រថយន្ត​​ដឹក ប្រេងក្រុមហ៊ុន​តេ​លាក្រឡាប់​សង្កត់​អ្នកជិះ​ម៉ូតូដឹក​មាន់ ​ស្លាប់យ៉ាងអាណោចអធម៌ ហើយក្រោយពេលកើតហេតុម្តាយបង្កើតរបស់ជនរងគ្រោះបានមកដល់ ហើយបានយំសោកបោកខ្លួនគួឲ្យអាសូរ

ភ្នំពេញ ៖ នៅ​រសៀល​ថ្ងៃទី ២៩ ខែឧសភា ឆ្នាំ២០១៨ រថយន្ត​ក្រុមហ៊ុន​តេ​លា​ដឹក​ប្រេង មួយគ្រឿង បាន​ក្រឡាប់​សង្កត់​អ្នកជិះ​ដឹក​មាន់ នៅតាម​បណ្តោយ​ផ្លូវ២០អា ភូមិ​សិរិ​សម្បត្តិ សង្កាត់ គង​នយ ខណ្ឌដង្កោ រាជធានីភ្នំពេញ។

បើតាមសម្តីម្តាយជនរងគ្រោះបានប្រាប់ថា កូនគាត់មានមុខរបរជាអ្នកដើរមេក្រូ ហើយពេលទំនេរដឹកមាន់យកមកលក់ដើម្បីជួយដោះស្រាយជីវភាពគ្រួសារ តែដោយសារអកុសលក៍បានជួបគ្រោះថ្នាក់ចរាចរណ៍បណ្តាលឲ្យស្លាប់បាត់ជីវិតភ្លាមៗនៅកន្លែងកើតហេតុភ្លាមៗតែម្តង។

ម្តាយជនរងគ្រោះមិនបានបញ្ជាក់ពីអត្តសញ្ញាណជនរងគ្រោះទេ ដោយសារតែគាត់មានសភាពតក់ស្លុតពេកនិយាយមិនចេញ ជនរងគ្រោះ​ជិះ​ម៉ូតូ​ម៉ាក​សង់​កូរ៉េ ពណ៌​ក្រហម ពាក់​ស្លាក​លេខ កណ្តាល 1K-3356  ម្តាយជនរងគ្រោះបានបន្តថា ជនរងគ្រោះមានកូនប្រុសពីនាក់នៅក្នុងបន្ទុកគ្រួសារទៀតផង។

ចំណែកតៃកុងរថយន្ដសណ្តោងសុីទែនមានឈ្មោះ​ រស់​ អៀងលី​ ភេទប្រុស​ អាយុ៤១ឆ្នាំ​ មុខរបរបើកបររថយន្ត​ មានទីលំនៅភូមិឡកំបោ​ សង្កាត់ស្វាយប៉ាក ខណ្ឌឫស្សីកែវ​ រាជធានីភ្នំពេញ​ ។

យោងតាមប្រភព័ត៌មានពីកន្លែងកើតហេតុបានប្រាប់អោយដឹងថា មុនពេលកើតហេតុគេបានឃើញម៉ូតូមួយគ្រឿងម៉ាក សង់កូរ៉េ ពណ៌ក្រហម ដែលពាក់ស្លាកលេខកណ្ដាល1k-3356 ធ្វើដំណើក្នុងទិសពីលិចទៅកើតដោយដឹកមាន់ លុះមកដល់កន្លែងកើតហេតុក៏បានរអិលដួលភ្លាមៗនោះក៏មានរថយន្ដសុីទែនប្រេងរបស់ក្រុមហ៊ុន កម្ពុជា តេលា មកពីក្រោយក្នុងល្បឿនលឿន ស្រាប់តែមកដល់កន្លែងកើតហេតុបានជាន់ហ្វាំងទាំងបង្ខំបណ្ដាលអោយរថយន្ដក្រឡប់សង្កត់ទៅលើម៉ូតូជនរងគ្រោះអូសជាង១០ម៉ែត្របណ្ដាលស្លាប់ភ្លាមៗយ៉ាងអាណោចអាធម៌ ។ ដោយឡែកតៃកុងរថយន្ដបានចុះរត់គេចខ្លួន តែត្រូវសមត្ថកិច្ចប៉ុស្ដិ៍គងណយធ្វើការឃាត់ខ្លួនបានភ្លាមៗ ។

ក្រោយ​កើតហេតុ គេ​ឃើញ​ខាង​ក្រុមហ៊ុន​យក​រថយន្ត​មួយគ្រឿង​ទៀត​មក​បូម​ប្រេង​ពី​រថយន្ត ដែល​ក្រឡាប់នោះ ។

សព​ជនរងគ្រោះ​ត្រូវ​រថយន្ត​របស់​គ្លីនិក​ជន​ឯកជន​ដឹក​យកទៅ​តម្កល់ទុកដើម្បីឲ្យគ្រួសារបស់យកទៅធ្វើបុណ្យតាមប្រពៃណីយ ៕

(មានវិដេអូ)

https://www.facebook.com/plugins/video.php?href=https%3A%2F%2Fwww.facebook.com%2Fsoungsam.soungsam.98%2Fvideos%2F161486328032660%2F&show_text=0&width=560

https://www.facebook.com/plugins/video.php?href=https%3A%2F%2Fwww.facebook.com%2Fpostnews.m%2Fvideos%2F1728030267316531%2F&show_text=0&width=560

ដោយ៖ សុវណ្ណ ដេត
ប្រភព៖ FB

ភ្នំពេញ ៖ បុរសម្នាក់ត្រូវបានរាយការណ៍មកថា បានស្លាប់ក្នុង រថយន្តខណៈកំពុង បើកបរតាមផ្លូវ នៅព្រឹកថ្ងៃទី២៩ ខែឧសភា ឆ្នាំ២០១៨នេះ ស្ថិតនៅក្នុងខណ្ឌសែនសុខ។

ភ្នំពេញ៖ សម្តេចតេជោ ហ៊ុន សែន នាយករដ្ឋមន្រ្តីកម្ពុជា បានប្រកាសអបអរសាទរ ចំពោះគណបក្សប្រជាជនកម្ពុជា លេខរៀងទី២០ សម្រាប់ការបោះឆ្នោតជ្រើសតាំង តំណាងរាស្រ្តនីតិកាលទី៦។

សម្តេចតេជោ បានថ្លែងអរគុណបងប្អូនជនរួមជាតិ និងក្មួយៗយុវជន ព្រមទាំងកូនក្មួយកម្មករកម្មការិនី ដែលមានជំនឿជឿជាក់ គាំទ្រ និងបោះឆ្នោតជូន គណបក្សប្រជាជនកម្ពុជា ទាំងក្នុអាណត្តិមុនៗ និងនៅក្នុងអាណត្តិនេះ ដែលមានលេខរៀងទី២០។

នៅព្រឹកថ្ងៃទី២៩ខែឧសភានេះ គណៈកម្មាធិការជាតិ រៀបចំការបោះឆ្នោត (គ.ជ.ប) បានធ្វើការចាប់លេខរៀង គណបក្សនយោបាយទាំង២០ សម្រាប់ការចូលរួមបោះឆ្នោតជ្រើសតាំងតំណាងរាស្ត្រនីតិកាលទី៦ នៅថ្ងៃទី២៩ ខែកក្កដា ឆ្នាំ ២០១៨ ខាងមុខ។

សម្តេចនាយករដ្ឋមន្រ្តី បានបញ្ជាក់ថា “គណបក្សប្រជនកម្ពុជា ត្រូវចាប់លេខរៀងបានលេខទី២០ ដែលជាលេខងាយស្រួល ចំណាំដល់ពលរដ្ឋទូទាំងប្រទេស។ គ.ជ.ប នឹងដាក់បង្ហាញ ការបោះពុម្ព ទម្រង់សន្លឹកឆ្នោត នៅពេលឆាប់ៗនេះ”។

ខាងក្រោមនេះជាលេខរៀងរបស់ គណៈបក្សនយោបាយនានា ដែល(គ.ជ.ប) បានធ្វើការចាប់លេខរៀងនៅព្រឹកថ្ងៃទី ២៩ ខែ ឧសភា ឆ្នាំ ២០១៨៖

លេខ១ បានទៅលើគណបក្ស គណបក្សខ្មែររួបរួមជាតិ

–លេខ២ បានទៅលើគណបក្ស គណបក្សមាតុភូមិយើង

–លេខ៣ បានទៅលើគណបក្ស គណបក្សពន្លឺថ្មី

–លេខ៤ បានទៅលើគណបក្ស សញ្ជាតិកម្ពុជា

–លេខ៥ បានទៅលើគណបក្ស ខ្មែរក្រោក

–លេខ៦ បានទៅលើគណបក្ស សំបុកឃ្មុំ

–លេខ៧ បានទៅលើគណបក្ស ប្រជាធិបតេយ្យមូលដ្ឋាន

–លេខ៨ បានទៅលើគណបក្ស ខ្មែរសាធារណរដ្ឋប្រជាធិបតេយ្យ

–លេខ៩ បានទៅលើគណបក្ស រស្មីខេមរា

–លេខ១០ បានទៅលើគណបក្ស សម្ព័ន្ធដើម្បីប្រជាធិបតេយ្យ

–លេខ១១ បានទៅលើគណបក្ស ខ្មែរសាធារណរដ្ឋ

–លេខ១២ បានទៅលើគណបក្ស ខ្មែរឈប់ក្រ

–លេខ១៣ បានទៅលើគណបក្ស ហ្វ៊ុនស៊ិនប៉ិច

–លេខ១៤ បានទៅលើគណបក្ស ខ្មែរអភិវឌ្ឍន៍សេដ្ឋកិច្ច

–លេខ១៥ បានទៅលើគណបក្ស យុវជនកម្ពុជា

–លេខ១៦ បានទៅលើគណបក្ស ធម្មាធិបតេយ្យ

–លេខ១៧ បានទៅលើគណបក្ស ឆន្ទះខ្មែរ

–លេខ១៨ បានទៅលើគណបក្ស ជនជាតិដើមប្រជាធិបតេយ្យកម្ពុជា

–លេខ១៩ បានទៅលើគណបក្ស ខ្មែរតែមួយ

–លេខ២០ បានទៅលើគណបក្ស ប្រជាជនកម្ពុជា៕

(ភ្នំពេញ)៖ នៅព្រឹកថ្ងៃទី២៩ ខែឧសភា ឆ្នាំ២០១៨នេះ សមត្ថកិច្ចព្រហ្មទណ្ឌ នៃស្នងការដ្ឋាននគរបាលរាជធានីភ្នំពេញ បានបញ្ជូនខ្លួនជនសង្ស័យ ជានគរបាលខណ្ឌព្រែកព្នៅម្នាក់ទៀត មកកាន់សាលាដំបូងរាជធានីភ្នំពេញ ដើម្បីចាត់ការតាមនីតិវិធីច្បាប់ ដោយសាររឿងបាញ់បោះសេរី។

ភ្នំពេញ​ ៖ ថៅកែស្រីយួនកាត់ចិននេះ ​ផ្តល់​ត្រឹម​៦០$ក្នុង១ខែ ហើយវាយធ្វើបាបរាល់ថ្ងៃ ។រឿងរ៉ាវ​ខាងលើ​នេះ គឺជា​ការ​ភ្ញាក់ផ្អើល​ថ្មី​មួយទៀត​ជុំវិញ​ការ​ធ្វើ​ទារុណ​លើ​អ្នកបម្រើ​ប្រៀប​ដូច​សត្វ​ធាតុ ។ មិនដឹង​ថា រយៈពេល​៤​ឆ្នាំ​ដែល​ក្មេង​ស្រី​រូប​នេះ​រស់នៅ​ស៊ី​ឈ្នួល​បម្រើ​នៅផ្ទះ​ខាងលើ ទទួល​ភាព​ខ្លាច​ផ្សា​មាន​ទម្ងន់​កម្រិត​ណា​នោះ​ឡើយ ទំនង​ស្ទើរតែ​គ្មាន​វាចា​នឹង​ថ្លែង​ឱ្យ​អស់​នូវ​ទ​ង្វើ​អមនុស្សធម៌​នេះ​បាន​ឡើយ។

 ក្មេង​ស្រី​ជំទង់​ម្នាក់ ​ដែល​បាន​ស្នាក់​នៅ​ស៊ីឈ្នួល​បម្រើ​នៅ​ក្នុងផ្ទះ​អ្នកលក់​សម្លៀក​បំពាក់​មួយ​កន្លែង បាន​រង​នូវ​ទារុណកម្ម​ពី​សំណាក់​ថៅកែ​ស្រី​របស់​ខ្លួន​អស់​រយៈពេល​៤​ឆ្នាំ​មក​ហើយ គួរ​ឱ្យ​សង្វេគ​ណាស់ ។ តាម​ប្រភព​ព័ត៌មាន​ស្តី​ពី​រឿងរ៉ាវ​ខ្លោចផ្សារនេះ ​ត្រូវ​បាន​លាតត្រដាង​ឱ្យ​ដឹង​ថា ពេល​ខ្លះ​នាង​ត្រូវ​ថៅកែ​ស្រី​ធ្វើ​ទារុណកម្ម ដោយ​ការ​ឱ្យ​ហូប​អាហារ​មិន​គ្រប់គ្រាន់ ក្នុង​មួយ​ថ្ងៃ​ឱ្យ​ហូប​តែ​២​ពេល​​ទេ គឺ​នៅ​
ពេល​ព្រឹក​ម្ដង និង​ពេល​ល្ងាច ​ឬ​យប់​ម្ដង ឯ​ពេល​ថ្ងៃត្រង់​គឺ​អត់ឱ្យ​ហូប​អ្វី​ឡើយ ។ ជាង​នេះ​ទៀត ថៅកែ​ស្រី សាច់​.​ស​ចិត្តខ្មៅ​នេះ បាន​វាយដំ ​ឬ​ក៏​យក​ម្ជុលដេរ​ចាក់​ពេល​ឆេះដុំ​ម្តង​ៗ និង​ពេល​ខ្លះ ​ឈាន​ដល់​ការ​បង្អត់​អាហារ ឬ​ចាក់សោ​បង្ខាំង​នាង​ទុក​នៅ​ក្នុងផ្ទះ​ថែម​ទៀត​ផង ​ចង់​ល្ងីល្ងើ​ទៅ​ហើយ ។

ភាព​សាហាវព្រៃផ្សៃដែល​ជន​ទូទៅ​ចាត់​ទុក​ថា ​ជា​ភាព​អមនុស្សធម៌​នេះ បាន​អូស​បន្លាយ​រយៈពេល​៤​ឆ្នាំ​កន្លង​មក​​ហើយ តាំងពី​នាង​ទើបមាន​អាយុ​១២​ឆ្នាំ​ម្លេះ តែ​មិន​ត្រូវ​បាន​គេ​ដឹង​ទេ ព្រោះ​ថៅកែ​ស្រី​មុខ​មិន​ញញឹម​រូប​នេះ​ គំរាម​មិន​ឲ្យ​នាង​ប្រាប់​អ្នក​ជិតខាង ​ឬ​ប្រាប់​ម្ដាយ​ឡើយ ។ ប៉ុន្តែ​ក្នុង​ពេល​ថ្មី​ៗ​នេះ ត្រូវ​បាន​អ្នក​ជិតខាង​ដឹង ក៏​បាន​រាយការណ៍​ជូន​នគរបាល​ឱ្យ​​ទៅ​រំដោះ​នាង​ចេញ និង​បង្ក​ឲ្យ​មានការ​ភ្ញាក់ផ្អើល​យ៉ាង​ខ្លាំង ។
ហេតុការណ៍​នេះ បាន​កើតឡើង​កាលពី​វេលា​ម៉ោង​០៥ ​និង​៣០​នាទី​ល្ងាច​ថ្ងៃ​ទី​២៧  ឧសភា នៅ​ផ្សារ​បុរី​សន្តិ​ភាព​២ ស្ថិត​ក្នុងភូមិ​ដំណាក់​ត្រ​យឹ​ង សង្កាត់​ចោម​ចៅ​២ ខណ្ឌ​ពោធិ៍​សែន​ជ័យ ។

មន្ត្រី​នគរបាល​ឱ្យ​ដឹង​ថា ក្មេង​ស្រី​ជំទង់​ខាងលើ​ ឈ្មោះ ជា ស្រី​នូ ហៅ​ស្រី​ពៅ អាយុ​១៦​ឆ្នាំ មានស្រុក​កំណើត​នៅ​ភូមិ​ទំនប់​ថ្មី ឃុំ​ត្រពាំង​តា​វ ស្រុក​អន្លង់​វែង ខេត្តឧត្តរមានជ័យ ។ នាង​មាន​បងប្អូន​រហូត​ដល់​៩​នាក់​ (​ប្រុស​៤​នាក់​ និង​ស្រី​៥​នាក់​) ហើយ​នាង​គឺជា​កូន​ទី​៨ ។ ឪពុក​នាង​ឈ្មោះ ជា សួ អាយុ​៦៨​ឆ្នាំ កំពុង​មាន​ជំងឺ​ធ្ងន់​នៅ​នឹង​កន្ទេល​ក្រោក​មិន​រួច ម្តាយ​ឈ្មោះ ឡេ ឡាយ អាយុ​៦៥​ឆ្នាំ ជា​លក់​បន្លែ​បន្តិចបន្តួច ហើយ​ជីវភាព​គ្រួសារ​យ៉ាប់យ៉ឺន​បំផុត ។ តាម​ធម្មតា​ទៅ​ហើយ ​ឱ្យ​តែ​ឮ​ថា​មានកូន​ច្រើន​ប្រាកដ​ណាស់​ជា​គ្រួសារ​ក្រីក្រ​ដូច​ពាក្យ​ចាស់​ពោល​ថា អ្នក​មានកូន​តិច អ្នកក្រ​កូន​ច្រើន ស្រួល​​មិន​ស្រួល​មួយ​ឆ្នាំ​មួយ​ផង ។នាង​បាន​មក​ស៊ីឈ្នួល​ធ្វើ​ការងារ​នៅផ្ទះ​លក់សម្លៀក​បំពាក់​ខាងលើ​៤​ឆ្នាំ​មក​ហើយ គឺ​តាំងពី​នាង​ទើប​មាន​អាយុ​១២​ឆ្នាំ​កម្លេះ ។ ការ​រសាត់អណ្តែត​មក​រស់នៅ​ក្នុងផ្ទះ​ខាងលើ ​ដែល​ថៅកែ​ស្រី​ជា​ជនជាតិ​វៀតណាម​ កាត់​ចិន មិន​ដែល​បាន​សេចក្ដីសុខ​ម្តងណា​ឡើយ គឺ​ស្គាល់​តែ​ទុក្ខ​និង​រង​ទារុណកម្ម រហូត​មាន​ស្លាកស្នាម​ជាំ​ពេញ​ខ្លួនប្រាណ អត់​មាន​អ្នក​ជួយ ។ ប្រភព​ដដែល​បន្ត​ថា ចំណែក​ថៅកែ​ស្រី​ចិត្ត​អប្រិយ​ គ្មាន​ធម៌​មេត្តា​នេះ​ឈ្មោះ ម៉េ​ង រ័​ត្ន​ពិសី ហៅ​សុភា អាយុ​៣៣​ឆ្នាំ ជា​ជនជាតិ​វៀតណាម​កាត់​ចិន​ បន្លំ​ប្រើ​ឈ្មោះ​ខ្មែរ​មាន​ប្តី​ឈ្មោះ សុខ ទី អាយុ​៣៣​ឆ្នាំ ។ ប្តី​ប្រពន្ធ​នេះ ​មានកូន​ស្រី​ម្នាក់​ក្នុង​បន្ទុក និង​មានមុខ​របរ​លក់​សម្លៀក​បំពាក់​នៅ​នឹង​ផ្ទះ​របស់​ខ្លួន ។ ស្ត្រី​ជា​ថៅកែ​ជាប់ចោទ ត្រូវ​បាន​ឃាត់ខ្លួន​នាំ​ទៅ​សាកសួរ​និង​កសាង​សំណុំរឿង​ចាត់ការ​តាម​ច្បាប់ ចំណែក​បុរស​ជា​ប្ដី​មិន​ត្រូវ​បាន​ឃាត់ខ្លួន​ទេ ។

ក្មេង​ស្រី​ខាងលើ​បាន​រៀបរាប់​ប្រាប់​នគរបាល​ថា ដោយសារ​ជីវភាព​គ្រួសារ​ទីទ័ល​ក្រ​ខ្លាំង​ពេក នាង​មិន​បាន​រៀនសូត្រ​ដូច​ក្មេង​ៗ​ ដទៃ​ទៀត​ឡើយ​។ នៅ​អាយុ​១២​ឆ្នាំ គឺ​នៅ​ឆ្នាំ​២០១៤ នាង​បាន​ឃ្លាតឆ្ងាយ​ពី​ឪពុក​ម្ដាយ​និង​បងប្អូន​ជាទី​ស្រឡាញ់ ព្រមទាំង​ផ្ទះសម្បែង មក​រស់នៅ​ស៊ីឈ្នួល​បម្រើ​ថៅកែ​ស្រី​រូប​នេះ ។ នាង​ទទួល​បាន​​ប្រាក់​ឈ្នួល​ក្នុង​១​ខែ ​ចំនួន​៦០​ដុល្លារ​ជា​រៀង​រាល់​ខែ ដើម្បី​យក​ទៅ​ទិញ​ថ្នាំ​ព្យាបាល​ជំងឺ​ឪពុក​ ។ ជា​រៀងរាល់ថ្ងៃ នាង​ត្រូវធ្វើ​ការងារ​គ្មាន​ពេល​ឈប់​ សម្រាក​ឡើយ តាំងពី​ព្រលឹម​រហូត​ដល់​យប់ ។ មិនតែប៉ុណ្ណោះ​ ធ្វើ​មិន​ដែល​ត្រូវចិត្ត​ថៅកែ​ស្រី​នេះ​ម្ដងណា​ឡើយ គឺ​តែងតែ​ទាស់ចិត្ត​រហូត ហើយ​មិន​ដែល​ទទួល​បានការ​និយាយ​ផ្អែមល្ហែម​ម្ដងណា​សោះ ថ្ងៃ​ណា​ក៏​ត្រូវ​ថៅកែ​ពាក់មុខយក្ស​ដាក់​នាង​ដែរ ។

ក្មេង​ស្រី​រូប​នេះ​រៀបរាប់​ទៀត​ថា នាង​ត្រូវ​បាន​ថៅកែ​ស្រី​ម្នាក់​នេះ ​វាយ​ធ្វើបាប​ស្ទើរ​រាល់ថ្ងៃ ជួនកាល​យក​ម្ជុលដេរ​ខោអាវ​ចាក់ ឬ​ចាក់សោ​បង្ខាំង ហើយ​១​ថ្ងៃ​ឲ្យ​នាង​ហូប​បាយ​តែ​២​ពេល​ប៉ុណ្ណោះ គឺ​នៅ​ពេល​ព្រឹក​ម្ដង និង​ពេល​ល្ងាច​ម្ដង ឯ​នៅ​ពេល​ថ្ងៃត្រង់​អត់​ឲ្យ​ហូប​ទេ ។ ជាង​នេះ​ទៀត មាន​ពេល​ខ្លះ​បង្អត់​ពេញ​១​ថ្ងៃ​តែ​ម្ដង ឲ្យ​តែ​ហ៊ាន​ធ្វើ​អ្វី​ខុសចិត្ត​បន្តិច​នោះ ។ ថៅកែ​ស្រី​នេះ តែងតែ​គំរាមកំហែង​មិន​ឲ្យ​នាង​និយាយ​ទូរស័ព្ទ​ឆ្លើយឆ្លង​ជាមួយ​ម្ដាយ​នាង​ទេ ហើយ​ក៏​មិន​ឲ្យ​និយាយ​រឿង​ធ្វើ​ទារុណកម្ម​មក​លើ​រូប​នាង​​ប្រាប់​ដល់​អ្នក​ជិតខាង​ដែរ គឺ​ការ​រស់នៅ​ក្នុងផ្ទះ​នោះ​មិន​ខុស​ពី​ជាប់គុក​ឡើយ ។

ក្មេង​ស្រី​រង​គ្រោះ​បាន​រៀបរាប់​ប្រាប់​នគរបាលទៀត​ថា នាង​ទទួល​បាន​ប្រាក់​ឈ្នួល​៦០​ដុល្លារ​ពី​ថៅកែ​នេះ​រយៈពេល​៣​ឆ្នាំ លុះ​មក​ដល់​ឆ្នាំទី​៤​នេះ ត្រូវ​បាន​ថៅកែ​ដំឡើង​ឲ្យ​បាន​ដល់​១០០​ដុល្លារ ។ ចំណែក​ឪពុក​ម្ដាយ​នាង​មិន​បានដឹង​ថា នាង​ទទួល​រង​ទុក្ខវេទនា​បែប​នេះ​ទេ ពួក​គាត់​នឹក​ស្មានថា​ នាង​បាន​សេចក្ដីសុខ ។ ថ្មី​ៗ​នេះ​ពួក​គាត់​បាន​ខ្ចី​លុយ​ពី​ថៅកែ​នេះ​១០០​ដុល្លារ​មុន​ថែម​ទៀត​ផង ដោយ​ឲ្យ​នាង​ធ្វើការ​សង​រំលស់​ឲ្យ​ថៅកែ ។

មន្ត្រី​នគរបាល​និយាយ​ថា អំពើ​ហិង្សា​ដោយការ​ប្រើ​ទារុណកម្ម​លើ​ក្មេង​ស្រី​នេះ​ មាន​រយៈពេល​៤​ឆ្នាំ​មក​ហើយ ប៉ុន្តែ​មិន​មាន​នរណា​ម្នាក់​បានដឹងឡើយ សូ​ម្បី​តែ​ក្រុម​គ្រួសារ​ក្មេង​ស្រី​ក៏​ដោយនិង​ទើបតែ​ពេល​ថ្មី​ៗ​នេះ ត្រូវ​អ្នក​ជិតខាង​ដឹងហើយ​លួច​រាយការណ៍​ជូន​នគរបាល​ប៉ុស្តិ៍​ចោម​ចៅ​២ ទៅ​រំដោះ​ក្មេង​ស្រី​រង​គ្រោះ​ចេញពីផ្ទះ​នោះ ។

អ្វី​ដែល​គួរ​ឲ្យ​កត់សម្គាល់ គឺ​ខណៈ​មន្ត្រី​សមត្ថកិច្ច​ទៅ​ដល់​ស្ត្រី​ជា​ថៅកែ​រូប​នេះ​ បាន​ឈរ​ជ្រែង​ស្រែក​ឡូឡា​ប្រឆាំង​នឹង​នគរបាល​ថែម​ទៀត​ផង ។ ប៉ុន្តែ​យ៉ាងណា​ក៏​ដោយ នគរបាល​បាន​ឃាត់ខ្លួន​ស្ត្រី​ខាងលើ​នាំ​ទៅ​សាកសួរ​នៅ​ប៉ុស្តិ៍ និង​កសាង​សំណុំរឿង​ចាត់ការ​តាម​ច្បាប់ ។ ចំណែក​ក្មេង​ស្រី​ប្រគល់​ជូន​ក្រុម​គ្រួសារ​នាង​វិញ៕

ដោយ វុន សុខជា​

បន្ទាយមានជ័យ៖ កាលពីរសៀលថ្ងៃទី២៨ ខែឧសភា ឆ្នាំ២០១៨នេះ ពលរដ្ឋនិងកម្មករសំណង់បានប្រទះឃើញសពបុរសម្នាក់បានដេកអាក្រាតកាយនៅជើងភ្នំខ្លាកូនខាងក្រោយវិទ្យាល័យនេះនាភូមិខ្លាកូនសង្កាត់កំពង់ស្វាយក្រុងសិរីសោភ័ណ្ឌ ។

សពនោះមានសភាពហើមស្អុយរលួយនៅជើងភ្នំខ្លាកូនថ្មី ក្នុងរូបរាងអាក្រាតកាយ ខាងត្បូងវិទ្យាល័យហ៊ុនសែន ខ្លាកូន ប្រមាណ ៧០០ម៉ែត្រ។
សាភាពនៃសាកសព ៖
សពជើងកន្ធែកដៃលាតអត់ខោមានតែអាវយឺតដៃខ្លីក្រហម។ ឯខោខូវប៊យដែលស្រាតប្រឡាក់ឈាមនៅឆ្ងាយពីសព១៥ម។ យោងការធ្វើកោសល្យវិច្ច័យសពបានរងរបួសបែកក្បាលពីក្រោយ៤ស.ម ដាច់ចង្ការ៥ស.ម សៀតផ្កាឆ្វេងស្នាមដាច់៣ស.ម បបូរមាត់លើដាច់៣ស.ម អាចស្លាប់ពី៥ទៅ៧ថ្ងៃមកហើយ ។

ភ្នំពេញ៖ ករណីក្មេងស្រីម្នាក់ ដែលត្រូវថៅកែវាយធ្វើបាបនៅបុរីសន្តិភាព២នោះ ឥលូវម្តាយក្មេងស្រីរងគ្រោះ កំពុងតាមរកបងស្រីរបស់គេម្នាក់ទៀតដែលមកធ្វើកានៅផ្ទះគេមួយកន្លែងទៀតនៅខ័ណ្ឌដូនពេញ ។

កាលពីម៉ោង១១៖២០នាទីយប់ ត្រូវថ្ងៃទី២៨ ខែឧសភា ឆ្នាំ២០១៨ នៅសង្កាត់ផ្សារ កណ្តាល១ ខ័ណ្ឌដូនពេញ បងស្រីនាងមានអាយុ១៧ឆ្នាំ ធ្វើការ​បំរើតាមផ្ទះអស់រយៈពេល៣ឆ្នាំហើយ ម្តាយក្មេងស្រីនោះ បារម្ភ​ខ្លាចគេធ្វើបាប ក៏ចង់យកកូនមកនៅជាមួយវិញ អោយម្ចាស់ផ្ទះនោះ ដឹកយកកូនស្រីគាត់មកដាក់ នៅនឹងប៉ុស្តិ៍ផ្សារកណ្តាល១​ ផ្អើលទៅដល់ប្រជាពលរដ្ឋ ស្មានថាមានគេវាយ ធ្វើបាបក្មេងស្រីនោះ ដូចជាប្អូនរបស់នាង ប៉ន្តែតាមសម្តីក្មេងស្រីនោះបាននិយាយថា មិនមានកាវាយធ្វើបាបពីសំណាក់ម្ចាស់ផ្ទះនោះឡើយ ៕

(មានវិដេអូ)
https://www.facebook.com/plugins/video.php?href=https%3A%2F%2Fwww.facebook.com%2F1714638362120148%2Fvideos%2F2053344088249572%2F&show_text=0&width=560

ដោយ៖ សុវណ្ណ ដេត
ប្រភព៖ FB

(កីឡា) អំឡុងសន្និសីទសារព័ត៌មាន នៅការិយាល័យកណ្តាលសហព័ន្ធបាល់ទាត់ប្រេស៊ីល នៅក្នុងទីក្រុង Rio de Janeiro កីឡាករវ័យ២៥ឆ្នាំម្នាក់នេះ បាននិយាយថា សមត្ថភាពរាងកាយរបស់លោកមិនថ្វីទេ ប្រអប់ជើងរបស់លោកក៏មិនចោទជាបញ្ហាដែរ លោកនឹងបត់បែននឹងរឿងរ៉ាវថ្មីៗ ហើយលោកហាក់ដូចជាមានអារម្មណ៍មិនសូវស្រួលខ្លះៗ ប៉ុន្តែវាមិនមែនជាអ្វីមួយដែលនឹងធ្វើឲ្យលោកមានបញ្ហាច្រើននោះទេ ។

កាលពីថ្ងៃអាទិត្យម្សិលមិញនេះ តារាស៊ូពើស្តារបស់ក្លិបយក្សបារាំងPSG កីឡាករ Neymar បាននិយាយទទួលស្គាល់ថា លោកមិនទាន់មានសមត្ថភាពលេង១០០ភាគរយនោះទេ ក្រោយហ្វឹកហាត់រយៈពេល១សប្តាហ៍ ជាមួយក្រុមជម្រើសជាតិប្រេស៊ីល អំឡុងការត្រៀមខ្លួនសម្រាប់ World Cupរបស់ពួកគេ ។

ខ្សែប្រយុទ្ធម្នាក់នេះ បាននិយាយថា លោកមានអារម្មណ៍មិនទាន់ស្រួលបួលនៅឡើយទេ នៅត្រង់ប្រអបជើងស្តាំរបស់គាត់ ប៉ុន្តែលោកមានជំនឿថា លោកនឹងល្អប្រសើរជាងនេះ សម្រាប់ការប្រកួតនៅប្រទេសរុស្ស៊ី ដែលនឹងចាប់ផ្តើមនៅថ្ងៃទី១៤ ខែមិថុនាខាងមុខនេះ ។

នៅពេលសួរថា តើគាត់មានអារម្មណ៍បែបណានាពេលបច្ចុប្បន្ននេះ កីឡាករ Neymar បានឆ្លើយថា លោកមានអាម្មណ៍មិនទាន់ស្រួល១០០ភាគរយនៅឡើយទេ ប៉ុន្តែវាគឺជារឿងធម្មតាទេ កាលដែលយើងមានក្តីកង្វល់ខ្លះៗ ចំពោះសមត្ថភាពលេងរបស់ខ្លួន៕

ភ្នំពេញ៖ ហេតុការនេះបានកើតឡើងកាលពីថ្ងៃទី ២៧ ខែឧសភា ឆ្នាំ២០១៨ម្សិលមិញ ស្ថិតនៅជាប់ផ្សារបុរីសន្តិភាព២ ភូមិតំណាក់ត្រយឹង សង្កាត់ចោមចៅ២ ខណ្ឌពោធិសែនជ័យ រាជធានីភ្នំពេញ។

បើតាមសម្តីអ្នករស់នៅក្បែរនោះបាននិយាយថា ក្មេងស្រីម្នាក់ជាកូនឈ្នួល បម្រើការងារនៅផ្ទះអ្នកលក់សម្លៀកបំពាក់មួយកន្លែង នៅជាប់ផ្សារបុរីសន្តិភាព២ ភូមិតំណាក់ត្រយឹង សង្កាត់ចោមចៅ២ ខណ្ឌពោធិសែនជ័យ ត្រូវបានស្រ្តីម្ចាស់ផ្ទះ ប្រើអំពើហឹង្សា ធ្វើទារុណកម្ម អស់រយៈពេល៤ឆ្នាំហើយ ដោយវាយ ដំ ពេលខ្លះឈានដល់បង្អត់បាយក៏មាន ដោយទង្វើរសាហាវពេក ទើបបែកធ្លាយរឿងពីអ្នកជិតខាងទាក់ទងរាយការណ៍ប្រាប់វិទ្យុABC នៅរសៀលថ្ងៃទី២៧ ខែឧសភា ឆ្នាំ២០១៨នេះ ទើបក្រុមការងារវិទ្យុABC សហការជាមួយសមត្ថកិច្ចចុះទៅអន្តរាគមន៍ រំដោះក្មេងស្រី ចេញពីផ្ទះកើតហេតុ ។

ក្មេងស្រីរងគ្រោះមានឈ្មោះ ជា ស្រីនូ ហៅស្រីពៅ មានអាយុ១៦ រស់នៅភូមិទំនុកថ្មី ឃុំទំនុកថ្មី ស្រុកអន្លង់វែង ខេត្តឧត្តមានជ័យ ។

ហើយស្រ្តីដែលបានធ្វើទារុណកម្មប្រើអំពើហឹង្សាទៅលើក្មេងស្រីនោះ មានឈ្មោះ ភា រស់នៅ ភូមិឃុំ កើតហេតុខាងលើផងដែរ ។

ស្ត្រីម្ចាស់ផ្ទះខាងលើត្រូវឃាត់យកមកសាកសួរតាមនីតិវីធីច្បាប់ ។ ចំណែកក្មេងស្រីម្នាក់ជាកូនឈ្នួលត្រូវបានក្រុមការងារវិទ្យុABC នាំយកមកស្នាក់នៅជាមួយវិទ្យុABC បណ្ដោះអាសន្ន​សិន៕

សូមទស្សនាវិដេអូ

https://www.facebook.com/plugins/video.php?href=https%3A%2F%2Fwww.facebook.com%2Fmeng.emmaboyz%2Fvideos%2F1842252986074661%2F&show_text=0&width=560
https://www.facebook.com/plugins/video.php?href=https%3A%2F%2Fwww.facebook.com%2Fmeng.emmaboyz%2Fvideos%2F1842252976074662%2F&show_text=0&width=560

ដោយ៖ សុវណ្ណ ដេត

ភ្នំពេញ៖ កាលពីថ្មីនេះៗ ក្នុងពិធីបើកមហាព្រឹត្តិការណ៍ប្រកួតកីឡាជាតិលើកទី ២ នៅទីលានពហុកីឡដ្ឋានជាតិចាប់ពីថ្ងៃទី ២៥ ខែ ឧសភា រហូតដល់ថ្ងៃទី ៤ ខែ មិថុនា ឆ្នាំ២០១៨ បានរៀបចំធ្វើឡើងយ៉ាងអស្ចារ្យ ដោយមានការចូលរួមយ៉ាងច្រើនកុះករពីមហាជនទូទៅ ជាពិសេសក្រោមអធិបតីភាព សម្តេចតេជោ និងសម្តេចកិត្តិព្រឹក្តិបណ្ឌិត និងយុវជនស័គ្រចិត្ត ដែលមកពីសាកលវិទ្យាល័យផ្សេងៗគ្នាក្នុងរាជធានីភ្នំពេញ។

នៅក្នុងនោះផងដែរ គេក៏ឃើញមានវត្តមានកំពូលតារាចម្រៀងជាច្រើនរូប ក្នុងគឺលោក ព្រាប សុវត្ថិ និងកូនប្រុសរូបសង្ហាទាំង ៣ រូប ក៏បានចូលរួមនៅក្នុងកម្មវិធីនេះ ពោរពេញទៅដោយក្តីសោមនរីករាយផងដែរ។

ហើយមិនតែប៉ុណ្ណោះ គ្រាន់តែចេញមកជួបជាមួយអ្នកគាំទ្រភ្លាម កូនប្រុសរបស់លោក ព្រាប សុវត្ថិ ទាំង៣នាក់ ក៏បានរត់ស្ទុះមកថតជាមួយនឹងអ្នកគាំទ្រខ្លួនជាច្រើននាក់ដែលឈររង់ចាំដោយសេចក្តីស្រលាញ់ពេញចិត្ត និងរាប់អានគ្នាចាត់ទុកដូចជាបងប្អូននឹងគ្នាផងដែរ។
https://www.facebook.com/plugins/video.php?href=https%3A%2F%2Fwww.facebook.com%2FSovathMonivannOfficial%2Fvideos%2F1880063135348615%2F&show_text=0&width=560

ធ្លាប់តែលឺពាក្យគេថា ឱ្យតែបានធ្វើជាតារាល្បីភ្លាម ក៏ចាប់ផ្តើមលេងឫកពារហើយ ក្រអើតក្រទមដាក់មនុស្សនៅជុំវិញខ្លួន ប៉ុន្តែកូនប្រុសលោក ព្រាប សុវត្ថិ ក៏ដូចជាលោក ព្រាប សុវត្ថិ ផ្ទាល់ បែរជាមិនចេះលេងឫកពា លើកតម្កើងខ្លួនចំពោះអ្នកដទៃនោះទេ គឺមានតែរត់ទៅរកអ្នកគាំទ្រឱ្យថតរូបទុកជាអនុស្សាវរីយ៍ជាមួយគ្នាទៅវិញ គួរឱ្យស្រលាញ់ណាស់។ ទាងនេះហើយ បញ្ជាក់ក្តីស្រឡាញ់ចំពោះ យុវជនកម្ពុជា និងប្រជាជាតិខ្លួនឯង ដោយមិនប្រកាន់វណ្ណះ ៕

ប្រភព ៖ KhmerLoad