ភ្នំពេញៈ កញ្ញា ស៊ូ ដាណេ សាងការភ្ញាក់ផ្អើលខ្លាំង ក្រោយជិះស៊ីក្លូ តែងតួទេវតាចូលរួមកម្មវិធីសិល្បៈប្រចាំឆ្នាំ ដើម្បីចូលរួមលើកកម្ពស់តម្លៃសិល្បៈបុរាណ ដែលតម្រូវឲ្យ​សិល្បកររំលេចអ្វីជាទម្រង់សិល្បៈបុរាណកញ្ញា ស៊ូ ដាណេ តារាចម្រៀងសំឡេងស្រដៀងអ្នកស្រី ប៉ែន រ៉ន បានជិះស៊ីក្លូដោយតុបតែងកាយជាឈុតទេវតាស្រីផ្អើលតាមផ្លូវ និងមហាជននៅទីនោះ ព្រោះជាការប្លែកភ្នែកចំពោះគំនិតច្នៃប្រឌិតមួយនេះ។

កញ្ញាបានចួលរួមប្រារព្ធ​កម្មវិធីខួបគម្រប់២ឆ្នាំនៃការបង្កើត “គ្រួសារតារាកម្ពុជា” ហើយរាត្រីនោះក្រៅពីមានអ្នកមុខអ្នកមាត់ឃើញសរសើរ សូម្បីតែសិល្បករមួយចំនួនក៏បាននិយាយពីចំណុចល្អៗរបស់តារាសិល្បៈបច្ចុប្បន្នចេះរួមគ្នាជួយសង្គម និងការងារសប្បុរសធម៌។

កញ្ញា ស៊ូ ដាណេ ដែលមានជំនាញសិល្បៈពេញខ្លួនដូចជា អាចរាំរបាំបុរាណ និងប្រពៃណី ច្រៀងបាសាក់ មហោរី និងសម័យ បាននិយាយថា មិនត្រឹមតែនាងម្នាក់ទេ ដែលគ្រងឈុតបែបបុរាណ សូម្បីតែបងប្អូនសិល្បករទាំងមូលក៏នាំគ្នាចូលរួមលើកតម្លៃដូចគ្នា ធ្វើឲ្យ​សប្បាយចិត្ត។ ដើម្បីឲ្យ​ប្លែកនាងបានព្យាយាមរិះរកអ្វី ដែលប្លែកហើយនឹកឃើញស៊ីក្លូក៏រកជួលមកចូលរួមតែម្តង។

ស៊ូ ដាណេ ឧស្សាហ៍ឡើងច្រៀងតាមទូរទស្សន៍មួយចំនួនដូចជា បាយ័ន និងស៊ីធីអិនជាងដើម។ នាងមានជំនាញសិល្បៈច្រើនណាស់ ជា​ញឹកញាប់នាង​បានចេញទៅសម្តែងនៅក្រៅប្រទេស ដូចជា អាមេរិក បារាំង និងប្រទេសមួយចំនួនទៀត៕

ប្រភព៖ Heng Ly

សមាគមសិល្បសុវណ្ណភូមិនឹងសម្តែងល្ខោនស្បែកធំ និង​ ល្ខោនខោល ជាការសម្តែងដែលលោកគ្រូ ម៉ាន កុសល បានខិតខំច្នៃការសម្តែងឲ្យកាន់តែប្លែក និងទាក់ទាញ តែងតែសម្តែងនៅរៀងរាល់ថ្ងៃសុក្រ និង សៅរ៍ ។ ប៉ុន្តែបែរជាមិនមានអ្នកចូលរួមទស្សនាទៅវិញ អ្វីដែលកាន់តែកាន់ពិបាកនោះគឺ នៅសប្តាហ៍នេះ គ្មានមានអ្នកមកចូលរួមទស្សនាទាល់តែសោះ រហូតដល់សមាគមសិល្បសុវណ្ណភូមិ បានលុបចោលការសម្តែង។

មូលហេតុដែលការសម្តែងត្រូវបានលុបចោលបែបនេះធ្វើឲ្យសិល្បករបុរាណល្ខោនខោល និងហ្វេសប៊ុកផេករបស់ខ្លួន Srolanh Lakhoan-ស្រលាញ់ល្ខោន បានបង្ហោះរូបភាព រួមទាំងបង្ហាញអារម្មណ៍អស់កម្លាំងចិត្ត ដោយក្រោយពេលគ្មានអ្នកមកទស្សនា ព្រមទាំងសំណូមពរឲ្យមានការគាំទ្រដល់សិល្បៈបុរាណល្ខោនខោលឲ្យរស់រានមានជីវិតផង។

សូមបញ្ជាក់ថា ដែរសមាគមសិល្បៈ​សុវណ្ណភូមិតែងតែធ្វើការសម្តែងរៀងរាល់ថ្ងៃសុក្រ និងសៅរ៍ វេលាម៉ោង៧ល្ងាច សំបុត្រតម្លៃ : ២០០០០​រៀល សិស្ស-និស្សត (មាន​កាតសិស្ស) : ១០០០០រៀល បរទេស:៤០០០០រៀល  ចំណែកទីតាំង សមាគមសិល្បៈ​សុវណ្ណភូមិ ទីតាំងផ្ទះលេខ ១៦៦ ផ្លូវ ៩៩ កែងផ្លូវ ៤៨៤ សង្កាត់ បឹង​ត្របែក ខណ្ឌ ចំការមន​ រាជធានីភ្នពេញ ៕

សៀមរាប ៖ នៅក្នុងពិធីបង្រួបបង្រួមនូវសាសនា និងជំនឿលទ្ធិ ពោលគឺទាំងព្រហ្មញសាសនា ព្រះពុទ្ធសាសនា និងលទ្ធិជំនឿព្រលឹង ដ៏ធំបំផុត មានការរៀបចំបាយសី ចាប់ពីបាយសីជាន់ទាប រហូតដល់បាយសី៥៦ថ្នាក់ ភ្លេងពិណពាទ្យ ៧ វង់ធំៗ នៅឯទីធ្លាខាងលិចប្រាសាទ”បាយ័ន្ត”ជិតព្រះអង្គគោកធ្លោក នៅថ្ងៃទី១៦ មីនា ២០១៨ វេលាម៉ោង ៨.០០នាទី ព្រឹក រហូតដល់ល្ងាច ….ដោយមានការនិមន្ទចូលរួម និងផ្តើមពិធីបុណ្យពីព្រះសង្ឃ អ្នកកាច់បាយសីរាប់រយនាក់ និងគ្រូៗដ៏ល្បីក្នុងខេត្តសៀមរាប ….។

ក្នុងពិធីនេះដែលគេឃើញមានការបង្កើតបាយសីជាច្រើនប្រភេទ ដែលកូណខ្មែរខ្លះមិនបានដឹង ក្នុងនោះដែរលោក រ៉េត សាមុត បានសរសេរផុសក្នុងបណ្តាញសង្គមបង្ហាញអំពីលក្ខណះ និង ប្រភេទខ្លះៗនៃបាយសីដូចខាងក្រោម។

បាយសីឈ្មោះ “ដួងកែវស្តេចនាគរាជ”

នេះជាបាយសីស្រស់ញញឹម រចនាពីដើមចេក ស្លឹកចេក និងផ្កាយ៉ាងត្រកាល ដែលជាស្នាដៃយុវជនមកពីក្រុងតាខ្មៅ ។បាយសីនេះតុបតែងឡើងសំដៅដល់ការទុកថ្វាយដល់ នាគដែលជាអ្នកបានផ្តល់កំណើតនៃទឹកដីខ្មែរ ដែលបានផ្តល់នូវសេចក្តីសុខចំរើនដល់សព្វសត្វក្នុងទ្វីបលោក ជាពិសេសគឺកម្ពុជាទាំងមូល ។

បាយសីឈ្មោះ “ដួងកែវម្កុដរាជ”

នេះជាបាយសីស្រស់ញញឹម រចនាពីដើមចេក ស្លឹកចេក និងផ្កាយ៉ាងត្រកាល ដែលជាស្នាដៃយុវជនមកពីក្រុងតាខ្មៅ ។បាយសីនេះតុបតែងឡើងសំដៅដល់ការទុកថ្វាយដល់ មហាវិរៈក្សត្រគ្រប់ព្រះអង្គ ដែលបានផ្តល់នូវសេចក្តីសុខចំរើនដល់សព្វសត្វក្នុងលោក ក្នុងសាវតាខ្មែរ តាមរយៈនៃ ការមេត្តា ករុណា ឧបេក្ខា មុទិតា ។ល។

បាយសីឈ្មោះ “នាគផ្គុំធាតុ ទ្រប្រាសាទកំពូល៥”

នេះជាបាយសីស្រស់ញញឹម រចនាពីដើមចេក ស្លឹកចេក និងផ្កាយ៉ាងត្រកាល ដែលជាស្នាដៃយុវជនមកពីក្រុងតាខ្មៅ ។បាយសីនេះតុបតែងឡើងសំដៅដល់ការទុកថ្វាយដល់ មហានគរខ្មែរដែលរស់បានសុខក្សេមក្សាន្តនេះ ក៏អាស្រ័យព្រះមហាក្សត្រ និងមហាក្សត្រិយ៍ ដែលបានបង្កើតអោយមាននូវគ្រឹសសាសនា ជំនឿសិល្បៈវប្បធម៌ សាសនា ប្រាង្គប្រាសាទ ហើយដែលបានផ្តល់នូវសេចក្តីសុខចំរើនដល់សព្វសត្វក្នុងលោកនិងក្នុងនគរតាមរយៈនៃ ការមេត្តា ករុណា ឧបេក្ខា មុទិតា។ល។ ។

ប្រភព ៖  រ៉េត សាមុត

អត្ថបទដោយ ៖ Sing Ly

សិល្បះខ្មែរ ៖ តារាពហុជំនាញអ្នកនាង ខាត់ សុឃីម បានសម្តែងភាពទុក្ខសោក រួមទាំងកោតសរសើរចំពោះប្រទេសឡាវ ដែលមើលឃើញតម្លៃនៃ ចង្វាក់រាំវង់ ខណៈដែលកម្ពុជា ពុំសូវបានផ្តល់តម្លៃនៃចង្វាក់រាំមួយនេះ។ ដោយអ្នកនាងបានសរសេរថានៅលើគណនីហ្វេសប៊ុករបស់ខ្លួនថា៖ “សូមថ្លែងអំណរគុណយ៉ាងជ្រាលជ្រៅ ដល់ឡាវ ដែលបានមើលឃើញ និង យល់តម្លៃនៃ ចង្វាក់រាំវង់ ហើយបានដាក់បព្ចាូលទៅជាបេតិកភណ្ឌរបស់ខ្លួន។ សង្ឃឹមថា ម្ចាស់ថ្មីនៃ ចង្វាក់រាំវង់ នឹងផ្តល់ភាពយកចិត្តទុកដាក់ ទៅលើរូបអ្នកជារៀងរហូត ។ អ្នកនៅធ្វើអី បើគេមើលមិនឃើញតម្លៃអ្នកផង”

បើមិត្តអ្នកអានតំបូងពិតជាយល់ថាអ្នកនាង ខាត់ សុឃីម ថ្លៃងសារអបអរសាទរចំពោះការដែលប្រទេសឡាវ បានដាក់បញ្ចូលចង្វាក់រាំវង់ទៅជាបេតិកភណ្ឌរបស់ខ្លួន តែតាមធាតុពិតអ្នកនាងឃាត់ សុឃីមថ្លៃទាំងទុក្ខសោក និងនឹកស្រណោះស្តាយជាពន់ពេកនៅសិល្បះវប្បធម៍ដ៏ល្អត្រកាលរបស់ខ្លួន។ ទាក់ទងទៅនិងព្រឹត្តិការណ៍ដ៏ភ្ញាក់ផ្អើលនេះយើងមិនទាន់មានប្រភពណាមួយបង្ហាញ ស្រាយជាចំងល់ជូនដល់មហាជននៅឡើយទេ៕

ខ្មែរកាលពីសម័យ​បុរាណ នៅមុន​ពេល​កម្លោះចូល​ស្តីដណ្តឹងកូនក្រមុំ រៀបមង្គល​ការ​ជាភរិយា ​គឺ​​ឳពុក​ម្តាយតែងតម្រូវឲ្យ​កូនប្រុស​ចូលទៅ​បួសរៀន យក​ចំណេះដឹង និងដុសខាត់ គំនិតមារយាទ នៅវត្តអារាម ព្រោះសម័យនោះ ខ្មែរយើងមិនទាន់មាន សាលារៀន ឬមហាវិទ្យាល័យ​ ដូចឥលូវនេះទេ។​ ក្រោយពី​ចាក សិក្ខាបទ​មកវិញ អ្នក​ស្រុក​ច្រើនហៅ​ កូនកម្លោះនោះ ថា អ្នកបណ្ឌិត ក្រោយ​មកពាក្យនោះក៏ក្លាយ​ជា (អន្ទិតៗ) គឺសំដៅទៅលើ ប្រុសៗកម្លោះ ដែលបានបួសរៀន មាន​ការចេះ​ដឹង​ទាំ​ង​​ផ្លូវ​លោក​​ និង​ផ្លូវធម៌ ។

ការចូលទៅបួស​រៀន​នោះ ត្រូវ​បានគេ​ហៅថា​ (បំបួសនាគ) នៅបច្ចុុប្នន្ន​នេះ ពលរដ្ឋ យើង មិនសូវ ដឹងអំពីពិធីនេះទេ ។  ចំពោះអត្ថន័យ នៃពាក្យថា (នាគ)នៅទីនេះ ​មិនមែន​សំដៅទៅ លើសត្វនាគនោះទេ តែមានន័យថា ល្អប្រសើរ ខ្ពង់ខ្ពស់ ឧត្តុង្គឧត្តម ដូច្នេះ ការ “បំបួសនាគ”  ផ្តោតអត្ថន័យសំខាន់ ទៅលើអ្នក​ដែលមាន ​ឋានៈខ្ពង់ខ្ពស់ អ្នកប្រសើរ ដែលបានលះបង់​ នូវអំពើបាប​គ្រប់​យ៉ាង ។

ការបំបួសនាគចែកចេញ​ជាពីរគឺ ៖ បំបួសភិក្ខុុ និងបំបួសនេន

-បួសភិក្ខុ គឺសម្រាប់​បុរស​ពេញ ​វ័យ​ចាប់ពី ២០ឆ្នាំឡើង

-រីឯបំបួសនេន ​គឺការបំបួសតាំង ពីអាយុ៧ឆ្នាំឡើង ទៅ

ពិធីបំបួសនាគគេប្រារពឡើងដូចតទៅ៖ ថ្ងៃទី១ ឳពុកម្តាយ រួមទាំងសាមីខ្លួន ដែលស្មគ្រ័ចិត្តបួសនោះ ត្រូវធ្វើដំណើរ មកកាន់ វត្តឤរាម លុះដល់ថ្ងៃត្រង់ វេលាម៉ោង ១រសៀល ទើបចាប់ ផ្តើមពិធីកោរសក់ រួចទៅ ងូតទឹក ជម្រះកាយ ហើយបំពាក់ចីពរស​ ទៅបុរសនោះ ដែលគេ ច្រើនហៅថា (នាគ ឬកូននាគ ​​) នៅម៉ោង៦ល្ងាច គេមានពិធីសូត្រមន្ត។

ថ្ងៃទី២: បន្ទាប់ពីស្រស់ ស្រូបអាហារ ពេលព្រឹករួច សាច់ញាតិជិតខាង និងបងប្អូនដែល រស់នៅក្បែរវត្ត នាំគ្នាដង្ហែ កូននាគ ចំនួន ៣ជុំ ព្រះវិហារ ដែលជាភស្តុតាង តំណាងព្រះពុទ្ធ ព្រះធម៌ ព្រះសង្ឃ  បន្ទាប់មក អ្នកបួស ត្រូវចាប់ផ្តើមរៀនធម៌ រំងាប់ឤអារម្មណ៍ កិលេស ទាំងឡាយ ដើម្បីលាង បាបកម្មដែលបានធ្វើកន្លងមក ។

កាលពីសម័យបុរាណ អ្នកចូលទៅ បួសរៀន នៅក្នុងទីវត្តអារាម ត្រូវចំណាយ ពេលវេលា យ៉ាងតិចគឺមួយព្រះវស្សា(មួយឆ្នាំ) ទើបអាច សឹកមកកសាង ជីវិតជាមនុស្សសាមញ្ញវិញ ៕

ដូគ្នានេះដែរពិធីបំបូសនាគនេះមិនមែនមានតែនៅប្រទេសយើងនោះទេសូម្បីតែនៅប្រទេសជិតខាងយើងក៍គេមានប្រារពពិធីបំបួសនាគនេះដែរ គ្រាន់តែធ្វើខុសគ្នាបន្តិចបន្ទួចតែប៉ុណ្ណោះ។

តោះសូមទស្សនាវិដេអូទាំងអស់គ្នា

ពិធីបំបួសនាគខ្មែរ

ពិធីបំបួសនាគថៃ

https://www.facebook.com/plugins/video.php?href=https%3A%2F%2Fwww.facebook.com%2Fboy.jaguon%2Fvideos%2F1048941578577866%2F&show_text=0&width=560

ដោយ៖ SVD

លោកវិរសិល្បៈករ ឡុង រី (ក្នុងរូបថតខ្មៅ)បានប្រកបរបរផលិតគ្រឿងអល័ង្កាចំពោះអប្សរា តួក្នុងរឿងរាមកេរ្តិ៍ របាំជូនពរ ព្រះរាម ព្រះលក្មណ៍ ព្រះនាងសិដា ទស្សមុខ ឬទេពមនោរម្យ ។ល។ដោយគ្រឿងផលិតទាំងនោះលោកបានប្រើពីមាស ពីស្ពាន់ ទង់ដែង អាលុយមីញ៉ូមតាំងពីលោកមានអាយុ៣០ឆ្នាំ ចំណាយពេលបន្ថែម មកប្រមាណ ៣៧ឆ្នាំថែមទៀត(តាំងពីអាយុ ៣០ឆ្នាំមក) ហើយដែលមានតែ១គត់ក្នុងទឹកដីខេត្តសៀមរាប ។