ភ្នំពេញ៖ កម្លាំងនគរបាលខណ្ឌទួលគោក ឃាត់ខ្លួនយុវជនម្នាក់ ជំនាញHack ចូលគណនយ្យ Facebook មើលតាមការLive ផ្ទាល់លក់ផលិតផល គណនយ្យ Facebook របស់ជនរងគ្រោះមានឈ្មោះ Ana Brand Brands ហើយលួចយកលេខកូដសម្ងាត់ជនរងគ្រោះយកលុយតាម រយៈក្រុមហ៊ុនវេរ លុយទ្រូម៉ានី តាម រយៈភ្ញៀវវេរលុយមកឲ្យជនរងគ្រោះ) កើតហេតុនៅក្នុងមូលដ្ឋានសង្កាត់ ទឹក ល្អក់៣ ខណ្ឌទួលគោក រាជធានីភ្នំពេញ ។

ករណីឃាត់ខ្លួនជនសង្ស័យខាងលើនេះ បានធ្វើឡើងកាលពី ថ្ងៃពុធ ១កើត ខែបឋមាសាឍ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី១៣ ខែមិថុនា ឆ្នាំ២០១៨ វេលាម៉ោងប្រហែល ១៧និង២០នាទី កំលាំងនគរបាល ប៉ុស្តិ៍រដ្ឋបាលទឹកល្អក់ទី៣ នៃអធិការដ្ឋាន នគរបាលខណ្ឌទួលគោក បានឃាត់ខ្លួនជនសង្ស័យ០១នាក់ពីបទលួច (ចូល មើលតាមការ Live ផ្ទាល់លក់ផលិតផល គណនយ្យ Facebook របស់ជនរងគ្រោះមានឈ្មោះ Ana Brand Brands ហើយលួចយកលេខកូដសម្ងាត់ជនរងគ្រោះយកលុយតាម រយៈក្រុមហ៊ុនវេរ លុយទ្រូម៉ានី តាម រយៈភ្ញៀវវេរ លុយមកឲ្យជនរងគ្រោះ) (ជនរងគ្រោះឃាត់យកមកប្រគល់ឲ្យសមត្ថកិច្ចយើង) ប្រព្រឹត្តកាលពីកំឡុងខែវិច្ឆិកា ឆ្នាំ២០១៧ រហូតមកដល់ថ្ងៃទី១២,១៣ខែមិថុនា ឆ្នាំ២០១៨ នៅចំណុចទីតាំងលក់និងLive ផ្ទាល់ផ្ទះលេខ៦០ ផ្លូវ លេខ១៨៦ក្រុមទី៤ ភូមិ៣ សង្កាត់ទឹកល្អក់ ទី៣ ខណ្ឌទួលគោក រាជធានីភ្នំពេញ ។

ជនសង្ស័យឈ្មោះ ចាន់ ម៉េងឆាយ ហៅ ម៉េងឆាយ ភេទប្រុស អាយុ១៩ឆ្នាំ ជនជាតិខ្មែរ មុខរបរ និស្សិតឆ្នាំទី២ សាកលវិទ្យាល័យនីតិ សាស្រ្ត ស្នាក់នៅផ្ទះលេខ៥២ ផ្លូវលេខ៤ ភូមិជម្ពូរវ័ន្ត សង្កាត់ចោមចៅទី៣ ខណ្ឌ ពោធិ៍សែនជ័យ រាជធានីភ្នំពេញ ។
ជនរងគ្រោះឈ្មោះ សុខ ស៊ីណា ភេទស្រី អាយុ៣០ឆ្នាំ ជនជាតិខ្មែរ មុខរបរ លក់ផលិតផលខោអាវ និងគ្រឿងហូបតាមអនឡាញ (Live FacebooK លក់ ) ស្នាក់នៅផ្ទះលេខ៦០ ផ្លូវលេខ១៨៦ ក្រុម ទី៤ ភូមិ៣ សង្កាត់ទឹកល្អក់ទី៣ ខណ្ឌទួលគោក រាជធានីភ្នំពេញ ។
សំភារ:បាត់បង់មាន៖ ទឹកប្រាក់សរុបចំនួន៤៥០០$ (បួនពាន់ប្រាំរយដុល្លារ សហរដ្ឋអាមេរិក ) ។
វត្ថុតាងទទួលមាន៖ វិក័យបត្រវេរលុយ និងលេខកូដសម្ងាត់ដកលុយរបស់ក្រុមហ៊ុនវេរលុយ ទ្រូម៉ានី ចំនួន០២សន្លឹក មានទឹកប្រាក់សរុបចំនួន១៦៣$ (មួយរយហុកសិបបីដុល្លារ សហរដ្ឋអាមេរិក) ទទួលពីជនរងគ្រោះឈ្មោះ សុខ ស៊ីណា ។

មន្រ្តីនគរបាលព្រហ្មទណ្ឌខណ្ឌទួលគោក បានឲ្យដឹងថា កាលពីកំឡុងក្នុងខែមិថុនា ឆ្នាំ២០១៧ ជនរងគ្រោះឈ្មោះ សុខ ស៊ីណា បាន បើកផ្សព្វផ្សាយលក់ផលិតផលខោអាវ និងគ្រឿងហូប លក់តាមការLive ផ្ទាល់ គណនយ្យ Facebook ឈ្មោះ Ana Brand Brands ដោយលក់តាមអនឡាញ ឲ្យភ្ញៀវជាម៉ូយនៅតាមបណ្ដារាជធានី និងខេត្ត និងក្រៅប្រទេសផង ដោយពេលជនរងគ្រោះអនឡាញលក់( Live ផ្ទាល់) គឺបានដាក់លេខ ទូរស័ព្ទ(‪015 969798‬ និងលេខ0888 969798 ) ដាក់នៅខាងលើក្នុងពេលកំពុងLive ដើម្បីឲ្យភ្ញៀវទំនាក់ទំនងមកទិញ និងងាយស្រួល ភ្ញៀវវេរលុយមកឲ្យវិញពេលដែលភ្ញៀវកម៉ង់ឥវ៉ាន់រួច ដោយវេរលុយតាម រយៈក្រុមហ៊ុនវ៊ីង , អ៊ីម៉ានី និងទ្រូម៉ានី លុះមកដល់អំឡុងខែវិច្ឆិកា ឆ្នាំ២០១៧ ជនរងគ្រោះបានបាត់លុយដែលភ្ញៀវកម៉ង់ឥវ៉ាន់វេរមកឲ្យខ្លួន ហើយនៅពេលដែលជនរងគ្រោះបានទូរស័ព្ទទៅភ្ញៀវដែលកម៉ង់ឥវ៉ាន់នោះប្រាប់ថាគេវេរលុយឲ្យរួចហើយតាមលេខ ទូរ ស័ព្ទ015969798 និងលេខ ‪0888969798‬ ក្នុងពេលនោះជនរងគ្រោះបានចាប់ផ្ដើមបាត់លុយជាបន្តបន្ទាប់ ទឹកប្រាក់សរុបចំនួន៤៥០០$ (បួនពាន់ប្រាំរយដុល្លារ សហរដ្ឋអាមេរិក ) ។

លុះក្រោយមកជនរងគ្រោះបានជូនដំណឹងទៅខាងបណ្ដាក្រុមហ៊ុនវេរលុយទាំងអស់បើមានជនណាមកយកលេខរបស់ខ្លួនដែល មានលេខ ‪015969798‬ និងលេខ ‪0888969798‬ មកបើកលុយយកសូមទូរស័ព្ទមកប្រាប់ខ្លួនផង រហូតមកដល់ថ្ងៃទី១២ ខែមិថុនា ឆ្នាំ២០១៨ ស្រាប់តែមានជនសង្ស័យឈ្មោះ ចាន់ ម៉េងឆាយ ភេទប្រុស អាយុ១៩ឆ្នាំ ជនជាតិខ្មែរ បានមកលួច បើក យកលុយរបស់ជនរងគ្រោះទៀតអស់មួយបុងចំនួន៦៧$ (ហុកសិបប្រាំពីរដុល្លារសហរដ្ឋអាមេរិក ) បើកនៅសាខាទ្រូម៉ានី សង្កាត់ចោមចៅទី៣ ហើយគេចខ្លួនបាត់ ។ លុះមកដល់ថ្ងៃទី១៣ ខែមិថុនា ឆ្នាំ២០១៨ វេលាម៉ោងប្រហែល១០:១០នាទី ស្រាប់តែមានជនសង្ស័យឈ្មោះ ចាន់ ម៉េងឆាយ ដដែលបានមកលួច បើកលុយទៀត ក៏ត្រូវបានខាងសា់ខាក្រុមហ៊ុនវេរលុយទ្រូម៉ានី នៅខាងសង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ បានទូរស័ព្ទប្រាប់ជនរងគ្រោះហើយជនរងគ្រោះនិងបងប្អូនក៏បានទៅឃាត់ខ្លួនជនសង្ស័យខាងលើយកមកប្រគល់ឲ្យសមត្ថកិច្ចនគរបាលប៉ុស្តិ៍រដ្ឋបាលទឹកល្អក់ទី៣ ចាត់ការតាមផ្លូវច្បាប់តែម្ដង ។

ផ្អែកតាមចម្លើយសារភាព របស់ជនសង្ស័យឈ្មោះ ចាន់ ម៉េងឆាយ បានសារភាពថា ៖ ខ្លួនបានមកលួចបើកយកលុយរបស់ជនរងគ្រោះនេះបាន៤ដង មកហើយដោយប្រើប្រាស់លេខទូរស័ព្ទដៃរបស់ជនរងគ្រោះយកទៅបើក ដែល មានលេខ ‪015969798‬ និងលេខ ‪0888969798‬ ហើយមានលេខកូដរបស់ភ្ញៀវដែលផ្ញើមកឲ្យដើម្បីយកទៅបើកយកលុយ ដែល មានទឹកប្រាក់សរុបចំនួន១៦៣$ (មួយរយហុកសិបបីដុល្លារសហរដ្ឋអាមេរិក) ។
បច្ចុប្បន្នជនសង្ស័យខាងលើកំពុងឃាត់ខ្លួនជាបណ្ដោះអាសន្ននៅ អធិការដ្ឋាននគរបាលខណ្ឌទួលគោក ដើម្បីសាកសួរ កសាងសំណុំរឿង និងបញ្ជូនជនសង្ស័យទៅសាលាដំបូងរាជធានីភ្នំពេញ ចាត់ការតាមនីតិវិធីច្បាប់ ៕ ស តារា

ប្រទេសចិន៖ គួឲ្យអាណិតណាស់ ​ឪពុក​ស្លាប់ ​ម្តាយ​រត់ចោល ខ្លួននៅតូច បែមកត្រូវ​រ៉ាប់រង​អម្រែក​ជីវិត​យ៉ាង​ធ្ងន់បំផុត ដោយ​ត្រូវ​មើលថែ​ប្អូន​តូចៗ ២​នាក់​ ។ ក្មេងៗ​ដែល​ធ្លាប់​ឆ្លងកាត់​ឧបសគ្គ​ច្រើន នឹង​មាន​ជីវិត​រឹងមាំ និង​មាន​ភាពចាស់ទុំ​ជាង​ក្មេង​ដែល​​មិន​ធ្លាប់​ឆ្លងកាត់​ការលំបាក ហើយ​រឿង​នេះ​បាន​កើតឡើង​ចំពោះ​កុមារ​រី​ម្នាក់ នៅ​ក្នុង​ភូមិតូច​មួយ ស្ថិតក្នុង​តំបន់ Nantang ខេត្ត Gaozhou ប្រទេស​ចិន​។​

នេះ​បើ​តាម​ការចេញផ្សាយ​របស់ Good Times​។​កាលពី ៣​ឆ្នាំមុន ឪពុក​របស់​នាង​បាន​ស្លាប់​ដោយសារ​ជំងឺមហារីក ចំណែក​ម្តាយ​បាន​រត់​ចោល​នាង ធ្វើឲ្យ​នាង​ទទួលរង​ការលំបាក​តាំង​ពី​តូច និង​ត្រូវ​មើលថែ​ប្អូនៗ ២​នាក់​អាយុ ៤​ឆ្នាំ និង ៦​ឆ្នាំ​។​

 

ដោយសារ​ឪពុក​ស្លាប់ និង​ម្តាយ​រត់ចោល នាង​តូច​ឈ្មោះ Xiao Ying អាយុ ១០ ត្រូវ​រ៉ាប់រង​លើអម្រែក​ជីវិត​​យ៉ាង​ធ្ងន់ និង​ត្រូវ​មើលថែ​ប្អូន​តូច​ទាំងពីរ ដោយសារ​តែ​គ្រួសារ​នាង​ក្រីក្រ និង​រស់នៅ​ក្នុង​ស្ថានភាព​​លំបាក​។​

​កិច្ចការ​ដែល​នាង​ត្រូវ​ធ្វើ​រាល់​ព្រឹក​គឺ បង្រៀន​ប្អូនៗ​ឲ្យ​ចេះ​សម្អាតខ្លួន​នៅ​ពេល​ព្រឹក ដូចជា​ដុសធ្មេញ​​ជាដើម និង​នាំ​ពួកគេ​ទៅ​សាលារៀន​។​ទោះ​បី​ត្រូវ​រ៉ាប់រង​មើលថែ​ប្អូនៗ​យ៉ាងណាក៏ដោយ Xiao Ying មិន​បោះបង់​ការសិក្សា​នោះទេ គឺ​នាង​ទៅ​រៀន​ជាមួយ​ប្អូនៗ​ដែរ​។ Xiao Ying ក៏​ជា​សិស្ស​គំរូ​ក្នុង​សាលា​ផងដែរ​។ ថ្ងៃ​មួយ​ក្នុង​សាលា​​របស់​នាង​មាន​ការ​ផ្តល់​អាហារ​ពេលព្រឹក មាន​បបរ​មួយ​ចាន និង​នំ​បុ័ង​មួយ​ដុំ ហើយ​នាង​ហូប​​តែ​បបរ និង​ទុក​នំ​មួយ​ដុំ​នោះ​សំរាប់​ឲ្យ​ប្អូនៗ​នៅ​ឯង​ផ្ទះហូប​។

ពេល​ចេញពី​សាលា នាង​ប្រញាប់​ទៅផ្ទះ ដើម្បី​ធ្វើ​ម្ហូប និង​ចំអិនបាយ​ឲ្យ​ប្អូនៗ​។ ម្ហូប​ដែល​ពួក​គេ​ហូប​ រៀងរាល់ថ្ងៃ គឺ​ឆា​បន្លែ​ទទេ​មិន​មាន​​សាច់​នោះទេ​។ ការរស់នៅ​ប្រចាំថ្ងៃ​ទទួល​បាន​ការ​ផ្គត់​ផ្គង​ពី​​ពូ​របស់​នាង ហើយ​ពេល​ខ្លះ អ្នកជិតខាង ក៏​មាន​ផ្តល់​អាហារ​ដូចជា​សាច់​ដល់​ពួកគេ​ដែរ​។​កិច្ចការ​រាល់​ថ្ងៃ​របស់​នាង គឺ​នាង​ត្រូវ​ដាំ​បាយ បោក​ខោ​អាវ​ឲ្យ​ប្អូន និង​កិច្ចការ​ផ្ទះ​ផ្សេងៗ​ទៀត ប៉ុន្តែ​នាង​ធ្វើ​វា​បាន​យ៉ាង​ស្ទាត់​ជំនាញ ដោយសារតែ​នាង​ជា​ក្មេងស្រី​មានជីវិត​លំបាក​តាំងពី​តូច ដូច្នេះ​​ការងារ​បែប​នេះ​វា​ធម្មតា​សំរាប់​នាង​ទៅ​ហើយ​។​

ទីបំផុត​ការតស៊ូ​របស់ Xiao Ying បាន​លិចលឺ​ដល់​ខាង​សាលា ហើយ​ខាង​សាលា​ក៏​បាន​រៀបចំ​ឲ្យមាន​ការបរិច្ចាក​ដើម្បី​សម្រួ​ល​ដល់​ការរស់នៅ​របស់​នាង​។ មាន​សប្បុរសជន​ជាច្រើន​បាន​ជួយផ្តល់​​ជា​លុយកាក់ និង​សម្ភារៈ ដើម្បី​ជួយ​ដល់​ការរស់នៅ​ប្រចាំថ្ងៃ​របស់​ពួកគេ​៕​

ភ្នំពេញ៖ ហេតុការណ៍នេះបានកើតឡើង កាលពីវេលាម៉ោង៥ព្រឹក ថ្ថ្ងៃទី១៣ ខែមិថុនា ឆ្នាំ២០១៨ នៅតាមផ្លូវបេតុង ភូមិត្រពាំងអញ្ចាញ សង្កាត់ត្រពាំងក្រសាំង ខណ្ឌពោធិ៍សែនជ័យ រាជធានីភ្នំពេញ រហូតដល់វរលាម៉ោង៦និង២០នាទីព្រឹកថ្ងៃដដែល ទើបស្ទូចយករថយន្តចេញពីកន្លែងកើតហេតុបាន ។

រថយន្តធ្លាក់ទឹក១គ្រឿងនោះម៉ាក EXUS GX-470 ពណ៍កាកអំពៅ ពាក់ស្លាកលេខភ្នំពេញ2AJ-2902 បើកបរដោយបុរសចំណាស់មិនស្គាល់ឈ្មោះម្នាក់ ។ ចំណែកបុរសម្នាក់មានសក់វែងកន្ទ្រើងប្រះស្មាស្លៀកខោខ្លីពណ៍ស ពាក់អាវយឺតពណ៍ក្រហមដៃខ្លី ពាក់មួកទាហ៊ានមានស៊ីញតករឹមត្រូវនិងស្បែកជើងផ្ទាត់នោះ ។ បានប្រាប់ថាខ្លួនឈ្មោះមាស សារិទ្ធ គឺជាកូនប្រុស លោកមាស សារ៉ាន់ ដែលជាអ្នកចម្រៀង ជាអ្នកបើករថយន្តទៀតផង ។

តាមប្រភពពីប្រជាពលរដ្ឋបានឲ្យដឹងថា នៅមុនពេលកើតហេតុ រថយន្តខាងលើបាន បើកបរធ្វើដំណើរក្នុងទិសដៅពីលិចទៅកើត ក្នុងល្បឿនលឿនគួរសមដែរ ។

លុះពេលទៅដល់ត្រង់ចំណុចកើតហេតុខាងលើស្រាប់តែរេចង្កូតជ្រុលធ្លាក់ចូលទៅក្នុងប្រឡាយទឹកទាំងកម្រោលតែម្ដង ។ ខណៈនោះមិនបានបណ្ដាលឲ្យអ្នកបើកបររងរបួសនោះឡើយ ហើយរហូតដល់ម៉ោង៦និង១០នាទីព្រឹកថ្ងៃដដែលទើបម្ចាស់យករថយន្តស្ទូចទៅស្ទូចរថយន្តនេះចេញពីទឹកទៅធ្វើការជួសជុលដោយខ្លួនឯង ៕

ភ្នំពេញ ៖ នគរបាលឃាត់ខ្លួន បុរស​ម្នាក់​បន្ទាប់ពីប៉ុនប៉ង​រំលោភ​ក្មួយ​ស្រី តែ​មិន​បាន​សម្រេចខណៈខឹង​ខ្ចី​លុយ​ឪពុក​មារបស់នារីរងគ្រោះ១​ម៉ឺន​រៀល​មិន​បាន ហេតុការណ៍នេះបានកើតឡើង កាលពី​វេលា​ម៉ោង​​១រំលង​អ​ធ្រា​ត្រ ​ឈាន​ចូល​ថ្ងៃទី១៣ ខែមិថុនា ឆ្នាំ២០១៨ នៅ​ភូមិ​គល់ សង្កាត់​កន្ទោក ខណ្ឌ​ពោធិ៍​សែន​ជ័យ ។

ជនរង​គ្រោះ​​ អាយុ​១៦​ឆ្នាំ មានស្រុកកណើតនៅ​ខេត្តតាកែវ ។ ចំណែកជនសង្ស័យ​មានឈ្មោះ ពៅ ឡុ​ង ភេទ​ប្រុស អាយុ​៣៧​ឆ្នាំ មុខរបរ​កម្មករ​សំណង់ ស្នាក់​នៅ​ភូមិ​កើតហេតុ​ខាងលើ មានស្រុក​កំណើត​នៅ​ស្រុក​វាល​វែង ខេត្តពោធិ៍សាត់ ។

ជនរងគ្រោះបានអោយដឹងថា ​នៅ​មុន​ពេល​កើតហេតុ​រូប​នាង​បាន​ចូល​ដេក​ដោយ​ចាក់​គន្លឹះទ្វារ​ជា​ធម្មតា និង​បើកភ្លើង ហើយ​បន្ទាប់​មក​នាង​បាន​មើល​ទូរស័ព្ទ​រហូត​ជិត​កណ្តាល​អា​ធ្រា​ត្រ ទើប​នាង​ដេក​លក់ ពេល​នាង​បានដឹង​ខ្លួន ឃើញ​ភ្លើង​បិទ ហើយ​ឃើញ​ជនសង្ស័យ​យក​ខ្នើយ​មក​ខ្ទប់មាត់​ នាង​ស្រែក​តែ​ម្តង ។

តាម​ប្រភព​ព័ត៌មាន​ពី​ឪពុកមា​ឈ្មោះ ប៉ុ​ល ច​ន្ថា មុខរបរ​លក់​ស្រា រស់នៅ​បន្ទប់​ជិត​គ្នា​បាន​ឲ្យ​ដឹង​ថា នៅ​មុន​ពេល​កើតហេតុ​នៅ​វេលា​ម៉ោង​ប្រមាណ​៤​ទៅ​៥​ល្ងាច ជនសង្ស័យ​ខាងលើ​បាន​ជឿ​ស្រា​គាត់​ចំនួន​មួយ​លី​ត្រ ហើយ​ខ្ចី​លុយ​គាត់​ទៀត​ តែ​គាត់​មិន​ឲ្យ​លុយឲ្យ​ជឿ​តែ​ស្រា លុះ​នៅ​វេលា​ម៉ោង​កើតហេតុ​ខាងលើ​ប្រពន្ធ​របស់​គាត់​លឺ​សូរ​សម្រែក​នៅ​ក្នុង​បន្ទប់​ជន​រង​គ្រោះ​នៅ​ពេល​នោះ ស្រាប់តែ​ជនសង្ស័យ​នៅ​ក្នុង​បន្ទប់​ក្មួយ​ស្រី​គាត់ តែ​មិន​ទាន់​បាន​រំលោភ​ឡើយ គ្រាន់តែ​បាន​យក​ខ្នើយ​ខ្ទប់មាត់​តែ​ប៉ុណ្ណោះ ។

ក្រោយ​ពេល​កើតហេតុ​ឪពុកមា និង​ម្ដាយមីង​បាន​ប្ដឹង​សមត្ថកិច្ច​ឲ្យ​មក​ជួយ​អន្តរាគមន៍ភ្លាម​ៗ​ផង​ដែរ ។

នៅចំពោះមុខសមត្ថកិច្ច​ជនសង្ស័យ​ខាងលើ​បាន​សារភាព​ថា នៅ​មុន​ពេល​កើតហេតុ​គាត់​បាន​ខ្ចី​លុយ ឪពុកមា​របស់​នាង​មែន លុះ​នៅ​ម៉ោង​កើតហេតុ​គាត់​បាន​ទៅ​ធាក់​ទ្វារ​ឪពុកមា​ដែល​លក់​ស្រា ចំនួន​មួយ​ជើង ហើយ​និយាយ​ថា​គ្រាន់តែ​លុយ​១០០០០​រៀល​ខ្ចី​មិន​បាន​ដែរ រួច​បាន​ដើរទៅ​បន្ទប់​នារី​រង​គ្រោះ​ខាងលើ​ដោយ​ធាក់​ទ្វារ​នារី​រង​គ្រោះ​ចំនួន​២​ជើង បណ្ដាល​ឲ្យ​របូតគន្លឹះទ្វារ ហើយ​បាន​ចូល​បន្ទប់​នារី​រង​គ្រោះ​មែន តែ​មិន​បាន​ធ្វើ​អី​ផ្សេង​នោះ​ឡើយ ហើយ​បន្ទាប់​មក​ស្រាប់តែ​ឪពុកមា និង​ម្ដាយមីង​នារី​រង​គ្រោះ​បាន​មក​វាយ និង​ចាប់​តែ​ម្ដង ។

បច្ចុប្បន្នជនសង្ស័យត្រូវបានសមត្ថកិច្ច​សាកសួរ និង​កសាង​សំណុំរឿង​បញ្ជូន​ទៅ​ផ្នែក​ព្រហ្មទណ្ឌ​ខណ្ឌ​ពោធិ៍​សែន​ជ័យ ដើម្បី​ចាត់ការ​តាម​នីតិវិធី ៕

ត្បូងឃ្មុំ៖ គម្របដបតែ​ អូអិឈិ​ ដែលត្រូវរង្វាន់​ ហើយត្រូវថៅកែយកពីកម្មករនោះ​ ពេលនេះ​ លោកឧត្ដមសេនីយ៍ទោ​ បែ​ន​ រ័ត្ន​ ស្នងការនគរបាលខេត្តត្បូងឃ្មុំ​ ដកហូតយកមករក្សាទុកនៅអធិការដ្ឋាននគរបាលស្រុកមេមត់ហើយ​ ដើម្បីទុកដោះស្រាយជូនប្អូនប្រុសម្ចាស់គម្របពិត​ ។​

ខាងក្រោមនេះជារបាយការណ៍លទ្ធផលស្រាវជ្រាវបឋមរបស់ស្នងការដ្ឋានខេត្តត្បូងឃ្មុំ​

សូមជម្រាបជូនបងប្អូនក្នុងបណ្តាញសង្គមទាំងអស់ បន្ទាប់ពីបានឃើញការបង្ហោះរបស់យុវជនម្នាក់ កាលពីរាត្រីទី១១មិថុនាភ្លាម។ ករណីនេះកម្លាំងនគរបាលខេត្តត្បូងឃ្មុំបាននិងកំពុងដំណើរការសុើបអង្កេត
ចម្លើយបឋម
*ករណីនេះជារឿងពឹត
*ពាក់ព័ន្ធមនុស្ស៣នាក់មានកម្មករ២នាក់(ម្នាក់ពិការ)ផ្តើមចេញពីលុយធិប៥ពាន់រៀលហើយនាំគ្នាទៅទិញទឹកអូអុិឈិ១ដបហូប២នាក់ និងថៅកែការ៉ាអូខេ វិមានទ្រព្យ ។
*រង្វាន់នេះមិនទាន់បើកបាននៅឡើយទេ ។
*អ្នកទាំង៣កំពុងបំពេញកំណត់ហេតុនៅអធិការដ្ឋាននគរបាលស្រុកមេមត់..
*យើងនិងទំនាក់ទំនងទៅក្រុមហុ៑នដើម្បីផ្អាកផ្តល់រង្វាន់សឹន រង់ចាំការដោះស្រាយបានចប់សព្វគ្រប់។
ពេលនេះមនុស្សទាំង៣ នាក់​ និងគម្របដបបាននិងកំពុងស្ថឹតនៅកន្លែងនគរបាលស្រុកមេមត់​ ៕

(មានវិដេអូ)

https://www.facebook.com/plugins/video.php?href=https%3A%2F%2Fwww.facebook.com%2F117473362451544%2Fvideos%2F144090866456460%2F&show_text=0&width=560
https://www.facebook.com/plugins/video.php?href=https%3A%2F%2Fwww.facebook.com%2Fhem.nimoul.3%2Fvideos%2F128553574693421%2F&show_text=0&width=267

ប្រភព៖ Pheng Vannak News

ហាណូយ៖ ដើមផ្លែគូលែន​របស់​​​​​​​​​​វៀតណាម ដែ​​​​​​​​​​លគេហៅថា ​​​​​​​​​​​​​​​​​​​​​ធីវ (Theiu) ត្រូវបានដាំ​​​​​​​​​​ដុះ​​​ដោយ​ផ្អែក​ទៅ​​​​​​​​​​​​លើ​​​​​​​​​​​​​​ស្តង់ដា​​​​​​​​​​​ វៀត​​​​​​​​​​​​​​​​​​​​​​​ហ្គេប (VietGAP) ឬ Gl​ob​​​​​​​​​​​alGAP ដែលត្រឹម​​​​​​​​​​ត្រូវ​តាម​​​ការកំណ​​​​​​​​​​​​ត់ទា​​​​​​​​​​​មទារ​យ៉ាងតឹងរ៉ឹង​ ​​​​​​​​​​​​នៃទីផ្សារ​នាំចេ​​​​​​​​​​​​​​​​​​​​​​​​​​​ញ​​​​​​​​​​​​​​​ដូចជា សហរដ្ឋ​​​​​​​​​​​​អាមេរិក អូស្រ្តាលី និងស​​​​​​​​​​​​ហភាពអឺរ៉ុប​ជាដើ​​​​​​​​​​​ម។ ម៉្យា​​​​​​​​​​​ងវិញ​ទៀត ពូ​​​​​​​​​​ជផ្លែ​​​​​​​​​​​​គូលែន​នេះ​ក៏​​​​​​​​​​​ត្រូ​​​​​​​​​​វបាន​​​​​​​នាំ​ចេញ​​​​​​​​​​​ទៅកា​​​​​​​​​​​​​​​​​​​​​​​​​​ន់​ទីផ្សារ​ដ៏ធំរប​​​​​​​​​​ស់ចិន​ផ​​​​​​​ងដែរ។

ខេត្ត ហៃដុង (Hai Duong) ភា​គខាងជើង​​​វៀតណាម​​​​​​​​​​ ដែលជា​តំប​​​​​​​​​​ន់​ល្បីឈ្មោះ​ស​​​​​​​​​​​ម្រាប់ពូ​​​​​​​​​​​​​​​​​​​​​​​​​​ជ​ផ្លែគូលែន​​ពិសេសម៉្យា​​​​​​​​​ងនោះ កំពុងគ្រោ​​​​​​​​​​​ងនឹង​ធ្វើ​​​​​​​​​​​​ការនាំចេ​​​​​​​​​​ញ​ប្រភេទផ្លែ​​​​​​​​​​​​​​​​​​​ឈើនេះ​ក្នុងចំ​​​​​​​​​​​នួន ១,០០០តោ​​​​​​​​​​ន ចេញ​​​​​​​​​​​​​​​​​​​​​​​​​​​ទៅក្រៅប្រទេស​នៅ​​​​​​​​​​ឆ្នាំ២០១៨ ​​​​​​​​​​​នេះ។ នេះបើតា​​​​​​​​​​​ម​ការដកស្រ​​​​​​​​​ង់​ការផ្សាយ​​​​​​​​​​​ចេញ​​​ពី​ ទីភ្នាក់​​​​​​​​​​​​ងារព័ត៌មាន​​​​​​​​​​​​ចិន ស៊ីនហួរ ​​​​​​​​​​​​​​​​​​​​នៅរសៀលថ្ងៃចន្ទ ទី១១​​​​​​​​​ ខែមិថុ​​​​​​​​​នា ​​​​​​​​​​​​​​ឆ្នាំ២០១៨។

សូមបញ្ជក់ដែរថា  បច្ចុ​​​​​​​​​​​​ប្បន្ន​ខេ​​​​​​​​​​​ត្ត Hai ​​​​​​​​Duong​​​​​​​​​​​​​​​​​​​ មានផ្ទៃដីដាំដុះ​​​​​​​​​​​​ដើមគូលែនទំ​​​​​​​​​​​​​ហំ​ប្រមាណ ​​​​​​​​​​​​១០,៥០០ហិ​​​​​​​​​​​​កតា ដែ​​​​​​​​​​​​​​​​​​​​លភាគច្រើន​គឺជាពូជ​​​​​​​​​​​គូលែន Thieu​​​​​​​​​​​ នៅ​ស្រុក​ថាញ់​​​​​​​​​​​​​​​​​​​ហា (Thanh Ha) ​​​​​​​​​​​និងក្រុ​ង​លិញ (​​​​​​​​​​Linh) ជាមួយទិ​​​​​​​​​​ន្ន​ផល​​​​​​​​​​​​​​​​​​​​​​​ប្រ​​​​​​​​​​ហែល ៦០,០០០តោន នៃផ្លែ​​​​​​​​​​​​ឈើ​​​​​​​​​​ស្រស់នេះ​​ក្នុ​​​​​​​​​​​​​​​​​​​​​​​ងមួយ​ឆ្នាំ​​​​​​​​​​​​​​​​​​​ៗ។ ​​​​​​​​​​​​​កាលពី​​​​​​​​​​ប៉ុន្មាន​ឆ្នាំមុ​​​​​​​​​​​​​ននេះ​​​​​​​​​​​ ប្រទេ​​​​​​​​​សចិន​ក៏​​​​​​​​​​​ធ្លាប់បាន​​​​​​​​​​​​​បិទ​កា​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​រនាំចូល​ផ្លែគូ​​​​​​​​​​​​លែន ពី​​​​​​​​​​​​​ប្រ​​​​​​​​​​​ទេស​វៀត​​​​​​​​​​​​ណា​​​​​​​​​​​ម​​ផងដែរ ​​​​​​​​​​ដោ​​​​​​​​​​​​​យសារតែការរកឃើញថា ផល្លា​នុផលនេះ​​​​​​​​​មានផ្ទុក​​សា​​​​​​​​​​រធាតុ​​​​​​​​​​​​​​​​​​​​​​​​​​​​​​​​​​​​​​គីមី​ខ្លាំង៕

កណ្តាលៈ ជនសង្ស័យ២នាក់ ក្នុងចំណោម៤នាក់ ត្រូ​វបានសមត្ថកិច្ចឃាត់ខ្លួន ក្រោយពីឆក់ទូ​រស័ព្ទពីនារីម្នាក់ ហើយដកកាំភ្លើងខ្លីបាញ់រះផ្អើលអស់សមត្ថកិច្ចនៅក្រុងតាខ្មៅ កាលពីវេលាម៉ោង ប្រមាណ៧៖១០នាទីយប់ថ្ងៃទី១០ ខែមិនា ឆ្នាំ២០១៨ នៅចំណុចភ្លើងស្តុបតាលន់ ភូមិថ្មី១ សង្កាត់តាខ្មៅ ក្រុងតាខ្មៅ ខេត្តកណ្តាល។

ជនល្មើសមានគ្នា៤នាក់មាន៖
ទី១.ឈ្មោះ ណុប ភារ៉ា ភេទប្រុស អាយុ១៨ឆ្នាំ ទីលំនៅភូមិព្រែករទាំង សង្កាត់ព្រែកកំពឹស ខណ្ឌដង្កោ ភ្នំពេញ អតីតសិស្សថ្នាក់ទី១២D សាលាសុវណ្ណភូមិ បានឈប់រៀនតាំងពីខែ១(ឃាត់ខ្លួន)។
ទី២.ឈ្មោះមឿង សុផៃ ភេទប្រុស អាយុ២០ឆ្នាំ ទីលំនៅភូមិព្រែករទាំង សង្កាត់ព្រែកកំពឹស ខណ្ឌដង្កោ ភ្នំពេញ មុខរបរនៅផ្ទះ(គេចខ្លួន)។
ទី៣.ឈ្មោះចាន់ វណ្ណី(នី) ភេទប្រុស អាយុ២០ឆ្នាំ ទីលំនៅភូមិព្រែកថ្លឹង សង្កាត់ព្រែកកំពឹស ខណ្ឌដង្កោ ភ្នំពេញ មុខរបរ នៅផ្ទះ(គេចខ្លួន)។
ទី៤.ឈ្មោះ ហួច លាងហួរ ភេទប្រុស អាយុ១៧ឆ្នាំ ទីលំនៅភូមិថ្មី១ សង្កាត់តាខ្មៅ ក្រុងតាខ្មៅ ខេត្តកណ្តាល (ឃាត់ខ្លួន)។
ក្រោយឃាត់ខ្លួនសមត្ថកិច្ចដកហូតវត្ថុតាង រួមមាន ៖ ស្រោមអាវុធខ្លីពណ៌ខ្មៅ១ ម៉ូតូសង់ប៉ិចមួយរគ្រឿង ពណ៌ខ្មៅបិតតែមពណ៌ទឹកប្រាក់ ស្លាកលេខ ភ្នំពេញ ១BF១៥៧៤។

តាមប្រភពសមត្ថកិច្ចបានអោយដឹងថា មុនពេលកើតហេតុ ជនរងគ្រោះបានជិះម៉ូតូជាមួយម្តាយចេញពីលក់ខោអាវនៅមាត់ទន្លេតាខ្មៅ ដោយម្តាយជាអ្នកឌុបហើយជនរងគ្រោះអង្គុយខាងក្រោយកាន់ទូរស័ព្ទ iPhone 6 ពេលនោះក៏មានជនល្មើស៤នាក់ ជិះម៉ូតូ២គ្រឿង ដោយមួយគ្រឿងម៉ាកសង់ប៉ិចពណ៌ខ្មៅបិតតែមទឹកប្រាក់ និងមួយគ្រឿងទៀតម៉ាក Nex ពណ៌ស មិនចាំស្លាកលេខ ជិះមកទន្ទឹម ហើយជនល្មើសម្នាក់ឈ្មោះ នី បានឆក់ទូរស័ព្ទពីដៃជនរងគ្រោះយកទៅ ពេលនោះជនរងគ្រោះបានស្រែកថា ចោរៗ ហើយជនល្មើសម្នាក់ទៀតឈ្មោះ មឿង សុផៃ បានដកអាវុធខ្លីម៉ាក K៥៤ អាមេភ្ជង់បាញ់ជនរងគ្រោះ និងសមត្ថកិច្ចចរាចរណ៍ ដែលយាមនៅទីនោះតែមិនបាញ់ ហើយក៏ត្រូវសមត្ថកិច្ច និងប្រជាពលរដ្ឋចាប់ឃាត់ខ្លួនបានម្នាក់ ឈ្មោះ ណុប ភារ៉ាព្រមទាំងវត្ថុតាងដូចខាងលើ បញ្ជូនមកកាន់អធិការដ្ឋាននគរបាលក្រុងតាខ្មៅដើម្បីធ្វើការសាកសួរ ។

យោងតាមចម្លើ​យរបស់ឈ្មោះ ណុប ភារ៉ា នៅថ្ងៃទី១១ ខែឆ្នាំដដែល សមត្ថកិច្ចបានបន្តឃាត់ខ្លួនជនល្មើ​សបានម្នាក់ទៀតឈ្មោះ ហួច លាងហួរ ភេទប្រុស អាយុ១៧ឆ្នាំ៕