បាត់ដំបង ៖ ម៉ូតូ២គ្រឿងបើកបរច្រាស់ទិសគ្នាក្នុងល្បឿនលឿន បានបុកគ្នាបណ្តាលឲ្យស្លាប់ ម្នាក់រងរបួសធ្ងន់ម្នាក់ នៅឃុំភ្នំសំពៅស្រុកបាណន់ខេត្តបាត់ដំបង ហេតុការណ៍នេះបានកើតឡើង នៅវេលាម៉ោង៤:៣០នាទីល្ងាច ថ្ងៃទី១១ ខែកក្តដា ឆ្នាំ២០១៨ ត្រង់ចំណុចតាមបណ្តោយផ្លូវជាតិលេខ៥៧ ក្នុងក្រុមទី១៤ ភូមិភ្នំសំពៅលិច ឃុំភ្នំសំពៅ ស្រុកបាណន់ ខេត្តបាត់ដំបង។

លោក ម៉ី ឆេងលី នាយប៉ុស្តិ៍រដ្ឋបាលឃុំភ្នំសំពៅបានឲ្យដឹងថា នៅមុនពេលកើតហេតុជនរងគ្រោះបានធ្វើដំណើរក្នុងទិសដៅពីកើតទៅលិច ដោយឡើងជែងគោយន្តមួយគ្រឿងក៏បានទើបប្រទះរ៉េចង្កូតជាមួយនិងម៉ូតូ១គ្រឿងទៀតបើកបរក្នុងទិសដៅផ្ទុយគ្នាហើយបានបុកគ្នាពេញទំហឹងបណ្តាលឲ្យស្លាប់ម្នាក់នៅវេលាម៉ោង៧យប់ពេលដឹកដល់មន្ទីរពេទ្យខេត្តបាត់ដំបង។

លោក ម៉ី ឆេងលី បានបញ្ជាក់ថា ជនរងគ្រោះឈ្មោះ រិទ្ធិ គឹមហឹង ភេទប្រុស អាយុ១៧ឆ្នាំ មុខរបរជាសិស្សរស់នៅភូមិក្រពើកើត ឃុំភ្នំសំពៅ បើកបរម៉ូតូម៉ាកហុងដាC១២៥ ស៊េរី២០១៥ ពណ៌ក្រហមពាក់ស្លាកលេខ បប១V-០៧៨៧។

រីឯជនរងគ្រោះដែលបានស្លាប់ម្នាក់ទៀតឈ្មោះយឿង សុភ័ក្រ ភេទប្រុស អាយុ២២ឆ្នាំ មុខរបរធ្វើស្រែរស់នៅភូមិធ្ងើ ឃុំចែងមានជ័យ ស្រុកបាណន់ជាមួយគ្នា បើកបរម៉ូតូម៉ាកហុងដាC១២៥ ស៊េរី២០១៨ ពណ៌ក្រហមគ្មានស្លាកលេខ។

បច្ខុប្បន្នមធ្យោបាយទាំង២គ្រឿងសមត្ថកិច្ចអូសយកមករក្សាទុកនៅអធិការស្រុកបាណន់ ឯសពជនរងគ្រោះត្រូវបានសាច់ញាតិយកទៅធ្វើបុណ្យតាមប្រពៃណី៕

ដោយ៖​ សុវណ្ណ ដេត

ខេត្តព្រះសីហនុ៖ដោយសារតែចង់សង្គ្រោះជីវិតសត្វឆ្កែជាង១០ក្បាល ដែលបុរសម្នាក់ដឹកតាមម៉ូតូតាមផ្លូវជាតិលេខ៣(កំពត.វាលរេញ) យកមកលក់អោយគេធ្វើជាអាហារនៅខេត្តព្រះសីហនុ
នាថ្ងៃទី១២កក្កដា២០១៨នេះ លោកឧកញ៉ាទៀ វិចិត្រ បានអង្វរសុំទិញយកសត្វឆ្កែនេះទាំងអស់ដើម្បីលែងអោយរស់ជិវិត រួចផុតពីការសម្លាប់ធ្វើជាអាហារ ប៉ុន្តែសោកស្តាយបំផុតដោយសារតែបុរសអ្នកធ្វើអាជីវកម្មដឹកឆ្កែយកទៅលក់ គាត់ពុំព្រមឡើយ បើទោះជាលោកឧកញ៉ាអោយជាតម្លៃទ្វេរគុណ ឫក៍លក់តម្លៃប៉ុន្មានក៍ដោយ ក្រោមហេតុផលថា ខ្លាចដាច់ម៉ូយដែលទទួលទិញសត្វឆ្កែសម្លាប់លក់ធ្វើជាហារ។

ជុំវិញករណីនេះលោកឧកញ៉ាទៀ វិចិត្រ បានសម្តែងការសោកស្តាយដែលមិនអាចជួយសង្គ្រោះជីវិតសត្វឆ្កែជាង១០ក្បាលនេះបាន និងថានេះគ្រាន់តែជាសន្តានចិត្តមនុស្សធម៍សុទ្ធសាធ មិនប៉ះពាល់ទៅលើសិទ្ធិសម្រេចរបស់ម្ចាស់អាជីវកម្មអ្នកយកសត្វឆ្កែទៅលក់ឡើយ។

(នេះចាត់ទុកថា សត្វឆ្កែទាំងជាង១០ក្បាលនេះគ្មានសំណាងរួចផុតពីសេចក្តីស្លាប់ឡើយ បើទោះជាបានជួបជាមួយមនុស្សចិត្តបុណ្យដោយចៃដន្យហើយនោះ)៕

(មានវិដេអូ)

https://www.facebook.com/plugins/video.php?href=https%3A%2F%2Fwww.facebook.com%2F756796777751255%2Fvideos%2F1755412684556321%2F&show_text=0&width=560

(ភ្នំពេញ) អតីតតារាចម្រៀងដ៏ល្បីឈ្មោះនៅកម្ពុជា គឺលោក ចាន់ សម័យ បានធ្លាក់ខ្លួនក្រតោកយ៉ាកវេទនានោះ នៅព្រឹកថ្ងៃទី១២ ខែកក្កដា ឆ្នាំ២០១៨នេះ ត្រូវបាន សម្ដេចតេជោ ហ៊ុន សែន នាយករដ្ឋមន្ដ្រីនៃកម្ពុជា បានសម្រេចផ្ដល់ថវិកាចំនួន ១ម៉ឺនដុល្លារ ជូនលោក ចាន់ សម័យ ដើម្បីសាងសង់ផ្ទះថ្មី។

ស្ថិតក្នុងភាពមានសង្ឃឹមឡើងវិញលោក ចាន់ សម័យ បានលើកម្រាមដៃដប់ប្រណម្យសំពះសុំថ្លែងអំណរគុណ សម្តេចតេជោ ហ៊ុន សែន ដែលបានចំណាយថវិកាជួយដល់សិល្បករដ៏កម្សត់ម្នាក់នេះ៕

ខេត្តកំពតៈ ហេតុការណ៍ឆក់នេះ កើតឡើងកាលពីម៉ោង៨និង៣០នាទីយប់ថ្ងៃទី១១ កក្កដា ២០១៨ នៅចំណុចមុខហាង ខាន់ថែនឈីមផ្សារក្រណាត់ ក្នុងភូមិ១ឧសភា សង្កាត់កំពង់កណ្តាល ក្រុងកំពត លុះព្រឹកឡើងវេលាម៉ោង៨ថ្ងៃទី១២ ខែកក្កដា ឆ្នាំ២០១៨ ជនសង្ស័យ ត្រូវសមត្ថកិច្ច​ចាប់ខ្លួនបាន។

ស្នងការរងនគរបាលក្រុងកំពតលោក សៅ សំអឿន បានឲ្យដឹងថា ជនសង្ស័យឈ្មោះ សាំង ម៉ាត់ណូត ភេទប្រុស អាយុ២៥ឆ្នាំ មុខរបរ​ ជាកម្មករ ធ្វើផ្ទះ មានទីលំនៅ ភូមិ សុវណ្ណសាគរ សង្កាត់កំពង់កណ្តាល ក្រុងកំពត ជាមុខសញ្ញា ចេញពីពន្ធនាគារ ក្រោយធ្វើសកម្មភាពជនសង្ស័យបានរត់ចោលម៉ូតូ ម៉ាក C១២៥ ពណ៌ខ្មៅ ស៊េរី ២០១៧ គ្មានស្លាក​លេខ ដែលជនសង្ស័យខ្ចីពីឈ្មោះ សុខ រតនៈ ភេទប្រុស អាយុ២២ឆ្នាំ នៅភូមិសុវណ្ណសាគរ។ ចំណែកជនបរទេសរងគ្រោះ ភេទប្រុស មិនត្រូវបានស្គាល់ឈ្មោះ៕

នៅព្រឹកថ្ងៃពុធទី ៧រោច ខែ អាសាឍ ឆ្នាំ ច ត្រូវនឹងថ្ងៃទី ១១ ខែ កក្តដា ឆ្នាំ ២០១៨ កញ្ញា បេឡា គឺតារាសម្តែងតួឯកក្នុងសាច់រឿង បុព្វេសន្និវាស ហើយគឺជាតួដ៏ស្រស់ស្អាត់ប្រចាំប្រទេសថៃ ដែលបានមកដល់កម្ពុជា។ ក្នុងដែរសម្តេចព្រះមហាក្សត្រី ព្រះវររាជមាតាជាតិខ្មែរ បានសព្វព្រះរាជហឫទ័យប្រោសព្រះរាជទាន ឯកឧត្ដមឯកអគ្គរាជទូតថៃ ប្រចាំព្រះរាជាណាចក្រកម្ពុជា ដឹកនាំក្រុមការងារប៉ុស្ដិ៍ទូរទស្សន៍PNN និងតារាសម្តែង កញ្ញាបេឡា ចូលក្រាបថ្វាយបង្គំគាល់ សម្តែងការគួរសម ថ្វាយព្រះពរ នាព្រះរាជដំណាក់គន្ធបុប្ផា ព្រះបរមរាជវាំង៕

ដោយ ប្រភពFB

ស្រុកព្រៃនប់ ៖  នៅវេលាម៉ោង​ 0៨ព្រឹកថ្ងៃ១១កក្កដា២០១៨នេះ នៅភូមិ បឹងរាំង ឃុំសាមគ្គី ស្រុកព្រៃនប់ ខេត្តព្រះសីហនុ មានគ្រោះថ្នាក់ ខ្យល់កន្ទ្រាក់មួយកើតឡើង បណ្តាលឲ្យ រលំផ្ទះឈើមួយខ្នង ទំហំ 4គុណ5ម៉ែត្រ ដំបូលប្រក់ស័ង្កសី ជញ្ជាំងស័ង្កសី បណ្តាលឲ្យម្ចាស់ផ្ទះរងរបួស៣នាក់៖​
១.ឈ្មោះ កែវ ភេទស្រី អាយុ 25ឆ្នាំ របួសធ្ងន់ ២.ឈ្មោះ ទី ដូច ភេទប្រុស អាយុ 29ឆ្នាំ របួសមធ្យម ៣.ឈ្មោះ ដូច សម ភេទប្រុស អាយុ 5 ឆ្នាំ របួសស្រាល។ អ្នករងគ្រោះបានបញ្ជូនទៅសង្គ្រោះនៅមន្ទីពេទ្យខេត្តកំពត។ករណីនេះ លោកនេនចំរើន នាយខ័ណ្ឌរដ្ឋបាលជលផលកំពង់សោមរួមជាមួយអាជ្ញាធរបានចុះទៅជួយជនរងគ្រោះភ្លាមៗដែរ ក្នុងនោះបានជួយឧបត្ថមថវិការ20ម៉ឺនរៀលជាបណ្តោះអាសន្ន និងត្រៀមជួយជុសជុលផ្ទះនេះឡើងវិញផងដែរ៕

ភ្នំពេញ​៖ យុវជន យុវតី ស្ថិតនិងរូបឆោមសម្ផស្ស មើលទៅស្អាត់ស្រស់និងមានរូបសង្ហា សាច់ឈាមក៏ស្រស់ថ្លាទំន​ង​ជា​​​កូនអ្នកមានទ្រព្យធុនធូរធាផង ចំនួនជិត១០នាក់ ត្រូវបានអ្នកប្រើប្រាស់ប​ណ្តា​ញ​ យករូបថតបង្ហាញពីមុខមា​ត់​យ៉ា​ងច្បាស់ក្រឡែក ជាមួយសារទទួចឲ្យគ្រប់មជ្ឈដ្ឋានសង្គម ចំណាំមុខ និងប្រុងប្រយ័ត្ន និងអះអាងថា ពួកគេ​ហ្វូ​ងមុខសញ្ញា ចោរឆក់ យ៉ាងសកម្ម នៅក្នុងទីក្រុងភ្នំ​ពេញបានប្រទះឃើញនៅម្ដុំសំណង់១២នឹងផ្លូវកោសដូងនឹងគ្រុបទីកន្លែងទាំងអស់។

មុខសញ្ញាដែលជាជនសង្ស័យមួយក្រុមកំពុងតែបានដាក់ប្រកាសពេញបណ្ដាញសង្គមហ្វេសប៊ុកដើម្បីឲ្យអ្នកលេងប​ណ្ដា​​ញសង្គមមួយចំនួនមានការប្រុងប្រយ័ត្ន។ខណៈដំណឹងនេះបានដាក់នៅលើបណ្ដា​ញ​ង្គ​ម​ហ្វេសប៊ុកឈ្មោះ Cambodia Hot News ប្រកាសឲ្យដឹងថា«សូមបងប្អូនប្រជាពលរដ្ឋទាំងអស់ប្រុងប្រយ័ត្នចំពោះក្រុមជនសង្ស័​យ​ទាំ​​ងនេះដែលទាំងតែងធ្វើសកម្មភាពឆក់ប្លន់នៅម្តុំសំណង់១២នឹងផ្លូវ​កោ​​សដូងនឹងគ្រុបទីកន្លែងទាំងអស់»។យ៉ា​ង​ណាមិញសូមបងប្អូនប្រជាពលរដ្ឋទាំងអស់ប្រុងប្រយ័ត្នអោយបានច្រើនព្រោះបច្ចុប្បន្ននេះពិតជាមានក្រុ​ប​ឆ​ក់​ប្លន់ច្រើននៅតាមបណ្ដោយដងផ្លូវ។

 

កំពង់ស្ពឺ៖ សមត្ថកិច្ចស្រុកសំរោងទង ឃាត់ខ្លួនជន​សង្ស័យម្នាក់ ដែលប្រើប្រាស់​ក្រដាសប្រាក់ ដុល្លារក្លែងក្លាយ ចាយវាយក្នុង​ ផ្ទះសំណាក់យីហោ ធីធី កុម្ភះ ត្រូវបានម្ចាស់ផ្ទះសំណាក់ ផ្តល់ ព័តិមានឲ្យសមត្ថកិច្ច ចុះធ្វើអន្តរាគមន៍នឹងបានឃាត់ខ្លួនយកមកសាកសួរ​ ថ្ងៃទី​១០ ខែកក្កដា ឆ្នាំ២០១៨ វេលាម៉ោង​១៩ និង ៣៥នាទី នៅភូមិឡត៍ធ្យូង ឃុំសំបូរ ស្រុកសំរោងទង ខេត្តកំពង់ស្ពឺ ។

​​មន្ត្រីនគរបាលបានឲ្យដឹងថា ​​​ជនសង្ស័យ ឈ្មោះ ឌឹម សារ៉ុម ភេទប្រុសអាយុ ៤១ឆ្នាំ បច្ចុប្បន្នស្នាក់នៅផ្ទះជួល ភូមិព្រៃព្រីង ខាងត្បូង សង្កាត់ ចោមចៅ ខ័ណ្ឌពោធិសែនជ័យ រាជធានីភ្នំពេញ បានប្រើប្រាស់ក្រដាស់ប្រាក់ដុល្លារ​​ក្លែងក្លាយ ក្រដាស ៥០$ ( ហាសិបដុល្លា ) មកអោយថ្លៃបន្ទប់ជួល តែត្រូវបាន​ ឈ្មោះ ស្រេង រតនា ភេទប្រុស អាយុ ៥៦ឆ្នាំ រស់នៅភូមិ ឡត៍ធ្យូង ឃុំសំបូរ ស្រុកសំរោងទង ខេត្តកំពង់ស្ពឺ ជាម្ចាស់ផ្ទះសំណាក់ យីហោ ធី ធី កុម្ភ: បានទៅប្តឹង​ កម្លាំងនគរបាលស្រុកសំរោងទង​​ ឲ្យឃាត់ខ្លួន និងបន្ត​ធ្វើការឆែកឆេរបន្ត​រកឃើញ លុយដុល្លារក្លែងក្លាយមួយចំនួនទៀតនៅជាប់នឹងខ្លួនសរុបចំនួន ៣៣០$ (បីរយ សាមសិប ដុល្លា) ក្នុងនោះក្រដាស ៥០$ ចំនួន ៥សន្លឹក ក្រដាស ១០$ ចំនួន ៨សន្លឹក ។ ករណីខាងលើជនសង្ស័យ ​ត្រូវបានសួរនំាសាកសួរ និងកសាងសំណុំរឿងចាត់ការ តាមនីតិវិធីច្បាប់ ៕

ខេត្តសៀមរាប៖ចាងហ្វាងកាសែត(ដំណឹងកម្ពុជា )ម្នាក់ត្រូវសមត្ថកិច្ចបានឃាត់ខ្លួនដោយមានការអនុញ្ញាតពីលោក កើត វណ្ណរ៉េត ព្រះរាជអាជ្ញាអមសាលាដំបូងខេត្តសៀមរាប ហេតុការណ៍បាញ់គំរាមនេះបានកើតឡើងកាលពីថ្ងៃទី១០ ខែកក្កដា ឆ្នាំ២០១៨ ស្ថិតនៅស្រុកស្វាយលើ ខេត្តសៀមរាប។

សមត្ថកិច្ចនគរបាលស្រុកស្វាយលើ បានឲ្យដឹងថា ជនរងគ្រោះដែលរងនៅការបាញ់គំរាមពីសំនាក់ចាងហ្វាងកាសែតដំណឹងកម្ពុជា មានឈ្មោះ ម៉ី ស៊ូ ភេទប្រុស អាយុ៤០ឆ្នាំ មុខរបរយោធា មានទីលំនៅភូមិ ដំណាក់ ឃុំកំពង់ប្រណាក ស្រុកព្រៈវិហារ ខេត្តព្រៈវិហារ។
រីឯជនសង្ស័យមានឈ្មោះ ឆោម ស៊ីថា ភេទប្រុស អាយុ៥៥ឆ្នាំ មុខរបរចាងហ្វាងកាសែតដំណឹងកម្ពុជា មានទីលំនៅភូមិបាយាប សង្កាត់ភ្នំពេញថ្មី ខណ្ឌ័សែនសុខ រាជធានីភ្នំពេញ ស្នាក់នៅសាខាស្នាក់ការកាសែត នៅភូម ទឹកលិច ឃុំបឹងមាលា ស្រុកស្វាយលើ ខេត្តសៀមរាប។

នៅមុនពេលកើតហេតុ វេលាម៉ោង១១ថ្ងៃត្រង់ ថ្ងៃទី១០ ខែកក្កដា ឆ្នាំ២០១៨នេះ ជនរងគ្រោះបានបើករថយន្តតាក់ស៊ីដឹកឥវ៉ាន់ពីខេត្តព្រៈវិហារមកខេត្តសៀមរាប លុះដល់វេលាម៉ោង១៥រសៀលបានដាក់ឥវ៉ាន់រួចត្រង់ចំនុចផ្លូវ៦០ម៉ែត្រ រួចបន្តទៅហូបបាយ។
ទន្ទឹមនិងនោះ ក៏ត្រឡប់មកខេត្តព្រះវិហារវិញ ដោយមានម៉ូយជិៈជាមួយគ្នាពីនាក់ ហើយបើកចេញពីខេត្តសៀមរាបឆ្ពោៈទៅខេត្តព្រះវិហារវិញ។
ស្រាប់តែបើកដល់ចំណុចខាងជើង ផ្សារស្វាយលើថ្មី ស្រុកស្វាយលើ ស្រាប់តែជនសង្ស័យ បានបើករថយន្ត ម៉ាកកាម៉ារី សេរីឆ្នាំ២០១៧ (ហាយព្រីត) ពណ៌ស ពាក់ស្លាកលេខ ភ្នំពេញ2AM1240 តាមពីក្រោយជនរងគ្រោះ។

ហើយជនសង្ស័យ បានឡើងវ៉ារថយន្ត ជនរងគ្រោះ រួចជនសង្ស័យបានបើកកញ្ចក់ឡានយកកាំភ្លើងខ្លីមកភ្ជង់ ជនរងគ្រោះរួចស្រែកជេរជនរងគ្រោះថា អាហែងឈ្លើយឆាប់ឈប់ឡានភ្លាម,,!
ខណៈនោះជនរងគ្រោះមិនមានរឿងហើយភយ័ ក៏បន្ថែមល្បឿនយ៉ាងលឿន ។
ជនសង្ស័យក៏បន្ថែមល្បឿនដូចគ្នា បន្ទាប់មកក៏បានយកកាំភ្លើងបាញ់គំរាមទៅលើជនរងគ្រោះចំនួនមួយគ្រាប់,,,។
ជនរងគ្រោះបានបើករថយន្តបន្តមិនហ៊ានឈប់ទេ ហើយជនសង្ស័យក៍នៅតែបើកតាមបន្តទៀត លុះបើកដល់ចំនុចការដ្ឋានកិនថ្ម ក្បែរអង់តែនទូរសព្ឌ័ភ្នំក្បាលប្រើស ភូមិអង្កាញ់ ឃុំស្វាយលើ។ ជនសង្ស័យបានវ៉ាទៅមុនហើយឈប់រថយន្តពីមុខរថយន្តជនរងគ្រោះ រួចបើកទ្វាររថយន្តចុះ មកហើយមានកាន់កាំភ្លើងខ្លី។
ទើបជនរងគ្រោះស្គាល់ឈ្មោះ ឆោម ស៊ីថា ជាអ្នកាសែតធ្លាប់ទាប្រាក់ដឹកឈើតាមផ្លូវ ឃើញដូចនេះជនរងគ្រោះបានបើកឡានអែបចំរាក់ផ្លូវ រួចបន្ថែមល្បឿនទៅមុខទៀត ស្របពេលនោះជនសង្ស័យបានស្រែកថាអាហែងឈប់ភ្លាម ជនរងគ្រោះមិនឈប់ ទើបជនសង្សយ័បានបាញ់គំរាមមួយគ្រាប់ទៀត ។
ជនរងគ្រោះបានទៅប្តឹងសមត្ថកិច្ចនិងព្រះរាជអាជ្ញាខេត្តព្រះវិហារ និងបានដាក់បណ្តឹងនៅអធិការ ទើបកំលាំងនគរបាលបាន ឃាត់ខ្លួនជនសង្សយ័ខាងលើដើម្បីសាកបន្តនីតិវិធី៕

ភ្នំពេញៈ កញ្ញា ស៊ូ ដាណេ សាងការភ្ញាក់ផ្អើលខ្លាំង ក្រោយជិះស៊ីក្លូ តែងតួទេវតាចូលរួមកម្មវិធីសិល្បៈប្រចាំឆ្នាំ ដើម្បីចូលរួមលើកកម្ពស់តម្លៃសិល្បៈបុរាណ ដែលតម្រូវឲ្យ​សិល្បកររំលេចអ្វីជាទម្រង់សិល្បៈបុរាណកញ្ញា ស៊ូ ដាណេ តារាចម្រៀងសំឡេងស្រដៀងអ្នកស្រី ប៉ែន រ៉ន បានជិះស៊ីក្លូដោយតុបតែងកាយជាឈុតទេវតាស្រីផ្អើលតាមផ្លូវ និងមហាជននៅទីនោះ ព្រោះជាការប្លែកភ្នែកចំពោះគំនិតច្នៃប្រឌិតមួយនេះ។

កញ្ញាបានចួលរួមប្រារព្ធ​កម្មវិធីខួបគម្រប់២ឆ្នាំនៃការបង្កើត “គ្រួសារតារាកម្ពុជា” ហើយរាត្រីនោះក្រៅពីមានអ្នកមុខអ្នកមាត់ឃើញសរសើរ សូម្បីតែសិល្បករមួយចំនួនក៏បាននិយាយពីចំណុចល្អៗរបស់តារាសិល្បៈបច្ចុប្បន្នចេះរួមគ្នាជួយសង្គម និងការងារសប្បុរសធម៌។

កញ្ញា ស៊ូ ដាណេ ដែលមានជំនាញសិល្បៈពេញខ្លួនដូចជា អាចរាំរបាំបុរាណ និងប្រពៃណី ច្រៀងបាសាក់ មហោរី និងសម័យ បាននិយាយថា មិនត្រឹមតែនាងម្នាក់ទេ ដែលគ្រងឈុតបែបបុរាណ សូម្បីតែបងប្អូនសិល្បករទាំងមូលក៏នាំគ្នាចូលរួមលើកតម្លៃដូចគ្នា ធ្វើឲ្យ​សប្បាយចិត្ត។ ដើម្បីឲ្យ​ប្លែកនាងបានព្យាយាមរិះរកអ្វី ដែលប្លែកហើយនឹកឃើញស៊ីក្លូក៏រកជួលមកចូលរួមតែម្តង។

ស៊ូ ដាណេ ឧស្សាហ៍ឡើងច្រៀងតាមទូរទស្សន៍មួយចំនួនដូចជា បាយ័ន និងស៊ីធីអិនជាងដើម។ នាងមានជំនាញសិល្បៈច្រើនណាស់ ជា​ញឹកញាប់នាង​បានចេញទៅសម្តែងនៅក្រៅប្រទេស ដូចជា អាមេរិក បារាំង និងប្រទេសមួយចំនួនទៀត៕

ប្រភព៖ Heng Ly