ភ្នំពេញ៖ ជាឱកាសកម្រមួយសម្រាប់បុរសៗដែលចង់បានគូគាប់ភ្ជាប់នេត្រា កញ្ញា រក្សា ហៅអាច្រិប ប្រកាសរកប្តី វ័យ ៤៥ឆ្នាំឡើង ដែលអាចមើលថែ និងចិញ្ចឹមនាងអស់មួយជីវិត ខ្មៅសមិនគិត តែនាងត្រូវការតែបុរសដែលមានឆ្នាំ រកា វក រោង ម្សាញ់ ព្រោះឆ្នាំនាំសុខនាំលាភសំណាងឲ្យគ្នាទៅវិញទៅមក។

ស្រីស្អាតសាច់ទ្រលុកទ្រលន់ រក្សា ត្រូវបានលោកចាងហ្វាងកាសែត សាន ប៊ុនធឿន ឈ្លេចសួរលម្អិតរឿងនាងចង់បានប្តីថា «ប្អូនស្រីកើត ឆ្នាំជូត ហើយឆ្នាំដែលអាចត្រូវគ្នាបានមានតែឆ្នាំ រកា វក រោង ម្សាញ់ ប៉ុណ្ណោះ»។ មិនត្រឹមតែមានរូបឆោមលោមពណ៌ស្អាតនោះទេ នាងបានប្រាប់ថា «ចេះសព្វគ្រប់បែបយ៉ាង ទាំងច្រៀងរាំ» និងនាងជាអ្នកខេត្តសៀមរាប អាចនិយាយរដើនបានទៀតផង ហើយសមត្ថភាពដ៏សម្លែកមួយទៀត សូម្បីតែលោក សាន ប៊ុនធឿន ក៏ចង់ភ័យដែរនោះគឺ នាងផឹកស្រា អាបេសេ ខ្លាំងណាស់ មួយដង្ហើមដាច់មួយកែវ។

(វិដេអូ)

https://www.facebook.com/plugins/video.php?href=https%3A%2F%2Fwww.facebook.com%2Fkhzontv%2Fvideos%2F477288902715089%2F&show_text=0&width=560

ប្រភព៖ សាន្ត ប៊ុនធឿន

សៀមរាប៖ ក្រោមការយកចិត្តទុកដាក់ខ្ពស់ ពីឯកឧត្តម បណ្ឌិត​ ឃឹម​ ប៊ុនសុង​ អភិបាលខេត្តសៀមរាបនិងជាប្រធានគណៈបញ្ជាការឯកភាពខេត្តសៀមរាប និងដោយមានការជំរុញ​ លើការអនុវត្ត ផែនការណ៍​ គោលដៅ ទប់ស្កាត់សកម្មភាព លួចឆក់​ គ្រប់ប្រភេទ ពី លោកឧត្តមសេនីយ៍ទោ ទិត្យ​ ណារ៉ុង ស្នងការនៃស្នងការដ្ឋាននគរបាលខេត្តសៀមរាប ដើម្បីបង្ករសុខវត្តិភាព រក្សាសន្តិសុខ ជូនបងប្អូនប្រជាពលរដ្ឋជាពិសេសភ្ញៀវទេសចរណ៏ ជាតិនិងអន្តរជាតិ ដែលអញ្ជើញមកទស្សនាកំសាន្ត ក្នុងខេត្តសៀមរាប។

កាលពីថ្ងៃទី១៣ ខែកក្តដា ឆ្នាំ២០១៨ វេលាម៉ោង១៤:០០នាទី នៅត្រង់ចំណុចផ្លូវហ្សាឌឺហ្គោល ស្ថិតនៅភូមិទក្សិណខាងត្បូង សង្កាត់គោកចក ក្រុងសៀមរាបខេត្តសៀមរាប ជនសង្ស័យ និង បក្ខពួករបស់គេម្នាក់ទៀត បានជិះម៉ូតូចំនួន០១គ្រឿង ម៉ាកហុងដាឌ្រីម សេ១២៥ ស៊េរីឆ្នាំ២០១៧ ពណ៌ខ្មៅ គ្មានផ្លាកលេខ ជនសង្ស័យទាំងពីរនាក់ខាងលើបានធ្វើសកម្មភាពឆក់យកកាបូប ពីភ្ញៀវជនជាតិបរទេស ជាជនរងគ្រោះឈ្មោះJULENAZ CONAMATARTIN ភេទប្រុស អាយុ២១ឆ្នាំ មុខរបរសិស្ស ជនជាតិអេស្ប៉ាញ ជាភ្ញៀវទេសចរណ៍ ស្នាក់នៅក្នុងផ្ទះសំណាក់DAYDAY INN ខណៈពេលដែលជនរងគ្រោះ កំពុងជិះលើរឺម៉កកង់បី តាមផ្លូវពីទិសខាងជើងមកទិសខាងត្បូង ដោយទុកកាបូបស្ពាយមួយ ពណ៌ខៀវ នៅពីមុខរបស់ជនរងគ្រោះ ពេលនោះជនសង្ស័យបានធ្វើសកម្មភាពឆក់យកកាបូប ហើយជនសង្ស័យទាំងពីរនាក់ព្យាយាមជិះម៉ូតូគេចខ្លួន ។

តែដោយសាមាន នគរបាលការពារបេតិកភ័ណ្ឌ នគរបាលទេសចរណ៍ បងប្អូនប្រជាការពារ ដែលនៅក្បែរនោះឃើញទាន់ក៏នាំគ្នាធ្វើការ ប្រដេញ ពេលនោះជនសង្ស័យទាំងពីរនាក់បានផ្តួលម៉ូតូចោលហើយរត់គេចខ្លួនចូលទៅក្នុងបរិវេណព្រៃអង្គរ ។ បន្ទាប់ពីទទួលសេចក្តីរាយការណ៍លោកវរសេនីយ៍ឯកទេព ចាន់ណា បានដឹកនាំកំលាំងនគរបាលនៃអធិការដ្ឋាននគរបាលក្រុងសៀមរាប សហការណ៍ ជាមួយនគរបាលការពារបេតិកភ័ណ្ឌ នគរបាលទេសចរណ៍ បងប្អូនប្រជាការពារ ធ្វើការតាម ស្វែងរកជនសង្ស័យទាំងពីរនាក់ រហូតឃាត់ខ្លួន បានជនសង្ស័យចំនួន០១នាក់ ឈ្មោះ ភួយ សុភា ភេទប្រុស អាយុ១៧ឆ្នាំ មុខរបរ មិនពិតប្រាកដ មានទីលំនៅបច្ចុប្បន្ននៅភូមិធ្លកអណ្តូង សង្កាត់ស្លក្រាម ក្រុង/ខេត្តសៀមរាប ពាក់ពន្ធ័ករណី អំពើលួចដោយមានស្ថានទម្ងន់ទោស (ឆក់កាបូបភ្ញៀវ) ។

យកមកធ្វើការសាកសួរ ក្រោយពីការសាកសួរជនសង្ស័យរូបនេះបានឆ្លើយសារភាពថាខ្លួននិងបក្ខពួកឈ្មោះ ងោល ដែលបានរត់គេចខ្លួនបាត់ ពិតជាបានធ្វើសកម្មភាពឆក់យកកាបូបរបស់ជនរងគ្រោះខាងលើពិតប្រាកដមែន ។​

វត្ថុតាងដកហូតបានរួមមាន៖ ម៉ូតូចំនួន០១គ្រឿង ម៉ាកហុងដាឌ្រីម សេ១២៥ ស៊េរីឆ្នាំ២០១៧ ពណ៌ខ្មៅ គ្មានផ្លាកលេខលេខតួ និង​លេខម៉ាស៊ីន៩៦៩០៤៥៥ សម្ភារៈរបស់ជនរងគ្រោះនៅក្នុងកាបូបរួមមានៈ លិខិតឆ្លងដែនមួយក្បាល ម៉ាស៊ីនថតរូបម៉ាកកាណុង(EOS KISS X5)ពណ៌ខ្មៅ០១គ្រឿង ម៉ាស៊ីនថតរូបGOPRO ពណ៌ខ្មៅមួយគ្រឿង
សៀវភៅអេឡិចទ្រូនិចមួយគ្រឿង និងសម្ភារៈផ្សេងៗមួយចំនួនទៀត ។

ជនសង្ស័យរូបនេះ បានឆ្លើយសារភាពបន្តទៀតថាៈកាលពីថ្ងៃទី០៧ ខែកក្កដា ឆ្នាំ២០១៨ វេលាម៉ោង០៥ៈ០០នាទីព្រឹក ត្រង់ចំណុចផ្លូវគោកម៉ៃ ស្ថិតនៅភូមិត្រពាំងសេះ សង្កាត់គោកចក រូបគេនិង បក្សពួក ក៏បានជិះម៉ូតូឆក់យកកាបូបភ្ញៀវជនជាតិជប៉ុនចំនួន០១នាក់ភេទស្រី ដែលកំពុងជិះលើរឺម៉កកង់បីបានសម្រេច ចំនួន០១លើកផងដែរ ។

ជនសង្ស័យ និងវត្ថុតាងដែលដកហូតបាន ជនសង្ស័យនិងវត្ថុតាង ត្រូវបាននគរបាលផ្នែកព្រហ្មទណ្ឌក្រុងសៀមរាប កសាងសំណុំរឿងបញ្ជូនទៅតុលាការដើម្បីចាត់ការតាមនិតិវិធីច្បាប់ ។
ចំណែកបក្សពួករបស់ជនសង្ស័យដែលបានរត់គេចខ្លួនបាត់នោះ នគរបាលយើង បានធ្វើការកំណត់អត្តសញ្ញាណរួចរាល់ ហើយ និងកំពុងធ្វើការស្វែងរក ដើម្បីឃាត់ខ្លួនបញ្ជូនទៅតុលាការដើម្បីផ្តន្ទាទោសទៅតាមផ្លូវច្បាប់ផងដែរ ។

ដោយ៖ សុវណ្ណ ដេត
ប្រភព៖ FB