អាហ្សង់ទីនបានត្រឹមស្មើអ៊ីស្លង់ក្នុងប្រកួតដំបូងនៃវគ្គចែកពូលនៅ World Cup

ក្រុមជម្រើសជាតិអាហ្សង់ទីនបានត្រឹមស្មើជាមួយអ៊ីស្លង់នៅក្នុងការប្រកួតដំបូងនៃពានរង្វាន់បាល់ទាត់ពិភពលោកឆ្នាំ ២០១៨ នេះនាវគ្គជម្រុះចែកពូល ខណៈដែលខ្សែប្រយុទ្ធឆ្នើម Lionel Messi បានខកខានឱកាសក្នុងការរកគ្រាប់បាល់បញ្ចូលទីពីការស៊ុតបាល់ពិន័យ ១១ ម៉ែត្រទៅលើអ៊ីស្លង់។

តែទោះជាយ៉ាងណា ជាមួយនឹងលទ្ធផលមួយស្មើនេះប្រហែលជាមិនមែនឧបសគ្គធំសម្រាប់អាហ្សង់ទីនដែលខំស្កាត់មកតាំងពីទ្វីបអាមេរិកខាងត្បូងមួយនេះឡើយ ដោយពួកគេនៅសល់ ២ ប្រកួតទៀតនៃការប្រកួតក្នុងពូលរបស់ពួកគេដើម្បីបន្តក្ដីសង្ឃឹមឡើងទៅវគ្គបន្តនៃការប្រកួតពាន World Cup ។

ប្រកួតក្រោយអាហ្សង់ទីននឹងត្រូវប៉ះគ្នាជាមួយក្រូអាត ខណៈការប្រកួតនឹងធ្វើឡើងនៅថ្ងៃទី ២២ មិថុនានេះ។

ប្រែសម្រួល ៖ ភក្តី

សហព័ន្ធបាល់ទាត់អេហ្ស៊ីបបានប្រកាសឲ្យដឹងនូវដំណឹងល្អមួយពាក់ព័ន្ធជាមួយ Salah

សហព័ន្ធបាល់ទាត់អេហ្ស៊ីបបានប្រកាសថាខ្សែប្រយុទ្ធ Mohamed Salah បានជាសះស្បើយហើយ និងត្រៀមជាស្រេចក្នុងការបង្ហាញខ្លួនសម្រាប់ការប្រកួតរវាងក្រុមជម្រើសជាតិអេហ្ស៊ីប និងម្ចាស់ផ្ទះរុស្ស៊ីនាថ្ងៃអង្គារសប្ដាហ៍ក្រោយនេះដែលជាការប្រកួតនៃពានរង្វាន់បាល់ទាត់ពិភពលោក វគ្គចែកពូល។

កីឡាករវ័យ ២៥ ឆ្នាំ, Salah មិនត្រូវបានដាក់ឲ្យចូលលេងទេ អំឡុងពេលជម្រើសជាតិរបស់គាត់ប្រកួតចាញ់អ៊ុយរ៉ូហ្គាយដោយលទ្ធផល ១-០ នៅក្នុងការប្រកួតបើកពូលរបស់ពួកគេនៅ World Cup កាលពីថ្ងៃព្រហស្បតិ៍។Salah បានរងរបួសស្មារហូតដល់ត្រូវបង្ខំចិត្តដើរចេញពីទីលានប្រកួតនៃពានរង្វាន់ Champions League វគ្គផ្ដាច់ព្រ័ត្ររវាងក្រុមហង្សក្រហម Liverpool និងក្រុមយក្សអេស្ប៉ាញ Real Madrid កាលពីខែមុន ខណៈដែលរបួសរបស់គាត់នេះដែរបានកើតឡើងដោយសារការប៉ះទង្គិចគ្នាជាមួយខ្សែការពារឆ្នើម Sergio Ramos ។

តែទោះជាយ៉ាងណាពេលនេះសហព័ន្ធអេហ្ស៊ីបបានប្រាប់ឲ្យដឹងថា ៖ “Salah បានជាសះស្បើយ និងអាចចូលលេងបានតាំងពីការប្រកួតជាមួយអ៊ុយរ៉ូហ្គាយ ប៉ុន្តែគ្រូបង្វឹកមិនហ៊ានប្រថុយដាក់ឲ្យគាត់ចូលលេង។ បើមានគាត់ប្រហែលជាលទ្ធផលអាចនឹងខុសគ្នា ប៉ុន្តែយើងមិនអាចដឹងទេអំពីរឿងនោះ។

យើងមិនចង់ឲ្យមានការស្ដាយក្រោយកាលពីប្រកួតមុន ទើបមិនឲ្យ Salah លេង ប៉ុន្តែប្រកួតក្រោយគាត់នឹងអាចចូលលេងបានហើយ”។
ប្រែសម្រួល ៖ ភក្ដី

ភ្លើងឆេះនៅរដ្ឋ Glasgow បានបំផ្លិចបំផ្លាញ អគារ ……..

ភ្លើងឆេះបានហែកឆ្លងកាត់អាគារ Mackintosh ដ៏ល្បីល្បាញបន្ទាប់ពីវាបានឆាបឆេះនៅប្រហែលម៉ោង ភ្លើងឆេះបានរាលដាលទៅអគារក្បែរនោះរួមទាំងក្លឹបរាត្រីសាខានិងកន្លែងតន្ត្រី O2 ABC ដែលទទួលរងការខូចខាតជាច្រើន។ សេវាអគ្គីភ័យនិងជួយសង្គ្រោះនៅស្កុតឡេនបាននិយាយថាគ្មានអ្នករងគ្រោះត្រូវបានគេរាយការណ៍ទេ។ អគ្គមេបញ្ជាការរងលោក Iain Bushell បាននិយាយថា កិច្ចខិតខំប្រឹងប្រែងដើម្បីនាំយកភ្លើងដែលស្ថិតក្រោមការគ្រប់គ្រងត្រូវបានគេរំពឹងថានឹងត្រូវបានពន្យារពេល។

លោកបានបន្ថែមថា អ្នកពន្លត់អគ្គីភ័យជាង 120 នាក់ ត្រូវបានបញ្ជូនទៅកន្លែងកើតហេតុហើយកំពុងប្រឈមនឹងឧប្បត្តិហេតុដ៏លំបាកនិងស្មុគស្មាញបំផុត។ អាគារ Mackintosh ត្រូវបានរងការខូចខាតយ៉ាងធ្ងន់ធ្ងរដោយសារភ្លើងកាលពីខែឧសភាឆ្នាំ 2014ម្តងមកហើយ ក៏គ្រោងនឹងបើកដំណើរការឡើងវិញនៅឆ្នាំក្រោយនេះបន្ទាប់ពីគម្រោងជួសជុលឡើងវិញពី 20 ទៅ 35 លានផោន។

លោក Ben ដែលជាសាក្សីជាសាក្សីម្នាក់បានប្រាប់ BBC ថាភ្លើងចុងក្រោយមើលទៅ«អាក្រក់ខ្លាំងជាងមុន»។

លោក Connor Neil អាយុ 22 ឆ្នាំបាននិយាយថាមនុស្សត្រូវបានជម្លៀសចេញពីផ្ទះរបស់ពួកគេហើយមាន “ពន្លឺពណ៌ទឹកក្រូចធំ” ដែលអាចមើលឃើញពីផ្លូវឆ្ងាយ៕ រូបភាពពេលឆេះហើយ នៅព្រឹកថ្ងៃសៅរ ទិ ១៦ ខែមិថុនា ឆ្នាំ ២០១៨

គួឲ្យរន្ធត់!! ស្រ្តីម្នាក់បន្ទាប់ពីបាត់ខ្លួនមួយយប់ ស្រាប់តែព្រឹកឡើង បងប្អូនតាមរក ក៍ប្រទះឃើញរឿងមួយមិនគួឲ្យជឿរ..(មានវិដេអូ)

ឥណ្ឌូនេស៊ី៖ ករណីដ៏រន្ធត់មួយបានកើតឡើង បន្ទាប់ពីស្ត្រីម្នាក់បានបាត់ខ្លួនមួយយប់ ហើយក្រុមគ្រួសារក៏បានតាមរក ស្រាប់តែឃើញសត្វពសថ្លាន់ដ៍ធំមួយក្បាល វាទៅណាមិនរួច ហើយដោយសង្ស័យ ក៏ចាប់វះពោះ សត្វពស់មើលក៏ឃើញស្ត្រីដែលបាត់ខ្លួននោះ នៅក្នុងពោះ របស់ពស់ថ្លាន់ ដែលករណីនេះបានកើតឡើងកាលពីថ្ងៃទី ១៥ ខែមិថុនា ឆ្នាំ ២០១៨ ស្ថិតនៅប្រទេសឥណ្ឌូនេស៊ី ។

ស្ត្រីរងគ្រោះ ពុំអាចបញ្ជាក់ឈ្មោះបានទេ តែគេដឹងថាស្រ្តីនោះមាន អាយុ ៥៥ឆ្នាំ មានទីលំនៅលើតំបន់ខាងលើ ចំណែកពស់ថ្លាន់ដែលសម្លាប់នាងមានប្រវែង រហូតដល់ ៧ម៉ែត្រឯណោះ ។

ប្រភពព័ត៌មានបានឱ្យដឹងថា មុនកើតហេតុវេលាម៉ោង ៦ និង ៣៥នាទី ថ្ងៃទី ១៤ ខែមិថុនា ឆ្នាំ ២០១៨ ស្ត្រីរងគ្រោះបានប្រាប់កូនថា ទៅសួនច្បារ រួចក៏ចេញទៅបាត់រហូតដល់ព្រលឹមឡើង ថ្ងៃទី ១៥ ខែឆ្នាំដដែល ដោយពុំឃើញស្ត្រីរងគ្រោះត្រឡប់មកផ្ទះវិញ ប្ដី និងកូនៗ សង្ស័យថាប្រហែលជាស្ត្រីរងគ្រោះធ្វើអត្តឃាត ទើបនាំគ្នាផ្អើលឆោឡោតាមរក ដោយមានអ្នកភូមិជួយរកផងដែរ ។

ក្រោយមក អ្នកភូមិបានប្រទះឃើញស្បែកជើង កាំបិត និងពិល ដែលជារបស់ជនរងគ្រោះធ្លាក់នៅលើដី ហើយក៏បន្តស្វែងរកនៅជិតៗនោះ ក៏ឃើញពស់ថ្លាន់មួយក្បាលវាទៅណាមិនរួច ដោយក្ដីសង្ស័យផងនោះ ក្រុមអ្នកភូមិក៏បានចាប់ពស់នោះមកក្នុងភូមិ រួចវះពស់ ក៏ឃើញស្ត្រីរងគ្រោះនៅក្នុងពោះ សត្វពស់នោះតែម្ដង ។

ក្រោយរកឃើញសាកសព ប្រជាពលរដ្ឋក្នុងភូមិ ក៏បានជួយរៀបចំកម្មពិធីបុណ្យតាមប្រណីពៃណី ដើម្បីចម្លងគ្រោះដល់សព្វ ព្រមទាំងក្រុមគ្រួសារសព ៕

https://www.facebook.com/plugins/video.php?href=https%3A%2F%2Fwww.facebook.com%2F306970789456172%2Fvideos%2F1057000924453151%2F&show_text=0&width=261

ដោយ៖ សុវណ្ណ ដេត
ប្រភព៖ FB

បុរសម្នាក់ ដែលគេស្គាល់ថាជាកងអង្គរក្ស បានចូលវៃបុរសម្នាក់ទៀតដែលកំពុងតែ…(ចុចអាបន្ត)

រាជធានីភ្នំពេញ ៖ ហេតុការណ៍ដ៏ហួសចិត្តមួយកើតឡើង ខណៈពេលបុរសម្នាក់ កំពុងអង្គុយញាំអីជាមួយមិត្តភ័ក្ត៤នាក់ទៀត ក៏ស្រាប់តែលេចមុខបុរសម្នាក់ដែលគេស្គាល់ថា ជាកងអង្គរក្ស BHQ នោះ បានដើរចូលទៅវាយបួនប្រាំដៃកណ្ដាលមុខ បង្កការភ្ញាក់ផ្អើលដល់សន្តិសុខយាមនៅកោះពេជ្រ ចុះមកជួយឃាត់និងនាំខ្លួនបុរសរូបនោះទៅប៉ុស្តិ៍ភ្លាមៗផងដែរ។

ករណីហិង្សារនេះបានបង្កការភ្ញាក់ផ្អើលឡើងកាលពីវេលាម៉ោង១០៖៥៥នាទីយប់ ថ្ងៃទី១៥ ខែមិថុនា ឆ្នាំ២០១៨ នៅហាងលក់អាហារមួយកន្លែង ក្នុងកោះពេជ្រ ស្ថិតក្នុងសង្កាត់ទន្លេបាសាក់ ខណ្ឌចំការមន រាជធានីភ្នំពេញ។

បុរសដែលត្រូវគេវាយមានឈ្មោះថា អ៉ិត ស៊ាងយី អាយុ៣០ឆ្នាំ មុខរបរលក់ទូរស័ព្ទ។

ចំណែកជនដៃដល់ឈ្មោះ នីម សុផានិត អាយុ៣០ឆ្នាំ មុខរបរអង្គរក្ស BHQ ។ អ្នកទាំង២ធ្លាប់រស់នៅស្រុកជាមួយគ្នា ។

តាមសម្តីបុរស ដែលត្រូវគេវាយប្រាប់ឲ្យដឹងថា នៅមុនពេលកើតហេតុ រូបគាត់បាននាំប្រពន្ធចូលមកញាំអីជាមួយមិត្តភ័ក្តិ៤នាក់ ក្នុងហាងមួយកន្លែងនៅកោះពេជ្រ ខណៈពេលកំពុងតែនិយាយឆ្លើយឆ្លងគ្នា និងសើចសប្បាយផងនោះ ក៏ស្រាប់តែមានបុរសម្នាក់ ដែលគាត់ស្គាល់ថាជា អង្គរក្ស បានចូលមកក្រៀកគាត់ពីក្រោយ រួចស្រែកសួរថា «ហ្អែងហ្នឹងមែនឈ្មោះអាយី?» គាត់មិនទាន់បានឆ្លើយផង បុរសជាអង្គរក្សនោះ បានវាយទះមកលើផ្ទៃមុខគាត់បួនទៅប្រាំដៃ ហើយត្រូវបានមិត្តភ័ក្តដែលអង្គុយជាមួយគ្នាជួយឃាត់ ភ្លាមៗនោះ ក៏មានបុរស២នាក់ទៀតដែលបក្ខពួករបស់អង្គរក្សរូបនោះ បានដើរចូលមកចង្អុលមុខរួចរុញប្រតាយប្រតប់ជាមួយមិត្តភ័ក្តរបស់គាត់ បង្កការភ្ញាក់ផ្អើលដល់ម្ចាស់ហាងរាយការណ៍ទៅសន្តិសុខកោះពេជ្រចុះមកជួយឃាត់ រួចនាំយកទៅប៉ុស្តិ៍នគរបាលទន្លេបាសាក់ ដើម្បីប្រគល់អោយសមត្ថកិច្ចដោះស្រាយតាមនីតិវិធី ។

យ៉ាងណាមិញ រឿងរ៉ាវជម្លោះដោយសារតែការគុំកួននេះ នៅមិនទាន់ត្រូវបានបញ្ចប់នៅឡើយទេ ទោះបីជាមានការសម្របសម្រួលពីសមត្ថកិច្ចក៏ដោយ ព្រោះជនរងគ្រោះកំពុងដាក់ពាក្យបណ្ដឹងនៅប៉ុស្តិ៍នៅឡើយ ៕

(វិដេអូ)

https://www.facebook.com/plugins/video.php?href=https%3A%2F%2Fwww.facebook.com%2Femergencysocailnews%2Fvideos%2F1961751963895535%2F&show_text=0&width=560

ទីបំផុត ឪពុកតិរិច្ឆាន ដែលវាយទាត់ធាក់កូននោះ ត្រូវបានជាប់ខ្នោះសមត្ហកិច្ចហើយ..(មានវិដេអូត)

ភ្នំពេញ៖ ក្រោយពីបែកធ្លាយវិដេអូ ឪពុកបង្កើតវាយកូនខ្លួនឯងយ៉ាងសាហាវព្រៃផ្សៃ ដោយធាក់ផង ទាត់ផង ធ្វើឲ្យក្មេងរងគ្រោះមានកាឈឺចាប់ ដោយយំផង ស្រែកផងសុំអង្វរលោកឪពុកឲ្យឈប់វាយរូបគេទៀត ។

វិដេអូនេះបានបែកធ្លាយកាលពីថ្ងៃទី ១៥ ខែមិថុនា ឆ្នាំ២០១៨ ដោយធ្វើឲ្យអ្នកលេងនៅតាមបណ្តាញសង្គមហ្វេសប៊ុក នាំគ្នាចុចស៊ែរតៗគ្នារហូតដឹងដល់សមត្ថកិច្ច ព្រមទាំងបានធ្វើកាឃាតខ្លួនឪពុកចិត្តព្រៃផ្សៃនេះបានហើយគឺនៅថ្ងៃនេះតែម្តង ។

តាមសម្តីសមត្ថកិច្ចបានឲ្យដឹងថា ជនសង្ស័យមានឈ្មោះ ហិន សុផាន់ណា អាយុ៣៩ឆ្នាំ ត្រូវជាឪពុកបង្កើតរបស់កុមារារងគ្រោះ ឈ្មោះ ហេង ឡិថុន អាយុ៦ឆ្នាំ ដែលទីកន្លែងស្នាក់នៅផ្ទះលេខ៧៣ ផ្លូវមុន្នីរ៉េត សង្កាត់ស្ទឹងមានជ័យ ខណ្ឌមានជ័យ។

ក្រោយពីឃាត់ខ្លួន ពេលនេះជនសង្ស័យកំពុងធ្វើការសាកសួរ នៅនាយកដ្ឋានប្រឆាំងការជួញដូរមនុស្ស និងការពារអនីតិជន នៃក្រសួងមហាផ្ទៃ៕

(មានវិដេអូ)

https://www.facebook.com/plugins/video.php?href=https%3A%2F%2Fwww.facebook.com%2FPekmiofficialpage%2Fvideos%2F865163533673945%2F&show_text=0&width=266

ដោយ៖ សុវណ្ណ ដេត

ហួសចិត្ត !! យកសំរាមមួយរម៉ក មកចាក់ចោលមុខផ្ទះគេតើសមអត់..? ហើយបើគេយកមកចាក់នៅផ្ទះយើងវិញគិតមិចដែរ..? គួរពិចារណាលើចំនុចនេះផង…! (មានវិដេអូ)

ក្រុងតាខ្មៅ៖ ឃ្លីបវីដេអូមួយ ត្រូវបានម្ចាស់ផ្ទះយកមកបង្ហោះជាសាធារណះ បន្ទាប់ពីមានបុរសម្នាក់រួមទាំងក្មេងតូចៗ២ទៅ៣នាក់ បានដឹកសំរាមមួយរម៉កមូតូ យកមកចាក់ចោលនៅមុខផ្ទះគាត់ ដោយធ្វើឲ្យគាត់ជាម្ចាស់ផ្ទះមានកាហួសចិត្តយ៉ាងខ្លាំង មិនគួណាមានមនុស្សបែបនេះនៅក្នុងសង្គមខ្មែរយើងសោះ ។

វិដេអូនេះដែរ ត្រូវបានម្ចាស់ផ្ទះថតចេញពីកាមេរ៉ាសុវត្ថិភាពរបស់គាត់ដែលដាក់នៅមុខផ្ទះ បើយើងក្នុងវិដេអូនេះវិញយើងឃើញថា ពិតជាហួសចិត្តខ្លាំងមែនទែន និងសុំឲ្យបងប្អូនជួយគិតគូថា តើទង្វើរបែបនេះត្រឹមត្រូវដែររឺទេ?

យ៉ាងណាមិញ ម្ចាស់ផ្ទះបានបង្ហោះវិដេអូព្រមទាំងបានសសេររៀបរាប់ថា “គ្រាន់តែដឹកសម្រាមមកចោល មួយរ៉ឺម៉កហើយ។ ចុះម្តេច មិនដឹកទាំងឡាន មកចោលផងទៅ។ បងប្អូន ជួយ share រកយុត្តិធម៌អោយផ្ទះនាងខ្ញុំផង ផ្ទះនាងខ្ញុំក៏ត្រូវការស្អាតដែរ មិនមែន មកចោលសម្រាមទាំងរឺមកបែបនេះទេ” ៕

តោះកុំឲ្យខាតពេលយូសូមទស្សនា វិដេអូ ហើយពិចារណាទាំងអស់គ្នាតាមកាគួរ ៖

https://www.facebook.com/plugins/video.php?href=https%3A%2F%2Fwww.facebook.com%2Fsophea.phon.5%2Fvideos%2F2129437130417109%2F&show_text=0&width=267

ដោយ៖ សុវណ្ណ ដេត
ប្រភព៖ Sophea Phon

តារាកំប្លែង នាយពែកមី ប្រតិកម្មយ៉ាងខ្លាំង ក្រោយឃើញវីដេអូឪពុកវាយទាត់ធាក់កូនយ៉ាងព្រៃផ្សៃ ព្រោះតែរឿងមួយ…(មានវិដេអូ)

កាលពីម្សិលមិញនេះ ក្រោយពេលវីដេអូមួយបានបែកធ្លាយ ឪពុកឃោរឃៅមួយរូប ដែលលើកដៃវាយកូនគ្មានប្រណី ទាំងជេរ ទាំងសម្លុត និងវាយទាត់ធាក់ យ៉ាងសាហាវព្រៃផ្សៃ ក្រោយវីដេអូនេះបានចែករំលែកតៗគ្នា លើបណ្ដាញសង្គម ហ្វេសប៊ុកមក មានមហាជន នាំគ្នាបញ្ចេញកំហឹងយ៉ាងខ្លាំង មាននាក់ខ្លះខឹង និងមិនពេញចិត្ត ចំពោះអំពើហិង្សាដ៍ព្រៃផ្សៃមួយនេះ ។

ហើយសូម្បីតែនាយ ពែកមី ដែលជាតារាកំប្លែងមួយរូបក៏ទ្រាំមិនបាន ឈឺចិត្តជំនួសក្មេងដែរ ហើយគាត់បានសរសេរនៅលើគណនីហ្វេសប៊ុកថា៖ «ពិតជាតិរច្ឆានណាស់ កំហឹងបានអីមកវិញ? តើចិត្តមនុស្សដែលមានមេត្តាធម៌បានទៅណាអស់ហើយ? ហេតុអ្វីប្រើហឹង្សាដល់ក្មេងយ៉ាងនេះ? តើធ្វើនេះចង់បានអ្វី? ទោះជាកូនចុងកូនដើមក៏ដោយក៏មិនត្រូវបង្ហាញអំពើរលាមកថោកទាបបែបនេះដែរ កុំអោយអាប់យស ធ្លាក់ខ្លួនជាប់ទោសដោយសារហឹង្សា ! សូមកុំយកភ្លើងកំហឹងដុតរោលសេចក្តីខ្លួនឯងធ្វើអី»៕

(វិដេអូខាងក្រោម)

https://www.facebook.com/plugins/video.php?href=https%3A%2F%2Fwww.facebook.com%2FPekmiofficialpage%2Fvideos%2F865163533673945%2F&show_text=0&width=266

ដោយ៖ សុវណ្ណ ដេត
ប្រភព៖ Pek Mi CBS

តើពិត ឬក៍មិនពិត!! អ្នកគ្រូម្នាក់ពពោះ ជិះម៉ូតូ២៦គីឡូម៉ែត្រក្នុង១ថ្ងៃ ទៅបង្រៀន៣ខែ អត់ឃើញបើកប្រាក់ខែ ទើបដាច់ចិត្តបង្ហោះសារជាលើកចុងក្រោយថា…

ខេត្តបាត់ដំបង ៖ អ្នកគ្រូ ញាណ ប៊ុនសុជាតា ដែលបង្រៀននៅសាលាបឋមសិក្សាកំប៉ូវ ក្នុងខេត្តបាត់ដំបង ទ្រាំលែងបាន ក៏បានសរសេរសារមួយ នៅលើបណ្តាញសង្គមហ្វេសប៊ុកផ្ទាល់ខ្លួន នៅព្រឹកថ្ងៃទី១៤ មិថុនា ២០១៨នេះ ដែលប្រាក់បៀវត្សអ្នកគ្រូមិនត្រូវបានបើកអោយអស់រយៈពេលជាងបីខែមកហើយ ។

អ្នកគ្រូ ញាណ ប៊ុនសុជាតា បង្ហោះសារអោយដឹងថា «និយាយលើកចុងក្រោយសម្រាប់អាជីពជាគ្រូបង្រៀន
ខ្ញុំពោះធំ ជិះម៉ូតូឡើងចុះទៅបង្រៀនរាល់ថ្ងៃ ចំងាយដី ១៣គីឡូ ទៅមក ២៦គីឡូ ចូលបម្រើការងារវិញនៅដើមខែបី គ្រាន់តែរត់ពាក្យសុំប្រាក់បៀវត៍ ឡើងចុះមន្ទីរដើម្បីសុំឲ្យគេចុះហត្ថលេខា គឺមិនតិចជាង ២០ដងទេ គឺទៅមិនដែលជួបប្រធានមន្ទីរ ខ្ញុំរត់ពាក្យសុំតាំងពីដើមខែបី រហូតដល់ខែ៥ បានខ្ញុំបានជួបប្រធានមន្ទីរចុះហត្ថលេខា ។

ចុះរួចលោកប្រធានប្រាប់ថា មិនយូរទេ អាទិត្យក្រោយអ្នកគ្រូទទួលបានប្រាក់ខែហើយ ហើយខាងខ្ញុំនឹងបើកកុងធានាគារជូនអ្នកគ្រូវិញ ។ មួយអាទិត្យហើយមួយអាទិត្យទៀត រហូតមកដល់ថ្ងៃនេះ ខ្ញុំនៅមិនទាន់ទទួលបានប្រាក់ខែនៅឡើយទេ ហើយប្រាក់ខែនោះ គឺនៅប្រធានគណនីជាអ្នកកាន់ ។

ខ្ញុំមិនចង់និយាយទេ តែគួរតែលោកគ្រូអ្នកគ្រូ ដែលជាអ្នកកាន់លុយនឹងយល់ផងថា គ្នា(ខ្ញុំ) ចូលបម្រើការងារបីខែកន្លងមកហើយ ដោយមិនបានទទួលប្រាក់ខែសម្រាប់ចាយវាយ ផ្គត់ផ្គង់ជីវភាពប្រចាំថ្ងៃនេះ តើគ្នាលំបាកប៉ុន្មាន ? ឯណាលុយចំណាយប្រចាំថ្ងៃសម្រាប់សាំងម៉ូតូទៅបង្រៀន ឯណាលុយសម្រាប់អាហារហូបចុក ? គ្នាសម្បត្តិត្រឹមគ្រូបង្រៀនតើគ្នាមានលុយមកពីណាសម្រាប់ដេកស៊ីទៅ ? រវល់តែជាប់បង្រៀនមានពេលឯណាទៅធ្វើការងារដទៃដើម្បីបានកម្រៃយកមក ?

ខ្ញុំយល់ហើយថាប្រាក់ខែពួកអ្នកគង់តែបើកឲ្យ តែខ្ញុំត្រូវចំណាយពេលចាំប៉ុន្មានខែទៀត ? អ្នកធ្វើការបម្រើរដ្ឋដូចគ្នា អ្នកគួរតែយល់ហើយថា អ្នកការងាររដ្ឋ គឺរស់បានដោយប្រាក់ខែតិចតួចនេះ ចុះបើអ្នកជាខ្ញុំវិញ ដែលខំទៅធ្វើការទាំងពោះធំ ហើយគ្មានប្រាក់ខែ ជិះចុះ ជិះឡើង តើពួកអ្នកគិតម៉េចវិញ ? អ្នកក៏យល់ ក៏ដឹងថាមនុស្សស្រីពោះធំ គឺឃ្លានយ៉ាងម៉េច ? ចុះបើក្នុងកាបូបរកតែលុយចាក់សាំងដើម្បីទៅបំពេញតួនាទីរបស់ខ្លួនគ្មានផង តើមានលុយឯណាសម្រាប់ទិញរបស់ហូបនោះ ? នេះបីខែជាងហើយ មិនមែនបីថ្ងៃទេណាអស់លោក ធ្វើជាអ្នកដឹកនាំគេ ធ្វើជាម៉ែឪគេ គួរតែចេះគិតពីសុខទុក្ខរបស់កូនចៅផង ខ្ញុំអាចរស់បានដោយប្រកបរបបផ្សេង តែដោយសារស្រឡាញ់ការងារមួយនេះ បានចេះតែប្រឹងប្រែងប្តូរបន្តទៅមុខ តែពេលនេះប្រហែលជាខ្ញុំត្រូវបញ្ចប់ការងារនេះហើយ ព្រោះក្រពះវាឃ្លាន» ។

ជុំវិញការលើកឡើងរបស់អ្នកគ្រូ សុជាតា ខាងលើនេះ អង្រុតព័ត៌មាននៅមិនទាន់សុំការបំភ្លឺពីប្រធានមន្ទីរអប់រំខេត្តបាត់ដំបង បាននៅឡើយទេ នៅរសៀលថ្ងៃដដែលនេះ ។

ទោះជាយ៉ាងណា សារដែលអ្នកគ្រូ ញាណ ប៊ុនសុជាតា បានបង្ហោះលើហ្វេសប៊ុក បានប្រមាណជាង១០ម៉ោងប៉ុណ្ណោះ ក៏ត្រូវលុបចោលវិញ ដោយអ្នកគ្រូ បញ្ជាក់ថា «សូមអរគុណដល់បងប្អូនទាំងអស់ សូមអធ្យាស្រ័យផង ពេលនេះខ្ញុំបានលុបនូវអ្វីដែលខ្ញុំបានផុស ពីទុក្ខលំបាករបស់ខ្ញុំ ចោលហើយ ដោយមានការសម្របសម្រួលពីថ្នាក់លើ» ។ បើខ្ញុំមិនផុសពីទុក្ខលំបាករបស់ខ្ញុំ ប្រហែលជាអ្នកធ្វើដេកលក់បាត់ទៅហើយ…. ។

សូមបញ្ជាក់ផងដែរថា អ្នកគ្រូ ញាណ ប៊ុនសុជាតា ក៏ធ្លាប់ធ្វើសកម្មភាពមនុស្សធម៌ជាច្រើន ត្រូវបានគេលើកសសើរថា អ្នកគ្រូបានធ្វើសកម្មភាពមនុស្សធម៌ជាច្រើនចំពោះសិស្សទូទៅ ជាក់ស្តែងតាមរយៈការផ្ដល់ឱកាសឲ្យក្មេងស្រីម្នាក់ បានចូលរៀនដូចក្មេងដទៃទៀត បន្ទាប់ពីក្មេងស្រីរូបនោះបានអើតតាមបង្អួច លួចមើលសកម្មភាពបង្រៀនរបស់អ្នកគ្រូ អំឡុងឆ្នាំ២០១៦ ៕

ប្រភព៖ Heng Ly

អគ្គិភ័យកំពុងឆាបឆេះផ្ទះប្រជាពលរដ្ឋ នៅផ្លូវ១៣៦ ក្នុងសង្កាត់ផ្សារកណ្តាល

(ភ្នំពេញ)៖ ព័ត៍មានបឋម នៅវេលាម៉ោង ប្រមាណ ១ៈ៤០នាទី ថ្ងៃទី ១៤ ខែ មិថុនា ឆ្នាំ២០១៨ អគ្គិភ័យនៅតែឆាបឆេះផ្ទះល្វែងជាន់ទី១ យ៉ាងសន្ធោរសន្ធៅ នៅឡើយទេ បើគិតមកទល់ម៉ោង០៣រសៀលនេះ នៅផ្លូវ១៣៦ កែងផ្លូវ១៣ ស្ថិតក្នុងសង្កាត់ផ្សារកណ្តាល ខណ្ឌដូនពេញ រាជធានីភ្នំពេញ។
ពេលនេះ សមត្ថកិច្ចពន្លត់អគ្គិភ័យ កំពុងចេញជួយអន្តរាគមន៍បាញ់ទឹកពន្លត់ផងដែរ៕